Intervista
Lysien Nurishmi dhe Ilir Shulku

iljazaj-1.jpg
ent ela17:23 | 18/11/2019

Drejtori i Gazetës “Liberale” Ervis Iljazaj ka komentuar në studion e ABC News përpalsjen më të fundit për kushtetuesen dhe qëndrimin e Presidencës për shpalljen non grata të ambasadorit të OSBE-së Bochardt.

Në këndvështrimin e Iljazajt, roli i ndërkombëtarëve mund të kritikohet e gjykohet, por kurrsesi nuk mund të shmanget dhe përjashtohet. Sipas tij kritikat dhe sulmet që  i janë bërë Bochard tregojnë një marrëdhënie të tensionuar që kulmon me një vendim për shpalljen non grata.

“Shpallja non grata e ambasadorit Bochardt është kulmimi i një marrëdhënieje jo të mirë mes Presidencës dhe qeverisë. Kritikat, sulmet që  i janë bërë Bochard tregojnë një marrëdhënie të tensionuar që kulmon me një vendim”.

Pse tani?

“Se tani jemi në fazën e re të knfliktit politik, me organet e reja politka do hyjë në fazë tjetër, që organet e reja po hasin në kritika të mëdha dhe kjo do të sjellë një konflikt tjetër që vendet e tyre me të gjitha këto kritika dhe mospranim që po i bën Presidenca po çon deri atje sa këto vendimet të mos njihen. Në vitet e fundit është vënë në pikëpyetje roli i ndërkombëtarëve sidomos nga opozita, por ndërkombëtarët në Shqipëri janë të pashmangshëm mund të kritikohen deklaratat e tyre, por jo të evitohen.

Roli i ndërkombëtarëve në Shqipëri nëse para dy vitesh nuk prekej kriza poltike ka vënë në nediskutim deklarata e tyre gjë që më parë ishte e pamendueshme. Këtu institucioni i Presidencës dhe opozitës gjykon që janë një nga shtytësit kryesorë. Aleatët e Shqipërisë janë një nocion më i gjerë se një ambasador.

Nëse Presidenti ka fakte për ta shpallur të tillë po ia bën të ditur amabsadorit.

Nuk duhet lënë pa theksuar fakti që disa ambasadorë kanë vendime të disbalancuara. Por theksoj se nuk ecën dot përpara pa marrëdhëniet me ndërkombëtarët, mund të kenë gabime, por kanë dhënë dhe kontribut të madh. Roli i ndërkombëtarëve mund të kritikohet, po jo të përjashtohet”. /abcnews.al

celibashi.jpg
ger ta13:48 | 17/11/2019

Ish-kreu i KQZ, Ilirjan Celibashi beson se ka ardhur koha që Komisioni Qëndror i Zgjedhjeve të reformohet dhe të ndërtohet një institucion larg ndikimit të politikës.

Në një intervistë për ABC NEWS, Celibashi flet për draftin e reformës zgjedhore që po diskutohet në Kuvend duke e kundërshtuar propozimin e shumicës për administrim të zgjedhjeve nga administrate shtetëtore.

Përmbyllja e Reformës Zgjedhore është një nga kushtet që Bundestagu gjerman i caktoi Shqipërisë në rezolutën e tetorit dhe duket se rolin e ndërmjetësit mes partive politike në Shqipëri ka vendosur ta bëj OSBE. Në zyrat e partive politike kanë mbërritur tashmë ftesat zyrtare nga zyra e OSBE në Tiranë për takimin e 19 nëntorit ku në fokus të diskutimeve do të jetë çështja e Financimit të Partive Politike dhe fushatës Zgjedhore. Ish-kreu i KQZ dhe eksperti zgjedhor, Ilirjan Celibashi në një intervistë për ABC News beson se drafti që po diskutohet në Kuvend për reformimin e Komisionit Qëndror të Zgjedhjeve është piknisja e krijimit të një institucioni larg ndikimit të partive politike.

Mendoj që ai draft revulocianizon tërësisht mënyrën se si KQZ do të funksinojë. Në opinionin tim duket si një hap i parë dhe duket që ka nevojë për përmirësim të atij drafti. Ajo që ngelet kryesore për tu evidentuar në draftin e paraqitur është institucioni i KQZ-së, të paktën drejt përsëdrejti do të jetë larg ndikimeve politike si institucion. Me disa ndryshime dhe përmirësim e të atij drafti unë mendoj se qëllimi për ta shkëputur plotësisht institucionin e KQZ nga patronazhi i partive politike do të jemi në drejtimin e duhur”, është shprehur ai.

Por për ish-ministrin është ende herët që partitë politike t’i largosh plotësisht nga procesi zgjedhor.

Unë mendoj se në Shqipëri për kushtet që jemi është ende herët për të shmangur tërësisht nga administrimi i procesit zgjedhor veçanërisht në nivelet në nivelet e komisioneve te qendrës së votimit dhe komisionit zonal të administrimit të zgjedhjeve”, ka thënë Celibashi.

Thirrjen e ka për maxhorancën dhe opozitën kur vjen fjala te rëndësia që ka reforma zgjedhore për realizimin e proceseve të rregullta dhe demokratike në vend.

Paralelisht me Komisionin e Reformës Zgjedhore në Kuvend, opozita po punon me një grup ekspertësh të saj për hartimin e një drafti alternative për Reformën./abcnews.al

andi.jpg
ent ela17:03 | 05/11/2019

Pas arrestimit të një prej autorëve të dyshuar të atentatit ndaj makinës së prokurorit Ndoj, gazetari i ABC News Andi Qosja kan zbuluar detaje nga hetimet. Në studion e Juli Xhokaxhi, Qosja shpjegon se për Redjan Rrahjan janë gjetur gjurmë në makinë, ndërsa arrestimi i tij u krye teksa ai përpiqej për t’u larguar jashtë vendit.

“Sipas ekspertëve për Redjan Rrahjan janë gjetur gjurmë në pjesën e pasme të sedijes së makinës dhe në maskë, ka dyshime që në mjet është gjetur dhe një pistoletë, por është e paqartë nëse arma ëhstë përdorur në krim apo jo. Ky person ka tentuar të largohet jashtë Shqipërisë dhe duhej një ndërhyrje emergjente. Në këtë mënyrë e kanë parë të arsyeshme që ky person mos largohet dhe të jetë pjesë e hetimit. Janë edhe persona të tjerë janë edhe 4 persona të tjerë, se në atentat kanë qene 5 persona që kanë pasur role specifike dy kanë qenë ekzekutorë”.

Gazetari thekson se grupi hetimor u ndihmua edhe nga shoferi pas makinës së prokurorit, që është pikësrisht shoferi i Aleksandër Lahos.

“Kanë qenë dy automjete një ka ndërhyrë që t’i ulë shpejtësinë. Grupi hetimor është ndihmuar edhe nga shoferi pas makinës së prokurorit. Dëshmia e tij është administruar nga prokuroria e krimeve të rënda. Ky drejtues mjeti është marrë në pyetje dhe është shofer i Aleksandër Lahos”.

Sipas gazetarit autorët dyshohen si vrasës me pagesë, dhe provat që kanë lënë sipas tij janë një thesar për hetimet, edhe pse nuk dihet pse ata nuk kanë mundur të djegin makinën dhe të fshehin gjurmët.

“Autorët dyshohen si vrasës me pagesë, ata kanë lënë një thesar, nuk kanë mundur ndoshta autorët nuk kanë dashur të djegin automjetin për të ms tërhequr vëmendjen e banorëve, sepse makina u gjet pas 5 orësh. Ka filluar edhe analizimi i fijeve të flokut dhe gjurmë kapilare dhe në bidonin me benzinë që do përdorej. Mbetet për t’u parë pse autorët nuk e kanë djegur makinën. Nuk përjashtohet asnjë mundësi që ky grup kriminal të jetë paguar nga një grup tjetër”.

Qosja thekson se tablonë e qartë të ngjarjes e di prokurori Ndoj, por ai ka pohuar q ënuk ka qenë target i këtij atentati. ndërkaq policia ka sekuestruar mbi 70 kamera sigurie.

“Vlen për t’u përmendur se Ndoj mund ta ketë më të qartë tablonë e ngjarjes, por ai ka pohuar që nuk e dinte dhe nuk ka qenë ai target i këtij atentati, por mbetet për t’u verifikuar numri i lartë i dosjeve që prokurori Ndoj ka gjykuar dhe hetuar për tokat në Gjirin e Lalzit.

Janë sekuestruar mbi 70 kamera sigurie ku autorët kanë lëvizur. Ekspertët e kriminalistës kanë arritur të bëjnë lidhje shkencore”.

Ndërkaq sipas burimeve të ABC news, nga kontrollet që janë bërë në 15 banesa dyshohet se janë gjetur dosje ose shkresa të cilat kanë rezultuar të vjedhura në prokurorinë e Durrësit një vit më parë. /abcnews.al

 

bbaa.jpg
nev ila16:58 | 04/11/2019

Ish-deputeti i PD, Klevis Balliu në studion e ABC News me Juli Xhokaxhi theksoi edhe njëherë se opozita do të nxjerrë që tjerë emra të zyrtarëve të Ramës që janë të lidhur me krimin.

Filimisht rasti i Kajmakut dhe Valdrinin janë ndryshe dhe vërtetuan diçka që Edi Rama e ka të pamundur largimin nga krimi. Ai zgjodhi një kriminel se e ka të pamundur të ndahet nga krim.

Lulzim Basha po i shkërrmoq këta një e nga një. I denoncon Lulzim Basha. Ky për çfarë është aty, për të vjedhur se kriminelët i heq Lulzim Basha. Arktitekti i dekriminalizimit është Lulzim Basha.

Koha që dyshohet a ka apo s’ka dosje ka kaluar. Do të ketë denocime se linja e krimit të Edi Ramës nuk ndalet. Po të shikoni çfarë bëhet nëpër administrata. Është futur cdo drogaxhi i mundur”, tha Balliu.

Më tej ish deputeti u ndal edhe tek atentati ndaj prokurorit Arjan Ndoj, ku theksoi se duhet të merret nën hetim Rama që e kërcënoi.

“Atentati ndaj prokurori, nëse ju sot do më kërcënonit publikisht dhe nëse nesër atij i ndodh diçka prokuroria do ju merrte nën hetim. Edi Rama e ka këcënuar p[ublikkihst me masat më ekstreme.

Nuk do e dyshoja por prap hetimi duhet të nisë. Se pas dy ditëve i ndodhi. Po atë të voglin Braçen pse nuk merret nën hetim”, tha Balliu./abcnews.al

balliu.jpg
nev ila16:44 | 04/11/2019

Ish-deputeti i PD, Klevis Balliu në studion e Abcnews me Juli Xhokaxhi u shpreh se banorët e Unazës së Re po luftojnë me mish dhe me shpirt për banesat e tyre.

Balliu shtoi se prej 1 viti banorët kërkojnë vetëm dialog.

Madje deklaroi se kryeministri Rama ka ndaluar deputetët e PS të zhvillojnë takime me banorët e Unazës.

Duhet të kalojmë një hap edhe më shumë. Po shohim qytetarë që luftojnë me mish dhe shpirt. Ky projekt është ende në hetim dhe ata bëjnë ritenderime. Kemi një problem me kujtesën politike. Kjo protestë shërben për cdo qytetar që këtu ka pasur korrupsion. Nuk është as problemi dhe as cështja tek projekti. Nuk është cështja që qenkan disa nga ato shtëpita të palegalizuara. Përballë këtyre shtëpive sot janë pallate. Aty ka patur shtëpi të palegalizuara por nuk është nxjerrë asnjë banor pa u dëmshpërblyer në kohën e PD. Ka pasur deputetë që kanë kërkuar të dialogojnë dhe janë ndaluar nga Rama.

Në një vit nuk ka ardhur asnjë deputet. Muajt e para ata nuk pranonin deputetë të opozitës, sepse prisnin atë që i dhanë votën, Saimir Tahirin. Ata kanë 25 vite që janë pronarë të atyre banesave që i paguajnë taksa bashkisë”, tha Balliu./abcnews.al

 

serbi.jpg
nev ila11:16 | 03/11/2019

Cedomir Jovanoviç, ka qenë një nga zërat e fuqishëm kundër politikës serbe të viteve ’90 si një nga udhëheqësit e protestave studentore dhe të bllokut demokratik.

Ai madje konsiderohet si personi përgjegjës që i dorëzoi Gjykatës së Hagës ish-presidentin, Sllobodan Millosheviç. Gazetari ynë në Begrad Idro Seferi ka realizuar një intervistë me politikanin serb, i vetmi i këtij rangu që e pranon se Serbia e ka humbur Kosovën.

Jovanovic, ju jeni gjatë në politikë, që prej protestave studentore e deri më tani. Keni qenë kundërshtar i urryer kundër regjimit të Sllobodan Millosheviç, keni folur për pavarësinë e Kosovës dhe disi keni mbështetur presidentin Vuçiç për një zgjidhje apo vetëm krijohet si përshtypje? Si e shihni problemin e Kosovës në këtë moment?

Jovanovic: Ajo që është duke ndodhur në Kosovë është pasojë e problemit që ndodhet këtu në mesin tonë. Kjo përballje vjen në Kosovë pasi Kosova është vendi ku dy popujt tanë janë përpjekur njeri me tjetrin dhe aty janë përballur. Ky është një kontekst historik. Për mua ka qenë gjithmonë pyetje përse ne nuk mund të jetojmë së bashku? Cdo shoqëri ka problemet e saj të brendshme, por këto tonat janë paksa më ndryshe. Këto janë probleme që janë në vazhdimësi dhe janë të hapura me gjenerata. Disa shoqërive të tjera u ndodh të mbështIllen në ndonjë ide sic ka ndodhur me anglezët rreth BREXIT, por kjo cështje ka eksploduar para 3-4 vitesh dhe nuk është temë e përhershme e politikës angleze. Çështjet që rëndojnë politikën në Serbi janë çështje të trashëguara me gjenerata, pasi askush nuk ka qenë i aftë të jap përgjigje, pasi ose nuk ka patur mjaftueshëm zgjuarsi për këtë, ose nuk ka patur guxim ose nuk kanë qenë rrethanat. Ky rast ka ndodhur kur kam qenë në qeveri pas vitit 2000. Po të mbijetonte qeveria jonë, të mos ishte vrarë Zoran Gjingjic pasqyra e marrëdhënieve tona tani do të ishte shumë më ndryshe. Kur Vucic ka firmosur marrëveshjen e Brukselit në vitin 2013, pavarësisht se pajtohem me të apo jo, të tjerët e kanë shpallur për tradhëtar kurse unë kam shkuar dhe kam folur me të. I kam thënë që Serbia nuk mund të mendoj e për të ardhmen, nëse nuk e crrënjos nacionalizmin nga vetja e saj. Gjenerator i kësaj agonie kombëtare dhe të asaj tragjedie, fatkeqësie, brutaliteti është pikërisht miti i Kosovës dhe se cdo dobësi tonën e kompenzojmë duke serbizuar në temën e Kosovës. Nëse duam që prej Serbisë të bëjmë një shtet të vërtetë me institucione duhet të zgjidhim cështjen e Kosovës. Por si ta zgjidhim çështjen e Kosovës, kjo çështje pra është e zgjidhur?

Si është zgjidhur?

Jovanovic: Këtu bëhet fjalë për aftësinë tonë që të pranojmë realitetin. Fakti që disa në këtë moment nuk i kanë të drejtat që i kanë shqiptarët e Kosovës, apo fakti që po digjet Barcelona dhe se është e paimagjinueshme që kjo të ndodh në ndonjë vend të Evropës, kjo nuk do të thotë që dikush do të vë në pikëpyetje idenë e Kosovës për pavarësi apo për shtetin e Kosovës. Ne këtë test të realitetit nuk po e kalojmë për shumë arsye dhe për faktin që jemi jashtë kohës.

Ju keni thënë që çështja e Kosovës është e zgjidhur, por në Serbi ideja gjithmonë ka qenë që Kosova është Serbi, që nuk japim asgjë, nuk duam marrëveshje kurse Serbia tani kërkon një marrëveshje. Si është zgjidhur sipas jush, por sic shihet kjo këtu?

Jovanovic: Është zgjidhur në mënyrë katastrofike. Kur them është zgjidhur kështu mua më vjen keq që është zgjidhur kështu. Kur ulem dhe bisedoj me njerëz dëgjoj kaq shumë marrëzi.Tani temë aktuale janë vëllezërit Bytyqi, pasi miratoi kongresi një rezolutë dhe dikush këtu zemërohet me amerikanët pasi thonë se është presion mbi Serbinë. E cfarë presin, të thonë? Që ne kemi Guantanamon dhe beni cfarë të doni? Kjo nuk mund të shkoj kështu. Flasim për luftën ne Koshare dhe Pashtrik. Sa njerëz janë vrarë në zonën e përgjegjësisë së brigadës, pjestarët e rinj të së cilës, ushtarët fatkeq kanë përfunduar diku në lartësi 2000 metra në pika të vrojtimit. Krimet më të mëdha ndaj shqiptarëve, qytetarë të Serbisë, janë bërë në zonën e përgjegjësisë së brigadës e cila ka dërguar disa kalamaj në Koshare. Ushtarakisht aty të gjithë kanë qenë ushtar që duhet respektuar, edhe ata që kanë sulmuar Kosharen dhe ata që e kanë mbrojtur Kosharen, por kjo ka qenë luftë. Këtu kanë ndodhur krime të pamohueshme dhe 700 njerëz janë varrosur në bazën policore 10 kilometra nga qendra e Beogradit në Batajnicë.Është zgjidhur në mënyrë katastrofike, eshtra nga të gjitha anët, na ka eksploduar mundësia jonë për tu demokratizuar dhe ne nuk flasim as me veten tonë. Nuk e idealizoj unë situatën dhe jam i vetëdijshëm për nacionalizmin që ekziston në secilën shoqëri tonën. Por, ai është kërcënimi dhe rreziku më i madh për atë që e inicon. Vdesin edhe të tjerët, por kur të bëhet llogaria dhe pyesim kush është humbësi më i madh këto 30 vjet, unë do të thoja Serbia. Ne kemi humbur veten tonë. Ju qëndroni në njërën këmbë dhe nuk e keni kryer shtetësinë tuaj, Zaev mundohet të bëj dicka në Maqedoni. Por, Serbia ka ndjekur katastrofë pas katastrofe nacionale. Ne me politikën tonë ndaj Kosovës, idenë e shtetit serb dhe shtetit ku jetojnë serbët dhe shqiptarët, e kemi djegur në mënyrë brutale. Kur kemi vrarë në fillim një mëngjes atë zotëriun Kelmendi, vrasja e parë dhe i kemi nxjerr fëmijët dhe gruan nga shtëpia, ne Serbinë e kemi vrarë atëherë. Atëherë e kemi vrarë. Krimet që kanë ndodhur para dhe pas asaj nuk i justifikoj, por si ka nisur kjo- ka nisur kur kemi arritur në Gazimestan.

Shumë në Serbi do të thoshin se serbët kanë qenë viktima, se Millosheviç ka qenë i mirë dhe se Kosova është Serbi dhe kjo është përgjigja për ju në këtë kontekst. Cfarë duhet bërë tani?

Jovanovic: Jo vetëm në Serbi. Shumica e dinë se cfarë mendoj unë dhe nuk guxojnë të polemizojnë me mua dhe kanë thënë shumë gënjeshtra për mua. Politikën time asnjëherë koha nuk e ka përgënjeshtruar pavarësisht nëse flas për Kosovë, Bosnjën, NATO-n apo ekonominë dhe thjesht kjo nuk ka ndodhur. Thonë se Vuçiç ka marrë politikën time. Unë nuk jam pronar i politikës dhe do të doja që këto vlera ti përqafojnë pasi koha është një burim i rëndësishëm. Imagjinoni sikur të më kishin dëgjuar mua në vitin 2004, kur kam thënë se nëse ju ka ngel mendja tek Kosova coni porosi botës dhe shqiptarëve të Kosovës që kaosin që kemi lënë pas vetes, na lejoni t’u ndihmojmë që kjo të zgjidhet. Ne është dashur të parët të njohim pavarësinë e Kosovës. Kemi mundur të insistojmë ne definicionin që Kosova është shtet i të gjithëve, që të ketë consensus etnik për vendime të mëdha, pasi ekziston frika nga Shqipëria e madhe apo vendime për ndërrimin e karakterit të shtetësisë. Imagjinojeni sikur të më kishin dëgjuar këtu në vitin 2007 kur kam thënë mos e hidhni poshtë planin e Ahtisarit. Por, kam thënë edhe që askush nuk duhet të bëjë Gjermaninë e Vajmarit nga Serbia dhe mos e mundoni një popull të tërë ta thyeni pavarësisht që ai vetën e ka përulur, mos ia thyeni edhe unazën e fundit në kurriz dhe mos e bëni këtë nga Serbia, por hapni perspektivën. Këtë nuk e kanë bërë të huajt, pasi s’po e bëjnë as për veten. Fatkeqësisht nuk ka patur mencuri dhe koha është e rëndësishme.Ju kujtohet që Rugova ishte sjellë këtu në Beograd dhe ka biseduar me Milloshevicin, pasi në muajin prill ata këtu kishin idenë që të bënin një qeveri kosovare dhe të vinin në krye Rugovën. Në luftën e vitin 1999! Përse nuk e kanë bërë këtë në vitin 1990 e kemi patur rastin dhe cfarë kemi pritur që do të ndodh? Nuk të bëka punë Azem Vllasi, Kaqusha Jashari, nuk qenka i mirë Rugova atëherë do të marrësh Adem Jasharin, Hashim Thacin, Ramush Haradinajn dhe njerëz të tjerë dhe meqë tin ë Kosovë udhëheq me dhunë, atëherë edhe gjuha që dikush do të komunikoj me ty është dhuna.

Keni thënë që Serbia ka kapitulluar në Kosovë…

Jovanovic: Natyrisht. Kapitullimi ka qenë njësoj sikurse gjermanët në vitin 1945 kur së pari kanë kapitulluar tek amerikanët dhe më pas ka arritur Zhukov dhe ka thënë ejani sërish dhe kanë kapitulluar edhe për rusët.Kjo është Kumanova. Cfarë shkruan në marrëveshjen Ahtisari-Cernomirinj, pra që zbatohet marrëveshja e Rambujesë apo jo? Në këtë marrëveshje të Rambujesë shkruan e drejta për vetëvendosje, referendum. Si quhet pra kjo?

E pavarur apo jo, si ta quajmë këtë në Serbi?

Jovanovic: Si mund të quhet kur ushtrinë e huaj e lejon të hyjë në territorin tënd dhe ti përgjithmonë tërhiqesh nga atje?

A është Serbia e gatshme që vërtetë të bëj një marrëveshje përfundimtare dhe si do të dukej kjo?

Jovanovic: Nuk është e gatshme ashtu siç nuk është e gatshme as Kosova.

Përse dhe cfarë është problemi këtu?

Jovanoviç: Imagjinojeni jetën pa ambicie dhe vision? Ja shembull gazetaria. Imagjinoni të merreni me gazetari dhe të mos keni asnjë llojë ideje apo dëshirë të bëni një bisedë të mirë, të shtroni pyetje të mira dhe që të ndikoni tek dikush që të mendoje pozitivisht. Ne emër të cfarë gjeje të bëjmë ne këtë hap? Kur unë flas për paqen unë nuk flas për të sepse jam dezertor. I kam katër fëmijë dhe djali im është 16 vjeç. Unë nga shtëpia kam shkuar kur kam qenë 18 si ushtar i ri si e tërë Jugosllavia dhe jam kthyer në prill të vitit 1992. Kam qenë në Pula të Kroacisë dhe kam kaluar 2 vjet të asaj Jugosllavie të përgjakshme nëpër linja dhe kaos. Si ka filluar lufta kush e di. Por, ne nuk kemi ide të mëdha dhe nuk kemi njëëndërr që duhet realizuar dhe të gjithë kanë ikur nga ne pasi nuk kemi patur këtëëndërr. Politika ime nuk është kjo, por është i rëndësishëm cdo segment dhe mendoj se nëse ekziston mundësia e cfarëdo marrëveshjeje do të duhej ta mbështesnim dhe të mos e lemë si problem të hapur.

Por cfarë të bëhet, Milloshevic ka shkuar, politika nuk ka zgjidhur problemet në tërë rajonin, Kosova dhe Serbia nuk mund të arrijnë marrëveshje, Bashkimi Evropian i ka thënëjo Shqipërisë dhe Maqedonisë së Veriut….

Jovanoviç: E dini pse e kanë thënë këtë sepse janë të pakujdesshëm dhe të paaftë. Kam qenë në Maqedoni për marrëveshjen e Prespës dhe në një takim të liberalëve të Evropës nëShkup  kemi diskutuar për zgjedhjet evropiane. Kanë folur që platformë të jetë ekologjia dhe energjia.I kam pyetur nëse e kanë të qartë që janë zgjedhjet për Bashkimin Evropian. Nëse e kanë të qartë sa para ka investuar Putin në rrymën e katër në Evropë, të nacistëve nga Sanini në Itali, Mari Le Peen apo që ai qëndron pas BREXIT dhe që ai Aron Banks është takuar 7 herë katër ditë para BREXIT është takuar me njerëz nga shërbimi rus dhe ai qëndron pas Cambridge Analytics.

Por, si e shihni të ardhmen.Thatë shumë herë që keni parashikuar dhe se ashtu ka ndodhur.Cfarë mund të bëjmë këtu?

Jovanovic: Rusët nuk do ta lejojnë konsolidimin e kësaj pjese të Evropës. Kjo nuk është në interesin e tyre. Ne duhet të luftojmë shumë që tua sqarojmë që larg është Donjecku, nuk e dhëmb kjo Evropën apo Siria, por shumë janë ata që do tu lëvërdiste një luftë ballkanike e vogël, që pak të rrjedh gjak Evropa dhe të ketë sërish refugjatë. Të vijnë emisar të ndryshëm si Karington që ka qenë në vitet e ’90.Pas Malit të Zi dhe Maqedonisë nuk kanë mundësi.Kjo është politika e tyre-rusëve duhet tua kesh frikën, këtyre të tjerëve nuk mund tu besosh.A ishte Hojt Ji, pastaj Mitchell, Pallmer kurse tani Grenel…me kë jemi duke biseduar?

Por, gjithsesi jemi viktima të politikës edhe të Lindjes dhe Perëndimit. Kështu thoni ju! Por, cfarë mund të bëjmë, që sic thotë një këng këtu- vetëm luftë të mos ketë?

Jovanovic: Lufta është gjithmonë pasojë diçkaje. Këtu në një moment të gjithë filluan të flasin sërish për luftë. Mua më kujtohen bisedat edhe nëna edhe babai im kanë qenë jetim si pasojë e luftës dhe gjithmonë ka patur rrëfime dhe frikë nga lufta.Në një moment kjo edhe ndodhi. Në vitin 1999 unë dhe Zoran Gjingjic, ishim në terracën e tij dhe në një moment shikojmë në qiell dhe shohim avionët mbi Beograd dhe thamë a është e mundur. Shihnim avionët amerikan për të bombarduar Beogradin dhe pyesnim nga, si, dhe a është e mundur? Si kemi arritur deri këtu? Mendoj se duhet të kthjellim njerëzit që ideja e paqes është ajo që na integron. Nuk është qëllim që Serbia të mbroje shtetësinë në Kosovë, nuk mund të jetë ky qëllimi. Dhe, nuk mund të jetë qëllimi i vetëm i politikës në Kosovë, vetëm të bëhet shtet. Ky shtet, edhe i joni dhe i juaji duhet të jenë në funksion të ndonjë ideje? Përse shtet? Nëse kjo është rruga drejt paqes unë do ta bëj shtetin bashkë me ju! Por, kjo është një gjë tjetër atëherë. Bashkë do ta ndërtojmë edhe Kosovën edhe Serbinë. Nuk ekziston vetëm paqja shqiptare apo serbe. Nuk mund të qani vetëm në një sy. Cfarë duhet të bëjmë që këtë popull ta ulim nën radar, të mos nxitohemi, të jemi të qetë? Nuk guxojmë të harrojmë dhe duhet ta dimë pse kemi bërë krime të tilla, ne nuk e dimë dhe andaj them që Serbia nuk është e gatshme.Nuk është populli im i keq, nuk mund të jetë një popull I keq. Por, ne nuk dimë asgjë.Pqaja për mua është qëllimi.Për këtë duhet parë cfarë mund të bëhet.Veriu i Kosovës kurrë nuk ka qenë Kosovë. Mund të vijë Thaci edhe 100 herë në Gazivodë dhe policia mund të arrestoje kë të dojë në Mitrovicë. Por, kjo kurrë nuk ka qenë Kosovë. As në vitin 1999 nuk ka mundur.Nuk po flas për kufi në lumin Ibër. Si ka arritur Vucic të fitoj 98 për qind të zgjedhjeve. Nuk kanë votuar për program. Por, edhe koalicioni Povratak dikur dhe Beogradi gjithmonë ka kontrolluar jetën politike të serbëve. Unë kam qenë kundër kësaj. Por, kanë ardhur nga bashkësia ndërkombëtare dhe thonë, jo, ne me ju merremi vesh dhe më pas ju servisoni ata. Nuk duam ne të shkojmë të bisedojmë me disa serbe, kjo nuk na intereson. Njësoj kanë ardhur tek Milloshevic dhe me të kanë biseduar dhe jo me Karaxhic e Mlladic për Bosnjën. E di që të gjithë kemi fate të ndryshme dhe shkon rrugës së vet, por kjo nuk do të thotë që nuk mund të kemi një qëllim të përbashkët. Për mua nëse kemi qëllim paqen kjo ndjehet dhe nuk ka nevojë të thuhet.Ne nuk mund të jemi njëri kundër tjetrit edhe pse fatkeqësisht ka shumë tragjedi sidomos në anën tuaj. Kanë vdekur edhe shumëserb dhe kjo nuk është e mohueshme, pas vitit 1999 njerëzit janë vrarë. Por, unë këtë e përjetoj si një pasojë e një politike që e kemi filluar ne. Në Kosovë, në vitin 1989 nuk ka qenë situatë ideale, por ne nuk kemi sjellë paqe dhe rend. Ne atje i kemi venë një populli të tërë cizmen në fyt dhe vetëm kur kemi humbur gjithcka jemi ulur në tavolinë.Kështu kemi shkuar edhe në Kumanovë dhe luftën nuk e kemi patur si argument në Paris e Rambuje. Sic e kemi humbur luftën në Bosnje dhe më pas jemi ulur në Dejton dhe është dashur që të humbim luftën në Kosovë që të ndodh Kumanova, por kjo e Kumanovës nuk ka qenë fundi. Në vitin 1999 ka qenë më e lehtë të arrihet një zgjidhje e qëndrueshme se sa sot. Ende merremi me rezolutën 1244.

Faleminderit për intervistën

Jovanovic: Faleminderit juve dhe shpresoj të flasim sërish dhe të jemi pak edhe krenar për ndonjë gjë që kemi bërë./abcnews.al

 

avokati-i-kajmakut.jpg
ent ela18:06 | 01/11/2019

Komisioni Qendror i Zgjedhjeve, me unanimitet vendosi ndërprerjen e mandatit të Agim Kajmakut, pasi prokuroria konfirmoi akuzat e Partisë Demokratike, se Kajmaku kishte fshehur një procedim në Greqi, në vitin 2003 me emrin Jorgo Toto.

I ftuar në studion e ABC News, Avokati i ish kryebashkiakut të Vorës, Isuf Shehu thotë se ndërprerja e mandatit të Agim Kajmakut është e paligjshme.

Sipas tij çështja për të cilën akuzohet nuk përfshihet në listën e dekriminalizimit, ndërsa porkuroia thekosn ai duhet të priste përgjigje të letërporosive nga Greqia.

“Ishte i paligjshëm, çështja për të cilën akuzohet nuk përfshihet në listën e dekriminalizimit. Nuk jemi para një vepre penale dhe prokuroria duhet të kishte pritur letërporosinë nga autoritete greke. prokuroria pasi ka marrë këkrkesën nga KQZ duhet të priste

KQZ ka detyrim ligjor që të presë letërporositë. Nuk e di pse prokuroria e nguti dhe procedoi këtë lloj procedure, se kjo është ajo çfarë procedura dikton”.

Ai njoftoi se do të ankimojë vendimin, në mënyrë që të zbardhet e vërteta. /abcnews.al

drushku.jpg
ad min17:37 | 29/10/2019

Gjykata Administrative e Apelit vlerësoi të vlefshme padinë e Rektorit të Universiteti të Tiranës i cili kundërshton vendimin e Këshillit të Ministrave që i jep në pronësi Bashkisë së Tiranës 15 ha toke të Kopshtit Botanik.

Dekani i Fakultetit të shkencave të Natyrës, Spiro Drushku, i ftuar këtë të martë në ABC News u shpreh se pedagogët nuk janë shprehur kurrë që Kopshti është pronë e FSHN-së. Ai tha se kopshti është aset shtetëror, por që i është lënë FSHN-së nën administrim dhe kujdesje.

“Është një pronë që nuk i është dhënë fakultetit të shkencave në administrim, por është një pronë që që në vitin 1965 i është dhënë për ta krijuar dhe administruar Kopshtin Botanik. Aty është puna, kërkimi, djersa, kontributi i dhjetëra brezave të kërkuesve në fushën e Florës që sot e kanë shndërruar në një Kopsht Botanik”, tha Drushku.

Ai shpjegoi arsyen pse Bashkia nuk mund ta marrë këtë kopsht. Sipas Drushkut, Kopshti Botanik ka vetëm një qëllim dhe ai është për studime akademike.

“Bashkia nuk mund ta marri sepse që ta marri duhet të ketë kapacitetet e saj për ta administruar, ndërkohë që nuk është një kopsht rekreativ. Kopshti botanik që në strukturën e tij është endur e kërkimit dhe zhvillimit. Aty janë sjellë nga shkencëtarë botanikë mbi 1500 specie. Ka vetëm qëllim akademik. Kopshti Botanik jo se nuk punon si qendër rekreacioni. Aty vijnë e vizitojnë studentë, nxënës, bëjnë praktika dhe studentë të rretheve. Aty është një Shqipëri e vogël me të tërë bimët e futura brenda”, tha Drushku.

Ndër të tjera, dekani theksoi se Universiteti i Tiranës nuk ka probleme me investimet e bashkisë, por Ministrinë e Arsimit dhe qeverinë që kanë miratuar vendimin.

“Bashkia nuk ka punë në këtë proces. Ne nuk jemi kundër investimeve të Bashkisë. Ne kemi bërë një padi kundër vendimit 510 ku kjo pronë e shtetit i kalon bashkisë dhe i hiqet administrimi FSHN. Bashkia është palë përfituese. Ne e kemi problemin me Ministrinë e Arsimit që e ka propozuar këtë lloj transferimi dhe qeverinë që e ka miratuar. Sa herë që kërkojmë të bëjmë debate del përpara si një varkë shpëtimi Bashkia e Tiranës. Me bashkinë jemi dakordësuar të bëjmë këto investime”, u shpreh Drushku.

Drushku theksi më tej se kërkon të gjejë pikat e përbashkëta me qeverinë për të bërë zgjidhjen më të mirë. Ndërkohë, FSHN i është drejtuar edhe një shoqate ndërkombëtare ku marrin pjesë botanistët më të mirë të Evropës. Këta të fundit do t’iu drejtohen me një letër sensibilizuese Ministrisë së Arsimit.

Një trupë prej pesë anëtarësh në gjykatën Administrative të Apelit do të vendosë nëse padia që ka bërë rektori i UT do të gjykohet nga Gjykata Administrative e Apelit, apo do t’i kalojë për shqyrtim një tjetër shkalle të gjyqësorit.

Intervista e plotë:

/abcnews.al

BISEDE-NE-STUDIO-1280x720.jpg
ent ela18:20 | 25/10/2019

“Ditën që do bëhet ndryshimi i sistemit unë do iki nga Kuvendi që të shkojë vendi në zgjedhje të parakohshme”. Është kjo e deklarata e deputetit Myslim Murrizi në studion e ABC News gjatë bisedës për reformën zgjedhore. Sipas Murrizit sistemi zgjedhor duhet të ndryshohet, pasi sjell minidikatorë.

“Ky sistem ua fsheh të zgjedhurit zgjedhësit, ngre në piedestal kultin individit dhe sjell minidikatorë”.

“Ndryshimi im me këta që nuk guxojnë të artikulojnë që të prishin këtë sistem. Më është dhënë mundësia që të prish këtë sistem të pistë. Nuk them që do iki, ditën që kam prish sistemin kam arrit 99 % të asaj që kam aspiruar. Se këta nuk i kam vënë plaku im në listë. Të gjithë ata që flasin në emër të popullit janë hipokritë. Ku është populli?”.

Për Murrizin e vetmja marionetë që ka rama është Luzim Basha, me të cilin sipas tij u mbyll në motel në 17 maj, ndërsda zanafilla e krizës theksonm e ai është prilli i 2008.

“Unë e kam kërkuar në 2008, kur kam thënë se ky është sistem që sjell diktatorë, dhe 18 muaj deputet, një marionetë ka rama që u kyç në motel me Bashën më 17 maj. Një marionetë ka Rama ai është Lul Basha që i ka ardh goja si memeci kur tha dje që duam sistem mazhoritar. Kush fiton nga vota e qyytetarëve unë di i kërkoj falje të kali i Skënderbeut.

Këta që rrinë në oborrin tij e dinë Shqipërinë nga Rogneri te 15 katëshi dhe nga aty te selitë e partive.

Unë jam pishtar i demokracisë, këta që drejtojnë sot PD, gjysma kanë qenë te PPSH, të tjerët te Shkolla e bashkuar, unë e kam krijuar një parti, nuk e kam dnërmend të krijoj parti. Të gjithë ata që flasin në emër të popullit janë hipokritë. Ku është populli?”.

Murrizi thekson se zgjidhja për dekriminalizmin është ashpërsimi i kodit zgjedhor

“Ka 12 vjet që tallen me shqiptarët, që nuk i pyesin dhe i përçmojnë në mënyrën më të pistë se nuk ua kanë nevojën, nuk i hapin telefonin një qytetari. Kanë zgjedh mënyrën më të kollajtë që t’i lëpihen një votuesi.

Deri në 2005 deputetë te votuesit ishin shndërruar në agjensi funerale.

U mashtrua në mënyrë të turpshme në 2008, kodi zgjedhor u ndryshua për 12 minuta në Kuvend dhe thanë që do sjellin intelektualë, nga këta të NASA-s dhe çfarë prunë hajdutë batanijesh, tutorë, trafikantë femrash, kontigjentë të akuzuar për vrasje dhe për herë të parë lindi një ligj që të bëhet dekriminalzimi i sallës, bandat përcaktonin se kush do të ishte kandidat. Ashpërsimi i kodit zgjedhor e zgjidh dekriminalizimin

I ftoj të gjithë eunukët, minjtë, servilët dhe të vijnë e ta fusin emrin te kjo listë dhe të votojnë. Kush votohet nga qytetarët.

Nuk kanë hall dhe rrugë tjetër pa prish këtë neokomunizëm, tani kemi Enver Ramën dhe Enver Bashën dhe Nexhmije Kryemadhin”.

/abcnews.al

 

silva-caka.jpg
ad min18:04 | 24/10/2019

Të gjitha palët politike u vunë në punë sot për reformën zgjedhore. Një pjesë, ajo parlamentarja u mblodh në Kuvend, ndërsa opozita në selinë e Partisë Demokratike. Ish-deputetja e LSI-së, Silva Caka, deklaroi këtë të enjte se opozita dhe mazhoranca mund të ulen të dialogojnë nëse plotësohen 5 kushtet që ajo i ka dërguar.

Por sipas Cakës, pengesa e parë që duhet kaluar për të arritur deri aty është dorëheqja e Damian Gjiknurit si bashkëkryetar i Komisionit të Posaçëm për Reformën Zgjedhore.

Ish-deputetja, e cila është pjesë e grupit të punës të opozitës që po merret me reformën zgjedhore, tha gjithashtu se propozimi final që do t’i jepet Ramës do të kundërshtohet nga ai. Megjithatë në fund do ta pranojë atë për shkak të presionit për mos-hapjen e negociatave, vendosjen e kushteve dhe veton që do vendosin institucionet ndërkombëtare.

“Në kushtet ku jemi unë besoj që do të ketë shumë kundërshtime sepse është e vështirë që të kafshosh veten me dhëmbë. Në momentin që të vjen një kërkesë për të dekriminalizuar listat e tuaja do ta kesh të vështirë sepse i ke mbushur plot me kriminelë, me njerëz që financojnë fushatat, plot me njerëz që financojnë kandidatët e tyre. E shoh të vështirë që Edi Rama të pranojë shumë prej kushteve tona, por jam e bindur që edhe falë ndikimit dhe i vendosur në presionin e JO-së që morëm dhe prej kushteve që janë vendosur dhe do të vendosen do duhet të pranojë. Edhe nëse ai nuk i pranon do të jenë atëherë do të jenë institucione evropiane, BE, OSBE apo edhe shtete të caktuara që kanë në dorë një veto për çelje negociatash dhe do ta imponojnë më vonë produktin që do të nxjerrë ky grup”, tha Caka.

Ish-deputetja paralajmëroi se shumë shpejt do të zhvillohen zgjedhje të parakohshme dhe vendore. Sipas saj, mazhoranca po zvarrit ngritjen e gjykatës së Lartë dhe asaj Kushtetuese.

“Besoj se do të kemi së shpejti do të kemi shumë shpejt dy procese zgjedhore, zgjedhje të parakohshme dhe zgjedhje vendore. Edhe raporti i ODIHR për votimet moniste të 30 Qershorit , por edhe kushtet e Bundestagut nuk kanë vënë në ndonjë moment dekretet e presidentit. Shprehin se do të jetë Gjykata që do të vendosë për ligjshmërinë e këtyre dekreteve dhe legjitimitetin e atyre zgjedhjeve. Kam bindjen e plotë se Gjykata Kushtetuese mund të dojë shumë kohë. Deri tani është vetëm një anëta, por Kuvendi është duke u përpjekur që ta zgjasë sa më shumë në kohë edhe pse i kanë shkruar propozimet nga KED. Unë personalisht e kam të qartë që Grmoz Ruçi, Edi Rama, po përpiqen të zvarrisin Gjykatën e Lartë dhe Gjykatën Kushtetuese. Kjo do krijohet një ditë dhe kur të krijohet do të japë një verdikt që do i japë të drejtë dekreteve të Presidentit dhe do shpallen të pavlefshme zgjedhjet e 30 Qershorit dhe ne do hymë në zgjedhje vendore sërish”, tha Caka./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono