Kryesore

KORCE-STUDENTET-MBULIM.mpg_snapshot_00.11-1280x720.jpg
ent ela10:30 | 22/05/2019

Studentët e Universitetit “Fan Noli” në Korçë i bashkohen protestës kombëtare të studentëve. Fillimisht ata u grumbulluan tek Korpusi Universitar kurse një pjesë e tyre u nisën drejt Tiranës, për të marrë pjesë në protestën e orës 12:00. Ndërkohë, në disa fakultete, studentët kanë vijuar normalisht mësimin. Studentët e Korçës kërkojnë unifikimin e kartës së studentit në rang kombëtar. Të paguhet periudha e stazhit. Të rankohen programet e studimit. Portali i transparencës të bëhet funksional. Pesha e votës së studentëve të rritet me 25 përqind. Përfaqësuesi i studentëve në Bordin e Administrimit të zgjidhet nga studentët jo nga Ministria.

Studentët e Korçës kërkojnë politika punësimi, jo vetëm për studentët ekselentë. /ABC News Albania 24/7

berat-1280x703.jpg
ent ela10:20 | 22/05/2019

Një 44-vjeçar u arrestua  nga policia e Beratit pasi ishte shpallur në kërkim nga drejtësia italiane. I arrestuari banues në Berat,  rezulton që të ketë tre emra, Gazmir Polovina, Gazmend Polovina, Julian Bebri. Ai në mars të 2013 është dënuar nga gjykata në Milano me 15 vite heqje lirie pasi u shpall fajtor për veprën penale të përfshirjes në “Organizatë Kriminale” si dhe “Trafikim i lëndëve narkotike”. 44-vjeçari i arrestuar në bashkëpunim me shtetas të tjerë shqiptarë dhe italianë të organizuar si grup kriminal kanë qenë të përfshirë në trafik ndërkombëtar të heroinës dhe kokainës. 44-vjeçari pas procedurave në Shqipëri pritet të ekstradohet drejt Italisë. /ABC news Albania 24/7

besnik-habibaj.jpg
Sej rie09:14 | 22/05/2019

Gjykata e Apelit të Ankonas ka vendosur 14 vjet burg për një 57-vjeçar shqiptar, i cili tentoi të vriste gruan e tij. Në këtë mënyrë, apeli la në fuqi vendimin e marrë nga gjykata e Macerata-s për Besnik Habibajn.

Shqiptari me anë të një avokati kishte animuar vendimin, ku akuzohej për tentativë vrasjeje ndaj ish-bashkëshortes, Trendelina Halimi, 43-vjeçe. Gjithashtu shkalla e dytë vendosi që të kompensojë gruan me 250 mijë euro dhe dy fëmijët e çiftit me nga 50 mijë euro secili.

Sipas akuzës, Habibaj kishte vepruar për shkak të xhelozisë, sepse nuk pranonte fundin e marrëdhënies me ish-gruan. Disa ditë para aktit të rëndë, ajo e kishte denoncuar 57-vjeçarin për dhunë në familje. Për këtë arsye, gjykata e Macerata-s kishte vendosur edhe një urdhër ndaj Habibajt për të mos iu afruar asaj.

Mirëpo ky urdhër u shkel natën e 27 Tetorit të 2017-s. Sipas hetimeve, Habibaj i kishte dalë 43-vjeçares në një diskotekë. Fillimisht, ai e përplasi me makinë. Ndërkohë më vonë doli dhe e masakroi me çekiç në fytyrë.

Falë ndërhyrjes së kalimtarëve dhe policisë, shqiptarja arriti të shpëtojë nga dhuna e tmerrshme e ushtruar ndaj saj. Më vonë u shtrua në spital për shkak të dëmtimeve të rënda që kishte marrë, sidomos në pjesën e fytyrës./abcnews.al

AKSIDENTI-GJIROKASTER-1280x720.jpg
Sej rie08:38 | 22/05/2019

Dy persona kanë humbur jetë si pasojë e dy aksidenteve të ndryshme rrugore brenda një harku kohor të 45 minutave në Durrës. Aksidenti i parë ndodhi rreth orës 21:45, në autostradën Durrës-Tiranë, pranë mbikalimit të Shën Avlashit. Një 55-vjeçar ende i paidentifikuar u përplas për vdekje ndërsa po lëvizte me biçikletë në autostradë nga një trajler.

45 minuta më vonë një tjetër person ende i paidentifikuar gjeti vdekjen e menjëhershme si pasojë e një aksidenti rrugor në të njëjtin vend. Viktima rreth të 50-tave po tentonte të kalonte autostradën në këmbë kur u përplas nga një automjet.

Në të dy rastet, policia shoqëroi në Komisariatin e Policisë për veprime të mëtejshme dy drejtuesit e automjeteve. Grupi hetimor vijon punën për përcaktimin e shkaqeve të aksidenteve./ABC News Albania 24/7

vizat-1280x710.jpg
Sej rie20:15 | 21/05/2019

Deputetët holandezë janë të vetëdijshëm që Rezoluta e Parlamenti të tyre për rivendosjen e vizave nuk mund të realizohet, por e interpretuan atë si një veprim sensibilizues për nxitjen e luftës kundër krimit. Kjo bëhet e ditur në njoftimin për shtyp që Kuvendi i Shqipërisë shpërndau pas seancës dëgjimore që zhvilloi delegacioni i parlamentit shqiptar me Komisionin për Çështjet e Bashkimit Evropian në Parlamentin e Holandës. Kjo seancë dëgjimorë u vlerësua nga Kryetari i Komisionit Ëeldman si mjaft e dobishme për vazhdimin e dialogut dhe për të informuar mbi përpjekjet reale që po bën Shqipërisë për realizimin e prioriteteve kyçe të integrimit. Në seancë ishin të pranishëm Kryetari i Kuvendit Gramoz Ruçi, Kryetari i Grupit Parlamentar të PS Taulant Balla, Kryetarja e Grupit Parlamentar Demokrat dhe Kryetare e Komisionit Parlamentar të Integrimit Rudina Hajdari dhe Ambasadorja e Shqipërisë në Holandë Adia Sakiqi./abcnews.al

 

luli-ne-berat-1280x627.jpg
nev ila19:24 | 21/05/2019

Në takimin e sotëm të zhvilluar në Berat kreu i demokratëve, Lulzim Basha, ka deklaruar se 30 qershori është një tentativë për grusht shteti. Ai gjithashtu theksoi se procesi zgjedhor që ka filluar është i manipuluar, fals dhe me një opozitë fals.

30 qershori është një tentativë për grusht shteti kushtetues. Kundër kushtetuës nuk është opozita, por Edi Rama, që ka asgjësuar gardianët e Kushtetutës, Gjykatën e Kushtetuese. Kundër kushtetutës është procesi monist i manipuluar, me emërim të opozitës fallco, me kandidatë fallco, kundër kushtetutës është procesi me 1.4 milionë karta identiteti. Bashkimi i shqiptarëve me opozitën është akti më kushtetues në shërbim të interesave më të mira të Shqipërisë. Bashkimi më i madh popullor ka tmerruar pakicën e Edi Ramës me krimin dhe oligarkët. Kurrë nuk ka qenë një bashkim popullor më i madh se ky. Kurrë nuk ka qenë më e tmerruar, më e çoroditur, më në panik, pakica që kemi përballë. Pakica e Edi Ramës dhe e një grushti banditësh dhe horrash, të cilët për 6 vite me radhë ishin padronët, zotërit në shtëpinë e shqiptarëve, kapën të gjithë pushtetet, ulën në sofër krimin, asgjësuan drejtësinë e pavarur dhe shkatërruan kësisoj qindra mijëra ekonomi familjare”, tha Basha./abcnews.al

drugs_3_0.jpg
Sej rie18:45 | 21/05/2019

Autoritetet holandeze këtë të martë kanë arrestuar disa persona, në saj të një operacioni të madh kundër një rrjeti kriminal shqiptar. Policia në Limburgun e Jugut bastisi në dhjetëra shtëpi dhe ambiente biznesi ku qëndroni “kryesisht shqiptarë”, të përfshinë në kultivimin e kanabisit. Operacioni është ende në zhvillim dhe policia raporton se deri më tani janë arrestuar 15 persona. Autoritetet presin për të tjera arrestime.

Deri më tani, policia ka bastisur në trembëdhjetë ndërtesa. Në dhjetë prej tyre agjentët kanë gjetur lëngë narkotike. Ndërsa një ndërtesë ku thuhet se ishte fabrikë kanabisi u gjetën 7500 rrënjë lëndë narkotike dhe u konfiskuan 100,000 euro para të gatshme. Agjentët kanë gjetur edhe një armë zjarri dhe konfiskuan një makinë.

Ky aktivitet i gjerë kriminal ishte zbuluar krejt rastësisht. Një agjent kishte shkuar në një shtëpi në nëntor të viti 2016 dhe aty kishte zbuluar lëndë narkotike. Një i dyshuar shqiptar ishte arrestuar dhe rezultoi se ai nuk paguante qira për qëndrimin aty. Qiraja e banesë në fjalë shlyhej nga një kompani në Geleen. Më pas, kjo kompani u mbajt nën mbikëqyrje dhe rezultoi se ajo paguante qiranë e shumë banesave në zonë ku në to qëndronin kryesisht shqiptarë.

“Por ne e filluam këtë hetim vetëm në nëntor të vitit të kaluar, sepse kemi mungesë kapaciteti. Kjo për fat të keq është realiteti”, thotë udhëheqësi i ekipit, raporton media holandeze nrc.nl. 

Kompania zyrtarisht ishte e regjistruar të ushtronte aktivitetin e shërbimeve për makina, por sipas policisë, kompania gjithashtu ndihmoi kriminelët me pagesa të paligjshme. Kompania gjithashtu ka degë në Belgjikë dhe Gjermani.

Katër nga pesëmbëdhjetë të arrestuarit thuhet se janë drejtorët e kësaj kompanie. Të ndaluari janë dy 40-vjeçar marokenë dhe një grua 36 vjeçare me origjinë belge. I dyshuari i katërt është një 34 vjeçar me prejardhje shqiptare. Policia dyshon se kompania është themeluar për të mundësuar prodhimin e drogës. Është e paqartë saktësisht se çfarë roli kanë luajtur 11 të arrestuarit e tjerë. Arrestimet u bënë në Belgjikë, Gjermani dhe Geleen./abcnews.al

GJIMNAZISTET-PER-LENDET-NARKOTIKE.mpg_snapshot_00.52-1280x720.jpg
ent ela16:00 | 21/05/2019

Shifrat e Institutit Shtetëror të statistikave flasin për përdorim të drogave nga adoleshentët, të cilëve produkti i jashtëligjshëm u ofrohet edhe pranë mjediseve shkollore. ABC News ka bërë një vëzhgim, duke folur me gjimnazistë të kryeqytetit.

Jo pak adoleshentë shqiptarë kanë provuar bimët narkotike. Gjimnazistët mbeten target grupi që bien shumë lehtë pre e shpërndarësve të kanabisit, jashtë ambienteve të shkollave.

Vetë të rinjtë stepen nga prania e kamerës për të dhënë një përgjigje sa i përket konsumimit të lëndëve narkotike nga bashkëmoshatarët e tyre.

Pavarësisht kësaj, ka nga ata që japin një përgjigje në lidhje me këtë fenomen që thonë se nuk kanë konstatuar konsumim të lëndëve narkotike pranë shkollave.

“Jo unë nuk e bëj shkollën te “Partizani”, jam te “Çajupi” po nuk kam parë”.

“Jo nuk kam parë”.

Të rinjtë më guximtarë pranojnë para kameras se ka bashkëmoshatarë të tyre që kanë përdorur lëndë narkotike në zonat pranë gjimnazeve.

“Po në disa raste, ky është një problem që vazhdon”.

“Kam parë bashkëmoshatarë të mi, por mendoj që ekzsiton në çdo shkollë ky fenomen”.

“Sado ta mohojnë ekziston ky fenomen”.

Sipas një studimi të ISHP-së të 2018, drogat u janë ofruar më shumë se 8 % të të rinjve në mjedise të shkollës, 5,4% e personave të moshës 14-18 vjeç kanë eksperimentuar me kanabis, rreth 4% e tyre me ekstazi, mbi 1.4% heroinë dhe rreth 1.6% e te rinjve kanë eksperimentuar me kokainë./ABC News Albania 24/7

 

FRONTEX-NE-TIRANE-PER-KUFINJTE.mpg_snapshot_00.17-1280x720.jpg
ent ela15:25 | 21/05/2019

Edhe pse nuk është pjesë e BE, Shqipëria firmosi një marrëveshje me FRONTEX për të monitoruar kufirin Greko-Shqiptar. 50 oficerë do të jenë të instaluar në pikat e kalimit kufitar, ndërsa të pranishëm në Tiranë ishin Eurokomisioneri Dimitris Avramopulos dhe kreu i misionit FRONTEX, Abrice Leggeri.

Emigrantët e jashtëligjshëm që shfrytëzojnë kufirin e gjelbër Shqiptaro-Grek, nga e mërkura duhet të mendohen dy herë për të ndërmarrin një veprim të tillë. 50 oficerë të FRONTEX, Agjencia Evropiane e Rojave Kufitare dhe Bregdetare ishin të pranishëm në Tiranë.

Për herë të parë u arrit një marrëveshje mes Shqipërisë dhe Bashkimin Europian, pavarësisht se vendi ynë nuk është anëtar i saj.

“Qëllimi kryesor është të kemi në kufirin tokësor me Greqinë prezencën tonë. Objektivi lidhet me një monitorim edhe më të mirë për sa i përket emigracionit te jashtëligjshëm që nis nga Greqia në drejtim të veriut të Shqipërisë. Janë edhe disa aktivitete të jashtëligjshme si për shembull trafiqe që zhvillohen në kufi. Ne duam te ndihmojmë forcat shqiptare ligj-zbatuese dhe autoritetet e kufirit. Ne do të kemi në terren 50 oficerë kufiri që vinë nga 12 vende anëtar të BE, si edhe automjete patrullimi përgjatë kufirit tokësor mes Shqipërisë dhe Greqisë”.

Gjatë ceremonisë Kryeministri Edi Rama, pohoi se misioni FRONTEX në Shqipëri është një shenjë vlerësuese e BE-së për Shqipërinë.

“Arsyeja tjetër është personale. Për faktin se këtu sot jam me një mik, që në disa role ka treguar me vepra dhe jo me fjalë një miqësi shumë të sinqertë jo thjesht ndaj meje personalisht, Dhimitri Avramopoulos, pa të cilin që edhe ky projekt i rëndësishëm, që sot nis të jetësohet, zor se do të ishte imagjinuar dhe jo më të ishte realizuar”.

Duke iu përgjigjur interesit të mediave, komisioneri Dimitris Avramopoulos komentoi vendimin e parlamentit në Holandë për kthimin e vizave me qytetarët shqiptarë. Ai tregoi se si do të veprohet më tej nëse një kërkesë e tillë mbërrin në Komision.

“Ne nuk bëjmë komente për atë që vendoset në nivelin e vendeve anëtare, por për derisa thelbi kryesor ka të bëjë me mekanizimin për pezullimin e vizave, që ka interes të madh për ju, më lejoni t’u them se Komisioni nuk ka marrë asnjë njoftim që kërkon pezullimin e vizave. Për asnjë vend në Europë që përfiton. Nëse mund të ndodhë në të ardhmen, më besoni se do të bëjmë një analizë të kujdesshme nëse një veprim i tillë do të duhet të merret apo jo në përputhje me procedurat dhe informacionin që ka të bëjë me rrethanat specifike të një vendi të BE”.

Më tej Komisioneri i BE-së vlerësoi punën e autoriteteve shqiptare për të ndalur fluksin e azilantëve në vendet e BE-së, por shtoi se duhet bërë akoma më shumë. Avramopulos kërkoi që të njihen reformat që ka ndërmarrë vendi në prag të hapjes së negociatave.

“Kjo marrëveshje e afron Shqipërinë me BE-në. Nga ana e BE-së ne e kemi dhënë këtë rekomandim në 2018 për çeljen e negociatave dhe i qëndrojmë atij. Siç e dini në fund të fundit është Këshilli ai që e merr vendimin për çeljen e negociatave. Që prej qershorit të shkuar Shqipëria ka bërë progres në lidhje me reformën në drejtësi, luftën ndaj krimit të organizuar dhe kanabisit dhe kjo duhet pranuar, duhet njohur. Por ky progres duhet të jetë i qëndrueshëm. Punë duhet për të ndalur numrin e aplikimeve të pabaza për azil, dhe unë shoh angazhimin e autoriteteve shqiptare për ta arritur këtë”.

Sipas ministrit të Brendshëm, Sandër Lleshaj, operacioni i përbashkët i FRONTEX, kontribon në mënyrë të drejtpërdrejt për kompesimin e forcave të limituara të policisë së shtetit. /ABC News Albania 24/7

 

 

llogara1-1280x734.jpg
ent ela15:13 | 21/05/2019

Rruga e Llogarasë në Vlorë është nga rrugët më problematike gjatë sezonit turistik. Për shkak të dëmtimeve në të, shkarjeve të tokës dhe ngushtimet në pika të ndryshme, automjetet kanë pritur me orë të tëra në trafik.

Rrugës duke u ngjitur për në Llogara janë shtuar kamionet. Gjasat janë që po nisin punimet për sistemimin e këtij segmenti.

Në fakt ndërhyrjet janë shumë të vonuara. Pak ditë kanë mbetur nga hapja e sezonit turistik dhe në këtë rrugë do të ketë fluks automjetesh me pushues drejt Jugut.

Rruga Vlorë-Llogara ndodhet në një gjendje të mjerueshme. Ka shkarje të tokës në anë të rrugës. Por jo vetëm kaq. Në disa pika segmenti ngushtohet aq sa aty mezi kalon një makine. Në sezonet e kaluara këtu ka patur bllokim të qarkullimi për disa orë, pa llogaritur trafikun e përditshëm.

“Shpresojmë edhe pse me vonesë se nuk është momenti i përshtatshëm ky, mund ta bënin gjatë dimrit shpresojmë t’i kryejnë sa më shpejt dhe me cilësi”.

Kjo rrugë që kalon nëpër qafën e Llogarasë lidh Vlorën dhe Orikumin. Më pas shkon drejt Palasës, Dhërmiut, Jalës dhe Himarës. Praktikisht është arteria kryesore për një pjesë të jugut dhe në sezonin turistik lëvizja e mjeteve ka qenë përherë e vështirë.

Gazetar i ABC News, Vlorë: Elton Nika

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono