Kuriozitete
Postimi i trajnerit të Llapit

0_Princess-Charlotte-fourth-birthday.jpg
So Nila15:45 | 09/12/2019

Princesha Charlotte dëshiron një kalë të vogël për Krishtlindje dhe është “e fiksuar me kuaj” ashtu si gjyshja e saj .

Por babai i saj Princi William, 37 vjeç, thuhet se nuk ka dëshirë të lejojë që katër vjeçarja të ketë një të tillë, sepse ai mendon se është shumë e vogël.

Një burim tha për revistën Closer se: “Charlotte është  njësoj si  mbretëresha Elizabeth dhe është e fiksuar pas kuajve.

“Ajo ka kërkuar një kalë të vogël, por mund të duhet të presë deri vitin e ardhshëm, sepse William mendon se shumë e vogël.”

Gjithashtu  vëllai më i madh i Charlotte, George, 6 vjeç, ka shumë dëshirë të marrë një raketë të re tenisi dhe tavoline futbolli për Krishtlindje  pasi ai është shumë i dhënë mbas sportit.

George është me të vërtetë i dhënë mbas tenisit dhe ka kërkuar një raketë të re dhe një tryezë futbolli, “tha burimi.

Mbretërsha ka filluar të kalërojë në moshën 6-vjeçare .

Ajo vazhdon të këtë të njëjtin pasion edhe sot dhe ka fituar 7,768,448 mijë paund  nga garat me kuajt e saj gjatë 31 viteve të fundit.

Dhe këtë pasion ia ka trashëguar mesa duket edhe mbesës së saj./abcnews.al

hajdut.jpg
Autor E14:46 | 09/12/2019

Hajdutët ia dalin shpesh të marrin atë që duan, por ndodh që ndonjëherë të bien vetë në kurth duke e pësuar shumë keq.

Një youtuber ka futur në kurth sëfundmi dy hajdutë duke u dhënë atyre një mësim shumë të mirë.

Ai shfaqet si një shpërndarës porosish dhe e le me kast derën e furgonit hapur. Në momentin kur hajdutët shohin këtë, ata futën për të marrë diçka, por nuk e dinë që është kurth.

Man Locks Thieves In Van

He locked them in a van and took them for the ride of their life 😂👏

Gepostet von LADbible am Montag, 9. Dezember 2019

I riu mbyll derën dhe pasi i përplas mirë e mirë në anët e furgonit, ia hap derën pranë një liqeni duke i bërë që të lagen.

Epo ja vlen një mësim i tillë apo ajo?  /abcnews.al

termet-4.jpg
Autor E14:03 | 09/12/2019

Çfarë po ndodh në nivelin sizmotektonik në zonën e Ballkanit?

Sipas profesorit të gjeologjisë në Universitetin L’Aquila, Antonio Moretti i cili është nisur drejt Shqipërisë për të parë nga afër dëmet e shkaktuara nga tërmeti i 26 nëntorit e gjitha e ka një shpjegim.

“Jemi mbi një vijë, midis Afrikës dhe Europës, që po afrohen. Kalabria është e mbështetur në detin e lashtë të quajtur Thetis, që po fundoset duke lëshuar energjinë e tij. Deti Jon, Kalabria por dhe Apeninet italiane po afrohen drejt Adriatikut për shkak të shtyrjes nga Afrika. Është e njëjta gjë që i ndodh Lindjes, kështu që deti ulet në mënyrë të theksuar, lëshon energji në mantel duke ngrohur shkëmbinjtë që ngrihen në formën e magmës. Kjo është një zonë që merr presione nga shumë anë, jo vetëm nga Deti i Zi”, shpjegon profesori italian.

 Por Antonio Moretti thotë se Italia dhe Shqipëria, megjithëse zona sizmike tepër aktive, nuk janë më të rrezikuarat.

“Nga ky këndvështrim, Turqia, harku helen dhe zona që kufizon Detin e Vdekur janë më kritiket, sepse ato janë në vijën e pllakave që ndan dy kontinentet, përkatësisht bllokun aziatiko-evropian nga njëra anë dhe gadishullin Arabik së bashku me Afrikën në anën tjetër”, shpjegon Moreti.

Eksperti italian thotë se kjo është çarja e dytë në botë pas asaj të San Andreas në Kaliforni, që ka shkaktuar tërmete me përmasa gjigante.

“Duhet të mësohemi të jetojmë me tërmetet, duke u siguruar që të mos na i rrëzojnë më shtëpitë”, përfundon Moretti.

0_PAY-MAJOR-INCIDENT-OVER-SWIMMERS-IN-DIFFICULTY-1.jpg
So Nila13:21 | 09/12/2019

Gruaja  ishte një nga dy notaret që kishin hyrë në ujë këtë mëngjes në brigjet e Ballycastle, në Irlandën Veriore.

Një grua ka vdekur nga hipotermia dhe një tjetër u dërgua në spital duke u trajtuar për hipotermi.

Shërbimet e urgjencës u thirrën në vendngjarje në 8.28 të mëngjesit me një helikopter Coastguard nga Prestwick si dhe Ambulanca Ajrore  dhe ekuipazhet bregdetare, policia, shërbimi i zjarrfikësve dhe personeli i Shërbimit të Ambulancës që nxituan për në vendngjarje.

Le të rikujtojmë se disa qytete të Irlandës janë goditur nga erëra të forta gjatë fundjavës dhe këtë mëngjes ndërsa Stuhia Atiyah ka qënë shumë e fuqishme.

Nisja e trageteve u anulua dhe rreth 10,000 shtëpi mbetën pa energji./abcnews.al

image-8.jpg
So Nila13:07 | 09/12/2019

Macet dihet që kanë mendjen e tyre, dhe këto foto dëshmojnë se sa të vendosura janë macet në rrugën e tyre.

Në një galeri të përpiluar nga Buzzfeed, pronarët e kafshëve shtëpiake postuan në internet për të ndarë me të tjerët vendet më të çuditshme të pushimit të maceve të tyre, të befasuar nga mënyra se si ata arritën të “shtrydheshin” në vendet më të ngushta.

Në një rast, dy kotele vendosën në një tas të dyfishtë, si  vendi më i përshtatshëm për ato që të qetësoheshin, ndërsa gjetkë një mace e zhyt veten në një vazo, si zona e përsosur e gjumit.

Ja disa nga fotografitë:

dont-look-at-phone-before-sleep.jpg
So Nila11:29 | 09/12/2019

Kur bëhet fjalë për shëndetin, zakonet tona të teknologjisë vendosen në “mikroskop” sidomos kur bëhet fjalë për ruajtjen e kujtesës sonë të sëmurë, modele jo të shëndetshme të gjumit dhe përkeqësimin e shikimit. Sikur të mos mjaftonin të gjitha këto, gjithnjë e më shumë hulumtime po bëhen rreth “dritës blu”, armiku i fshehtë i bukurisë në pajisjet digjitale që paraqet rrezikshmëri për lëkurën tonë.

Çfarë është “drita blu”?

“Drita blu” i referohet gjatësisë së valëve me energji të lartë që janë në skajin blu të spektrit të dritës së dukshme. Ne jemi të ekspozuar ndaj dritës blu nga dielli, megjithatë ajo emetohet edhe nga dritat LED, siç janë ato që gjenden në telefonat tanë, ekranet e TV-ve, laptopët dhe sipas hulumtimeve të fundit, Australianët po kalojnë më shumë se nëntë orë në ditë para aparaturave digjitale që i ekspozojnë kësisoj edhe më shumë ndaj dritës blu.

Drita blu nuk është domosdoshmërisht e keqe kur ajo emetohet në gjatësinë e valës së duhur, madje mund të shfrytëzohet për të vrarë puçrrat dhe për të zbutur linjat e rrudhave. Sipas ekspertit të lëkurës, Jocelyn Petroni, drita blu infiltron lëkurën edhe më larg sesa rrezet UVA/ UVB, që ne thuajse i kemi shmanguar gjithë kohës.

Ajo që bën kjo dritë është të depërtojë drejt e në dermën e lëkurës, duke shkaktuar stres oksidativ në lëkurë, duke çuar në plakje të parakohshme. Për më tepër, ajo mund të gjenerojë radikale të lira, gjë që dëmton kolagjenin natyral në lëkurën tonë. Ajo që na mbetet janë rrudhat, pigmentimi i tepërt dhe ulja e elasticitetit të lëkurës. Dhe nëse rregullisht nuk bëni gjumin e bukurisë, atëherë ju jeni edhe më të ndjeshëm dhe më të ekspozuar ndaj këtyre fenomeneve negative.

Si mund të mbrohemi?

Fatmirësisht industria e bukurisë i është përgjigjur thirrjes sonë, me një rritje të produkteve që synojnë mbrojtjen ndaj dritës blu. Zgjidhni produkte me formula të pasura hidratuese, antioksiduese, të cilat mbrojnë dhe minimizojnë dëmet nga radikalët e lirë. Një SPF me spektër të gjerë që mbron nga rrezet UVA dhe UVB është gjithashtu thelbësor, si dhe acidi hialuronik për të ruajtur nivelet optimale të hidratimit. Ndërsa është vështirë të pranohet që ne të largohemi tërësisht nga teknologjia, ne mund të minimizojmë dëmet deri diku. Disa telefona smart këto ditë kanë një sistem që quhet ‘ndërrimi të natës’ dhe që e kalon dritën blu në dritë të verdhë, e cila është shumë më e mirë për sytë dhe lëkurën. Mbrojtësit e ekranit të filtrimit të dritës blu janë gjithashtu një mundësi e mirë, ose ju mund të angazhoheni për të zvogëluar përdorimin e pajisjeve elektronike, kështu që ndoshta një detox dixhital nuk do të ishte humbje kohe./abcnews.al

casa-de-papel-money-heist.jpeg
So Nila10:00 | 09/12/2019

Seriali spanjoll “La Casa de Papel” (Money Heist) i cili theu rekorde shikueshmëri në tre sezonet e tij, vjen sërish më një tjetër sezon, i cili pritet të jetë po aq i suksesshëm.

Data në të cilën do të publikohet sezoni i katërt i serialit është 3 prilli i vitit 2020. Kjo është bërë e ditur përmes një postimi në rrjetin social ‘Instagram’, nga llogaria e këtij seriali.

“As profesori s’mund të planifikojë për kaq shumë kaos”, është shkruar në videon e publikuar nga La Casa de Papel në ‘Instagram’. Ndërkohë e veçanta e këtij sezoni është pjesëmarrja e futbollistet Neymar.

Përveç futbollistit, shkrimtari Stephen King, fituesja i Eurovision 2018, Netta, janë disa nga emrat që kanë treguar se janë shumë të lidhur me këtë serial, dhe do të pranonin të luanin në një ndonjë prej episodeve./abcnews.al

7-Ways-to-Just-Say-“Thank-You”.jpg
So Nila09:56 | 09/12/2019

“Një jetë e mirë nuk kërkon ndjenja të sinqerta për hir të autenticitetit, por kërkon rebelim ndaj impulseve negative dhe të bësh atë që duhet, edhe kur nuk doni,” shkruan Arthur C. Brooks, autor i “Gross National Happines, një rubrikë në The New York Times.

Në artikullin e vititi 2015, ai shpjegon se “të sillesh sikur je mirënjohës, të bën vërtet mirënjohës,” dhe përdor fakte shkencore për të mbrojtur argumentin.

Një studim i vitit 2003 krahasoi mirëqenien e pjesëmarrësve që listonin çdo javë për çfarë ishin mirënjohës dhe mirëqenien e atyre që listonin çdo javë gjërat që i irritonin ose që s’u falnin asnjë emocion.

Studiuesit nxorrën në pah se pjesëmarrësit që fokusoheshin te mirënjohja shfaqnin mirëqenie më të lartë dhe dolën në përfundimin se “fokusimi i vetëdijshëm te bekimet në jetë ka përfitime emocionale dhe ndërpersonale.”

Pjesëmarrësit nuk iu futën studimit më pak apo më shumë mirënjohës se të tjerët dhe nuk ndryshuan asgjë në jetët e tyre. Thjesht ndryshuan perspektivën ndaj mirënjohjes dhe kjo i lumturoi.

Si e ka këtë efekt mirënjohja?

Së pari, duke stimuluar dy rajone të rëndësishme të trurit: hipotalamusi, që rregullon stresin dhe zona vegmental ventral, që luan një rol të rëndësishëm në sistemin shpërblyes të trurit që prodhon ndjesinë e kënaqësisë.

Një studim i vitit 1993 zbuloi një tjetër mënyrë për të qenë më të lumtur edhe kur s’ndihemi të lumtur. Studiuesit zbuluan se buzëqeshja, qoftë e vetëdijshme, qoftë e pavetëdijshme ka të njëjtin efekt në aktivitetin e trurit. Mund ta bindësh trurin dhe trupin se je i lumtur edhe kur nuk je thjesht duke buzëqeshur forcërisht. “Kur silleni si të lumtur, pavarësisht ndjenjave, truri gënjehet dhe proceson emocione pozitive,” shpjegon Brooks. “Në fjalë të tjera, bëj sikur di, deri kur të dish vërtet.

Në rubrikën e tij, Brooks sugjeron që të ndjekim tre strategji për të vjelë efektet pozitive të mirënjohjes.

1.Së pari, praktikoni “mirënjohjen e brendshme.” Mbani një listë të përditshme a të përjavshme të gjërave që ju bëjnë mirënjohës. Për shembull, unë mund të shkruaj: Jam mirënjohëse që kam një punë që më pëlqen dhe që përmes kësaj pune mund të ndihmoj njerëz në vështirësi.

2.Së dyti, praktikoni mirënjohjen e jashtme. Dërgoni letra falenderimi dhe shpreheni mirënjohjen tuaj. Për shembull, mund t’i dërgoni një mesazh falenderues mikeshës që ju qëndroi pranë në një moment të vështirë.

3.Dhe së treti, jini mirënjohës për gjërat e vogla. Në fjalë të tjera, jini falenderues për gjëra të përditshme që i injoroni si frutat e freskëta apo një shtëpi e ngrohtë.

Jeni vallë të shqetësuar se dërgimi i i një letre falenderimi do t’ju bëjë të dukeni keq në sytë e miqve? Apo që s’do të ketë ndonjë ndikim në jetën e tyre?

Shkenca thotë se gaboheni.

Një studim i publikuar në Psychological Science në qershor të 2018-s, zbuloi se njerëzit e nënvlerësojnë sa rëndësi ka për të tjerët një letër falenderimi.

Studiuesit i kërkuan një grupi prej 100 pjesëmarrësish t’u shkruanin letra falenderimi njerëzve që donin të falenderonin, si një shok a një mësues. Dr. Amit Kumar, studiues, vuri re se letrat u merrnin më shumë se pesë minuta kohë pjesëmarrësve.

Pjesëmarrësve më pas iu kërkua të vlerësonin sa i habitur, i lumtur dhe i sikletosur do të ndihej marrësi i letrës kur ta lexonte. Dhe së fundi, marrësit e letrave u pyetën si u ndjenë nga letrat e falenderimit.

Mesa duket, letërshkruesit e mbivlerësuan sikletin që do të ndjenin letërmarrësit dhe nënvlerësuan efektet pozitive. Gazetarja Heather Murphy, e The New York Times, shkruan: “Pasi morën letra falenderimi dhe pasi plotësuan pyetësorët, letërmarrësit thanë se u ndjenë shumë mirë dhe se lumturinë e vlerësuan me 4/5. Letërshkruesit hamendësuan një nivel lumturie 3/5.”

Nëse mirënjohja edhe kur s’po ndodh ndonjë gjë për të qenë mirënjohës ju bën mirë dhe ka efekt pozitiv në jetën tuaj dhe të tjerëve rrotull jush, pse të mos e praktikoni çdo ditë?

Bëni siç rekomandohet në librin “Authentic Happiness” babai i psikologjisë pozitive, Martin Seligman dhe shkruani një letër falenderimi në ditë. Shpenzoni pesë minuta në mëngjes ose mbrëmje për t’i shprehur mirënjohjen një njeriu të dashur. Shkenca thotë që do të ndiheni në siklet, por duhet ta bëni gjithsesi./abcnews.al

21995854-7771263-image-a-2_1575876624998.jpg
Autor E09:51 | 09/12/2019

Pasojat e ngrohjes globale po ndjehen çdo ditë e më tepër në kontinent.

Dikur, banorët e fshatit Ryrkaypiy në veri-lindjen e largët të Rusisë as që do ta mendonin se do të mund të kishin të bënin me arinjtë polarë, por tani po ndodh.

60 prej tyre rrethuan fshatin sëfundmi duke kërkuar ushqim pasi moti nuk kishte qenë aq i ftohtë sa duhet për të ngrirë detin në mënyrë që ata të mund të gjuanin.

Përballë kësaj situate, forcat e rendit në fshat qëlluan me disa fishekzjarre në drejtim të tyre për t’i trembur.

Në fshat jetojnë rreth 730 banorë, të cilët tani duhet të përballen edhe me rrezikun e arinjve polarë që janë të uritur dhe mund t’i sulmojnë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono