Provokacija

ervin-1280x714.jpg
Sej rie21:45 | 05/07/2019

Anëtari i Këshillit Kombëtar të PD-së Edvin Kulluri i ftuar në “Provokacija” është shprehur se PD ka ngelur në pikën ku Basha nuk mund ta dërgojë dot përpara.

“Ajo që i mungon PD-së është një zvetënim i mendimit mbi vlerat. Pra një mungesë e projektit politik. Ajo që është më keq akoma është që edhe pjesa kritike ndaj kësaj nuk ka qartësi se ku do ta çojnë PD-në, me apo pa Bashën. Ajo që më shqetëson  më shumë sidomos pas kësaj që ndodhi në 30 Qershor që për mua është katastrofike për demokracinë në këtë vend dhe për PD-në si protagoniste e kësaj që ndodhi. Le të themi atë që është. Ky ka qenë një vendim i PD-së për të mos hyrë në zgjedhje. Ndaj unë nuk e kuptoj në një masë të madhe këtë triumfalizmin për bojkot masiv, sepse ky ka qenë vendimi jonë. Këtu kemi arritur në një pikë sot që nuk ka vend më për të kritikuar se çfarë bën Basha. Unë personalisht mendoj se sot partia nuk përfaqëson më shumicën e shqiptarëve dhe nuk përfaqëson më as shumicën e demokratëve. Çështja është se çfarë do bëjmë? Sot kemi ngecur në një pikë që Basha nuk e çon dot më PD-në përpara”, tha ai.

Më tej Kulluri është shprehur se do ushte fatale nëse Basha dogji mandatet për të qëndruar kryetar partie.

“Këtë vendim e ka marrë Basha dhe nuk e ka marrë kryemadhi. Të jemi të qatrat sepse Basha e ka thënë vetë se unë kam marrë vendim për të djegur mandatet. Nëse këtë vendim e ka marrë që zoti Basha të qëndrojë ende kryetar partie, që dyshoj kjo pastaj do të ishte fatale”, u shpreh Kulluri./abcnews.al 

luan-rama-1-1280x721.jpg
Sej rie21:15 | 05/07/2019

Luan Rama i ftuar në “Provokacija” ka komentuar përplasjen e ndodhur ditët e fundit mes Presidentit Ilir Meta dhe Kryeministri Edi Rama. Ai është shprehur se në asnjë vend të Evropës apo botës nuk i rezulton “të ketë pasur një armiqësi kaq të dukshme dhe kaq të shpalosur midis dy funksionarëve më të lartë të shtetit”.

“Thelbi i gjithë krizës së madhe në të cilën është përfshirë fatalisht Shqipëria është se shqiptarë nuk kanë besim tek politika. Bazamentin e vet e ka tek kriza e besimit. Ne duhet të jemi më të ndershëm me qytetarët dhe më të ndershëm me veten. Qytetarët shqiptarë nuk kanë besim tek politika sepse vetë politika e ka vrarë këtë besim me qytetarët. Shikoni çfarë ndodh…nuk dua të merrem me emra, por nuk i shmangemi dot emrave. Jam përpjekur të gjej këto ditë një rast tjetër kaq alarmant sa në Shqipëri të raporteve midis qeverisë dhe Presidentit, midis Kryeministrit dhe Presidentit. Nuk ka rëndësi si i kanë emrat, por po flasim për shtetin. Dhe nuk më rezulton dhe nuk po gjej në asnjë manual në asnjë histori politike të shteteve që të ketë pasur një armiqësi kaq të dukshme dhe kaq të shpalosur midis dy funksionarëve më të lartë të shtetit, në një shtet demokratik po flasim siç ndodh në Shqipëri. Është unikale! Ka shenja të të njëjtës mënyrë sjelljeje po të shikojmë edhe zhvillimet e fundit në Kosovë, por prapë tek shqiptarët na shkon kjo lloj kundërvënie. Nuk gjej në asnjë histori të Evropës moderne apo të botës moderne, një ministër, një anëtar qeverie , një Kryeministër që të anatemojë me fjalor rruge Presidentin e Republikës. Del Kryeministri dhe e gjithë fushat e ashtuquajtur zgjedhore e tij ishte e përfshirë në 4-5 fjalë kyçe. Merr si referencë Haxhi Qamilin dhe na çon tek periudha e mbrapshtë e një histori tragjike për Shqipërinë dhe stigmatizon kryetarin e shteti duke e cilësuar si Xhike Qamili e ku di unë. Merret me Monika Kryemadhin si bashkëshorte e tij, merret me filxhanin, pra nuk janë dinjitoze, nuk janë të moralshme, merru me idetë politike të Presidentit të Republikës. Merru me sjelljen politike të Monika Kryemadhit sepse ajo është një kryetare partie dhe e ka marrë përsipër këtë risk”, tha Luan Rama./abcnews.al

PROVOKACIA-5-KORRIK-DENAR-BIBA-PJESA-1.mpg_snapshot_08.17-1280x720.jpg
ent ela21:02 | 05/07/2019

I deklaruar edhe më herët kundër prezantimit të teknologjisë në zgjedhje, Denar Biba shprehet në Provokacija se tashmë duhet të dakordësohet me Oerd Bylykbashin sa i takon votimit elektronik, i pyetur për ndërhyrjet q ëmudn të bëhen në sistem..

“Ndërhyrjet synojnë sistemin dhe ai është thelbi, por në lidhje me procedurën, unë kam qenë kundër dhe i deklaruar për prezantimin e teknologjisë në zgjedhje, por mesa duket do dakordësohem me Oerd Bylykbashin dhe mendoj se votimi elektronik, i gjithë procesi, identifikimi i votuesit, momenti i votimit, transmetimi i të dhënave dhe nxjerrja rezultateve mund të bëhen të katër elektronike dhe ndërhyurja është zero. Unë kam qenë kundra, por nëse doni të përjashtoni këto cic micet, partitë politike, PD. Nuk ia di përvojën Gamend Bardhit me zgjedhjet, por jam i bindur që të tjerë në PD e dinë shumë mirë që nuk ka asnjë mospërputhje mes deklarimit të parë dhe të dytë, nuk e mirëkuptoj, por e kuptoj në këtë mjedis ku jetojmë”.

I pyetur për koston që mund të ketë votimi elektrnik dhe për sa kohë është i vlefshëm ai, Biba përgjigjet se ky investim shkon në 40-50 milionë euro dhe vlen për 3-4 zgjedhje nëse nuk ndryshon sistemi zgjedhor.

“PD që  bën më shumë zhurmë është partia që është mbështetëse e votimit elektronik, kostoja në dijeninë time është në varësi të firmës të cilës i drejtohesh, teknikës, update, një kosto 40-50 milionë euro. Ky investim vlen deri në 3-4 zgjedhje se kërkon dhe mirëmbajtje në rast se nuk ndryshon sistemi ligjor, por nëse qëndron janë të vlefshme për 3-4 zgjedhje”.

Duke sjellë në vëmendje një vendim të gjykatës gjermane  të vitit 2010, e cila e shpalli antikushtetues votimin elektronik në Gjermani, me argumentin se votuesi gjerman nuk kupton se ku shkon vota e tij, nënkryetari i KQZ-së thotë se në Shqipëri mund të bëhet edhe i dyfishtë, me elektronik dhe klasik, duke e shpejguar procesin para zgjedhjeve përmes televizionit.

“Ka një vendim të gjykatës gjermane 2010 që e shpalli antikushtetues votimin elektronik në Gjermani me argumentin se votuesi gjerman nuk kupton se ku shkon vota e tij. Kurse në votimin elektronik ai shtyp një buton dhe ai nuk e kupton.

Në Shqipëri mund të bëhet edhe një proces mësimor nëpërmjet TV, nuk është e vështirë. Mund të bëhet edhe i dyfishtë, të jetë dhe makina dhe me letër”.

Por një zgjidhje për votimin klasik e sheh te modeli finlandez, ku komisionerët zgjidheshin në mënyrë kompjuterike nëpërmjet shtetasve me të drejtë vote mbi 18 vjeç

“Duke kuptuar procesin, kam kuptuar se të gjithë që merren me këtë çështje nuk mund të ketë demokraci pa parti politike . Partitë ofrojnë kandidatë, përçojnë ideologjitë te masat dhe sjellin energji duke sjellë struktura që menaxhojnë, por ka konflikt interesi. Unë jam dëshmitar sesi në Finlandë zgjidheshin në mënyrë kompjuterike nëpërmjet shtetasve me të drejtë vote 18 vjeç e lart”.

Mund të ecë në Shqipëri?

“Mund të ecë, ka pasur ide për të përfshirë mësuesit, por prapë dikush do thotë që janë të punësuar të qeverisë. Kurse në KAZAZ të vinim gjyqtarë ose noterë. Dhe kështu të kishim një trupë më profesionale shqiptarësh”. /abcnews.al

PROVOKACIA-5-KORRIK-DENAR-BIBA-PJESA-1.mpg_snapshot_01.38-1280x720.jpg
ent ela20:45 | 05/07/2019

I pyetur në lidhje me debatin e zhvilluar në Komisionin Qëndror të Zgjedhjeve, nënkryetari i KQZ-së denar Biba shprehet se në fillim kryetari kërkoi hetim administrativ dhe më pas ndryshoi qasje duke kërkuara hapjen e kutive në të gjithë vendin. Sipas tij kjo kërkesë nuk ka as bazë ligjore dhe as morale, teksa jep shpjegimet për secilën.

“Kryetari e ka kërkuar edhe gjatë ditës së zgjedhjeve dhe ka kërkuar nisjen e një hetimi administrativ për të parë pse ka mospërputhje. Zguri duhet ta dijë më mirë se kushdo tjetër se në atë institucion ka që nga ’97, duhet ta dijë se informacioni nuk vjen në mënyrë elektronike. Kryetari kërkoi hetim, e kam mbështetur dhe kam thënë që të bëhet hetim me çka ndodhi në KQZ. Vetëm disa minuta më pas Zguri ndryshoi qasje dhe nga hetimi administrativ kërkoi hapjen e të gjitha kutive në rang vendi.

E di kur përfundon shpallja e rezultatit nëse hapen kutitë e votimit. Në tetor-nëntor. Kërkesa duhet të ketë moral dhe bazë ligjore. Kërkesa nuk ka bazë ligjore dhe nuk ka detyrim ligjor, nuk ka ansjë detyrim ligjor në kodin zgjedhor që të detyrojë a ngarkojë KQZ me detyrim për të dhënë informacion lidhur me pjesëmarrjen.

Te morali, Zguri që në fillim nuk i ka pranuar zgjedhjet. Dekreti i Presidenti vazhdon të jetë në fuqi dhe zgjedhjet janë nul për të. Këtu ka diçka që nuk shkon dhe tani kërkon të heqë njollën për një gjë që nuk ekziston sipas tij”.

I pyetur nëse e përjashton situatën ku komisionerë në terren të kenë futur letra në kuti më shumë se duhet, Biba shprehet se kjo do ishte vetëvrasje për ta. Ai nuk del dorëzanë për mbi 25 mijë komisionerë, por i beson llogjikes. Sipas tij nuk ka arsye për ta bërë një gjë të tillë se në ato bashki ku u kontestua rezultati, ishin bashki me një kandidat të vetëm.

“Fletëvotimi është tjetër gjë dhe pjesëmarrja tjetër gjë. Aq njerëz sa kanë marrë pjesë në votim duhet të korrespondojnë më numrin në momentin që mbyllet votimi, komisioni mbyll procesverbalin ku shënohet dhe shifra e pjesëmarrësve dhe fletëvotimeve që u përdorën nuk u përdorën, të vlefshme, të pavlefshme dhe libri origjinal dhe një kopje futen në kuti dhe mbyllet e nuk hapet asnjëherë. Kutia me vota rihapet, bëhet numërimi dhe del rezultati.

Dhe do ishte vetëvrasje për ata komisionerë, operacioni do kërkonte super organizim. Çdo veprim kërkon një arsye. Në 6 nga 7 bashkitë e kontestuar ku kishte probleme dukshëm mes votave dhe pjesëmarrësve ishin të gjitha bashki me një kandidat të vetëm. Ishte krejtësisht i panevojshëm shtimi i votave. Përputhshmëria e tyre është matematikisht e pamundur. Dhe mbi të gjitha kjo nxjerr në pah një tjetër paradoks.

Nuk e përjashtoj dhe nuk dal dorëzanë për mbi 25 mijë komisionerë, por besoj dhe te llogjika më thotë që ka qenë e panevojshme dhe këto materiale zgjedhore janë aty dhe në 3 muaj janë te arkivi i shtetit dhe çdo gazetar në respekt të informimit mund t’i aksesorë”. /abcnews.al

PROVOKACIA-5-KORRIK-DENAR-BIBA-1280x720.jpg
ent ela20:30 | 05/07/2019

Nënkryetari i KQZ-së Denar Biba ka deklaruar në studion e Provokacijas të Mustafa Nanos në ABC News se mospërputhja me shifrat e pjesëmarrjes në votime ka qenë gjithmonë dhe do të vazhdojë të jetë për aq kohë sa votimi nuk bëhet plotësisht elektronik.

“Kanë qenë gjithmonë dhe do të jenë gjithmonë, nëse nuk bëhen plotësisht elektronike. Aty ku votuesi në momentin që shtyp touch të shkojë menjëherë në një server dhe bashkë me të përllogaritet edhe pjesëmarrja

Përsa kohë kjo nuk ndodh, por komunikimi është me telefon, detyrë e ka sekretari, sekretari nuk e ka listën, listën e ka kryetari i komisionit të zgjedhësve. Rezultatet janë në faqen e KQZ dhe bashkitë që u kontestuan të gjitha kanë deklarime të rrumbullakosura, kjo tipiksht është rrumbullakim nga sekretari ia jep KAZAZ dhe ne pasqyrojmë atë që na kanë dhënë.

KQZ ka Web siten e vet që ka programe për veshin e qytetarëve që kanë transmetuar në 2017 nga KAZAZ në KQZ transmetimin elektronik”. /abcnews.al

 

petrit-malja-1280x705.jpg
Sej rie21:45 | 02/07/2019

Drama “Vizita e inspektorit” shkruar nga John Priesley vjen premierë në skenë nga regjisori Altin Basha. Pjesë e kasit të aktorëve ka qenë edhe Petrit Malaj, i cili është ngjitur në skenë e Teatrit pas 16 vitesh. Në “Provokacija” aktori dhe njëherësh dekani i Fakultetit të Artit në Selanik ka treguar arsyet e kësaj pauze të gjatë.

“Pas rreth 15- 16 vitesh jam ngjitur në skenë dhe janë disa faktorë që ndikojnë në fakt. Aktorët në përgjithësi anojnë nga njëra anë, anojnë ose nga filmi ose nga Teatri. Unë kam anuar më shumë nga filmi. Së dyti, faktori i dytë është se jam marrë dhe kam pasur një lloj ndërmarrje të karakterit administrativ në universitet. Vetë ofertat ndoshta. Pra janë shumë faktorë që kanë ndikuar. Unë jam marrë me filmin dhe kam pasur angazhim. Teatri ka një gjë tjetër sepse sipërmarrja në teatër është shumë konkrete dhe nuk ka një jetëgjatësi në kohë si filmi. Të them të drejtën unë kam qenë në sezon pushimesh dhe më është dashur diçka ta lë që të bëj këtë punë dhe kam bërë mirë”./abcnews.al

dritan-1280x703.jpg
Sej rie21:30 | 02/07/2019

Anëtari i Këshillit Kombëtar të PD-së Dritan Shano i ftuar në “Provokacija” është shprehur se nga vendi kanë ikur pjesa më e mirë e shoqërisë dhe sipas tij këtu kanë mbetur më çyrykët.

Mustafa Nano: Këtu ekziston një ide që pjesa më e mirë e Shqipërisë e ka lënë këtë vend dhe me pjesën më të mirë e kam parasysh pjesën më të fisshme me një begraund urban dhe një edukim universitar dhe kjo e ka penalizuar fort atë fibrën civile të shoqërisë…

Dritan Shano: Jam dakord me këtë. Tani ka një gjë dhe është e vërtetë kjo se të gjithë guximtarët ose shumica e guximtarëve e kanë lënë këtë vend. Në këtë vend kanë ngelur pak guximtarë të cilët për 1 mijë arsye dhe rrethana kanë mbetur këtu. Tani nuk duhet ndonjë guxim për të ikur. Por për një qenie njerëzorë, të lërë shtëpinë, të lërë folenë, të lërë atë sigurinë do një lloj guximi sidoqoftë. Edhe pse atje ku ti shkon të pret një jetë më e mirë. Nuk duhet ndonjë guxim i madhe sot sepse ne jemi të stacionuar nëpër vendet e Evropës dhe dimë se ku po shkojmë. Ti sot kur ikën në Greqi do gjesh një kushëri sesbën që t’i zësh derën. Ai që ikte në ’91 dhe ajo që e priste ishte rruga. Kjo e diferencon këtë gjë. Por jam dakord me atë që t’i the sepse ka ik pjesa më e mirë. Ikin më të mirët dhe këtu ngelin më çyrykët. Sepse që të arrish të mbash çyrykët me bukë duhet të jesh më i zoti ti. Unë nuk jam dakord se këtë që mbeten nuk paskan fakultetin, nuk paskan aftësinë dhe kapacitetin që të veprojnë sipas vlerave evropiane ndaj të cilave ata kanë 30 vjet që ekspozohen./abcnews.al

shanooo-1280x709.jpg
Sej rie21:15 | 02/07/2019

Anëtari i Këshillit Kombëtar të PD-së Dritan Shano duke folur për situatë politike në vend shpreson që ngritja e SPAK dhe Gjykatës Kushtetuese t’i vijë në ndihmë interesave të vendit. Ndërsa propozimet bërë sot nga Presidenti Meta për 13 Tetorin, tha se janë nevojë e tij dhe jo e shqiptarëve.

“E para një herë unë mendoj se Shqipëria do të marrë një shok elektrik, të vogël, të madh nuk e di se çfarë përmase do të marri me kompletimin e SPAK dhe Gjykatës Kushtetuese, kur këta të ndodhin. Sepse ka një tendencë për ta mbivendosur tek PD-ja arsyen se përse këta janë vonuar, por kjo nuk është e vërtetë. Janë të tjera institucione ata që duhet t’u kishin dhënë një akselerim këtyre gjërave. Kjo është ajo që pres unë të ndodhi. Këto të tjerat që po ndodhin aktualisht mua nuk më krijojnë absolutisht asnjë problem. As edhe propozimi i Presidenti që tha se në datën 13 Tetor do bëjmë edhe zgjedhje të përgjithshme, edhe lokale edhe zgjedhje për presidentin, sepse ajo dukshëm është më shumë një nevojë e tij sesa e shqiptarëve. Këto pres unë që të ndodhin. Çfarë do duhet të ndodhin është që modelet e suksesi me shpresë të Zotit dhe me ndihmën e SPAK dhe Gjykatës Kushtetuese. Kur them modelet e suksesit nuk kam para sysh njerëz sepse nuk merret Dritan Shano me njerëz merrem me kulturën që ata kanë krijuar. Shqipëria ka nevojë për një marrëveshje të re, një Kushtetutë të re një Kod Zgjedhor të ri që i pajton shqiptarët dhe jo që i ndan dhe i acaron shqiptarët. Për këtë duhet që njerëzit shqiptarë të ulen në tavolinë dhe ta diskutojnë. Lidershipet e deri sotme nuk mund të jetë ato sepse ata janë shkaktarët e problemit dhe nuk mund të jenë zgjidhësit e problemit. Ky është sinjali i madhe që u mor nga këto ditë dhe këtë kërkojnë shqiptarët”./abcnews.al

PROVOKACIA-2-KORRIK-MONOLOGU-VOLTANA-ADEMI.mpg_snapshot_06.45-1280x720.jpg
ent ela21:00 | 02/07/2019

Kryebashkiakja e Shkodrës Voltana Ademi denoncoi në studion e “Provokacija” të Mustafa Nano, se ka fakte me dokumenta dhe video të manipulimit të votave në Shkodër.

“Edhe në Shkodër kemi disbalancim kur bëhet fjalë për llogaritë aritmetike që bën KQZ,  grupet e numërimit, ka disbalancim të thellë, por ne kemi pasur monitorim për të faktuar realen dhe të vërtetën, kemi dokumenta dhe fakte mjaftueshëm dhe do t’i bëjmë publike por respektojmë qytetarët”.

Ajo tha se disponojnë video të sakta të qendrave të votimit të cilat janë mbyllur me orë të tëra për të mbushur kutitë e votimit.

“Ne kemi dokumentim, video të sakta të Qendrave të Votimit për të kuptuar sa falsitet dhe sa komediane është ajo që proklamohet si rezultat i ashtuquajtur fitimtar. Kemi video të njerëzve që kanë shkuar për të votuar, është disa herë më i ulët se ajo që deklaron KQZ. Kemi fakte të Qendrave të Votimit ku janë mbyllur dyert me orë të tëra dhe mbushnin kutitë e votimit”.

Nano: Nëse jeni në gjendje ta provoni ky është lajm

Ademi: Mund t’ju dërgoj videot dhe t’i shihni.

Nano: Po videot çfarë kanë?

Ademi: Janë Qendra Votimi të mbyllura dyert, ku komisonerët kanë dalë nga 0ra 9 pa 20 e darkës te ambulanca në qendër të Shkodrës.

Ajo u bëri thirrje anëtarëve të KQZ që të përballen me vetëdijen që u takon për të mos u përballur nesër me padi penale.

“Thirrje anëtarëve të KQZ në emër të ligjit  të përballen me vetëdijen që u takon për të mos u përballur nesër me padi penale që do ngarkojë ata për manipulim të së drejtës qytetare”.

Nano: Mua do më kesh në krahun tënd, kjo akuzë është e rëndë. Dua të marr vesh nëse po hidhni baltë, apo po thoni të vërtetën.

Ademi: Mjafton të verifikojmë edhe firmat e hedhura, mjafton të verifikojmë sistemin TIMS. Besoj që kjo duhet të bëhet. Këtë po i kërkoj edhe KQZ-së. Vlen për të gjithë pavarësisht çfarë përfaqësojnë aty. /abcnews.al

PROVOKACIA-2-KORRIK-MONOLOGU-VOLTANA-ADEMI.mpg_snapshot_12.49-1280x720.jpg
ent ela20:45 | 02/07/2019

Pa pritur pyetjen e drejtuesit të emisionit Provokacija, Voltana Ademi iu përgjigj zërave nëse ajo do e lirojë apo jo zyrën e kryebashkiakes së Shkodrës.

“Po i përgjigjem një pyetjeje që  e pres edhe nga ju; do e lironi zyrën? Përtej një karrigeje apo zyre minimaliste në kuptimin formal të fjalës, mendoj që problemi që ne kemi sot në Shqipëri është përtej vendorëve , përtej bashkive, dhe kjo duhet të na shqetësojë. Është krizë e madhe që lidhet demokracinë dhe me themelin e demokracisë dhe përgjigja që është dhënë të dielën nuk e di nëse populli jonë ka reaguar ndonjëherë më fuqishëm se të dielën”.

Nano: Do e lironi zyrën?

Ademi: Unë do jem në krahun e njerëzve. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono