Pressing

olsi-Rama.jpg
G. P.22:54 | 06/05/2019

Për drejtorin e përgjithshëm, Olsi Rama, Partizani nuk duhet të bëjë viktimën për sa i përket vendimeve të arbitrave. I ftuar në emisionin “Pressing”, ai u shpreh se edhe ata mund të bëjnë gabime, por ‘”të kuqtë” janë një skuadër e madhe dhe duhet të vazhdojnë përpara.

“Partizani është një emër i madh. Duhet të dijë si të sillet si një ekip i madh. Partizani nuk duhet të bëjë viktimën. Arbitrat janë njerëz të zakonshëm që padiskutim në punën e tyre do bëjnë edhe gabime. Sidomos në kushtet ku punojnë. Gabimet janë pjesë. Edhe ne bëjmë gabime. Thjesht duhet të mësojmë dhe të ecim përpara”, tha Rama.

Nëse ka një model këto vitet e fundit është padyshim Skënderbeu. Por Olsi Rama shprehet se ambicia e Partizanit është të tejkalojë arritjet e korçarëve.

“Skënderbeu në vitet e fundit ka qenë model pune. Ditën të ndërtojnë me kujdes, me kohën që patën në dispozicion një ekip që arriti ato rezultate. Është një shembull për t’u marrë. Ambicia e Partizanit duhet të jetë të tejkalojë ato që arriti Skënderbeu”, tha Olsi Rama.

Për të krijuar një skuadër kompetitive dhe të shëndoshë nga ana financiare, Partizani ka një detyrë sipas Olsi Ramës. E rëndësishme për të është përfundimi i ndërtimit të kompleksit.

“Akademia e Partizanit do jetë pastaj burimi i lojtarëve. Duke qenë një emër i madh, duke pasur një traditë fitimi në kampionat është kollaj të tërheqësh talentet nga i gjithë rajoni, jo vetëm nga Shqipëria”, tha Rama./abcnews.al

gerti-carcani.jpg
G. P.11:26 | 30/04/2019

Në këtë puntatë të emisionit sportiv “Pressing” u diskutua përgjithësisht mbi reformën në futbollin shqiptar. Çfarë është arritur pas tryezës së mbledhur nga Kryeministri Rama me faktorët e futbollit? Ku synohet të arrihet me paketën e madhe të ligjeve?

Për të diskutuar rreth kësaj të ftuar në studio ishin: Koço Kokëdhima, president i KF Apolonia dhe politikan; Bashkim Tufa, gazetar; Enos Skarço, gazetar dhe Blerim Jahaj, gazetar./abcnews.al

hyrja-10.00_00_20_22.Still001-1280x720.jpg
G. P.11:16 | 16/04/2019

Në këtë puntatë të emisionit “Pressing” u diskutua për mbledhjen e Komitetit Ekzekutiv të FSHF-së dhe trajnerin e ri që pritet të vendoset në drejtimin e kombëtares shqiptare të futbollit. Gjithashtu nën drejtimin e moderatorëve Gerti Çarçani dhe Joana Grabolli të ftuarin folën edhe për ndeshjet e Superligës.

Ndërkohë në fund u diskutua për magjinë e Champions League. Të martën dhe të mërkurën zhvillohen ndeshjet çerekfinale, ku priten të mësohen dhe gjysmëfinalistët e ardhshëm.

Të ftuar në studio ishin: Enkelejd Alibeaj, anëtar i Komitetit Ekzekutiv të FSHF; Tami Kona, gazetar sporti; Dritan Laci, gazetar; Eno Skarço, gazetar sporti./abcnews.al

pressing.jpg
G. P.13:21 | 02/04/2019

Në qendër të diskutimeve në punatëtn e radhës së emisionit “Pressing” ishte kampionati shqiptar dhe jo vetëm. Ngjarja në ambientet e brendshme që ndodhi në stadiumin “Selman Stërmasi” gjithashtu ishin pjesë e debatit mes të ftuarve.

Të ftuar në studio ishin:  Ylli Shehu, trajner i Partizanit U17; Renato Arapi, futbollist; Indrit Sauku, gazetar dhe Eno Skarço, gazetar. Ndërkohë në studion numër 2 ishte në lidhje Fabio Kurti. Në një ndërhyrje telefonike ishte edhe Presidenti i Kukësit, Safet Gjici, ndërsa nga SHBA-ja pati një lidhje me Ansi Agollin, i cili sapo është transferuar në ekipin e New York Cosmos./abcnews.al

gerti-carcani.jpg
G. P.12:06 | 12/03/2019

Javën e kaluar nuk pati ndeshje futbolli në Superligën shqiptare pas dhunës ndaj arbitrit të ndeshjes Kamza-Laçi. Mirëpo në këtë puntatë të emisionit “Pressing” u diskutua mbi tryezën e qeverisë dhe grupeve të interesit ku u hodhën shumë teza për zgjidhjen e situatës.

Të ftuar në studio ishin: Kostandin Shkurti, zv/ministër i Arsimit, Rinisë dhe Sporteve; Fidel Ylli, deputet; Eduard Prodani, ish-sekretar i Përgjithshëm i FSHF-së; Artan Hoxha, gazetar; Bashkim Tufa, gazetar./abcnews.al

PRESING-DT-4.mpg_snapshot_04.18-1280x720.jpg
ent ela11:05 | 05/03/2019

Rikthimi i dhunës në stadiume gjatë ndeshjeve të futbollit u diskutua në emisionin Pressing të kësaj të hëne me të ftuarit Ernest Gjoka, Gent Mezani dhe gazetarët sportivë Bledar Kuka dhe Blerim Jaha. Të ftuarit ndanë mendimin se policia duhet të jetë e pranishme në stadium, sikurse kërkoi më herët edhe sekretari i FSHF Ilir Shulku. /abcnews.al

prr-1280x705.jpg
ent ela11:22 | 26/02/2019

Duke folur për futbollin, në emision Pressing u diskutua për kampionatin shqiptar, si dhe për çështje të tjera specifike. E ftuar speciale ishte kryetarja e bashkisë së Shkodrës Voltana Ademi, e cila ka folur për 100 vjetorin e themelimit të skuadrës së Vllaznisë. Të ftuar të tjerë të cilët folën për futbollin në vend ishin Ervin Fagu trajner, gazetari Eno Skarço si dhe ish-futbollisti Fabio Kurti./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono