Të fundit

bardhiiiiiiiii.jpg
eri Ida18:32 | 20/02/2020

Partia Demokratike ka reaguar pas publikimit të fakteve të reja nga Presidenti i Republikës, ku ka theksuar se tentativa kriminale e Edi Ramës për uzurpimin e Gjykatës Kushtetuese u çmontua sot nga kreu i shtetit.

Sekretari i Përgjithshëm i PD, Gzment Bardhi përmes një postimi në rrjetin social Facebook, ka deklaruar se dokumentet e bëra publike janë tronditëse dhe se Qeveria, parlamenti, KED janë pjesë e një organizate mafioze për të asgjësuar pavarësinë e Gjykatës Kushtetueses.

Sipas tij, është një tjetër akt i paprecedentë që minon ndarjen dhe balancimin mes pushteteve, shtetin ligjor dhe besimin e qytetarëve tek drejtësia, zhbën Reformën në Drejtësi dhe thellon krizën politike dhe institucionale në vend.

Tentativa kriminale e Edi Ramës për uzurpimin e Gjykatës Kushtetuese u çmontua sot me të tjera fakte të…

Gepostet von Gazment Bardhi am Donnerstag, 20. Februar 2020

Postimi i Plotë:

Tentativa kriminale e Edi Ramës për uzurpimin e Gjykatës Kushtetuese u çmontua sot me të tjera fakte të pakundërshtueshme nga Institucioni i Presidentit të Republikës.

Qeveria e Edi Ramës me Etilda Gjonajn, Parlamenti i Edi Ramës me Gramoz Ruçin,  Këshilli i Emërimeve në Drejtësi i Edi Ramës me Ardian Dvoranin tani janë të provuar me dokumenta zyrtarë se janë pjesë e një organizate mafioze për të asgjesuar pavarësinë e Gjykatës Kushtetuese që në lindje. Me një skemë kriminale, Qeveria ka ndërmarrë veprime aktive për t’i rrëmbyer kompetencën kushtetutese Presidentit të Republikës për emërimin e një anëtari të Gjykatës Kushtetuese dhe për të emëruar aty një shërbëtore politike të Qeverisë.

Dokumentat e bërë publikë nga Presidenti janë tronditës. Qeveria boton në Fletoren Zyrtare një akt për llogari të KED-së, që sipas Kushtetutës është një institucion pa asnjë lidhje me Qeverinë.  Është një tjetër akt i paprecedentë që minon ndarjen dhe balancimin mes pushteteve, shtetin ligjor dhe besimin e qytetarëve tek drejtësia, zhbën Reformën në Drejtësi dhe thellon krizën politike dhe institucionale në vend./abcnews.al

bego.png
in a18:31 | 20/02/2020

Dëshmitë tronditëse që dolën në dritë për abuzimet e mësuesit “zhigolo” të shkollës së mesme artistike “Jakov Xoxa” në Fier, çuan në pranga mësuesin.

Ndërkohë pasi tentoi që të ndryshonte dëshminë e një prej vajzave të ngacmuara seksualisht nga profesori Agron Bego ne Fier, në prangat e policisë ka rënë edhe  avokati i tij. Policia njofton se është bërë arrestimi i avokatit pranë dhomës së avokatisë, në Fier.

Fier/Informacion

Menjëherë pas vidios së publikuar në emisionin investigativ “Stop” në mbrëmjen e datës 19 Shkurt 2020, nga Specialistët e Sektorit për hetimin e krimit ekonomik e financiar në Drejtorinë Vendore të Policisë Fier, pas hetimeve intensive, u bë ndalimi i shtetasit:

N. B., 53 vjeç, banues në Fier, me profesion Avokat pranë dhomës së avokatisë Fier.

Ndalimi i këtij shtetasi u bë pasi dyshohet për veprën penale “Korrupsion aktiv”. Ky shtetas, duke shfrytëzuar pozicionin e tij si avokat, i ka kërkuar një shtetasi të ndikonte te nxënësja që të ndryshonte thëniet e saj në ngarkim të klientit të avokatit i cili është me masë sigurimi “Arrest me burg” për veprën penale “Ngacmim seksual”.

Materialet i kaluan SPAK, për veprime të mëtejshme.

 

Lexo edhe http://abcnews.al/deshmi-tronditese-mesuesi-bego-abuzonte-seksualisht-vajzat-bashke-me-koleget/

/abcnews.al

kellici.jpg
eri Ida18:25 | 20/02/2020

Kryetar i FRPD, Belind Këlliçi këtë të enjte nga studio e ABC News është shprehur se çdo thirrje për konferencë kombëtare për mbrojtjen e të drejtave të qytetarëve është një  thirrje që duhet ti përgjigjemi të gjithë.

Ai është shprehur se është e rëndësishme që në kushtet aktuale ku çdo institucion është kapur, është detyrë e çdo shqiptari që të dalë dhe të mbrojë të drejtat e tij dhe ti përgjigjet thirrjes së presidentit i vetmi institucion që nuk është kapur nga qeveria.

Këlliçi përballë gazetarit Endr Xhafo ndër të tjera ka komentuar grustin e shtetit, ku është shprehur se Rama ka bërë grusht që kur ka kapur të gjithë institucionet që ka kapur të gjithë institucionet që ka shkatërruar çdo institucion. Ne jemi pa Kushtetuese dhe Gjykatë të lartë dhe asgjë nuk funskionon. Çdo ditë që kalon është një ditë humbje. Rama në krye të shtetit ka treguar kapjen e institucioneve, mosrespektimin e kushtetutës, na ka kthyer në parlament monopartiak.

Sipas tij e vetmja zgjidhje vjen nga vetë shqiptarët dhe jo nga ndërkombëtaret dhe sipas tij Rama është Enver Hoxha i kohëve moderne.

“Zgjidhja e krizës nuk vjen nga ndërkombëtaret, por duhet të vijë nga vetë shqiptarët. 17 maj ka qenë një gabim që ëhstë pranuar por ajo që ka ndodhur këtë herë ka qenë se të gjithë kanë votuar diegjen e mandateve pse duhet të rrish një një parlament që është mbushur me kriminel. Me 30 qershor ai ka garuar i vetëm dhe ai sërish zgjodhi kriminelë. Me Ramën nuk mund të garosh pasi ai e blen votën me lekë jo me programe.  Rama është më keq se Enver Hoxha, Enver Hoxha është i kohëve të moderne dhe jam i bindur se do të ketë fundin më të keq, do të ketë fundin më të shëmtuar politik që ka pasur ndonjë politikan deri më tani pas viteve 90’. Shqipëria është kthyer në një dele të zezë për Evropën dhe në Shqipëri sot dhe pse në 2020 flasim për zgjedhje të lira e të ndershme. Çfarë mund të themi për modelin e tij i cili ka goditur të rinjtë,” tha Këllçi.

Kryetari i FRDP nga ABC News është shprehur është se Edi Rama që në 2013 ka bërë pakt me krimin dhe i futi në parlamet të gjithë këto kriminele. Ndërkohë është shprehur se modeli që po ndjek PD-ja është rrug e gjatë, por ato ndryshe nga Edi Rama nuk blejmë vota. Ka qenë axhendë e Ramës që ta mjerojë Shqipërinë veçanërisht zonën e veriut.

Gjithashtu ai ka thënë se ato kanë dalë në protestë për të mbrojtur të drejtat tona dhe të rinjve që kanë vendosur të jetojnë në Shqipëri, një qendresë kundër korrupsionit./abcnews.al

klinika-vital124.jpg
nev ila18:17 | 20/02/2020

Klinika Vital vjen më pranë jush me shërbimet në fushën e dermoestetikës. Pranë Vital keni mundësinë të gjeni shërbimet  bashkëkohore, sa i përket rigjenerimit të lëkurës.

“Është hera e parë që ofrohet tek Vital, pseja e dermoestetikës dhe ka të bëjë me gjithçka që ka lidhje me rigjenerimin e lëkurës, që nga mezoterapia, PRP, dermapen apo dermaroller, fillers, botox.

Pra trajtimet në Vital kanë të bëjnë me çdo gjë që bën pamjen më të rinuar, trajtimin sidomos me fillerat, psh në pjesën periorbitale, me rrathët e zinj, etj”, tha Dermoestetistja Klaudia Ferko.

Metodat më të avancuara, dhe efikase, mund t’i gjeni vetëm në Klinikën Vital. Dermoestetistja Klaudia Ferko rekomandon aplikimet e fillersave dhe plazmës, si metodat më të preferuara vitet e fundit edhe në dermoestetikën europiane.

“Ka shumë femra që ineteresohen për të bërë një rregullim të hundës që quhet, liquidiraynoplastic, i cili preferohet të bëhet me fillers, dhe jo duke iu nënshtruar kirurgjisë operative.

Gjithashtu është shumë e preferuar, duke filluar që nga moshat e reja deri tek moshat më të avancuara, për pjesët e rrathëve të syve, rregullimin e buzëve, ose qoftë edhe konturimin e gjithë pjesës së fytyrës.

Plazma jep një rigjenerim të pjesës së lëkurës, por nuk përdoret vetëm për këtë. Përdoret edhe për pjesën e rigjenerimit të strijave, dhe të rigjenerimit të një lëkure që mund të ketë shumë vite e ekspozuar në diell”, tha Ferko.

Falë mjekëve profesionistë dhe aparaturave të fjalës së fundit në Klinikën Vital mund të merrni rezultatin e dëshiruar./abcnews.al

Juventus-1.png
Igli Nikolli18:17 | 20/02/2020

Juventus po tenton të përfitojë nga situata e vështirë e Manchester City. Kampionët e Anglisë janë përjashtuar për dy sezonet e ardhshme në kompeticionet europiane për shkak të parregullsive në FPF (fair-play financiar).

Objektivi i bardhezinjve quhet Gabriel Jesus dhe The Sun zbulon ofertën që po mendojnë të bëjnë italianët për shërbimet e sulmuesit brazilian. 70 milion euro janë gati për kartonin e 22-vjeçarit, i cili ka shënuar 18 gola në 39 ndeshje të zhvilluara me kombëtaren braziliane.

Konfirmimi i pezullimit nga Europa mund të ndikojë që shumë yje të “Cityzens” të largohen në fund të sezonit dhe Gabriel Jesus është njëri prej tyre. Juventusi e do për të përforcuar sulmin, oferta është gati dhe pritet vetëm përgjigja e klubit anglez. /abcnews.al

 

Gabriel Jesus
kimo.jpg
in a18:07 | 20/02/2020

Ambasadorja amerikane, Yuri Kim ka reaguar në rrjetin social “Twitter” për Konferencën e Donatorëve e cila u mbajt për familjet e prekura nga tërmeti. Ambasadorja Amerikane thotë se Konferenca e Donatorëve është përgjegjësi thelbësore dhe për këtë do të krijohet një Akademi Transparence.

Kim thekson se akademia do të jetë për të mbështetur qeverinë.

Reagimi i ambasadores vjen në mbështetje të deklaratës së diplomatit të BE-së Luigi Soreca i cili tha se Konferenca e Donatorëve në Bruksel ishte një sukses i madh.

“Konferenca e Donatorëve në Bruksel ishte një sukses i madh. Tani është e rëndësishme për të siguruar mekanizma të qartë, efikas, pjesëmarrës dhe transparent të financimit që lejojnë përgjegjshmërinë për fondet. Të krijojë hapësirë për të gjithë donatorët për të ekzekutuar zotimin e tyre. 9 parimet do ta udhëheqin këtë punë”, shkruan Soreca.

/abcnews.al

 

meta-dervishit.jpg
nev ila17:55 | 20/02/2020

Në Konferencën për Shtyp të Presidentit të Republikës, Këshilltari Dervishi tha se në datën 17 shkurt, me anë të një kërkese i është drejtuar Qendrës së Publikimeve Zyrtare për të marrë informacion, ku është mësuar se Ministria e Drejtësisë ka dërguar për botim shkresën për emërimin e Arta Vorpsit.

I kërkuam QPZ mënyrën e administrimit të këresës dhe pas konferencës së djeshme të Presidentit Meta, QPZ na është përgjigjur duke na komunikuar se: Vendimi me nr. 132 i dates 21 shtator, vendimi është dërguar për tu botuar nga Ministra e Drejtësisë, nga ana jonë nuk ka patur komunikim me të tjerët.  

Kemi të bëjmë me lajthitje, jo është më keq se kaq, falsifikim. Strukturat përkatëse të Zyrës Juridike të Presidentit të Republiës po përgatisin Kallzimin Penal që do ti drejtohet SPAK për të hetuar dhe për të marrë në pyetje të gjithë personat e përfshirë në këtë çështje”, tha Dervishi.

Pas sqarimit nga Këshilltari ligjor Dervishaj , Meta mori fjalën duke i kërkuar këshilltarit të tij të betohej përpara Popullit shqiptar se ishte duke thënë të vërtetën dhe vetëm të vërtetën.

Meta: Si Presidenti i Republikës po bëhem hetues vullnetar  i SPAK-ut, pa pagesë pa shpërblim. E nxorra zotin Dervishi sepse ka qenë në cdo mbledhje të komisionit të emërimeve në drejtësi. Betohu përpara popullit shqiptar që po thua të vërtetën.

Dervishi: Edhe po mos të betohem unë, i ka nxjerrë Dvorani gjithë proces-verbalet e mbledhjeve, aty kemi qenë 100%.

Meta: Ka ndonjë anëtar KED që mund të thotë se është mbledhur për të marrë një vendim të tillë?

Dervishi: Nuk besoj të ketë sepse anëtarët e KED e kanë mbyllur mbledhjen e tyre në datën 7.11. 2019 dhe nuk kanë marrë asnjë vendim në lidhje me këtë cështje, e thotë proces-verbali është i zbardhur”./abcnews.al

flutut.png
in a17:43 | 20/02/2020

Një lloj i rrallë breshke e njohur si “fluturuesja” ka rënë në rrjetat e peshkatarëve në detin Jon prane brigjeve te Vlorës.

Specie të tilla shfaqen në ujërat shqiptare, sipas peshkatarëve një herë në 5 vjet.  Specialisti pranë zonave të mbrojtura në Vlorë Nexhip Hysolakoj tregon për këto specie që vizitojnë ujërat tona.

“Është breshkë shumë e rradhë që ndodhet në Detin e Mesdheut. Habitatin kryesor  e ka në Oqean, në brigjet e Kosta Rikës apo Amerikës”, u shpreh ai.

Speciasitët thonë breshka “fluturuse” mbi zhguall ka pasur parazitë të detit të cilët kanë bërë të humbasë drejtimin dhe të dalë në ujërat tona dhe më pas në cekëtinë.

Pasi e kanë mjekuar, breshka është lënë e lirë./abcnews.al

presidenca-1280x635.jpg
nev ila17:40 | 20/02/2020

Gjatë fjalës së mbajtur sot në Konferencën për Shtyp, Këshilltari ligjor i Presidenti të Republikës Bledar Dervishaj tha se qendra e botimeve me urdhër të këshilltarit të përgjithshëm të Ministrisë së Drejtësisë ka botuar në fletoren zyrtare, në ditë të shtunë, 9 shtator 2019, dekretin si anëtarë të Gjykatës Kushtetuese të gjyqtares, Arta Vorpsi.

Gjithashtu Dervishi tha se në fletoren zyrtare janë publikuar vendimet e Këshillit të Emërimeve në Drejtësti, gjë e cila sipas ligjit është e papranueshme. Sepse vendimet e Këshillit të Emërimeve në Drejtësi publikohen në faqen e internetit të Gjykatës së Lartë.

Më 21 shtator 2019 Këshilli i Emërimeve në Drejtësi mblidhet për të bërë listimin e anëtarëve të Gjykatës Kushtetuese. Sipas ligjit, Këshilli ka vendosur që ligji hyjë në fuqi dhe publikohet në Faqen Zyrtare të Gjykatës së Lartë.

Prova e dytë, më 22 shtator, faqja e Gjykata e Lartë publikohen të katër vendimet e KED, për të katër kandidatët dhe këshilli vendosi miratimin e anëtarëve për balancën e shpallur nga Presidenti, nga Kuvendi, Presidenti dhe katër nga Kuvendi.

Këshilli ka ndjekur radhën që dikton Kushtetuta dhe ligji. Ato që ligji parashikonte u zbatuan edhe me botimin e këtyre akteve në faqen e Gjykatës së lartë. Kalojmë te prova tjetër. Presidenti emëroi anëtarin e parë të Gjykatës dhe më pas Presidenti i kërkoi Kuvendit të vendoste për anëtarin e dytë.

Duke parë që Kuvendi kishte vendosur ta shtynte dha ta shfrytëzonte në maksimum 30 ditëshin e tij, Presidenti mori një akt dhe vendimin ja drejton Kuvendit të Shqipërisë, kryetarit Gramoz Ruçi, Avokatit të Popullit dhe Dvoranit.

Ky komunikim iu përcoll të gjitha ambasadave prezentë në Shqipëri. Në shkresë presidenti synon respektimin e normës në zbatimin e radhës të emërimit të anëtarëve të Gjykatës Kushtetuese.

Kjo letër u administrua në KED në datë 6 dhe në datë 7 u mblodh këshilli për ta diskutuar. Këshilli dakordësoi se nuk mund të shpreheshin për vendimin e Presidentit të Republikës sepse do të kapërcenin kompetencat e tyre.

Në atë datë Këshilli nuk ka marrë asnjë vendim.

Një ditë më pas, Kryetari i Kuvendit i drejton një letër, ku i kërkon informacion kryetarit të KED mbi ecurinë e procesit të emërimit ët anëtarëve të Gjykatës Kushtetuese nga Presidenti i Republikës. Kërkesë subjektive dhe e pavend.

Më datë 8, kreu i KED, nuk vendosi qëllimisht ta mblidhte Këshillin e Emërimeve në Drejtësi dhe i kthen një përgjigje, në cilësi personale, pa vendimmarrje të këshillit, nuk ka ardhur ndonjë letër nga Presidenti i Republikës për ushtrimin e së drejtës së Presidentit për emërimin e anëtarit të Gjykatës Kushtetuese.

Dvorani në mënyrë të qëllimtë lidh nenin e Kushtetues me nenin e ligjit dhe bën një përshkrim jo fort ë mirë të paragrafit, ku thotë se kandidatja e renditur e para, zonja Arta Vorpsi konfirmohet si anëtare e Gjykatës Kushtetuese, për këtë arsye para dy ditësh depozituan kallëzimin shtesë”, tha Dervishi.

WhatsApp-Image-2020-02-20-at-16.58.37.jpeg
eri Ida17:22 | 20/02/2020

Gazetari Artan Hoxha ka komentuar në studion e Abc News me detaje nga droga, rrëmbimi dhe masakrimit të Jan Prengës. Nga Studio e ABC News me gazetarin Endri Xhafo, Hoxha është shprehur se nga e gjithë kjo histori e vetmja gjë që i bën më përshtypje është fakti se si informacioni për mediat nuk rrodhi në momentin që dosja ishte në prokurorinë e Tiranës, por në momentin që ajo kaloi në SPAK.

Ndërkohë ndër të tjera gazetari Hoxha është shprehur se Jan Prenga i cili është marrë peng me 17 janar në Kamzë ka qenë i vrarë që atë natë dhe çdo lëvizje tjetër ka qenë boshe nga ana e pengmarrësve me qëllim vetëm për të marrë ngarkesën e kokainës dhe paratë.

Gjithashtu nuk ka asnjë gjë të sigurtë deri në mbyllje të hetimeve nëse vëllai i Jan Prengës Ndrek Prenga ka folur me Dritan Rexhepi, apo Dritan Doçin, e vetmja gjë që ai konfirmon, eshte se ka folur me persona të cilët i kanë kërkuar që të dorëzojë një pjesë të ngarkesës dhe më pas të marrë Jan Prengen.

Artan Hoxha është shprehur ndër të tjera se mister vijon të mbetet dhe fshehja dhe mosgjetja e trupit të 49 vjeçarit Jan Prenga.

Gazetari Hoxha ndër të tjera tha:

Unë e kam pyetur Gramoz Rexhepin, pasi Dritan ai e ka bërë emrin të tillë rrugës. Sigurisht në media ne kemi parë se çfarë tha prokuroria shqiptare deri më tani, dhe unë thash se videot ishin të rënda dhe deri më tani kanë dalë foto që tregojnë trupin e viktimës. Më bëri përshtypje se kur dosja ishte në prokurori nuk kishte rrjedhje informacioni për Mediat sapo dosja shkoi në SPAK patëm një gjë të tillë. Nga ajo që kemi parë deri më tani kemi mësuar se një nga vëllezërit prenga nmjë ditë pas rrëmbimit të Jan Prengës, Anton Prenga në prokurori ka thënë atë që i kanë thënë vëllezërit në Angli. Nga ajo që e kemi parë rezulton se ngarkesa është e grabitur, Astrit Prenga nuk është korrier. Ata kanë grabitur një ngarkese nga porti dhe personi që e ka pasur informacionin fillestar por nuk e ka ditur se sa është ngarkesa nuk është Astrit Prenga është një person tjetër me mbiemrin Shullani që e ka pas marrë për mbështeje Prengen.

Kur kanë shkuar në port kanë qënë 5 veta dhe një e kanë lënë jashtë që e kanë lënë të vëzhgojë lëvizjet dhe ai ka thënë se ka parë levizje, por nuk i ka saktësuar se çfarë lëvizjes janë ato sapo kanë dalë nga porti kanë devijuar rrugën kryesore dhe kanë ndjekur rrugën dytësore dhe aty kanë parë dhe ngarkesën që kanë marrë. Shtetasi rumunn që ka drejtuar kamionin ka marrë pagesë në dorë dhe ka ik po ashtu dhe një person tjetër ka marrë para dhe ka ik. 260 kilogram është ndarë në tre pjesë, Astrit Prenga, Shullani dhe një person tjetër nga Shkodra i identifikuar si Xhuljano, i cili ka ikur më pas nga Anglia ato kanë marrë diku nga 86-87 kg kokainë. Kokaina është grabitur me 18 dhjetor, ndërkohë menjëherë pasi është marrë vesh se është rrëmbyer ngarkesa ato janë vënë në lëvizje. Janë përpjekur të kontaktojnë, Astrit Prengën dhe personin me emrin Gëzim Shullanin ndoshta, por që nuk e kanë kontaktuar dot, aty kanë gjetur se Ndrek Prenga ndodhet ne burg dhe ka kontaktuar atë dhe është kontaktuar më pas nga Gentjan Doçi, por vetë ky thotë nëse është apo jo vetë Gentjan Doçi apo dikush tjetër dhe i është paraqitur me atë emër dhe i ka thënë se ngarkesa ka qenë e imja. Ato nuk e kanë ditur që është ngarkesa ime dhe po të marr ty që të them ty që të kthejnë ngarkesën, personi ka thënë se nuk di gjë por i ka thënë do kontaktoj por nuk e di nëse ngarkesa është e jotja.

260 kg kokainë me çmimin në Londër 32 mijë paund, Ndrek Prenga ka kërkuar që personi që e merr nga jashtë ka kërkuar që ti  japë elementë që tregojnë se ngarkesa e është e tij. Kjo është një histori që ka vijuar deri mbremjen e krishtëlindjeve dhe më pas është ndërprerë. Për një muaj historia ka vijuar normalisht dhe është aktivizuar me 17 janar kur është marrë peng Jan Prenga ku familja është vënë në lëvizje, më pas është paraqitur një person tjetër që sipas Arton Prengës, rezulton se personi që ka kontaktuar Ndrek Prengën është paraqitur Dritan Rexhepi që ka kontaktuar ndrek prengën. Diskutohet për tu dorëzuar pengu dhe personi atje ka thënë se nëse më dorëzoni ngarkesën e dorëzojmë ngaerkesën por kemi 2/3 e saj dhe ato e ktejen dhe dorëzojnë 107 kg kokainë dhe 700 mijë paund që e marrin dy shtetas shtetas polak, dhe një shtetas tjetër që ka ikur nga Anglia ka thënë se unë nuk e dorëzoj ngarkesën pa pa se pengu është gjallë, pasi i njoh personat nga Shkodra. Nëse unë nuk e shof pengun nuk e jap ndarkesën.

Në këtë moment negociohet dhe familjarë të këtyre personave kanë mbërritur në zonën nga rreth rrotullimi i Kamzës deri në Qafë Kashar për dorëzimit të pengut, por atë mbrëmje nuk është dorëzua, ata kanë pritur deri pas mesnatës, pasi pengu nuk u drëzua nga ajo mesnatë është ndërprerë të gjithë kontaktet me Ndrek Prengën në burg në Angli, të cilit i kanë marrë celularin policia britanike, një ditë më pas ai ka marrë një celular tjetër dhe u ka thënë se pengu nuk është dorëzuar pasi ka pasur lëvizje nga policia. Por Jan Prenga ka pas vdekur që me 17 janar edhe policia jonë nuk ka ndërhyre pasi ka menduar se Jan Prenga është i gjallë, nuk e kanë ditur se nuk jeton. Ndrek prenga pas marrjes së celularit ai është shprehur se pengu do të lejohet, është dhe një dëshmi që është paraqitur Dritan Rexhepi, dhe Ndrek prenga nuk thotë se ai ishte Dritan Doçi, pasi thot vetëm se ka folur me një person. Te familja e gentjan Bletës rezulton se aty ska asnjë vetëm jë femër dhe ska asnjë burre, te familja Korrado thonë se ai është jashtë është një çështje që do të vijojë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono