Showbiz

f7d40095-0805-4b81-b9db-a23f239c8e6e-shutterstock_10020787ct.jpg
So Nila08:55 | 28/02/2020

Nuk ka absolutisht asnjë arsye për të mos lexuar gjithë dëshirë historinë e dashurisë mes David Beckham. Janë një prej çifteve më të famshëm në botë, kanë 20 vite të martuar dhe janë prindër të 4 fëmijëve. Mbi të gjitha, duken çdo ditë e më shumë të dashuruar me njëri- tjetrin.

Si filloi gjithçka?! I ftuar në “The Tonight Show” me Jimmy Fallon, David tregoi detajet më romantike të takimit të tyre të parë, në 1997-ën.

“Ajo erdhi të më shihte mua në një ndeshje në Londër, me menaxherin e saj të asaj kohe dhe një nga vajzat e tjera të Spice Girls. Të gjithë kemi pasur të preferuarën tonë tek ai grup dhe sigurisht, Victoria ishte e imja…Do të kishte diçka që s’shkonte nëse s’do të ishte.”- u shpreh Beckham.

Atë ditë, dyshja nuk shkëmbeu asnjë fjalë, por Victoria s’do t’i humbiste vetes një shans tjetër për ta takuar. Javën pasardhëse ajo shkoi ta shihte në një tjetër ndeshje shkruan CNN.

“Ajo piu disa gota dhe unë e vendosa. Thashë pse të mos përpiqem dhe t’i kërkoj numrin? Biseduam paksa dhe pastaj asaj ju desh të merrte trenin. Numrin e shkroi tek bileta e trenit dhe ma dha… E dini, e ruaj ende atë biletë.”

20 vite dhe ai ka ende biletën me numrin e saj të shkruar sipër.

Ç’ndodhi më tej?! Atë vit David dhe Victoria u lidhën për t’u fejuar në 1998-ën dhe u martuan në 1999-ën dhe janë një nga çiftet më të dashura për të gjithë./abcnews.al

bebe-rexha.jpg
ger ta17:32 | 27/02/2020

Këngëtarja me origjinë shqiptare, Bebe Rexha pak muaj më parë zbuloi për publikun sëmundjen e saj.

Tashmë këngëtarja ka folur hapur në lidhjet me përvojat e këqija nga çrregullimi bipolar.

Në një intervistë për Self, Bebe tha se frika e saj më e madhe gjatë gjithë jetës së saj, ishte se mos çmendej.

Këmgëtarja është shprehur se në momentet e luhatjes së humorit, pati mendime jo normale si dëshirën për t’u hedhur nga makina dhe për t’u shtypur në rrugë. Bebe thekson se kjo e bëri të kërkojë ndihmë profesionale.

“Ilaçet më ndihmuan të jem pak më e përqendruar në mënyrë që të mund të shkruaj për ndjenjat e mia. Por nuk e heq plotësisht ankthin apo trishtimin. Më ka ndihmuar të bëj një jetë më të ekuilibruar. Kur ilaçet filluan të jepnin efekte, nuk mund ta besoja sesi njerëzit mund të ndiheshin kaq mirë,”- u shpreh ajo. /abcnews.al

PRC_142802713.jpg
So Nila15:15 | 27/02/2020

Motra e Kobe Bryant, Sharia Washington, ka zbuluar tatuazhin e saj të ri që është i gjithi një dedikim për yllin e ndjerë të basketbollit dhe vajzën e tij Gianna.

Babai dhe vajza u vranë në mënyrë tragjike në moshën 41 dhe 13-vjeçare në një aksident fatal me helikopter në 26 janar së bashku me nëntë persona të tjerë.

Sharia tregoi në Instagram tatuazhin e ri për të nderuar kujtimin e vëllait të saj Kobe dhe mbesës Gianna shkruan METRO.

 

Në foto shohim një gjarpër Mamba të zi (Black Mamba) që mbështjell numrat dy dhe 24, që ishin numrat e fanellave të basketbollit të Gianna-s dhe Kobe-t.

Për këtë tatuazh motra e Kobe-t u frymëzua në modelin e njërës prej bluzave të basketbollistit, e cila kishte një gjarpër që kishte mbështjellë numrat dy dhe katër.

Në janar, Sharia ndau një koleksion fotografish me Kobe-n ndër vite, ku shkruante:

“Në emër të familjes sonë, ne bashkohemi me Vanessa-n, Natalia-n, Bianka-n dhe Capri-n në pikëllimin e humbjes së Kobe-t dhe Gianna-s në një aksident kaq tragjik”.

Në fillim të kësaj jave, u mbajt një memorial publik për Kobe-n dhe Gianna-n në Staples Center në Los Angeles, ku Kobe luajti për Lakers për 17 sezone të karrierës së tij 20-vjeçare në NBA.

Pjesë e publikut ishin të gjithë miq personalë, familjarë dhe adhurues të familjes Bryant./abcnews.al

enca-501x365-1.jpg
So Nila10:09 | 27/02/2020

Këngëtarja e njohur shqiptare, Enca Haxhia, ditën e djeshme është përballur me një humbje të madhe.

Babai i saj ka ndërruar jetë dhe këngëtarja sot bëri reagimin e parë publik pas lajmin të hidhur i cili ka qarkulluar në media.

Ajo i ka falënderuar të gjithë ata që i dhanë forcë në këtë ditë të vështirë dhe ka theksuar se e ka të vështirë të flas në Instagram për gjërat që i ka aq afër zemrës./abcnews.al

 

Capture-49.png
So Nila08:50 | 27/02/2020

Jennifer Lopez dhe Shakira elektrizuan skenën e Super Bowl Halftime Show, por jo të gjithë qenë të lumtur me performancën e tyre. Të paktën jo 1312 amerikanë, të cilët u ankuan te FCC, agjenci e pavarur në Shtetet e Bashkuara të Amerikës që kontrollon komunikimet në radio e televizion kudo në SHBA.

Në pjesën më të madhe të rasteve, ankesat erdhën nga prindërit, të cilët theksuan se fëmijët e tyre u ekspozuan në një “shfaqje porno”. Gati gjysma e tyre përmendi pole dancing (kërcim në tub) të Jennifer Lopez. “Më duhej t’i dërgoja fëmijët e mi në dhomë që të mos shihnin çfarë iu ofrua,” shkroi dikush.

Sipas prindërve, shfaqja kishte përmbajtje seksuale shrkuan Cassius Life.

Të tjera ankesa përmendën lëvizjen #MeToo, që mbron të drejtat e grave, por ndërkohë nga ana tjetër “gratë shesin si vlerë seksualitetin e tyre”.

Pjesa dërrmuese e atyre që u ankuan e konsideron shfaqjen e këngëtareve latine si “të neveritshme” dhe thekson se do të bojkotojnë Super Bowl./abcnews.al

 

PRC_142396594.jpg
So Nila08:22 | 27/02/2020

Dramat e fundit në familjen mbretërore, duket se nuk e kanë penguar princeshën Beatrice të ftojë çiftin Harry-Meghan në dasmë.

Pavarësisht ç’thuhet, ftesa e dasmës ka mbërritur në duart e çiftit dhe dyshja po planifikon udhëtimin nga Kanadaja drejt Londrës, për të qenë të pranishëm.

Princeshës i erdhi në majë të hundës me skandalet që e detyrojnë të shtyjë dasmën

Një shenjë paqeje në horizont, pas gjithë polemikave që e kanë shoqëruar familjen mbretërore që nga koha kur princ Harry dhe Meghan vendosën të tërhiqeshin nga detyrat mbretërore shkruan New Idea.

Së fundmi, çifti deklaroi se s’do të përdorin më termin “royal” pasi të heqin dorë tërësisht nga detyrat tërësisht nga detyrat mbretërore. Kjo lëvizje është pak problematike pasi Instagrami dhe faqja e tyre zyrtare quhet “Sussex Royal” dhe burime brenda pallatit thonë se Harry & Meghan e “kanë humbur komplet sensin e perspektivës”.

Dasma do të mbahet pas disa muajsh, kështu që deri atëherë ka kohë që tensionet mes tyre të zbehen edhe pse vëmendjen më të madhe se çifti që kurorëzohet do ta ketë ardhja e Meghan & Harry-it./abcnews.al

 

 

 

Rrahmani-Lika.jpg
Veronik Istrefaj21:58 | 26/02/2020

Mjafton një foto dhe mediat menjëherë fillojnë aludimet. Mbrojtësi i Hellas Verona, Amir Rrahmani, është në një lidhje me aktoren 27 vjeçare, Anna Lika. Gjithçka është zbuluar nga mediet kosovare, që kanë marrë shkas nga dy foto të postuara, një nga aktorja, një nga vetë kapiteni i Kosovës.

Të dy kanë postuar foto në të njëjtin destinacion, me pak orë distancë, në profilet e tyre zyrtare në Instagram. Anna Lika pati pranuar disa kohë më parë se në verë do të martohej dhe se e kishte gjetur djalin perfekt, por kjo martesë nuk u konkretizua.

 

View this post on Instagram

 

A post shared by 𝐀 𝐍 𝐍 𝐀 𝐈 𝐒 (@anna_lika) on

Ndoshta ngaqë Rramhami po kompletonte transferimin e tij nga Dinamo Zagreb te Hellas Verona. Këtë verë, dyshja mund të vendosë një datë për martesën e tyre, por sërish Rrahmani do të jetë me valixhe në duar, pasi e pret një aventurë e re në Napoli./abcnews.al

 

View this post on Instagram

 

From Nice with love😍

A post shared by Amir Rrahmani (@amir_rrahmani13) on

111035065_gettyimages-513093348.jpg
So Nila15:58 | 26/02/2020

Agjentët amerikanë kanë bastisur zyrat  në Manhattan si pjesë e një hetimi për trafik seksual.

FBI dhe policia e New York ekzekutuan udhërin e kërkimit të martën në kërkim të provave ndaj tij.

Batisja vjen pas akuzave me të cilat 77-vjeçari u përball. Nygard akuzohet për sulm seksual dhe trafikim nga 10 gra e vajza.

Akuzat ndaj  tij u bënë në fillim të këtij muaji. Por multimilioneri i mohoi akuzat  shkruan BBC.

Ai ka qenë subjekt i hetimit për shfrytëzim të fëmijëve nga policia e New York dhe FBI për 5 muajt e fundit.

Nygard gjithashtu ka qenë subjekt hetimi nga FBI për trafik seksual në vitet 2015 dhe 2017.

Një zëdhënës i Nygard tha se shefi ekzekutiv, i cili zotëron markat Nygard International, mirëpriti hetimin federal dhe pret që emri i tij të pastrohet.

“Ai nuk është akuzuar dhe po bashkëpunon me hetuesit”– tha zëdhënësi.

Nygard vlerësohet se ka një pasuri prej 700 milionë dollarësh.

Markat në pronësi të kompanisë së tij janë Bianca Nygard, Tan Jay, ALIA dhe SLIMS./abcnews.al

0_harry-main.jpg
So Nila15:25 | 26/02/2020

Duka i Sussex do të heqë dorë nga jeta mbretërore në fund të marsit dhe pjesën më të madhe të kohës do ta kalojë në Amerikën e Veriut me gruan Meghan Markle dhe djalin Archie, ku familja do të përpiqet të ketë një jetë të  pavarur financiarisht.

Duka i Sussexit filloi sot raundin e tij të fundit të angazhimeve si anëtar i familjes mbretërore, ndërsa ishte në Edinburgh për të promovuar turizmin dhe u kërkoi delegatëve ‘ta quanin atë vetëm Harry’, shkruan Mirror.

 

Princi Harry i cili do të tërhiqet nga titujt mbretëror në më pak se pesë javë, po qëndron në kryeqytetin Skocez, për një samit të punës të partneritetit Travalyst.

Para se të dilte sot në skenë,  Ayesha Hazarika, u tha delegatëve: ‘Ai e bëri të qartë se ne të gjithë duhet ta thërrasim thjesht Harry. Prandaj zonja dhe zotërinj, ju lutemi jepni një mirëseardhje të madhe, të ngrohtë, skoceze për Harryn”.

 

Harry tha: ‘Ne duam të dëgjojmë të vërtetat dhe perspektivat nga e gjithë industria. Ne nuk kemi nevojë të shpikim rrotën, shumë punë të shkëlqyera janë bërë tashmë. Por hulumtimi ynë tregon përsëri se shumë nga këto përpjekje nuk kanë arritur të ndërgjegjësojnë konsumatorët. ‘

Harry, 35 vjeç, i cili jetoi në Britani të Madhe tashmë jeton në Kanada, do të kthehet në Londër më vonë sot para se të vizitojë studiot e Abbey Road të premten, për të incizuar një këngë të re për Lojërat e tij Invictus me yllin e rokut Jon Bon Jovi./abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono