Politikë

Edi-Rama-3-933x445.jpg
ent ela22:47 | 13/12/2018

Kryeministri Edi Rama ka folur mbrëmjen e së enjtes në “Opinion” për  herë të parë lidhur me skandalin me tenderin e lotit të parë të Unazës së Madhe ku është përfshirë kompania offshore “DH Albania”.

Që në momentin që ka dalë në një media i jemi drejtuar Ambasadës Amerikane, shtetit amerikan dhe i kemi kërkuar menjëherë të na informojë lidhur me autenticitetin e pretendimit dhe të na mundësojë nëpërmjet kanaleve zyrtare të dimë kush janë ata që fshihen pas këtij operacioni, me letra. Që t’i japim fund edhe asaj që thoni ju jo është Edi Rama, jo është Damian Gjiknuri.

Kryeministri shpjegoi se çfarë do të ndodhë edhe me fondin e garancisë që do të sekuestrohet.

Kemi filluar procedurën për të sekuestruar 2 milionë eurot e garancisë, të cilat do t’i kthejmë në një fond mbështetjeje për familjet në nevojë që dëmtohen nga investimet publike dhe ndërkohë kemi marrë avokat për të hartuar një kërkesë gjyqësore për dëmin moral. Janë të gjitha kapto masa që janë ndërmarrë. Tendera ku hyjnë kompani me firma të falsifikuara ka në të gjithë botën”. /tvklan.al

rama-marku-933x445.jpg
ent ela22:25 | 13/12/2018

Një debat me tone të larta është ai që po zhvillohet mbrëmjen e kësaj të enjteje në “Opinion” në Tv Klan, ku kryeministri Edi Rama u përplas me pedagogun Mark Marku.

Mark Marku: Nëse në një universitet publik, ti heq fondet, si mundet…

Edi Rama: Cilin fond?

Mark Marku: S’keni fond për pagat, 9 muaj paguan pagat. Ja pra pse s’duhet negociuar, sepse studentët e dinë këtë që nuk duhet negociuar me ata që nuk negociojnë vetëm mashtrojnë.

Edi Rama: Mbaj gojën, sepse jam këtu prezent, fjalën mashtrim përdore kur të mos jem unë këtu.

Mark Marku: Çfarë fjalë duhet të përdor?

Edi Rama: Përdor çfarë të duash. Fjalën mashtrim mos e përdor më.

Mark Marku: Mirë e lemë, që bëjnë propagandë gjithë kohës.

Edi Rama: Propaganda është opinion, mund ta thuash, është problemi yt. Ke opinionin tënd, thuaje. Ti fjalën mashtrim këtu në syrin tim nuk e thua.

Mark Marku: Mashtron more qeveria. E them dhe po ta thonë ata gjithë ditën.

Edi Rama: Jo nuk ma thua mua.

Mark Marku: Unë po ia them qeverisë time, ti je kryeministri këtu.

Edi Rama: Jo, unë nuk jam ti, jam ju sepse nuk ta kam dhënë këtë mundësinë që të flasësh me ti. /tvklan.al

Rama-2-933x445.jpg
ent ela21:45 | 13/12/2018

I vënë përballë rrëfimeve të studentëve në tre emisionet e fundit të “Opinion”, të cilët shpjegonin vuajtjet për të paguar tarifat e universiteteve, Kryeministri Edi Rama tha se edhe vajza e tyre kishte punuar recepsioniste për të paguar shpenzimet.

Blendi Fevziu: Studentët kanë hall, hall të mirëfilltë. 200 karrige për 270 studentë. Studenti i verbër që paguan 1.5 milionë, ndërkohë që ligji thotë se duhet ta ketë falas. Përse nuk ua plotëson kërkesat, përse i lë prej 8 ditësh para zyrës tuaj në të ftohtë? Prej dy netësh ndezin zjarr. Jeni prind vetë…

Edi Rama: Faleminderit që ma kujtove këtë dhe në fakt. Duke qenë prind vetë m’u kujtua që vajza jonë, kur shkoi për studime, punonte turn i tretë recepsioniste, për të mbuluar pjesën e shpenzimeve që i duheshin, sepse kështu nuk është këtu është kudo.

Rama foli mbrëmjen e së enjtes në emisionin “Opinion” në Tv Klan, ku ishte vënë përballë gazetarëve Mirela Milori, Robert Rakipllari, Andi Bejtja dhe Mark Marku. Në studio nuk kishte asnjë përfaqësi të studentëve.

Sipas studentëve, plotësimi i listës me 8 kërkesa është negociata e vetme me qeverinë, pasi ata nuk pranojnë të përfshihen në dialog pavarësisht ftesave të përsëritura të kryeministrit Edi Rama./tvklan.al

I-FTUAR-MENTORI-00001.mpg_snapshot_20.37-1280x720.jpg
G. P.18:09 | 13/12/2018

I ftuar në studion e ABC News me gazetaren Juli Xhokaxhi ishte drejtori i Klan Plus Mentor Kikia. Një reagim mbi diskutimin e kryeministrit Edi Rama në takimin me rektorët dhe dekanët e universiteteve.

Kikia: “Kryeministri sot ka vlerësuar realisht pozicionin në të cilin ndodhet marrëdhënia e qeverisë me instuticionin e protestës. Mund të ketë pasur një shpresë në zbehjen e protestës. Por rrjedha që mori sot, tashmë kërkon një zgjidhje. Këtu Rama ka menduar realisht se si të zgjidhë 8 kërkesat dhe si të dalë vetë nga kjo histori. Rama po mendon se cili do të jetë fundi i kësaj historie dhe për këtë aryse iu drejtua kryeministrave të universitetevet. Ai ka një të drejtë të madhe se ata rektorë janë përgjegjës për menaxhimin e universiteteve.”

I pyetur nga gazetarja Xhokaxhi nëse është e drejtë të paralajmërohet heqja e autonomisë, Kikia u shpreh se deri më tani ka patur një mungesë vëmendjeje për të menaxhuar universitetit.

“Iu referua mungesës së vëmendjes për të menaxhuar universitetin në kërkimin shkencor. Shqipëria është i vetmi vend në Europë që nuk ka asnjë vend për kërkime shkencore. Kjo që nisi kryeministri është vetëm 1% e të vërtetës së madhe, por ai është fajtori i kësaj. Ligji është shumë i mirë sepse është marrë nga realitete gjermane, por që nuk mund të bëhet këtu.”

Së fundi Kikia tregoi që vettingu ndërmjet pedagogëve nuk ka nisur dhe se tashmë ekziston një konflikt institucional.

“S’ka nisur asnjë gjë. Ajo që po ndodh me univeristetin është një tregues shumë i madh i problemeve. Mendoj se tani konflikti është futur në një konflikt institucional mes protestueve dhe qeverisë.”/abcnews.al

edi-ramaaaaaa.jpg
ent ela17:50 | 13/12/2018

“Protesta do mbarojë një ditë, studentët do kthehen në gjendje normale, kurse mua sa të jem kryeministër do më keni protestues”. Kështu ju drejtua kryeministri Edi Rama rektorëve dhe dekanëve të mbledhur pasditen e sotme në lidhje me protestën e studentëve.

“Protesta do mbarojë një ditë, studentët do kthehen në gjendjen normale kurse mua sa të jem kryeministër do më keni protestues, sepse nëse mundësitë janë të kufizuara të gjithë kuptojmë, por nëse ti brenda mundësive loz, nëse për 5 lekë nuk bën dot punë 500 lekë, po nëse 4 lekë i çon lumë, askush nuk të merr vesh.

Nuk do vazhdojë më kështu midis të qenit i tërhequr, përballë mureve të larta të universiteteve dhe rrezikut, unë do zgjedh të luftoj me rrezikun, ju kërkoj të mos fshiheni më”.

Por Kryeministri theksoi se pas kësaj proteste universiteti nuk mund të jetë më siç ishte.

“Për shkak të reputacionit mizerabël të një stafi pedagogjik ju po merrni hijen e fajtorit padrejtësisht për shumë nga ju, por ajo që u them është mos të fshiheni universiteti nuk mund të jetë më siç ishte pas kësaj dhe këtë do ta bëjmë së bashku”.

Për kreun e qeverisë u desh protesta që ai të njihej me problemet e studentëve të verbër, ndërsa theksoi që 8 kërkesat e tyre janë parathënie e një libri shumë të ngatërruar.

“Çfarë jeni ju kryetarë komunash që shfrytëzojnë buxhetet për të punësuar, çfarë do më thoni. Nëse u ka kërkuar ministria apo unë?

Një mijë e ca rroga dhe dalin të verbërit dhe nuk është ngrit ky problem asnjeherë, u desh protesta që të mësoja se studentët e verbër s’kanë gjënë minimale. Nuk dua të zgjatem, por dua të them që për mua 8 pikat e ngritura janë vetëm parathënie e një libri që është shumë i ngatërruar dhe duhet korrigjuar i gjithi . Gjithçka dhe gjithkush nga ana e qeverisë që ka pasur lidhje me arsmin e lartë ka përgjegjësi. Nuk jam unë që duhet t’ju them juve sa përgjegjësi keni jeni ju që duhet të nxirrni përgjegjësinë. Unë nuk jam më ai që isha përpara kësaj historie në rpaort me universitetin”./abcnews.al

 

 

 

rama-rektore.jpg
ent ela17:26 | 13/12/2018

Kryeministri Edi Rama ka mbledhur rektorët dhe dekanët e universiteteve në lidhje me 8 kërkesat e studentëve protestues. Me tone kritike dhe llogaridhënieje kreu i qeverisë tha se duhet të rishikohet ligji për autonominë universitare, ndërsa akuzoi rektorin e univetrsitetit të Tiranës se është arratisur nga përgjegjësia e ligjit.

“Por nëse ka ardhur dita që ju të fshiheni kur duhet të dilni ju përballë universiteteve për çështje që kanë të bëjnë me universitetin. Nëse ka ardhur dita që ju të shkelni syrin dhe të mbyllni dyer dhe nëse për llogari të partive të nxisni studentët në rrugë dhe t’ia lini rrugës fatin e studentëve, jo në marrëdhënien e protestuesve e qeverisë, por në marrjen e përgjegjësive, ku situata është shumë e qartë, atëherë më falni por duhet ta rishikojmë autonominë universitare, mbase ishte e parakohshme ose e nxituar, që e bën rektorin, dekanin të pakrekshëm nga qeveria”.

Sipas Ramës autonomia univeristare është bërë arratisje nga përgjegjësia e universiteteve dhe këtu kreu i qeverisë përmendi rektorin e universitetit të Tiranës, që sipas tij ka bllokuar disa dekanate për tendera.

“Autonomia universitare është bërë arratisje nga përgjegjësia e universiteteve. Kur mendoj që rektori i universitetit është i arratisur nga përgjegjësia dhe nuk është i vetëdijshëm që ka bllokuar disa dekanate, për tendera, kjo mua më shpëton nga kapaciteti për të kuptuar se ku jetoj. S’kam asnjë arsye të akuzoj dhe ngarkoj me përgjegjësi që nuk i ka, por konstatoj me keqardhje që Rektori i Universitetit të Tiranës nuk ka kuptuar ligjin për arsimin e lartë dhe 6 milionë euro për roje sigurie dhe zero për kërkim shkencor. Zëri kryesor në buxhete është automjete dhe orendi për zyra. Kam parë specifikim nga një universitet ku dekani kërkon veturë 76 mijë euro”.

Kryeministri ia faturoi univerisitetve përgjegjësinë për tarifat studimore dhe ju këkroi që tq përballen me studentët për çështjet që kanë të bëjnë me Universitetin.

“Por që të çohen në protestë dhe të kërkojnë buletinin e buxheteve online është fundi. Dhe kjo të rreshtohet te kërkesat e qeverisë, kjo nuk është A, por kjo është e para gjë që i bëhet fëmijës kur vjen në jetë. Ja sesi janë buxhetet, disa i kanë, por fakti është që njerëzit, studentët nuk i dinë. Pa thënë këto mos thoni se kam ardhur të shkarkoj përgjegjësi të qeverisë, por në leximine tim, protesta e studentëve është shuplakë për qeverinë, grusht për opozitën dhe shpresë për opinionin publik. Se çfarë për ju do ta gjeni vetë se s’më takon mua të them, por me siguri, është për ju diçka, dhe hap pas hapi do shikoni që kjo protestë lidhet drejpërdrejt me ju, me universitetet.

Tarfifat janë përgjejgësi e universiteteve, për t’i propozuar dhe përgjegjësi e qeverisë për t’i pranuar. Si ka mundësi që sot studentët nuk e dinë se çfarë janë tarifat, dhe nuk e dinë fare se nga burojnë tarifat. Çfarë ju kushton që senati akademik të funksionojë në fuqi të plotë me komptenca të plota që i jep ligji për arsimin e lartë”. /abcnews.al

 

BALLA-PER-TENDERIN-E-UNAZES-1280x720.jpg
ent ela16:50 | 13/12/2018

Duhet të vendoset një filtër që të kontrollojë rreptësisht kompanitë dhe proceduart që ndjekin për të marrë një tjetër. Këtë sugjerim ka bërë kryetari i grupit parlamentar socialist në emër të ligjvënësve. Ai kërkoi që prokuroria t’i shkojë deri në fund hetimit.

I thanë po deputetët e mazhorancës ndryshimeve në ligjin për prokurimin publik, por nuk mjafton për të shmangur depërtimet siç i quajti Taulant Balla kompanitë fantazëm që marrin paratë e taksapaguesve shqiptarë.

“Ne si ligjvënës na takon që të heqim sa më shumë filtrin për të garantuar ofertuesin më të mirë, por edhe cilësinë më të mirë të punëve publike”.

Kryetari i grupit Parlamentar Socialist nuk u ndal gjatë në dy tenderat që i dhanë nëpërmjet falsifikimit të dokumentave 30 milionë euro kompanisë DH Albania.Por sqaroi se praktikat korruptive kanë vite që grabisin taksat e shqiptarëve.

“Mbaj mend rreth 15-20 vite më parë një kompani turke “Behase” e la Peqinin e Rrogozhinën pa rrugë e më pas një kompani me emër “Serenissima” mbajti peng për vite me radhe By Pass-in e Fierit e të Vlorës”.

E rëndë është edhe kjo që ka ndodhur sot sipas Taulant Ballës, por ka shpresë se drejtësia do të zbulojë edhe ata zyrtarë që mund të kenë kontribuar në skandalin më të fundit.

“Është e papranueshme sesi mund të guxojë një kompani që gjoja vjen nga Amerika dhe mund të përzgjidhet fituese, sigurisht Ministria ia ka referuar prokurorisë dhe jam i sigurtë që prokuroria i ka mjetet dhe provat për t’i shkuar deri në fund kësaj historie”.

DH Albania arriti të fitojë dy tendera në muaj pasi ishte regjistruar në QKR, 12 milionë euro nga operatori i sistemit të transmetimit dhe18 milionë euro për ndërtimin e mbikalimit në projektin e Unazës së madhe. Këtu puna vazhdon dhe këtë e tregojnë edhe pamjet filmike të Bashkisë Tiranë.

Një tjetër godinë tre katëshe është prishur në gjurmën e unazës së madhe pranë zonës që njihet si Astiri. /abcnews.al

 

edi-ramaaa-1.jpg
G. P.14:06 | 13/12/2018

“Interesant” e quan kryeministri vendimin e presidentit për kthimin për rishqyrtim në Kuvend të Ligjit për buxhetin e shtetit. Përmes një postimi në rrjetin social Twitter, kreu i qeverisë shprehet jo i çuditur për dekretin e presidentit që sipas tij vjen si rezultat i kërkesave të Lëvizjes Socialiste për Integrim.

Vazhdon presioni për studentët për të refuzuar dialogun, shkruan shefi i qeverisë i cili postimin në rrjetet sociale e mbyll me propozimin drejtuar protestuesve, për tu larguar nga kori që mohon dialogun dhe për tu bërë individë që flasin në emër të vetes./aabcnews.al

Ilir-Meta-e-il-nuovo-Presidente-dell-Albania-933x445.jpg
G. P.13:42 | 13/12/2018

Presidenti i Republikës, Ilir Meta, ka kthyer për rishqyrtim në Kuvend ligjin për buxhetin 2019, të votuar më 3 Dhjetor nga mazhoranca me 76 vota pro. Arsye të këtij mosdekretimi, i përdorur për herë të parë nga kreu i shtetit për ligjin e buxhetit në historinë demokratike të vendit, presidenti argumenton situatën politike në vend si dhe konsensusin e gjerë publik mbi kërkesat e studentëve, të cilat janë të konsideruara nga të gjithë aktorët si të drejta legjitime dhe të realizueshme.

Duke synuar interesin më të mirë në përmbushjen e objektivave sociale të parashikuara në Kushtetutën e vendit si dhe në garantimin e stabilitetit në vend, Presidenti ka njoftuar firmosjen e dekretit që vendos kthimin për rishqyrtim në Kuvend të Ligjit për buxhetin 2019./abcnews.al

edi-ramamaam.jpg
G. P.13:19 | 13/12/2018

Pas fjalës në seancën parlamentare, kryeministri Rama drejtoi një tjetër apel për studentët përmes rrjeteve sociale.

“Miq, kori i protestës kur s’të dëgjojnë është domosdoshmëri. Refuzimi në kor i Dialogut është dobësi”.

Ndersa, iu shpreh mbështetjen, kreu i qeverisë rithekson se është gati për të 8 pikat që studentët kërkojnë prej nëntë ditësh që t’iu plotësohen.

“Duhet të diskutojmë si e kur do të realizohen.Nëse ju s’doni ta kuptoni këtë,vazhdoni mbajini peng të 8 PIKAT.Unë ju pres”, shkruan Rama.

Gjithashtu, Kryeministri Rama u bën apel studentëve të mos jenë pengesa e vetvetes.

“Mos e mbysni protestën me duart tuaja”, thotë Rama.

“Kjo protestë duhet të mbetet fuqi e ndryshimit të universitetit, jo të katandiset në fuqinë bllokuese të Dialogut për Universitetin!”, mbyll postimin e tij kryeministri Rama./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono