Politikë

vangjush-dako123.jpg
R D18:09 | 16/02/2020

Sekretari i Përgjithshëm i PD-së, Gazment Bardhi reagoi ndaj deklaratës së Ramës për Vangjush Dakon. Gjatë emisionit “Opinion” Rama do të shprehej se “Dako ka qenë, është, dhe do të mbetet miku im edhe nëse neser shkon në burg”. Ai gjithashtu tha se nuk ia përcakton shokët Departamenti Amerikan i Shtetit, i cili e ka shpallur Dakon “non grata”.

Sipas Bardhit, Rama e mbron Dakon se ka frikë Avdylajt e Shijakut.

Reagimi i plotë:

Këmbëngulja e Edi Ramës për të mbrojtur Vangjush Dakon nuk është vetem arrogancë. Është frikë! Është frika e kreut të bandës, se mos anëtarët e bandës pendohen dhe, për të shpëtuar nga burgu, i hanë kokën shefit!

Para frikës së humbjes së pushtetit kriminal dhe pasurimit të paligjshëm, para frikës së drejtësisë, Edi Rama hedh në kosh edhe Departamentin Amerikan të Shtetit, që ka shpallur non grata mikun e tij Vangjush Dako, me të cilin ai mban pushtetin në qarkun e Durrësit.

Koha e Edi Ramës ka mbaruar! Anija e tij po mbytet!

caka.jpg
in a12:55 | 16/02/2020

Gjatë qëndrimit në Gjermani, Ministri në Detyrë për Evropën dhe Punët e Jashtme, Gent Cakaj, zhvilloi një takim me Ministrin e Jashtëm të Kroacisë, Gordan Grlić-Radman.

Tema kryesore e diskutimit të takimit ishte nisja e procesit të bisedimeve për anëtarësim në Bashkimin Evropian për Shqipërinë, gjatë Presidencës Kroate.

Cakaj në një postim në Facebook sa i përket takimit, bëri me dije se gjatë mandatit të saj, Presidenca Kroate po synon hapjen e negociatave me Shqipërinë dhe Maqedoninë e Veriut.

“Gjatë qëndrimit në Gjermani zhvillova edhe një bisedë me Ministrin e Jashtëm të Kroacisë, Gordan Grlić-Radman🇦🇱🇭🇷! Presidenca Kroate synon hapjen e negociatave me Shqipërinë dhe Maqedoninë e Veriut gjatë mandatit të saj. U pajtuam se Shqipëria ka përmbushur të gjitha kushtet për të filluar procesin e bisedimeve për anëtarësim dhe tani është koha që BE ta gjejë ujdinë e brendshme për t’i dhënë shtytsë të re procesit të zgjerimit në përgjithësi🤝🇪🇺!”, shkruan Caka.

/abcnews.al

ngjela-1.jpg
in a12:27 | 16/02/2020

Në nëntor të 2019, Ilir Meta refuzoi të kryente në Presidencë betimin e gjyqtares Arta Vorpsi si anëtare të re të Gjykatës Kushtetuese. Kuvendi iu referua renditjes së Këshillit të Emërimeve në Drejtësi kur e cilësoi Vorpsin automatikisht anëtare të Kushtetueses, pasi kreu i Shtetit nuk propozoi një tjetër emër për këtë pozicion.

Kjo përplasje institucionale ishte edhe arsyeja që Komisioni Hetimor në Kuvend zgjeroi objektin e hetimit për Ilir Metën, ndërkohë që kushtetueshmërinë e veprimeve po e vlerësojnë edhe ekspertët e Venecias. Këtë të mërkurë, Kuvendi vendosi t’ja heqë Presidentit të drejtën ekskluzive për të bërë betimin e gjyqtarëve, duke e konsideruan betimin e gjyqtarëve dhe Prokurorëve një akt formal.

Sipas avokatit Spartak Ngjela, Kuvendi me këtë veprim nuk ka zhveshur Presidentin nga kompetencat, por e ka ndalur atë të bëj shkelje të tjera kushtetuese.

“Presidenti u vetëzhvesh, sepse bëri shkelje të rënda kushtetuese. Nuk ke të drejtë të thuash nuk pranoj të bëj betimin. Në këtë pozicion të betimit presidenti është kukull, kukulla nuk flet, por vetëm vendos: “merr vendimin dhe ik”, deklaroi Ngjela.

Sipas avokatit, Ilir Meta në këtë përplasje është i kompromentuar për shkak se ai vetë është objekt i një procesi hetimor nga Kuvendi.

 “Është “çmendur” presidenti. Ka frikën e interesit të vet sepse është nën hetim dhe nëse do të shkarkohet nga parlamenti do të shkojë në Gjykatën Kushtetuese”, u shpreh ai.

Ngjela sqaron se është në të drejtën e Kuvendit të ndërhyjë sa herë që sheh tendenca për bllokim të institucioneve nga kushdo, qoftë ai edhe Presidenti i Republikës.

“ Një president i nivelit të lartë i cili e nxjerr veten të larë, të pafajshëm, nuk do të ndalonte procedurën, të cilat e rendojnë edhe më shumë. Kishte një shkelje tani i ka bërë tre dhe të treja i ka bërë në funksion të vetes”, tha më tej Ngjela.

Ligji i miratuar nga qeveria ka mbërritur tashmë në Presidencë dhe do të jetë vetë Ilir Meta ai që do të shprehet me dekret për të kufizuar ose jo kompetencat e tij./abcnews.al

86217219_2959009190816909_8829652028348170240_n.jpg
in a11:29 | 16/02/2020

FRPD zgjidhet anëtar me të drejta të plota në forumin zyrtar studentor të Partisë Popullore Europiane.  Lideri i PD, Lulzim Basha ka përshëndetur anëtarsimin e FRPD-së në bashkimin studentor në PPE.

Statusi: 

Përgëzime Forumit Rinor të Partisë Demokratike për anëtarësimin me të drejta të plota në bashkimin studentor të Partisë Popullore Europiane, familjen e madhe të EDS. Kjo është një mundësi e bukur për çdo të ri shqiptar që dëshiron të jetë pjesë e rrjetit studentor europian me të drejta të plota.

Të rinjtë janë shpresa, energjia dhe frymëzimi për të triumfuar mbi çdo pengesë e sfidë që kemi përpara. Sa më shumë mundësi për të rinjtë, aq më e mirë do të jetë e nesërmja. Krenar per FRPD, krenar për të rinjtë dhe të rejat e mekullueshme shqiptare!

 

rama-samiti.jpg
in a11:06 | 16/02/2020

Kryeministri Edi Rama në rrjetin social “Facebbok” ka njoftuar se pritet njohja e patentave të drejtimit të makinave në Gjermani.

Sipas Ramës, aprovimi i shumëpritur i njohjes së patentave shqiptare të drejtimit, kalon përmes të 16 parlamenteve të landeve  të Gjermanisë dhe kjo do të kërkojë pak kohë, por ndërkohë çdo aprovim bën që në landin përkatës njohja të hyjë në fuqi menjëherë.

Statusi: 

Një lajm i mirë për miqtë e kësaj faqeje që presin njohjen e patentave të drejtimit të makinave të tyre në Gjermani

Në Konferencën e Sigurisë në Mynih, bisedova edhe me Ministrin Federal të Transporteve, i cili më tha, citoj, “Misioni ynë teknik në Tiranë është befasuar nga transformimet që keni kryer në Drejtorinë e Transportit Rrugor, përmes digjitalizimit të shërbimeve! Zgjidhjet e reja digjitale që keni realizuar janë origjinale dhe bindëse për t’i përcjellë Qeverisë Federale një opinion pozitiv”

Aprovimi i shumëpritur i njohjes së patentave shqiptare të drejtimit, kalon përmes të 16 parlamenteve të landeve të Republikës Federale të Gjermanisë dhe kjo do të kërkojë pak kohë, por ndërkohë çdo aprovim bën që në landin përkatës njohja të hyjë në fuqi menjëherë. Pak durim tanimë, se provimin e kemi kaluar me sukses dhe ky është një fakt që na inkurajon shumë për vazhdimin e #RevlucionitDigjital2020 .

Një bravo të madhe ekipit drejtues të DPSHTRRSH që po e transformon çdo ditë atë strukturë nga një vatër korrupsioni legjendar, në një mekanizëm shtetëror në shërbim të qytetarëve./abcnews.al

edi-rama-ofl-kck-politika.jpg
nev ila22:39 | 15/02/2020

Premtimet e kryeministrit Rama për luftë ndaj krimit të organizuar e korrupsionit janë në fokus të analizës së Mimoza Koçiut me Politika në ABC News.

Skepticizmit publik i vuri përballë javën politike që lamë pas, numrat kushtetues në Kuvend, ilustrimi i qeverisjes përmes shembullit të forcës, e jo forcës së shembullit që Rama premtoi si model qeverisje kur erdhi në pushtet.

Për më tepër ndiqni Politika në ABC News./abcnews.al

 

basha-instagram.jpeg
nev ila20:43 | 15/02/2020

Kryedemokrati Lulzim Basha është tashmë në rrjetin social ‘Instagram’ ku ka zhvilluar një bashkëbisedim me qytetarët, në lidhje me vendimin e parë që do të ndërmerrnin nëse do të kishte në duar Ministrinë e Arsimit, në “Ask me”.

Në disa video në Instastory, Basha shprehet i befasuar për faktin se mijëra ndjekës kanë dhënë sugjerimet e tyre se çfarë do të bënin nëse do të kishin në duar Ministrinë e Arsimit.

Kreu i PD thotë se ndër sugjerimet, bie në sy anulimi i ligjit për arsimin e lartë, që është pika e parë në programin e PD.

Po ashtu ai premton se do të punojë për financimin e shkollave, dhe universiteteve, për të krijuar kushte më të mira për studentët, me kushte dinjitoze, dhe më pas me paga më të larta në punë.

”Jam shumë i befasuar që brenda pak orësh mijëra prej jush, ndjekës të mi në Instagram, i jeni përgjigjur pyetjes se cili do të ishte vendimi i parë nëse do t’ju besohej posti i ministrit të Arsimit?

Mes mijëra përgjigjeve dhe komenteve, spikat sugjerimi për të anuluar Ligjin për Arsimin e Lartë, që është pika e parë e programit tim, programit të PD për Arsimin e Lartë.

Sugjerimet e tjera kanë të bëjnë me shtimin e financimeve për shkollat dhe universitetet tona dhe në veçanti krijimin e kushteve më të mira në universitet tona, në mënyrë që studentët tanë të marrin cilësinë e duhur të arsimit dhe të përgatiten siç duhet për të dalë në tregun e punës, për të siguruar punë me kushte dinjitoze dhe paga më të larta.

Falënderoj nga zemra që bashkëbiseduat me mua sot nëpërmjet Instagramit dhe shpresoj ta vazhdojmë këtë formë komunikimi edhe për probleme dje çështje të tjera që janë të rëndësishme për ju.”, tha Basha./abcnews.al

bled-klosi-.jpeg
nev ila20:39 | 15/02/2020

Pas pastrimit dhe mbjelljeve në zonën e plazhit të Shëngjinit u zhvillua mbledhja e Komitetit Rajonal të Turizmit, ku u diskutua mbi masat e marra për çeljen e sezonit turistik.

Duke nisur nga ndarja e vijës bregdetare të zonës sipas subjekteve në 80% të vijës dhe 20 % plazh publik.

Për ata që do të kenë mbi numrin e shezllonave të miratuara do të ketë ndërprerje kontrate.

Po kështu dhe për subjektet që ndotin ambientin, do të ketë  gjoba, deri në pezullim kontrate. Shëtitorja do të lirohet nga tezgat dhe kioskat. Tregu do të jetë në fund të shëtitores.

Nuk do të ketë struktura betoni në rërë. Në 3D u prezantua ky projekt nga Kryetari  i  Bashkisë Lezhë, Pjerin Ndreu.

Këtë vit plazhet do të administrohen sipas hartës së vijës bregdetare. Në të kundërt këtë plazh e shkatërrojmë. Një plazh i strukturuar do të thotë turizëm gjithë vjetor, jo vetëm 2 muaj. Mbajtje pastër të zonës nga vet subjektet, jo vetëm nga pastrimet vullnetare” tha Ministri Klosi.

Në fund u ndan 28 certifikata për kategorizimin hotelier, të cilët përfitojnë 6 % ulje të TVSH./abcnews.al

rama-nw-mynih.jpg
ger ta18:23 | 15/02/2020

Kryeministri Edi Rama ka dhënë një prononcim për mediat para nisjes për në Shqipëri, teksa mori pjesë në Konferencën e Sigurisë në Mynih të Gjermanisë.

Rama u pyet edhe lidhur me deklaratën e Presidentin Emmanul Macron për heqjen e vetos, për Shqipërinë dhe Maqedoninë e Veriut me qëllim çeljen e negociatave. Kryeministri tha se nuk e ka ndjekur Presidentin, megjithatë sipas tij është një sinjal pozitiv.

“Unë nuk e ndoqa dot presidentin, por nga sa mund të lexoj është një sinjal pozitiv. Unë dëshiroj tu them të gjithëve se nuk kemi pse e ushqejmë vetem me iluzione dhe dëshira të skajshme, edhe pse është shumë legjitime sepse kjo gjë nuk varet nga ne. Le të presim dhe të punjmë me durim”, u shpreh ai.

Më tej kreu i qeverisë u ndal edhe tek Konferenca e Donatorëve, ku theksoi se ka një pritshmëri të caktuar.

“Në raport me konferencën e donatorëve unë kam një pritshmëri të caktuar, që do të thotë se nuk bëhet fjalë për të arritur që të përmbushimtë gjitha nevojat. Por të mbetemi në një nivel që sado modest të mund të ketë një peshë në këtë proces”, u shpreh kreu i qeverisë./abcnews.al

monika-kryemadhi.jpg
ger ta17:23 | 15/02/2020

Kryetarja e LSI, Monika Kryemadhi nga Fieri u shpreh se problemi më i madh në vend është largimi i shqiptarëve. Teksa zhvilloi një takim me strukturat e LSI në këtë qytet, Kryemadhi theksoi se për këtë ka faj edhe opozita.

Sipas saj ata nuk ia kanë kujtuar sa duhet kryeministrit Rama, premtimin e tij për 300 mijë vende pune.

Shqiptarët çdo ditë dhe më shumë po ndihem të rrezikuar dhe të varfër. Bashkë me varfërinë, shqiptarët u shtohet dhe malli për fëmijët e tyre. Ajo që ne shikojmë dhe ndjejmë është që shqiptarët cdo ditë largohen.

Politika ka faj, kemi faj dhe ne sepse nuk ia kemi kujtuar çdo ditë Edi Ramës 300 mijë vendet  e punës. Jo vetëm që nuk i hapi, por mbylli me mijëra biznese që lanë në rrugë familje të tëra. Jo vetëm që nuk i hapi, por pagat i la në vend dhe rriti koston e jetesës. Të gjitha këto janë një mungesë e vëmendjrs që ne kemi treguar ndaj Edi Ramës. Ne në fakt trokasin nëpër dyert e njerëzve dhe të gjithë kërkojnë shpresë. Mungesa e shpresës ka qenë një nga armiqtë kryesorë të shqiptarëve”, tha Kryemadhi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono