a1Instant

horoskop-5-1.jpg
ger ta07:25 | 27/01/2020

Horoskopi, 27 janar 2020

Dashi
Ka për të qenë një kohë mjaft e ngjeshur me punë. Duhet t’u jepni përparësi punëve kryesore, duke lënë pak pas dore gjërat e parëndësishme. Sa i përket aspektit financiar, tregoni pak më shumë kujdes me shpenzimet.

Demi
Ju jeni aq inteligjentë sa të kuptoni se jo gjithçka që shkëlqen është ar, por sot do të jetë më lehtë se kurrë të shihni të vërtetën prapa fronteve të rreme të njerëzve. Disa njerëz janë duke u përpjekur seriozisht t’ju bëjnë të besoni diçka që nuk është e vërtetë.

Binjakët
Ju i keni formuar opinionet tuaja përmes përvojave të jetës dhe keni çdo të drejtë t’u qëndroni besnik atyre. Sidoqoftë, duhet të kuptoni që njerëzit e tjerë kanë arritur në përfundimet e tyre përmes mënyrave të tyre legjitime. Ju nuk mund të skualifikoni një opinion vetëm sepse nuk përputhet me tuajin.

Gaforrja
Ju do të duhet të bëni maksimumin që një problem personal të mos dalë në publik. Sa i përket aspektit profesional, mund të kaloni momente stresi, të cilat janë kalimtare. Çdo problem do ta kaloni falë mbështetjes së disa miqve të mirë.

Luani
Ju nevojitet më shumë ekuilibër në jetën tuaj. Kjo gjë vlen edhe në aspektin sentimental. Shtojini pak më shumë ëmbëlsi raportit tuaj dashuror. Një darkë romantike do ta bënte ditën tuaj më speciale.

Virgjëresha

Mund të kaloni momente nervozizmi në vendin e punës. Disa pengesa të vendosura artificialisht ju kanë shqetësuar, por kështu nuk zgjidhni asgjë. Duke reflektuar në mënyrë të qetë do të arrini të gjeni zgjidhjen e duhur.

Peshorja
Aspekti romantik paraqitet më i fortë sot falë edhe disa zhvillimeve që kanë ndodhur rreth jush. Shijojeni në maksimum këtë moment pozitiv që aspekti planetar ju ofron sot.

Akrepi
Shansi sot mund t’ju ofrojë disa rezultate interesante. Për disa nga të lindurit në shenjën tuaj, shansi mund t’i favorizojë në dashuri, ndërsa disa të tjerë në aspektin financiar.

Shigjetari
Në mënyrë që të jeni të lumtur dhe të shëndetshëm tani, duhet të keni më shumë disiplinë në jetën tuaj. Ushtrimet fizike janë shumë të këshillueshme për disa nga të lindurit në shenjën tuaj.

Bricjapi
Ju nuk keni nevojë për udhëzime nga të tjerët që të dini si ta drejtoni jetën tuaj. Të qenit pjesë e një komuniteti është e rëndësishme, por sot duhet të kuptoni se përparësia jeni vetëm ju.

Ujori
Është me rëndësi që të trajtoni me respekt çdo person, duke nisur nga kolegët tuaj. Duhet të buzëqeshni. Duke përçuar energji pozitive, do të arrini të përmirësoni jetën tuaj personale.

Peshqit
Shpërthime të papritura nga njerëzit e bezdisshëm mund t’ju shkaktojnë stres sot. Gjithsesi, nëse përgatiteni fizikisht dhe mendërisht, mund të shmangni peshën e dramës. Në aspektin financiar do t’ju duhet të shpenzoni më shumë, por kjo nuk do t’jua dëmtojë ekonominë.

trump-6.jpg
ger ta07:15 | 27/01/2020

Presidenti i SHBA-ve, Donald Trump ka refuzuar propozimin e Iranit për rikthim në bisedime me heqjen e sanksioneve.

Lajmin e ka bërë me dije vetë kreu i Shtëpisë së Bardhë. “Jo, faleminderit!”, ka shkruar Trump në llogarinë e tij në Twitter duke iu përgjigjur propozimit të Iranit se mund të rikthehet në bisedime me SHBA-të nëse hiqen sanksionet.

Përgjigjia e Trumpit vjen pas deklaratës së ministrit të Jashtëm iranian, Mohammad Javad Zarif, i cili tha se vendi i tij është i hapur për bisedime në rast të heqjes së sanksioneve.

“Ministri i Jashtëm iranian thotë se dëshiron të bisedojë nëse hiqen sanksionet. Jo, faleminderit!”, ka shkruar në llogarinë e tij Trump.

Në një deklaratë për revistën gjermane “Der Spiegel”, Zarif tha: “Për ne nuk ka rëndësi se kush ulet në Shtëpinë e Bardhë. E rëndësishme është se si ata veprojnë. Qeveria e Trumpit mund ta rregullojë gabimin e bërë në të kaluarën, mund të heqë sanksionet dhe mund të rikthehet në tryezën e bisedimeve. Ne akoma jemi në tryezën e bisedimeve. Janë ata që janë larguar”.

GAbigol-e1580063999440.jpg
Veronik Istrefaj23:57 | 26/01/2020

Ditët e fundit të merkatos së janarit, do të jenë ditë të ngarkuara për Interin. Jo vetëm për faktin se zikaltërit po presin përforcime në merkato, por mund të ketë dhe të larguar. Duket se Eriksen do të kryejë vizitat mjekësore nesër, ndërsa sot, po punohet për një tjetër futbollit.

Siç raportojnë mediet italiane, sot ka mbërritur në Milano zv. presidenti i Flamengos, i cili do të mbyllë negociatat me drejtuesit e Interit për kartonin e sulmuesit Gabriel Barbosa.

Gabigol me shumë gjasa do të jetë lojtar i Flamengos dhe për kartonin e tij, klubi brazilian do të paguajë 18 milion euro, si dhe do i lërë Interit klauzolë prej 20% në rast të një shitje në të ardhmen. Zikaltërit duket se do e pranojnë këtë ofertë./abcnews.al

Kobe-Maria.jpg
Veronik Istrefaj22:24 | 26/01/2020

Bota e sportit është tronditur sot nga vdekja e basketbollistit legjendar, Kobe Bryant. 41 vjeçari u nda nga jeta pas një përplasje me helikopter pak minuta më parë në Kaliforni.

Së bashku me Bryant, kanë mbetur të vdekur dhe katër persona të tjerë dhe pak çaste më parë, u konfirmua se vajza e tij, Gianna Maria, ka ndërruar jetë. Vetëm 13 vjeçe, Maria po udhëtonte me babanë e saj me helikopter drejt “Mamba Academy”, akademia e sporteve e Kobe Bryant.

Tjera lajme të dhimbshme këto, ndërsa dyshohet se dhe një nga tre vajzat e tjera të Kobe Bryant ka qenë në bord./abcnews.al

abazaj.jpg
Igli Nikolli21:40 | 26/01/2020

Kristal Abazaj vendosi sfidën delikate kundër Partizanit dhe i dha fitoren Kukësit me golin e shënuar në pjesën e dytë. 23-vjeçari shënoi golin e parë të Kukësit në “Air Albania Stadium” dhe analizoi ndeshje në emisionin “Gol pas Goli” në Supersport.

FITORJA – “Ndjenjë shumë e bukur, luanim në stadium e ri. Goli na dhuroi fitoren dhe jam i lumtur. Vinim nga një situatë negative. Ishte një nënvlerësim ndeshja në Gjirokastër. Të gjitha ekipet aty janë, me një fitore vendi i tretë vjen në vend të parë. Është kampionat i çuditshëm mund të them”.

TRAJNERI – “Trajneri rrezikon, por nuk është se po e bëjmë për inat të tij. Na qëlloi ndeshje e keqe në Gjirokastër dhe reaguam sot. Me trajnerin kemi marrëdhënie shumë të mirë, jo vetëm Abazaj por të gjithë çunat”.

POZICIONI – “Në Gjirokastër po luanim me dy pyka. Kur lodhet Enisi në krah të majtë, ndryshojmë krahët për të rregulluar ai frymëmarrjen. Ndonjëherë na ka dalë mirë dhe ndonjëherë jo”.

GOLI – “Ishte gol, kur i ngrita topin portierit shkova në fundore dhe e pashë që ishte gol. Mendimi im ky. Titulli? Kemi për të rregulluar diçka. Disa ndeshje i nisim lehtë, kjo është mangësia më e madhe. Ekipin dhe grupin e kemi, besoj se do ia dalim të fitojmë titullin”. /abcnews.al

Sormani-Partizani.jpg
Veronik Istrefaj21:30 | 26/01/2020

Adolfo Sormani, trajneri i Partizanit, tha për Supersport pas humbjes ndaj Kukësit se rezultati ishte i padrejtë. Sipas strategut italian, Kukësi nuk e meritonte më shumë se Partizani i tij për të fituar.

NDESHJA – “Kukësi nuk e ka merituar diçka më shumë se Partizani. Punojmë bashkë prej 20 ditësh, por që tani po i shikoj idetë e mia që implementohen në lojë, skuadër e shkurtër, agresive. Mëkat për faktin se ai gol lind nga një top i humbur nga lojtarët tonë dhe është mëkat që humbin në këtë mënyrë. Ishte një ndeshje e ekuilibruar, madje ne në pjesën e dytë ishim më dominues se Kukësi. Rezultati nuk është i drejtë, më i merituar ishte një barazim”.

ARBITRIMI – “Unë për episodet nuk diskutoj kurrë, nuk vë në dukje as çështjen e golit, e as një gjë tjetër. Tre minuta shtesë ishin me të vërtetë pak, pasi për atë mënyrë si shkoi ndeshja, ishin pak”.

GOLI – “Refuzoj ta komentoj, nuk komentoj episodet. Koha do të jetë në favor të Partizanit, pasi skuadra është përmirësuar shumë. Duke pasur parasysh edhe mungesat, kemi bërë ndeshje shumë të mirë. Nuk më interesojnë episodet, vetëm skuadra ime, që dua të përmirësohet sa më shumë”.

DISTANCA – “Nuk shqetësohem për distancën. Ajo që më shqetëson është skuadra brenda lojës. Duhet të vertikalizonim më shumë për sulmuesit. Kemi organikën për të bërë mirë dhe deri në fund, do të jemi aty për të luftuar për titull”.

MESFUSHA – “Për sa i përket mesfushës, nuk improvizova shumë. Ferati luajti, një djalë i ri, bëri një ndeshje të shkëlqyer. Çinari dhe Trashi? Zgjedhjet bëhen sipas asaj që shikoj në stërvitje. Nuk vuajtëm në këtë repart”, u shpreh Sormani./abcnews.al

1-10.jpg
Veronik Istrefaj21:07 | 26/01/2020

Kobe Bryant ka ndërruar jetë pak orë më parë pas një përplasje me helikopter, në moshën 41 vjeçare. Lajm i trishtë ky për të gjithë botën e sportit, pasi Bryant ishte legjendë e NBA dhe një ndër sportistët më të dashur.

Kobe Bryant ishte një tifoz me Milanin dhe klubi gjigant italian, nuk mund të mos shprehte ngushëllimet për familjen e ish-basketbollistit.

“Nuk kemi asnjë fjalë të shprehim faktin sa të shokuar jemi pasi morëm vesh lajmin tragjik. Një nga sportistët më të mëdhenj në histori ka ndërruar jetë. Tifoz i Milanit, Kobe Bryant ishte një njeri i madh. Ngushëllimet tona më të mëdha për familjen e Bryant dhe atyre që janë prekur nga kjo tragjedi. Do të na mungosh gjithmonë, Kobe!”/abcnews.al

Bylis-1.jpg
Veronik Istrefaj20:27 | 26/01/2020

Bylisi u mposht sot nga Teuta me rezultatin 1-0. Ndeshja e luajtur në “Niko Dovana” nuk kaloi pa kontestime, pasi ekipi ballshiot pretendoi për një penallti dhe për disa raste të tjera të dyshimta. Pas mbylljes së takimit, faqja zyrtare e Bylisit ka kërcënuar me tërheqje nga gara, pasi sipas tyre, arbitrat e kanë bërë baltë.

“E panë të gjithë se çfarë ndodhi në ndeshjen me Tiranën, kur jemi mundur nga dy gola me dorë. Nuk reaguam, duke pritur që të merren masa, ndërkohë që sot në Durrës gjyqtari e bën baltë dhe kush e ka parë ndeshjen nuk na nevojë për shumë komente.

Tërë lojën jemi penalizuar. Një gol që na anulohet, shumë i dyshimtë pasi topi kalon vizën. Kartonë pa kriter kundër lojtarëve tanë, ndërsa nuk ndodh kështu me kundërshtarin dhe i vë “kapakun” një penallti që na anulohet!

Familja Kapllanaj investon prej 15 vitesh dhe si ka mundësi që nuk është marrë 1 pikë në Durrës, por është e njëjta histori në çdo ndeshje?!

Kjo është skandaloze dhe ne si klub, që deri më tani kemi qenë ekipi më simpatik i garës, kërkojmë që sa më shpejt nga organet kompetente të nxirren para përgjegjësisë fajtorët, në mënyrë që mos të na bëjnë edhe neve “pis” e të kalojmë në vetëgjyqësi.

Me sa duket në Shqipëri, ashtu si në çdo fushë tjetër, edhe në futboll u dashka që të funksionojë “Ligji i Xhunglës”. Këtë e bëjmë për transparencë për të gjithë ata që e duan futbollin e bukur dhe për mediat që kanë pasqyruar deri më tani ecurinë e bukur të skuadrës sonë, në mënyrë që nesër mos të jetë vonë!

Prandaj dhe për të mos rënë “pre” e këtij pisllëku, nëse nuk analizohen padrejtësitë që po na bëhen, ne që nga sot nuk do të jemi më pjesë e garës, në Kupën e Shqipërisë apo dhe në kampionat. Është e kotë dhe këtu s’mjafton as të investosh, e as të luash bukur duke i bërë nder garës…”, shkruhet në reagimin e Bylisit/abcnews.al

Simeone-e1580067179812.jpg
Igli Nikolli20:18 | 26/01/2020

Atletico Madrid regjistroi një tjetër rezultat negativ dhe mori vetëm një pikë përballë Leganes. Djemtë e Diego Simeones luajtën dobët në pjesën e parë, ndërsa në 45 minutat e dyta ishin më mirë, edhe pse nuk arritën të shënonin golin e fitores. Ndeshja shtëpiake u mbyll pa gola dhe trajneri argjentinas e analizon në këtë mënyrë përballjen e sotme.

Në pjesën e parë nuk ia dolëm të shprehnim futbollin që donim të luanim. Është normale të zbresësh në fushë me më pak siguri te vetja dhe me ankth pas dy humbjeve radhazi. Pjesën e dytë e nisëm më mirë dhe tifozët na mbështetën në këtë moment të vështirë.

Nuk fitohet ndeshja nga emrat e mëdhenj, por nga përqendrimi dhe vendosmëria e gjithë skuadrës. Këto cilësi i treguam vetëm në pjesën e dytë. Nga ky moment dalim duke punuar fort, vetëm kështu do e rifitojmë besimin e humbur“, thekson Diego Simeone. /abcnews.al

elgit-klea.jpg
nev ila20:02 | 26/01/2020

Klea Huta dhe Elgit Doda kanë kurorëzuar në martesë dashurinë e tyre disa vjeçare.

Nga fotot e publikuara nga çifti në profilet e tyre në instagram vendndodhja e tyre është në Agafay Désert Marrakech.

E konfirmuar nga vetë Elgiti është se ai tha PO.

Me frazën: “Unë thash po”, Elgiti ka zgjedhur të shoqërojë të vetmen foto që ka publikuar.

Po ashtu edhe e fejuara e tij, tashmë bashkëshortja Klea Huta ka ndarë në profilin e saj në Instagram foto ku shihet e veshur nuse.

Nuk kanë munguar urimet e shumta për çiftin në të cilin nuk ka munguar edhe urimi i Jonida Maliqit e cila uron për lumturi përgjithmonë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono