Rajoni

rusi.jpg
in a12:25 | 10/12/2019

Shkëmbim të burgosurish, armëpushim dhe zgjedhje në Donbas, ishin temat kryesore në Samitin e Ukrainës që u mbajt në Paris. të pranishëm përvec presidentëve rus dhe ukrainas, ishin dhe ai francez dhe kancelarja gjermane Merkel

Moska dhe Kievi zotohen për hyrjen në fuqi të një armëpushimi. Është një nga pikat thelbësiore të deklaratës së përbashkët, së bërë publike pas përfundimit të samitit për Ukrainën në Paris. Rezultati i samitit sipas formatit të Normandisë duket të jetë pozitiv. Presidenti rus Putin u shpreh i kënaqur nga përballja me homologun ukrainas Zelenski, i cili nga ana e tij i cilësoi negociatat si një sukses.

Zelenski është pjesëmarrësi më i ri në lojën e madhe të liderëve ndërkombëtarë, e për këtë arsye shpesh dukej i humbur, por u ndihmua nga presidenti francez Emmanuel Macron për të gjetur vendin e tij në tryezën e bisedimeve të vendosur në një sallë të Elize-së. Programi parashikonte bisedat dypalëshe Zelenski-Makron e Putin-Merkel, dhe më pas Putin-Makron, Zelenski-Merkel). Dhe më pas negociatat e përbashkëta, të ndjekura nga takimi i parë privat mes Putin e Zelenski, i cili zgjati 15 minuta. Liderët u takuan sërish në darkën e punës, e cila vazhdoi përtej parashikimeve paraprake. Dhe pikërisht këtu nisi dhe puna e vërtetë për të vendosur fjalët që do të përdoreshin në deklaratën e përbashkët.

Presidenti ukrainas mbështetej nga një numër i madh këshilltarësh të cilët e ndihmonin në pika të ndryshme të programit. Zelenski kishte theksuar tre argument kyçe të samitit: një shkëmbim tjetër të burgosurish, armëpushim dhe zgjedhje vendore në Donbass. Për pikën e parë Zelenski deklaroi se në muajin dhjetor do të kryhet një shkëmbim i rëndësishëm të burgosurish me separatistët pro Moskës. Ndërsa për marrëveshjet e Minsk, foli kancelarja gjermane Merkel e cila kërkoi zbatimin e plotë dhe të menjëhershëm të tyre.

Presidenti rus Putin u shpreh se Rusia do të bëjë të mundur zgjidhjen e krizës në Ukrainë dhe se samiti i Parisit sipas formatit të Noprmandisë ishte i domosdoshëm. Por ai shtoi se tashmë duhet që Kushtetuta e Ukrainës të modifikohet për të lejuar krijimin e një statusi special për Donbass.

Një tjetër temë e nxehtë ishte ajo e rinovimit të kontratës për furnizimin me gaz të Kievit, e cila skadon në 31 dhjetor 2019. Gjetja e një marrëveshjeje për rinovimin është dicka që i intereson dhe Zelenskit dhe Putinit. Samiti i rardhës i këtij lloji do të jetë pas katër muajsh./abcnews.al

serbi-1.jpg
in a12:18 | 10/12/2019

Ditën e 1 vjetorit të protestave “1 nga 5 milion”  kundër presidentit të Serbisë, Aleksandër Vuçic, manifestuesit janë përpjekur të futen brenda parlamentit të vendit.

Protestat nisën një vit më parë pas sulmit mbi politikanin e opozitës, Borko Stefanovic, në qytetin e Krushevacit. Ato u përshkallëzuan pasi Vuçiç tha se nuk do pranonte kërkesat e protestuesve edhe nëse do dilnin 5 milionë njerëz nëpër rrugë. Protestuesit që u përpoqën të futen brenda parlamentit, hidhnin parulla si “Hajdutë”. Sipas organizatorëve, protesta shkoi mirë dhe politikanët e kuptuan se nuk mund të vazhdojnë më kështu.

Serbia në muajin mars të vitit të ardhshëm shkon në zgjedhje të përgjithshme./abcnews.al

dimitrov9.jpg
in a10:26 | 10/12/2019

Në një intervistë për Euronews, Ministri i Jashtëm i Maqedonisë së Veriut, Nikola Dimitrov u shpreh se në një mënyrë ose tjetrën vendi i tij do të hyjë në Bashkimin Europian. Ai u shpreh se më mirë do ishte që Shqipëria dhe Maqedonia e Veriut të anëtarësoheshin së bashku, por nëse s’do ishte e mundur, atëherë më mirë një se asnjë .

Ambiciet e Maqedonisë së Veriut dhe të Shqipërisë për anëtarësimin në Bashkimin Europian u shtypën nga Këshilli Europian në muajin tetor kur një minorancë shtetesh anëtare, së pari Franca, tha jo, duke theksuar se ishte ende shpejt për hapjen e negociatave për anëtarësim. Ka nga ata që dëshirojë që rruga e dy vendeve të ishte e ndarë.

Ministri i Jashtëm i Maqedonisë së Veriut, Nikola Dimitrov, mendon në nivelin e zonës Ballkanike duke thënë se suksesi i një vendi mund të konsiderohet si suksesi i një rajoni të tërë.

“Si fqinj, si fqinj të mirë, ne besojmë se dhe Tirana është në gjendje të fillojë aventurën e saj europiane. Mendoj se anëtarësimi i të dyja vendeve në BE është zgjidhja më e mirë, duhet të punojmë të gjithë duke gjetur një pikë të përbashkët. Por nëse nuk është e mundur atëherë na duhet një dinamikë pozitive, jo negative, dhe anëtarësimi i vetëm një vendi gjithësesi është më mirë se asgjë”, shprehet ai.

Pas refuzimit të madh të muajit tetor, tashmë ka presion ndaj Komisionit të ri Europian.

Nuk është e thënë se strategjia për të vijuar rrugën e vetme, do të ishte një strategji fituese për Maqedoninë e Veriut. Ajo që është e sigurtë është se shumë kryeqytete europiane, dhe vet ish presidenti i komisionit europian Zhan Klod Junker, e konsideruan si gabim refuzimin që iu bë Tiranës dhe Shkupit.

Ministri i jashtëm Dimitrov është takuar tashmë me komisionerin e ri për zgjerimin Olivér Várheli, por kuptohet se rruha është e vështirë. Por Dimitrov shprehet i bindur se nuk ka një alternativë për rajonin. Ai theksoi se vendi i tij në një mënyrë ose tjetrën do të anëtarësohet në Bashkimin Europian, por rruga do të ishte më e lehtë nëse do të kishte mbështetje.

Në pritje të lajmeve të reja nga Brukseli, të dy vendet po punojnë për të përforcuar aleancën rajonale dhe së bashku me Serbinë firmosën një lloj Shengeni Ballkanik, një marrëveshje që favorizon qarkullimin e mallrave dhe njerëzve në tri vendet./abcnews.al

poliz.jpg
in a07:27 | 10/12/2019

Dy aksidente të ndryshme në Itali kanë rezultuar fatale për jetën e dy shqiptarëve që punonin në vendin fqinj.

Njëri prej tyre, një 38-vjeçar i quajtur Gjon Lekaj, po çmontonte skelat e një ndërtese kur ra nga një lartësi prej gjashtë metrash, duke rënë në oborrin e brendshëm të shkollës Morandi.

Burri vdiq menjëherë në vendin e ngjarjes, mesditën e 7 dhjetorit. Punëtori kishte helmetë në kokë dhe pajisje të detyrueshme, por siç duket ai nuk ishte i fiksuar në rripin e sigurisë.

Gjon Lekaj, me origjinë nga Shkodra, jetonte në Porta Mortara së bashku me gruan dhe dy fëmijët. Familja dëshiron që funerali të kryhet në qytetin e tij të lindjes.

Në një incident tjetër, humbi jetën po një shqiptar. Agron Ismailaj u aksidentua në punë të dielën e shkuar, ndërsa gjeti vdekje dy ditë më vonë. Rrethanat janë ende për tu sqaruar. 56-vjeçari la pas gruan dhe dy fëmijë, pasi qëndroi dy ditë në agoni në spitalin e Barit. /Abcnews.al

Hristijan-Mickosk.jpg
ger ta20:55 | 09/12/2019

Pas vërejtjeve të Komisionit të Venecias, kryetari i VMRO-DPMNE-së, Hristijan Mickoski ka paralajmëruar amendamente në Ligjin për Gjuhët, që lejon përdorimin edhe gjuhës shqipe në Maqedoninë e Veriut. Drejtori i Agjencisë për Zbatimin e Gjuhës Shqipe, Ylber Sela, thotë se dy gjuhësia nuk duhet të jetë problem për një shtet europian.

Kryetari i VMRO-DPMNE-së, Hristijan Mickoski përmes një konference për media ka paralajmëruar amendamente për Ligjin për Gjuhët, sic tha konform vërrejtjeve të Komisionit të Venecias.

“ Një ligj jokushtetues ta bëjmë kushtetues, në frymën e praktikave evropiane konform vërrejtjeve të Komisionit të Venecias. Askush në këtë shtet të mos ndjehet I dëmtuar. Për këtë shkak këto amendamente duhet të përkrahen nga qeveria, me cka do të demostrojnë pjekuri por edhe të tregohet se nuk do të ketë kompromise me të drejtën”, tha Hristijan Mickoski.

Rekomandimet e Komisionit të Venecias I ka komentuar edhe Drejtori iAgjencisë për Zbatimin e Gjuhës Shqipe, Ylber Sela. Sipas tij, nëse duam që të kemi një shtet evropian dygjuhësia nuk duhet të jetë problem.

‘Të gjithë rekomandimet pozitive të cilat i sjell Komisioni i Venecias duhet ti marrim parasysh ti zbatojmë ato dhe të shkojmë më tutje sepse zbatimi i dygjuhësisë në vend normalisht që mund të përmirësojë marrëdhëniet ndëretnike ndërmjet maqedonasve dhe shqiptarëve, poashtu përmbyllet një çështje që del nga Marrëveshja e Ohrit”, u shpreh Sela .

Sela nuk ka dashur t`i komentojë përplasjet politike rreth Ligjit të Gjuhëve, por thotë se politizimi I kësaj cështjeje mund të ketë pasoja mes dy komuniteteve më të mëdha në vend.

‘Ne jemi në Ballkan poashtu populizmi nacionalizmi politik është i theksuar këtu, unë nuk dua të ndërhyj aty. Poashtu jemi edhe në vit zgjedhor vitin e ardhshëm dhe dikush dëshiron të përfitojë pikë politike në këtë drejtim, por unë do kisha thënë që të mos politizohet, kthim prapa nuk ka.’, tha ai.

Sela poashtu theksoi se Agjencia për zbatimin e Ligjit për Gjuhët do të vazhdojë me fazën e implementimit të këtij ligji. Ai shtoi se tashmë përgatiten edhe për fazën e dytë kurse nga 15 janari siç theksoi, institucionet duhet të flasin dhe të shkruajnë shqip./abcnews.al

vjosa-osmani-genocidi.jpg
nev ila20:51 | 09/12/2019

Nënkryetarja e LDK, Vjosa Osmani ka theksuar se ndërkohë që në Kosovë kujtohen ata që humbën jetën në luftën e fundit, Bashkimi Evropian shpërblen Serbinë me hapjen e një kapitulli të ri në procesin e integrimit.

Reagimi erdhi pasi BE vendosi të hapë me Serbinë kapitullin e lëvizjes së lirë të mallrave.

Nënkryetarja e LDK-së, Vjosa Osmani tha në ditën ndërkombëtare të viktimave të gjenocidit, se Kosova kujton në këtë ditë ata që humbën jetën si pasojë e politikave gjenocidiale të shtetit serb, në veçanti fëmijët e vrarë e të masakruar nga ky regjim.

Nënkryetarja e LDK-së theksoi se shteti serb vazhdon të të mohojë këto krime dhe nuk shpreh keqardhje për viktimat e pafajshme dhe madje përpiqet të rishkruajë historinë edhe pse krimet serbe ndodhën para syve të të gjithë botës.

Osmani ka vënë në dukje se ndërkohë që në Kosovë kujtohen ata që humbën jetën në luftën e fundit, Bashkimi Evropian shpërblen Serbinë me hapjen e një kapitulli të ri në procesin e integrimit evropian.

BE vendosi të hapë më 10 dhjetor kapitullin e lëvizjes së lirë të kapitalit me Serbinë ndërkohë që zyrtarët serbë janë të pakënaqur me hapjen e vetëm një kapitulli duke thënë se Serbia ishte gati për të hapur shumë më tepër./abcnews.al

ujku.png
Autor E13:20 | 09/12/2019

Zonat rurale në vendin tonë, vazhdojnë të jenë të rrezikuara nga kafshët e egra, veçmas gjatë stinës së dimrit.

Në fshatin Dimc të Hanit të Elezit vitin e kaluar një fëmijë 5 vjeçar është kafshuar nga një ujk, derisa banorët vazhdimisht ndjeheshin të kërcënuar dhe me frikë.

Duket se ky vend nuk po ka qetësi nga ujqërit.

Ujku sërisht shfaqet në fshatin Paldenicë pamje e Ujkut saktesisht tek qeshma e Hetemit (Video)

Gepostet von Hani i Elezit am Sonntag, 8. Dezember 2019

Prapë, mbrëmë kjo kafshë u shfaq në rrugët e fshatit Paldenicë, saktësisht tek vendi që banorët e njohur si qeshmja e Hetemit.

dergjini.jpg
Autor E13:15 | 09/12/2019

Eldin Dergjini, vëllai i deputetes së Lëvizjes Socialiste për Integrim, Amra Borova, është arrestuar në Graçanicë për një rast sulmi me shishe. Pas arrestimit është zbuluar se ai, ka identitet të ri në Kosovë. Emri i tij, është Ferdi Berisha, i lindur më 10 janar 1986 në Obiliç. Vendbanimi në Mitrovicën e Veriut.

Ka më shumë se dy javë që vëllai i një deputeteje nga Shqipëria, po mbahet në paraburgim në Kosovë.

Eldin Dergjini (Barova), vëllai i deputetes së Lëvizjes Socialiste për Integrim, Amra Barova, është arrestuar më 22 nëntor të këtij viti në një fshat të Graçanicës, për shkak të një sulmi me shishe që i kishte bërë një personi.

Por, arrestimi i tij ka zbuluar dhe rikonfirmuar përfshirjen e administratës së Kosovës në krim të organizuar – shitje të dokumenteve dhe të shtetësive për kriminelë të huaj.

Dergjini, është pajisur me identitet të ri në Kosovë. Emri i tij është Ferdi Berisha, i lindur më 10 janar 1986 në Obiliq. Vendbanimi në Mitrovicën e Veriut. Dergjini është pajisur me letërnjoftim të Republikës së Kosovës më 7 shtator të këtij viti. Insajderi ka siguruar kopjen e letërnjoftimit të tij.

Eldin Dergjini, është i njohur në Shqipëri dhe Itali për veprime kriminale të lidhura me drogën, sulme të policëve dhe veprave tjera. Së fundi, ai ishte aksidentuar në Shqipëri me një veturë Mercedes G Class me targa ruse.

Policia e Kosovës, i ka dhënë Insajderit, detaje të arsyeve të arrestimit dhe paraburgosje së shtetasit të Shqipërisë.

“Më 22.11.2019 në ora 07:50, është raportuar rasti ‘sulm’ në fshatin Preoc të Graçanicës me ç’rast është arrestuar i dyshuari me kombësi shqiptar pasi që i njëjti e kishte gjuajtur me shishe qelqi viktimën mashkull. Me vendim të prokurorit të dyshuarit i ishte caktuar masa e ndalimit për 48 orë”, ka thënë zëdhënësi i Policisë së Kosovës, Baki Kelani.

Ai ka bërë të ditur se Policia e Kosovës ka shkëmbyer informata me Policinë e Shqipërisë duke shkëmbyer të dhëna me qëllim vërtetimin e identitetit të të dyshuarit. Policia ka thënë se është zbuluar se i dyshuari ka identitet dhe dokumente të Kosovës, për çka Njësia e krimeve ekonomike po kryen hetime.

Dy ditë më vonë, gjyqtari i procedurës paraprake në Gjykatën e Prishtinës, të dyshuarit nga Shqipëria që është vëllai i deputetes, i ka caktuar masën e paraburgimit prej 30 ditësh.

“Hetimet nen mbikëqyrjen e Prokurorit të Shtetit janë duke vazhduar në drejtim të sqarimit të situatës lidhur me identitetin e të dyshuarit dhe dokumenteve që janë gjetur tek i dyshuari. Në këtë drejtim një mori veprimesh hetimore janë ndërmarr nga Hetuesit e Stacionit Policor Graqanicë, ndërsa veprimet e më tejme hetimore do të vazhdojnë nga Hetuesit në Drejtorisë për hetimin e krimeve ekonomike dhe korrupsionit”, ka thënë Kelani për Insajderin.

Në Ministrinë e Punëve të Brendshme, kanë refuzuar t’u përgjigjen pyetjeve të Insajderit, se si ka mundësi që me kaq lehtësi shtetas të huaj të marrin dokumente dhe shtetësi të Kosovës.

Muaj më parë pothuajse të gjithë mediat e Shqipërisë kishin raportuar për Eldin Dergjinin. 34-vjeçari Eldin Dergjini (Barova), nga Shkodra, banues në Tiranë, mbrëmjen e 12 shtatorit të këtij viti ishte aksidentuar me veturën e blinduar me targa ruse, në afërsi të sheshit “Shqiponja”.

Ai kishte ndërruar mbiemrin në Shqipëri për shkak të veprave penale.

Eldin Dergjini, kishte deklaruar në Polici se dikush e kishte ndjekur nga prapa me automjet duke e goditur makinën e tij, çka solli edhe daljen nga rruga.

“Kam qenë duke ecur me makinë me shpejtësi. Vura re që kisha një automjet pas, por nuk e di nëse po më ndiqte. Ajo makinë më goditi nga pas. Humba kontrollin dhe u përplasa me një bordurë dhe makina ime u batua në rrugë. Nuk e pashë mjetin që më goditi “, mësohet të jetë shprehur Dergjini, raportonte “Shqiptarja.com”.

Eldin Dergjini udhëtonte me një makinë të blinduar me targa ruse, një automjet tip ‘Mercedes Benz G Class’ me targë H001CH 199, vlera e të cilit shkon diku mes shifrave 150-250 mijë euro. Që këtu lindin dyshimet e para se ai i ruhej një atentati, për shkak se makina ishte e blinduar. Pas aksidentit, Dergjini ishte larguar nga vendi i ngjarjes duke shkuar në një spital privat.

“Pas aksidentit nuk kisha shumë plagë në trup, jam larguar në këmbë për pak metra mora taksi dhe erdha në spital. Makinën e kam marrë nga jashtë, ka pak kohë që e kam marrë dhe prisja të bëja dokumentet”, i kishte thënë ndër të tjera Eldin Dergjini, Policisë.

Por dëshmia e tij nuk kishte qenë shumë bindëse për policinë pasi ende nuk ishte zbuluar se kush ishte taksisti që e dërgoi në spital, por as makina që e ka goditur nga pas.

Burime zyrtare nga Policia e Shqipërisë kishin konfirmuar se targa ruse e automjetit nuk ishte e regjistruar në sistemin doganor të hyrjes në Shqipëri, duke hedhur poshtë pretendimin e tij se ishte në pritje të bërjes së dokumenteve.

Kësisoj, përforcohej dyshimi se mjeti ishte i kontrabanduar, ndërsa targa ishte e falsifikuar.

Dyshimet janë se 34-vjeçari nuk ka qene i vetëm me makinë por me një tjetër person. Edhe nga ekspertiza paraprake ka rezultuar se makina e blinduar është goditur nga një tjetër automjet nga pas duke ngritur dyshimet e një atentati të mundshëm ndaj personave që lëviznin me blindin me targa ruse.

Eldin Dergjini rezulton të jetë me precedente të mëparshme penale. Në vitin 2014 është arrestuar në Tiranë dhe më pas gjykata ka caktuar masën e sigurisë “Arrest me burg”, për veprën penale “Kundërshtim i punonjësit të rendit publik”.

Por jo më larg se gushtin e kësaj vere, Dergjini është arrestuar në Himarë për shkak se ishte kapur me armë pa leje. Por edhe në këtë rast ai është lënë i lirë në rrethana të dyshimta.

Por, historia e tij nuk mbaron me kaq.

Dergjini, ishte dënuar para një viti në Trieste të Italisë për trafik droge. Tash, ai ndodhet në paraburgim në Kosovë për vepër penale “sulm”. Arrestimi, zbuloi se ai posedon dokumente të Kosovës me identitet të ri.

Besohet se në Kosovë, ai jeton që një kohë të gjatë. /Insajderi.com

kadrija.jpg
Autor E12:55 | 09/12/2019

Kryetari i Partisë Demokratike të Kosovës, Kadri Veseli ka udhëtuar për në Hagë ku do të intervistohet Prokuroria e Specializuar për krime të luftës në Kosovë, me seli në Hagë.

Para nisjes, Veseli u ka thënë mediave në Prishtinë se “Gjykata Speciale është sfidë përballë krimeve makabre serbe”.

“Por, të njëjtën kohë është edhe një moment ndërkombëtar për të rikonfirmuar pastërtinë e luftës e të popullit tonë, luftës së ushtrisë tonë”, tha Veseli.

Ngjashëm me ish-komandantët dhe ish-pjesëtarët e Ushtrisë Çlirimtare të Kosovës, edhe Veseli tha se ndihet krenar për luftën e UÇK-së.

“Dua ta them se me asnjë gjë nuk e ndërroj atë pjesë të jetës sime krenare. Historia e UÇK-së është historia e popullit tonë për liri dhe pavarësi”, tha Veseli.

Veseli ishte paraparë të intervistohej më 4 dhjetor, mirëpo siç kishin thënë nga zyra e Veselit, intervistimi ishte shtyrë për 10 dhjetor për shkaqe teknike.

Deri më tani, Dhomat Speciale kanë ftuar për intervistim rreth 100 persona, ndër ta edhe disa nga ish-figurat e larta të Ushtrisë Çlirimtare të Kosovës, që pas luftës ishin dhe janë pjesë e skenës politike të Kosovës.

Dhomat e Specializuara dhe Zyra e Prokurorisë Speciale janë përgjegjëse për hetimin e krimeve kundër njerëzimit, krimeve të luftës dhe krimeve tjera penale, që lidhen me akuzat e ngritura në një raport të Këshillit të Evropës, më 2011.

Në këtë raport flitet për krime të pretenduara të ish-pjesëtarëve të Ushtrisë Çlirimtare të Kosovës, në periudhën prej vitit 1998 e deri më 2000./abcnews.al

certifikim.jpg
in a12:10 | 09/12/2019

13 ditë pas certifikimit zyrtar të zgjedhjeve të 6 tetorit në Kosovë nga Komisioni Qendror i Zgjedhjeve, nuk ka ende një marrveshje për koalicion qeveritar mes dy partive që u renditen në dy vendet e para në këto zgjedhje.

Bisedimet për presidentin e ardhshëm të Kosovës, thuhet se po krijojnë ngërç në negociatat për formimin e koalicionit të ardhshëm qeverisës ndërmjet Lëvizjes Vetëvendosje dhe Lidhjes Demokratike të Kosovës.

Por edhe pse nuk është arritur ende një marrëveshje rreth qeverisë, sipas njohësve të çështjeve juridike, mund të vijojnë procedurat për konstituimin e Kuvendit.

Në kushtetuten e Kosovës parashikohet që seanca konstituive e Kuvendit të mbahet brenda 30 ditëve nga dita e shpalljes zyrtare të rezultateve të zgjedhjeve.

Seanca e parë e Kuvendit mund të thirret nga Presidenti i Republikës ose nga vetë Kuvendi, nëse kreu i shtetit nuk e bën këtë gjë.

Analistë të çështjeve politike thonë se Kuvendi dhe qeveria duhet të formohen sa më shpejt, duke marrë parasysh faktin se Kosova funksionon me një qeveri në largim që nga muaji korrik.

Edhe përfaqësuesit ndërkombëtarë në Kosovë kanë bërë thirrje që qeveria e re të formohet sa më shpejt./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono