Provokacija

nanao-1280x832.jpg
R D00:14 | 18/01/2020

Mustafa Nano në monologun e tij për këtë javë në “Provokacija” është tallur me konspiracionin e avokat Ngjelës për marrëveshjen “Rama-Basha” dhe goditjen që mund t’ju vijë atyre nga SPAK-u.

“Provokacian për sonte po e nis me një kuiz, me një gjëegjëzë. Kam zgjedhur një pasazh nga shkrimi i dikujt, është analizë politike ku thuhen gjëra shumë shumë, shumë të mençura ,veçanerisht që të godasin”, u shpreh ai.

*Ndiqni Monologun e plotë në video

hoxhaaa.png
R D22:43 | 17/01/2020

Gazetari investigativ Artan Hoxha tha se vrasja e Tropojës është “vrasje me mesazh”. Pra ata që kanë kryer krimin kanë dashur të çojnë mesazh diku. “Guxim Gjyriçi që u vra kishte 20 vite rresht që jetonte i patrazuar në Tropojë. U vra duke ecur me duar në xhepa pasi kishte mbyllur lokalin e tij. Para ngjarjes, jeta ishte krejt normale madje shumë të rinj janë kthyer nga emigracioni për të jetuar atje. Pas ngjarjes qyteti ishte i trazuar. Unë pashë se sa binte nata njerëzit hynin brenda”, tha Hoxha në emisionin e Mustafa Nanos, “Provokacija”.

Artan Hoxha e lidh këtë vrasje me ngjarjet e tmerrshme që kanë ndodhur në Tropojë 15-20 vite më parë. Për këtë ai solli edhe një herë në vemendje historinë.

“Gjuriçi është një nga viktimat e ciklit të vrasjeve të Tropojës. E dinin të gjithë e dinte dhe Berisha se Azem Hajdarin e vrau Fatmir Haklaj, ndërsa doli e tha se e vrau Fatos Nano. Berisha vete në 1997 kishte thënë ‘e dua Shkëlqim Hakjan gjallë a vdekur’. Dhe ky njeri u vra i pari. Aty nisi historia e serialit të përgjakshëm të Tropojës me disa të vrarë, sepse ata mendonin se ka gisht Azem Hajdari dhe u hakmorën. PS sapo erdhi në pushtet emëroi shef komisariati Fatmir Hakjan, më pas Berisha nuk shkoi dot në Tropojë për 13 vjet me radhë. Askush nuk dha drejtësi për “dosjen Tropoja” aty ka shumë të vrarë të pafajshëm. Aty ka një dëshmor Jonuz Hyko, shef policie që u vra me dajën e vet tek dera e shtëpisë. Pas këtyre ngjarje (1997-2005) me dhjetëra viktima dhe lagje të braktisura, ra qetësia. Ndërsa vrasja e fundit është e rëndë dhe pa motiv. E vetmja gjë është se vëllai i tij (viktimës) ka qenë shok me Fatmir Haklajn. Jeton në Amerikë është shtetas amerikan me shumë biznese, i vetmi që kishte shpëtuar nga zinxhiri i vrasjeve. Nëse ata reagojnë situata del jashtë kontrollit. Kështu nisi në 1998…”, u shpreh Artan Hoxha.

disha.jpg
in a22:39 | 17/01/2020

E ftuar në “Provokacija” me Mustafa Nanon, aktorja Delinda Disha, humbjen e aktorit Xhevdet Ferri, e konsideron një humbje të madhe. Duke e vlerësuar si një nga artistët më të rëndësishëm, Disha u shpreh se ishte një humbje shumë e madhe për artin dhe kinematografinë shqiptare.

“Profesioni i aktorit është talent, ose je ose nuk je”, u shpreh ajo.

E pyetur nga Mustafa Nano, Disha ka treguar edhe detaje nga momentet e para kur ka konkuruar për tu bërë pjesë e aktrimit. “Konkursi ka një strukturë për përgatitjen e një poezie, një prozë dhe dy monologë”, u shpreh Disha.

Nano: Role dramatike mund të luash?

Disha: Sigurisht që po.

Gjithashtu ajo tha se në show televiziv është e detyruar të bëjë komedi, ndërsa në teatër përfshihet edhe në role në dramatike.

Nano: Kur ka qenë hera e parë që kuptove që kishe talentin për ti bërë të tjerët të qeshnin?

Disha: Aftësinë për të imituar e kam pasur që e vogël. Imitoja karaktere të ndryshme. Edhe shkolla të mëson rrugën e ndërtimit të një karakteri dhe kjo u bë më e lehtë.

Nano: Meritat ia jep vetëm vetes apo ka ndonjë person që të ka ndihmuar?

Disha: Sigurisht që po. Të gjithë personave që kanë ndihmuar në formimin tim artistik, por edhe në punë i jam mirënjohëse. Duke filluar nga profesor Met Xhelili, Niko Kanxheri, puna në portokalli, regjisori Altin Basha.

Disha ka treguar se në fillimet e saj ka imituar një pedagoge në akademi e cila nuk e ka mirëpritur dhe për këtë arsye e ka ndërprerë imitimin.

Sa i përket imitimit të personazheve publike u shpreh se nuk ka asgjë personale është thjesht një imitim.

Nano: Imitimi është diçka që të vjen në mënyrë natyrale, apo i vëzhgon?

Disha: Për të bërë një karakter duhet të heqësh edhe paralele me veten. Duke pasur dy apo tre cilësi së jashtmi apo së brendshmi dhe duke i studiuar, duke u marrë me detajet i përpunon vetë si aktor. Magjia e profesionit është stërvitja.

Nano: Kjo është një gjë që ti do ta bësh gjithë jetën?

Disha: Aktrimin e kam pasion, do ta bëj gjithë jetën në mos në televizon në teatër.

E pyetur se përse hoqi dorë nga “Portokalli”, aktorja thotë se kishte nevojë për diçka të re, “mendoj se cilkin tim e mbylla atje, kisha nevojë për diçka të re, por sërish marrëdhëniet i kemi shumë të mira”, u shpreh ajo.

Nano: Portokallia apo Klanifornia?

Disha: Për vjetërsi pune “Portokalli” ka krijuar emrin dhe fuqinë e saj. Por është shumë mirë që këto emisone të shtohen sepse është një mundësi e mirë punësimi, por edhe zbulimi talentesh./abcnews.al

koco-1280x797.jpg
in a21:46 | 17/01/2020

I ftuar në “Provokacija” me Mustafa Nanon, kryetari i Partisë Zgjidhja, Koço Kokëdhima është shprehur se bashkimi kombëtar i shqiptarëve është i lidhur me figurën e Skëndërbeut.

“Bashkimi kombëtar presupozon minimalisht bashkimin e Shqipërisë me Kosovën. Aspirata për bashkim kombëtar është aspiratë aktuale. Të bëjmë të mundur që gjuha jonë të mësohet nga gjithë shqiptarët kudo që janë. Kam një kuptim realist për të huajt dhe për mënyrën se si shqiptarët duhet të bashkëveprojnë”, u shpreh ai.

Kokëdhima u shpreh se jo çdo qëndrim i huaj është dashamirës.

“Duhet të bëjmë analizën e institucioneve specifike. Për qëndrime të ndryshme duhet të jemi specik. Nuk bëj të huajt përgjegjës për gjendjen e keqe që ka Shqipëria. Gjërat varen nga ne, jemi ne që duhet ti ndërtojmë marrëdhëniet dhe të shfrytëzojmë mbështetjen ndërkombëtare për qëllimët që kemi”, tha Kokëdhima.

Gjithashtu ai tha se nuk ka ndonjë keq-orientim ndaj të huajve, por kërkon që shqiptarët të jenë të përgjegjshëm, “nuk mund të izolohemi nga bota, por duhet të intergrohemi në këtë botë”, u shpreh ai.

Sa i përket Mini Shengenit ai tha se është një nismë e gabuar e Kryeminsitrit të Shqipërisë. Nuk mund të ndërrrmari Shqipëria një progres të tillë të bashkëpunit me Serbinë. Nuk mund të bëjë hapa të cilat nuk i sjellin asgjë të mirë ekonomisë, por vetëm pasoja sepse jemi vend konkurures edhe me Maqedoninë edhe me Serbinë. Vendosim trarë me Kosovën dhe duam të heqim trarët me Serbinë”, theksoi Kokëdhima.

Kokëdhima u shpreh se veprimi për taksën ndaj prodhimeve Serbe ishte një lëvizje e drejtë. Kjo lëvizje që ndërmori qeveria e Haradinajt ishte një reagim shumë i shëndetshëm ndaj një politike armiqësore që ndjek Serbia”, u shpreh ai.

I ndalur te zgjedhjet në Kosovë Kokëdhima i vlerësoi si serioze dhe me mesazhe të qarta për Shqipërinë dhe rajonin.

Ndërkohë pjesa pas zgjedhjeve ai shprehet se është një përgjegjësi për Albinin dhe është një gabim serioz që nuk ka mbyllur marrëveshjen me LKD. Ai shprehet se ky veprim mund të sjellë pasoja serioze për fatin e Vetëvendosjes, duhet “të zgjidhi patjetër këtë situatë, u shpreh më tej ai.

Shqipëria dhe Kosova janë aq të dobëta dhe të vogla sa që nuk jetojnë dot të pavarura nga njëra- tjetra, sa më shpejt të vijë dita e bashkimit aq më shpejt do të fitojë çështja e interesave kombëtare. Ai shprehet besimplotë te kjo aspiratë duke e vlerësuar si një të drejtë të pamohueshme që Shqipëria dhe Kosova të jenë bashkë.

Ndërkohë padia e krysminsitrit Rama ndaj Ramush Haradinajt për kryetarin e Partisë Zgjidhja është një gjest shumë vulgar, “nuk mund të bëjnë dy kryeminsitrat gjëra të tilla, janë akte të paprecendente”, u shpreh ai.

I ndalur të situata e politike në Tiranë Kokëdhima u shpreh se vendi ndodhet në një krizë të thellë.

“Për njerëzit që kuptojnë nuk po ndodh asgjë, populli është shndërruar nga një dele që rreshtohet para politikës. Kriza është shumë e thellë e gjithanshme e cila po e tret shoqërinë shqiptare dhe po shpërbën shtetin shqiptar”, u shpreh ai./abcnews.al

tarifa-1280x787.jpg
in a22:32 | 14/01/2020

I ftuar në “Provokacija” me Mustafa Nanon, profesori Fatos Tarifa e ka konsideruar si të rëndë plagjiaturën. Sipas tij është diçka që të bëhet ves dhe shumë e rëndë, një marrëzi sepse ai që e vjedh shkrimin është i paaftë ta mbrojë atë.

“Nëse nuk është bindja jote shkencore nuk e mbron dot. Ka një mungesë inteligjence. Në kohën tonë më ketë teknologji komunikimi që kemi është kollaj të vjedhësh, por edhe kollaj të kapësh”, u shpreh ai.

Ndërsa ka folur për plagjiaturat Tarifa sqaroi theksoi se është bërë mjaft masive.

Ka pasur raste që pedagogë shqiptarë kanë përkthyer një tekst të tërë dhe e kanë paraqitur si punë të tyre pa asnjë lloj reference dhe “ky fakt është një lloj hajdutërie” tha ai.

Gjithashtu Tarifa sqaroi se nëse drejtuesit e studentëve që punojnë në tema nuk janë rigorozë, mund të jetë një nga arsyet e rritjes së plagjiaturës.

“Kam ngritur tezën e Vettingut në akademi, për të vërtetuar se si është marrë një titull. Kriteret janë të shkruajtura. A janë plotësuar kushtet ligjorë, ku duhet të kesh dhënë për një periudhë të caktuar mësimdhënie në perëndim. Studentët janë ata që mund të sjellin ndryshim me kërkesat për të pasur profesorë të aftë, demokratë”, tha ndër të tjera Tarifa./abcnews.al

raste.jpg
in a22:01 | 14/01/2020

I ftuar në “Provokacija” me Mustafa Nanon Zëvendës Ministri i Brendshëm, Besfort Lamallari ka folur për imazhin ndërkombëtar të Shqipërisë.

I pyetur për kriminalietin ai u shpreh se çdo vend eksporton dhe importon kriminalitet.

“ Shifrat duhen parë më shumë kujdes, një element që dallohet është elementi i dhunës, sepse i bën këto grupe të spikasin. Kjo dhunë nuk u përket vetëm grupeve shqiptare. Dhuna që gjenerohet për shkak të trafikut të drogës është gjithmonë më e pranishme. Nuk është e vërtetë që dominojnë grupet shiptare në tregun e drogës”, tha zëvendës Ministri i Punëve të Brendshme, Besfor Lamallari.

Më tej ai u shpreh se shqiptarët janë të shpërndarë nëpër botë, përfshirë edhe ato që abuzojnë me ligjet.

“Nëse i referohemi Hollandës ku flitet për grupe shqiptare të trafikut të drogës, duhet të dimë se është një treg masiv me 35 shtetësi të ndryshme ku sipas shifrave të Ministrisë së Drejtësisë në Holandë shqiptarët janë diku te 18”, deklaroi Lamallari.

Gjithashtu Lamallari u shpreh se fuqia e krimit të organizuar përkthehet në korrupsion. “Fuqia ekonomike e krimit të organizuar është e dëmshme. Fuqia parandaluese e Policisë rritet përmes mekanizmave ekonomikë”, tha më tej Lamallari.

/abcnews.al

nanoo.jpg
in a21:22 | 14/01/2020

Mustafa Nano në monologun e tij në “Provokacija” është ndalur te fitorja e tenistëve serbë, të cilët mundën ata spanjollë në Australi, dhe fituan kupën ATP.

Tenistët serbë mundën ata spanjollë në Australi, dhe fituan kupën ATP. Pas kësaj, ata u bënë bashkë, dhe zunë të festonin. Mes të tjerash kënduan edhe një këngë për Kosovën, një varg i së cilës bën: Kush të largon ty nga shpirti im Kosovë?

Novak Djokovic nuk është hera e parë që shfaqet në versionin shovinist. Vite më parë, kur shfaqej si shovinist në publik, të tjerët mund t’ia merrnin këto shovinizma si shpërthime prej djali kokoroç. Njeriu bëhet trazovaç kur është djalë i ri, apo jo? Por kohët e fundit po mendoja se ai është pjekur. Duke qenë se është një nga tenistët më të mirë të botës, ndoshta më i miri, duke qenë se është një nga figurat më të mëdha të sportit botëror, kam menduar se ky status do ta bënte më skrupuloz, do ta bënte të kuptonte se të jesh një njeri i rëndësishëm i botës, bart me vete edhe përgjegjësi të madhe. Kjo do të thotë se nëse para 10-15 vitesh mund ta shprehte një mendim ashtu si t’i vinte, me t’u bërë i madh do të matej mirë para se të fliste. Jo për gjë, por kur je i madh çdo fjalë e çdo gjest i yti merret nga gjithë mediat e botës. Kur je i madh, je dashje pa dashje edhe model për të tjerët, sidomos për gjeneratat e reja. Kur je i madh, bëhesh vetvetiu edhe mendjehapur. Mirëpo me Gjokoviçin po ndodh e kundërta. Sa më i madh bëhet, aq më mendjembyllur bëhet. Ajo që ai bëri bashkë me shokët e vet në Australi ishte një shfaqje mizerabël e fanatizmit nacionalist.

Kjo e ka një shpjegim, sidoqoftë. Unë nuk e lidh thjesht e vetëm me Novak Djokovic. Unë e lidh me shoqërinë serbe. Serbët kanë gati 200 vjet që ushqehen me idenë fikse, se Kosova është serbe, se ajo ka qenë përjetësisht serbe, se ajo do jetë përjetësisht serbe. Mantra që “Kosova është serbe” u është kënduar në vend të ninullës, u është mësuar në çerdhe, kopështe, shkolla fillore, e kanë lexuar nëpër libra, e kanë dëgjuar nëpër këngë, ja, si kjo që e kënduan tenistët në Australi, e kanë besuar këtë gjë që nga tifozët e sportit e deri te akademikët e intelektualët e shquar. Janë të paktë, numërohen me gishtat e dorës, intelektualët serbë që e thonë hapur se ideja që Kosova është djepi i qytetërimit e kulturës serbe është një sendërgji, janë të paktë intelektualët që e thonë hapur se Kosova është tanimë e humbur.

Unë gjithnjë kam menduar se sot, edhe sikur një fuqi madhore, e mbinatyrshme, të mund t’ua rikthente serbëve Kosovën, vetë serbët do duhej të thoshin: “Kosova sërish nën Serbinë? Jo, faleminderit shumë, mnogo vam hvala. Ovo je provokacija. Veç kjo që nuk na duhet. Kosovën e patëm, dhe nuk ditëm ta mbanim. Providenca na e la ta mbanim për gati një shekull, dhe eksperimenti i bashkëjetesës mes nesh e shqiptarëve dështoi me sukses të plotë.” Mirëpo, jo, ata nuk e shohin kështu. Ata e shohin si Novak Djokovici. Që s’e ka për gjë të këndojë në vitin 2020: Kush të largon ty nga shpirti im Kosovë? Fiu! Kosova i është shndërruar në një demon që ai e ka ende në shpirtin e tij. Ky njeri duhet egzorçizuar. Shoqëria serbe në përgjithësi duhet egzorçizuar. Duhet ta nxjerrë prej shpirtit të vet “demonin” Kosovë. Dhe pas kësaj nuk është se do shpëtojë Kosova. Jo, do shpëtojnë serbët vetë. Do shpëtojnë një herë e mirë./abcnews.al

nano-monologu.jpg
ger ta12:07 | 11/01/2020

Mustafa Nano në monologun e tij në “Provokacija” është ndalur te çështja e dëbimit të nësuesit turk, Harun Çelik nga Shqipëria.

Mes të tjerash, Nano zbulon sipas tij Çelik u dëbua nga vendi  sepse kryeministri Rama nuk ka fuqi “t’ia prishë Erdoganit”.

Teksa e quan poshtërsi, Nano i kërkon mësuesit turk falje publike në emër edhe atë atyre që mendojnë si ai.

Monologu i plotë nga Mustafa Nano:

Në datën 1 janar, një shtetas turk me emrin Harun Çelik, i hipi një avioni të linjës Air Albania, dhe u kthye në vendin e tij, në Turqi. Por nuk u kthye si një udhëtar i zakonshëm. Nuk u kthye as me dëshirën e tij. Përkundrazi, u kthye pa dëshirën e tij. Dhe u kthye në pranga. Ishin autoritetet shqiptare që ua dorëzuan atyre turke. Ndonëse ai iu tha: “Ju lutem, mos më çoni në Turqi, pasi unë jam gylenist, dhe si i tillë, jeta ime është në rrezik”,  autoritetet tona as që deshën t’ia dinin. Ato bënë çfarë iu kërkua nga Ankaraja. E bënë këtë me ngut, me zell, në shkelje të procedurave ligjore që ekzistojnë në Shqipëri.

Ai iu dorëzua autoriteteve turke në Rinas vetëm disa orë pas marrjes së vendimit për largimin e tij. Vetëm disa orë, në një kohë që duheshin pritur disa ditë, në një kohë që duhej pritur ankimimi i tij ndaj këtij vendimi. Pse u veprua kështu? U veprua kështu, sepse kryeministri shqiptar nuk ka fuqi t’ia prishë Erdoganit. Nuk ka fuqi t’i thotë: “I dashur Rexhep, të kam xhan e të kam shpirt, dhe ti e di që nuk të gënjej kur them se të kam xhan e të kam shpirt, por këtë gjë mos ma kërko. Këtë gjë nuk ta bëj dot, pasi së pari kjo është një gjë që vendoset nga gjykatat tona, dhe së dyti unë nuk kam ndërmend të dal kundër qëndrimeve të SHBA-ve në këtë pikë, pasi SHBA-të janë aleati ynë i madh, pa kushte, për jetë. Edhe juve turqit jeni aleatët tanë, jeni shumë të rëndësishëm madje, por nuk jeni më të rëndësishëm sesa amerikanët.”

Kjo do të ishte alamet alibie për Ramën. Por ai nuk e shfrytëzoi këtë alibi. Sepse për të është më e rëndësishme t’i bëhet rrogoz Erdoganit.

Harun Çelik, me profesion mësues, është në Turqi tanimë. Askush nuk e di se çfarë do të ndodhë me të. Dhe mua më vjen që, në emër të të gjithë atyre shqiptarëve që këtë punë e shohin si unë, t’i kërkoj falje publikisht.

“Të kërkoj ndjesë i dashur Harun! Nuk është se më dhemb kauza jote. Madje, në do ta dish, as që më bëhet vonë për kauzën tënde. Jo për gjë, por nuk e kam të qartë deri në fund se çfarë jeni ju gylenistët e për çfarë luftoni e sakrifikoni. Por unë mendoj se shoqëria shqiptare, dhe sidomos shteti shqiptar, duhet të të merrte në mbrojtje, duhet të të jepte azilin politik. Sepse dikush mund të dorëzohet në duart e dikujt që thotë: ma jepni se dua ta gjykoj mbi bazën e provave që kam mbledhur, por nuk mund të dorëzohet në duart e dikujt që thotë: ma sillni këtu terroristin. Sepse kështu i bie që tjetrit i është dhënë dënimi pa u bërë gjyqi.

Edhe njëherë, të kërkoj ndjesë, i dashur Harun, për këtë poshtërsi të kryer nga autoritetet e shtetit tim!”/abcnews.al

kertusha-provokacija-1280x719.jpg
nev ila22:56 | 10/01/2020

Ardit Kërtusha, kandidati për të marrë drejtimin e Partisë Socialiste në Durrës i tërhequr nga gara ditën e djeshme. i ftuar mbrëmjen e sotme në Provokacija me Mustafa Nanon.

Sipas tij arsyeja pse u tërhoq nga gara ishte se shumë po ndërhynin dhe nuk po zbatohej statuti i Partisë dhe parimi një anëtar një votë.

Pjesë nga biseda në studio: 

Mustafa Nano: Më bëri përshtypje dje lajmi që një socialist durrsak i cili konkurronte për të marrë kreun e partisë lokale braktis garën, një gjest jo fort i zakontë por më bënë përshtypje motivet e braktisjes.

Ardit Kërtusha: Unë nisa një garë të pazakontë që në gusht. Në këto takime dëgjuam problematikat që ka socialistët organizatat, sëbashku menduan që të kandidoja për kryetar partie. Kandidimi im për kryetar kishte për qëllim dëgjimin e zërit të qytetarëve. Unë nuk kisha më i miri por kisha një aspirat. Tek unë çmuan iniciativën që mora për të dëgjuar hallet e socialistëve, përballë kisha kandidatin Luan Zazaj. Mendimin për Zazaj e kam njëlloj si socialistët e Durrësit. Zgjedhja e tij u bë me emërim dhe jo me zgjedhje.

Mustafa Nano: Dje lije të nënkuptoje se kandidati tjetër është përfaqësuar më së shumti nga Vangjush Dako, Dako është i fortë si personazh apo është legjendë?

Ardit Kërtusha: Në Durrës ka treguar se e komandon PS, jo më kot e kam epitetuar kryetarin aktual si marionetë. mendoj që për çdo person ka një fillim dhe një fund.

Mustafa Nano: Jeni dakord me kritikat që i janë bërë Vangjush Dakos nga fronti opozitar?

Ardit Kërtusha: Fronti opozitar në radhë të parë duhet të shohë formën e organizimit të vet në fillim. PD në Durrës është e dobët, gjithmonë do të fitojë PS.

Mustafa Nano: Gjesti juaj i djeshëm tregon se PS është e lodhur…

Ardit Kërtusha: Kur unë vij sot dhe jap një intervistë i lirshëm, do të thotë se PS ka demokraci brenda llojit.  Jo pa shkak njerëzit janë të prirur të reagojnë kur cenohen. Gjithë kjo që nisi nuk ishte marrja e mandatit të partisë. Fillimi i rrugëtimit ishte problemet që kishte partia. Zëri ynë nuk u dëgjua kur parashtruam problematika. Ne bëmë një aksion politik i cili u përkthye në këtë reagim. Kjo e ka fillimin dhe mbarimin në 2009, në sistemi zgjedhor që ne kemi. Prisja që të kishte shumë kandidatë, Durrësi ka shumë djem dhe vajza të përgatitur që duhet të kishin treguar ambiciet. Unë jam këtu për të folur për ndryshimin në parti jo për fraksionin. Sa më afërt të vërtetës aq më afër suksesit./abcnews.al

harxhi-edith.jpg
ger ta22:12 | 10/01/2020

Edith Harxhi, e ftuar në emisioni  “Provokacija” me Mustafa Nanon, hedh hije dyshimi mbi prezencën e opozitës iraniane në Shqipëri.

Në një situatë ku tensionet mes SHBA dhe Iranit janë në kulmin e tyre, ndërsa përfiltet edhe Shqipëria si shënjestër, Harxhi shprehet se  muxhahedinët në Shqipëri shkelën kontratën. Sipas saj ata nuk zbatuan marrëveshjen e pranimit të tyre, ku është e përcaktuar qartë që ky grup nuk duhet të kryejë funksione politike.

“Këtu nuk është zbatuar një kontratë. Marrëveshja për ardhjen e tyre në Shqipëri është bërë përmes Organizatës për Mbrojtjen e Emigrantëve të OKB dhe qeverisë shiptare. Dhe në atë marrëveshje është e përcaktuar qartë që ky grup nuk duhet të kryejë funksione politike. Kjo është një çështje cedimi që i është bërë nga ana e qeverisë shqiptare sepse ata kryejnë funksione politike, bëjnë mbledhje të herë pas hershme. Unë e kuptoj edhe teorinë dhe pata një debat me zotin Fatmir Mediu, i cili është edhe një nga mbështetësit kryesor të këtij grupi. Zoti Mediu shtron me të drejtë çështjen se ata janë opozitë çfarë do bëjnë tjetër. Ndërsa unë mendoj që duhet që ne ti përcaktojmë edhe më qartë rregullat që janë në kontratë që ata nuk duhet të bëjnë propagandë politike. P.sh, dalja në publik e kryetares së tyre një ditë pasi u vra gjenerali Soleimani, ka bërë një deklarëtë në të cilën përgëzon sulmin e SHBA ndaj kesaj figure.  Unë e kuptoj që ata janë opozitë por këtu vihet në pikëpyetje siguria e vendit tonë”, shprehet Haxhi.

Më tej ajo thekson se muxhahedinë janë shumë diskretë, jetojnë të ndarë dhe janë luftëtarë të përgatitur.

“Ata janë shumë diskretë, kjo e bën edhe më të errët për të kuptuar se çfarë është ky grup. Ata edhe kur dalin nuk dalin në grupe të mëdha, mund ti shihni një ose dy. Nga momenti që ata nuk jetojnë në çift ju e kuptoni. Janë çifte të ndara, bashkëshortja ose bashkëshorti jeton diku tjetër në Evropë. Është një formacion i tillë. Ata janë luftëtarë të përgatitur, ata presin momentin, kur d të luftojnë, sulmojnë regjimin iranian. Nuk di tëketë qendra stërvitore”, deklaroi Harxhi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono