Politikë

juri-kim.jpg
ger ta19:31 | 23/01/2020

Yuri Kim ambasadorja e SHBA ka dhënë mesazhin e saj në ditën e parë të punës.

Ambasadorja shprehet se ndihet e nderuar që është në Shqipëri, ndërsa shton se është gati t’i përvishet punës.

“Ndihem e nderuar dhe shumë e kënaqur që jam në Shqipëri dhe jam gati t’i përvishem punës”, është shprehur Yuri Kim, ndërsa mesazhi është përcjellë në faqen zyrtare të selisë diplomatike të SHBA.

Yuri Kim mbërriti ditën e djeshme në Tiranë, trembëdhjetë ditë pasi bëri betimin në Departamentin Amerikan të Shtetit si shefja e re e diplomacisë së Washingtonit në Shqipëri./abcnews.al

komisioni-i-ligjeve122.jpg
nev ila19:12 | 23/01/2020

Mazhoranca socialiste nuk u tërhoq as në Komisionin e Medias, duke rrëzuar presidentin e Republikës, dhe duke mos pranuar që paketa anti-shpifje të korrigjohej.

Bledar Dervishaj, Këshilltar ligjor i Presidentit, kërkoi që dekreti të pranohej, tashmë që Këshilli i Evropës e ka dërguar këtë çështje në Komisionin e Venecias.

Ministrja e Drejtësisë, tha se nëse Venecia do të ketë vërejtje, atëherë ligji do të përmirësohet më pas.

Prezenca e Etilda Gjonajt u shoqërua me debate me kryetaren e komisionit, Fatjona Dhimitri.

Dy dekretet e Metës për paketën anti-shpifje, pritet të miratohen në parlament javën e ardhshme./abcnews.al

 

 

mona-lezhe.jpg
ger ta18:10 | 23/01/2020

Nga Lezha ku ka zhvilluar një takim me strukturat e LSI, Monika Kryemadhi është ndalur edhe njëherë tek marrëveshja për Reformën Zgjedhore, të cilën preferon ta quajë si “dakordësim”.

Kryemadhi theksoi se në fillim të gjithë e shokuan nga ulja e palëve në tryezë, por sipas saj kishte një qëllim të vetëm, dakordësimi për t’u përballur me krimin e organizuar në zgjedhje.

Të gjithë u shokuan se ç’ishtej kjo firmosje. Është shumë e thjeshtë, është dakordësimi për t’u përballur njëherë e përgjithmonë me krimin e organizuar. Reforma Zgjedhore e cila është një nga kushtet e para të Bundestagut është e vetmja pikë që opozita duhet të bënte me rolin e saj”, tha Kryemadhi.

Më tej kryetarja e LSI theksoi edhe njëherë se qëllimi i kësaj tryeze është miratimi i Reformës Zgjedhore që do të pasohet me zgjedhje të parakohshme. Sipas Kryemadhit, Rama ka përjegjësinë që kjo të ndodhë, dhe afat i fundit është data 15 mars, ku pritet dhe produkti final.

Miratimi i kësaj reforme nga Këshilli Politik do u hapë rrugën zgjdhjeve të parakohshme. Nëse kjo gjë nuk ndodh pas miratimit të reformës nuk ka më abasadë, ambasador, e ndërkombëtar që të fshehë dhe mbulojë përgjegjësië e Edi Ramës, jo vetëm përballë shqiptarëve por edhe partnerëve që i vetmi njeri që nuk do integrimin e Shqipërisë, që Shqipëria të jetë një vend i barabartë është Edi Rama dhe sekti i rij i rilindjes. Data 15 mars është afati i fundit i Edi Ramës, por edhe sektit të tij, për ti dhënë fund parlamentit ilegjitim dhe për t’u hapur rrugë zgjedhjeve të lira dhe të ndershme.

Dakordësimi, më pëlqen ta them kështu se nuk është marrëveshje po të ishte e tillë do të ishin ulur kryetarët e partive. Reforma Zgjedhore është pika e fundit që ne si opozitë e bashkuar mbyllim të gjitha detyrimet tona ndaj BE. Por nuk mbyllim deturime tona ndaj shqiptarëve . Detyra jonë vazhdon më tej për të rikthyer demokracinë dhe vlerat e vërteta. Sot pas Luftës së Dytë Botërore për herë të parë nuk ka bërë vaki, Këshilli i Europës padit Parlamentin e Rilindjes duke pasur parasysh ligjin antishpifje”, deklaroi Kryemadhi./abcnews.al

komisioni-i-ligjeve.jpg
nev ila17:44 | 23/01/2020

Komisioni i Ligjeve me vendimin e kësaj të enjteje i hap rrugën daljes nga qelitë e dënimit, të 161 të dënuarve me formë të prerë, për vepra jo të rënda.

“Sot që flasin janë 161 të amnistuar”, tha Gjonaj.

Projektligji për amnistimin merr vulën në seancën e ardhshme plenare, por nga diskutimet në Komisionin e Ligjeve, drafti pësoi ndryshime krahasuar me atë që është propozuar nga qeveria. Të dënuarit e formës së prerë, burra, gra dhe të mitur, për veprën penale të vjedhjes do të vijojnë të qëndrojnë në qelitë.

Ndërkohë deputetët e Komisionit të Ligjeve i dhanë mundësi lirimit një kategorie tjetër të dënuarish.

Bashkimi i votave, megjithatë nuk kaloi pa debate. Adriatik Alimadhi i opozitës së re i dha të drejtë ish-deputetëve që dogjën mandatet. Ai u ndje i fyer në atë sallë.

“Ka gati 1 vit të njëjtin respekt marr nga këta, qeshin dhe sillen pa kulturë. Në qoftë se unë nuk e kam vendin këtu ju lutem ma tregoni si para viteve 90’, jam i gatshëm të iki por të iki si njeri. Unë flas këta qeshin, ç’është kjo”, tha Alimadhi./abcnews.al

RAMA-DI-MAIO.jpg
nev ila17:32 | 23/01/2020

Kryeministri Edi Rama zbulon për herë të parë faturën financiare të dëmeve që shkaktoi  tërmeti i 26 nëntorit të vitit të shkuar në Durrës, Tiranë dhe Laç.

Bëhet fjalë për 1 miliard euro.

Këtë kryeministri Rama ja bëri të ditur ministrit të Jashtëm italian Luigi Di Maio i cili nuk e fshehu habinë për shifrën që dëgjoi.

Di Maio: Si po shkon puna me rikonstruksionin në Shqipëri?

Rama: Për disa ditë do të kemi raportin e dëmeve nga tërmeti, por finalisht fatura përllogaritet të jetë rreth 1 miliard euro.

Di Maio: 1 miliardë? Kam besim se në Konferencën e Donatorëve do të gjendet një zgjidhje.

Pasi konsumoi mëngjesin e punës me ministrin e jashtëm kryeministri Edi Rama u prit nga homologu italian Giuseppe Conte.

Mbështetja e mëtejshme e Italisë për rindërtimin e qyteteve të goditura nga tërmeti ishte temë bisedimi mes dy kryeministrave.

Kjo vizitë e shefit të qeverisë shqiptare ne vendin fqinj vjen në vigjilje të Konferencës së Donatorëve që do të zhvillohet në Bruksel më 17 shkurt.

“Ju informoj po ashtu se planet e rindërtimit po ecin shpejt brenda kalendarit të parashikuar, për të mundësuar fillimin e ngritjes së banesave të para individuale në pranverë dhe përfunduar me shtëpitë në zonën rurale, brenda vitit 2020”.

Kryeministri  ka njoftuar se në fillim të javës së ardhshme do të zhvillojë një takim dhe me kancelaren gjermane Angela Merkel./abcnews.al

4fd7a594-cfe7-43be-9100-b8191876a078.jpg
R D16:22 | 23/01/2020

Ish-deputetja demokrate Dhurata Çupi publikon sot një dokument të firmosur nga Aldrin Dalipi ku shihet se emrin e rrugës “Leonard Frroku” në Unazë të Re e ka vendosur këshilli bashkiak i Tiranës në vitin 2014. Historia e emrit të kësaj rruge është e vjeter dhe palët kanë tentuar t’ia kalojnë njëra tjetrës për shkak se Leonard Frroku është vëllai i Arben dhe Mark Frrokut.

Deklarata e Çupit:

Mashtrimet e Erion Veliajt janë të trasha dhe qesharake. Për të bërë pis kryetarin e PD me trafikantë droge, tutorë prostitutash dhe vrasës, siç është mësuar me kryetarin e tij, Erion Veliaj shpiku sot një sajesë sikur Basha i paska vënë emrin e një krimineli një rruge në Tiranë.

Aspak e vërtetë! Mashtrim banal, por djallëzor! Vëllanë e Mark dhe Arben Frrokut e nderoi Partia Socialiste e Edi Ramës dhe Erion Veliajt, pasi erdhën në pushtet.

Vendimi i Këshillit Bashkiak në foto tregon se ishte PS ajo që e propozoi dhe e miratoi emrin e rrugës, siç ka bërë, sa herë ka patur pushtet, duke vendosur emra kriminelësh që kanë vrarë dhe torturuar me mijëra shqiptarë gjatë regjimit diktatorial.

Erion Veliaj mund të përpiqet me mashtrime banale të bëjë të duken njësoj Lulzim Basha me Edi Ramën për të përfituar vetë, por e bardha me të zezën janë të pangatërrueshme!

Ne nuk jemi të gjithë njësoj!

47c36bca-f896-45df-a0fb-6bd42188add2.jpg
R D15:49 | 23/01/2020

Ministrat dhe deputetët socialistë duket se kanë ndjekur rrugën e shefit të tyre, Edi Rama, duke mos komentuar videon e Lefter Allës që merr “të bardhë”. Gazetarja Esiona Konomi, gjithsesi arriti të na sjellë disa opinione dhe reagime në Kryesinë e Kuvendit, ku vihet re sikleti që shfaq nga pyetja Etilda Gjonaj e Mimi Kodheli; Majko e kalon me të qeshur, ndërsa batuta të forta kanë lëshuar Ilir Beqaj i cili largohet me vrap dhe më pas kthehet duke thënë “jam i gjatë, s’më kap kamera”.

Akoma më të fortë e ka batutën socialisti Bujar Çela i cili thotë se “jam nga Lushnja, s’di gjë”.

Por nuk mungon as reagimi i Ulsi Manjës, i cili shprehet se “çdo lloj përgjegjësie është indivuale, PS është e qartë që ditën që ka votuar ligjin e dekriminalizimit se nuk mbron askënd”. Ndërsa deputetja e zonës së Dibrës, Almira Xhembulla përpiqet ta mbrojë Allën, duke thënë se ” këto historitë e videove e kanë marrë përgjigjen në gjykatë”. Edhe Rreme Lala e Dibres kërkon ta kalojë “no coment”. Po kështu do keni mundësi të dëgjoni edhe reagimet e deputetëve të opozitës së re, Andi Permeti, Korab Lita, Arben Elezi, Majlinda Halilaj.
Në fund deputetët e majtë e të djathtë janë pyetur për testin e drogës, duke u deklaruar pro ndryshimeve ligjore.

Pyetje: A duhet shkarkuar kryetari i Bashkisë Bulqizë që merr drogë?

Dëgjoni përgjigjet e deputetëve në videon më poshtë:

lushnja.jpg
Autor E15:24 | 23/01/2020

Videoja e Lefter Allës duke thithur kokainë e publikuar në Abc Neës nga gazetari Artan Hoxha ka qenë temë kryesore mbrëmë dhe sot në vend.

Abc News i mori mendim disa deputetëve në Kuvend nëse duhej shkarkuar apo jo Lefter Alla pas videos në fjalë, ku nuk munguan edhe përgjigjet epike.

E njëjta pyetje iu drejtua edhe deputetit socialist Bujar Çela, i cili u përgjigj se “nuk dinte gjë pasi ishte nga Lushnja”.

Gazetarja Esiona Ikonomi e përsëriti pyetjen, por kësaj radhe Çela e vlerësoi pyetjen “shumë shtrenjtë” duke thënë se i përket kryeministrit të marrë vendime të tilla. /abcnews.al

bardhi.jpg
R D15:05 | 23/01/2020

Numri II i PD-së, Gazment Bardhi reagoi pasi Lefter Alla tha se do të padisë Ervin Salianjin për videon e publikuar në Abc News, ku ai shihet duke marrë kokainë. 

Reagimi i plotë i Bardhit:

Është qesharak dhe hilacak reagimi Lefter Allës për të paditur Partinë Demokratike pse media publikoi videon, ku ai provohet si përdorues i kokainës. Haluçinacionet nga përdorimi i kokainës apo mbrojtja nga shkarkimi prej Edi Ramës nuk e ndihmojnë dot.

Edi Rama ka detyrimin ligjor dhe përgjegjësinë politike ta shkarkojë menjëherë nga detyra Mr. Kokainën e Bulqizës. Edi Rama e di se një përdorues kokaine ka njohje dhe lidhje me grupet kriminale të shpërndarjes së saj.

Heshtja dhe mosveprimi i Edi Ramës është një tjetër dëshmi që përzgjedhja e Lefter Allës është bërë për shkak të cilësisë së tij si përdorues kokaine dhe lidhjeve të tij me grupet kriminale të shpërndarjes dhe shitjes së kokainës.

Fshehja pas përgjegjësisë individuale të Lefter Allës, Valdrin Pjetrit, Agim Kajmakut, Mark Babanit, Qerim Ismailajt apo Agron Malajt, është pjesë e strategjisë së Edi Ramës për të vazhduar bashkëqeverisjen me krimin. Këta i ka përzgjedhur dhe emëruar Edi Rama. Ky është modeli dhe ekipi qeverisës që Edi Rama i ofron shqiptarëve! Pa largimin e Edi Ramës nuk mund të ketë ndarje të politikës nga krimi! /abcnews.al

demi-1.jpg
Vladimir Prenga14:09 | 23/01/2020

Futbolli shqiptarë është në krizë. Mjafton të kujtojmë që kemi një klub si Skënderbeu, të dënuar me 10 vite për të mos garuar në Kupat e Europës. Flamurtari dhe Luftëtari, prej borxheve ndaj lojtarëve, janë dënuar nga FIFA me bllokim të merkatos, ndërkohë që me llogari të bllokuara janë klube si Vllaznia e Tirana. Gjysma e Superiores. Imagjinoni çfarë ndodh në kategoritë e ulëta, që mbahen me para publike që në shumicën e raste keqmenaxhohen.

Muaj më parë iu premtua se sporti do shihej ndryshe, që për 100 ditë do të miratohej një paketë që i lehtësonte disi ata që investojnë në sport. Po bëhet gati një vit dhe ende në parlamanent nuk është miratuar. Mund të ndodhë së shpejti, por në FSHF, sikurse edhe në klube, nuk janë të kënaqur mbi ndryshimet ligjore që janë planifikuar të bëhen.

Vullneti i politikës mungon, ndërkohë që zëvendëskryeministri Erion Braçe gjen edhe alibi. Kjo prej gabimeve të arbitrave këtë javë në Superiore. Ai nuk e kursen aspak Federatën dhe e konsideron garën në elitën e futbollit shqiptar si të paravendosur. Në fund lëshon edhe një mesazh: “Ka muaj që dëgjoj se futbolli në këtë vend është në krize prej parave! Të gjithë, përfshirë titullarin e SISTEMIT, ulërasin kundër taksave a thua se paguan kush taksa prej tyre! Po ua them prapë; SKA PARA KUR SKA GARË, KUR FITUESI PARACAKTOHET!”.

View this post on Instagram

I NJEJTI FILM, E NJEJTA HISTORI! #SISTEMI D! Ne 5 ndeshje, 2 i vendosin arbitrat; Ne 5 ndeshje, 3 jane me gabime te renda arbitrash; Ne 5 ndeshje, te 5-ta kane standarde te ndryshme gjykimi, sipas ndeshjes-pra ekipeve dhe gjyqtarit te qellimte! Por ka edhe me keq; Ne 2 ndeshjet e vendosura nga arbitrat, ata vendosen per kryesuesit e Superliges, ne favor te tyre! Shikoni, dje u be shume mire qe u diskutua per penalltine e dyte akorduar Partizanit; Nga pamjet, per mua nuk ishte penallti edhe pse sot, pasi lexova gazeten Panorama, pashe prape pamjet dhe, sic gazeta edhe une dyshova se topi i goditur nga Cinari prek doren e nje lojtari para se ti bjere qurreve te nje lojtari tjeter qe me te drejte protestonte; Por ate ndeshje, NUK E VENDOSI GJYQTARI! Nderkohe sot eshte nam; Perseri e gjithnje Enea Jorgji: Goli i pare i Tiranes haptazi me dore; Goli i dyte i Tiranes nis ne minuten e 95:35 (ishin shtuar 4 min), Ngo-golashenuesi qe ne goditje te faullit eshte offside, mbetet offside edhe pasi sherbehet nga e djathta, i bie shtylles perseri dhe Muca bllokon me faull portierin, Ngo merr topin haptazi dhe e shtyn me dore, minuta eshte 95:45. Vendosi arbitri jo si gjithnje Enea Jorgji; Ne ndeshjen Partizani-Tirana dha 4 minuta shtese dhe, edhe pse u luajten 2 dhe 2 u vonuan, fiks tek e 4-ndeshja mbaroi; Ne ndeshjen Kuksi-Skenderbeu shtoi 1 minute dhe, edhe pse Kuksi shenoi gol pak sekonda pas 1 minuti shtese, Enea Jorgji mbylli ndeshjen fiks dhe goli as qe u quajt! Nderkohe ne Gjirokaster eshte edhe me nam, nam fare; Shiheni golin e Luftetarit, i qarte e ne drite te diellit; As offside e as faull! Po cfare? Hic, arbitri! Edhe me keq, ne dy ndeshje, dy standarde: Nese ai ne Gjirokaster eshte faull pa prekur kerkend, ky ne Tirane eshte sterfaull! Po le manjane faullat dhe kartonet, gjera te vogla ne dukje por qe vendosin kur te lene me 10 lojtare dhe ekipin e favorizuar gjithnje me 11. Tani qe shkruaj cdo gje ka mbaruar! Ka muaj qe degjoj se futbolli ne kete vend eshte ne krize prej parave! Te gjithe, perfshire titullarin e SISTEMIT, ulerasin kunder taksave a thua se paguan kush taksa prej tyre! Po ua them prape; SKA PARA KUR SKA GARE, KUR FITUESI PARACAKTOHET!

A post shared by Erion Brace (@erionbrace) on

POSTIMI I PLOTË I ERION BRAÇES – I NJEJTI FILM, E NJEJTA HISTORI! SISTEMI D! Ne 5 ndeshje, 2 i vendosin arbitrat; Ne 5 ndeshje, 3 jane me gabime te renda arbitrash; Ne 5 ndeshje, te 5-ta kane standarde te ndryshme gjykimi, sipas ndeshjes-pra ekipeve dhe gjyqtarit te qellimte!

Por ka edhe me keq; Ne 2 ndeshjet e vendosura nga arbitrat, ata vendosen per kryesuesit e Superliges, ne favor te tyre! Shikoni, dje u be shume mire qe u diskutua per penalltine e dyte akorduar Partizanit; Nga pamjet, per mua nuk ishte penallti edhe pse sot, pasi lexova gazeten Panorama, pashe prape pamjet dhe, sic gazeta edhe une dyshova se topi i goditur nga Cinari prek doren e nje lojtari para se ti bjere qurreve te nje lojtari tjeter qe me te drejte protestonte; Por ate ndeshje,NUK E VENDOSI GJYQTARI!

Nderkohe sot eshte nam; Perseri e gjithnje Enea Jorgji: Goli i pare i Tiranes haptazi me dore; Goli i dyte i Tiranes nis ne minuten e 95:35 (ishin shtuar 4 min), Ngo-golashenuesi qe ne goditje te faullit eshte offside, mbetet offside edhe pasi sherbehet nga e djathta, i bie shtylles perseri dhe Muca bllokon me faull portierin, Ngo merr topin haptazi dhe e shtyn me dore, minuta eshte 95:45.

 

Armand Duka dhe Edi Rama

Vendosi arbitri jo si gjithnje Enea Jorgji; Ne ndeshjen Partizani-Tirana dha 4 minuta shtese dhe, edhe pse u luajten 2 dhe 2 u vonuan, fiks tek e 4-ndeshja mbaroi; Ne ndeshjen Kuksi-Skenderbeu shtoi 1 minute dhe, edhe pse Kuksi shenoi gol pak sekonda pas 1 minuti shtese, Enea Jorgji mbylli ndeshjen fiks dhe goli as qe u quajt!

Nderkohe ne Gjirokaster eshte edhe me nam, nam fare; Shiheni golin e Luftetarit, i qarte e ne drite te diellit; As offside e as faull! Po cfare? Hic, arbitri! Edhe me keq, ne dy ndeshje, dy standarde: Nese ai ne Gjirokaster eshte faull pa prekur kerkend, ky ne Tirane eshte sterfaull! Po le manjane faullat dhe kartonet, gjera te vogla ne dukje por qe vendosin kur te lene me 10 lojtare dhe ekipin e favorizuar gjithnje me 11.

Tani qe shkruaj cdo gje ka mbaruar! Ka muaj qe degjoj se futbolli ne kete vend eshte ne krize prej parave! Te gjithe, perfshire titullarin e SISTEMIT, ulerasin kunder taksave a thua se paguan kush taksa prej tyre! Po ua them prape; SKA PARA KUR SKA GARE, KUR FITUESI PARACAKTOHET! /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono