Politikë

petrit-vasili-lsi-1280x742.jpg
ger ta14:43 | 20/02/2020

Tryeza e sotme për Reformën Zgjedhore duket se është zhvilluar me debate. Në mbledhjen e sotme u diskutua për Kolegjin Zgjedhor Gjyqësor. Opozita ka parashtruar draftin që parashikon moratorium 4-vjeçar nga vettingu për gjyqtarët e zgjedhjeve.

Ndërkohë, ashtu siç u shpreh Oerd Bylykbashi se ky propozim u prit ashpër nga mazhoramca. Të njëjtën gjë pohon edhe përfaqësuesi i LSI në këtë tryezë.

Petrit Vasili, në një postim në rrjetet sociale shprehet se “Damian Gjiknuri provokon bllokimin e Reformes Zgjedhore”.

Komenti i Vasilit: 

Damian Gjiknuri provokon bllokimin e Reformes Zgjedhore!

Eshte e qarte qe Gjiknuri dhe Rama kane vetem nje mision te bllokojne reformen zgjedhore.

Gjiknuri kerkon te bllokoje tranparencen e votes se lire dhe te ndershme duke u fshehur pas pallavrave edramiste per reformen ne drejtesi dhe shashkave propagandistike bajate.

Gjiknuri kerkon te pengoje propozimet e opozites se bashkuar per reformen zgjedhore, per pastrimin e zgjedhjeve te ardhshme nga llumi i turpit te dosjes 184 dhe 339.

Gjiknuri e Rama si peng te “çunave problematike” te Dibres dhe te Shijakut kane vetem nje interes ate qe te bllokojne me cdo forme reformen zgjedhore.

Rilindja nuk e bllokon dot reformen zgjedhore edhe sikur ne vend te Gjiknurit te sjelle furgonin e “çunave problematike”.

/abcnews.al

bylykbasi.jpg
ger ta12:48 | 20/02/2020

Oerd Bylykbashi në një deklaratë për mediat ka zbardhur atë që është diskutuar në tryezën e Reformës Zgjedhore e cila u mbajt sot.

Bylykbashi sqaroi propozimin e opozitës për gjyqtarët, ndërsa tha se ky propozim hasi një reagim të fortë nga mazhoranca.

Sot opozita bëri propozimin e paketës tjetër në përputhje me kalendarin e  miratuar. Opozita ka prezantuar tashmë 6 paketa dhe do të ketë edhe një të shtatë. Propozimi i sotëm ishte shumë i rëndësishëm, është një element themelor, e drejta për t’ju drejtuar një gjykate të pavarur, që për fatin e keq të shqiptarëve jo vetëm që nuk u garantohen zgjedhje por u mohohet edhe e drejta për tu ankuar në një gjykatë të pavarur.  Kjo konstatohet edhe nga raporti i OSBE.

Duke qenë se është një rekomandim prioritar, duke qenë se pa një garanci gjyqësore procesi zgjehdor nuk mund të jetë kurrë një proces në përputhje me standartet demokartike, kjo paketë është telbësorepër të arritur kompromison. Pati një reagim shumë të fortë nga mazhoranca, e cila do të vazhdojë të kontrollojë mekanizmta ata sot kapin gjyqësorin dhe ushtrojnë presion. Ne këtë nuk do e lejojmë”, tha Bulykbashi.

Në mbledhjen e sotme u diskutua për Kolegjin Zgjedhor Gjyqësor. Opozita ka parashtruar draftin që parashikon moratorium 4-vjeçar nga vettingu për gjyqtarët e zgjedhjeve./abcnews.al

Screenshot_5-8.png
R D12:36 | 20/02/2020

PS nuk e pranon propozimin e PD-së për të pezulluar vettingun për gjyqtarët zgjedhorë. Në përfundim të mbledhjes së tryezës për reformën zgjedhore, Damian Gjiknuri u shpreh qartësisht kundër duke thënë se disa nga propozimet e opozitës duhet të rishikohen sepse nuk mund të japim imunitete duke cënuar parimet e drejtësisë dhe të reformës në drejtësi.

“Disa propozime kërkojnë rishkim sepse smund të rrëzojmë gjithë reformën në drejtësi me vendim “sui generis”, pra hallet politike nuk mund ti sjellim në tryezën e reformës”. Ne mund të pranojmë që pjesë e Kolegjit Zgjedhor të bëhen gjyqtarë që kanë kaluar vettingun, por s’mund të pranojmë moratorium për gjyqtarët që nuk e kanë kaluar këtë proces filtrimi, tha Gjiknuri.

Më tej bëri edhe një koment politik kur u pyet nëse është pranuar propozimi i opozitës për qeveri tranzitore 3 muaj para zgjedhjeve.

“Qeveria tranzitore s’ka diskutim që jo, atë që nuk arritën me luftë s’mund ta marrin në tavolinë. Pra smund të ketë qeveri kujdestare”, theksoi ai.

Nderkohë për deklaratat e Presidentit për shpërndarje parlamenti apo tubim më 2 mars, ai deklaroi se PD nuk ka pse të përfshihet në lojën e Presidentit.

“Unë besoj se PD është për të miratuar Kodin Zgjedhor në bashkëpunim me Ne dhe Kuvendin. Nëse vërtet kanë zgjedhur t’i kthehen insitucioneve s’kanë pse përfshihen në lojën e Presidentit”, tha ai. /abcnews.al

Lexo edhe reagimin e Bylykbashit pas Gjiknurit :Propozimi ynë hasi në reagim të fortë nga mazhoranca

basha-ballsh.jpg
ger ta11:56 | 20/02/2020

Kreu i PD, Lulzim Basha ka vizituar sot naftëtarët e Ballshit, të cilët prej katër ditësh vijojnë të jenë në grevë urie.

Në kuadër të fushatës “Po të dëgjoj”, Basha është zotuar para grevistëve se do bëjë gjithçka. Sipas Bashës, naftëtarët të cilët kërkojnë pagat e parpambetura janë tradhëtuar, dhe keqtrajtuar nga qeveria.

Mbështetje pa kusht për punëtorët dhe kërkesat e tyre! Ata janë tradhëtuar, dhe keqtrajtuar nga qeveria. Viktimat e Edi Rames janë njerëzit e thjeshtë, qytetarët e ndershëm shqiptarë që luftojnë për mbijetesë dhe një jetë normale.

Në këtë betejë unë dhe Partia Demokratike do jemi zëri juaj, do jemi mbështetja juaj. Beteja juaj është beteja e çdo shqiptari, ne do të na keni në krah deri në plotësimin e kërkesave tuaja të drejta. Ju jap fjalën se do t’i zhbëj të gjitha padrejtësitë ndaj jush.

#PoTëDëgjoj”, shkruan Basha.

/abcnews.al

 

tryeza-ref.jpg
ger ta11:14 | 20/02/2020

Ditën e sotme do të mblidhet tryeza politike për Reformën Zgjedhore. Në mbledhjen e sotme do të disktutohet për Kolegjin Zgjedhor Gjyqësor.

PD ka bërë edhe një draft që ka të bëjë me mënyrën  ndryshimit se si partitë politike do të bëjnë ankimime zgjedhore.

Gazetari Juxhin Mustafaraj raporton për Abc News se opozita ka parashtruar draftin që parashikon moratorium 4-vjeçar nga vettingu për gjyqtarët e zgjedhjeve.

Do të jenë një grup prej 15 gjyqtarësh ata që do të përbëjnë atë që do marrë emrin Kolegjin Zgjedhor Gjyqësor. Demokratët kanë kërkuar që këta gjyqtarë të mos jenë vetëm gjyqtarë nga Gjyakatat e Apelit, por edhe gjyqtarët nga gjykatat e shkallëve të para. Gjithashtu PD kërkon që këta gjyqtarë të mos jenë nën presionin e procesit të vettingut, pr të shqyrtojnë të lirë ankimimet zgjedhore që vijnë nga forcat politike.

PD do të sjellë atë që ka ndodhUr me gjyqtarët. Në zgjedhjet e fundit grupi i gjyqtarëve nga tetë u reduktua në gjashtë sepse një pjesë e tyre nuk kaluan vetingun. Dhe sipas PD kjo arsye i vë në presion gjyqtarët për të marrë vendime të drejta.

Ndërkohë përballë propozimit teknik të PD, ka edhe një tjetër propozim që vjen nga PS. Sipas eskpertëve zgjedhorë të PS do të kërkohet që Komisioni Zgjedhor i Zgjedhjeve edhe nëse nuk do të ketë ankimime nga forat politike të bëjë një kampionim në një zonë të caktuar për të parë nëse procesi ka qenë korrekt./abcnews.al

 

lefter-maliqii.jpg
Autor E10:15 | 20/02/2020

Lefter Maliqi, deputet i Opozitës Parlamentare është radhitur krah Presidentit Meta në lidhje me protestën e thirrur më 2 mars. Në fjalën e mbajtur në Kuvend, Maliqi tha se do të ishte aty, por se ajo protestë duhet të finalizohej me largimin e Ramës nga pushteti.

Po ashtu ai i bën apel Policisë që gjatë këtij tubimi të ketë kujdes me gazin lotsjellës dhe të marrë shembullin e Policisë së vitit 1991, me rrëzimin e sistemit të diktaturës kur sot jemi dhe më 20 shkurt, datë që përkon me rrëzimin e bustit të Enver Hoxhës.

“Enveri kishte vetëm bllokimin e kufijve, dhe varfërimin e shqiptarëve. Kurse ky kryeministri jonë ka për qëllim edhe largimin e shqiptarëve. Do i përgjigjem nismës së studentëve të dhjetorit para teatrit, ashtu siç kam qenë në çdo protestë, për Anti- Shpifjen, Teatrin, apo dhe Astirin. Jemi në një luftë me krimin palë me qeverinë.

Të gjitha insittucionet janë të kapura, kryebashkiakët janë bërë drejtorë rajonalë, janë të gjithë të PS. Reforma në Drejtësi e ashtuquajt reformë, siç tha kryeministri që kërkuam mbështetjen e SHBA dhe BE, SPAK-u nuk po funksionon, krimi dhe korrupsioni, e patë dje në Elbasan se çfarë ndodhi me një vagabond që kërcënoi me jetë o tërhiq kallëzimin o të vras.

Kemi vrasje makabre në Shkodër, Vlorë, Elbasan, Berat, Lushnje. Nuk kemi drejtësi për viktimat e tërmetit, por edhe ky parlament është i kapur. Deputetët që nga nocioni për shkarkimin e Presidentit, dhe të gjitha nismat, edhe Anti- KÇK, Anti- Shpifjen, ndryshimet në Kodin Penal janë për të sulmuar dhe goditur opozitën si në Turqi apo Rusi.

Unë e mbështes Metën dhe i bëj thirrje të gjithë socialistëve, demorkatëve, dhe të jenë në 2 mars por mos jenë protesta me drita ndezur por të rrëzohet ky diktatori. E mbështes vetëm për një fakt Metën, që ishte student i dhjetorit edhe pse më vonë i shërbeu PS-së.

Të gjithë e dinë që po u kap Kushtetuta, do të njihen zgjedhjet moniste. Në këtë manifetim të madh i bëj thirrje Policisë së Shtetit, që është në një vetting fallco dhe kryetare e saj është një grua që e ka burrin oficer të thjeshtë.

Policia të përgjigjet si policia e 1991, të distancohet nga vendimet dhe thirrjet politike. Dhe kujdes me gazin lotsjellës. I bëj thirrje edhe atij policit të kombinatit që shet mend nën urdhërat e ministrit të brendshëm .

860 milion euro kredi janë taksat tona, shtëpitë do të bëhen, prandaj më 2 mars të gjithë socialistët, miqtë e mi, përkrahësit e vendit të jenë aty, ndërkombëtarët të ndërhyjnë dhe mos ketë konfrontim dhe vendi të shkojë në zgjedhje.

Meta ka qenë në grevë në vitin 1991 për sistemin, kurse sot këta bëjnë marrëveshje ende. Shqiptarët po ikin, në Rinas janë duke ikur, në kufi janë duke ikur, droga po lulëzon . Të dashur shqiptarë jemi në një ditë ku thërret qameti, mos e shikoni vendit të qetë. Ta rrëzojmë këtë diktator dhe t;ia lëmë propagandën disa ministrave kukulla që nuk kanë lidhje me PS”, tha Maliqi.

Meta shpalli protestën e 2 marsit si një angazhim publik për të mposhtur atë që ai e quajti grusht shteti nga maxhoranca. Kjo datë përkon me Besëlidhjen e Lezhës, e cila ndodhi më 2 mars 1444.

demi-ahmetaj.jpg
ger ta09:32 | 20/02/2020

Në studion “Abc-ja e mëgjeist” ishte i ftuar sot Pano Sako, eksperti i ekonomisë për të folur mbi donacionet për pasojat e tërmetit.

Ndërkohë, moderatori Enkel Demi e ka nisur me ironi bisedën në studio me Sakon, teksa e falenderoi këtë të fundit që pranoi të vinte.

Sipas Demit, personi përgjegjës për këtë situatë, ministri i Rindërtimit Arben Ahmetaj duhet të vijë edhe në studiot e televizioneve, ku pronari nuk është tifoz i qeverisë.

Ministri i Rindërtimit Arben Ahmetaj duhet të vijë në çdo lloj studio jo vetëm aty ku pronari është tifoz i qeverisë. Nejse ka thënë së ne kemi një plan për t’i thithur këro kreditë”, u shpreh Demi.

Ndërkohë edhe në fund të intervistës me Pano Sakon, Demi nuk u kursye me deklaratën e tij.

Teksa Sako tha se përfitimi i donacioneve nuk është mrekulli e qeverisë dhe se puna duhet të fillojë tani se si do thithen paratë, Demi u shpreh: “Unë ngaqë e ndjek shumë dhe ethshëm veprimtarinë e shkëlqyer të minsitrit të Rindërtimit zoti, Arben Ahmetaj thotë se është një mrekulli e kryetarit të qeverisë. Unë atë e besoj se merr vesh. Derisa thotë se është mrekulli e kryetarit të qeverisë është e padiskutueshme kjo. Uroj që ta bëjë zv.kryeministër siç e ka në plan se kështu mund të bëjnë një dyshe”. /abcnews.al

ilir-meta-2-mars.jpg
ger ta22:35 | 19/02/2020

Presidenti Ilir Meta ka publikuar pak minuta më parë një video me pamje nga aktivitete të ndryshe ku ai ka marrë pjesë gjatw detyrws si kryetar i shtetit.

‘Besëlidhje, Së bashku në 2 mars’, ky është hashatgu i videos, e shpërndarë nga zëdhënësi i Presidentit, Tedi Blushi.

Ndërkaq, në fund të videos, me këngën “Për ty atdhe” në sfond dëgjohet Meta teksa thotë se është Presidenti i të gjithë shqiptarëve dhe nuk duhet të provohet kokëfortësia e tij.

“Ky është atdheu i të gjithë shqiptarëve.  Është mirë të mos e provojë askush kokëfortësinë time për të mbrojtur interesat e vendit tim’, thotë Meta në fund të videos.

/abcnews.al

fatos-klosi.jpg
ger ta21:23 | 19/02/2020

Ish-kreu i SHISH, Fatos Klosi e ka cilësuar si të tepërt termin e lakuar së fundmi nga Presidenti Ilir Meta, “grusht shteti”.

I ftuar në “Byro Politike”, me Juli Xholaxhi, Sipas Klosi tha se Presidenti nuk duhet ta përdorë një term të tillë pasi nuk ka logjikë dhe në kujtesën e tij, Meta ka qenë e i qetë.

“Nuk e quaj grusht shteti, ka tone më të buta që mund t’i përdorte Presidenti. Ai e ka hallin të komunikojë direkt me popullin. Grusht shteti quhet gjë e madhe, por po ta shikosh nuk ka shumë logjikë. Unë di që sot pasdite presidenti i korrigjoi një çik gjërat tha do e bëjmë butë e butë. Këto të fundit grusht shteti janë të tepërta, më vjen e keq kam punuar shumë me të, e kam patur shef, nuk ka qenë kështu, ka qenë i qetë. Ndoshta ata dinë gjëra që unë nuk i di. S’mund të them që e ka gabim, por më duket e rëndë që sillet kështu”, tha Klosi. /abcnews.al

ulsi-manja-1280x688.jpg
ger ta21:06 | 19/02/2020

Zëdhënësi i Presidentit Ilir Meta, Tedi Blushi, ka paralajmëruar fakte edhe më tronditëse, se dosja  “184” e vjedhjes së votave në Dibër.

Blushi fton deputetin socialist, Ulsi Manja, të cilin e cilëson si zëdhënës të dosjes së Dibrës, të marrë nesër pjesë në konferencën për shtyp të Presidentit Meta.

Po ashtu, Blushi i bën me dije Manjës se Meta e pret nesër në Presidencë për t’i dëgjuar nga afër këshillat e tij.

Reagimi i Blushit:

Ftohet zëdhënësi i Dosjes së Dibrës të marrë pjesë nesër në konferencën e radhës për shtyp në Presidencë, e madje të bëjë pyetje dhe debat para gazetarëve, jo vetëm si kryetar i Komisionit të Ligjeve dhe lider i reformës në drejtësi, por dhe si filozof i paparë që u shfaq sot. Me qetësi dhe drejtësi!

Deri në 2 mars jemi të bindur se do bashkohesh me mbarë popullin kundër grushtit të shtetit. Se faktet e reja tronditëse do bëjnë të harrohet dhe Dosja 184. Presidenti të pret nesër në Presidencë, t’i dëgjojë këshillat e tua nga afër. Ai do të trajtojë me më shumë përulësi, se sa e trajtove ti në Komisionin Parlamentar. Të presim!

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono