Teknologji

data-218-miljoen-spelers-words-with-friends-gestolen.jpg
So Nila15:55 | 18/01/2020

Policia Hollandeze ka arrestuar një 22-vjeçar, i cili dyshohet se ka shitur 12 miliardë fjalëkalime dhe kode aksesi të vjedhura, në internet.

Policia e qytetit Arnhem tha në një deklaratë dje se të dhënat mund të shkarkohen për një shumë të caktuar parash. Policia nuk ka zbuluar cilësinë e të dhënave, ose personat e prekur, dhe tha se hetimet janë ende në vazhdim.

Hetuesit Hollandezë bashkëpunuan ngushtë me autoritetet gjermane, amerikane dhe britanike për këtë rast.

Pasi morën një sinjal nga kolegët në Britani, ekspertët e krimit të internetit në Hollandë ishin në gjendje të gjurmonin të dyshuarin në lindje të vendit.

Policia tha se autoritetet konfiskuan pajisje të specializuara gjatë kontrollit të dy apartamenteve. Duke përdorur këto pajisje, të dhënat janë në dispozicion përmes faqes së internetit “Wei Lake Info”.

Si pjesë e hetimeve, një 22-vjeçar tjetër u arrestua gjithashtu në Irlandën Veriore.

Ndërkohë, Byroja Federale e Hetimit e SHBA (FBI) bllokoi faqen e internetit./abcnews.al

 

 

whatsapp-fake-660_050119095622.jpg
So Nila08:20 | 18/01/2020

WhatsApp-i duket se është tërhequr nga plani për përdorimin e reklamave në aplikacion. Këtë e tregon raporti më i fundit i Wall Street Journal për Facebook-un, i cili zotëron edhe gjigandin e komunikimit.

“Në muajt e fundit, WhatsApp-i shkriu ekipin që kishte ngritur për të gjetur mënyrat më të mira se si të përshtaste reklamat në këtë shërbim”, thuhet në raportin e Wall Street Journal.

Vendimi për të përfshirë reklama u konfirmua nga Facebook-u në vitin 2018, por shkaktoi shumë polemika sepse themeluesit e aplikacionit, Brian Acton dhe Jan Koum, ishin kundër kësaj ideje.

Kur u lançua, WhatsApp-i ishte një aplikacion me pagesë. Përdoruesit duhet të paguanin një shumë të vogël për ta shkarkuar dhe më pas dërgimi i mesazheve ishte i lirë.

Në vitin 2013, kompania vendosi që shifra për përdorimin e shërbimit të ishte 1 dollarë. Ndërkohë në 2016-n, WhatsApp lajmëroi se do të ishte falas, duke mos i dhënë përgjigje të qartë pyetjes se si do të fitonte kompania para.

Acton-i dhe Koum-i u dorëhoqën vitin e kaluar, pas lajmeve se Facebook donte të monetizonte aplikacionin, duke shitur shërbime dhe duke futur reklamat. Acton-i tha se ishte i detyruar të largohej, për shkak se nxitimi i Marc Zuckerberg-ut për të bërë para nga aplikacioni e bënte të “palumtur”./abcnews.al

Capture-30.png
So Nila14:50 | 17/01/2020

Microsoft nuk do të suportojë më Windows 7 dhe kjo do të thotë se sistemi operativ 11-vjeçar nuk do të mund të përditësohet duke u bërë më i rrezikuar nga “sulmet”.

Një e treta e kompjuterave në botë përdorin Windows 7, sipas NetMarketShare. Microsoft po paralajmëron përdoruesit se kompjuterat që përdorin Windows 7 do të jenë më të rrezikuar nga viruset dhe çështjet e sigurisë.

Një ndër mundësitë për të mbrojtur kompjuterin tuaj është të instaloni sistemin Windows 10 ose Windows 10 Pro. Nëse është e pamundur për shkak të kapacitetit të kompjuterit tuaj aktual, ndoshta është koha për të blerë një të ri./abcnews.al

577d2adf7e338d6cfed7f8a4acfe3024-1280x720.jpg
So Nila12:11 | 17/01/2020

Kompania simotër e gjigantit të kërkimeve në internet Google, Alphabet ka arritur për herë të parë  vlerën prej një trilion dollarësh në treg, duke u bërë kompania e katërt e teknologjisë në SHBA që arrin një nivel të tillë.

Tregu në Alphabet u mbyll me një rekord prej 1.450 dollarësh për aksion në Bursën e Nju Jorkut, më 16 janar.

Kompanitë tjera mbi këtë nivel janë Apple, që tani ka vlerën prej 1.38 trilion dollarësh, dhe Microsoft 1.26 trilion dollarë. Ndërkohë në vitin 2018 Amazon ka arritur në mbi një trilion dollarë, por që atëherë ka rënë në 930 miliardë dollarë.

Google, motori kryesor i kërkimeve në internet, ka prodhuar sistemin e njohur mobil Android./abcnews.al

bose.jpg
So Nila11:23 | 17/01/2020

Kompania amerikane Bose, një nga prodhuesit më të njohur të pajisjeve audio, do të mbyllë të gjitha 119 dyqanet në Europë, Amerikën e Veriut, Australi dhe Japoni.

Kompania e komunikoi vendimin në një shënim, duke motivuar vendimin me faktin se produktet e saj “blihen gjithnjë e më shumë përmes tregtisë elektronike”.

“Duke pasur parasysh zhvendosjen e fortë për blerjen në internet në tregje specifike, Bose planifikon të mbyllë 119 dyqanet e shitjes me pakicë në Amerikën e Veriut, Europë, Japoni dhe Australi në muajt e ardhshëm”, lexohet në shënimin, i cili shpjegon se të tjerët do të qëndrojnë të hapur.

Kompania ka 130 dyqane në Kinë, Emiratet e Bashkuara Arabe, Indi, Azinë Juglindore dhe Korenë e Jugut./abcnews.al

youtubers-1.jpg
So Nila09:20 | 16/01/2020

Teknologjia është bërë pjesë e pandashme për njerëzi madje për disa shumë fitimprurëse. Duke marrë rastin e YouTube, shumë persona që kanë një kanal fitojnë para. Kjo është e vërtetë, madje për vitin 2019 ishte një 8-vjeçar, fitimet e të cilit arritën në 26 milionë dollarë.

Fitimet nga YouTube varen shumë nga numri i shikimeve dhe reklamat. Prandaj jo të gjithë YouTuber-sat fitojnë njëlloj. Business Insider ka folur me disa prej tyre, të cilët kanë nivele të ndryshme të abonuarish dhe shikimesh për video.

Një ndër to është Natalie Barbu. Ajo e ka nisur kanalin në YouTube kur ishte gjimnaziste. Pas tetë vitesh postimesh rreth modës, bukurisë dhe jetës së saj, ajo numëron plot 257 mijë abonues. Në kanal ka më shumë se 20 mijë video me mbi 100 mijë shikime. Barbu ka treguar se mund të fitojë 500 deri në 1 mijë dollarë për video. Sipas saj, kjo varet nga sa shumë reklama përfshihen në video dhe sa i gatshëm është reklamuesi për të paguar.

 

Një tjetër YouTuber i njohur është edhe Austen Alexander. Për një video të vetëm ai numëron deri në 1 milion shikime. Ai mund të përfitojë deri në 40 mijë dollarë nëse përfshin çdo lloj reklame në videot e tij. Gjithashtu, ai shprehet se videot mbi 10 minuta, janë një tjetër mënyrë për të vendosur shumë reklama.

 

Ndërkohë Shelby Curch, videot e së cilës arrijnë gjithashtu në 1 milion thotë se merr nga 2 mijë deri në 5 mijë dollarë për video.

 

Paul Kousky është i njohur për videot që bën me armët Nerf. Ai ka mbi 10 milionë abonues dhe fiton shumicën e parave nga reklamat që ka në kanalin e tij, PDK films. Videoja më fitimprurëse për të ka arritur 136 milionë shikues. Ajo vazhdon të rritet, ndërsa deri më tani fitimet vetëm për atë video kanë arritur 97 mijë dollarë./abcnews.al

 

amazon_smbhav-1280x820.jpg
So Nila17:07 | 15/01/2020

Amazon pritet që të investojë në Indi, si qëllim rritjen e tregut. Shefi i kompanisë Amazon, Jeff Bezos është shprehur se kombania do të bëjë një investim prej 1 miliard dollarë në digjitalizim të bizneseve të vogla dhe të mëdha, duke u lejuar atyre që të shesin online.

Ndër të tjera në shefi i Amazon ka thënë se shekulli 21, do të jetë “shekulli indian”. Ndërkohë vizita e tij në Indi pritet që të shoqërohet me protesta të shumta.

Mijëra kompani të vogla tregtare nga 300 qytete kanë planifikuar mbajtjen e protestave, për shkak të asaj që e konsiderojnë ndikim negativ të kompanisë Amazon në prodhuesit e tregut lokal.

Ata pretendojnë se Amazon do t’i largojë nga tregu, duke ofruar produkte më të lira, dhe duke ofruar shërbime tjera në platformat që ka.

Tregu online në Indi është i dominuar nga kompanitë Amazon dhe Flipkart. /abcnews.al

Capture-17.png
So Nila15:45 | 15/01/2020

Paulina Worrall, 36-vjeçarja nga Kidderminster e diagnostikuar me sindromën Rett, ka qenë e paaftë të lëvizë dhe të flasë që nga fëmijëria.

Sindroma Rett i prek zakonisht fëmijët e moshës më të re duke shkaktuar dëmtime të rënda në tru dhe në shtyllën kurrizore. Kjo sëmundje karakterizohet me humbje të aftësisë për të lëvizur, për të dëgjuar dhe folur.

 

 

Falë teknologjisë më të re, më në fund pas 36 viteve ajo ka arritur t’i thotë nënës së saj “te dua”. Teknologjia e re i ka mundësuar asaj të komunikojë, me anë të një kompjuteri, i cili i konverton lëvizjet e syve në të folur. Ky kompjuter i përcjell dhe i bashkon të gjitha simbolet apo shkronjat që 36-vjeçarja i shikon.  Këto fjalë konvertohen në fjali, me anë të një zëri kompjuterik.

 

“Fjalët e para të saj kanë një domethënie të madhe për ne. Ne tani mund të bisedojmë bashkë”, është shprehur nëna e saj.

Ky çrregullim gjenetik, prek një në 12.000 fëmijë. Kjo sindromë është progresive dhe ka  4 stade të zhvillimit, deri në humbje të plotë të aftësisë për të lëvizur dhe folur./abcnews.al

4096.jpg
So Nila12:16 | 15/01/2020

Gjashtë menaxherë të  kompanisë Volkswagen janë akuzuar për mashtrim në lidhje me trajtimin e emetimeve të gazrave nga prodhuesi automobilistik, njoftoi një prokuror nga qyteti gjerman i Braunschweig.

Gjashtë personat u  akuzohen për evazion fiskal dhe falsifikim të dokumenteve në periudhën midis nëntorit 2006 dhe shtator 2015, kur skandali goditi për herë të parë gjigantin e makinave gjermane.

Thuhet se të dyshuarit janë “kryesisht përgjegjës” për mashtrimin e klientëve dhe rregullatorëve të VW me ndihmën e programit të dizajnuar për të testuar emetimet e mjedisit në makinat me naftë, sipas deklaratës.

Martin Winterkorn, ish presidenti i Grupit Volkswagen, i cili nuk është ekspozuar nga zbulimet, gjithashtu është akuzuar për mashtrim të Braunschweig.

Aksionarët po kërkojnë më shumë se 9 miliardë euro dëmshpërblime nga prodhuesit e makinave me bazë në Wolfsburg, duke argumentuar se ata humbën para pas skandalit, dhe se ato duhej të ishin paralajmëruar sapo ata të mernin vesh për instalimin e pajisjeve mashtruese në makinat VW.

Këtë muaj, një rast i ngjashëm u ngrit kundër Daimler, me më shumë se 200 investitorë  që kërkuan 900 milion euro nga pronari i Mercedes-Benz./abcnews.al

download-1.jpg
So Nila19:04 | 09/01/2020

Facebook duket se ka vendosur të mos ndërhyjë në reklamat politike  dhe nuk do ta kufizojë mundësinë që ato  t’iu drejtohen grupimeve të caktuara.

Ndërkohë në muajin nëntor rivali kryesor i Facebook, Google kishte vendosur që të bënte një kufizim të tillë por që nuk e vuri asnjëherë në praktikë, siç ka bërë rrjeti social Tëitter që prej muajit tetor që ka ndaluar reklamat politike.

Gjithashtu Facebook nuk do të kontrollojë faktet e paraqitura në këto reklama, megjithëse është përballur me presion për këtë çështje. Ndër të tjera në reagimin e saj të fundit kompania njoftoi se do të ketë mekanizma më transparentë që synojnë t’u japin më shumë kontroll përdoruesve për sasinë e reklamave politike që do të shohin dhe do ta bëjë më të lehtë “shfletimin” e katalogut të saj online të reklamave politike.

Këto masa nuk duket se do të qetësojnë kritikët, që gjenden madje edhe në radhët e vetë punonjësve të kompanisë Facebook, të cilët shprehen se Facebook-u ka pushtet të tepruar dhe kufizime jo të mjaftueshme për ndikimin që ka ndaj zgjedhjeve dhe vetë demokracisë.

Facebook ka këmbëngulur se nuk do të verifikojë faktet e paraqitura nga reklamat politike. Kritikët thonë se kjo u jep liçensën politikanëve të gënjejnë në reklama që nuk mund të monitorohen lehtë nga shikuesit.

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono