Foto galeri

vajza.jpg
Autor E17:30 | 04/11/2019

Kosovarja ka marrë vëmendjen e madhe në rrjetet sociale me një postim që tashmë ka marrë gati gjysmë milion pëlqime.

Vajza me emrin Kristiana Kuqi ka bërë një postim me të vërtetë interesant në profilin e saj në Twitter.

Ky postim tashmë ka marrë vëmendjen e botës dhe po komentohet e shpërndahet gjithandej.

Ajo ka publikuar disa fotografi të saj nëpër vende të ndryshme të botës ku ka shëtitur, ndërsa shihet me meshkuj të ndryshëm duke i puthur në buzë.

E me anë të këtyre postimeve, ajo tregon se qëllimi i fotove ishte që “të tjerët të mendojnë se po argëtohet”.

Në foton me djalin në Paris, ajo shkruan: “Shpresoj që ky djali që e kam takuar tek Kulla e Eiffel dhe i kam kërkuar që të bëjmë njjë foto bashkë duke u puthur në mënyrë që të mund të shtirem se kam kaluar kohë romantike në Paris, ka një jetë të mirë.”

Më pas ajo vazhdon me fotot e tjera, ku e radhës është fotoja në Romë, në të cilën ajo thotë: “Shpresoj që edhe ky djali që e takova në Romë po kalon mirë gjithashtu <3 “.

Ndërsa tek fotoja e tretë gjithashtu ka një porosi për mashkullin e radhës: “Dhe zjarrfikësi që intervenoi tek një zjarr në një dasmë që isha në Kentucky. Shpresoj që edhe ai është mirë <3.”

Kristiana, e cila sipas të dhënave në profilin e saj, është studente e diplomuar në një kolegj në Amerikë, në bazë të postimeve të saj është një vajzë që ka udhëtuar shumë dhe ka njohur kultura të ndryshme.

Ndërsa komentet në postin e saj tashmë të famshëm, të gjithë e përgëzojnë për mendjen e hapur dhe për guximin që ka marrë për ta bërë këtë gjë, me të cilën duket se është argëtuar dhe i kanë mbetur kujtime të mira. /express

eenca.jpg
Autor E21:40 | 02/11/2019

Enca, së shpejti do ta publikojë një këngë të re.

Përmes një fotografie të cilën e publikoi në Instagram, artistja paralajmëroi videoprojektin e ri, por nuk dha detaje.

Artistja shfaqet tepër tërheqëse me një kostum që ia vë në pah linjat joshëse.

“Kënga e re po vjen, qëllojani titullin e këngës së re. Nëntor 2019. Erë e re“, shkroi ajo krahas fotografisë.

gridaa2.jpg
Autor E16:45 | 02/11/2019

Ish-deputetja e Partisë Demokratike Grida Duma është padyshim një nga politikanët shqiptare më të komentuara.

Kjo shpeshherë pasi ajo kujdeset dhe kurohet në cdo detaj dhe veshjet e saj shpeshherë janë konsideruar të shtrenjta dhe luksoze.

Por nëse do të shohim me kujdes veshjet e Grida Dumës do të vëmë re se një detaj, ajo nuk e ndryshon kurrë.

Duma mban gjithnjë rrip në mes të veshjeve të saj.

Për me tepër ju mund të ndiqni galerinë me fotografitë e ish-deputetes. /albeu.com

gjetja.jpg
Autor E16:34 | 02/11/2019

Një grup artefaktesh janë publikuar sëfundmi në Britaninë e Madhe, ku mes tyre është edhe një helmetë e artë, e cila është përdorur gjatë luftrave mes mbretërive të krishtera edhe atyre pagane.

Bëhet fjalë për rreth 14 shekuj më parë, pikërisht rreth vitit 650 kur krishtërimi kishte më pak se dy shekuj që kishte hyrë në ishullin britanik.

Helmeta si edhe një kryq i artë bashkë me disa orendi të tjera të arta u gjetën gjatë kërkimeve me detektor nga një i apasionuar pas kësaj fushe, ndërsa konsiderohen si “një ndër zbulimet më të mëdha të arkeologjikë britanike”, raporton albeu.com.

Mendohet se helmeta i përket Mbretit Penda, i cili njihet për luftrat e mëdha të zhvilluara në ishull.

77.jpg
Autor E15:53 | 02/11/2019

Dimri pritet të vijë në kuptimin e plotë të fjalës gjatë javës së ardhshme në vendin tonë.

Duke filluar nga e hëna deri në fundjavë, thuajse i gjithë vendi do të karakterizohet nga reshje të dendura shiu si edhe stuhi rrufesh kryesisht në jug-lindje dhe veri-perëndim për shkak të rrymave ajrore që vijnë nga kontinenti Europian, raporton Albeu.com.

Ndërkohë që në pjesë të tjera të vendit priten reshje të dendura dhe rrufe, kryesisht në zonat bregdetare në jug të vendit parashikohen edhe stuhi gjatë ditës së premte.

Meteorologët grekë bëjnë thirrje për pjesën detare të veriut të Greqisë, por edhe të vendit tonë që banorët të shmangin futjen me varka të vogla të det si edhe të marrin masat për pritjen e cikloneve të vegjël që mund të shkaktojë dëme materiale.

Shikoni KËTU parashikimin për gjithë javën në kohë reale.

Moti mesditen e se premtes

Moti mesditen e se henes
vlore.jpg
Autor E10:42 | 01/11/2019

Policia e Vlorës ka kryer një operacion në fshatin Ploçë të Vlorës duke sekuestruar armë dhe drogë.

Operacioni u krye nga Seksioni për Hetimin e Narkotikëve ku në bazë të informacioneve të marra në rrugë operative, falë reagimit dhe bashkëpunimit të ngushtë me qytetarët, ka bërë arrestimin në kushtet e flagrancë të shtetasit I. S.

Nga kontrolli i ushtruar në banesën e tij, Policia ka gjetur dhe sekuestruar 6.6 kg lëndë narkotike, e dyshuar si cannabis sativa dhe një sasi municioni prej 996 fishekësh luftarakë.

Materialet iu referuan Prokurorisë, në ngarkim të tij, për veprën penale “Prodhimi dhe shitja e narkotikëve” dhe “Mbajtja pa leje e armëve dhe municioneve luftarake”.

showtime.jpg
Autor E14:44 | 31/10/2019

Policia greke ka zbuluar detaje të tjera në lidhje me operacionin për kapjen e një grupi trafikantëshg të drogërave të forta, mes të cilëve edhe dy shqiptarë.

Deri më tani krahas shqiptarëve është arrestuar edhe një kroat.

Mediat e Athinës raportojnë se janë sekuestruar 104 kilogramë kokainë dhe një shumë parash që varion nga 500 mijë-600 mijë Euro.

Aksioni policor u zhvillua në një apartament në Athinë.

Qeset e kokainës ishin të fshehura brenda një ene të mbushur me rërë. Pakot e ‘pluhurit të bardhë’ ishin të stampuara me mbishkrimi apo logo të ndryshme.

Në disa shkruhej ‘Show Time’ (koha për shfaqje) dhe në të tjera kishte imazhe të ndryshme. Operacioni i Policisë së Athinës është organizuar në bashkëpunim me DEA-n amerikane.

Sipas autoriteteve greke, organizata kriminale ishte e strukturuar mjaft mirë dhe profesionale. Kjo duket në sasinë e madhe të lëndës narkotike, logot e vendosura mbi pako dhe organizimin e tyre.

Në mesin e tre të arrestuarve është edhe drejtuesi i këtij rrjeti. Ky i fundit ishte përgjegjës për blerjen, ruajtjen dhe shpërndarjen e kokainës.

Anëtari i dytë ishte përgjegjës për sigurinë dhe transferimin tek blerësit, ndërsa i treti ishte përgjegjës për mbledhjen e parave.

Policia sqaron se organizata kriminale do të fitonte 5 milionë Euro nëse kjo sasi kokaine do të hidhej në treg.

 

dfjalii.jpg
Autor E14:33 | 31/10/2019

Josh Brooker, 27 vjeç ishte mësues në Britani dhe një njeri i apasionuar pas udhëtimeve por në një nga udhëtimet e tij të radhës diçka shkoi keq.

Josh shkoi këtë herë të vizitonte Vietnamin por u pickua nga një insekt në kokë shkruan albeu.com.

Fatkeqsisht insekti e infektoi të riun me bakterin e frikshëm stafilokok i cili infektoi shumë shpejt edhe mushkëritë e tij.

Stafilokoku njihet ndryshe si një nga infeksionet që mund të cojë edhe në vdekje nëse hyn në kontakt me gjakun.

Mësuesi qëndroi në kujdes intensiv për një muaj para se të vdiste.

421284.jpg
Autor E13:43 | 31/10/2019

Ndërkohë që jemi duke pritur të gjithë sesi do të shndërrohet Kim Kardashian për Halloween, motra e saj Kylie Jenner na tregoi veshjen e dytë seksi dhe aspak të frikshme.

Dy ditë më parë Kylie u shndërrua në një lepurushe seksi për festën e Halloween-it që organizoi shoqja e saj Stassie.

Por sot ajo ka publikuar disa foto me një tjetër kostum! Kylie është shndërruar në Ariel dhe duket shumë tërheqëse me paruken e kuqe.

Një fund me luspa si bishti i sirenës së famshme dhe një palë reçipeta në formë guaskash, e kanë transformuar Kylie-n si një sirenë të vërtetë dhe shumë seksi.

“Arieli u rrit”, shkruan Kylie në përshkrimin e fotos!

 

0_WhatsApp-Image-2019-10-27-at-135307jpeg.jpg
ent ela13:35 | 31/10/2019

Dy shqiptarë janë arrestuar në Londër, pasi akuzohet si autorë të një sulmi me thikë, ku mbeti i plagosur një 30-vjeçar.

Ngjarja ndodhi ndodhi të dielën, në orën 4:51 të mëngjesit, ndërsa dy shqiptarët u arrestuan të martën e 29 tetorit.

Mediat britanike bëjnë të ditur se bëhet fjalë për shqiptarët Arseld Hysaj 22 vjeç dhe Dardan Dollapaj, 20 vjeç, të dy pa adresë fikse.

Ata dyshohen për veprën penale vrasje e mbetur në tentativë, ndërsa sot ata do të paraqiten në gjykatë për masën e sigurisë.

Mësohet se personi që mbeti i plagosur ndodhet në spital gjendje kritike për jetën, ndërkohë që nuk dihet ende shkaku i ngjarjes. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono