Rajoni

BLERTA-SAMITI-OHRIT.mpg_snapshot_00.10-1280x720.jpg
ent ela15:57 | 13/11/2019

Kandidati për kryeministër nga radhët e Vetëvendosjes Albin Kurti e cilëson të nxituar takimin e mbajtur në Ohër për Minishengenin Ballkanik. Ai tha në një konferencë për mediat se projekte të tillë Shqipëria duhet t’i nisë me Kosovën dhe jo me Serbinë. Takimin trepalësh të liderëve të Ballkanit Perëndimor në Ohër, kryetari i Lëvizjes Vetëvendosje e quan të nxituar.

Sipas Albin Kurti, Shqipëria zyrtare është dashur të presë të formohet qeveria e re e Kosovës, e jo të nxitohet me takime në Novi Sad e Ohër.

Madje, për kandidatin për kryeministër të Kosovës, projekte të tilla Shqipëria duhet të nisë me Kosovën dhe jo me Serbinë.

Nuk nis me Serbinë kjo punë. Nis Kosovë-Shqipëri, vazhdon Kroaci-Bullgari, vazhdon Sarajevë zyrtare, Podgoricë zyrtare, Shkup zyrtar e Beogradi në fund. Sepse i tillë çfarë është ai i pa penduar për luftërat dhe krimet e shkaktuara në luftim të vazhdueshëm me Moskën e Putinit nuk mund të ketë. Rrjedhimisht mendoj që edhe mbledhja e Novi Sadit edhe mbledhja e Ohrit ishin gabim në hapa. Shqipëria zyrtare u ankua se nuk ka pasur qeveri të denjë në Kosovë. Meqenëse ka pritur Shqipëria zyrtare për një qeveri të denjë të Kosovës shumë vjet, ka mundur të pres edhe pak javë që të formohet kjo qeveri.

Ndërsa duke folur për bisedimet për koalicionin qeverisës me LDK-në Kurti tha se me këtë parti kanë përfunduar 80 % të harmonizimit të programit qeverisës.

Ai nuk ka saktësuar se kur do të ndodh takimi ndërmjet liderëve të këtyre dy partive.

Ajo çfarë ne kemi bërë në ndërkohë është një kulturë e re e formimit të Qeverisë para se ta kemi kulturën e re qeverisëse. Kemi diskutuar për temat, për çështjet. Kemi harmonizuar programin e përbashkët qeverisës dhe kjo është kryer mbi masën 80 për qind, dhe unë jam shumë i lumtur për këtë gjë. Ka ngelur edhe pjesa tjetër që është ndarja e përgjegjësive, funksioneve, pozitave, pra ministrive bashkë me kryetarin e LDK-së, ne natyrisht që edhe do të takohemi dhe do të merremi vesh, sepse populli na i ka përcaktuar dhe përkufizuar një gjë të tillë

Kreu i LDK-së Isa Mustafa ka thënë se  pa certifikim të rezultateve nuk do të vendoset për bashkëqeverisje me LVV-në.

Nu do të ketë asgjë serioze pa certifikimin e rezultateve. Rezultatet nuk do të certifikohen për 15-20 ditë sepse deri atëherë nuk e dijmë se sa deputetë do t’i ketë LDKja e sa LVV-ja.

Ndërsa mbetet pikëpyetje nëse Nisma do të kalojë pragun pas vendimit të PZAP-së që votat nga Serbia të hiqen nga rezultatet përfundimtare. Në rast të hyrjes së kësaj partie në Kuvend atëherë LVV  dhe LDK nuk do të kenë më shumicën e votave por së paku 4  deputetë më pak.

Raporti: Blerta Dalloshi Berisha

Kamera: Visar Kryeziu

 

euro-1-1280x712.jpg
Autor E15:49 | 13/11/2019

Rreth 300 milionë euro kursime të kosovarëve në bankat e Serbisë mund të humbasin. Kjo për shkak të refuzimit të shtetit serb për bashkëpunim si dhe neglizhencës së institucioneve të Kosovës.

Sipas aktvendimit të Gjykatës së Strasburgut, shteti i Serbisë duhet t’ua kthejë qytetarëve të Kosovës rreth 300 milionë euro.

Mirëpo, për këtë çështje shteti i Serbisë dhe Banka Qendrore serbe po refuzojnë që të bashkëpunojnë. Të paktën kështu thonë në Bankën Qendrore të Kosovës.

Zëdhënësi i BQK-së, Kushtrim Ahmeti në një përgjigje me shkrim për lajmi.net thotë se Guvernatori Mehmeti ka adresuar një shkresë zyrtare tek Guvernatorja e Bankës së Serbisë, me ç’rast janë kërkuar informata të hollësishme rreth kësaj çështjeje, mirëpo siç kanë thënë ata, ende nuk kanë pranuar ndonjë përgjigje.

“Ju njoftoj se pas kërkesës nga Avokati i Popullit, me datë 17 shtator 2019, Guvernatori Mehmeti ka adresuar një shkresë zyrtare tek Guvernatorja e Bankës së Serbisë, me ç’rast janë kërkuar informata të hollësishme rreth kësaj çështjeje, mirëpo ende nuk kemi pranuar ndonjë përgjigje. Nga ajo që mund të shihet, mund të themi se Banka e Serbisë dhe shteti serb po refuzon të bashkëpunoj në një çështje që ka të bëjë me ekzekutimin e vendimit të Gjykatës Evropiane për të Drejtat e Njeriut. Ne në vazhdimësi e kemi ngritur këtë çështje në takime të ndryshme që kemi pasur me partnerët tanë ndërkombëtar dhe do të vazhdojmë të ndërmarrim të gjitha veprimet e nevojshme për të siguruar zbatimin e të drejtave të qytetarëve tanë”.

Për këtë çështje, më 25 korrik të këtij viti, Avokati i Popullit u ishe drejtuar institucioneve të Kosovës, me propozimin për themelimin e një zyre ku qytetarët do të mund t’i dorëzonin dëshmitë që kanë në lidhje me kursimet e tyre.

Mirëpo, kjo zyre nuk është hapur ende, dhe nuk pritet të ketë diçka të re në këtë drejtim të paktën deri në krijimin e Qeverisë së re.

Për këtë çështje lajmi.net ka dërguar pyetje edhe në Ministrinë e Punës dhe Mirëqenies Sociale për të kuptuar se kur do të hapet kjo zyre, mirëpo ata kanë thënë se nuk është nën kompetencat e tyre.

“Pyetja e parashtruar nuk ka te beje me autoritetin e MPMS-së”, thuhet në përgjigjen me shkrim të MMPS-së.

Kontributet e pensionistëve kosovarë që kanë punuar para luftës në Kosovë kanë mbetur në Serbi.

kroaci.jpg
ent ela13:21 | 13/11/2019

Përmbytje dhe reshje të dendura në Koraci, ku dëmet më të mëdha janë shënuar në zonat bregdetare. Metereologët parashikojnë një përkeqësim të motit në fillim të fundjavës.

Moti i keq me shi dhe erëra të fuqishme ka përfshirë pjesën më të madhe të qyteteve bregdetare në Kroaci, nga pjesa jugore e Adriatikut, ku uji i detit përmbyti bodrumet e Dioklecianit në Split, deri në Rijekë ku ujërat arritën deri në treg.

Ministria e Brendshme e Kroacisë monitoron situatën në terren për shkak të motit me stuhi duke shkaktuar dëmet e para të martën në pjesën jugore të Kroacisë. Nuk raportohet për persona të dëmtuar, ndërsa dëmet materiale ende nuk janë përcaktuar, sipas Ministrisë së Brendshme kroate. Era e fuqishme jugore, me shpejtësi mbi 140 kilometra në orë në afërsi të Dubrovnikut, bëri që uji i detit të përmbytë brigjet e shumë qyteteve bregdetare në Adriatik, deri në Istria. Një stuhi e fortë u regjistrua në Trogir dhe Kashtela. Meteorologët thonë se moti do të qetësohet gjatë ditës, por reshjet e shiut me erëra sërish do të intensifikohen në fillim të fundjavës. /abcnews.al

zaev-micotaqis-1280x646.jpg
ent ela12:37 | 13/11/2019

Kryeministri i Maqedonisë së Veriut Zoran Zaev do të udhëtojë nesër paradite për në Greqi, kur pritet të takohet edhe me homologun e tij grek Micotakis.

“Duhet të ndaj kënaqësinë time për interesin e kompanive greke që të investojnë në vendin tonë. Do ta shfrytëzoj mundësinë që të përforcojmë miqësinë dhe përmes ekonomisë, ta thellojmë bashkëpunimin”, deklaroi Zoran Zaev, kryeministër. Ndërkohë i pyetur për takimin Pendarovski-Makron, Zaev tha se pret që të kthehet presidenti dhe të njoftohet në detaje për takimin, megjithatë u shpreh se është i kënaqur nga takimi i realizuar. /abcnews.al

GAZETARI-TURQI_ABC-M2-T1.mpg_snapshot_00.19-1280x720.jpg
ent ela12:05 | 13/11/2019

Vetëm një javë më parë gazetari dhe shkrimtari turk Ahmet Altan u lirua nga burgu ku vuajti tri vjet me akuzën se kishte mbështetur përpjekjen e dështuar për grusht shteti në 2016-ën. Tashmë gjykata ka lëshuar sërish një urdhër arresti me po të njëjtën akuzë

Një gjykatë në Stamboll ka lëshuar një urdhër të ri arresti për Ahmet Altan, gazetarin dhe shkrimtarin e njohur turk, i cili u lirua vetëm një javë më parë pasi vuajti tri vjet burg me akuzën se kishte mbështetur përpjekjen e dështuar për grusht shteti në vitin 2016. Gjykatësit pranuan kërkesën e prokurorit të përgjithshëm kundër lirimit të tij. Lajmi është konfirmuar nga agjencia turke e lajmeve Anadoll. Urdhër arresti nuk është ekzekutuar ende, por mediat turke raportojnë se ai mund të arrestohet brenda pak orësh.

Gazetari 69 vjeçar, një prej intelektualëve me me influencë në Turqi, u la i lirë së bashku me një tjetër reportere veteran Nazëll Iliçak. Një gjykatë apeli në Stamboll i kishte dënuar me 10 vjet e gjysëm, dhe me 8 vjet e 9 muaj burg me akuzën se kishin përcjellë mesazhe pro Fetullah Gulen gjatë një emisioni televiziv.

Por gjykata më pas pranoi t’i lirojë por nën kontroll gjyqësor dhe pa të drejtën për t’u larguar nga vendi, pas tri vitesh burg. E njëjta gjykatë më parë kishte refuzuar kërkesën e prokurorit për të dënuar me burgim të përjetshëm të dy gazetarët. Pas përpjekjes së dështuar për grusht shteti, në Turqi janë kryer me mijëra arrestime dhe po aq pushime nga puna në administratën publike. /abcnews.al

ho.jpg
in a09:46 | 13/11/2019

Heiko Maas shprehet se Gjermania mbështet rifillimin e dialogut të ndërmjetësuar nga BE, duke pasur si synim një marrëveshje të gjithanshme që t’i mundësojë të dy vendeve afrimin me BE.

Këmbimi i territoreve ose ndryshimi i kufijve nuk ndikojnë për stabilitetin në rajon, thotë ministri i Jashtëm gjerman Heiko Maas në intervistën ekskluzive me Adelheid Feilcke, në prag të vizitës së tij në rajon.

“Ne nuk mendojmë se kjo kontribuon për stabilitetin në rajon”, deklaroi Maas.

Deutsche Welle: Refuzimi i fillimit të premtuar të bisedimeve të pranimit me Maqedoninë e Veriut dhe Shqipërinë, është një moment i hidhur për integrimin e Ballkanit Perëndimor në BE. Por edhe për Gjermaninë, e cila është angazhuar shumë në Ballkanin Perëndimor me anë të Procesit të Berlinit, duke e mbështetur fillimin e bisedimeve për të dy vendet. Ju jeni duke shkuar tani në Shkup për t’ i shprehur solidaritetin gjerman rajonit. Çfarë do të ofroni konkretisht atje?

Heiko Maas: Për Gjermaninë është e qartë: Vendet e Ballkanit Perëndimor janë pjesë integrale e Europës dhe e ardhmja e tyre është në Bashkimin Europian. Një pjesë e konsiderueshme e vendeve të BE, e mbështesin fillimin e bisedimeve të pranimit me Shqipërinë dhe Maqedoninë e Veriut, sepse kjo është edhe në interesin tonë strategjik. Por për këtë çështje na duhet unanimiteti brenda BE-së, dhe për të arritur këtë jemi duke punuar. Gjermania është duke luftuar me të gjitha forcat, për të arritur një qëndrim të përbashkët në BE, që bisedimet e pranimit me Shqipërinë dhe Maqedoninë e Veriut të fillojnë shpejt. Unë dua edhe një herë ta bëj këtë gjë të qartë në Shkup.

Deutsche Welle: Nuk duket që Franca, Presidenti Macron, dhe kundërshtarët e tjerë të zgjerimit të kenë ndër mend të ndryshojnë mendimin. Cila është strategjia juaj për Ballkanin Perëndimor nëse BE vazhdon ta bllokojë zgjerimin? Çfarë do të bëjë Gjermania?

Heiko Maas: Forca e Bashkimit Europian ekziston në faktin se në fund ne gjithnjë gjejmë një zgjidhje, edhe kur temat janë të vështira. Unë jam i sigurt, se ne do ia dalim edhe kësaj herë. Presidenti Macron, ka shpjeguar se krah vazhdimit të reformave në Shqipëri dhe Maqedoninë e Veriut, i domosdoshëm është edhe reformimi i procesit të zgjerimit në BE. Për këtë ne do të zhvillojmë javën e ardhshme bisedime intensive në BE.

Por, njëkohësisht edhe Shqipëria e Maqedonia e Veriut duhet të vazhdojnë pa ndalur procesin e reformave, në mënyrë që të arrijnë suksese të tjera. Sidomos tani duhet që nëpërmjet sukseseve të binden edhe ata skeptikë që kanë mbetur. Gjermania do të angazhohet që të mbështesë vendet e Ballkanit Perëndimor në rrugën e tyre drejt BE.

Deutsche Welle: Çfarë prisni të bëjnë Shqipëria dhe Maqedonia e Veriut në këtë situatë të vështirë? Sepse në fund edhe “po” -ja e Francës dështoi gjatë vlerësimit të proceseve reformuese të dy vendeve…

Heiko Maas: Unë dua t’u jap zemër Maqedonisë së Veriut dhe Shqipërisë, si edhe vendeve të tjera të rajonit që të vazhdojnë me konseguencë kursin reformues edhe për një arsye tjetër: Reformat nuk shërbejnë vetëm për afrimin me BE, ato janë të rëndësishme sepse janë në dobi të njerëzve. Forcimi i shtetit të së drejtës, luftimi me vendosmëri i korrupsionit dhe kriminalitetit të organizuar janë detyrat kryesore të çdo qeverie, që do të ardhmen e vendit të vet. Edhe opozita mban përgjegjësi. Konkurenca politike dhe idetë konkuruese, që janë të zakonshme dhe të domosdoshme në demokraci nuk duhet ta paralizojnë zhvillimin e vendit.

Deutsche Welle: Kryeministri maqedono-verior, Zoran Zaev e pati lidhur fatin politik tl tij me fillimin e bisedimeve të pranimit. Tani vendi ndodhet para zgjedhjeve të parakohshme parlamentare. Partia më e madhe opozitare VMRO-DPMNE, e cila refuzon hapur Marrëveshjen e Prespës, ka marrë shumë pikë në prognoza. Do të thotë kjo se kjo parti do të anullojë marrëveshjen nëse vjen sërish në pushtet? Çfarë do të bëni për ta penguar këtë gjë?

Heiko Maas: Marrëveshja e Prespës quhet me të drejtë marrëveshje historike. Maqedonia e Veriut dhe Greqia shuan me të një konflikt që zgjati gati tre dekada. Marrëveshja hapi derën për afrimin euroatlantik të Maqedonisë së Veriut. Kështu të dy vendet u kthyen në shembull për rajonin e më gjerë. Ato treguan se edhe konflikte, që mendohet se janë të pazgjidhshme mund të zgjidhen me forcë udhëheqëse, guxim dhe largpamësi dhe se kompromiset e vështira janë të mundshme. Shumë shpejt ne do të mirëpresim Maqedoninë e Veriut si vendin e 30-të anëtar të NATO-s. U hoq kështu edhe një pengesë në rrugën drejt BE. Unë nuk e imagjinoj dot që dikush mund ta shkatërrojë këtë shanc, sepse në nivel ndërkombëtar Maqedonia e Veriut do të futej kështu në qorrsokak.

Deutsche Welle: Aq sa e kënaqur është Gjermania për procesin e reformave të Shkupit, aq të vështirë e ka që të arrijë një konsensus sa i përket Shqipërisë. Ka një vit që Shqipëria ndodhet në krizë të thellë në politikën e brendshme, zgjidhja e të cilës nuk duket të vijë: Opozita bojkoton parlamentin dhe kërkon zgjedhje të reja. Reformimi i ligjit të zgjedhjeve është një nga kushtet që Gjermania i ka vendosur Shqipërisë për të hapur perspektivat e pranimit në BE… Por në këtë fushë nuk shihet ndonjë lëvizje. A mos duhet korrigjuar vendimi pozitiv që është marrë për Shqipërinë?

Heiko Maas: Vendimi ynë për të mbështetur bisedimet e pranimit me Shqipërinë ishte i drejtë. Ai u rekomandua edhe nga Komisioni i BE. Po ashtu është formuluar qartë çka priten ende nga hapat reformues që duhen hedhur.

Reforma në fushën e drejtësisë, me të cilën Shqipëria po tregon një shembull të mirë në rajon është në rrugën e duhur. E rëndësishme ështëm që tani të gjithë të kontribuojnë që Gjykata Kushtetuese të fillojë pa u vonuar punën. Edhe reformimi i ligjit të zgjedhjeve do të diskutohet me të gjitha forcat politike dhe shoqërinë civile. Ne jemi të sigurt, se për reformat që kanë të bëjnë me rekomandimet e OSBE/ODIHR mund arrihet marrëveshje pa humbur kohë. Parlamenti është vendi ku zhvillohen konfrontimet politike. Tani duhen propozime konstruktive dhe bashkëpunime serioze në interes të Shqipërisë dhe qytetarëve të saj.

Deutsche Welle. A nuk do të ishte më mirë që Shqipëria dhe Maqedonia e Veriut të trajtohen të ndara?

Heiko Maas: Në procesin e pranimit çdo vend gjykohet sipas punës që ka bërë. Duke pasur parasysh hapat e sukseshshëm refomues, Komisioni Europian vendosi që në vitin 2018 se Shqipëria dhe Maqedonia e Veriut kanë plotësuar kushtet për fillimin e bisedimeve. Kështu që Komisioni dha rekomandimin që të fillonin bisedimet e pranimit me të dy vendet. Në maj të 2019, Komisioni përsëriti vlerësimet dhe rekomandimet. Qeveria gjrmane i dërgoi vlerësimet e veta Komisionit Europian dhe kërkoi në Këshill fillimin e bisedimeve të pranimit me të dy vendet. Ky vazhdon të jetë qëndrimi ynë.

Deutsche Welle: Mbas takimit të fundit të nivelit të lartë të BE shumë vetë thonë se BE nuk i mbajti premtimet dhe se zgjerimi i BE nuk ka mbështetje. Kështu që ka filluar të flitet për koncepte të reja për rajonin si mini-Shengen, modeli norvegjez, etj. Si i vlerësoni këto alternativa të tjera kundrejt integrimit në BE?

Heiko Maas: Ne nuk shohim të ketë alternativa të tjera përveç procesit të pranimit në BE, nëse duam që të ruajmë interesin për reforma serioze dhe të qëndrueshme, si për shembull në fushën e shtetit ligjor. A mund të përmirësohet procesi ekzistues? Kjo është një çështje tjetër.

Përmirësimi i bashkëpunimit rajonal plotëson procesin e pranimit në BE. Forcimi i marrëdhënieve të fqinjësisë dhe bashkëpunimi ekonomik janë në favor të secilit prej gjashtë vendeve të Ballkanit Perëndimor. Ato e bëjnë Ballkanin Perëndimor në përgjithësi më interesant. Me procesin e Berlinit ne mbështesim prej vitesh këto përpjekje dhe kemi arritur shumë, si për shembull kemi krijuar organizatën rajonale të të rinjve RYCO, dhe praktikisht, kemi ulur tarifat për roaming.

Deutsche Welle: Ndërkohë që BE është e përçarë dhe e paralizuar kur bëhet fjalë për Ballkanin Perëndimor, duke humbur kështu besueshmërinë dhe forcën rrezatuese, SHBA është duke u bërë edhe më aktive. Ideja e këmbimit të territoreve midis Serbisë dhe Kosovës është kthyer në tavolinë. Çfarë është duke bërë Gjermania dhe Europa kundër kësaj, dhe si e vlerësoni ju angazhimin rus në rajon?

Heiko Maas: Bashkimi Europian mbështet perspektivën e një jete në liri, siguri dhe mirëqënie relative. Askush nuk ofron ndonjë model tjetër që të konkurojë këtë model. Krah kësaj, BE është donatori më i madh në rajon me miliardat e ndihmës që jep dhe infstrumentat e shumtë këshillues. Përveç nivelit europian, Gjermania angazhohet me shuma qindramilionëshe edhe në bashkëpunimin bilateral.

Sa i përket idesë së këmbimit të territoreve ose ndryshimit të kufijve midis Kosovës dhe Serbisë, ne nuk mendojmë se kjo kontribuon për stabilitetin në rajon. Ajo që mbështesim ne është rifiilimi i shpejtë i dialogut të ndërmjetësuar nga BE, duke pasur si synim një marrëveshje të gjithanshme që t’i mundësojë të dy vendeve afrimin me BE.

Ne dëshirojmë një bashkëpunim konstruktiv me Rusinë, edhe nëse kemi ndryshime pikëpamjesh. Ne e kuptojmë po ashtu se është e rëndësishme që të ruhen marrëdhëniet e mira dhe lidhjet kulturore. Kjo nuk është në kundërshtim me antarësimin në BE.

 

 

 

holanda.jpg
ger ta20:53 | 12/11/2019

Senati holandez ratifikoi pasditen e sotme protokollin për aderimin e Maqedonisë së Veriut në NATO. Lajmin e konfirmoi ministri i Punëve të Jashtme, Nikolla Dimitrov, përmes një postimi ne rrjetet sociale.

Ndërkaq, protokollin për në NATO do të duhet ta ratifikojnë edhe Franca dhe Spanja dhe pas kësaj Maqedonia e Veriut formalisht do të bëhet anëtarja e 30-të e plotfuqishme e Aleancës së Atlantikut Verior.

Ministrja e Mbrojtjes në Maqedoni, Radmilla Shekerinska deklaroi sot se pritet që deri në fund të nëntorit apo deri në Samitin e Londrës të përfundojë ratifikimi edhe në Francë, ndërsa mbetet vetëm ratifikimi në Spanjë, për të cilën vlerësime më të sakta do të mund të bëhen madje pasi të jetë e qartë qeveria e re.

“Sipas paralajmërimeve, seanca e parë e Parlamentit spanjoll do të jetë në fillim të dhjetorit. Secili spekulim tani, do të jetë vetëm spekulim. Me shumë kujdes i ndjekim ngjarjet, e dërgojmë vazhdimisht porosinë se për ne është shumë me rëndësi, por edhe për rajonin anëtarësimi ynë sa më i shpejtë”, deklaroi Shekerinska./abcnews.al

ministrja-mali-i-zi.jpg
ger ta20:29 | 12/11/2019

Mali i Zi refuzon nismën “mini Schengen” për vendet e Ballkanit të propozuar lidëri i Shqipërisë, Maqedonisë së Veriut dhe Serbisë.

Ministrja e ekonomisë së Malit të Zi, Dragica Sekulic ka thënë  të hënën se kjo nismë do të ishte një humbje energjie. Ajo tha se Mali i Zi është një anëtar i CEFTA, Marrëveshja e Tregtisë së Lirë të Evropës Qendrore, një iniciativë rajonale për vendet e Ballkanit Perëndimorqë garanton qarkullimin e lirë të njerëzve të mallrave.

“Unë i kuptoj nismëtarët. Këto janë vendet që, për shkak të barrierave të ndryshme tregtare që i kanë vendosur njëri-tjetrit, mund të ketë nevojë për një iniciativë të re për të premtuar përsëri se ata do të bëjnë atë që kemi bërë prej kohësh”, tha Sekulic për televizionin publik malazez.

Më tej ministrja ka shtuar se qytetarët malazezë tashmë po udhëtojnë duke përdorur kartat e tyre të identitetit si një dokument për të gjitha vendet e rajonit, përveç Kroacisë.

Kujtojmë se në një samit në Ohër në Maqedoninë e Veriut, dy ditë më parë më 10 nëntor, kryeministri Edi Rama, homologu i tij i Maqedonisë së Veriut Zoran Zaev dhe Presidenti serb Aleksandër Vuçiç ranë dakrod të punojnë së bashku për të hequr pengesat në lëvizjen e mallrave dhe njerëzve midis tre vendeve të Ballkanit. Po ashtu ata ftuan vendet e tjera të Ballkanit të bashkohen në këtë projekt.

Ndërkohë në këtë samit nuk mori pjesë Kosova. Presidenti i Kosovës, Hashim Thaçi reagoi duke thënë se nuk mund të merrte pjesë në një takim ku janë edhe shtete që nuk e njohin Kosovën të Pavarur. /abcnews.al

vucic-paris.jpg
ger ta18:56 | 12/11/2019

Presidenti i Serbisë Aleksandar Vuçiç tha pas takimit me homologun e tij francez Emmanuel Macron se BE do të hapë në mars negociatat me Shqipërinë dhe Maqedoninë e Veriut sepse frikësohet nga rezultatet e zgjedhjeve më 12 prill në Shkup.

Vuçiç theksoi nga Parisi se pret që negociatat për anëtarësim në BE me Maqedoninë e Veriut dhe Shqipërinë të hapen në muajin mars, nëse nuk pritet Samiti i Zagrebit në maj.

Presidenti serb tha pas takimit me homologun e tij francez Emanuel Macron se BE do ta bëjë në mars sepse frikësohet nga rezultatet e zgjedhjeve më 12 prill në Shkup.

“Ata nuk duan të jenë fajtor për mposhtjen e dikujt të cilit i kanë premtuar diçka që nuk e kanë bërë”.

Vuçiç, tha në samitin e Ohrit se do të lobonte tek Macron për Shqipërinë dhe Maqedoninë e Veriut./abcnews.al

 

maqedoni.jpg
in a15:58 | 12/11/2019

Në Maqedoninë e Veriut, ministria e brendshme planifikoi një ligj që kufizonte të drejtën e protestës, i cili u miratua nga qeveria e Zoran Zaev. Por pas reagimeve të ashpra nga opinioni publik, propozimet për ndryshimin e ligjit u tërhoqën.

Pushtetarët në Maqedoninë e Veriut kishin planifikuar amendimin e ligjit për tubime publike dhe sipas ndryshimeve të bëra nga ministria e brendshme dhe të miratuara në qeveri, ndaloheshin protestat para godinave të institucioneve dhe në hapësirën përreth tyre. Po kështu, tubimet duhet të mbaheshin nga ora 6 deri në orën 23, dhe në protesta duhet të merrnin pjesë të paktën 50 persona. Ndalohej gjithashtu dalja në protesta e njerëzve të maskuar për shkak se ishte i vështirë të bëhej identifikimi. Në bazë të këtij ligji organizatorët detyrohen ta kthejnë në gjendjen e mëparshme vendin ku është mbajtur protesta ose ta kompensojnë dëmin eventual. Kryeministri Zaev tha se nuk synon të kufizojë të drejtat e qytetarëve, por ndryshime do të ketë pas konsultimeve më të gjera.

Qeveria vendosi tërheqjen e projektligjit dhe tha se do të dëgjojë reagimet e qytetarëve, organizatave joqeveritare dhe në përputhje me këtë do të bëhen ndryshime, për t’u kalaur më pas në procedurën parlamentare.

E drejta e protestave është e garantuar me Kushtetutë. Ndërsa sipas ligjit të tanishëm protesta mund të bëhet edhe nga një grup me të paktën 20 protestues./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono