Të fundit

KESHILLTARI-DESHMIA.mpg_snapshot_00.09-1280x720.jpg
ent ela21:46 | 14/10/2019

Një prej komisioneve parlamentare që ka nisur proçedurat e inkriminimit të Donald Trump ka thirrur për të dëshmuar ish-këshilltaren e presidentit për Rusinë. Ish-anëtarja e Këshillit të Sigurisë Kombëtare, Fiona Hill është përgjigjur përpara komisionit në lidhje me të ashtuquajturin “Ukraina-gejt”.

Ish-këshilltarja e presidentit Donald Trump për Rusinë dëshmoi të hënën në një seancë me dyer të mbyllura në komisionin e Kongresit që po udhëheq procedurat e inkriminimit e shefit të Shtëpisë së Bardhë. Dëshmia e Fiona Hill lidhet me kërkesën tashmë të njohur që Trump i bëri palës ukrainase për të hetuar një rival politik të brendshëm.

Hill, ish-drejtoreshë për Çështjet Europiane dhe Ruse pranë Këshillit të Sigurisë Kombëtare të Trump u thirr konkretisht nga komisioni për shërbimet e inteligjencës. Shkarkimi në muajin maj i Meri Jovanoviç si ambasadore amerikane në Ukrainë mund të ketë qenë pjesë e dëshmisë së Fiona Hill.

Të premten, vetë Jovanoviç dëshmoi duke thënë se ishte shkarkuar bazuar në deklarata të pabaza dhe të rreme pasi ishte sulmuar nga avokati personal i Trump, Rudi Xhulliani, i cili ishte angazhuar personalisht për të bindur prokurorët ukrainas që të hetonin ish-zëvendës presidentin Xho Bajden, sfidanti kryesor i kreut të shtetit në zgjedhjet e 2020-s.

Hetimet janë fokusuar konkretisht në telefonatën e 25 korrikut, në të cilën Trump i kërkonte homologut ukrainas Volodimir Zelenski që përveç se Bajden të hetonte dhe djalin e tij Hanter, që kishte qenë drejtues i një kompanie energjitike në Ukrainë. /ABC news Albania 24/7

cikalleshi-1.jpg
Vladimir Prenga21:33 | 14/10/2019

Shqipëria ka shpërthyer që në pjesën e parë ndaj Moldavisë, duke shënuar tre herë. Ishin Sokol Cikalleshi, Keidi Bare, Lorenc Trashi ata që realizuan golat. Kuqezinjtë e trajnerit Edi Reja u treguan kërkues që në fillim, por vendasit ishin të vendosur mirë dhe nuk linin shumë hapësira. Gjithsesi ata nuk rezistuan shumë.

Sokol Cikalleshi zhbllokoi shifrat në minutën e 22-të. Sulmuesi nga Kavaja bëri një lëvizje mjaft të bukur në zonë dhe goditi saktë drejt e në rrjetë. Festë kuqezi në fushë dhe në shkallët e stadiumit. Shqipëria ishte më lart, por e ndihmuan edhe vendasit me gabimin e portierit që u kthye në gol nga Bare.

Pesë minuta nga fundi i pjesës së parë ishte Lorenc Trashi që me një të majtë potente shënoi edhe golin e tretë. Lojtari i Partizani përfitoi nga gabimi i mbrojtësit kundërshtar dhe e dërgoi topin në rrjetë. Më pas nuk pati më gola dhe skuadrat iu drejtuan dhomave të zhveshjes.

KUALIFIKUESET E EURO 2020

MOLDAVI-SHQIPËRI 0-3
Shënues: Cikalleshi 22′, Bare 34′, Trashi 40′
MOLDAVIA:
Koşelev, Reabciuk, Mudrac (Rozgoniuc  30′), Posmac, Ioniţa (C), Cebotaru, Prepeliță, Suvorov, Anton, Sidorenco, Graur. Trajner: Semen Altman
SHQIPËRIA: Strakosha, Ismajli, Dermaku, Djimsiti, Veseli, Bare, Gjasula, Abrashi, Lenjani, Manaj, Cikalleshi. Trajner: Edoardo Reja

Karton  i verdhë: Mudrac 29′

/abcnews.al

Muriqi.jpeg
Veronik Istrefaj21:25 | 14/10/2019

Vedat Muriqi vazhdon të shënojë. Sulmuesi i Kosovës ka shënuar edhe në takimin e sotëm kundër Malit të Zi, duke dyfishuar për dardanët. Sulmuesi merr një pasim të bukur nga Hadërgjonaj, e kontrollon topin në hyrje të zonës dhe gjuan menjëherë fluturimthi. Tentativa e tij e parë bllokohet nga portieri, por topi mbetet në zonë të rrezikshme dhe Muriqi përfiton, duke shënuar./abcnews.al

Kualifikuese, Euro 2020

Kosovë – Mali i Zi  2-0
Rrahmani 10′, Muriqi 34′

Anglia.png
Veronik Istrefaj21:18 | 14/10/2019

Anglia po luan në tranfertë përballë Bullgarisë dhe pa kaluar 20 minuta lojë, e ka parë veten në avantazh të dyfishtë. Fillimisht, ishte Rashford ai që shënoi një supergol. Ylli i Manchester United bën gjithçka mirë nga krahu i majtë, driblon dy futbollistë dhe shënon nga një diagonale thuajse e pamundur.

pas këtij supergoli nga Rashford, ishte radha e Ross Barkley për të shënuar. Pas një aksioni perfekt nga Kane-Sterling, mesfushori i Chelsea nuk e ka të vështirë të shënojë me portën e boshatisur, duke i siguruar fitoren Anglisë./abcnews.al

Kualifikuese, Euro 2020

Bullgari – Angli  0-2
Rashford 7′, Barkley 20′

LAJME-ORA-19-00002.mpg_snapshot_13.32-1280x720.jpg
ent ela21:06 | 14/10/2019

“PD duhet t’i qaset shqiptarëve se me ata do e fitojë këtë betejë, të frymëzojë njerëzit dhe të kuptojë për çfarë do e bëjmë këtë betejë”. Kështu u shpreh në studion e Mbrëmje në ABC News të Mirela Milorit, ish deputetja demokrate Grida Duma, teksa u pyet nëse PD ka vullnet për të gjetur një mënyrë që të hyjë në institucione.

“Duhet të tregojmë që nuk jemi më pak të këqinj, por shumë më të mirë. Pjesa tjetër është të themi që ne jemi zgjidhja, të diskutojmë reformën zgjedhore, ndryshimet në kod elektoral i leverdisin Ramës. Partia duhet të punojë drejt atyre që e besojnë dhe kjo e bën njëshin të sigurt. Për mua sistemi i Kosovës është shumë i mirë”.

Ajo vlerëson Bundestagun gjerman i cili bëri të mundur që opozita jashtë parlamentare të ketë veton për reformën zgjedhore.

“Unë vlerësoj që Bundestagu bëri të mundur një gjë, që reforma zgjedhore të kalojë në ekstraparlamentare, që do të thotë se do ketë veton sikur të jetë në parlament, sikur të ishte në sistem”.

E pyetur për zgjedhjet e parakohshme, Duma sqaron qëndrimin e saj, kur thotë se logjika drejt asaj të çon. Sipas Dumës nëse në 18 tetor nuk hapen negociatat, duhet të ketë radikalitet me çdo mjet.

Zgjedhjet e parakohshme?

“Duhet të ketë dhe logjika aty e çon. Unë e kam qëndrimin tim, një herë e draftuar reforma zgjedhore dhe pasi kemi dalë me platformën tonë vendosen piketat që kërkohet dhe garanci e ndërkombëtarëve, që ne duhet t’i kemi aleatë se çfarë kërkojmë ne dhe se ajo që kërkojmë është e bëshme dhe jo e dhuruar. Dhe pas kësaj pas 18 tetorit, protesta nëse nuk hapen negociatat. Duhet të kemi radikalitet me mjetet nga më të ndryshmet më pas”. /abcnews.al

 

Kosova1-1280x720.jpg
Veronik Istrefaj21:01 | 14/10/2019

Kosova ka kaluar në avantazh ndaj Malit të Zi vetëm pas dhjetë minutash lojë. Një goditje nga këndi e ekzekutuar në mënyrë të shkëlqyer nga Celina ka gjetur kokën e kapitenit Rrahmani, që nuk e kishte të vështirë të shënonte.

Portieri i Malit të Zi, Petkovic, bëri një dalje të pastudiuar, duke i dhënë mundësinë Rrahmanit të gjejë rrjetën me shumë lehtësi. Në avantazh dardanët, të cilët nuk janë dorëzuar për vendin e dytë në Grupin A./abcnews.al

Kualifikuese, Euro 2020

Kosovë – Mali i Zi  1-0
Rrahmani 10′

pjimage-3.jpg
Veronik Istrefaj20:49 | 14/10/2019

Shumë mesfushorë vlerësohen nga pasimet që japin dhe rastet që krijojnë për shokët e skuadrës së tyre. Në Champions League, janë pesë mesfushorë që kanë tërhequr vëmendjen më të madhe. Një statistikë e publikuar nga UEFA, tregon se kush nga futbollistët ka pasuar më shumë dhe më saktë.

I pari në këtë listë prej pesë futbollistësh është katalanasi Arthur. Braziliani ka tentuar 190 pasime në ndeshjet që ka luajtur në Champions League, duke pasur një përqindje 92% të saktë. Arthur ndiqet nga futbollisti i Manchester City, Rodri. Mesfushori spanjoll ka tentuar 215 pasime, duke realizuar me sukses 196 të tillë (91%).

Toni Kroos renditet i treti. Mesfushori gjerman ka tentuar 189 pasime deri më tani në Champions League, me një përqidje saktësie 89%. Pas gjermanit të Real Madrid, renditen Aranguiz (88%) dhe Gundogan (87%)./abcnews.al

vlore-aksidenti.mp4_snapshot_00.16-1280x720.jpg
ent ela20:42 | 14/10/2019

Një automjet tip Volksvagen ka goditur një person që udhëtonte me biçikletë. Aksidenti ka ndodhur në lagjen “Pavarësia” të qytetit të Vlorës.

I plagosuri është transportuar në spital për të marrë ndihmën mjekësore, ndërsa drejtuesi i mjetit u shoqërua në komisariat për t’u marrë në pyetje.

Policia po heton për shkaqet e aksidentit me një të plagosur. /ABC News Albania 24/7

C677D8C1-DB50-41FD-9ABB-AFD9E53DC94B.jpeg
Klejdi Kaimi20:35 | 14/10/2019

Nasser Al-Khelaifi duket se ia ka vënë “syrin” një tjetër klubit futbolli, këtë herë në Premier League. Sipas një raportimi nga “The Times”, klubi që mund të përfitojë nga pasuria e binzesmenit nga Katari është Leeds United, që militon në Chamiponship.

Ka qënë vetë pronari i këtij klubi, italiani Andrea Radrizzani, i cili ka deklaruar se po e shikon me kujdes ofertën e bërë nga presidenti i PSG-së. “Ne na është ofruar një ofertë nga QSI dhe nga Nasseri. Unë mendoj se do të ishte fantastike për fansat tanë, sepse në pak vite do të jemi një kundërshtarë i denjë për City-n. Më në fund Leeds-i do të rikthehet aty ku i takon”,- deklaron Radrizzani.

Leeds United momentalisht ndodhet në vendin e 5 në tabelën e klasifikimit, vetëm 2 pikë larg vendit të parë që mbahet nga West Brom ALbion. Trajneri i ekipit është argjentinasi Marcelo Bielsa, i cili beson se ky është viti i duhur për rikthimin në Premier League. /abcnews.al

bulku.jpg
Vladimir Prenga20:18 | 14/10/2019

Ervin Bulku, zëvendëstrajneri i kombëtares, para ndeshjes me Moldavinë ka folur në lidhje me formacionin e zgjedhur nga Reja, por edhe për tema të tjera. “Mund të kishte edhe ndryshime të tjera. Kemi pasur dëmtime. Duhet fituar kjo ndeshej patjetër dhe trajneri Reja ka menduar së pari për këtë. Trashi titullar? Ai është grumbulluar edhe nga Panuçi. Ka treguar formë të mirë në kampionat dhe gjatë grumbullimit, ndaj është zgjedhur titullar”.

Në lidhje me mbrojtësin e Hellas Verona, Marash Kumbulla, Bulku shtoi: “Nuk është shprehja e duhur të thuash ta djegim Kumbullën. Ka pasur një problem në shpatull. Do shihet si do shkojë dhe loja dhe më pas është trajneri ai që vendos”. Më pas ish-mesfushori foli edhe për shiritin e kapitenit: “Abrashi ka më shumë me ekipin kombëtar. E meriton të jetë ai. Unë nuk i numëroj ndeshjet. Nuk i shohim nga mosha”.

Në fund Bulku foli në Supersport edhe për modulin: “Trajneri Reja është i bindur për skemën e tij. Deri më tani është i bindur se luan 3-5-2. Ai merr të duhurit për këtë skemë. Konkurrenca na rrit për të ardhmen. Skema largon disa lojtarë? Këta janë të përshtatshëm, kush luan e vendos trajneri”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono