Të Gjitha

ilir-meta.jpg
nev ila13:39 | 27/01/2020

Pas përfundimit të fjalës së përbashkët në kancelares Angela Merkel dhe kryeministrit Edi Rama ku Merkel shprehu gatishmërinë e shtetit gjerman për të ndihmuar Shqipërinë si në lidhje me konferencën e donatorëve për procesin e rindërtimit pas tërmetit, ku Merkel konfirmoi pjesëmarrjen e Gjermanisë, edhe në lidhje me nisjen e bisedimeve për procesin e integrimit të Shqipërisë në BE, ka reaguar presidenti Ilir Meta.

Përmes një statusi në rrjetet sociale Meta ka përshëndetur angazhimin e përsëritur të Merkel për çeljen e negociatave, gjithashtu Meta shkruan se, zbatimi i 9 kushteve të Bundestagut Gjerman, janë harta më e sigurt e rrugës evropiane të Shqipërisë.

“Përshëndes angazhimin e përsëritur të Kancelares Angela Merkel për çeljen e negociatave të anëtarësimit ndërmjet Shqipërisë dhe Bashkimit Europian. Zbatimi i 9 kushteve të Bundestagut me rezultate të prekshme dhe të qëndrueshme, janë harta më e sigurt e rrugës europiane të Shqipërisë!”, shkruan Meta./abcnews.al

Capture-38.png
So Nila13:36 | 27/01/2020

Kina dyshohet të jetë një nga vatrat e burimit të virusit ngjitës koronavirus, i cili deri më tani ka shkaktuar dhjetëra viktima e shumë të tjerë janë infektuar. Dyshohet se kafshët janë burimi kyesor i përhapjes së sëmundjes.

Gjithçka mund të ketë ardhur nga tregu i gjësë së gjallë në wuhan, ku tregtoheshin kafshë të llojeve të ndryshme. Fotot tregojnë për shitjen e minjve, gjarpërinjve, këlyshëve të ujqve dhe koalave.

 

Ky ka qenë një prej tregjeve më popullorë në vend, edhe pse shumë prej tregtimeve ishin të jashtëligjshme. Deri në mes të dhjetorit tregu ishte mjaft i njohur, ndërsa në 1 janar të vitit 2020 ai u mbyll.

 

Disa shitës tregtonin edhe produkte të veçanta si penis dreri, për 44 paund apo penis krokodili për 5 paund. Tregu është cilësuar si “kati zero” i pikënisjes së përhapjes së koronavirusit./abcnews.al

ruri-kim-ne-ambasade.jpg
ger ta13:30 | 27/01/2020

Ambasadorja e SHBA në Tiranë, Yuri Kim ka mbajtur fjalimin e saj prezantues para selisë diplomatike amerikane.

Ambasadorja u shpreh se SHBA do të jetë gjithnjë në mbështetje të Shqipërisë. Po ashtu Kim shprehu kënaqësinë për të punuar me udhëheqësit e Shqipërisë.

Ndërkaq, në fund, ambasadorja e mbylli fjalën e saj me një mesazh në gjuhën shqipe. “Ne jemi ende me ju, krah për krah”, tha ajo.

Pjesë nga fjalimi i ambasadores:

Jam shumë  e nderuar që ndodhem këtu përpara ndërtesës së ambasadës së SHBA. Kjo ndërtesë e bukur qëndron si testament për forcën e qëndrueshme të marrëdhënive amerikano-shqiptare. Miqësia jonë i ka rrënjët e thella. 100 vjet më parë Presidenti Willson ngriti zërin për Shqipërinë, kur askuh nuk e  bëri.

Presidenti amerikan e përdori fuqinë e SHBA për të mbështetur një Shqipëri të pavarur. Ai priti një përfaqësues shqiptar në New York dhe hapi rrugën që Shqipëria të anëtarësohej në Lidhjen e Kombeve. Pas Luftës së Dytë Botërore, qeveritë tona morën rrugë të ndryshme. Por popujt tanë ishin akoma të lidhur. Ne flisnin me njëri-tjetrin përmes Zërit të Amerikës.

Është një moment për të cilin duhet të ndjehemi krenar dhe me të drejtë. Kemi qendruar krah jush që atëherë duke mbështetur hyrjen tuaj në BE. Sot ne qendrojmë me ju jo vetëm në mështetjen e lirisë, por edhe të së ardhmes së Shqiprisë. E dimë se ka punë të vështira përpara, por e dimë që puna e vështirë është më e lehtë kur ke miq dhe aleatë.

SHBA është e përkushtuar që ta ndihmojnë Shqipërinë të forcojë kandidaturën e saj për në BE. Ne do të vazhdojmë të mbështesim aspiratën e palëkundur të popullit shqiptar për liri dhe drejtësi. Pres me kënaqësi të punoj me udhëheqësit e Shqipërisë, ndërsa ata marrin hapa të vështirë por edhe të nevojshëm.

Jam besimplotë që teksa drejtësia të hedhë rrënjë, më shumë investitorë do të ketë në Shqipëri. SHBA e vlerëson Shqipërinë si një aleate dhe mike.

Unë ju përshëndes në këtë ditë, pavarësisht shiut dua t’ju them: Ne jemi ende me ju krah për krah.

/abcnews.al

 

Navas.jpg
Igli Nikolli13:28 | 27/01/2020

PSG iu fal dy golave të Neymar për të mposhtur Lille mbrëmjen e kaluar. Kampionët triumfuan 0-2 jashtë fushe dhe marshojnë të pashqetësuar drejt titullit kampion. Goli i parë i brazilianit erdhi pas një aksioni fantastik dhe një finalizimi spektakolar.

Keylor Navas nuk i kursen elozhet për yllin e sulmit. Portieri nga Kosta Rika tregon për Telefoot se Neymar e bën edhe më të fortë PSG-në, teksa shfaqet i qartë në objektivat që synon të arrijë.

Neymar është një lojtar i një niveli tjetër, nuk i përket kësaj bote. Jemi shumë të lumtur që e kemi në skuadër, ndihemi edhe më të fortë me të. Objektivat e mi? Nuk erdha te PSG për t’u zbavitur, por për të punuar me përulësi dhe për të fituar trofe“, deklaron Keylor Navas. /abcnews.al

selami-simsek-1280x710.jpg
nev ila13:25 | 27/01/2020

Prokuroria e Tiranës ka shpallur pretencën për turkun e arrestuar pak muaj më parë në Rinas, Selami Simsek, i cili dyshohet se është mbështetës i Lëvizjes “Gylen”, ndaj së cilës Presidenti Erdogan ka nisur një fushatë të egër përndjekjeje.

Organi i Akuzës ka kërkuar dënimin e Simsek me një vit e gjashtë muaj burg, ç’ka pengon të paktën për momentin dëbimin e tij nga Shqipëria siç ndodhi me Harun Çelik, i cili u dërgua në Turqi duke shkelur ligjet shqiptare dhe konventat ndërkombëtare.

Gjykata ka pranuar kërkesën e turkut për gjykim të shkurtuar, ç’ka bën që atij t’i ulet një e treta e masës së dënimit.

Si përfundim, Selami Simsek u dënua me 1 vit burg. Ky i fundit ka kryer 10 muaj burg në vend dhe pritet të lirohet brenda pak javësh.

Selami Simsek do të vuajë dënimin në një burg të zakonshëm në Shqipëri.

Pak ditë më parë ai dorëzoi një kërkesë për azil politik në Shqipëri.

“Këtë kërkesë e paraqes pranë zyrës së Kufirit dhe Migracionit Tiranë, që të fillojë procedura në emrin tim sa më shpejt të jetë e mundur, për azil. Këtë kërkesë e paraqes për shkak se në Turqi, shteti mendon që unë jam anëtar i Lëvizjes Gulen, dhe mendoj se atje mund t’i nënshtrohem veprimeve keqtrajtuese”, shkruante Simsek.

Kërkesa u bb më datë 8 janar 2020 e shkruar me shkrim dore në shqip dhe turqisht. Ai shprehej se në vendin e tij, Turqi i rrezikohet jeta pasi e konsiderojnë gylenist. Kujtojmë se më 1 Janar 2020, policia shqiptare deportoi me urgjencë drejt Turqisë, mësuesin Harun Celik, shokun e Selami Simsek. Sapo përfundoi dënimin Celik ai u dëbua me urgjencë duke mos i lënë asnjë ditë kohë për të kërkuar azil politik në vendin tonë. /abcnews.al

angela-merkel-berlin.jpg
nev ila13:18 | 27/01/2020

Kryeministri Edi Rama ndodhet në Berlin ku në është takuar me kancelarin gjermane Angela Mercel.

Në këtë takim është diskutuar për konferencën e donatorëve gjithashtu edhe për procesin e integrimit të Shqipërisë në BE.

Në përfundim të bisedës kryeministri shqiptar Edi Rama shprehu mirënjohjen e tij për rolin e rëndësishëm të Gjermanisë si ndaj situatës së vështirë pas tërmetit por edhe për mbështetjen e Merkel në procesin e integrimit të Shqipërisë në BE.

Kryeministri Edi Rama në fjalën e tij tha:

Mirënjohës që  zhvillojmë këtë takim, diskutuam për konferencën e donatorëve dhe nevojën e madhe që Shqipëria ka për të gjetur mbështetjen e partnerëve në procesin e vështirë të rindërtimit. Dëmet e shkaktuar nga tërmeti janë të mëdha fatura e papërballueshme për Shqipërinë.  

Ju falënderoj për interesimin tuaj dhe të ndihmës së parë nga Gjermania, ndihma ka qene lehtësuese për popullin shqiptar.

Më vjen mirë që po diskutojmë edhe për perspektivën e bashkëpunimit të BE ku roli i Gjermanisë ka qenë i jashtëzakonshëm për procesin e integrimit.

Dëshiroj të shpreh të gjithë konsideratën për mënyrën se si ka nisur punën Komisioni i ri Europian, një dimension më i qartë edhe gjeopolitik, do jetë ndihmë e madhe për ne dhe gjithë rajonin”, tha Rama./abcnews.al

merkel-rama-1-1280x691.jpg
nev ila13:11 | 27/01/2020

Kryeministri Edi Rama ndodhet në Berlin ku në është takuar me kancelarin gjermane Angela mergel.

Në këtë takim është diskutuar për konferencën e donatorëve gjithashtu edhe për procesin e integrimit të Shqipërisë në BE.

Në përfundim të bisedës kancelaria gjermane dhe kryeministri shqiptar Edi Rama mbajtën një fjalë përpara mediave.

“Gjermania do të marrë pjesë në këtë konferencën e donatorëve në 17 shkurt ku do të përpiqemi të ndihmojmë sa më shumë Shqipërinë. Ne do të flasim për një seri marrëdhëniesh të mëparshme dhe kursin e reformave të qeverisë. Në lidhje me reformën në drejtësi janë arritur shumë gjëra. Kjo reformë ka rëndësi të madhe për perspektivën e Shqipërisë. Ne duam që këto dy shtete të shkojnë drejt BE-së dhe duam që të arrijmë një marrëveshje në takimin e ardhshëm të Këshillit të BE-së në mars për të filluar çeljen e negociatave me Shqipërinë, si edhe me Maqedoninë e Veriut. Të dy vendet e kanë merituar. Këtë qëndrim e kemi pasur edhe në takimin e kaluar dhe tani do të punojmë me forcë që në mars të arrijmë rezultatin e dëshiruar. Nuk është vetëm në interes të këtyre vendeve por edhe në interesin tonë që këto vende të afrohen me BE-në”, tha kancelarja Merkel./abcnews.al

 

reneashijak-1280x720.jpg
Autor E13:07 | 27/01/2020

RENEA rrethoi kompleksin “Golden” gjatë orëve të para të mëngjesit të sotëm në Shijak pasi dyshohet se aty mbahej peng 49 vjeçari Jak Prenga që u rrëmbye disa ditë më parë në Kamzë.

Kompleksi i përket vëllezërve Emiljano dhe Altin Hajri, të cilët janë të arrestuar në Itali për trafi lëndësh narkotike.

Abcnews.al ka siguruar pamje të operacionit të RENEA ku duken blindat dhe furgonat që e kanë rrethuar kompleksin.

Burimet bëjnë me dije se deri më tani është ndaluar një person pasi në kompleks është kapur arsenal armësh, ndërsa vijojnë kërkimet për personin e rrëmbyer pasi dyshohet se mbahet në zonë.

Policia dyshon se pengmarrje e tij ndodhi për shkak të prishjes së pazareve të drogës.

Pochettino-Mauricio.png
Igli Nikolli12:58 | 27/01/2020

Mauricio Pochettino qëndron pushim prej 19 nëntorit të vitit të kaluar, ditë kur u shkarkua nga roli i trajnerit të Tottenham. Emri i argjentinasit është lidhur me shumë skuadra të mëdha europiane si Bayern Munchen, Manchester United apo Barcelona.

Ai shpreson të rikthehet sa më shpejt në stol dhe të njëjtën gjë dëshiron edhe Tottenham. Shkakun e shpjegon Daily Mail që zbulon klauzolën mes Pochettinos dhe presidentit Levy.

Nëse 47-vjeçari vendos të marrë drejtimin e një ekipi gjatë këtij sezoni, atëherë do i duhet të paguajë 10 milion sterlina Tottenhamit. Trajneri latin nuk dëshiron ta humbasë këtë shumë dhe ky mund të jetë shkaku se pse nuk po nxiton për të nisur një aventurë të re. /abcnews.al

cuko.jpg
ger ta12:51 | 27/01/2020

Gjykata Penale e Tiranës ka pushuar çështjen ndaj Arben Çukos, ish deputetit të PS.

Çuko u hetua  fillimisht nga Krimet e Rënda si pjesë e dosjes 399 i dyshuar për korrupsion në periudhën që mbante postin e drejtorit të Burgjeve për trasferimin e një të burgosuri.

Arben Çuko ra në pranga në kuadër të operacionit “VOL-VO4” në 18 tetor të vitit të kaluar dhe akuzohet për kryerjen e veprës penale “Korrupsioni pasiv i funksionarëve të lartë shtetërorë ose i të zgjedhurve vendorë”.

Emri i ti tij doli në përgjimet e grupit Avdylaj. Çuko akuzohej se në kohën kur ka qenë në krye të Drejtorisë së Burgjeve ka miratuar transferimin e të dënuarit Olsi Karagjozi kundrejt ryshfetit 3.000 euro./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono