Rajoni

vu.jpg
in a10:07 | 24/02/2020

Serbia pritet të përballet këtë vit me një ultimatum për njohjen e pavarësisë së Kosovës

Presidenti i Serbisë, Aleksandër Vuçiç, në një intervistë për mediat serbe pohoi se këtë vit Serbia do të përballet me një ultimatum për çështjen e Kosovës. “E sigurt është se këtë vit para vetes do të kemi një ultimatum. Do të na japin garanci për anëtarësim në Bashkimin Evropian, nëse e njohim Kosovën”, deklaroi Vuçiç. Ai theksoi se tani e di se kush do të jetë  ndërmjetësues i BE në dialogun me Kosovën, por ende nuk mund ta thotë emrin e tij.

“Do të na propozojnë një zgjidhje, Plani i Ahtisarit plus. Do të na ofrojnë edhe një status të posaçëm për serbët e Kosovës në disa fusha. E pastaj, çfarë do të bëjmë ne?”, pyeti Vuçiç ndërsa theksoi: “Do ta pyesim popullin në referendum se çfarë mendon”.

koronavirus-1.jpg
Autor E09:27 | 24/02/2020

Në vetëm pak ditë, numri i të prekurve me koronavirus në Itali ka arritur në 152 raste (sipas përditësimeve të orëve fundit), më shumë se 90 në Lombardi, 25 në Veneto, por të dhënat pritet të rriten në orët e ardhshme.

Të premten në mëngjes, Italia u zgjua me një ëndërr të keqe: u shënua viktima e parë nga koronavirusi – Adriano Trevisan, 78 vjeç, vdiq në spitalin Schiavonia (Padova) pas 10 ditësh i shtruar. Deri më tani janë shënuar katër raste. Më i fundit, sot (e hënë).

Një rrufe në qiell të hapur, pak orë pas lajmit të rasteve të para të infeksioneve sekondare, domethënë kur personat infektohen nga të tjerë që vijnë nga vende të epidemisë në Kinë. Në 48 orë, Lombardia dhe Veneto e panë veten të blinduar, me shkolla, kinema, pishina etj., të mbyllura për të paktën një javë, me qëllim ndalimin e përhapjes së virusit.

Roli i spitaleve

Por përse dy rastet me koronavirus, ai në Veneto dhe ai në Lombardi, u përhapën kaq shpejt? “Pati një mungesë njohurish të punonjësve të sistemit të shëndetësisë, të cilët nuk ishin në gjendje të njohin menjëherë simptomat e virusit” – komentoi komisioneri i emergjencës, Angelo Borrelli.

Në spitalin e Codogno, ku u shtrua pacienti i parë, mbetën të infektuar të paktën edhe pesë mjekë dhe infermierë. Në spitalin e Dolo, ku u shtrua një pensionist nga Mira, mjeku, infermieri dhe një tjetër punonjës shëndetësor që e ndoqën rastin, rezultuan pozitiv ndaj Covid-19.

Në spitalin e Schiavonia, ku humbi jetën pacienti i parë, deri më tani nuk rezulton i prekur asnjë punonjës i spitalit, por ai do të zbrazet, pasi pacienti i ndier qëndroi aty për dhjetë ditë. Për të dy rastet e para që humbën jetën, nuk u dyshua për infektim nga koronavirusi. Pacientit të Schiavonia, iu bë testi pak orë para se të vdiste.

“Ka pasur situata në të cilat nuk kemi arritur të njohim menjëherë simptomat e virusit” – shtoi komisioneri i emergjencës, Angelo Borrelli, i cili theksoi se nuk ishte “faji” i mjekëve, por “vështirësia” për të identifikuar simptomat.

“Në Itali, një ose shumë njerëz infektohen nga ata që vijnë nga vende të epidemisë, më pas janë rastet e të infektuarve sekondarë, me të njëjtën kohë inkubacioni”– shpjegoi Walter Ricciardi, profesor i Higjienës dhe Shëndetit Publik në Universitetin Katolik ‘Sacro Cuore’ në Romë dhe anëtar i Këshillit Ekzekutiv të Organizatës Botërore të Shëndetësisë. “Ndër të tjera, kur infektohen mjekë do të thotë që nuk janë zbatuar rregullat e përshtatshme, duke qenë se virusi është shumë ngjitës”.

Koronavirusi nuk qarkullonte

Për më tepër, deri para pak ditësh, koronavirusi nuk qarkullonte në Itali. Asnjë prej pacientëve nuk kishte qenë kurrë në Kinë dhe as që kishte kontakte me persona të kthyer nga Kina.

“Manifestimet klinike të personave të shtruar ishin ato të gripit: nuk u mendua për koronavirus, thjesht për faktin sepse në Itali nuk ishte raportuar më parë, përveç dy turistëve kinezë të shtruar në Institutin Kombëtar për Sëmundje Infektive ‘Lazzaro Spallanzani’ në Romë” – shpjegon Fabrizio Pregliasco, virolog dhe studiues në Departamentin e Shkencave Biomjekësore për Shëndetin në Universitetin e Milanos.

As protokollet për mbrojtje të veçantë për mjekët që kujdesen për pacientë të sëmurë me grip nuk vihen në zbatim dhe kjo ka ndikuar në përshpejtimin e përhapjes së virusit, pasi punonjësit e sistemit shëndetësor nuk ishin të mbrojtur si duhet. “Mjekët dhe infermierët janë më shumë të rrezikuar ndaj infektimit, sepse kanë një afërsi më të madhe me pacientin, pikërisht për këtë ata duhet të zbatojnë rregulla strikte” – thotë mjeku virolog, Fabrizio Pregliasco.

Italia (thuajse) si Kina

Italia ka përjetuar të njëjtën situatë si Kina: u gjend përballë një virusi të ri. E vërtetë, në Itali flitej për koronavirusin prej një muaji, por deri para pak ditësh, nuk ishte shënuar asnjë rast dytësor.

“Ndryshimi është që Kina nguroi pak deri sa t’ia komunikonte botës ekzistencën e një virusi të ri, ndërsa Italia i vuri në dispozicion të dhënat menjëherë” – saktëson mjeku Pregliasco. Për koronavirusin, është bërë një screening “i thelluar, pikërisht për këtë numri i të prekurve është shfaqur shpejt” – shkruan zv.ministri i Shëndetësisë, Pierpaolo Sieri në një postim në Facebook.

Kërkuesi Fabrizio Pregliasco shton: “Nuk e përjashtoj faktin që edhe në vende të tjera të Europës të ketë po kaq raste sa në vendin tonë, edhe nëse nuk ka pasur raste serioze, mund të mos jenë kryer verifikime të sakta si te ne”.

albin-kurti-ne-kembe.jpg
ger ta16:31 | 23/02/2020

Kryeministri i Kosoves Albin Kurti ka postuar në rrjetet sociale disa fotografi, ku ka zbuluar se rrugën deri në zyrën e tij e ka bërë në këmbë ditën e sotme.

Reagimi i kryeministrit vjen pas incidentit që ndodhi me zevëndësin e tij Avdullah Hoti, i cili u qëllua me vezë në shenjë revolte për mos heqjen e taksës me Serbinë.

“Sot lëviza në këmbë nëpër qytet dhe shkova në zyrë pa makinë. Ambienti është jeta. Prandaj, le ta ruajmë. Sa herë është e mundur duhet ta shmangim lëvizjen me automjet”, ka shkruar Kurti.

Ai po ashtu ka kërkuar që të shmanget lëvizja me automjete, sa herë që është e mundur.

Ditën e djeshme teksa ishte duke ecur në rrugë, zëvendëskryeministri Avdullah Hoti, u sulmua me vezë nga disa qytetarë.

Kujtojmë se në ditët e fundit ndaj qeverisë së Kurtit janë shtuar presionet për heqjen e taksës, ndërkohë që numri 1 i qeverisë kosovare është shprehur se ajo do të pasohet me marrëdhënie reciprociteti./abcnews.al

italia.jpg
ger ta12:32 | 23/02/2020

Numri i të prekurve nga koronavirusi po rritet frikshëm në Itali. Mediat italiane raportojnë në këto momente se numri i të infektuarve ka shkuar në 132 persona, në pesë rajone.

Ndërkohë, 26 prej të prekurve janë nën terapi intensive. 90 prej të infektuarve janë në Lombardi, 25 në Veneto, 2 në Emilia Romagna, 2 në Lazio (çifti i turistëve kinezë në Spallanzani) dhe një në Piemonte. Ndërkaq, ditën e djeshme u shënuan dy viktimat e para të virusit vdekjeprurëa në vendin fqinj.

Italia është në gjendje alarmante, ndërsa në zonat më të prekura janë urdhëruar të mbyllen shkollat dhe instutucionet duke filluar nga dita e nesërme.

Janë mbi 50 mijë persona në karantinë në 11 komuna, të cilat janë izoluar./abcnews.al

 

policiajlenta.jpg
eri Ida12:24 | 23/02/2020

Tre persona kanë humbur jetën dhe 6 të tjerë kanë humbur jetën këtë të dielë në Kumanove, në Maqedoninë e Veriut si pasojë e shpërthimit të një bombole gaze.

Mediat vendase raportojnë se ngjarja e rëndë ka ndodhur në fshatin Rramali të Kumanovës, ku si pasojë e shpërthimit është shkatuar një zjarr i madh dhe si pasojë ka lënë 3 të vdekur.

Të plagosurit mësohet se janë transferuar në spitalin e Kumanovës, por për shkak të seriozitetit të plagëve do të dërgohen në Qendrën e Urgjencës në Shkup.

Ndërkohë deri më tani nuk ka asnjë informacion në lidhje me identitetin e viktimave dhe të të polagosurve. /abcnews.al

413694-mY5L9V60Ko.jpg
eri Ida09:40 | 23/02/2020

Ambasadorja e Kosovës në Amerikë, Vlora Çitaku la reaguar pas skandalit për njohjen e Kosovës nga Xhamajka.

Çitaku përmes një postimi në rrjetin social i është përgjigjur zëvendëskryeministrit, Haki Abazi, që përfshirë edhe Ambasadën në SHBA i ka quajtur si instrumente të Presidentit, në lidhje me lajmin e njohjes nga Xhamajka.

Ambasadorja në reagimin e saj thekson se Abazi si zv Kryeministër, nuk e ka kontaktuar që ta sqarojë situatën në fjalë, nëse nuk dëshiron të kontaktoi me mua, atëherë le ta kontaktojë Ministrinë e Punëve të Jashtme.

Reagimi i plotë:

Zëvendës Kryeministri i Kosovës, z.Haki Abazi qenka marrë pak me mua. Më paska quajtur mua dhe Ambasadën në SHBA instrumente në shërbim të Presidentit, e jo të Kosovës.

Nuk është hera e parë që z.Abazi merret me mua dhe shpif kundër meje. Nuk e kam kuptuar ende pse. Nuk i jam përgjigjur më herët sepse z.Abazi nuk ka mbajtur post publik dhe nuk ka pasur përgjegjësi publike.

Jam përmbajtur nga deklarimi publik lidhur me kaosin e shkaktuar rreth njohjes nga Xhamjaka sepse shumë palë të tjera janë të përfshira. Palë që ndodhen jashtë Kosovës. Do të ishte jo diplomatike, jo korrekte, dhe anti-kombëtare që unë sot, për ta mbrojtur veten, të zbuloj emra dhe detaje.

Çdo gjë do të sqarohet me kohë.

Zv Kryeministrit i them publikisht, meqë asnjëherë, si zv Kryeministër, nuk më ka kontaktuar që ta sqarojë situatën në fjalë, nëse nuk dëshiron të kontaktoi me mua, atëherë le ta kontaktojë Ministrinë e Punëve të Jashtme.

Për më tepër, është e ditur botërisht që unë jam emëruar Ambasadore përmes çelësit politik, njësoj si shumë Ambasadorë tjerë. Kjo nuk është shkelje apo diçka e jashtëzakonshme. Në fakt, është e rregulluar me ligj. Si Ambasadore, unë i kam shërbyer Kosovës. Kam punuar me nderë tërë jetën time. E tillë do të vazhdoj të jem.

Nuk do të lejojë që puna dhe mundi i kolegëve të mi të njolloset e të përbaltet. Është e frikshme kur institucionet baltosen për inate politike e personale.

Jam shumë krenare me punën e kolegëve të mi dhe asnjëherë nuk do të dorëzohem para shantazhit publik.

E kam thënë edhe më herët, të jem Ambasadore e Kosovës në Ëashington DC është nderi i jetës sime./abcnews.al

HOXCRlH801nWSc_2dGRF7VHWg2y74HIUpAKITzU2_6I.jpg
R D22:51 | 22/02/2020

Ambasadorja e Kosovës në Shtetet e Bashkuara të Amerikës, Vlora Çitaku ka reaguar disa ditë pas skandalit me njohjen e vendit nga Xhamajka. Presidenti i Kosovës, Thaçi ishte shprehur se për njohjen e Xhamajkes e kishte informuar nga Çitaku, por Xhamajka ka mohuar se ka njohur shtetin e Kosovës.

Reagimet në Kosovë kanë qenë të shumta, ndërsa sot Citaku ka vendosur të japë përgjigje.  Nëpërmjet një shkrimi në Facebook ajo shprehet se “çdo gjë do të sqarohet me kohë”. “Jam përmbajtur nga deklarimi publik lidhur me kaosin e shkaktuar rreth njohjes nga Xhamjaka sepse shumë palë të tjera janë të përfshira. Palë që ndodhen jashtë Kosovës. Do të ishte jo diplomatike, jo korrekte, dhe anti-kombëtare që unë sot, për ta mbrojtur veten, të zbuloj emra dhe detaje. Asnjëherë nuk do të dorëzohem para shantazhit publik”.

Reagimi i plotë

Zëvendës Kryeministri i Kosovës, z.Haki Abazi qenka marrë pak me mua. Më paska quajtur mua dhe Ambasadën në SHBA instrumente në shërbim të Presidentit, e jo të Kosovës.

Nuk është hera e parë që z.Abazi merret me mua dhe shpif kundër meje. Nuk e kam kuptuar ende pse. Nuk i jam përgjigjur më herët sepse z.Abazi nuk ka mbajtur post publik dhe nuk ka pasur përgjegjësi publike.

Jam përmbajtur nga deklarimi publik lidhur me kaosin e shkaktuar rreth njohjes nga Xhamjaka sepse shumë palë të tjera janë të përfshira. Palë që ndodhen jashtë Kosovës. Do të ishte jo diplomatike, jo korrekte, dhe anti-kombëtare që unë sot, për ta mbrojtur veten, të zbuloj emra dhe detaje.

Çdo gjë do të sqarohet me kohë.

Zv Kryeministrit i them publikisht, meqë asnjëherë, si zv Kryeministër, nuk më ka kontaktuar që ta sqarojë situatën në fjalë, nëse nuk dëshiron të kontaktoi me mua, atëherë le ta kontaktojë Ministrinë e Punëve të Jashtme.

Për më tepër, është e ditur botërisht që unë jam emëruar Ambasadore përmes çelësit politik, njësoj si shumë Ambasadorë tjerë. Kjo nuk është shkelje apo diçka e jashtëzakonshme. Në fakt, është e rregulluar me ligj. Si Ambasadore, unë i kam shërbyer Kosovës. Kam punuar me nderë tërë jetën time. E tillë do të vazhdoj të jem.

Nuk do të lejojë që puna dhe mundi i kolegëve të mi të njolloset e të përbaltet. Është e frikshme kur institucionet baltosen për inate politike e personale. Jam shumë krenare me punën e kolegëve të mi dhe asnjëherë nuk do të dorëzohem para shantazhit publik.

E kam thënë edhe më herët, të jem Ambasadore e Kosovës në Washington DC është nderi i jetës sime.

/abcnews.al

isa-mustafa-1.jpg
eri Ida18:38 | 22/02/2020

Kryetari Lidhjes Demokratike të Kosovës, Isa Mustafa ka deklaruar se asnjë tarifë dhe asnjë reciprocitet nuk matet me peshën e partneritetit, sidomos me SHBA-të, por dhe me BE-në.

Përmes një postimi në rrjein social Facebook, ai thekson se aktualisht vërehet qartë se procesit të dialogut po i japin dinamikë dhe fuqi të veçantë SHBA-të me personalitetin e fuqishëm të Ambasadorit Grenwll.

“Kosova, për bindjen time, ka nevojë të shfrytëzojë këtë situatë për të përmbyllur dialogun me Serbinë. SHBA-të kanë qenë lidere të pavarësisë së Kosovës. Thënë shkurt, asnjë tarifë dhe asnjë reciprocitet nuk matet me peshën e partneritetit, sidomos me SHBA-të, por dhe me BE-në. Për këto arsye, vlerësoj se Kosova duhet të heqë tarifën, në mirëbesim me SHBA-të dhe BE-në. Kosova duhet të njoftojë partnerët tanë për të gjitha pengesat ekonomike, tregtare dhe politike, të cilat në periudhën në vazhdim duhet t’i heqë Serbia dhe Bosnja dhe Hercegovina, në mënyrë që pengesat reciproke të jenë zero; Vendet e BE-së do të duhej të hiqnin “tarifën e izolimit të qytetarëve të Kosovës”, ka shkruar Mustafa në facebook./abcnews.al

188283.jpeg
eri Ida17:47 | 22/02/2020

Mirosllav Lajçak është propozuar të jetë përfaqësuesi i posaçëm i Bashkimit Evropian për të udhëhequr dialogun Kosovë-Serbi. Lajmi bëhet i ditur nga Radio Evropa e Lirë sipas burimeve diplomatike në Bruksel.

Shefi i politikës së Jashtme të BE-së, Joseph Borrell, u ka dorëzuar vendeve anëtare të BE-së emrin e Lajçak si përfaqësues i ardhshëm i bllokut, i cili para së gjithash do të merret me normalizimin e marrëdhënieve midis Kosovës dhe Serbisë, por edhe me çështje të tjera në rajon.

Propozimi formal i Lajçakut mësohet se ka qenë edhe arsyeja e bisedave telefonike që Borrell ka zhvilluar të premten me presidentin e Serbisë, Aleksandar Vuçic, presidentin e Kosovës, Hashim Thaçi, dhe kryeministrin e Kosovës, Albin Kurti.

Pritet që emërimi i Lajçak në detyrën e re të bëhet më 23 mars, në takimin e ministrave të Jashtëm të vendeve të Bashkimit Evropian. Lajçak vazhdon të kryejë funksionin e ministrit të Jashtëm të Sllovakisë dhe për tu emëruar si përfaqësues i posaçëm i BE ai duhet të marrë miratimin e të gjitha vendeve anëtare. Lajçak ka përvojë të gjatë në rajonin e Ballkanit. Ai ka qenë ambasador i Sllovakisë në Serbi dhe Mal të Zi. Pastaj është emëruar i dërguar evropian për referendumin për pavarësi të Malit të Zi dhe ka shërbyer si përfaqësues i lartë ndërkombëtar në Bosnje dhe Hercegovinë./abcnews.al

avdullah-1.png
eri Ida13:33 | 22/02/2020

Zëvendëskryeministri i Kosovës, Avdullah Hoti,  është qëlluar me vezë afër godinës së Qeverisë së Kosovës.

Përmes një video të shpërndarë në rrjetet sociale, shihet momenti kur zv.kryeministri Hoti sulmohet me vezë nga persona të panjohur, në momentin që ai ishte duke ecur në rrugën prapa ndërtesë së Qeverisë së Kosovës, i shoqëruar nga tre persona të tjerë.

“Taksën s’ban me hjek. Taksën s’ban me hjekë”, dëgjohet të thotë personi, që mendohet se ka hedhur vezët në drejtim të Hotit.

Hoti ka reaguar pas sulmit me vezë ku thekson se ata që e kanë sulmuar sot tentojnë të mbajnë Kosovën të izoluar, sipas tij vendi nuk është me i izoluar. Të izoluar janë vetëm ata që po japin urdhra të tillë.

Postimi i plotë:

Porositësit e veprimit të sotëm tentojnë ta mbajnë Kosovën të izoluar. Kosova më nuk është e izoluar. Të izoluar janë vetëm ata që po japin urdhra të tillë.

Shtëpia pa miq nuk mbahet. Qeveria e re, me LDK-në brenda si partner kyç, nuk bënë kompromis me miqësinë me SHBA-në.

Sinjalet e qarta nga Qeveria e re se krimi ekonomik, zhvatja dhe kapja e shtetit po marrin fund i kanë trishtuar ata që na kanë mbajtur të izoluar.

Ne nuk do të lejojmë që raportet me miqtë tanë të nëpërkëmbën për interesa elektorale.

Ne jemi të vendosur t`i japim vendit zgjidhje, bashkë me miqtë tanë./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono