Intervista

INTERVISTE-ME-BUJAR-OSMANIN-1280x720.jpg
ent ela11:58 | 06/10/2018

Pas referendumit të 30 shtatorit në Maqedoni, që për shkak të pjesëmarrjes së ulët rezultoi jo i vlefshëm, politika në vend ka hyrë në një fazë të re. Qeverisë së Zoran Zaev tashmë i duhen 2/3 e votave për të kaluar ndryshimet Kushtetuese në Parlament dhe për këtë i duhen votat e partisë në opozitë VMRO-DPMNE. Zv/kryeministri i Maqedonisë Bujar Osmani, thotë se Maqedonia ka 10 ditë afat të gjejë gjuhën e përbashkët me Hristian Mickovskin e VMRO. “Balkan ABC” ju sjell këtë javë intervistën me zv/kryeministrin Bujar Osmani. /abcnews.al

elton-haxhi.png
G. P.19:27 | 04/10/2018

Zëvendësministri i Financave dhe Ekonomisë, Elton Haxhi ishte i ftuar në ABC News për të folur lidhur me raportin e publikuar nga Banka Botërore për rritjen ekonomike të vendit, por dhe për Eurobondin.

Sipas Haxhit, fakti që Banka Botërore e korrigjoi parashikimin për rritjen ekonomike të vitit 2018 tregon që reformat janë të suksesshme.

“Fakti që Banka Botërore e korrigjoi parashikimin për rritjen ekonomike të vitit 2018 tregon që reformat që qeveria ka ndërmarrë prej shumë vitesh tashmë janë të suskseshme dhe kjo mbështetur në disa indikatorë të tjerë siç është rritja në punësim, e cila është fakt që Shqipëria është i vetmi vend i Ballkanit Perëndimor që ka pasur një rritje në pjesëmarrjen në punë. Kemi një rritje 4.1% dhe norma më e lartë e punësimit në Ballkanin Perëndimor. Këto të dyja tregojnë që kemi një përmirësim në të gjitha aspektet shoqëruar kjo dhe me ulje të borxhit publik, që parashikohet dhe kjo që të ulet për herë të parë nën shifrën 70% dhe tregon një ekonomi të shëndoshë dhe një perspektivë të mirë në terma afatmesëm”, u shpreh Harxhit.

Përsa i përket eurobondi, Haxhi tha se “i tejkaloi pritshmëritë e opinionit publik më tepër sepse pritshmëritë në qarqet e Ministrisë së Financave ishin që të arrinim një sukses në këtë emetim pasi gjithë reformat që janë ndërmarrë në vitet e fundit do të jepnin një efekt në perceptimin e investitorëve për këtë instrument financiar”./abcnews.al

PROVOKACIJA-ARMAND-BAJRAMI-PJ-3.mpg_snapshot_03.14-1280x720.jpg
ent ela21:29 | 02/10/2018

I ftuar në “Provokacija”me gazetarin Mustafa Nano, gazetari i kronikës në ABC News Armand Bajrami. Një diskutim mbi të vërtetat e ngjarjes më të nxehtë në vend në lidhje me “dhunimin” e Xhisiela Malokut.

Sipas Bajramit e gjithë ngjarja pati një pikë kthese shumë të fortë dhe pasoja shushatëse.

“Kemi 4 procedime penale, 2 në Prokurorinë e Tiranës dhe 2 në Prokurorinë e Krujës pikërisht për këtë çështje. Kjo e bën çështjen serioze në aspektin shtetëror dhe institucional të gjësë, por që u zhvlerësuan në sytë e publikut nga deklaratat e çuditshme të Xhisielës.”

Gazetari u shpreh se në lidhje me deklaratën e vajzës një natë më parë në studion e “Opinion” nga Blendi Fevziu, ai në sytë e tij, ka parë një vajzë të kërcënuar, të fustruar dhe ngushtuar nga mjedisi dhe nga vetja e saj.

I pyetur për korrektësinë e gazetarëve në lidhje me raportimin e ngjarjes, Bajrami tregoi se e gjithë ngjarja u kthye në qendër të vëmendjes për hir të presionit publik dhe presionit mediatik dhe me anë të dinamikave sot u bë e mundur arrestimi i një personi. Ai tregoi dhe mendimin e tij për deklaratat e fundit të Xheisilës.

“Xhisiela ka qenë e lëkundur ç’ka mua më bën të jem i bindur se ajo është e pavërtetë në ato ç’ka tha mbrëmë të paktën publikisht. Ajo ka qenë e lëkundur jo vetëm mbrëmë, madje po të bënim dallimin ndërmjet dy intervistave që janë transmetuar natën e mbrëmshme, ka pasur luhatje. Por edhe në prokurori Xhisielës i janë marrë 7 herë deklarimet. Nga nisja e kësaj historie në korrik është pyetur 7 herë nga anëtarë të grupit hetimor dhe në të 7-a deklarimet e dokumentuara ka luhatje, thënie dhe kundërthënie të saj.”

I pyetur nga gazetari Nano, Bajrami tregoi dhe këndvështrimin e tij në lidhje me çështjen “Nuhu” dhe se si qëndronte figura e ish-zyrtarit në këtë situatë.

“Në bindjen time personale dhe informacione zyrtare e jozyrtare mund të them me siguri se në dëshminë e oficerit Nuhu ka pika shumë të errëta. Për mua pika më e errët është prania e zyrtarëve të lartë të Partisë Socialiste në zyrën e tij, në stacionin policor të Fushë-Krujës. Nuk e besoj fare dhe është një pikë mjaftueshëm e errët. Kjo për arsye se Emiljano Nuhu ka qenë një nga punonjësit elitarë të policisë së shtetit, njeri i mësuar me rrezikun, presionin dhe unë do të doja që ai të kishtë një provë më shumë që të mos mbeteshim vetëm tek deklarimet dhe dëshmia e tij.”

Gazetari Bajrami, për fundin e kësaj situate thotë se kjo histori solli dhe një herë në fokus vrazhdësinë shqiptare në raportin mashkull-femër duke personifikuar Xhiisielën me shoqërinë shqiptare të 30 viteve të fundit, e cila pajtohet me dhunuesin dhe në një moment kur vendos të hedhë krye, pendohet dhe qëndron aty ku ishte./abcnews.al

manastirliu-1280x720.jpg
G. P.19:25 | 26/09/2018

Kryeministri Edi Rama dha lajmin e mirë sot që fëmijët që vijnë në jetë nga 1 Janari i vitit 2019 nuk do të marrin më 50 mijë lekë të vjetra, por 8-fishin e tyre.

Ministrja e Shëndetësisë, Ogerta Manastirliu, ishte në Mbrëmjë në ABC News me Mirela Milorin, ku foli për rritjen e bonusit për foshnjat që lindin. Manastirliu u shpreh se sot u bë prezantimi i politikës së re dhe se tani po punohet për skemën se si do të jepet ky bonus.

“Sot u bë vetëm prezantimi i politikës së re. Ne jemi duke elaboruar një skemë se si do të jepet ky bonus. Do të përpiqemi që ta japim në mënyrë të shpejtë qoftë edhe nëpërmjet sistemeve dixhitale që duam të fusim në maternitete”, u shpreh ministrja.

Ogerta Manastriliu tha se bonusi do të jetë i plotë dhe i patatueshëm.

Mirela Milori: “Do të jetë i tatueshëm ky bonus”?

Ogerta Manastirliu: “Ky do të jetë një bonus, skema e të cilit është duke u punuar sëbashku me ekspertët e Ministrisë së Financave dhe Ekonomisë dhe do të jetë një bonus i plotë për familjet”.

Mirela Milori: “Ju e keni vendosur këtë”?

Ogerta Manastirliu: “Ne e kemi vendosur këtë”.

Mirela Milori: “Pra bonusi nuk do të tatohet”.

Kryeministri i vendit tha sot se fëmija i parë i një familjeje do të përfitojë 400 mijë lekë, i dyti 800 mijë lekë, ndërsa i treti 1 milion e 200 mijë lekë. Gjithashtu është përcaktuar bonusi edhe për ata që kanë planifikuar familje të madhe me mbi tre fëmijë. Fëmija i tretë, i katërt, i pestë dhe me radhë janë të gjithë subjekt i bonusit 1 milon e 200 mijë lekë sipas Ramës.

/abcnews.al

kombaro.jpg
G. P.19:43 | 25/09/2018

E ftuar në “Mbrëmje në ABC News” ministrja e kulturës Mirela Kumbaro. Një diskutim për organizmin në Tiranë të Festivalit Mbarëkombëtar të Teatrit. Sipas saj ky nuk është festival i dramës shqipe, por një festival i dramës që flet shqip. Kumbaro tregoi se nga ky festival është konstatuar se ekziston një fenomen i pasjes së sasisë por jo të cilësisë së prurjeve të materialve në teatrin tonë. Ajo tha se problemi fillon që tek futja në universitet e këtyre ekzpemplarëve.

“Teatrot Kombëtare janë të pavarur në zgjedhjen e propozimeve te tyre, kanë bordin për këtë funksion. Nuk mund të ketë imponim nga Ministria e Kulturës për këtë. Ajo që na mungon është kritika. Do të doja që njerëzit e artit të flasin me emër dhe mbiemër të përveçëm për akuzat. Ka filluar të krijohet një brez i mesëm aktorësh dhe regjizoresh që prodhojnë”.

Në lidhje me protestat kundër shembjes së godinës së teatrit, ministrja tregoi se mendimi i shumicës së artistëve duhet të jetë pjesë e procesit.

“Duhet të shikojmë se çfarë është prioritet sepse pavarsisht nostaligjisë duhet të marrim parasysh se Tirana nuk është si dikur dhe tashmë është rreth 1 milion banorë dhe sallat janë plot. Ky është teatri i së ardhmes”.

Si përfundim u fol dhe për projektin e Ministrise së Kulturës të quajtur “Rrugët e Besimit” e cila ka të bëjë me ruajtjen e objekteve të trashëgimisë kulturore dhe mobilizomin e mbështetjen e kishave që janë në proces restaurimi, në synim që të kthehen në zona turistike.
Kumbaro tregoi se pikat turistike vijojnë të jenë të hapura me orar të plotë deri më 15 tetor./abcnews.al

ferdinand.jpg
G. P.17:38 | 23/09/2018

I ftuar në studion e ABC News gazetari Ferdinand Samarxhi. Një diskutim për kremtimin e Ditës së Ashures nga besimtarët bektashinj. Një festë e shënuar e kalendarit fetar.

U rrëfye një historik u shkurtër rreth kësaj feste dhe rëndësia e saj për praktikuesit e fesë përkatëse.
“Çdo cermoni bektashizmin interpreton himin e atij vendi ku kremtohet.”
Samarxhi tregoi se fjala “Ashura” vjen nga arabishtja dhe rrjedh nga rrënja “ashr” që në gjuhën arabe do të thotë dhjetë. Dita e Ashures është dita e dhjetë e muajit Muharem.

Dita e Ashures është një ditë e shënuar, duke qenë se përkon me një sërë ngjarjesh të rëndësishme në historinë Islame. Në këtë ditë është pranuar pendesa e Hz. Ademit, është ndaluar në malin Xhud anija e Hz. Nuhut, ka lindur dhe ka dalë nga flakët e zjarrit pa u djegur Hz. Ibrahimi, është shëruar nga sëmundja e gjatë Hz. Ejubi, ka shpëtuar nga barku i peshkut Hz. Junusi, është ngjitur në qiell Hz. Isai. Po në këtë ditë ka rënë dëshmor në vendin e Qerbelasë nipi i dashur i profetit, Hysejni, Allahu e mëshiroftë.

Si përfundim u tha se, megjithëse kjo ditë është konceptuar si një qerasje ëmbëlsire, Dita e Ashures është e rëndësishme për nga vlera shpirtërore që simbolizon dhe atmosfera vëllazërore që sjell.

INTERVISTE-ME-ARSIMIN-SINANIN-PER-REFENDUMIN-1280x720.jpg
ent ela17:16 | 22/09/2018

Në Maqedoni në 30 shtator do të mbahet referendumi për  marrëveshjen e emrit me Greqinë. Si është situata në vend fqinj në prag të referendumit, që është cilësuar si historik për vendin, apo qendrimi i partive shqiptare, është fokusi i intervistës me pedagogun në universitetin e Prishtinës, Arsim Sinani, njëherësh drejtues i “Qendrës për marrëdhënie ndërkombëtare e studime ballkanike”. Detajet na i sjell “Balkan ABC” të Bruna Çifligut.   /abcnews.al

INTERVISTE-ME-BILALL-KASAMI-1280x720.jpg
ent ela15:38 | 14/09/2018

Kryetari i Lëvizjes “Besa” Bilal Kasami në një intervistë në ABC News shprehu mbështetjen për referendumin e 30 shtatorit, si një mundësi për integrimin e vendit në BE dhe NATO dhe një mundësi më e mirë për faktorin shqiptar dhe për rolin e tyre shtetformues në Maqedoni.

“Lëvizja Besa është e angazhuar për referendumin po aq sa për rrëzimin e Gruevskit. Jemi ndër partitë e pakta opozitare që kemi dalë pro referendumit pa dilema, pasi referendumi lidhet me një pikëpyetje që ndërlidhet me një marrëveshje që Maqedonia ka nënshkruar me Greqinë. Lëvizja Besa ka qenë pro referendumit pasi nuk përfshihet çështja shqiptare që rregullon relacionet mes shtetit grek dhe etnisë maqedonase e cila ka qenë e kontestuar. Tanimë gjithë faktori i brendshëm e ndërkombëtar është i angazhuar që kjo marrëveshje të ketë pranim përmes referendumit. Lëvizja Besa është e angazhuar që shqiptarët të votojnë pro këtij referendumi”. /abcnews.al

 

ENKELED-ALIBEAJ-1280x720.jpg
ent ela09:27 | 14/09/2018

Draft propozimi i PD-së për vetingun e politikanëve, denoncimi i Partisë Demokratike që pritet të bëhet publik ditën e sotme, ku përfshihen në afera korruptive kryeministri dhe ministri Xhafa, aksioni opozitar dhe dëmshpërblimi i të përndjekurve ishin në fokus të bisedës të deputetit demokrat Enkelejd Alibeaj në studion e “Mbrëmje në ABC News”.

Duke folur për vetingun në politikë Alibeaj tha se qytetarët shqiptarë e kanë këtë të drejtë ta kërkojnë këtë filtër paraprak.

“Në 2016 u miratua që vetingut t’i nënshtrohen gjyqtarët dhe prokurorët. Çështë vetingu? I pari është të justfikosh pasurinë. Duhet që në fund të një periudhe të caktuar të kesh aq pasuri sa paga që merr që nëse ke pasuri me shumë se paga ka dicka që nuk shkon dhe kjo pasuri e tepërt e pajustifikuar është në lidhje të paligjshme.

Së dyti lidhja me krimin, një prokuror, minsitër, kryeministër, detyrën parësore kanë të luftojnë krimin dhe shkelësit  e ligjit që nëse gjenden se kanë lidhje me krimin nuk meritojnë të jenë as në qeveris as në drejtësi. Vetingu në politike kërkon deputetë, ministra, kryeministra. Pse nuk e bën ky ligj, jo, sespe duhet që barra e proves është barrë e politikanëve.  Qytetarët shqiptarë e kanë këtë të drejtë t’ia kërkojnë këtë filtër paraprak”./abcnews.al

DUKATI.mpg_snapshot_06.32-1280x720.jpg
G. P.09:17 | 15/08/2018

Këtë puntatë Edicioni Veror ndodhet në zemër të Dukatit. Zonë denjësisht përfaqësuese e traditave të qytetit të Vlorës. Dita filloi me mikëpritjen e familjes Gjoleka, shoqëruar me raki dhe kafe. Banorët na tregojnë për historinë dhe famën e fshatit të tyre.

Vlen për tu përmendur fakti se vetë Lord Bajroni gjatë kohës që do të vizitonte Ali Pashë Tepelenën, qëndroi për 8 ditë në Dukat dhe u mahnit nga zakonet e vendasve, por edhe nga bukuritë e vendit. Provë për këtë mbetet letra që ai i dërgoi nënës së tij, por edhe referencat në veprën “Shtegtimet e Çajld Harlodit”. Gjithashtu u diskutua dhe për polifoninë labe dhe karakteristikat e saj. U shpjegua kuptimi dhe rëndësia e “Treshes së Dukatit” dhe ndarjet e vokalistëve në polifoninë vendase: marrësi, hedhësi dhe pritësi. Dukati mbetet një vend magjik nga pikëpamja natyrore, por edhe nga pikëpamja njerëzore sepse është i vetmi fshat që laget nga dy dete. Aty gjendet një kullë unike e quajtur “Kulla e Dervishaliut”.

Profesor Ago Nezha na tregoi për impresionet që kanë pasur historikisht të huajt për Dukatin si p.sh: Eduard Liri, peisazhist anglez i shek. XIX. Prejardhja e emrit të këtij vendi thuhet të jetë për shkak se aty pushonin dukët. Pjesë e historisë mbetet dhe fakti se Jul Çezari në vitin 48 p.e.s zbriti në Palasë dhe pasi shkoi në Llogara ra në një dakortësi me banorët e zonës se nëse e linin të kalontë për në Orikum nuk do ti dëmtonte bagëtitë dhe kullotat e tyre. Nga kjo kemi dhe toponimin “Qafa e Qesarit”.

Edicioni Veror u përshëndet nga grupi polifonik i zonës me një nga këngët e tyre. Tashmë anëtarët e grupit me eksperiencë 30 vjeçare, të kryesuar nga i mirënjohuri Nazif Çela, treguan për kënaqësitë e pasionit të tyre. Gazetarja jonë pati shancin të bëhej anëtare e grupit për një performancë të shkurtër dhe emocionuese. Për të kompletuar udhëtimit në Dukat ajo u vesh dhe me rrobat tradicionale të zonës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono