Politika në ABC

POLITIKA-NE-ABC-NEWS-RAMA-META-BASHA-PAS-30-QERSHORIT-13.07.2019.mpg_snapshot_00.33-1280x720.jpg
ent ela13:24 | 13/07/2019

Situata politike pas 30 qershorit nuk ka ndryshuar edhe pse palët kanë ulur tonet e retorikës politike. Përtej nisjes së punës për shkarkimin e presidentit, ky i fundit bashkë me opozitën flasin për vullnet popullor për ndryshim. Dritëhijet e lëvizjeve të palëve na sjell këtë javë Mimoza Koçiu me Politika në ABC News.

Më pak se 23% ka mbetur prej dy javësh rezultati paraprak i pjesëmarrjes në procesin vendor të 30 qershorit. Ajo shifër që për opozitën është vetëm 15%, duket baza për sjelljen e aktorëve politikë në javët e ardhshme. Mbi 45 mijë votat e pavlefshme janë sinjal mbështetjeje për opozitën sipas Lulzim Bashës, e një temë për t’u anashkaluar për Edi Ramën. Por Rama mbetet kryeministri në fuqi, e me ndikim të pandryshuar edhe në parlament ku ka nisur puna për shkarkimin e presidentit Meta, të cilit shefi i qeverisë i faturon tensionin parazgjedhor që ndikoi në pjesëmarrjen e zgjedhësve në 30 qershor.

Po çfarë ndodhi javën politike që lamë pas?

Si rrallëherë, të hënën e 8 korrikut, salla e seancave plenare kishte pjesëmarrje pothuaj të plotë nga mazhoranca. Asnjë karrige bosh tek pjesa e qeverisë e rradhët dukeshin të plota edhe në sallë, në pjesën ku ulen deputetët socialistë e aleatët e tyre. Një javë pas 30 qershorit ishin thirrur seancë e posaçme për ngritjen e komisionit hetimor për shkarkimin e Ilir Metës si President i Republikës, për shkak të aktit të zhdekretimit të zgjedhjeve të 30 qershorit. Ai dekret nuk i kishte ndalur votimet, të cilat përveç pjesëmarrjes patën një element që u verifikua për herë të parë: numri i lartë i votave të pavlefshme: sipas KQZ mbi 45 mijë për kryetarët e bashkive e gati 50 mijë për këshillat bashkiakë. Lulzim Basha i lexon si vota kundër Ramës të qytetarëve të detyruar të shkojnë të votojnë për të ruajtur vendin e punës. Vetë kryeministri preferon ta shmangë si fenomen për t’u shpjeguar, por qëndron tek pjesëmarrja, afro 23% sipas KQZ e vetëm 15% sipas PD.

E ka të qartë se raporti i vëzhguesve të ODIHR do bëhet pjesë e cdo raporti të rëndësishëm ndërkombëtar për Shqipërinë, por i ka identifikuar fajtorët.

A po pranon vallë Edi Rama përmes këtij argumentimi, se opozita e presidenti, pa fuqitë ekzekutive e legjislative të Kryeministri e shumicës së tij, por edhe mbështetjes unike ndërkombëtare për qeverinë, kanë patur më shumë ndikim tek shqiptarët?

I njëjti Kryeministër pranon përdorimin e fuqisë së shumicës, konkretisht përmes kartonëve të 4 anëtarëve të majtë në KQZ.

21 të kaluara në politikë me Ilir Metën, herë aleatë e herë kundërshtarë, tani Edi Rama e identifikon si armik, e kërkon votën unanime të deputetëve, jo thjesht për ta hetuar, por edhe ndëshkuar Ilir Metën.

E pandryshueshme mbetet diangoza se kundërshtarët e tij politikë, përfshi Ilir Meta kanë frikë nga përballja me drejtësinë. Po aq e pandryshueshme duket edhe perspektiva pa frikë për veten, Kryeministri prej 6 vitesh e 11 si kryetar bashkie.

Prej kohësh kjo tabelë regjistron vetëm votime unanime në rradhët e deputetëve të Edi Ramës, ndërsa numri 102 pro hetimit të Metës, teksa formalisht ka 79 deputetë, duken sinjali i garancisë se 94 votat që i duhen për shkarkimin e presidentit janë aty, pavarësisht se në komisionin hetimor 9 anëtarësh, asnjë nga deputetët e dalë nga listat e LSI, nuk pranoi të ulej në 4 vendet e opozitës.

Ilir Meta që dukej se po e ndiqte atë seancë, nuk vonoi reagimin, pa një referim direkt për vendimin ndaj tij, por me një rreshtim të hapur, befasues për një kryetar shteti, krah opozitës. Në të njëjtën pasdite me seancën parlamentare, opzita kishte thirrur protestën e 10 kombëtare, të cilën Meta e përshëndeti që në nisje, me dedikim për ata që i quan 85% e qytetarëve që bojkotuan një proces fals si ai i 30 qershorit.

Por çka nuk dukej në këtë betejë deklaratash politike e numrash të mbështetësve të opozitës në shesh, ishte mungesa e masave të shtuara të sigurisë në nivelin e zakonshëm të protestave të opozitës. Njëlloj mungoi edhe thirrja tradicionale e ambasadave kryesore për zhvillim paqësor të protestës. Përse vallë ajo lloj qetësie, për herë të parë që prej protestës së parë të 26 shkurtit të këtij viti? Këto sinjale ngrenë edhe pikëpyetjet: a ka nisur vallë një proces ndërmjetësimi vendas a ndërkombëtar mes qeverisë e opozitës? Përtej simbolikave, një element i qëndrueshëm i protestave të Bashës, fjalimi i kreut të PD, lëvizja para kuvendit e grumbullimi në oborrin e selisë blu për mbylljen e protestës, u zhvillua në pak më shumë se 2 orë. Fjala e Bashës ishte një falenderim për qytetarët që nuk shkuan të votonin në 30 qershor, e më tej ishte shpalosje programi e premtimesh prej fushate parlamentare.

Një tiradë e Ramës në tuiter, përmes shprehjes së një filozofi ushtarak kinez tregoi vëmendjen e kryeministrit për atë protestë, ndërsa vendosmëria për të larguar Metën dukej tek nisja e punës së komisionit hetimor parlamentar, me premtimin se raportin do ketë gati në shtator, pasi të ketë ftuar edhe Presidentin për të dhënë shpjegimet e veta. Megjithatë vëmendja mbeti tek KQZ që vijon prej gati dy javësh procesin e nxjerrjes së rezultateve, finalizimi i të cilit nuk duket ende të ketë një afat, pasi kandidatët socialistë fitues në të gjitha bashkitë e vendit, po detyrohen të konfirmojnë rezultatin edhe në gjykatat lokale. Për më tepër vota kundër e kreut të KQZ që nuk njeh zgjedhjet e 30 qershorit, bën që çdo vendim i KQZ, i marrë me më pak se 5 vota, të kalojë detyrimisht në Kolegjin zgjedhor. Pikërisht gjykatësve u bëri thirrje publike PD.

PD e aleatët e saj vazhdojnë të lëshojnë akuza për manipulim të rezultatit, nisur nga publikimet paraprake të KQZ, ku në të paktën 16 bashki, rezultonin vota në shumë se qytetarë votues. Për të vërtetuar akuzat e saj PD i kërkoi zyrtarisht KQZ dokumentacionin zgjedhor, përfshi listat e votuesve.

Kontestimin e PD e aleatëve se kutitë e votimit janë mbushur në mënyrë fiktive nga komisionerët e Partisë Socialiste, e materializoi Bindja Demokratike e cila kërkoi nga KQZ hapjen e kutive të votimit në 41 bashki të vendit. Kërkesa u rrëzua nga katër anëtarët e majtë në KQZ përfshi juristin e PS, sipas tyre për mungesë provash.

Por ç’ka i refuzuan partisë së Astrit Patozit, ia pranuan Eduard Ndocajt me partinë konservatore, që kërkoi numërimin e 11 kutive në Lezhë me të njëjtin pretendim si të BD se kishte më shumë vota se votues.

Ishte koha që KQZ t’i jepte një përgjigje PD, se nuk do hapte kutitë e materialeve zgjedhore e t’i vinte në dispozicion listat e votuesve sipas kërkesës.

Opozita nuk ka ende një strategji publike se si do vijojë aksioni i saj, por  Lulzim Basha që ka nisur një tur takimesh me degët lokale, mbështeti javën e kaluar politike në Mallakastër idenë e kryebashkiakëve të djathtë se ata janë legjitimë në zyrat e tyre, deri në mbajtjen e zgjedhjeve legjitime. Duket e paqartë se cfarë do ndodhë pas 10 gushtit, kur mbaron mandati i kryebashkiakëve të zgjedhur 4 vite më parë. A mbështetet Basha tek 13 tetori, data e dekretuar nga Meta si datë për zgjedhjet vendore e i propozuar për mbajtjen edhe të zgjedhjeve të parakohshme parlamentare e presidenciale? Në fakt kreu i PD vijon të bëjë premtime fushate parlamentare.

E paqartë nëse ka llogaritur aktorin tjetër në lojë, kryesorin, kryeministrin e vendit, i cili pas seancës parlamentare të të hënës, ka shmangur komentet politike, edhe kur Ilir Meta e portretizonte në të përditshmen greke Kathimerini.

Edhe kur organizata të medias reaguan për ndryshimet në ligjin për median audiovizive, ndërsa OSBE publikoi rezervat zyrtare, më kryesorja se një autoritet publik i propozuar nga qeveria nuk mund të marrë atributet e gjykatave ndaj medias.

Njëlloj nuk reagoi as kur raporti i fundit i DASH fliste për klimë të errët te biznesit në Shqipëri.

Një reagim virtual erdhi në emër të opozitës, e një frazë e Bashës për atë raport, që flet për gjendjen ekonomike të vendit.

Java e ardhshme pritet të shënojë fundin e këtij sesioni parlamentar e deputetët do të marrin zyrtarisht pushimet. Panorama është e njëjtë edhe për ndërkombëtarët, çka do thotë se edhe protestat e opozitës mund të ndërpriten në këtë periudhë. Qetësia që reflektojnë palët përtej retorikës agresive apo shpotitëse, i ngjan përgatitjeve e komunikimeve pas kuintave për lëvizje konkrete në shtator, duke përdorur secila si armë të re, legjitimitetin e 30 qershorit.

ilir-meta-3.jpg
G. P.14:00 | 06/07/2019

Me procesin e 30 qershorit, të 61 bashkitë në vend, renditen nën logon e PS. Por kjo nuk ndihmoi në uljen e tensioneve politike, e në fushë doli qartazi edhe presidenti Meta përballë mazhorancës, e në krah të opozitës. Prej 5 muajsh në Shqipëri po rritet numri i precedentëve që vijnë nga politika, por zgjidhja nuk duket kund. Nisi me djegien e mandateve nga opozita e bojkotin prej saj të zgjedhjeve. Vijoi me një precedent zgjedhor, ku për herë të parë në 3 dekada pluralizëm, në mbi gjysmën e bashkive pati zyrtarisht votime e jo zgjedhje. Precedenti më i ri i paralajmëruar është shkarkimi i presidentit të Republikës.

Po çfarë po ndodh në vend përtej 30 Qershorit?

Për herë të parë një president, shpalli një datë të re zgjedhjesh, 3 ditë para mbajtjes së tyre, siç tha, për të mos patur votim monist, edhe pse mazhoranca nuk e kishte konsideruar çdekretimin e 30 qershorit.

Meta nxirrte kështu të dytin dekret, pa patur dakordësinë e dy palëve kryesore politike. Edi Rama ironizoi edhe Metën, edhe Bashën nga takimet e fundit të fushatës. Mes kundërshtimit të disa bashkive të opozitës për të mos lejuar përdorimin e ndërtesave publike si qendra votimi, për shkak se njihnin çdekretimin e 30 Qershorit, e një letre publike shpotitëse të Ilir Metën për Ramën ku e ftonte të reflektonte e jo të zhgënjente, spikati një mesazh i fortë i zëvendësndihmës sekretari amerikan i Shtetit për Europën, Matthew Palmer, se SHBA njihnin 30 qershorin. Në një intervistë për VOA, Palmer paralajmëronte se nëse PD e LSI do pengonin zgjedhjet, do futeshin në listën e zezë të Uashingtonit. Palmer pati vëmendje edhe për shqetësimin e opozitës për manipulim të zgjedhjeve, bazuar në përgjimet e prokurorisë të publikuara nga tabloidi gjerman Bild.

Mbrëmjen e 29 qershorit, mesazhi i Bashës ndryshoi. Thirrja e qartë ishte për bojkot të 30 Qershorit.

30 Qershori pati 97 kandidatë për kryetar në 61 bashki, 22 nga të cilët të partisë më të re në vend, Bindja Demokratike. Por në 31 prej tyre, edhe në bashki të mëdha si Shkodra, Elbasani, Fieri, Gjirokastra e Himara, në fletëvotim kishte vetëm 1 kandidat, ai PS. Këtë element mbështetës të opozitës ia shpotitën përmes inskenimeve para qendrave të votimit të dielën, të ngjashmërisë me votimet e para viteve 90. Të gjithë eksponentët më të lartë të mazhorancës e kishin kryer votimin deri në orën 09 e 30 të së dielës, duke nisur me zv/kryeministrin Erion Braçe e kreun e kuvendit Gramoz Ruçi rreth orës 07.00. Pas tyre edhe Rama e kryebashkiaku në kërkim të mandatit të dytë, Erion Veliaj.

Procesi kaloi qetësisht, por pjesëmarrja u bë objekt replikash mes KQZ e PD. KQZ njoftonte se deri në orën 15:00 kishin votuar 15.5% e mbi 3.4 milionë zgjedhësve në lista, por PD deklaronte se pjesëmarrja ishte vetëm 10%. E njëjta panoramë ishte edhe në mbyllje të kutive.

Lulzim Basha reagoi i pari. E pa gotën gjysmë bosh për mazhorancën dhe pjesëmarrjen e ulët, ia faturoi si fitore të opozitës.Nga ana e tij Kryeministri shpalli fitoren në të 61 bashkitë e vendit, duke e parë gotën gjysmë plot. Një përlotje publike i dha forcë mesazhit se 30 Qershori ishte një ditë historike.

Përveç pjesëmarrjes, numri i votave të pavlefshme dukej një tjetër siklet jo i vogël. Sipas shifrave paraprake të publikuara nga KQZ, ato preknin edhe bashki të mëdha, e shkonin në 7% në Tiranë e 7.5% në Durrës, e në bashki të vogla si Përmeti deri në 11%. Nga ana tjetër, sipas të njëjtave të dhëna, në të paktën 16 bashki, duke nisur me Shkodrën, rezultonin më shumë vota për kandidatët fitues socialistë, sesa qytetarë votues.

Për herë të parë KQZ që nuk arriti të jepte të dhëna të përditësuara online, dhe mospërputhjen e shifrave e argumentonte me marzhin e gabimit të shifrave të marra me telefon nga KZAZ nëpër Shqipëri. Argumentimi bëhej nga zëdhënësja e KQZ, ndërsa kryetari fliste në emër të tij e kërkonte hetim administrativ për këtë situatë që cënonte besueshmërinë publike të zgjedhjeve. PD fliste për manipulim rezultati.

Sidoqoftë të 61 kandidatët socialistë rezultonin fitues, një panoramë që për një zë me influencë si ish nënkryetarja e PD Jozefina Topalli, dëshmonte se për herë të parë pas 3 dekadash, PD mbetej pa asnjë pushtet, si në nivel qendror e atë vendor. Për herë të parë misioni i vëzhguesve të ODIHR, ku spikaste mungesa e vëzhguesve nga KiE, nuk iu përgjigj dot në vlerësimin paraprak, pyetjes nëse ishin plotësuar standardet zgjedhore, qoftë edhe pjesërisht në 30 Qershor. Mes shigjetimeve për KQZ se i kishte bërë interpretime kreative ligjit, bashkive të opozitës që kyçën ambientet e votimit, e militantëve që dogjën disa syresh, vëzhguesit dukeshin të qartë, se zgjedhësit në 30 Qershor nuk ishin konsideruar.

Opozita e lexoi si mesazh që mbështeste qëndrimet e saj. Nga selia e purpurt nuk pati deklaratë, ndërsa vetë Kryeministri, përmes një interviste me AL Jazeera, e ftonte opozitën që të reflektonte. Ilir Meta vijonte jashtë kostumit presidencial, të shpotiste 30 Qershorin, me video të stilit monist e në orën 11 të 2 Korrikut, në një konferencë për shtyp vuri në dispozicion mandatin e tij, duke sfiduar Ramën në zgjedhje të parakohshme parlamentare e presidenciale, në ditën që kishte dekretuar për zgjedhjet vendore, 13 Tetorin.

Sfida e dytë e Metës ishte për ambasadat e huaja, që të jepnin platformat e tyre për zgjidhjen e krizës. Disa prej tyre e akuzoi si nxitëse të konfliktit, duke i grupuar me akronimin PPPD, e që po ndihmojnë Kryeministrin në një eksperiment për të kapur shtetin, prej vitit 2016 me reformën në drejtësi. Meta akuzoi Ramën se ka kapur çdo institucion, dhe ka si sfidë të vendosë fatin politik të Lulzim Bashës e LSI. Për këtë publikoi një mesazh që Kryeministri i kishte dërguar dy ditë pas djegies së mandateve nga opozita.

Po cili është qëllimi i Ilir Metës?

Zgjatja e konferencës Metës, shtyu jo pak në orar, takimin e paralajmëruar falenderues të Kryeministrit me drejtues të policisë së shtetit. Por në asnjë moment shefi i ekzekutivit, nuk iu referua deklaratave të Ilir Metës. Kush reagoi të nesërmen ishte ambasadori i BE në Shqipëri Luigi Soreca. Në 6 postime në Twitter, rendiste detyrat pas 30 Qershorit, së pari me dialogun politik.

Në fund edhe kujtesa që palët të përmbyllin reformën zgjedhore e të angazhohen për muajin tetor, kohë kur KE do japë një vendim për negociatat me Shqipërinë. Qëndrimi i ambasadorit Soreca nuk i pëlqeu Ilir Metës, që i drejtoi disa pyetje publike, duke nënvizuar çka i kishte thënë veçmas, se mendonte se vitet e fundit delegacioni i BE, nuk ka bërë përpjekjet më të mira për të nxitur një dialog real midis palëve.

Meta e mbyllte mesazhin me kujtesën se grupi parlamentar qeverisës i Bundestagut CDU CSU kishte shpallur gatishmërinë për të ndërmjetësuar dialogun, e se të tjera pyetje për reformën në drejtësi, të cilën në një postim të mëparshëm e quante Ramaformë, do ia drejtonte ambasadorit në një moment tjetër. Sorecës iu përgjigj pa e përmendur edhe Lulzim Basha.

Ndërsa informimi online mbeti një mungesa e spikatur e këtyre zgjedhjeve, kërkesa e kreut të KQZ, për të hapur procesverbalet, e kuptuar se përse nuk përputhen shifrat mes votave e votuesve e vetë shifrat e pjesëmarrjes në 30 qershor, u rrëzua nga anëtarët e majtë në KQZ. Të nesërmen forcat e gardës morën në mbrojtje kryetarin e KQZ që kishte marrë kërcënime me jetë përmes rrjeteve sociale. Në këtë panoramë rrëzimi nga KE i kërkesës së Holandës për rikthimin e vizave për Shqipërinë, ishte lajmi që kaloi pa efekt pavarësisht ndjeshmërisë.

Një sinjal se as mbajtja e votimeve të 30 Qershorit, apo iniciativa për shkarkimin e Ilir Metës, nuk po ndikojnë në zgjidhjen e krizës politike, por veç në largimin e palëve nga njëra-tjetra e paralajmërim për matje forcash. Kryebashkiakët e djathtë kanë bërë të ditur se nuk do lirojnë zyrat për pasardhësit, pasi nuk njohin 30 qershorin. Ndërsa të hënën e 8 korrikut, mazhoranca voton në kuvend ngritjen e komisionit hetimor për shkarkimin e presidentit, kurse opozita ka njoftuar protestën e 10 kombëtare para Kryeministrisë./abcnews.al

politika-abcnews-1280x720.jpg
nev ila20:06 | 22/06/2019

Protesta e 9 kombëtare e opozitës ishte ngjarja që kulmoi zhvillimet politike të javës që lamë pas. Më numerikja e protestave 4 mujore, spikati simbolikat e mesazhet e forta, e pa asnjë incident. E mbyllur nga Basha pas dy orësh, mesazhet evidentonin 26 përgjimet e reja të publikuara nga gazeta gjermane Bild brenda tre ditësh javën politike që lamë pas, pjesë e dosjes 184 për dyshimet e shitblerjes së votave në Dibër.

Në përgjimet e publikuara edhe KM, ministra, deputetë, drejtues policie e arsimi e eksponentë lokalë, të angazhuar në funksion të rezultatit të PS. Reagimi i mazhorancës ishte mohues si çdo here, ndërsa prokuroria njoftoi hetimin e radhës për nxjerrje sekreti hetimor. Në terren pati përplasje në bashkitë që drejtohen nga opozita, që nuk lejojnë punën përgatitore të zgjedhjeve, pasi njohin dekretin e presidentit që anuloi 30 qershorin.

Mes të arrestuarve edhe ish deputeti i Shkodrës Bardh Spahia. Në këtë panoramë KM vijoi të insistojë se zgjedhjet do mbahen në 30 qershor.

Po çfarë ndodhi javën politike që lamë pas?

I pari nga 16 përgjimet e publikuara të hënën e 17 qershorit nga Bild, pjesë e dosjes 184 të prokurorisë për zgjedhjet në Dibër,i takonte vetë KM, në një komunikim me një drejtor në MB, Arben Keshi, rezultatin e impenjimit të socialistëve në Dibër.

Edi Rama, kryeministër: Po ata maskarenjtë, kishin bërë presione mbrëmë e?

Arben Keshi, drejtor në Ministrinë e Brendshme: Po deshën të më kapnin mua, punë dy minutash sa u futa tek shtabi sepse ishin duke më pritur tek hoteli ku fleja.

Edi Rama, kryeministër: Çfarë do të bënin ty ata?

Arben Keshi, drejtor në Ministrinë e Brendshme: Ishin 50 veta. Asgjë besoj, këtë pjesën e presionit mendoj, jo kështu jo ashtu. Ai është legen ai, Flamur Noka.

Edi Rama, kryeministër: Po ku ta del dot ty Flamur Noka mo!

Arben Keshi, drejtor në Ministrinë e Brendshme: Edhe djali sa doli më la mua, ata kujtuan se isha edhe unë në makinë. Rreth 50 veta. Jo se i bënë ndonjë gjë, sa e goditën. Ai iku dhe ata nuk e kapën dot.

Edi Rama, kryeministër: Më mirë mo, hajt se ç’i do sherret. Dëgjo, po ti mendon se e kemi realizuar objektivin?

Arben Keshi, drejtor në Ministrinë e Brendshme: Po këtu tek unë po. Mund të lëvizë me më pak më shumë. Nga ato që na kanë thënë komisionerët kemi pritshmëri të mëdha.

Edi Rama, kryeministër: Komisionerët i ke pasur top e?

Arben Keshi, drejtor në Ministrinë e Brendshme: Po po në rregull.

Edi Rama, kryeministër: Okay, mirë vllai, hajt ciao.

Drejtori i ministrisë së Brendshme shfaqet sipas përgjimeve, në rolin e koordinatorit që u kujton drejtuesve vendorë si të marrin votat për PS.

Arben Keshi, drejtor në MB: vallai merri në telefon një nga një. Ditën e hënë keni me shku për lesh. Merri të gjithë drejtorët në telefon një nga një, të të raportojnë një nga një, që kanë marrë në telefon. Merri njëherë se janë duke fjet gjumë, përveçse me Gëzimin dhe Arjanin me asnjë s’kam fol.

Drejtori rajonal i arsimit Drini Gjeci: Mirë, po ça të marrë unë ata, Haxhiqimes ca ti them unë…

Arben Keshi, drejtor në MB: Merri të gjithë me gra e me burra, ça të jenë. Do t’ja kujtoni një më një të gjithë mësuesve që keni pru atje. Nëse nuk duan, p*dh somës të shkojnë se po ja u q* robt…

Drejtori rajonal i arsimit Drini Gjeci: Çke ti se po i marr unë tani në telefon.

Nga ana e tij drejtori i arsimit e përcjell tek vartësit

Drejtori rajonal i arsimit Drini Gjeçi: Po pse more Lavdrim nuk ke votuar akoma?

Lavdrim Murati: Nuk kam votuar se të lirohet një herë radha.

Drejtori rajonal i arsimit Drini Gjeçi: Çfarë radhe?

Lavdrim Murati: Radha or ti.

Drejtori rajonal i arsimit Drini Gjeçi: Lavdrim të mos kemi llafe, votat i dua haptaz atje. Mos të kemi llafe më.

Lavdrim Murati: Ça flet o Drejtor?

Drejtori rajonal i arsimit Drini Gjeçi: Mos të pres më tej. Vota sa ke ti dua.

Lavdrim Murati: Më vjen keq.Të paskan sinjalizuar gabim.

Drejtori rajonal i arsimit Drini Gjeçi: Këtë llaf po të them.Ti e di vetë.

Lavdrim Murati: Në rregull.

Të njëjtën kujtesë paralajmëruese dëgjohet ta japë edhe deputeti i kohës Pjerin Ndreu, sot kandidat për kryetar bashkie në Lezhë, një drejtori shkolle.

Pjerin Ndreu, deputet i PS: Bëji një telefonon Drejtorit të Shkollës Reshat Elezi nga Reçi. Drejtorit të Shkollës thuaji të deklarojë votën hapur për PS-në se këto sms-të që çon lart e poshtë nuk janë fort të këndshme. Drejtorit thuaji të deklarojë votën, dhe thuaji se ku përfundon ditën e hënë.

Drejtori rajonal i arsimit Drini Gjeci: Reshat Elezaj?

Pjerin Ndreu, deputet i PS: Po

Drejtori rajonal i arsimit Drini Gjeci: Flas unë tani me të

Pjerin Ndreu, deputet i PS: Tregoi se ku fluturon të hënë. Deklaroje votën haur thuaji nëse se deklaron hapu, gjej vend dhe futu.

Drejtori rajonal i arsimit Drini Gjeci: Mos u mërzit se e rregulloj unë këtë punë.

Drejtori Arben Keshi dëgjohet në një tjetër audio-përgjim, t’i raportojë drejtuesit politik të PS, ministrit Damian Gjiknuri, që nga ana e tij thotë se do i dërgojë disa djem problematikë që t’i ketë për çdo rast.

Arben Keshi, drejtor në MB: Po duhet të vijnë këto deputetët tonë, se kanë ardh ato të PD

Ministri Damian Gjiknuri: Tani do vijnë ato se siç duket fjetën i cik se kanë qenë notën aty, tani do të vijnë

Arben Keshi, drejtor në MB: Unë skam fjet fare

Ministri Damian Gjiknuri: E di e di, tani janë zgjuar ata dhe do të vijnë

Arben Keshi, drejtor në MB: Po të vijnë të dalin nëpër qendra

Ministri Damian Gjiknuri: natyrisht

Arben Keshi, drejtor në MB: Tani vëzhguesit e atij janë të gjithë nga rrethet askush si njef

Ministri Damian Gjiknuri: E di e di, ashtu i kanë sjellë edhe atë, skanë besim te ata të vetët. Po të çoj edhe ca çuna ti kesh aty, një furgon ta kesh aty.

Arben Keshi, drejtor në MB: Mirë

Ministri Damian Gjiknuri: i çova unë ca që të rrijnë aty, të rrijnë te shtabi jot, ti kesh për çdo rast, por mos dalin se janë edhe tipa problematikë po gjithsesi të jenë aty për çdo rast.

Arben Keshi, drejtor në MB: Mirë

Drejtori i Ministrisë së Brendshme shfaqet në dy komunikime me shefin e komisariatit të Kamzës, i shqetësuar për qytetarët nga Kamza, që do shkojnë të votojnë në Dibër, 450 njerëz të nisur me fugon nga kryetari demokrat i bashkisë Kamëz.

Arben Keshi, drejtor në MB: A erdhët shumë kendej mo

Sali Skura, shef policie, Kamëz: Eh?

Arben Keshi, drejtor në MB: A erdhët shumë me autobusë mbrëmë.

Sali Skura, shef policie, Kamëz: Jo jo, Nja 7 autobusë i bllokuam

Arben Keshi, drejtor në MB: I bllokuat eh

Sali Skura, shef policie, Kamëz: Po i futëm në listë bllokimi . Të tjerët e anulluan me miqësi e kështu

Arben Keshi, drejtor në MB: Shumë mirë

Sali Skura, shef policie, Kamëz: Mirë vëlla, me kujdes vëlla. Hajd me fitore

Arben Keshi, drejtor në MB: Rrofsh. Faleminderit

Gjiknuri del edhe në një tjetër bisedë, teksa sipas Bild, i kërkon informacion një biznesmeni se kush po merret me transportin e parave në një komunë të Dibrës.

Biznesmeni Bekim Krashi: Po shef

Ministri Damian Gjiknuri: Bekim. Kush ka qenë dje tek komuna juaj që ka mbuluar atë pjesën e transportit (para). Ju edhe jeni shteti.

Biznesmeni Bekim Krashi: Në fakt ne nuk jemi shumë shtet atje. Por unë njoh ca zona që i kam lajmëruar

Ministri Damian Gjiknuri: Po mirë, merre listën, merr ato gjënat dhe kërko mbështetje

Biznesmeni Bekim Krashi: E mirë po marr listën edhe po vij atje….                                  

Në përgjime dëgjohet i njëjti biznesmen në biseda mbi çmimin që i vendoset votës

 0686795208: Tre vota ka Haliti, edhe dy vota ka Fiqiri Basha

Biznesmeni Bekim Krashi: 5

0686795208: Eeee

Biznesmeni Bekim Krashi: T’u japim ndonjë 40 mijë leksh, 50 mijë leksh?

0686795208: 50 mijë lekë për dy vota?

Biznesmeni Bekim Krashi: Jo mo jo, nga një 40 çe apo 30 çe për kokë

0686795208: 40 për votë ëëëë?

Biznesmeni Bekim Krashi: 100 mijë lekshin ia japim atij që ka tre

0686795208: Po, 100 mij ëlekë, po atij që ka dy vota?

Biznesmeni Bekim Krashi: Atij ti japim jnë 60-70 mijë leksh

0686795208: Naimi i ka thënë 50 më thotë, më thotë ai Fiqiriu, dmth ti japim edhe 20 të tjera plus

Biznesmeni Bekim Krashi: Ata e kanë pasur shumë, por nëse i ka dhënë 20 ti japë edh e20

0686795208: Po shihe se më duket janë duke abuzuar me punë leksh o Bekim

Biznesmeni Bekim Krashi: O zotni mos më thuj më në telefon, më çmene, se se përgjohet ooo

Drejtori Keshi vlerësohet për rolin e tij, e këtë ia thotë deputeti socialist i kohës Artan Gaci, bashkëshort i ministres Olta Xhacka

P2: Artan Gaçi, deputet: E ja qëndrova me shefin e madhi (Edi Ramën) dhe me superlativa për ty

Arben Keshi, drejtor në MB: Faleminderit

Artan Gaçi, deputet: Nga ai nga ai, unë po e po

Arben Keshi, drejtor në MB: Inshallah bëhen realitet se ngela kështu u bë 3 vjet.

Artan Gaçi, deputet: Jo jo, ka vlerësim të jashtëzakonshëm për të gjithë. Në të gjithë Maqellarën ai është personi. Është tha e ka kopsit, e ka bo tha, komplet gjithë gjërat. Edhe në 2011 fitojë tha po dolën para me 1 kuti.

Arben Keshi, drejtor në MB: Hajde mo, ashtu është

Artan Gaçi, deputet: Është merita e Benit komplet, i thashë

Arben Keshi, drejtor në MB: Rrofsh, faleminderit

Kryeministri njoftoi se do padiste gazetarin Peter Tiede në gjykatat gjermane, e ky i fundit replikoi në FB. Njëlloj si pas çdo publikim përgjimi, krimet e rënda njoftuan nisjen e hetimit tëri, i treti për nxjerrje të sekretit hetimor, e këtë herë edhe verifikim të autenticitetit të përgjimeve, e duke nënvizuar se kjo situatë e paprecedentë ka cenuar rëndë imazhin e organeve të hetimit.

Rama: unë ato biseda i bëj prapë e skam asnjë…biseda për fushatën komisionerët…

Lulzim Basha i sheh si provën se opozita ka marrë vendimin e duhur me braktisjen e Kuvendit

Basha: Ata që besonin se me këtë bandë grabitqare dhe kriminale në pushtet mund të dialogohej në Kuvend, mund të bëheshin reforma me konsensus, mund të përdoreshin rrugë institucionale, sot duhet të flakin tutje edhe iluzionin e fundit, që mund të kishin për metodën e bashkëbisedimit demokratik me Edi Ramën. Sot është e qartë se largimi nga parlamenti dhe braktisja e zgjedhjeve farsë ishin vendimet e duhura. Pa asnjë mëdyshje.

Me radhë reaguan në rrjetet sociale, ish ministri Damian Gjiknuri, deputeti i komisionit të sigurisë Xhemal Qefalia, ish deputeti Pjerin Ndreu e ish ministri Saimir Tahiri. I konsiderojnë bisedat jo në shkelje të ligjit, e inkurajojnë hetimin, duke kërkuar ndjesë për gjuhën, që u shfaq në publik.

Por kush u thirr nga prokuroria ishte Lulzim Basha, për çështjen e lobimit në SHBA. Pasi nuk u paraqit të hënën, me argumentin teknik se në fletëthirrje nuk ishin prezantuar faktet, L. Basha u paraqit dy ditë më vonë, pas thirrjes së re e paralajmërimit se do merrej me forcë. Pas 30 minuta komunikim me prokurorët, u tha mediave se nuk kishte prova për çështjen për të cilën hetohet, e se thirrjet e tij të përsëritura në prokurori janë për efekt politik

Basha: Herën e parë kam qenë kur plasi skandali i Sajmir Tahirit.Herën e dytë më thirrën, kur plasi skandali i Geron Xhafës.Herën e tretë më thirrën, kur plasi skandali i Rrahman Rrajes dhe i Taulant Ballës.Herën e katërt më thirrën, kur plasi skandali i Vangjush Dakos. Në mos gabohem, edhe për skandalin e “Toyota Yaris”Kjo është hera e pestë. Sa herë që plasin skandalet e kësaj qeverie të lidhur me krimin, këta riaktivizojnë një dosje ku nuk ka asnjë fakt, asnjë prove, për një arsye të thjeshtë, është montuar në zyrën e Edi Ramës për llogari të Edi Ramës.

Disa orë më vonë në të njëjtën ditë, gazeta gjermane Bild publikoi 10 përgjime të tjera, sërish pjesë e dosjes hetimore 184 tëzgjedhjeve të 2016 në bashkinë e Dibrës. Protagonistë sërish, eksponentë vendorë si dhe ministra e deputetë socialistë. I pari drejtuesi politik I fushatës socialiste, ministri i kohës Damian Gjinkuri, që vlerëson angazhimin e shefit lokal të policisë Robert Aga në rezultatin e PS në Dibër, e vetëkomisari teksa sigurohet me biznesmenin Bekim Krashi për arritjen e rezultatit të synuar.

Bekim Krashi, biznesmen: Ça keni bë, ça keni bë se e keni myt fare. Nuk keni lënë asgjë. Plus kudo jeni, vetëm tek ne jeni minus 10 (vota). Do t’i nxjerr të dhënat dhe do t’i dërgoj me letër pastaj.

Robert Aga, shef i policisë Dibër: Dua të kemi 1000 plus, poshtë 1000 nuk i pranoj.

Bekim Krashi, biznesmen: Aaaa ca llafos, ke filluar ke pretendime të mëdhaja

Robert Aga, shef i policisë Dibër: Ejjj

Bekim Krashi, biznesmen: Hë

Robert Aga, shef i policisë Dibër: O shpirt i vëllait , ti kujtoje se ata (opozita) ishin budallenj që bënin si të tillë

Bekim Krashi, biznesmen: Po prandaj deshin të bënin rrëmujë ata, se i dishin këto gjëra. Mos u lodhni fare. Janë të humbur këta.

Robert Aga, shef i policisë Dibër: O shpirt i vëllait, ajo strategjia ime funksionon

Bekim Krashi, biznesmen: E di mor e di që e deklaruar. Ti je një komisar politik or ti.

Robert Aga, shef i policisë Dibër: Hej. A e ke Damian Gjiknurin aty??

Bekim Krashi, biznesmen: Do të ta kaloj në telefon.

Robert Aga, shef i policisë Dibër: Jepja pak.

Robert Aga, shef i policisë Dibër: O shef (i flet ministrit Gjiknuri)

Damian Gjiknuri, ministër: Hë Berto

Robert Aga, shef i policisë Dibër: Mirëmbrëma

Damian Gjiknuri, ministër: Hë mo ça bën

Robert Aga, shef i policisë Dibër: Si je?

Damian Gjiknuri, ministër: Mirë! Tullë! Mirë fare.

Robert Aga, shef i policisë Dibër: Se nuk pate besim tek unë

Damian Gjiknuri, ministër: Tërmet! Tërmet! Je njësh. E the hahahah. Ik mos fol shumë.

Shefi i komisariatit të Dibrës shfaqet në përgjimet e publikuara nga Bild, edhe në komunikim me deputetë të tjerë socialistë e ministrin e vet, me vlerësime ndaj tij, por edhe ide se ku tjetër mund të përdoret në të ardhmen.

Robert Aga, shef i policisë Dibër: Unë jam pjesë e PS-së dhe nuk e ndërroj as për 1 milion vjet.

Xhemal Qefalia, deputet i PS: Nuk e vë në dyshim mo vlla, prandaj e thashë unë atë mbrëmë, ishin të gjithë grupi i PS, ’ë besonin më.

…..Xhemal Qefalia, deputet i PS: Ishte dhe Gramozi aty, ishte edhe Rama, ishin të gjithë dhe ra muhabeti jot, foli shumë mirë dhe Damiani në fakt dhe Blerina …u thashë që ai mund të bëjë shumë ty. I thashë edhe atij Ulsiut që ta përforconte, që të mos kishte kundërshtim. U thashë mu më bën punë edhe në Tiranë ai, puna është që kudo që është ai i jep drejtim. 

Xhemal Qefalia, deputet i PS: Jam në një tavolinë kështu…Ku ke qejf me shku ti, në Bulqizë?

Robert Aga, shef i komisariatit Dibër: Po.

Xhemal Qefalia, deputet i PS: Ok hajt ciao.

Robert Aga, shef i komisariatit Dibër: Kush thotë?

Xhemal Qefalia, deputet i PS: Jam këtu me Kryeministrin dhe me ministra.

Robert Aga, shef i komisariatit Dibër: Jo jo, unë të garantoj t’ju japë çfarë t’ju dojë qejfi.

Xhemal Qefalia, deputet i PS: Që mos biem atë Keshin aty, si thua?

Robert Aga, shef i komisariatit Dibër: Mirë.

Xhemal Qefalia, deputet i PS: Hajt se jemi këtu bashkë. Për kokë tate po. A do foto ta dërgoj?

Robert Aga, shef i komisariatit Dibër: Do jesh me ndonjë dashnore…

Xhemal Qefalia, deputet i PS: Ja ta qis çik ministrin, foli se më çave bythën, foli. Saimir foli çik këtij shefit të komisariatit .

Saimir Tahiri, Ministër i Brendshëm: Alo o Berto!

Robert Aga, shef i komisariatit Dibër: Mirëmbrëma.

Saimir Tahiri, Ministër i Brendshëm: Si je? Nuk shkon kjo punë që më jep Xhemali telefonin që të të falenderoj unë. Nuk shkon kjo.

Robert Aga, shef i komisariatit Dibër: Jo të lutem.

Saimir Tahiri, Ministër i Brendshëm: Nga pikëpamja institucionale nuk shkon.

Robert Aga, shef i komisariatit Dibër: Sinqerisht më ka gënjyer.

Saimir Tahiri, Ministër i Brendshëm: Megjithatë faleminderit shumë për angazhimin, je i madh.

Robert Aga, shef i komisariatit Dibër: E kam detyrim.

Saimir Tahiri, Ministër i Brendshëm: Je i madh. Edhe mos e rruj k** për atë që thanë ata se s’na ha trapi ne për ata legenat…

Robert Aga, shef i komisariatit Dibër: Unë jam ushtari jot…

Xhemal Qefalia, deputet i PS: Të fala edhe nga Ulsiu. Foli dhe çik Ulsiut.

Ulsi Manja, deputeti i PS: Ku je mo vlla.

Robert Aga, shef i komisariatit Dibër: Ç’bëni mo.

Ulsi Manja, deputeti i PS: Hiç ja me Kryeministrin.

Robert Aga, shef i komisariatit Dibër: Mua më duhet me shku pak atje..

Ulsi Manja, deputeti i PS: Ku more?

Robert Aga, shef i komisariatit Dibër: Në Bulqizë, po u ndërru.

Ulsi Manja, deputeti i PS: Ne themi të shkosh për më nalt o burrë…

Robert Aga, shef i komisariatit Dibër: Mirë mo mirë, ju e dini tashi, po..

Ulsi Manja, deputeti i PS: Tani a do më dëgjosh mu…Bisedo me Xhemalin se këtë e kam si shefin e Komisionit të Sigurisë. Ne e bëjmë llafin të vish për më nalt se na duhesh për ndonjë gjë më të madhe, se mua më duken gjëra të vogla ato o miku im.

…..Xhemal Qefalia, deputet i PS: Hajde se më çave trapin.

Robert Aga, shef i komisariatit Dibër: Po si o ma nxjerr ministri ashtu në telefon, o koqe.

Xhemal Qefalia, deputet i PS: Po je shoku im ti, mos më çaj k*** mu. A do të qis Ramën, ti folësh Ramës?

Robert Aga, shef i komisariatit Dibër: Po leje o vlla tashi.

Në përgjime del në komunikim me ministrin e kohës Gjiknuri edhe Ymer Lala, që gazeta Bild e cilëson si bos i krimit.

Ymer Lala: Hë mor zotëri.

Ministri Damian Gjiknuri: Tërmet, tërmet! Obob, Tërmet i q…nanën.

Ymer Lala: Çfarë kemi bërë ne të dy.

Ministri Damian Gjiknuri: Tërmet!

Ymer Lala: Po më shkruante ai robi. I thashë unë a po fle gjumë. Jo mor tha s’po më zë gjumi, jam habit me Selishtën dhe Luzninë (dy fshatra në Dibër). I thashë s’e paske njohur Damian Gjiknurin dhe mua nga afër.

Ministri Damian Gjiknuri: hahahha Tërmet, tërmet!

Ymer Lala: Hajde, se mbaroi.

Ministri Damian Gjiknuri: I q…robtë. Doli llafi jot. Doli llafi jot me 1 mijë vota plus.

Ymer Lala: Me gjithë mend nuk më paske njohur nga afër.

Ministri Damian Gjiknuri: Edhe ti mua, edhe unë ty. Hahaha. Hajde vëlla çiao

Në kohën mes e pas publikimit të dy blloqeve me audio-përgjime, tensioni politik në vend u rrit, kur bashkitë e drejtuara nga opozita i kërkuan zyrtarisht KQZ, lirimin e ambienteve të tyre nga materialet zgjedhore, bazuar në dekretin e presidentit që anulonte 30 qershorin. (efekt qytetet) Përplasja mes policisë së shtetit që mbronte ambientet zgjedhore vendore e policive bashkiake, që zbatonin urdhrin për lirimin e tyre, të mbështetur nga simpatizantë të opozitës, ishin pamjet që të gjithë i pamë nga shumë qytete të vendit, mes tyre edhe djegia e materialeve zgjedhore në Shkodër e Kukës. Arrestime e shpallje në kërkim, sic ishte paralajmëruar edhe nga ministri i brendshëm për përdorim force ndaj zgjedhjeve. Spikati mes zërave kundër dhunës, një nga emrat më influentë të historisë së PD, Jozefina Topalli.

“Djegia e shkolles nuk eshte historia e Shkodres.E kunderta eshte historia e ketij qyteti.Kjo nuk ka ndodhur kurre ne 3 dekada.Nje demokrat nuk djeg as mandate as shkolla. Nje democrat i vertete nuk hedh as molotov as ka frike nga zgjedhjet.Demokratet nuk kane patur frike ne ’97, kur gjysma e territorit kontrollohej nga bandat. Nuk largohet Rama duke refuzuar parimet e vlerat e democracise. Partia Demokratike lindi si enderr e lirise dhe e te drejtes me votu.Ai qe mendon se do pengoje te drejten e votes, nuk eshte demokrat.Shqiptaret duan paqe.3 milion shqiptare nuk mund te mbeten gjate peng te 4-5 veteve”.

PD heshti, qëndrimi i Topallit u bë objekt bisede, në strategjinë e re të komunikimit të Kryeministrit, kafen elektorale

Kryeministri nuk përmend Topallin, por ish deputetin e Shkodrës Bardh Spahia, që një ditë më parë ishte tek shkolla “Shejnaze Juka”, ku iu vu flaka materialeve të qendrës zgjedhore.

Rama: ….ai doktori i vogël i Shkodrës në kërkim

Ish deputeti u arrestua atë mbrëmje, teksa po shkonte në një intervistë në TCH Spahia u ndalua me dyshimet për nxitje dhune në KZAZ e shkollës Shejnaze Juka.

Kryeministri nuk e ka të vështirë orientimin e vëmendjes tek sjellja e opozitës, njëlloj si argumentin për përgjimet e publikuara nga Bild. Të enjten e seancës plenare të parët ishin deputetët socialistë

Pak më vonë, Rama e përforcoi nxjerrjen e përgjimeve, si aksion të opozitës ndaj mazhorancës.

Rama: Përgjime të pahetuara, por të mbyllura në kasafortë. Gjetja e vendit pikërisht në Gjermani, kalendari i daljes së përgjimeve aspak çuditërisht i përputhur me kalendarin e protestave flasin vetë. Çdo bisedë edhe ajo më e zakonshmja tingëllon ndryshe kur del nga konteksti dhe ekspozohet

Në të njëjtën seancë Arta Marku pohoi se në tre vjet nuk ka patur hetim, por pas caktimit të prokurorëve të tjerë një vit e gjysmë më parë, ka ardhur koha për konkluzione.

Marku: Janë regjistruar më 2016 të dyja, të vetmet veprime deri në fund të 2018 ishin përgjimet, ka pas vetë transkripte. Në fund të 2017 u përcaktuan prokurorë të tjerë…u transkriptuan të gjitha CD janë dërguar për gjykim…. Këto çështje duhen zgjidhur, ka ardhur momenti.

Fokusi i Kryeminisrit duket tek mbajtja e zgjedhjeve me çdo kusht në 30 qershor. Zgjodhi të shkonte në Shkodër, aty ku rezistenca duket më e forte, për shkak të marrëdhënies së njohur të tensionuar me kryebashkiaken Voltana Ademi. Kjo e fundit njoftoi se nuk i jepte leje PS e Kryeministrit, që të mbanin takim elektoral në ambient publik, bazuar në dekretin presidencial të anulimit të zgjedhjeve. Rama e ironizoi nga parlamenti bashkë me presidentin.

Rama: Mbase plani është për të përsëritur 2 prillin sot pasdite. Ky është edhe rezultati i përfshirjes skandaloze të atij që sot është në zyrën e Presidentit, por që e ka humbur të drejtën të jetë në atë zyrë. 30 qershori do të jetë dita e zgjedhjeve, duan apo s’duan.

Pasditen e të enjtes në Shkodër pati një takim elektoral të KM në pedonalen kryesore të qytetit, e një protestë të drejtuar nga kryebashkiakia Ademi. Forca të shumta policore mbajtën protestuesit larg vendit ku kryeministri mbante takimin, e nuk mungoi as gazi lotsjellës

Vetë Rama kujdesej të nënvizonte se ligji do vepronte ndaj kujtdo, që ndiqte kauzën e opozitës për të penguar zgjedhjet e 30 qershorit. Në Shkodër konfirmoi ambicien edhe për të thyer traditën 30 vjeçare, gjatë së cilës, socialistët nuk kanë fituar asnjëherë bashkinë

Rama: A ia vlen të mos flesh në shtëpi se janë o më budallenjtë o më të siqertët që shkojnë pas tyre…e pasi të dalësh nga brenda të mos dalësh jashtë shtetit…Shkodra misioni im i 4 viteve të ardhshme

Të nesërmen përmes kafes elektorale fajësoi Ilir Metën, aleatin e dikurshëm, që tani e quan personazh kompleks

Ndërkohë komisioni parlamentar i ligjeve miratoi ngritjen e komisionit hetimor për shkarkimin e presidentit, ndërsa Meta nënvizoi tre herë problematika publikisht. Kërkoi vëmendje pas paralajmërimit të euro-komisionerit Avramopulos për rikthimin e vizave nëse Shqipëria nuk kontrollon emigrimin e paligjshëm, foli për informacione për të burgosur problematikë që mund të dalin me leje në këtë situatë e më tej i drejtoi një tjetër kërkesë KQZ mënyrën se si është bërë zëvendësimi i deputetëve që dogjën mandatet, një aludim i ri për shpërndarje të parlamentit. Shigjetimeve virtuale ndaj deklaratave të Metës, të enjten u dha zë.

Një tjetër replikë pati të premten mes km që insiston të shkojë edhe i vetëm në zgjedhje, e presidentit që flet për cenim të pluralizmit politik: Madje Meta i shkroi edhe OSBE në Vjenë, kryesuesit të radhës Lajcak, duke e njoftuar se mosrespektimi i dekretit të tij përkeqëson krizën politike në vend.

Por një përgjigje erdhi nga OSBE në Shqipëri që dënon dhunën ndaj procesit zgjedhor në bashkitë e djathta e i bën thirrje organizatorëve të protestës së 21 qershorit të sigurojnë protestë paqësore. Në të njëjtën linjë edhe ambasada amerikane në Tiranë, që dënonte dhunën e ditëve të fundit në bashkitë e opozitës e pjesërisht dhe thirrjen për protestë paqësore e refuzim të dhunës. Në të njëjtën linjë edhe delegacioni i BE në Shqipëri që mes të tjerash përsërit thirrjen për dialog mes palëve.

Zërat e diplomatëve në Tiranë duken unanimë vetën në dënimin e dhunës, së fundmi në ambientet zgjedhore të bashkive të opozitës. I vetmi që foli për përgjimet e publikuara nga Bild, javën politike që lamë pas ishte ambasadori austriak, që kujtoi rastin e freskët të vendit të tij, ku pas një video-përgjimi, zv/kancelari dha dorëheqjen, e vendi shkoi në zgjedhje të parakohshme.

Ambasadori Satler thotë se situata nuk mund të shkojë si provë force deri në fund mes palëve.

Ilir Meta pati një qasje të njëjtë pak orë pas deklaratës së ambasadorit austriak.

Por kryeministri duket më komod me mesazhet e ndërkombëtarëve ndaj opozitës, se me nxitjen e tyre për dialog.

Rama: nuk bëjnë dot gjë edhe po t’i prishin…zgjedhjet një kuti mjafton.

Por opozita vijon të këmbëngulë se nuk do ketë zgjedhje me 30 qershor. Tregoi forcën e vet numerike në protestën e të premte së 21 qershorit, por indirekt edhe mesazhin se mund të kontrollojë plotësisht protestuesit e vet.

Basha :nuk ka paqe pa drejtësi…, nuk do ketë zgjedhje me Ramën…

I mblodhi qetësish në selinë blu me njoftimin se protestat do jenë të përditshme, deri në 30 qershor.

Basha: protesta do vazhdojë ditë për ditë orë për orë

Kriza politike në vend ka marrë formën e një matje të qartë forcash, mes mazhorancës në pushtet e opozitës në protesta, së pari në bashkitë që drejtohen prej saj, e 30 qershori duket një opsion i zbehur në horizont./ABC News Albania 24/7

Edi-Rama-4.jpg
G. P.17:30 | 08/06/2019

Gjashtë përgjime të dosjes 339 u publikuan nga tabloidi gjerman Bild, duke rikthyer aktuale temën e blerjes së zgjedhjeve, përmes personave me rekorde kriminale, me fokus zyrtarë të lartë socialistë të Durrësit. Publikimi i kombinuar me një lobim pa sukses për hapjen e negociatave, e ka vënë në një pozitë të vështirë kryeministrin Rama. Mimoza Koçiu na sjell këtë dinamikë zhvillimesh me Politika në ABC News.

Astrit Avdylaj: Dëgjo tashi, unë isha icik sot te ai në Durrës, jam këtu me Elton Arbanën (dhe me Dor Gallain ktu, edhe nesër kur të kesh kohë t’i du me fol icik, me atë listën ça ke aty, punonjës edhe kundra, që mund ti kesh të PD-s aty, na nji atje ke puna).

Ivo Doçi: I kam bo para unë kshu që i kam gati.

Astrit Avdylaj: Ashu, kur të kesh kohë, që ne duhet me i thirr atyre që ti tunim ka içik. O ke puna e tna japin voten ose të ikin ke shpia

Astrit Avdylaj nga Shijaku, i arrestuar Tetorin e kaluar me akuza për trafik droge, u bë protagonist javën politike që lamë pas,për ndikimin tek zyrtarët e lartë socialistë të Durrësit, deri tek lista e kandidatëve për deputetë në 2017. 6 përgjime të reja, pjesë e dosjes 339 të prokurorisë, u publikuan nga gjermania Bild,gazeta më e shitur në Europë, edhe pse kritikohet se duke qenë tabloid, ndjek më shumë skupin se lajmin, por sipas DW, politikanët i druhen. Publikimi erdhi teksa opozita e mazhoranca po lobojnë fort në Gjermani, në drejtim të kundërt, mbi rekomandimin e KE për hapjen pa kushte të negociatave me Shqipërinë. E gjitha kur prej mbi tre muajsh vendi është në krizë politike, me deklarata për konflikt civil nga njëra anë, e besim nga tjetra, se përgjegjësia do i mbetet palës tjetër. Pas gatishmërisë së presidentit për shtyrjen e vendoreve, publikimi i përgjimeve vjen si instrument shtesë presioni për marrëveshje mes palëve, ndërsa skeptizicmi për Shqipërinë në BE rritet.

Po çfarë ndodhi javën politike që lamë pas?

Publikimet e Bild patën efekt të fortë në opinionin publik. 6 telefonata të përgjuara të Astrit Avdylajt para zgjedhjeve 2017, shoqëroheshin me një shkrim të Peter Tiede, që vijon fokusin tek vendi ynë me titullin e madh: Ja se si mafia manipulon zgjedhjet në Shqipëri. Shkrimi niste me pyetjen: A lejohet ky vend në BE?

Gazeta sqaron se ç’ka po publikon janë pjesë e përgjimeve zyrtare të dosjes 339/1 të vitit 2017, të zyrës së antimafias në prokurori lidhur me aktivitetin kriminal të një organizate trafikimi ndërkombëtar droge, e njohur si klani i Avdylajve në Shijak. Nga vëzhgimet disa mujore është vënë re, se grupi i Avdylajve ishte i përfshirë në blerje votash e intimidim të votuesve, për llogari të zyrtarëve të lartë të partisë së kryeministrit Rama.

Në përgjimin e parë, ai që njihet si kreu i bandës së Avdylajve, i kërkon administratorit të UK Shijak,një listë të punonjësve demokratë, në mënyrë që ai vetë t’i shkundë, që të votojnë për socialistët ose të humbasin vendin e punës.

Në përgjimin që mban datën 28 Mars 2017, Astrit Avdylaj koordinon me kryetarin e bashkisë Shijak Ardian Kokomani, një takim me Vangjush Dakon e Ilir Ndraxhin, asokohe kandidat në perspektivë me rekomandim të Avdylajve, sot një nga 8 deputetët e PS në Durrës, i renditur i katërti në listë.

Investimi i Astrit Avdylajt dëgjohet tek përgjimi i tretë, një telefonatë me Ilirin, vëllain e kandidatit në perspektivë në kohën e përgjimeve, Ilir Ndraxhi, por edhe synimin e grupit Avdylaj për të surprizuar kryeministrin duke marrë 10 deputetë në Durrës.

I përmenduri Elton Arbana, ishte kreu i PS në Shijak në kohën e përgjimeve, sot kandidat i socialistëve për këtë bashki. Atij Astrit Avdylaj i irrituar, i kërkon të ndërhyjë për një gjobë të inspektoriatit ndërtimor në zonën e Sukthit, meqë vetë nuk arrinte të lidhej më Vangjush Dakon që ndodhej në Zvicër me Kryeministrin Rama.

Bild publikon edhe një telefonatë të Astrit Avdylajt me Vangjush Dakon. Avdylaj duket i mirinformuar për lëvizjet e Kryeministrit e kryebashkiakut të Durrësit, të cilit i kërkon të përfundojë një punë në Hipotekën e Durrësit, për një ish të dënuar për vrasje, Vath Allën.

Në përgjimin e fundit, dëgjohet sesi Astrit Avdylaj siguron vota për kandidatin socialist Ilir Ndraxhi, duke ofruar shpërblim.  Të mërkurën e 5 Qershorit, ditën e këtyre publikimeve, Kryeministri u shfaq i shkujdesur që në mëngjes, në një kafe elektorale përkrah Erion Veliajt.

Dukshëm po përpunohej strategjia reaguese. Nuk mund të përsëritej më gabimi i sulmeve ndaj gazetarit të Bild si i blerë, për më tepër që vijimi i publikimeve, dukej kujtesa e qartë, se një betejë me median është gjithnjë e humbur. Pra të paktën publikisht, nuk do reagohej njëlloj. Strategjia e përzgjedhur, u pa të shkontenga shpërqendrimii opinionit me çështje me ndjeshmëri publike, tek zhvendosja e vëmendjes, tek një tjetër përgjegjës.

Reagimi kërkoi kohën e vet, e në orën 14:00, kreu socialist i komisionit të ligjeve Ulsi Manja, nga selia e kryesisë së Kuvendit, foli për nxjerrje sekreti hetimor e prishje hetimi.

“Rastësi apo jo, për nxjerrje sekreti hetimor e prishje hetimi, folën edhe tre institucione të prokurorisë. E para prokuroria e Tiranës,bëri të ditur nisjen e hetimit për nxjerrje të sekretit hetimor, edhe pse një hetimi i ngjashëm ishte njoftuar në 31 janar nga Prokuroria për Krime të Rënda. Në të njëjtën linjë edhe Prokurorja e Përgjithshme ePërkohshme, e cila kërkesën për hetim dhe zbardhje të çështjes, e shoqëron duke folur për prokurorë militantë”, tha Manja.

Një zë nga socialistët e konsideroi publikisht përgjegjëse për këtë situatë Arta Markun, tashmë mes kandidatëve për Prokurore i Përgjithshëm të përhershëm.

Reagimi i tretë ishtë ai nga Dy prokurorët e kësaj dosje, Dritan Prenci e Vladimir Mara. Të dy konkludonin se faktet e publikuara në media,dëmtojnë rëndë vijimin e ndjekjes penale të këtij procedimi penal, aq më tepër kur hetimet prej tyre thonë se janë intensifikuar. Të dy urdhërojnë ndalimin e publikimit në media të akteve të dosjes së zgjedhjeve, duke kujtuar ndëshkimin penal. Ky urdhër i prokurorëve, u pa si një kërcënim edhe për mediat e nuk vonoi reagimi kundërshtues.

A ishte vallë ai urdhër i prokurorëve, pjesë e operacionit strategjik të komunikimit, për largim vëmendje nga brendia e përgjimeve të publikuara nga Bild? Në fakt opinionit iu dhanë atë ditë, edhe dy tema të tjera. I pari ministri në Detyrë i jashtëm njoftoi vetë lëvizje të 50 diplomatëve.

Efekti zgjati aq sa koha e deklaratës së Gent Cakajt, e njëlloj edhe rikthimi i temës së prishjes së Teatrit Kombëtar.

Çka zgjati më shumë ishte ndjeshmëria e gazetarëve për urdhrin e dy prokurorëve. Opinioni u la të paktën 24 orë në këtë mëdyshje, për të sqaruar se referenca ishte vetëm për personat që kishin akses në dosje. Këtu edhe vetë Kryeministri u vu në krah të medias, për të thënë se ndryshe nga javë më parë, tani e mirëkuptonte Peter Tieden.

Publikimet e Bild imponuan një komunikim të posaçëm publik nga drejtuesja e Krimeve të Rënda, që listoi prokurorët e dosjeve në 3 vjet, e persona të tjerë që kanë pasur akses zyrtar. Znj Prela ndau edhe informacionin se përgjimet vijokan edhe në vitin 2019, ndërsa materialet përveçse audio janë edhe video.

Vetë Kryeministri kishte heshtur për një ditë e gjysmë për publikimin e Bild, duke ndjekur zbatimin e strategjisë së komunikimit, që duhej të shmangte pritshmërinë apo nxitjen publike për një dorëheqje të tij. Tempizmi në reagim është i çmuar në raste të tilla dhe Km pati gjithë kohën ta kapërcente atë moment të nxehtë. Ditën e publikimit të Bild,kishte anuluar takimet elektorale dhe kishte ikur larg Tiranës. U shfaq në Floq të Korçës, 5 ditë pasi banorët ishin prekur nga tërmeti, duke u premtuar vetë rindërtim të shtëpive.

Nga ana e saj opozita e la të lirë fushën e komunikimit strategjik e reagoi vetëm të nesërmen me zë e figurë. Lëvizja e Merkel dukej në përputhje me një skenar që kishte artikuluar gjatë takimeve këtë javënë Bruksel, Km i MV Zoran Zaev.

Zërat se MV po lobon që të vlerësohet veçmas janë shtuar. Edi Rama nuk flet për këtë çështje, por vlerësimi i njëllojtë për dy vendet, do i voliste politikisht. Çka nuk mund të shmangë është tema e publikimeve të Bild, e të enjten në mbrëmje Edi Rama u shfaq në studion e Sokol Ballës, ndërsa Vangjush Dako tek ajo e Blendi Fevziut. Dukshëm Kryeministri ka zgjedhur të sulmojë e jo thjesht të bëjë viktimën.

Nga studio e Fevziut, Vangjush Dako, që tetorin e kaluar konfirmonte komunikimet me vëllain e astrit Avdylajt me nofkën Niçja, mohonte atë komunikim me Astrit Avdylajn. Për Dakon, vota e çdo individi vlen në zgjedhje.

Të nesërmen strategjia e sulmit u pasurua me akuzat se PD paguan mediat e huaja për këto publikime. Strategjia në tërheqje e opozitës pas këtyre publikimeve qënë një farë mënyre reflektojnë akuzat e saj, ngre pikëpyetje: A po përdoren vallë si një instrument për të imponuar një marrëveshje politike? Lëvizja e Bashës nëpër qytete për të nxitur njerëzit në protestë mungoi javën politike që lamë pas, por ishin aleatët e tij ata që i kërkuan publikisht presidentit shtyrjen me 6 muaj të datës së zgjedhjeve.

Mundësia e një dekreti të ri të Ilir Metës, duket një alternativë me të cilën janë familjarizuar edhe ndërkombëtarët. Ambasadori italian nuk e rekomandon pa një marrëveshje. Kryeministri vazhdon të insistojë se data e zgjedhjeve nuk ndryshon.

Lulzim Basha reagoi vetëm pasditen e të premtes. Konfirmoi se përgjimet e Bild dokumentuan akuzat e PD ndaj Km dhe janë arsyeja pse opozita dogji mandatet e nuk mund të hyjë në zgjedhje me Edi Ramën e se protestat do vijojnë deri në largimin e km.

A mund të bëhet fakt i kryer nga presidenti në mungesë të një marrëveshje? Akti mund të kontestohej, por pa patur një derë për ankimim, pasi Gjykata Kushtetuese është jashtë funksionit. E njëjta mungesë zmbraps çdo reagim për shkarkimin e presidentit, pasi votat e parlamentit nuk janë akti i mjaftueshëm. Vetë Meta në një intervistë për DË tha se ka nxitur vazhdimisht dialogun, por për fat të keq Kryeministri ka qenë refuzues për rishikimin e datës së zgjedhjeve, ndërsa Basha ka si parakusht që Rama të mos jetë në një tryezë dialogu në cilësinë e kryeministrit. E qartë është se tensioni mes palëve është më i fortë pas kuintave, se para syve të publikut, e lëvizjet nuk do mungojnë./ABC News Albania 24/7

POLITIKA-NE-ABC-NEWS-REKOMANDIM-POZITIV-DHE-KRIZE-POLITIKE-01.06.2019.mpg_snapshot_04.32-1280x720.jpg
ent ela15:02 | 01/06/2019

Rekomandimi pa kushte që Shqipëria mori për të dytin vit radhazi nga Komisioni Europian, nuk e zbuti krizën politike në vend. Palët janë të paktën publikisht, secili në llogoren e vet, ndërsa mazhoranca e opozita po lobojnë fort secila në kah të kundërt në Bungestagun Gjerman. Këtë dinamikë të javës politike që lamë pas na sjell Mimoza Koçiu me Politika në ABC News.

Për herë të dytë KE dha një rekomandim pa kushte për Shqipërinë, një mundësi e re për hapjen e negociatave të vendit tonë me BE. Lobimi i aktorëve politikë në Shqipëri, jo në një linjë, u ndje i fortë, teksa kriza politike vijon prej tre muajsh. Rama e coi në 6 nr e letrave në fb për bashën; CDU/CSU e bënë për herë të tretë, ofertën për ndërmjetësim të krizës politike, ndërsa BE kaloi me sukses sprovën ndaj partive euroskeptike në zgjedhjet për PE.

Po çfarë ndodhi javën politike që lamë pas?

Sic kishin paralajmëruar, në ditët e fundit të mandatit, Komisioni Junker, rekomandoi për herë të dytë, hapje të negociatave pa kushte për Shqipërinë. Në raport vërehet se Shqipëria ka dhënë rezultate për kushtet e identifikuara nga Këshilli qershorin e kaluar. Përcaktimet si vend mesatarisht i përgatitur në reformën e administratës publike, kriterin ekonomik, lirinë e shprehjes; një vend me një farë përgatitje në luftën kundër korrupsionit, krimit të organizuar e sistemin e drejtësisë, shoqërohen në 114 faqet e raportit me vlerësimin se është bërë progress. Raporti ndalet më gjatë tek reforma në drejtësi, ku thuhet se në përgjithësi ka përparim. Evidentohet ngritja e KLP e KLGJ dhe KED, si hapa për forcimin e pavarësisë e llogaridhënies së gjyqësorit. Mes detyrave, zgjedhja e PP dhe bërja funksionale e trupave të reja të hetimit, SPAK dhe BKH, sapo të përfundojë vettingu i kandidatëve. Në raport evidentohet se Vettingu ka dhënë rezultate të prekshme, nën udhëheqjen e Komisionit Europian.

Raporti pranon se gjatë vitit të monitoruar, GJK nuk ka kryer dot detyrën, pasi ka mbetur me 1 anëtar nga 9 që duhej të kishte, ndërsa GJL ka mbetur me 3 nga 18 anëtarë. Plotësimi i vakancave, përfshi Inspektorin e lartë të drejtësisë thuhet në raport, ka nisur nga Këshilli i Emërimeve në Drejtësi. 30 mijë është nr i dosjeve të mbetura në pritje, sipas raportit, por shifra ka shkuar në 44 mijë dosje në pamundësi shqyrtimi. Reforma në drejtësi mbetet pika e fortë ku mbështetet rekomandimi pa kushte.

Qasja duket interesante në drejtim të situatës politike. Raporti vlerëson se vendi ka vijuar përparimin në axhendën e reformave të BE. Ndërsa kriza politike vecohet si një çështje e brendshme përmes konstatimit se bojkoti i opozitës u pasua me djegie mandatesh, e mosregjistrimin në zgjedhjet e caktuara më 30 qershor.

Me tone relativizuese, Mogherini tha se kriza politike në Shqipëri është një realitet i parë, e jo vetëm në vendin tonë

Mesazhet vijnë të ngjashme në Tiranë, edhe në komunikimin telefonik mes ambasadorit të BE Soreca dhe Kryeministri  Rama. Të dy bashkohen se është momenti që BE të mbajë premtimin për hapjen e dyerve, e mbështetja gjendet tek një zë brenda qeverisë gjermane.

Referenca e Kryeministri  ishte për këtë editorial të ministrit për Evropën në kabinetin e kancelares Merkel, Michael Roth. Editoriali i botuar jo vetëm në gazetën gjermane por edhe në faqen zyrtare të MJ mban titullin  “BE duhet të mbajë premtimet e saj ndaj Ballkanit”, me shtjellimin se si Shqipëria ashtu edhe MV po punojnë me një axhendë ambicioze reformash e compromisesh të dhimbshme për t’iu afruar BE. Ndërsa shkruan se me zgjidhjen e cështjes së emrit, MV e Greqia bënë histori, Roth ndalet në mënyrë të detajuar tek rasti I shqipërisë.

Editoriali vinte pas dy ofertave të partive kryesore të koalicionit qeverisës CDU/CSU për ndërmjetësim e madje edhe mundësinë e shtyrjes së datës së zgjedhjeve vendore. Por në Tiranë janë të paktën dy aktorët e rëndësishëm, që konsiderojnë zërin e z.Roth.

Në krah të ambasadorit të BE, Kryeministri  refuzon edhe ofertën e presidentit për të rishikuar dekretin datën e zgjedhjeve.

Komunikim me opozitën vlerëson 6 letrat e postuara në FB, dhe sheh tek ajo rolin pengues për konfirmimin e rekomandimit të KE nga Këshilli Europian

Korridoreve politike e diplomatike janë rikthyer zërat se ndryshe nga një vit më parë, këtë vit, vendimi për Shqipërinë e Maqedoninë mund të vijë vecmas, duke lënë në pritje Shqipërinë, edhe për shkak se MV e ka kryer detyrën e vet, ndryshimin e emrit. E nënvizoi ministri i jashtëm Nikolla Dimitrov për amerikanen FT.

Edhe komisioneri Hahn duket në dijeni të këtij skenari.

Nga tre vendet themeluese të BE skeptike, Franca është në parim kundër zgjerimit në këtë moment me cdo vend, por Gjermania e Hollanda kanë gjëra konkrete për Shqipërinë dhe janë dy vendet e vetme të BE, ku vendimi për hapjen ose jo të negociatave merret në parlament. Në Hollandë, 6 javë pasi parlamenti i kërkoi qeverisë pezullimin e vizave për shqipërinë, për shkak të shqetësimeve në lidhje me krimin e organizuar, qeveria ia përcolli njoftimin KE të premten e 31 majit. Në këtë letër, i kërkohet Komisionit të shqyrtojë informacionin e dërguar nga Hollanda dhe në konsultim me vendet anëtare, të vendosë në lidhje me nevojën për të vepruar, por duke nënvizuar bashkëpunimin me qeverinë dhe autoritetet shqiptare në luftën kundër krimit të organizuar. Do jetë KE ai që do vlerësojë kërkesën, e të informojë më pas PE e Këshillim Europian. Ky akt vjen pak ditë pasi deputetët hollandezë që vizituan Tiranën në fillim të Majit, dorëzuan raportin e tyre në parlament, ku flitet për djegien e mandateve nga opozita e krizën politike, një situatë që sipas deputetëve është shenjë e marrëdhënieve të vështira politike në Shqipëri, të cilat po pengojnë avancimin e demokracisë

Sytë janë nga Gjermania e kancelares Merkel, vendi më me ndikim në BE. Aty duket i intensifikuar lobimi në hije i qeverisë dhe opozitës shqiptare. Editorialin e socialdemokratit Roth, Rama e rimori edhe gjatë fjalës në kuvend.

Por të njëjtën ditë, po zyrtarisht erdhi një tjetër qëndrim nga Gjermania, krejt i kundërt me atë të Roth, por i ngjashëm me një qëndrim pas rekomandimit, të ish Kryeministri  Berisha. Ishte grupi i kancelares CDU/CSU që ndryshe nga aleati Roth, shprehej se deri tani Shqipëria nuk kishte përmbushur asnjë nga kushtet e para një viti, e vendimi do merrej në shtator.

Grupi parlamentar i kancelares përsëriste për herë të tretë ofertën për të ndërmjetësuar një dialog pa kushte, e pa përjashtuar asnjë temë.

FAZ dhe DW dy media autoritare gjermane, duke i përcjellë këto qëndrime, shkruajnë se Shqipëria përcan koalicionin qeverisës në Gjermani. Duhet thënë se koalicioni qeverisës, nuk është në ditën më të mirë, për shkak të rënies në vota në zgjedhjet për parlamentin Europian. Pavarësisht rënies me mbi 5% në raport me zgjedhjet europiane të 5 viteve më parë, CDU/CSU ruajti kryesimin si forca politike më e votuar në Gjermani, e ndjekur nga të Gjelbrit, një parti proeuropiane jo në qeveri. Ndërsa aleatja qeverisëse e Merkel, PSD e ministrit Roth u rendit e treta, me një rënie prej 11% në raport me 5 vite më parë.

Pra investimi gjerman për Shqipërinë në këtë panoramë mbetet mbresues, edhe në kushtet kur si vendi që konsiderohet motor i BE, ka peshë në zgjedhjen e drejtuesve të ardhshëm të Unionit. Merkel e Makron u dukën më të lehtësuarit, që euroskeptikët nuk morën dot avantazhin e pretenduar në zgjedhjet e fundit për PE, edhe pse në Francën e Macron, rezultuan më të votuarit, duke e lënë koalicionin ku bën pjesë partia e shefit të Elizesë në vend të dytë. Zgjedhjet e rezultatet e tyre sollën tërmete politike në dy vende të BE, që do shkojnë në zgjedhje të parakohshme Greqia e Austria. 32 vjecari Kurz që humbi votëbesimin në parlament, pavarësisht se partia më e votuar në Austri, ishte mungesa që spikati në darkën informale të liderëve të BE, tentative e parë e përbashkët për kompromis për përzgjedhjen e drejtuesve të rinj të Unionit. Por numrat e brishtë vështirësojnë kompromisin, pasi dy blloqet e mëdha politike të qendrës së djathtë e të majtë, PPE e Social demokratët, që morën respektivisht 179 dhe 153 vende, për herë të parë nuk arrijnë dot të vetëm, shumicën në parlamentin 751 vendesh. Do t’u duhet të llogarisin të tretët, me 105 vende, Aleancën e liberalëve e demokratëve për europën, ku bën pjesë edhe partia e Makron. Të katërtit me 69 vende janë renditur të gjelbrit, e me këto shifra, zgjedhja e pasardhësit të Junker, është pengesa e parë, mes Merkel e Makron që kanë marrë përsipër edhe rajonin tonë.

Makron nuk pranon zbatimin e parimit tradicional në BE, se posti i takon partisë që ka marrë më shumë vota, e që në rastin konkret është kandidati i PPE Manfred Ëeber. Në mbërritje për darkën informale në Bruksel, Kancelarja Merkel e përmendi Ëeber si kandidatin e vetëm që mbështetet prej partisë së saj, anëtare e PPE. Por presidenti francez Emmanuel Macron, as që e përmendi z. Ëeber si kandidat të mundshëm. Macron përmendi emrin e kryenegociatorit të Brexit, francezit Michel Barnier, të liberales daneze Margret Vestager dhe hollandezit të qendrës së majtë Frans Timermans, si kandidatë që kanë cilësitë e duhura sipas tij. Përvec Jean-Claude Juncker, në postet më të larta të BE, do zëvendësohen edhe presidenti i Këshillit Europian, polaku Donald Tusk, presidenti i Bankës Qendrore Europiane, italiani Mario Draghi dhe përfaqësuesja e lartë për politikë të jashtme, italiania Federica Mogherini. Lobimi mes udhëheqësve të BE dhe grupeve parlamentare do testohet zyrtarisht në samitin e 20-21 Qershorit, të Këshillit Europian. Tek ky samit pritet të jepet edhe vendimi për Shqipërinë e MV, edhe pse Gjermania është shprehur se Bundestagu do vendosë në shtator. Shqipëria duket se po përcan edhe deputetët nga i njëjti grup në Gjermani. Një ditë pasi pati një qëndrim të grupit CDU/CSU, një deputet i CDU, publikoi një deklaratë në Tëitter. Më hashtagun Shqipëria e meriton respektin tonë, edhe pse ka rrugë të gjatë përpara, deputeti i CDU, Olav Gutting, u tërheq vëmendjen kolegëve të tij, për mesazhet që dërgojnë nga Gjermania.

Çka do thotë se vendimmarrja në Bungestag do jetë vetëm matje numrash. Vetë Basha thotë se është Kryeministri pengesa për integrimin e paralajmëron edhe refuzimet nga disa vende të BE.

Duket thënë se aktorët politikë ne pozitë e opozitë, nuk po arrijnë të bashkohen për integrimin.

Gjithaq vullneti nuk është parë as nga mazhoranca, të paktën ai i premtuar një vit më parë, në prani të komisionerit Hahn.

Kjo ndarje në këtë moment të ri të përsëritur për Shqipërinë, vjen në një kohë kur vendi përballet prej tre muajsh me një krizë politike, e asnjëra pale as mazhoranca e as opozita, të paktën publikisht, nuk tërhiqet prej pozicionit të vet.  /ABC news Albania 24/7

 

 

rama-dhe-basha.jpg
nev ila15:44 | 25/05/2019

Shtyrja e zgjedhjeve nuk duket më një utopi politike apo ligjore. Ky zhvillim i papritur i javës politike që lamë pas, erdhi pas disa lëvizjeve jo aq të dukshme, ndërsa aktorët në fushë janë pozicionuar tashmë. Mimoza Koçiu na sjell këtë dinamikë me Politika në ABC News.

Për herë të parë javën politike që lamë pas, ideja e shtyrjes së zgjedhjeve të 30 qershorit, nuk duket një utopi politike e as ligjore. I vendosur për të shkuar në zgjedhje pa opozitën duket Kryeministri, që për tre ditë me radhë ia shkroi këtë Lulzim Bashës. Ky i fundit, refuzon edhe komunikimin virtual me Ramën e adresimin-përgjigje ia drejtoi qytetarëve. 5 javë para datës së dekretuar të zgjedhjeve, aktorët në fushë janë shtuar e pozicionet duken të qarta.

Po çfarë ndodhi javën politike që lamë pas?

Në qëndrimin për të zhvilluar zgjedhje edhe pa opozitën, që paralajmëron se nuk do t’i lejojë, Kryeministri Rama bëri një paralajmërim të fortë në emër të SHBA e BE.

Rama: Do ju digjet përjetë hyrja në SHBA e BE nëse i shkoni pas.

Kjo taktikë e Kryeministrit nuk është e panjohur. Fiks një vit më parë, nga foltorja e kuvendit, i rreshtonte krah vetes SHBA e BE në akuzat që opozita adresonte ndaj ministrit të kohës të brendshëm Fatmir Xhafajt për shkak të vëllait të tij.

Rama: Nëse në këtë zurnajë do të kishte një grimcë të vërtete lidhur me një përgjegjësi të çfarëdo natyre të ministrit tonë të brendshëm, besoj se asnjë shqiptar nuk e quan të paarsyeshme bindjen time se do kishte folur miku ynë ambasadori amerikan, BE, ata që nuk kanë lënë rast pa folur dhe pa verifikuar.

Një ditë më vonë, ambasadori amerikan i kohës Donald Lu i kërkonte të mos fliste në emër të SHBA.

Donald LU: Kryeministri duhet të flasë në emrin e tij dhe ne do të flasim në emrin tonë. Ne jemi duke i shqyrtuar pretendimet që janë ngritur në lidhje me vëllain e Ministrit Xhafaj.

Nëse njëlloj si një vit më parë, zyra e delegacionit të BE në Shqipëri heshti. Një vit më vonë spikati heshtja njëlloj edhe e ambasadës amerikane, për ndëshkimin që Kryeministri paralajmëroi në emër të SHBA. E paqartë sesi 28 vende të BE mund të unifikohen në pengimin e hyrjes në vendet e tyre, të kujt kryen një krim zgjedhor, akt ky i dënueshëm nga gjykatat në Shqipëri, por refuzimi i hyrjes në SHBA është një praktikë e njohur, jo vetëm për Shqipërinë. Duket se ai paralajmërim i KM mbështetet tek ky vendim i Presidentit Bush të madh, në janar 2004. Por çka nuk thuhet është se urdhri presidencial,vlen për zyrtarë e jo zyrtarë të përfshirë apo përfitues në akte korruptive, që kanë efekte serioze negative në aktivitetin ndërkombëtar të bizneseve amerikane, të sigurisë së SHBA kundër krimit e terrorizmit trans-nacional apo stabilitetin e institucioneve dhe kombeve demokratike. Edhe ndërhyrja në zgjedhje konsiderohet si shkak për refuzimin e hyrjes në SHBA të kategorisë specifike.

Ka një kujdes të shtuar për të qarkulluar në korridoret e medias informacion, se opozita po përgatit prishjen e procesit, përfshi thyerjen e kutive të votimit në 30 qershor. Në fakt ky është një nga variantet e hedhura, mes të tjerëve, në mbledhjet organizative në selinë blu. Aludimeve se pas vendimit e akteve të ardhshme radikale qëndron Sali Berisha, kujdeset t’u japë zë vetë Kryeministrit.

Rama: Dhe shpirti i asaj partie është doktori jo kryetari i llakuar.

A është ky vallë varianti me të cilin ushqehen ndërkombëtarët? E paqartë nëse heshtja e SHBA e BE pasi Rama foli në emër të tyre ka qenë vetëm publike, por të njëjtën ditë, disa orë më vonë, një ngjarje që kishte ndodhur tre ditë më herët. Kryebashkiaku i Durrësit ishte thirrur në prokurorinë e krimeve të rënda për llogari të hetimeve të dosjes 339/1, pjesë e së cilës janë përgjimet e telefonatave të Dakos me persona të inkriminuar, në periudhë zgjedhore. Ndryshe nga 7 muaj më parë, kur një pjesë e përgjimeve rrodhën, ai veprim, i kryer larg vëmendjes publike, që u publikua 3 ditë më vonë, u mbyll sërish si informacion, edhe për dëshminë, edhe për hapat e mëtejshëm të prokurorëve, në një kohë kur zgjedhjet janë kauza e krizës politike në vend.

Në këtë panoramë Kryeministri vazhdonte të porosiste të vetët edhe në mbledhjen e grupit parlamentar të përcillnin mesazhin e tij në emër të SHBA e BE.

Rama: Çdo njeriu i duhet thënë që kush cënon apo dëmton procesin nuk shkel më në Amerikë apo vende të Bashkimit Evropian.

Basha nuk komentoi ato paralajmërime të Ramës, por nuk shfaqi as shenja tërheqje

Basha në Shkoder: Kjo është një betejë për jetë a vdekje…për të ndalur këtë tirani ia vlen çdo çmim.

Dukshëm 30 qershori është shndërruar në fokusin e përbashkët të të dyve.

Rama: Spiralja e marrosjes së udhëheqjes së opozitës së sotme ka prekur fundin he 30 qershori duhet ta sanksionojë këtë fund…. Por dhe do të ngordhë politika e pengmarrjes së procesit demokratik.

Basha: Në 2007, dy herë i shtyu zgjedhjet sepse kërkoi që çdo votues të sillte me vete certifikatën e lindjes, kurse tani thotë nuk më lejon Kushtetuta. Kundër Kushtetutës nuk është shtyrja e një procesi kriminal si ky, që mendon se do të ekzekutojë më 30 qershor.

Kryeministri pati një moment delikat javën politike që lamë pas. Si kurrë më parë, Tirana e Prishtina janë të ndara në qëndrime. Për herë të parë mbledhja e përbashkët e qeverive të Kosovës e Shqipërisë, e iniciuar prej Ramës kur erdhi në pushtet, u zhvillua pa asnjërin KM. Përplasja në samitin e Berlinit e pas tij, me kryeministrin Haradinaj për taksën serbe e idenë e ndryshimit të kufijve, solli këtë panoramë (mbledhja) Dy zv/kryeministrat që nisën një mbledhje ballafaquese të detyrave të lëna, e zhvilluar me dyer të mbyllura, e me konkluzione ende jo publike. Rama nuk u shfaq në publik, ndërsa kryeministri Haradinaj u shfaq në Shqipëri, por për të takuar Ilir Metën. Kjo foto me sqarimin se ndajnë të njëjtin qëndrim për Kosovwns, nuk u sfumua dot nga njoftimi lakonik i Hashim Thacit, se kishte takuar Edi Ramën në Tiranë. Të dy duken në minorancë në qasjen e tyre.

Jahjaga: Duhet që t’i heqim zërat për çdo diskutim që prek kufijtë në ballkan.

Meta: Është përpjekje e politikanëve e autoriteteve për tu shmangur nga llogaridhëniet e brendshme dhe për të provokuar tema që spostojnë vëmendjen dhe përgjegjësinë.

Ilir Meta madje e çoi më tej qëndrimin, kur tha se nuk mund të heshtte kur shihte sesi reforma në drejtësi po zbatohej, jo siç ishte miratuar me 140 vota.

Meta: Nëqoftëse do ishte vërtetë një sukses nuk do ishte vendi pa Gjykatë Kushtetuese. Sepse reforma nuk bëhet me retorikë, por me standarde. Përndryshe nuk është reformë, por forma të reja të kapjes së institucioneve.

Kreu i shtetit zbuloi publikisht çka ndodh larg syve të publikut. Historia e tre viteve më herët duket përsëritet me misionin asistues të BE, EURALIUS. Tre vjet më parë drejtuesit të EURALIUS, iu ndërpre pa zhurmë detyra, pasi u denoncua publikisht nga PD e LSI, për sjellje të njëanshme në procesin e hartimit të reformës në drejtësi. Tre vjet më vonë, ky mision targetohet nga Kreu i Shtetit.

Meta: Kam kërkuar me shkrim mbështetjen e EURALIUS dhe OPDAT, të paguar nga taksat e evropianeve. Ditën e fundit EURALIUSI çoi përgjigje jemi mision teknik, por nuk e di kush ia dha porosinë politike. Si mundet ky mision ti çoje rekomandim kreut të ligjeve për të zgjedhur një institucion në kundërshtim me kushtetutën e Republikës së Shqipërisë.

Përgjigja i erdhi nga Kryeministri Rama, se reforma kërkonte kohën e vet, por e shoqëruar me aludime të forta për pozicionin e presidentit për 30 qershorin.

Rama: A e pengon mungesa e Gjykatës Kushtetuese Presidentin e Republikës të mbrojë datën e zgjedhjeve që sipas Kushtetutës ai e ka dekretuar?Padiskutim Presidenti ka të drejtë kur thotë djegia e mandateve është e papranueshme po dhe më i papranueshëm është përbetimi për të djegur zgjedhjet!S’e dimë opinionin e Presidentit për këtë dhe bashkë me kritikat e tij,mezi e presim apelin e vonuar në mbrojtje të 30 qershorit.

Historia duket se po përsëritet edhe me lëvizjen e Kryeministrit. Njëlloj si dy vjet më parë, kur të gjithë aktorët politikë vendas iu vunë kundër, i kthen sytë nga Lulzim Basha. I shkroi letra tre ditë me radhë. Në secilën nënvizonte se zgjedhjet do bëheshin më 30 qershor. Me tone përçmuese e ftonte Bashën në dialog pa kushte.

Rama: Jeta politike nuk mbaron në 30 qershor dhe që të jemi të qartë mes nesh, zgjedhjet në 30 qershor Ju mund t’i vështirësoni, nëse do t’i shkoni deri në fund rrugës pa krye, ku po e udhëhiqni grupimin Tuaj politik, por s’ka asnjë shans që t’i ndaloni të zhvillohen. Por Dialogu duhet të nisë pa humbur kohë, pavarësisht atyre që thoni e mendoni të bëni Ju në 30 qershor dhe pavarësisht faktit se unë 30 qershorin s’kam asnjë fuqi ligjore ta negocioj, edhe pse Ju jeni i lirë ta diskutoni në Tryezën e Dialogut. Unë Ju ftoj në një dialog pa kushte dhe në kushtet kur Shqipëria e shqiptarët, nuk meritojnë përkeqësimin e një situate politike krejt të pakuptimtë, e cila po u kushton në mënyrë krejt të pamerituar.

Basha që vazhdonte të përsëriste se nuk dialogonte me Edi Ramën Kryeministër, nuk iu adresua asnjëherë, teksa dha përgjigje gjatë një takimi me qytetarë në Durrës.

Basha: Largimi i Edi Ramës është hapi i parë i panegociueshëm, hapi që do t’i hapë rrugë zgjidhjes politik të krizës. Na propozon Taulant Ballen e Gjiknurin si rojtarë të zgjedhjeve, do të jenë para togave të zeza të drejtësisë me urdhër të Ramës kanë ushtruar presion tek anëtarët e KQZ që mos të regjistrohen anëtarët e PD në KQZ.

Ai paralajmërimi i Bashës u provua të nesërmen. Katër anëtarët e KQZ të propozuar nga e majta,votuan kundër regjistrimit të kandidatëve të PD/LSI nëpër KZAZ. I pazakontë vendimi i opozitës për t’u bërë pjesë e komisioneve zgjedhore në një garë ku vetë nuk merr pjesë, por në mungesë të një pengese ligjore për ta bërë një gjë të tillë, 4 anëtarët e KQZ, u mbështetën tek rrethanat për ta rrëzuar.

Në të njëjtën ditë, Gjykata e Lartë humbi edhe një anëtar të saj. KPA shkarkoi nga detyra gjyqtarin Edmond Islamaj për deklarim të pasaktë të pasurisë. Tashmë Gjykata e Lartë mbetet me tre anëtarë në detyrë, dy nga të cilët, kreu i gjykatës Zaganjori dhe anëtari Broci janë në proces apelimi, i pari i ankimuar nga komisioneri publik, e i dyti në ankimim të vendimit të KPK që e rrëzoi. Anëtari i vetëm i vetuar i Gjykatës se Lartë, që mban edhe postin e kreut të KED është Ardian Dvorani.

Një letër e dytë nga Edi Rama për Lulzim Bashën erdhi po atë ditë, edhe më e gjatë se e para, ku shefi i qeverisë shkruante se kishte detyrim të këmbëngulte për dialog. Sërish nënvizimi për të bërë zgjedhje edhe pa opozitën.

Rama: Mua s’më duhet fati Juaj politik dhe as fati politik i atij grupimi – madje sipas meje, troç fare, rrënimi i plotë me duart Tuaja i grupimit që po udhëhiqni qorrazi është ogur i mirë për këtë vend e për vetë të ardhmen e institucionit të pazëvendësueshëm të opozitës – por ky moment me rëndësi të veçantë për Shqipërinë, më imponon t’Ju lutem të ktheni rrugë! Sepse Shqipëria s’ka kohë për të humbur për llogaritë e gabuara politike dhe aventurat antidemokratike të kujtdoqoftë. Duke Ju garantuar se jam në dispozicionin Tuaj, në çdo moment dhe pa kushte për një Dialog për Shqipërinë, si edhe duke Ju siguruar se sikur të tërë të dëshpëruarit nga Reforma në Drejtësi të hidhen përpjetë, nuk kanë për të ndalur dot as zbatimin e Reformës në Drejtësi, as zhvillimin e zgjedhjeve në 30 qershor, uroj rikthimin Tuaj sa më të shpejtë në rrugën e arsyes.

Lulzim Basha reagoi me shkrim pas kësaj letre të dytë, pas një takimi me aleatët opozitarë. Sërish duke iu drejtuar qytetarëve e për asnjë moment Ramës.

Basha: Dje, pasi shpalli hapur se shqiptarët janë më mirë pa gjykata, Edi Rama më dërgoi mua një letër për të më ftuar në “dialog”, pra, që unë dhe ai të ulemi për të biseduar, sepse, sipas tij, kështu e kërkon demokracia. Në të vërtetë demokracia e kërkon që pushteti të burojë nga populli dhe të dialogojë me popullin, demokracia kërkon që mosmarrëveshjet që nuk i zgjidh dot politika t’i zgjidhë populli, me votë. Por për Edi Ramën arti i qeverisjes demokratike është i huaj, ai është artist në artin e mashtrimit. E gjithë qeverisja e tij ka qenë grabitje dhe mashtrim i popullit, i pasurive publike dhe dhunim i çdo vlere demokratike e perëndimore. Kjo është një sfidë e madhe që na takon të gjithëve, para së gjithash ne politikanëve. Për këto sfida ne kemi filluar një dialog kombëtar gjithëpërfshirës. Ky është i vetmi dialog që ndryshon Shqipërinë dhe i vetmi dialog ku unë do të jem pjesë. Qëndrimi im i prerë dhe i palëkundur është se Edi Rama duhet të largohet menjëherë nga Kryeministër, sepse ai është shkatërrues i zgjedhjeve të lira dhe dhunues i vullnetit të popullit.

Në këtë situatë ekstreme, një zgjidhje u propozua nga Gjermania. Nr dy i grupit parlamentar të CDU/CSU Johann David Wadephul, dhe deputeti i CSU, raportues për Shqipërinë në komisionin e jashtëm Christian Schmidt, u vetë ofruan për herë të dytë për të ndërmjetësuar krizën pa kushte, e sipas tyre, hap i parë do ishte shtyrja e 30 qershorit.

“Ne jemi edhe më tej të gatshëm që të kontribuojmë për hapjen e një dialogu ndërmjet qeverisë dhe opozitës për të kapërcyer krizën. Por kjo mund të funksionojë vetëm nëse të dyja palët hyjnë në bisedime pa vendosur parakushte. Gjithashtu nuk duhet të përjashtohet asnjë temë. Zgjedhjet pa pjesëmarrjen e opozitës janë problematike në aspektin demokratik. Prandaj duhen vënë në tryezë të gjitha opsionet që u garantojnë qytetareve dhe qytetarëve mundësi të vërteta për të zgjedhur në zgjedhjet lokale. Këtu hyjnë edhe masa të jashtëzakonshme, si për shembull, shtyrja e datës së zgjedhjeve lokale. Qëllimi më i lartë duhet të jetë kthimi pa ekuivok në procedurat demokratike dhe respektimi i standardeve të shtetit të së drejtës në zgjedhje”.

Lulzim Basha shprehu mirënjohje e gatishmëri propozuesve Kristian demokrat e social demokrat të koalicionit të Merkel.

Basha: Në emër të PD dhe të Opozitës së Bashkuar konfirmoj gatishmërinë tonë për zgjedhje të lira dhe të ndershme dhe mirëpres angazhimin e Gjermanisë mike për zgjidhjen e kësaj krize dhe hapjen e rrugës evropiane të Shqipërisë.

Falënderimi i Kryeministrit vinte përmes evidentimit të tyre si partner të Bashës e PD, por duke nënvizuar se nuk lëvizte nga 30 qershori.

Rama:Krejt dakord me gjithçka kanë shprehur publikisht dhe për nevojën e dialogut pa kushte. Koha nuk pret sepse 30 qershori s’është në dorën tonë!

Dukshëm kjo lëvizje gjermane, e kundërt me çka vetë parashikonte, e shtyu të sqaronte edhe njëherë pozicionin e vet. E bëri që të nesërmen në mëngjes, përmes një letre të tretë për Lulzim Bashën, e këtë herë qëndrimi ishte refuzues edhe për shtyrjen e 30 qershorit, edhe për kërkesën e njohur të Bashës për largimin e tij si KM.

Rama: Duke Ju ftuar përsëri në Tryezën e Dialogut, Ju lutem të mos harroni ndërkohë se po nuk u kthyet në realitet, përtej dëmit që mund t’i bëni vendit dhe atyre pak individëve kokë nxehtë, të cilët mbase për të keqen e tyre mund të shkojnë deri në fund pas berihajit ku po i udhëhiqni, Ju s’keni asnjë shans të pengoni 30 qershorin të vijë për ata që duan të votojnë. Asnjë shans të ndryshoni qeverinë pa zgjedhje. Asnjë shans të më ndaloni mua dhe Partinë Socialiste të Shqipërisë të kryejmë misionin historik të transformimit evropian të Shqipërisë.

Por ndryshe nga Rama, një tjetër aktor i rëndësishëm në Tiranë mirëpriti propozimin për shtyrjen e zgjedhjeve. Për herë të parë Ilir Meta tha se mund të rishikonte dekretin e tij, e nëse i shërbente zgjidhjes së krizës, ofronte për herë të dytë dorëheqjen.

Meta: Në këtë kuadër, shpreh gatishmërinë time institucionale, që në përputhje me kompetencën që më jep shkronja “gj” e nenit 92 të Kushtetutës, të rishikoj Dekretin për caktimin e datës së zgjedhjeve vendore dhe të dekretoj një datë tjetër për zhvillimin e tyre, në përputhje me vullnetin e shprehur të palëve politike.

Garantimi i rendit kushtetues, sigurisë publike, stabilitetit të vendit dhe i zgjedhjeve demokratike, të lira dhe të ndershme janë parime kushtetuese që mbizotërojnë mbi çdo aspekt tjetër formal, përfshirë këtu rishikimin e datës së zgjedhjeve.

Por akuzat e kreut të shtetit ndaj ndërkombëtarëve për mënyrën si po zbatohej reforma në drejtësi, morën përgjigje nga përfaqësuesit e BE në Tiranë, i pari ambasadori Soreca.

Qëndrim i ngjashëm erdhi edhe nga drejtuesja e ONM, që mbikëqyr zbatimin e reformës në drejtësi e vetë vettingun.

Calavera: Duke pasur parasysh interesin e lartë publik, është e rëndësishme të sigurohet monitorimi nga afër i procesit dhe të kontribuohet në mënyrë konstruktive në progresin e tij. Megjithatë, kjo nuk justifikon sulmin ndaj procesit në kushte të padrejta dhe të papranueshme, duke përfshirë edhe rastet kur u drejtohet personalisht anëtarëve individualë të institucioneve të Vettingut. Disa njerëz mund të kenë frikë nga reforma gjyqësore dhe të jenë të gatshëm ta pengojnë atë, por kjo nuk mund të lejohet. Reforma e drejtësisë është zbatuar në përputhshmëri të plotë me Kushtetutën dhe legjislacionin, reforma po ecën përpara dhe është e pakthyeshme, të gjitha institucionet shqiptare duhet ta mbështesin atë.

Një ditë më herët, presidenti i Republikës kishte konfirmuar qëndrimet e tij publike, duke mos kursyer ironinë ndaj Ramës dhe disa ndërkombëtarëve.

Meta: Presidenti nuk do të lodhet edhe në të ardhmen, si detyrim ndaj qytetarëve shqiptarë, të punojë në këtë frymë. Ndërkohë Presidenti nuk ndalon askënd, të këndojë “na fitorja në fitorje”, si në variantin solo, ashtu edhe në kor.

Padyshim që këto lloj replikash publike, e dobësojnë më tej besimin e brishtë të aktorëve politikë ndaj ndërkombëtarëve në Tiranë. Nga jashtë, lëvizja e deputetëve gjermanë duket ka gjetur mbështetjen e të paktën dy palëve, opozitës e presidentit. Kreu i shtetit duket gati ta shtyjë datën e zgjedhjeve, ndërsa PD të ulet më Ramën si kryetar i PS.

Por qëndrimi i Kryeministrit mbetet po aq i rëndësishëm, e zhvillimet e javës politike që lamë pas, dëshmuan qartë se 30 qershori është sprova e parë, ku Rama ose Basha do tërhiqet. Kostot dhe përfitimet e asaj tërheqje kanë nisur të artikulohen në gjuhë të huaj. Shtyrja e vendoreve për në vjeshtë është një opsion. Vjeshta përkon edhe me vendimin e Këshillit Evropian për hapjen e negociatave, e një JO për herë të dytë për Shqipërinë, mund të ishte një sfidë serioze për postin e Ramës si Kryeministër. Për momentin, e sigurtë është se zgjedhjet pa opozitën, duken një realitet unik, edhe për një eksperte me eksperiencë disa vjeçare në monitorimin e zgjedhjeve si Audrey Glover, e caktuar për monitorimin e 30 qershorit në Shqipëri.

Glover: Asnjëherë skam monitoruar zgjedhje pa opozitën./ABC News Albania 24/7

edi-ramaaa-1280x716.jpg
nev ila16:40 | 18/05/2019

As Rama e as Basha nuk dhanë të paktën publikisht, shenja tërheqje për një krizë politike që vijon prej tre muajsh. Në terren secili kujton përgjegjësitë e tjetrit për këtë situatë, por asnjëherë të vetat. Politika në ABC News na sjell dinamikën e qëndrimeve e mosveprimeve. Ndjekim Mimoza Koçiun.

Dy protesta kombëtare të opozitës brenda tre ditësh në Tiranë, të pasuara nga një garë komunikimi me opinonin mes Ramës e Bashës, përmes të njëjtit format me gazetarë, ishin zhvillimet kryesore politike që nuk arritën të afronin palët, pavarësisht thirrjeve ndërkombëtare kundër dhunës e për dialog dhe momentit ku ndodhet vendi, rekomandimi për hapjen e negociatave.

Po cfarë po ndodh me krizën politike në Shqipëri?

Të shtunën e 11 majit, gjatë protestës së katërt kombëtare e opozitës, bashkë me kapsollat e shashkat, u hodhën edhe bomba molotov para derës kryesore të KM.

Basha e drejtoi protestën nga parlamenti (efekt) ku u hodhën të tjera kapsolla e mjete piroteknike, ndërsa policia u kundërpërgjigj me gaz lotsjellës nga policia. Sipas policisë 16 uniforma blu u lënduan e disa protestues. Tension solli mënyra e ndalimit të njërit prej tyre, sekretarit organizativ të PD Sahit Dollapi, në transmetim të dpd tv, edhe pasi u identifikua para policisë. Akti që ngjante një mesazh direkt për Lulzim Bashën, solli reagimin këtij të fundit, që e zhvendosi protestën para policisë së Tiranës, ku sërish pati tension mes protestuesve e policisë, deri sa u mësua se Dollapi ishte dërguar për mjekim në spital për shkak të goditjeve. Shumë telefonata direkte e me ndërmjetësim mes palëve, dhe afër mesnatës, policia u tërhoq nga spitali ku mbahej Dollapi, duke e lënë të lirë.

Katër herë reagoi presidenti i republikës gjatë protestës, duke bërë thirrje kundër dhunës e për vetëpërmbajtje. Në të njëjtën linjë edhe ambasada amerikane. Më ashpër OSBE deklaronte se organizatorët e protestës duhet të mbajnë përgjegjësi politike për dhunën kriminale të ushtruar nga disa prej ndjekësit e tyre. 30 minuta më vonë një mesazh indirekt edhe për policinë, se reagimi i rëndë ndaj dhunës nuk ndihmon. Delegacioni i BE reagoi të nesërmen duke e dënuar dhunën si të patolerueshme, e kërkuar vetëpërmbajtje e dialog.

Opozita kishte caktuar tashmë protestën e radhës, dy ditë pas të parës, e në mbështetje të 50 protestuesve të 11 Majit, që mbaheshin të arrestuar në policinë e Tiranës, Basha kishte një mesazh për Ramën

Në një dalje të posaçme, Ministri i Brendshëm pranoi problemin në mënyrën e shoqërimit të sekretarit organizativ të PD, por paralajmëroi edhe ndëshkim për dhunuesit e policisë

I njëjti mëngjes të diele e kishte çuar herët në zyrë KM, për disa takime për atë që e sheh si cënim të rendit kushtetues. Mes funksionarëve të thirrur, edhe prokurorja e përgjithshme e përkohshme e shefi i SHISH. Më pas atë të dielë, si Rama e Basha iu drejtuan publikut, përmes të njëjtit format, bashkëbisedim me gazetarët. Tek Km spikati vëmendja e mbështetja për policinë që përballej me protestat ndaj tij, duke mirëkuptuar mënyrën se si u ndalua sekretari organizativ i PD.

Interesante ishte ftesa për kundërshtarin politik. Mes pasojave që do kishte vendi nga një përplasje civile , zgjodhi t’i kujtojë Bashës se llogaritë do i bëjë me demokratët.

Pak orë para protestës së dytë kombëtare, brenda 3 ditësh, në 13 maj, 5 ambasada në Tiranë reaguan njëlloj e njëra pas tjetrës. Dënuan dhunën, përfshi mbishkrimin “Turp të kesh Borchard” tek banesa e ambasadorit të OSBE në Tiranë. Ambasada amerikane dhe ambasada gjermane u bënin thirrje nominale Bashës e Kryemadhit, që të dënonin publikisht veprimet e dhunshme të mbështetësve të tyre, ndërsa u kujtonin autoriteteve ligjzbatuese përgjegjësinë për vetëpërmbajtje, edhe kur u përgjigjen provokimeve. Nxitja e të gjitha palëve për t’u përfshirë në dialog konstruktiv për t’i dhënë fund ngërçit politik ishte qëndrimi i përbashkët.

A ndikuan vallë ato qëndrime tek protesta e 13 majit? Basha kreu një marshim protestë mbi tre orësh, me një pjesëmarrje mbresuese pavarësisht shiut, me 5 ndalesa Km, Policia e shtetit, parlamenti, ministria e brendshme dhe policia e Tiranës, sipas tij institucionet e kapura nga KM. Thyerje xhamash, kapsolla e lëndë piroteknike. E vetmja bombë Molotov u hodh tek drejtoria e policisë. Nuk pati përdorim të gazit nga policia e as konfrontime të drejtpërdrejta mes policisë e protestuesve. Basha e drejtoi tek Rama vëmendjen ndërkombëtarëve që kishin dënuar dhunën e protestuesve të opzitës.

Ndërsa diplomatët në Tiranë bënin thirrje për dialog, Nga Gjermania erdhi një akt konkret. Dy deputetë të koalicionit qeverisës, nënkryetari i grupit parlamentar të CDU Johan David Vadepul, dhe Kristian Shmid i CSU, raportues për Shqipërinë në komisionin e jashtëm të Bundestagut thanë se dhuna nuk mund të tolerohet aspak si mjet politik, por ata ishin të gatshëm të ndërmjetësonin një dialog pa kushte.

Të nesërmen e protestës së dytë, Rama u ul sërish me gazetarët. Pas tij, njëlloj edhe Basha. Me propozimin e deputetëve gjermanë, pritshmëritë ishin që Kryeministri të jepte një zgjidhje, por përgjigja u duk e koduar.

Basha u shfaq i interesuar për ndërmjetësim ndërkombëtar, por me kushtin e njohur, edhe pse pranon se nuk e shmang dot Ramën në dialog si kryetar të PS.

Vendoret e 30 qershorit duken ngërçi imediat ku asnjëra palë nuk lëshon. Gjithçka ndodh teksa vendi pret më 25 maj opinionin e KE për hapjen e negociatave me BE, e në një moment të dytë, që do varet edhe nga rezultatet e zgjedhjeve për PE, pritet vendimi i Këshillit Evropian. Njëlloj si një vit më pare, në radhë janë Shqipëria e Maqedoninë e Veriut. Çka spikat në deklaratat e këtyre ditëve është veçimi i Maqedonisë në përmbushjen e detyrave.

Ministri i Jashtëm i Greqisë, Georgios Katrugalos i ka bërë thirrje BE-së që të çojë përpara procesin e hapjes së negociatave të anëtarësimit për vendet e Ballkanit. Në një intervistë për gazetën “Politiko”, Katrugalos është shprehur se shanset duhet t’i jepen edhe Shqipërisë e jo vetëm Maqedonisë së Veriut, vend që sipas tij i ka përmbushur të gjitha detyrimet.

Nëse Shqipëria është gati, atëherë edhe ajo duhet të jetë në bord, por për Maqedoninë e Veriut nuk ka më asnjë dyshim”, ka deklaruar Katrugalos.

Qartazi pro Shqipërisë duket ministri gjerman për integrimin, socialdemokrati Majkell Roth, që i tërheq vëmendjen opozitës për bojkotin e dhunën në protesta, e thotë për DeutcheWelle se vendit tonë i duhen hapur negociatat.

“Unë madje shkoj aq larg sa të them se ndoshta nuk ka vend që të ketë përmbushur kaq shumë detyra para çeljes së negociatave të anëtarësimit. Sigurisht ka akoma shumë për të bërë, por jam optimist, se mbi bazën e kritereve të qarta që janë përmbushur, mund të bëhet një diskutim pozitiv për çeljen e negociatave të anëtarësimit me Shqipërinë”.

Po për Dwelle euro-komisioneri Hahn thotë se negociatat e zgjerimit janë një proces që bazohen në meritat dhe arritjet e secilit vend. Do të ishte e padrejtë, thotë ai, nëse një vend do të priste, sepse një vend tjetër nuk arrin rezultate. Por për Hahn shqetësim është imazhi që përcjell Shqipëria me situatën politike e protestat.

“Natyrisht. Imazhi që lë një vend ka ndikim shumë të madh te vendimmarrësit në Bashkimin Evropian. Këta janë përfaqësuesit e popullit dhe qytetari i thjeshtë që shikon pamjet e transmetuara në televizion e ka të vështirë ta kuptojë kur dëgjon se ky vend na qenka gati për të filluar bisedimet e anëtarësimit në BE. Pra, edhe një herë apeli im për përgjegjësit është që të jenë të vetëdijshëm për këtë situatë dhe se dihet që një pamje flet më shumë se njëmijë fjalë”.

Në Tiranë, palëve u erdhi një mesazh nxitës nga ambasadori i Austrisë.

Qytetarët kanë gjithmonë të drejtë për të protestuar, dhuna është diçka që ne e dënojmë absolutisht. Ka ardhur koha që partitë ti zgjasin dorën njëra tjetrës, pas pesë protestave tani është koha për dialog politik”.

Por asnjëra palë nuk duket në këtë drejtim. Opozita po përgatit protestën e 6 kombëtare, pasditen e 25 majit, por tani Basha artikulon qartë kërkesën për shtyrje të zgjedhjeve të 30 qershorit.

Nga ana tjetër Edi Rama vazhdon ta refuzojë e prezantoi kandidatët e vet për 61 bashki, ndërsa këshillat bashkiakë do i ndajë me disa aleatë të vegjël. Sipas kërkesave të paraqitura në KQZ, përballë do ketë 25 kandidatë të Bindjes Demokratike të Astrit Patozit, tre nga të cilët janë të pavarur, por që mbështeten nga partia e tij, 2 kandidatë të Zgjidhjes së Koço Kokëdhimës, e 1 të AKZ të Kreshnik Spahiut. E pamundur që këto parti të vogla të mbulojnë territorin me kandidatë e për pasojë në 33 nga 61 bashki, socialistët do jenë alternative e vetme në fletën e votimit.

Në këtë panoramë, befasoi lëvizja e opozitës që nuk është regjistruar në zgjedhje. PD e LSI kanë vendosur të paraqesin anëtarët e tyre nëpër KZAZ. Kodi zgjedhor në nenin 29 të tij ua njeh formalisht këtë të drejtë, deri në 30 ditë para datës së zgjedhjeve, duke zëvendësuar kështu anëtarët e përzgjedhur nga KQZ po sipas ligjit, pas mosparaqitjes së anëtarëve të PD LSI në thirrjen e parë. (Kodi, neni 29, pika 5.2) PD e argumenton këtë akt të pazakontë me pretendimet se po përgatitet manipulimi i zgjedhjeve.

Vetë Km e sheh lëvizjen si paqartësi e opozitës.

Ish nënkryetari i PD, Astrit Patozi, sot në krye të partisë më të re BD, e sheh si lëvizje kundër partisë së tij, por lëvizja e PD LSI duket përtej shqetësimit të Patozit. Me paralajmërimet se nuk do lejojë zgjedhje në 30 qershor, një lëvizje taktike e tërheqjes ditën e votimit të komisionerëve të saj, praktikisht gjysma e trupës menaxhuese të zgjedhjeve, siç kanë bërë socialistët 26 majin e 96, do vinte në vështirësi procesin zgjedhor. Arsyeja e kësaj lëvizje mbetet ende për t’u parë, por cka bie në sy është këmbëngulja e KM për të mos bërë asnjë hap për zgjidhjen e këtij ngërçi politik.

Po çfarë do ndodhë me 30 qershor sipas Kryeministrit?

Ç’ka gjithaq spikat është mungesa e një lëvizje nga presidenti për të ulur palët. E thënë nga KM, nuk u mohua nga kreu i shtetit, që foli për përgjegjësi të secilit.

A ka një përpjekje të errët, për t’u çuar gjërat deri në ekstrem, duke luajtur në fund lojën e përgjegjësive?

Mbresuese mbetet llogaria që bën Kryeministri. E sheh si një betejë politike, nga e cila kosto do ketë vetëm Lulzim Basha brenda partisë së tij.

Duhet pranuar se historia i ngjan një déjà vu-je të dy viteve më parë: e njëjta gjuhë e të njëjtat qëndrime ekstreme, që u finalizuan me një marrëveshje kokë më kokë mes Ramës e Bashës gjatë natës së 17 Majit, e cila nuk u qartësua kurrë plotësisht.

E kanë treguar se zgjidhjen e kanë gjetur në vetëm katër orë kokë më kokë dy vite më parë. Për momentin, mes paralajmërimeve për konflikt civil e refuzimit për kompromis, palët paralajmërojnë të luajnë ruletën ruse, me fishek të fundit, 30 qershorin./ABC News Albania 24/7

POLITIKA-NE-ABC-NEWS-RAMA-BASHA-E-KOSOVA-1280x720.jpg
ent ela14:00 | 11/05/2019

Ende asnjë ndryshim në tensionin politik në Tiranë e megjithatë në mjedisin politik e mediatik pati hapësirë edhe për dialogun Kosovë Serbi. Politika në ABC News na sjell këtë javë këtë dimension interesant të javës politike që lamë pas. Detajet i sjell Mimoza Koçiu.

Një provë force po luhet nga aktorët politikë në vend, teksa të hënën e 13 majit skadon afati i fundit për regjistrim në zgjedhjet vendore të 30 qershorit, ai për kandidatët për kryetarë të bashkive e këshillat bashkiakë në 61 bashkitë e vendit. Në mungesë të një presioni për dialog, Km shfaqet komod me zgjedhjen e opozitës për të mos marrë pjesë në zgjedhje, ndërsa Basha vijoi turin e takimeve nëpër qytete, në përpjekje për të zgjeruar frymën e protestave ndaj Kryeministrit. E megjithatë në këtë panoramë shqetësuese, pati vend për veprime e deklarata për dialogun Kosovë-Serbi. Po çfarë ndodhi javën politike që lamë pas?

PD refuzoi zyrtarisht ftesën për të qenë pjesë e komisionit të posaçëm parlamentar të reformës zgjedhore, në pozicionin ekstraparlamentar të vëzhguesit vendimmarrës. Vendin e Oerd Bylykbashit e ka zënë Rudina Hajdari, e cila ka në krah si bashkëkryetar socialistin Damian Gjiknuri. Komisioni ka marrë mandat të ri, deri në 28 nëntor, dy javë pasi kishte marrë një afat mujor deri në 5 Maj. Tashmë ka në axhendë çështje të zgjedhjeve parlamentare, si ndryshimi i sistemit zgjedhor, një kërkesë e opozitës së re parlamentare, që nuk ka përfaqësim politik jashtë Kuvendit.

Socialistët në qeveri e kanë gati planin e punës, përmes akteve që do vijnë nga këshilli i ministrave.

Për të bekuar këtë proces, të pranishëm edhe ambasadorët kryesorë në vend, i pari ai që mbikëqyr zgjedhjet.

Spikati kujdesi i përfaqësueses më të lartë amerikane në Shqipëri për të qëndruar vetëm në pozitën e vëzhgueses.

Edhe vëmendja e Lulzim Bashës ishte tek ai Komision, që e kishte refuzuar zyrtarisht.

Nga ana tjetër KQZ vazhdon të mandatojë deputetë nga listat e PD-LSI, të cilët më pas betohen në kuvend. 3 mandate opozitare u dhanë një ditë para seancës plenare, por në momentin e betimit, njëri prej tyre bëri aktin befasues.

Po të mërkurën e seancës plenare, opozita e re në kuvend mori edhe postet e paraardhësve. (tabela) Kështu vendin e Edi Palokës si zvkryetar kuvendi e zuri Myslim Murrizi. Në vend të Genc Pollos në krye të Komisionit të Integrimit do jetë Rudina Hajdari. Fatjona Dhimitri zëvendëson Albana Vokshin në krye të komisionit të mediave. Enver Rroshi, Petrit Vasilin në krye të komisionit të shëndetësisë, Alban Zeneli zëvendëson Flamur Nokën si zv.kryetar tek siguria, sic e zëvendësoi edhe në Kukës, Halil Jakini zëvendëson Florion Mimën, si zvkryetar i komisionit të veprimtarive prodhuese, Korab Lita zëvendëson Enkelejd Alibeajn si nr. dy i komisionit të ligjeve dhe Ralf Gjoni zëvendëson Klajda Gjoshën si zvkryetar në komisionin e jashtëm.

Pa një emër mbeti posti i nr. 2 të komisionit të ekonomisë e financave që mbahej nga Jorida Tabaku. Situata ekonomike në vend është me sfida sipas FMN, që javën politike që lamë pas, parashikoi një ngadalësim të rritjes ekonomike në 2019, e identifikoi si rrezik borxhin publik.

Ish-nënkryetarja demokrate e komisionit të ekonomisë e theksoi këtë.

Edhe ekonomia do jetë pjesë e provimit të rëndësishëm që Shqipëria ka sërish këtë vit me BE. Raportet e progresit për vendet aspirante do publikohen nga Komisioni Europian pas zgjedhjeve për PE, më 29 Maj. Për të dytin vit radhazi Shqipëria e Maqedonia e Veriut presin hapjen e negociatave të anëtarësimit. Një vit më parë, nuk e pranuan rekomandimin e KE për hapjen e negociatave, por shtuan detyra për Maqedoninë e Shqipërinë. Kryeministri e ka të qartë si bëhet vendimmarrja, e apelin ua bën ambasadorëve të vendeve të BE në Tiranë, duke u sjellë si argument një pohim të fortë politik, se çfarë përfaqëson integrimi për klasën politike shqiptare.

Njëlloj si një vit më parë në të njëjtën periudhë, një delegacion deputetësh nga Holanda erdhën për t’u njohur me ecurinë e reformave në Shqipëri, të kërkuara për hapjen e negociatave. Vendi themelues i BE njihet si skeptik për reformat e Shqipërisë. Vetë deputetët refuzuan të preknin në Tiranë votimin e para pak javëve në parlamentin e tyre, për heqjen e vizave për Shqipërinë, por dhanë përgjigjen standard.

Por mes tensionit politik, i rritur edhe pas deklaratave për zgjedhje pa opozitën, spikati një zë ndërkombëtar, ambasadori i Britanisë në Shqipëri.

Por ky nuk duket problemi i Kryeministrit, që ka gjetur konsensus për hapjen e negociatave.

Si kurrë ndonjëherë, një numër 2 i KE, bëri për një vend aspirant, vlerësime konkrete, pa dalë raporti i institucionit të saj. Në krah të Kryeministrit Rama në Tiranë, Federica Mogherini shpalli vendimin e Komisionit e bashkë me Kryeministrin, kërkuan nga KE njohjen e arritjeve të Shqipërisë.

Interesant është se zv/kryetarja e KE vlerësimet pozitive për Shqipërinë i ndau me Kryeministrin e Presidentin më pas, ndërsa me opozitën komunikoi përmes foltores së qeverisë.

Tani që Mogherini është në fund të mandatit, Lulzim Basha i artikulon rezervat ndaj saj.

Arsyeja e deklaruar për shmangien e një takimi me shefin e opozitës, kur vendi pret raportin e KE, ishte se shefja e diplomacisë së BE kishte ardhur në Tiranë për samitin e Brdo Brijunit, ku siç njoftoi një javë më herët zëdhënësja e saj, pas Samitit të Berlinit, do fliste me Thaçin e Vuçiç për rifillimin e dialogut KS- Serbi. Por asnjë takim i tillë nuk u publikua. Mogherini qëndroi vetëm pjesën plenare të Samitit në Tiranë.

Në Sibiu të Rumanisë, vendit që ka kryesinë e radhës së BE, u mbajt samit informal i udhëheqësve të Unionit. Të gjithë përgatiten për zgjedhjet e dy javëve më vonë të PE, e për ndryshimin e konfigurimit politik në çdo institucion të BE. Synimi është angazhimi për të mbrojtur një Europë të bashkuar, përballë rritjes së fuqisë së udhëheqësve populistë në vendet e tyre. Merkel dhe Makron kishin kontaktuar një javë më herët me liderët e vendeve të BP, për pasojë për herë të parë vëmendja ishte e ulët për Samitin e Brdo Brijunit që mblidhej në Tiranë. Iniciativa e vitit 2010 e Kryeministrit të kohës të Sllovenisë e Kroacisë, për të forcuar bashkëpunimin si politik ashtu edhe ekonomik mes vendeve të Ballkanit Perëndimor ishte shoqëruar çdo vit me të ftuar të nivelit krejt të lartë.

Kështu, mysafir i Samitit të parë që u mbajt në Kranjë të Sllovenisë në korrik 2013 ishte presidenti francez i kohës, Francois Hollande.

Kancelarja Merkel ishte e pranishme në Samitin e dytë, në korrik të 2014 në Dubrovnik.

Në takimin e tretë të Brdo Brijunit, në Budva të Malit të Zi në 2015, mori pjesë presidenti i Austrisë Heinz Fischer.

Takimi i katërt ishte i jashtëzakonshëm, me fokus emergjencën e krizës së refugjatëve. Në Zagreb në nëntor 2015 me të pranishëm Presidentin e KE Donald Tusk, zv presidentin amerikan Joe Biden e presidentin austriak Heinz fisher.

Presidenti Italian Sergio Mattarella ishte i ftuari i samitit të 5 në maj 2016 në Sarajevë.

Në 2017, në Samitin e gjashtë, në BRDO të Sllovenisë, i pranishëm ishte presidenti gjerman Frank Ëalter Steinmeier.

Në takimin e 7 që u mbajt në Shkup prillin e 2018 mori pjesë presidenti i KE Donald Tusk.

Në takimin e 8 në Tiranë, i ftuar ishte presidenti i Polonisë dhe shefja e diplomacisë së BE që nuk qëndroi deri në fund. Nuk u pa një lëvizje drejt dialogut Kosovë-Serbi, por një ditë para ardhjes në Tiranë, Presidenti serb fliste për refuzim të idesë së rishikimit të kufijve me Kosovën e u thoshte vendeve të BE, se ai nuk do e njihte kurrë Kosovën.

A i referohej vallë Vuçiç, frenimit që erdhi për atë ide, nga Merkel në Berlin? Dy ditë më vonë, për rishikim kufijsh flisnin në Tiranë Hashim Thaçi e Edi Rama.

Një qëndrim që vinte krejt i kundërt me qasjen e Samitit të Berlinit, i iniciuar nga Merkel e Makron, rezervat për të cilin, Thaçi i artikuloi disa herë në Tiranë, së pari në seancën plenare më dyer të mbyllura të samitit të Brdo Brijunit ku po merrte pjesë.

Nga Prishtina, Kryeministri Haradinaj akuzonte 4 persona si pjesë e planit për ndarjen e Kosovës.

Thaçi vijon të mos i përgjigjet direkt, kurse Kryeministri i Shqipërisë nuk e kursen.

Por ishte Thaçi ai që mbrojti në mënyrë të përsëritur në Tiranë, edhe Mogherinin, edhe Ramën

Vetë Presidenti i Kosovës pranon se ka një ndarje brenda BE për idenë e rishikimit të kufijve e i kërkon BE atë unitet qëndrimesh, që vetë nuk e ka në Kosovë.

Mbetet mbresuese se si në situatën politike në Shqipëri, ka vend për debat e manovra edhe për dialogun Serbi-Kosovë. Dukshëm Presidenti Thaçi ka gjetur këtu interlokutorin që i mungon në Kosovë, ndërsa ka luksin të sulmojë fort në Tiranë, këdo që kundërshton idetë e tij.

Duket se shpresat janë tek Samiti i 1 korrikut, që mikpritet në Paris nga presidenti Makron, në përpjekje për të ulur në dialog Kosovën e Serbinë. Pas zgjedhjeve të 23-26 Majit për PE, balancat politike do jenë edhe më të qarta, por të paktën dy prej aktorëve kryesorë në Serbi e Kosovë, po vijojnë fort lobimin. Në mungesë të Mogherinit, Hashim Thaçi po artikulon idenë e përfshirjes së SHBA në procesin e dialogut, ndërsa Aleksandër Vuçiç ishte në Itali për të takuar zvkryeministrin Matteo Salvini, një nga zërat kritikë për mënyrën si funksionon BE.

Në Tiranë Lulzim Basha nuk po përfshihet prej kohësh në këtë debat, i zënë prej 9 javësh me aksionin e protestave, në përpjekje për të rritur mbështetjen qytetare përballë një dialogu të munguar me Ramën e mosangazhimit ndërkombëtar këtë herë, ndryshe nga një vit më parë. A do ndikojë konfigurimi i ri politik në BE për më shumë vëmendje ndaj Shqipërisë? Kjo mbetet për t’u parë, ndërsa vetë Basha artikulon më shpesh pritshmëritë e tij politike.

 

ramna-dhe-macron.jpg
G. P.21:24 | 04/05/2019

Samiti i Berlinit ishte zhvillimi gjeopolitik që testoi tensionin politik në Shqipëri. Kryeministri Rama mbajti një profil të ulët publik mbi atë samit që pati në fokus marrëdhënien Kosovës Serbi, si pjesë e shqetësimit Europian për të patur stabilitet në rajon. Në Tiranë, Lulzim Basha artikuloi për herë të parë kërkesën për shtyrje të zgjedhjeve, ndërsa presidenti Meta deklaroi se nuk mund të ketë zgjedhje me standarde pa opozitën. Vetë Kryeministri i ndjek jo pa vëmendje ato lëvizje.

Po çfarë ndodhi javën politike që lamë pas?

Angela Merkel dhe Emmanuel Macron mblodhën të hënën e 29 Prillit në Berlin udhëheqësit e Ballkanit Perëndimor, për një takim informal. Formati ishte ai i Procesit të Berlinit të Gushtit 2014, iniciativë e kancelares gjermane. Franca e Gjermania, pavarësisht ulje-ngritjeve ndër vite në marrëdhënien e tyre, njihen motori i ndërtimit të Europës.

Madje miqësia franko gjermane është një nocion i njohur diplomatik, i zhvilluar paralelisht me Bashkimin Europian. Në Janar të këtij viti Merkel e Macron nënshkruan një traktat bashkëpunimi, që u pa si një thellim i marrëveshjes historike të Elysee të vitit 1963 mes presidentit Charles de Gaulle dhe kancelarit Konrad Adenhauer, për ta kthyer bashkëpunimin franko-gjerman në një realitet të përditshëm.

Merkel e Makron kanë marrë përsipër rajonin tonë e në modelin e marrëveshjes së suksesshme mes Athinës e Shkupit, synojnë një të ngjashme mes Kosovës e Serbisë. Por në atë samit dy vende të rajonit, Shqipëria e Maqedonia e Veriut janë në pritje për të dytin vit radhazi dritën jeshile për hapjen e negociatave të antarësimit. Dukshëm ky nuk ishte prioriteti i dyshes franko-gjermane. Për Macron prioritet është stabiliteti në rajon, si çështje europiane.

Por Shqipëria e Maqedonia e Veriut kanë pritshmëri për hapjen e negociatave. Rama e Zaev patën secili takime kokë më kokë me kancelaren. Në një deklaratë të shkurtër e të kujdesshme, Km nuk pati asnjë referencë për qëndrimin e Merkel për Shqipërinë. Entuziazëm nga ai takim përcolli ministri i Jashtëm në Detyrë Gent Cakaj që foli për mbështetje absolute të Gjermanisë për hapjen e negociatave.

Kryeministri Zaev dukej më i pakënaquri për mungesën e një premtimi për hapje negociatash. Vendi i tij ndryshoi emrin për të arritur marrëveshjen me Greqinë, e cila u mor si model në Samitin e Berlinit për ngërçin mes Kosovës e Serbisë, por premtim nuk pati. Mediat raportuan se Zaev u kishte deklaruar interlokutorëve Merkel e Macron, se do jepte dorëheqjen nëse vendit të tij nuk i hapeshin negociatat e anëtarësimit në BE, edhe pse përmbushi kushtin që i ishte vënë për marrëveshje me Athinën. Mesazhi i Zaev për qytetarët e reflektonte këtë

Por dyshja franko-gjermane dukej kishte tjetër plan, normalizimin e marrëdhënies mes Kosovës e Serbisë, duke u ndalur së pari projektin që kishte tensionuar marrëdhënien: korrigjimin e kufijve e më pas në taksën për produktet serbe. Në konkluzionet e përbashkëta të samitit evidentohet rëndësia e një marrëveshje gjithpërfshirëse, sërish me ndërmjetësimin e BE, pavarësisht kërkesave nga pala e KS për përfshirje të SHBA.

Serbia dhe Kosova janë dakordësuar të çojnë përpara përpjekjet për të zbatuar marrëveshjet ekzistuese dhe të angazhohen sërish në mënyrë konstruktive për normalizimin e dialogut me ndërmjetësimin e BE, me qëllim arritjen e një marrëveshje gjithëpërfshirëse dhe përfundimtare. Mes konkluzioneve, edhe një detyrë që dukej enkas për Mogherinin si lehtësuese e dialogut Kosovë Serbi.

Një nga ata që ka humbur besimin dhe është përplasur me Mogherinin është Kryeministri Haradinaj, që nuk u shfaq në takimin që shefja e diplomacisë zhvilloi me delegacionet në Berlin. Nëse Serbia u paraqit me presidentin Vuçiç e Kryeministren Brnabiç, nga Kosova u shfaq vetëm presidenti e zv.kryeministri.

Një ditë pas samitit, KE njoftonte se në Berlin ishte konfirmuar roli i Mogherinit si ndërmjetëse, ndërsa qëndrimi i saj 2 muaj më herët dukej se ishte harruar. Pas samitit të Berlinit, flitet për dialog, por jo kushte.

Spikati pas këtij Samiti një ndryshim në qëndrim edhe nga Presidenti Thaçi. Me të mbërritur në aeroportin e Prishtinës tha se vendosja e taksës ishte e drejtë, ndërsa Serbia nuk duhej të vinte kushte.

Por palët shqiptare nuk kishin qenë unison në Berlin. Haradinaj arriti një fitore jo të vogël me kundërshtinë e tij ndaj idesë së ndryshimit të kufijve dhe vënien në pikëpyetje të taksës serbe. I dha peshë akteve të veta duke akuzuar publikisht Presidentin Thaçi e Rama për presion në samit për heqjen e taksës.

Nëse Thaçi nuk reagoi, Rama u përgjigj një ditë më vonë. Përmes një statusi të gjatë në rrjetet sociale me titull, e vërteta ime me shumë dëshmitarë, thuhej se Haradinaj po gënjente për përfitim politik.

Por pas këtij mohimi, vinte pohimi se i tiji kishte qenë një sugjerim, që Haradinaj të pranonte propozimin Merkel Makron për pezullim të përkohshëm të taksës, në mënyrë që të mbështesnin njohjen e plotë ndërkombëtarisht të Kosovës.

Ndërsa Lulzim Basha lexonte qëndrimin e Merkel e Macron, si një tjetër “jo” për hapjen e negociatave me Shqipërinë. I qartë se hapja e negociatave ka ndjeshmëri publike, Km publikoi në rrjetet sociale dy takime që i vlerësoi si pozitive për këtë proces: me Kryetaren e socialdemokratëve gjermanë, Andrea Nahles dhe nënkryetarin e Grupit Parlamentar të CDU/CSU, Johann Ëadephul.

Nënkryetari i grupit parlamentar të kancelarës, u pyet nga DW për situatën në Shqipëri e djegien e mandateve nga opozita.  Spikati në përgjigje kujdesi në koment për PD, partinë simotër në PPE. Zyrtari i lartë i grupit parlamentar të Merkel megjithatë, nuk dukej gati për një premtim për hapje negociatash

Në ditën e fundit të afatit ligjor për Koalicionet, në KQZ u regjistrua koalicioni i majtë i udhëhequr nga PS me emrin e njohur Aleanca për Shqipërinë Europiane, si dhe një koalicion i djathtë me një grup partish të vogla, me emrin “Shpresa për ndryshim”. 13 maji është afati për regjistrimin e kandidatëve, e atë ditë socialistët do zyrtarizojnë kandidatët për 61 bashkitë.

Të paktën publikisht palët duken ekstremisht larg: Kryeministri që përgatitet për zgjedhje e opozita që përgatitet për protestë të shtunën e 11 Majit para selisë së qeverisë dhe bojkot zgjedhor.

Sytë mbeten nga presidenti i Republikës. A do arrijë Ilir Meta të ulë palët në tryezë, e a do e ndërmarrë aktin e shtyrjes së zgjedhjeve, ndërsa afatet për 30 qershorin e dekretuar prej tij po skadojnë njëri pas tjetrit për opozitën?/ABC News Albania 24/7

meta-rama-1280x636.jpg
Sej rie13:15 | 27/04/2019

Opozita zyrtarizoi vendimin për të mos hyrë në zgjedhjet e 30 Qershorit, teksa një parti e re u krijua nga të larguarit prej Partisë Demokratike. Këto zhvillime tërhoqën debatin publik, por më në hije, nisi një lëvizje e partive aleate të Lulzim Bashës për të aktivizuar presidentin e Republikës me konsensus të ndërkombëtarëve në Tiranë. Mimoza Koçiu na sjell këtë dinamikë me Politika në ABC News./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono