Rusi 2018

mpapee-1280x738.jpg
G. P.17:25 | 17/07/2018

Kylian Mbappe nuk është vetëm një futbollist i madh, por edhe një njeri i ndjeshëm. Sulmuesi i Francës ka vendosur të dhurojë për bamirësi, të gjithë shpërblimin që ka marrë në Kupën e Botës në Rusi.

Bëhet fjalë për 430.000 euro, të cilat do t’ia dhurojë një fondacioni parizien, që organizon aktivitete sportive, për fëmijët me probleme fizike, apo mendore.

Kjo shumë nuk është shumë e madhe, në krahasim me rrogën që Mbappe fiton te klubi i tij, Paris Saint Germain, por gjithsesi veprimi është mjaft kuptimplotë. Adoleshenti 19-vjeçar është rritur si një fëmijë i varfër në rrethinat e Parisit dhe shprehet se nuk e ka harruar atë periudhë të vështirë.

Mbappe shkëlqeu në Kupën e Botës, duke shënuar 4 gola, e duke ndihmuar Francën të fitonte titullin botëror. Ai u shpall lojtari i ri më i mirë i turneut./abcnews.al

tifozja.jpg
G. P.13:05 | 17/07/2018

Kombëtarja e Kroacisë ishte në duart e një femre gjatë festimeve në Zagreb. Autobusi i nënkampionëve të botës u drejtua për 5 orë nga një grua shofere.

Vëmendja ishte e gjitha tek ata, por edhe diçka tjetër tërhoqi.

Kombëtarja kroate mbërriti triumfuese në Aeroportin “Franjo Tuxhman” të Zagrebit, por ndoshta nuk e dinin se do të ishin në duart e një femre.

Autobusi i festës do të drejtohej nga një shofere, një grua me emrin Nikolina Zhiljak.

Ajo është 37 vjeç dhe gazetat kroate thonë se është shofere me shumë vite përvojë.

“Zemra ime është e madhe sa autobusi,– u shpreh ajo për mediat,- ishte tepër e lodhshme, por do të doja që gjithçka të përsëritej”.

Për fat të keq, ajo nuk mundi t’i çonte heronjtë deri tek Sheshi i Princit Jelaçiç.

“Autobusi pati një avari në urën e Savës, dhe kombëtarja hipi në autobusin e një kolegeje tjetër”, – tha Nikolina për “Jutarnji Listin”, – e çova autobusin në servis, por u ktheva në shesh për festimet”.

Me Nikolinën apo pa të, nënkampionët e botës u drejtuan nga shofere femra gjatë 5 orëve të kremtimeve nga aeroporti deri në sheshin qendror të Zagrebit.

Ishin plot 500.000 njerëz që kishin dalë në rrugë e në sheshe, një shifër e jashtëzakonshme në një qytet me jo më shumë se 800.000 banorë, dhe në një shtet me 4.2 milionë popullsi.

Gjithçka ishte e merituar pasi kombëtarja u shpall nënkampione e botës në Rusi./abcnews.al

 

kroacia-2.jpg
G. P.10:38 | 17/07/2018

Me brohoritje dhe urime për suskesin e arritur në Botërorin 2018 janë pritur dhe djemtë e kombëtares kroate. Rreth 250 mijë tifozë u mblodhen në sheshe e rrugë duke mirëpritur lojtarët.

Me një brohoritje të fuqishme krenarie dhe gëzimi, lojtarët e kombëtares kroate të futbollit kanë kaluar në tapetin e kuq të shtruar posaçërisht për ta në Zagreb. Disa dhjetëra mijëra njerëz të veshur me ngjyrat simbolike kombëtare të kuqe e të bardhë ngritën flamurin kroat në kryeqytetin e vendit për të përshëndetur ekipin.

Futbollistët, të cilët përshkuan rrugën kryesore të Zagrebit deri në sheshin qendror me një autobus të hapur, shtrënguan duart me tifozët dhe nënshkruan autografë. Policia deklaroi se mbi 250 mijë vetë ishin mbledhur në qendër të qytetit dhe shumë të tjerë përgjatë aksit nga aeroporti deri në shesh.

Autobusi udhëtoi për disa orë, shpesh herë duke u ndalur pasi bllokohej nga turma. Disa mijëra fansa, pjesa dërrmuese të cilëve vinin nga zonat e tjera të vendit, kishin mbërritur në Zagreb që në orët e para të mëngjesit dhe shumë prej tyre i zuri gjumi nga lodhja. Autoritetet u detyruan të dërgonin autobotë me ujë për t’u ardhur atyre në ndihmë.

Kroacia arriti për herë të parë në finalen e një botërori dhe pavarësisht humbjes përballë Francës, shpirti i saj luftarak spikati në ndeshjet e luajtura. “Bravo, ju lumtë”, “Jeni krenaria jonë”, apo “Jeni krenaria e Kroacisë” ishin parullat e sportdashësve të mbledhur në rrugët e qytetit./abcnews.al

kroaciaa.jpg
G. P.16:56 | 16/07/2018

Ndryshe nga Franca, në Kroaci u festua qetë vendi i dytë dhe përkundër humbjes, kroatët ishin të lumtur, pasi realizuan një kthim të madh në futboll. Festa u bë në çdo zonë të vendit. Vukovari, dikur kryqendra e luftës së viteve ’90, tani feston dhe e sheh si rimëkëmbje, finalen e shtetit tashmë edhe anëtar i BE.

Ndryshe nga Franca, në Kroaci u festua qetë vendi i dytë dhe përkundër humbjes kroatët ishin të lumtur, duke arritur një kthim të madh në futboll. Festa u bë në të gjitha vendet e këtij shteti.

Vukovari, që dikur ishte kryqendra e luftës së viteve ’90 dhe ku ranë gjysma e viktimave, tani feston dhe e sheh si rimëkëmbje finalen e shtetit të fundit që u antarësua në BE.

Në rrugët e Kroacisë nuk ka ngelur njeri. Të gjithë kanë ikur të ndjekin ethet e futbollit. Në sheshin “Franje Tuxhman” të Vukovarit, qytetit të shkatërruar të luftës tani kroatët janë për finale.

Ndeshja fillon me entuziazëm. Vite pas luftës sporti tregon kthimin e fuqisë së shtetit ish Jugosllav. Pjesa e parë me pak fat, por kroatët arrijnë të shënojnë gol.  Francezët janë të vështirë, por për kroatët kjo eshtë festë gjithsesi.

“Jemi të lumtur pasi im atë ka mbrojtur në luftë Kroacinë dhe ata na kanë mundësuar ne këtë festë”.

“Lumturi e madhe pasi jemi popull i vogël dhe komb i madh në futboll”.

“Pas gjithë gjërave që kanë ndodhur në luftë këtu kjo për ne është lumturi e pafund”.

Pjesa e dytë zbeh paksa shpresat. Të gjithë janë të veshur në ngjyrat e simbolit të shahut e deri tek luku. Kroacia ende shpreson të jetë e para. Shënojnë golin e dytë.  Fundi nuk i dëshpëron dhe duartrokitjet nuk mungojnë, ashtu siç nuk mungon as mbështetja për çunat kroatë në Rusi.

“Kroacia është shteti i dytë në mjeshtrinë  e futbollit në botë. Dhe kjo është arritja më e madhe që pas pavarësisë e Kroacisë në këtë sport”.

Festa vazhdoi në tërë Kroacinë./abcnews.al

konferenca.jpg
G. P.14:02 | 16/07/2018

Por konferenca për shtyp pas ndeshjes finale ka patur dhe momentet e saj të papritura. Lojtarët e ekipit kombëtar i prishën konferëcën për shtyp Didier Deschamps.

Të pajisur me shishe uji, pije të gazuara dhe birrë, Griezmann dhe shokët e tij u shfaqën në sallën e konferëncës duke kënduar e brohoritur “Didier Deschamps, Didier Deschamps” ndërsa në sfond dëgjoheshin tingujt e këngës “Ne jemi kampionët”.

Gazetarët e pranishëm në sallë u larguan të lagur nga dushi i shisheve që u zbrazën nga lojtarët. Kampionët e botës pastaj u kthyen në dhomën e zhveshjes për të shkuar edhe vetë në dush, veçse kësaj here tek ai i vërteti./abcnews.al

trofeu.jpg
G. P.13:09 | 16/07/2018

Sot, ekipi i Didier Deschamps do të zbresë në aeroportin Charle de Gaulle rreth orës 15:55. Kampionët e rinj të botës pastaj do të shkojnë në Shamp-Élizé për të parakaluar para tifozëve së bashku me trofeun.

Parakalimi është parashikuar nga ora 17:30 deri në 18:30. Më pas ekipi kampion i botës do të pritet nga Presidenti i Republikës, Emmanuel Macron, në pallatin presidencial Elizee, deri në orën 20.00.

Disa stacione metroje në Paris do të mbyllen nga policisë këtë pasdite për shkak të festimeve për kthimin në Francë të ekipit kombëtar të futbollit.

Nderkohë mediat franceze bëjnë të ditur se trajnerët e të ashtuquajturve “gjelat francezë” si dhe lojtarët e ekipit kombëtar francez do të nderohen dhe titullin e lartë të Legjionit të Nderit./abcnews.al

dhune.jpg
G. P.12:06 | 16/07/2018

Incidente dhe trazira në Paris gjatë festimeve për Kupën e Botës. Plackiten disa dyqane dhe bare në kryeqytet. Policia franceze detyrohet të evakuojë Champs Elysees me gaz lotsjellës dhe pompa uji.

Policia franceze evakuoi Champs Elysees, bulevardin e famshëm parizien, mes sheshit Konkord dhe Harkut të Triumfit, pas disa incidenteve dhe plackitjeve gjatë festikmeve për fitoren e kombëtares së Francës të Kupës së Botës. Pas triumfit të Francës shumë njerëz u mblodhën në Champs-Elysees, duke kënduar e duke hedhur fishekzjarre.

Me dhjetëra persona kanë hedhur objekte ndaj vitrinave të dyqaneve, ku u projektuan dhe emrat e futbollistëve francezë që triumfuan në Moskë. Agjentët e policisë janë kundërpërgjigjur me gaz lotsjellës dhe turma u shpërnda.

Sipas mediave franceze, disa të rinj, një pjesë të maskuar, kanë hyrë në vinoteka duke vjedhur shampanjë dhe verë. E njëjta gjë ndodhi dhe në një bar të një qendre tregtare. Pak para mesnate prefektura vendosi të evakuojë totalisht atë që parizienët e cilësojnë si rrugën më të bukur në botë, duke përdorur madje dhe pompat e ujit.

Por incidente dhe përplasje me agjentët e policisë kanë ndodhur dhe në qendër të Lion. Kanë qenë rreth 110 mijë agjentët e policisë të vendosur në gadishmëri nga Ministria e Brendshme franceze për të garantuar sigurinë e kësaj fundjave të veçantë franceze.

Në Anesi, në juglindje të Francës, një 50-vjeçar humbi jetën pasi u hodh në një kanal gjatë festimeve për fitoren e Botërorit./abcnews.al

franca-2.jpg
G. P.18:54 | 15/07/2018

Djemtë e Deschamps ia dolën.

Franca arriti të fitojë Kupën e Botës Rusi 2018, duke u bërë kështu dy herë fituese e trofeut të artë.

“Gjelat” mposhtën me rezultatin 4-2 Kroacinë.

Në një nga ndeshjet më të bukura të kësaj Kupe Bote për francezët shënuan Griezmann, Mbappe, Pogba dhe një autogol i Mandzukic. Ndërsa për kroatët shënuan Perisiç dhe Mandzukiç. Ky i fundit falë një gabimi të Hugo Lloris.

Për të arritur në finale, Franca doli e para në grupin C. Më pas në fazat me eleminim direkt, filimisht mposhtën Argjentinën. Në çerekfinale mundën pa shumë probleme Uruguajin, ndërsa në gjysmëfinale mposhtën Belgjikën./abcnews.al

cuna.jpg
G. P.15:59 | 15/07/2018

Nëse ish-presidenti francez Nicolas Sarkozy do të jetë në tribunë për të ndjekur Francën në finalen e këtij botërori, ish presidenti i UEFA-s Michel Platini ka vendosur ta ndjekë në shtëpinë e tij me familjen.

Ish-presidenti francez, Nicolas Sarkozy, do të jetë i pranishëm në tribunë në stadiumin Luzhniki të Moskës gjatë finales së Botërorit. Sarkozy ka qenë i pranishëm dhe në ndeshjen e hapjes si dhe në përballjen e Francës me Australinë.

Por ish-numri 10 i kombëtares franceze, Michel Platini ka zgjedhur të përjetojë në shtëpinë e tij emocionet e finales së madhe. Në deklaratën për agjencinë e lajmeve AFP, ai u shpreh se do ta ndiqte ndeshjen Francë-Kroaci me familjen e tij në shtëpinë në juglindje të Francës.

Ish-presidenti i UEFA u pezullua nga FIFA deri në Tetor të 2019-s për dhunim të kodit etik pasi kishte marrë 1.8 milionë euro nga ish-presidenti i Federatës Ndërkombëtare, Sep Blater, në shkëmbim të një konsulence. Por mes tyre nuk ishte firmosur asnjë kontratë./abcnews.al

kupa.jpg
G. P.15:39 | 15/07/2018

Kupa e Botës është projektuar nga skulptori italian Silvio Gazzaniga dhe aktualisht ajo vlen 10 milion dollar. Me një peshë prej 6 kilogramësh, ajo është e bërë me ar 18 karatësh.

Emocionalisht Kupa e Botës ka një çmim të paarritshëm, por nga ana monetare vlera e kupës së ëndërruar nga futbollistë, trajnerë e tifozë, e ka një kufi.

Këtë trofe e ka projektuar skulptori italian, Silvio Gazzaniga, në vitin 1971.

Kupa është 36 centimetra e gjatë, është bërë prej ari 18 karatësh, si dhe peshon 6 kilogramë. Baza e gjelbër e trofeut është bërë me një mineral gjysëm të çmuar të quajtur malakit. Malakiti u zgjodh sepse është gjetur në çdo kontinent dhe është i gjelbër, si shumica e fushave të futbollit.

Në atë kohë kupa vlerësohej me çmimin e 50.000 dollarëve, ndërsa tani ky trofe e ka vlerën e 10 milionë dollarëve./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono