Kuriozitete
Sissoko feston golin e tij (74')

1575514304091.jpg
So Nila14:54 | 05/12/2019

Një grua që gënjeu në CV dhe falsifikoi referenca të shkëlqyera për të fituar një vend pune me pagë të lartë në administratën australiane është dënuar me të paktën një vit heqje lirie.

Veronica Hilda Theriault, 46 vjeçe, u shpall fajtore në akuzat e mashtrimit, pandershmërisë dhe abuzimit të zyrës publike. CV e saj e pavërtetë i fitoi vendin e punës si drejtoreshë e informacionit, që paguhej 270 mijë dollarë australianë në vit (rreth 20 milionë lekë në vit).

VERONICA HILDA THERIAULT

Theriault e mbajti postin për një muaj dhe fitoi rreth 33 mijë dollarë australianë (2.5 milionë lekë) para se të pushohej nga puna.

Ajo u shpall fajtore dhe u dënua me 25 muaj burg, pa të drejtë lirimi me kusht për të paktën një vit.

Në gjykatë u tha se e pandehura dorëzoi një CV jo të vërtetë në departamentin qeveritar ku kishte gënjyer për arsimin dhe përvojat e mëparshme profesionale. Pasi iu dha shansi për një intervistë, ajo u shtir si një ish-kolege dhe dha referenca të shkëlqyera për veten.

Por gënjeshtrat nuk morën fund me kaq. Në provat e dorëzuara më herët, u zbulua se Theriault përdorte një foto të supermodeles Kate Upton si foto profili në LinkedIn.

Pasi filloi punë në administratë, ajo punësoi vëllain e saj, edhe pse s’ishte i kualifikuar për pozicionin.

Mashtrimi u ra në sy kolegëve pasi Theriault filloi të kishte probleme me shëndetin mendor.

Gjatë dhënies së dënimit, Gjykatësi Michael Boylan tha se e mori në konsideratë shëndetin mendor të të pandehurës, por shtoi se akuzat ishin “serioze” dhe se krimet e saj ishin mirëplanifikuar.

Avokati i 46-vjeçares tha se ajo “ndihet e turpëruar nga veprimet e saj.” Ai shtoi se krimet ndodhën në rrethana që sdo të përsëriten më.

Edhe në vitin 2012 dhe 2014, ajo kishte përdorur të njejtën skemë mashtrimi për t’u punësuar në dy kompani private./abcnews.al

delletllet.jpg
So Nila14:34 | 05/12/2019

Zgjohesh, por jashtë është akoma natë. Ora 4:26. Uff! Rrotullohesh sa majtas-djathtas, mbyll sytë, i hap, i mbyll përsëri – thjeshtë nuk të merr gjumi.

Nuk ka gjë më të keqe. Mund ta kesh kaluar disa herë, madje deri në dy orë të tjera pa gjumë, duke shpresuar, duke dashur të flesh edhe pak, por më kot.

Ndez televizorin – ide e keqe, merresh me telefonin – ide e keqe.

Është e thjeshtë, nuk mundesh të kuptosh pse nuk të zë përsëri gjumi. Të ka ndodhur? Sigurisht, është universale, ndaj më poshtë ka disa këshilla si mund ta kalosh këtë gjendje.

Si të të zërë gjumi shpejt gjatë natës?

1.Çohu nga shtrati

Mund të tingëllojë kundër intuitës, por nëse çohesh, shkon në dhomën tjetër dhe provon sërish të flesh pas 20 minutash mund të të zeri gjumi.  Shiko përreth, ulu në shtrat, lexo një revistë – çdo gjë! Fokusohu në gjithçka tjetër rreth e rrotull shtëpisë dhe jo në mungesën e gjumit dhe dalëngadalë do fillosh të ndihesh sërish e përgjumur.

2.Lexo

Me drita të zbehta, përpiqu të lexosh. Ndonjëherë mund të të zërë gjumi në mes të ditës nëse je shtrirë dhe duke lexuar. Merr diçka që e ke lexuar më parë dhe shfleto nëpër faqe. Edhe sytë dalëngadalë do të të mbyllen.

3.Kontrollo ndriçimin

Sigurohu që nuk ka shumë dritë në dhomë. Fiki dritat që vijnë nga korridori dhe të bëjnë hije të plotë duke të bllokuar dritën jashtë. Një dritë tjetër stimuluese mund të të mbajë zgjuar, kështu që sigurohu se drita është mjaftueshëm e errët, kështu që do ta kesh më të lehtë për të fjetur.

4.Qetësohu 

Nëse nuk ke medituar ndonjëherë apo nuk ke bërë kurrë yoga, kjo është koha për ta provuar. Provo disa teknika duke marrë frymë thellë dhe relakso mendjen. Në qoftë se përqendrohesh në frymëmarrje dhe qetësi, ka më pak gjasa të përqendrohesh në frikën se nuk po të merr gjumi.

5.Mos shiko orën

Kjo është një gjë jokategorike, edhe pse mund ta kesh bërë disa herë. Duke ndezur dritën për të parë orën jo vetëm që të shtohet mërzia që nuk po mundesh të flesh, por drita do të stimulojë edhe dritën e syve. Kjo vlen edhe për TV, telefonin, iPad-in./abcnews.al

 

auto_-640-0-5de6d64beb2c21575489601.jpg
So Nila14:07 | 05/12/2019

Shumica prej nesh ndeshen vazhdimisht gjatë ditës me stres dhe ankth. Ditët e lodhshme dhe jeta dinamike na ngacmojnë shpesh nervat dhe na japin efekte negative.

Ka disa mënyra për të luftuar efektet e nervave të ndrydhur, duke përfshirë meditimin, yoga-n, duke u takuar me miq, për të nxjerrë disa gjëra jashtë kraharorit.
Por edhe ushqimet që hamë mund të ndihmojnë ose lëndojnë trupin tonë kur ndihemi të stresuar.

Duke pasur një dietë të shëndetshme me shumë fruta të freskëta, perime dhe ujë dhe duke shmangur këto 3 ushqime që nxisin stresin, do të keni jetë më të qetë dhe stresi do të ulet ndjeshëm.

Supat e konservuara
Nëse ke kaluar një ditë të lodhshme, gjëja e fundit që të shkon në mendje është të gatuash një vakt të shëndetshëm. Mund të jetë joshëse ideja e një supe të gatshme në darkë vetëm në disa sekonda. Por supat e konservuara janë të mbushura me konservues dhe kripë, të cilat të bëjnë të ndihesh më e dobët dhe më e lodhur. Por jo vetëm kaq: një produkt kimik Bisphenol A, i cili gjendet në shumë ushqime të konservuara, mund të shkaktojë disbalanca në tru, gjë që të rrit edhe më shumë nivelin e stresit.

Kafeja
Ndryshe nga ç’besohet, kafja nuk ta heq stresin, përkundrazi. Nëse nuk e shmang dot takimin me një shok për kafe, sepse të bën të ndihesh më mirë, në vend të kafes, porosit çaj jeshil. Kafeina në kafe mund të të bëjë të ndihesh mirë në fillim, por pas disa minutash jep sinjale stresi. Kafja gjithashtu pengon absorbimin e ‘adenosine’, e cila ndihmon për të mbajtur trupin të qetë.

Alkooli
Kur të gjithë mendojmë se po e vënë poshtë stresin me një gotë verë, në fakt është krejt e kundërta. Mbaje mend: një gotë ndoshta është mjaft e mirë, por një shishe do të ta shtojë edhe më shumë ankthin. Konsumi i një sasie të madhe alkooli shton nivelin e sheqerit në trup dhe të pengon të flesh. Nëse mbështetesh te alkooli për të zhdukur stresin, me kalimin e kohës, mund të të shfaqen simptoma serioze./abcnews.al

kafeja-720x383.jpg
So Nila11:59 | 05/12/2019

Kafeina është gjëja e parë që të vjen në mendje kur përmend kafenë. Por ajo përmban gjithashtu antioksidantë dhe substanca të tjera aktive që mund të reduktojnë inflamacionet e brendshme dhe të mbrojnë nga sëmundjet.

Por cilat janë disa efekte kryesore pozitive të të pirit kafe?

1.Ju mund të jetoni më gjatë.

Studime të kohëve të fundit kanë zbuluar se konsumuesit e kafes kanë më pak gjasa të vdesin nga disa nga shkaqet kryesore të vdekjeve në gra: sëmundjet koronare të zemrës, goditjeve në tru, diabeti dhe sëmundjet e veshkave.

2.Trupi juaj mund ta përpunojë glukozën(apo sheqerin) më mirë.

Kjo është teoria pas studimeve që nxorën që njerëzit që pijnë më shumë kafe kanë më pak gjasa të preken nga tipi 2 i diabetit.

3.Ka më pak mundësi që të zhvilloni insufiçiencë kardiake.

Pirja e një deri në dy filxhana kafeje në ditë mund të ndihmojnë të ruheni nga insufiçienca kardiake, kur një zemër e dobësuar ka vështirësi të pompojë mjaftueshëm gjak për trupin.

4.Ka më pak mundësi të prekeni nga sëmundja e Parkinsonit.

Kafeina jo vetëm që lidhet me një shans më të ulët për të zhvilluar sëmundjen e Parkinsonit por mund të ndihmojë gjithashtu ata persona që janë të prekur që të kontrollojnë më mirë lëvizjet e tyre.

5.Mëlçia juaj do ju falenderojë.

Si kafja e dekafeinuar dhe ajo e zakonshmja duken të kenë efekt pozitiv për mëlçinë tuaj. Studimet tregojnë se konsumuesit e kafesë kanë më shumë mundësi ti kenë nivelet e enzimave të mëlçisë në një shkallë më të shëndetshmë se sa ata që nuk konsumojnë kafe.

6.ADN juaj do të jetë më e fortë.

Kafeja e pjekur e errët ul thyerjet e fijeve të AND, që ndodhin në mënyrë rë natyrshme por që mund të çojë në zhvillimin e kancereve apo tumoreve nëse nuk riparohet nga qelizat.

7.Gjasat për tu prekur nga kanceri i kolonit do të ulen shumë.

Një në 23 gra zhvillojnë kancer të kolonit. Por studiuesit kanë zbuluar se konsumuesit e kafesë kishin 26 % më pak gjasa që kjo të ndodhte.

8Mund të ulni riskun tuaj për tu prekur nga sëmundja e Alzheimerit.

Pothuajse dy të tretat e amerikanëve që jetojnë me Alzheimer janë gra. Por kafeina në dy filxhana kafeje mund të sigurojë një mbrojtje të rëndësishme kundër zhvillimit të kësaj sëmundjeje.

-Por pavarësisht këtyre përfitimeve shëndetësore që sjell konsumimi i kafesë duhet të tregoni shumë kujdes me sasinë që konsumoni dhe mos ta merrni atë në sasi të tepërt. Konsumimi i tepërt i kafesë mund të shkaktojë:

Rrahje të shpejta të zemrës

Tension të rritut të gjakut

Ankth

Vështirësi për të fjetur./abcnews.al

maxresdefault-3-1280x720.jpg
Autor E11:32 | 05/12/2019

Në vitin 373 p.l.k historianët regjistruan se kafshët, përfshirë minjtë, gjarpërinjtë, braktisën qytetin grek të Helicës vetëm disa ditë para se një tërmet të shkatërronte vendin.

Parashikime të ngjashme të kafshëve për tërmetet janë treguar përgjatë shekujve. Mace që lëvizin dhunshëm dhe bletët duke lënë zgjoin e tyre në panik janë shenja që një termet do të ndodhë. Pronarë të panumërt të kafshëve shtëpiake pretenduan se ishin dëshmitarë të maceve dhe qenve të tyre që vepronin çuditshëm para se të tronditej toka, lehje ose ulërima pa ndonjë arsye të dukshme, ose duke treguar shenja nervozizmi dhe shqetësimi.

Por pikërisht ajo që kuptojnë kafshët, nëse e ndjejnë para së të bie termet, është një mister. Një teori është se krijesat e egra dhe ato shtëpiake e ndiejnë tokën të dridhet para njerëzve. Të tjerë sugjerojnë që ata kuptojnë ndryshimet elektrike në ajër ose gaz të lëshuar nga toka. Tërmetet janë një dukuri e papritur. Sizmologët nuk kanë asnjë mënyrë të dinë saktësisht se kur ose ku do të godasë tjetri.

Rreth 500 000 tërmete që “parashikohen” ndodhin në botë çdo vit. Prej tyre, 100 000 mund të ndjehen nga njerëzit, dhe 100 prej tyre shkaktojnë dëme.

Një nga vendet më të prirura në tokë në botë për termete është Japonia, ku shkatërrimi nga termeti ka marrë jetë të panumërta dhe ka shkaktuar dëme të mëdha . Studiuesit kanë studiuar prej kohësh kafshët me shpresën për të zbuluar se ata dëgjojnë ose e ndiejnë termetin përpara se të dridhet toka në mënyrë që ta përdorin si një mjet parashikimi.

Sizmiologët amerikanë, nga ana tjetër, janë skeptikë. Edhe pse ka pasur raste të dokumentuara të sjelljeve të çuditshme të kafshëve para tërmeteve, Instituti i Gjeologjisë i SHBA-ve, një agjenci qeveritare që ofron informacion shkencor rreth tokës, thotë se një lidhje midis një sjelljeje specifike dhe ndodhjes së një tërmeti nuk është bërë kurrë.

“Jemi ndeshur me shumë anekdota”, tha Andy Michael, një gjeofizikan në USGS. Kafshët reagojnë ndaj kaq shumë gjërave – kur qenë të uritur, kur mbrojnë territoret e tyre, kur bëhet fjalë për çiftëzimet apo grabitqarët – kështu që është e vështirë të kemi një studim të kontrolluar për të marrë atë sinjal paralajmërues të përparuar “.

Në vitet 1970, disa studime mbi parashikimin e kafshëve mbi tërmetin u bënë nga USGS “, por asgjë konkrete nuk doli prej saj,” tha Michael. Që nga ajo kohë agjensia nuk ka bërë asnjë hetim të mëtejshëm mbi këtë teori.

Sjellja e hallakatur tek qentë

Në Shtator 2003, një mjek në Japoni realizoi disa tituj me një studim që tregonte sjellje të çrregullt në qen, të tilla si lehja e tepërt ose kafshimi, që mund të përdoren si alibi për të parashikuar tërmetet.

Ka pasur gjithashtu shembuj kur autoritetet kanë parashikuar me sukses një tërmet të madh, bazuar pjesërisht në vëzhgimin e sjelljeve të çuditshme të kafshëve.

Për shembull, në 1975 zyrtarët kinezë urdhëruan evakuimin e Haicheng, një qytet me një miliona njerëz, vetëm disa ditë para se tërmeti me madhësi 7.3 të ndodhte.

Vetëm një pjesë e vogël e popullsisë u lëndua dhe u vra. Nëse qyteti nuk do të ishte evakuuar, numri i viktimave mund ti kishte kaluar 150 000.

Tërmeti i Haicheng është ai që i dha njerëzve shpresë se tërmetet mund të jenë të parashikueshëm, thotë Michael, dhe ajo që çoi në studimet e sjelljes së kafshëve nga USGS.

Megjithatë, u zbulua më vonë se një seri e rrallë dridhjesh të vogla, ndodhën përpara se tërmeti i madh të godiste qytetin. “Ishte sekuenca parashikuese që i dha (zyrtarëve kinezë) parashikimin e fortë,” tha Michael.

Akoma, kinezët kanë vazhduar të studiojnë sjelljen e kafshëve si një ndihmë për parashikimin e tërmeteve. Ata kanë pasur disa suksese të dukshme dhe gjithashtu disa alarme false, tha Rupert Sheldrake, biolog dhe autor librash. Një lidhje midis sjelljes së kafshëve dhe tërmeteve mund të bëhet, tha ai,ashtu “siç e kanë zbuluar kinezët, por jo të gjithë tërmetet shkaktojnë sjellje të pazakontë tek kafshët.

Sheldrake bëri studimin e tij duke parë reagimet e kafshëve para dridhjeve të mëdha, duke përfshirë tërmetin Northridge, California, në 1994 dhe tërmetet Greke dhe Turke në 1999. Në të gjitha rastet, ai tha se kishte raportime për sjellje karakteristike paraprakisht, duke përfshirë qentë që zhurmojnë natën në mënyrë misterioze, zogjtë e mbyllur në kafaz bëhen të shqetësuar dhe macet nervoze fshihen.

Gjeologët, megjithatë, hedhin poshtë këto lloj raportesh, duke thënë se është “efekti i përqëndrimit psikologjik”, se njerëzit kujtojnë sjellje të çuditshme vetëm pasi të ketë ndodhur një tërmet apo katastrofë tjetër.

Nëse asgjë nuk do të kishte ndodhur, ata kundërshtojnë duke argumentuar se njerëzit nuk do ta kujtonin sjelljen e çuditshme.

Raportimi i sjelljes së çuditshme
Sheldrake nuk bie dakort. Modelet e krahasueshme të sjelljes së kafshëve para tërmeteve janë raportuar në mënyrë të pavarur nga njerëzit në të gjithë botën, tha ai.

Nevojiten më shumë hulumtime tha Sheldrake, i cili propozon një ëebsite ku njerëzit mund të shkruajnë nëse shohin sjellje të çuditshme në kafshët e tyre.

Një kompjuter do të analizonte mesazhet në hyrje për të përcaktuar se nga kishin origjinën.

Një rritje e papritur e thirrjeve ose e-mail nga një rajon i caktuar mund të tregojë nëse një tërmet është i afërt.

Informacioni do të kontrollohej për të siguruar që vëzhgimet nuk ishin shkaktuar nga rrethana të tjera që mund të ndikojnë në sjelljen e kafshëve, të tilla si fishekzjarre, ose ndryshime të motit.

Dhe për të shmangur paralajmërimet e rrema, tha Sheldrake, të dhënat do të përdoren në lidhje me pajisjet e tjera monitoruese siç janë matjet sizmologjike.

“Një projekt i tillë do të zhvillonte imagjinatën e miliona njerëzve, do të inkurajojë pjesëmarrjen dhe hulumtimin në shkallë të gjerë të publikut – dhe do të ishte argëtuese,” tha ai.
“Ajo çfarë po e mban këtë hulumtim nuk është paraja por dogmatizmi dhe mendja e ngushtë.” /National Geographic. Përktheu Sonila Backa-Abcnews.al/

index-1573141107.jpg
So Nila09:05 | 05/12/2019

Revista prestigjoze The New York Times ka publikuar së fundmi listën me filmat me të mirë të vitit 2019. Me siguri në listën me 10 filma do të përfshihet edhe filmi i preferuar i juaji, nëse jo hidhini një sy listës për të zgjedhur filmin e ri që do të shihni me shoqërinë ose të dashurin tuaj në fundjavë.

1. Honeyland (Tamara Kotevska dhe Ljubomir Stefanov)

I ideuar si një video informative e porositur nga qeveria, ky dokumentar është as më pak e as më shumë se një alegori komike për problemin e vjetër sa vetë bota: fqinjët e pasjellshëm.

2.The Souvenir (Joanna Hogg)

Honor Swinton Byrne luan një version të regjisores kur ishte e re në një film autobiografik që gjithashtu mund të interpretohet si historia e origjinës së një superheroi.

3.The Irishman (Martin Scorsese)

Çfarë është kinematografia? Nëse keni tre orë e gjysmë kohë, përgjigjen e gjeni këtu.

4.Parasite (Bong Joon Ho)

Një film që do t’ju bëjë të ndiheni keq për gjendjen në të cilën ndodhet bota dhe mirë për gjendjen në të cilën ndodhet kinematografia.

5.Little Women (Greta Gerwig)

Gëzimet dhe hidhërimet e një familjeje kreative në Massachusetts, përgjatë shekullit të 19.

6.Once Upon a Time… in Hollywood (Quentin Tarantino)

Një tjetër përgjigje e pyetjes “çfarë quhet kinematografia) me bonus sytë e Brad Pitt dhe Leo Di Caprio dhe këmbët e Margot Robbie.

7.Marriage Story (Noah Baumbach)

Gëzimet dhe hidhërimet e një familjeje kreative në New York dhe Los Angeles, përgjatë shekullit të 21.

8.The Edge of Democracy (Petra Costa)

Ky dokumentar shqetësues shpalos ngjarjet që i paraprinë zgjedhjes së populistit Jair Bolsonaro-s si president i Brazilit dhe është filmi më i frikshëm i vitit.

9.Peterloo (Mike Leigh)

Politika britanike në 1819-n, plot pasion dhe madhështi, mosbesim dhe fraksionizim. Duket sikur ka kaluar shumë pak kohë që nga ato ditë.

10.Atlantics (Mati Diop)

Një dramë e paparashikueshme mbinatyrore, e rrënjosur në komentin e shoqërisë të botës reale.

7989606-0-image-a-2-1546269894020_1546348237-4844341-600x360.jpg
So Nila14:33 | 04/12/2019

Ngjarja ka ndodhur në Goias, Brazil. Sinzimbra, që është avokate, tha se i dashuri i saj ishte nervozuar pasi ajo la dhuratë në një lokal që e vizituan bashkë me shoqëri po atë ditë.

Ajo e ka fshehur kamerën në telefonin e vendosur në dhomë gjatë diskutimit të ashpër që kishin, ku avokatja i kërkonte të largohej. Në atë moment, ai e rrahu keq.

I dyshuari, me të cilin Luciana ishtë në një lidhje 3 vjeçare, nuk u arrestua, por nuk ka të drejtë t’i afrohet asaj gjatë hetimeve që po zhvillohen./abcnews.al

ValuaVitaly3-1280x960.jpg
So Nila13:50 | 04/12/2019

Femrat, të cilat i lyejnë flokët vazhdimisht, janë më të rrezikuara nga kanceri i gjirit, shkruan Dailymail.

Hulumtuesit nga Instituti Kombëtar i Shëndetit, kanë vëzhguar 50.000 femra për tetë vite. Sipas të dhënave femrat, që vazhdimisht përdorin ngjyrues permanent të flokëve, ishin 9% më të rrezikuara nga kanceri i gjirit, në krahasim me ato që nuk i lyejnë flokët.

Hulumtuesit kanë thënë se kimikalet, që gjenden tek keta ngjyrues të flokëve kanë tendencë të hyjnë në lëkurë përmes skalpit dhe të kalojnë në qarkullimin e gjakut për një kohë shumë të shkurtër. Ata gjithashtu thonë se shmangia e këtyre kimikaleve është një metodë tjetër, që gratë mund ta përdorin për të zvogëluar rrezikun e kancerit të gjirit.

Sipas Institutit Kombëtar të Kancerit në Britaninë e Madhe, në bojën e flokëve janë prezentë mbi 5.000 lloje të substancave kimike, disa prej të cilëve janë kancerogjene. Këto substanca kimike ndikojnë në mënyrë të drejtpërdrejtë në organizmin e njeriut.

Rreziku i një personi për të zhvilluar një lloj të kancerit, varet nga kohëzgjatja dhe mënyra e ekspozimit ndaj këtyre kimikaleve./abcnews.al

cold-1280x780.jpg
So Nila13:39 | 04/12/2019

Dimri ka trokitur zyrtarisht dhe temperaturat e ulëta dhe moti i ftohtë do të jenë pjesë e përditshmërisë sonë për muaj me radhë.

Në këtë sezon duket sikur mendimet tuaja ngadalësohen dhe ne vetë si individ bëheni më të dembelë.

Në realitet, ka shumë mosmarrëveshje midis shkencëtarëve se si moti i ftohtë ndikon në tru. Kjo mund t’i japë disa njerëzve një nxitje të dobishme, ndërsa për të tjerë mund të krijojë probleme serioze.

Në dallim nga trupi juaj i veshur me triko të leshtë dhe shall të ngrohtë, truri juaj nuk e regjistron ndryshimin e temperaturës në asnjë mënyrë fizike.

“Truri juaj aktual është i mbyllur brenda një kasaforte të izoluar me sistemin e vet të ngrohjes, si ngrohja e dyshemesë rrezatuese në një shtëpi skish”, thotë Dr. Clifford Segil, një neurolog në Qendrën Shëndetësore Providence Saint John.

Një studim i vogël me 28 persona i botuar në revistës “Procedime të Akademisë Kombëtare të Shkencave” zbuloi se aktiviteti i trurit të njerëzve ndryshoi në varësi të sezonit, por ata kryenin të njëjtën gjë në detyra dhe angazhime pavarësisht nga koha e vitit. Në mot të ftohtë, aktiviteti i trurit rreth vëmendjes ishte më i ulët se në verë, ndërsa aktiviteti i trurit në lidhje me kujtesën e punës ishte më i lartë.

Studiuesit mendojnë se truri ynë mund të funksionojë në mënyra të ndryshme në varësi të sezonit.

Ideja se ekspozimi ndaj të ftohtit mund të përmirësojë performancën njohëse është ende mjaft i diskutueshëm. Një përmbledhje e shkencës së fundmi zbuloi se të qenit i ekspozuar ndaj të ftohtit nuk ofron përfitim të shtuar për përmirësimin e performancës njohëse. Dhe studimet kanë treguar në të vërtetë se një ndryshim i temperaturave duket se prek njerëzit në mënyra të ndryshme./abcnews.al

mungesa-e-gjumit-dhe-dehidratimi.jpg
So Nila11:08 | 04/12/2019

Pagjumësia nuk është një dukuri e rrallë, përkundrazi, si dhe problemet që ajo sjell nuk janë të panjohura.

Nëse kjo dukuri është e rrallë, nuk është një arsye për tu shqetësuar, dhe pothuajse çdo person përballet me këtë lloj pagjumësie.

Megjithatë, nëse pagjumësia ndodh rregullisht, mund të jetë një alarm për shëndetin e dëmtuar. Pagjumësia mund të tregojë problemet e mëposhtme shëndetësore.

1.Diabeti

Nëse keni probleme për të fjetur, mund të jetë një shenjë që keni diabet të tipit 2. Kjo do të thotë, shumë sheqer në gjak mund të ndikojë në cilësinë tuaj të gjumit. Në veçanti, sheqeri i lartë në gjak mund t’ju bëjë të ndjeheni të nxehtë, të irrituar ose të shqetësuar.

Po ashtu, ekspertët besojnë se njerëzit që kanë diabet shpesh kanë problem me pagjumësinë, pasi gjatë natës shpesh shkojnë në tualet.

2.Ankthi dhe depresioni

Ata që vuajnë nga ankthi dhe depresioni shpesh kanë probleme me gjumin. Problemet e pagjumësisë janë në vetvete një nga faktorët e rrezikut për zhvillimin e depresionit.

Ekspertët rekomandojnë meditim për njerëzit që kanë probleme me gjumin.

“Të mësuarit për të qetësuar mendjen mund të jetë një aftësi e dobishme, si për të kaluar një periudhë stresuese, ashtu edhe për ruajtjen e cilësisë së gjumit gjatë natës,” shpjeguan ekspertët, duke shtuar se ushtrimi i rregullt do të ishte gjithashtu shumë i dobishëm.

Kjo gjendje është një nga arsyet më të zakonshme për t’u zgjuar natën.

Ekzistojnë shumë lloje të ndryshme të apnea, por apnea obstruktive është një nga më të zakonshmet. Ndodh kur muskujt e fytit herë pas here relaksohen dhe bllokojnë rrugët e frymëmarrjes gjatë gjumit.

Ka shumë simptoma të ndryshme të shoqëruara me apnea, por disa nga më të dukshmet janë gërhitja me zë të lartë dhe zgjimi i papritur i ndjekur nga gazrat dhe mbytja. Djersitjet e natës, dhimbja e kokës në mëngjes, tensioni i lartë i gjakut  janë gjithashtu disa nga simptomat e mundshme.

“Të shkosh në shtrat dhe të zgjohesh në të njëjtën kohë është një mënyrë për të zgjidhur këtë problem. Mbajeni dhomën e gjumit të errët dhe të qetë dhe nëse mundeni, flini shtatë deri në tetë orë gjatë natës. Nëse flini me shpinë, provoni të flini në anën tuaj për të lehtësuar simptomat tuaja, ”rekomandon Fondacioni britanik i mushkërive.

3.Pirja e duhanit

Studiuesit në Universitetin Atlantik në Florida kryen studimin dhe zbuluan se ekzistonte një lidhje e qartë midis pagjumësisë dhe përdorimit të nikotinës. Duhanpirësit gjithashtu janë treguar që flenë mesatarisht 45 minuta më pak se jo duhanpirësit.

4.Probleme me urinimin

Një nga shkaqet më të zakonshme të problemeve me gjumin është të shkosh shpesh në tualet.

Megjithëse nevoja e shpeshtë për të urinuar gjatë natës zakonisht është për shkak të lëngjeve të tepërta para se të shkoni në shtrat, në disa raste mund të jetë një shenjë e problemeve shëndetësore si fshikëza shumë aktive, prostata, madje edhe diabeti./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono