Thumb

reperi-1280x722.jpg
ad min23:20 | 15/06/2019

Biznesmen, producent dhe reper, Silvi Fort tregon në një intervitë me  Kildën për emisionin “Thumb” se jetën e bëj më luksoze se në video-klipet e këngëve të tij.

Kilda: Për sa i përket klipeve të tua unë kam parë goca, jetë luksoze, makina, lekë, kështu është edhe jeta jote reale?

Fort: Është më shumë se kaq por ne nuk kemi dashur ta teprojmë shumë në klipe.

Kilda: Po ku i gjen gjithë këto lekë ti?

Fort: Një person që punon 16 orë si unë nga pjesa e lekëve nuk është problem.

Kilda: Përsa i përket verës, koncerteve, data ke ndarë duke qenë se vera është e vrullshme për artistët?

Fort: Është një nga sfidat më të mëdha dhe nuk e mendoja që do të ishte kaq impenjative. Do zhdukem për nja dy muaj dhe do jem lart e poshtë. Ja kaq lek sa për një avion privat nuk i kemi akoma./abcnews.al

tango-1280x718.jpg
ad min11:30 | 09/06/2019

Dy qerosë në një tango! Florian Binaj dhe Ledio Lako tregojnë se cili ishte regjisori që i bindi të aktronin larg skenës së “Portokallisë”.

Të pyetur nga Kilda se si u bënë bashkë se si u lindi ideja për këtë shfaqje teatrale, Ledia Lako tha: “Që të bësh një shfaqje nuk duhet të kesh flokë nuk është parametri kryesorë. Parametri Kryesorë është të jesh aktor. Arsyeja pse u bëmë bashki ishte ideja e regjisorit Artan Imami , ai e bëri propozimin për të dy neve, E morëm pjesë dhe përnjëherë na sha shkundi, filluam provat dhe kemi punuar tre muaj sepse edhe “Portokallia” na pengonte. Ne mendojmë se e kaluam klasën shumë mirë”./abcnews.al 

eva-murati-1-1280x713.jpg
ad min10:45 | 09/06/2019

Eva Murati është një ndër vajzat më të komentuara në botën e showbizit shqiptar, padyshim pamja e saj e simpatike dhe mënyra e saj e komunikimit me median shpesh herë e kanë vendosur në qendër të vëmendjes.

E ftuar në “ Thumb” ajo u pyet nga Fatma dhe Aulona e mbi paragjykimin që vajzat e televizionit nuk janë dhe aq inteligjente, Eva është shprehur se paragjykimi ekziston gjithmonë për vajzat simpatike.

“Padyshim që ekziston dhe nuk mendoj që s’ka arsye pse të mos ekzistojë. Problemi është që paragjykimi ekziston gjithmonë për vajzat simpatike, jo vetëm për vajzat e televizionit, por çfarëdolloj profesioni që të kesh. Nëse je simpatike, je e barazvlefshme me… nuk dua ta them budallaqe, por jo dhe aq e zgjuar. Unë padyshim e them që janë vajza që e meritojnë këtë gjë, sepse gjithsecili del në televizion për arsyet e veta të caktuara. Dikush e do kohën televizive me patjetër, sepse nuk ja mbush Instagrami atë egon e vet, kështu që patjetër i drejtohet televizionit. Qoftë edhe jo në profilin e duhur, ndoshta nuk di të flasë fare për temën e caktuar, gjithsesi del vetëm për të bërë poza dhe për të sfiluar.  Secili mendoj unë e gjen vetë atë vendin e vet dhe gjërat ndahen në mënyrën e duhur”, tha Murati./abcnews.al

kiara-tito-1280x725.jpg
ad min09:45 | 09/06/2019

Nga “Doktor plastik”, tek video-klipi i ri i Butrint Imerit, Kiara Tito rrëfen dashurinë e saj për televizion dhe sqaron një herë e mirë marrëdhënie me këngëtarin nga Kosova.

Një puthje në emisionin “Top Select”, kur Kiara moderonte këtë program ishte zanafilla e një historie të plotë dashurie nëpër portale. Videoklipi “Hajt Hajt” i Butrintit, ku Kiara ishte protagoniste i fryu më shumë zjarrit. Fotoja e tyre bashkë dhe videoklipi u mor si një konfirmim për lidhjen e tyre. Mirëpo, sot e ftuar në emisionin “Thumb” të Fatmës dhe Aulonës ajo sqaroi një herë e mirë që nuk është e lidhur me Butrintin.

 “Shpeshherë kam dëgjuar këto ditë se më në fund publikuat foto, e bëtë publike marrëdhënien tuaj. Ndërkohë që nuk është e thënë që ti të marrësh pjesë në videoklipin e një shoku dhe të pohosh marrëdhënien që mund të keni përveçse shoqërore. E them me sinqeritetin më të madh, nuk ka asgjë mes ne të dyve. Nuk e di përse është keqkuptuar që prej kohës së “Select”-it nisi si thashethem dhe u vazhdua për vite me radhë. Por unë e kam me të vërtetë mik të mirë. Nuk mund ta them që më pëlqen kjo gjë “je apo s’je” se ka momente që bëhet e bezdisshme. Por do thuash ti vetë e ke fajin…”,-është shprehur Kiara.
Ndërkohë, sa i përket fansave të Butrintit që nuk e kanë shumë qejf, Kiara ka një arsye pse ndodh kjo gjë:“Edhe unë kur kam qenë e vogël kam pasur shumë qejf atë Cesc Fabregaz dhe e kisha aq inat atë të dashurën e tij”,-ka thënë Kiara./abcnews.al
ndocaj-1280x721.jpg
ad min20:30 | 01/06/2019

I ftuar në “Thumb”  Eduard Ndocaj ka folur për jetën e tij në Itali, për librin e tij që ka botuar së fundimi, për marrëdhëniet me gruan dhe për ngacmimet në rrejt sociale. Ai është shprehur se ka vënë re që më shumë në rrjete sociale e ngacmojnë burrat sesa vajzat. Më tej ai është shprehur se nuk e ngacmojnë gocat, por Endri Fuga.

Aulona: Gjithë ky burrë me pushtet me lek, mos me thuaj që nuk të ngacmojnë gocat?

Ndocaj: Me thënë të drejtë më ngacmon më tepër Endri Fuga sesa gocat.

Fatma: Dhe si ngacmon Endri zakonisht?

Ndocaj: Po nxjerr lajme në rrjete sociale…

Fatma: Dëgjo mos mi anashkalo pyetjet…

Aulona: Merr mesazhe nga goca?

Ndocaj: Më vijnë mesazhe nga gocat por nuk i hap.

Aulona: Ti je aktiv në rrjetet sociale, kur shikon goca simpatike u bën like?

Ndocaj: Por gjësë së bukur i bëhet like gjithmonë, edhe një tufe me lule edhe një mashkulli të bukur.   Tani kanë filluar të bëjnë më shumë like burrat. Më dërgojnë zemra dhe kontrolloj ndonjëherë të gjithë burra, them me vete o bo bo. Gruaja është xheloze por është edhe tolerante./abcnews.al

hy-1280x697.jpg
ad min20:00 | 01/06/2019

Moderatorja e dashur sportive Hygerta Sako e ftuar në emisionin “Thumb”, nuk ka preferuar të flasë shumë gjëra për jetën e saj private. Ajo është ndalur tek martesa e saj e parë nga e cila ka sjellë në jetë edhe një vajzë. Për Fatmën dhe Aulonë, ajo ka treguar se pse  gjithmonë e ka mbajtur larg syrit të publikut jetën e saj private.

“Unë edhe kur kam qenë e martuar nuk bëja pjesë në lajmet rozë sepse nuk kam qenë nga këto që gjeta burrë eja shikoje, shikoni sa unazë të bukur më dhuroi, shikoni ku po i bëj pushimet. Në atë kohë nuk kishte portale, por kishte revista kishte gazeta. Madje mua më bëntë përshtypje që kishte këngëtare që vinin në lokalin e ish-bashkëshortit tim dhe i kapte paparaci. Unë isha çdo ditë dhe çdo javë aty dhe nuk më kapte ndonjëherë paparaci. Dhe vinte ndonjëra dhe e kapte menjëherë , pra ka pasur gjëra por gjithmonë e kam pasur jetën time larg dhe shumë hermetike. Unë nuk kam bërë dasmë herën e parë dhe kështu që e kam një “peng” , dhe nëse do vijë dikush në jetë do kisha dëshirë të bëja dasmë”./abcnews.al

hygerta-sako-1280x714.jpg
ad min19:30 | 01/06/2019

Hygerta Sako e ftuar në emisionin “Thumb”, ka folur për profesionin dhe marrëdhëniet e saj me vajzën. Ajo është shprehur se ka dëshirë  të sjellë në jetë një ose dy fëmijë, që vajza e saj të ketë motër ose vëlla, por së pari duhet të vijë në jetën e saj babai i fëmijës.

“Po motra dhe vëllai vjen kur ti ke gjetur një që ta bësh. Për momentin asgjë në horizont dhe kështu do të presë motra ose vëllai. Unë gjithmonë kam dashur të kem një fëmijë të dytë, madje edhe tre. Por ashtu erdhën gjërat dhe fëmija i dytë nuk erdhi kështu që t’ia lëmë kokës, jo se ka hequr dorë. Do të thotë që jam akoma në moshë biologjike. Do doja që një fëmijë të vinte në jetë me babai e tij”.

Vajza e saj tashmë është rritur dhe ish-Missi është shprehur se ajo e kritikon shumë, për fotot dhe për gjumin.

“Për maninë time për të bërë selfie, ajo nuk i do fare fotografitë, ajo nuk do me ia dite fare dhe unë ia nxij jetën duke bërë fotografi. Dhe për gjumin, sepse kur unë shtrihem atë momentin e drekës ose të pasdites dua që të mos lëvizë as miza kështu që edhe për këtë me ngacmon”.

Madje ajo tregon një moment kur vajza e ka ngacmuar me batutë të bukur për dy pikat e saj të dobëta, fotot dhe gjumin.

“Ishim duke u kthyer në shtëpi me makinë dhe po më pyeste për një këngën të Ledy Gagës dhe po më kërkonte t’i shpjegoja se çfarë do të thotë romancë. Ia shpjegova duke i thënë se kur dy njerëz duhen shumë, dashuria etje.. dhe më tha “kuptova, ti ke romancë me fotot dhe me gjumin”./abcnews.al

bokse-1280x721.jpg
ad min19:00 | 01/06/2019

“Shpellari” i amerikanit Rob Beckett po interpretohet në teatrot e vendit nga Erdit Asllanajt. Duke folur për “Thumb” aktori i “Portokallisë” jep detaje nga promoja që i ka bërë. Ai thotë se e kaloi me sukses edhe këtë sfidë, ndërsa publiku e ka mirëpritur shfaqjen e tij.

Kilda: Promoja që ke bërë për shfaqjen “Shpellari” duke dalë rrugëve të Tiranës i veshur si shpellar. E kishe me siklet që njerëzit që gjatë kohës që xhiroje të shikoni ty? Kishte reagime?

Erdit Asllanajt: Ka qenë një liri e plotë sepse unë isha i maskuar me paruke me syze dhe isha për qejfin tim. Më shumë ngacmoja unë sesa më ngacmonin. Në fakt na erdhi edhe policia na bëri pyetje dhe na e bëri pak problem, po u zgjidh shumë shpejt.

Kilda: Po pse çfarë problemi kishte policia?

Erdit Asllanajt: Po se nuk ishte aq e hijshme thjesht paraqitja lakuriq dhe ndoshta ishte pak problematike.

Kilda: Po bokse kishe veshur?

Erdit Asllanajt: Po kisha një palë bokse të kohës së shpellarit.

Kilda: Ku mbanin shpellarët bokse?

Erdit Asllanajt: Gjethe pra…/abcnews.al

ana-1280x720.jpg
ad min18:41 | 25/05/2019

Ana Kabashi ishte e ftuar këtë të shtunë në emisionin “Thumb” nga Aulona Musta dhe Fatma Haxhialiu. Ajo është një nga këngëtaret më të mira shqiptare, pasi njihet për vokalin e saj.

Shumë pak njerëz e dinë që Ana ka qenë pjesë e disa kompeticioneve të rëndësishme për talente, siç ka qenë “Albania Got Talent” dhe “The Voice”. Ajo ka treguar që i vjen keq në disa raste ku njerëzit nuk e vlerësojnë për shkak të zërit, por prej pamjes fizike.

“Po më vjen keq në disa raste. Ka disa video që postoj duke kënduar live dhe pastaj ka një video që postoj duke kërcyer ose duke folur dhe thonë “pse po qitni bythët aty dhe s’po këndoni live”. Shiheni videon më herët. Isha duke kënduar live. E shikojnë. Domethënë ti je i interesuar te bythët, nuk je i interesuar te vokali. Po të ishte i interesuar te vokali im vetëm hyn në Youtube dhe i sheh krejt që kam kënduar live krejt stilet. Ti shiko anën pozitive, di të këndoj duket bukur, di të performoj se edhe ajo ka diferencë. Beyonce për shembull, duket bukur, këndon kërcen etj. Nuk i paragjykojnë jashtë, këta tek ne i paragjykojnë gjithmonë”, tha Ana.

“S’më interesojnë paragjykimet. Nëse ke diçka mangët ajo të prek. Nëse unë nuk kisha dit me këndu atëherë isha prek. Por nëse do dikush të më testojë për të kënduar kam fakte, çohem dhe këndoj”, tha më tej këngëtarja, kur u pyet nëse është ndjerë ndonjëherë e paragjykuar./abcnews.al

petri-bozo.jpg
ad min18:14 | 25/05/2019

Petri Bozo është një nga regjisorët më të njohur në Shqipëri. Ai organizon tre evenimente gjigande në vit si “Miss Shqipëria”, “Netët e Klipit” dhe “Miss Globe”. Bozo ishte i ftuar këtë të shtunë në “Thumb” nga Aulona Musta dhe Fatma Haxhialiu.

Natyrisht gjatë emisionit nuk munguan diskutimet rreth konceptit të së bukurës dhe si ka ndryshuar ai në vite, duke pasur shtuar këtu edhe homoseksualët. Bozo u shpreh kundër tyre, ndërkohë për sa i përket transgjinorëve shpreson që të mos arrihet deri tek ata në kompeticionet e që ai drejton.

“Ishalla nuk arrijmë deri në atë pikë se pastaj është kataklizmo fare. Kur filloi historia e homoseksualizmit që duhet të martohet gruaja me grua dhe burri me burrin për mua nuk është normale. Mbaje mend pas nja 5 a 6 vite kanë për të dalë edhe për përdhunuesit e të miturive. Bota po devijon kaq shumë nga gjërat sa unë nuk e di se ku do përfundojë”, tha Bozo.

Madje për Petri Bozon nuk mund të ketë një miss lezbike.

“Shpresoj që të ma fshehin, mos ta di, se nuk do më pëlqente. Ajo ka jetën e vet personale dhe duhet respektuar, por në raportin kur kjo lidhje mund të prishë ndërkohë raportin e punës, apo të kompeticionit ku ne jemi, kjo nuk do më pëlqente”, tha ai./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono