Intervista

zef-deda-ne-kane.jpg
nev ila22:45 | 29/12/2019

Autori i “ABC Story” dhe gazetari Ferdinand Dervishi i ftuar në studio me Fabiola Hoxhën rrëfeu në ABC News, se përse vendosi të ketë në ciklin e dokumentarëve të ABC Story, humoristin e njohur Zef Deda. Në këtë rrëfim Dervishi dha disa detaje nga dokumentari që ka në qendër aktorin e humorit.

Pse menduam ta kemi Zef Dedën në ciklin e dokumentarëve në ABC Story?

“Megjithë këto ngjarje të dhimbshme që kemi patur kohët e fundit do të ishte mirë që viti i ri të kalojë si Vit i ri. Pra të mos harronim traditën, për këtë arsye menduam Zef Dedën. E menduam Zef Dedën si brezi i humoristëve të nivelit shumë të lartë që kemi patur në Shqipëri. Në kohën e komunizmit, populli ka patur 2 moment ku qetësonte shpirtin; kur vinte fundjava dhe në raste festash kur këngët dhe humori bëheshin bashkë në televizionin shtetëror. Për shqiptarët ka qenë i vetmi ushqim shpirtëror i asaj kohe. Për këtë arsye këngëtarët dhe humoristët e asaj kohe i kujtojmë me shumë nostalgji dhe i vlerësojmë shumë. Një ndër njerëzit që ka qenë në majat e humorit shqiptar ka qenë Zef Deda, ai është nga Shkodra, nga qyteti i humorit. Është prej 60 vjetësh në skenë. Kështu është arti, një jetë e tërë që lind në individin e duhur. Zef Deda nuk e dinte në komunizëm se një pjesë e tij kishte kapërcyer kufijtë e izoluar të Shqipërisë, pra kishte një famë ndërkombëtare. Në ato kohëra, dikur nga vitet 70-80 ka patur një marrëdhënie të ngushtë mes Shqipërisë dhe Jugosllavisë për shkëmbime kulturore. Në këtë kuadër vjen një ekip i Televizionit të Prishtinës por që fshehurazi ishte futur dhe një ekip i televizionit të Beogradit të cilët kërkojnë dhe marrin lejet e duhura. Në dy pjesë ku Zef Deda imiton Çarli Çaplinin jepen në Tv e Prishtinës dhe në TV e Beogradit. Pak vite me pas, me 1989, TV Beogradi i dergon 2 etydet ne Festivalin e Kanes”, tha Dervishi.

Nga festivali i Kanës më prestigjiozi në botë për filmin…. çudia ndodhi, Zef Deda në rolin e Çarli Çaplin fiton vendin e parë, porse merita i shkoi TV-së  së Beogradit. Çmimit të parë të rolit të Zef Dedës iu akordua 50 mijë dollarë në atë kohë. Këtë lajm Zef Deda e merr gojë pas goje.

Roli i Çarli Çaplin nga Zef Deda bëri jehonë në mediat botërore saqë disa prej tyre kërkuan të kontaktonin me të por që Ministria jonë e jashtme në atë kohë i kishte mbajtur larg duke u thënë se aktori ishte i sëmurë rëndë.

Për më shumë detaje për historinë e jashtëzakonshme të Zef Dedës mund të ndiqni dokumentarin e plotë në ABC Story:

 

enton-abilekaj.jpg
nev ila22:56 | 13/12/2019

I ftuar në studion e ABC News me Endri Xhafon ishte gazetari Enton Abilekaj. Abilekaj ndau opinionin e tij në lidhje me polemikat e shumta që ka shkaktuar ligjin anti-shpifje insiativë për të cilën është marrë nga qeveria.

I ashpër ka qenë ditën e sotme në qëndrimin e tij gazetari Abilekajn gjatë një tryeze të rrumbullakët me përfaqësues të medias.

Për Enton Abilekaj, këto projekt ligje janë absurde dhe se  mediat ndodhen aktualisht  në momentin më të vështirë që prej kohës kur në Shqipëri u vendos pluralizimi politikë. Ai tha se organizatat e huaja mes të cilave dhe OSBE, duhet të jenë jo vetëm deklarative por të marrin pozicionim më të fortë kundër dy ligjeve, si ai për komunikimet elektronike dhe ai për Mediat audiovizive.

“Organizatat kryesisht, bashkimi evropian, këshilli i Europës dhe OSBE duhet të jenë ultimativë në kërkesën e tyre drejtuar kryeministrit dhe qeverisë për të ndalur këtë ligj abuziv. Ata kanë dalë kundër dhe kanë thënë që kjo që po bëhet nuk është brenda normave të Bashkimit Europian. Jemi në kushtet e mohimit të lirisë së shprehjes, kjo është ajo që do të kërkohet në datën 19 dhjetor. Pra do të ndalohet liria e shprehjes, nuk do ndalohen mediat dhe portalet. Do ketë të drejtë AMA që në çdo media që ekziston në Shqipëri të heqë kronikën të marrë gjobë ose të vendosë shiritin. Zbatuesi i urdhrave të AMA është një njeri shumë iu afërt i Ramës”, tha Abilekaj./abcnews.al

endri-xhafo-marin-mema.jpg
nev ila19:27 | 12/12/2019

I ftuar në studio me Endri Xhafon, pasditen e sotme ishte i ftuar gazetari Marin Mema, i cili është duke dhënë kontributin e tij, për tu ardhur në ndihmë të prekurve nga tërmeti.

Gazetari Mema së bashku me drejtuesin e “Rrënjë Shqiptare” Marko Kepi, kanë mbledhur një shifër prej 1.6 milion dollarësh donacione, të cilat do të përdoren për rindërtimin e shtëpive, që shkatërroi tërmeti i 26 nëntorit.

Mema është pjesë e Komitetit Kombëtar të Rindërtimit, së bashku me organizata të tjera bamirëse, kontribuese për këtë qëllim.

Në intervistën e tij dhënë për ABC News me gazetarin Endri Xhafo, Marin Mema theksoi se mënyra se si do të investohen fondet, në këtë proces rindërtimi, do të bëhet transparente për publikun, dhe se do të kontrollohet çdo fond tjetër, që është sjellë në tryezën e komitetit për tërmetin.

Pjesë nga biseda në studio:

Marin Mema: Kemi mbledhur bashkë me Marko Kepin, drejtuesin e “Rrënjë Shqiptare”, 1.6 milion dollarë, të cilat janë mbledhur me vetëm një thirrje dhe për rreth 72 orë.

Endri Xhafo: Ku gjenden paratë fizikisht?

Marin Mema: Tani janë në fundraising, sic funksionojnë donacionet përmes Facebook-ut, janë mbyllur si donacione dhe tashmë do të kalojnë në bankë. Ajo që është më transparentja këtu është që, gjithçka do të bëhet përmes bankës.

Endri Xhafo: Nga të lindi ideja, sepse ju jeni gazetar, dhe njerëzit ju njohin për elementët dhe detajet historike, që sjell në punën tënde në Shqipëria tjetër?

Marin Mema: Ne njihemi prej shumë kohësh, “Shqipëria tjetër” ka qenë dritarja e qartë, dhe e hapur, për të gjitha familjet në nevojë, për të gjithë problematikën që kanë patur zona të ndryshme në Shqipëri. Pra e kam patur pjesë timen gjatë gjithë kohës, pavarësisht se në një moment të caktuar, bashkova “Shqipërinë tjetër” me “Gjurmë Shqiptare”, por ajo që ndodhi në rastin konkret ishte diçka shumë e natyrshme, shumë njerëzore. Më erdhi në mendje që të gjithë ne duhet patjetër të reagonim.

Endri Xhafo: Kur e bëtë thirrjen?

Marin Mema: Disa orë pas tërmetit, në Facebook.

Endri Xhafo: Çfarë mendon se i shtyn njerëzit të të besojnë ty, 1.6 milion dollarë?

Marin Mema: Jam përpjekur gjithmonë që ta bëj punën e gazetarit me ndershmëri. Puna e gazetarit ka lidhje me njerëzit, me raportin njerëzor dhe se si afrohesh më ta. Nuk është vetëm çështje se mund ta bëj gjithkush, nëse një person ka treguar që është i ndershëm në raport me atë që  bën, mundet absolutisht ti besohet. Unë kam patur fatin dhe i falënderoj të gjithë ata që më kanë besuar, dhe prandaj unë sot jam në një pozicion të vështirë, sepse duhet të përvesh mëngët, dhe të filloj nga puna, për të çuar deri në fund këtë amanet, me aq sa kemi mundësi.

Endri Xhafo: 1.6 milion dollarë ju janë besuar ju dhe jo qeverisë, si ju bën të ndiheni për këtë, në një lloj kompeticioni me qeverinë?

Marin Mema: Jo kjo nuk është garë, nuk kam garë me askënd, në dhimbje nuk ka garë, në tragjedi nuk ka garë, ne thjesht do të përpiqemi të ndihmojmë sa më shumë të mundemi.

Endri Xhafo: Si e shihni Komitetin Kombëtar të Rindërtimit?

Marin Mema: E kam thënë edhe përpara se të ngrihej komiteti, kemi nevojë për koordinim. Koordinim por jo centralizim. Kemi absolutisht nevojë për koordinim, sepse duhet të kuptojmë se ku do të kryhen këto investime. Ajo që unë kam dashur, që të ndodhë këtë herë, është që ne të ndryshojmë faqen e këtyre 30 viteve. Për herë të parë në një situatë të tillë, fondet të mos abuzohen për asnjë cent.

Endri Xhafo: Si mund ta kontrolloni ju psh Arben Ahmetaj?

Marin Mema: Do të kërkojmë deri në fund që të kontrollohen, në të kundërt, ne e kemi thënë disa herë, do të braktisim tryezën. Shqipëria ka nevojë për transparencë në gjithçka, sidomos kur flitet për fonde.

Endri Xhafo: Mendoni se ky presion pozitiv që vjen nga ju, që keni një figurë për të ruajtur, kujtoj që ju është propozuar për të qenë deputet në PS dhe nuk keni pranuar, do e bëj qeverinë më të kujdesshme?

Marin Mema: Kjo nuk ka rëndësi, të jemi të ndershëm në punë, ne do të bëjmë tonën gjithsesi.

Endri Xhafo: Ke filluar nga puna, sepse një nga gjërat që u kuptua nga mbledhja e dytë e komitetit të rindërtimit, ishte që shoqatat kërkonin të fillonin nga puna, A mund të fillohet nga puna pa patur një ide të qartë për dëmet?

Marin Mema: Ka banesa të caktuara, të cilat janë në zona të tjera siç është zona e Tapizës, ku një shtëpi atje ishte më e dëmtuara nga tërmeti. Këtu nuk ka nevojë të presësh, sot ne kemi filluar, nuk mund të prisnim më. Ne do të shmangim burokracitë, por në çdo moment duke garantuar transparencën.

Kemi ngritur një grup të mirëfilltë për të punuar hap pas hapi. Do të ndërtojmë me cilësi, dhe në koordinim me njëri tjetrin.

Endri Xhafo: Në rastin konkret si do të ndërtoni, sipas humbjeve që kanë pësuar, apo do të keni një mesatarizim të sipërfaqes?

Marin Mema: Do të logjikojmë rast pas rasti. Kjo nuk është garë, kush ndërton me shumë apo më pak. Ne do të ndërtojmë aq sa mundemi.

Endri Xhafo: Sa mund t’ju zgjasë ky proces?

Marin Mema: Të shpresojmë ti bëjmë gjërat shpejt.

Endri Xhafo: Kë keni kotraktuar ?

Marin Mema: Kjo do të jetë me garë, do të përpiqemi të ftojmë çdo ndërtues serioz, që do të pranojnë faktin që të ndërtojnë në kosto, pse jo edhe nën kosto, por gjithmonë pa prekur cilësinë, kjo nuk do të lejohet. Gjithë procesi dhe çdo gjë tjetër, do të bëhet transparente dhe do të dokumentohet me kronika televizive./abcnews.al

moza-kociu-ne-studio.jpg
nev ila19:31 | 11/12/2019

Dy projekt ligjet e qeverisë për mediat online kanë shkaktuar polemika të shumta gjatë ditës së sotme. E ftuar në studio me gazetarin Endri Xhafo, ishte Përfaqësuesja e Shoqatës së Gazetarëve profesionistë, gazetarja Mimoza Koçiu.

Koçiu tha se nuk ka asnjë model të ngjashëm në botë ku trupa që de fakto nuk perceptohen të pavarura nga qeveria, të kontrollojnë median dhe se këtë, organizatat e gazetarëve në vend, por edhe ata ndërkombëtarë, e shohin si tentativë për censure e intimidim.

Përmbajtja e lajmit “fake news”  ose lajmi i rremë, në mediat online, është bërë shqetësim publik sipas qeverisë, por për këtë nuk ka asnjë lloj studimi statistikor, por vetëm deklarata publike nga aktorë në konflikt interesi, siç është qeveria, tha Koçiu.

Koçiu sqaroi se kryeministri nuk është se e ka këtë shqetësim vetëm me mediat online, por edhe me ekranet televizive pasi gjatë kohës së tërmetit, kryeministri Rama thoshte se do fikte ekranet, që do të thotë se shqetësimi i tij nuk ishte vetëm për mediat online.

Këto dy projektligje propozojnë 2 struktura që do të kontrollojnë mediat. Sipas këtyre projektligjeve AMA do të ketë një këshill i cili do të vlerësojë se nëse përmbajtja e lajmit është i vërtetë ose jo.

Këtu përfshihen jo vetëm lajmet e publikuara në mediat online, por edhe ato të ekraneve televizive.

“Pse duhet ngritur një strukturë nga dy trupa, që me ligj janë të pavarura, por që askush nuk e beson pavarësinë e tyre, pasi anëtarët e bordit të AMA-s psh por edhe kreu i AKEP, përzgjidhen politikisht.  Kodi penal dhe ai civil kanë të parashikuar në përmbajtjen e tyre dënimet për shpifjen, si nga qytetarët e zakonshëm, ashtu edhe për mediat, madje Kodi Penal e ka të cilësuar edhe vepren penale të shpifjeve dixhitale. AMA është autoriteti që kontrollon respektimin ligjor të etikës apo privatësisë e madje vendos edhe gjoba e ka vënë të tilla. Por në këtë rast, AMA-s i jepet fuqia e një “quazi” gjykate, për të kontrolluar përmbajtjen e lajmit, e të gjykojë vërtetësinë e tij e më pas të vendosë edhe gjoba. Frika jonë në këtë situatë qëndron në faktin, se ekziston një legjislacion që dënon shpifjen, si vepër civile apo penale, pra përse duhen këto ndryshime ligjore të propozuara nga qeveria dhe për më tepër të pakonsultuara nga askush. Ne këtë e shohim si tentativë për censure, pasi do të intimidojë gazetarët, duke i çuar së pari drejt vetëcensurës. Bashkimi Europian ka qenë më pranë qëndrimit të Organizatave të medias, pasi ambasadori Soreca e ka bërë të qartë në muajin Shtator se BE inkurajon vetërregullimin e mediave, atë c’ka kërkojmë të gjithë ne. Edhe organizatat tona partnere ndërkombëtare të gaazetarëve janë shprehur se media duhet të vetrregullohet përmes Kodit të Etikës. Pra dua të them që këtë vetërregullim të medias, nuk na e imponon dot qeveria, por e bëjmë ne si pushtet më vete. Edhe përfaqësuesi për lirinë e medias në OSBE, z.Harlem Desir kundërshtonte fort faktin që AMA merrte rolin enjë “quasi” gjykate, bazuar në një analizë juridike e bërë nga ekspertë të saj në Vjenë. Sot në komisionin e medias, ne e bëmë të qartë se nuk i pranojmë këto 2 projektligje, pasi i quajmë ndërhyrje në punëntonë. Media është “Whatch dog”, ruan qeverinë, nuk është qeveria ajo që kontrollon median. Fakti që këto 2 projektiligje janë ndryshuar 3 herë, do të thotë që presioni i ndërkombëtarëve ka funksionuar. Edhe tani OSBE ka kërkuar që të ketë ndryshime të tjera, pasi nuk përmbushin kushtet për të garantuar lirinë e medias”, tha gazetarja Mimoza Koçiu. / abcnews.al

endri-xhafo-hanxhari.jpg
nev ila18:00 | 09/12/2019

I ftuar në studio me gazetarin Endri Xhafo ka qenë Prof. Dr. Romeo Hanxhari, shef i katedrës së Gjeografisë në Universitetin e Tiranës. Prof. Hanxhari foli për menaxhimin e tërmetit dhe fatkeqësive natyrore. Sipas Prof. Romeo Hanxharit specialistët paralajmëruan rrezikun ndaj tërmetit që prej vitit 2006.

Pjesë nga biseda në studio:

Endri Xhafo: Në këtë letër që është jashtëzakonisht shumë e kthjellët. Ju thoni që ndër 19 tërmetet më të fortë të ndodhur në 25 vitet e fundit, ata më katastrofikët kanë patur për shkak pikërisht ekzistencën e banesave të ndërtuara pa një projekt inxhinierik dhe mos kujdesin në kohë të strukturave shtetërore për kontrollin dhe respektimin e normave anti-sizmike në të gjitha banesat dhe sillni raste tërmetesh të tillë në Iran, turqi, Egjipt. Ju thoni edhe diçka tjetër, vendet që nuk kanë qenë të gatshme kanë marrë masa, mendoni se kjo mund të ndodhë, sepse ju thoni që këto nuk janë fatkeqësi natyrore, janë fenomene natyrore, rrëshkitja e tokës, tërmeti, shndërrohen në fatkeqësi nga mungesa e menaxhimit nga ana e njeriut të fenomenit.

Romeo Hanxhari: Unë ju them studentëve të mi që dalin mësues. Mësojuni nxënësve që Tërmeti është në shtëpinë e vet, ne jemi bujtës në këtë territor, sepse jemi territor i ri, pra malet lëvizin nga pikëpamja gjeologjike, gjeo-morfologjike, tërmetet janë në shtëpinë e vet. Ne duhet tu mësojmë të gjithëve si të bashkëjetojmë me tërmetet, duhet t’ua  mësojmë, është ABC-ja, dhe kur kjo të ndodhë të mos themi: çfarë ishte kjo që ndodhi?! Por të gjendemi të përgatitur.

Endri Xhafo: Por edukimi nuk hyn vetëm te menaxhimi. Menaxhimi është një sërë faktorësh, menaxhimi do duhej të kishte filluar nëse parlamenti do kishte mbajtur parasysh sugjerimet tuaja për legalizimin apo jo?

Romeo Hanxhari: Menaxhimi ka katër faza: ka fazën e zbutjes, ku identifikohen pikat e dobëta dhe fillohet marrja e masave, përgatitja e cila përfshin edukimin, trajnimin për këto situata, më pas është faza e emergjencës që ne nuk e kishim, dhe menaxhimin e kishim keq.

Romeo Hanxhari: Çdo fenomen natyror ka një mënyrë të vetën të qasjes së njeriut ndaj tij. Që në momentin kur ndodh fatkeqësia, ka një protokoll që duhet ndjekur.

Endri Xhafo: Sekretari i Ministrisë së mbrojtjes tha se protokollet janë.

Romeo Hanxhari: Përgatitjet te ne kanë një lehtësi. Ne e marrim me lehtësi dhe nuk dinë nëse protokollet ekzistojnë, nuk dinë çfarë të bëjnë në një situatë apo në nj moment të caktuar. Evidentimi i standardeve të ndërtesave lë për të dëshiruar. Ndërtimi i dyshimtë futet të vepra kriminale. Shteti duhet ti evidentojë ndërtesat. Ndërtesat e reja që kanë edhe leje ndërtimi që nuk kanë respektuar rregullat ato janë krime, pra këtu jemi te veprat penale, këtu duhet të flasë drejtësia madje duhet të japë një leksion të mirë. Gabimi bëhet që kur kalohet direkt te ngjarja dhe fazat kyçe anashkalohen, por ato janë thelbësore për ta menaxhuar eventin kur ndodh. Këto faza trajtohen me lehtësi dhe nënvlerësim pikërisht sepse mendojnë se tërmeti ndodh 1 herë në 40 vjet, por nuk është e vërtetë sepse mund të ndodhë edhe pas një viti, është vlerësim probalistik. Ne nuk është se nuk kemi një hartë sizmike, por problemi është çfarë bëjmë me të. Ne nuk kemi një hartë të rrezikut ndaj përmbytjes, nuk kemi një hartë të rrezikut ndaj rrëshqitjes, që sigurisht duhen bërë, sepse jemi vend i ekspozuar ndaj këtyre rreziqeve.

Endri Xhafo: Presidenti i Republikës foli për nevojën e një harte të detajuar të rreziqeve në Shqipëri, jo vetëm për tërmetet, por edhe për përmbytjet.

Romeo Hanxhari: Në duhet të merremi seriozisht me rreziqet natyrore, duhet të fillojmë ta trajtojmë që në kopsht.

Endri Xhafo: Në tekstet mësimore në Shqipëri, përveç faktit pse ndodh tërmeti, a duhet të ketë një lloj edukimi, se si duhet të sillen njerëzit në rast tërmeti, ju e keni vënë në tekstet tuaja se çfarë duhet bërë në këtë rast?

Romeo Hanxhari: PO unë personalisht në tekstet e mia patjetër. Çfarë duhet të bëjnë, pikat e dobëta, çfarë duhet bërë përpara, gjatë dhe pas tërmetit se si duhet të menaxhojë veten në rast të këtyre fenomeneve natyrore. Kjo gjë duhet të futet në kurrikulat mësimore si e detyrueshme, si duhet të sillen nxënësit që të jenë të përgatitur si duhet të sillen ndaj fenomeneve natyrore./abcnews.al

SANTOS.jpg
ger ta13:59 | 07/12/2019

Në një intervistë për Abc News, me gazetaren Erisa Zykaj raportuesja për Shqipërinë në Parlamentin Europian, Izabel Santos u shpreh se vendi ynë duhet të vijojë reformat pasi dhe procesi i hapjes së negociatave me Bashkimin Europian nuk do të ndalojë.

Intervista e plotë:

Zonja Santos, ju jeni raportuese për Shqipërinë në Parlamentin Europian. Në vijim të mosmarrjes së vendimit për hapjen e negociatave të anëtarësimit me Shqipërinë dhe Maqedoninë e Veriut në samitin e 17 dhe 18 tetorit, janë krijuar dy grupe shtetesh anëtare. Një grup që mbështet propozimin francez për reformimin e procesit të zgjerimit dhe një grup tjetër që e pranon këtë reformim, por kërkon paralelisht hapjen e negociatave të anëtarësimit me të dyja vendet. Cili është qëndrimi juaj ?

“Metodologjia aktuale është shumë burokratike dhe nuk i përgjigjet nevojave të vërteta të vendeve kandidate dhe as të Bashkimit Europian. Vitet kalojnë, realiteti po ndryshon dhe ne mund ta përmirësojmë procesin. Nga ana tjetër kemi hapjen e negociatave të anëtarësimit të Shqipërisë dhe Maqedonisë së Veriut dhe të gjithë këtu në Parlamentin Europian konsiderojnë se duhet të ecim përpara me këtë proces. Ne nuk mund të ndalim hapjen e negociatave të anëtarësimit me Shqipërinë dhe Maqedoninê e Veriut. E vetmja gjë që ne i kërkojmë Shqipërisë është që të mos ndalë reformat. Mos e shihni mungesën e vendimit të shteteve anëtare të Bashkimit Europian si një sinjal që procesi i reformave duhet ndalur. Jo. Në jetën politike, ashtu si në jetën tonë të përditshme, kemi dy opsione: Ose të heqim dorë nga objektivi, ose të përpiqemi edhe më shumë për ta arritur atë. Eshtë e vërtetë që kemi një moment i vështirë. Por ky moment i vështirë mund të na shërbejë si një impuls nëse duam ta kapërcejmë këtë krizë tê vogël” .

A është Parlamenti Europian në sinkron me të gjitha institucionet europiane për reformat?

“Sigurisht, se ato nuk bëhen për shkak të një kërkese të Bashkimin Europian. Ato janë tê rëndësishme për Shqipërinë dhe qytetarët shqiptarë dhe rrjedhimisht, politikanët dhe shoqëria shqiptare duhet të vijojë me këto reforma. Procesi i anëtarësimit ka qenë shumë i rëndësishëm për transformimin e vendit tim Portugalisë, që para kësaj faze ishte shumë i varfër. Brezi im është dëshmitar i transformimit të rëndësishëm që procesi i anëtarësimit solli për forcimin e demokracisë, për mënyrën dhe standartet e jetesës, për rritjen ekonomike, punësimin, arsimin, shëndetësinë, apo bujqësinë. Gjithçka. Ndryshimi midis momentit kur vendi u bë anëtar dhe para anëtarësimit është kaq i madh, sa kjo tregon qartësisht se sa i rëndësishëm është kalimi përmes këtyre reformave. Sigurisht që disa prej reformave kërkojnë sakrifica të mëdha dhe përpjekje gjigande. Por Shqipëria duhet të lëvizë drejt kêsaj rruge për të qenë pjesë e këtij projekti të demokracisë, paqes, stabilitetit, dhe prosperitetit, pasi ajo ka nevojë për rritje ekonomike, punësim dhe për t’ju përgjigjur pritshmërisë së brezit të ri . Prandaj duhet të punojmë fort muaj e ardhshëm. Unë si raportuese për Shqipërinë, do jem krah për krah Shqipërisë në muajt dhe vitet e ardhshme

Për hapjen e negociatave, kërkohen përmbushja e dy kushteve: Funksionimi i Gjykatës Kushtetuese dhe Gjykatës së Lartë dhe reforma zgjedhore. A arrihet para marsit, duke qenë se komisioneri  për zgjerimin, Olver Varhelyi synon hapjen e negociatave me të dyja vendet në mars?

Eshtë angazhimi i tij dhe ne jemi shumë të kënaqur me këtë angazhim. Ne jemi të gatshëm për mbështetje. Presim përgjigjjen e Shqipërisë. Besoj, se do bëhet e mundur. Reforma elektorale duhet të bëhet sipas rekomandimeve të OSBE/ODHIR. E njoh shumë procesin e reformës elektorale, pasi kam qenë zëvendëspresidente e asamblesë parlamentare të OSBE-së dhe kryetare e komisionit të të drejtave të njeriut në këtë asamble. Kjo reformë është shumë e rëndësishme pêr demokracinë tuaj, për transparencën e sistemit tuaj elektoral, si dhe besimin e qytetarëve në procesin elektoral. Sigurisht që funksionimi i Gjykatës Kushtetuese dhe Gjykata e Lartë është një kërkesë mëse e kuptueshme. Vendi duhet të sigurojë që këto dy struktura thelbësore të jenë funksionale dhe të ketë një proces elektoral transparent dhe në përputhje me standartet ndërkombëtare./abcnews.al

 

RAKIPI-1280x614.jpg
ent ela09:10 | 22/11/2019

“Kanë filluar të dalin fjalë që mund te jetë Soreca. Nëse kanë një video për Sorecën, që Rilindja i ka dhënë një zv/ministre në përdorim, autoritetet duhet ta nxjerrin dhe ta thonë. Për mua nuk është e rëndësishme nëse është blerë me një dashnore një ambasador i madh këtu, për mua është e rëndësishme pse është një keqbërës ambasadori Soreca”. Kështu shprehet Ylli Rakipi në studion e ABC News, ndërsa i referohet ambasadorëve dhe qëndrimit të ndërkombëtarëve.

Sipas Rakipit, ambasadori Soreca nuk e ka ngritur asnjëherë zërin për çështje që shqetësojnë shqiptarët si kanabisi dhe korrupsioni.

“Një ambasador i cili mendohet se është implikuar. Pse është një keqbërës ambasadori Soreca,? E keni dëgjuar ju të ngrihet e të thotë që Shqipëria është e mbushur me kanabis.

A e ka parë Soreca që Shqipëria ka qenë e mbushur me kanabis, Shqipëria për shkak të krimit, kanabisit është kthyer në vend të rëndësishm të transportit të saj. Këto janë problematikat që opozita politike e cila nuk ekziston duhet t’i ngrerë dhe jo të thotë budallallëqe për ambasadorin”. /abcnews.al

 

JULI-ME-PREC-ZOGAJ.mpg_snapshot_19.08-1280x720.jpg
ent ela18:12 | 19/11/2019

Më shumë politike e ka konsideruar analisti Preç Zogaj përplasjen e fundit President-Parlament-Qeveri. Sipas tij kjo ka ardhur në kuadër të tranzicionit të reformës në drejtësi.

“Nuk jemi te drejtësia e re, por drejtësia tranzitore. Nganjëherë është më keq, kjo tranzitorja rezulton më e keqe dhe në këtë kuadër ka lindur ky konflikt i madh për të cilin unë nuk kam kompetencë të gjykoj, por mendoj se është rruga e duhur për t’i dhënë rrugë ligjore konflikteve”.

Përplasje juridike apo politike?

“I ka të dyja se reflektojnë njëra-tjetrën, por për mua është pak më shumë politike por me bazë juridike. Nuk jam dakord që kjo është prova historike se reforma në drejtësi nuk ka filluar akoma”.

Dhe në këtë kontekst Zogaj e sheh me optimizëm rezultatin e pritshëm të reformës në drejtësi, pasi sipas tij është bërë në bashkëautorësi të SHBA-së dhe Gjermanisë dhe është votuar me konsensus nga palët.

“Themelore është që kemi nën kuadër kushtetues të reformës në drejtësi që është votuar me konsesnus, është miratuar ka kaluar dy herë në komisionin e Venecias ka bashkaautorësi nga SHBA e Gjermaninë  po gjatë rrugës ka prodhuar firo e difekte po në zbatim e sipër mekanizmi është vënë në lëvizje, dhëmbëzat e këtij mekanizimi po fillojnë të rrotullohen, gjen dhe lecka që e ngadalësojnë po është i pandalshëm, do kemi SPAK , që nuk e kemi pas që do të jetë një institucion që do të asistohet fuqishëm nga Shba e Gjermania dhe përbëhet nga prokurorë që kanë kaluar një mori filtrash dhe nuk kanë më asnjë arsye për të mos qenë të pavarur. BKH e Gjykata Speciale do të ngrihet mbi këto principe”.

I pyetur për vendimin epresidnetit Meta për shpalljen non grata të ambasadorit të OSBE në Shqipëri Borchardt, Zogaj thotë se është një vendim i pavlerë pasi ai mund të rrijë në Shqipëri, ndërkohë i kujton presidenti që ne jemi një vend që njohim institucionin e faljes.

“E ka shpallur të padëshirueshëm në zyrën e tij. Është vendim, nuk ka vlerë, ai mund të rrijë në Shqipëri, nuk mund të shkojë përtej mjediseve të Presidencës se është vendim që kërkon t’i nxjerrë një nam të keq ambasadorit. Është gjesti i tij, ai ka kërkuar falje, ne jemi vend që e njohim institucionin e faljes.

OSBE është organizatë më e madhe se individi, e  ka shpjeguar që ka qenë me gruan e vet, pavarësisht kësaj, gjesti është i pajustifikueshëm. Reflekton një akumulim emocionesh politike në rritje, por nuk e ndryshojnë kursin e ngjarjeve, kursi është i programuar, Shqipëria do shkojë drejt drejtësisë së re, jo në kohën që pritej, por as në kohë të largët”. /abcnews.al

zogaj.jpg
ent ela17:51 | 19/11/2019

“Nuk mund të shkojmë në zgjedhje të parakohshme pa në reformë zgjedhore që të mbyllë ca korridore manipulimi e shkeljesh që janë reale”. Është ky qëndrimi që ndau në studion e ABC News me Juli Xokaxhi analisti Preç Zogaj. Sipas tij opozita duhet të shkojë drejt zgjedhjeve për t’i fituar, jo thjesht për të bërë zgjedhje.

“Zgjedhjet  e parakohshme janë të nevojshme në Shqipëri, duhet të analizojmë me profesionalizëm, të mos ecim kuturu, loja është e rëndë, duhet të shkojmë drejt zgjedhjeve për t’i fituar jo thjesht për ti bërë, se nëse nuk i fitojmë zgjedhjet i zgjasim mandatin Ramës.

Nuk mund të shkojmë në zgjedhje pa një reformë zgjedhore që të mbyllë ca korridore manipulimi shkeljesh që janë reale, te numërimi, administrimi i zgjedhjeve janë një mori elementësh që kërkojnë të marrin formë përfundimtare, pastaj të fillojë të funksionojë reforma në drejtësi tani ka dhe një artikulim në mëbshtetje të drejtësisë së re, fillimi i drejtësisë së re natyrshëm do të çojë në zgjedhje të parakohshme, duhet të startojmë nga vota e lirë. Për mua duhen zgjedhjet e parakohshme, jo sot e nesër. Nëse nuk jemi aty ku duhet më mirë të punojmë më shumë. Produkti i reformës ndihmon më shumë opozitën se qeverinë”.

I pyetur nëse jemi afër zgjidhjes së kësaj situate, Zogaj thotë se zgjidhjen në nivelin makro e kanë dhënë ndërkombëtarët.

“Ata nxisin dhe shtyjnë në suazën e këtyre kërkesave që kanë të bëjnë me reformën zgjedhore dhe vazhdimin e ngritjes së institucioneve të drejtësisësë re, që nuk varet nga partitë. Kuadrin e  zgjidhjes  në nivelin makro e kanë dhënë ndërkombëtarët dhe nuk e lëviz kush”. /abcnews.al

 

 

zogaj1.jpg
ent ela17:32 | 19/11/2019

Analisti Preç Zogaj ka përjashtuar mundësinë e kapjes së sistemit të ri të drejtësisë, pais sipas tij drejtësia e vjetër ka qenë e kapur nga pushteti i radhës. I ftuar në studion e ABC News, Zogaj theksoi se sot ka përpjekje për ta tribluar dhe vonuar, por sipas tij nuk ka asnjë rrugëdalje tjetër veç ngritjes së institucioneve të drejtësisë.

“Situata është e paqartë, e ndërlikuar, sidomos ditët e fundit është një situatë juridike jo shumë e qartë për publikun. Nuk kuptohet qartë nga njerëzit dhe për fat të keq konflikti është për atë institucion që duhet të gjykonte konfliktet e tjera dhe duket pa rrugëdalje, por vendi do shkojë drejt ngritjes së Gjykatës Kushtetuese, reforma në drejtësi po ecën, po ngrihet SPAK e BKH dhe këto janë arritje të rëndësishme dhe paralel Gjykata Kushtetuese dhe Gjykata e Lartë, por në thelb reflekton një mundim dy vjeçar për ngritjen e reformës në drejtësi, kaq e rëndësishme ëhtë kjo reformë që pritet t’i japë fund periudhës së tranzionit për një fillim të ri në Shqipëri. Ka përpjekje për ta penguar.

Unë këtë të kapjes në dallim nga shumë të tjerë e përjashtoj, e kapur ishte se ekzistonte si e kapur. Qeveria e kryeministri i radhës e kishte drejtësinë në dorë, në momentin që ndodhte rrotacioni drejtësia i ofrohej sistemit të ri. Nga kjo pikëpamje drejtësia ishte e kapur, më të kapur Rama kishte të vjetrën jo këtë sot. Bëhet fjalë për një reformë shumëvjeçare, për kapje nuk flas, por përpjekje për ta tribluar dhe vonuar pak”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono