Teknologji

youtubers-1.jpg
So Nila09:20 | 16/01/2020

Teknologjia është bërë pjesë e pandashme për njerëzi madje për disa shumë fitimprurëse. Duke marrë rastin e YouTube, shumë persona që kanë një kanal fitojnë para. Kjo është e vërtetë, madje për vitin 2019 ishte një 8-vjeçar, fitimet e të cilit arritën në 26 milionë dollarë.

Fitimet nga YouTube varen shumë nga numri i shikimeve dhe reklamat. Prandaj jo të gjithë YouTuber-sat fitojnë njëlloj. Business Insider ka folur me disa prej tyre, të cilët kanë nivele të ndryshme të abonuarish dhe shikimesh për video.

Një ndër to është Natalie Barbu. Ajo e ka nisur kanalin në YouTube kur ishte gjimnaziste. Pas tetë vitesh postimesh rreth modës, bukurisë dhe jetës së saj, ajo numëron plot 257 mijë abonues. Në kanal ka më shumë se 20 mijë video me mbi 100 mijë shikime. Barbu ka treguar se mund të fitojë 500 deri në 1 mijë dollarë për video. Sipas saj, kjo varet nga sa shumë reklama përfshihen në video dhe sa i gatshëm është reklamuesi për të paguar.

 

Një tjetër YouTuber i njohur është edhe Austen Alexander. Për një video të vetëm ai numëron deri në 1 milion shikime. Ai mund të përfitojë deri në 40 mijë dollarë nëse përfshin çdo lloj reklame në videot e tij. Gjithashtu, ai shprehet se videot mbi 10 minuta, janë një tjetër mënyrë për të vendosur shumë reklama.

 

Ndërkohë Shelby Curch, videot e së cilës arrijnë gjithashtu në 1 milion thotë se merr nga 2 mijë deri në 5 mijë dollarë për video.

 

Paul Kousky është i njohur për videot që bën me armët Nerf. Ai ka mbi 10 milionë abonues dhe fiton shumicën e parave nga reklamat që ka në kanalin e tij, PDK films. Videoja më fitimprurëse për të ka arritur 136 milionë shikues. Ajo vazhdon të rritet, ndërsa deri më tani fitimet vetëm për atë video kanë arritur 97 mijë dollarë./abcnews.al

 

amazon_smbhav-1280x820.jpg
So Nila17:07 | 15/01/2020

Amazon pritet që të investojë në Indi, si qëllim rritjen e tregut. Shefi i kompanisë Amazon, Jeff Bezos është shprehur se kombania do të bëjë një investim prej 1 miliard dollarë në digjitalizim të bizneseve të vogla dhe të mëdha, duke u lejuar atyre që të shesin online.

Ndër të tjera në shefi i Amazon ka thënë se shekulli 21, do të jetë “shekulli indian”. Ndërkohë vizita e tij në Indi pritet që të shoqërohet me protesta të shumta.

Mijëra kompani të vogla tregtare nga 300 qytete kanë planifikuar mbajtjen e protestave, për shkak të asaj që e konsiderojnë ndikim negativ të kompanisë Amazon në prodhuesit e tregut lokal.

Ata pretendojnë se Amazon do t’i largojë nga tregu, duke ofruar produkte më të lira, dhe duke ofruar shërbime tjera në platformat që ka.

Tregu online në Indi është i dominuar nga kompanitë Amazon dhe Flipkart. /abcnews.al

Capture-17.png
So Nila15:45 | 15/01/2020

Paulina Worrall, 36-vjeçarja nga Kidderminster e diagnostikuar me sindromën Rett, ka qenë e paaftë të lëvizë dhe të flasë që nga fëmijëria.

Sindroma Rett i prek zakonisht fëmijët e moshës më të re duke shkaktuar dëmtime të rënda në tru dhe në shtyllën kurrizore. Kjo sëmundje karakterizohet me humbje të aftësisë për të lëvizur, për të dëgjuar dhe folur.

 

 

Falë teknologjisë më të re, më në fund pas 36 viteve ajo ka arritur t’i thotë nënës së saj “te dua”. Teknologjia e re i ka mundësuar asaj të komunikojë, me anë të një kompjuteri, i cili i konverton lëvizjet e syve në të folur. Ky kompjuter i përcjell dhe i bashkon të gjitha simbolet apo shkronjat që 36-vjeçarja i shikon.  Këto fjalë konvertohen në fjali, me anë të një zëri kompjuterik.

 

“Fjalët e para të saj kanë një domethënie të madhe për ne. Ne tani mund të bisedojmë bashkë”, është shprehur nëna e saj.

Ky çrregullim gjenetik, prek një në 12.000 fëmijë. Kjo sindromë është progresive dhe ka  4 stade të zhvillimit, deri në humbje të plotë të aftësisë për të lëvizur dhe folur./abcnews.al

4096.jpg
So Nila12:16 | 15/01/2020

Gjashtë menaxherë të  kompanisë Volkswagen janë akuzuar për mashtrim në lidhje me trajtimin e emetimeve të gazrave nga prodhuesi automobilistik, njoftoi një prokuror nga qyteti gjerman i Braunschweig.

Gjashtë personat u  akuzohen për evazion fiskal dhe falsifikim të dokumenteve në periudhën midis nëntorit 2006 dhe shtator 2015, kur skandali goditi për herë të parë gjigantin e makinave gjermane.

Thuhet se të dyshuarit janë “kryesisht përgjegjës” për mashtrimin e klientëve dhe rregullatorëve të VW me ndihmën e programit të dizajnuar për të testuar emetimet e mjedisit në makinat me naftë, sipas deklaratës.

Martin Winterkorn, ish presidenti i Grupit Volkswagen, i cili nuk është ekspozuar nga zbulimet, gjithashtu është akuzuar për mashtrim të Braunschweig.

Aksionarët po kërkojnë më shumë se 9 miliardë euro dëmshpërblime nga prodhuesit e makinave me bazë në Wolfsburg, duke argumentuar se ata humbën para pas skandalit, dhe se ato duhej të ishin paralajmëruar sapo ata të mernin vesh për instalimin e pajisjeve mashtruese në makinat VW.

Këtë muaj, një rast i ngjashëm u ngrit kundër Daimler, me më shumë se 200 investitorë  që kërkuan 900 milion euro nga pronari i Mercedes-Benz./abcnews.al

download-1.jpg
So Nila19:04 | 09/01/2020

Facebook duket se ka vendosur të mos ndërhyjë në reklamat politike  dhe nuk do ta kufizojë mundësinë që ato  t’iu drejtohen grupimeve të caktuara.

Ndërkohë në muajin nëntor rivali kryesor i Facebook, Google kishte vendosur që të bënte një kufizim të tillë por që nuk e vuri asnjëherë në praktikë, siç ka bërë rrjeti social Tëitter që prej muajit tetor që ka ndaluar reklamat politike.

Gjithashtu Facebook nuk do të kontrollojë faktet e paraqitura në këto reklama, megjithëse është përballur me presion për këtë çështje. Ndër të tjera në reagimin e saj të fundit kompania njoftoi se do të ketë mekanizma më transparentë që synojnë t’u japin më shumë kontroll përdoruesve për sasinë e reklamave politike që do të shohin dhe do ta bëjë më të lehtë “shfletimin” e katalogut të saj online të reklamave politike.

Këto masa nuk duket se do të qetësojnë kritikët, që gjenden madje edhe në radhët e vetë punonjësve të kompanisë Facebook, të cilët shprehen se Facebook-u ka pushtet të tepruar dhe kufizime jo të mjaftueshme për ndikimin që ka ndaj zgjedhjeve dhe vetë demokracisë.

Facebook ka këmbëngulur se nuk do të verifikojë faktet e paraqitura nga reklamat politike. Kritikët thonë se kjo u jep liçensën politikanëve të gënjejnë në reklama që nuk mund të monitorohen lehtë nga shikuesit.

 

91304-whatsapp-reuters-2.jpg
So Nila10:23 | 06/01/2020

Ai është tashmë një nga aplikacionet më të shkarkuara në botë, dhe sikur të mos mjaftonte kjo, tani ka vendosur një rekord të ri që rivalët e tij mund ta kenë shumë të vështirë për ta mposhtur.

WhatsApp njoftoi se janë dërguar 100 miliardë mesazhe private në prag të Vitit të Ri.

Numri i mesazheve të dërguara për Vitin e Ri në të gjithë botën ishte më i larti ndonjëherë në historinë e WhatsApp.

Vetëm përdoruesit në Mbretërinë e Bashkuar dërguan mbi 900 milionë mesazhe në prag të Vitit të Ri.

“WhatsApp gjithashtu mund të konfirmojë se me mbi 100 miliardë mesazhe të dërguara, më 31 dhjetor 2019 panë më shumë mesazhe të dërguara sesa çdo ditë më parë në historinë dhjetë vjeçare të WhatsApp. Vetëm në Indi, përdoruesit e WhatsApp dërguan mbi 20 miliardë mesazhe në 31 dhjetor”, tha “WhatsApp” në një deklaratë për shtyp.

Nga 100 miliardë mesazhet e dërguara, më shumë se 12 miliardë ishin mesazhe fotografish.

Ja çfarë dërguan më tepër përdoruesit në prag të Vitit të Ri:

1 – Tekste

2 – Statuse

3 – Foto-mesazhe

4 – Telefonata

5 – Mesazhe me zë./abcnews.al

iphonee.jpg
So Nila14:57 | 03/01/2020

Është zbuluar se kompania do të nxjerrë në treg 5 iPhone të rinj.

Sipas Digitimes, gjigandi i teknologjisë do prezantojë iPhone e ri të quajtur “iPhone SE2” në fillim të vitit 2020.

‘Apple pritet të lëshojë 5 pajisje iPhone në vitin 2020, katër modele OLED dhe dy LCD’, iPhone SE 2 gjithashtu raportohet se do të quhet iPhone 9.

Sipas burimeve Apple ka marrë porosi për dy pajisje të ndryshme LCD pasi Chipbound i bën dërgesat për ekranet LCD.

Kjo ka nxitur thashethemet se kompania mund të jetë duke planifikuar për të prodhuar një iPhone 9 të dytë më vonë gjatë vitit, mbase iPhone SE 2 Plus, ose iPhone 9 Plus./abcnews.al

WHATSAPP.jpg
ger ta12:41 | 30/12/2019

WhatsApp nuk do të funksionojë në modelet e telefonave të vjetër. Kështu për të gjitha ata që përdorin një telefon Windows nga 31 dhjetori nuk do të mund të kenë akses në WhatsApp.

Kjo pasi Aplikacioni më i populluar i mesazheve në botë ka vendosur të ndalojë mbështetjen për pajisjet që drejtojnë sistemin operativ të vjetër Windows Phone. Po ashtu WhatsApp është duke planifikuar që të ndalojë edhe në Apple iOS dhe Android, duke detyruar miliona njerëz të blejnë telefona të ri.

WhatsApp gjithashtu theksoi në faktin se këto versione më të vjetra të sistemeve operative Android dhe iOS “nuk mund të krijojnë më llogari të reja, as të përditësojnë llogaritë ekzistuese pas 1 shkurtit të vitit 2020.”

Por, nëse keni një smartphone Windows dhe nuk doni të humbni të gjitha bisedat dhe informacionet tuaja pas 31 Dhjetorit 2019, ekziston një mundësi për të ruajtur bisedat tuaja.

Hapni bisedën që dëshironi të eksportoni dhe klikoni mbi “Group Info” dhe më pas ‘Export Chat’. Atëherë do t’ju jepet mundësia të shkarkoni bisedën me ose pa media. Zgjidhni opsionin tuaj dhe eksportoni të gjitha bisedat.

WhatsApp gjithashtu theksoi se vendimi për t’i dhënë fund mbështetjes WhatsApp për këto telefona Android dhe iPhone nuk do të prekë shumë përdoruesit.

Lista me telefonat që nuk do kenë më WhatsApp:

-Të gjitha sistemet operative të Windows Phone pas 31 Dhjetorit 2019

-Versionet Android 2.3.7 dhe më të vjetër pas 1 shkurtit 2020

-iPhone iOS 8 dhe më të vjetër pas 1 shkurtit 2020./abcnews.al

s1.jpg
So Nila11:38 | 25/12/2019

Abimelecdesign ka punuar në një Larborghini, duke e kthyer në makinë me gjashtë rrota, të aftë për të gjitha terrenet, por pa ia ndryshuar dukjen origjinale që e ka. Versioni i kësaj makine, ngjanë shumë me Mercedes-AMG G63 6X6.

Brenda makinës, thuhet se është i njëjti motor me V12 si dhe transmisioni manual. Pjesa e pasme e këtij Lamborghini, është zgjatur në masë të madhe, duke mundësuar hapësirë të bollshme për qëndrim./abcnews.al

 

 

 

google-logo.jpg
So Nila08:41 | 23/12/2019

Në muajin shtator,Google,ka pranuar t’iu paguajë autoriteve franceze gati një miliard euro, për një mashtrim fiskal që ka nisur katër vjet më parë.

Autoriteti i Konkurrencës në Francë e gjobiti kompaninë Google me 150 milionë euro për, siç tha, sjellje anti-konkurruese dhe reklama të paqarta.

Rregullat për platformën e reklamave në Google nuk janë transparente dhe janë të vështira për t’u kuptuar, thanë të premten autoritetet franceze.

Gjoba vjen në kohën kur Franca dhe vendet e tjera evropiane kanë rritur kontrollet ndaj kompanive amerikane të teknologjisë, të tilla si: Google, Facebook, Apple dhe Amazon, të cilat shpesh kritikohen për pagesë relativisht të ulët të taksave.

Isabelle de Silva, udhëheqëse e Autoritetit francez të Konkurrencës, tha se dominimi i Google në reklamat online është “i jashtëzakonshëm”.

Sipas saj, kompania amerikane kontrollon 90 për qind të tregut në këtë fushë.

Google tha se do ta apelojë gjobën./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono