Kulturë

vepra-1280x703.jpg
ent ela17:30 | 11/03/2019

Studiuesja e njohur Lucia  Nadin në veprën studimore për Skënderbeun, sjell fakte të reja rreth heroit tonë në aspektin kulturorë të Venedikut në shekujt 15- 17.  Shqipëruesja dhe kuratorja e veprës për botim Evalda Paci në një intervistë për “ABC news” rrëfen risit dhe  detajet  që Nadin ofron në këtë vepër./abcnews.al

femije.jpg
G. P.14:27 | 10/03/2019

Nxënësit e klasave të muzikës në shkollën “Besëlidhja” në Lezhë, u kanë ofruar artdashësve një koncert pranveror me muzikë klasike. Në këtë qytet kishte vite që nuk organizohej një event i tillë.

Rikthyen në skenë muzikën klasike. 4 vjet nga çelja e klasave të muzikës në Lezhë sollën koncertin e tyre të parë për publikun. Koncerti pranveror me ansambël harqesh, kuartete dhe nga kori i shkollës “Besëlidhja” tërhoqën vëmendjen dhe duartrokitjet e publikut. Salla ishte plot për të shijuar diçka ndryshe. Edhe spektatorët janë emocionuar nga risia që erdhi në qytetin e tyre.

“Kjo është një risi, diçka shumë e bukur për qytetin tonë”.

“Absolutisht fantastike, shumë e veçantë”.

“Shumë e bukur, emocion i paparë duke parë fëmijët duke performuar”. 

Kaluan një emocion të bukur edhe artistët e vegjël. Ata tregojnë se përjetuan ndjesi të bukur. Muzika e luajtur ishte një përzgjedhje e autorëve botërorë që prezantonte optimizëm.

“Unë luajta tre pjesë dhe u ndjeva shumë mirë”.

“Unë luajta një këngë të Pjetër Gaçit. Kiusha pak emocione, po i hoqa”.

Në backstage mësuesit inkurajonin muzikantët e vegjël. Udhëheqësi artistik i koncertit Sokol Vuka pranon vështirësitë për të realizuar të tilla koncerte. Krijimi i orkestrës është sfida e tyre.

Sokol Vuka: Nuk është e lehtë që të krijosh ansambël me fëmijë. Na është dashur të punojmë shumë për të arritur këtu dhe këtë do e avancojmë më tepër duke krijuar grupe të tjera dhe në të ardhmen të krijojmë orkestrën e kësaj shkolle që do të jetë e ardhmja e këtij qyteti për të pasur sa më shumë aktivitet muzikore.

Vuka thotë se injektimi tek publiku i këtij zhanri artistik po vijon dhe salla e mbushur tregon se ekzistojnë dashamirës të saj.

Sokol Vuka: Duke parë që Lezha nuk ka një traditë në këtë drejtim ne kemi filluar që ata injektojmë pak nga pak këtë gjuhë muzikore dhe duke u munduar. Sot ishte një sukses i madh. Është pritur mirë dhe nga publiku dhe prindërit.

Drejtori i Arsimit, Bardhok Pulaj, thotë se në Lezhë po ndodh diçka e bukur dhe se këta fëmijë do të jenë talentet e muzikës në këtë qytet.

Bardhok Pulaj: Në fakt, unë jam shumë i kënaqur. Po ndodh diçka shumë e bukur. Po mësojnë nxënësit. Po përpiqemi bashkë me mësuesit e talentuar që kemi dhe shpresoj që shkolla “Besëlidhja” në këtë nismë që po vazhdon të përgatisë talente të vërtetë. Ne po i shohim. Jam shumë i kënaqur. Sot ishte një ditë e bukur për prindërit dhe fëmijët.

Koncerti pranveror i nxënësve të shkollës “Besëlidhja” ishte freskia e kësaj fillim pranvere për qytetin kulturdashës të Lezhës./abcnews.al

llazi-icka.jpg
G. P.13:10 | 10/03/2019

Llazi Içka është 82 vjeç dhe njihet si një nga mjeshtrat më të mirë të përpunimit të drurit. Ai është fitues i disa çmimeve jo vetëm brenda vendit dhe çdo ditë gjendet në studion e tij për të punuar.

Është e vështire këto kohë të takosh një burrë në moshë me fytyrë të qeshur dhe të qetë. 82 vjeç, Llazi Içkën e gjejmë në çdo orë brenda në studion e tij, në një nga rrugët më të vjetra të Pogradecit.

Ish-mësuesi nuk ka hequr dorë nga pasioni i tij që në fëmijëri. Gdhend drurin dhe krijon objekte të veçanta. Në muret e studios janë të varura shumë nga punimet e tij. Madje edhe fasada e shtëpisë së tij 3-katëshe është e mbuluar me gdhendje druri.

“Kam hapur në 81-shin ekspozitë më vete në Pogradec vetëm me punimet e mia”, u shpreh Içka.

Llazi e ka trashëguar artin e gdhendjes së drurit nga gjyshi i tij, Mihali dhe babai i tij, Spiro. Drutë i gjen nga fshatrat përreth, nga Mokra e Bishnica. U kërkon banorëve copa të ndryshme ahu, gështenje, baja, bështenka, mani, bushi, rrobulli, dëllinje etj. Më pas u jep jetë atyre me formë dhe ide.

“E ble ose e marr nga këta. E cilësisë së mirë dhe e punoj”, tha ai.

Këtu në këtë studio duhet të jenë më shumë se 500 punime. Disa janë ornamente, disa janë për përdorim praktik si: karrige, tavolina, shkallë. Mjeshtëria e tij nuk njihet vetëm në Pogradec, por në të gjithë vendin. Gdhendja e drurit është art dhe një nga zanatet që po humbet.

Djali Pirroja sot pedagog në Universitetin “Fan Noli” në Korçë edhe vajza po ndjekin rrugën e tij. Vitin e kaluar me ftesë të fondacionit “Mikelanxhelo”, Llazi ishte në një ekspozitë në Venecia të Italisë së bashku me skulptorin dhe artistin Gëzim Hidri nga Librazhdi./abcnews.al

KOLANA-E-KRISTO-FRASHERIT.mpg_snapshot_00.01-1280x720.jpg
ent ela13:54 | 08/03/2019

Sheh dritën e botimit kolana prej 10 veprash dedikuar Skënderbeut dhe luftës shqiptare- osmane në shekullin e 15 nga historiani i njohur Kristo Frashëri. I biri Gjergj Frashëri i cili është edhe redaktor shkencor i veprës, në një intervistë për ABC News  thotë se ndihet i lumtur që përmbushi amanetin e të atit 3 vite pas vdekjes.  Nëntë veprat me dokumenta nga 13 arkiva europiane janë botuar nga Akademia e Shkencave. /abcnews.al

kisha-1280x722.jpg
ent ela16:18 | 06/03/2019

Pa u riparuar ende dëmet e shkarkuara nga erërat në kishën shumëvjeçare të Balldrenit, ajo po përballet me një tjetër rrezik. Reshjet e pranverës kanë vënë në alarm institucionin e kishës, duke kërkuar ndërhyrje të menjëhershme.

Çatia e saj u dëmtua para 2 javësh nga erërat e forta që shoqëruan rajonin.  Dëmet ende nuk janë riparuar në kishën e Shën Premtes në Blladren të Lezhës. Mbyllja e derës me dry, bllokimi i hyrjes anësore janë ndërhyrja e vetme.

Kjo e realizuar nga motrat kongregate të vendosura në një tjetër objekt ngjitur objektin e kultit monument kulture. Përfaqësuesit e Drejtorisë Rajonale të Kulturës Kombëtare thanë pasi verifikuan situatën se do të ndërhynin por ende asnjë veprim deri më tani.

Shirat që nisën mbrëmjen e martë vunë në alarm institucionin e kishës. Ata kërkojnë ndërhyrje të shpejtë pasi po rrezikohet një kishë me vlera të mëdha kulturore dhe afresku në brendësi të saj.

Kisha katolike ka kërkuar leje për të ndërhyrë dhe riparuar dëmin e shkaktuar nga era. Por siç bëhet e ditur Instituti i Monumenteve të Kulturës nuk e ka lejuar diçka të tillë. Në këto kushte kisha 900 vjeçare është e rrezikuar. /abcnews.al

italiane-1280x734.jpg
ent ela18:22 | 05/03/2019

“Gjendja kalimtare e ngjarjeve të mundshme” titullohet ekspozita e artistes italiane Valentina  Bonizzi, e cila vjen si një dedikim ndaj Shqipërisë. Ne ketë prezantim, artistja sjell marrëdhënien social-politike si një binom të pashmangshëm.

Artistja Italiane Valentina Bonizzi e cila e zhvillon jetën artistike mes Mbretërisë së Bashkuar dhe Shqipërisë vjen para publikut shqiptar me ekspozitën “ Gjendja kalimtare e ngjarjeve të mundshme” në mediumin e instilacionit dhe video artit

Artistja e ka realizuar këtë vepër në dualizëm  mes gërmimit te  arkivat dhe  komuniteteve, vepra e Valentina Bonizzi thekson problemet e drejtësisë shoqërore duke zbuluar potencialin për demokratizim në ridefinimin artistik të praktikave hartografike.

Puna e saj shqyrton rolin e imazhit teknik në të gjitha format e tij të zgjeruara, duke marrë parasysh politikën e kohës në lidhje me hibridin, migrimin dhe mjedisin.

ekzistencën e individit në historinë kolektive. Valentina punon me media të ndryshme si film, fotografi, arkiv./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono