Teknologji

aon.jpg
ent ela20:13 | 05/10/2019

AON shpk sjell një ndër markat më të njohura në botë të motor-gjeneratorëve CUMMINS(kamins) Poëer Generation një nga kompanitë amerikane me inovative dhe me aktive ne fushën e energjisë, motorizimit dhe automatizimit, duke konceptuar sisteme inteligjente dhe bashkëkohore.

Motor-gjeneratorët CUMMINS Power Generation të cilët prodhohen sipas kërkesave më të fundit për optimizimin e shkarkimit të gazrave dhe uljen e ndotjes akustike, tashmë përfaqësohen në Shqipëri nëpërmjet shoqërisë AON shpk.

AON shpk ka si synim që gama e këtyre produkteve të shtrihet edhe në energjinë e rinovueshme dhe atë inteligjente me standarde evropiane.

CUMMINS Power Generation është një ndër markat më te njohura në Botë për prodhimin, asemblimin, distribucionin dhe mbështetjen teknike te motor-gjeneratorëve diesel të fuqive nga 17 kVA deri në 3500 kVA.

Objektivi i AON shpk është zgjerimi i portofolit të produkteve CUMMINS në tregun shqiptar dhe të prezantojë gamën e kompletuar të produkteve CUMMINS duke përfshirë Marinën, Ushtrinë, Industrinë e Rëndë, Mjetet Motorike të Fuqishme dhe Mjetet Motorike të Ndërtimit, Sistemet në Paralel, Gjeneratorët me Gaz, si dhe asistencën teknike profesionale me staf të kualifikuar dhe të trajnuar pranë CUMMINS. /ABC News Albania 24/7

 

vajzaa57.jpg
ent ela10:34 | 30/09/2019

Alua Azalbek ka gjetur vdekjen mbrëmjen e djeshme pasi ka lënë celularin duke u karikuar poshtë jastëkut të saj.

Nga nxehtësia e tepërt celulari ka shpërthyer duke i shkaktuar vdekjen e menjëhershme adoleshentes shkruan Albeu.com

Pas hetimeve është zbuluar që Alua, ka marrë disa dëmtime në kokë për shkak të shpërthimit ndërkohë që marka e smartphonit nuk është bërë publike.

Miqtë dhe familja e Aluas kanë shprehur dëshpërim dhe kanë treguar se nuk e kishin pritur një tragjedi të tillë.

Ndërkohë ky nuk është rasti i parë dhe shumë prej nesh jemi të vetëdijshëm që e bëjmë këtë gjë herë pas here. /albeu.com/

facebook-watch-hero-grande-1280x454.jpg
ent ela18:27 | 25/09/2019

Në Facebook vijnë këshillat e modës për inteligjencën artificiale: kështu funksionon Fashion +++.

Facebook, gjigandi i parë në mediat sociale ka futur një veçori të re për t’i ndihmuar përdoruesit të kuptojnë më shumë rreth botës së modës.

Platforma e mediave sociale ka njoftuar se po ndërton një sistem të inteligjencës artificiale (AI) që mund të ofrojë këshilla për përdoruesit, për t’i ndihmuar ata të jenë më në modë.

Ja se si funksionon Fashion +++ dhe ajo që dimë deri më tani.

Sistemi, i quajtur Fashion +++, përdor një rrjet nervor të imazheve të thella për të identifikuar rrobat dhe të ofrojë ndryshime në atë që një përdorues duhet të heqw, shtojë ose ndryshojë.

Ai nuk rekomandon çfarë të blini, por mund të rekomandojë mënyra të ndryshme për të rregulluar një copë veshje për ta bërë atë të dalë më shumë nw pah, si të vishni këmishën ose t’i mbështillni mëngët”, shpjegon Facebook.

“Fashion +++ përqendrohet në detajet e vogla, në sugjerimet realiste dhe praktike, pa detyruar askënd të blejë veshje të reja,” konfirmon Zuckerberg në faqen e Facebook.

Për më tepër, mjeti i inteligjencës artificiale Fashion +++ është i vëmendshëm ndaj qëndrueshmërisë dhe etikës së produkteve të modës, dhe për këtë arsye kur është e mundur do të këshillojë përdoruesit e tendencave ose produkteve që mbrojnë planetin tonë. /abcnews.al

663376bd5206861d2d9971653d447203.jpg
ent ela10:30 | 20/09/2019

Mark Zuckerberg ka hedhur poshtë hipotezën e shitjes së Whatsapp-it dhe Instagram-it. lajmi është bërë i ditur nga senatori republikan Josh Hawley, një nga kritikët më në zë të Facebook-ut, pas takimit me pronarin e tij.

“Unë e sfidova atë të bëjë dy gjëra për të treguar se Facebook-u është serioz në lidhje me çështjen e paanshmërisë, mbrojtjen e të dhënave personale dhe konkurrencës, shitjen e Whatsapp dhe Instagram dhe nënshtrimin ndaj kontrollit të pavarur dhe të jashtëm për çështjen e censurës. U përgjigj jo për të dy”. /abcnews.al

klohe-dhe-kim.jpg
ad min17:10 | 19/09/2019

Instagram do të bllokojë disa postime të personave të famshëm si Kim Kardashian apo Cardi B. Në fakt, aplikacioni ka vendosur që të bllokojë të shfaqen për përdoruesit nën 18 vjeç postimet për kirurgjinë plastike dhe produktet që shërbejnë për humbjen e peshës.

Kjo lëvizje është një përpjekje e re që Instagram po bën për të ndaluar këto përmbajtje që lidhen me dietat, detoksifikimin dhe kirurgjinë kozmetike.

Kompania, e cila zotërohet nga Facebook, ka qenë nën presion të vazhdueshëm nga ekspertët e shëndetit. Sipas këtyre të fundit, postime të tilla kanë impakt tek shëndeti mendor dhe imazhi i trupit tek të rinjtë.

Sipas rregullave të reja, këto produkte të cilat reklamohen për t’u shitur ose kanë çmim në postim, do të fshihen për përdoruesit që janë nën moshën 18-vjeçare.

Reagimi i përdoruesve në lidhje me këtë çështje ka qenë i menjëhershëm. Jameela Jamil, aktiviste dhe aktore, tha se kjo është një fitore. Ajo njihet për kritikat e vazhdueshme ndaj të famshmëve në rrjetet sociale, duke përfshirë Khloe Kardashian për postimet e saj në lidhje me produktet e dietave./abcnews.al

 

5472-1280x768.jpg
ad min10:03 | 11/09/2019

Apple ka prezantuar produktin më të ri, iPhone 11, iPhone 11 Pro dhe iPhone 11 Pro Max. Kamera e re, ekran i përmirësuar, procesorë më të shpejtë dhe bateri që zgjat më shumë.

Celularët e rinj iPhone kanë dizajnë dhe madhësi ekrani të ngjashme. iPhone i ri do të jetë i disponueshëm në disa ngjyra, ku risia do të jetë ngjyra e zezë mat në pjesën e pasme të iPhone 11 Pro.

Iphone Pro do të vijë në dy madhësi, me ekran 5.8 inch dhe 6.5 inch. Teknologjia e re e aplikuar në ekranin e iPhone 11, ofron ngjyra më të mira si dhe efikasitet në jetëgjatësinë e baterisë.

Risia më e madhe e iPhone janë padyshim kamerat. Në pjesën e pasme, është vendosur brenda një kuadrati një sistem i trefishtë kamerash. Të tri këto kamera 12 megapiksel punojnë së bashku njëkohësisht duke ofruar cilësi më të lartë. Përmirësim është bërë edhe në kamerën e përparme për selfie.

“Kushdo që kërkon një telefon që tejkalon limitet, është iPhone 11 Pro. iPhone-i më i fuqishëm dhe më i përparuar që kemi prodhuar ndonjëherë me një dizajn mahnitës”, tha Tim Cook, shefi ekzekutiv i Apple. /tvklan.al

iphone.png
ad min11:36 | 08/09/2019

Ditët në vijim, Apple pritet të prezantojë modelin e ri të iPhone, diçka që edhe fansat po e presin me padurim. Si gjithmonë, pritet që gjigandi i smartfonëve të jetë tradicional, mirëpo disa detaje të reja kanë dalë në dritë në lidhje me versionin e ri.

Mendohet se iPhone 11 Pro dhe iPhone 11 Pro Max do të ketë ngjyrën Aura, ndryshe nga versionet e tjera të mëparshme.

Si pritet të jetë iPhone 11

Mirëpo mediat shkruajnë se kjo ngjyrë e re që pritet të përdorë Apple është përdorur më parë dhe është e ngjashme me atë që ka përdorur Samsung për Galaxy Note 10

Galaxy Note 10

.

 

Përveç kësaj sipas Mobile Fun, iPhone 11 do të jetë edhe në pesë ngjyra të tjera; jeshile, blu, e verdhë, e kuqe dhe vjollcë. Apple do të zbulojë iPhone-in e ri në një event në kampusin Cupertino të martën më 10 Shtator./abcnews.al

bateria.jpg
ad min20:42 | 01/09/2019

Pajisjet elektronike janë shumë të rëndësishme ditët e sotme. Smartfonët në përgjithësi, por edhe kompjuterët janë bërë pjesë e pandashme dhe shumë e nevojshme e jetës. Të tillë janë edhe laptopët.

Por pavarësisht avantazheve që kanë, këto pajisje kanë edhe disdisavantazhe, ndër to gjatësia e baterisë. Ekspertët kanë renditur gjashtë këshilla se si ta mbani baterinë e laptopit që të zgjasë tërë ditën.

  1. Fike WiFi-në nëse nuk të hyn në punë

Pavarësisht se në shumicën e kohës laptopin e përdorim me internet, ndodhet një opsion që e fik opsioni WiFi, kur nuk ju duhet. Fikja e saj i kursen shumë energji baterisë.

  1. Rregullo ndriçimin e ekranit

Ndriçimi i ekranit është një nga faktorët kryesor që ndikon në jetëgjatësinë e baterisë. Të ulësh ndriçimin kursen shumë.

  1. Përdore laptopin pasi të jetë karikuar

Shumica e njerëzve e mbajnë laptopin gjatë gjithë kohës në karikim. Por kjo mund të jetë e dëmshme për jetëgjatësinë e baterisë. Prandaj mos harroni, pasi të jetë karikuar plotësisht hiqeni nga priza karikuesin.

  1. Hiqi të gjitha pajisjet e panevojshme

Çdo proces që kryhet në laptop ka nevojë për bateri. Prandaj kujdesuni që të keni hequr diskun apo USB-në.

  1. Menaxho aplikacionet dhe programet

Ka shumë njerëz të cilët mbajnë njëkohësisht të hapura shumë faqe interneti. Mirëpo këto kërkojnë energji edhe gjatë kohës që nuk po i përdorni. Mbyllini ato faqe që nuk ju duhen dhe do ta shikoni që jo vetëm që laptopi do të punojë më shpejt, por edhe bateria do të zgjasë më shumë.

  1. Rregullo cilësimet në lidhje me baterinë

Tek cilësimet mund të vendosni opsionin “Kurse baterinë”. Ky opsion mund të jetë shumë i rëndësishëm gjatë kohës që jeni në lëvizje./abcnews.al

108536645_mediaitem108536641.jpg
ent ela22:30 | 29/08/2019

Gjenerata e re e celularëve të Huawei nuk do të përmbajë disa prej aplikacioneve të njohura të Google, të tilla si Youtube dhe Google Maps. Google konfirmoi se për shkak të ndalimit që qeveria amerikane bëri ndaj shitjes së produkteve për Huawei, nuk mund të licencojë aplikacionet e saj në telefonat e rinj Huawei.

Kjo do të thotë që telefoni i ri Huawei që do të dalë në shitje, nuk do të ketë akses as në “Play Store”, duke u hequr mundësinë përdoruesve për të përdorur aplikacionet e njohura. Qeveria e SHBA ndaloi kompanitë amerikane që të shisnin produkte për gjigandin kinez Huawei me pretendimin se cënohet siguria kombëtare, por më vonë Presidenti Trump tha se mund të bëhen disa lëshime.

Megjithatë, autoritetet zyrtare amerikane nuk kanë dhënë ende asnjë licencë që kompanitë të bëjnë tregti me Huawei. Sistemi operativ Android është “burim i hapur”, që do të thotë se mund të instalohet në smartphone apo tablet nga çdo prodhues. Por, për të përdorur disa aplikacione, kompanitë duhet të nënshkruajnë marrëveshje me Google, për shkak se shumë prej këtyre aplikacioneve i përkasin kësaj kompanie.

Këto aplikacione janë Maps, Play Store, YouTube, Photos etj. Google nuk ka dhënë asnjë informacion nëse ka kërkuar leje që të ofrojë shërbimet e saj tek Huawei. Nga ana tjetër, gjigandi kinez i teknologjisë tha në një deklaratë: “Huawei do të vazhdojë të përdorë sistemin operativ Android nëse qeveria amerikane na lejon ta bëjmë këtë. Në të kundër, do të zhvillojmë sistemin tonë operativ”/tvklan.al

apple-siri.jpg
nev ila13:23 | 29/08/2019

 

Dëgjonin biseda private dhe regjistronin momente intime të përdoruesve të asistencës vokale të Apple. Ka qenë kjo arsyeja me të cilën janë pushuar nga puna 300 persona në disa vende të europës.

Apple i ka kërkuar falje përdoruesve të Siri, asistencës së tij vokale, duke pranuar se nuk ka qenë në gjendje të ishte në lartësinë e standarteve të saj për privatësinë.

Kjo u bë pas analizës së Aplle pas akuzave të medias, sipas të cilave Apple përdorte regjistrimet në Siri për të përmirësuar identifikimin zanor.

Sipas Guardian, disa kontraktues të tretë kanë dëgjuar në disa raste biseda private si dhe kanë regjistruar cifte të cilat kryenin marrëdhënie intime. Për këtë arsye janë pushuar nga puna 300 persona në disa vende europiane.

Britanikja “The Guardian” ishte e para që denoncoi këtë fakt duke detyruar kompaninë të kryente hetime.

Duke qenë se nuk mund të identifikoheshin personat që kanë përgjuar dhe regjistruar moment intime, vendimi për pushim nga puna u mor për qindra prej tyre./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono