Sport

afrimet-e-korabit.jpg
Vladimir Prenga12:05 | 28/01/2020

Korabi po mendon për ndeshjen e fundjavës dhe jo vetëm. Drejtuesit e klubit kanë menduar edhe të përforcojnë skuadrën dhe ditën e sotme është njoftuar arritja e marrëveshjes me qendërmbrojtësin Xhevahir Paplekaj.

“Xhevahir Paplekaj zyrtarisht i KF Korabi. Qendërmbrojtësi rikthehet pas një aventure në Gjermani dhe gjen marrëveshjen me klubin tonë. 24-vjeçari më parë është aktivizuar me KF Iliria dhe KF Burreli. Ju urojme suksese palëve në vijim”, njofton klubi dibran.

Një ditë më parë Korabi njoftoi rinovimin e kontratës me portierin Jurgen Mehidri, i cili ka firmosur deri në vitin 2022. Portieri i formuar te Shkëndija e Tiranës, më parë ka qenë pjesë e Laçit, Tërbuni dhe Vorës.

ZYRTARIZIMET RADHAZI – Po sot, te Korabi kanë njoftuar afrimet e disa lojtarëve të rinj. Tahir Daja, i cili luan si mesfushor qendre, do të ketë pjesë e dibranëve në vazhdim. Veç 20-vjeçari, ka nënshkruar edhe Invis Topalli, mesfushor me tipare sulmuese që ka qenë pjesë e Dinamos.

Gjithashtu pjesë e Korabit do të jenë edhe Renato Veizi, i cili luan si mesfushor. Dibrani, vetëm 18 vjeç, më parë ka luajtur në Belgjikë dhe tanimë do të provojë një eksperiencë të re në Kategorinë e Parë. /abcnews.al

Ben-Arfa.jpg
Klejdi Kaimi11:29 | 28/01/2020

Merkato e janarit ende nuk ka përfunduar dhe klubet po mendojnë lëvizjet e tyre të fundit. Real Valladolid ka surprizuar me goditjen e tyre të fundit. Klubi spanjoll ka arritur të transferojë në La Liga mesfushorin e njohur francez, Hatem Ben Arfa.

Klubi që është në pronësi të legjendës braziliane, Ronaldo, e bëri zyrtare transferimin e Ben Arfa në “Twitter” në mëngjesin e sotshëm. Faqja zyrtare e Real Valladolid  ka postuar një foto t Ronaldos me francezin, duke konfirmuar transferimin.

32-vjeçari ishte në sezonin e tij të dytë tek Rennes dhe tashmë ka pranuar një aventurë të re në Spanjë. Ben Arfa është aktivizuar në 2037 minuta këtë sezon, ku ka gjetur dhe 7 herë rrugën e rrjetës në Ligue 1. /abcnews.al

jorgji.jpg
Vladimir Prenga11:12 | 28/01/2020

Superiorja këtë vit ka nisur në mënyrën më të keqe. Gjykimet kanë lënë për të dëshiruar dhe për këtë arsye në FSHF është zhvilluar një mbledhje me arbitrat. Qeveria e Futbollit Shqiptar mundohet ta shesë si një mbledhje normale, përmes një njoftimi në uebin zyrtar.

“Federata e Futbollit thirri sot mbledhjen e radhës me arbitrat dhe asistentët e angazhuar në Kategorinë Superiore. Në këtë mbledhje ishte i pranishëm Sekretari i Përgjithshëm Ilir Shulku, Presidenti i Shoqatës së Arbitrave Tahir Kastrati dhe sektori i Arbitrimit.

Në mbledhje janë diskutuar çështje të arbitrimit të ndeshjeve të Kampionatit Kombëtar, nevoja për një përqendrim maksimal të të gjitha hallkave dhe një punë më të madhe për mirë-administrimin e tyre”, thuhet në njoftimin e shkurtër që FSHF ka bërë. /abcnews.al

kobe-bryant-lebron-james.jpg
Vladimir Prenga10:51 | 28/01/2020

LeBron James ndihet i copëtuar. Vdekja e Kobe Bryant e ka pikëlluar dhe mezi ia ka dalë të shkruajë disa rreshta. “The King” nuk e imagjinonte dot se do të ndodhte diçka e tillë dhe Kobe do ndahej nga jeta kaq shpejt. Lidhja mes të dyve ka qenë e fortë dhe LeBron bën edhe një premtim të madh.

“Nuk jam gati, por po provoj të shkruaj. “Man”, jam ulur këtu dhe po përpiqem të shkruaj diçka për të bërë një postim, por sa herë që provoj nis të qaj, thjesht duke menduar për ty, për mbesën Gigi dhe për miqësinë, lidhjen, vëllazërinë që kishim së bashku.

E kisha dëgjuar zërin tënd të dielën në mëngjes, para të largohesha nga Philadelphia në Los Angeles. Nuk e kisha imagjinuar për një milion vite që do të ishte biseda jonë e fundit që do të kishim. Çfarë dreqin ndodhi! Jam zemërthyer dhe i dëshpëruar vëllai im.

Të dua vëllai im i madh. Zemra ime shkon menjëherë te Vanessa dhe fëmijët. Të premtoj se do ta çoj më tej trashëgiminë tënde. Je shumë i rëndësishëm për ne, sidomos për botën e Lakers. Tani është përgjegjësia ime që të marr mbi shpinë këtë peshë dhe të vazhdoj përpara.

Të lutem, më jep forcë nga lart dhe kujdesu për mua. Ka shumë gjëra që do doja të të thosha, por nuk mundem tani. Deri në ditën që do të shihemi sërish vëlla”, shkruan LeBron James në llogarinë e tij në “Instagram”. /abcnews.al

View this post on Instagram

I’m Not Ready but here I go. Man I sitting here trying to write something for this post but every time I try I begin crying again just thinking about you, niece Gigi and the friendship/bond/brotherhood we had! I literally just heard your voice Sunday morning before I left Philly to head back to LA. Didn’t think for one bit in a million years that would be the last conversation we’d have. WTF!! I’m heartbroken and devastated my brother!! 😢😢😢😢💔. Man I love you big bro. My heart goes to Vanessa and the kids. I promise you I’ll continue your legacy man! You mean so much to us all here especially #LakerNation💜💛 and it’s my responsibility to put this shit on my back and keep it going!! Please give me the strength from the heavens above and watch over me! I got US here! There’s so much more I want to say but just can’t right now because I can’t get through it! Until we meet again my brother!! #Mamba4Life❤️🙏🏾 #Gigi4Life❤️🙏🏾

A post shared by LeBron James (@kingjames) on

Helikopter-e1580205306882.jpg
Vladimir Prenga10:28 | 28/01/2020

Kobe Bryant, vajza e tij dhe shtatë të tjerë humbën jetën pas një aksidenti të pësuar dy ditë më parë. Helikopteri me të cilin ata fluturuan, për shkak të mjegullës së madhe, u përplas në tokë dhe shpërtheu, duke mos u dhënë asnjë mundësi shpëtimi atyre që ishin në bord.

Mediat ndërkombëtare kanë zbardhur gjithçka ka ndodhur, ndërkohë që së fundmi zbulohet se viktimat e këtij aksidenti nuk janë identifikuar dot. Trupat e tyre janë shkrumbuar, për shkak të shpërthimit të fortë të helikopterit.

Karbonizimi i trupave të viktimave ia kanë bërë të pamundur identifikimin ekspertëve. Viktima të këtij aksidenti ishin vajza e Bryant, Gianna Maria, e cila ishte vetëm 13 vjeçe. Gjithashtu vdiqën John, Keri dhe Alyssa Altobelli, piloti Ara Zobayan dhe Sarah e Payton Chester. /abcnews.al

arapi.jpg
Vladimir Prenga10:04 | 28/01/2020

Renato Arapi u gradua kapiten pas largimit të Tefik Osmanit, ndërkohë që Teuta është në rrugë të duhur për momentin. Në Durrës ëndërrojnë edhe titullin kampion, por nuk do të jetë e lehtë diçka e tillë. Mbrojtësi qendror, i ftuar në emisionin “Pressing” në ABC News prek temën e gjykimit.

“Edhe niveli i arbitrave është si çdo fushë e jetës dhe futbolli. Perfeksionin nuk po e arrijë ligat e mëdha, që kanë edhe VAR e teknologji”, u shpreh Arapi, i ngacmuar në lidhje me temën  gjykimit në Superiore.

Takimi i fundit, që Teuta fitoi me Bylisin, pati polemika të shumta. Todorovksi preku në zonë topin me dorë dhe Arapi e komenton kështu: “A e vendosi arbitri ndeshjen? Nuk mund ta themi kështu. OK, te rasti i penalltisë mund të ketë gabuar në favorin tonë, por Teuta është penalizuar edhe në ndeshjet e tjera dhe nuk jemi marrë me arbitrat.

Jemi penalizuar në ndeshjen me Kukësin, ku nuk na u dhanë dy penallti kundër dhe doli me karton të kuq jashtë lojtari kryesor. I bie që të jemi penalizuar edhe për ndeshjen e ardhshme. Po ashtu edhe në ndeshjen me Vllazninë, në minutën e 91-të nuk u dha penallti për ne. Sërish ne nuk jemi marrë me arbitrat, sikurse nuk do merremi as tani”, u shpreh kapiteni i Teutës. /abcnews.al

Bryant-1280x845.jpg
Vladimir Prenga09:46 | 28/01/2020

“Po ngjitem për të shmangur një re”. Këto ishin fjalët e fundit të pilotit Ara Zobayan, i cili kishte komunikuar me kontrollorët e trafikur ajror. Mjegulla e madhe ia kishte vështirësuar drejtimin e helikopterit pilotit, i cili më pas edhe u përplas dhe për pasojë vdiq legjenda e basketbollit, Kobe Bryant, vajza e tij 13-vjeçare dhe shtatë të tjerë që ishin në bord.

 

Helikopteri i Bryant pas shpërthimit

Helikopteri as që kishte kuti të zezë, ndërkohë që për drejtimin e tij përdorej një IPAD për itinerarin e udhëtimit. Gjurmët e fundit në radar u shfaqën në orën 9:45 të mëngjesit dhe më pas mbërriti telefonata e emergjencës, që njoftonte për një helikopter që kishte shpërthyer pas përplasjes në tokë.

Piloti e ka ngjitur helikopterin në 2300 “feet” dhe më pas ka zbritur majtas, lëvizje që ka qenë vdekjeprurëse. Për shkak të mjegullës ai nuk ka mundur dot të kuptojë se sa lart është dhe pengesat fizike që mund të kishte. Së fundmi janë zbuluar edhe pamjet nga helikopteri i mbuluar nga flakët, prej shpërthimit. /abcnews.al

 

Pamjet pas shpërthimit

 

 

jesus-manuel.jpg
Vladimir Prenga09:30 | 28/01/2020

Shtëpitë e futbollistëve janë kthyer në shënjestër të grabitësve. Duke ditur të ardhurat e tyre, besimi është i madh se do të “kapin” të ardhura të rëndësishme. Në Spanjë disa prej lojtarëve të Real Madrid dhe Atletico Madrid kanë rënë “pre” e tyre disa kohë më parë.

Tashmë e ka pësuar një futbollist i Porto në Portugali. Jesus Manuel ka qenë ai që e ka provuar t’i grabitet shtëpia. “Journal De Noticias” raporton se disa hajdutë kanë hyrë në shtëpinë e futbollistit meksikan dhe kanë mbajtur nën kërcënimin e armëve një prej punonjësve që ndodhej brenda.

Ata kanë marrë disa bizhuteri të vlefshme dhe më pas janë larguar. Policia ka mbërritur në vendngjarje dhe po heton të zbulojë se cilët janë autorët e kësaj vepre kriminale. Ngjarja ka ndodhur mbrëmjen e 25 nëntorit, kur sulmuesi ishte duke luajtur në ndeshjen e Kupës që Porto e humbi në transfertë me Sporting Braga. /abcnews.al

Kukesi-Partizani-1280x608.jpg
Vladimir Prenga09:19 | 28/01/2020

Viti ka nisur si mos më keq për Partizanin, që është mposhtur nga Skënderbeu dhe Kukësi. Sigurisht misioni për të mbrojtur titullin do të vazhdojë, pasi ka edhe shumë ndeshje dhe në kampin e kuq besojnë se situata mund të ndryshojë. Gjithsesi paraqitjet e bëra këtë sezon kanë sjellë pesimizëm.

Edmond Dosti, ish-sulmuesi kampion me Partizanin në vitin 1993, ka rezervat e tij për ekipin dhe sidomos për futbollistët e huaj, që sipas tij nuk e kanë kuptuar ende rëndësinë e fanellës që mbrojtje. Ai ka edhe një mesazh për presidentin Gaz Demi.

“Trishtim apo dështim?! Nostalgjia te trajnerët e huaj nga Italia duket se nuk po përputhet me atë që pritet te skuadra e Partizanit, duke mos përjashtuar edhe prurjen e lojtareve të huaj që ende nuk po kuptojnë rëndësinë e fanellës së klubit. Jo pak, por katër trajner italianë janë ulur në bankinën e Partizanit. Por…

Partizani ka maninë te lojtarët e huaj, kur ka akademinë e tij. Prandaj, z.Demi është koha për reflektim të shpejtë dhe shko shkund ekipin, se nuk kanë gjë në terezi. Nuk di çfarë me thënë më shumë, pasi kjo situatë po na bën shumë pesimistë që do ndryshoj diçka për këtë vit. Po na bëjnë që të mos i shikojmë më, pasi vetëm sa lodhim sytë. PMTP”, shkruan Dosti në llogarinë e tij në “Facebook”. /abcnews.al

Postimi i Edmond Dostit
Kobe-Bryant-3.jpg
Vladimir Prenga08:55 | 28/01/2020

Milani del kundër drejtuesve të Lega Calcio. Drejtuesit e klubit kuqezi kanë vendosur që në ndeshjen e Kupës së Italisë kundër Torinos të luajë me një shirit të zi në krah, edhe pse nuk u është miratuar kërkesa.

E gjitha kjo në nderim të legjendës Kobe Bryant, i cili u nda nga jeta pasditen e së dielës. Ish-basketbollisti njihej si një tifoz i flaktë i Milanit, që tanimë bën këtë gjest për të respektuar një figurë të madhe të sportit dhe një shembull për të rinjtë.

Sportistë të shumtë dhe klube i kanë bërë dedikime të ndryshme në rrjetet sociale. Ndarja e parakohshme nga jeta e tij ka pikëlluar mbarë botën sportive. /abcnews.al

🗣 "Nëse më pret krahun e majtë, do të dalë gjak i kuq dhe i zi, nëse më prisni krahun e djathtë, gjaku im është ngjyrë vjollcë dhe ari".- Kobe Bryant, legjendë e LA Lakers dhe tifoz i Milanit

Gepostet von Abc News Sport am Sonntag, 26. Januar 2020


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono