Video

VIKRIMAT-NE-RRESHEN.jpg
R D23:37 | 25/02/2020

Krimi i rëndë troditi Rrëshenin mbrëmjen e kësaj të marte. Fatmir Kolecaj ka vravë me automatik, motër e vëlla Esmeralda dhe Vladison Filopati përkatësisht 36 dhe 34 vjec. Autori krimit të rëndë është ish-bashkëshorti i Esmeraldës, i cili po kërkohet nga policia dhe RENEA.

Ngjarja ka ndodhur sonte në Kodër Rrëshen, Bashkia Mirditë, rreth orës 20.40. Fatmir Kolecaj 45 vjeç nga fshati Zejmen i Lezhës i kishte zënë pritë viktimave pranë banesës së tyre. Vladisoni kishte shkuar në qytetin e Rreshenit për të marrë nga puna Esmeraldën që punonte si shitëse. Autori ka qëlluar me breshëri plumbash ndaj ish-gruas së tij dhe ish-kunatit, teksa ata i afroheshin shtëpisë. Plumbat kanë tronditur gjithë familjen Filopati, përfshirë dhe 3 vajzat e mitura të Esmeraldës që ndodheshin në shtëpi me gjyshërit.

Gazetari i Abc News, Gjergj Figuri raporton se policia është mobiluar për kapjen e autorit dhe në ndihmë të blu-ve të Rrëshenit kanë shkuar edhe forcat RENEA por deri më tani nuk është bërë e mundur gjetja e autorit. Ai ka arritur të largohet duke përfituar edhe nga errësira. Gjithsesi po ushtrohen kontrolle të shumta në Rrëshen dhe në Lezhë, të cilat pritet të vijojnë edhe gjatë ditës së neserme.

Autori i krimit ishte një person me precedentë, i dënuar me 4 vite burg për dhunë në familje dhe armë pa leje. E ndjera, Esmeralda Filopati e kishte denoncuar në polici 4 vite më parë, ish-burrin e saj Fatmir Kolecaj pasi ushtronte dhune fizike ndaj saj.

Policia e kishte prangosur pasi i kishte gjetur edhe një pushkë pa leje në banesë. Pasi kishte kryer dënimin, autori vazhdonte dhe e kërcënonte nënën e tre fëmijëve. Esmeralda prej 1 viti, kohë kur Fatmiri kishte lënë qelinë kishte marrë urdhër-mbrojtje. Gjithashtu pas divorcit ajo me vajzat qendronte në familjen e saj dhe nën kujdesin e të vëllait, por të gjitha këto nuk e ndalën 45-vjeçarin i cili mbrëmjen e sotme u mori jetën ish-gruas dhe vëllait të saj. /abcnews.al

(Në foto viktimat)

ok-ok.png
R D22:30 | 25/02/2020

Shefja e Infektivit në QSUT, Najada Çomo ishte e ftuar në “Provokacija” sonte me Mustafa Nanon, ku rrëfeu detaje nga masat që janë marrë në spital për koronavirusin. Ajo ndër të tjera tha se stafi mjekësor e ka kaluar “provën” me koronavirusin edhe pse në vendin tonë nuk ka rezultuar asnjë pacient pozitiv. Për çdo rast që paraqitet, tha ajo, ne e konsiderojmë si “pozitiv” dhe për 12 orë derisa del analiza pacienti izolohet në Infektiv, njësoj sikur të ishte mbartës i këtij virusi. Sakaq mjekët dhe infermierët vishen me uniformën përkatëse dhe qendrojnë në gatishmëri derisa të dalë analiza. Aktualisht në vendin tonë janë kryer analizat për 13 persona të dyshuar, por që fatmirësisht kanë rezultuar negative. Dy prej tyre kishin ardhur nga Kina, dhe pikërisht këto dy raste, tha Çomo, kanë qenë prova më e fortë, pasi dyshimet ishin të mëdha se mund të ishin bartës të virusit.

Pjesë nga biseda

A jeni e frikësuar?

Çomo: Jo…duke qenë se kam vite që punoj në shërbim me shumë infeksione që janë edhe vdekjeprurëse, jam shumë më pak e frikësuar, por s’mund të them se jam zero e frikësuar. Pra jam pak e frikësuar si individ jo si profesioniste.

Ky është një virus i panjohur?

Çomo: Nuk është fare i panjohur e ka zanafillën në 1960, por rrugës ka “ndërruar mendje” pra ka pësuar ndryshime genetike gjatë rrugës dhe në nëntor të vitit 2019 u shfaq si virus i ri, por brenda së njëjtës familje.

Nobelisti francez një nga zbuluesit e HIV në 2008 ka thënë se mbarë njerëzimi është i rrezikuar nga infeksione të ndryshme për shkak të globalizmit, lëvizjes ndërmjet shteteve dhe sapo mbaron një infeksion në kthesë do të shfaqet një tjetër.

Por njerëzit janë të kapur nga paniku?

Çomo: Njerëzit kanë të drejtë të kapen nga paniku, por duhen informuar mirë.

Cila do të ishte infoja që do më ngushëllonte mua sonte?

Çomo: Informacioni që na ngushëllon është se s’ kemi asnjë rast sot në Shqipëri, deri tani nuk është zbuluar asnjë rast edhe pse është kërkuar për ta gjetur.

Duhet theksuar se koronavirusi është tani në një kurbë të ulët në vendin e origjinës në Kinë për shkak të sezonit, me ngritjen e temperaturave kurba do të ulët.

Sa e rrezikuar është popullata shqiptare dhe sa mundësi ka që të mrbohet dhe të mjekohet?

Çomo: Po mund të infektohet Shqipëria nga koronavirusi, por janë marrë të gjitha masat që rastet të trajtohen.

Si e kuptoni kur një person është me koronavirus pasi simptomat janë të ngjashme me gripin.

Çomo: Historia e udhëtimit. Ne nuk dyshojmë tek një pacient që vjen nga Vlora, Saranda, etj. por dyshojmë tek një person që vjen me simptoma gripi por ka udhëtuar në vendet që janë shpallur vatra të koronavirusit. Pra ne bëjmë teste për një person që vjen, po themi nga veriu i Italisë por jo për një person që vjen nga Suedia.

Këtu nuk ka besim tek mjekësia në tërësi?

Çomo: Në atë vend që punoj shërbej ka një humanizëm të jashtëzakonshëm. Ata njerëz që punojnë në Infektiv kanë të drejtë të frikësohen si gjithë të tjerët, por puna nuk është vënë ndonjëherë në diskutim. Specialistët janë shumë të mirë dhe me eksperiencë. Kemi patur si për shembull rasin e gripit të derrit, por edhe gripi sezonal që mund të quhet i lehtë, por për mua nuk është i lehtë. Gripi ka shënuar më shumë vdekje në mbarë botën se sa koronavirusi.  Kam edhe një mesazh: 98 për qind e të prekurve me koronavirus shërohen, 2 për qind shkojnë drejt vdekjes dhe më të rrezikuar janë të sëmurët kronikë të mushkrive dhe zemres.

Spitali Infektiv ofron shërbim të mirë për personat që mund të sëmuren. Plani A është që të shtrohen në këtë pavion, ndërsa plani B vihet në zbatim nëse ka ndryshim të situatës. Një person që vjen si rast i dyshuar izolohet në dhomë në mënyrë që të negativizohet.

A bëhet ekzaminimi?

Çomo: Po bëhet në ISHP me labortor të certifikuar dhe analizat dalin nga 8 deri në 12 orë.

Këshillat?

Çomo: Të frenohemi pak nga dhënia e dorës kur takojmë njerëz; larja e duarve dhe të gjithat masat e tjera sanitare.
E dyta: nëse je qytetar që ke udhëtuar në ato vende ku është shfaqur koronavirusi deklarohu, që do të thotë telefono në numrin e urgjencës 127.

Ju do ta kaloni provën në rast se koronavirusi vjen në Shqipëri?

Çomo: E kemi kaluar provën e testimit sepse na erdhen 8 persona, 2 me temperaturë të lartë dhe kishin histori udhëtimi në Kinë. Ata u mbajtën të izoluar, të shtruar në spital, dhe fatmirësisht testimi doli se ishin me grip A. Por ama ne e kaluam provën sepse morëm të gjitha masat, kaluam edhe frikën personale sikur ai (pacienti) të ishte i infektuar. /abcnews.al

 

lezhe-proteste.jpg
ger ta18:27 | 25/02/2020

Aroma e rëndë që lëshon përpunimi i mbetjeve me origjinë shtazore në ish-zonën industriale të Lezhës ka ngritur në protestë banorët përeth. Ata thonë se prej 2 muaj kjo fabrikë gjeneron ndotje në ajër dhe atë nuk hapin dot as dyert dhe dritaret.

‘Aroma është e ndyrë. Nuk mund të përballohet jeta në oborret tona”, shprehet një banor.

Banoret theksojnë se po dëmtohet dhe shëndeti i tyre.

“Jemi të rrezikuar deri në vdekje, kam vjellë sa hënga bukë’, thotë një tjerër banore.

Këta banorë kanë depozituar ankesën e tyre dhe në institucionet përgjegjëse po janë përballur me heshtjen e tyre.

Në mbështjete të dhjetra familjeve që jetojnë në këtë zonë ka dalë dhe eksperti i mjedisit Sazan Guri që ngre disa pyetje për lejen e marrë nga sipërmarrësit e kësaj fabrike.

“Edhe protesta, edhe ballafaqimi, por edhe ulja në tryezë me pronarin si e ka marrë këtë leje. A ka një studim mjedisor?”, thotë Sazan Guri.

Mësohet se pas protestës banorët janë kontaktuar nga administrator i fabrikës dhe ditën e enjte do të takohet me ta për të dhënë sqarime në lidhje me mënyrën e përpunimit të mbetjeve.

 

memisha.jpg
ger ta17:15 | 25/02/2020

Gjuha shqipe i ka dritat e ndezura, nga keqpërdorimi i saj në nivel shtetëror dhe shkollor, sipas drejtorit të Institutit të Gjuhësisë dhe Letërsisë, Valtet Memisha. Kjo pasi  kultura e të shprehurit me gjuhë standarde  në nivel shtetëror dhe shkollor është shumë i ulët.

Kultura e të shprehurt në shqipe standarte në nivel shtetëror ka rënë, në nivel shkollor ka rënë, në nivel publicist ka rënë. Që nga ligjërimet e pushtetarëve në Parlament, ministrave deri te ligjërimet në shkollë”, shprehet ai.

Valter Memisha, thotë se projektligji i nisur që në vitin 2002 për mbrojtjen e  gjuhës standarte me ligj duhet të hyjë në fuqi.

Që ne të kemi mirëfunksionim të shqipes, që ne të kemi shtrirje të standartit’, thotë ai.

Memisha thotë se kjo gjuhë e rëndësishme e familjes indo-evropiane, fatmirësisht ka ruajtur strukturën sintaksore të paprekur, por kërcënimi më madh i vjen, sipas tij, nga fjalët e huaja.

Shqipja është 1500 vjeçare. Ka filluar procesi i krijimit të shqipes në shek. e IV deri në shekullin e VI-VII. Sot kanë hyrë shumë fjalë të huaja, pavarësisht se shqipja ka një fuqi të jashtëzakonshme krijuese, mjafton ti referohemi fillimit të shekullit XX se si ka ardhur letërsia latine, romake nga përkthyesi Koliqi. Të shohim sesi ka ardhur letërsia botëriore nga Fan Noli në kohën kur nuk kishim as gramatikë, as fjalor”, shprehet Memisha.

Gjuhëtari është i mendimit se edhe lëtërsia e këtij shekulli, nuk e ka pasuruar gjuhën, siç ka ndodhur në shekullin XX.

“Kur lexon një vepër sot janë shumë të rralla, një vepër që të kënaq figurshmëria, perceptimi”, thotë gjuhëtari.

Ndërkohë ka filluar rifunksionimi i Këshillit Ndërakademik për gjuhën shqipe mes Shqipërisë dhe  Kosovës, i cili sipas  Memishës lindi si zëvendësim i ligjit për gjuhën, për shkaqe politike.

Nuk është miratuar ligji, ka qendruar në sirtar për arsye politike”, shprehet ai.

Kryesuesi i Këshillit Ndërakademik për gjuhën, Valter Memisha, thotë se  gjuhëtarët kanë patur tri pikëpamje më herët.

Po cili është roli i këtij Këshilli?

“Këshilli Ndërakademik nuk ka fuqi vendimarrëse, pra vështron, përgjithëson, orienton dhe jep mendim se c’duhet të bëhet për këto dukuri”, deklaron gjuhëtari.

Mbledhja e parë pritet të mbahet në mes të muajit mars, e ku do të miratohet marrja e vendimit për botimin e punës 15 vjeçare e Këshillit Ndërakademik. /abcnews.al

Capture-77.jpg
in a14:07 | 25/02/2020

Gjykata Penale e Tiranës la në në burg 55 nga 87 të arrestuarit gjatë operacionit ‘Fati i Lojërave’, të cilët dolën të hënën para gjyqtarit për masën e sigurisë.

Ndërsa 32 të tjerë janë liruar nga qelia, 27 me “arrest shtëpie” dhe 5 te tjere me masen “detyrim paraqitje”.

Gjyqtari Ardian Kalija i shpalli vendimet rreth mesnatës, pas një seance  maratone. Gjyqi nisi në orën 09:00 të mëngjesit të së hënës dhe përfundoi pas 14 orësh.

Mes 55 personave që do të qëndrojnë në burg janë edhe Gramoz Murataj, i njohur si “bosi i basteve” dhe Elvis Mulaj, vëllai i drejtueses së Kolegjit të Posaçëm të Apelimit, Natasha Mulaj. Gjatë seancës Prokuroria ka paraqitur provat që rëndojnë ndaj personave të dyshuar. Murataj, në sallën e gjyqit përballë gjyqtarit Ardian Kalija, ka dalë kundër Prokurorisë duke deklaruar se 6 punonjësit e tij nuk punonin për bastet, por në “Call Centre”.

Të njëjtin qëndrim kanë mbajtur edhe 6 vartësit e Muratajt, por organi i akuzës është shprehur se kjo nuk është e vertet pasi asnjëri prej tyre nuk di të flasë gjuhën italiane. Gramoz Murataj nga Vlora, i dënuar në Itali për trafik droge, pak vite më parë me anën e një vendimi të Gjykatës së Lartë mundi të rrëzojë ekstradimin e tij.

Ai është vëllai i Besnik Murataj, edhe ky i dënuar në Itali për trafik droge dhe njëherësh të dy pronarë të kompanisë së basteve “Eco Bet”. Gjatë aksionit policor Murataj është prangosur në orën 05:00 të mëngjesit të datës 21 shkurt 2020.

Elvis Mulaj gjithashtu ra në grackën e agjentëve të policisë. Mulaj është vëllai i Kryetarës së Komisionit të Posaçëm të Apelimit e cila vlerëson gjyqtarët dhe prokurorët për kriterin moral, profesional dhe pasuror. Siç rezulton në dosjen e prokurorisë Mulaj është arrestuar në 21 shkurt, zonën e “Rrugës së Elbasanit”. Atij i janë sekuestruar 14 kompjutera.  Hetimi për këtë grup përfshirë në skemën e organizimit të basteve sportive ka nisur në 17 korrik të 2019 nga Policia dhe Prokuroria e Tiranës dhe u finalizua me prangosjen e 115 personave në Tiranë dhe 7 qarqe të vendit.

Prej një muaj e gjysmë të gjithë këta persona janë përgjuar me vendim gjykate, ku janë zbardhur të gjitha bisedat telefonike, midis këtyre shtetasive. Gjithashtu në aparatet celulare janë kapur edhe linqet e faqeve në webe, dhe në disa nga celularet janë gjetur edhe foto “Scren Shot”, që tregonin rezultatet e ndeshjeve.

Të arrestuarit akuzohen, për zhvillim të paligjshem të lojrave të fatit, përshtatje e ambjenteve për lojrat e fatit, mos deklarim të ardhurave, përvetësim të pasurise industriale dhe pastrim të produkteve të veprës penale./abcnews.al

go.jpg
in a13:52 | 25/02/2020

Ndërkohë që vende të rajnonit kanë marrë masa drastike në lidhje me hyrje-daljet në Itali dhe me të kthyerit nga vatrat e koronavirusit, në Shqipëri, qarkullimi në pikat kufitar me vendin fqinj është vetëm nën monitorim.

Në orët e para të mëngjesit, në Portin e Vlorës mbërriti trageti nga Brindisi me 217 pasagjerë. Asnjë nga udhëtarët nuk është lejuar të dalë pa u kontrolluar dhe intervistuar.

“Kontrolle që nisin që në traget dhe vijojnë edhe në dalje të portit. Mes të mbërriturve me tragetin nga Brindisi ka edhe shumë italianë. Ata e cilësojnë situatën preokupuese në shtetin fqinj, kryesisht në veri.

Në një intervistë ata thanë për “ABC News” se në Itali situata është pak shqetësuese, por nuk ka vend për frikë. Nëse je i kujdesshëm dhe merr masat paraprake çdo gjë mund të zgjidhet.

“Erdha me traget. Në Pulja nuk ka asgjë, vetëm në veri. Njerëzit janë pak të shqetësuar, por autoritetet na thonë të mos shqetësohemi”, tha një tjetër udhëtar.

“Shqetësim kemi të gjithë, pasi nuk e dimë çfarë është dhe si kurohet. Njerëzit po reagojnë me frikë, kanë zbrazur supermarketet. Institucionet na thonë të jemi të qetë”, tregoi një prej qytetarëve.

Shqiptarët që jetojnë dhe punojnë në Itali rrëfejnë për gjendjen në vendin fqinj.

“Nuk është përhapur atje ku jam unë, por njerëzit janë të trembur. Shkollat në veri janë mbyllur”, shprehen qytetarët.

Ndërkohë autoritetet në Vlorë konfirmojnë se nuk ka vend për panik dhe se çdo gjë është nën kontroll.

“Nuk kemi problematika, nuk është konstatuar asnjë person me probleme në gjendje shëndetësore, apo me koronavirus”, theksoi ai.

Masa të shtuara ka edhe në Portin e Durrësit. Të gjithë udhëtarët dhe ekuipazhet e anijeve tregtare, përpara se të zbresin i nënshtrohen kontrollit./abcnews.al

kronik.jpg
in a13:32 | 25/02/2020

Lezhjanët nuk kanë humbur kohë për të aplikuar në zyrat e rindërtimit të ngritura nga Bashkia. Brenda 3 javesh më shumë se 70% e të prekurve janë regjistruar në qytet dhe njësitë administrative. Ndërsa për pjesën që ende se ka kryer ende si proces, afati është i qartë.

“Të gjithë qytetarët e Lezhës nëse deri me datë 28 shkurt nuk do të aplikojnë pranë zyrave të rindërtimit, në bashkinë e këtij qyteti nuk do të përfitojnë nga programet e rindërtimit, duke mbetur në këtë mënyrë jashtë kësaj skeme”.

Për nënkryetarin e Bashkië, Ermal Paçi nuk ka nevojë për afat shtesë duke parë treguesit e deritanishëm.

“Sa i përket fazës së parë të aplikimit në platformën e rindërtimit, bashkia e lezhës ka bërë 1300 qytetarë që kanë pasur probleme nga tërmeti i datës 26 qershor. Jemi diku tek 70-80% e të gjitha ankesave që ne si Bashki kemi patur”, tha Paçi.

Paçi iu bën thirrje qytetarëve që nuk kanë aplikuar të mos e neglizhojnë si proces.

“Normalisht gjej rastin ti bëj thirrje qytetarëve ti drejtohen Bashkisë së Lezhës, janë dhe 4 ditë nga të cilat duhet të përfitojnë për të ardhur dhe bërë  aplikimin në platfomrmën e rindërtimit. Asnjë nga qytetratët nuk duhet ta marrë në konsideratë pyetjen nese ndonjeri ngel pa aplikuar pasi duhet të vijnë të aplikojnë. Nese një qytetar nuk vjen brenda datës 28 automatikisht është jashtë programit  të rindërtimit”, theksoi më tej Paçi.

Pavarësisht se kanë bërë ankesën fillestare për dëmtime nga termeti, ka raste të qytetarëve që nuk janë paraqitur për tu regjistruar për fazen e rindertimit. Ata janë me së shumti, qytetarë që kanë ndërhyrë vetë në objektet e tyre për shkak se kanë patur dëmtime të lehta./abcnews.al

tu-4.jpg
in a13:02 | 25/02/2020

Paniku i mbërritjes së mundshme të koronavirusit në Shqipëri, ka bërë që qytetarët të ndërgjegjësohen dhe të marrin masa paraprake, duke treguar edhe më shumë kujdes ndaj fëmijëve.

Gazetarja Erneta Shevroja raporton për abcnews.al për gjendjen e nje prej shkolave në Tiranë përkatësisht shkolla “Edith Durhan”.

“Ndodhemi pranë një shkolle ku arritëm të flisnim me disa prej fëmijëve, ku na informuan se kishin marrë masa sa i përket higjenës. Heqja e maskës nuk është detyrim, por vetëm në momentet kur një prej nxënësve pyetet për mësim. Alarmi është ngritur në Itali por një sërë masash janë marrë edhe në vendin tonë.

Fëmijëve u është këshilluar të kenë kujdes, kur kolliten apo kur flasin me njëri tjetrin. Fëmijët kanë treguar se nga shtëpia marrin dezinfektant, pasi uji në shkolë vjen me orare dhe nuk kanë ujë të lajnë duart. Nga ana e mësuesve dhe prindërve ka një angazhim, por nga ana tjetër mungon infrastruktura në shkollë, ku mungojnë elementët bazë”, raportoi gazetarja.

A janë fëmijët të frikësuar?

Nga sa na thanë prindërit dhe nxënësit, nuk janë shënuar mungesa nga ana e nxënësve, gjendja e alarmit është në Itali dhe nuk ndjehen shumë të frikësuar, edhe pse prindërit kanë shfaqur shqetësime.

Ndërkohë gazetari Leonidha Musaj raportoi nga Durrësi se në shkolla paniku ka bërë të vetën, por një pjesë e mirë e nxënësve kanë shkuar sot dhe kanë zhvilluar mësim me maska. Gjithashtu ai tha se janë ngritur grupet e punës për të verifikuar të gjitha personat që vijnë nga Italia drejt Shqipërisë.

Gazetari Elton Nika në një lidhje të drejtëpërdrejtë nga Vlora tha se vazhdojnë kontrollet për qytetarët që mbërrijnë në vend.

Vetëm një traget që funksionon në linjë me Itali dhe gjatë mbërritjes në Vlorë ato janë kontrolluar, gjithashtu edhe shtetasit italian. Referuar situatës në port aty vazhdojnë të kryhen kontrollet. Në qytet situata duket e qetë janë të paktë ato qytetarë që lëvizin me maska, edhe pse në farmaci ka një kërkesë të shtuar.

Ndërsa sa i përket shkollave dhe kopshteve ka pasur një kërkesë të rritur duke i këshilluar nxënësit për të marrë masat që duhet të marrin për tu mbrojtur nga koronavirusi. Nuk ka asnjë urdhër deri më tani që fëmijët të pajisen me maska kjo ndoshta dhe për faktin se në Shqipëri nuk është raportuar për ndonjë rast i dyshuar me koronavirus./abcnews.al

farmacite-kukes.jpg
nev ila12:52 | 25/02/2020

Edhe skaji me i largët i verilindjes në vend , Hasi është boshatisur nga maskat dhe mjetet mbrojtëse kundër gripit.

Në ato pak farmaci të kësaj bashkie nuk ka mbetur asnjë maskë apo solucion antibakterial dizenfektues për duart dhe doreza mjekësore.

Farmacistët thonë se brenda një ditë u shit u gjithë stoku i maskave dhe mjeteve të tjera, e që u blenë nga vetë banorët e Hasit por edhe janë dërguar në Tiranë-Durrës apo edhe Vlorë.

“Kam ardhur të marr dezinfektant. Në shkollë kishim orë edukative për Koronavirusin, na shpjeguan si duhet të kujdesemi për higjenën”.

Një prej banoreve ka dashur të blejë maska për të afërmit e tij në Itali por është kthyer duar bosh.

E njëjta situatë është edhe në farmacitë e Kukësit që janë boshatisur, e duke qenë në kufi me Kosovën ka patur mjaft raste e kërkesa edhe nga qytetarët e Kosovës.

Në shkollat e Kukësit kanë nisur edhe orët sensibilizuese për nxënësit të cilët shprehen se  maska dhe mjete të tjera mbrojtëse si dezinfektant për duar kanë kërkuar ti marrin me vete në shkolla.

Megjithatë edhe nga informacionet në pikat kufitare apo edhe spitalin e Kukësit nuk ka raste të tilla shqetësuese./abcnews.al

taulant-balla11.jpg
in a12:36 | 25/02/2020

Kreu i Grupit Parlamentar i PS, Taulant Balla duke folur për mediat theksoi se Presidenti Meta ka treguar sjellje aspak të pranueshme ndaj ambasadorëve të huaj në Shqipëri, duke e quajtur këtë një sjellje brutale. Gjithashtu Balla hodhi akuza edhe ndaj ish-kryeminsitrit Berisha, duke e cilësuar si personin i cili përhap panik te shqiptarët.

Dua t’ju them angazhimin e maxhorancës tonë për ta thelluar luftën pa kompromis luftën kundër krimit të organizuar, që është intensifikuar me paketën anti- KÇK. Hetimi i pasurive të vendosura në rrugë kriminale do të na çojë në hetimin e personave të përfshira në veprimtari kriminale. Është dhe ligji për sekuestrimin, janë sjellë dhe dy ligje të tjera që përmirësojnë kuadrin ligjor në funksion të një rezultati pozitiv në këtë forcë goditëse. 

Po për si do të menaxhohen këto pasuri? Balla shpjegoi se një pjesë e tyre do të përdoren për nevojat e buxhetit të shtetit. Por, ai tha se pasuritë e sekuestruara nga krimi do të përdoren për të rritur kapacitetet e Policisë së Shtetit.

Balla: Unë dua ta përshëndes Operacionin Forca e Ligjit për rezultatin e deritanishëm. Nga OFL janë referuar në SPAK pasuri që janë vendosur në rrugë kriminale, që tashmë po sekuestrohen. Ishte i domosdoshëm një ligj për administrimin e këtyre pasurive. Vlera e tyre monetare do të jetë shumë e madhe dhe pse jo të rrisim kapacitetet financiare të shtetit shqiptar për t’i përdorur për nevojat buxhetore që ka vendi, por dhe për nevojat e Policisë së Shtetit. 

Shqipëria është një shtet normal ka një qeveri që bën detyrën çdo ditë. Që nga momenti që virusi u shfaq në Kinë qeveria e shqiptare në bashkëpunim me OBSH ka marrë të gjitha masat. I bëj thirrje çdo qytetari shqiptar se nuk ka hapësirë për panik. Pyetja më duket pa vend. Kongrei i PS do të zhvillohet normalisht, është në një mjedis të mbyllur.

Gjithashtu ai akuzoi ish-kryeminstrin Berisha se përhap lajme të rreme.

“Sa herë që ka një fatkeqësi Berisha vijon të jetë burim alarmi pa asnjë lloj burimi. Që nga momenti kur paralajmëroi tmerroi qytetarët e kavajës. Ishte e turpshme që një ish kryeministër të shpërndajë lajme të tilla. Nuk ndodh asgjëkundi. As në Itali, ku opozita të bëj këtë sjellje të paturshme, për të përdorur politikisht një epidemi. Duhet të jemi të sigurt se qeveria po merr të gjitha masat”, tha Balla.

Do ta shtyjë PS Kongresin në rast se konstatohet një rast me virus, politika shqiptare mesa duket nuk trembet nga koronavirusi?

Balla: Nuk ka vend për panik. Shqipëria nuk është e prekur.

A është ky kongres treditor një shafqje fuqie ndaj Ilir Metës?

Balla: Për shkak të tërmetit të 26 nëntorit axhenda politike e PS pësoi një ndryshim me disa javë. Kongresi i datës 29 është përcaktuar prej shumë e shumë ajvësh, dhe kjo nuk ka ë bëjë aspak me konfliktin e brndshëm që ka lindus me opozitës dhe presidencës. Ne kemi axhendën tonë politike./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono