Politikë

KRONIKE-RAMA-MANASTIRLIU-GJIKNURI-BAMIRESI.mpg_snapshot_00.35-1280x720.jpg
G. P.13:31 | 11/11/2018

Kryeministri Edi Rama, ministrja Manastirliu dhe Damian Gjiknuri kanë vizituar një familje të varfër në fshatin Vajzë të Vlorës, të cilët sot gëzojnë një shtëpi të re.

Një kryeministër dhe dy ministra bamirës vizituan shtëpinë e rindërtuar të një familjeje të varfër në fshatin Vajzë të Vlorës.

Shefi i qeverisë Rama, ministrja e shëndetësisë Manastirliu dhe ai i energjisë dhe infrastrkuturës Damian Gjiknuri uruan familjen për shtëpinë e re. Bamirësia nuk mbaroi këtu. Furnizimi me energji elektrike dhe mundësimii kurseve profesionale për marrjene zanatit për djemtë e familjes, ishin pjesë e paketës dhuruar kësaj familjeje.

“Shtëpia është shumë e izoluar nga pjesa tjetër. U bë një linjë e dedikuar që nuk ishte më parë, por ja që u zgjidh”.

Pamjet u shpërndanë nga zyra e medias pranë kryeministrisë./abcnews.al

SINKRON-SALIANJI-PER-DAKON.mpg_snapshot_00.52-1280x720.jpg
G. P.12:12 | 11/11/2018

Demokratët kanë vijuar thirrjen e tyre për arrestimin e menjëhershëm të kryebashkiakut të Durrësit Vangjush Dako, bazuar në përgjjimjet e prokurorisë, thekson Salianji, sipas të cilit çdo ditë që Dako është në liri ai e përdor për manipulim dhe shkatërrim provash.

Ervin Slianji, deputet i PD: “Dosja 339 ka faktuar përtej çdo dyshimi se Vangjush Dako, në bashkëpunim me bandën e Abdylajve ka kryer krim elektoral të blerjes së votave në qarkun e Durrësit. Përgjimet e dosjes 339, një prej të cilave daton në shkurt të vitit 2017, provuan se Vangjush Dako ka qenë në komunikim të vzahdueshëm me trafikantët ndërkombëtarë të drogës para, gjatë dhe as zgjedhjeve. Duke i shkëmbyer më pasuri, pushtet dhe favore votat e blera për pushtetin ilegjitim të Edi Ramës. Duke u angazhuar në zgjedhje, krimi përfiton në mënyrë të drejtpërdrejtë vijimin e aktivitetit kriminal të pashqetësuar nga shteti. Kjo provohet kur një anëtar i bandës i kërkon Vangjush Dakos të ndërhyjë për të larguar FNSH-në, kjo e faktuar edhe për publikun nëpërmjet përgjimeve të bëra nga prokuroria. Krimi përfiton favorë në zyrat e shtetit, leje e licensa publike, regjistrime pronash të paluajtshme njësoj siç ka ndodhur në Durrës. Faktet e krimit elektoral të Vangjush Dakos janë të qarta dhe për këtë krim ai sot duhet të jetë në burg. Vangjush Dako duhet të arrestohet menjëherë dhe pa vonesë. Çdo ditë në liri ai shkatërron dhe manipulon provat, manipulon dëshmitarë i ndihmuar plotësisht nga kryeministri Edi Rama.”/abcnews.al

edi-raamaaaa.png
G. P.22:14 | 10/11/2018

Investimet në infrastukturë për vitin e ardhshëm kreu i qeverisë zgjodhi t’i artikulojë nga Vlora, qytet në të cilin priten nisjet e punimeve për aeroportin vitin e ardhshëm si dhe një sërë investimesh.

Kryeministri Rama zhvilloi një takim me qytetarët për buxhetin e vitit të ardhshëm sa i përket infrastrkuturës, në qytetin bregdetar të Vlorës, përzgjedhjen e të cilit e argumentoi ministri i Energjisë dhe Infrastrukturës, Damian Gjiknuri.

Metoda e përdorur, ajo e Partneritetit Publik Privat, nuk ka asgjë të keqe tha Gjiknuri, i cili i parapriu një shpjegimi të kryeminsitrit për procedurën. Këtë, nuk e konsideron si borxh lënë brezave të ardhshëm kreu i qeverisë Rama.

“Deri në vitin 2013, buxheti i shtetit mbështetej tek borxhi i jashtëm. Ndërkohë që sot, ne kemi një buxhet, i cili nuk bazohet mbi asnjë qindarkë borxh, që do të thotë se gjithçka që ne do të vazhdojmë të ndërtojmë nuk do të ndodhë duke ia lënë si barrë fëmijëve tanë”.

I parashikuar përmes një kontrate të tillë është aeroporti i Vlorës.

“Kemi pasur një negociatë të vështirë për të finalizuar kontratën për aeroportin e Vlorës, por, siç u tha këtu, unë e përsëris, në të gjitha rastet, vitin e ardhshëm do të fillojmë ndërtimin e Aeroportit të Vlorës”.

Buxheti 2019 parashikon edhe rrugën Orikum-Llogara, ku i mbetet ministrit mbajtja e një zotimi të premtuar prej vitesh sipas Ramës.

“Tuneli i Llogarasë ka të paktën 30 vjet, në mos gabohem, që premtohet dhe është koha që tunelin ta bëjmë realitet”!

Buxheti 2019 gjeti hapësirë edhe për çka prej 30 vitesh ishte e pamendueshme për kreun e qeverisë. 

Kemi për herë të parë, mbas 30 vitesh buxhet për hekurudhat, jo për të mbajtur në punë njerëz që thonë punoj në hekurudhë dhe hekurudhë nuk ka, por për të ndërtuar hekurudhë. Hekurudhën e re të shpejtësisë së lartë, Tiranë – Rinas – Durrës do ta fillojmë vitin e ardhshëm dhe do të rindërtojmë plotësisht linjën Fier – Vlorë të hekurudhës, që do të lehtësojë shumë edhe bizneset në portin e Vlorës.

Ka përfunduar edhe rilidhja e kontratës për by-passin e Fierit thekson Rama, duke premtuar se traseja do të jetë e hapur deri në sezonin e ardhshëm. E gjithçka lidhet ngushtësisht me situatën ku e gjeti vendin pesë vjet më parë, sipas kryeministrit, i cili më herët gjatë ditës inspektoi ecurinë e punimeve në rrugën Kardhiq – Delvinë./abcnews.al

eleni.png
G. P.21:29 | 10/11/2018

Eurodeputetja Eleni Theoharus ka reaguar pas shpalljes person “non grata” në Shqipëri, duke e quajtur këtë një titull nderi. Ajo ka shtuar se do të vijojë që të mbështesë atë që ajo e quan “Vorio-Epir”.

Ata nuk mund të zbehin rezistencën time, apo pasionin tim për të drejtat e njeriut dhe ruajtjen e Vorio Epirit”, tha eurodeputetja qipriote.

Gjithashtu Theoharus bën të ditur se do të flasë për vrasjen e Kaçifas në Parlamentin Europian ditën e hënë./abcnews.al

oerd-bylykbashi.png
G. P.18:57 | 10/11/2018

Deputetët  e PD-së Oerd Bylykbashi, Ervin Salianji dhe këshilltari ligjor i PD Gazment Bardhi, zhvilluan sot një takim me pedagogë e studentë të Universitetit të Shkodrës, në një leksion të hapur për platformën e PD-së për vettigun në politikë dhe çlirimin e ekonomisë nga krimi. Deputeti Oerd Bylykbashi vuri në dukje nevojën për dekriminalizimin e zgjedhjeve përmes vettingut në politikë.

Ndërsa deputeti Gazment Bardhi u fokusua tek papërgjegjshmëria e qeverisë me paratë e buxhetit të shtetit dhe nevojën urgjente për pastrimin e ekonomisë nga oligarkia dhe korrupsioni.Ai theksoi se ky ligj është në interesin e çdo shqiptari për shkak se paratë e përfituara në mënyrë korruptive dhe klienteliste do të kthehen atje ku e kanë vendin: në buxhetin e shtetit për t’u përdorur për investime. Kurse deputeti Ervin Salianji tha para studentëve se zgjedhjet janë në dorë të krimit, sepse Edi Rama ka bërë marrëveshje me krimin./abcnews.al

edi-ramaaa1.png
G. P.15:18 | 10/11/2018

Ironia e një ditë më parë nuk e karakterizon më Presidentin e Republikës, Ilir Meta, një ditë më pas. Këtë e tregon reagimi i zëdhënësit të Presidentit të Republikës,Tedi Blushi në lidhje me propozimin e ri për emërimin e Sandër Lleshaj si Ministër i Brendshëm.

“Pas mbërritjes së propozimit, Presidenti i Republikës, Ilir Meta, ka nisur procesin e bashkëpunimit me institucionet përgjegjëse për të marrë përgjigje të qarta, të plota dhe shteruese ndaj të gjitha çështjeve për të cilat Presidenti nuk mundi të sqarohej herën e parë pavarësisht nga përpjekjet e tij të vazhdueshme për bashkëpunim”.

I menjëhershëm ka qenë edhe reagimi i Drejtorit të Komunikimit të Kryeministrit, Endri Fuga, i cili e përshëndet në emër të kreut të qeverisë, por edhe jep disa sqarime mbi herën e parë të mosbindjes së Presidentit.

“Herën e parë Presidenti i Republikës nuk ka kërkuar asnjë lloj sqarimi nga Kryeministri, përkundrazi ka qenë Kryeministri që i ka kërkuar një takim sqarues Presidentit, pas letrës së dërguar nga ky i fundit për të shprehur refuzimin e paargumentuar të gjeneral Sandër Lleshit, si Ministër i Brendshëm, Kryeministri Edi Rama, e siguron opinionin publik se ditën e hënë, Presidenti Meta do të marrë përgjigje të qarta e të plota, lidhur me pyetjet e tij të dërguara shkresërisht”. 

Jo vetëm kaq, po në funksion të adresimit shterues të problemit, që Presidenti i Republikës nuk e ka ngritur si problem në bisedën me Kryeministrin, por e ka ngritur shkresërisht, në formë pyetësori drejtuar ministres së Mbrojtjes, vetëm të premten, Presidenti do të marrë bashkë me përgjigjet edhe një zgjidhje shteruese, e cila nuk lë më asnjë shteg për interpretime të asnjë lloji, për asnjë pale, e siguron kryeminstria presidencën.

Megjithatë besimi që karakterizon deklaratën e Drejtorit të Komunikimit të Kryeministrit te Presidenti i Republikës, nuk do të ketë asnjë arsye të lëkundet në bindjen e vet për respektimin e Kushtetutës dhe do ta dekretojë Ministrin e Brendshëm, për të ngjitur me sukses krisjen kushtetuese që ka sjellë e shtuna e shkuar. Në fakt kreu i qeverisë e paralajmëroi këtë reagim të presidentit që të premten. Këtë herë duket e vërtetë shprehja e kryeministrit Rama se politika është si një lojë shahu./abcnews.al

IMG_0935-1280x854.jpg
ent ela14:37 | 10/11/2018

Partia Demokratike ka akuzuar përsëri kryeministrin Edi Rama se po e mban të kyçur në sirtarët e Prokurorisë provën që çon në burg Vangjush Dakon, dosjen “339”.

Deputetja Albana Vokshi nëpërmjet një deklarate për shtyp kërkoi arrestimin e menjëhershëm të kryetarit të Bashkisë Durrës të cilin e cilësojnë autor të masakrës elektorale në qarkun e Durrësit, në bashkëpunim me bandat.

Albana Vokshi, deputete e PD

Dosja  “339” që Edi Rama po e mban te kyçur në sirtarët e Prokurorisë është prova që çon në burg Vangjush Dakon si autor i masakrës elektorale në qarkun e Durrësit, në bashkëpunim me bandat.

Përgjimet e dosjes 339 kanë faktuar se Vangjush Dako është në komunikim të vazhdueshëm me bandat para, gjatë dhe pas zgjedhjeve, duke shkëmbyer me pasuri dhe pushtet votat e blera për tepsinë e Edi Ramës.

Dosja “339-a” është faktimi i asaj  që panë  vëzhguesit ndërkombëtarë të zgjedhjeve, kur raportuan se vota në Shqipëri u ble, se qytetarët nuk votuan të lirë dhe votuesit u kërcënuan dhe u shtrënguan nga bandat, siç është rasti i Durrësit.

Faktet e krimit elektoral të Vangjush Dakos janë të qarta dhe për këtë krim ai duhet të jetë në burg!

Vangjush Dako duhet të arrestohet pa vonesë.

Çdo ditë në liri ai shkatërron prova dhe manipulon dëshmitarët, i ndihmuar plotësisht nga kryeministri i vendit Edi Rama.

Dosja “339” vërteton pa asnjë dyshim më :

  • Se Zgjedhjet e 2017-ës u blenë bashkë me krimin,
  • 10-15 deputetë u blenë nga krimi,
  • Se ky Parlament është i paligjshëm dhe
  • se Edi Rama është një kryeninistër i paligjshëm dhe provat për këtë Prokuroria i ka në dosjen “339”!

Në Shqipëri nuk ka për të patur as drejtësi, as luftë kundër krimit dhe asnjë zhvillim normal pa u ndëshkuar krimi elektoral që mban në pushtet qeverinë ilegjitime të Edi Ramës! /abcnews.al

Eleni-Theocharous..jpg
ent ela14:28 | 10/11/2018

Në një konferencë të jashtëzakonshme Ministria e Jashtme ka shpallur “non grata” eurodeputeten qipriote, Eleni Theoharos. Sipas këshilltarit për rajonin të ministrit Ditmir Bushati, mbështetur në procedurat diplomatike konsullore do të përcillet vendimi për të ndaluar hyrjen e mëtejshme në Shqipëri të eurodeputetes.

Ky vendim vjen pas reagimeve të eurodeputetes në rrjetin social “Twitter”. Pasi u shpallën të padëshiruar 52 shtetas grekë radhën e ka eurodeputetja qipriote, Eleni Theocharous. Vendimin e ka marrë qeveria shqiptare.

“Në bashkëveprim ndërinstitucional dhe pas vlerësimit të kryer nga institucionet e specializuara, Ministria për Evropën dhe Punët e Jashtme i propozoi Ministrisë së Brendshme shpalljen non grata (person i padëshirueshëm në Shqipëri) të eurodeputetes qipriote  Eleni Theocharous”.

Ministria e Brendshme referuar statusit politiko-diplomatik dhe angazhimit të saj në Parlamentin Evropian, pas vlerësimit dhe në mbështetje të propozimit të Ministrisë për Evropën dhe Punët e Jashtme, gjykuar në materialet referuese të administruara nga Ministria e Brendshme vendosi të miratojë kërkesën e Ministrisë së Jashtme.

“Ky vendim vjen si reagim i detyruar kushtetues e ligjor i institucioneve të Republikës së Shqipërisë, ndaj shfaqjeve të përsëritura ekstremiste të eurodeputetes Eleni Theocharous.  Prononcimet e saj që nxisin urrejtjen, cënimin e  rendit kushtetues të vendit tonë, ngritjen e pretendimeve territoriale ndaj Republikës së Shqipërisë, nuk do të mund të bëhen më në tokën shqiptare”.

Mbështetur në procedurat diplomatike dhe konsullore, Ministria për Evropën dhe Punët e Jashtme e Republikës së Shqipërisë do të përcjellë nëpërmjet kanaleve diplomatike vendimin për të ndaluar hyrjen e mëtejshme në Shqipëri të eurodeputetes qipriote, e cila nuk i ka kursyer sulmet dhe thirrjet kundër Shqipërisë dhe shtetit shqiptar./abcnews.al

presidenca.jpg
ent ela14:22 | 10/11/2018

Presidenca njoftoi sot se pas mbërritjes së propozimit të ri nga Kryeministri Rama për emërimin e Sandër Lleshaj si Ministër i Brendshëm, kreu i shtetit Ilir Meta ka nisur procesin e bashkëpunimit me institucionet përgjegjëse. Sipas njoftimit të Presidencës, ky bashkëpunim ka synim marrjen e përgjigjeve të qarta, të plota dhe shteruese ndaj të gjitha çështjeve për të cilat, Presidenti nuk mundi të sqarohej herën e parë, pavarësisht nga përpjekjet e tij të vazhdueshme për bashkëpunim.

“Lidhur me këtë proces të ri, Presidenti ka vendosur të informojë mbi kërkesat e tij edhe Kryetarin e Kuvendit, pasi procedura e emërimit të një ministri është proces bashkëpunimi i detyrueshëm e kushtetues midis tre institucioneve (Kryeministri, Presidenti, Kuvendi)”, thuhet në deklaratën për shtyp të Presidencës.

Presidenti Meta, -vëren sqarimi i Presidencës-, është i vendosur të përmbushë përgjegjësitë e tij kushtetuese me rigorozitet dhe brenda afateve kushtetuese, vetëm në interes të respektimit të Kushtetutës dhe forcimit të sigurisë kombëtare ku Ministria e Brendshme ka një rol kyç./abcnews.al

META-FRATINI.mpg_snapshot_00.14-1280x720.jpg
ent ela12:40 | 10/11/2018

Presidenti i Republikës, Ilir Meta me ftesë të Presidentit të Republikës Franceze, Emmanuel Macron,është nisur sot për një vizitë zyrtare në Francë ku do të marrë pjesë në Ceremoninë e 100-vjetorit të Armëpushimit të Luftës së Parë Botërore dhe në Forumin e Parisit për Paqen.

Në këtë Forum, do të jenë të pranishëm shumë kryetarë shtetesh e qeverie, zyrtarë të lartë të organizatave botërore dhe personalitete të politikës- njofton institucioni i Presidencës. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono