Kryesore

GRABITJA-TEPELENE-MBULIM.mpg_snapshot_00.01-1280x720.jpg
ent ela12:03 | 21/07/2019

Një banesë është grabitur gjatë natës në fshatin Turan të Tepelenës. Mësohet se grabitësit janë futur në banesë duke thyer derën e jashtme dhe më pas kanë vjedhur një shumë parash.

Banesa është në pronësi të shtetasit me iniciale G.H dhe në momentin e grabitjes nuk ndodhej njeri në shtëpi.

Policia po punon për identifikimin dhe kapjen e autorëve. /abcnews.al

0c9b3d62-0ae5-48fb-88e4-c858f42424d7.jpg
ent ela10:37 | 21/07/2019

Kryetari i Partisë Demokratike Lulzim Basha ka vazhduar turin e takimeve me strukturat e partisë nëpër Shqipëri. Ndalesën e fundit e bëri në Lezhë ku identifikoi Kryeministrin Edi Rama si problemin më të madh për ekonominë, papunësinë dhe shkatërrimin e drejtësisë.

“Edi Rama është kryeministri më hajdut, më arrogant dhe më mashtrues në historinë e Shqipërisë”.

Ua tha edhe lezhjanëve bindjen e tij se cili është ai  që po ua vjedh paratë nga xhepi.

 “Nëse shqiptarët nuk kanë të hanë është sepse paratë e tyre i ka vjedhur Edi Rama.Miliarda euro janë vjedhur dhe abuzuar në këto 6 vjet, të gjitha kanë përfunduar në xhepat e Ramës dhe janë shpërdoruar për tekat e Ramës në luks dhe fasada”.

Kryetari i Partisë Demokratike Lulzim Basha i ka edhe më të qarta idetë pas zgjedhjeve vendore të 30 qershorit.

“30 qershori në këtë pikëpamje vetëm ka përforcuar dhe konfirmuar sit ë drejta rrugëdaljet nga kriza që kemi parashtruar: një qeveri tranzitore pa Edi Ramën, cuarjen përpara drejtësisë të të gjithë politikanëve dhe kriminelëve të faktuar para të gjithë botës si hajdutët e zgjedhjeve dhe zgjedhje të parakohshme”.

Vendimin e fundit të Gjykatës së Durrësit, kryedemokrati e dha si shembull se si sistemi i drejtësisë është tërësisht i kapur sipas tij nga kryetari qeverisë. /ABC News Albania 24/7

 

 

turiste.jpg
G. P.20:36 | 20/07/2019

Në Vuno ndodhet një grua që gatuan disa petulla shumë speciale. Ajo është zonja Lula është kthyer prej vitesh një pikë referimi në qendër të Vunoit. Petullat e saj i kanë shijuar në masë turistët e huaj.

“Ngelen të mahnitur se është një gjë e veçantë. Bëjnë edhe në vend tjetër, por këto u shijojnë më shumë dhe më flasin nga makina. A ke brumë teta që të kthehemi? Po u them, në çdo orë dhe në çdo moment. I kam mbajtur gjatë gjithë ditës deri në orën 10-11 që punoj. Nuk ka shans që të kalojë dhe të mos kërkojë nëse i ka provuar ndonjëherë.

Njëherë kisha një çift italian. Kishin kaluar gjithë bregdetin dhe i prunë fëmijët këtu. Kur ikën në Itali morën në telefon. “Kaluam të gjithë Shqipërinë thanë, por atë darkë që hëngrëm në Vuno e vlerësojmë shumë se kishte diçka të veçantë. Pak e nga të gjitha, shumëllojshmëri”, tha ajo,

Zonja Lula tregoi se punon me gjëra bio të fshatit. Ajo punon prej disa vitesh aty dhe çmimet i ka ulëta. Lula rrëfeu për ABC News sekretin se si i bën petullat.

“Unë mundohem të mos i fus kos, gjëra të rënduara ose vezë. Përpiqem në gatime të tjera se çdo gjë bëhet me vezë. Puna është të bësh diçka pa futur vezë. I hedh pak kripë, pak maja, pak uthull që të bëhet brumi elastik dhe të mos pijë shumë vaj”, tha ajo.

Pikërisht prej shijes shumë të mirë të këtyre petullave ajo ka edhe një klient special. Ai është kryeministri Edi Rama, i cili ka ndaluar shpesh te zonja Lula për të ngrënë gatimet e saj.

“Kaloi kryeministri ishte me gjithë Lindën. Ishin me pushime. Lula çkemi si je? Mirë i thashë unë. Jam me Lindën tha do na bësh ndonjë gjë. Unë i bëra dy petulla, pak ullinj… Një ditë tjetër më thërret prapë me një mik nga Kosova. Lula si je tha, a ka nga ato që bëre një ditë që unë të kthehem? Po ore i thashë. Dhe u kthye me kënaqësi. Kryeministri, të televizionit si ju, kush e ka provuar gjithnjë ka kërkuar”, përfundoi ajo./abcnews.al

edi-rama.jpg
nev ila13:41 | 20/07/2019

Kryeministri Rama ka reaguar ditën e sotme në lidhje me dorëheqjen e kryeministrit të kosovës Ramush Haradinaj. Rama thotë se Ftesat nga Haga për protagonistët e UCK janë sfidë e tyre për të provuar pafajësinë por edhe sfidë kombëtare për anën e duhur të historisë.

 

 , shkruan Rama./abcnews.al

67440703_2519934481391051_1156909858482552832_n.jpg
nev ila10:12 | 20/07/2019

Kryetari i Partisë Demokratike, Lulzim Basha përmes një statusi në rrjetet sociale shkruan se drejtësia në të gjithë Shqipërinë është sot në duart e krimit dhe të organizatës kriminale të rilindjes> Sipas tij Rama përmes Vangjush Dakos dhe krimit, kontrollon pushtetin lokal dhe se me këtë drejtësi nuk do të ketë kurrë politikanë në pranga dhe kriminelë në burg.

“Edi Rama përmes Vangjush Dakos dhe krimit të organizuar kontrollon pushtetin lokal, drejtësinë dhe çdo institucion tjetër të Durrësit. Bashkëpunëtori i bandës kriminale të Avdylajve, liruesi nga burgu i Lul Berishës dhe pastruesi i parave të krimit në Durrës, duhet të ishte në burg, por ai është padroni i atyre që që duhet ta dërgonin në burg.

Drejtësia në të gjithë Shqipërinë është sot në duart e krimit dhe të organizatës kriminale të rilindjes. Sot mes rilindasve dhe krimit nuk ka më asnjë ndryshim. Jemi kthyer në kohët e errëta, kur drejtësia ishte partia kriminale.

Me këtë drejtësi nuk do ketë kurrë politikanë në pranga, nuk do ketë kurrë kriminelë në burg. Me këtë drejtësi, prangat janë për njerëzit e thjeshtë dhe krimi e hajdutëria qeveritare bëjnë kërdinë. Çlirimi i vendit nga sundimi i Edi Ramës dhe bandës së tij në qeveri është domosdoshmëri për demokracinë, shtetin e së drejtës dhe stabilitetin e vendit“, shkruan Basha./abcnews.al

policia-durres-1280x721.jpg
nev ila10:00 | 20/07/2019

Eshtë gjetur i mbytur mëngjesin e kësaj të shtune 37 vjecari Ardian Kuka, i cili një ditë më parë vrau bashkëshorten me thikë në banesën e tyre në periferi të Durrësit.

Sipas njoftimit të policisë, pranë vendit të ngjarjes është gjetur edhe automjeti i Kukës, me të cilin dyshohet se u largua pas kryerjes së krimit.

Të premten 37 vjecari kishte shkuar në banesë për drekë dhe kishte nisur të debatonte me bashkëshorten për motive xhelozie. Në momentin e debatit ka qenë edhe djali i tyre 8 vjecar, i cili ka vrapuar të njoftojë të afërmit mbi sherrin e prindërve.

Familjarën e tyre e kanë gjetur gruan të shtrirë përtokë e të gjakosur, ndërsa autori i dyshuar ishte larguar.

Sipas mjekëve në spitalin e Durresit viktima kishte marrë gjashtë goditje me thikë në pjesën e përparme të kraharorit, c’ka i ka shkaktuar edhe vdekjen./ABC News Albania 24/7

valbona-sako-1280x853.jpg
Sej rie21:30 | 19/07/2019

Por si e argumentoi gjykata e Durrësit dhënien e vërtetimit të kryetares së bashkisë së Durrësit Valbona Sako? ABE News ka arritur të mësoje dy prej argumenteve kryesore ku është mbështetur vendimi.

Abcnews arrin të mësojë argumentimin e Gjykatës së Rrethit Gjyqesor Durres, për vërtetimin e mandatit të Kryetares së Bashkisë Durrës, Valbona Sako.

Togat e zeza, pranuan kërkesën e PS, duke parashtruar se: Së pari, se në vlerësimin e kësaj gjykate në ato raste që kandidati për kryetar bashkie regjistrohet në KZQ si kandidat i një subjekti politik, legjitimimin për të kërkuar vërtetimin e mandatit e ka si vetë kandidati, ashtu edhe partia, koalicioni apo partitë politike përkatëse. Për rrjedhojë, do të ishte nonsens që partia politike apo koalicioni përkatës të konsiderohej se nuk ka interes të ligjshëm në kërkimin për vërtetimin e mandatit të kryetarit të bashkisë.

Pra, në vlerësimin e kësaj gjykate kërkuesi Partia Socialiste e Shqipërisë si pjesë e koalicionit zgjedhor „Aleanca për Shqipërinë Europiane“ legjitimohet të kërkojë vërtetimin e mandatit të një kryetari bashkie kandidat fitues i kësaj force politike.

Së dyti, sa i takon faktit se cfare nenkuptohet me vertetim te mandatit te kandidatit nga gjykata, vendimi i gjykates se durresit shprehet se: në interpretimin literal të funksionit të gjykatës në procesin e vërtetimin e mandatit kuptohet që roli i gjykatës është të shqyrtojë nëse vërtetohet me prova se akti me të cilin kandidati për kryetar bashkie është shpallur fitues është i saktë dhe i vërtetë dhe nëse është përfundimtar.

Roli i gjykatës së rrethit gjyqësor në vërtetimin e mandatit të kryetarit të bashkisë është tërësisht i ndryshëm nga roli i KQZ si i vetmi institucion ligjor kompetent për verifikimin e rezultateve të votimit, rolit të Kolegjit Zgjedhor për shqyrtimin e ankesave gjyqësore ndaj vendimeve të KQZ dhe rolit të Këshillit Bashkiak si organi kompetent për shpalljen e vlefshmërisë së mandatit apo deklarimin e pavlefshmërisë së mandatit të Kryetarit të Bashkisë.

Pra, ligjvënësi ka ndarë kompetencat dhe funksionin e secilit prej organeve pjesëmarrës në këtë proces, duke mos krijuar mbivendosje mes këtyre kompetencave. Për pasojë, roli dhe funksioni i kësaj gjykate në shqyrtimin e kërkimit është vetëm vërtetimi nëse sipas Vendimit Nr.944, i dates.05 korrik 2019 të KQZ Znj.Valbona Sako është shpallur fituese si Kryetare e Bashkisë Durrës.  Me kete arsyetim, Gjykata e Rrethit Gjyqesor, Durres, ka vendosur: Pranimin e kërkesës së Partise Socialiste e Shqipërisë si pjesë e koalicionit zgjedhor „Aleanca për Shqipërinë Europiane“ dhe vërtetimi e mandatit te Kryetaresse Bashkisë Durrës të Znj.Valbona Sako në zgjedhjet vendore të datës 30 qershor./ABC News Albania 24/7

Screenshot_2-15.jpg
Sej rie19:30 | 19/07/2019

Vendimi i papritur për dorëheqje të parevokueshmë të kryeministrit të Kosovës Ramush Haradinaj, ka bërë menjëherë xhiron në mediat ndërkombëtare. Haradinaj i cili është thërritur si i dyshuar nga gjykata special në Hagë, u shpreh se nuk mund të mbronte pafajësinë e tij nga post i Kryeministrit.

Kryeministri i Kosovës Ramush Haradinaj dha dorëheqjen pas thërritje si i dyshuar nga gjykata special në Hagë për krime lufte. Lajmi për dorëheqjen e kreut të ekzekutivit në Kosovë ka bërë xhiron e mediave ndërkombëtare të cilat i kanë dhënë hapësirë si një ndër lajmet më të rëndësishme të ditës. Deutsche Vele shkruan ndër të tjera se ish komandanti i UCK-së dha dorëheqjen nga posti i tij ndërkohë që ka qenë në Hagë dhe dy herë të tjera për të njëjtat akuza.

Radio Evropa e Lirë raporton se Haradinaj në fjalën e tij të dorëheqjen ka falënderuar popullin e Kosovës për besimin dhe mbështetjen. Deklarata e papritur u bë pas mbledhjes së qeverisë.

Edhe agjencia aziatike e lajmeve CNA e cila e ka vendosur lajmin në faqen e saj të parë për një kohë të gjatë shkruan se dorëheqja erdhi si pasojë e thirrjes si i dyshuar për krime lufte nga Gjykata e Hagës. Haradinaj në fjalën e tij theksoi se i ishte kërkuar të paraqitej në gjykatën special si kryeministër ose si qytetar i thjeshtë dhe ai kishte zgjedhur të dytën.

Agjencia e lajmeve Reuters shkruan se Haradinaj një ish komandant i UCK-së ka mohuar gjithnjë akuzat duke u treguar gjithnjë i gatshëm të përballet me faktet. Ai gjithashtu kërkoi që me rrëzimin e qeverisë vendi të shkojë në zgjedhje të parakohshme.

Në raportimin e saj Yahoo shkruan ndër të tjera se Haradinaj ka theksuar disa herë se nuk mund të përballej me këtë çështje si kreu i ekzekutivit. 51-vjecari i cili drejton qeverinë që nga shtatori i 2017-ës u shpreh se kjo ishte një goditje e rëndë politike për Kosovën por ai do të mbronte veten e tij si një luftëtar i Kosovës. Haradinaj gjithashtu u shpreh se do të kandidonte në zgjedhjet e parakohshme në mënyrë që të rikthehej në postin e tij të Kryeministrit./ABC News Albania 24/7

pp-1-1280x720.jpg
Sej rie17:15 | 19/07/2019

Personat që godasin mjekët ose punonjësit në detyrë shtetërore do të dënohen automatikisht me 1 deri në 5 vjet burg.

Qeveria ka miratuar disa ndryshime në Kodin Penal, të cilat ashpërsojnë dënimet për një sërë veprash duke hequr alternativën e dënimit me gjobë.

Duhet ta mendojnë mirë ata që prekin uniformat blu dhe funksionarët publik.

E majta dhe e djathta ne Parlamentit janë bashkuar për të ashpërsuar Kodin Penal.

“Goditja për shkak të detyrës” me Kodin e vjetër Penal ishte me gjobë ose me burgim gjer në dy vjet, ndërsa me Kodin e ri gjoba të hiqet fare si opsion.

Kush ngre dorë ndaj tyre për shkak të detyrës që përfaqësojnë, do të dënohet me burg nga 1 deri në 3 vjet heqje lirie. Kur kjo vepër penale kryhet në mjediset e institucionit ku personi ushtron detyrën, dënimi shkon nga 3 deri në 5 vjet burg.

Armëmbajtja pa leje në Kodin Penal ishte me burgim nga tre deri në shtatë vjet. Por me ndryshimet në kodin e ri rritja e dënimit u bë nga shtatë deri në pesëmbëdhjetë vjet.

Ndryshimet në Kodin Penal kanë një kapitull të veçantë për dhunën në aktivitete sportive. Goditja ndaj njerëzve të sportit  dënohet me burgim nga një deri në tre vjet, e në rast përsëritjeje deri në pesë vjet. Burg parashikohet edhe për ata që hedhin sende në fushë apo hyjnë brenda saj, deri në 5 vjet.

Kodi Penal ka ndryshuar edhe për bllokimin e Rrugëve, ku vënien e pengesave ose ndalimi, i qarkullimit te mjeteve te transportit automobilistik, hekurudhor, dënohet me gjobë ose me burgim deri në tre vjet.

Siguria ushqimore ka parashikimet më të ashpra. Deri më tani, një person që fuste lënë të ndaluar në ushqime, edhe në rast se nga kjo vdesin persona, dënohet nga gjoba deri në 10 vjet burg.

Në total u ndryshuan 22 nene te kodit penal./ABC News Albania 24/7

vrasja-1280x709.jpg
Sej rie16:30 | 19/07/2019

Një 36 -vjeçare është vrarë me thikë nga bashkëshorti i saj pas një konflikti në prani të fëmijës 10-vjeç. Ngjarja ka ndodhur në banesën e tyre në periferi të Durrësit dhe mendohet se sherri ka nisur për motive xhelozie.

Një 36- vjeçare nënë e një fëmije të mitur u vra nga bashkëshorti i saj, i cili edhe më herët e kishte dhunuar.

Ngjarja e rëndë u regjistrua në periferi të Durrësit, në zonën e Spitallës dhe në banesën njëkatëshe të bashkëshortëve.

Hasbije Kuka nuk mundi ti mbijetojë plagëve të marra në trup, duke ndërruar jetë pak minuta pasi mbërriti në spital.

Ndërsa bashkëshorti i saj Ardian Kuka 37-vjeç u largua nga banesa menjëherë pas krimit. Mësohet se bashkëshorti i të ndjerës, kishte shkuar në banesë për drekë, ku ka nisur të debatojë me bashkëshorten për motive xhelozie.

Në momentin e debatit ka qenë edhe djali i tyre i mitur, i cili ka vrapuar të njoftojë të afërmit mbi sherrin e prindërve.

8-vjecari mendohet të ketë kërkuar ndihmën e dajave, por kur kanë mbërritur ka qenë tepër vonë.

Familjarët e tyre e kanë gjetur gruan të shtrirë përtokë e të gjakosur, ndërsa autori i dyshuar ishte larguar.

Të afërm flasin për konflikte të vazhdueshme mes bashkëshortëve, ku së fundmi 36 -vjeçarja kishte kërkuar urdhër mbrojtje.

Sipas mjekëve në spitalin e Durrësit viktima kishte marrë gjashtë goditje me thikë në pjesën e përparme të kraharorit, çka i ka shkaktuar edhe vdekjen./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono