Moti

moti-4-e1567582889192-1280x854.jpg
ger ta07:27 | 21/02/2020

Sipas meteoAlb: Mbi vendin tonë, do të vijonë kthjellimet. Paraditja do të jetë me kthjellime dhe vranësira të herë pas herëshme në të gjithë vendin tonë. Mesdita dhe orët vijuese do të sjellin kthjellim gradual të motit në zonat e ulta duke zhvendosur vranësirat përgjatë kufirit lindor.

Temperaturat e ajrit  ulen në mëngjes por mbeten të pandryshuara në  mesditë duke luhatur vlerat ditore nga -4°C  minimumi deri në 14°C maksimumi.

Era do fryjë mesatare me shpejtësi deri 40 km/h nga drejtimi Verior-Verilindor duke krijuar në det dallgëzim 3 ballë./acnews.al

reshje-shiu.jpg
ger ta07:53 | 20/02/2020

Sipas Meteoalb: Tërritori shqiptar deri në mesditë do të mbetet me vranësira të shumta dhe reshje shiu në të gjithë vendin, por në orët në vijim përmirësojnë gradualisht kushtet e motit, duke i spostuar vranësirat përgjatë kufirit lindor.

Temperaturat e ajrit do të ulen në mëngjes dhe në mesditë duke luhatur vlerat nga -1 deri në 14 gradë.

Era do të fryjë mesatare në tokë, e fortë në det, me shpejtësi 50 km/h nga drejtimi Verilindr duke krijuar në det dallgëzim 4-5 ballë. /abcnews.al

moti-me-diell.jpg
ger ta07:41 | 18/02/2020

Sipas MeteoAlb: Pjesa e parë e ditës do të jetë me mot të kthjellët dhe vranësira kalimtare, më të dukshme do të jenë në zonat malore. Ndërsa pjesa e dytë do të sjellë shtim të vranësirave në vend, por pa rrezikuar reshje.

Temperaturat e ajrit do të mbeten të pandryshuara në mëngjes dhe në mesditë, duke regjistruar vlerën minimale ne qytetin e Pukës dhe Ersekës me -3°C, ndërsa vlera maksimale do të shënohet në qytetin e Durrësit me 14°C.

Era do fryjë mesatarisht në det me shpejtësi 28 km/h nga drejtimi Jugor, duke krijuar dallgëzimin 2 – 3 ballë./abcnews.al

meteorlologu.jpg
ger ta09:41 | 17/02/2020

Meteorologu Hakil Osmani, i ftuar në “Abc-ja e mëngjesit” me Enkel Demin ka folur për kushtet e motit. Fillimisht ai u ndal tek temperaturat e pazakonta që kanë karakterizuar muajin Shkurt.

“Vlerat maksimale do të shënojnë deri në 17 gradë, në Ultësirën Perëndimore. Nuk është normale që këto temperatura të jenë prezente. Janë episode, por përgjatë muajit Shkurt kemi pasur vlera 2-3 gradë më të larta se vlerat normale, sepse normalisht duhet të shënonin në 12-13 gradë dhe momentalisht jemi në vlerat që shënojnë 18-19 gradë. Që nga vitet 200 kemi patur shpeshherë prezencë të temperaturave të tilla në dimër, duke bërë që të kemi vlera shumë më të larta. Nga 2015 e në vijim kemi patur prezencë më të dukshme të këtyre vlerave termike, duke bërë që të kemi një dimër shumë të butë”, u shpreh Osmani.

Më tej meteorologu shpjegoi se si do të jetë moti gjatë kësaj jave, ku theksoi se të mërkurën do të rikthehen reshjet.

“Java do jetë kryesisht e qëndrueshme deri ditën e mërkurë. Që sjell shtim të vranësirave duke bërë që te kemi edhe prezencë të reshjeve të shiut. Në zonat malore pritet që të kemi prezencë të pakët të reshjeve të dëborës.

Duke qenë se edhe dita e enjte sjell reshje gjatë mëngjesit, presim një rënie termike gjatë ditës së premte, kryesisht gjatë mëngjeseve duke bërë që zonat malore të zbresin. Por pas të premtes dhe fundjavës kemi sërish mot të kthjellët”, tha ai.

/abcnews.al

mot-me-diell.jpg
ger ta07:27 | 17/02/2020

Për ditët e hënë dhe të martë moti do të vijoj të jetë i kthjellët me vranësira të pakta kalimtare; ditë të bukura me diell por mengjese të freskëta.

Sipas Sherbimit Meteorologjik, përgjatë ditës së mërkurë kemi ndryshim gradual të situatës meteorologjike pasi duke nisur nga orët e mesditës fillon shtimi gradual i vranësirave mesatare deri të dendura.

Përgjatë orëve të pasdites dhe kryesisht ato të mbrëmjes të ditës së Mërkurë nisin reshjet e shiut me itensitet të ulët në të gjithë territorin. Dita e enjte do të karakterizohet nga moti i vranët shoqëruar me reshje shiu të herëpashershme me itensitet të ulët dhe mesatar në formë shtrëngatash. Në relievet malore reshje dëbore në lartësitë mbi 300 metër, por ato zbresin deri dhe në lartësitë kodrinore 500-600 metër.

Ditën e premte rikthehet moti i kthjellët në të gjithë vendin por temperaturat mendohen të zbresin ndjeshëm në vlerat minimale (vlera negative në një pjesë të madhe të vendit)./abcnews.al

mot-i-vranet.jpg
ger ta12:23 | 10/02/2020

Sipas Meteoalb: Fillim java nis me kthjellime përjashtuar skajin verior ku gjatë pasdites sot dhe mëngjesi i së martës sjellë reshje të pakta shiu e dëbore, por pjesa tjetër e vendit mbetet me kthjellime.

Këto kushte të motit mbeten deri ditën e premte kur parashikohet ardhja e një sistemi vranësirash , i cili sjellë reshje me intesitet deri mesatar në pjesën më të madhe të vendit.

Temperaturat e ajrit sot luhaten nga -3°C mëngjesi në zonat malore deri në 15°C mesdita në bregdet. /abcnews.al

moti-i-ftohte.jpg
ger ta08:05 | 09/02/2020

Sipas MeteoAlb: Pjesa e parë e ditës do të jetë në kushte të qendrueshme atmosferike, duke bërë që deri në mesdite të kemi alternime kthjellimesh dhe vranësirash. Por pasditja dhe në vijim pritet që vranesira të shtohen kryesisht në zonat malore.

Temperaturat e ajrit do të rriten në mëngjes dhe në mesditë duke luhatur vlerat minimale dhe maksimale nga -5°C në 14°C.

Era do fryjë e lehte në tokë dhe mesatare në det me shpejtësi 30 km/h nga drejtimi Jugor duke krijuar në det dallgëzimi 3 ballë. /abcnews.al

reshje-bore.jpg
ger ta16:13 | 04/02/2020

Pas orëve të para të ditës me mot kryesisht të kthjellët, tashmë gradualisht mbi vendin tonë po shtohen vranësirat mesatare dhe të dendura për të vijuar kështu deri në fund të ditës.

Duke nisur nga orët e pasdites priten reshje shiu me itensitet të ulët, dhe me kalimin e orëve shtim të itensitetit mesatar e lokalisht deri të lartë (këto të fundit përgjatë orëve 23:00-03:00).

Sipas Shërbimit Meteorologjik Ushtarak Për shkak të masave ajrore me origjinë polare në relievet malore të verilindjes dhe juglindjes duke nisur nga orët e mëngjesit të së Mërkurës reshjet e shiut do të shndërrohen në reshje dëbore. Reshjet e dëborës në këto zona do të jenë të dendura. Gjithashtu reshjet e dëborës pritet të shtrihen deri në lartësitë kodrinore 500-600metër.

Problematike do të jetë era e cila me kalimin e orëve (kryesisht ato të mbrëmjes dhe ato të mëngjesit të ditës së nesërme) do të fryjë intensive dhe shpejtësi mesatare 5-15m/s por përgjatë vijës bregdetare dhe zonat luginore ajo pritet të arrijë shpejtësi deri në 25-30m/s!!!

Për ditën e Mërkurë moti përgjatë ultësirës perëndimore parashikohet me kthjellime dhe alternime vranësirash kalimtare. Në relievet malore moti do të jetë i vranët shoqëruar me reshje dëbore të herëpashershme të dobta dhe mesatare. Temperaturat parashikohen në vlerat minimale nga -3ºC në zonat malore deri në 6ºC në ato bregdetare ndërsa në vlerat e mesditës pritet rënie e ndjeshme nga 2ºC në zonat malore deri në jo më shumë se 12ºC në ato të ulta e bregdetare./abcnews.al

vranesira.jpg
ger ta08:40 | 01/02/2020

Sipas Meteoalb: Paraditja në vendin tonë do të mbizotërohet nga kthjellimet dhe vranësirat e pakta në zonat Lindore. Por orët e pasdites i bëjnë vranësirat kalimtare me të dukshme në territor, ku më të fokusuara do të jenë në zonat malore.

Temperaturat e ajrit do të mbeten të pandryshuara në mëngjes, por rriten në mesditë duke regjistruar vlerën minimale në qytetin e Ersekës me -1°C, ndërsa vlera maksimale do të shënohet në qytetin e Lezhës me 17°C.

Era do fryjë e lehtë në tokë dhe mesatare në det me shpejtësi 30 km/h nga drejtimi Jugor – Juglindor duke krijuar në det dallgëzimin 3 ballë./abcnews.al

reshje-shiu.jpg
ger ta08:14 | 29/01/2020

Sipas Meteoalb: Rikthehen vranësirat dhe reshjet me intensitet të ulët deri mesatar në territorin shqiptar, ku në pjesën nmë të madhe të vendit reshjet do të jenë në formë shiu, por në zonat malore Veriore dhe Lindore do të kemi reshje bore.

Temperaturat e ajrit do të mbeten të pandryshuara në mëngjes, por ulen në mesditë duke luhatur vlerat minimale dhe maksimale nga -1 në 19 gradë celcius.

Era do të fryjë e lehtë në tokë dhe mesatare në det, me shpejtësi 40 km/h nga drejtimi Perëndimor-Jugperëndimor duke ktijuar në det dallgëzim 3-4 ballë./abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono