Showbiz

enca7-933x445.jpg
Sej rie22:00 | 15/06/2019

Ajo është një këngëtare e njohur dhe përveç muzikës që bën, Enca Haxhia është shpesh në qendër të mediave për jetën e saj private.

Por pavarësisht famës, ajo ka ruajtur gjithnjë jetën e saj private dhe nuk ka pranuar të flasë publikisht. Por mbrëmjen e sotme, e ftuar në emisionin “Xing me Ermalin” në TV Klan këngëtarja ngriti dyshime.

“Si ka mundësi që vajte 24 vjeç dhe akoma nuk ke të dashur”, ishte pyetja që drejtuesi i emisionit Ermal Mamaqi i drejtoi këngëtares ndërkohë që ajo reagoi menjëherë duke iu përgjigjur me një tjetër pyetje: “Kush të ka thënë ty që jam single”.

Ermal Mamaqi: Si ka mundësi që vajte 24 vjeç dhe akoma nuk ke të dashur? Ndërkohë që shikoj që çmenden për ty të gjithë reperat dhe rrokerat.

Enca Haxhia: Në radhë të parë unë jam vetëm 23 vjeç dhe kush të ka thënë ty që jam single dhe që më interesojnë reperat.

Ermal Mamaqi: Ti je person publik dhe njerëzit duan të dinë për ty. Kush është ai? Ke apo nuk ketë dashur?

Enca Haxhia: Po ti që në fillim do t’i bësh pyetjet e bukura, e ç’kuptim ka nëse i themi gjërat që në fillim./tvklan.al

fatma.jpg
G. P.21:04 | 14/06/2019

E ftuar sot në “Ditë për Ditë” ishte dhe gazetarja Fatma Haxhialiu. Gjatë një interviste me moderatoren Alba Çobaj, ajo rrëfeu ekskluzivisht se formati i programit “Thumb” do të pësojë ndryshime.

Sipas Fatmës, sezonin e ri, ajo dhe Aulona Musta do të vijnë me risi, duke sjellë për publikun edhe një herë “thumbimet” e dikurshme që bënin në platformën Youtube, mbi personazhe apo fenomene të ndryshme.

Fatma shtoi se vëmendja nuk do të jetë tek personazhet e famshem por do ketë ndyrshime në strukturën e emisionit. Se çfarë, si dhe ku, mbetet për tu parë sezonin që e ardhshëm./tvklan.al

1560510577_constanzahijaedithgonzalezcrecio1.jpg
Sej rie14:10 | 14/06/2019

Ka luftuar për 3 vjet me radhë me sëmundjen e kancerit, por nuk ia doli dot të fitonte betejën me jetën. Aktorja e njohur e serialeve meksikane, Edith González është ndarë nga jeta, e gjendur pranë familjarëve të saj.

“El Universal”, “Hoy”, “Telemundo”, por edhe media të tjera kanë ndarë lajmin e hidhur për aktoren e njohur meksikane, duke theksuar se prej 3-vjetësh, që nga viti 2016, vuante nga sëmundja e rëndë.

Në fillim, lajmi në mediat spanjolle u përhap si thashethem, por një mesazh i ndjerë nga aktorja dhe kolegia e Gonzales, Leticia Calderon, konfirmoi ndarjen nga jeta të artistes: “Güera (Edith) do na mungosh shumë. Nuk ka dhimbje më të madhe se kjo që ndiej tani…” – shkruan me dhimbje Calderon.

Por më 17 Gusht të vitit 2018 kur aktorja Edith Gonzalez i dedikoi vajzës së saj të vetme një letër për t’i uruar 14 vjetorin e lindjes.

Letra

‘Një ditë më lajmërove për ardhjen tënde, duke dominar trupin tim, duke e transformuar. Pa ndjenja false ndjeva rritjen tënde. Ardhja jote ishte e fortë, delikate, e shumëpritur, e bukur.

Ti më bëre nënë. Unë munda të mbaja në krahët e mi një qënie që më zgjoi thellësisht ndjenjat e mëmësisë. Pak nga pak më mësove se prindërit mund të jenë një guidë në detin e gjerë që është jeta.

Ky det që kaq shumë e do dhe në të cilën të është dashur të përballesh me valë të ka bërë të dalësh dhe më inteligjente. Jo e dashur, jeta nuk është e thjeshtë por është e bukur. Ti ke një zemër të madhe, inteligjencë dhe shpirt bujar. Jam aq e plotësuar me ty, aq krenare kur shikoj si rritesh dhe kthehesh në guximtare dhe krijon një identitet tëndin të adhurueshëm, të gjallë, të fortë dhe të përkushtuar.

Costanza, Constanza ime, vogëlushja ime, e dlira ime, qielli im, zemra ime, gjithçka e imja. Gjithçka është e jotja  kur vendos të rritesh si valët, të dominosh horizontin, të sfidosh pushtetin e ujit, për të realizuar të gjitha dëshirat e tua.

Je vajza ime e bukur, vetëm të them faleminderit që më dhe mundësinë të jem nëna jote, të shikoj ëndrrat e tua dhe të shikoj tek ty mrekullinë e jetës. Gjithmonë do të jemi të kapura përdore, pasi në fund të gjithë jemi pluhuri i yjeve. Gëzuar ditëlindjen! Të dua vogëlushe’.

Këtë vit Constanza kishte dashur të organizonte një festë të madhe me familjen e saj me rastin e 15 vjetorit, por këtë herë do të jetë pa pasur në krah nënën e saj./abcnews.al

5d00e61467690ritaaaaaaaaaaaa.jpg
Sej rie14:00 | 12/06/2019

Këngëtarja me origjinë shqiptare Rita Ora ka qenë e ftuar në koncertin e bamirësisë “Sentebale Audi”. Koncerti ishte organizuar nga Princi Harry, me qëllim mbledhjen e fondeve, të cilat do të shkojnë për bamirësi. I njëjti koncert është mbajtur edhe vitin e kaluar ku të ardhurat nga ky koncert shkuan për bamirësinë e zhvilluar për fëmijët në Lesoto, Botsvanë dhe Malavi.

Sipas Daily Mail, Princi britanik, dukej i lumtur teksa takohej me këngëtaren shqiptare. Në koncert këngëtarja shoqërohej nga e ëma  Vera, e cila ka treguar disa detaje nga takimi me Princin. Vera ne llogarinë e saj në Instagram ka publikuar disa foto ku shihet duke folur me Harry ndërsa Rita shihet duke u përqafuar me Prinsin.

 “Ai ishte aq modest në koncertin e tij sa që tha: Nuk do të harxhoj shumë nga koha juaj. E kuptoj që jeni këtu për të parë Ritën dhe jo mua, sidomos ju në fillim”, ka shkruar Vera./abcnews.al

rihanna-1280x886.jpg
ent ela10:00 | 12/06/2019

Rihanna ka dalë jashtë kornizave dhe ka folur hapur për dashurinë dhe planet për martesë. Në një intervistë për “Magazine”, ajo i dha përgjigje çdo pyetjeje që iu drejtua pa ju shmangur atyre. Rihanna ka treguar se lidhja e saj me Hassan Jameel është një ndër gjërat që i ka ndryshuar balancën mes jetës dhe punës.

“Dy vitet e fundit kam kuptuar se duhej të gjeja më shumë kohë për veten time, sepse kjo ndikon drejtpërdrejtë në shëndetin mendor. Unë kam nisur një marrëdhënie dhe kjo ka rëndësi për mua. Ashtu siç punoj për biznesin tim, ashtu duhet te përqendrohem edhe tek kjo lidhje” -u shpreh Rihanna.

Megjithëse planet e martesës duket se janë larg, ylli i pop zbuloi se ajo dëshiron që së shpejti të bëhet nënë. Rihanna gjithashtu la të kuptohet se po punon edhe për një album tjetër pas atij me titullin “Anti” që doli në vitin 2016.

Klan Plus

valbona-s-933x445.jpg
Sej rie10:15 | 09/06/2019

Valbona Selimllari ishte e ftuara e radhës mbrëmjen e sotme në emisionin “Xing me Ermalin” në Tv Klan. Ndryshe nga ç’jemi mësuar ta shikojmë në ekran si një figurë paqësore dhe të qeshur, ajo tregoi një tjetër anë të saj. Vite më parë, në 1997-ën kur vendi ishte përfshirë nga trazirat, siç tregoi ish-missi ka rrahur një djalë. Selimllari tha se dy djem e kishin ndaluar dhe një prej tyre e kishte goditur në fytyrë dhe kishte tentuar ta çonte në cepin e një pallati, por ajo kishte reaguar dhe e kishte goditur.

Ermal Mamaqi: Ti je një figurë paqësore, a është kjo një fasadë apo brenda teje fshihet një përbindësh? Valbona a bëhesh ndonjëherë me nerva?

Valbona Selimllari: Nuk jemi perfektë në këtë botë, kemi gabime plot, por sigurisht nuk i tregojmë të gjitha sepse kemi qejf të tregojmë vetëm të mirat. Unë bëhem nevrike dhe shumë madje.

Ermal Mamaqi: Na trego ndonjë rast. Se kur përfytyron një sherr me ty duket i çuditshëm.

Valbona Selimllari: Në fakt unë kam jetuar në kohën kur kishte shumë trazira në Tiranë, nga 1994-97 dhe 1997 ka qenë kulmi. Ka pasur situata të tmerrshme, shpesh djemtë ngacmonin vajzat, kanë ndodhur përdhunime, vjedhje dhe raste të dhimbshme. Më ka ndodhur edhe mua dhe do tregoj një rast. Po kthehesha nga teatri dhe në rrugë më dolën dy djem. Njëri prej tyre më pyet: Si e ke emrin? Dhe unë iu ktheva: Ç’të duhet ty. Ishte errësirë dhe nuk më njohu. Më qëlloi me grusht në fytyrë dhe në një moment mu errën sytë. Për fatin tim të mirë unë kam qenë gjimnaste dhe krahët i kam të fuqishëm. Në një moment u përmenda, e lashë të më çonte tek cepi i pallatit sepse ai nuk donte ta bënte në rrugë atë gjë që kishte ndër mend të bënte. Mbaj mend që i thash: “Më vjen keq, por të ka qëlluar me njeriun e gabuar”. Dhe se çfarë kam bërë, e në ç’formë e kam rrahur nuk e di, por e kisha vënë poshtë këmbëve të mia. I kisha vënë gjunjët tek kurrizi dhe e mbaja që të mos ikte. Në një moment dëgjova që po vinin njerëz, shkëpus vëmendjen dhe ai gjeti rast që u lirua dhe iku. Më mbeti xhupi dhe çelësat e tij në dorë. E kam pritur fshehur tek shkalla deri në 3 të mëngjesit me idenë që do kthehej të merrte çelësat, por për fatin e tij të mirë nuk u kthye. Ndryshe do kishte “ngrënë” një dru të mirë dhe do kishte përfunduar në burg. Ajo që më shqetëson në këtë rast është se nëse do ishte një vajzë që nuk do të kishte fuqinë time. Unë në përgjithësi jam vajzë e guximshme, sportiste dhe kisha guxim të madh./tvklan.al

Tuna-nora-933x445.jpg
Sej rie09:00 | 09/06/2019

Marrëdhënia mes këngëtareve të njohura shqiptare Nora Istrefi dhe Tuna Sejdiu ka qenë prej kohësh shumë e komentuar në media.

Nora, e cila deri më sot kishte qëndruar e heshtur për këtë çështje, e ftuar në “Xing me Ermalin”, në Tv Klan theu heshtjen. Ajo tha se nuk ka qenë asnjëherë shoqe e ngushtë me Tunën, por as armike. Këngëtarja shtoi se mes tyre nuk ka ndodhur asgjë, përveç se një keqkuptimi familjar. “Tunën vazhdoj ta respektoj si kolege, aq më pak me albumin e fundit, por diçka personale nuk ka ndodhur kurrë”, tha Nora.

Ermal Mamaqi: Pas gjithë deklaratave që ka bërë Roberti të gjithë mezi po presin që unë të të pyes për hallvën e nxehtë që po vlon. Nora nuk e di a e di, por tek ai kolltuk ku je ulur ti para ca kohësh është ulur kunata dhe kunati jot. Të gjithë po presin tani që unë t’iu pyes ju për një çështje tuajën familjare. Më kanë thënë të gjithë që mos të të bëj pyetje familjare, por unë ca pyetje do t’i bëj sepse më thonë njerëzit e mori dhe nuk e pyeti. A është e vërtetë që keni qenë shoqe të ngushta me Tunën dhe çfarë ka ndodhur tani?

Nora Istrefi: Shoqe të ngushta nuk kemi qenë asnjëherë dhe as armike nuk jemi. Mes meje dhe Tunës nuk ka ndodhur kurrë asgjë, ka ndodhur një keqkuptim familjar, siç e keni parë të gjithë. As unë as Roberti nuk kemi pasur asnjë lloj problemi dhe urrej kur emri im përflitet në media për të përfituar klikime. E urrej atë pjesë sepse unë nuk kam karrierë të bazuar mbi skandale. Kështu që nuk dua të flas aspak për një skandal ku nuk jam e përfshirë unë personalisht. Tunën vazhdoj ta respektoj si kolege, aq më pak me albumin e fundit, por diçka personale nuk ka ndodhur kurrë.

Ermal Mamaqi: E ka qarë albumin e fundit.

Nora Istrefi: Po, shumë.

Ermal Mamaqi: A je dakord ti me shprehjen që prandaj nuk quhet kudita, por kunata?

Nora Istrefi: Unë nuk jam njeri aspak tradicional, edhe shoqëria ime bën shaka me mua sepse nuk jam e këtyre gjërave. I respektoj njerëzit për atë që janë, qoftë familja e Robertit apo e imja dhe nuk merrem me kunatën, kuditën…

Ermal Mamaqi: Ti je dakord që Roberti flet për Tunën nëpër studio televizive apo nuk të plas fare?

Nora Istrefi: Nuk jam dakord. Ju duhet të dini që unë nesër nëse nuk do jem me Robertin, ai është babai i fëmijës tim, i gjësë më të shtrenjtë që kam dhe pavarësisht se çfarë do të ndodhë unë e respektoj Robertin shumë. Unë ia dua të mirën Robertit dhe nuk jam dakord, por Roberti është burrë dhe 8 vjet më i madh se unë dhe nuk është lodër e imja që ta programoj. Ai është mjaft i rritur.

Ermal Mamaqi: A ka ndonjë mundësi që ju të gjithë të pajtoheni dhe të gjithë shqiptarët të flenë të lumtur?

Nora Istrefi: Unë jetoj e lumtur dhe reflektoj e lumtur. Ne jemi të lumtur secili në zgjedhjen e vet. Ajo që duket pak më luftarake, më agresive më duket se e kanë bërë edhe mediat./tvklan.al

shtatzen-933x445.jpg
Sej rie21:00 | 06/06/2019

Prej kohësh tashmë moderatorja e njohur Floriana Garo ka nisur një jetë të re në Zvicër ku i është përkushtuar familjes.

Teksa fliste sot për jetën e saj të re në emisionin “Rudina” në Tv Klan, ajo ndau me publikun lajmin e bukur se do të bëhet nënë për herë të dytë. Gjatë emisionit, ajo rrëfeu se është tre muajshe shtatzënë dhe u shpreh se do të donte të ishte një djalë.

Rudina Magjistari: Keni në plan t’i bëni një motër ose vëlla Adias?

Floriana Garo: Në fakt unë jam shtatzënë sërish.

Rudina Magjistari: Sa muajshe je?

Floriana Garo: 3 muajshe. Ende nuk është parë gjinia, është shumë herët. Megjithatë ne donim të ishte kështu, që Adia të rritej me një motër ose një vëlla. Ajo ka marrë gjithë vëmendjen e mundshme nga ne, nga njerëzit që kujdesen për të, nga gjyshërit dhe sikur ka filluar të llastohet pak. Mendoj se me ardhjen në jetë të një fëmije tjetër do të jetë më mirë. Mendova se tashmë ishte koha perfekte sepse po merrem me këtë gjë, jam nënë, ia kam marrë dorën dhe nuk doja të harroja. Ndaj edhe i donim afër fëmijët. Do të dëshiroja një djalë meqë kam një vajzë, por siç thonë të gjithë nëse është me shëndet mirë është primarja. Mendoj se për Adian do ishte më mirë të ishte vajzë, por nuk ka rëndësi./tvklan.al

safe_image-1.jpg
Sej rie20:45 | 06/06/2019

Kur Beyonce bëhet xheloze! Video më poshtë është bëri virale, pasi reagimi i këngëtares është shumë i ftohtë. Ishte duke parë ndeshjen e tretë e vlefshme për finalen e NBA-së, kur ajo kapet nga kamerat në një moment të sikletshëm.  Duket reagimin aspak të mirë të këngëtares e ka shkaktuar që gruaja Nicole Curran, gruaja e pronarit të “Golden State Warriors”,  Joe Lacob. Ajo duket se po bënte një bisedë të këndshëm më reperin Jay Z. Por kjo bisedë kaq i përzemërt e ka mërzitur shumë divën e muzikës, e cila lëviz nga vendi krejt e nervozuar./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono