Foto galeri

DIGJEN-MAKINAT-1280x720.jpg
ent ela14:28 | 23/10/2018

Dy makina janë djegur gjatë natës në Vlorë. Sipas policisë njëra nga makinat tip ford i është vënë zjarri në rrugën Transballkanike. Pronari i saj i tha policisë se nuk kishte konflikt me ndonjë person. Ndërkohë po gjatë natës një tjetër mjet u dogj pranë shkollës “Ismail Qemali”. Në të dyja rastet policia dyshon se janë ngjarje të qëllimshme. Janë shoqëruar disa persona, por autorët e këtyre ngjarjeve nuk janë kapur. /abcnews.al

gjykatataaa.png
G. P.16:17 | 22/10/2018

Gjykata e Tiranës caktoi të hënën masën e sigurisë “arrest në burg” për Altin Isarajin, vëllain e ish-zv/ministrit të Drejtësisë, Arben Isaraji, së fundmi drejtor i Drejtorisë së Përgjithshme të Transportit Rrugor.

Ai akuzohet për “mbajtje pa leje të armëve luftarake” dhe “prodhim dhe shitje të lëndëve narkotike”. I dyshuari Isaraj u arrestua të shtunën nga Policia e Tiranës, teksa iu gjetën me vete një armë dhe një sasi pre 0.6 gramë lëndë narkotike e dyshuar si kokainë.

Vendimi për të u dha nga gjyqtarja e Tiranës Rexhina Merlika, e cila pranoi kërkesën e prokurorisë për izolimin e Isarajit në qeli deri në përfundim të hetimeve./abcnews.al

FOTO-LABORATORI-I-DROGES1-1280x720.jpg
ent ela16:38 | 19/10/2018

Në një fshat të Hasit është zbuluar një ndërtesë që dyshohet se shërbente si laborator për prodhim drogash të forta. Brenda mjediseve të tij, për të cilat ABC News ka siguruar edhe foto, është gjetur një sasi ende e papërcaktuar lënde e dyshuar narkotike, apo lëndësh të tjera që shërbejnë për prodhim droge. Sipas burimeve, deri tani janë 5 të arrestuar.

Një objekt që dyshohet se shërbente si laborator për prodhimin e drograve të forta u zbulua nga policia në fshatin Brenog të Hasit. Objekti që mendohet se përdorej si laborator droge, ndodhej në një zonë periferike të fshatit. ABC News ka siguruar foto ekskluzive të bera brenda Laboratorit të drogës gjatë aksionit të kryer nga uniformat blu. Siç duket në foto, nje sasi ende e papërcaktuar paketash me lëndë të dyshuar narkotike ose lënde të tjera që shërbejnë për prodhim droge ishin futur në një kuti të madhe kartoni dhe 4 valixhe të tjera.

Lënda narkotike e dyshuar, që u sekuestua në këtë objekt është në sasi e konsiderueshme, por pesha e saktë e saj nuk dihet ende.

Policia  e Kukësit ka konfirmuar zyrtarisht lajmin për zbulimin e një laboratori të dyshuar për prodhim drogrash të forta. Por deklarata e saj e shkurtër nuk jep asnjë të dhëne tjetër. Në të sqarohet se Policia e Shtetit, Prokuroria dhe agjencitë ligjzbatuese në ditët në vijim do të kenë një konferencë të përbashkët për mediat për operacionin që zhvillohet në qarkun e Kukësit.

Një banor i fshatit i tha ABC News se ndërtesa gjendet pranë banesës së një çifti të moshuar dhe gjithçka është e rrethuar me një gardh.

Në pamjet që ABC News ka mundur të fiksojë nga jashtë rrethimit, duken dy banesa një katëshe, njëra prej të cilave sherbente si laborator për prodhimin e drogës.

Po ashtu burimet jo zyrtare bene te ditur se deri tani ka 5 perosna të prangosur.  Sipas burimeve të “ABC News” mësohet se laboratori ishte prej disa kohësh nën survejim, pas dyshimeve për aktivitetin e dyshimte që kryhej në të. Organizatorët  kryesorë të ketij aktiviteti mësohet se kanë mundur t’i shpëtojnë arrestimit. Kjo, sipas burimeve, ka krijuar edhe dyshime se operacioni mund të jetë dekonspiruar./abcnews.al

 

 

MBULIM-LABORATORI-I-DROGES-NE-HAS.mpg_snapshot_00.11-1280x687.jpg
G. P.13:09 | 19/10/2018

Objekti që mendohet se përdorej si laborator droge, ndodhej në një zonë periferike të fshatit. Një banor i fshatit i tha ABC Neës se ndërtesa gjendet pranë baneses së një çifti të moshuar dhe gjithçka është e rrethuar me një gardh.

Në pamjet që ABC News ka mundur të fiksojë nga jashtë rrethimit, duken dy banesa një katëshe, njëra prej të cilave shërbente si laborator për prodhimin e drogës.

Nga burimet e ABC News mësohet se, gjatë operacionit të uniformave blu, në laborator u sekuestrua një sasi e konsiderueshme heroine si dhe lënde të tjera që shërbejnë për prodhimin e saj. Pesha ekzakte e lëndës narkotike së sekuestruar nuk dihet ende.

Po ashtu burimet bënë të ditur se ka dhe disa persona të arrestuar, ndërsa operacioni vijon ende.

Sipas burimeve të “ABC News” mësohet se laboratori ishte prej disa kohësh nën survejim pas dyshimeve për aktivitetin e dyshimtë që kryhej në të.

Organizatorët  kryesorë të këtij aktiviteti mësohet se kanë mundur t’i shpëtojnë arrestimit. Kjo, sipas burimeve, ka krijuar edhe dyshime se operacioni mund të jetë dekonspiruar./abcnews.al

 

 

erniii.png
G. P.19:29 | 18/10/2018

Ambasada shqiptare në Vatikan ka nderuar 90-vjetrorin e lindjes së Kardinal Ernest Simonit. Në këtë përvjetor ai është ftuar nga vetë Papa Francesku për të mbajtur një meshë së bashku.  

Ditëlindja e 90 e gjeti kardinalin Ernest Simoni në Vatikan. Me këtë rast ambasada shqiptare pranë selisë së shenjtë mbajti një ceremoni të veçantë në nderim të tij me iniciativë të të ngarkuarës me punë Majlinda Dodaj.

ernest1
ernest2
ernest3
ernest

Në aktivitet morën pjesë edhe Kardinali Giuseppe Bertori, Kyeipeshkvi i Firences,  Ipeshkvi i Kosovës Imzot Dodë Gjergji,  Drejtori i Radio Vatikanit si dhe  ambasadorë të akredituar pranë Selisë së Shenjtë. Kureshtja e të gjithëve mbeten vitet e jetës që Kardinal Simoni kaloi nën diktaturë, por vetë ai e kalon me një batutë:

“Tashmë kaloi ajo periudhë. Me ndihmën e Zotit të gjithë duhet të ecim përpara”.

Emocionues për të mbetet takimi i parë me Papa Françeskun në Tiranë gjatë vizitës që Ati i Shenjtë bëri në Shqipëri. Rrëfimi për jetën e Kardinal Simonit preku vetë Papën. Një tjetër moment i rëndësishëm në jetën në tij veçohet emërimi Kardinal nga Ati i Shenjtë në Nëntor të 2016-s.

Ka qenë vetë Papa Francesku që me rastin e ditëlindjes e ka ftuar në Vatikan. Kardinal Ernest Simoni do të mbajë dhe një meshë bashkë me Atin e Shenjtë./abcnews.al

edmond-bego.png
G. P.11:53 | 13/10/2018

Partia Demokratike publikoi të tjera fakte të lidhjes së ngushtë të kryetarit të grupit palarmentar socialist, Taulant Balla, me trafikantin ndërkombëtar të drogës Edmond Bega dëuar me 21 vite burg në Itali.

Deputeti Ervin Saljani iu është referuar të dhënave të siguruara nga sistemi TIMS që regjistron hyrje daljet e qytetarëve në pikat kufitare të Shqipërisë dhe deklaroi se Balla ka udhëtuar më shumë se 25 herë jashtë vendit me Edmond Began.

“Deputeti socialist Taulant Balla rezulton të ketë udhëtuar jashtë vendit me trafikantin e drogës Edmond Bega, shpeshherë me të njëjtën makinë, kryesisht me automjetin e Taulant Ballës me targa AA900IN. Deputeti socialist Taulant Balla rezulton të ketë udhëtuar jashtë vendit me trafikantin e drogës Edmond Bega me të njëjtin avion, ku destinacioni më kryesor ka qënë Vjena, Athina, Korfuzi, Parisi apo Mali i Zi.Vetëm në Vjenë kanë udhëtuar bashkë plot 14 herë. Është fakt që Taulanti nga Librazhdi, gjatë historikut të udhëtimeve, gjatë periudhës që qeverisë Edi Rama, ka përdorur plot 18 herë CHARTER-in për udhëtime jashtë Shqipërisë, ku nuk mungojnë edhe udhëtime me CHARTER nën shoqërinë e trafikantit të drogës Edmond Bega. Shqiptarët duhet të dinë sot se një udhëtim me CHARTER, kushton minimalisht 30 mijë Euro”, u shpreh ai.

Pasi përllogarit se numri dy i Partisë Socialiste ka shpenzuar 600 mijë euro për të udhëtuar me charter, deputeti demokrat i drejton disa pyetje Taulant Ballës dhe kryeministrit Edi Rama.

“Ku i gjeti Taulant Balla paratë për udhëtimet me CHARTER plot 18 herë?

A janë financuar udhëtimet e tij me CHARTER nga burime të paligjshme?

Kush i ka paguar paratë për fluturimin me CHARTER të Taulant Ballës?

Nëse i ka paguar vetë, cili është burimi i këtyre parave?

Nëse i ka përfituar si dhuratë, kushështë dhuruesi? A lejohet nga ligji përfitimi i dhuratave me këtë vlerë dhe a janë deklaruar ato në ILDKPKI?”, tha Salianji.

I menjëhershëm ka qenë reagimi i kryetarit të grupit parlamentar të Partië Socialiste. Por  Taulant Balla postimin e tij në rrjetin social Facebook ia drejton kryetarit të Partisë Demokratike, Lulzim Basha.

“Lulzim mjaft e shpërdorove Sali-anjin me shpifje, për udhëtime 18 herë me chartera. Informacioni është në Albcontrol dhe mund ta merrni. Pse nuk bëni kallzim në Prokurori? Megjithatë faleminderit që po vijon te kontribosh për Fondin e Edukimit. Të hënën padia në gjykatë!”, shkruan Balla në Facebook./abcnews.al

shkollaa.png
G. P.15:48 | 12/10/2018

Dyqanet që tregtojnë ushqime pranë shkollave janë vënë në fokus të kontrolleve të Autoritetit Kombëtare të Ushqimit. Inspektorët e tij gjatë monitorimit në terren kanë konstatuar një sërë problemesh dhe kanë marrë një sërë masash administrative.

Dyqanet e ushqimeve të shpejta pranë shkollave janë kthyer në biznese fitimprurëse. Ato janë destiancioni i parë i shumë nxënësve sapo bie zija e pushimit të madh. Shpesh ndodh që shitësit e tyre të kthehen edhe në tregtarë ambulantë e t’i afrohen rrethimit të shkollës.

“Vjen atje dhe thotë me çfarë e doni tostin. Ne i japim lekët dhe na jep ushqimin”, tha një nxënës.

“Pushimi nuk është për bukë që marrin të gjithë fëmijët me vete. Pushimet janë për fruta, pastaj i fus te tasi i ushqimit dhe i marr me vete”, tregoi një nxënëse.

“Marr bukën që ma bën mami”, tha një nxënëse tjetër.

Por sa të sigurta janë ushqimet që ato tregtojnë?

Inspektorët e Autoritetit Kombëtar të Ushqimit kanë kontrolluar 227 dyqane që tregtojnë ushqime pranë instituconeve arsimore në të gjithë vendin. Ku kanë konstatuar një sërë problemesh dhe kanë marre shumë masa administrative.

Dy subjeketeve i është ndërprerë aktiviteti, 13 janë ndëshkuar me gjoba, vlera e të cilave kap shifrën e rreth 1 milion e 700 mijë lekë ndërsa 65 të tjerë janë paralajmëruar për ndërperje të aktivitetit.

Autoriteti Kombëtar i Ushqimit përmes një njoftimi për shtyp bën të ditur se monitorimi i subjekteve pranë shkollave dhe kopshteve nuk do të ndalet. Ndërkohë që i bën thirrje qytetarëve të denoncojnë çdo tentativë abuzimi nga këto tregtare.

ikmt.png
G. P.11:01 | 11/10/2018

Inspektoriati Kombëtar i Mbrojtjes së Territorit ka nisur sot një operacion në zonën turistike të “Syrit të Kaltër”, në Bashkinë Finiq.

Sipas IKMT është planifikuar prishja e 16 objekteve një dhe dy katëshe, me struktura druri, me funksione shërbimi.

ikmt1
ikmt2
ikmt3

IKMT thotë se objektet që do të prishen janë pa leje ndërtimi. Pronarët e tyre janë njoftuar para se të niste aksioni dhe kanë nisur të largojnë orenditë apo pajisjet brenda ndërtesave./abcnews.al

hekurudhaa.png
G. P.15:52 | 10/10/2018

Banorët në jug të vendit së shpejti do të qarkullojnë me trenin e linjës hekurudhore Fier- Vlorë. Në Fier kanë nisur punimet për rikonstruksionin e trasesë, kurse në Vlore po kryhen punime në godinën e stacionit të trenit .

Do të jetë linja hekurudhore Fier-Vlorë që do të shërbejë për pasagjerët, por edhe për transport mallrash e kryesisht transport nafte. Punimet për rikonstruksionin e saj kanë nisur nga Fieri. Kurse në Vlorë po bëhen punimet për godinën e isha statcionit të trenit.

Linja hekurudhore Fier-Vlorë, për më shumë se katër vjet ka qenë jashtë funksionit. E amortizuar plotësisht dhe pa asnjë investim çoi në mbylljen e saj. Aktualisht nuk ka ende një datë të saktë se kur banorët do të shohin trenin në qarkullim, por punimet për rikonstruksionin e trasesë po ecin me ritme të shpejta.

Kjo linjë do t’ua bëjë më të lehtë lëvizjen banorëve në jug të vendit, të cilët për më tepër duan të transportojmë mallrat./abcnews.al

edi-rama-1-1280x727.png
G. P.11:35 | 09/10/2018

Është zbuluar një pistë e re se përse iu servir publikut audiopërgjimi i njohur si Babalja. Ai që hedh dritë është kryeministri Edi Rama.

“Të jeni të bindur që shqiptarët do ta mësojnë nga A të ZH, jo me institucione, me emra me emra dhe me mbiemra kush është përfshirë në këtë konspiracion për rrëzimin e qeverisë, se i tillë është”.

Përpiqet të tregohet i rezerveruar me detajet pasi siç thotë vetë kryetari i qeverisë është në pritje që të dalë e vërteta e plotë.

“Unë s’dëshiroj të them më tepër, i di të gjitha nga fillimi deri në fund, sepse kam angazhuar një grup të posaçëm që është marrë nga fillimi deri në fund për të mësuar unë të vërtetën. Dhe pres që e vërteta të dalë e plotë. Nuk kam për të ta lënë pa e nxjerrë edhe sikur për një mijë e një arsye të mosarsyes të mbulohet apo të zbutet”.

Një fakt i ri që sjell kryeministri është përgatitja e skenarit mbi konspiracionin për rrëzimin e qeverisë. Ai flet për dy skuta shtetërore, por pa dhënë detaje se cilat janë ato.

“Në filmin Babale 1 në bashkëpunim me elementë të krimit, kemi korrupsion, kemi përfshirje të drejtpërdrejtë të partisë politike në bashkëpunim edhe me oferta korruptive dhe kemi edhe më shumë se kaq, sepse filmi është konceptuar dhe skenari është shkruar në dy skuta”.

Dihet konsiderata që ka për gazetarët megjithatë kryeministri i fton që të mos lejojnë që të kalojë si shfaqja e radhës.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono