Të Gjitha

kosove-shqiperi-1280x724.jpg
Sej rie16:40 | 22/05/2019

Ministri i Turizmit dhe Mjedisit Blendi Klosi bashkë me një grup operatorësh turistikë vizituan Kosovën. Klosi bisedoi me homologun e tij Fatmir Matoshi mbi mundësinë për oferta të përbashkëta turistike.

Kosova dhe Shqipëria janë duke shqyrtuar mundësinë që sivjet të fillojnë me oferta të përbashkëta turistike.

Për këtë qëllimi Ministri i Turizmit dhe Mjedisit i Shqipërisë Blendi Klosi bashkë me kryetarët e bashkive të Vlorës, Himarës e Durrësit dhe një grup operatorësh turistikë vizituan Kosovën.

Endrit Shala Ministër i Tregtisë dhe Industrisë në Kosovë: “Biseduam për mundësinë e krijimit të ofertave të përbashkëta për turistë si për detin e Shqipërisë dhe pakon turistike malore të Kosovës”.  

Sipas ministrit Klosi s kjo ofertë ndërmjet Kosovës dhe Shqipërisë nuk mund të pengohet nga barrierat administrative.

Blendi Klosi Ministër Turizmit dhe Mjedisit: “Një ndër zonat që do tu ofrohet turistëve në të dyja anët e kufirit pa pengesa janë malet e Pashtrikut”.

Fatmir Matoshi Ministër i Mjedisit dhe Planifikimit Hapësinor: “U dakroduam që të vijmë në përfundime për memorandumet dhe kryesorja që është se edhe këtë vit do të përmbyllet për malin e  Pashtrikut dhe zonën e Vërmicës. Kjo punë do të përfundoj më 28 nëntor në Ditën e Flamurit tonë kombëtar, do të jetë moment i veçantë për tu shënuar”.

Gjithashtu të dyja vendet janë pajtuar për të punuar bashkarisht në fushën e ruajtjes së mjedisit./ABC News Albania 24/7

festivali-1-1280x716.jpg
G. P.16:30 | 22/05/2019

8 trupa nga e gjithë bota do të performojnë për një javë në Tiranë në edicionin e dytë të Festivalit Ndërkombëtar të Kukullave “Klau’s Film Association”. Shfaqjet e përzgjedhura nga organizatorët sjellin jo vetëm teknika të ndryshme, por edhe mesazhe të rëndësishme për fëmijët dhe të rriturit.

“Klau’s Film Association” dhe Teatri Metropol organizojnë edicionin e dytë të Festivalit Ndërkombëtar të Kukullave në Tiranë nga datat 25 Maj deri më 1 Qershor. Nëndrejtorja e teatrit, Armela Demaj, thotë se pjesëmarrja është e gjerë, nga Europa e deri në Kinë dhe shfaqjet janë të përshtatshme nga mosha 3 deri 80 vjeç.

Shfaqjet e përzgjedhura nga këto trupa sjellin jo vetëm forma të ndryshme të teatrit për fëmijë me lojë aktorësh apo teatër hijesh dhe pantomimë, por edhe kulturën e vendeve përfaqësuese.

Edhe pse pjesët janë në gjuhë të ndryshme të botës, janë selektuar më pak tekste, me shumë metaforë, që të jenë të lehta për t’u kuptuar nga fëmijët.

Në këtë festival, Shqipëria do të përfaqësohet nga Teatri Metropol me dy shfaqjet “Aty ku mali takon hënën” dhe shfaqjen “Të mirësjellshmit”. Në këtë edicion do të zhvillohen edhe Ëorkshop-e me studentë të Akademisë së Arteve dhe artistë të rinj, të cilët do të ndihmojnë në zhvillimin e këtij zhanri artistik./ABC News Albania 24/7

besa-shahini.jpg
nev ila16:20 | 22/05/2019

Ministra e Arsimit Besa Shahini nëpërmjet një statusi në faqen e saj të facebook, ka reaguar për protestën e studentëve gjatë paradites së sotme.

Sipas Shahinit, protesta e sotme e studentëve ishte një turp  dhe një shfaqje e teatrit të dhunshëm opozitar. Thyerja e xhamave të institucionit, shkruan ministrja, është modeli më i keq i politikës opozitare./abcnews.al

aa-1280x720.jpg
G. P.16:10 | 22/05/2019

Dy ditë nga zgjedhjet në Akademinë e Shkencave, kryetarja e komisionit parlamentar të medias dhe mjeteve të informimit publik i bën thirrje kandidatit të vetëm për kryetar, Skënder Gjinushit të tërhiqet nga gara. Sipas Fatjona Dhimitrit, zgjedhjet janë të jashtëligjshme dhe akademikët duhet ‘ti bojkotojnë.

Në prag të zgjedhjeve për kryesinë e Akademisë së Shkencave, kryetarja e komisionit parlamentar të edukimit dhe mjeteve të informimit publik i bën thirrje akademikëve t’i bojkotojnë ato.

“Ju bëj thirrje të gjithë akademikëve për të mos hyrë në aventurën e zgjedhjeve të 24 Majit sa kohë ligjërisht duhet të presin përpilimin dhe hyrjen në fuqi të kuadrit të ri ligjor, të mospërfshihen në procese të parregullta ligjore, të cilat kompromentojnë të ardhmen e Akademisë, pengojnë marrëdhënien e bashkëpunimit me Kuvendin, e vendosin ligjvënësin përpara faktit të kryer, duke i hequr kështu kompetencat e sovranit”, tha Fatjona Dhimitri.

Më 24 Maj, Akademia e Shkencave shkon në zgjedhje me një kandidat të vetëm për kryetar. Ish-kryetarin e Partisë Socialdemokrate, Skënder Gjinushi, gjithashtu drejtues i grupit të punës për reformimin e Akademisë. Projektligji i dalë prej tij është në proces diskutimi në komisionin parlamentar të edukimit dhe mjeteve të informimit publik. Kryetarja e këtij komisioni i bën thirrje të tërhiqet.

“Mendimi shkencor nuk mund të jetë pjesë e skemës politike. Edhe kandidati për kryetar i akademisë së shkencave është pikërisht një ish-kryetar partie në koalicionin qeveritar, i cili ka dhënë dorëheqjen katër ditë më parë. Është një ish-kryetar i Kuvendit të Republikës së Shqipërisë dhe më parë akoma, ish-ministër në periudhën e komunizmit dhe diktaturës. Edhe shkencën, ne politikanët e partive politike do ta drejtomë zoti Skënder Gjinushi? Zoti Gjinushi, tëhiquni nga zgjedhjet në Akademië e Shkencave! Mos censuroni kornizën e mendimit shkencor në Shqipëri”, tha ajo.

Sipas Dhimitrit, zgjedhjet në Akademinë e Shkencave nuk duhet të mbahen pasi janë të jashtëligjshme.

“Zgjedhjet e pretenduara janë të pagjetura me boshllëqe në legjitimitetin e tyre ligjor, të nxituara, vënë komisionin dhe Kuvendin përpara faktit të kryer, të padobishme për reformimin e Akademisë së Shkencave, paradoksale pasi zgjedhin drejtues me ligjin që vetë Akademia do të ndryshohet. Jo serioze dhe të paprecedenta në historinë e kësaj Akademie qysh prej krijimit të saj”, tha Dhimitri.

Zgjedhjet në Akademinë e Shkencave vijnë dy vjet pas vendimit të kryeministrit Edi Rama për ta reformuar këtë institucion. Të drejte vote për të zgjedhur strukturat drejtues të saj kanë 44 akademikë./ABC News Albania 24/7

DY-GJUHET-MAQEDONI-V.mpg_snapshot_00.02-1280x720.jpg
ent ela16:00 | 22/05/2019

Anëtarë të Komisionit për Parandalimin e Korrupsionit në Maqedoninë e Veriut kanë shfaqur shqetësime për mosrespektimin e dygjuhësisë në vend. Komisioni ka vendosur të hetohen shpenzimet e funskionarëve shtetërorë, përfshi edhe privilegjet e ish-Presidentit Ivanov.

Para fillimit të seancës Zv/Kryetari i Komisionit Antikorrupsion Nuri Bajrami me një retorikë të ashpër dhe duke i kërkuar falje opinionit theksoi se ligji për implementimin e dygjuhësisë në Maqedoninë e Veriut nuk respektohet.

Nuri Bajrami, Zv/Kryetar i Antikorrupsionit: “Në seancën e sotme është marrë vendimi që të hapet procedurë në të cilën antikorrupsioni do të hetojë se si funksionarët shtetërore kanë shpenzuar paratë e buxhetit të shtetit”.

Biljana Ivanovska, Kryetare e Antikorruspionit: “Shfrytëzimi i mjeteve nga buxheti do të shqyrtohet se cilët persona shfrytëzojnë vetura zyrtare, sa është shuma e komepnsimeve, harxhimeve shtesë”.

Komisioni Shtetëror për Parandalimin e Korrupsionit dhe Konflikt të Interesave (KSHPK) në seancën e sotme gjithashtu hapi procedurë me të cilën do të hetohet një konflikt i mundshëm i interesave gjatë përzgjedhjes së  mjediseve të zyrave të ish presidenti të shtetit Gjorge Ivanov. /ABC News Albania 24/7

 

ORENJA-DHE-EPOKA-E-MALIT_ABC-M2-T1.mpg_snapshot_00.00-1280x720.jpg
ent ela15:43 | 22/05/2019

Për banorët e Orenjës në Librazhd leku nuk njihet. Nuk ka vlerë dhe s‘kanë ku ta gjejnë. Për të jetuar ata shkëmbejnë me njëri tjetrin prodhimet e bujqësisë ose ato që marrin nga kafshët dhe shpendët shtëpiake.

Këtu në Orenjë të Librazhdit natyra afron mrekullinë e saj, por banorët jetojnë primitvisht. Të izoluar mes maleve, larg qendrave dhe të varfër janë kthyer në të kaluarën.

Për të mbijetuar u ka ardhur në ndihme epoka e këmbimit mall me mall. Nuk shesin për të marrë lekë, e as blejnë dot.

Por 10 kokrra vezë i këmbejnë me vaj, ose një produkt tjetër ushqimor. Kështu veprojnë me çdo gjë.

Japin atë që mundën të rrisin apo prodhojnë dhe marrin mallin që u mungon.

Në Orenjë nuk bëhet fjalë për pasuri, njerëzit nuk mbajnë para. Thjesht këmbejnë produktet  për të mbijetuar.

“Kështu e bëjmë treegtinë ne çojmë vezë dhe marrim ushqime, gjë tjetër nuk të japin ata se duan të shesin mallin dhe kështu i këmbejnë mall me mall”.

As moti nuk i ka ndihmuar. Gjeografikisht në një zonë me lagështirë, reshjet e shumta u kanë dëmtuar prodhimet. Ky fshatar po korr të mbjellat sepse po kalben.

Frutat dhe perimet janë dëmtuar në masë. Banorët nuk do të kenë fitimet e e sezonit. Thonë se çdo gjë u shkon kot.

“Bujqësia është shumë e dobët. Misri s’ka mbirë fare, sa dalë, mollët janë në fazë të kalbëzimit, rrushtë janë në fazën e lidhjes s’kanë lidh fare”.

“Shumë dëme kanë bërë, për bujqësinë për frutikulturat për të gjitha”.

“Dëme të mëdha, ne kemi humbje, fiq, kumbulla”.

Orenja ndoshta është nga fshatrat më të bukur në juglindje. Por aty kanë mbetur pak njerëz. Shumë familje janë larguar dhe të tjera do të ikin. Nuk do të jetë e largët koha kur ky vend piktoresk i populluar në lashtësi, të kthehet në një zonë natyralisht të egër. /ABC News Albania 24/7

 

 

mediu.jpg
G. P.15:35 | 22/05/2019

Krerët e pesë partive opozitare aleate të Lulzim Bashës gjatë takimit me mbështetësit në qytetin e Lezhës, pasi i ftuan të jenë pjesëmarrës në protestën e 25 Majit, theksuan arsyet përse kryeministri Rama nuk mund të jetë në krye të qeverisë që do të zhvillojë zgjedhje brenda standardeve demokratike.

Grupimi i Qendrës së Djathtë, pesë aleatët e demokratëve në opozitë, tezat e tyre i artikuluan në Lezhë.

“Ky po i përcakton kundërshtarët vetëm, po regjistron vetë jashtë çdo rregulli, po i voto dhe thotë “Kështu bëhet se kështu dua unë””, tha Duka.

Qeveria kalimtare është rruga e vetme për mos zvarritjen e kësaj krize, sipas tyre, përballë të cilës qëndron alternative opozitare.

“Lulzim Basha si lider i opozitës sot ka një përgjegjësi shumë të madhe. Përveç aksionit opozitar, përveç kauzës për largimin e kryeministrit do japim dhe alternativa bindëse për qytetarët dhe ai tashmë ka filluar ta bëjë një gjë të tillë, të gjithë e shohim”, tha Ndoka.

Precedent për largimin e kryeministrit përpara zgjedhjeve ekziston, kujton Mediu, madje shumë pranë nesh.

“Kemi një precedent rajonal, siç është precedenti i Maqedonisë së Veriut ku u ra dakord për qeverisje tranzitore ku Gruevski nuk ishte kryeministër dhe për të përgatitur zgjedhjet”, tha Mediu.

Arsyeja për këtë është më e qarta për shqiptarët, sipas kreut të LZHK-së.

“Ky ka filluar i ka marrë të gjitha. Ky ka vënë ato emrat e lezetshëm, jo tepsia, jo timoni që të qeshin pak njerëzit, mirëpo ky në fakt u ka futur dorën në xhep njerëzve. Domethënë merr paratë e shtetit publik. Ky ka marrë drejtësinë, ky ka marrë ekonominë, edhe Akademinë e Shkencave. Se për çfarë i duhet Akademia e Shkencave, ka ndonjë peshë për ekonominë? Në këto rrethana bëhen zgjedhjet? Nuk bëhen dot. Ky merr para, media, çfarë zgjedhjesh të bëjmë”, tha Shehi.

Ndaj pjesëmarrja në protestën e së shtunës duhet të jetë tregues i refuzimit të kësaj farse sipas aleatëve të demokratëve.

“Të shtunën ta shumëfishojmë praninë tonë në protestën e madhe të opozitës së bashkuar”, tha Dule./ABC News Albania 24/7

sebino-plaku.jpg
G. P.15:08 | 22/05/2019

Një shoqatë e futbollistëve profesionistë pritet të krijohet së shpejti në Shqipëri. Këtë e tregon ish-lojtari i Kamzës, Sebino Plaku, në intervistën për Abc News.

Golat duhet t’i shikojë i ulur në kolltukun e shtëpisë. Sebino Plaku prej 3 muajsh nuk ka mundësi të tregojë veten në fushë, ashtu si edhe gjithë skuadra e Kamzës, në të cilën ai ishte kapiten.

Për sulmuesin me numrin 10 dhe shokët e tij, çasti fatal ishte ai i dhunës që shpërtheu kundër arbitrit në stadiumin e Kamzës, në ndeshjen ndaj Laçit, pas së cilës klubi u përjashtua nga Superliga.

Si kanë qenë për Sebinon këta muaj pa futboll?

“Në momentin që ke një profesion, nuk paguhesh për atë profesion që ndjek, atëherë normalisht fillojnë vështirësitë sepse faturat e jetesës nuk pyesin se çfarë ndodh me ty. Është një periudhë e gjatë dhe e vështirë të kthehet në formën e mëparshme. Qoftë gjendja e mëparshme sportive sepse ekipet e marrin në konsideratë periudhën e gjatë të shkëputjes, jo vetëm në aspektin personal të stërvitjes, por edhe për sa i përket kreditive që mund të ketë lojtari, kur është në aktivitet”, tha Plaku.

Gjithsesi, duket se ka dritë në fund të tunelit, pasi Sebino dhe disa lojtarë të tjerë po përpiqen të themelojnë shoqatën e futbollistëve profesionistë të Shqipërisë, me Andi Lilën si nismëtar.

“Janë disa iniciatorë, unë jam një prej tyre edhe e kam përqafuar shumë shpejt idenë sepse mendoj se është shumë e nevojshme sepse mesa di unë jemi vendi i dytë, ndoshta është edhe Kosova që nuk e kanë këtë institucion. Urojmë që të miratohet dhe lojtarët në të ardhmen të kenë një mbështetje më tepër apo të kenë ku të kërkojnë të drejtat e tyre”, tha futbollisti.

Sidoqoftë, vetëm shoqata e futbollistëve nuk mjafton.

“Në qoftë se shteti do ta miratojë ligjin për sportin, do t’i japë një shtysë shumë të madhe në Shqipëri, duke bërë krahasimin me ekipe që përfaqësohen në Kupat e Europës që kanë treguar se mund të përfaqësohesh denjësisht qoftë edhe me vështirësitë që sapo i prekëm. Do ishte një hap drejt së ardhmes sepse edhe këta presidentë janë ata që sakrifikojnë dhe duhen kuptuar në këto raste”, tha Plaku.

Sebino Plaku mbetet futbollist, pra ku do të jetë ai sezonin e ardhshëm?

“Do të jem në Superiore sepse ka 10 ekipe dhe është mundësia të aktivizohemi. Jashtë vendit, duke qenë familjar, do të marrësh në konsideratë çdo lëvizje, por ddo jesh shumë i kujdesshëm para se të bësh një hap”, tha Plaku./ABC News Albania 24/7

fier-2.jpg
G. P.14:47 | 22/05/2019

Një 48-vjeçar ka humbur jetën në një aksident në qytetin e Ballshit. Sipas policisë, ngjarja ndodhi mesditën e kësaj të mërkure dhe viktima ishte duke ecur në këmbë. Ai u përplas nga një makinë tip “Benz” që drejtohej nga një 26-vjeçar banor u Burrelit.

Nuk janë sqaruar akoma rrethanat e këtij aksidenti, ndërsa policia sqaron se i dëmtuari fillimisht u dërgua në spitalin e Ballshit. Por për shkak të gjendjes së rëndë, ai u dërgua për në spitalin e Fierit, por fatkeqësisht ndërroi jetë rrugës./ABC News Albania 24/7

MBULIM-BURG-PER-ZEQIRIN.mpg_snapshot_00.02-1280x720.jpg
ent ela14:26 | 22/05/2019

Gjykata e Krime të rënda ka caktuar masën e sigurisë arrest  në burg për Marjo Zeqirin i arrestuar në kuadër të operacionit Vlo-lvo 4. Gjyqtari Bibë Ndreca i kishte caktuar në tetor të vitit të shkuar masën e aigurisë Arrest me burg në munges. Marjo Zeqiri i njohur me pseudonimin Edinjo është i akuzuar për trafik droge dhe pjesmarrje në grup të struktuaruar kriminal. Zeqiri dyshohet se është pjesë e grupit kriminal Avdylajt. Dosja hetimore te Krimet e Rënda përfshin në tatal 44 persona. Nga përgjimiet e anëtarevë të grupit, dolën edhe si të përfshirë për akuzën e korrupsionit edhe ish -drejtori i Burgjeve Arben Çuko, por edhe Arben Ndoka, me abuzimet e pronave në bregdetin e Lezhës. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono