Provokacija

tico2-1280x720.jpg
in a22:51 | 19/11/2019

Gazetarja, Iva Tiço e ftuar në emisionin “Provokacija” të Mustafa Nanos ka folur rreth librit të saj të titulluar “Për vete”, e cila tregon rrëfime që çdo vajzë single mund të shkruante. Iva ka pohuar se ky libër mban histori personale të saj.

Të jesh single për Ivën të jep mundësinë që lumturitë e vogla të jetës së përditshme t’i shijosh rregullisht.

Nuk kam pasur tendencën për të vënë në dukje diferencimet nëse është më mirë single apo e martuar, e rëndësishmë është të kemi dashuri, thekson Tico.

“E rëndësishme është të kesh dashuri, nuk duhet të kemi frikë se mund të mbetemi vetëm, ne nuk duhet të mbetemi bosh në kuptimin e ndjenjave”, shprehet Tico.

“Unë nuk jam vetëm, nuk kam qënë asnjëherë vetëm, tani ka një ndryshim shumë të madh midis beqareve që kanë qënë para viteve 90’ që quheshe e mbetur. Ky është një himn për t’ja dalë me forcat e tua, të të mbajnë këmbët e tua”, shprehet gazetarja.

Në dukje si një mesazh për të gjitha vajzat dhe gratë, të martuara apo jo, ky libër të bën të reflektosh, ta duash jetën dhe ta jetosh atë me dashuri për veten.

“Vetëm, e martuar, e ndarë, çfarëdo gjëje, bëjë për vete, jo për komshijtë, prindërit, të afërmit”, shprehet Iva.

E pyetur nëse Mund të ndodhë që Iva Tico të martohet, sigurisht që do martohem, por mund edhe të mos martohem, shprehet gazetarja.

Ky libër është për të gjitha vajzat që nuk kanë nevojë për etiketa shprehet Iva.

“Për vete, rrëfimet që mund t’i shkruante çdo vajzë single në qytet. Është për të gjitha vajzat që i duan e i mbështesin vajzat e tjera. Për të gjitha vajzat që nuk kanë nevojë për etiketat, “single”, “të martuara”, “të ndara”, “në lidhje të komplikuara” për të përcaktuar se çfarë janë në jetë.

Shoqëria të sulmon gjithmonë të gjërat personale, je e martuar apo jo, të sulmojnë të të qënit nënë, por të sulmojnë edhe të mosha. Nuk do të doja më të përjetoja ankthet e një 20-vjeçareje, tha ndër të tjera Iva. Ajo thekson se libri është nisur për qef për veten, por gjatë rrugës doli si një kauzë . Është pritur si një libër emancipues, theksoj se i përshtatet shumë edhe grave të martuara.

Ndalur tek barazia gjinore gazetarja shprehet se problem për këtë është ekonomia dhe shprehet  se nuk duhet të kemi varësi nga asnjë burrë, përveçse nga babai.

“Për vete” është për të gjitha j’u që ia dilni vetë në jetë”, tha ndër të tjera Iva Tico./abcnews.al

 

berti-1280x720.jpg
in a22:36 | 19/11/2019

“Nëse opozita do ishte prezent për krijimin e Gjykatës Kushtetuese, do ishte garant dhe do të ndikonte për realizimin e shtet formimit”, u shpreh Robert Rakipllari në emisionin “Provokacija” të Mustafa Nanos.

Ngërçi në Gjykatën Kushtetuese ka krijuar një situatë të tensionuar. Rakipllari tha se Presidenti i Republikës ka kompetenca substanciale sa i përket krijimit të Kushtetueses.

“Presidenti ka kompetenca substanciale për krijimin e Gjykatës Kushtetuese, nga kjo pikëpamje ka një lloj tendence që maxhoranca socialiste i imponohet presidentit me kandidatin që duhet të zgjedhin në këtë gjykatë”, theksoi ai.

Kjo Gjykatë që do krijohet sipas tij do zgjidhi të gjitha nyjet e rëndësishme që sot sistemi ynë i ka, dhe këto duhet të zgjidhen vetëm në mënyrë juridike, tha Rakipllari.

Gjatë emisionit ai është ndalur te betimi i kandidates Arta Vorpsi te noteri, që sipas tij është një veprim i gabuar.

Kujtojmë që Arta Vorpsi, kandidatja e cila ishte e para në listën për vakancën e shpallur nga Kreu i Shtetit, e që sipas vendimit të botuar në Fletoren zyrtare, është shpallur automatikisht anëtare e Gjykatës Kushtetuese, u betua te një notere. Përpara noteres Miranda Xhemalçe, ajo ka lexuar formulën e betimit: ‘Betohem se gjatë kryerjes së detyrave të mia, do t’i qëndroj kurdoherë besnik Kushtetutës së Republikës së Shqipërisë’.

“Një anëtare e Gjykatës Kushtetuese shkon dhe betohet të noteri është e papranueshme, por më shqetësues ai sheh faktin se ka një mbështetje që vjen nga maxhoranca socialiste.

“Kandidatët e Kushtetues janë për të ardhur keq. Ne presim që kandidatët të jenë elita e juristëve të Shqipërisë”, tha ai.

“Arta Marku dhe Ardian Dvorani dy personazhe që jepnin zero pikë për Marsida Xhaferllarin sepse këta e vendosin veten pjesë e palës tjetër. Nuk është hera e parë që vendi përfshihet në tensione të tilla me situatë politike. Çdo maxhorancë ka pasur tendencë për të kapur gjyqësorin, veprimet e sotme të presidentit për të ndalur maxhorancën socialiste për kapjen e gjykatës dhe qëndrimet juridike janë të sakta”, theksoi Rakipllari.

Sa i përket deklaratave në rrjetet sociale janë tjetër gjë, retorika është e papranueshme, tha ndër të tjera Rakipllari./abcnews.al

 

roberti-1280x720.jpg
in a22:26 | 19/11/2019

Sa i përket reformës zgjedhore ai u ndal te braktisja e parlamentit, një hap ky i ndërmarrë nga opozita dhe që nuk shihet si një lëvizje pozitive sipas tij, por refuzimi i zgjedhjeve ishte një vendim jo i gabuar i opozitës, tha Rakipllari.

Ky vend ka vuajtur nga liderë të papërgjegjshëm, shprehet ai.

Rakipllari sjell në kujtesë vitin 2005 ku partitë politike nuk u futën në zgjedhje dhe se në atë kohë nuk ishte logjika e marrjes së pushtetit më patjetër.

“Pasi ke një problem me legjitimitetin e pushtetit që ke, merr të gjithë pushtetin lokal dhe kjo nuk të mjafton, por kandidon edhe me persona që janë me rekorde kriminale, këto çështje janë një strategji për të zgjeruar pushtetin, një sjellje prej autokrati”, shprehet Rakipllari.

“Opozitën mund ta akuzojmë, por në një vend demokratik që të pretendojmë të jemi, opozita po kërkon vetëm zgjedhje neutrale. Bojkotimi i Parlamentit ndoshta ka qenë i gabuar, por futja në zgjedhjet lokale nuk është një ndeshje mes të fortësh. Pas përgjimeve që dolën, opozita nuk mund të shkonte si “cjapi te kasapi”. Sot ka një tjetër ndërgjegjësim për reformën zgjedhore. Zgjedhjet e përgjithshme në Shqipëri duhet të jenë me qeveri teknike 100 ditë para datës së tyre”, tha ai.

Vendimin e ndërkombëtarëve e sheh si një veprim për të mos krijuar situatë të paprecedent në vendet e tjera.

“Ndërkombëtarët menduan që zgjedhjet duhet të bëheshin dhe opozita nuk duhet  të shpërblehej për shkak se situata mund të kthehej në një precedent për çështjet e tjera”, deklaroi Rakiplari./abcnews.al

 

VEHBIU-1280x720.jpg
ent ela22:24 | 19/11/2019

Zhurma e provokuar nga disa zëra që në terma shkencorë nuk thonë asgjë, por bërtasin për prehistorinë e gjuhës shqipe dhe quajnë dogma pozicionet klasike të albanologëve, për shkrimtarin Ardian Vehbiu është një përpjekje për të mistifkuar dhe turbulluar ujërat, pasi këtyre njerëzve u mungon ekspertiza dhe nuk dinë ç’të thonë. Sipas Vehbiut një inxhinier nafte është e vështirë të shpjegojë prehistorinë e shqipes, apo lidhjen e saj me greqishten.

“Problemi është se unë i kam ndjekur pak këta dhe kam polemizuar. Këta thonë një gjë që në bazë është e drejtë që nuk mund të mbahemi mbas dogmave se shkenca përparon, duke iu kundërvënë dogmave dhe këta quajnë dogma pozicionet klasike të albanologëve nga Gustave Majer, Çabej e duke ardhur deri  te Kolec Topalli. Deri këtu pranohet, nuk i merr si dogma. Nga ana tjetër po të shohësh përpjekjet e këtyre dhe gjërat që thonë, se ësëtë një fushë që kërkon ekspertizë t’i shikon që këtyre njerëzve u mungon ekspertiza dhe nuk dinë ç’të thonë. Një inxhinier nafte është  vështirë të shpjegojë prehistorinë e shqipes apo lidhjen me greqishten, apo të thotë që mbas izraelitëve shqiptarët janë kombi i dytë mbi dhe, fillon e bie erë muhabeti. Po të shohësh listën e organizatorëve të Kuvendit që mbajtën, një pjesë e mirë nuk janë të fushës, janë inxhinierë, biologë, sikur kanë bërë një klub gjuetie dhe që këtej të dalësh në teza të guximshme është kapërcim shumë i madh. Ajo shkencë nuk është por as dije më, është përpjekje për të mistifikuar dhe turbulluar ujërat”.

Ky lloj sulmi ndaj gjuhëtarëve është i padenjë, thekson Vehbiu, pasi Albanologjia është  një nga traditat dhe pasuritë që kemi, dhe këta nuk janë ekspertë të fushës.

“Problemi fillon kur dalin në demonstratë para bustit të Çabejt, atëherë dhe unë shqetësohem dhe them duhet të mbaj qëndrim apo kur fyejnë Kolec Topallin, njeri shumë punëtor i dha kulturës sonë fjalorin etimologjik të shqipes. Fjalor i Topallit është shumë i mirë, është një nga tradita e pakta që kemi, është Albanologjia, dhe ti sulmosh këta. E kuptoj t’ sulmojë një nga brenda, por ky lloj sulmi është i padenjë. Që të bësh sulme të tilla duhet të mendohesh mirë dhe patriotizmi nuk hyn fare aty, se patriotizmi është për t’i shërbyer kulturës, këta që bëjnë këtë gjë, ose janë të paditur se nuk dinë ç’bëjnë, ose janë hipookritë mashtrues”.

Vehbiu bën përgjegjës edhe akademinë dhe universitetin, pasi sipas tij duhet të luajë rolin ndërmjetësor për t’ua dhënë njerëzve këtë pasuri.

“Këtu ka përgjegjësi dhe akademia dhe universiteti, se aty ka njerëz që me pak përpjekje do të luanin rolin  ndërmjetësuesit, nëpërmjet botimeve, emisioneve në TV, teksteve shkollore të ndërmjetësonin për t’ua dhënë njerëzve këtë pasuri, vëllimet e Çabejt janë një pasuri e paparë, nuk është vetëm te fjala është gjithë historia jonë, gjuha ka ruajtur gjithçka që ne kemi humbur. Aty e kupton ti se kush je, Çabej këtë e ka bërë në nivelin më ekspert që mundet, këtë tua sjellim e japim njerëzve. Si t’ia bëjmë që t’ua japim njerëzve këtë gjë”. /abcnews.al

 

berti2-1280x720.jpg
in a22:18 | 19/11/2019

I ftuar në emisionin “Provokacija” e Mustafa Nanos, drejtori i informacionit  të “News24”, Robert Rakipllari ka folur për atmosferën e krijuar në stadiumin “Air Albania”duke e cilësuar si të veçantë. Si tifoz të Kombëtares që jemi pritshmëritë i kemi të larta, u shpreh Rakipllari.

Fishkëllimi që i bënë himnit francez për Rakipllarin ishte një përgjigje ndaj ngatërrimit të himnit kur u luajt ndeshja në Francë, një gjest i shëmtuar sipas tij.

“Shoqëria shqiptare nuk ka logjikën se “Jo-ja” e negociatave ishte për shkak të presidentit francez, Emmanuel Macron. Ajo që bëri Presidenti francez ishte një përgjigje pozitivë për Shqipërinë.  Ai u fokusua te azilantët dhe u shpreh se nuk mund të dënojmë një vend si Shqipëria dhe të pranojmë Maqedoninë”, tha Rakipllari.

Në studio Rakipllari ka folur për përgjigjen negative të Francës për negociatat, përgjigje të cilën ai e sheh si pozitive.

“Franca dhe BE i ka dhënë vendit shumë më tepër se negociatat, i ka dhënë lëvizjen e lirë. Refuzimi i Francës shkaktoi reagime të ndryshme, por kushtet e vendosura nga Bundestagu Gjerman ishin shpëtim për demokracinë shqiptare. Rezoluta gjermane i jepte zgjidhje krizës politike”, tha ai.

“Unë isha atje për të parë ndeshjen, por ajo atmosferë e krijuar kishte një lloj trysnie politike. Thirrjet ishin për të dhënë efektin jashtë stadiumit. Nuk di nëse është e programuar, sepse po ndodhte në disa anë të tribunës. Praktikisht jemi në një pushtet një partiak dhe ky lloj frustrimi ndihet gjithandej. Një revolte shoqërore që nuk e pret se ku mund të jetë”, shprehet ai./abcnews.al

PROVOKACIA-19-NENTOR-MONOLOGU-ARDIAN-VEHBIU-PJESA-1.mpg_snapshot_19.55-1280x720.jpg
ent ela21:44 | 19/11/2019

Debati për luftën e dytë botërorë në prag të 75 vjetorit të çlirimit u komentua në studion e “Provokacijas” së Mustafa Nanos me shkrimtarin Ardian Vhebiu. Sipas këtij të fundit Shqipëria ka trashëguar një histori që ka gënjyer me qëllim për luftën, por edhe sot çështjet historike bëhen sipas vijave të përcaktuara nga politika.

“Problemi ynë është se kemi trashëguar një historigrafi që ka gënjyer me qëllim për luftën. Nevoja për ta rishkruar të shkuarën për ta vënë në shërbim të të sotmes dhe e dyta për ta bërë që të ndjekë çdo ulje ngritje në të sotmen.

Një pjesë e njerëzve i kanë ato njohuri dhe ata e dinin që ata po gënjenin. Shumë njerëz sot e kanë bindje dhe përplasjet për çështjet historike bëhen sipas vijave të përcaktuara nga politika.

Ka njerëz që historinë e identifikojë  me të vërtetën. Këta nuk lëvizin. Ka një lloj lufte që nuk ka lidhje me këtë që kërkoni ju. Ne dueht të biem dakord njëherë. Personazhe të ndryshme japin versionet e ndryshme për një ngjarje. Për luftën e dytë botërore rendi jo vetëm në Shqipëri është akoma edhe sot në fuqi. E para që duhet bërë është të rishikohen ato që kanë qenë gënjeshtarë të vërtetë.

Unë e di që ata nuk mund të identifikohen me krimet që kanë kryer nga një pjesë tjetër e pushtetit, nuk mund t’i dënojmë këta njerëz, nga ana tjetër krime janë bërë e mbuluar dhe viktimat janë në mos prezente i kanë lënë efektet”.

Për Vehbiun vendi ka nevojë për historianë të ëvrtetë që duhet të besohen dhe të kenë kaluar e integritetit

“Për mua kontributi i Enver Hoxhës në luftë ka qenë minimal, por unë nuk jam historian dhe mendimi im nuk ka rëndësi. Ne kemi nevojë për historianë të vërtetë që duhet t’u besojmë. Nuk ka njerëz të nderuar historianë, akademikë që kanë kaluar provën e integritetit dhe njerëzit t’i dëgjojnë”. /abcnews.al

ARDIAN-VEHBIU-1280x720.jpg
ent ela21:31 | 19/11/2019

Shkrimtari Ardian Vehbiu ka folur në studion e Provokacijas për problemet e komunikimit dhe lëvrimit të gjuhës shqipe. Në këndvështrimin e tij Vehbiu thotë se komunikimi po bëhet në një formë  që nuk është as gjuhë e folur dhe as e shkruar, por një formë  e tretë që i krijon probleme shqipes, dhe për këtë fajin e ka celulari.

“Komunikimi po bëhet në një formë që nuk është as gjuhë e folur as e shkruar, ky komunikim është një formë e tretë dhe kjo i krijon probleme shqipes në shumë e shumë anë. Nga shkolla vjen nuk i shprehin mendimet qartë dhe nuk i rrumbullakosin. Unë ia faturoj fajin celularit, ku të gjithë janë të përfshirë dhe veprojnë kode të tjera jo të gjuhës së shkruar”.

Gjuha shqipe thotë Vehbiu nuk lëvrohet në mënyrë të plotë dhe harmonike, mungon eseistika, ndërsa ligjërimi politik është në nivel primitiv.

“Problem me gjuhën tonë është që nuk lëvrohet mirë, në kuptimin që nukn lëvrohet në mënyrë të plotë e harmonike, lëvrohet në disa fusha, por jo në fusha të tjera p.sh. Eseistika mungon krejt, ndërsa në kultura të tjera eseistika është në krye të vendit, ose lloje të tjera ligjërimi. Edhe ligjërimi politik te ne është në nivel primitiv. Ligjërimi publik në disa emisione flasin mirë, formati i debatit në studio nganjëherë e prish gjuhën se njerëzit e kanë mendjen të debatojnë sesa të formulojnë, nuk është format i mirë. Për mua ideali i ligjërimit publik do ishte gjuha në gjyq, ai është ligjërimi publik dhe në vendet anglosaksone ai ka shërbyer si bazë. Avokatët mbrojtës te ne nuk patën kohë të krijojnë traditë se i hoqën”. /abcnews.al

PROVOKACIA-19-NENTOR-MONOLOGU-1280x720.jpg
ent ela21:16 | 19/11/2019

Mustafa Nano i ka bërë thirrje Kuvendit që të mos votojë Arta Markun si Prokurore të Përgjithshme. Në monologun e kësaj të marte ai shpjegon edhe arsyet, ku ndër të tjera thekson se nuk akne të bëjnë as me formimin he integritetin mora. Sipas arsyetimit të tij që kur është zgjedhur e Përkohshme ajo ka qenë e kontestuar egërsisht kur u zgjodh, por edhe rrethanat sesi u zgjodh. Arta nuk duhet zgjedhur thotë Nano, sepse nuk duhet të përshkallëzohen sherret mes palëve.

“Doja t’i bëja një thirrje Kuvendit që të mos emëronte Arta Markun. Nuk kam asgjë kundër Arta Markut, nuk e kam ndjekur me vëmëndje punën e saj madje në disa situata e kam mirëkuptuar se ka qenë  e sulmuar e anatemuar, por për arsye të tjera, që nuk kanë të bëjnë as me integritetin moral, që nuk vihet në diskutim nga aksush. Që nga momenti që është zgjedhur e Prokurore e Përgjithshme përkohshme ka qenë e konstestuar që në fillim fare. Unë mendoj që Shqipëria nuk ka luksin që të kontestohet fort dhe efërsisht nga njëra palë, do ishte e padrejtë dhe mungesë përgjegjshmërie nëse do zgjidhej një prokuror që do të ishte i kontestuar nga njëra palë, por i uroj sukses të plotë në karrierën e saj si juriste. Unë mendoj që duhet skualifikuar, jo për arsyet që kanë të bëjnë me formimin e saj dhe integritetin e saj, por sepse ishte pafat, u bë prokurore e përkoshme në një moment të gabuar, mund të ishte vendimi i saj apo të tjerëve, po për këtë situatë ku u zgjodh nuk duhet zgjedhur, do të përkeqësonte sherrin mes palëve”. /abcnews.al

miraaa.jpg
ger ta22:28 | 15/11/2019

Gazetarja e njohur Mira Kazhani ishte e ftuar në “Provokacija” me Mustafa Nanon.

Kazhani bëri xhiron e mediave sociale këtë javë, ndërsa sqaroi atë që kishte ndodhur. Gjithçka nisi pas një komenti të gazetares për protestën e Unazës së Re, ndërsa vëmendje tërhoqi reagimi i aktorit Julian Deda, ku mes të tjerash deklaronte “gjejini një burrë të qetësohet”.

Ndërkohë, në “Provokacija”, Kazhani iu përgjigj sërish Dedës teksa citoi edhe se çfarë i kishte thënë dikur avokati Spartak Ngjela.

Në fakt ai ishte një mesazh i aty për atyshëm unë u mërzita kur e lexova… Spartak Ngjela më thoshte vetëm në komunizëm martoheshin njerëzit për të bërë seks”, tha gazetarja.

Pjesë nga biseda në studio:

Kazhani: Për fat të keq deklarata e gruas që pushtoi ekranet se mendonte që qeveria ishte tallur me të pasi kishte marrë 130 mln lekë. Mund ti fal Tiranapost-in, shtëpinë time, unë të marrë dëmshperblimin e saj dhe ajo të bëjë punën time si gazetare. Jam gati ta shkëmbej punën për atë dëmshpërblim. I qendroj idesë që ishte një protestë që mbron zaptuesin. Mua më vjen keq për prindërit e mi, për borxhet dhe për kondicionerin që e fikte babi se nuk ia dilnin dot.

Pse duhet ti harrojmë këto dhe duhet të solidarizohemi me këta njerëz. Unë nuk e di fare si është projekti i Unazës, parimisht jam kundër çdo gjëje që shkel ligjin.

Nano: Një pjesë e reaksionit ndaj shkrimit tënd unë mendoj se duhet parë si kritikë normale. Janë me mijëra familje që kanë zaptuar, një pjesë janë legalizuar. Këto familje po digjen se janë të pafat.

Kazhani: Unë nuk e di që ato familje nuk do dëmshpërblehen. Detyra e shtetit është që të justifikojë edhe gabimet e qeverisë së mëparshme. Unë nuk shkruaj që ti bëj qejfin rrjetit.

Nano: Pas shkrimit doli një reagim nga Julian Deda. Menjëherë pas kësaj erdhi reagimi i Mira Kazhanit. Ky shkëmbim mesazhesh ka marrë vëmendje?

Kazhani: Në fakt ai ishte një mesazh i aty për atyshëm unë u mërzita kur e lexova. Nqs ka merak se unë nuk kam krevat. Spartak Ngjela më thoshte vetëm në komunizëm martoheshin njerëzit për të bërë seks.

Nano: Fraza e dytë e Julit është një gjë që nuk duhej thënë, “gjejini burrë të qetësohet”.

Kazhani: Unë nuk e gjykoj fare, unë di çfarë duhet të them vetë. Unë u mërzita për momentin, është një djalë që bën humor unë i kam kthyer përgjigje. Por u habita me ato që më sillnin mesazhe me emoji me lot, i kisha bërë njerëzit për të qeshur…Kam shumë respekt për babain e tij, por kam menduar “ç’të bën fëmija s’ta bën perëndia”./abcnews.al

ermir-gjinishi-1-1280x735.jpg
nev ila22:08 | 15/11/2019

Teologu Ermir Gjinishi, i ftuar në studion e “Provokacija” me gazetarin Mustafa Nano tha se, fetarët në Shqipëri devijojnë dhe deformojnë sjelljen e njerëzve që frekuentojnë kultet. Sipas Gjinisht, sfida e fesë qëndron se sa ajo e shfaq modelin e saj, dhe se tek disa prej fetarëve shqiptarë ka parë se nuk përcjellin zërin e fesë.

Pjesë nga biseda në studio:

Ermir Gjinishi: Në shqiptarët kemi arsye për të bërë debate ku fetarët të jenë prezent, jo vetëm për të shkuarën por edhe për rolin që ka në shoqëri feja. Pra një imam duhet të marrë pjesë sa më shumë në studio televizive. Ajo që vë re është se shpesh herë imamë apo klerikë nuk vijnë aty për të thënë zërin e fesë. Ne kemi rënë në qorrsokak sepse Islami është një. Ne të gjithë kemi mënyrën se si i qasemi Islamit, ne jemi ndjekësit e Islamit, por nuk jemi fytyra reale e Islamit. Islami është gjë tjetër. Ne kemi nevojë të bëjmë këtë diferencë.

Mustafa Nano: Të gjithë muslimanët që takoj janë muslimanë të ndryshëm, si e shpjegoni këtë ?

Ermir Gjinishi: Ju mendoni se të gjithë gazetarët janë si ju? Ajo që duhet të dallojmë është se sa e kanë kuptuar fetarët të vërtetën e fesë, çështja e të cilës është sfidë shumë e madhe. Por a po krijon feja modelin e saj të fetarit në shoqëri? Këtu qëndron sfida. Unë mendoj se ka shumë punë për të bërë në lidhje me këtë.

Mustafa Nano: Ka disa klerikë që janë të pranishëm në jetën publike, dhe janë të pranishëm si imamët dhe priftërinjtë. Në të njëjtën kohë ata luajnë edhe funksione laike ose politike shpesh herë, sillen si politikanë, kam parë priftërinj që janë agresiv në opinionet e tyre, ndërsa Imamët janë paksa më të kujdesshëm, por kam përshtypjen se ndaj edhe janë më të rrezikshëm, se e maskojnë mirë anën politike.

Ermir Gjinishi: Ata nuk janë të rrezikshëm, por rreziku qëndron në paaftësinë, pamundësinë, mungesën e dëshirës që këta njerëz kanë për tu përballur me njeriun ndryshe, mendimin ndryshe me kritikën. Ajo që i çon njerëzit përpara është kritika. Ne duhet të përballemi me njerëzit që kanë mendimin ndryshe, nuk ka rëndësi shumë se sa objektiv apo subjektiv është.

Mustafa Nano: Çfarë thonë muslimanët për ty?

Ermir Gjinishi: Nuk kam qenë kurrë i interesuar për të ditur se çfarë mendon një musliman, dhe një jo musliman për mua, sepse unë marrëdhënien time fetare e kam shumë intime. Unë jam xheloz dhe nuk futem fare në këtë pjesë, se kështu e mendoj, dhe kështu është. Marrdhënia e njeriut me zotin është thellësisht intime dhe personale. Në momentin që prodhon pushtet mediatik, me këtë lloj marrëdhënie, fillon mban leksione, kjo është një fasadë që klerikët nuk duhet të bien pre. Na mungon zëri i klerikëve, si klerikë nëpër media, po jemi të tejmbushur me klerikë që vijnë në media për të folur gjithçka, por vetëm për fenë jo.

Mustafa Nano: Pashë në youtube një video ku ishte një moment ku Elvis Naçi ishte diku edhe kishte njerëz aty që donin ta takonin, ishte dikush që e shoqëronte aty dhe tha: jepi dorën tani këtij njeriu se nuk ju vjen më ky rast. Unë u shokova.

Ermir Gjinishi: Problemi nuk është me njeriun është me idetë. Këto ide ekzistojnë, nëse nuk i kemi ne i ka dikush tjetër. Muçi duhet falenderuar se del dhe i bën publike, por edhe Elvisi duhet falenderuar se i bën publike. Çështja është, kur një njeri paraqitet si një klerik, të gjithë e shikojnë si një klerik, dhe nëse sjellja ose produkti i tij nuk ka lidhje me të qenurit klerik, atëherë njerëzit kanë gjithë të drejtën e zotit të krijojnë pikpyetjet e tyre. Unë jam kritik me këtë, një imam apo një prift mund të merret me çfarëdolloj pune, po kur vjen puna që të japë një opinion, ai nuk mund të dalë jashtë kontekstit të tij doktrinar./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono