Provokacija

mesi-1.jpg
ger ta22:21 | 10/12/2019

Ish-zv.kryemimistja Senida Mesi ishte e ftuar në emisionin “Provokacija” me Mustafa Nanon në Abc News.

Mes të tjerash Senida ka folur për familjen e saj dhe raportet me tre fëmijët. Ndërkohë, Mesi u ndal edhe tek politika, teksa është eksponente e rëndësishme e PS në Shkodër.

Mirëpo, gjatë bisedës në studio, ajo zbuloi se duke u bazuar në historinë e saj familjare duhet të ishte e djathtë, por edukimi i saj si ekonomiste e ka orientuar nga politikat e majta.

Pjesë nga biseda: 

Nano: Ju jeni e majtë, për shkak të asaj çantës që keni mbi shpinë

Mesi: Të ishte për çantën që kam mbi shpinë do isha super e djathtë…

Nano: Keni qenë e përndjekur?

Mesi: Bashkëshorti ka pasur prona dhe akoma nuk i ka marrë dhe nga familja e babait tim të persekutuar.

Nano: Ju paskeni bërë alamet zgjedhje. Të përshëndes, nuk gjen njerëz në Shqipëri që të tradhtojnë origjinën, traditën, kauzën.

Mesi: Kjo është edukata e prindit që të lë të lirë të zgjedhësh. Babi im është opozitar në natyrë, edhe gjithmonë natyrë e hapur dhe na ka lënë të lirë. Ndoshta përkatësia ime e majtë vjen nga edukimi im si ekonomiste. Sot në botë të gjithë po shkojnë drejt politikave sociale./abcnews.al

mece.jpg
ger ta21:50 | 10/12/2019

Inxhinieri Arben Meçe ishte i ftuar këtë javë në emisionin “Provokacija” me Mustafa Nanon.

Meçe sqaroi edhe situatën pas tërmetit, ndërsa foli edhe për ndërtimet, ku më së shumti janë komentuar ndërtimet në rërë dhe kënetë, ku nuk kanë munduar zërat për rrezikshmërinë e lartë.

Në këto zona ishin edhe dëmtimet më të mëdha në Durrës, por Meçe e ka një shpegim. Sipas tij, ka një tipologji që në rërë nuk ndërtohet mirë, por në rastin konkret ndërtesta u shkatërruan për shkak se ishin shkelur rregullast e ndërtimit dhe nuk kishte të bënte me truallin.

Në rërë dhe në kënetë nuk ndërtohet, pra të gjithë këta njerëz janë në këtë moment si rrjedhim i një veprimi të gabuar që kanë ndërtuar në rërë dhe kënetë, që do të thotë se objektete e tyre janë në rrezik, këtu ka pikepyetje sepse kjo nuk është e vërtetë. Teknikisht ka një rrezik të madh kur ndërtohet në kenëtë por jemi pëballë një fakti, e gjithë këneta është mbushur. Unë nuk mund tu them atyre qytetarëve që ju keni bërë gabim, prandaj bëni  zgjidhje se jeta është në rrezik. Unë ju them deri në këtë shkallë kjo tipologji ndërtimi që keni bërë, kërkon certifikim, ka rrezik për jetën falë një skeme të gabuar që keni bërë në këtë vend. Dhe kur vijmë te rëra po ka tipologji ndërtimi që me rërën nuk bashkëpunojnë mirë dhe ka probleme. Tërmeti që ra na vërtetoi se ja që në rërë, jo vetëm që ndërtohet pr edhe mjaft mirë. Ato ndërtesa nuk i ka shkatërruar trualli por vetja e vet se janë ndërtuar në kundërshtim me kushtet teknike”, tha ai.

Po ashtu inxhinieri theksoi se nga ky termet ne testuam sistemin tonë të rindërtimit.

Nga ky termet ne testuam sistemin tonë të rindërtimit. Kan një filozofi projekti. Nuk ka të rrëzuar ndërtesa të larta. Ky është mësimi që morëm ne. Një tipologji ndërtimi e lartë, pati një konflit që është i panjohur për shkencën. Nuk ka shmangie nga metodika e projektimit se është marrë nga jashtë, Itali, Greqi dhe Turqi. Në momentet e para kur ka filluar ndërtimi në Shipëri nuk njihej pllaka si koncept dhe u bënë me plinta, me trarë dhe kolona të holla. Kur erdhi tërmeti, ta fiksojmë nuk ka shkatërrime. Natyrisht do ketë objekte. Strukturat ishin shumë elsastike sepse kolonat janë bërë më të holla. Kjo lëvizje bëri që betoni që është i fortë të godasë tullën.  Riparimi i këtyre objekteve, zgjidhja më e mirë është qe këto ne ti bëjmë të forta. Ne duhet që të bllokojmë këtë lëvizjen e madhe që tërmeti që mund të ndodhë të mos godasë”, tha Meçe./abcnews.al

nano-1.jpg
ger ta21:11 | 10/12/2019

Me tekst mizerabël e ka konsideruar Mustafa Nano në “Provokacija” këngën e Rovena Dilos, me të cilën mori pjesë në “Kënga Magjike”.

Në monologun e tij, Nano u refeua një deklarate të dhënë nga këngëtarja për mediat, e cila ishte shprehur se “një numër halabakësh kanë penetruar në botën e muzikës shqiptare”.

Mirëpo, siç theksoi Nano, edhe vetë teksti i këngës së Dilos nuk bëri diferencën.

Para dy ditësh këngëtarja Rovena Dilo mori pjesë në “Kënga Magjike” duke kënduar një këngë bashkë me dy artistë të tjerë dhe ne mund ta shohim në ekran. Rovena Dilo dha një intervistë dhe ngriti zërin për të denoncuar një numër halabakësh, kështu foli ajo që kanë penetruar në botën e muzikës shqiptare dhe me halabakë pati parasysh, autorë, këngëtarë, të cilët sipas saj po e dëmtojnë, po e e korruptojnë shpirtin e muzikës shqiptare. Unë kam përshtypjen që ajo ka dashur të denoncojë një lloj muzike që po dëmton dhe prish traditën e muzikës shqiptare. Kam përshtypjen se ka dashur të flasë për ritmete muzikës tallava. Nësë nuk është kështu atëherë Rovena duhet ta sqarojë mirë se çfarë ka dashur të thotë kur ka denoncuar halabakët sepse mesazhi rezulton atëherë i paqartë. Por unë kështu e mora dhe unë jam dakord me atë nëse ajo ka synuar të bëjë këtë gjë, sepse është e vërtetë që me ritmet e tyre po krijojnë një lloj konflikti me traditën e muzikës shqiptare. Mirëpo, Rovena Dilo duhet të dijë që muzikën shqiptare janë duke e dëmtuar edhe disa këngë të tjera jo nëpërmjet vijës së tyre melodike por nepërmjet teksteve të këtyre këngëve dhe Rovena Dilo ndonëse shumë kush ka pritur të bëjë diferencën në kompeticionin e “Këngës Magjike” në këtë drejtim ajo nuk e ka bërë këtë diferencë. Ajo ka kënduar një këngë me tekst mizerabël. Për ta ilustruar unë po lexoj një pjes ëtë tekstit….Po dukesh si hard killa,  kur po vjen veshur me k’to stilla, jena shumë nalt për këto dilla. Baby t’boj m’u ndi Cinderella, Kur bohet fjalë për money…

Kjo është një pjesë e këngës së kënduar nga Rovena Dilo dhe nga dy artistë të tjerë. Ju e dini nuk është hera e parë që unë ndalem te një argument i tillë. E kam bërë edhe herë të tjera, ka momente që mendoj se tekste të tilla duhet të fshihen, apo duhet të konsiderohen si kundravajtje penale. Ka momente…nuk është se e mendoj gjithë kohën. Në këto momente unë is hoh këto tekste si një atentat që i bëhet kulturës shqipatre, por edhe në përgjitësi. I shoh si një fyerje që i bëhet inteligjencës shqiptare, i shoh si një atentat që i bëhet gjuhës shqipe”, përfundon monologun e tij Nano./abcnews.al

 

malaj.jpg
in a22:28 | 06/12/2019

Arben Malaj i ftuar në “Provokacija” me Mustafa Nanon ka folur për pezullimin e tij nga Këshilli Mbikëqyrës i Bankës së Shqipërisë. Ai tha se kjo nuk ishte e papritur për të sepse kishte kohë që kishin nisur përpjekjet për ta hequr. “Ballafaqimi im me Ramën ka të bëjë me moralin në qeverisje. Nuk ka në asnjë vend të botës që ndonjë anëtar të jetë shkarkuar për të drejtën e fjalës”, tha Malaj.

“Qeveritë do shkojnë e do të vijnë, por ne do të mbetemi këtu. Misioni im është të tregoj që në një vend demokratik ka ndarje të detyrave, respektim të balancave, ka edhe kontroll të tre pushteteve. Edi Rama kërkon të gjithë pushtetin”, u shpreh më tej.

Gjithashtu ai u ndal te goditja që mori vendi nga tërmeti duke theksuar se shoqëria duhet të harrojë çfarë ndodhi, “duhet të ringrihemi, duhet ti kthehemi normalitetit”, u shpreh ai.

“Duhet të mësojmë të bëjmë më mirë, na vrau cilësia e ndërtimeve. Pasoja më e madhe e kësaj krize është fakteqësia e 51 viktimave që do të pasojë me të plagosurit, për të kaluar më tej te strehimi i familjeve të lënduara. Dëmi më i madh gjithashtu është goditja psikologjike që kanë marrë njerëzit që vazhdon edhe më pasur, duke ulur rendimentin në punë po ashtu duke sjellë ulje të aktivitetit ekonomik. Kjo është kriza e shqiptarëve dhe të gjithë duhet të japim mbështjen maksimale. Duhet të bien të gjitha barrierat në kohë fatkeqësie natyrore”, u shpreh Malaj.

Ndër të tjera Malaj tha se duhet të ngremë në lartësinë e duhur personalitete që vërtet e meritojnë.

“Kur ndodh një fatkeqësi natyrore sipas ligjit duhet ti dalë për zot Kryeministri. Kemi ardhur në një fazë që duhet më pak prezencë publike dhe duhet më shumë punë në zyrë. U krijua Këshilli Kombëtar i Rindërtimit i cili duhet të këtë një bazë ligjore sepse vetëm ajo ndihmon dhe qartëson njerëzit”, tha ai.

“Kryeministri duhet të qartësohet, të bëjë transparente listën sa i përket buxhetit. 90% e kostos do ti mbetet taksapaguesit shqiptar.  Vendet duhet të kenë një kulturë që të parandalojnë dëmet nga termetet”, tha ai.

“Procesi i rindërtimit do ti japë efekt pozitiv ekonomisë shqiptare një një kohë afatshkurtër. Për shkak të mungesës së kulturës shtetformuese mund të ecim dhe ngadalë por nuk do të ketë hapa pas”, deklaroi Malaj.

Në fund, Malaj u pyet sërish nga Mustafa Nano, për shkarkimin nga Bordi i Bankës së Shqipërisë. “Do të shkoj deri në Gjykatën Europiane të Drejtave të Njeriut për ti treguar qeveritarëve tanë që nuk mund të qeverisin duke marrë të gjithë pushtetin në dorë të një individi, ky është një shërbim ndaj vendit”, tha Malaj./abcnews.al

erion-brace-ok.jpg
R D21:46 | 06/12/2019

Zv/ Kryeministri, Erion Braçe mori në mbrojtje ish-kryetarin e Bashkisë së Durrësit, Vangjush Dako që drejtoi këtë qytet 12 vitet e fundit, kur u dhanë leje të shumta ndërtimi. I ftuar mbrëmjen e sotme në emisionin “Provokacija” të Mustafa Nanos, në Abc News, Braçe tha se për 6 pallatet e shembura në Durrës nuk është përgjegjës Vangjush Dako. “Prokuroria të shkojë të marrë lejet e ndërtimit. Aty i ka! Të bëhen verifikimet sepse pallatet e shembura në Durrës dhe në Thumanë ishin ndërtuar në kohën e komunizmit dhe në vitet ’93-’94”.

Pjesë nga bashkëbisedimi në studion e “Provokacija”

Nano: Pse ishte Thumana më e goditura?

Braçe: Ka qenë zonë kënetore dhe ndërtimet kanë qenë shumë të dobëta. Ajo është një zonë rurale edhe pse është pjesë e bashkisë së Krujës. Aty janë njerëz të dërguar kryesisht nga regjimi i Enver Hoxhës. Pra janë çuar për krah pune. Cilësia e pallateve në Thumanë është mizerabël. Ato që sollën viktimat më të shumta ishin ndërtesat e kohës së komunizmit.

Nano: Po në Durrës?

Braçe: Pra janë dy kategori ndërtesash që janë rrëzuar: 1 – të kohës së Enverit, 2- të viteve 1993-1994. Në Durrës për shembull është rrëzuar një pallat i ndërtuar në ’93.

Nano: Po e theksoni vitin ’93, kush është përgjegjës?

Braçe: Duhet ta thonë dy organe…

Nano: Se njerëzit e njohin si “Durrësi i Dakos”, është si legjendë urbane kjo

Braçe? Po legjendë mediatike se kështu nis kjo dhe përfundon si perceptim popullor.

Unë s’kam pse ta mbroj por ato 6 objekte që u shemben s’janë të kohës së Dakos.

Çdo leje që ka lëshuar nga Bashkia e Durrësit të verifikohet 1 për 1, kushdo që i ka dhënë Lefter Koka dhe Vangjush Dako.

Prokuroria dhe gjykata të bëjnë punën e tyre, dhe të hetojnë se pse u rrëzuan objektet dhe kush është përgjegjës. Hotel “Lubjana” psh nuk është dhënë me leje nga Dako. “Miramare” dhe “Palmat” janë lejet e ndërtimit aty, edhe këto të hetohen… Edhe pallati i vitit ’93-’94 ku humbi jetën edhe një koleg i joni, ish-deputet le të hetohet se kush dhe si e dha lejen.Prokuroria të nxitojë ta bëjë këtë proces.

/Abcnews.al

nano.jpg
in a21:10 | 06/12/2019

Publicisti Agron Tufa, i cili drejtonte Institutin e Studimeve për Krimet dhe Pasojat e Komunizmit, bashkë me familjen e tij, ka kërkuar azil politik jashtë vendit Tufa u largua nga Shqipëria pasi kishte marrë disa kërcënime me jetë për shkak të pozicionit të tij si drejtori i Institutit.

Largimi i Agron Tufës duke kërkuar azil politik jashtë vendit ka tërhequr vëmendjen e drejtuesit të emisionit “Provokacija” Mustafa Nano këtë të premte.

“Agron Tufa ka kërkuar azil politik në Zvicër sepse është kërcënuar nga ish- sigurimi i shtetit dhe nga komunistët që sot janë në pushtet. Kjo është një gjepur. Siç është gjepur edhe pretendimi se Haxhi Baxhinozi ish i përndjekur është vrarë nga po ata njerëz që e burgosën nga ish- sigurimsat dhe enveristë.  Në Shqipëri ka enveristë, edhe në Parlament gjithashtu. Spartak Braho është një enverist gjë që duket edhe nga shprehje të tipit “edhe në vrimë të miut do të gjejmë dhe do të çojmë para gjyqit”. Të dalë sot një si Spartak Braho të përbuzë Mid’hat Frashërin kjo është të marrësh malet. Komunistë ka, por nuk kanë asnjë pushtet real edhe kur janë deputetë apo zyrtarë, këta kanë çelësat e kashtës. Ideja se në Shqipërinë e vitit 2020 komunistët në pushtet po vijojnë të përndjekin ish të përndjekurit është një narrativë idiotike që duhet të na bëjë për të qeshur”, u shpreh Nano.

“Madje edhe kërkesa e Tufës për azil duhet të na bëjë për të qeshur”, theksoi ai.

Më tej Nano thotë se Tufa mund të jetë kërcënuar, por të gjithë ata që mbajnë qëndrime të forta marrin kërcënime sepse psikopatë ka kudo, shprehet ai.

Gjatë monologut të tij Nano kujton kërcënimet që ka marrë edhe kandidati i partisë BREXit, por ai nuk kërkoi azil politik madje kërkoi mbrojtjen e policisë. Të njëjtën gjë sipas tij duhet të kishte bërë edhe Agron Tufa sepse në Shqipëri janë të shumtë personat që marrin kërcënime, por nuk bëjnë viktimën.

“Zviceranët duhet të jenë të marrë nëse ia japin te drejtën e azilit politik”, kështu e mbyll Nano monologun e tij./abcnews.al

demi-1280x739.jpg
in a23:03 | 03/12/2019

Mjeku psikiatër Neli Demi i ftuar në studion e “Provokacija” ka folur për panikun e qytetarëve pas tërmetit. Ai shprehet se tërmeti që goditi vendin ka shkaktuar jo vetëm dëme të mëdha, por edhe një frikë te qytetarët për shkak të lëkundjeve të shpeshta.

“Paniku influencohet në mënyra të ndryshme, media në pjesën më të madhe të rasteve ka pasur një qëndrim që ka përcjellë ndjeshmëri ndaj fenomenit. Një kritikë e autoriteteve ndaj mediave është një energji e shkuar dëm për shkak se tani autoritetet kanë detyra më të rëndësishme për të bërë”, tha Demi.

“Çdo situatë meriton reagimin e vet, kemi traumatizim në nivele të ndryshme të shoqërisë. Kemi njerëz të humbur, kjo kërkon kohën e vet për tu brendësuar nuk mund të presin një reagim qëndrestar. Individët e përjetojnë në mënyrë të caktuar një situatë, secili prej nesh ka një mënyrë të reaguarit ndryshe nga një tjetër”, u shpreh Demi.

Më tej ai u ndal te paniku që krijohet te fëmijët, sipas tij ata janë më të prekurit.

“Ata kanë nevojë për prindërit që të ndjehen të sigurt. Një fëmijë ka shanse të mëdha ta kalojë këtë tronditje, duhet të punohet në mënyrë profesionale”, tha ndër të tjera Demi. Qytetarët tashmë dalëngadalë duhet ti rikthehen aktivititeve të tyre, u shpreh ai./abcnews.al

guri-1280x720.jpg
in a22:33 | 03/12/2019

Në emisionin “Provokacija” me Mustafa Nanon, ambientalisti Sazan Guri thotë se specialistët kanë dalë në skenë pas këtij tërmeti. Sazan Guri thotë se tashmë qytetarët duhet të qetësohen pas këtij tërmeti që tronditi vendin.

“Tërmetet kanë qënë të lokalizuara në Durrrës sipas tij bazuar me fakte inxhinierike për ngjarje të tilla vetëm njerëzit e përgatitur mund të japin mendime të sakta. Qytetarët duhet të qetësohen pas këtij tërmeti që tronditi vendin. Tërmeti nuk ka lidhje me ditën, më natën apo probleme natyrore. Kjo ngritje e tokës, kjo lëvizje është mësë normale pas gjith asaj tronditjeje. Cunami nuk ndodh në Durrës, qytetarët duhet të qetësohen për këtë fakt që diskutohet së fundmi”, u shpreh Sazan Guri.

Ky tërmet që tronditi vendin sipas tij nuk ishte më i fortë se sa i Shkodrës.

Sa i përket pyetjes se kur mund të ndodhë një tërmet tjetër në Durrës, Sazan Guri thotë se nuk mund të flasë saktë për këtë fakt, por nëse do të kemi këto ngjarje sizmike ai shprehet se nuk mund të ndodhë një i tretë tani.

Nëse do të ndalemi ke fajësimet ky shtet këto 30 vite duhet të ishte përgatitur me protokollin e ndërtimit. Ato pallate që janë bërë me studime janë të sakta, por shtesat që janë të dëmshme, shprehet ai. Ky shtet do ndërtonte protokollin këto 20 vjet, por ata nuk dinin. Ai u ndal edhe te këto 6 vitet e fundit duke theksuar se ky shtet nuk ka kontrolluar hapat e protokollit.

“Siguria shkencore nuk është siguri absolute, por në bazë të statistikave deri më sot un flas për atë që është e njohur dhe kjo nuk me jep një tërmet të tretë, është shumë larg tërmeti i radhës”, tha Guri.

Sazan Guri sqaron se tërmetet me meganitudë 6 të shkallës righter shpërthejnë në 30 apo 40 vjet madje mund të duhen edhe 80 vite.

Ndër të tjera ai thotë se puna e medias ka qënë heroike./abcnews.al

provokacija9.jpg
in a22:05 | 03/12/2019

Profesor Fatos Tarifa në emisionin “Provokacija” të Mustafa Nanos ka treguar se solidariteti i qytetarëve shqiptarë tregoi se humanizmi është pjesë e qenies te shqiptarët si popull. Në të gjithë nivelet e shoqërisë, pashë solidaritetin e madh nga qytetarët shqiptarë, nga shqiptarët e kosovës që ishin të gatshëm për ndihmë, u shpreh Tarifa.

Sa i përket tërmetit tragjik ai e vlerëson si një ngjarje të rëndë me dëme të mëdha njerëzore, ka vend për panik, por kjo nuk ndihmon sepse optimizmi është ajo që duhet në situata të tilla, u shpreh Tarifa.

“Në rrethana të tilla nuk mund të krahasohemi me përjetimin e dramës si kjo e tërmetit me vendet e tjera sepse nuk kemi nxjerrë mësime nga përmbytjet dhe nga tërmetet. Reagimin Fondet që mblidhen për për ti ardhur në ndihmë, ky solidaritet njerëzor është një shpresë për shqiptarët. Duket se edhe qeveria ka reaguar për të menaxhuar situatë. Më vjen mirë për qeverinë që nuk e shfrytëzoi politikisht këtë moment”, deklaroi Tarifa.

Po ashtu ai u shpreh se ngjarje të tilla  duhet ti afrojnë politikanët.

Kreu i Emregjencës Civile, kreu i Komisionit për Ndërtimet duhet të jenë në krye të operacionit, duhet të dëgjoheshin para se të ndodhnin tëmetet dhe duhet të dëgjohen më shumë edhe tani pas kësaj tragjedie. Gjithashtu ai komentoi edhe inspektimin e ekpertëve në zonat e dëmtuara, ai shton se duhet që ky pësim i madh të bëhet mësim që të mos lejohen ndërtime të pakontrolluara, të bëhen sipas standardeve europiane sepse ky është një faj njerëzor dhe pasojat janë shumë të mëdha u shpreh ai.

“Në kemi inxhinierë të zotë, sizmiologë që duhen dëgjuar, duhet thirrur në tryeza diskutimesh me qeverinë, tha ndër të tjera Tarifa. Ky solidaritet njerëzor është mjaft prekës jo vetëm nga shqiptarët, por të gjithë bashkë eskpertë nga vende të tjera tregoi një frymë të mirë. Kohezioni social është shumë i rëndësishëm në shoqëri tek ne kjo sikur është  dobësuar, popullsia sikur sikur është përçarë, fatkeqësitë natyrore tregojnë se nuk ka rëndësi se me çfarë partie je. Media ka bërë një punë të mirë, pa punën e tyre ne sot do të dinin shumë pak”, tha Tarifa.

Sa i përket konfliktit të kryeministrit me mediat ai shprehet se në këtë rast është me mediat, detyra e tyre është të përcjellë zërin e publikut.

Ka shumë të panjohura sa i përket menaxhimit të situatës me banorët e tërmetit, shprehet ai.

/abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono