Kulturë

endra.jpg
Autor E19:48 | 21/11/2019

“Endrra e një nate vere”, është komedia e dashurisë shekspiriane, e cila vjen këtë fundjavë në skenën e Teatrit të Metropolit.

Regjisorja Armela Demaj, në një intervistë për “Abc News” rrëfen arsyet pse i besoi ëndrrën e dashurisë  artistëve të rinj dhe thuajse të panjohur.

“Endrra e një natë vere” , komedia e dashurisë shekspiriane vjen këtë fundjavë në skenen e teatrit të metropolit.

Regjisorja  Armela Demaj në një intervistë për abc neës  rrëfen arsyet pse i besoi ëndërrën e dashurisë  artistëve të rinj dhe thuajse të panjohur.

Regjisorja Armela Demaj , guxon me komedinë e Shekspirit me një kast të ri artistësh, të shohë ëndërra verë edhe në fillim dimri, për këtëo arsye

Autoriteti i i të atit kundrejt së bijës për ta martuar me atë që do ai dhe jo ajo, mjafton , për të krijuar një komedi situatash dhe karakteresh.

Edhe pse është shkruar në shekullin XVI, i flet më së miri edhe kohëve moderne.

Komeditë shekspiriane shquhen për shtresëzimin e temave e ku regjisorja e ka mbajtur pjesën mes ëndërrës dhe realitetit, me një skenografi poetike, mes pyjesh , ku cicërimave të zogjve ua shtojnë lirizmin përshpëritjet për dashurinë.

Shfaqja është ndërtuar në antitezë mes ëndërrës dhe realitetit, e ky dualizëm përvijon edh në faktin se një vepër e madhe intepretohet nga një kastë aktorësh të rinj.

Regjisorja jep edhe arsyet pse preferoj këtë sfid deridiku rriskuese .

“Ëndrra e një nate vere” shpreh temat kryesore shekspiriane, ku më të dukshmet janë ato të dashurisë, të ëndrrave dhe të imagjinatës krijues.

Premiera vjen këtë fundjavë në skenen  Shekspir të Teateit të Metropolit. /abcnews.al

KONCERT-PER-FEIM-IBRAHIMIN-_ABC-M1-T1.mpg_snapshot_00.02-1280x720.jpg
ent ela16:41 | 19/11/2019

“Rrjedh në këngë e ligjërime”, një koncert kushtuar kompozitorit të shquar Feim Ibrahimi do të shfaqet këtë të enjte në kryeqytet. Opera-histori i është dedikuar kompozitorit që tronditi tabutë e realizmit socialist.

Koncerti për Feim Ibrahimin “Rrjedh në këngë e ligjërime” sjell të plotë figurën e kompozitorit të shquar.

Opera histori kësaj here i është dedikuar kompozitorit që tronditi tabutë e realizmit socialist, Feim Ibrahimi. Bashkëshortja Vera, plot emocion në prag të koncertit shpreh dhe ëndrrën e pamundur.

Drejtoresha Zana Çela nënvizon meritat e këtij kompozitori në larminë e zhanreve që ai ka krijuar.

Dirigjenti  Ermir Krantja  I cili në 25 vite  ka realizuar 5 koncerte me krijmtarine e tij,këtë e cilëson më të plotin.

Vikena Kamenica do të risjellë xhaketën e kuqe edhe në shenjë vazhdimësie nga kompozitori tek e bija pianistja Etrita Ibrahimi.

Vepra e Feim Ibrahimit, i përfshin të gjitha zhanret, që nga miniaturat instrumentale, muzika e filmit, muzika e dhomës, muzika simfonike, koncertet për instrument solist dhe orkestër e deri tek veprat skenike dhe elektroakustike. Në nder të një prej mjeshtrave më të mëdhenj të muzikës shqiptare TKOB organizoi koncertin Feim Ibrahimi – “Rrjedh në këngë e ligjërime” mbrëmjen e së enjtes në katedralen Ortodokse. /abcnews.al

TRIUNFI-I-LETERSISE-SHQIPTARE-POST-PANAIR-1280x720.jpg
in a16:38 | 18/11/2019

Kryefjala e panairit të librit të këtij viti, mund të thuhet se ka qenë letërsia shqipe. Dhe pse përkthyer në shifra nuk ka pasur ndonjë ndryshim të madh me një vit më parë. Por shtëpitë botuese kanë shprehur ankesë për taksat e larta që rrjedhimisht ndikojnë në kostot e librit dhe për pasojë dhe në shitje…..

Panairi i 22 i librit, mblodhi rreth vetes shumë dashamirës të librit, por  nuk munguan edhe ekskursionet e organizuara nga kopshtet dhe shkollat, një mënyrë jo fort e gjetur, për t’i orientuar drejt librit. Megjithëse e rëndësishme është që në këto 5 ditë, kryefjala ishte libri.

Në këtë edicion nuk munguan titujt e rinj, të cilët u përkthyen edhe në mbajtjen e shitjeve në të njëjtat shifra si një vit më parë, pasi libri këtë vit ka shënuar tkurrje në kopje të botuara për shkak të rënies së shitjeve. Si shenjë pozitive e këtij panairi mund të cilësohet, përmbysja disi e raporteve mes letërsisë së huaj dhe asaj shqiptare. Për autorët shqiptarë, jo vetëm kishte rritje në numër, por edhe në cilësi, e nuhatur kjo edhe në shijet e lexuesve.

Sigurisht që autorët e njohur të letërsisë botërore, vazhdojnë të jenë në krye të preferencave, ku nuk mungon edhe vëmendja drejt nobelistes polake, Olga Tokarczuk  me romanin “Shtërgjet” dhe përkthyese, Edlira Llohja. Si problematikë, botuesit shohin taksën 6 për qind e cila sipas tyre ka sjellë pasoja të mëdha këtë vit tek libri dhe 15 për qind tek përkthyesit, këto dy taksa sipas tyre kanë ndikuar në rritjen e kostos së librit. Ndërkohë që kryetari i shoqatës së botuesve, Petrit Ymeri thotë se kjo taksë është rregullator. Por ajo çfarë trishton lexuesit, është post panairi, ku bota librore, shënon një pauzë dhe rutinë, e cila nuk ka ecurinë e 5 ditëve të ngjeshura të panairit, për shkak të mungesës së librarive./abcnews.al

 

 

enkel-demi-ora-e-lige-1280x758.jpg
nev ila12:17 | 18/11/2019

“Ora e ligë”, një roman që sjellë një dashuri të pamundur dhe një fund tragjik. Tom Kuka, kësaj here na sjellë në romanin e tij ngjarje dhe peizazhin historik të fund shekullit 19 dhe fillim shekullit 20. Në një intervistë për Abc News, Enkel Demi rrëfen edhe arsyet e mitizimit të femrës në romanet e tij. 

“Ora  e ligë” shënon veprën e 3-të gazetarit Enkel Demi, sfondi historik kësaj here, shërben si për të pasqyruar periudhën ku zhvillohen ngjarjet nga fund shekullit i 19-të, fillim shekulli i 20-të. Që në ballin autori të fut në atmosferën e ngjarjeve. Ora e ligë është personazhi fatal i marrë nga eposi i pasur.

Shkrimtari është mjaft i kujdesshëm edhe me emrat e personazheve që të evokojnë kohën në mënyre të përkryer. Figura femërore merr gjithë vlerat e munguara në kohë nga pena e Enkel  Demit

Kthimi te rrënjët është domosdoshmëri, për t’i dhënë përgjigje edhe orëve të liga, jo vetëm të këtij romani, por edhe të vetë vendit tonë thekson autori. Edhe te “Ora e ligë“ dora e Tom Kukës është po aq lirike dhe epike sa tek  romanet “Gurët e vetmisë” apo “Hije mbi kalldrëm”./abcnews.al

elia.jpg
ger ta12:06 | 17/11/2019

Historia e Mbretëreshës Geraldinë,  vjen e rrëfyer në formën e një përralle, nga Princesha Elia Zaharia.

Trëndafili i Bardhë. Sjell jetën e saj nga fëmijeria deri në kurorëzimin në martesë me Mbretin Zog, për këtë ajo thotë se ka hulumtuar në kujtimet e saj të shkruara, në fotot e saj aq frymëzuese, në kujtimet e Princ Lekës që u rrit nën përkujdesjet e saj

Përveç rrëfimit të përrallës me një gjuhë të thjeshtë, libri vjen mjaft i kuptueshëm nga ilustrimi me mjaft mjeshtri i mikeshës se saj Ledia Kostandini.

“Trëndafili i Bardhë” ka zgjuar interes të madh në Panairin e Librit ku u bë edhe prezantimi i këtij libri./abcnews.al

 

derhemi.jpg
ger ta11:49 | 17/11/2019

Publiku në Gjirokastër e ka vlerësuar performancën e aktorit Arben Derhemi, në monodramën “Johan Padan dhe Amerika” të italianit Dario Fo. Historitë e vecanta u treguan në tetë dialekte të ndryshme nga aktori.

Ishin këto duartrokitjet mëse të merituara me të cilat publiku gjirokastrit vlerësoi interpretimin e aktorit Arben Derhemi i cili ishte në Gjirokastër me monodramën Johan Padan dhe Amerikat.

Kjo vepër e nobelistit të njohur italian Dario Fo erdhi për herë të parë në qytetin tonë pas një turi të gjatë në mbarë trevat shqiptare. Historia e personazhit të kësaj vepre ndërthuri më së miri historitë e saj ndërsa e veçanta ishte dhe interpretimi në 8 dialekte të ndryshëm që së bashku me mesazhin aq human dhe të rëndësishëm për shoqërinë tonë erdhi tek publiku në formën më të mirë ndërsa mesazhi i saj sipas Derhemit u kuptua nga të gjithë artdashësit.

Kjo vepër vjen me regji të Milto Kutalit,i cili është shprehur.

Kjo shfaqe u vendos ne teatrin Zihni Sako vetëm pak ditë pas përfundimit të festivalit teatror mbarëshqiptar Kadri Roshi që u organizua nga agjencia e kulturës me mbështetjen totale të bashkisë gjirokastër. Aktualisht trupa e këtij teatri ka nisu r punën për vendosjen në skenë të dy premierave të tjera./abcnews.al

musta-1280x849.jpg
in a16:32 | 16/11/2019

Fituesi i çmimit të madh të Panairit të Librit, Besnik Mustafaj në një intervistë për “ABC News” thotë se  romani “Dëmtuar gjatë rrugës” është më i miri i shkruar prej tij. Ai ndihet i vlerësuar për këtë çmim të rëndësishëm, Mustafaj shprehet se ka bërë mirë që është larguar nga politika dhe i është dedikuar letërsisë.

Romani” Dëmtuar gjatë rrugës” i dhuroi çmimin e madh të Panirit të Librit 2019, shkrimtarit Besnik Mustafaj.

Mustafaj thotë se me vlerësimin e çmimit më të madh të letërsisë në Shqipëri, legjitimohet edhe dorëheqja ime nga politika e ky fakt me gëzon.

“Edhe ai vete këtë roman e vlerëson si më të mirin që ka shkruar deri më sot. Shija e panairit dhe kontakti me lexuesin për së gjalli, është diçka pozitive”, tha Mustafa./abcnews.al

 

ceka.jpg
nev ila18:04 | 15/11/2019

Specialistët e cilësojnë planin e menaxhimit të Butrintit pa risi të mëdha nga plani i 20 viteve më parë, si dhe të pa zbatueshëm bë  terren. Arkeologu  Neritan  Ceka thotë se ka edhe gabime shkencore, pasi janë përjashtuar të gjithë arkeologët shqiptar.

Seanca e parë e diskutimit me specialistët e planit të menaxhimit të Butrintit u shoqërua me debate të forta. Ajo u zhvillua pa pranin e kamerave.  Arkeologu Neritan Ceka  nënvizon faktin se konceptimi i Butrintit si qytet grek dhe romak është gabim shkencorë i cili ka ardhur për shkak të politikës përjashtuese të specialistëve vendas sipas Cekës.

Ish -drejtori i parkut kombëtar tw Butrintit, Auron Tare i cili është pro planeve menaxhuese, për çdo sit arkeologjik   ky plan, sipas tij nuk përben risi krahasuar me atë të  krijuar prej tij 20 viteve më parë.

Ndërsa Ceka e cilëson të pazbatueshëm.

Menaxhimi i Butrintit nga fondacionet për Auron Taren është mënyra e duhur, por jo i mbikëqyr apo i drejtuar nga Ministria e Kulturës si në këtë rast , gjë që ky koncept  thekson Tare është kundërshtuar edhe nga ICOMOS.

Pas kësaj tryeze pritet që të zhvillohen edhe takime të tjera me grupet e interesit,  më pas plani i menaxhimit  do të kalojë në Kuvend për të marrë ose jo miratimin./abcnews.al

DURRES-NDEROHET-REXHEP-QOSJA_ABC-M2-T1.mpg_snapshot_00.18-1280x720.jpg
ent ela15:25 | 15/11/2019

Universitetit “Aleksandër Moisiu” i akordoi titullin e lartë akademikut kosovar për kontributin shumëdimensional në zhvillimin e kulturës, arsimit dhe kërkimit shkencor.

Universiteti i Durrësit nderon akademik Rexhep Qosja me titullin “Doktor Honoris Causa”. Përmes nëj ceremonie të zhvilluar ën ambjentet e universitetit “Akleksandër Moisiu” Senati Akademik i këtij universiteti, i akordoi këtë titull me motivacionin: “Për kontribut të shquar e shumëdimensional në zhvillimin e kulturës, arsimit të lartë dhe kërkimit shkencor në Kosovë dhe në mbarë botën shqiptare. Çosja nderohet si studiues i shquar i shkencave albanologjike; si themelues dhe drejtues i institucioneve, ameve të studimit e organeve shkencore; si studiues i letërsisë, por edhe si veprimtar shoqëror e politik.

Në fjalën e tij, Akademik Rexhep Qosja u shpreh i ngazëllyer me vlerësimin.

“Faleminderit Senatit Akademik për titullin e nderit. Ky titull më gëzon sepse më jepet prej një universiteti që mban emrin e një prek artistëve më të lavdishëm shqiptarë e europianë, Aleksandër Moisiu. Ai ishte artist me sjellje të fisme në kohë të keqe e të mirë”, u shpreh ndër të tjera ai. /abcnews.al

MBULIM-CMIMET-E-AKADEMISE-SE-SHKENCAVE.mpg_snapshot_00.21-1280x720.jpg
ent ela15:00 | 15/11/2019

Juria ndërkombëtare përzgjodhi si fitues të veprës shkencore më cilësore për autorë vendas, historianin Paskal Milo me veprën “Shqipëria  në luftën e dytë botërore (1939-1943).

Autori i huaj fitues i konkursit për 75 -vjetorin e çlirimit të Shqipërisë u shpall Roderick Bailey për veprën “Lufta e fshehtë në Shqipëri, një histori e misioneve sekrete britanike 1940-45”.

Ndërkohë, juria  gjykoi që për veprën shkencore më cilësore për antifashizmin në Shqipëri nga studiuesit e rinj të mos jepte çmim, për shkak se veprat nuk ishin në nivelin e duhur shkencor. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono