Thumb

anna-lika.jpg
G. P.19:21 | 22/06/2019

Anna Lika ishte e ftuar këtë të shtunë në emisionin “Thumb”. Ajo është një ndër personazhet më karizmatikë dhe të këndshëm për publikun. Siç është bërë zakon në banakun e emisionit edhe Anna tregoi një histori kur ka qenë e dehur.

“Para shumë vitesh mbaj mend që njëherë nuk e di pse më dukej vetja sikur isha shumë e famshme, sikur isha deputete. Kisha pirë vetë, vodka pjepër dhe i kisha marrë dy shoqet dhe i thoja “shikoni si ju shoqëroj në shtëpi me eskortë”. Ato nuk e kuptonin dhe kujtonin se bëja shaka.

Nga mbrapa kishim një makinë policie se nuk kishim ndaluar një postbllok më përpara. Ata po na gjurmonin dhe unë mendoja se jam shumë e famshme. U thoja këtyre që “jeni me kryetaren këtu. Sa herë të doni, kur të doni”. Nuk u ktheva unë në realitet, thjesht na ndaloi një makinë policie përpara që na ndaloi dhe ne dolëm dhe thamë që nuk është makina jonë”, tha Anna./abcnews.al

anna.jpg
G. P.19:07 | 22/06/2019

Anna Lika ishte e ftuara e radhës në banakun e emisionit “Thumb”. Ajo njihet si një ndër personazhet më karizmatikë dhe të këndshëm të ekranit të televizori.

Ajo tregoi me humor se ndryshe nga mosha 20-vjeçare, tashmë që është 26 vjeç kërkon thjesht një njeri të mirë për të kaluar jetën. Dhe për këtë ka një arsye shumë të fortë. Sipas saj meshkujt kanë filluar të rrinë shumë me njëri-tjetrin.

Anna u pyet nga Aulona nëse i ka ndodhur që të ketë zbuluar ndonjëherë se djali që ka pasur qejf të ketë qenë gay.

“Po më ka ndodhur. Nuk jam zhgënjyer, u bëmë pastaj shumë shokë. Që të ndërronim fustane nuk arritëm, por ndonjë bluze, ndonjë xhinse dhe e ndërronim. Unë nuk e kam shprehur kurrë kur kam pasur dikë qejf. Kam një metodë timen: bëj sikur nuk i kam qejf. Dhe ata më vijnë vetë. Ky s’vinte. E pyeta pastaj: “A kam ndonjë gjë unë personalisht?”  Jo tha thjesht ke një gjë që s’më duhet mua. E mirë i thashë, të paktën s’është problem im”, tha duke qeshur Anna./abcnews.al

aulona-musta-dhe-rezarta-skifteri.jpg
G. P.18:20 | 22/06/2019

Rezarta Skifteri është një prej stilisteve më të njohura shqiptare. Ajo ishte e ftuar këtë të shtunë në emisionin “Thumb” përballë Fatma Haxhialiut dhe Aulona Mustës. Duke qenë se ajo vesh edhe personazhe të njohur publikë, stilistja u shpreh se ata janë më të thjeshtë se populli. Sipas saj, për shkak se ata shpesh paragjykohen nga publiku nuk e bëjnë këtë gjë tek njerëzit e thjeshtë.

“Njerëzit mendojnë gjithmonë që personazhet publikë janë tekanjozë, janë mendjemëdhenj, kanë jetën shumë të kollajshme, kanë të ardhura financiare, çdo gjë është perfekte, ndërkohë që unë u them se njerëzit publikë janë njerëz të thjeshtë, si ata. Thjesht i shohin me syrin e tyre ndryshe nga ekrani, ndryshe nga Instagrami. Njerëzit publikë janë akoma më të thjeshtë se populli. Sepse nëse populli ndonjëherë gjykojnë personazhet publikë nga shumë gjëra, personazhet publikë, duke e pasur këtë gjë në kurriz, nuk e bëjnë tek njerëzit e thjeshtë sepse janë rrahur nga kjo gjë që u thonë “shih si ishte veshur, si ishte, bërë, shkoi atje, bëri këtë”. Janë shumë të thjeshtë dhe shumë të dashur. Nuk e ke idenë se sa të mirë janë”, u shpreh ajo.

Megjithatë, Rezarta rrëfeu gjatë emisionit se kanë qenë dy raste, ku është mërzitur me personazhet publike.

“Ka pasur dy raste. Një rast kur një personazh publik, i cili nuk kishte lënë orar vjen pa orar. Unë dua t’u shërbej të gjithëve, por kur kam dikë në orar nuk mund t’i them një tjetri që “shkëputu se ka ardhur personazhi dhe ti do presësh”. Unë i them personazhit “të lutem mos u mërzit, sa të mbaroj një gjë”. “Çfarë është kjo, unë s’mund të pres se nuk kam kohë”, tha. “Unë nuk është se s’dua, nuk kam ça me bo se është tjetra në radhë. Për shpirt ta kisha bërë”. U mërzit dhe iku. Unë nuk e mora në telefon. Nuk mori në telefon. Kaluan dy vjet, pas dy vjetësh erdhi sërish. Rasti tjetër është  një personazh që unë e dua shumë, por nuk do ta them emrin, e kam mikeshë, e cila është natyrë shumë e vështirë. Para se t’i bëhet veshja është mos duhet hequr, duhet shtuar, duhet vënë dhe gjatë provës ka gjithmonë frikë. Në telefon thotë “a ta lemë këtë veshjen tjetër”? Unë nuk i kthej asnjëherë përgjigje. Ajo e di këtë, por vazhdon prapë edhe pse më njeh në natyrë. Kur mbaron ia tregoj foton dhe më thotë “shpirti po vij ta marr””, tha stilistja./abcnews.al

cindy-marina.jpg
G. P.18:00 | 22/06/2019

Kurorën e Miss Universe Albania 2019 e mori një volejbolliste. Cindy Marina, shqiptarja e lindur dhe rritur në Amerikë, arriti të fitojë kompeticionin e bukurisë shqiptare. Ajo ishte e ftuar këtë të shtunë në emisionin “Thumb”.

Cindy tregoi se fitorja e Miss Universe e ka gëzuar dhe lumturuar pas punës që ka bërë për të arritur këtë sukses. Ajo rrëfeu se edhe pse ka lindur në Chicago dhe është rritur jashtë vendit ka dashur gjithnjë ta përfaqësojë Shqipërinë.

 “Edhe pse kam lindur jetoj jashtë unë jam shqiptare dhe ndihem se jam shqiptare. Që kur kam qenë e vogël, prindërit e mi më kanë mësuar mua dhe vëllezërve të mi për Shqipërinë. Ky është vendi im dhe kam dashur të vij të përfaqësoj vendin tim se e ndiej shumë atë dashurinë e Shqipërisë.

Unë nuk kam dashur me marr pjesë andej. Unë kisha shumë dashuri me ardh këtu me marrë pjesë se kam luajtur dhe me kombëtaren e volejbollit shqiptar dhe kam përfaqësuar Shqipërinë. Jam shumë krenare që jam shqiptare”, u shpreh Cindy.

Volejbolliste, Miss, por jo vetëm kaq. Cindy është vazhdon edhe shkollën për biznes. Ajo tregoi për “Thumb” se ka provuar shumë gjëra, por dëshiron që t’i mbajë të gjitha dyert hapur dhe më vonë të shikojë se çfarë i pëlqen më shumë./abcnews.al

fifi-1280x706.jpg
Sej rie00:15 | 16/06/2019

Portalet tashmë shkruan shumë për një marrëdhënie të mundshme mes këngëtares Fifi dhe Flori Mumajesit. E ftuar në emision “Thumb”, Fifi është pyetur nga Aulona mbi të vërtetën e këtyre thashethemeve.

Aulona: E di çfarë na intereson ne Fifi me thënë të drejtë, ti dhe Flori Mumajesi…

Fifi: Aman më këtë histori dashuri aman…

Aulona: Por ta bëjmë pak këtë pyetjes se fansat për këtë gjë flasin. Si lindi kjo gjë kështu dhe duket se ka ndodhur krejt rastësisht?

Fifi: E di garë pse nuk po ftoni Florin dhe t’iu tregojë.

Aulona: Do e pyesin edhe Florin po fol tani.

Fifi: Burrë e kam zemër çfarë ke tani?

Fatma: Kaq donim ne, faleminderit! Kur do vijë kënga si burrë dhe grua?/abcnews.al

zhupa-1280x717.jpg
Sej rie23:45 | 15/06/2019

Kush do mund ta zëvendësonte Xhemi Shehun në “Portokalli” nëse ajo supozojmë se vendos të largohet?

Kjo është pikërisht pyetja që Aulona Musta dhe Fatma Haxhialiut i kanë bërë Delinda Dishës në emisionin “Thumb”.

Dy moderatoret mendojnë se ajo do të ishte personi i duhur që do e përballonte edhe moderimin edhe aktrimit brenda një spektakli humori si “Portokalli”.

“Në rast se Xhemi sezonin që vjen nuk është në Portokalli, do të bëjë diçka tjetër. Ty do të pëlqente të ishe në të njëjtën kohë edhe aktore dhe moderatore në Portokalli?”, e pyeti Aulona aktoren.

“Moderimin e bëj po thjesht për momentin jam shumë mirë aktore. Unë kam bërë shkollën për atë punë dhe e di shumë mirë si menaxhohet një format humori. Me modesti e them që e bëj shumë mirë po kështu si tani jam mirë”, tregoi aktorja./abcnews.al

reperi-1280x722.jpg
Sej rie23:20 | 15/06/2019

Biznesmen, producent dhe reper, Silvi Fort tregon në një intervitë me  Kildën për emisionin “Thumb” se jetën e bëj më luksoze se në video-klipet e këngëve të tij.

Kilda: Për sa i përket klipeve të tua unë kam parë goca, jetë luksoze, makina, lekë, kështu është edhe jeta jote reale?

Fort: Është më shumë se kaq por ne nuk kemi dashur ta teprojmë shumë në klipe.

Kilda: Po ku i gjen gjithë këto lekë ti?

Fort: Një person që punon 16 orë si unë nga pjesa e lekëve nuk është problem.

Kilda: Përsa i përket verës, koncerteve, data ke ndarë duke qenë se vera është e vrullshme për artistët?

Fort: Është një nga sfidat më të mëdha dhe nuk e mendoja që do të ishte kaq impenjative. Do zhdukem për nja dy muaj dhe do jem lart e poshtë. Ja kaq lek sa për një avion privat nuk i kemi akoma./abcnews.al

tango-1280x718.jpg
Sej rie11:30 | 09/06/2019

Dy qerosë në një tango! Florian Binaj dhe Ledio Lako tregojnë se cili ishte regjisori që i bindi të aktronin larg skenës së “Portokallisë”.

Të pyetur nga Kilda se si u bënë bashkë se si u lindi ideja për këtë shfaqje teatrale, Ledia Lako tha: “Që të bësh një shfaqje nuk duhet të kesh flokë nuk është parametri kryesorë. Parametri Kryesorë është të jesh aktor. Arsyeja pse u bëmë bashki ishte ideja e regjisorit Artan Imami , ai e bëri propozimin për të dy neve, E morëm pjesë dhe përnjëherë na sha shkundi, filluam provat dhe kemi punuar tre muaj sepse edhe “Portokallia” na pengonte. Ne mendojmë se e kaluam klasën shumë mirë”./abcnews.al 

eva-murati-1-1280x713.jpg
Sej rie10:45 | 09/06/2019

Eva Murati është një ndër vajzat më të komentuara në botën e showbizit shqiptar, padyshim pamja e saj e simpatike dhe mënyra e saj e komunikimit me median shpesh herë e kanë vendosur në qendër të vëmendjes.

E ftuar në “ Thumb” ajo u pyet nga Fatma dhe Aulona e mbi paragjykimin që vajzat e televizionit nuk janë dhe aq inteligjente, Eva është shprehur se paragjykimi ekziston gjithmonë për vajzat simpatike.

“Padyshim që ekziston dhe nuk mendoj që s’ka arsye pse të mos ekzistojë. Problemi është që paragjykimi ekziston gjithmonë për vajzat simpatike, jo vetëm për vajzat e televizionit, por çfarëdolloj profesioni që të kesh. Nëse je simpatike, je e barazvlefshme me… nuk dua ta them budallaqe, por jo dhe aq e zgjuar. Unë padyshim e them që janë vajza që e meritojnë këtë gjë, sepse gjithsecili del në televizion për arsyet e veta të caktuara. Dikush e do kohën televizive me patjetër, sepse nuk ja mbush Instagrami atë egon e vet, kështu që patjetër i drejtohet televizionit. Qoftë edhe jo në profilin e duhur, ndoshta nuk di të flasë fare për temën e caktuar, gjithsesi del vetëm për të bërë poza dhe për të sfiluar.  Secili mendoj unë e gjen vetë atë vendin e vet dhe gjërat ndahen në mënyrën e duhur”, tha Murati./abcnews.al

kiara-tito-1280x725.jpg
Sej rie09:45 | 09/06/2019

Nga “Doktor plastik”, tek video-klipi i ri i Butrint Imerit, Kiara Tito rrëfen dashurinë e saj për televizion dhe sqaron një herë e mirë marrëdhënie me këngëtarin nga Kosova.

Një puthje në emisionin “Top Select”, kur Kiara moderonte këtë program ishte zanafilla e një historie të plotë dashurie nëpër portale. Videoklipi “Hajt Hajt” i Butrintit, ku Kiara ishte protagoniste i fryu më shumë zjarrit. Fotoja e tyre bashkë dhe videoklipi u mor si një konfirmim për lidhjen e tyre. Mirëpo, sot e ftuar në emisionin “Thumb” të Fatmës dhe Aulonës ajo sqaroi një herë e mirë që nuk është e lidhur me Butrintin.

 “Shpeshherë kam dëgjuar këto ditë se më në fund publikuat foto, e bëtë publike marrëdhënien tuaj. Ndërkohë që nuk është e thënë që ti të marrësh pjesë në videoklipin e një shoku dhe të pohosh marrëdhënien që mund të keni përveçse shoqërore. E them me sinqeritetin më të madh, nuk ka asgjë mes ne të dyve. Nuk e di përse është keqkuptuar që prej kohës së “Select”-it nisi si thashethem dhe u vazhdua për vite me radhë. Por unë e kam me të vërtetë mik të mirë. Nuk mund ta them që më pëlqen kjo gjë “je apo s’je” se ka momente që bëhet e bezdisshme. Por do thuash ti vetë e ke fajin…”,-është shprehur Kiara.
Ndërkohë, sa i përket fansave të Butrintit që nuk e kanë shumë qejf, Kiara ka një arsye pse ndodh kjo gjë:“Edhe unë kur kam qenë e vogël kam pasur shumë qejf atë Cesc Fabregaz dhe e kisha aq inat atë të dashurën e tij”,-ka thënë Kiara./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono