Kulturë

diana-ziu.jpg
nev ila13:00 | 09/11/2019

Kompozitorja e njohur, Diana Ziu, përmes llogarisë së saj në rrjetet sociale, i ka shkruar një letër publike kryeministrit Edi Rama ku shkruan sërish për Festivalin e Këngës në RTSH.

Kompozitorja shkruan se, do apo nuk do, Rama është “urdhri nga lart”, për këtë kategori kuadrosh të realizmit socialist, duke iu referuar me emrat “Shoqja Vera” dhe “Shoku Zhani“, Vera Grabockës dhe Zhani Cikos.

Në përfundim të letrës së saj kompozitorja Ziu i ka drejtuar, 5 pyetje, kryeministrit Rama, dhe Kryetarit të Kuvendit Gramoz Ruçi nga të cilët, sipas Ziut, varet Radio Televizioni Publik Shqiptar.

Letra e Diana Ziu-t:

Leter e hapur z. Edi Rama .

z. Kryeminister, ndoshta gabohem kur mendoj se zerat publike kane ende impakt ne shoqerine tone, por po e bej dhe nje perpjekje.

Eshte mekat qe ka njerez te cilet me teper do humbasin kohe per mbrojtjen e modelit te vjeter te shikimit te botes, se sa ta rregullojne ate.

Po e nis nje leter te thjeshte por te rendesishme per shoqerine sot, per tju vene ne dijeni per crregullime, abuzime, heqjen e vlerave te artisteve, mungese transparence e favoritizem ne nje vend ku denohesh per 40 mije lek drita dhe quhesh zotni kur me 400 milion ben si te te doje qejfi.

Por une do vazhdoj ti quaj me emertimin e tyre te vjeter, apo te rinise se tyre me sakte, shoqja Vera dhe shoku Zhani, sepse nuk habitem kur shoh se ende jane te brymosur me kohen e urdherave nga lart, ndaj dhe me lind pyetja :

Ose e kane urdhrin nga lart, ndaj bejne cfare te duan, ose bejne cfare te duan, per sa kohe nuk kane urdher nga lart !

Kush valle i perkrah kaq shume?
Ky e gjejne ate force mbeshtetese qe duhet per te bere si ne mall te babes me pronen e shtetit, me 400 milon lek fonde, e me e renda, me vete krimtarine kombetare.

z. Kryeminister, doni apo nuk doni ju, Ju jeni “urdhri nga lart” per kete kategori kuadrosht te realizmit socialist, te cilet mendojne ende se boll te jesh ne rregull me partine, pa ne djall te tjerat.

Ajo qe me shqeteson me shume sot si intelektuale dhe krijuese, nuk jane dy shoket per te cilet gjithe vendi ka nje jave qe gumezhin per abuzimin me pushtetin dhe fondet, por per modelin qe ata kane krijuar, dhe mirembajne pa j’u hyre gjemb ne kembe,

Pa folur per marrjen e fymes qe i bejne dhjetra e dhjetra regjizoreve dhe artisteve re rinj, te cilet nen ombrellen e shokeve ne fjale nuk kane asnje mundesi pervec se te ikin, e te ikin nga syte kembet madje.

5 pyetje publike per ju dhe kryetarin e kuvendit nga i cili varet TVSH-ja

1. Pse nuk ka nje ekip kontrolli per procedurat e konkurimit, te shkelura me fakte publike

2. Si mund te mos kete as rregullore te miratuar as nje keshill artistik per nje aktivitet qe menaxhon mbi 400 milion lek, fonde publike.

3. Si jane shpallur kenge fituese, materiale te cilat nuk jane shkruar apo perfunduar ende dhe sot.

4. Si eshte e munduur qe mekanizmat per transparencen dhe luften kunder korrupsionit vetem ne festivalin e RTSH nuk nderhyjne dot?

5. A e keni forcen te urdheroni nga lart qe mos perdhoset krimtaria kombatare apo i vetmi urdher nga lart per keta njerez eshte vetem ai i KRIJUESIT…!

Me respekt
Diana Ziu”, shkruan shkrimtarja./abcnews.al

xhu.jpg
ger ta16:21 | 08/11/2019

Poeti Persian Rumi, bashkon sërish në skenë  aktorët Luiza Xhuvani dhe Ndriçim Xhepa.  Producenti dhe aktori i mbremjes poetike Kristian Koroveshi thotë se  magjia e dashurisë nuk njeh kohë dhe moshë. Drita dhe dhimbja  e saj erdhën nën interpretimin e aktorëve të njohur.

Luiza Xhuvani dhe Ndriçim Xhepa, kanë ndarë shpesh skenën dhe sheshxhirimin, dhe gjithnjë ia kanë dalë të elektrizojnë publikun. Kësaj here kumbara i magjisë së poezive të Rumit ishte  aktori Kristian Koroveshi, i cili interpretoi krah tyre.

“Mbrëmë i pëshpërita një ylli” ishte nga ato performancat të cilat, të bëjnë të harrosh kaosin dhe i thërrasin shpirtit.

“Forca e poetit të përbotshëm”, ia doli, sipas Ndriçim Xhepës të rrëmbejë edhe zemrën e publikut shqiptar.

Gjithcka ishte ndërtuar thjeshtë, ku timberi i violonçelit, ia lë fuqinë fjalës.

Tavolina e aktorëve i përngjanë një miniskene, ku letrat e hedhura i përshpërisinforcës së dashurisë, tokësore dhe hyjnore, e kjo vjen e kuruar përmes flakës së qirinjëve dhe simbolikës së trëndafilave.

Magjia e poetit Persian rrëmbeu publikun e shumtë në sallë, të cilët e duartrokitën gjatë interpretimin e aktorëve./abcnews.al

simon-rrota-1280x733.jpg
nev ila16:52 | 07/11/2019

Jeta dhe vepra artistike e piktorit të shquar, shkodranit  Simon Rrota vjen e përmbledhur në një monografi.    Kritikja e artit  Suzna Varvarica studimin  17 vjeçar mbi   piktorin Simon Rrota  e ka përmbledhur “Piktori i nostalgjisë së një realiteti të humbur”.

Një vit pas shpalosjes së kujtimeve shkruar prej dorës së tij, tashmë mjeshtri i penelit Simon Rrota vjen i plotë në një album dhe studim  monografik të  Suzana Varvaricës, e cila prej 17 vitesh i është dedikuar babait të pikturës shqiptare.

Emocionet janë krejt të pranueshme për të bijën e cila ka rrugëtuar nga Italia për t’iu gëzuar  prezantimit të veprës së të atit.

Simon  Rrota  piktori i nostalgjisë  së një realiteti të humbur,  shpalos krahas vlerave pikturike në gjini të ndryshme edhe ndjenjat patriotike, si dhe atdhedashuria e rilindasit që ishin shtrati emocional i artit të tij.

Krijimtaria e tij përfshin kompozime, portrete, peizazhe e vizatime me karbon.

Mbas vdekjes më 1961 Simon Rrotës ju dha titulli “Piktor i Merituar” dhe më 1999 “Piktor i Popullit”. /abcnews.al

kim-1280x649.jpg
ent ela19:23 | 06/11/2019

“Gardianët e Parajsës”, është titulli i ekspozitës për Korenë e Veriut hapur në Bibliotekën Kombëtare të Kosovës. Ekspozita është një instalacion me fotografi, që paraqet momente e dukuri të përditshmërisë në Korenë e Veriut. Njohësit e artit janë shprehur hapur kundër saj, duke thënë se është ide shumë e keqe.

Me parulla e fotografi të dikatorit, ish-udhëheqësit të përjetshëm të Koresë së Veriut, Kim Jong-il, u hap në Prishtinë, në Bibliotekën Kombëtare, ekspozita e regjisorit norvegjez, Morten Traavik për Korenë e Veriut. Drejtori i Bibliotekës Kombëtare të Kosovës, Fazli Gajraku, tha në ceremoninë e hapjes së ekspozitës, se Traavik, duke e njohur mirë këtë sistem, por duke e ditur edhe kontekstin e një të kaluare të Kosovës, jo pak të ballafaquar me totalitarizmin e censurën, vendosi të çojë në Prishtinë një ndër projektet e tij më të suksesshme. Por njohësit e artit thanë se është një instalacion i neveritshëm. Regjisori Ben Apolloni tha se e gjitha është një ide shumë e keqe dhe pa shije.

Kritiku i artit Ilir Muharremi,u citua gjithashtu nga mediat në Kosovë, të thoshte se portretet me proporcione të bëshme, patetike, muskuloze, gra me uniforma ushtarake, parada me uniformitet të pabesueshëm lëvizjesh të njësuara, fëmijë me shalle të kuqe e ngjyra jete nga shteti më i izoluar në botë, ngjajnë me piktura dhe skulptura në Shqipërinë kur sundonte realizmi socialist.

Muharremi tha se nuk duhet një Kim Jong, ndërkohë që kemi Jongun tonë, Enver Hoxhën. Reagime e kritika të shumta për këtë ekspozitë, ka pasur edhe në rrjete sociale, veçanërisht për imazhet e dikatorit korean, të cilat janë të vendosura pranë rilindasve, De Radës dhe Naim Frashërit. /abcnews.al

heronjte-e-luftes-1280x702.jpg
nev ila16:29 | 06/11/2019

Historiani i njohur Uran Butka në një intervistë për ABC News thotë se vendosja e heronjve në bulevardin “Dëshmorët e Kombit”, është e një anshme dhe jo gjithë përfshirëse. Sipas studiuesit, edhe përfshirja e agjentëve të ish-Sigurimit mes heronjve të vërtetë  dhe personave të vrarë pas 44′ në luftë civile, nuk shërben për nderimin e duhur të dëshmorëve.

Përzierja e heronjve të vërtetë me agjentë të sigurimit, si Nuri Luci apo me persona të vrarë në luftë civile, si Fejzi Mecolli, ka ngjallur polemika të shumta.

Por edhe pse historianët vërtetojnë me dokumente dhe fakte, se këto figura nuk duhet të ishin mes heronjve të vrarë nga pushtuesi, ende asnjë reagim nuk vjen nga ana e organizatorëve që këto figura të hiqen. Përkundrazi ata përpiqen që t’i mirëmbajnë dhe t’i ruajnë nga era apo shiu.

Historiani i njohur Uran Butka, është i mendimit se përzgjedhja është bërë e njëanshme si dhe në vazhdën e historisë komuniste. Historiani jep edhe një listë emrash të dëshmorëve të cilët nuk janë përfshirë në këtë ekspozitë, dhe kjo sipas tij nuk është aspak e drejtë, madje provokuese.

Ky ideologjizëm është i qëllimshëm dhe sipas Butkës është dhe i rrezikshëm, pasi një komb që nuk njeh të vërtetën historike, është i paqartë për të nesërmen. Prezantimi i 100 figurave dhe përjashtimi i shumë heronjve që duhet të ishin mes tyre, është lënduese për familjet e dëshmorëve, thekson studiuesi Uran Butka./abcnews.al

OK-HISTORIANET-PER-HERONJTE-ABC-M1-T1.mpg_snapshot_00.01-1280x720.jpg
ent ela16:32 | 05/11/2019

Përfshirja si heronj lufte të rënët pas vitit ‘44 në ekspozitën për 75 vjetorin e çlirimit në bulevardin “Dëshmorët e Kombit“, sipas historianëve është absurde. Historianët e periudhës thonë se nuk i është marrë mendim për listën e heronjve të ekspozuar. Ana Lalaj dhe Sonila Boçi shprehen kundër përfshirjes së politikës në histori. 

Nderimi i heronjve të luftës është domosdoshmëri, por mënyra se si nderohen është me po aq rëndësi sa edhe vetë data historike. Vendosja e figurave si Nuri Luçi, Ndrec Ndue Gjoka apo Fejzi Miçolli mes heronjëve të vërtetë, ngjall provokim sipas historianes së  periudhës së luftës Ana Lalaj.

Ndërsa Sonila Boçi, historiane e periudhës thotë se përzgjedhja e figurave duhej bërë më me kujdes.

Burhan Çanga, me fotrografi në duar ndodhet përballë valëvitjes së heronjëve në bulevardin “Dëshmorët e Kombit” ai shpreh indinjatën e tij për studentin e  violinës në Bukuresht Teofik Halil Çangën i cili është vrarë nga gjermanët në Kosovë.

Por historianët janë të mendimit se titulli hero i popullit i  dhënë në periudhën e diktaturës duhet të rishihet pas 29 vitesh  demokraci.

A do bëjmë politike, apo ngjarje historike kjo është pyetja kryesore që ngrenë historianët në emër të kujtesës dhe të luftës. /abcnews.al

 

DEBATI-PER-HEROJNTE-1280x720.jpg
ent ela17:50 | 04/11/2019

Ekspozita me portretet e heronjve në bulevardin “Dëshmorët e Kombit” ka ngjallur debate. Agron Tufa thotë se mes këtyre figurave ka personazhe që i kanë shërbyer sigurimit të shtetit. Drejtori i arkivit të shtetit Ardit  Bido thotë se specialistët kanë respektuar listën e propozuar me personalitetet që e kanë titullin “Heroi i  Popullit”.

100  heronj prej 3500 që mbajnë këtë titull janë ekspozuar në Bulevardin Dëshmorët e Kombit  në kuadër të 75 vjetorit të çlirimit. Drejtori i Institutit të krimeve të komunizmi Agron Tufa thotë se mes personave të zgjedhur, ka nga ata që i kanë shërbyer sigurimit të shtetit. Apo nga ata të cilët janë vrarë pas luftës.

Drejtori i Arkivit të Shtetit  Ardit Bidon thotë se ekspozita është realizuar nga Arkivi i Shtetit, ndërsa lista  është propozuar nga Komisioni Shtetëror i Festimeve.

Tufa thotë se dekorimi i Bulevardit Dëshmorët e Kombit i ngjan një profanie dhe kjo është një forme provokuese nga ana e organizatorëve.

Përveç emrave, Tufa kundërshton edhe formën e nderimit të të rënëve në luftë. 

Tufa thotë se në mes të këtyre heronjve ka nga ata që janë vrarë pas luftës dhe ata të cilët janë vrarë në luftë, por në përpjekje të hapjes së genocidit dhe ndezjes së luftës civile.

Histriani dhe Drejtori i Akademisë së Studimeve Albanologjike Maringlen Verlin Maringlen është i mendimit se prezantimi i i heronjve dhe i figurave të tilla kërkon një analizë të hollësishme para se të publikohen.

Tufa thotë se nuk është kërkuar institucionit asnjë mendim apo dokument.

Ndërsa  Ardit Bido si historian thotë se ka ardhur koha që të analizohen titujt e heronjve.

Ndërkohë që drejtori i Arkivit të Shtetit Ardit Bido thotë se ka emra të cilët nuk duhet të jenë. 

 Figurat e 100 heronjve do të prezantohen deri në fund të nëntorit në bulevardin “Dëshmorët e Kombit”. /abcnews.al

teatri-migjeni-1280x704.jpg
nev ila16:08 | 04/11/2019

Në 70-vjetorin e krijimit të tij, teatri “Migjeni “ne Shkoder është vlerësuar me titullin “Nder i Kombit” nga Presidenti Ilir Meta. Në ceremoni ndodhi një e papritur pasi u fikën dritat për disa minuta.

Në këtë përvjetor u dekoruan personalitetet që kanë kontribuar ndër vite në skenën e “Migjenit”.Aktoret dolën një e nga një në skenën  e Teatrit. U rrëfyen para spektatorit.

Teatri “Migjeni” në Shkodër festoi 70 vjetorin e krijimit si teatër profesionist. Me këtë rast Presidenti i Republikës i akordoi këtij institucioni titullin e lartë “Nderi i Kombit”. Gjatë dhënies së çmimit u  shkëput energjia elektrike për disa minuta.

Pavarësisht se teatri ishte pa drita ceremonia vijoi me promovimin e librit të shkrimtarit dhe studiuesit  Xhahid Bushati Teatri Migjeni, Kujtesa e një qyteti…

20 personalitete të artit skenik në Shkodër u dekoruan me tituj të ndryshëm.

Në këtë përvjetor të rëndësishëm u shfaq edhe dokumentari i përgatitur nga Arjan Çuliqi mbi historinë dhe personazhet që i dhanë jetë teatrit jo vetëm të Shkodrës por edhe më gjerë./abcnews.al

EKSPOZITA-VIKTOR-FERRAJ-ABCM1T1.mpg_snapshot_00.06-1280x720.jpg
ent ela20:50 | 01/11/2019

Artisti Viktor Ferraj prezantohet kësaj here para publikut me një teknikë mikse që e ka lejuar të rrëfejë copëzat e ditarit të tij me mjete të varfra.

Ekspozita “Gjurmët e figurës” ka nisur si një libër shënimesh, ku artisti sjell krahas bukurisë estetike edhe mesazhe të forta social politike, si ironizimi me teknologjinë apo urbanizim pa  kriter e cila pasqyrohet me një gjuhë paksa absurde.

Këto punë janë realizuar në një miksim teknikash dhe vështirësia qëndron në krijimin e raporteve.

Punët sjellin një mori imazhesh të pandara në gjini, por që janë shqetësime të njeriut të kohëve moderne.

Shpesh tablot ndahen edhe me disa skulptura për të  treguar edhe interferencat nga njëri medium te tjetri.

Imazhi dhe veprimi ndërlidhen në këtë ekspozitë nëpërmjet gërryerjes së kohës, thekson artisti.

Synimi kryesor i kësaj ekspozite është ajo çfare mbetet brenda një imazhi kur koha dhe njerëzit kalojnë mbi të. Artisti sjell  një përmbledhje të punëve të tij, në pikturë dhe në skulpurë, punë të realizuar në  dhjetëvjeçarë. /abcnews.al

DEBATI-MARGARITI-VELO.mpg_snapshot_00.42-1280x720.jpg
ent ela18:37 | 31/10/2019

Ministrja e Kulturës, Elva Margariti premtoi botimin e kolanës së veprave të arkitektëve shqiptarë. Artisti Maks Velo, e cilësoi hipokrizi këtë premtim, duke theksuar se politika e sotme po e shkatërron arkitekturen e vendit me themel.

Ministrja e Kulturës Elva Margariti gjatë ceremonisë së nderimit të mjeshtrit Petraq Kolevica, premtoi se do të botonte kolanë veprash në shenjë nderimi për gjithë mjeshtrat e arkitekturës shqiptare.

Artisti Maks Velo tha se shpesh çmimet janë të pamjaftueshem dhe hipokrizi.

Nga ana tjetër arkitekti Maks Velo theksoi se politika e sotme, nuk respekton arkitektin dhe po i shkatërron veprat  duke i ricikluar pa i thirrur ndryshe nga çdo vend i botës.

Maks Velo është pjesë e enciklopedisë botërore të Arkitekturës, ku përfshihen 140 arkitektët më në zë në botë. /ABC News Albania 24/7

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono