Teknologji

105914210_gettyimages-1133970604-594x594.jpg
ent ela19:30 | 06/03/2019

Bugati ka nxjerrë në treg makinën më të shtrenjtë. Makina e parë superluksoze u ble për 11 milionë dollarë.

Shitet makina e parë e modelit më të ri të Bugatit duke arritur shifrën prej 11 milionë dollarësh, ndërsa blerësi nuk ka dashur të identifikohet, por mendohet të jetë Ferdinand Piech.

Makina e parë është shitur 11 milionë dollarë, por ende nuk është bërë i ditur çmimi me të cilin do të dalë në treg kjo makinë.

Presidenti i Bugatti Stephan Winkelmann është shprehur për makinën e zezë se për të prodhuar këtë makinë është bërë një kombinim mes teknologjisë së jashtëzakonshme, estetikës dhe luksit ekstrem.

Makina ka një motor me 1500 kuaj fuqi. Nuk është thënë ende se sa do të arrijë shpejtësinë e saj kjo makinë, por tashme dihet që do të jetë në një shpejtësi rekord. /abcnews.al

MBULIM-NSA-PROGRAMI.mpg_snapshot_00.26-1280x720.jpg
ent ela16:05 | 05/03/2019

NSA, një nga gjencitë federale të fuqishme të shërbimit amerikan të inteligjencës, i ka dhënë fund programit të kritikuar, i cili pas atentateve të 11 shtatorit 2001, kontrollon dhe analizon telefonatat dhe mesazhet e miliona amerikanëve. Lajmi është konfirmuar nga Nju Jork Tajms, duke theksuar se si praktika ka shkaktuar reagime të ashpra vitet e fundit për sa i përket shkeljes së privatësisë. /abcnews.al

sonda-japoneze.jpg
G. P.09:50 | 25/02/2019

Është ulur me sukses mbi asteroidin Ryugu sonda japoneze Hayabusa. Qëllimi i këtij misioni të Agjencisë Hapësinore Japoneze është studimi i origjinës së sistemit diellor, duke mbledhur prova dhe pluhur kozmik.

Aktualisht ky asteroid ndodhet 342 mln km larg Tokës dhe në bazë të të dhënave të deritanishme rezulton të jetë një ndër trupat qiellorë më antikë të sistemit tonë. Qëllimi i shkencëtarëve është të mblidhte informacione se si janë krijuar planetët dhe si në disa prej tyre është akumuluar uji. Në këtë asteroid mendohet se ka shumë materiale organike dhe ujë 4.6 mld vjeçar, pikërisht në lindjen e sistemit diellor.

Shkencëtarët bëjnë të ditur se kanë mbërritur të dhënat e mbërritjes së sondës në sipërfaqen e asteroidit. Sipas tyre ulja ka qenë brenda normave, më pas është lëshuar një plumb që peshon vetëm 5 g me shpejtësi 300 m në sekondë, për të mbledhur fragmente me një teknologji me fuqi thithëse.

Pas mbledhjes së informacioneve shkëmbore, organike dhe pluhuri sonda do të rinisë udhëtimin për rikthimin e saj në Tokë.

Klan Plus

asteroidi.jpg
G. P.18:08 | 31/01/2019

NASA ka paralajmëruar se një asteroid do të kalojë pranë planetit tonë këtë të enjte. Shkencëtarët e kanë emërtuar me emrin “2019 BC3” asteroidin. Momenti kur ai do t’i afrohet më shumë Tokës do të jetë rreth orës 19:00.

“2019 BC3” do të udhëtojë me një shpejtësi prej 47.500 kilometrash në orë. Fatmirësisht në pikën më të afërt që do kalojë planetin, shkencëtarët kanë përllogaritur se do jetë rreth 4.8 milionë kilometra larg Tokës. Megjithatë kjo distancë nga NASA kondiserohet si e afërt.

Asteroidi ka një diametër rreth 31-69 metrash. Në një reagim, agjencia hapësinore amerikane theksoi se nuk ka asnjë asteroid apo kometë që është në drejtim të Tokës për t’u përplasur.

“Nuk dimë asnjë asteroid apo kometë në kurs përplasjeje me Tokën, kështu që probabiliteti i një përplasje të madhe është shumë i vogël. Në fakt, me aq sa mund të kuptojmë ne, asnjë objekt i madh nuk do të godasë Tokën në të paktën 100 vitet e ardhshme”, u shprehën ata./abcnews.al

whatsapp.jpg
G. P.23:19 | 28/01/2019

“Delete for everyone” i gëzoi përdoruesit e WhatsApp, por kjo vetëm për pak. Është zbuluar së fundmi se mesazhet që fshihen nuk zhduken përgjithmonë. Ato dalin sërish dhe ka disa mënyra shumë të lehta për ta bërë këtë.

Opsioni “Delete for everyone” u krijua vitin e kaluar dhe është i përdorshëm në Android, iOS dhe celularët Windows. Qëllimi kryesor është fshirja e mesazheve, të cilat në raste të ndryshme mund të jenë të siletshme për gjithkënd.

Megjithatë, mesazhi ruhet në celular dhe mund të ripublikohet sërish pas fshirjes duke përdorur opsionin “backup” të WhatsApp. Ky opsion rivendos të gjitha mesazhet tuaja çdo mëngjes, megjithëse këtë mund ta bëjë edhe njëherë në javë apo në muaj, mjafton ta vendosni ju.

Për të lexuar mesazhet e fshira, ç’instaloni aplikacionin WhatsApp dhe instalojeni sërish. Kur të logoheni sërish do t’iu dalë një opsion për të rivendosur të gjitha bisedat nëpërmjet “backup”-it.

Vetëm zgjidhni opsionin e rivendosjes dhe do iu dalin sërish të njëjtat biseda, duke përfshirë edhe mesazhet e fshira, të cilat shfaqen sikur nuk janë zhdukur asnjëherë. Edhe nëse nuk përdorni këtë opsion, mund të gjeni aplikacione të ndryshme, të cilat japin mundësinë që të zbulojnë mesazhet e fshira./abcnews.al

hello-i-m-nik-606854-unsplash-1-696x398.jpg
G. P.20:04 | 26/01/2019

Youtube ka nisur procesin e bllokimit të videove që favorizojnë teoritë ekstravagante dhe konspirative. Platforma web do të modifikojë sistemin e kërkimit për materialet që kanë përmbajtje konspirative.

Mjaft me video që promovojnë teori ekstravagante dhe konspirative, të paktën në Youtube. Platforma web, ka bërë të ditur se do të bllokojë të gjitha videot që favorizojnë teza të cuditshme dhe me tendenca komplotiste; ndër të cilat, ato në lidhje me rrumbullakësinë e planetit tokë dhe sulmeve të 11 Shtatorit. Youtube do të kryejë një ndërhyrje graduale, e cila do të modifikojë sistemin e sugjerimeve të videove,  në mënyrë të tillë që përmbajtjet e llojit konspirativ të kalojnë pa u vënë re, pavarësisht mbetjes së tyre në rrjet. Operacioni do të nisë këto ditë në Shtetet e Bashkuara, dhe më pas do të shtrihet edhe në vende të tjera. Pikërisht kohët e fundit, platforma në pronësinë e kompanisë gjigande Google, ka ndryshuar politikën e të vepruarit edhe mbi publikimin e filmimeve që regjistrojnë prova të rrezikshme, ose që krijojnë nxitje për dhunë. Youtube është një vitrinë virtuale e vizituar nga qindra miliona shikues. Ndryshimi i kryer së fundmi i rregullave të kompanisë mbi disa aspekte, ka krijuar përshtypjen te përdoruesit e Youtube, se kompania po synon t’i përmirësojë filtrat e cilësisë, vërtetësisë dhe sigurisë, në lidhje me materialet që hidhen në rrjet dhe ato që tashmë Youtube disponon./abcnews.al

dinozaur-1280x854.jpg
G. P.13:34 | 17/01/2019

Një hotel në Tokio do të pushojë nga puna 200 robotë dhe në vend të tyre do të punësohen njerëz. Drejtuesit e hotelit u shprehën se pas tre vitesh kuptuan se robotët nuk janë në lartësinë e duhur.

Jo efikas, të ngadaltë dhe të paaftë për t’iu përgjigjur kërkesave të klientëve. Të paktën gjysma e nëpunësve të hotelin Henn-na të Tokios do të pushohen nga puna. Por lajmi është se ata janë të gjithë robotë. Hoteli u bë i famshëm sepse ishte nga të parët në botë që punësoi 200 robotë në vend të njerëzve. Pas tre vitesh, eksperimenti konsiderohet i dështuar. Drejtuesit e hotelit në periudhën e fundit kanë marrë shumë ankesa nga klientët dhe kështu kanë vendosur t’i pushojnë nga puna.

Wall Street Journal shkruan se i pari që u çaktivizua ishte asistenti vokal i dhomës, i cili nuk arrinte t’u përgjigjej pyetjeve më të thjeshta, ose aktivizohej në mes të natës sapo dëgjonte zhurmën më të vogël. Robotët që merreshin me bagazhet, fikeshin në rast se binte shi apo borë dhe kritikoheshin pasi ishin shumë të ngadaltë. Ndërsa recepsionistët, nuk dinin të jepnin informacione për vendet që mund të vizitoheshin apo për oraret e fluturimit.

Robotët pas pak vitesh konsiderohen të vjetëruar, por drejtuesit vendosën që të mos i rinovojnë më. Por gjithsesi, ata paralajmërojnë se koha e robotëve nuk ka përfunduar./abcnews.al

BLERJE-ONLINE.jpg
G. P.16:31 | 02/01/2019

Shqipëria është vendi që përdor më pak teknologjinë në Evropë për blerje online. Sipas Anketës së Cilësisë së Jetës, 85% e të pyeturve kanë deklaruar se nuk kanë kryer blerje të tilla, vetëm 15 përqind i janë drejtuar shërbimeve që ofrohen nëpërmjet internetit.

E gjithë bota po përqëndrohet tek teknologjia, përfshirë edhe blerjet online. Por Shqipëria është jo larg, por shumë larg veprimeve online duke u renditur e fundit ndër vendet anëtare dhe kandidate të BE-së për blerjet online. Shqipëria është vendi me përqindjen më të ulët të blerjeve online në krahasim me vendet e Bashkimit Europian dhe kandidatëve për anëtarësim.

Sipas Anketës së Cilësisë së Jetës, 85% e të pyeturve kanë deklaruar se nuk kanë kryer blerje online dhe 15% kanë deklaruar se kanë bërë blerje online. Ndër vendet kandidate përqindjen më të ulët të blerjeve online pas Shqipërisë e ka Maqedonia, ku vetëm 25% të të anketuarve kanë deklaruar se kanë kryer blerje online. Në Malin e Zi, Serbi dhe Turqi, përqindja e të anketuarve online që kanë deklaruar se kanë bërë blerje online varion nga 31 në 34%.

Mesatarja e të anketuarve në Bashkimin Europian që kanë deklaruar se kanë kryer blerje online është 67%. Vendet e Bashkimit Europian me përqindjen më të lartë të blerjeve online janë Suedia me 85%, Mbretëria e Bashkuar me 84%, Danimarka dhe Holanda me 83%, Finlanda me 76%. Ndërsa vendet anëtare të Bashkimit Europian që kanë shënuar përqindjen më të ulët të të anketuarve që kanë deklaruar se kanë kryer blerje online janë Kroacia me 33%, Rumania dhe Portugalia me 36% dhe Greqia me 37%. Ndërsa shqiptarët në vend të një kliku vazhdojnë të përzgjedhin hyrjet daljet nga një dyqan në tjetrin./abcnews.al

FACEBOOK-PROFILET-1280x720.jpg
G. P.13:16 | 12/12/2018

Një alarm për bombë në zyrat e rrjetit social Facebook në Silikon Valley ka shkaktuar panik tek punonjësit. Policia e San Franciskos i është përgjigjur menjëherë alarmi dhe ka evakuuar godinën, e cila pas një kontrolli të detajuar është shpallur e sigurtë.

Alarmi u dha përmes një telefonate anonime në Departamentin e Policisë së Nju Jorkut, e cila njoftoi më pas autoritetet lokale në Menlo Park të Kalifornisë, ku ndodhet dhe kampusi i Facebook.

Punonjës të rrjetit social njoftuan se në tërësi u evakuuan tre ndërtesa, por jo ajo ku ndodhen zyrat kryesore. Një tjetër kompani me seli në Silikon Valley që më herët gjatë vitit u përball me probleme sa i takon sigurisë është Youtube. Në muajin maj një grua hapi zjarr në ambjentet e zyrave në San Francisko, duke plagosur tre persona dhe vrarë më pas veten./abcnews.al

insight-1280x720.jpg
G. P.08:13 | 08/12/2018

Sonda “Insight” që prej disa ditësh ndodhet në planetin Mars ka dhënë sinjalin e parë për laboratorët e NASA-s në tokë. Sonda ka regjistruar zhurmën e erës në Planetin e Kuq, e ngjashme me një fëshfërimë që është vështirë të dëgjohet nga veshi i njeriut.

Sonda “Insight” e NASA-s, që dhjetë ditë më parë mbërriti në Mars, ka regjistruar zhurmën e erës që fryn në këtë planet. Bëhet fjalë për një fëshfërimë thuajse e pakapshme nga veshi i njeriut.

Sidoqoftë, rezultati është arritur falë sizmometrit dhe sensorit të presionit të ajrit që i janë montuar objektit e që kanë mundësuar regjistrimin e dridhjeve të erës, që frynte me 16 deri në 24 kilometra në orë. Konkretisht, sensori i presionit ka mundësuar një regjistrim direkt të erës, ndërsa sizmometri dridhjet e shkaktuara në panelet diellore të sondës.

“Panelet diellore reagojnë ndaj ndryshimit të presionit të erës. Është njësoj sikur “Insight” të ketë ngritur veshët për ta dëgjuar”, ka sqaruar Tom Pike, anëtar i ekipit shkencor të misionit.

“Kur pamë drejtimin e dridhjeve që vinin nga panelet diellore, ato përputheshin me drejtimin që ne kishim parashikuar në momentin e uljes”, ka vijuar Pike.

Për NASA-n, materiali i parë audio nga Planeti i Kuq është një dhuratë e papritur, edhe pse misioni i sondës është matja e lëvizjes në Mars, që përfshin edhe lëvizjen e valëve zanore. Për të dëgjuar më qartë tingujt marsianë duhet pritur misioni i NASA-s në Mars në vitin 2020, kur sonda do të ketë në bord dy mikrofonë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono