Teknologji

dash.jpg
G. P.09:17 | 17/11/2018

Agjencitë amerikane të inteligjencës kanë dhënë alarmin se hakerat rusë kanë rinisur ofensivat kundër institucioneve amerikane, rreth 1 javë pas zgjedhjeve të mesmandatit. Ajo çfarë ka shqetësuar autoritetet në Uashington është vjedhja e identiteteve të zyrtarëve të Departamentit të Shtetit.

Hakera të lidhur me qeverinë ruse kanë nisur një ofensivë të re për të infektuar me viruse sistemet elektronike të institucioneve amerikane, por edhe ato të bizneseve dhe kompanive përgjegjëse për sigurinë kibernetike. Sipas agjencive amerikane të inteligjencës, hakerat kanë vjedhur dhe kanë keqpërdorur identitetet e zyrtarëve të Departamentit amerikan të Shtetit për të shpërndarë email-e të infektuara tek punonjësit e thjeshtë.

Përdorimi i identitetit të shefave të seksioneve të ndryshme të Departamentit të Shtetit ka shtyrë punonjësit të hapin email-et dhe të shkarkojnë dokumente të infektuara me viruse. Më pas, hakerat kanë instaluar softuerë që u kanë mundësuar atyre një akses më të gjerë në sistemin e informacioneve të institucioneve amerikane.

Autoritetet e inteligjencës kanë deklaruar se sulmi i ri ka nisur të mërkurën, rreth një javë pas zgjedhjeve të mesmandatit që i dhanë demokratëve kontrollin e Dhomës së Përfaqësuesve. Deri tani, mes identiteteve VIP të keqpërdorura rezultojnë ai i Suzan Stivenson, specialiste për marrëdhëniet publike në Departamentin e Shtetit, si dhe Hedher Nojert, zëdhënëse e Departamentit, që presidenti Trump ka deklaruar se do ta emërojë ambasadore në OKB.

Deri tani sulmet informatike kanë prekur 20 agjenci të forcave të armatosura, organeve ligjzbatuese, kontraktorëve ushtarakë dhe kompanive farmaceutike. Hakerat janë pjesë e një grupi të njohur si “APT 29”, që sipas shërbimeve holandeze të inteligjencës punojnë për shërbimin sekret rus që vepron jashtë vendit, SVR./abcnews.al

toka-e-ngrire.jpg
G. P.20:07 | 16/11/2018

Një super Tokë e ngrirë vrojtohet pranë planetit tonë. Ka një masë tre herë më të madhe se shtëpia jonë dhe orbiton rreth yllit Barnard. Ajo është e dyta për nga afërsia me diellin pas Alpha Centauri, ndodhet 6 vjet dritë larg nesh dhe është e pabanueshme.

Është arritur të zbulohet dhe fotografohet nga një grup ndërkombëtar shkencëtarësh dhe përshkrimi i këtij trupi qiellor është bërë në revistën “Nature”.

Ky planet ndodhet pranë yllit të tij, më afër sesa ndodhet Toka ndaj Diellit. Ky planet e përmbush në 233 ditë rrotullimin rreth yllit Barnard, yll i cili është më i vogël dhe antik se Dielli ynë.

Bernard, shpjegojnë shkencëtarët, ka një ndriçim shumë të reduktuar dhe energjia që çliron është sa 2% e asaj që Toka merr nga ylli i saj. Sipas analizave të para, rezulton se planeti B i sapozbuluar ka një temperaturë që shkon në -170 gradë celcius.

Klan Plus

twitter.jpg
G. P.11:42 | 03/11/2018

Pak ditë para zgjedhjeve të mesit të mandatit në Shtetet e Bashkuara të Amerikës, rrjeti social Twitter ka fshirë më shumë se 10 mijë profile, të cilat bënin apel për bojkotim të zgjedhjeve të 6 Nëntorit.

Zëdhënësi i rrjetit social Twitter konfirmoi se është ndërhyrë ndaj shumë profileve dhe aktiviteteve të tjera. Në një deklaratë për agjencinë e lajmeve Reuters, Ian Planket thekson se profilet automatike në këtë rast i përkisnin personave që mbështesnin demokratët në shtetet e bashkuara të amerikës, të cilët i bënin apel votuesve që të bojkotonin zgjedhjet e 6 Nëntorit për mesin e mandatit, rinovimin e Kongresit amerikan.

Profilet e fshira janë më shumë se 10 mijë dhe procesi i fshirjes ka nisur në fund të Shtatorit pasi Partia Demokratike në Shtetet e Bashkuara të Amerikës kishte sinjalizuar disa mesazhe të dyshimta në Twitter, duke vënë në alarm rrjetin social. Një proces i ngjashëm nga ana e Twitter ka ndodhur dhe në vitin 2016 gjatë zgjedhjeve presidenciale amerikane. Në atë rast profilet e fshira shpërndanin informacione të rreme dhe ishin me mijëra./abcnews.al

konferenca.png
ent ela23:09 | 23/10/2018

Hakerët kanë sulmuar ueb faqen e konferencës ndërkombëtare të investimeve, e cila mbahet në Arabinë Saudite, nën organizim të princit të kurorës, Mohammed bin Salman.

Ky i fundit shfaqet në një imazh duke qëndruar në këmbë me një shpatë në duar, ndërkohë që para tij qëndron gazetari i vrarë, Jamal Khashoggi. Pamjet nga ueb faqja e hakuar, shfaqin mesazhin: “Regjimi saudit është njëri nga burimet e financimit të terrorizmit në botë”. Gjithashtu apelohet për sanksione ndaj regjimit saudit.

“Regjimi, i përafruar me SHBA-të, duhet të mbahet përgjegjës për veprimet barbare dhe jonjerëzore, siç është vrasja e qytetarit të saj Jamal Khashoggi dhe mijëra njerëzve të pafajshëm në Jemen”, përfundon mesazhi. Ndërkohë konferenca në Arabi është bojkotuar nga shumë kompani dhe liderë botëror për shkak të vrasjes së gazetarit. /abcnews.al

robotiii.png
G. P.14:56 | 13/10/2018

Parlamenti britanik do të marrë në pyetje për herë të parë një robot. Qëllimi është që të kuptohet se çfarë roli do të kenë robotët në tregun e ardhshëm të punës në Mbretërinë e Bashkuar.

Quhet Pepper, është në robot dhe do të jetë i pari i llojit të tij që do të dëshmojë para parlamentit të Mbretërisë së Bashkuar. Arsyeja është revolucioni i katërt i të cilit Pepper është një prej protagonistëve. Komisioni parlamentar do ta pyesë për rolin që do të kenë automatizimi dhe robotika në tregun e ardhshëm të punës.

Prania e Pepper në parlament do të jetë në fakt një mënyrë për të bërë më konkrete situatën. Roboti nuk ka një inteligjencë artificial të aftë për të argumentuar apo përpunuar mendime komplekse. Por ai mund të recitojë fraza paraprake që i janë vendosur nga jashtë.

Për këtë arsye, dhe pse emri i tij është në të njëjtën listë me të ftuar të tjerë si profesorë të rëndësishëm dhe akademikë, Pepper do i përgjigjet pyetjeve të përgatitura më parë. Në takim ai do të shoqërohet nga pronarët e tij, kërkuesit e Universitetin e Midëllseks të Londrës, të cilët janë dhe autorë të përgjigjes së tij.

Roboti i prodhuar nga japonezi “SoftBank”, normalisht pret klientët e qendrave tregtare në hotel dhe u jep udhëzime udhëtarëve në aeroport. Por kjo do të jetë hera e tij e parë në parlament. Ky vendim ka arritur objektivin e tij, të vërë në dukje faktin se shumë shpejt do të duhet të përballemi me robotë gjithnjë e më inteligjentë. Dhe të paktën në Mbretërinë e Bashkuar, edhe politika e ka kuptuar./abcnews.al

austronautet.png
G. P.10:20 | 13/10/2018

Dy astronautët, të cilët mbijetuan pas dështimit të misionit të raketës ruse Soyuz, do të fluturojnë përsëri. Tani për tani është vendosur që ata të nisen drejt Stacionit Ndërkombëtar të Hapësirës në pranverën e vitit të ardhshëm, njoftoi të premten kreu i Agjencisë Hapësinore ruse “Roscosmos”, Dimitri Rogozin.

Komentet e tij vijnë vetëm një ditë, pasi astronauti rus Alexei Ovchinin dhe ai amerikan Nick Hague bënë një ulje të detyruar në Kazakistan, pas një defekti në anijen hapësinore Soyuz. Aksidenti i së enjtes konsiderohet si më i madhi që ka pësuar një mision hapësinor i Soyuz-it pas incidentit të vitit 1983, kur ekuipazhi i anijes arriti të shpëtojë duke u larguar nga bordi, pak përpara se ajo të shpërthente.

Rusia tashmë ndodhet nën presionin për të provuar se programi i saj hapësinor është i sigurt dhe të premten mori shtysë, kur administratori i NASA-s Jim Bridenstine tha se kishte besim të plotë tek raketa ruse Soyuz dhe se pret që astronautët amerikanë të fluturojnë me të sërish. Duke folur për gazetarët në Moskë, zoti Bridenstine tha gjithashtu se ishte i bindur se fluturimi i planifikuar për t’u kryer në muajin dhjetor, i anijes hapësinore Soyuz, prej Stacionit Ndërkombëtar Hapësinor në Tokë, me tre astronautë në bord, do të ndodhë.

Megjithatë, Moska i ka pezulluar të gjitha udhëtimet hapësinore, deri në nxjerrjen e përfundimeve të sakta, se çfarë nuk funksionoi dhe pse. Kreu i Agjencisë Hapësinore ruse Dimitri Rogozin, ka urdhëruar zhvillimin e hetimeve nga një komision shtetëror, por paralelisht është duke u zhvilluar dhe një hetim. Sergei Krikalev, një zyrtar i lartë i Agjencisë Ruse të Hapësirës Roscosmos, tha të premten se Rusia mund ta shtyjë edhe nisjen e planifikuar, por pa pilot, të një anijeje me ngarkesë në Stacionin Ndërkombëtar të Hapësirës.

Anijet e pa-pilotuara çojnë ushqime dhe furnizime të tjera për stacionin dhe përdorin të njëjtin sistem raketor sikurse Soyuz. Autoritetet ruse thonë se në stacion ka ushqim të mjaftueshëm, që mund të zgjasë deri në muajin prill. Aktualisht, në Stacionin Ndërkombëtar Hapësinor ndodhen tre astronautë: një gjerman, një rus dhe një amerikan. Kthimi i tyre në Tokë ishte parashikuar të ndodhte në muajin dhjetor, por ata mund të qëndrojnë atje edhe më gjatë.

Në prag të misionit hapësinor gazetarja e Zërit të Amerikës në Pentagon, Carla Babb, bisedoi me zotin Hague mbi perspektivën e fluturimeve në hapësirë, që tashmë duket disi e mjegulluar pas incidentit që po shqyrtohet nga NASA dhe parnerët rusë.

“Ndihesh i gatshëm, i ngazëlluar, paksa nervoz. Kjo është hera e parë. Të lëshohesh me raketë drejt hapësirës për herë të parë, si mund të mos jesh nervoz?”

Astronauti Nick Hague, i cili foli me Zërin e Amerikës para lëshimit, ndau emocionet e tij, që aktualisht mund të arsyetohen më mirë.

Raketa shtytëse e mjetit hapësinor rus pësoi avari menjëherë pas nisjes. Ai dhe kolegu rus janë në gjendje të mirë shëndetësore ndërsa zyrtarët kanë pezulluar të gjitha fluturimet me personel në bord, deri në gjetjen e e arsyes së defektit.

“Amerika nxori jashtë përdorimit anijet e saj të hapësirës në vitin 2011. Ka shtatë vite që vatja në stacionin hapësinor kryhet përmes sistemeve ruse të transportit”, thotë John Logsdon me Institutin e Politikave Hapësinore në Universitetin Xhorxh Uashington.

Koloneli Hague u trajnua pesë vite rrjesht për misionin jashtë tokësor.

“Do të jem jashtë këtij planeti për gjashtë muaj. Është diçka që ende po

mundohem ta kuptoj në mendjen time”, tha zoti Hague për Zërin e

Amerikës ndërsa përgatitej për misonin tashmë të dështuar.

Stacioni Ndërkombëtar i Hapësirës është angazhimi më i madh ndonjëherë hapësinor – 14 vendeve ndërtuan dhe drejtojnë strehën satelitore.

“Është me të vërtetë e pashembullt, dhe një nga përfitimet e rendësishme është demonstrimi i bashkëpunimit paqësor, jo vetëm mes aleatëve, por midis Shteteve të Bashkuara dhe Rusisë, pavarësisht të gjitha tensioneve aktuale mes dy vendeve”, thotë John Logsdon me Institutin e Politikave Hapësinore në Universitetin Xhorxh Uashington.

Astronauti Hague tha për Zërin e Amerikës, para misionit të mbetur në mes, se kishte patur një eksperiencë të mrekullueshme me eksploruesit e hapësirës nga mbarë bota dhe se priste me padurim ecjen në hapësirë të planifikuar për në dhjetor.

“Kur të më jepet shansi të dal jashtë stacionit dhe të shikoj tokën rreth 400 kilometra larg, kjo do të jetë një ndjesi e papërshkueshme”.

Deri më tani, vetëm 250 njerëz kanë jetuar në Stacionin Ndërkombëtar të Hapësirës, i cili feston 20 vjetorin muajin që vjen./Zëri i Amerikës

36330712_303.jpg
G. P.09:32 | 12/10/2018

Çdo ditë ka sulme kibernetike ndaj rrjeteve kompjuterike qeveritare. Garantimi i sigurisë në rrjet po vështirësohet. Përse? Përgjigjet jepen në raportin e Entit Federal për Sigurinë në Teknikën e Informacionit.

Në fund të vitit të kaluar, hakerët sulmuan një platformë mësimore në një shkollë të lartë të federatës, për të krijuar atje akses në rrjetin e Ministrisë së Jashtme. Ministri i Brendshëm Horst Seehofer e konsideron këtë një shembull paralajmërues për rrezikun e sulmeve kibernetike. Sulmuesit jo vetëm dështuan gjatë kësaj përpjekjeje, por ata u vrojtuan gjatë gjtihë kohës prej Entit Federal për Sigurinë në Teknikën e Informacionit (BSI). BSI është përgjegjëse për mbrojtjen nga sulmet kibernetike dhe konsulton shoqatat dhe ndërmarrjet. Ministri Seehofer e vlerësoi punën e këtij institucioni gjatë prezantimit të enjten (11.10) në Berlin të raportit të BSI-së për gjendjen aktuale.

Sipas raportit me rritjen e akseseve në rrjet në jetën e përditshme shtohet edhe numri i pikave të ndjeshme ndaj sulmeve në sistem. Megjithatë ministri i Brendshëm është i preokupuar për të garantuar që rrjetet elektronike të autoriteteve gjermane, të furnizuesve të energjisë apo të sipërmarrjeve të tjera të rëndësishme të jenë imune edhe në të ardhmen prej sulmeve të tilla. Gjendja e rrezikshmërisë në Gjermani është ashpërsuar për shkak të një cilësie të re të sulmeve kibernetike, thekson Seehofer.

Gjithnjë e më shumë lidhje në rrjet

“Kërcënimet në hapësirën kibernetike kanë një dinamikë të lartë”, tha Seehofer. Presidenti i BSI Arne Schönbohm raportoi, se autoriteti i tij ndërkohë njeh 800 milionë programe dëmtuese. Çdo ditë atyre u shtohenreth 390.000 versione të reja. Për aparaturat mobile ndërkohë kam bi 27 milionë programe dëmtuese vetëm për sistemet Android. Përmes kushteve laboratorike është arritur p.sh. që të sulmohen dhe të riprogramohen aparaturat e frymëmarrjes artificiale, shkruan BSI në raportin e publikuar. Njëkohësisht në të tilla apartura shpesh nuk vendosen kodet e sigurisë, për t’u mundësuar mjekëve në raste emergjence që të kenë akses të menjëhershëm në to. Meqënëse gjendja e rrezikshmërisë është kritike, duhet të hulumtohet më intensivisht në mekanizmat speical të sigurisë, shkruhet në raportin e BSI-së.

Infrastrukturat gjithnjë e më komplekse

Në periudhën nga 1 korriku 2017 deri më 31 maj 2018 BSI i kanë mbërritur nga operatorët gjermanë të infrastrukturave sensibël 145 njoftime për raste ndërhyrjeje – kryesisht bëhet fjalë për raste në fushën e Teknologjisë së Informacionit (IT) dhe Telekomunikacionit dhe në sektorin e energjetikës. Mundësia e suksesit të sulmuesve ndaj infrastrukturave sensibël është rritur, sepse ka rritje edhe të numrit të pikave të ndjeshme ndaj sulmeve si dhe vet infrastrukturat po bëhen gjithnjë e më komplekse dhe po shumëfishohet sasia e të dhënave, thuhet në raportin e BSI-së.

Ministri Seehofer deklaroi, se duke iu referuar gjendjes së rrezikshmërisë ai do ta pasurojë ligjin ekzistues të Siugrisë së IT “me një ligj të Sigurisë së IT-së 2.0 dhe në këtë mënyrë do të forcojë mandatin shtetëror për mbrojtjen”. Kur bëhet fjalë ëpr mbrojtjen e ekonomisë, kërkohet që „edhe vet sipërmarrjet të intensifikojnë masate tyre të sigurisë së IT-së dhe t’u përshtaten sfidave të reja”, kërkoi ai./DW

raketa.png
G. P.21:28 | 11/10/2018

Një anije kozmike ruse ka hasur problem gjatë lëshimit për në hapësirë. Fatmirësisht, dy austronautët që gjendeshin në bord arritën të shpëtonin pa dëmtime.

Një kapsulë kozmike që mbante dy anëtarë të ekuipazhit të raketës ruse “Soyuz” që hasi probleme gjatë lëshimit është ulur në mënyrë të sigurtë në Kazakistan. Kozmonauti rus Alexey Ovchinin dhe astronauti amerikan Nick Hague thuhet se janë “në gjendje të mirë”. Kjo është bërë e ditur nga mediat ruse që citojnë një deklaratë nga NASA. Ekipet e kërkimit dhe shpëtimit mbërritën menjëherë në vendin e uljes.

Raketa ishte nisur për në Stacionin Ndërkombëtar të Hapësirës (ISS) kur ajo pësoi një problem me përforcuesin e saj pas lëshimit. Ekuipazhi duhej të kthehej në në tokë me “mënyrën e zbritjes balistike”, nënvizon NASA, e cila shpjegoi se ishte “një kënd më i mprehtë i uljes krahasuar me normale”.

Raketa “Soyuz” u nis nga Kazakistani për në orbitë, në një udhëtim që do të zgjaste 6 orë dhe destinacioni ishte Stacioni Ndërkombëtar i Hapësirës ISS. Hague dhe Ovchinin do të shpenzonin 6 muaj në stacionin kozmik. Ata do të punonin në disa eksperimente shkencore./abcnews.al

sansforgeticafont.630x360.png
ent ela09:43 | 11/10/2018

Disa studiues të Institutit Mbretëror të Teknologjisë në Melburn sapo kanë publikuar një tipografi të re dhe e kanë bërë të disponueshme falas. Bëhet fjalë për Sans Forgetica  dhe është studiuar për të ndihmuar dhe për të kujtuar ata që lexojnë.

Ky truk qëndron në faktin se ky font i veçantë është mjaft i mundimshëm për t’u lexuar: lexuesi është i detyruar të bëjë një përpjekje më të madhe, sesa ajo e kërkuar me karaktere tradicionale dhe rrjedhimisht nxitet të analizojë më hollësisht kuptimin e tekstit dhe lë më shumë mbresa në kujtesë.

Ideja ka lindur nga një profesor i universitetit që donte të ndihmonte studentët e tij, por q ëu ëprqafua më pas edhe nga stilistët dhe shkencëtarët e kohës, bazohet në një koncept të psikologjisë njohëse e quajtur vështirësi e dëshirueshme. Me pak fjalë të arrish një shkallë vështirësie për të kryer një detyrë të caktuar do të përmirësonte përpunimin e njohurive dhe kujtesën.

Ekipi për këtë arsye krijoi disa fonte që u testuan nga 400 studentë. Sans Forgetica ishte më efikase. Për ta bërë leximin më të vështirë, ekipi e anulloi shkronjën në drejtim të kundërt në krahasim me kursivin e zakonshëm dhe gjithashtu hoqi disa pjesë të secilës shkronjë.

Nuk janë mrekulli! Natyrisht një shkronjë e tillë ngadalëson leximin dhe nuk mund të jetë mrekullia që shpëton studentët që ulen mbi libra një natë para provimit. Megjithatë, sipas psikologëve njohës, sa i përket kohës së leximit informacionet e ruajtura janë të mëdha.

Sipas studiuesve, ky karakter i ri është i dobishëm jo vetëm për studentët, por për këdo që ka nevojë për të kujtuar datat ose shënimet personale. Nëse jeni kuriozë dhe dëshironi ta provoni, ju  duhet të vizitosh faqen e universitetit dhe ta shkarkoni atë. /abcnews.al

 

 

spiunazh.png
G. P.23:40 | 04/10/2018

Kompanitë më prestigjoze të teknologjisë në Shtetet e Bashkuara, mes të cilave Apple dhe Amazon kanë rënë viktima të sulmeve kibernetike. Duke publikuar rezultatet e një investigimi, agjencia “Bloomberg” ka bërë me dije se spiunazhi kinez ka depërtuar në rrjetet e mbi 30 kompanive.

Apple dhe Amazon janë mes shumë kompanive dhe agjencive amerikane të cilave u janë vjedhur të dhënat nga shërbimet kineze të spiunazhit. Sipas agjencisë së lajmeve “Bloomberg”, të dhënat janë transmetuar përmes qarqeve të vogla elektronike të vendosura në qarqet mëmë të kompanive.

Sipas “Bloomberg”, serverat janë kompromentuar gjatë punës fizike dhe qarqet janë vënë në punë menjëherë sapo ata janë ndezur.

Vetë gjigandët e teknologjisë e kanë mohuar lajmin, por agjencia e lajmeve insiston në investigimin e saj njëvjeçar, gjatë të cilit ka gjetur prova për një sulm kibernetik në masë të madhe, që i ka mundësuar Pekinit aksesin në 30 kompani dhe institucione federale amerikane.

Sipas investigimit, të dhënat e para për një vjedhje kibernetike kanë dalë gjatë testit të sigurisë së kryer nga Amazon në vitin 2015, përpara se të kishte filluar përdorimin e serverave të një kompanie amerikane, por të prodhuar në Kinë.

Konstatimi bëri që agjencitë amerikane të inteligjencës të nisnin një hetim sekret, përmes të cilit është zbuluar se depërtimi kinez kishte arritur bazat e të dhënave të Pentagonit, sistemet elektronike të luftanijeve dhe në të dhënat e mbledhura nga dronët e CIA-s.

“Bloomberg” nënvizon më tej se, Pekini ka të gjitha mundësitë për të bërë një sulm të tillë sepse 90 për qind e kompjuterëve në mbarë botën prodhohen në Kinë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono