Video

AKSIDENTET-ME-VDEKJE-FLASIN-EKSPERTET.mpg_snapshot_00.20-1280x720.jpg
ent ela16:15 | 21/07/2019

Aksidentet rrugore me vdekje në Shqipëri vijojnë të mbeten disa herë më të larta krahasuar me vendet e Bashkimit Europian. Ekspertët e sigurisë Rrugore theksojnë se, në vendet ku ka përsëritje të aksidenteve fatale, policia duhet të dislokojë shërbime 24 orë në ditë.

Edhe pse zyrtarisht në listat e policisë Rrugore numri i aksidenteve me vdekje ka ardhur në ulje nga viti në vit përsëri, nuk mund të thuhet e njëjta gjë për eleminimin e njollave të zeza në rrugë.

I tillë është edhe rreth rrotullimi i Saukut.

Tabelat horizontele, vertikale, orientuese dhe sinjalizuese janë, por eksperti i sigurisë rrugore Islam Qibini, thekson se, për të ulur vdekshmërinë nga aksidentet duhet edhe një patrullë policie e stacionuar 24 orë, siç ka qenë dikur, para hapjes së autostradës, Tiranës-Elbasan.

Situata paraqitet më probleme edhe në menaxhimin e trafikut në zonat bregdetare, sidomos në rivierën e Jugut.

Sipas Qibinit, rezultatet nuk jepen në fushata peridoke gjobash, ndaj duhet ashpërsuar dënimi i drejutesve të automjeteve që shkelin Kodin Rrugor.

Gjatë 6 muajve parë të 2019, aksidentet rrugore janë ulur me 11 %, krahasuar me të njëjtën periudhë të një viti më parë.

Gazetar, ABC News: Andi Qosja

ria-1280x718.jpg
Sej rie15:45 | 21/07/2019

Ria është një vajzë nga Ndroqi i Tiranës. Ajo si pak moshatare të saj ka vendosur të jetë e mbuluar. Për ABC Neës tregon pasionin që ka për fotografinë dhe muzikën, por këto nuk e ndalojnë të jetë një besimtare dhe praktikante e devotshme e fesë myslimane.  E veshur me hijab që prej 6 vitesh, 19-vjeçarja tha se ndihet mirë me vendimet ka marrë.

Ndiq pasionin tënd dhe jo pensionin tënd, ka shkruar shkrimtari amerikan Denis Waitley. Këtë këshillë, Ria ja përsërit vetes çdo ditë, ndërsa tregon për ABC News që prioritetet e saj në jetë përpos shkollës, janë fotografia dhe muzika.

Pothuajse çdo ditë, ajo vjen në Tiranë dhe fshatrat rreth kryeqytetit  për të shkrepur aparatin e saj që nuk e ndan nga vetja. 19- vjeçarja, gjithmonë në krahë ka mikun e saj më të mirë, i cili është një fotograf që e mëson në mënyrë profesionale për pasionin e saj.

Prej tij ka edhe këto foto të bukura. Veç fotografisë, pëlqen shumë edhe muzikën veçanërisht atë turke. Ria dëshirë ka edhe të këndojë. Këtë e bën shpesh. Në profilin e saj në Instagram, gjen jo pak video duke kënduar.

E rëndësishme në jetën e Rias është edhe besimi fetar. Që në moshën 13- vjeçare ajo ka veshur hijab. Këtë vendim tregon se e mori vetë. Prindërit nuk e nxitën, por as e penguan. Futja në Medrese pati ndikim në këtë zgjedhje. Sot, 6 vite më pas, tregon mendimin e saj për fenë Islame.

“Feja është diçka që gjithsecili e zgjedh. Unë kam zgjedhur fenë islame dhe është mënyrë jetese ndoshta për mua dhe është diçka shumë e bukur. Ndihem shuë mirë që jam myslimane”.

Po njerëzit përreth Rias, si reagojnë për zgjedhjet që ka bërë?

“Njerëzit nuk është se habiten se shoqëria që unë kam zgjedhur janë njerëz që më vlerësojnë për këto që jam dhe u pëlqen mënyra si veproj. Të gjithë janë të kënaqur nga veprimet e mira ose gëzohen kur shikojnë që jam shumë ndryshe nga disa të tjerë”.

Pavarësisht gjykimit të të tjerëve, 19-vjeçarja ndihet e plotësuar me zgjedhjen për të qenë e mbuluar. prindërit tashme i ka në krah.  Tani për tani e rëndësishme për Rian është të mbarojë studimet universitare për gjuhë dhe letërsi angleze./ABC News Albania 24/7

 

49647251_303.jpg
ent ela15:30 | 21/07/2019

Në shtator pritet të ngrihet Prokurorisë Speciale e njohur ndryshe si SPAK. Kështu u shpreh kreu i Këshillit të Lartë të Prokurorisë, Genti Ibrahimi, i cili theksoi se vendimi do të merret sapo kandidatët të kalojnë vettingun.

Nga shtatori apo fillimi i tetorit. Për secilin nga 15 kandidatët e SPAK, KLP do të marrë një vendim për ta emëruar sapo të kalojë vettingun. Kur kjo të ndodhë për 7 apo 8 syresh do të shpallim krijimin e SPAK dhe fillimin e funksionimit të tij.

Sipas Ibrahimit “Struktura e Posaçme kundër Korrupsionit dhe Krimit të Organizuar” do të luftojë korrupsionit dhe lidhjeve me krimin në nivel të lartë.

“SPAK  do të trashëgojë nga Prokuroria e Krimeve të Rënda rreth 90 % të portofolit të kësaj prokurorie, p.sh. do të vijojë hetimin e pastrimit të parave nga ish-Prokurori i përgjithshëm Adriatik Llalla. Besimi i publikut tek SPAK do të sjellë kallzime të reja penale. Vetë prokurorët e SPAK, shpresoj të gjejnë guximin të aktivizojnë ҫështje të fjetura. Portofoli i SPAK do të jetë më i pasur nga ai i Prokurorisë së Krimeve të Rënda, e cila do të shkrihet kur SPAK të fillojë punën dhe prokurorët e saj do të emërohen nga KLP në zyrat e prokurorive të rretheve”.

Në luftën kundër korrupsionit në ndihmë të SPAK do të jetë edhe Byroja Kombëtare e Hetimit, por për ngritjen e saj ende nuk ka një datë.

“Kryeprokurori i SPAK do të rekrutojë drejtuesin e BKH  dhe të dy bashkë do rekrutojnë oficerët e policisë gjyqësore, pra hetuesit e BKH. Pas përzgjedhjes ata do të trainohen nga ekspertë amerikanë të FBI,  gjë që do të marrë disa muaj. Por SPAK do të fillojë punën duke përdorur oficerët e policisë gjyqësore të Prokurorisë së Krimeve të Rënda, derisa të ngrihet BKH”.

Kreun  KLP-së, u shpreh gjatë intervistës dhenë për Deutche Welle se Shqipërisë nuk i kanë munguar institucione hetimore por, problemi ka qenë te zbatimi i ligjit dhe pushimi i dosjeve të korrupsionit te zyrtarët e lartë.  /ABC News Albania 24/7

VLORE-TRAFIKU-POLICIA.mpg_snapshot_01.47-1280x720.jpg
ent ela15:25 | 21/07/2019

Vlora këtë fundjavë është përballur me trafik të rënduar dhe fluks pushuesish në bregdet. Segmenti Vlorë-Orikum mbetet më i ngarkuari me një numër të lartë automjetesh dhe ku policia po punon me forca të shtuara.  

E diela është kthyer në një problem për qarkullimin e mjeteve në jugun e vendit. Segmenti që paraqitet me fluks automjetesh ështeë nga Uji i Ftohtë në Radhimë dhe Orikum.

Në terren është angazhuar policia rrugore. Shefi i Qarkullimit për qarkun Vlorë Naun Doko është shprehur se në zonat problematike ku krijohet vazhdimisht trafik po monitorohet nga forca të shtuara.

Naun Doko, Shef i Qarkullimit në Vlorë: “Policia Rrugore në bashkëpunim edhe me Policinë e Rendit është prezente në rrugë, ditë e natë. E kontrollojmë të gjithë lëvizjen në rrugë në segmentet me ngarkesë dhe që ka risk për aksidente”.

Ai ka kërkuar edhe bashkëpunimin e qytetarëve që të respektojnë rregullat e qarkullimit rrugor për të shmangur vonesat në lëvizje.

Naun Doko, Shef i Qarkullimit në Vlorë:  “Policimi në komunitet presupozohet që çdo qytetar të jetë polic se siguron veten e vet dhe të të tjerëve”.

Ngarkesa në trafik shkaktohet nga numri i madh i vizitorëve vendas dhe të huaj që po pushojnë në bregdetin jonian.

Pushues: “Shumë bukur. Është viti i tretë, më bukur s’bëhet”.

“Jemi të kënaqur”.

E njëjta situatë paraqitet edhe në kthim ku më i rënduar është segmenti Vlorë – Orikum.

Gazetar i ABC News: Elton Nika

SHENGJINI-TRAFIKU-DHE-PLAZHI.mpg_snapshot_00.05-1280x720.jpg
ent ela15:05 | 21/07/2019

Të gjithë pushuesit që i janë drejtuar Shëngjinit për fundjavë kanë pritur me orë në trafik. Hyrja dhe dalja nga zona bregdetare është kthyer në një shqetësim për drejtuesit e mjeteve, ndërsa Shëngjini sot ka pritur numrin më të lartë të pushuesve për këtë sezon veror.

Kjo është hyrja e mjeteve këtë fundjave në bregdetin e Shëngjinit. Trafiku i rënduar që vijonte edhe brenda qytetit. Shkak është bërë dyndja e pushuesve drejt Ranës së Hedhun. Shëngjini ka arritur kapacitetin e plotë të vizitorëve në këtë periudhë.

Në pamjet që shihni tregohet pushtimi i plazhit nga pushuesit. Në Shëngjin nuk mungojnë edhe turistët e huaj. Më shume i josh ideja për të parë një vend të ri dhe çmimet .

Pushues nga Polonia: “E gjeta në booking hotelin dhe në këtë mënyra udhëtova drejt Shqiperisë. Kjo është hera e parë për mua. Dua të them se njerëzit janë shumë të mirë e miqësorë, deti shumë i pastër, por pastërtia në pjesën tjetër ka nevojë të shihet dhe këtu e kam fjalën për plazhet publike dhe në rrugë. Për 10 ditë kam paguar 470 euro dhe sigurisht ky është një çmim më i lirë se unë të bëj pushime në Poloni andej nga vij”.

Ashtu si udhëtimi drejt Shëngjinit edhe largimi prej aty kthehet në shqetësim për drejtuesit e mjeteve. Policia rrugore e ka të pamundur të shmangë trafikun për shkak të fluksit të lartë të mjeteve dhe infrastrukturës rrugore jo të përshtatshme për një zonë të tillë turistike. /ABC News Albania 24/7

 

MBULIM-TRAFIKU-GJIRI-I-LALZIT.mpg_snapshot_00.06-1280x720.jpg
ent ela15:00 | 21/07/2019

Njësia e qarkullimit rrugor pranë drejtorisë së policisë së qarkut Durrës ka përforcuar me shërbime shtesë akset më problematike ku shfaqet trafiku më i rënduar.

Shefi i kësaj njësie Valentin Floriri shprehet se ndonëse në nivel qarku numri i aksidenteve ka rënë me rreth 40 perqind, përsëri efektivat e policisë rrugore po punojnë me orare të zgjatura në rrugët që te çojnë drejt destinacioneve turistike. Një nga këto akse që ka më shumë trafik të rënduar dhe probleme është segmenti Maminas-Gjiri i Lalzit. Për të shmangur problemet që krijohen rëndom gjatë sezonit, ai ka paralajmëruar drejtuesit e mjeteve për të zbatuar rregullat e qarkullimit rrugor.

Trafiku shfaqet sidomos gjatë fundjavës edhe në kryqëzimin e rrugëve në Plepa si dhe në rrugën Ura e Dajlanit-Plepa. /ABC News Albania 24/7

PENDAROVSKI-PER-NEGOCIATAT.mpg_snapshot_00.15-1280x720.jpg
ent ela14:41 | 21/07/2019

Në një intervistë për Radion “Evropa e Lirë”,  presidenti i Maqedonisë së Veriut, Stevo Pendarovski ka deklaruar se është optimist për çeljen e negociatave me BE. Megjithatë, ai shprehet se deri tani nuk ka arritur të takohet me liderin e opozitës, Hristijan Mickoski i cili është vetëshpallur si organizator i takimeve të liderëve.

Presidenti Stevo Pendarovski njoftoi se gjatë vizitave të realizuara në vendet evropiane pasi është emëruar president i vendit, nuk ka hasur në ndonjë shtet evropian që është kundër fillimit të bisedimeve të Maqedonisë së Veriut në fund të vitit.

Nga vendet më të rëndësishme, kam marrë garanci se vonesa në Gjermani është për arsye thjesht teknike dhe se në prapavijë nuk ka arsye politike. Gjithashtu, informacioni që kam deri më tani është se aktualisht nuk ka shtet europian, asnjë shtet anëtar të BE-së, asnjë qeveri evropiane që thotë se Republika e Maqedonisë së Veriut nuk duhet të fillojë bisedimet deri në fund të vitit.

Sa i takon dukurisë devijuese shumë aktuale për ndërtimet e egra në Ohër, Pendarovski njoftoi se është duke grumbulluar informacione për të krijuar një pasqyrë të plotë. Siç tha ai, për perlën ballkanike e pyesin edhe në takimet ndërkombëtare dhe ajo mund të jetë bllokadë në integrimin euroatlantik.

“Ohri si problem që paraqitet gjatë kohës së fundit, mund të jetë gur i madh në bllokimin e integrimet euroatlantike tona, gjithashtu se atje ekziston një fushë e rëndësishme që quhet mbrojtje e ambientit njerëzor, dhe ajo bëhet edhe më e rëndësishme dhe kapitull i rëndësishëm në negociatat me çdo shtet kandidat e cila dëshiron të jetë anëtare. Unë jam parë me përgjegjësit në Qeveri dhe njerëzit që ishin në Kuvendin e UNESKO-s. mendoj se shumë shpejtë do ta kem pasqyrën e plotë për atë, sepse edhe në takimet e mija ndërkombëtare jashtë, bashkëfolësit e mi më pyesin çfarë po ndodh me perlën ballkanike, sepse Ohri është i pranuar dhe i njohur shumë më larg se kufijtë tanë”, tha Pendarovski.

Pendarovski ka njoftuar se është takuar dhe ka biseduar me të gjithë liderët e partive më të mëdha politike në vend, por jo me linderin e VMRO-DPMNE-së Hristijan Mickoskin.

“Jam parë edhe me opozitën shqiptare dhe me partitë shqiptare në pushtet. Jam parë edhe me partitë politike në pushtet, jam parë edhe me partitë e entitete pakicë, respektivisht komunitetet etnike të tjera të cilat nuk janë shumicë, edhe atë edhe me partitë që nuk kanë votuar për mua në zgjedhje presidenciale, megjithatë deri tash nuk kam arritur të realizoj takim me zotëri Mickoski, me arsyetimin se tash nuk është momenti”, tha Pendarovski.

Pendarovski duke folur edhe për shumë çështje aktuale foli edhe për faljen që u paraqit si një nga çështjet kryesore në fjalimin e tij inaugurues, ai njoftoi se po përpiqet për pajtim, ndërsa për vërejtjet e VMRO-DPMNE-së se pajtimin e shohin si një amnisti për kryeministrin Zaev dhe bashkëpunëtorët e tij, Pendarovski tha se nuk ka ndërmend të amnistojë Zaevin ose miqtë e tij të ngushtë nëse ata kanë kryer krim. / ABC News Albania 24/7

 

 

DENAJ-KONTROLL-BIZNESEVE-NE-VLORE.mpg_snapshot_00.51-1280x720.jpg
ent ela14:30 | 21/07/2019

Subjektet në zonën e Lungomares në Vlorë janë kontrolluar nga strukturat e Hetimit Tatimor. Gjatë këtij inspektimi ishte e pranishme edhe Ministrja e Financave dhe Ekonomisë, Anila Denaj e cila i ka bërë thirrje bizneseve që të respektojnë ligjin dhe të mos cënojnë konsumatorin.

Dy  subjekte janë bllokuar pasi ka rezultuar se nuk kanë qenë të regjistruara në Qendrën Kombëtare të Biznesit. Një tjetër biznes për moslëshim kuponi (hera e parë u gjobit në masën 50,000 lekë.

Janë këto rezultatet e 19 kontrolleve që ka zhvilluar në terren Hetimi Tatimor. Por kjo nuk është e mjaftueshme sipas ministres së financave dhe ekonomisë.

“Unë mendoj se kemi akoma shumë punë për të bërë, për të inspektuar të gjithë zonën deri në fund. Shpresojmë që të kemi zero gjetje, zero kupona në shkelje të ligjit dhe mbi të gjitha të kemi regjistrime të plota”.

Gjatë kontrolleve të ushtruara në zonën e Lungonares në Vlorë, ministrja Anila Denaj kërkoi që me këtë plan operacional të arrihet edhe ndërgjegjësimi i bizneseve jo vetëm ndëshkimi i tyre.

“Kemi inspektuar gjithë zonën e bregdetit deri në Orikum dhe do të vazhdojmë me verifikimet. Shpresoj që të kemi rritur ndërgjegjësimin e bizneseve dhe për këtë flasin edhe shifrat. Sikundër e kemi nënvizuar gjithmonë qëllimi ynë nuk është vetëm kryerja e verifikimeve në terren, por edhe ndërgjegjësimi. Përgjegjësia e biznesit është përgjegjësia e kërkuar për të respektuar ligjin dhe për të qenë në mbrojtje të konsumatorit”.

Zbatimi i Planit Operacional do të vijojë të shtrihet në të gjithë territorin për të bërë të mundur evidentimin e subjeteve që nuk respektojnë ligjin, rritjen e të ardhurave, si dhe respektimin e konkurrencës së ndershme.

/ABC News Albania 24/7

DURRESI-PLAZHI-FLUKSI.mpg_snapshot_00.01-1280x720.jpg
ent ela14:10 | 21/07/2019

Pushime disa ditore zgjedhin të kalojne në plazhin e Durrësit turistë të ardhur kryesisht nga Kosova, Maqedonia por edhe nga shtete të ndryshme europiane. Ditet e fundit të korrikut kanë shënuar edhe fluksin më të lartë për këtë sezon veror.

Të vendosur prej ditësh në plazhin e madh të qytetit Durrësit, turistët nga trevat shqipfolëse flasin për pushime të qeta dhe të lira.

Ata thonë se çdo vit pushimet i planifikojnë t’i kalojne këtu, ndërsa çmimet përfshirë akomodimin në hotel mbeten të përballueshme për buxhetin e tyre.

Të huajit të cilët e kanë vizituar për herë të parë vendin tonë, thonë se do të riktheheshin sërish në Durrës për të pushuar.

“Kam ardhur nga Gjermania per te kaluar disa dite pushimi me famijarët. Durrësi është një vend i bukur dhe me kënaqësi do të rikthehesha sërish këtu”.

“Me pelqen ky vend. Vij nga Franca dhe do te vij sërish këtu me shumë dëshirë”.

10-ditëshi i fundit i muajit korrik ka shënuar dhe fluksin më të madh të pushuesve për këtë sezon veror.

Ndërsa përgjatë gushtit numri i tyre që zgjedhin Durrësin për të kaluar pushimet verore pritet të shtohet ndjeshëm. /ABC News Albania 24/7

 

 

KLOSI-BOVAT-NE-KARABURUN.mpg_snapshot_00.01-1280x720.jpg
ent ela13:50 | 21/07/2019

Ka nisur vendosja e bovave ankoruese në parkun detar Karaburun-Sazan për t’u ardhur në ndihmë anijeve e jahteve që vizitojnë këtë zonë të bregdetit shqiptar. Në këtë proces ishte i pranishëm edhe Ministri i Turizmit dhe Mjedisit Blendi Klosi i cili nënvizoi se zhvillimi i industrisë së detit është strategjia më e re e ministrisë që ai drejton.

Këto janë bova ankoruese që vendosen për herë të parë  përgjatë pikave më te frekuentuara te parkut detar Karaburun-Sazan. Do të shërbejnë për ankorimin e mjeteve detare që ofrojnë ture në zonë, por edhe të mjeteve të tjera private dhe jahteve me turistë që mbërrijnë në vendin tonë.

 “Po vendosen 5 bova për këtë sezon turistik veror, pika ku mund të ankorohen mjetet që vijnë për të vizutuar parkun kombëtar të karaburunit, por që do të jetë edhe një shembull i parë sesi mund të krijohen lehtësira të tilla gjatë gjithë zonës bregdetare, pasi e kemi shumë të neviojshme që në strategjinë tonë për të zhvilluar industrinë e detit, të krijohet edhe insfrastruktura e nevojshme për sistemimin dhe rehabilitimin e pikave, ku mund të parkohen mjetet lundruese dhe të shfrytëzohet deti”.

Kjo nismë vjen në një fazë të parë, eksperimentale. Vitin e ardhshëm do të vendosen bova gjatë gjithë bregdetit. Së bashku me agjencinë e zonave të mbrojtura, ministri Blendi Klosi në shoqërinë e të rinjve të projektit smile Albania vizituan të gjithë Gadishullin e Karaburunit, i shndërruar në një destinacion të frekuentuar turistik jo vetëm për vizitorët vendas por edhe për të huajt. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono