Video

Arta-Vorpsi-491x400.jpg
nev ila15:30 | 14/11/2019

Edhe pse neni 129 i Kushtetutës, thotë qartë se mandati i një gjyqtari kushtetues, fillon ditën që betohet përpara presidentit të  Republikës, Arta Vorpsi, e renditur e para nga KED-ja, vendosi të betohet  përpara një notereje.

Në këtë mënyrë, ajo mendoi të tejkalojë Metën, e bashkë me të edhe Kushtetutën që duhet ta mbrojë. Veprimi erdhi menjëherë pasi Presidenti deklaroi se nuk e thërret për betim, sepse për atë vakancë ka dekretuar kandidaten tjetër, Marsida Xhaferllarin.

Vetë noterja ku u krye akti, përjashton të ketë zhvilluar një ceremoni betimi.

Vorpsi ka paraqitur një deklaratë të hartuar jashtë zyrës sime të noterit, erdhi me deklaratën si çdo qytetar tjetër, dhe unë kam vërtetuar vetëm nënshkrimin e saj. Thjesht hodhi firmën në praninë time. Unë nuk mund të marr atributet e Presidentit”, tha ajo.

Veprimi i noteres u mbështet dhe nga dhoma kombëtare e noterëve.

“Noteri thjesht ka bërë detyrën. Përpara noterit është paraqitur një qytetare e cila ka bërë një deklarim, ka shprehur vullnetin dhe noteri është i detyruar në bazë të ligjit për noterinë të bëj vërtetimin e nënshkrimit të qytetarit që është paraqitur pranë tij”.

Presidenti reagoi përmes zëdhënësit duke thënë se nuk pengonte askënd të betohej as tek noteria, as tek parukierja./abcnews.al

mamina.png
Autor E15:14 | 14/11/2019

Një makinë ka dalë nga rruga sot në aksin Konispol-Sarandë. I gjithë aksidenti është filmuar nga një makinë që ndodhej pas automjetit që u aksidentua.

Nuk dihet shkaku se përse makina ka dalë nga rruga, por për fat të mirë mësohet se nuk ka të plagosur rëndë.

Për më tepër ndiqni videon:

Aksident i frikshëm në rrugën Konispol – Sarandë

Publiée par Saranda Web sur Jeudi 14 novembre 2019

kryeprokurori.jpg
nev ila15:00 | 14/11/2019

Këshilli i Lartë i Prokurorisë ka renditur 3 kandidatët për kryeprokuror duke e bërë gati listën për t’ia kaluar kuvendit. Si kandidati më i mirë është vlerësuar Olsian Çela, e dyta Arta Marku dhe e treta Fatjona Memçaj. Gentian Ibrahimi i beri thirrje kuvendit të marre parasysh renditjen e KLP.

Këshilli i Lartë i Prokurorisë ka vlerësuar Olsian Çelën si kandidatin më të denjë për të qenë kryeprokurori i ri i vendit.  Qeveria e prokurorëve ka vlerësuar me 459 pikë Olsian Çela, në me 406 pikë Arta Marku duke e renditur të dytën  dhe me 362 pikë Fatjona Memçajn duke e renditur të tretën.

“Abc News” mëson se mbledhja është zhvilluar me tone dhe debate të ashpra mes anëtarëve të KLP, për shkak të renditjes së Arta Markut dhe Fatjona Memçajt se cila do të zinte vendin e dytë.

Pas mbledhjes, Kryetari i Këshillit të Lartë të prokurorisë Genti Ibrahimi  shprehu besimin se Kuvendi do të marrë parasysh renditjen e miratuar nga anëtarët e KLP

Secili nga prokurorët mund të ankimojë vendimin e KLP në gjykatën Administrative të Apelin, brenda 3 ditëve nga shpallja e vendimit. Por siç parashikohet nga ligji, faza finale për përzgjedhjen e Kryeprokurorit i takon Kuvendit, i cili duhet ta zgjedh më 84 vota, me shumicë të cilësuar.

Nëse parlamenti nuk e zgjedh Kryeprokurorin e ri atëherë lista me emrat e kandidatëve kthehet në Këshillin e Lartë të Prokurorisë, ku Kryeprokuror i vendit zgjidhet i pari në listë./abcnews.al

PRESIDENCA-ILIR-META.mpg_snapshot_06.19-1280x720.jpg
nev ila14:45 | 14/11/2019

Presidenti i Republikës Ilir Meta ka publikuar njoftimin mbi organizimin e ceremonisë së betimit të gjyqtarëve të rinj të Gjykatës Kushtetuese.

Kështu Presidenti ka thirrur në ceremoninë e betimit kandidatet Elsa Toska, Marsida Xhaferllari, dhe Fiona Papajorgji ditën e sotme në orën 19:00.

Presidenti Meta e ka përjashtuar Arta Vorpsin nga ceremonia e betimit të gjyqtarëve të rinj të Gjykatës Kushtetuese. Kjo e fundit u betua sot para noteres si anëtare e Gjykatës Kushtetuese.

Njoftimi i plotë: 

REPUBLIKA E SHQIPËRISË
INSTITUCIONI I PRESIDENTIT TË REPUBLIKËS

Nr. 4312/1 Prot.                                                                                                                                                                                              Tiranë, më 14.11.2019

NJOFTIM  

MBI ORGANIZIMIN E CEREMONISË SË BETIMIT TË GJYQTARËVE TË RINJ TË GJYKATËS KUSHTETUESE. 

Presidenti i Republikës, Sh.T.Z. Ilir Meta, në mbështetje të nenit 129 të Kushtetutës dhe nenit 8 të ligjit nr. 8577/2000 “Për organizimin dhe funksionimin e Gjykatës Kushtetuese”, të ndryshuar, ka vendosur të thërrasë sot për betim, përpara Presidentit të Republikës, anëtarët e rinj të zgjedhur të Gjykatës Kushtetuese.

  • Zonja Elsa Toska e zgjedhur anëtare e Gjykatës Kushtetuese me Vendimin nr. 133/2019 datë 11.11.2019 të Kuvendit të Shqipërisë, thirret për betim përpara Presidentit të Republikës, sot në datë 14.11.2019, ora 19:00.
  • Zonja Marsida Xhaferllari, e emëruar anëtare e Gjykatës Kushtetuese nga Presidenti i Republikës me Dekretin nr. 11350, datë 13.11.2019, thirret për betim përpara Presidentit të Republikës, sot në datë 14.11.2019, ora 19:30.
  • Zonja Fiona Papajorgji e zgjedhur anëtare e Gjykatës Kushtetuese me Vendimin nr. 134/2019, datë 11.11.2019 të Kuvendit të Shqipërisë, thirret për betim përpara Presidentit të Republikës, sot më datë 14.11.2019, ora 20:00.

Ceremonia e betimit zhvillohet në Institucionin e Presidentit të Republikës dhe për këtë ftohen të jenë të pranishëm dhe anëtarët e Gjykatës Kushtetuese dhe Sekretari i Përgjithshëm i Gjykatës Kushtetuese./abcnews.al

 

bano.jpg
nev ila14:37 | 14/11/2019

Sa herë vrenjtet qielli banorët e Laçit i zë ankthi. Ata i frikësohen një tjetër përmbytje të banesave të tyre. Për këtë arsye banorët e lagjes gjashtë të këtij qyteti kanë dalë në protestë.

Shumë familje ende nuk e kanë marrë veten pas përmbytjeve të fundit.Banorët përgjegjës për situatën e krijuar bëjnë Bordin e Kullimit  i cili sipas tyre nuk ka marrë masa për pastrimin e kanaleve kulluese.

Banorët i kërkojnë pushtetit vendor të ndërhyjë  për të shmangur dëmet që mund të vijnë nga ditët me reshje. /abcnews.al

miranda-xhemalce-11-1280x720.jpg
nev ila13:48 | 14/11/2019

Arta Vorpsi u betua para noteres  Miranda Xhemalçe duke marrë detyrën si anëtare e Gjykatës Kushtetuese. Në një prononcim për ABC Neës, noterja është shprehur se gjithçka e ka bërë sipas ligjit.

“Në praninë time duke më vënë në dijeni për çfarë bëhet fjalë. Në bazë të ligjit kam të drejtë të legalizoj nënshkrimet e shtetasve.

Kam legalizuar nënshkrimin e saj. M’u paraqit me kartë. Verifikova kartën dhe nga sistemi dhe kam bërë vërtetimin e nënshkrimit të saj, emër mbiemër.

Deklarata është 20 mijë lek të vjetra, 4mijë lek TVSh dhe 2 mijë lek taksa e pullave. Bëj mbi 10 deklarata në ditë të njerëzve të ndryshëm. Arta Vorpsi është klientja ime, që përpara 5 ose 6 vitesh ka ardhur ka noterizuar dokumente”, deklaroi noterja Miranda Xhemalçe.

Ajo gjithashtu tha se nuk është bërë asnjë ceremoni betimi në prani të saj. Nuk ka qenë një ceremoni betimi por thjesht ka legalizuar një deklaratë ashtu siç e dikton ligji.

Ndërsa për Arta Vorpsin, duke nënkuptuar qëllimin e saj nga formulimi i shkresës, këtë akt ajo e barazon me një betim të bërë sipas kërkesës së Kushtetutës, ndërkohë që për vetë noteren, ky është vetëm një deklarim i bërë në prani të saj, i cili nuk ka vlerën e një betimi, pasi ligji, sipas noteres, nuk i jep asnjë kompetencë të tillë./abcnews.al

 

njerez-ne-rruge-1280x705.jpg
nev ila13:03 | 14/11/2019

Shqipëria  po shkon drejt shuarjes. Popullsia po reduktohet me ritme të shpejta. Instituti i Statistikave deklaron se tremujorin e tretë të vitit shtesa natyrore e popullsisë ra me 17.1%.

Tkurrja e popullsisë në Shqipëri nuk po ndalet. Numri i lindjeve vijon të bjerë po ashtu dhe shtesa natyrore e popullsisë.

Nga korriku në shtator sipas të dhënave të fundit demografike të publikuara nga Instituti i Statistikave ajo ka pësuar rënie me 17.1% krahasuar me të njëjtën periudhë të vitit të shkuar. Tremujorin e tretë të vitit në vend janë regjistruar 7 mijë e 403 lindje, 9.9% krahasuar me vitin 2018 dhe  4 mijë e 716  vdekje, 5.1% më pak se vjet.

Dhjetë nga dymbëdhjetë qarqet e vendit pësuan rënie të numrit të lindjeve. Nga korriku në shtator me shumë bebe linden ne Qarkun e Tiranës dhe më pak në Qarkun e Gjirokastrës.

Sa i përket humbjes së jetëve, rënie ato pësuan në 11 nga 12 Qarqe. Rënie më të madhe në përqindje të vdekjeve shënon qarku i Durrësit me 18,8 % ndersa rritje e tyre u regjistrua ne Berat me 2.9%./abcnews.al

 

gent-ibrahimi-deklarata-1280x720.jpg
nev ila11:57 | 14/11/2019

Kryetari i Këshillit të Lartë të Prokurorisë, Gent Ibrahimi, deklaroi përpara medias, pas mbledhjes së KLP, se shpreson që Kuvendi të mbajë parasysh renditjen që ka bërë KLP.

“Besoj dhe shpresoj që nuk do të kemi ankime nga kandidatët për vlerësimin. Besoj që me këtë proces dhamë një shembull, me të cilin shpresoj i përgjigjemi edhe skepticizmit. Kuvendi ka kompetencën kushtetuese për përzgjedhjen e kandidatit. Besoj që Kuvendi do të marrë parasysh vendimin e KLP, dhe të zgjedhë kandidatin që është renditur i pari. Ligji parashikon që Kryeprokurorin e zgjedh parlamenti dhe jo KLP. Të tre janë kandidatë të vlefshëm për Kryeprokuror”, deklaroi Ibrahimi./abcnews.al

basha-3.jpg
in a11:20 | 14/11/2019

Kryedemokrati Lulzim Basha ka vijuar edhe sot turin “Rrugëtimi për Shqipërinë” në qytetin e Sarandës.

Lideri i PD në bashkëbisedim me operatorët turistikë theksoi se vendit i mungon qeverisja që punon për qytetarët.

“Rimëkëmbja e biznesit do të jetë në themel të vizionit tonë, duhet fuqizuar aksesi në turizm me infrastrukturë të plotë”, tha Basha./abcnews.al

policia-5.jpg
Autor E11:03 | 14/11/2019

Garat me makina dhe shpejtësia e lartë në rrugët e Tiranës janë kthyer në një problem të madh për policinë.

Gjatë mesnatës së djeshme, policia ka kapur një numër të madh drejtuesish makinash me shpejtësi tejë normave të lejuara, të cilët krahas vetes rrezikonin edhe jetën e përdoruesve të tjerë të rrugës.

Njëri prej shjoferëve u kap me 204 km/h, një shpejtësi kjo më shumë se dy herë më e lartë nga ajo e lejuar.

Pikërisht në këtë aks, katër ditë më parë u aksidentua për vdekje 17 vjeçari Kristjan Vasili, i cili sipas policisë ishte pasagjer në një makinë që po bënte gara tek rrethrrotullimi i Saukut.

TiranëRruga 🛣është e te gjithëve, rregulli vlen njësoj. Shpejtësia, alkooli, garat, të presin rrugëtimin e jetës🚑. Vijojnë kontrollet👮♂🚔 parandaluese për aksidentet rrugore, në rrugët të cilat janë evidentuar me rrisk, për shkak të shpejtësisë ✈dhe manovrave të rrezikshme që kryejnë drejtuesit e mjeteve.140 km/h – 180 KM/h në aksin Sauk – Teg, prej orës 20:00 deri në 22:00, 🛣✈✈kur fluksi i mjeteve në lëvizje është i madh. Guxim! Vetëbesim i tepruar! Apo papërgjeshmëri ndaj jetës? Cilado qoftë arsyeja, drejtimi i mjetit në këtë mënyrë është i pa pranueshëm dhe vrastar🚑.Nga verifikimet dhe monitorimet me matësin e shpejtësisë 📸, në dy orë, në rrugën Interurbane Tiranë-Elbasan dhe anasjelltas janë konstatuar dhe pezulluar 22 leje drejtimi për shpejtësi ✈mbi normat e lejuara, të cilat varionin nga 140 km/h – 180 km/h 🛫, rrezik potencial për të shkaktuar ngjarje rrugore dhe pasoja fatale për jetën e drejtuesit, pasagjerëve, por edhe përdoruesve të tjerë të rrugës.Respektoni rregullat e qarkullimit rrugor, mos u bej statistike rrugore🚑. familja ka nevoje për TY , jo për fotot dhe videot e tua🙏

Publiée par Policia e Shtetit sur Mercredi 13 novembre 2019

Postimi i policisë

Tiranë

Rruga 🛣është e te gjithëve, rregulli vlen njësoj. Shpejtësia, alkooli, garat, të presin rrugëtimin e jetës🚑.

Vijojnë kontrollet👮♂🚔 parandaluese për aksidentet rrugore, në rrugët të cilat janë evidentuar me rrisk, për shkak të shpejtësisë ✈dhe manovrave të rrezikshme që kryejnë drejtuesit e mjeteve.

140 km/h – 180 KM/h në aksin Sauk – Teg, prej orës 20:00 deri në 22:00, 🛣✈✈kur fluksi i mjeteve në lëvizje është i madh.

Guxim! Vetëbesim i tepruar! Apo papërgjeshmëri ndaj jetës? Cilado qoftë arsyeja, drejtimi i mjetit në këtë mënyrë është i pa pranueshëm dhe vrastar🚑.

Nga verifikimet dhe monitorimet me matësin e shpejtësisë 📸, në dy orë, në rrugën Interurbane Tiranë-Elbasan dhe anasjelltas janë konstatuar dhe pezulluar 22 leje drejtimi për shpejtësi ✈mbi normat e lejuara, të cilat varionin nga 140 km/h – 180 km/h 🛫, rrezik potencial për të shkaktuar ngjarje rrugore dhe pasoja fatale për jetën e drejtuesit, pasagjerëve, por edhe përdoruesve të tjerë të rrugës.

Respektoni rregullat e qarkullimit rrugor, mos u bej statistike rrugore🚑. familja ka nevoje për TY , jo për fotot dhe videot e tua🙏


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono