Të fundit

gent-sejkoo.jpg
G. P.18:16 | 16/09/2019

Për herë të parë në dy dekada, Banka e Shqipërisë ka vendosur të ndryshojë serinë e kartëmonedhave që qarkullojnë në treg, duke hedhur gradualisht në qarkullim 6 prerjet e reja. Të gjitha llojet e kartëmonedhave tashmë do të kenë një madhësi më të vogël, ndërsa tematika e tyre nuk ka ndryshuar.

Guvernatori i Bankës së Shqipërisë Gent Sejko, tregon se nevoja për të emetuar prerje të reja lidhet me forcimin e elementëve të sigurisë në kartëmonedhat tona, të cilat nuk kishin ndryshuar prej vitesh.

Duke nisur nga 30 Shtatori, në treg do të hyjnë në qarkullim 2 kartëmonedhat e para, dyqind dhe pesë mijë Lekë. Banka e Shqipërisë ka vendosur që vetëm prerja dyqind Lekë të ketë përbërje polimeri, i cili është një material më i fortë por dhe më i kushtueshëm.

Prerja dhjetë mijë Lekë ende nuk ka përfunduar dizajnin e plotë, por tematika i dedikohet himnit kombëtar dhe në portret do të jetë autori i tij, Asdreni.

Në total janë 6 kartëmonedha që do të ndryshojnë, ndërsa ato ekzistueset nuk do të dalin automatikisht nga qarkullimi, por banka qëndrore nuk do të hedhë më prerje të reja të tyre duke bërë që ato të mos jenë më në qarkullim pas disa vjetësh./ABC News Albania 24/7

prokuroria.png
nev ila18:06 | 16/09/2019

Pas këtij denoncimi të ri të Partisë Demokratike, prokuroria e përgjithshme ka nisur verifikimet për kryetarin e Bashkisë së Vaut të Dejës Mark Babani.

Në një njoftim për mediat, bëhet e ditur se prokuroria e përgjithshme ka kërkuar informacion nga drejtoria e Gjendjes Civile, drejtoria e gjendjes gjyqësore, nga prokuroritë e shkallëve të para e të apeleve, si dhe nga ministria e drejtësisë për kryebashkiakun e Vaut të Dejës.

Në ditët e ardhshme prokuroria e përgjithshme do dërgojë letërporosi për marrje informacioni për Mark Babanin në Itali dhe në Maqedoninë e Veriut./ABC News Albania 24/7

mark-babani-1.jpg
G. P.17:30 | 16/09/2019

Pas deklaratës së kryetarit të Bashkisë së Vaut të Dejës se do padisë sekretarin e përgjithshëm të PD për shpifje, nuk ka vonuar përgjigja e Gazment Bardhit.

Në një postim në Facebook, Bardhi thotë se avokatët Babanit do i duhen për të negociuar vitet e burgut për fshehje të arrestimit të tij në Sicili në prill 1994 për vjedhje makinash. Në modelin e denoncimeve të mëparshme për Pjetrin e Shkodrës e Kajmakun e Vorës, Bardhi pyet Mark Babanin.

“Në datën 24 Janar 1996 në cilin hotel ke bujtur?”, dhe paralajmëron prova të tjera në ditët e ardhshme.


/ABC News Albania 24/7

1550810260-mYfnm.jpg
nev ila16:04 | 16/09/2019

Në Beograd është zhvilluara parade e homoseksualëve kryesisht për mbrojtjen e të drejtave të këtij komuniteti. Kryeministrja serbe Ana Brnabic, një homoseksuale e deklaruar, bëri apel për paqe dhe tolerancë.

Parada gay në Serbi. E nisin më këngët e Dua Lipës. Është hera e gjashtë që organizohet protesta për të drejtat e këtij komuniteti.  Qindra aktivist nga i tërë rajoni janë mbledhur për të kërkuar më shumë të drejta. Parulla dashurie duan të çojnë dhe të drejta për të gjithë. Shqiptarët janë vellëzërit tanë shkruhet në këtë pankartë.

Një mesazh për paqe dhe dashuri e solli edhe kryeministrja serbe, Ana Brnabic, e cila është e deklaruar si pjesë e komunitetit. Ajo tha se po bëhet gjithënjë më e lehtë, por ka ende punë për të bërë. Bashkë me partneren e saj, një mjeke nga kryeqyteti serb, ajo u paraqit në mbështetje të kësaj parade.

 “Kjo është e rëndësishme për Serbinë, pasi jepet mesazh për paqe dhe tolerancë,  dhe kjo është dicka që duhet ta kultivojmë edhe më shumë.”

Kështu dukej vite më parë kjo paradë: përleshje pafund me huliganët me qindra të arrestuar e të plagosur. Tani aktivistët nga Serbia pretendojnë se do të jenë organizatorë të paradës evropiane pas dy vitesh për të dëshmuar arritjen e të drejtave të njeriut.

Ata që e kundërshtojnë tani paradën janë vetëm një numër i vogël njerëzish, kryesisht konservatorë që këndojnë këngë patriotike dhe kishtare për të mbrojtur familjen. Të dyja palët u përballen, por vazhduan në drejtimet e tyre.

Në këtë paradë kanë qenë edhe dhjetëra shqiptarë nga Shqipëria dhe Kosova që kanë qëndruar në Serbi prej disa ditësh.

Dy prej tyre, thonë se mbështetja për tërë rajonin tregon progres për të gjithë. Ajo që ngelet shqetësuese për ta është se diskriminimi vazhdon pavarësisht ligjeve progresiste që sjellin qeveritë.

Qeveria serbë u premtoi se do të punohet për mbështetjen e tyre. Kryeministrja serbe tha se gjithçka një ditë do të jetë normale.

E gjithë ngjarja përfundoi me performanca të ndryshme përfshirë edhe shqiptarët që kësaj radhe nuk e patën problem të paraqiten me muzikë shqip dhe morën mbështetje./ABC News Albania 24/7

LEZHE-AKSIDENT-MBULIM_ABC-M2-T1.mpg_snapshot_00.01-1280x720.jpg
ent ela15:52 | 16/09/2019

Një aksident i rënde ka ndodhur në hyrje të qytetit të Lezhës. Një betoniere ka përplasur njeh makinë tip benz, e cila më pas është goditur nga një furgon mallrash. Drejtuesi i mjetit është dërguar në spital në gjendje të rënde pas plagëve të marra. Siç duket edhe nga pamjet, përplasja e mjetit ka qenë e fortë sa që makina tip benz është shkatërruar plotësisht. Ekspertët po punojnë për zbardhjen e shkaqeve të aksidentit. /ABC News Albania 24/7

 

SIBORA-ME-TE-FTUAREN.mpg_snapshot_06.09-1280x720.jpg
ent ela15:48 | 16/09/2019

Në ditën e parë të vitit të ri shkollor drejtoresha e zhvillimit të arsimit në ministrinë e Arsimit dhe Sportit Anila Ferizaj ka folur në studion e ABC News për sfidat në arsim, si reforma në arsim dhe rritja  e cilësisë.

Ferizaj përmendi nismat më të fundit që janë ndërmarrë nga ministria në sektorin e arsimit si librat falas dhe klasat kolektive. Sipas saj 600 mln lekë nga buxheti i shtetit shkojnë për familjet shqiptare për arsimin fillor, një nismë kjo e monitoruar nga ministria.

“Nismë e madhe 600 mln lekë nga buxheti  shkonin në familjet shqiptare, pra gjithë cilki fillor sot marrin tekste në përdorim falas. Që kur kjo nsimë nisi udhën e saj ne e kemi monitoruar hap pas hapi, jemi kujdesur që t’i mbajnë librat pastër e kemi monituar dhe në fund të vitit shkollor ne kemi vlerësuar rreth 80% të përdorshme kurse 20 % të dëmtuara. U vendos që klasa e parë të ishte komplet e re. Klasa e pestë meqënëse sivjet hyn për herë të parë është e tëra e re. Libra të përdour ka klasa e dytë, e tretë dhe e katërt. Ne kemi montuar procesin dhe kemi parë që shumica e prindërve janë të kënaqur nga kjo nismë. Rreth 70 mije tekste falas shkojnë fëmijët në nevojë”.

Sa u takon klasave kolektive Ferizaj tha se ky proces mori kohën e vet dhe vijon ende.

“Përmirësimi i ciklit parauniversitar është prioritet i MAS, dhe klasat kolektive ishin një proces që mori kohën e vet. Nga 33 mijë fëmijë që bënin mësim në klasa kolektive, ne 3 mijë fëmijë arritëm t’i çonim në klasa të veçanta. Ishte një proces në bashkëpunim me prindërit, komunitetin, por u arrit. Vjet ishin 3 mijë fëmije që kanë lëvizur nga klasat kolektive për arsye të ndryshme demografike dhe ne do ta vijojmë procesin aty ku kemi mundësi për t’i grupuar. Por edhe për fëmijët që do vijojnë në klasa kolektive ne do vijojmë të punojmë”.

Një tjetër sfidë në arsim, sipas Ferizajt mbetet edhe rritja e cilësisë dhe rritja e numrit të psikologëve. Por Ferizaj përmendi një tjetër projekt për shkollat i cili është përkrahur masivisht dhe janë pikërisht oficerët e sigurisë, ku nga 15 sot janë dhjetëfishuar.

“Një projekt për shkolla më të sigurta që u nis me 15 oficerë sigurie me një përgatitje, që kanë ndjekur një kurs tremujor në Akademinë e Policisë dhe janë hallkë ndërlidhëse. Këta ishin në fillim 15 në gjimnazet kryesore të Tiranës dhe sot janë 115 oficerë sigurie”./abcnews.al

INTERVISTA-EDMOND-SPAHO.mpg_snapshot_00.54-1280x720.jpg
ent ela15:40 | 16/09/2019

Bisedimet e fshehta për negociata mes PS dhe PD i mohon edhe nënkryetari i PD, Emond Spaho. Në një intervistë për “ABC News”, Spaho tha se PD është e gatshme të ulet në dialog, por sipas tij, Edi Rama refuzon të pranojë se ka krizë, duke refuzuar edhe ndërmjetësimin e ndërkombëtarëve.

Partia Demokratike është e gatshme të ulet në dialog për zgjidhjen e krizës politike nëse maxhoranca dhe vetë kryeministri Rama nuk do të refuzojë zhvillimin e negociatave. Nënkryetari i Partisë Demokratike, Edmond Spaho në një intervistë për ABC News tregon tentativat e vazhdueshme të ndërkombëtarëve për zgjidhjen e krizës të refuzuara nga Edi Rama.

Spaho mohon të ketë negociata të fshehura me maxhorancën, duke bërë të qartë se zgjedhjet e parakohshme janë e vetmja ofertë që opozita ka për kryeministrin Rama.

Platforma për zgjidhjen e krizës do të jetë edhe oferta e demokratëve për Partinë Socialiste për zgjidhjen e krizës. Në këtë platformë do të pasqyrohen qëndrimet e opozitës për reformën zgjedhore dhe çështje të tjera që do të kërkojnë dialog me shumicën.

Partia Demokratike përjashton në mënyrë kategorike një koalicion bashkëqeverisës me Partinë Socialiste. Për demokratët do të ishte vrastare për opozitën, pjesëmarrja në një tjetër proces zgjedhor të drejtuar nga Edi Rama kryeministër. /ABC News Albania 24/7

 

KRONIKE-BALLA-PER-KRIZEN.mpg_snapshot_00.19-1280x720.jpg
ent ela15:30 | 16/09/2019

Partia Socialiste mohon të jetë duke zhvilluar bisedime të fshehta me Partinë Demokratike për të zgjidhur krizën. Taulant Balla tha se reforma zgjedhore duhet t’i bashkojë palët dhe opozita jo-parlamentare ftohet javën e ardhshme të jetë pjesë e një tryeze, por PD nuk mund ta bllokojë këtë proces.

Partia Socialiste fton Partinë Demokratike të bashkohet javën e ardhshme në një tryezë të reformës zgjedhore, e cila është për mazhorancën formula e vetme për të zgjidhur krizën politike, për të ndryshuar rregullat e lojës e për të zhvilluar zgjedhje në vitin 2021.

I pyetur nga ABC News, nëse mund të ketë reformë zgjedhore pa Partinë Demokratike, numri dy i  socialistëve nuk dha përgjigje përfundimtare.

Por, a po zhvillohen bisedime të fshehta mes socialistëve dhe demokratëve, larg syrit publik?

Edhe pse komisioni i reformës zgjedhore është rikonceptuar, dhe bashkëkryesimin e ka marrë Damian Gjiknuri dhe Rudina Hajdari, Kuvendi ka lënë një karrige bosh për Partinë Demokratike, për një bashkëkryetar të tretë me të drejtë vetoje. /ABC News Albania 24/7

KRONIKE-MINISTRI-GJERMAN.mpg_snapshot_00.13-1280x720.jpg
ent ela15:14 | 16/09/2019

Ministri gjerman i drejtësisë ndodhet në Shqipëri për të takuar krerët më të lartë të shtetit. Kristjan Lange tha sot se për Gjermaninë reforma në drejtësi është kusht për negociatat, ndërsa shtoi se tashmë është e rëndësishme që të ngrihet Gjykata Kushtetuese, ajo e Lartë dhe SPAK-u, në mënyrë që vendi të përparojë drejt BE-së.

Ky është Kristjan Lange. Sekretar i shtetit gjerman për drejtësinë. Ai ndodhet në Tiranë për një vizitë tre ditore për të takuar drejtuesit më të lartë të shtetit, nga Ilir Meta e Edi Rama deri tek drejtuesit e institucioneve të drejtësisë.

Ministri gjerman u takua edhe me Taulant Ballën nga ku nuk u prononcua, por më pas, ambasada saktësoi qëllimin e vizitës përmes një deklarate me shkrim.

“Me vizitën time dhe bisedat që po zhvilloj në Shqipëri dëshiroj të krijoj një ide për gjendjen e reformës në drejtësi. Reforma në drejtësi është një parakusht i rëndësishëm për procesin e përafrimit të Shqipërisë në Bashkimin Evropian. Qeveria Federale mbështet perspektivën evropiane të Ballkanit Perëndimor”.

Gjermania i njeh rezultatet e Shqipërisë në këtë drejtim, por kërkon më shumë.

“Unë përshëndes faktin që reforma në drejtësi po përparon në mënyrë të vazhdueshme dhe që institucionet e krijuara të drejtësisë kanë filluar punën. Tani më duket e rëndësishme që ndër të tjera Gjykata Kushtetuese, Gjykata e Lartë, SPAK dhe BKH të bëhen funksionale në muajt e ardhshëm. Në mënyrë që reforma në drejtësi të marre më tej vrull, duhet që të gjithë institucionet e përfshira të vazhdojnë të punojnë në mënyrë profesionale dhe të fokusuar”.

Ministri gjerman lë të kuptohet se për qeverinë federale, rezultatet konkrete të reformës në drejtësi, janë ato që do të ndihmojnë integrimin.

“Unë jam plotësisht i bindur që shteti i së drejtës në Shqipëri do të forcohet në mënyrë afatgjatë nëpërmjet reformës në drejtësi – me gjyqtarë dhe prokurorë profesionistë dhe të pavarur. Në fund këto përpjekje do të kontribuojnë, që shqiptarët të kenë përsëri më shumë besim në sistemin e drejtësisë dhe që Shqipëria të vazhdojë rrugëtimin e saj drejt Bashkimit Evropian”.

Taulant Balla tha se ministri Lounge i kishte bërë me dije se Partia Social Demokrate që ai përfaqëson, do të votojë pro çeljes së negociatave për Shqipërinë gjatë mbledhjes së Bundestagut gjerman javën e ardhshme. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono