Video

marsela-cibukaj-1280x720.jpg
G. P.20:02 | 18/08/2019

Marsela Çibukaj është një nga këngëtaret më të dashura për publikun shqiptar. Ajo zhvilloi një intervistë të shkurtër për Edicionin Veror në jug të Shqipërisë, ku edhe po jep koncertet e saj së bashku me kantautorin Vitmar Basha.

Çifti është në një lidhje prej disa kohësh, ndërkohe që Marsela zbuloi planet e saj për një album në të ardhmen. Ajo bëri të ditur se shpreson që dy nga këngët e publikuara në albumin “9” të Vitmarit të bëhen me videoklipe në Shtator.

“Vitmari më është shumë mbështetës në këtë projekt. Unë shpresoj shumë që të realizojmë albumin tim dhe një pjesë e punës të jetë edhe nga Vitmari. Nga albumi i Vitmarit, ku unë kam shkruar një tekst dhe kam kuruar pak… kënga titullohet Reja. Shpresoj që kënga që Vitmari ka shkruajtur për ne dhe kënga që unë kam shkruajtur për Vitmarin të publikohen në Shtator me videoklipe. Po punojmë rreth kësaj gjëje. Kemi mbledhur një staf të vogël që të na mbështesë në realizmin e këtij projekti dhe shpresoj që të arrijë tek publiku me të njëjtin emocion”, tha këngëtarja.

/abcnews.al

cibukaj-dhe-vitmar-basha.jpg
G. P.19:53 | 18/08/2019

Dashuri me dëgjim të parë… Padyshim kështu mund të themi për lidhjen mes çiftit Marsela Çibukaj dhe Vitmar Basha. Këngëtarja dhe kantautori i njohur janë në një lidhje prej disa kohësh dhe në një intervistë për ABC News treguan se si lindi dashuria mes tyre.

“Unë kam qenë fans qysh kur ajo ka dalë me Billie Jean në “The Voice” kështu që ajo ka qenë kënga e parë. Ka qenë diçka që ndodhi para një viti e gjysmë, dhe e kemi ujit këtë lule që lindi. Sikur ishte hera e parë që po u njihnim me seksin tjetër”, tha Vitmari.

Ndërkohë, Marsela u shpreh: “do luanim bashkë diku, por nga një kafe pastaj lindi muhabeti”.

Për sa i përket kurorëzimit të dashurisë së tyre, Marsela sqaroi se çifti nuk është martuar ende dhe as nuk kanë bërë plane për një martesë.

Na kanë martuar, por nuk jemi martuar akoma edhe s’kemi as organizuar plane në të vërtetë. Sot janë bërë gjërat e vështira. Sot shkohet bashkëjetohet, pastaj organizohen gjërat e mëdha”, tha Marsela.

Para pak kohësh, Vitmar Basha publikoi albumin e tij më të ri të quajtur “9”. Kantautori tregoi se inspirimi dhe bërja e atij albumi ka qenë Marsela Çibukaj.

Marsela thotë pse i mban gjithë këto këngë edhe i lë t’i zërë pluhuri. Ka dashur 9 muaj. Quhet 9 sepse ka 9 këngë të reja. Marsela Çibukaj është inspirimi dhe përseja e bërjes së atij albumit”, tha Vitmari.

Ndërkohë nga ana tjetër Marsela rrëfeu se “Unë isha mësuar vetëm, që ia dedikoja këngët vetes. Jam shumë e lumtur. Pak dashuri në jetën e secilit prej nesh është diçka e shëndetshme dhe që duhet, na frymëzon të gjithëve. Jam e lumtur që prania ime e ka frymëzuar Vitmarin në tekst dhe në melodi. Vitmari e ka frymëzimin brenda tij, jo sepse është personi që unë dua, por në të vërtetë kam dashur artin e tij qysh kur e kam dëgjuar dhe bën pak kompromise për t’u adaptuar me tregun. E ruan të pastër atë dashuri për muzikën”./abcnews.al

bunec-1280x705.jpg
Sej rie19:46 | 18/08/2019

Plazhi i Bunecit është një plazhet që kryesit preferohet nga familjarë, të cilët duan të kalojnë pushimet me fëmijët dhe të afërmit e tyre. Por mos harroni, në Bunec me pak buxhet mund të kaloni pushime të paharrueshme.

Në Bunec, ekipi i Edicionit Veror, shkuam dhe tek një nga molet e vjetra, i cili dikur shërbente për anijet e mallrave, po sot shërben për të apasionuarit e peshkimit.

“Peshkimi po na shkon mirë. Mua më pëlqen të peshkoj, edhe pse nuk jam shumë i aftë për me zan peshk. E bëj për një kënaqësi për të qëndruar afër detit. Kemi ardhur me pushime këto ditë dhe po kalojmë pushime shumë të bukura në vendin tonë që është Shqipëria”, tha një i pasionuar pas këtij sporti, duke shtuar se e shfrytëzon këtë kohë për të qëndruar pranë detit.

Por përveç çmimeve të ulëta pushuesit e frekuentojnë plazhin e Bunecit prej bukurisë që ka.

“Nuk bëhet fjalë prej mrekullisë që ka. Çmimet janë shumë të mira. Kemi bërë rrugë shumë të largët për të ardhur deri këtu”, u shpreh një pushues, i cili ka ardhur me pushime nga Athina./abcnews.al

pushues-kenget-1280x720.jpg
G. P.19:36 | 18/08/2019

Listat e këngëve në beach bar-e janë pushtuar nga hite shqiptare. Ka pasur shumë bashkëpunime dhe këngë të reja këtë vit. Por në të vërtetë çfarë pëlqejnë dhe cilat këngë shqiptare i kanë “bezdisur” pushuesit këtë vit?

Kush është ajo këngë që ju ka “bezdisur” nga këto hitet shqiptare?

“Kida… N’tela, n’tela”, tha një pushues.

“Elvana Gjata… Dua”, tha një pushuese.

“Enca… s’më pëlqen Enca”, tha një tjetër pushues.

Kush është kënga që ju ka bezdisur dhe e keni dëgjuar gjithandej këtë verë dhe thoni, o Zot të lutem mos më?

“Fustani, fustani… krejt të gjitha këto”, u shpreh një pushues.

Por ka edhe nga ato hite që pushuesve u kanë pëlqyer.

“Ledri Vula Kiss Kiss”, tha një pushues./abcnews.al

kampi-i-jales.jpg
G. P.19:25 | 18/08/2019

Prej kohësh kampet janë kthyer në një trend. Ekipi i Edicionit Veror, u zhvendos këtë të diel në Jalë, aty ku është ndërtuar një kamp i madh me 800 çadra. Pushuesit janë shprehur shumë të kënaqur me kushtet.

“Faleminderit shumë për mikpritjen që po e bëni si vend. Për mua është hera parë që kam ardhur këtu. Është shumë mirë. Një organizim shumë i mirë rinor dhe kemi pas nevojë të rinjtë me pas një gjë të tillë që të argëtoheshim”, tha Qëndrimi, një pushues nga Kosova.

Punonjësit e Jalë kamping shprehen se aty është shfrytëzuar në maksimum natyra.

“Kemi ofruar një vend i cili shërbehet për njerëzit që të vijnë këtu, të pushojnë dhe të heqin mendjen nga çdo lloj stresi, ankthi, të qetësohen dhe të kthehen në punë me bateri të mbushura. Janë pushime që mbase njerëzit në Shqipëri nuk janë të mësuar, por sidomos të huajt vijnë këtu dhe ngelen me gojë hapur”.

Çdo fundjavë aty shkojnë më shumë se 400-500 veta. Për momentin janë 800 çadra që janë të disponueshme. Jala është një vend që preferohet shumë, sidomos nga kosovarët të cilët shkojnë çdo fundjavë dhe janë shumë të ambientuar me idenë e kampingut.

Jala kamping e nis punën që në fillim të Korrikut. Por fluksi më i madh i njerëzve është nga mesi i Korrikut deri nga mesi i Gushtit. Ndërsa për sa i përket çmimit, ai është vetëm simbolik.

“Çmimi këtu është krej simbolik. Është vetëm 1000 lekë për person çdo natë, por brenda në çmim nuk është vetëm fjetja, është edhe mëngjesi edhe darka”./abcnews.al

memoriali.jpg
G. P.17:35 | 18/08/2019

Të internuarit në diktaturë nuk harrojnë që çdo vit të mblidhen tek memoriali në Lushnje. Por disa grave që kanë përjetuar dramat në atë periudhe nuk u ka pëlqyer prezenca e disa socialistëve.

Të mbijetuarit e kampeve të internimit  u mblodhën në memorialin kombëtar të internim-dëbimeve ngritur në qytetin e Lushnjes. Për ish të internuarit dhe pasardhësve të tyre u çel një ekspozitë fotografike me materiale arkivore nga persekutimi komunist në zonën e Lushnjes.

Për herë të parë u bë publike dosja me materialet e përgjimit të përdorura ndaj njerëzve nga komunistët dhe albumi me fotografi për personat që u arratisën nga Shqipëria.

Në takim u mbajtën fjalime nga përfaqësuesit e pranishëm të ardhur nga Tirana, por edhe nga bashkia. Pak pas fillimit  nga salla u ngritën disa gra që kanë qenë të internuara në Lushnje, të cilat kërkonin largimin e deputetit Bashkim Fino. Ato e quanin hipokrizi, prezencën e Finos në këtë aktivitet. Pas debateve dhe ngritjes së zërave një pjesë e të pranishmeve braktisën sallën. Gjithashtu edhe kryetari i Bashkisë Lushnje, Fatos Tushe u largua nga salla sapo nisën debatet.

Uran Kostreci, ish i dënuar politik, Simon Mirakaj anëtar i Autoritetit të Dosjeve madje dhe vetë Bashkim Fino, e cilësuan ngjarjen si traumë psikike e shkaktuar nga regjimi komunist ndaj këtyre personave.

Një pjesë e historisë së 13 kampeve të internimit ne Lushnje është sjellë nëpërmjet kësaj ekspozite fotografike me shtëpitë e ndërtuara sidomos në Savër, kryeqendra e familjeve intelektuale shqiptare./ABC News Albania 24/7

maqedoni.jpg
G. P.17:15 | 18/08/2019

Për analistët në Maqedoninë e Veriut, situata e krijuar në vend pas publikimit të videove të çështjes “Zhvatja” paralajmëron një vjeshtë të nxehtë politike. Ata vlerësojnë se e vetmja rrugëdalje nga kjo situatë është ndryshimi i ligjit për Prokurorinë e Përgjithshme.

Duke komentuar zhvillimet e fundit politike në vend, njohësit e këtyre rrethanave vlerësojnë se Maqedonia e Veriut për momentin është në një udhëkryq, si atë të brendshëm por edhe të jashtëm. Rasti ‘Zhvatja’ dhe implikimet që mund të ketë ky rast në skenën politike, për analistin Isak Sherefi, Maqedonisë së Veriut janë duke i kushtuar shumë.

Isak Sherifi, analist:Maqedonia këto ditë do t’i kalojë edhe ditët më të vështira, për shkak se problemi tashmë është hedhur brenda përbrenda Prokurorisë Speciale. Në të njëjtën vijë është edhe Presidenti Stevo Pendarovski, i cili kërkon hetim më të zgjeruar kundër këtyre hetimeve  që ndodhën me aferën ‘Zhvatja’. Faktikisht, ndaj mendimin se Maqedonisë është duke i kushtuar shumë si në arenën ndërkombëtare por edhe në establishmentin politik brenda përbrena Maqedonisë së Veriut”.

Nga ana tjetër, analisti Naser Ziberi vlerëson se te qytetarët po humbet shpresa se në Maqedoni mund të vendoset ligji, e drejta të del në sipërfaqe dhe të pengohen gjithë ata padrejtësi  që në 10 vitet e kaluar ndodhën në RMV. Sipas Ziberit struktura aktuale e qeverisjes si rezultat i ngjarjeve të fundit po e humb dalëngadalë mbështetjen e qytetarëve.

Naser Ziberi, analist: “Qeveria aktuale mendoj se do ta kalojë këtë fazë dhe supozoj se zgjedhjet ardhshme do të jenë ata të rregullat ose me një afat prej tre muaj të parakohshme, sepse vendin e pret anëtarësimi i plot në NATO, marrja e datës për fillim të negociatave dhe këto duhet të jenë prioritetet e politikës, por struktura aktuale e qeverisjes po e humb dalëngadalë mbështetjen e qytetarëve si rezultat e këtyre ngjarjeve aferave në pamundësi të qeverisë ta luftoj këtë situatë”.

Ndërkohë, partia më e madhe opozitare maqedonase VMRO–DPMNE kërkon dorëheqje të kryeministrit Zoran Zaev dhe zgjedhje të parakohshme. Njëkohësisht, opozita paralajmëroi se në shtator do të filloj edhe protestat. Duke u bazuar në  këto qëndrime të opozitës për Analistin Isak Sherifi vendin e pret një vjeshtë e nxehtë politike.

Isak Sherifi, analist:Si duket VMRO-ja është e mobilizuar, qeveri teknike ka që 6 muaj që kërkon Vmro-DPMNE-ja dhe ndaj mendimin që këto protesta do të japin një vrull mjaftë të fuqishëm në shtator, mirëpo nga opozita maqedonase, shtrohet pyetja çfarë bën opozita shqiptare. VMRO-ja nga kongresi i fundit ka dalë më e fuqishme më e strukturuar dhe më e organizuar prandaj edhe kreu i kësaj partie kërkon qeveri teknike e cila siç ka theksuar ai do të jetë shpëtim për Maqedoninë e veriut në prag të negociatave me Bashkimin Evropian”.

Sipas analistit Naser Ziberi, Prokurorja Katica Janeva është dëshpërimi më i madh i kësaj periudhe në vend, pasi sipas tij ajo e vrau shpresën te qytetari se do të vendoset drejtësia. Ai shton se e vetmja rrugëdalje është të ndryshohet urgjentisht Ligji për Prokurorinë e Përgjithshme dhe në kuadër të kësaj prokurorie të gjendet zgjidhje për Prokurorinë Speciale./ABC News Albania 24/7

plazhi-shengjin.jpg
G. P.16:59 | 18/08/2019

Plazhi i Shëngjini nuk është nga ato plazhe që afron atraksione apo aventura të ndryshme, por pushuesit e duan atë sepse vendasit janë mikëpritës. Kryesisht pushuesit nga Kosova e gjejnë veten mjaft mirë në këtë plazh. 

Plazhi i Shëngjinit ka qenë zgjedhja e duhur e kësaj vere. Kështu mendojnë pushuesit që planifikuan dhe tani po qëndrojnë në këtë zonë bregdetare.

Pritshmëritë e tyre janë përmbushur dhe sigurisht këtë e tregon edhe fluksi i lartë i pushuesve gjatë kësaj periudhe.

Krahas një ambienti shumë të përshtatshëm për ta dhe pastërtisë, mikëpritja vazhdon të konsiderohet si një element i fortë dhe që ka bërë për vete shumë prej pushuesve, kryesisht atyre që vijnë nga Kosova.

I nxehti i këtyre ditëve ka dërguar drejt Shëngjinit mijëra vizitorë e turistë. Ky fluks vazhdon të jetë i lartë dhe pushuesit nga Kosova vazhdojnë ta konsiderojnë Shëngjinin si zgjedhjen e tyre të parë edhe këtë sezon veror.

Sërish Rana e Hedhun është në top listën e pushuesve, e kjo bën që zona të këtë rritje shumë të madhe të pushuesve duke krijuar edhe trafik për shkak se infrastruktura rrugore nuk e përballon fluksin e lartë të mjeteve që i drejtohen këtij plazhi të kërkuar. /ABC News Albania 24/7

liqeni-i-shkores.jpg
G. P.16:40 | 18/08/2019

Liqeni i Shkodrës është në ditët e tij më të këqija. Temperaturat e larta dhe mungesa e reshjeve kanë bërë që të ulet niveli i ujit dhen breg të dalin plehrat si në një moçal.

Niveli i ujit ka rënë shumë në liqenin e Shkodrës. Kurse plehrat mbulojnë bregun. Kryesisht nga barishtet që tashmë pjesën më të madhe të liqenit  në territorin shqiptar e kanë kthyer në një moçal.

Kohën kur është thatësirë, barishtet nxjerrin pjesën më të keqe. Bregu ngjason me një kënetë të lënë pas dore dhe liqeni humbet komplet bukurinë e tij.

Nga ana tjetër në pastrimin e një pjese të liqenit kanë menduar pushuesit ditorë që e shfrytëzojnë afërsinë me Shkodrën për t’iu shmangur vapës së verës. Por edhe peshkatarët që ankohen se nuk ka peshk.

Liqeni i Shkodrës është më i madhi në Ballkan, i pasur me florë dhe faunë, ndërsa kujdesi ndaj bregut lë për të dëshiruar përveç ndërhyrjeve nga vetë pushuesit.

Gazetar: Simon Shkreli

akullorja.jpg
G. P.16:20 | 18/08/2019

Festat lokale po shihen si një mundësi për të tërhequr sa më shumë turistë. Në Durrës u zhvillua “Akullore si dikur”. Ministri i Turizmit dhe Mjedisit Blendi Klosi i pranishëm në festë deklaroi mbështje për produktin vendas.

Turistë dhe pushues vendas shijuan akulloren që ndër vite njihet për shijen e saj unike. “Akullore si dikur” u zhvillua në sheshin “Liria” në Durrës. Në festën lokale i pranishëm ishte dhe ministri i Turizmit dhe Mjedisit, Blendi Klosi.

Praninë e madhe të qytetareve ministri e sheh si sukses të rikthimit të traditës.

Festat lokale po shihen si një alternativë për të rritur ofertën turistike prandaj ministri Klosi siguroi mbështetjen e Ministrisë së Turizmit dhe Mjedisit për t’i promovuar në të gjitha bashkitë e vendit./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono