Rajoni

zaev-2-1280x720.jpg
in a15:47 | 22/11/2019

Kryeministri i Maqedonisë së Veriut, Zoran Zaev uroi të premten në ditën e alfabetit të gjuhës shqipe, të vendosur në Kongresin e Manastirit, duke publikuar një video urimi për shqiptarët që shënojnë 22 Nëntorin, Ditës së Alfabetit të Gjuhës Shqipe.

“Së bashku rritemi, mësojmë, zhvillohemi, 111 vjet. Urime Dita e Alfabetit të Gjuhës Shqipe!”, thuhet në tekstin që shoqëron me video urimin e Zaev.

Ndërsa presidenti i Maqedonisë së Veriut, Stevo Pendarovski, tha në urimin e tij se 22 Nëntori është ditë e rëndësishme për popullin shqiptar, por edhe për gjithë Republikën e Maqedonisë së Veriut, meqë, në këtë datë të vitit 1908, intelektualët shqiptarë të Kongresit të Manastirit morën vendim për unifikimin e alfabetit shqip.

“Me këtë praktikisht u nxit ngritja politike, kulturore e arsimore e shqiptarëve. Duke e kremtuar këtë festë, ne si shoqëri bashkëkohore, multietnike dhe multikulturore i dëshmojmë angazhimet tona për ndërtim të një shoqërie për të gjithë, ashtu si edhe një të ardhme më të mirë e më të ndritshme për çdo qytetar tonin. Respektimi dhe vlerësimi i dallimeve ndërmjet vete janë ato që na afrojnë, bashkojnë dhe na bëjnë unikë në menaxhimin e sfidave”, tha Pendarovski.

Ndërsa deputeti i Bashkimit Demokratik për integrim, Artan Grubi, i cili është edhe propozues i ndryshimit dhe plotësimit të ligjit për çmime shtetërore që promovoi edhe një çmim shtetëror për festat kombëtare shqiptare të quajtur “22 nëntori”, theksoi se për herë të parë në Maqedoninë e Veriut, ndahet çmim shtetëror për një festë kombëtare siç është “22 nëntori”. Grubi tha se kombi nderohet me vepra duke theksuar që edhe Tirana dhe Prishtina ta shënojnë këtë datë siç e meriton, si vazhdimësi e Lidhjes së Prizrenit dhe lajmëtare e shpalljes së pavarësisë./abcnews.al

Pendarovski-Vucic-600x360.jpg
ger ta13:54 | 22/11/2019

Presidenti i Maqedonisë së Veriut, Stevo Pendarovksi, po zhvillon një vizitë zyrtare në Beograd, teksa është takuar mehomologun e tij, Aleksander Vuciç.

Në këtë takim është diskutuar edhe për iniciativën e “Minishgenit” për të cilën Pendarovski i ka thënë Vuçiçit se duhet ta përfshijë edhe Kosovën pa ia paragjykuar statusin.

“Do të ishte mirë sikur i gjithë Ballkani Perëndimor të ishte në “Shengenin e vogël” “, ka thënë Pendarovski.

Më tej presidenti maqedonas ka shtuar se një nismë e tillë duhet të përfshijë edhe Republikën e Kosovës.

“Nisma nuk i përfshinë gjashtë shtetet, kur them këtë nuk dua të ndërhyjë në raportet Beograd-Prishtinë, por mendoj që duhet gjetur një zgjidhje që Bosnja e Hercegovina dhe të tjerët t’i bashkohen kësaj iniciative. Vetëm në këtë mënyrë do të përfitojmë, pa e paragjykuar statusin e Kosovës”, ka thënë Pendarovski, teksa ka shtuar se çfarë vendosin Prishtina dhe Beogradi është punë e tyre./abcnews.al

partite-opozitare-1280x709.jpg
nev ila12:47 | 22/11/2019

Partitë dhe lëvizjet opozitare në Serbi kërkojnë dorëheqjen e presiudentit Vuçiç dhe te kabinetit të tij. Kërkesa u bë pasi Universiteti i Beogradit konfirmoi se ministri i Financave kishte bërë plagjiaturë doktoratën e tij.

Pasi rektorja e  Universitetit në Beograd, Ivanka Popoviç, konfirmoi se Ministri i Financave Sinisa Mali kishte bërë plagjiaturë doktoraturën e tij dhe se hapat e ardhshëm do të çonin në anulimin e disertacionit të doktoraturës së tij, shumë parti dhe lëvizje opozitare kërkuan dorëheqjen e ministrit, si dhe të gjithë qeverisë.

Partia e Re po kërkon publikisht që Mali të japë menjëherë dorëheqjen dhe që e gjithë qeveria serbe, si dhe presidenti serb, të bëjnë të njëjtën gjë.

Presidenti i lëvizjes “Së bashku për Serbinë”, Nebojsa Zelenovic, i kërkoi kryetares së Parlamentit serb, Maja Gojkovic, të caktojë një seancë të jashtëzakonshme brenda 24 orëve, në mënyrë që Ministri i Financave Sinisa Mali të mund të shkarkohej.

Presidenti i Aleancës për Serbinë, Janko Veselinovic, deklaroi se “e vetmja mundësi është që Mali dhe e gjithë qeveria të japin dorëheqjen”.

Presidenti i Lëvizjes së Qytetarëve të Lirë, Sergej Trifunovic, vlerësoi se vendimi i Komitetit të Etikës së Universitetit të Beogradit ishte përgjigja institucionale “më e fortë dhe më e rëndësishme” ndaj “rënies morale që ka përfshirë të gjitha segmentet e shoqërisë”./abcnews.al

aleksander-vucic-idro-1280x709.jpg
ger ta12:38 | 22/11/2019

Presidenti serb Aleksandar Vuçiç tha të premten se Beogradi nuk e armatosi ushtrinë ukrainase dhe se armët serbe nuk vranë separatistët pro-rusë në lindje të Ukrainës.

Vuçiç tha se autoritetet kishin hetuar rastin dhe se asnjë armë tokësore e llojit të treguar në foto nuk ishte dërguar në Ukrainë ose Emiratet e Bashkuara Arabe. Një pjesë e këtyre armatimeve të paraqitura është pjesë e një serie prej 15,000 armësh, që u shitën nga Tehnoremont, në pronësi të Peter Crnogorac, pronar i kompanisë CPR Impeks, ku deri dje punonte nëna e Obradovic, tha Vuciç, duke aluduar për nënën e personit që ka nxjerrë dëshmi dhe dokumenta në media për skandalin e armëve.

Ai shtoi se Tehnoremont kishte blerë 15,000 nga këto armatime dhe ia kishte shitur kompanisë polake përmes Qipros. Arms Ëatch e Bullgarisë raportoi se ushtria ukrainase përdori armë kontrabandë të prodhuara në Serbi gjatë luftës në Donbas dhe foli për përfshirjen e babait të Ministrit të Brendshëm serb Branko Stefanoviç në shitjen e armëve. Eksportuesi, sipas raportit, ishte një kompani private serbe GIM e përfaqësuar nga Branko Stefanovic, babai i ministrit të brendshëm serb./abcnews.al

 

kurti-mustafaa.jpg
ger ta07:36 | 22/11/2019

Kreu i Lëvizjes Vetëvendosje, Albin Kurti do të takohet sot me ish-kryeministrin Isa Mustafa. Takimi është konfimrmuar nga Kurti, ku mësohet se do të diskutohet mbi mundësitë e formalizmit të bashkëqeverisjes së ardhshme.

Duke mos i mohuar diskutimet për emërimin e presidentit pas dy viteve, Kurti tha se fokusi i bisedës mes tyre duhet të jetë tek karriget e zbrazëta, si kryeministri dhe kryetarit të Kuvendit që kanë mbetur pa përfaqësues.

Kandidati për kryeministër paralajmëroi se me LDK-në duhet të përshpejtojnë drejt formimit të qeverisë sepse brenda disa ditësh pritet edhe certifikimi i rezultateve dhe brenda 30 ditësh do të ftohet edhe seanca nga presidenti./abcnews.al

VUCIC-KOSOVA-MACRON-ABCM1T1.mpg_snapshot_00.09-1280x720.jpg
ent ela23:30 | 21/11/2019

Presidenti serb Aleksandër Vuçiç tha se video xhirimi ku shihet një agjent i shërbimit rus të zbulimit, duke i dhënë para një zyrtari të shërbimit serb të sigurisë, nuk është bërë nga Shërbimi Ushtarak serb i zbulimit.

Ky shërbim, sipas Vuçiç, ka qenë në dijeni për ngjarjen që ka ndodhur më 24 dhjetor të vitit 2018, kur shërbimi serb i sigurisë kishte siguruar të dhëna se në Zemun, diku rreth orës 18:00 nënkoloneli në pension me iniciale Z.K do të takohej me nënkolonelin rus Georgi Kleban, ndihmës i atasheut ushtarak rus në Serbi dhe që tashme nuk është më në territorin e Serbisë.

“Mund t’ju them se në disa raste kemi konstatuar dhe dokumentuar me foto e video takimet e nënkolonelit rus Georgi Kleban me pjesëtarët e ushtrisë serbe. Vetëm  për Georgi Klebanin janë dokumentuar 10 kontakte me tri burime konspirative dhe prej tyre, në tri raste, nënkoloneli Kleban u ka dhënë para pjesëtarëve të Ushtrisë së Serbisë. Por kemi video dhe foto të dokumentuara edhe për pjesëtarë të tjerë të shërbimit rus të sigurisë me pjesëtarët e strukturave ushtarake serbe. Kemi dokumente edhe për takime të agjentëve të tjerë me nëntë pjesëtarë të forcave tona të armatosura”.

Një ditë më parë presidenti serb kishte urdhëruar hetimin e video xhirimit, ndërsa të enjten takoi ambasadorin rus në Beograd, Aleksandër Bocan-Harchenko.

“I kam bërë pyetje sot, njeriut të jashtëzakonshëm, ambasadorit serioz të Federatës ruse, Alexandër Bocan Harchenkos; përse? Asgjë më shumë. Nuk kam parë kurrfarë logjike”.

Presidenti  serb ka theksuar se Serbia ka marrëdhënie shumë miqësore me Rusinë, duke nënvizuar mbështetjen e saj për integritetin e Serbisë, për pajisjen e ushtrisë së saj dhe mbështetjen në të gjitha organizatat ndërkombëtare.

“Jam bindur, të paktën kështu mendoj, se presidenti Putin nuk ka qenë i informuar për gjëra të tilla”.

Presidenti Vuçiç, tha se tërë kjo çfarë ka ndodhur e ka forcuar pozicionin politik të Serbisë e cila do të forcojë neutralitetin saj ushtarak. Serbia tha ai, nuk do të hyjë në NATO, por as në ndonjë aleancë tjetër ushtarake. Vuçiç pritet të udhëtojë në Moskë më 4 dhjetor për të takuar presidentin rus Vladimir Putin, takimi i tretë gjatë këtij viti. Por për momentin është e paqartë se çfarë ndikimi do të ketë ky skandal spiunazhi në marrëdhëniet ndërmjet të dyja vendeve. /abcnews.al

 

PENDAROVSKI-BEOGRAD-ABCM5T2.mpg_snapshot_00.03-1280x720.jpg
ent ela18:51 | 21/11/2019

Presidenti maqedonas Stevo Pendarovski fillon të premten një vizitë dy-ditore në Beograd, gjatë së cilës do të ketë një takim kokë më kokë në Pallatin Serbia me presidentin Vuçiç dhe më pas do të ketë takim plenar midis dy delegacioneve.

Presidenti i Republikës së Maqedonisë së veriut, Stevo Pendarovski do të vizitojë Beogradin të premten dhe të shtunën, ku do të pritet me nderimet më të larta shtetërore dhe ushtarake nga presidenti serb Aleksandar Vuçiç.

Pendarovski do të ketë një takim kokë më kokë të premten në Pallatin Serbia në Beograd me presidentin Vuçiç dhe më pas do të ketë takim plenar midis dy delegacioneve.  Presidenti Pendarovski do të takohet edhe me me kryeministren serbe, Ana Bërnabiq dhe kryetaren e Kuvendit të Serbisë, Maja Gojkoviq.

Pjesë e vizitës janë edhe takimet me kryetarin e Odës ekonomike të Serbisë, Marko Çadezh dhe afaristë serbë. Pendarovski do të marrë pjesë të shtunën në Forumin rajonal rinor në Novi Sad dhe do të flasë në panelin presidencial “Fjalimi i të rinjve para përfaqësuesve të pushtetit: prezantimi i dialogut politik para mijëvjeçarëve”, së bashku me presidentin serb, Vuçiç dhe presidentin slloven, Borut Pahor. /abcnews.al

vucic1.jpg
nev ila16:15 | 21/11/2019

Opozita në Serbi tha se presidenti Aleksandar Vuçiç dhe ministri i brendshëm Nebojsa Stefanoviç bëjnë deklarata kontradiktore në lidhje me çështjen e shitjes së armëve, në të cilën, ndërmjetës ka qenë vetë babai i ministrit të brendshëm.

Nënkryetarja e Partisë së Lirisë dhe Drejtësisë në Serbi, Marinika Tepiç reagoi të enjten në lidhje me çështjen e shitjes së armëve nga Serbia në vende të tjera, ku dyshohet të jenë të përfshirë zyrtarë të lartë të shtetit.

Tepic tha se Aleksandar Vuçiç dhe ministri i brendshëm Nebojsa Stefanoviç bëjnë deklarata aq kontradiktore saqë rezulton se ata mohojnë njëri-tjetrin dhe pothuaj akuzojnë njëri-tjetrin për gënjeshtra. Tepiç i tha edicionit të ri të së përjavshmes Vreme se kompania e përfaqësuar nga Branko Stefanovic, babai i ministrit të brendshëm, nuk mund të funksionojë pa firmën e MPB, që drejtohet nga djali i tij, Nebojsha Stefanovic.

Eshtë një shembull shkollor i korrupsionit, tha ajo duke shtuar se Presidenti serb Aleksandar Vucic “tani po përballet me gjithnjë e më shumë prova” dhe se këto nuk janë më pretendime, por fakte konkrete.

Ai nuk mund të mbrojë më atë që nuk mund të mbrohet, tha ajo, duke theksuar se Vucic riktheu sërish Slobodan Tesicin, tregtarin më të madh të armëve në listën e zezë të Kombeve të Bashkuara, të cilin ai personalisht e bën pjesë të delegacionit shtetëror.

Aleksandar Obradović, një ekspert elektronike, u arrestua në shtator të këtij viti i akuzuar për nxjerrje sekretesh tregtare sepse iu dha gazetarëve dokumenta që tregonin se kompania GIM, e lidhur me babanë e ministrit të brendshëm Stefanović, kishte blerë armatime me cmime të favorshme nga kompania Krušik.

Obradovic kishte thënë se ministria e mbrojtjes dhe presidenti Vucic kishin qenë të informuar lidhur me biznesin e dyshimtë të kompanisë Krušik. Mediat kishin raportuar më parë se Branko Stefanović, babai i ministrit Nebojsha Stefanovic, që kishte dalë zyrtarisht në pension, kishte qenë ndërmjetësi midis kompanisë Krušik dhe tregtarëve të armëve nga Arabia Saudite.

Në media janë botuar dokumenta që lidhin babain e ministrit të brendshëm me blerjen e minave nga fabrika Krušik me cmime të leverdishme.

Por në vend që të bëheshin hetime për mungesën e transparencës në eksportet e armëve serbe dhe përfshirjen e mundshme të zyrtarëve të lartë të shtetit, organet e sigurisë arrestuan Obradovićin, i cili po nxirrrte informacione dhe dokumenta për median në lidhje me këto raste./abcnews.al

refugjatet-greqi-1280x730.jpg
nev ila15:56 | 21/11/2019

Kampet e refugjatëve në ishujt grekë do të mbyllen shumë shpejt dhe refugjatët do të transferohen në qendra më të mëdha me një kapacitet maksimal prej 5 mijë personash. Vendimi është marrë nga qeveria greke, e cila paralajmëroi dhe masa të tjera urgjente për situatën e refugjatëve në vend.

Janë burgje në qiell të hapur të vendosura në pesë ishuj të Egjeut, shpesh në kushte të këqija higjenike, dhe gjithnjë me minimumin e shërbimeve kryespore. Por Greqia vendos të bëjë kthesën dhe paralajmëron mbylljen e kampeve më të mbipopulluara dhe cnjerëzore të refugjatëve.

Shembulli është ai i Moria-s në Lesbo: me një kapacitet prej tre mijë personash, pork u aktualisht jetojnë 15 mijë refugjatë.

Zv/ministri grek i mbrojtjes Stefanis gjatë deklaratës për mediat, u ka treguar gazetarëve hartën e vendit ku ndodhet kampi i mbipopulluar ku sipas tij qëndrojnë rreth 17 mijë refugjatë. Sipas tij objektivi është krijimi i një qendre më të madhe dhe më të përshtatshme, me një kapacitet prej pesë mijë personash.

Në fakt qendrat e reja do të presin nga një mijë deri në 5 mijë persona dhe do të zëvendësojnë kampet e hapura si Moria dhe Vathi. Qendra e parë do të jetë ajo në Samos. 20 mijë refugjatë do të transferohen shumë shpejt nga ishujt, në qendra.

Ndërkohë qeveria greke po përgatit një sërë masash mbështetëse për pesë ishujt, ku ndodhen kampet: mes tyre dhe shtyrjen e reduktimit të taksave deri në vitin 2020.

Qeveria greke deklaron se do të realizojë planin e qendrave të mbyllura për të shmangur faktin që emigrantët të largohen fshehurazi nga kampet.

Në mënyrë më të përgjithshme, politika e re e emigracionit e ekzekutivit konservator parashikon krijimin e një agjencie të vetme për kontrollin e kufijve dhe një linjë më të ashpër për dhënien e azilit.

Në Lesbo seli e kampit Moria, banorët shprehen të shqetësuar dhe kërkojnë që emigrantët të transferohen sa më shpejt. Ata janë skeptikë përballë deklaratave të qeverisë por dhe të lehtësuar me idenë. Por me flukset e emigrantëve që vijnë nga Turqia në vazhdimësi, janë të shumtë ata që mendojnë se masat duhet të jenë më urgjente./abcnews.al

albin-kurti-isa-mustafa.jpg
nev ila14:53 | 21/11/2019

Lideri i Lëvizjes Vetëvendosje, Albin Kurti ka konfirmuar se do të takohet të premten me kryetarin e Lidhjes Demokratike të Kosovës, Isa Mustafa. Kurti theksoi se në takim do të diskutohet për çështjet e mbetura hapur rreth idesë për planin qeverisës.

Kandidati për kryeministër theksoi se nuk ka kohë për të humbur sepse certifikimi i rezultateve të zgjedhjeve të 6 tetorit do të bëhet javën që vjen. Ai komentoi edhe deklaratat e LDK-së se posti i kryeministrit është i barabartë me 6 apo më shumë ministri duke thënë se diçka e tillë nuk qëndron dhe se populli i Kosovës e ka zgjedhur atë kryeministër me votën e tij./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono