Video

shkelqim-sulo.jpg
nev ila10:51 | 28/01/2020

Përfaqësuesi i reformës zgjedhore nga PDIU, Shkëlqim Sulo,  ishte i ftuar mëngjesin e sotëm në emisionin ABC-ja e mëngjesit me gazetarin Enkel Demi.

Sulo foli për propozimet e partisë PDIU dhe opozitës së bashkuar për procesin e reformës zgjedhore.

Pjese nga biseda ne studio: 

Enkel Demi: Çfarë po ndodh?

Shkëlqim Sulo: Është arritur një marrëveshje p[politike në 2019 dhe është rënë dakord për të bërë një sërë ndryshimesh

Si përfaqësues i partisë Drejtësi dhe Integrim duke i referuar dhe faktit të pozicionit që ka mbajtur dhe kryetari i partisë Shpëtim Idrizi, njëkohësisht te tryezë politike e cila përfaqësohet nga Mesila Doda kemi qenë koherent për të kontribuar në një reformë për një reformë sa më efektive e cila të mbështetet në rekomandimet e OSBE/ODIHR dhe kushtet e Bundestagut gjerman.

Enkel Demi: Ditën e djeshme në këshillin politik, keni rënë dakord edhe për axhendën, apo jo?

Shkëlqim Sulo:Po, është përcaktuar axhenda, afatet dhe temat për diskutim për realizimin e reformës zgjedhore. Ne si opozitë e bashkuar kemi propozuar 13 pika për reformën zgjedhore të cilat i kemi bërë publike ditën e djeshme.

Enkel Demi: Ndarja e shtetit nga partitë si bëhet?

Shkëlqim Sulo: Kjo është pjesa kryesore e propozimeve të opozitës. Heqja dorë e qeverisë nga kontrolli i procesit zgjedhor, që do të thotë ndikimi i saj përmes medias, ndikimi i saj përmes administratës, ndikimi përmes grupeve kriminale, siç ka rezultuar edhe kohët e kaluara, po vërtetohet më së miri që një pjesë e mirë e kandidatëve kanë një të kaluar kriminale, cak tregon se sistemi zgjedhor është i kapur nga krimi./abcnews.al

mjeku-italian.jpg
nev ila10:11 | 28/01/2020

Një grua e moshuar në gjendje të rënduar shëndetësore me simptomat e ethe, e dehidratuar, dhe me humbje totale kujtese, amnezi, ishte paraqitur me urgjencë në spitalin e Lecces në itali shkruan abcnews.al.

Vajza e të moshuarës sapo kishte mbërritur në urgjencë, i ishte drejtuar mjekut Antonio Marzo shumë e shqetësuar:

“Doktor të lutem bëni diçka, ajo nuk kujton as se çfarë emri kam”.

Ndërsa vlerëson situatën për të gjetur mënyrën e mjekimit, mjeku fillon të këndojë refrenin e një kënge të “New Trolls” me zë të lartë.

Zonja e  moshuar e dëgjon, dhe fillon të këndojë bashkë me mjekun të njëjtën pjesë, duke çuditur të gjithë mjekët e pranishëm. Ajo nuk kujtonte emrin e vajzës së saj por jo refrenin e këngës së New trolls.

È notte , abbiamo già fatto 4 ricoveri , manca l'ultimo. È di una signora con febbre , disidrata, in anamnesi decadimento cognitivo con amnesia . " Non ricorda neppure come mi chiamo " sussurra la figlia con sguardo dispiaciuto all'arrivo in ospedale. La teniamo in osservazione prima che salga su in reparto . Per fortuna c'è il posto disponibile. Osserva l'ambiente silenzioso , illuminato , senza proferire parola o lamento . Tende ad addormentarsi ma crudelmente la risvegliamo per controllarne la vigilanza. Sorride. Non sa a chi, ma sorride. Percorro il lungo corridoio del reparto e involontariamente comincio ad intonare a voce alta il ritornello di una canzone degli anni '80 , di cui non conoscevo neppure il titolo. Una , due volte sempre lo stesso. " La signora ha intonato la canzone che cantavi tu poco fa " mi riferisce Stefania , attenta osservatrice . " Non ci credo " rispondo incredulo. Per verificare , mi reco nell'ambulatorio e con la scusa di lavarmi le mani , ricanto con voce sommessa il ritornello. L'incredulità si trasforma in realtà , gioia , speranza , passione, convinzione che la medicina non è solamente diagnosi e terapia , ma è tanto altro , che va oltre la fredda comunicazione di diagnosi , di terapia , di ricovero , di guarigione , di morte.Mi avvicino , mi riguarda con sospetto . La invito a cantare . Accetta . Lo facciamo insieme , è contenta. La salutiamo mentre lascia il nostro reparto e con un piccolo gesto di saluto ci risponde, riempiendoci di tanta gratificazione. Sono bastati pochi istanti , un atto terapeutico diverso , usato offlabel, per rendere migliore la permanenza in ospedale. Le abbiamo dato l'opportunità di ritrovare e magari ringiovanire per un istante la sua memoria , ormai logorata dall'età , e di riportarla a quei tempi che ,forse , hanno segnato un bel ricordo nella sua vita. " Non so piu' se mi manca di piùquella carezza della sera o quella voglia di avventuravoglia di andare via di la'." Cantava.Sono andato alla ricerca del titolo .Sarà stato un caso ma il titolo della canzone era " LA CAREZZA DELLA SERA". Che sia di auspicio per aumentare la sensibilità alla umanizzazione delle cure .

Gepostet von Antonio Marzo am Samstag, 18. Januar 2020

“Mosbesimi shndërrohet në realitet, gëzim, shpresë, pasion. Më besoni, kura më e mirë nuk është një ilaç i përcaktuar sipas diagnozës, por është shumë më tepër“, ka shkruar mjeku në Facebook.

Ajo që ndodhi me pacienten, risjellja në kujtesë e një kënge, mbase ka mundur ta rikthejë atë, në ato kohë, që mbase kanë shënuar një kujtim të bukur në jetën e saj.

“U deshën vetëm disa momente, një aplikim tjetër terapeutik, për ta bërë qëndrimin e zonjës në spital më të mirë. Ne i dhamë mundësinë të gjejë dhe mbase të rinovojë kujtesën e saj, tani të lodhur nga mosha”, shkruan mjeku Marzo./abcnews.al

1-265-780x439-1.jpg
Autor E10:08 | 28/01/2020

Një person i paidentifikuar ende nga autoritetet turke dyshohet se ka shpuar gomat e 160 makinave në zonën e Diyarbakërit gjatë natës që ra tërmeti shkatërrues në këtë vend.

Kamerat e sigurisë kanë kapur momentet kur një burrë shëtit në rrugë dhe godet gomat e makinave me thikë duke i shpuar ato.

Autoritetet nuk kanë identifikuar ende autorin dhe nuk dinë shkaqet që e shtynë atë drejt këtij veprimi, raporton abcnews.al.

Ky veprim ka nervozuar tej mase pronarët e veturave që e cilësuan si skandaloz, në veçanti në natën kur i tërë vendi ishte në shok pas tërmetit vdekjeprurës, dhe për këtë kanë kërkuar nga autoritetet ta kapin sa më shpejtë të jetë e mundur. /abcnews.al

fdkljhfkj.jpg
Autor E10:01 | 28/01/2020

Televizioni italian Rai 3 ka publikuar filmimet nga ajri të Guardia di Finanza në lidhje me mbjelljen e kanabisit në Shqipëri duke raportuar se kemi të bëjmë me një rritje të madhe me 12 herë krahasuar me vitet e mëparshme.

“Hapësira e mbjellë u rrit me 1 200 për qind”, raporton Rai 3.

Rai 3 thekson se trafikantët shqiptarë kanë sjellë nga Vietnami një fare të re kanabisi, e cila bën që bima të rritet dhe të bëhet gati për treg shumë shpejt duke siguruar fitime të mëdha.

Kronika është transmetuar gjatë edicionit të mbrëmshëm të lajmeve në orën 19:00 duke dhënë alarmin për rikthimin e hapësirave të mëdha me kanabis në vend. /abcnews.al

coronavirusi-kina.jpg
nev ila09:31 | 28/01/2020

Virusi vdekjeprurës në Kinë po merr jetë njerëzish çdo ditë. Mjekët kinezë po përpiqen që të shpëtojnë jetë por nga koronavirusi nuk mund të shpëtojë askush.

Mediat Kineze kanë publikuar së fundmi një video, ku shfaqet një mjeke në Kinë, e cila qan pasi ka punuar pa pushim në ndihmë të personave të prekur nga koronavirusi vdekjeprurës, dhe nuk ka mundur t’i shpëtojë ata.

“Nuk mundem”, shprehet mjekja teksa qan me ngashërim. Duhet të themi se ajo ka disa ditë që nuk ka mundur të flejë gjumë pasi ka qenë në krye të detyrës.

Virusi i ri vdekjeprurës në Kinë u ka marrë jetën 106 personave brenda katër ditëve, ndërsa mbi 2 mijë të tjerë janë të prekur dhe po marrin trajtimin e duhur.

Sipas ekspertëve është mësuar se ky virus mund të jetë përhapur nga një supë e gatuar me lakuriq nate, ndërsa dyshohet nga ana tjetër se infeksioni mund ta kenë përhapur edhe gjarpërinjtë, një ndër ushqimet më të preferuara për kinezët./abcnews.al

alibeaj.png
R D21:55 | 27/01/2020

I ftuar në “Mbrëmje në Abc” me Mirela Milorin ishte Enkelejd Alibeaj, anëtar i grupit të punës së opozitës për draftin e reformës zgjedhore. Ai foli për reformën, e cila tashmë ka hyrë në një rrugë të drejtë që Alibeaj beson se do të finalizohet me sukses më 15 Mars. Po kështu ai u pyet për një takim të mundshëm mes Ramës dhe Bashës por e përjashtoi në mënyrë kategorike.

Në tryezën e Këshillit Politik janë gjithsej 13 çështje, ku 9 prej tyre janë propozuar nga opozita. “Janë çështje të sisitemit zgjedhor, votimi i emigrantëve, depotilizimi i administratës, çështje të prezantuara nga ne prej kohësh”, u shpreh ai.

Alibeaj theksoi se ka një parakusht, shumë të rëndësishëm: Ndarja e shtetit nga partitë politike gjatë fushatës elektorale. “Ligji zgjedhor do të përcaktojë ndalimin e tundimit për të përdorur administratën si repart ushtarak elektoral”.

Gjithsesi  e pranon se nuk mjafton vetëm perfeksionimi i bazës ligjore, por duhet edhe vullneti politik për të bërë zgjedhje të mira.

Po kështu Alibeaj, komentoi Damian Gjiknurin në tryezën e reformës, duke thënë se “Damiani nuk është problemi ynë, por i palës tjetër që e ka sjellë. Në thelb duhet të kuptojmë se Damiani është vetë Rama. Kështu ne kemi kapërdirë edhe Damianin për t’ju ofruar shqiptarëve zgjedhje të lira dhe të ndershme. Vota e lirë është e rëndësishme ndaj është edhe kusht i Bundestagut gjerman. Eshtë kusht që reforma të bëhet brenda 15 Marsit dhe të testohet në zgjedhje të parakohshme”, theksoi ai në studion e Abc News.

Capture-148.jpg
in a21:21 | 27/01/2020

Pa marrëveshje ka përfunduar edhe takimi i së hënës ndërmjet udhëheqësve të Lëvizjes Vetëvendosje dhe atyre të Lidhjes Demokratike të Kosovës.

Ndonëse para takimit kreu i LDK-së Isa Mustafa kishte shfaqur vullnetin për arritjen e kësaj marrëveshje.
“Për atë po shkojmë, ne jemi të gatshëm të përfundojmë marrëveshjen”, u shpreh Isa Mustafa. Nënkryetarja e LVV-së, Albulena Haxhiu ka thënë se nuk është arritur marrëveshje por pajtueshmëri për të vazhduar takimet.

Në një postim në “Facebook” Lëvizja Vetëvetëndosje njofton se takimi i radhës do të mbahet nesër në të cilin do të jenë edhe ambasadorët e QUINT-it si dhe shefja e misionit të BE-së në Prishtinë.

Kësaj radhe madje edhe mediat ishin lejuar që të qëndronin në hollin e Kuvendit ku edhe po mbahej takimi. Por me të përfunduar takimi i pari ishte Mustafa që u largua fshehtas nga mediat, ndërsa Kurti shfrytëzoi hyrjen tjetër të Kuvendit edhe ai duke u ikur mediave.
Mediat brenda hollit nuk janë lejuar që të dalin nga objekti i Kuvendit pa u larguar krerët e këtyre partive.
Janë bërë dy muaj nga certifikimi i rezultateve e rreth 4 muaj nga mbajtja e zgjedhjeve në Kosovë, ndërsa Kosova ende është pa qeveri. Mandatari për kryeministër, Albin Kurti ka afat deri më 4 shkurt që të sigurojë shumicën parlamentare për të formuar qeverinë.

/abcnews.al

de2ada00-fffd-4b62-83d7-41ce6e2fe98a.jpg
R D20:48 | 27/01/2020

Një aksident është shënuar pak minuta më parë në qytetin e Vlorës, ku janë përfshirë tre automjete. Tre persona kanë mbetur të plagosur, ku njëri prej tyre është në gjendje më të rëndë.

Gazetari i Abc News, Elton Nika raporton se në aksident janë përplasur makina Benz me targa AA 026 XA dhe Peugeot me targa AA 134 VD.

Si pasojë e goditjes së fortë, kanë përplasur dhe një automjet të tretë që ka qenë i parkuar. Në vendin e ngjarjes përpos policisë ka mbërritur edhe zjarrfikësja, pasi një nga makinat ishte benzinë-gaz dhe rrezikonte të shpërthente në flakë.

Aksidenti ka ndodhur në një kryqëzim në rrugën e re të Vlorës dhe paraprakisht dyshohet se shkak është bëri njëri prej mjeteve që lëvizte me shpejtësi.
/abcnews.al

*Pamjet e aksidentit


abc-6.jpg
in a20:25 | 27/01/2020

Nëna dhe gjyshja e dy binjakëve që ndërruan jetën në Berat ditën e djelë të drithërojnë me dëshminë e tyre. Ato tregojnë se ata fëmijë nuk ishin sëmurë kurrë dhe ishin të vaksinuar. Ndërsa kërkojnë zbardhjen e shkakut të vdekjes së tyre, shprehen se dyshojnë tek qumështi industrial mund t’u ketë shkaktuar vdekjen.

Këtë të hënë nëna e tyre, Merushe Agalliu dhe gjyshja e tyre mes dhimbjes së thellë rrëfejnë për “ABC News” se si i gjetën pajetë vogëlushët dhe dyshimi i nënës për vdekjen e foshnjave është nga përdorimi i qumështit me kuti.

“Shkova për të parë fëmijët, i lashë mirë dhe vazhdova punët. Shkova ti shikoja sërish dhe ato nuk ishin mirë. I thirra kunatës, fëmijët kishin mbaruar. Më ra të fikët nuk mbaj mend çfarë u bë. Ato pinin qumësht me kuti, unë nuk e di se çfarë ndodhi, dua një të drejtë fëmijët ishin normalë”, është shprehur nëna e foshnjave.

I ati vetëm loton dhe nuk flet dot. Ndërsa nëna e tyre dhe gjyshja thonë se ata nuk kanë vuajtur nga asnjë sëmundje dhe kanë qenë në kontroll gjatë gjithë kohës madje ishin dhe të vaksinuar. Kjo familje të vetmin dyshim që ka e lidh me qumështin që ata konsumuan.

“Unë banoj në katin e parë, marr fëmijën në dorë dhe ai kishte mbaruar, dhe tjetri në fillim ishte i ngrohtë, por dhe ai ndërroi jetë shpejt. Mbajta nusen me shpresa shkuam në spital. Mjeku na priti bëmë deklaratat tona kaq. Unë nga mjeksia dua të di se çfarë sikleti kanë pasur fëmijët, zjarr nuk kishim në dhomë, nuk ka asgjë në dhomë, ato ishin shumë të qetë. Kanë bërë vaksinat dhe i kaluan me sukses. Qumështin e merrnim nga një shoqatë, unë nuk jam specialiste dhe nuk ia hedh fajin askujt,” ka thënë gjyshja e foshnjave.

Ndërsa halla e binjakëve zbërthen të gjithë sjelljen e nënës me binjakët dhe kërkon që mos fajësohen prindërit për neglizhencë.

“Fëmijët flinin të dy, i jepte për të pirë, i ndërronte. Kanë katër muaj e gjysëm fëmijët nuk kanë parë një gjilbërë”, tregon ajo.

“Ndoshta pakot mos janë të skaduara. Na ndodhi ne sot, nesër të mos i ndodhi një familjeje tjetër të kontrollohet çdo gjë. Sa i dha për të pirë pas 10 minutash fëmijët ndërruan jetë. Të mos fajësojnë prindërit”,shprehet me tej halla e bebeve që ndërruan jetë fatalisht.

Deri më tani mbetet enigmë shkaku se përse dy binjakët rreth 5 muaj ndërruan jetë./abcnews.al

Screenshot_6-4.png
R D19:57 | 27/01/2020

“Takimi me Kancelaren ishte pozitiv”. Kështu u shpreh kryeministri Rama përmes një video-mesazhi në facebook pasi kishte takuar në Berlin kancelaren Angela Merkel. Sipas tij, Merkel është shprehur pozitivisht për nismën e tij që e quan paketa “anti-KÇK”.

“Pastrimi i drejtësisë nga të korruptuarit dhe krijimi i SPAK-ut për Kancelaren janë rezultate kuptimplota që japin shpresë. Ajo u shpreh shumë pozitivisht për ligjin special kundër krimit të organizuar dhe amendamentet speciale anti-KÇK që do të hyjnë në fuqi ditët e ardhshme pas konsultimeve përfundimtare me ekspertët ndërkombëtarë”, shprehet ai.

Sakaq, ai ka besim se do të realizohet kërkesa e vendit tonë për të njohur lejet e drejtimit të automjeteve në Gjermani.

“Shumë shpejt do të vijë një grup nga Ministria e Transporteve gjermane për të bërë përputhjen e dokumentacionit. Këtë herë them se është e realizueshme sepse kam një mik të fortë”, shprehet Rama.

Sipas tij, vizita në Gjermani ishte e suksesshme jo vetëm për ndihmën që ky vend do të japë në konferencën e donatorëve për ndihmat pas tërmetit, por edhe në kahun e hapjes së negociatave me Bashkimin Europian, dhe marrjen e fondeve shtesë nga programet e BE-së për rindërtimin e ekonomisë në sektorët e prekur nga tërmeti.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono