Provokacija

nanos-1280x720.jpg
in a21:16 | 03/12/2019

Të dhurosh në ndihmë të njerëzve të dëmtuar nga tërmeti të është një gjest i bukur, por bukuria e këtij gjesti është lënduar shumë nga spektakolariteti”. Kështu shprehet Mustafa Nano në monologun e tij të kësaj jave në “Provokacija”.

Teksa shton se gjestet e tilla të bukura kur shoqërohen me anonimitetin janë edhe më të bukura.

Mustafa Nano është ndalur te ndihmat që janë bërë nga qytetarë të ndryshëm, personazhë publik ose jo. Duke i cilësuar si pasunarë shqiptarë Nano thotë se ka frikë se gjitha kjo mund të jetë një lojë.

“Këto ditë ka pasur shumë lajme për dhurimet në dëmtim të njerëzve nga tërmeti. Ky është një gjest i bukur, por bukuria e këtij gjesti është lënduar nga spektakolariteti nga fakti që gjesti është bërë pjesë e informacionit”, shprehet Nano.

“Gjeste të tilla bëhen për ti garantuar vetes një lloj karari të caktuar të brendshëm, por synimi është të mos mbetet anonim. Gjestet e tilla kur shoqërohen me anonimitetin janë edhe më të bukura. Vullnetarizmi është bukur kur shoqërohet me anonimitetin. Kjo gjë ka ndodhur me masën. Të kesh pak edhe të dhurosh pak kjo është sakrificë e madhe, por të kesh shumë siç kanë pasunarët shqiptarë dhe të dhurosh një porcion të vogël të pasurisë nuk ke bërë asgjë”, shprehet Nano.

Një numër pasunarësh deklaruan shuma të caktuara ndoshta edhe nën presionin e qeverisë apo shoqërisë që kërkonin nga oligarkët të zgjidhnin qesen e tyre apo të qeverive të cilat kanë bashkëpunuar, ata më në fund e zgjidhën qesen. Kam frikë se e gjitha kjo është një lojë. Kur e gjithë kjo histori të mbyllet ne do të marrim vesh që pasunarët shqiptarë nuk kanë dhuruar para, është nevoja që ata të tregojnë një dokument bankar, gjesti i tyre nuk duhet të jetë thjesht spektakolar, çdo gjë duhet të bëhet transparente. Njërëzit duhet ta deklarojnë formën e kontributit që ata kanë dhënë. Ky ishte monologu im për sonte”, shprehet Nano./abcnews.al

mustafa-nano-1280x748.jpg
ger ta08:44 | 30/11/2019

Tragjedia e provokuar nga tërmeti duket se erdhi për të na vënë në provë”. Kështu shprehet Mustafa Nano në monologun e tij të kësaj jave në “Provokacija”, që vjen vetëm pak ditë pas tërmetit të rëndë që goditi vendin dhe mori dhjetëra jetë.

Teksa thekson se ishte një provë, Nano shton se e kemi kaluar këtë test. Madje vë në dukje se këto ditë nuk ka pasur as vjedhje dhe vrasje, ndërsa tregon më tej se “çfarë pamë nga ky tërmet” përveç tragjedisë së madhe e cila vështirë se do të harrohet.

Tragjedia e provokuar nga tërmeti duket se erdhi për të na vënë në provë, për të na testuar dhe duket se në njëfarë kuptimi ne e kemi kaluar këtë test dhe shenjë për këtë kanë qenë këto ditë të dhembjes dhe hutimit që u bënë edhe ditë të spektaklit të bukur të solidariteti.

As vjedhje dhe vrasje nuk ka pasur gjatë tre ditëve të fundit, shenjë edhe gangot dhe banditët u kapën prej skrupujsh, u dorëzuan para dhembjes dhe solidaritetit kombëtar. Pati edhe njerëz në rrjetet sociale, atje ku mund të flitet duke e mbajtur fytyrën të fshehur, pati edhe njerëz që nxorën mllef dhe vrerë, që mbollën panik që edhe këto ditë e patën mendjen te lojrat politike apo fetare apo ku di unë se çfarë. Pati edhe njerëz që e patën mendjen te shfaqjet dhe pozat para kamerës që vullnetarizmin e shëndërruan në një garë. Që me të bërë një donacion nxitonin t’ja bënin me dije botës.

Pati edhe politikanë që nuk duruan dhe iu kthyen zanatit të vjetër, kacafytjes, gjuhës së urrejtjes. Pati pra edhe të tillë, por në sy ra më së shumti solidariteti, ishte prekës po a sa edhe vetë tragjedia. Duhet shpresuar që kjo tragjedi të na ketë bërë më të mirë. Ky ishte monolog im për sonte”, shprehet Nano./abcnews.al

kopliku-teremti-1280x725.jpg
ger ta08:26 | 30/11/2019

Inxhinieri Bashkim Kopliku në emisionin “Provokacija” të Mustafa Nanos ka treguar sipas tij fajtorët që ndikuan në tragjedinë e madhe të tërmetit.

Kopliku u shpreh se fajtor i gjithë kësaj “jemi ne populli shqiptar”, por edhe drejtësia që ka bërë punën e saj me lejet e ndërtimeve, duke mos lënë pas gjyqtarët për të cilat tha se i janë ankuar banorët këto ditë.

Inxhinieri theksoi se i ka të gjithë emrat e fajtorëve të ruajtura në kompjuterin e tij.

Fajtori i asaj që ndodhi jemi ne populli shqiptar, pikë. Ne popolli shqiptar e kemi bërë kështu punën që të vdesim për fajin tonë, për fajin e shqiptarëve.  Jo çdo shqiptar është fajtor, ka klasifikime të ndryshme. Unë nxjerr fajtorë kryesorë drejtësinë. Edhe ne jemi pjesë e saj. Unë nuk pushoj së qenuri zv.kryeministër i këtij vendi dhe megjithatë kam dështuar, akoma ajo shtëpi është kandidat për tu bërë nga 6 kate në i rrafshuar, dhe shtëpisë time mund t’i ndodhë kjo. Kush do që pas këtij emisioni të bëjë dava me mua i kam të gjithë emrat e fajtorëve të regjistruar dhe janë në kompjuterin tim, por janë edhe në kompjuterin e një tjetri që po më humbi të mbesin.

Ata gjyqtarë që janë me emër dhe mbiemër dhe janë fajtorë. Për ata e kanë me të thënë më kanë thënë banorë dje”, tha Kopliku, teksa shtoi se ka ndikuar edhe cilësia e ndërtimeve.

Po ashtu inxhinieri më herët u shpreh se tërmeti i Shkodrës i vitit 1979 ishte më i fortë se ai i 26 nëntorit, ndërsa hedh poshtë pretendimet se media krijoi panik.

Në rastin konkret paniku nuk është krijuar nga mediat. Mediat për herë të parë, unë që jam kritikues, në këtë rast nuk i kritikoj. Paniku është krijuar nga ngjarjet skandaloze që kanë ndodhur. Një tërmet fare fare i parëndësishëm, është një tendencë kolektive sidomos i fajtorëve për ta bërë të hatashëm gjë që s’ka ndodhur kurrë. Unë e kam jetuar tërmetin e ’79 mund të të them se pasi ula veten në tokë (asokohe) dhe po shihja pallatin, shtyllat e telefonit me gjithë pallatin tim bënin kështu…nuk ka ndodhur kjo punë tani, nuk ka qenë ky tërmet si ai në Shkodër. Nuk dua ta zgjas magnitudën. Por më mirë të fiksojmë se magnituda ka të bëjë me tërmetin aty ku buron dhe intesiteti ose ballët ka të bëjë me efektin që jep ai tërmet në vendin që diskutojmë”, tha ai. /abcnews.al

endri-xhafo-provokacija-1280x708.jpg
nev ila23:21 | 29/11/2019

“Mungesë metodologjie, jo vetëm e qeverisë, por e çdo institucioni shtetëror shqiptar”, e ka quajtur gazetari Endri Xhafo, menaxhimin e situatës dramatike, që la tërmeti i 26 nëntorit.

I ftuar në “Provokacija” me Mustafa Nanon, gazetari tha se, qeveria dhe instancat shtetërore, duhet ta kishin parashikuar që ndoshta do të vinte kjo ditë, dhe se duhet të ishin marrë masa. Kjo pasi të gjithë e dinë se, Shqipëria ndodhet në zonë me sizmologji të lartë, e si e tillë duhet të ishte e parapërgatitur.

Gjatë bisedës së tij Endri Xhafo tha se, menaxhimi i tragjedisë që shkaktoi tërmeti, la për të dëshiruar, e kjo u duk edhe në hezitimin e qeverisë për të shpallur “Gjendjen e Emergjencës”, ligji i të cilës është bërë nga vetë kryeministri, theksoi gazetari.

Pjesë nga biseda:

Mustafa Nano: Kam vënë re një solidaritet mes shqiptarëve që nuk e shoh në rrethana normale…

Endri Xhafo: Ka qenë i jashtëzakonshëm! A nuk është e jashtëzakonshme të shohësh Kosovarët, duke punuar dorë për dorë me Serbët?! Këto janë momente rrënqethëse. Apo të shohësh një person, i vogël në 1999, kur kishte ardhur nga Kosova në Shqipëri. Kishte ardhur përsëri tani, si pjesë e FSK (Forcave Speciale të Kosovës) për të ndihmuar. A ka histori më prekëse se kjo? Si këto gjen plot histori këto ditë, pra ka qenë një solidaritet, jo vetëm mbarëshqiptar, por edhe një solidarizim njerëzor shumë prekës”, tha ndër të tjera Xhafo./abcnews.al

c4c26468-ee38-41e1-9e84-bf7abc75c165-1280x720.jpg
ent ela10:30 | 23/11/2019

Agjenda e konferencës mbarëkombëtare që do të mbahet më 25 nëntor ka tërhequr vëmendjen e drejtuesit të emisionit “Provokacija” Mustafa Nano këtë të premte. Duke parë programin e saj, ku pjesën më të madhe të fjalimeve dhe diskutimeve e ka ministri i jashtëm Gent Cakaj dhe të ftuarit, që sipas Nanos supozohet të jenë eksponentë të rëndësishëm të kombit, vetëm 5 minuta, Nano ngre dyshimet se ministri i jashtëm pi të bardhë (kokainë). Sipas tij e gjithë kjo situatë nuk mund të shpjegohet ndryshe, madje shton se ky është një rast unik për guinness.

Monologu i plotë

Është vendi për ta thënë me të folme shkodranësh “Çfarë s’ni robi”

Ka dalë njoftimi që do të mbahet në 25 nëntor një konferencë pankombëtare  organizuar, e sponsorizuar, apo nën kujdesin e Shkëlqesisë së tij Ministrit për Evropën dhe Punët e Jashtme zotit Gent Cakaj.

Kur flitet për konferencë mbarëkombëtare mendja na shkon se atje do të jenë të ftuar njërëzit më të zgjedhur të kombit, eksponentët më të rëndësishëm të kulturës dhe në këto rrethana shumëkush pret që të marrë mesazhe të rëndësishme për kombin.

Mirëpo le të lexojmë agjendën, është një agjendë e çuditshme.

Programi i konferencës:

Nëse ky njeri Gent Cakaj nuk ka ndonjë problem me ekuilibrin mendor dhe unë jam i sigurtë që nuk ka asnjë problem, atëherë më duhet të them që ai merr të bardhë, ai pi të bardhë e kuptoni përse e kam fjalën, se nuk ka si shpjegohet ndryshe kjo situatë surreale, e çmendur, e pakuptueshme. Është nëj situatë për t’u regjistruar në guinness se nuk ka ndodhur ndonjëherë në historinë e botës, për këtë jam i sigurtë kjo për të cilën unë fola dhe në guinnness do të jëtë material unik, situatë unike, rast unik as më parë as më pas. Ky është monologu im për sot. /abcnews.al

PROVOKACIA-22-NENTOR-GJERGJ-BOJAXHI-PJESA-2.mpg_snapshot_13.09-1280x720.jpg
ent ela22:57 | 22/11/2019

Arsyeja kryesore që Gjergji Bojaxhi angazhohet në politikë është se nuk ndjehet i përfaqësuar. Në studion e Provokacijas ai tha se përgjegjësinë nuk e ka votuesit, por nuk kuptonte ata votues që i qëndronin besinik premtimeve të hajdutëve dhe maskarenjve të politikës.

“Problemi ynë kryesor nuk është që ka pak të ndershëm e shumë masakrenj. Problemi ynë është se këta të ndershmit kush i përfaqëson. Arsyeja që unë angazhohem në politikë është se nuk jam i përfaqësuar. Fajin e ka personi që kandidon nuk e ka votuesi. Si në biznes nuk e ka fajin konsumatori, edhe në politikë përgjegjësinë nuk e ka votuesi. Nuk jep zgjidhje duke kritikuar votuesin. Nëse unë do bëj një kritikë është me gjysëm humori. E kuptoj që nga halli varfëria, nevoja për t’i gjet një vend punës fëmijës, njerëzit bëjnë premtime për votën. Ajo që unë nuk kuptoj është një gjë, pse kur shkojnë te kutia e votimit i mbajnë premtimin hajdutëve dhe msakarenjve në politkë, por në anonimitetin e kutisë së votimit nuk kontrollohet dot më dhe prapë është si të shkosh te prifti, t’i thuash më fal dhe më lejo të bëj mëkate edhe për 4 vitet e ardhshme, se do të krijosh varësi edhe për 4 vitet e ardhshme”.

Sipas tij politika jonë është kanibaliste nuk di të prodhojë të mira dhe po fut duart në xhepat tanë.

“Politika jonë është kanibaliste nuk di të prodhojë të mira. Këta kanibalë kanë kapur se çfarë ishte e ndërtuar e përbashkët nga e kaluara. Këta janë më të më shumtë, më të fortë e më agresive dhe po fusin duart në xhepat tanë dhe me këto taksa bëjnë më shumë korrupsion me tendera e vende pune. Po marrin burimet tona natyrore”.

Bojaxhi akuzoi partitë se bëjnë gara se kush e shkel ligjin më pak, apo kush do vjedhë më pak apo më shumë. Sipas tij qytetarët nuk kanë të ardhme

“Fakti që Rama futi kriminelë brenda parlamentit është skandaloze, një parti që i ka mbajt mbrapa skene dhe po merr pikë se partia tjetër u tregua më e guximshme dhe i mori në parlament. Unë si qytetar njëlloj po vidhem e abuzohem njëlloj si me krimineleë në parlament si me kriminelë pas.

Po mua si shoqëri që s’kam të ardhme dhe po më shkatërrohet vendi dhe e ardhmja e fëmijëve të mi. Për mua njësoj është si kriminela para politikanit dhe ai pas, ai mburret se shkel ligjin më pak, nuk mund të ketë politikë normale kur politikanët bëjnë gara kush e shkel ligjin më pak. Ligji duhet të zbatohet. Ne kemi ndikuar një sistem ku prtitë politike nuk kanë më frikë të vjedhin, thjesht kush na vjedh më pak apo më shumë. Ne si qytetarë na ofrohet kjo alternativë ky ose ky. Si e ndryshon ky jetën time si qytetar që do të paguajë taksa, që do ti rrisë fëmijët e ndershëm. si do im mëosjmë fëmijët tanë? Shko mëso, bëhu i zoti, apo shko sa për të marrë diplomën se kemi miq e shokë bëjmë ca ndere. Cili është modeli, një prind si duhët ta edukojë fëmijën e vet? Në Amerikë, në Gjermani është e qartë; shko, mëso, edukohu bëhu i zoti se shoqëria do të ketë nevojë për ty. këto shoqri ecin ëprpara prandaj shqiptarët po ikin jashtë”.

Bojazhi thekson se çdo problemet i zgjidhin ata që jetojnë aty dhe jo të huajt, se ekemi të keqen brenda.

“Të huajt nuk do na shpëtojnë, nuk e besoj dot kur të keqen e ke brenda”. /abcnews.al

 

PROVOKACIA-22-NENTOR-BETIM-ÇIÇO-PJESA-3.mpg_snapshot_02.26-1280x720.jpg
in a22:57 | 22/11/2019

I ftuar në “Provokacija” me Mustafa Nanon, profesori i elektronikës, Prof. Dr. Betim Çiço është shprehur se rinia shqiptare është më zgjuara në Europë.

Ai shprehet se në krahasim me studentët në trevat shqiptare, Kosovë apo Maqedoni kemi disa diferenca që koha do ti shuaj, por në mentalitet ngjasojmë shumë me njëri tjetrin dhe nga pikëpamja intelektuale jemi thuajse në të njëjtin rrafsh, tha Çiço.

“Në mënyrë shumë të thjeshtë, nëse do të duhet të zgjidhja për të realizuar një kërkim shkencor do të preferoja edhe studentë shqiptarë të maqedonisë edhe të Kosovës, sepse kam pasur grupe të shkëlqyera. Shkenca është një element fillestar për të bashkuar trevat tona, bashkimi duhet të fillojë nga ky nivel. Nuk ka një mur ndarës, por mungojnë iniciativat për realimin e mirëfilltë të kërkimeve shkencore sepse ajo që është më e rëndësishme është pjesa e Akademisë”, shprehet ai.

“Gjatë mësimdhënies time në Prishtinë kam pasur studentë të mrekullueshëm, por me thënë të drejtën duhet të bëhet shumë më tepër për arsimin. “Rinia shqiptarë është një nga pjesët më të zgjuara në Europë”, tha Çiço.

Sipas tij kërkimi shkencor, nuk është pronë e individit, vendet e zhvilluara kanë mundësitë e realizimit të kërkimit shkencor, por sado i vogël të jetë një vend, nëse ka kapacitet dhe përkushtim atëherë mund bëhet i mundur realizimi i kërkimit shkencor.

“Fushat ku kërkimi shkencor mund të aplikohet sipas refleksioneve të mia, në akademi do ta filloja në shkencat e natyrës. Elementë të tillë që meren me kërkim shkencor ka , por të thuash që bëhet kërkim shkencor është një fjalë shumë e madhe sepse duhet të egzistojë hierarkia e kërkimit shkencor, grupet solide që e kanë kërkimin shkencor prej vitesh. Është e rëndësishme të fillosh kërkimin shkencor kërkon periudhën e saj kohore, shteti shqiptar së bashku me Akademinë e Shkencave duhet të bashkëpunojë për të ndryshuar situatën. Së pari duhet të përcaktohen disa fusha prioritare ku ne duhet të përgatisim kapacitetet kryesore intelektuale dhe të kemi mbështeje finaciare, nëse do të arrihet kjo theksoj se në një periudhe 10 vjeçare mund të bëjmë një kërkim shkencor ku mund ti afrohemi Europës”, tha Çiço.

“E kemi rininë, kemi burimet njerëzore për të hyrë në të gjithë fushat e kërkimit shkencor, por duhet të kuptojmë që shkenca është pronë e kombit shqiptar, me shkencë dhe arsim duhet ti shërbejmë rinisë. Duhet zgjidhur pjesa e mbështetjes së kërkimit shkencor”, tha Çiço./abcnews.al

550c394e-e6d8-4a10-9d43-68488a9a35ae-1280x710.jpg
ent ela22:09 | 22/11/2019

Për Gjergji Bojaxhiun reforma në drejtësi është një grackë që iu është shitur shqiptarëve, pasi mjeti kryesor për të pastruar politikën nga krimi është vota.

“Qytetarëve u është shitur sikur një reformë e thellë në drejtësi do pastrojë politikën, drejtësia mund të mos bëjë pastrime në politike, por unë mendoj që çdo mjet ka rolin e vet kur bën diçka.

Mendoj që drejtësia është një mjet kirugjikal për të bërë pastrime rregullime. Politika shqiptare ka problem ka një problem rrënjësor dhe të gjerë të korrupsionit dhe mendoj që mjeti i parë është një pastrim me votë. Është një grackë që ia ka shitur qyteraëve këtë gjë dhe duke i thën që vazhdoni në rutinën tuaj, në ato pazaret që bën secili qoftë me votën e vet dhe mënyrën si mendon se ne do zgjedhim 100 gjyqtarë e prokurorë të cilët do bëjnë me dedikim e heroizëm atë që ne si qytetarë refuzojmë ta bëjmë, që me votën tonë të pastrojmë pisllikun nga politika”.

Bojaxhiu shprehet se alternativat krijohen me votë, ndërsa akuzon partitë që e kanë marrë peng vendin.

“Alternativat krijohen me votë. Këto parti e kanë marrë peng vendin dhe shoqërinë. Po me votë ne ose do të reformojmë këto parti, ose do krijojmë të reja. Mendoj se është e pamundur për t’u reformuar nëse nuk jepen mesazhe të forta me votë dhe ne e kemi provuar që kemi ndëshkuar një palë, por duke qene të ngjashme në nepotizëm.

Ne nuk jemi një shoqëri adoleshente si në vitet ‘90 dhe ishim më të gatshëm për të ndëshkuar një që bënte gabim. Ka ardhur momenti që shoqëria është pjekur e lodhur se nuk është e gatshme të bëjë eksperimente. Jo se qytetarët e duan Ramën, por kreu i opzitës nuk i kënaq.

Reforma në drejtësi mund të bëjë pastrime në mënyrë targetuar të politikës jo në volum”. /abcnews.al

 

 

1a342bb9-b347-41fe-8038-2803b8fcd2a4-1280x710.jpg
in a21:48 | 22/11/2019

Zëvendës kryetari i LSI-së, Luan Rama i ftuar në “Provokacija” me Mustafa Nanon thotë se arsyeja përse po ndodh përplasja për Gjykatën Kushtetuese ka të bëjë me keqqeverisjen.

“Në një kohë paradoksesh kjo është një shëmti periferike që po ndodh me situatën politike në vend. Jemi të detyruar të flasim për të njëjtën shëmti, është për të ardhur keq që Shqipëria po shfaqet si shteti me karagjoz në Europë. Sot, një muaj pas “Jo”-së së negociatave, dialogu duhet të ishte kryefjala e zhvillimeve politike dhe kjo periudhe duhet të ishte muaj dialogu, se çfarë duhet të bëjmë për reformën zgjedhore dhe mbi të gjitha për ti krijuar hapësirë zgjidhjes së krizës”, tha Rama.

Sipas tij Shqipëria nuk e meritonte çeljen e negociatave, cila Europë mund të na pranojë në këtë mënyrë, tha Rama.

“Nuk e meritojmë çeljen e negociatave sepse nuk plotësojmë standartet që kërkohen. Çelja e negociatave nuk është dhuratë, por duhet të meritohet në bazë të meritokracisë.  Shqipëria është në një krizë të rëndë politike, është në një krizë të rëndë kushtetuese, në një krizë të rëndë institucionale. Është në një krizë të rëndë të funksionimit të pushteteve dhe për pasojë gjendemi në këtë situatë që na ka bërë të jemi në fakt vendi më qesharak, një shtet karagjoz me shpërfaqje alarmante të papërgjegjshmërisë së funksionarëve përgjegjës në gjithë këtë situatë që është krijuar. Koincidon që jemi diçka më shumë se sa një muaj pas vendimit që mori Këshilli Europian më 18 tetor për mosçeljen e negociatave me Shqipërinë në kuadër të procesit të integrimit europian”, deklaroi Luan Rama.

Presidenti dhe qeveria janë në luftë me njëri tjetrin. Duhet ta shohim krizën më realisht, presidenti sipas tij është i vetmi institucion legjitim.

Sa i përket përplasjeve për Gjykatën Kushtetuese Rama shprehet se është një proces jetik dhe se duhet të realizohet pa shkelur ligjet.

Ngritja e Gjykatës Kushtetuese duhet të realizohet pa shkelur Kushtetutën, tha ndër të tjera Rama.

“Edhe modelet e konsoliduara ne i komentojmë në mënyrë të mbrapshtë në Shqipëri, parlamenti është ilegjitim, kemi vakancë në Kuvend, jemi paradoksalisht qesharakë. Reforma në drejtësi dhe Vettigu presupozonte të penalizonte individin dhe jo institucionin, por këtu është penalizuar institucioni. Reforma në drejtësi ka nevojë për realizëm jo për eufori. Presidenti nuk ka tagër të ndërhyjë tek aktet e Kuvendit, nuk mund të deligjitmojë zgjedhjet e Kuvendit, por nga ana tjetër as Kuvendi nuk mund të deligjitimojë vendimet e Presidentit”, theksoi Rama.

Për fat të keq, është penalizuar gjithë Gjykata Kushtetuese, Gjykata e Lartë, të cilat nuk janë funksion. Në asnjë vend të botës nuk do të ndodhte që në dy vjet të mungesës së këtyre gjykatave shtetit të vazhdonte të bënte sikur nuk ka ndodhur gjë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono