Sport

shqiperi-u16-femra.jpg
Veronik Istrefaj20:38 | 16/02/2020

SHQIPERIA E FEMRAVE U16 FITON 5-2 NDAJ MALIT TE ZI. VAJZAT E TRAJNERIT KOLA, TRE SUKSESE NE TRE NDESHJE

Shqipëria U16 për femra e mbylli me fitore aktivitetin e UEFA-s të zhvilluar në “Arenën Air Albania”. Vajzat e trajnerit Agustin Kola arritën edhe suksesin e tretë, 5-2 ndaj Malit të Zi.

Turneu europian u mbyll më së miri. Tri ndeshje dhe tri fitore për vajzat e kombëtares U16, të drejtuar nga trajneri Agustin Kola, që e mbyllën më së miri në “Arenën Air Albania” ndaj Malit të Zi.

Fqinj verior u mposht me shifrat 5-2, dhe padyshim me dominim në lojë, ndërsa femrat shqiptare e treguan veten edhe pas dy sukseseve të para. Më herët, Shqipëria U16 e femrave mundi 3-1 Lituaninë dhe po 3-1 Gjeorgjinë, me të gjitha sfidat të luajtura në stadiumin e ri të Tiranës, një lloj shpërblimi I UEFA-s për ndërtimin e tij.

Skuadra e Agustin Kolës mori pjesë në atë që quhet Turneu I Zhvillimit, I organizuar nga UEFA. Ish-legjenda e sulmit të Tiranës e tregoi veten një drejtues të mirë për vajzat adoleshente që normalisht janë 15 vjeç.

Ndeshjet e skuadrave të tjera u luajtën në stadiumin “Elbasan Arena”, dhe në përfundim, Shqipëria e mbylli turneun në vendin e parë në grup me 9 pikë, e dyta doli Lituania me 5 pikë, ndërsa në vendet e fundit dolën Mali I Zi e Gjeorgjia.

Futbolli I femrave duhet thënë se nuk ka traditë të madhe në Shqipëri, por shpresohet që të zhvillohet sa më shumë të kalojnë vitet./abcnews.al

Hysaj-napoli.jpg
Veronik Istrefaj20:17 | 16/02/2020

Është mbyllur takimi i Serie A mes Cagliarit dhe Napolit, me të besuarit e Gatussos që kanë marrë fitoren e tretë radhazi në këtë transfertë të vështirë. Ka mjaftuar një gol i Mertens që napolitanët të dalin triumfues.

Elseid Hysaj e nisi titullar këtë takim, por në krahun e majtë të mbrojtjes. Me Insignen përpara, mbrojtësi kuqezi shtyu shumë lart dhe pikërisht nga një dalje e gjatë e tij, erdhi dhe goli i fitores. Mbrojtësi i kombëtares pason te Mertens brenda zonës, i cili shënon një gol shumë të bukur./abcnews.al

Serie A, java 24

Cagliar – Napoli  0-1
Mertens  66′

Vila.jpg
Veronik Istrefaj19:58 | 16/02/2020

Është vetëm 21 vjeç, por Lorenco Vila po bën një sezon të shkëlqyer. Talenti i Teutës shënoi edhe sot në takimin kundër Vllaznisë, duke i çuar shifrat në 3-1 dhe duke bërë që skuadra e tij të luajë më e qetë. Pas ndeshjes, Lorenco Vila foli për Supersport, aty ku u shpreh:

“Jam shumë i lumtur, jo vetëm për golin, por edhe për 3 pikët që i kishim detyrim pas barazimit ndaj Luftëtarit. Kam vazhduar të luaj më shumë, shpresoj të shënoj më shumë. Tifozët presin gola nga lojtarët. Shpresoj të shënoj sa më shumë për Durrësin, sepse është qyteti im.

Kam luajtur në të dyja rolet, te e majta jap më shumë, por edhe të e djathta mund të luaj. Tifozët duan rezultatet. Duam të luajmë ne për tifozët, që ata të vijnë në stadium. Po fituam, tifozët do të jenë më të shumtë”, përfundoi talenti Vila./abcnews.al

Pepe-Auba.jpg
Veronik Istrefaj19:37 | 16/02/2020

Ozil, Aubameyang, Pepe dhe Lacazette: Sulmuesit e Arsenalit ishin në formë të shkëlqyer në takimin kundër Newcastle, të cilët “Topçinjtë” e fituan me rezultatin e thellë 4-0. Të katër lojtarët ofensivë arritën të gjenin golin.

Fillimisht, ishte Auba ai që shënon një gol shumë të bukur me kokë, pas krosimit nga Pepe nga e djathta. Bomberi nga Gaboni gjeti rrjetën e 15-të këtë sezon në Premier League.

Golin e dytë, e shënoi Nicolas Pepe 3 minuta më vonë. Bukayo Saka del mirë nga krahu i majtë dhe driblon dy futbollistë, për të shërbyer më pas te Pepe, i cili nuk e ka të vështirë të shënojë me të majtën.

Golin e tretë, do e shënonte ylli i skuadrës, Mesut Ozil. Pas plot 35 pasimeve, aksioni i Arsenalit konkretizohet me gol nga numri 10, i cili përfiton dhe nga një pasiguri e portierit Dubravka.

Dhe “qershia mbi tortë”, ishte goli i Lacazette. Bomberi francez kishte 9 ndeshje që nuk shënonte dhe takimin e sotëm e nisi nga stoli. Edhe pse luajti vetëm 10 minuta, Laca ia doli të shënojë, në sekondat e fundit të sfidës. Fitore e shkëlqyer për Arsenalin./abcnews.al

Jonuz-Kalari.jpg
Veronik Istrefaj19:22 | 16/02/2020

Trajneri i Vllaznisë, Mirsad Jonuz, foli për emisionin “Gol pas Goli” në Supersport. I përkthyer nga mbrojtësi Mevlan Adili, numri një i stolit shkodran tha: “Nuk do të thosha që Teuta na mposhti me tre goditje në portë, por me vetëm një. E rëndësishme ishte që shënuam të parët, duhet ta kontrollonim më mirë ndeshjen. Bëmë disa aksione të bukura për 2-0.

I pari gol ishte gabim i jonë, nuk arritëm të marrim topin në ajër. Kur pësuam golin e dytë ashtu siç e pësuam, nuk dua të komentoj në lidhje me portierin. Para se të pranojmë golin e dytë, iu thashë futbollistëve se kemi dhe katër minuta deri në fundin e pjesës së parë dhe duhet ta kontrollojmë topin, por ndodhi ai gabim.

Për pjesën e dytë, humbëm shumë raste të mira. Me një krosim u ndëshkuam, kisha katër futbollistë të mi aty, por e kapi lojtari kundërshtar dhe shënoi gol.

Nuk u mblodhëm mirë në golin e parë, kishim gabime gjatë lojës. U ndëshkuam disa herë në momentin tonë më të mirë. Është e vërtetë, kishim disa mungesa për shkak kartonësh. Gjithashtu, vendosa të pushoj edhe disa lojtarë që rrezikonin të merrnin karton këtë ndeshje. Në futbollin shqiptar, është diçka interesante, pasi fituam shumë pikë në transfertë. Duhet të përmirësojmë gabimet që kemi bërë dhe të luajmë siç luajtëm sot në 30 minutat e para.

Ne jemi të izoluar dhe nuk kemi kohë të mendojmë për gjërat jashtë fushe. Ne fokusohemi brenda fushës së lojës. Asgjë nuk më frikëson, e vetmja frikë e imja është fluturimi me avion (qesh). Unë jam te Vllaznia për gjashtë muaj dhe nuk kam pasur dhe as nuk kam presion e frikë”, tha Jonuz./abcnews.al

Edi-Martini-Teuta.jpg
Veronik Istrefaj19:11 | 16/02/2020

Trajneri i Teutës, Edi Martini, ka folur për emisionin “Gol pas Gol” në Supersport pas fitores 3-1 kundër Vllaznisë: “Normalisht, kemi pasur shumë ndeshje brenda dhe faktikisht nuk është se nuk ndihet faktori fushë, por normalisht gjatë kësaj jave, gabimi që kemi bërë, është ai kundër Gjirokastër, pasi nuk e kemi merituar të linim pikë.

Gjithsesi, të mos i qajmë këto pikë që kemi lënë. Normalisht, kur luan kundër Shkodrës, i njeh lojtarët më mirë, i njeh karakteristikat e tyre.

Edhe Vllaznia na kishte studiuar. Ne kishim një ngërç psikologjik, që u pa edhe në minutat e para. Pavarësisht se shënuam tre gola shumë të bukur, duhet të punojmë ende në fazën ofensive.

Më vjen keq që ka ndodhur ajo gjë, jam i shqetësuar me atë që ka ndodhur. Futbolli nuk duhet të përzihet këtu. Nuk më takon të flas për Vllazninë, edhe pse është e imja dhe e gjithë shkodranëve. Është për të gjuajtur kokën me grushte me mënyrën si Bashkia ka administruar në këto 7 vite”, tha Martini.

Teuta.jpg
Veronik Istrefaj18:55 | 16/02/2020

Takimi në Durrës mes Teutës dhe Vllaznisë, është mbyllur me fitoren 3-1 të vendasve. Kjo ndeshje, ishte shumë e bukur dhe e luftuar, me të dyja skuadrat që patën raste të shumta për të shënuar.

Ishin shkodranët ata që shënuan të parët në “Niko Dovana”. Lika ekzekuton shumë mirë një goditje dënimi, por ndalet nga Frashëri. Megjithatë, Gurishta është aty për të përfituar dhe shënon në minutën e 16-të.

Teuta do të barazonte shumë shpejt, pasi 11 minuta më vonë, Hoxha do të shënonte në zhvillimet e një goditje dënimi. Në shtyllën e dytë, mbrojtësi është i lirë dhe shënon me portën e boshatisur.

Kur dukej se pjesa e parë do të mbyllej në barazim, Todorovski përmbys gjithçka dhe i jep avantazhin Teutës. Portieri Laco bën një gabim të madh dhe i dhuron topin Todorovskit, i cili shënon nga një distancë e largët.

Pjesa e dytë, nisi në mënyrën më të mirë të mundshme për Teutën, pasi që në sekondat e para, sulmuesi i talentuar, Lorenco Vila, shënon me kokë, duke përfituar sërish nga një dalje jo e studiuar mirë e Laços. Teuta merr kështu tre pikët, ndërsa Vllaznia largohet me një humbje 3-1 nga Durrësi./abcnews.al

TEUTA – VLLAZNIA  3-1
Hoxha 24′, Todorovski 45′, L. Vila 46′ / Gurishta 16′

Teuta: Frashëri, Todorovski (Avdi 73′), Hoxha, Hrejlic, Kouros, Kallaku, Aleksi (Kalaja 81′), L. Vila, E. Vila, Çyrbja, Coulibali (Beqja 60′). Trajner: E. Martini

Vllaznia: Laço, Gurishta, Malota, Adili, Gligorov (Marku 80′), Ramadani (Kruja 79′), Lika, Hygor, Krymi, Junior, Hristov (Sidorenco 59′). Trajner: M. Jonuz

Kartonë të verdhë: L.Vila 47′, Avdyli 85′ Malota 27′, Krymi 56′, Adili 70′

Dybala-1.jpg
Veronik Istrefaj18:33 | 16/02/2020

124 prekje të topit, 91% saktësia e pasimeve, 8 gjuajte, 6 shanse të krijuara, katër krosime të sakta, 3 gjuajtje në kuadrat, 2 driblime të suksesshme, 1 top të fituar, 1 gol dhe 1 gjuajtje në traversë: Dybala i bëri të gjitha kundër Brescias.

Ylli argjentinas shënoi një supergol nga goditja e dënimit, duke i hapur rrugë suksesit të Juventusit 2-0. Me mungesën e Cristiano Ronaldos, ishte pikërisht mëngjarashi ai që u bë protagonist dhe statistikat e tij flasin vetë. Rinovimi me “Zonjën”, nuk ka ardhur ende, por me paraqitjet e tij të fundit, Juventusi duhet të paguajë për firmën e tij.

lewa-1-e1581873554650.jpg
Veronik Istrefaj18:11 | 16/02/2020

Sulmuesi i Bayern Munchen, Robert Lewandowski, shënoi golin e 23-të në Bundesliga këtë sezon në takimin kundër Koln. Edhe pse parashikohej një transfertë delikate për bavarezët, bomberi polak hoqi çdo dyshim pas vetëm tre minutash lojë, duke shënuar një gol fantastik me të majtën.

Ky gol, ishte i 42-ti në të gjitha kompeticionet për sulmuesin polak, i cili është favorit absolut për “Këpucën e Artë” europiane. 23 gola në Bundesliga me Bayernin, 3 në DFB Pokal, 10 në Champions League dhe katër 6 gola me kombëtaren e Polonisë, në kualifikueset për Euro2020. Një goleador i lindur!/abcnews.al

bayern-4.jpg
Veronik Istrefaj17:51 | 16/02/2020

Bayern Munchen nuk e ka pasur aspak të vështirë të gjejë fitoren në takimin në transfertë kundër Koln. Bavarezët triumfuan me rezultatin 1-4 dhe e zgjidhën gjithçka shumë shpejt.

Serinë e golave e hapi i zakonshmi Robert Leëandoëski, i cili që në minutën e tretë, shënoi golin e 23-të në Bundesliga. Dy minuta më vonë, Coman dyfishoi për bavarezët, ndërsa Gnabry në të 12-ën, mbylli përfundimisht fatet e takimit.

Gnabry shënoi sërish në minutën e 66-të, për të çuar shifrat në 0-4, ndërsa golin e nderit për Koln, e shënoi Uth. Bayern ngjitet në kuotën e 46 pikëve në kampionat dhe merr kryesimin në Bundesliga./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono