Foto galeri

auto_Lambo-sweet1557228268.jpg
Autor E09:45 | 25/02/2020

Italinë e ka kapur paniku, sidoemos zonat e veriut të këtij vendi.

Deri tani raportohen 7 të vdekur, kryesisht të moshuar dhe 230 të prekur. Por a mund të justifikohet paniku i madh?

Elettra Lamborghini i është përgjigjur të rinjve të frikësuar, përmes një mesazhi, në rrjetet sociale.

“Ju bëni ç’të doni në disko pa prezervativë dhe atëherë keni frikë nga koronavirusi?!, – u është drejtuar përmes një mesazhi të rinjve Lamborghini.

Këngëtarja dhe prezantuesja e famshmja televizive Elettra Lamborghini e dha këtë mesazh në profilin e saj në Twitter.

verona-1.jpg
Autor E14:20 | 24/02/2020

Frika nga koronavirusi ka zbrazur një pjesë të mirë të qyteteve në rajonin e Lombardisë.

Rajonet dhe zonat që deri dje gumëzhinin nga vizitorët tashmë janë të shkreta, ku lëvizja është mjaft e kufizuar.

Situata paraqitet e tillë edhe në sheshin Duomo në Milano, i cili është tërësisht i mbushur me vizitorët apo banorë vendas.

Bosh janë edhe pikat turistike në qytetet e Lombardisë.

Abcnews.al ju sjell pamje nga qytetet më të prekura nga virusi ku duke se sheshet dhe rrugët janë tërësisht bosh:

Sheshi Unita d’Italia, Trieste
Sheshi “San Marco”, Venecia
Bazilika San Antonio, Padova
Padova
Bazilika San Antonio, Padova
Verona
Duomo, Milano
Verona
collage-30.jpg
So Nila10:45 | 24/02/2020

Ndryshe nga herët e tjera, ku sallat e shfaqjes së Giorgio Armani-t ishin plot me adhurues së modës, këtë herë shfaqja e koleksionit për gra Vjeshtë-Dimër 2020-2021 u mbajt në një sallë bosh. Për shkak të gjendjes së shkaktuar nga përhapja e koronavirusit në Itali, Armani mori këtë vendim.

Në koleksion ranë në sy përdorimi i copave të kadifenjta dhe printeve me ngjyra të forta.

Shfaqja u mbyll me tingujt e “On a Theme of Paganini” e kompozitorit rus Sergei Rachmaninoff. Më pas parakaluan 12 modele kineze të veshura me koleksionin Armani Spring Privé 2009-2019, të gjitha të frymëzuara nga Kina – si një shenjë solidariteti/abcnews.al

 

 

 

 

 

 

 

 

 

 

 

 

437259.jpg
Autor E15:32 | 22/02/2020

Belinda Dragoti ka fituar simpatinë e publikut që nga dalja e saj në “Xing me Ermalin” dhe që aty Instagrami i saj është bërë goxha i famshëm, shkruan abcnews.al.

Në një ndër fotot bukuroshja ka pozuar mjaft provokuese me të brendshme nga shtrati dhe përveç pamjes së saj vëmëndjen e merr komenti i këngëtarit shqiptar, Dijonis Biba.

“Fotograf jam”, shkruan këngëtari i cili lë të mendoj se foton e ka shkrepr ai, por Belinda i hedh poshtë të gjitha dyshimet pasi në postim ka bërë “tag” fotografin profesionist i cili ka shkrepur foton.

 

87387525_10157522524493371_8564741860029890560_n.jpg
Autor E11:12 | 21/02/2020

Fermerët e Lushnjes janë ngritur sot në protestë ashtu siç kishin paralajmëruar edhe më parë duke kërkuar nga qeveria ndryshimin e skemës së subvencioneve.

Fermerët kanë hedhur prodhimet e tyre në shenjë proteste në rrugë. Ata janë shprehur se për herë të parë do të bëjnë të mundur që njerëzit me kollare të mos vendosin më për fatin e tyre.

Po ashtu ka pasur raportime se situata midis fermerë dhe punonjësve të policisë është tënsionuar. Kjo për shkak se policia nuk ka lejuar që femerët të bllokojnë rrugën.

Ata kanë thënë se nëse nuk ndryshojnë subvecione ndaj tyre do të detyrohen të ikin dhe ata nga vendi.

“Në Europë i lusin njerëzit që të merren me bujqësi, ndërsa këtu 15% e serave janë braktisur, për shkak se nuk ja vlen, pasi çmimi i nxjerrjes në treg të produkteve nuk justifikon shpenzimet. Ju lutem zoti kryeministër ktheni sytë nga bujqësia dhe uluni me sindikatën, në mënyrë që të zgjidhni problemet e fermerëve”, shprehet një banor, kurse një tjetër theksoi qeveria subvencionon naftën e pasanikëve, kurse për fermerët nuk gjen hapësira.

“Fermeri nuk është skllav, që të punojë për të ushqyer shoqërinë, dhe që të mos ketë mundësi që ushqejë veten. Vitin e kaluar në portet shqiptare vinin jahtet e pasanikëve, dhe mbusheshin me naftë që kushtonte 60 lekë litri, ndërkohë që ne paguajmë për traktorët naftë me çmim 1800 lekë litri”, u shpreh ai.

aldo-1280x720.jpg
Autor E11:04 | 21/02/2020

19 vjeçari Aldo Kënga ndërroi jetë pasi u ndje keq gjatë mësimit në një fshat të Italisë, i quajtur San Vito Lo Capo. I riu u dërgua në spital, por pa mundur që të shpëtojë.

Mjekët nuk e kanë ende të qartë se çfarë ka ndodhur me të riun shqiptar, ndërsa miqtë kanë shprehur dhimbjen e tyre në rrjetet sociale, shkruan abcnews.al.

Njëra prej tyre shkruan se e kishin njohur Aldon që kur ai nuk dinte asnjë fjalë italisht, ndërsa ishin rritur bashkë duke bërë “një mijë budallallëqe në bankat e shkollës”.

“Ne të njohëm ty që kur nuk dije asnjë fjalë italisht. Të dhëma ngrohtësinë e duhur. Sa shumë budallallëqe bëmë në banka e shkollës, sa largime nga mësimi. Nuk mund ta besoj që ti nuk do të vish më. Nuk mund ta besoj që nuk do të vish më në takimet pas kishës. Jeta është e padrejtë”, shkruan Isabella, një shoqe e Aldos.

Të tjerë i janë bashkuar dhimbjes së saj duke theksuar se Aldo ishte një shok perfekt, kurse mësuesja shkruan se “Aldo do t’i mungojë shumë”. /abcnews.al

1-10.jpg
So Nila09:16 | 21/02/2020

Shfaqja Moschino Vjeshtë 2020 u mbajt në Milano dje në mbrëmje vonë, megjithëse dizajneri Jeremy Scott duket se kishte në mendje Parisin.
Çfarë tërhoqi vëmendjen e të gjithëve ishin fustanet-tortë, që imitonin kremin dhe trëndafilat tipike të tortave shkruan FN.

 

 

Aksesorët gjithashtu përputheshin me motivet e tortës, pasi patën formë ëmbëlsirash. Gjithë sfilata, duke filluar nga modelet e flokëve e deri te fustanet, patën një frymëzim: Marie Antoinette.

 


Marie Antoinette, mbretëresha e fundit e Francës para Revolucionit Francez, gruaja e mbretit Louis XVI, mbahet mend në histori ndër të tjera edhe për frazën e famshme “Le të hanë tortë”. Mendohet se gjatë Revolucionit Francez, teksa i thanë se njerëzit po vdisnin urie dhe nuk kishin bukë, mendohet se Marie Antoinette tha “Le të hanë tortë”.

Në fakt ky është përkthimi më i përhapur, pasi në frëngjisht fraza origjinale është “le të hanë briosh” (qu’ils mangent de la brioche). Asokohe, brioshi konsiderohej një gatim luksi.

 

Kjo fjali u konsiderua nga fshatarët dhe njerëzit e varfër si diçka e pashpirtë nga ana e saj. Megjithatëse fraza i atribuohet zakonisht mbretëreshës Marie Antoinette, nuk ka të dhëna të besueshme që e tha ajo./abcnews.al

 

 

 

 

 

 

qifti.jpg
Autor E15:21 | 20/02/2020

Një çift grek është vënë në pranga me akuzën e posedimit të drogës, trafikimit të saj si edhe mbajtjes së armëve luftarake.

Siç raportojnë mediat greke, çifti mohoi akuzat duke theksuar se gjithçka e paligjshme që u gjet në shtëpinë e tyre i përkisnin një personi tjetër.

Gruaja sipas raportimeve është ish-banore e “Big Brother”, por ende nuk është bërë i ditur emri i saj.

Gjatë seancës së marrjes në pyetje, të arrestuarit i kërkuan falje hetuesve, të cilët vendosën të mbajnë në paraburgim bashkëshortin, kurse gruaja u la e lirë me kusht.

44-vjeçarja e arrestuar së bashku me partnerin e saj në Platanidia Magnesia thotë se droga dhe mjetet e tjera nuk u gjetën në shtëpinë ku ta rrinin me qira, por në një depo që gjendej në territorin e tyre.

Të pandehurit pranuan vetëm se paratë e sekuestruara (12,000 dhe 1000 dollarë) janë të tyret, por që i kishin të raportuara në zyrën e taksave dhe vijnë nga të ardhurat e që fitonte burri 49-vjeçar.

Sipas policisë greke gjithashtu në shtëpi gjatë kontrollit atyre iu gjet dhe konfiskua 1.3 kg hashash, llampa kanabisi dhe makineritë jashtë shërbimit, një pushkë, katër fishekë, armë gjahu, revole pistoletë pa fishekë, 461 fishekë lufte, të kalibrit të ndryshëm, nëntë prej të cilave anti-aeroplan, sasi të vogël kanabisi dhe përzierje duhani, peshore, shuma prej 12,025 dollarë dhe 1.000 dollarë. /abcnews.al

droga-1.jpg
Autor E14:40 | 20/02/2020

Katër persona u arrestuan pas kapjes së kamionit me kokainë në Maqedoninë e Veriut, i cili kaloi përmes dy doganave shqiptare, atë të Hanit të Hotit dhe më pas të Qafë Thanës.

Besohet që kamioni kishte 1.3 ton kokainë, por ajo u zëvendësua me paracetamol dhe allçi nga policia italiane.

Në një dalje publike, ministri teknik për Punë të Brendshme në Maqedoninë e Veriut, Naqe Çulev deklaroi se gjatë aksionit të mbrëmshëm në Krushopek të Sarajit është konfiskuar vetëm 1 kilogram.

Droga ishte fshehur në kuti me banane, fotot të cilave i ka siguruar abcnews.al.

“Në shtetin tonë është konfiskuar vetëm një kilogram, sasia tjetër është në shtet tjetër, bëhet fjalë për një sasi të madhe por nuk mund ta them për të mos dëmtuar hetimin. Ditëve në vijim do të mësoheni me detajet por edhe sasinë e drogës”, tha Çulev në daljen për mediat.

Burime për ABC News kanë thënë se kamioni ka hyrë që dje nga dogana e Hanit të Hotit dhe ka dalë ne Qafë Thanë, për të udhëtuar drejt Maqedonisë.

Autoritet tona e kanë mbajtur nën vëzhgim, pasi kanë patur informacion për kamionin, dhe e kanë lejuar që të kaloje në Shqipëri në koordinim me të gjithë autoritetet ndërkombëtare të përfshira në këtë operacion. Në këtë aksion kanë marrë pjesë DEA Amerikane, Guardia di Financa, policia shqiptare dhe autoritete të tjera të vendeve fqinje. /abcnews.al

makinat.png
Autor E10:10 | 20/02/2020

Lufta në Siri është egëruar shumë gjatë muajve të fundit teksa ushtria e Asad po rimërr nga rrebelët zonën e fundit të mbetur në duart e tyre, qytetin e Idlibit.

Nisur nga tensioni si edhe interesat e fuqive të mëdha, në Sirinë e Veriut gjenden një numër i madh ushtrish, siç është ajo e Turqisë, elementë të ushtrisë amerikane si edhe Rusia.

Rivaliteti SHBA-Rusi është i njohur dhe kjo është duke u reflektuar edhe në Siri.

Sëfundmi, në rrjetet sociale është duke qarkulluar një video nga veriu i Sirisë ku një mjet i blinduar i SHBA nxjerr nga rruga një mjet të blinduar të Rusisë, i cili po përpiqej të parakalonte.

Nga luftimet e javëve të fundit në Idlib raportohet se janë shpërngulur 900 000 persona që tani jetojnë në çadra mes të ftohtit dhe bombave. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono