Intervista

juli-xokaxhi-dhe-gjylameti-1.jpg
G. P.16:49 | 28/06/2019

Deputetja e Partisë Socialiste, Blerina Gjylameti, deklaroi këtë të premte se menaxhimi i procesit zgjedhor të së dielës do të kryhet nga përfaqësues të partive politike ndhe përfaqësuesve të shoqërisë civile.

E pyetur nga gazetarja Juli Xhokaxhi se kush i ka përzgjedhur përfaqësuesit e KQZ-së, Gjylameti deklaroi se ata janë persona që aplikojnë vetë pas thirrjeve të KQZ-së.

Juli Xhokaxhi: Kush do t’i numërojë votat, kush do ta menaxhojë procesin, të zgjedhjeve të së dielës?

Blerina Gjylameti: I menaxhojnë sipas formulës që është bërë përfaqësuesit e forcave politike dhe po ashtu nga shoqëria civile.

Juli Xhokaxhi: Kush i ka zgjedhur përfaqësuesit e shoqërisë civile?

Blerina Gjylameti: Përfaqësuesit e shoqërisë civile janë persona që aplikojnë vetvetiu. Nga ana e KQZ kemi pasur thirrje për persona që aplikojnë nga shoqëria civile për t’u bërë pjesë si anëtarë të Komisioneve të Administrimeve Zonale, KQV apo dhe VNV që janë vendet e numërimit. Po ashtu kemi 44 organizata ndërkombëtare dhe kombëtare që do të vazhdojnë të gjithë procesin përtej atyre që janë të OSBE/ODHIR që janë vëzhgues afatgjatë dhe afatshkurtër. Ndërkohë ne e dimë fare mirë që vëzhgimi tashmë prej disa vitesh është proces transparent, pra është i regjistruar gjatë gjithë kohë, tavolinat e numërimit janë të regjistruara gjatë gjithë kohës dhe kushdo ka të drejtë ta ankimojë procesin dhe të vëzhgojë./abcnews.al

leonard-olli-1.jpg
G. P.18:17 | 27/06/2019

Korça ka në afërsi të saj dy-tre bomba ekologjike për të cilat nuk flet askush. Kështu u shpreh këtë të enjte kandidati i Bindjes Demokratike për kryetar bashkie atje, Leonard Olli.

Ai ishte i ftuar në studion e ABC News përballë gazetares Juli Xhokaxhi ku theksoi se Korça është qyteti më i ndotur pas Tiranës. Ndërkohë si bomba ekologjike renditi edhe burgun e Drenovës, por edhe faktin që kurora e gjelbër e qytetit juglindor është zhdukur.

“A e dini ju sot që Korça është qyteti më i ndotur pas Tiranës. Mendoni se merrni ajër të pastër dhe sidomos ditëve të Krishtlindjeve ta dini që merrni ajrin më të ndotur duke shkaktuar dëm të pallogaritshëm në shëndetin e njerëzve. A e dini ju që në afërsi të Korçës ka dy-tre bomba ekologjike që nuk flet askush. Burgu i Drenovës që është në një afërsi 6 kilometra nga qyteti. A e dini që është i paintegruar në sistemin e ujërave të zeza? A e dini që sistemi i ujërave të zeza të burgut të Korçës sipas ekspertëve kalon në rrjedhje të lirë në të gjithë basenin ujor dhe shkon shumë pranë Turanit që është baseni kryesor që furnizon me ujë të pijshëm qytetin. Kush ka bërë një analizë në raport me  këtë? Kush ka bërë një studim në raport me këtë? Sa herë është matur cilësia e ajrit në Korçë? Po fakti që kurora e gjelbër e qytetit është denatyruar komplet. Fakti që pjesa jugperëndimore është lënë në mëshirë të fatit. E kam parë me sytë e mi, por edhe me kamera, edhe e fotografuar. Korça përtej fasadave është shumë herë më e madhe”, tha Olli.

Kandidati i Bindjes Demokratike deklaroi gjithashtu se ka gjetur një vendim të Këshillit Bashkiak të Korçës, në të cilën këshilltarët pa kryer asnjë tender, kishin bërë një vizitë 3 ditore në Korfuz me paratë e qytetarëve. Ai theksoi se edhe pse ka pasur investime në qytet, ato kanë qenë sa për fasadë pasi nuk kanë sjellë rritje të ekonomisë.

“E dini çfarë kam gjetur në një vendim të Këshillit Bashkiak? Vizitën e 32 këshilltarëve në Korfuz. Se ashtu ishte një punë dhe fondet nuk ishin bërë me tenderim që vizita të tenderohej nga agjencitë turistike, por ishte përcaktuar një element X nga ana e financierëve dhe 32 këshilltarë kishin kaluar 3 ditë të bukura në Korfuz. Jo me lekët e tyre ama, me lekët e bashkisë. Epo janë lekët e korçarëve ata. Nuk e mohoj pjesën e fasadës, por është një pjesë që nuk ka prodhuar asgjë për qytetin, pra investimet nuk kanë sjellë  rritje të ekonomisë për qytetin”, theksoi Olli./abcnews.al

leonard-olli.jpg
G. P.17:42 | 27/06/2019

Kandidati i Bindjes Demokratike për Bashkinë e Korçës, Leonard Olli, deklaroi këtë të enjte se është futur në garë për të fituar. Ai ishte i ftuar në studion e ABC News dhe theksoi se Bindja Demokratike ka hyrë me pretendime për të fituar dhe jo thjesht sa për të shërbyer si legjitimues i zgjedhjeve.

Ka qenë koha e shkurtër sipas Ollit ajo që nuk i dha mundësinë BD-së që të ketë kandidatë në çdo bashki të vendit. Është ky fakti që rrëzon çdo pretendim sipas tij që Bindja shërben si legjitimues i zgjedhjeve.

“Të paktën për aq sa më njihni nuk kam pranuar të hyj sa për garniturë as kur kam qenë jashtë tyre. Problemi është që unë nuk kam qenë nga ato natyra që jam mjaftuar me atë frazën e famshme se nuk jemi në konkurset e bukurisë ‘e rëndësishme është të marrësh pjesë’.  Ne kur hymë, hymë shumë serioz dhe me pretendimet për të fituar. Nuk shkova në Korçë për të qenë garniturë e zotit Filo as ndonjë Filoje tjetër. Hyra në Korcë sepse kam pasur me dhjetëra herë ftesën e miqve të mi dhe shumë bashkëqytetarëve të mi për të qenë në garë për bashkinë e Korçës, herë si anëtar i PD-së dhe në rastin konkret përtej të qenit anëtar i PD-së.

Beteja ime është për të marrë Bashkinë e Korçës jo për të marrë pjesë në garë dhe për t’u rritur në mënyrë elektorale. Po të ishte ashtu konkurronim vetëm në Këshillat Bashkiakë. Nuk kishim të nevojshëm të vinim emra të përveçëm. Koha e shkurtër në dispozicion na pamundësoi për të patur kandidat në çdo pjesë. Kjo. Kjo rrëzon çdo pretendimi që thotë se shërbejmë si legjitimues. Nëse do shërbenim si legjitimues do të kishim ndihmuar të plotësonim të 61 bashkitë që funksionojnë. Nuk ka qenë ky qëllimi, qëllimi ka qenë të bëjmë diferencën”, tha Olli./abcnews.al

 

shahini-1280x713.jpg
Sej rie15:40 | 27/06/2019

Presidenti Ilir Meta pas takimeve që pati sot me krerët e partive opozitare dhe ambasadorët e huaj në vendin tonë, doli dhe bëri një deklaratë për media ku caktoi 13 Tetorin si datë të re të zgjedhjeve lokale.

Në studion e ABC News përballë gazetares Bruna Çifligu, ministrja e Arsimit Rinisë dhe Sporteve Besa Shahini është shprehur se ka mbetur e zhgënjyer nga Presidenti Meta.

“Unë jam e zhgënjyer nga Presidenti, i cili u është bashkangjitur atyre dhe ne nuk mund ta tolerojmë. Ne duhet të respektojmë institucionin e zgjedhjeve dhe të shkojnë më zgjedhje më 30 Qershor”.

Më tej ministrja u shpreh se ajo do jetë votuese për herë të parë në vendin tonë dhe nuk e fsheh emocionin.

“Në vazhdën e vendimeve që ka marrë Presidenti kohët e fundit nuk më habit as ky vendim dhe është i pavlefshëm, natyrisht. Unë si votuese për herë të parë e mirëpres datën 30 Qershor dhe do dal të votoj. Gjatë kësaj kohe kemi marrë pjesë edhe nëpër fushata për t’i sensibilizuar njerëzit që të dalin dhe të votojnë. Ne duhet t’i respektojmë institucionet tona. Nuk ka më mandat një kryetar bashkie përtej 30 Qershorit. Ideja se do të presim deri në Tetor , Nëntor ose Dhjetor, pra kurdo që të vendosin ish-deputetët e vetëpërjashtua nga Parlamenti të përjashtuar nga zgjedhjet lokale, kjo nuk ka kuptim dhe nuk mund të jemi peng i ideve të njerëzve që kanë vendosur të vetëpërjashtohen nga politika”./abcnews.al  

ROVENA-VODAAAAA.mpg_snapshot_08.08-1280x720.jpg
ent ela18:30 | 13/05/2019

Protesta e sotme e opozitës është e paligjshme në kuptimin e ligjit për tubimet, ndërsa pasojat do të bien mbi organizatorët dhe protestuesit. Është kjo deklarata e Zëvendësministres së Brendshme Rovena Voda në studion e ABC News me Bruna Çifligun.

“Do ketë angazhim të forcave të policisë, ka plan operacional nga policia, por fatkeqësisht opozita do veprojë në shkelje të ligjit për tubimet, se ka bërë një kërkesë për organizmin e protestës. Është kthyer mbrapsht kërkesa për t’u plotësuar me disa elementë nuk ka asnjë reagim nga PD dhe aleatët dhe për momentin policia nuk ka një vendim për të protestuar. Pra sot në kuptimin e ligjit për tubimet është e paligjshme. Protesta do zhvillohet, policia do jetë në krye të detyrës do respektojë ligjin por pasojat do bien mbi organizatorët dhe protestuesit që në mënyrë të paligjshme do marrin pjësë në protestë”.

Ajo u bëri thirrje qytetarëve që të resektojnë ligjin dhe të mos përdorin akte dhune. Sipas saj mungon akuza e protestës dhe është një atentat ndaj institucioneve kushtetuese.

“U bëj thirrje qytetarëve të respektojnë ligjin për tubimet të protestojnë, por mos përdorin akte dhune. Dhuna nuk i përket Shqipërisë së vitit 2019, mungon kauza e kësaj proteste, një atentat ndaj institucioneve kushtetuese të Republikës së Shqipërisë. Unë besoj se prokuroria do të reagojë. Në krah të policsë së shtetit kanë qenë të gjithë partnerët ndërkombëtarë”.

E gjithë kjo sipas zv/ministres ndodh për shkak të finalizimit të reformës në drejtësi, ku ka shumë dosje të nxehta që presim të dalin përgjegjësit para drejtësisë.

“Kemi të bëjmë me turmë të çoroditur, të dëshpëruar që për shkak të reformës në drejtësi që po troket finalizimi. Ajo që ne presim është krijimi SPAK dhe BKH për korrupsionin dhe krimet e rënda dhe ka dosje të nxehta që ne presim të dalin përgjegjësit para drejtësisë. Nëse opozita do mendonte për të mirën në Shqipërisë nuk do duhet të bëhej pengesë për finalizimin e reformës në drejtësi dhe krijimin e këtyre dy institucioneve ku dalja e opozitës e vonoi”. /abcnews.al

Adnor-Shameti-juli.jpg
nev ila18:14 | 10/05/2019

Deputeti i PS Adnor Shameti ka qenë i ftuar në studio me gazetaren Juli Xhokaxhi. Shameti ka folur për ndryshimet që do të ketë Kodi Penal për vepra të ndryshme, kryesisht në veprat penale të dhunës ndaj personave apo subjekteve të ndryshme. Gjithashtu në Kodin Penal, do të shtohen edhe vepra të reja, një prej të cilave është dhe çështja e sigurisë ushqimore.

Sipas Shametit në Kodin Penal do të ketë disa blloqe veprash që do të ndërhyhet, siç janë çështjet e sigurisë ushqimore, mbrojtjen e kafshëve dhe mbrojtjen nga to, ndërkohë që për disa vepra të tjera do të ketë ashpërsime.

Juli Xhokaxhi e ka pyetur deputetin e PS, në lidhje me mbledhjen e sotme në Partinë Socialiste, ku në fokus kanë qenë diskutimet për kandidatët që pritet të garojnë për zgjedhjet vendore. Shameti ka thënë se është një proces rutinë që ndodh në PS.

Nuk ka asgjë të jashtëzakonshme, është proces rutinë në PS. Nesër nga mesdita do kemi dhe rezultatet konkrete, që janë marrë nga diskutimet në lidhje me kandidaturat për krye-bashkiakë, kështu që do ta bëjmë me dije në momentin e duhur”, tha ai.

Juli Xhokaxhi: Ps është duke u marre seriozisht me zgjedhjet, ndërkohë që opozita thotë se nuk do të ketë zgjedhje në 30 qershor, si e komentoni?

Ky qëndrim i PS është institucional, janë detyrime që rrjedhin nga Kushtetua. Kjo datë është përcaktuar nga Presidenti i Republikës, kjo histori është e mbyllur. Zgjedhjet do të bëhen në 30 qershor. Qëndrimi i opozitës është vendim i tyre ashtu siç ishte dhe djegia e mandatave”, theksoi Shameti.

Juli Xhokaxhi: Paralelisht me përgatitjet për zgjedhjet, ndërmerret një hap për ndryshime në kodin penal, pse në këtë moment?

Ndryshimet janë reflektime të situatës së fundit. Jemi njohur me dhunë ndaj subjekteve të ndryshme. Të gjitha këto kanë bërë të nevojshme ndryshimet në kodin penal, për ti riparë apo ashpërsuar dispozitat e tij. Pra ndryshimet në Kodin Penal duhet ti përgjigjen zhvillimeve ekonomiko-shoqërore në vend”, deklaroi deputeti i PS.

Juli Xhokaxhi: Po në implementimin e tyre, si do të veprohet?

Së pari duhet ta kalojmë si paketë. Nuk është pjesë e Kodit Penal kriminalizimi i këtyre veprave që sapo folëm, deri tani kanë qenë vetëm si masë administrative. Më pas do të shohim implementimin”.

Juli Xhokaxhi: Një ndryshim tjetër i Kodit Penal është dhe ndëshkimi për ata që bllokojnë rrugën? Është masë e qëllimtë?

“Bllokimi i rrugëve nuk cenon veprimtarinë e qeverisë por krijon problematikë te njerëzit, qytetarët që kanë halle dhe kanë punët e tyre. Dhuna në çdo rast nuk do të tolerohet. Organet ligjzbatuese do të bëjnë detyrën në çdo rast”.

Juli Xhokaxhi: Nesër kemi protestë, keni ndonjë koment?

E shoh si takim me historinë. Dhuna nuk do të tolerohet. Nuk ka dënime fikse apo mënyra fikse për vuajtjen e dënimit, ka marzhe të caktuara në varësi të shkeljes së ligjit. Duke qenë se koha është në limite për afatin përfundimtar të regjistrimit të kandidatëve në KQZ i bëj thirrje opozitës për ti lënë mënjanë retorikat. Përgjegjësia penale është personale dhe ndaj bëj thirrje që persona të caktuar të mos bëhen kurban për të tjerët”, theksoi Shameti./abcnews.al

Ligji-1280x708.jpg
G. P.17:30 | 02/05/2019

Deputeti i PS-së Musa Ulqini i ftuar në studion e “ABC News” ka folur për ndryshimet e bëra në Kodin Penal, ku thuhet se çdo person që do tentojë të pengojë zgjedhjet do dënohet me burg. Sipas tij ky ligj nuk është vendosur nga socialistët por nga ish-kreu i PD-së Sali Berisha, pasi kishte frikë nga socialistët.

“Sali Berisha nga frika që kishte nga socialistët i kishte marrë të gjitha masat. Ai ka përgëzuar ligjin i cili thotë se nëse pengohen zgjedhjet dënimi shkon deri në 7 vite burg. Kjo është një çështje. Ju po flisni për paketën që propozoi sot Edi Rama, që u propozua sot në emër të qeverisë. Ndryshimet që janë bërë në Kod kanë të bëjnë që të ketë dënime me burg dhe të shmangen sorollatjet dënimet me gjoba që nuk përfundojmë asnjëherë”.

Ndërsa fliste për protestë e paralajmëruar sot nga opozita, e cila do të bllokojë rrugët në 12 qarqe të vendit, Ulqini u shpreh se të tilla veprimtari nuk u takon të ndërmerret nga parti politike.

Juli Xhokaxhi: Protesta e opozitës është paralajmëruar të shtrihet pasditen e sotme në 12 qarqe të vendit me bllokimin e nyejt kyçe të akseve nacionale dhe nuk do zgjasë 60 minuta sikurse ka paralajmëruar Lulzim Basha. Është  një mënyrë proteste që duhet ta tronditë mazhorancën dhe duket të këtë një reflektim ndryshe nga protestat e deri tanishme?

Musa Ulqini: Lajmi i vetëm në këtë rast është se PD dhe opozita është e vetmja formacion politik në planet që organizon veprimtari të tilla. Në të gjithë botën veprimtari të tilla nuk janë atribut i partive politike. Nuk janë partitë politike që bllokojnë rrugët. Paritë politike bëjnë gjëra të tjera. Këto janë aktivitete që i bëjnë grupe të pakënaqura, sindikatat.

Juli Xhokaxhi: E ka bërë edhe e majta vite më parë…

Musa Ulqini: Fals asnjë parti politike në botë nuk aplikon standarde të tilla. Është  krejt e vërtetë që PS e ka aplikuar një standard të tillë unë kam qenë i lumtur dhe kam menduar se kjo gjë i përket së kaluarës. Po them edhe kur e ka bërë PS edhe kur e bën PD sot në përmasa shumë herë më dramatike janë gjëra që nuk kanë lidhje me partitë politike. Partitë politike nuk merren me bllokime rrugësh. Partitë politike merren me linçimin e alternativave./abcnews.al   

sorensen-cifligu.jpg
nev ila14:52 | 01/05/2019

Dajna Sorensen, Zv.ministre e Ekonomise dhe Financave ka qenë e ftuara e ditës ku ka ndarë informacione të rëndësishme me gazetaren Bruna Çifligu në studion e Abc News.

Zv/ministrja bëri me dije se ditët e fundit është nënshkruar një marrëveshje e rëndësishme për mbulimin e pensioneve të shtetasve shqiptarë dhe kanadezë. Marrëveshja pritet të ratifikohet në parlamentet respektive të të dy vendeve.

Në bazë të marrëveshjes asnjë qytetar nuk do të humbasë asnjë ditë kontribut, pavarësisht se ku ka punuar, pasi bashkimi i periudhave do të bëjë të mundur plotësimin e kushteve ligjore për përfitimin e pensionit në të dy vendet.

Gjithashtu, pjesë e kësaj marrëveshjeje është edhe eksporti i pensioneve, që do të thotë që pensioni do t’ju paguhet qytetarëve shqiptarë në vendin që do të zgjedhin të jetojnë. Kështu, shtetasit shqiptarë do të kenë mundësi që të marrin pensionin kanadez pavarësisht rezidencës së tyre.

Aktualisht janë rreth 60 mijë shqiptarë që jetojnë në Kanada, të cilët do të përfitojnë nga kjo marrëveshje.

Sipas Zv/ministres, Shqipëria ka marrëveshje edhe me 7 vende të tjera evropiane, ku shqiptarët përfitojnë nga skema e pensioneve, aktualisht janë rreth 660 persona që përfitojnë.

E pyetur nga gazetarja Bruna Çifligu nëse ka një skemë të tillë edhe në vendet ku shqiptarët janë më të shumtë në numër, siç është Greqia dhe Italia, ministrja bëri me dije se, fatkeqësisht me Greqinë ende nuk është filluar nga puna, ndërsa me Italinë janë ende në tratativa për të arritur një marrëveshje të kësaj natyre.

Sorensen ka informuar gjithashtu të rejat nga panairi “Work and Study”, i cili është duke u zhvilluar këto ditë në Tiranë. Zv.ministrja tha se, janë rreth 6000 vende pune të ofruara nga sektori privat, në këtë panair.

Këto vende pune, ofrohen nga kompani të ndryshme, si fasoneri, industria ushqimore, pastrimi, call center etj. Ajo theksoi se këto vende pune që ofrohen janë të mirë-paguara dhe ofrojnë kushte shumë të mira pune. Paralelisht, panaire pune do të ketë edhe në qytetet e tjera në vend, theksoi ajo./ABC News Albania 24/7

elvin-gjevori.jpg
G. P.13:08 | 29/04/2019

Agjencia për Sigurinë e Cilësisë së Arsimit të Lartë ka zhvilluar një sondazh kombëtar të studentëve. Drejtori i kësaj agjencie, Elvin Gjevori, ishte i ftuar në studion e ABC News, ku tha se është shtyrë mbyllja e sondazhit, duke i dhënë mundësinë studentëve që të bëhen të gjithë pjesëmarrës në të.

Sipas tij, qëllimi kryesor i sondazhit është që në të ardhmen të ndryshohen politikat e arsimit të lartë duke parë problematikat që shprehin vetë studentët.

“Ne kishim planifikuar që të mbyllej me 2 Maj, por duke pasur parasysh fluksin e rritjes së përgjigjeve ditët e fundit, por edhe pushimet, e kemi shtyrë me 5 Maj.  Ky sondazh nuk është bërë kurrë më parë, është një risi për ne, për studentët. Rëndësia është që të inkorporohen në politikat e Arsimit të Lartë problematikat e tyre. Të dhënat do t’i jepen IAL-ve. Për studentët e ardhshëm, që mendojnë ku të shkojnë mund t’i referohen vlerësimit të studentëve për degën që do zgjedhin. Ky informacion do jetë i aksesueshëm për publikun. Në tërësi këto elementë përmbushen nga sondazhi kombëtar i studentëve”, tha Gjevori.

Gjevori shpjegoi se studentëve u ruhet anonimati.

“Me email i çojmë linkun ku mund të aksesojnë sondazhin. Përgjigjet na vijnë nëpërmjet platformës. Mënyra që është bërë kështu është që vetëm studentët ta bënin. Nëpërmjet kësaj platforme ne sigurohemi që vetëm studentët marrin pjesë dhe anonimati është i siguruar. Ne na intereson përgjigja e tyre, jo se kush është studenti”, tha ai.

Në 5 Maj mbyllet sondazhi kombëtar i studentëve. Gjevori u shpreh se në fund të Majit do nxirren disa të dhëna paraprake. Deri në fund të verës theksoi më tej ai do të nxirret një raport të madh dhe një raport për çdo IAL. Gjithashtu është menduar që sondazhi të bëhet çdo 2-3 vjet që të matet impulsi i studentëve./abcnews.al

BISEDE-NE-STUDIO-ORA-16.mpg_snapshot_06.50-1280x720.jpg
ent ela17:35 | 27/04/2019

“PD ka frikën se Bindja Demokratike shumë shpejt do i zërë vendin PD dhe do bëhet shumë më e madhe”. Është kjo deklarata që bëri në studion e ABC News Fabian Topallaj, pas kundërshtive dhe regjistrimit të kësaj force politike në KQZ për zgjedhjet e 30 qershorit.

Juli Xhokaxhi: Po pretendoni anëtarësinë e PD?

Topallaj: Jo, jo vetëm anëtarësinë e PD. Fakti që PD po del jashtë zgjedhjeve dhe nuk po garon dhe do ta mbajë monopolin e të qënit opozitë, duke mos lejuar të tjerët të garojnë. Është mungesë force për t’u ëprballur dhe garuar.

PD nëse do të ruajë pozitën e saj, të futet në zgjedhje dhe të tregojë forcën e saj.

Sipas tij PD nuk legjitimohet, se nuk ka interes, sepse ajo ka dalë jashtë dhe ka deklaruar bojkotin

“PD nuk legjitimohet, nuk ka interes se ajo ka dalë jashtë dhe ka deklaruar bojkotin, ajo duhet të hyjë në zgjedhje dhe pastaj të shprehet”.

Topallaj tha se Bindja Demokratike do të ketë kandidatura në të gjithë Shqipërinë për zgjedhjet e 30 qershorit, ndërsa pretendon rezultat spektakolar. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono