Kuriozitete

rijetezimi-i-punishtes-1280x720.jpg
G. P.19:40 | 19/08/2019

Dhërmiu njihet shumë prej kishave të shumta, por edhe prej objekteve të tjera të rralla, ndër to edhe një punishte ulliri. Ekipi i Edicionit veror shkoi në një punishte të tillë, e cila daton që prej vitit 1893. Ndërkohë ndërmarrja private që është marrë me përpunimin e vajit të ullirit në këtë punishte daton që nga viti 1907.

“Besoj se ka funksionuar, për këtë nuk jam shumë i sigurt deri në formimin e kooperativës bujqësore, që në fshatin Dhërmi daton që në vitin 1957”.

Por si funksiononte punishtja?

Ajo ka qenë me bazë familjare. Pra një fis kishte një ‘lutrovi’ dhe zakonisht me gomar, mushka, shpeshherë edhe gratë i sillnin nga dera dhe i zbraznin.

“Po ta shikoni këto gurët janë të sfazuar në mënyrë që të mbulojnë të gjithë sipërfaqen dhe të mbulojë një masë që në gjuhën teknike quhet brumi. Nga ky brumë, që përmban vajin edhe ujin, duhet të ndahet në tre pjesë. Procesi i ndarjes kalon nëpërmjet presës”.

Vendasit shprehen se me projektin e ri “100 Fshatrat” ka prurje turistësh të huaj në fshat. Njëri prej tyre duke marrë shkas edhe prej muzeut të ullirit në Pargë mendon që të bëjë të njëjtën gjë në Dhërmi.

“Unë kam pasur fatin që të udhëtoj në vende të tjera, të vizitoj muze të ullirit. Dhe është pjesë e paketës turistike dhe pas shikimit të procesit ata bëjnë atë që quhet degustimi i vajit të ullirit. Aty ka edhe dyqane që mund të blejnë produkte të zonës. Synojmë të kopjojmë në një farë mënyre edhe fqinjët pot t’i shërbejmë edhe turizmit dhe të tregojmë se edhe Shqipëria ka vaj ulliri të mirë”./abcnews.al

2_PAY-42-Year-Age-Gap-Couple.jpg
Sej rie20:45 | 16/08/2019

Një studente 19-vjeçare thotë se marrëdhënia me të dashurin e saj 61 – vjeçar, është normale, përkundër diferencës në moshë prej 42 vitesh.

Urszula Grzelak nga Varshava, Poloni, ishte 16 vjeç, kur ajo u takua me Nigel Thorpe nga Oksfordi pasi kishte shkuar në Britani në Gusht të vitit 2016 për të takuar familjen.

Nigel, ishte mik i tezes së Urszula dhe që në takimin e parë ata kishin pasur simpati për njëri-tjetrin.

Urszula dhe Nigel kaluan ditë të tëra së bashku, duke u argëtuar nën shoqërinë e njëri-tjetrit. Por shumë shpejt ata do ndaheshin pasi Urszula u kthye në Poloni.

Por dashuri e madhe që kishte për Nigel bëri që ajo të shpërngulej në Britani të Madhe.

Çifti po jeton bashkë për më shumë se një viti, por ajo po planifikon të kthehet në Poloni për të vazhduar studimet.

Njerëzit e kanë quajtur marrëdhënien e tyre ‘të sëmurë’, por Urszula e ka një përgjigje për kritikë.

Ajo tha: “Tani mund të them që nuk ka rëndësi se çfarë thonë njerëzit. Unë do e jetoj jetën siç dua. Vetëm vetja ime mund ta dijë kë dua unë dhe se çfarë është e mirë për mua.”/abcnews.al

17270136-7356221-image-a-12_1565789780788.jpg
Sej rie22:30 | 14/08/2019

Bugatti ka krijuar dhe ka shitur makinën më të shtrenjtë në histori për gati 18 milionë euro. “La Voiture Noire”, që do të thotë “Makina e Zezë”, u ndërtua për të festuar 110 vjetorin e krijimit të firmës, dhe emri nderon rrënjët franceze.

“Bugatti” u themelua si kompani franceze në vitin 1909 nga dizenjuesi italian Ettore Bugatti, në qytetin Molsheim të Alsasës, Francë, por që në atë kohë i përkiste Gjermanisë.

Përveç kësaj, ky model shërben për të përkujtuar Type 57 Atlantic Coupe, në vitet 1930, të dizenjuara nga djali i Ettore Bugatti-t, Zhani, të cilën ai e quajti “La Voiture Noire”.

0-1.jpg
Sej rie21:00 | 14/08/2019

Të gjithë kemi me shumë se një rast të çuditshëm, ku u tregojmë njerëzve për situata të sikletshme që kalojmë pas një mbrëmje të “çmenduar” që kalojmë mes miqsh.

Edhe këto foto të shkëlqyera janë kapur në momentin e duhur dhe kohën e duhur. Bëhet fjalë për vajza në gjendje të dehur, të cilat nuk i mbajnë këmbët nga pija, raporton “The Sun”./abcnews.al

108298637_mevanandegbert.jpg
Sej rie19:00 | 14/08/2019

Një ish-refugjate nisi një fushatë në Twitter për të gjetur një të huaj “bujar”, i cili i bleu asaj një biçikletë kur ajo ishte pesë vjeç. Mevan Babakar, tashmë 29 vjeç, kishte jetuar në një kamp refugjatësh pranë Zwolle në Hollandë gjatë viteve 1990. Ajo postoi një foto të çuditshme të njeriut që takoi rastësisht në kamp, emrin e të cilit nuk e dinte.


Por ajo kujtonte se ky njeri për ditëlindje i kishte dhuruar asaj një biçikletë. Fotografia u shpërnda nga më shumë se 3,000 përdorues ku më në fund njeriu bamirës u gjet.

Gjatë takimit të tyre ajo postoi në Twitter: “Ky është Egbert. Ai po i ndihmon refugjatët që nga vitet ’90. Ai ishte aq i lumtur që më pa. Ai ishte krenar që unë jam një grua e fortë dhe e guximshme. Ai tha se kjo ishte dëshira e tij për mua që kur isha e vogël. Ai tani rrit lule orkide. Ai ka një familje të bukur.”

Babakar dhe prindërit e saj, të cilët janë kurdë, u larguan nga Iraku gjatë Luftës së Parë të Gjirit, duke udhëtuar nëpër Turqi, Azerbajxhan dhe Rusi para se të kalonin një vit në kampin Zwolle nga viti 1994 deri në vitin 1995. Familja e saj u vendos përfundimisht në Londër, ku Babakar punon si menaxhere teknologjie./abcnews.al

Pueblo-Polonia-The-New-York-Times-8.jpg
Sej rie22:30 | 13/08/2019

Një fshat vetëm me vajza! Ky është “problemi”  në një rajon të Poloni me 300 banorë. Ky vend, prej një dekade po pret lindjen e një djali. Kryetari polak i Miejsce Odrzanskie ka premtuar një surprizë për çiftin që lind djalë në fshatin ku prej 10 vitesh kanë lindur vetëm vajza.

Autoritetet në fshatin Odrzanskie nuk ditë të argumentojnë se pse nuk kanë lindur djem në fshat që nga viti 2010.

Shefi i zjarrfikësve vullnetarë lokalë, ekip që përbehet kryesisht nga femrat, thotë se lindja e një  djali në këtë rajon është bërë joreale.

Fshatarët kanë filluar të shqetësohen pasi nuk do ketë fuqi punëtorë për të punuar tokat bujqësore dhe fushat, pasi janë punë֝ të rëndë për gratë dhe vajzat.

Rasti i lindjeve të ulëta në radhët e djemve ka nxitur edhe interesin e shkencëtarëve që kanë ofruar të bëjnë kërkime për të hetuar situatën unike.

Megjithatë, statistikat tregojnë se më shumë djem se vajza kanë lindur në Poloni. Në vitin 2017, lindën 207,000 djem në krahasim me 196,000 vajza. Kjo bën me dije se vetëm migrimi i burrave do të ndryshonte situatën e padëgjuar./abcnews.al

757558.jpg
ent ela12:35 | 02/08/2019

Midis bixhuve, këpucëve, rrobave, xhaketave dhe parfumeve, ja cilat janë 7 gjërat që nuk duhet t’i vishni kurrë në avion që të mos ngadalësoni kontrollet ose të vuani lartësinë.

Ajo që duhet të vishni për të udhëtuar me avion nuk është vetëm çështje estetike, por edhe mbi të gjitha nevojë, rehati dhe vlerësim i kohës dhe procedurave të sigurisë. Mes bizhuve, reçipetave dhe parfumeve, ja cilat janë 7 gjërat që duhen shmangur me çdo kusht (në respekt të alternativës më të zgjuar).

Bizhu të mëdha

Stolitë dhe xhevahiret metalike do t’ju ngadalësojnë procedurat e sigurisë, veçanërisht nëse ato nuk janë të shpejta për t’i hequr. Më mirë t’i mbani në bagazhin e duarve.

Veshjet e ngushta

Pavarësisht nëse janë pantallona, funde, xhaketa apo këmisha, shmangni rrobat e ngushta për një arsye të thjeshtë: duke u ngjitur lart, trupi bymehet dhe veshjet e ngushta ndalojnë qarkullimin e duhur të gjakut dhe lëngjeve.

Nëse yjet dhe modelet, gjithmonë në avion përdorin pantallona të gjera, një arsye është me siguri.

Reçipeta të pakëndshme

Nuk ka asgjë më të keqe se sa të ndjeheni një shpatull të lënduar ose gjoks të shtrënguar kur uleni në avion: më mirë të zgjidhni reçipeta sportive pa tela.

Pantallona të shkurtra dhe minifunde

Për tre arsye: do të keni të ftohtë me ajrin e kondicionuar të avionit, do ta keni lëkurën në kontakt me shumë sipërfaqe mbi të cilat mund të mos jeni të kënaqur të jeni në kontakt, dhe nuk rekomandohet të mos mbuloheni në rast zjarri ose evakuimi.

Parfum

Kur jeni në avion, ndani ajrin me shumë njerëz: ajo që është e këndshme për ju mund të jetë torturë për të tjerët, si dhe një problem për ata që vuajnë nga astma ose probleme me frymëmarrjen. Kufizoni veten në deodorant.

Taka të larta dhe shapka me gisht

Këtu bëhet fjalë për sigurinë: si takat ashtu edhe shapkat me gisht rrezikojnë t’ju ngadalësojnë, si në rast urgjence, dhe nëse keni qenë vonë për të marrë fluturim dhe do të keni nevojë për të shpejtuar ritmin tuaj për të mos e humbur atë.

Xhaketa të mëdha

Duke mbajtur veshur atë  do t’ju pengojë të lëvizni dhe do t’ju heqë hapësirën jetësore të atyre që rrinë përballë jush. /abcnews.al

 

 

ca22169a-ae82-11e9-a61f-bc570b50c4e7_image_hires_143959.jpg
ent ela12:15 | 28/07/2019

Është vetëm gjashtë vjeç, por koreanojugorja Boram, e cila është një youtuber që numëron 31 milion ndjekës, është aq e pasur sa ka mundur të blejë një qiellgërvishtës me vlerë 8 milionë dollarë, në Seul.

Boram, një gjashtë vjeçare nga Seuli, është një youyube-r, e cila në fillim të këtij viti ka blerë një qiellgërvishtëse me vlerë pre 8 milion dollarësh në zonën e pasur të Ganjam, në kryeqytetin e Koresë së jugut. Vogëlushja, në dy kanalet e saj në You Tube numëron 31 milion ndjekës dhe për të menaxhuar suksesin e saj të madh online, i është dhënë nga prindërit e saj një shoqëri “Boram Family company”, përmes të cilës është blerë dhe ndërtesa. Por kryesimi i më të pasurve të Youtube është ende larg për atë, pasi në vend të parë është Rajan Kaji i cili në vitin 2018 në moshën shtatë vjeçare ka fituar rreth 22 milion dollarë.

Sipas CNN, Boram ka dy kanale në You Tube, njërin të hapur në vitin 2016 me 13.6 milionë të regjistruar ku merret me analizimin e lodrave, dhe kanalin tjetër ku shpërndan video për  fansat e saj të vegjël me 17.6 milionë të regjistruar.

Në një nga videot e saj më të popullore me më shumë se 376 klikime, Boram bën makarona të gatshme me një kuzhinë lodër plastike dhe më pas i ha me entuziazëm.

Në këtë mënyrë vetëm gjashtë vjeç, ajo mund t’i lejojë vetes investime në pasuri të patundshme. /ABC News Albania 24/7

odeta-banushaj.jpg
G. P.20:05 | 27/07/2019

Blogerja Odeta Banushaj tregoi një këshillë të vlefshme për të gjithë vajzat që akoma nuk kanë shkuar për pushime dhe nuk i kanë bërë gati valixhet. Gjatë një interviste me Sibora Bitrin për Edicionin Veror, Odeta tha që më përpara ngarkohej me shumë valixhe dhe me gjëra të panevojshme.

Mirëpo tani në Youtube ka mësuar një mënyrë të re se si t’i paketojë gjërat në valixhe ç’ka nuk zënë edhe shumë vend. Përveç kësaj, Odeta i bën që në fillim ndarjet se çfarë veshjesh do të përdorë gjatë ditëve të pushimeve.

.

Sibora Bitri: Një këshillë për të gjitha gocat që po na ndjekin dhe akoma nuk kanë shkuar me pushime. Çfarë do u sugjeroje ti që ta mbushin atë valixhen? Të lutem mos thuaj këshillë merr gjithë shtëpinë me vete se një javë rri tjetri, ça do bëjë më tepër?

Odeta Banushaj: Gjithë shtëpinë jo pavarësisht se përfundojmë duke marrë gjithë shtëpinë. Unë kam mësuar se sigurisht se as unë nuk kam qenë e mirë në këtë gjë. Përfundoja duke marrë dy valixhe, çanta dore, këtej laptopin. Ngarkohesha shume dhe me gjëra të panevojshme. Shikoni në “Youtube tutorial” se ka disa video që janë shumë të mira dhe janë shumë të mira sa i përket kësaj pjesës se si të paketoni valixhet. Kam mësuar që është ajo teknika “rolling”. Nuk zënë vend. Nuk marrin rrudhë. Mënyra më e mirë e të organizuarit, për mua të paktën që duhet të lëviz shpesh edhe për shkak të punës dhe duhet të marr shumë veshje për shkak të punës, i bëj gati nga e hënë në të premte duke i bërë “roll” komplet veshjes dhe e di.

Sibora Bitri: I përcakton qysh në fillim se po i more “hë se i kombinoj atje” atëherë more fund.

Odeta Banushaj: Ai është mendim i dështuar gjithmonë./abcnews.al

horoskopi1.jpg
nev ila20:35 | 25/07/2019

Gushti fillon me një Hënë të re në shenjën e Luanit dhe do t’u japë njerëzve ndjesinë se tashmë ka ardhur momenti të gëzojnë dhe të argëtohen. Hëna e re tregon fillime të reja të gëzueshme në çdo aspekt. Por ky muaj gjithashtu do të jetë edhe me të papritura”, kështu u shpreh astrologjia Meri Shehu, teksa foli në mënyrë të përgjithshme për parashikimin e yjeve për muajin Gusht.

E ftuar në emisionin “Rudina” në Tv Klan, astrologia tregoi renditjen e shenjave të horoskopit për këtë muaj.

 

Renditja e shenjave të horoskopit nga ajo me më pak fat tek me e favorizuara:

 

12-Gaforrja Do të kenë një muaj sulmi, antagonizmash dhe do përpiqen të marrin atë që mendojnë se iu përket.

 

11-Dashi Do të ketë një muaj vital, me energji pozitive. Dashuria do të jetë në qendër të vëmendjes, por do të kenë edhe shumë peripeci.

 

10-Binjakët Do kenë pak shkëputje nga shoqëritë, ndarje, bashkime, shoqëri të reja dhe kjo të sjellë pak paqëndrueshmëri për ta.

 

9-Peshorja Për ta ky muaj do të jetë më shumë si muaj informacionesh pasi do të takojnë njerëz dhe do të jenë në lëvizje.

 

8-Virgjëresha Do të ketë një muaj shumë dominant dhe do të mbushen me energji për të bërë gjëra të mëdha në fund të Gushtit.

 

7-Demi Do të merren shumë me familjen, do të kenë të ftuar ose do të ftohen diku, por familja do të jetë ajo që do t’i shqetësojë jashtë mase gjatë këtij muaji.

 

6-Bricjapi Do të merren shumë me çështjet ekonomike dhe me punën këtë muaj. Do të investojnë për një punë dhe mund të kenë edhe një humbje, ndaj edhe duhet t’i bëjnë llogaritë mirë.

 

5-Luani Ata do të shkëlqejnë këtë muaj, por jo të gjitha gjërat do t’i marrin ashtu siç duhet. Duhet të bëjnë kujdes me zgjedhjet që bëjnë.

 

4-Peshqit Do të notojnë në ujëra ndoshta jo të natyrës së tyre, por do të jenë të aftë të notojnë. Do të arrijnë sukses, por duan edhe mbrojtjen e dikujt që i këshillon gjatë kësaj periudhe.

 

3-Shigjetarët Do të jenë në kulmin e tyre të dashurive dhe do të bëjnë ndryshime rrënjësore në jetën e tyre.

 

2-Ujori Ky muaj do t’u plotësojë atyre një dëshirë. U rregullon një punë, një marrëdhënie ku e ndjejnë veten të plotësuar dhe një të ardhme të mirë.

 

1-Akrepi Plutoni do t’i verë në lëvizje me ngacmime, por të gjithë do të vihen në dyshim për atë që kanë dhe që duhet të kenë./tvklan.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono