Kulturë

hasan-nallbani.jpg
nev ila11:49 | 27/01/2020

Pas disa viteve mungesë rikthehet me ekspozitën personale “Jetët e tw tjerëve Hasan Nallbani”.  Dëshira e tij ishte që ky 85 vjetor të festohej  në galerinë Kombëtare, pasi ai ka edhe një seri veprash në fondin e artit të saj. Megjithëse është refuzuar, preferon ta mendoj si një ngjarje kalimtare

Në sy, e fjalë, e mbi të gjitha në pikturë, i lexon veç energjitë e cila sfidon moshën dhe kohën.

Galleria Fab, ka marrë tjetër trajtë nga piktura e Nallbanit e cila vjen e kuruar nga platforma Hrabel.

Figura femërore, përveç vëmendjes merr gjithë tonalitetet që ajo përjeton në pikturën e  Hasan Nallbanit. Ajo vjen si pjesë e shoqërisë  dhe  e veçuar në aspektin e bukurisë se formës.

Jetët e tjerëve, janë poetike, të trishta, drithëruese.

por nuk i ka shpëtuar   syrit dhe mendjse së  piktorit as motive i eksodit dhe largimi i  të rinjve

Ekspozimi i krijesave artistike është i domosdoshëm sipas Nallbanit pikësëpari për artistin dhe më pas për spektatorin.

Edhe në këtë prezantim, krahas portreteve apo kompozimeve nuk mungojnë edhe nudot, muzë e përmotshme e artistëve. Piktori  ngre si shqetësim modelet nudo.

Ekspozita  do të qëndroj e hapur deri më 4 shkurt në galerinë FAB të universitetit të arteve./abcnews.al

eleni-kultura.jpg
nev ila17:00 | 24/01/2020

Rivjen 24 vite pas vdekjes në qendër të vëmendjes regjisorja e anashkaluar nga sistemi diktatorial Adriana Elini Xhajanka. Arkivi  i filmit shfaqi 3 dokumentar realizuar prej saj ne vitet 80.

Drejtorja Iris Elezi vlerëson realizimet që ajo ka bërë me fëmijët duke i shpëtuar skematizmit të kohës.

Një galeri e pasur personazhesh dhe  stili i jetës së viteve 80 në qytetet dhe zonat turistike të Shqipërisë nën komunizëm rivjen me projektimin e 3 filmave të regjisores së njohur të filmit dokumentar Adriana Elini.

Qëllimi  i këtyre aktiviteteve, nuk është nostalgjia për kohën, por rileximi me një sy të lirë sipas drejtores së arkivit Iris Elezi.

Megjithë sasinë dhe cilësinë e veprës, emri i Adrianës nuk është aq i njohur sa bashkëkohësit, filmat e saj rrallë shfaqeshin. Regjisori Kristaq  Mitro  vlerëson poetizmin në krijimtarinë e saj dhe jep edhe arsyen, pse u la në hije.

E  bija  rrëfen mungesën  e pranisë të së ëmës për hir të profesionit, apo edhe momentet kur e merrte  në sheshxhirim.

Arkivi i filmit shfaq 3 nga 40 filmat e realizuara nga  kineastja Adriana  Elini Xhajanka.

Dokumentari i pare, Shtëpitë malore të pushimit (1976) është një vështrim i pushimeve të kaluara mes bukurisë natyrore të fshatit. Megjithëse ideologjinë e kohës , regjisorja arrin të sjell poetizmin e ndaluar për kohën.

“Çdo vijë, një vizatim” (1984) ndjek fëmijët kureshtarë gjatë një klase vizatimi, ndërsa “Fanfara e të vegjëlve” – dokumentari simpatik i vitit 1985, dëshmon punën e një grupi të ri muzikor me vegla tunxhi dhe mësuesin e tyre të durueshëm.

Dokumentarët e Adriana Elinit kapin në celuloid një Shqipëri që prej kohësh nuk është më si në këto filma, përmes planeve të afërta të kamerës që fokusojnë punëtorë dhe fëmijë./abcnews.al

korce-ekspozita.jpg
nev ila19:39 | 23/01/2020

Portrete njerëzore, festa dhe gëzime familjare të stilit të jetës në vitet 20-30 vjen e prezantuar në ekspozitën “Dje si Sot” në ambientet e kalas së Tiranës.

Kjo është vetëm maja e ajsbergut e fotove të shkrepura  nga fotografët e njohur të qytetit të Korçës, Vani Burda dhe Thimi Raçi.

Në fotot e tyre pasqyrohet jeta e përditshme e qytetit, por edhe larmia e kostumeve etnografike, të cilat mbarten nga njerëzit e kohës.

Këta njerëz të thjeshtë, krahas vështirësisë dhe varfërisë së kohës, përcjellin edhe elemente të veçanta estetike dhe qytetari, përmes ceremonive të ndryshme familjare.

Drejtori i arkivit Ardit Bido, thotë se fototeka e pasur me mbi 9 mijë negativë së shpejti do të jetë e aksesueshme online për publikun e gjerë, madje fotot edhe mund të blihen 1 mijë lekë copa.

Fotografitë paraqesin portrete dhe aspekte të jetës urbane dhe suburbane të krahinës së Korçës fiksuar në negativë xhami, të panjohura për publikun. Kjo ekspozitë vjen si bashkëpunim me Kalanë e Tiranës dhe Muzeun kombëtar të Fotografisë “Marubi”./abcnews.al

 

shfaqja-ibsen.jpg
ger ta17:48 | 23/01/2020

Teatri Kombëtar Eksperimental e nis sezonin artistik në sallën e vogël të Arturbinës me  “Hedda Gabler”. Drejtori Kiço Londo ,  në konferencen për shtyp e ironizon  imponimin e zhvendosjes.

“Kanë ndërruar detin, na kanë sjellë në një det të ri, jo në përmasat që meritojmë dhe jo në përmasat tona por gjithësesi nuk kanë mundur që të na pengojnë që Teatri Kombëtar dhe Eksperimental të notojnë korsinë e balenave”.

Hedda Gabler” e Ibsen vjen për herë të parë premierë në skenën shqiptare me regji të bullgarit Botond Nagy, i cili njihet me pseudonimin  “bad boy”, për shkak të provokimt që bën me shfaqjet.

“Unë besoj se Ibsen është një nga autorët më të dhunshëm në dramaturgjinë botërore, provokimi është instrumenti im i preferuar për të bërë teatër. Kjo shfaqje është përqëndruar rreth disa pyetjeve të rëndësishme. Si mund të jtosh kur gjëja më e ngjashme me ty është vdekja? Si mund të dashurosh kur standartet e tua janë më të larta se ty? Si mund të mbijetosh kur je një inspirim për dhuën? Dhe në fakt teatri ka nevojë të ngrejë pyetje të tilla meqëllim që spektatori të ikë në shtëpi i tronditur dhe pse jo të reflektojë mbi jetën”, thotë ai.

Heda Gabler merr jete nga aktorja Ermira Hysi, e  cila e cilëson veten me fat për realizimin e këtij kryeroli.

Aktorët  vlerësojnë bashkëpunimin me regjisorin bullgar, pasi ai sjell një frymë të re dhe modern me këtë shfaqje.

Lufta e Hedës është kundra realitetit. Në këtë luftë ajo ka një partner. Dashurinë e saj të madhe, kujtimin e babait./abcnews.al

enkel-demi.jpeg
nev ila19:58 | 22/01/2020

Ministria e Kulturës ka shpallur çmimet kombëtare të Letërsisë për vitin 2018.

Juria e përbërë nga Brikena Çabej, Dhurata Shehri, Visar Zhiti, Riza Braholli dhe e kryesuar nga Alda Bardhyli kanë vlerësuar me çmimin kombëtare në “Eseistikë” shkrimtarin Ismail Kadare me romanin “Kur sunduesit grinden”.

Në kategorinë e fituesve është renditur edhe gazetari i mirënjohur Enkel Demi, me pseudonimin “Tom Kuka”. Romani i tij “Gurët e Vetmisë” ka fituar çmimin e romanit më të mirë.

Mimoza Hafizi me “Pika trëndafil” ka triumfuar mes tre kandidatëve, duke u vlerësuar me çmimin për Letërsinë për fëmijë.

Sa i përket vëllimin poetik më të mirë për vitin 2018 u vlerësua Havzi Nela me “Vepra poetike e plotë”, e ndërsa për përkthimin më të mirë Luan Topçiu me librin “Linda Maria Baros – “Shtëpia me brisqe rroje”. Ndërkohë është vlerësuar me çmim për “Tregimin më të mirë” dhe “Për vajzat nga Parisi” shkruar Roland Gjoza.

Kjo ceremoni e shpërndarjes së çmimeve ishte parashikuar që të zhvilloheshin në nëntor të 2019, por për shkak të tërmeti u shty, për t’u shpërndarë në janar.

Lista e fituesve:

Çmimi “Eseistikë”
Ismail Kadare me “Kur sunduesit grinden”

Romani më i mirë 2018
Enkel Demi (Tom Kuka) me “Gurët e Vetmisë”

Çmimi i Letërsisë për fëmijë 2018
Mimoza Hafizi me librin “Pika trëndafili”

Tregimi më i mirë 2018
Roland Gjoza me “Për vajzat nga Parisi”

Përkthimi më i mirë 2018
Luan Topçiu me “Shtëpia me brisqe rroje”

Vëllimi poetik më i mirë 2018
Havzi Nela me “Vepra poetike e plotë”./abcnews.al

hermon-madhi.jpg
ger ta16:39 | 22/01/2020

Kundërvënia ndaj njeriut të programuar e ka çuar kërkimin artistik të Hermon Madhit drejt miteve të cilat rimarrin jëtë me gjuhën e grafikës.

Artisti risjell në vëmendje mitet si kundërpërgjigje të  njeriut materialist i cili ka humbur shpirtroren.

Mitet e legjendave  rivijnë  me një këndvështrim të ri , por edhe si domosdoshmëri për tu kthyer tek rrënjët thekson Madhi .

“Më shumë nga të gjitha mua më pëlqen mitologjia greke, ka gjithmonë një domethënie dhe një goditje që i vjen pas. Natyrisht Bibla që është e konsoliduar shumë mirë me personazhet dhe disa personazhe të historisë që kanë të bëjnë edhe me neve psh. Siç është Pirroja”, thotë piktori.

Ekspozita është ndërtuar në formën  e një libri rrëfenjash, ku rishjfaqen mitete greke, e romake, po aq sa herojt dhe heroinat që I dhanë dije njerëzimit

“Heronjtë gjithmonë frymëzojnë. Le ti shikojmë duke pasur respekt për origjinën tonë se njeriu ka derdhur shumë djersë dhe sakrifica sa ka ardhur deri këtu”, shprehet Madhi.

Hermon Madhi me ekspoziten “ Mite të Vjetra Moderne”, rishfaqet para publikut pas 8 vitesh  në qendren cod .

Artisti me ciklin  prej 30 grafikash  me ‘Heronjtë e Miteve’, përpiqet  të thyej indiferentizmin “social” dhe mund  të bëhet një sfidë ndaj “unit” materialist. Ekspozita do të qëndrojë e hapur deri me 31 janar në qendren Cod./abcnews.al

halit-minxolli-zhongler.jpg
nev ila17:24 | 21/01/2020

Dokumentari “Një yll që nuk shuhet” pasqyron jetën dhe veprën e mjeshtrit të zhonglerimit Halit Minxolli.

Regjisori dhe skenaristi Verdi Take, rrëfen momente të veçanta të bashkëpunimit 53 vjeçar me artistin.

Familjarë dhe miq artistë, kanë përzgjedhur ditën e lindjes, për të prezantuar dokumentarin, dhe librin dedikuar babait të Zhonglerimit, Halit Minxolli, dy vite pas ndarjes së tij nga jeta.

“Personalitetet si Halit Minxholli nuk kanë vdekje por vetëm lindje”, thotë Pavli Sallata.

Dokumentari “Ylli që nuk shuhet”, pasqyron jetën dhe veprimtarin artistike të zhonglerit të shquar.

Skenaristi dhe regjisori Verdi Take kujton se me këtë dokumentar përmbushi edhe një amanet.

“Sa herë i çoja rekomandime për dekorata, për artistë të ndryshëm, i firmoste direkt, një ditë i thashë: -Kur do bëjmë një film për ty o burrë i dheut?Ai më tha:-Vetëm pas vdekjes. Për Halitin nuk mjafton vetëm një film dokumentar”, thotë ai.  

Veçantia e Minxollit qëndronte tek realizimi i numrave të shumtë deri në fund të jetës, dhe ai mjaftohej veç me duartrokitjet e publikut thekson Take.

“Modest, kokëulur, jashtëzakonisht punëtor. Ishte i lindur për zhongler”, thotë ai.

Pavli Sallata, i njeh meritat në interpretimin e numrave, dhe krijimtari bazuar në treva të ndryshme shqiptare.

“Interpretimin e kishte brilant, jetonte me numrin. Ka bërë shumë numra, studionte treva të ndryshme, dhe i sillte në skenë”.

Bashkëshortja realizoi edhe librin e lënë në mesZhonglerimi”.

Halit Minxolli ka qenë edhe President i parë i Shoqatës Mbarëkombëtare të Artistëve të Cirkut Profesionist dhe Amator, ai ka ndikuar në lartësimin e vlerave të cirkut Shqiptar.

Ka mundësuar pjesëmarrjen e artistëve në aktivitete ndërkombëtare, si dhe bashkëpunime në marrjen e instrumenteve, dhe literaturës bashkëkohore për cirkun./abcnews.al

Capture-94.jpg
So Nila12:54 | 20/01/2020

Në Bondi Beach, Sydney, Australi u mbajt FlickerFest, ku filmi shqiptaro-spanjoll “The News” u vlerësua si “Filmi më i mirë ndërkombëtar me metrazh të shkurtër”.

 

“Jemi kaq të lumtur që festivali i vitit 2020 ka qenë një sukses i tillë ,ka pasur një entuziazëm të madh për të gjithë filmat e shfaqur,” tha drejtori i Flickerfest, Bronwyn Kidd.

“Është kaq bukur  të shohësh një film të shkurtër  dhe të mirëpritur kaq  ngrohtësisht nga audienca gjatë eventit tonë dhjetë ditor.”

“Unë do të doja të uroja të gjithë filmat që morën pjesë në Flickerfest këtë vit dhe të gjithë fituesit e çmimit “

“The News” (Lajmi) me regji të Lorin Terezit dhe skenar të Anila Ballës, gjithashtu producente, rrëmbeu një nga çmimet më të rëndësishme të ceremonisë.

 

FlickerFest është një festival ndërkombëtar i filmit me metrazh të shkurtër, që mbahet çdo janar në Sydney dhe konsiderohet një festival i rëndësishëm për filmat e kësaj kategorie. FlickerFest është i akredituar nga Akademia e Oscars dhe i njohur nga BAFTA.

Regjisori Terezi, i cili është diplomuar në Akademinë e Arteve për regji teatri dhe regji filmi dhe televizioni, tregoi se ideja për temën erdhi nga realiteti i dhunshëm mediatik, atë me të cilin përballemi çdo ditë.

Xhirimet u realizuan në fshatin Shën Gjergj dhe kasti i aktorëve përbëhet nga Lena Kryeziu Bokshi, Bilbil Kasmi, Mirjana Deti, Besnik Ferra dhe Pëllumb Dervishi./abcnews.al

 

b357351f-882c-4f54-9795-48681a82e6b2.jpg
So Nila16:27 | 18/01/2020

Premiera e filmit “Njerka” me regji të Leka Bungos shfaqet për herë të parë në Labinot të Elbasanit. Regjisori i filmit flet për nevojën e më shumë kinemave në rrethe të tjera të vendit dhe mendon se modeli që ai ndoqi do nxisë dhe të tjerët.

Gjithashtu Bungo i entuziazmuar nga pjesëmarrja thotë se nisma të tilla do jenë nxitëse.

“Ky ishte një eveniment për qytetin e Elbasanit, por që i kalon edhe përtej tij, pasi është një thirrje për të gjithë biznesmenët për të investuar në këto fusha që shteti i lë djerrë. Nuk mendoja se do të vinin kaq shumë njerëz sot, ndaj unë mendoj se kjo është e bukur”, tha regjisori Bungo.

Filmi Njerka ka në përmbajtje familjen shqiptare dhe fenomenin aktual të korrupsionit.

Ne premierën e Njerkës mori pjesë dhe regjisori Piro Milkani dhe realitetin shqiptar të përshkruar në këtë film e sheh si të huaj.

“Filmi eshtë një botë krejt e panjohur për mua një ambjent njerëzitsh të pasur me mjedise që unë nuk i njoh fare, në SHBA, Kanada etj, por për fat të keq jo për zili por kjo klasë e korruptuar me para të vjedhura ekziston. Është vlera e filmit që stigmatizon këto histori të trishta”, është shprehur Pirro Milkani.

Ndërsa artisti Bujar Kapexhiu komplimentoi dhe aktorët.

“Peshën e mbanin aktorët në një interpretim shumë dramatik në nuancat më të holla arritën të japim mesazhin që ka dashur autori”, është shprehur Kapexhiu.

Roli kryesor në filmin Njerka i është besuar aktorit Bujar Asqeriu./abcnews.al

lamtu.jpg
in a16:43 | 17/01/2020

Familjarë, miq dhe artistë i kanë dhënë lamtumirën aktorit të njohur të kinematografisë shqiptare Xhevdet Ferri. Mes lotësh dhe dhimbjes, miqtë dhe bashkëpuntorët ndajnë kujtimet për “ABC News”.

Përmes një ceremonie familjare, u përcoll për në banesën e fundit aktori i njohur i kinematografisë shqiptare Xhevdet Ferri. Miku i tij i jetës dhe artit Ndriçim Xhepa e cilëson ditë të trishtë dhe gati të pabesueshme largimin e  Xhevdet Ferrit në moshën 59-vjeçare, pas një beteje me një sëmundje të rëndë.

“Në kontaktin e fundit në spital pashë një gjendje të rëndë e cila e vërtetoi dhe nuk mbushën 24 orë dhe ai mbylli sytë. Një mik i mirë, një djalë me vlera, me aftësi profesionale sidomos në fushën e filmit”, u shpreh Ndriçim Xhepa.

Aktorja Rajmonda Bulku, duke iu referuar edhe fotografisë të lajmërimit të vdekjes thotë se kjo ishte një ikje e parakohëshme.

“Për të gjithë do të vijë një ditë, por sa mirë do të ishte të kishte një rradhë, jo kaq shpejt, Xhevdeti ishte shumë i për të bërë gjëra shumë të bukura”, u shpreh ajo.

Regjisori Vladimir Prifti ka bashkëpunuar në tre filma, por ai veçon disa role të skalitura me thjeshtësi dhe mençuri prej tij

“Vitet e pritjes” është një figurë shumë intereante, ndërsa “Delegacioni” ishte prap një film interesant”, u shpreh Prifti.

Ndërkohë Xhevdet Ferri për Besnik Bishën, arriti të bëhej i dashur , përmes roleve të tij në familjet e çdo shqiptari.

“Iku një njeri i cili nuk i përkiste vetëm familjes, por gjithë shoqërisë ishte bërë prezent në familje me filmat e tij, me mençurinë e tij”, tha Bisha.

Ferri, përveç kontributit të çmuar si aktor, ka kontribuar edhe në themelimin e disa prej institucioneve të rëndësishme të kinematografisë. Ai ka qenë kryetar i Qendrës Kombëtare të Kinematografisë (1997-1998 dhe 2005-2009) apo ish-anëtar i Këshillit Miratues të Projekteve, ku arriti të tregojë edhe një herë përkushtimin e tij, për ta çuar filmin shqiptar në një tjetër nivel.

“Kemi krijuar Qendrën Kombëtare të Kinematografisë, bashkëpunimi ka qënë pothuajse i përditshmëm,” u shpreh Petrit Beci.

Gjithashtu ai ka drejtuar edhe Teatrin Kombëtar. Krahas kontributit të tij të madh në fushën e artit e kulturës, Ferri ka qenë edhe deputet i Partisë Demokratike në Kuvendin Popullor në vitet e trazuara 1996-1997.

Në ceremonionë private morën pjesë aktorë, regjisorë, ish nxënës të tij dhe dashamirës të artit si dhe Ministrja e Kulturës.

Për herë të fundit publiku arriti ta shikonte në filmin “Delegacioni”, me regji të Bujar Alimanit, film i cili u nominua edhe për “Oscar”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono