Politika në ABC

rama-politika.png
R D17:43 | 25/01/2020

Një video e kryebashkiakut socialist të Bulqizës, Lefter Alla duke konsumuar kokainë, prishi komoditetin publik të Kryeministrit Rama, pas një marrëveshje surprizë me Lulzim Bashën për të realizuar reformën zgjedhore. Ky denoncim i ri, provoi edhe një herë standardin e dyfishtë të Kryeministrit për rastet e të zgjedhurve të tij. Megjithatë viti politik ka nisur pa tensione e të gjithë aktorët relevantë duken të qetë.

Video e publikuar në Abcnews nga gazetari investigativ Artan Hoxha, e coi në 6 numrin e kryebashkiakëve socialistë, që po kthehen në kokëcarje për Edi Ramën. Pamjete një kamere sigurie shfaqin kryebashkiakun e Bulqizës Lefter Alla, teksa konsumon kokainë, krejt natyrshëm në një ambient public. Po javën politike që lamë pas, një tjetër kryebashkiak socialist, ai i Matit, u denoncua nga PD për shkelje të ligjit për dekriminalizimin. Heshtja e Ramës, e amplifikoi reagimin publik, duke bërë që Lulzim Basha të dilte të paktën përkohësisht nga shënjestra publike, për shkak të marrëveshjes surprizë me Ramën për reformën zgjedhore.

– Po çfarë ndodhi javën politike që lamë pas?

Përgjigjet i gjejmë në emisionin e plotë “Politika në Abcnews”, përgatitur nga Mimoza Koçiu

0f0dc509-3656-4424-b723-11ca509a2047.jpg
Autor E14:49 | 11/01/2020

Gjatë vitit 2019, politikanët me apo pa dashje na kanë bërë të qeshim, jo vetëm me batutat, por edhe cilësinë e mendimit të tyre.

Një përmbledhje të këtyre deklaratave sjell me materialin e pergatitur Mimoza Kociu.

Këtu nuk mungojnë batutat e Metës për gjyqtarët e Gjykatës Kushtetuese, as edhe thumbimet e Myslym Murrizit ndaj Ulsi Manjës, ndërsa spikasin Rudina Hajdari, vetë Edi Rama dhe mbi të gjithë Sprtak Ngjela.

ramapolitika.jpg
Autor E16:56 | 28/12/2019

Mimoza Koçiu-Politika në ABC News

Iniciativa e Shengenit Ballkanik po rezulton një prioritet për kryeministrin Rama në mbyllje të një viti politik, që pati si pati si shenjë krizën politike e institucionale.

Gjuha fyese ndaj kryeministrit në detyrë të Kosovës dhe ngërci politik në Tiranë me kreun e opozitës e presidentin, duket panorama aspak optimiste, që e pret vendin në vitin 2020.

“Zoti Haradinaj është një gënjeshtar që ka gënjyer përsëri. Gënjen nga padia apo gënjen qëllimisht, unë këtë nuk kam arritur ta zbuloj dhe nuk kam ndërmend të merrem me këtë zbulim, por është gënjeshtar”, tha kryeministri Rama pak ditë më parë.

Për herë të parë një kryeministër i Shqipërisë nuk kursehet publikisht ndaj homologut të Kosovës, me shkak iniciativën rajonale, që njihet si mini-shengeni ballkanik, për të cilën e ka gjetur gjuhën me Serbinë.

Investimi personal i kryeminstrit për këtë iniciativë, duket një luks politik, në kushtet kur me kërkesë të tij, zgjati edhe me 3 muaj të tjerë gjendjen e fatkeqësisë natyrore për shkak të tërmetit tragjik të 26 nëntorit, që shkaktoi 51 viktima.

 

Një muaj pas tërmetit nuk ka një faturë të dëmeve, apo parashikim të shifrës, që pritet të vijë si ndihmë nga brenda apo jashtë vendit. Viti politik i Edi Ramës u mbyll sic filloi, me opozitën jashtë institucioneve, e pa dialog me të, si dhe një konflikt me Presidentin, i pasuar me një iniciativë parlamentare për ta shkarkuar.

Përse vallë ky investim i dedikuar i kryeministrit në mbyllje të 2019-ës?

Me komoditetin e numrave në Parlament, Edi Rama KM e shtyu edhe me tre muaj gjendjen e fatkeqësisë natyrore, për shkak të tërmetit me magnitudë 6.4 me epiqendër Durrësin, e që prodhoi bilancin tragjik me 51 viktima.

Nuk pati të njëjtin vullnet për të shtyrë samitin e minishengenit, që i takonte të mikpriste në Tiranë.

I nisur si një treshe Serbi-Shqipëri-Maqedoni e Veriut në Novi Sad më 10 Tetor 2019, grupit iu shtua në takimin e Ohrit (9 nentor), Kryetari i Këshillit të Ministrave të Bosnje Hercegovinës, që tha se vendit të tij nuk i interesonte ajo iniciativë dhe ministrja e Ekonomisë të Malit të Zi, që njëlloj shprehu rezerva në emër të qeverisë së vendit të saj.

Mundësia e dështimit, duket se dominoi mbi situatën ku ndodhej Shqipëria dhe Edi Rama e mikpriti në Tiranë takimin e rradhës, që pati vetëm efektin vizual të shfaqjes së KM të Malit të Zi.

Sërish mungoi Kosova e këtë herë edhe BH, por për Kosovën ishin tiradat e KM të Shqipërisë, më ashpër se në dy samitet e mëparshme.

“Për mua refuzimi i përsëritur i autoriteteve të Kosovës për të marrë pjesë në këtë tryezë është i pakuptueshëm dhe përveçse që është i pakuptueshëm, mendoj që është i dëmshëm për vetë Kosovën. Ne jemi këtu për të ndërtuar urën midis të shkuarës dhe të ardhmes, midis një të shkuare që na ndan dhe një të ardhmeje që na bashkon.

Do të ishte vërtetë për t’u konsideruar e papranueshme nëse mungesa këtu e Kosovës do të ishte rezultat i ndonjë kushti vendosur nga Serbia. Nuk ka asnjë kusht. E nuk ka asnjë lloj klauzole përjashtuese për asnjë nga marrëveshjet që ne biem dakord.

Pra, nëse ne biem dakord me Serbinë, biem dakord me Malin e Zi, biem dakord me Maqedoninë e Veriut për të bërë liberalizim në çdo aspekt, atëherë ma thoni çfarë fiton Kosova duke mos ardhur? Ne po ndërtojmë një urë mes të shkuarës dhe të ardhmes. E shkuara na ndan, e ardhmja na bashkon, e në të tashmen ne duhet të kemi kurajën t’ia themi sy në sy njeri-tjetrit atë që mendojmë për të shkuarën, por duhet të kemi po ashtu kurajën që sy më sy të bashkëpunojmë për të ardhmen”, u shpreh Rama.

Ky takim nuk pati nënshkrime marrëveshjesh. PlanetVucic-Rama-Zaev, që takimin e rradhës ta mikpriste Serbia, ishin bërë pa Gjukanovicin, që dukej një ardhje shpëtimtare në momentet e fundit.

“Dëshiroj të them gjithashtu se Kryeministri Rama gjatë pjesës së punës së takimeve që patëm sot, përmendi mundësinë që Mali i ZI mund të organizojë takimin tjetër të kësaj iniciative dhe unë dua të konfirmoj se jemi absolutisht të gatshëm të jemi mikpritësit e një iniciative të tillë…”, u shpreh Milo Gjukanoviç, presidenti i Malit të Zi.

“Për mua është njësoj, në Beograd apo Podgoricë, si të biem darkod, por besoj që ka rëndësi të jashtëzakonshme për të gjithë rajonin sepse kjo nënkupton që ne do të vijojmë të ndërtojmë, do të kemi gjithashtu dhe funksion 24 orë në 7 ditë të javës të pikave kufitare të doganës, gjithashtu do të lehtësojmë procedurat…Gjithashtu, do të nënshkruajmë këtë marrëveshje qoftë në mënyrë dypalëshe me Shqipërinë”, u shpreh ndërkohë Aleksandër Vuçiç.

Ndërkohë Zaev tha: Takimi tjetër siç thashë planifikohet të zhvillohet në Beograd. Zoti Vučić  do të përcaktojë datën e saktë  dhe unë pres dhe jam dakord siç tha dhe Presidenti Đukanović, që takimi tjetër të zhvillohet në Podgoricë. Ne do të jemi të gëzuar që ta vazhdojmë pastaj në Sarajevë, Prishtinë, dhe në maj kur të përfundojmë zgjedhjet në Maqedoninë e Veriut  do të kemi mundësi t’ju mirëpresim.

Edhe për shkak të Kosovës, vëmendja mbeti tek Rama e Vuçiç.

“Kush mund të thotë se lëvizja e lirë e njerëzve, lëvizja e lirë e mallrave, heqja e kaq shumë barrierave dhe procedurave, lehtësimi maksimal i dokumentacionit mund të mos sjellë zhvillim për ekonominë, për biznesin, për mirëqenien e vendit të vet? Këtë mund ta thonë vetëm ata që nuk duan të shikojnë realitetin dhe që jetojnë jashtë realitetit”, vijoi Rama duke u pasuar nga Vuçici: U zemërova pak më parë me mikun tonë Edi, sepse gjithë kohën duket sikur mbrohet. Përse duhet të mbrohemi? Nga çfarë duhet të mbrohemi? Që po përpiqemi të bëjmë gjërat më të mira për vendet tona?

Cfarë iniciuesit e kësaj iniciative rajonale, nuk thonë është se të katër vendet pjesëmarrëse në takimin e Tiranës, si dhe dy të ftuarit Kosova e Bosnjë Hercegovina janë pjesë e CEFTAs, marrëveshja e tregtisë së lirë e Europës Qendrore, bashkë me Moldavinë.

Prej 2006 ajo marrëveshje ka ndihmuar të paktën tre vende, Bullgarinë, Rumaninë e Kroacinë në procesin e antarësimit në BE. Shqipëria sapo mbylli presidencën 1 vjecare të CEFTA-s, të cilën Rama nuk e përmend dhe stafetën do e marrë BH. Para Shqipërisë, Presidencën e kishte Kosova e para saj Serbia.

I paqartë insistimi për të krijuar një iniciativë të re ekonomike, kur ekzistuesja prej 13 vitesh ka bilanc suksesi, të paktën 3 vende të antarësuara në BE, dhe ata që kanë mbetur, përvec Moldavisë, janë të njëjtat vende, që pretendohet të grupohen në një Minishengen.

Në mbyllje të presidencës së Shqipërisë të CEFTAs, Komisioni Europian nënshkroi 10 milionë euro grante të BE për nxitjen e mëtejshme të integrimit ekonomik rajonal mes këtyre vendeve në kuadër pikërisht të kësaj iniciative. Ndërsa Minishengeni me të njëjtat vende ende po përpiqet të gjejë dakordësi në rajon.

“Më thoni një gjë të vetme në të gjithë këtë përpjekje me të cilën Kosova nuk ka qenë dakord? Një. Me të gjitha ka qenë dakord. Procesi i Berlinit, Kosova ka qenë në tryezë. Ka qenë dakord me të gjitha. CEFTA, Kosova në tryezë. Dakord me të gjitha… I kemi të gjitha forcat për ta kthyer në realitetin e njerëzve në realitetin e përgjithshëm të qytetarëve, në realitetin e përgjithshëm të sipërmarrjeve, atë që ka qenë në mënyrë të përsëritur e dakordësuar në Procesin e Berlinit, në kuadër të CEFTA-s, apo edhe të nismave e të tryezave të tjera”, u shoreh Rama.

Si Rama, ashtu edhe Vucic e Zaev, e dinë mirë se prania ndërkombëtare në takimet e tyre, nuk është garanci për mbështetje të paktën financiare, nëse vendet e rajonit nuk bëhen së bashku, si në rastin e CEFTAs apo edhe të procesit të Berlinit.

Nervozizmi është më i lexueshëm tek kryeministri i Shqipërisë, që ka theksuar qëndrimet absolutiste, pas tërmetit të 29 Nëntorit, e nga ai Samit foli në emër të vendeve të BE e SHBA, si në shifra, ashtu edhe në qëndrime politike.

“Më vjen mirë ta theksoj që Komisioni bëhet gati për të dedikuar qysh në vitin e ardhshëm 1.2 miliard euro për vendet tona të këtij rajoni, në funksion të zbatimit të marrëveshjeve… Nuk jam 99%, jam 100% me të drejtën sepse po të mos isha me të drejtën, të paktën një vend, një nga vendet mike, do të thotë “jo nuk është ide e mirë”. Ndërkohë që SHBA-të e mbështesin këtë 100% dhe janë të trishtuara për faktin që Kosova refuzon të marrë pjesë. Bashkimi Europian, Gjermania, Franca, që të gjithë”, theksoi ai.

Edhe në afatet e përfitimeve të anëtarëve të këtij MiniShengeni, sërish konstatimet e KM shkojnë drejt absolutizmit, krejt ndryshe nga presidenti serb.

“Unë jam i bindur që në fund të vitit 2020, shifrat e ekonomive tona, të vendeve që janë këtu në këtë tryezë dhe uroj shumë edhe të Kosovës, edhe të Bosnjës që mungojnë këtu për arsye të mosarsyes politike, do flasin vetë”, vijoi më tej kryeministri.

Ndërkhë, Vuçiç u shpreh: “Kjo gjë nuk do të finalizohet në tre muaj. Njerëzit nuk do t’i shikojnë përfitimet në tre muaj, por kujtoni këtë që po them. Shikoni rritjen e këtyre tre vendeve, apo 4 apo 5 apo sado vendeve, mbas 3 viteve”.

Ndryshe nga Edi Rama i investuar në kritika ndaj Kosovës, Aleksandër Vucic duket i i fokusuar tek takimi i rradhës që e mikpret vetë në Serbi, e që e quan hstorik, teksa informon gazetarët që e shoqërojnë në Tiranë.

“Mendoj se ky do te jete nje takim historik ne çdo kuptim per ato qe do përfundojmë deri atehere. Kemi arritur marreveshje konkrete per shume gjera. Para vitit te ri ne do kemi nje vendim qe njerezit tane te hyjne ne Shqiperi vetem me karte identiteti dhe njerezit nga Shqiperia mund te hyjne ne Serbi vetem me karte identiteti, nenkuptohet edhe hyrja në Maqedoninë e Veriut dhe nga Maqedonia e Veriut ne Serbi”, tha ai.

Arsyet e dakordësimit me këtë nismë, duken të ndryshme, mes Vucic e Ramës. Presidenti serb e ka të lidhur me BE.

“Ne jemi në rrugën tonë europiane. Kanë kaluar 6 vite që kur kemi hapur bisedimet e pranimit. I falënderoj të gjithë për atë që kanë bërë, por ne varemi e duhet të varemi pikë së pari, t’i lutemi Zotit e pastaj duhet t’i lutemi atyre që të na hapin 2-3 kapituj? Jo nuk dua të poshtëroj, as veten time, as popullin tim.

Unë i them popullit, ne po e bëjmë punën tonë dhe ju si popull na thoni nëse po e bëjmë mirë apo jo punën tonë, vlerësojeni si të doni ju, por kjo nuk varet më nga ne, varet nga populli e nga rrethanat e tyre të brendshme e unë këtë e them hapur, nuk e fsheh nga askush. Mënyra se si ne organizojmë rajonin tonë, varet nga ne dhe jo nga fuqitë e mëdha, nga askush tjetër.
Ndërsa Km i Shqipërisë duket se po kërkon një rol gjeopolitik, që aktorë më të fuqishëm e kanë në dorë”, tha Vuçiç.

Rama ndërkohë tha se ai ia ka arritur të ulë në tavolinë Kosovën dhe Serbinë pa kushte.

“Unë e kam arritur atë që të tjerët nuk e kanë arritur dot as me thirrje, as me deklarata, që Serbia të vijë në tavolinë pa kushte për Kosovën, pra që Serbia të pranojë atë që deri dje dukej e paimagjinueshme, që Kosova dhe Shqipëria të hapin kufirin dhe që mes Kosovës dhe Shqipërisë të ketë lëvizje të lirë…për ta kuptuar këtë, Unë jam në këtë detyrë pikërisht sepse shoh më larg sesa ju, se po të mos shihja më larg sesa ju, do isha duke i bërë pyetje atij që sheh më larg.

Të udhëheqësh nuk do të thotë t’u shkosh pas atyre që të ndjekin, por do të thotë t’i drejtosh.

A po përpiqet Km të bëjë një rol që nuk ia ka kërkuar njeri, pa një interlokutor të paktën publik në Prishtinë, teksa Serbia dukshëm sheh përtej Kosovës?”, u shpreh kryeministri.

“Kam përshtypjen që një propozim që do të shohim dhe në takimet e tjera do të jetë dhe përafrimi i shumë rregulloreve në mënyrë që të bëjmë sa më shumë të jetë e mundur një treg unik të 11 apo 12 milionë qytetarëve që është më i madh, që është më i mirë për të gjithë, për ne dhe për më gjerë, për BE. Kjo është diçka, shumë e rëndësishme për ne që jemi vende të vogla me pak banorë”, tha Rama.

Kjo qasje e Vuçiç lexohet si ambicje e Serbisë, për të rikthyer një realitet të kaluar.

E evidentoi Lulzim Basha, që e konsideron të pasinqertë deklarimin properëndimor të Serbisë.

“Po kaq shqetësues është fakti se kjo nisëm u propozua pas refuzimit të BE për hapjen e negocitave me Shqipërinë dhe me Maqedoninë e Veriut, sepse lë përshtypjen e krijimit të një blloku të ri ekonomik dhe politik si alternativë apo sfidë ndaj Bashkimit Europian.

Në tetor të këtij viti, Serbia nënshkroi në Moskë një marrëveshje të tregtisë së lirë me Bashkimin Ekonomik Euroazian të dominuar nga Rusia pavarësisht paralajmërimeve nga Brukseli se kjo marrëveshje nuk përputhet me kriteret e integrimit europian. BE vendosi sanksione ndaj Rusisë në vitin 2014 mirëpo Serbia, megjithëse vend kandidat, refuzoi ti vendoste.

Pavarësisht retorikës pro-perëndimore, gjatë viteve të fundit Serbia ka thelluar bashkëpunimin ushtarak me Rusinë duke ndërmarrë manovra të përbashkëta dhe bërë blerje masive armatimi.

Të gjitha këto veprime të Serbisë hedhin hije dyshimi mbi orientimin gjeopolitik të një blloku të ri shtetesh ballkanike ku shteti më i fuqishëm që shërben si lokomotivë e kësaj nisme, flirton haptazi me Rusinë dhe nuk e ka të sinqertë orientimin drejt perëndimit”, u shpreh kryedemokrati.

Padyshim që këto lloj konkludimesh, nuk i lehtëson aspak gjuha e papërmbajtur e kryeministri Rama, si përgjigje ndaj homologut Ramush Haradinaj, që ishte shprehur se përpjekjet për minishengen e reciprocitet po bëhen për të hequr taksën nga produkteve serbe

“Krejt kjo bëhet në një farë mënyre me na hek taksën. Pra është një bypass për me heq taksën. Krejt Minishengeni një qëllim e ka, një sukses vetëm nëse kishte mujt me heq taksën. Prandaj edhe nervozizmat që i kanë ditët e fundit, vijnë pikërisht se po i bindin këto zhvillime”, tha Haradinaj.

“Zoti Haradinaj është një gënjeshtar që ka gënjyer përsëri. Gënjen nga padia apo gënjen qëllimisht, unë këtë nuk kam arritur ta zbuloj dhe nuk kam ndërmend të merrem me këtë zbulim, por është gënjeshtar sepse e vërteta është që këtu nuk ka asnjë kusht e asnjë detyrim, pra, e përsëris, kjo nismë ka thjeshtë dhe vetëm një qëllim. Të zbatojë marrëveshjet e bëra më parë mes të gjitha vendeve”, iu përgjigj Rama atij.

Edi Rama nuk arriti të artikulohej para gazetarëve, i pyetur për deklaratën mohuese të presidentit Vucic, për masakrën e Recakut, e kundërshtuar nga Haradinaj.

Nuk është dakord me deklaratën e Presidentit serb që e quan masakrën e Reçakut si një trillim, apo jo zoti Kryeministër?
Kryeministri Edi Rama: Me atë nuk jam dakord as unë.

-Po ju jeni përkrah tij…?

Kryeministri Edi Rama: Me atë nuk jam dakord as unë. Atë e kam dënuar publikisht, por unë nuk di në historinë e njerëzimit ndonjë rast kur konfliktet pas luftës janë zgjidhur pa u ulur përballë, ose në krah dhe pa vazhduar me këmbëngulje përpjekjet për dialog.

Për kreun e opozitës Lulzim Basha, ajo deklaratë, duhej të përbënte shkak për anullimin e takimit të minishengenit në Shqipëri.

“I ashtuquajturi samiti i minishengenit ndodhi në Durrës vetëm pak ditë pasi Serbia mohoi masakrën e Reçakut, në vijim të përpjekjeve për të revizionuar historinë e krimit të saj shtetëror. Kjo fyerje për Kosovën dhe mbarë kombin shqiptar do duhej të ishte mjaftueshëm argument për të mos ta mbajtur atë aktivitet deri në kërkesën e ndjesës nga Serbia.

Ndihem i turpëruar që qeveria e Shqipërisë nuk demonstron empati dhe përgjegjësi për plagët e pambyllura të Kosovës, pikërisht në këtë periudhë kur populli i saj u ngrit i gjithi në këmbë e me zemër të hapur në solidaritet për të ndihmuar, si e me sa të mundeshin familjet e prekura nga tërmeti”, u shpreh Basha.

Si kurrë më parë, Shqipëria e Kosova nuk kanë njohur një përplasje kaq të fortë politike mes dy kryeministrash, sa në pjesën e dytë të 2019-ës.

Imazhet e mbledhjes së parë mes dy qeverive të kryesuara nga Rama e Haradinaj, në janar 2014 Prizren, duken tejet të largëta. Njëlloj edhe 4 takimet pasuese me rotacion, në Shqipëri e Kosovë. (23 mars 2015 Tiranë-Mustafa, 3 qershor 2016 Prishtinë-Mustafa, 27 nëntor 2017 Korcë-Haradinaj, 26 nëntor 2018 në Pejë-Haradinaj) Në ato mbledhje, përvec marrëveshjeve që mbetën kryesisht në letër, u pa gradualisht mungesa e kimisë së Edi Ramës me pasardhësit e Hashim Thacit, Isa Mustafën e LDK apo Ramush Haradinajn e AAK.

Tensioni me Haradinajn arriti pikën sa të mos pranonin uljen në të njëjtën tryezë. Për pasojë, mbledhja e 6 mes dy qeverive, e mbajtur në Tiranë në 20 Maj 2019, u drejtua nga zëvendësit e tyre.

Të dy janë përplasur publikisht për tarifën e rrugës së Kombit, kur Haradinajt nuk i konsiderohej kërkesa për heqjen e saj për shtetasit e Kosovës.

Por ishte vendosja e taksës ndaj produkteve serbe, që për një moment pati mbështetjen e Ramës, e më pas u kthye në përplasjen e re me Ramush Haradinajn, deri në Samitin e Berlinit, të ftuar nga Merkel e Makron, së bashku me Vucic. Pikërisht ato dy qëndrime për tarifën në rrugën e Kombit dhe taksën serbe, i kujtoi Haradinaj-Ramës, në përgjigje të epiteteve publike për Minishengenin.

“Me dhimben shqiptarët e Shqipërisë, vëllezërit e motrat e jugut, sepse ne kur i kemi vendosur taksë Serbisë është dashur që Shqipëria ta fitojë tregun në Kosovë. Kur Kosova iu hoq si treg Serbisë, në vend se Shqipëria ta marrë këtë treg, shqiptarët mes vete kanë vendosur taksë në rrugë, e cila është 42 euro për kamion e 5 euro për makinë. Pra, ne kemi vendosur bllokadë që mos me u lidh këto ekonomi”, tha Haradinaj.

Por Rama po i mban sytë tek një tjetër politikan i majtë në Kosovë, Albi Kurti, kur të arrijë të formojë qeverinë e të marrë mandatin si KM. Lideri i VV nuk e ka refuzuar pjesëmarrjen në takimin e Minishengenit Ballkanik, por ka thënë se kryeministri shqiptar do të duhej të priste krijimin e qeverisë së re të Kosovës, për të ecur përpara me këtë projekt.

“Kur të krijohet qeveria e re e Kosovës dhe të ulemi në tryezë për të vijuar bashkëpunimin, tash po e shihni vetë çka sot po ju’a shpjegoj e rishpjegoj më kot. Dhe kur Kosova, herët a vonë, të ulet nesër njësoj si Shqipëria në atë tryezë, se s’ka kah shkon tjetër përveçse nga e ardhmja, bashkë me Shqipërinë, tash e shohim kush ka të drejtë, unë apo ju”, u shpreh kryeministri.

Duket e vështirë të gjesh në Prishtinë, mes qytetarësh rastësorë, ndonjë mbështetës të minishengenit.

Nga ana e tij presidenti Vuçiç, dukshëm po përpiqet të krijojë një profil të ri të Serbisë në raport me Shqipërinë. Pas vizitave në Durrës, në zonat e prekura nga tërmeti, Vucic bëri premtimin për ndihmë të konsiderueshme.

“Qeveria e Serbisë do të marrë një vendim të hënën për të ndihmuar me një ndihmë domethënëse parash, dhe besoj që do të jemi një nga dy apo 4 donatorët më të mëdhej një të ndihmuar njerëzit në Durrës e Thumanë e zona të tjera në Shqipëri”, tha Vuçiç.

Një javë pas atij premtimi, ende nuk ka dicka konkrete. Në shenjimin e një mujorit të tërmetit më 26 dhjetor, heshtja e qeverisë Rama ishte elokuente.

ABC News konstatoi se situata në Durrës, Thumanë e Laç, zonat më të prekura, nuk kishte ndryshim. Në kushtet e mungesës së një fature të dëmeve nga tërmeti, ka ende banorë në cadra e në nevojë, ndërsa ata të strehuar nëpër hotele, do duhet të largohen prej aty.

“Sikur asnjë kokërr leku të mos vijë nga bota ne do ta përballojmë të gjithën sepse është detyra jonë ta përballojmë dhe jemi më të zgjuar, më të zotë dhe më ta aftë se ju dhe ata që ju kanë hapur vendin këtu”, deklaroi Rama në 14 dhjetor në Parlament.

Por kalimi nga fjalët tek veprat nuk është i lehtë, as për KM. 9 ditë më vonë, përmes një videomesazhi, Edi Rama bënte të ditur se po priste konferencën e donatorëve

“Brenda vitit te ri 2020 do jenë rindërtuar shtëpitë e shkatërruara në fshat. Brenda qershorit 2021 ata që kanë humbur shtëpinë në qytete. Konferenca e donatorëve do mbahet në Tiranë në fund të janarit apo fillim të shkurtit. Juve ju lutem që të keni besim dhe mundësisht sa më shumë durim. Ne së bashku do bëjmë histori”, vijoi kreu i qeverisë.

12 ditë më vonë, në shenjimin e 1 mujorit të tërmetit të 26 Nëntorit me epiqendër Durrësin, Km duket i heshtur. Në ERTV në e tij u shfaq në një shtëpi të ndërtuar në Petrelë të Tiranës.

Dy video të tjerë të ditës janë nga puna e drejtorive sociale që ndihmojnë me ushqim dhe kujdesi shëndetësor për familjet e strehuar në një hotel në Shëngjin.

Lulzim Basha e akuzoi për papërgjegjshmëri

“Zgjidhja e krizës politike dhe ndërtimi i një qeverie të përgjegjshme jane prioritet per vendin.
Por vetë Edi Rama po sheh përtej situatës së tërmetit. Po përgatitet për mandatin e tretë qeverisës”, u shpreh kryedemokrati.

Në përgjithësi, unë besoj se, ky proces na ka dhënë atë që kemi pritur, na ka dhënë një energji të re, na ka dhënë një ripërtëritje të domosdoshme në një fazë të ndërmjetme, pasi, edhe pse zgjedhjet duken larg, ato janë nesër praktikisht, sepse qershori i vitit 2021 është shumë afër politikisht”, u shpreh ndërkohë kryeministri.

Opozita jashtë institucioneve e mungesa prej një viti e dialogut politik, nuk duket se e shqetëson.

“Unë mendoj që vendi nuk ka vakum për arsye sepse Kuvendi funksionon, procesi legjislativ ecën, ne reformat po i çojmë përpara. …Sigurisht që do ishte mirë PD të ishte në parlament. Ka marrë vendimin e vet të ikë. Është një vendim që tregon se ka dëmtuar rëndë vetë PD.

Padyshim që nuk e ka bërë më të mirë jetën politike të vendit, por nuk është se e ka cënuar në pikën e mosfunksionimit kështu që gjërat funksionojnë, mund të funksiononin më mirë padiskutim në këtë aspekt, por gjithmonë nuk ka diskutim që ne jemi të gatshëm të ulemi në tryezë, ne jemi të gatshëm të diskutojmë, ne jemi të gatshëm të dëgjojmë, të mbajmë shënim, të reflektojmë kur shohim që ka ide dhe sugjerime pozitive, por ne jemi të votuar e të dënuar të udhëheqim, nuk jemi këtu për të ndjekur të tjerët, as për të pritur që dikush të zgjohet nga gjumi apo të përfundojë atë shtriqjen përpara se sa të vijë në punë”, vijoi kryeministri Rama.

Në ditët e fundit të vitit Lulzim Basha po planifikon t’i rikthehet aksionit opozitar në Janar. Grupi i tij i ekspertëve zgjedhorë po përfundon amendamentet për reformën zgjedhore, që do publikohen në muajin e parë të 2020-ës.

Me përmbylljen e reformës zgjedhore, opozita duket gati për zgjedhje, edhe pse nuk ka komunikim me kryeministrin.

“Pas festave ne do te prezantojne para qytetareve propozimet tona per reformen zgjedhore, dhe kerkojme qe brenda muajit janar te miratohet reforma dhe ti hapet rruge zgjedhjeve vendore dhe te pergjithshme sa me shpejt, pasi kjo qeveria po e thellon krizen ekonomike, politike dhe shoqerore.

Ne fillim te janarit do te jene gati. Do te behet prezantim publik dhe njehere do ti behen te ditura te gjitha strukturave te PD dhe qytetareve. Pas prezantimit, keto propozime do ti nenshtrohen nje konsultimi te gjere per te marre mendimin e anetarsise dhe qytetareve edhe persa i perket aspekteve te tjera te reformes sic eshte sistemi zgjedhor”, tha kryedemokrati.

Mbetet domethënës impenjimi i posacëm i kryeministrit Rama për një iniciativë rajonale, duke patur një situatë të vështirë në vend, si pasojë e tërmetit tragjik të 26 nëntorit.

Mbresëlënëse se si ka arritur të gjejë gjuhën me Serbinë, por jo me Kosovën, e as opozitën në Tiranë të paktën prej një viti.

Natyrisht që mbetet për t’u parë se cfarë produkti do sjellë ky prioritizim i ri i KM, në raport me vendin e 2020-a, mund të jetë sërish viti i basteve të mëdha. /abcnews.al

rama-15.jpg
in a21:09 | 21/12/2019

Politika në “ABC News” sjell këtë javë debatin për paketën anti-shpifje, që u finalizua me votim në Kuvend, pavarësisht reagimeve kombëtare e ndërkombëtare. Mimoza Koçiu  sjell këtë dinamikë me argumentimet dezinformimuese të kryeministrit Rama, në mbrojtje të iniciativës së tij për rregullimin shtetëror të mediave.

“Duan, s’duan ata, ky ligj do kalojë sot” deklaroi Rama.

“Qartësisht nuk e ke haberin fare të ligjit që ne sot do ta miratojmë, me gjithë keqardhjen që nuk ua plotësoj dot dëshirën që të tërhiqemi urgjent, sikundër na bëni thirrje. Ky ligj do miratohet sot si një e drejtë e gjithkujt që të mbrohet nga lumi i shpifjes”.

Me komoditetin e numrave në Kuvend, Edi Rama mund t’i verë kufi ligjor gjithçkaje që ai vetë mendon se nuk shkon, përfshi të drejtën e mediave për të qenë në krah të shoqërisë e përballë qeverisë, pa pengesa ligjore, sidomos të inciuara nga qeveria. I tillë ishte rasti i paketës së ligjeve të iniciuara prej Ramës, e që u votuan në kuvend më 18 dhjetor. As kundërshtimi i unifikuar i 15 organizatave të medias e të drejtave të njeriut, i KE e KiE përfshi eurodeputetë, nuk e lëkundën KM, që pasi mori mbështetje në “Tëitter” nga përfaqësuesi i OSBE për lirinë e medias, e justifikoi atë paketë që targetonte mediat, përmes një mbrojtjeje që i kishte të gjitha elementët e një dezinformimi publik, i bërë me gojën e kryetarit të qeverisë.

Po çfarë ndodhi javën politike që lamë pas?

“Të gjithë reporterët që bëjnë një lloj gazetarie të verifikimit nuk do të kenë asnjë lloj trysnie”.

Nuk u ul asnjëherë me organizatat e medias gjatë një viti të kundërshtive të tyre, por kaloi me unitet kartonash të të vetëve, dy pligje të propozuara prej tij. Nën hashtagun kryesor “Mos na prek fjalën”, gazetarët dolën në protestë, duke i kërkuar deputetëve njësoj si në komisionet e medias e ligjeve, rrëzimin e p.ligjeve, që i konsiderojnë një akt censure, e kontestuar së pari rolin prej gjykate që këto ndryshime i njohin Autoritetit të Mediave Audiovizive AMA. Ky rol i AMA-s dhe AKEP mbeti i tillë pas çdo ndryshimi që iu bë p.ligjeve. Madje edhe niveli i gjobave u rrit me propozim të nr dy të PS. Një ditë para votimit në parlament, Taulant Balla korrigjoi uljen nga 120 mijë lekë në 800 mijë, e propozuar në komisionin e medias e ligjeve. Sipas Ballës 800 mijë duhet të jetë niveli minimal i gjobës, që me propozimin e tij që kaloi në parlament, shkoi në 2 milionë lekë të reja, pra dyfishi i gjobës më të lartë të propozuar prej fillimit.

“Me gjobë 800 mijë lekë dëri në 2 milionë lekë”, tha Balla.

Ndryshimet, ishin bërë deri pak orë para seancës së votimit. Nuk është ky rasti i parë kur Kuvendi nxiton për t’iu përshtatur vullnetit të qeverisë. Ky i fundit iu drejtua gazetarëve që protestonin jashtë sallës së parlamentit, e që nuk i ka konsultuar ndonjëherë, me këtë gjuhë.

“Që ta marrin vesh të gjithë se këtu jemi përballë një turme që nuk lexon dhe që madje nuk denjon të lexojë e që madje e thotë hapur, “as na intereson fare se çfarë shkruhet në ligj, ne nuk duam ligj, sepse çdo ligj, cenon lirinë tonë”, u shpreh Rama.

Interesant është se teksa flet për shpifje e lajme të rreme, kryeministri nuk është aspak modeli që pretendon nga mediat, tashmë edhe me ndëshkime ligjore.

“Nga fjalia e parë te fjalia e fundit ligji është, jo 99%, por 100% i përputhur me standardet ndërkombëtare, jo 99, 100%”, theksoi kryeministri.

Në fakt si BE ashtu edhe KiE e kanë kundërshtuar ashpër këtë paketë ligjore. 9 ambasadorë të BE në Tiranë zhvilluan një takim me organizatat e gazetarëve e të të drejtave të njeriut më 17 dhjetor. Të njëjtën ditë, pak orë më vonë, përgjigja e Komisionit Europian interesimit të mediave ishte se edhe pas ndryshimeve më të fundit, drafti ngre shqetësime se nuk janë marrë parasysh rekomandimet ndërkombëtare. KE i referohet këasaj ekspertize të porositur prej tij, ku sugjerohet jo rregullimi nga shteti, por vetërregullimi nga mediat.

Komisioni u ka bërë thirrje autoriteteve që të marrin në konsideratë komentet e bëra nga OSBE dhe rekomandimet e Këshillit të Evropës, të mobilizuara nëpërmjet fondeve të BE, në mënyrë që të sigurojë përputhshmërinë me standardet europiane në fushën e lirisë së shprehjes. Këto rekomandime përfshijnë, ndër të tjera, kufizimin e qëllimit të rregullimit vetëm në shërbimet e mediave audio-vizive online, duke promovuar vetë-rregullimin, sigurimin e shqyrtimit të pavarur gjyqësor të ankesave të lidhura me median dhe forcimin e transparencës së pronësisë së mediave në vend.

Komisioni Europian i referohet edhe shqetësimit të përcjellë para tij, nga Komisionerja e Këshillit të Europës për të Drejtat e Njeriut, Dunja Mijatovic që flet për goditje të fortë të lirisë së medias.

“Unë jam veçanërisht e shqetësuar që kompetencat diskrecionale që u janë dhënë organeve rregullatore, mundësia e vendosjes së gjobave të ekzagjeruara dhe bllokimi i faqeve të internetit të mediave pa një vendim gjyqësor, si dhe ndërhyrja e një rregullimi nga Shteti të mediave online, mund të sjellin një goditje të fortë për lirinë e shprehjes dhe lirinë e mediave në vend… Eshtë me rëndësi të madhe të sigurohet që interneti të mbetet një forum i hapur dhe publik dhe që të mbizotërojë vetë-rregullimi nga ana e mediave, përfshirë mediat online”.

As Komisioni Europian e as komisionerja Mijatovic, nuk i korrigjuan deklaratat e tyre, pas ndryshimeve që mazhoranca deklaroi se bëri në p.ligjet. Por cka Km thotë të vërtetën kur deklaron konsultat me OSBE

“Mos më trego mua as PE as OSBE as BE, as KiE, se unë këtu flas me përgjegjësi, nuk tregoj përralla siç tregon ti dhe po të them që ligji është i dakordësuar, jo 99%, por 100% me OSBE-në, 100% me osve dhe i përputhur 100% me standardet ndërkombëtare”, tha Rama.

Kjo deklaratë ishte konfirmuar nga përfaqësuesi për lirinë e medias Harlem Desir, një ditë para se p.ligjet të kalonin në seancë plenare.

“Ne kemi punuar me kryeministrin Edi Rama dhe qeverinë shqiptare, deri në momentin e fundit, për të përmirësuar projektligjet për median, dhe për t’i sjellë ato në përputhje me standardet ndërkombëtare dhe rekomandimet e OSBE-së”.

Në qëndrimin në disa postime në tuiter, Desir shkruan se zyra e tij do monirorojë nga afër zbatimin e ligjit të ri. Reagimi i Desir befasoi së pari organizatat e mediave që kundërshtojnë prej një viti pligjet. Kjo pasi në të paktën 4 rekomandime ligjore të zyrës së Desir, shqetësimi për rolin e AMA-s e AKEP, ndaj përmbajtjes së lajmeve mbetej permanent dhe i ngjashëm me atë të organizatave të medias.

“Kush thotë që ky është një akt individual ose unilateral i qeverisë, gënjen. Kjo është paketë e cila është konsultuar 1 vit rresht. Unë kam patur komunikimin edhe me ata të BE, edhe me ata të Këshillit  të Europës….u thashë që jeni nën presionin e organizatave të rreme”, shpreht Rama.

Vetë Desir kishte zbuluar më 4 korrik të këtij viti, gjatë paraqitjes së raportit vjetor para këshillit të përhershëm të OSBE në Vjenë, komunikimet sistematike me km e bashkëpunëtorët e tij të ngushtë. Në atë raport, Desir thotë se më 28 Janar, i kishte shkruar KM Rama, duke i dhënë një analizë ligjore mbi draft ligjet, ekzistenca e të cilave u mësua publikisht në dhjetor 2018. Ajo analizë e janarit 2019, nuk është publikuar, por Desir thotë se fokusi i saj ka qenë tek regjistrimi i mediave online, roli i AMA-s dhe sanksionet e parashikuara. 6 javë më vonë, bën të ditur Desir, më 15 Mars, përfaqësues të zyrës së tij janë takuar me zv-sekretaren e përgjithshme të KM Elira Kokona dhe drejtorin e komunikimit të KM Endri Fuga, për atë që Km e quan paketë antishpifje. Një tjetër takim vetëm me zv sek e përgjithshme Kokona është mbajtur në 7 maj, për të diskutuar më tej ndryshimet ligjore. Më 6 qershor, Desir thotë se i shkroi përsëri KM Rama, duke i paraqitur analizën e dytë ligjore për ndryshimet në paketën e ligjeve të medias. Por kur Km Rama e miratoi paketën antishpifje në mbledhjen e qeverisë në 3 korrik 2019, zyra e Desir publikoi dy analiza të tjera, ku kritikonte faktin që AMA po merrte rolin e gjyqësorit

Autoriteti i Mediave Audiovizive (AMA), organi rregullator i medias audiovizive, nuk duhet të zëvendësojë organet e pavarura gjyqësore ose mekanizmat vetërregullues të efektshëm për çështjet e lirisë së shprehjes,” duke shtuar se e njëjta gjë vlen edhe për bllokimin e përmbajtjes, për gjobat në rast të shkeljes së ligjit dhe për modalitetet e së drejtës për t’u përgjigjur.

Bashkë me shqetësimin për nivelin e gjobave, si kërcënim të lirisë së medias, këto vërejtje mbetën të pranishme, edhe në analizën ligjore të muajit nëntor të zyrës së Desir. Zbutja nisi deri diku në analizën e publikuar më 9 dhjetor, ku tashmë kërkohet garancia në ligj që vendimet e AMA s e AKEP të shkojnë sa më parë në Gjykatë. Përfaqësuesi për lirinë e medias, i detajon konsultimet me qeverinë prej korrikut e në vazhdim, në raportimin e rradhës para këshillit të përhershëm të OSBE më 21 nëntor të këtij viti. Në raport thuhet se përfaqësues të zyrës së tij janë takuar më 11 shtator me zv sekretaren e përgjithshme të KM Elira Kokona e drejtorin e komunikimit të KM Endri Fuga e një ditë më vonë, me sekretaren e Komisionit të Ligjeve, deputeten e mazhorancës Klotilda Ferhati. Në fillim të tetorit, ekspertë të OSBE ishin në Tiranë për konsultime me autoritetet, thotë Desir.

Interesant është se në zemër të kundërshtive për paketën antishpifje, vetë kreu i prezencës së OSBE në Shqipëri, Bernd Borchard i mëshon idesë së vetërregullimit të medias.

“Patjetër që vetërregullimi i medias parapëlqehet kundrejt çdo forme tjetër rregullimi. Por vetërregullimi nuk do të ndodhë nëse ai nuk është një proces organik, të cilit i bashkohen të gjithë mediat në të gjithë vendin. Nga ana e përmbajtjes, ne theksojmë pikëpamjen tonë se shpifja duhet dekriminalizuar, pra duhet hequr nga Kodi Penal. Por njerëzit, që janë objekt i përbaltjes dhe shpifjes, duhet të kenë të drejtën të mbrohen. Nëse vetërregullimi i medias nuk ndihmon, kjo mbrojtje duhet të bëhet e mundur përmes mjeteve të së drejtës civile, jo përmes së drejtës penale. Dhe veprimet duhet të ndërmerren nga një gjykatë, jo nga një organ administrativ”.

Pikëpyetjet se përse Harlem Desir i lexon standardet e mediave krejt ndryshe nga përfaqësuesi i OSBE në Shqipëri, nga KE e nga KiE, u bënë edhe më të forta, kur vetë Desir përgëzonte zyrtarisht procesin e vetërregullimit të mediave online në MV.

“Vetërregullimi i medias, është një mekanizëm i nevojshëm për promovimin e cilësisë së informacionit, ruajtjen e lirisë editoriale dhe forcimin e besueshmërisë së medias”.

Cfarë mund të detyrojë vallë një lexim kaq të kundërt, për dy vende fqinjë, të dyja në rradhë për hapjen e negociatave të antarësimit me BE? Ish-ministri i Shtetit pranë Ministrit të Jashtëm të Francës, Harlem Desir u zgjodh Përfaqësues i Lirisë së Medias i OSBE-së, në 17 Korrik 2017. Në CV e tij zyrtare vërehet karriera prej tre mandatesh si eurodeputet, e ajo politike, si sekretar i parë i PS franceze. Mandati i z. Desir përfundon në korrik të vitit të ardhshëm, pikërisht gjatë kryesisë shqiptare të OSBE. Në vendimin permanent të OSBE mbi funksionin e z.Desir lexohet qartë, se është kryesuesi i rradhës i OSBE, në këtë rast KM Edi Rama, me cilësinë e MJ të Shqipërisë, ai që që vendos nësë z.Desir duhet të marrë apo jo një mandat të dytë. du

Përfaqësuesi i OSBE për lirinë e medias emërohet në përputhje me procedurat e OSBE, nga Këshilli ministerial, me rekomandim të kryesuesit të rradhës, pas konsultimeve me shtetet anëtare. Ai ose Ajo do shërbejë për një periudhë prej tre vitesh, e cila mund të zgjatet përmes të njëjtës procedurë për një mandat tjetër tre vjeçar.

Padyshim që nuk do jetë e lehtë të sqarohet ky qëndrim, edhe pas reagimeve të përsëritura të raporterit për Shqipërinë në PE, David Lega, para dhe pas miratimit të asaj, që njihet si paketa antishpifje

“ Liria e mediave dhe e drejta e informacionit janë liritë themelore në Evropë dhe një pjesë e pazëvendësueshme  e kritereve të Kopenhagenit për anëtarësimin në BE. Legjislacioni i miratuar kërcënon këto liri që janë fituar kohë më parë nga populli shqiptar. Media e lirë ka raportuar vazhdimisht për abuzimin me pushtetin dhe ka ekspozuar shumë skandale korruptive. Prandaj, miratimi duhet të shihet si një kthim serioz mbrapa për Shqipërinë në rrugën e saj drejt sundimit të ligjit dhe demokracisë”

Koordinatori i PPE-së për Punët e Jashtme, Michael Gahler kujtoi se ligjet e miratuar nga qeveria bien ndesh me praktikën ndërkombëtare për mediat.

“Ne vërejmë me shqetësim të thellë që shumica parlamentare e qeverisë shqiptare, e udhëhequr nga Kryeministri socialist Rama, miratoi dhe dy ligje për median në kundërshtim të hapur me rekomandimet specifike të bashkësisë ndërkombëtare. Komisioni Evropian, Këshilli i Evropës, si dhe media dhe organizatat shqiptare dhe ndërkombëtare të shoqërisë civile kishin shprehur kundërshtime të forta kundër këtyre ligjeve. ”

E sigurt është që ajo paketë ligjore do bëhet objekt raportesh e do ndikojë edhe në indeksimin e Shqipërisë për lirinë e medias, kjo pavarësisht gjysëm të vërtetave, deri në kufijtë e qartë të dezinformimit publik që përcolli KM në parlament për të justifikuar atë iniciativë të tij ndaj mediave. Rastet flagrante të dezinformimit ishin së paku tre. I pari shembulli i Gjermanisë.

Rama: Në Gjermani është miratuar ligji për përmirësimin e zbatimit të ligjit ekzistues, në rrjete sociale. Ligji gjerman është sot përpjekja më e suksesshme për të shuar përmbajtën potencialisht të dëmshëm në internet. Nëse ligji gjerman do të kishte subjekte ata që janë tek dera e parlamentit, ata sot do ishin të gjithë me borxhe për të paguar pafundësinë e detyrimeve si rezultat i shkeljes së të drejtave të njeriut. Ata janë shkelës të të drejtave të njeriut.

Në fakt, me një kërkim të thjeshtë, zbulohet se ligji gjerman, që ka hyrë në fuqi në 1 janar 2018, nuk ka lidhje direkte me mediat. Ç’ka KM Rama nuk thotë është se ai ligj që quhet Akti i forcimit të rrjetit, ka si subjekt platformat sociale, pasi përhapja e urrejtjes në to, nisur nga fuqizimi i ekstremistëve, pas politikës së dyerve të hapura të kancelares Merkel për emigrantët, cënon sigurinë e paqen sociale në Gjermani. Rama nuk thotë se ligji gjerman detyron jo mediat, por platformat si Facebook, Twitter, Instagram, Snapchat, YouTube dhe Google, që të heqin cdo postim me përmbajtje urrejtjeje, propagande apo dhune brenda një afati 24 orësh. Gjoba prej 50 milionë eurosh të cilës i referohet KM është për platformat sociale, e jo për mediat, e madje mund të shkojë deri në mbi 5 milionë euro. Viktima e parë e këtij ligji në Gjermani u bë një deputete te partisë populiste Alternativa për Gjermaninë, Beatrix von Storch. Në 31 dhjetor 2017, deputetja kritikonte përmes një postimi në tuiter e FB urimet e policisë së Kelnit për vitin e ri, të bëra edhe në gjuhën arabe. Sipas saj kështu edhe barbarët islamikë dhe përdhunuesit në grup do e kuptonin urimin. Referenca ishte për ngjarjen e dy viteve më herët në Këln, ku në natën e ndërrimit të viteve, disa gra denoncuan ngacmime seksuale nga një grup emigrantësh arabë. Në zbatim të ligjit gjerman Tuiteri e FB i fshinë shpejt postimet e deputetes, e cila u ankua për censurë, ndërsa policia ngriti akuzë ndaj saj për nxitje të dhunës ndërfetare.

Rama: Parlamenti francez ka miratuar një ligj kundër lajmeve të rreme. Është ligji që mban emrin e Presidentit të Francës që krijon rregulla të reja, tejet të ashpra për t’i dhënë autoriteteve fuqinë për të hequr përmbajtjet e rreme përhapur përmes mediave sociale dhe madje për të bllokuar aksesin e vendeve që e publikojnë atë, si dhe për të zbatuar me transparencë për përmbajtjen e sponsorizuar, deri 5 muaj para periudhave zgjedhore, një disiplinë super strikte.

Edhe në rastin e Francës, Km një njohës i shkëlqyer i gjuhës frënge, zgjedh të thotë gjysëm të vërteta. Franca vërtetë ka miratuar ligj kundër lajmeve të rreme, i paraqitur nga ministrja e kulturës, sipas një premtimi të Emanuel Macron, që gjatë fushatës presidenciale 2017, kishte qenë i targetuar nga lajmet e rreme. Për shkak asaj eksperience të Makron, ligji kundër lajmeve të rreme i konsultuar gjerësisht me përfaqësues të mediave, vepron maksimumi 5 javë para zgjedhjeve dhe ka si subjekt lajmet që mund të sponsorizohen nga një burim i huaj për të ndikuar në rezultatin e zgjedhjeve kombëtare në Francë, pikërisht shqetësi i debatit të njohur gjerësisht për ndërhyrjet ruse në zgjedhje në disa vende të botës, përfshi SHBA. Për pasojë, ai ligj francez detyron të gjitha platformat online, që  të bëjnë transparencë për lajmet me pagesë, duke publikuar emrin e autorit dhe shumën e paguar.

“Në tetor 2018, për shkak të rritjes së ndikimit të rrjeteve sociale në aspektin social, kulturor dhe ekonomik dhe politik të vendeve anëtare të Bashkimit Europian, direktiva e BE-së është përafruar plotësisht me Republikën e Shqipërisë, me ligjin përkatës për mediat audio vizuale dhe është rishikuar dhe përditësuar rregullimi ligjor”.

Së pari shqetësimi i BE sipas dokumenteve që janë publike, ka qenë i ngjashëm me Gjermaninë e Francën, për lajmet e rreme në platformat sociale që kanë të bëjnë me dezinformimit. Në direktivën e KE për trajtimin e dezinformimit në Internet, thuhet se ekspozimi i qytetarëve ndaj dezinformimeve në shkallë të gjerë, përfshi informacionin e rremë ose mashtrues është një sfidë e madhe për Europën. KE ka miratuar një plan veprimi në dhjetor 2018, për të adresuar përhapjen dhe ndikimin e dezinformimit në internet, që nënvizon përgjatë 13 faqeve të tij rëndësinë e medias së pavarur, ndërsa në planin afatgjatë nxit përpjekje të vazhdueshme për mbështetjen dhe edukimin e medias, gazetarëve, verifikuesve të fakteve, kërkuesve dhe shoqërisë civile si e tërë.

Natyrisht asgjë e tillë nuk figuron në paketën antishpifje të propozuar nga KM, ndërsa meraku që spikati edhe në seancën e 18 dhjetorit, ishte tek targetimi që mediat i bëjnë politikës e vecanërisht KM.

Rama: Të gjithë ata që merren me politikë janë të destinuar që të kenë në kurriz atë turmë atje,  që t’i ngrejë dhe t’i ulë, kriminela e hajdutë, dhe banditë e maskarenj e të korruptuar apo secili ka të drejtën që të kërkojë llogari publike për atë çfarë i thuhet?! Kjo kjo nuk është cështje lirie shprehje, kjo është cështje e kufizimit të lirisë për të shpifur duke ngritur akuza penale, qindra miliona eurot e mia ofshore, pallatet e mia në spanjë…fakte që ose duhet të më largojnë mua nga jeta publike, ose të demaskohen.

Përkundër Ramës e partisë së tij në pushtet, opozita gjatë një tryeze me gazetarë, premtoi shfuqizimin e kësaj pakete.

Organizatat e mediave vazhdojnë t’i kundërshtojnë ato ligje dhe i kanë bërë thirrje presidentit për mosdekretim të tyre, ndërsa paralajmërojnë ankimim në GJK e më tej edhe në Strasburg. Duhet thënë se askush nuk e ka përgëzuar KM për kalimin e asaj që e quan paketë antishpifje

Fatkeqësisht liria e medias është përkeqësuar ndjeshëm. Pas shumë viteve, gazetarët u janë rikthyer protestave në mbrojtje të lirisë së shprehjes, ndërsa numri i reporterëve që janë detyruar të braktisin vendin është rritur progresivisht. As media dhe as gazetarët nuk janë armiqtë nga të cilët duhet të ruhemi. Ata nuk mund të trajtohen si të tillë!

Një zë i fortë kundërshtues erdhi nga ambasada USA, që në ditët e ardhshme do ketë në krye ambasadoren e re, tashmë të miratuar edhe nga Senati amerikan.

Daniel Koski: Fjala e lirë është fryma e demokracisë. Mbyte atë, ndërprite rrjedhën e saj dhe trupi politik mund të vdesë. Nga ana tjetër, fryma e mospajtimit ka fuqinë për të tronditur një shtet policor. Kjo është arsyeja pse diktatorët kërkojnë të shtypin zërat kritikë.

Madje edhe përfaqësuesi për lirinë e medias në OSBE, Harlem Desir kujdeset të nënvizojë në një intervistë për faqen online The Balkanista, se rekomandimet e zyrës së tij nuk janë reflektuar 100% sic pretendon KM, në paketën e miratuar nga kuvendi, prandaj ka shqetësime. Z.Desir shfaqet më pranë opsionit të vetërregullimit që i kishte vlerësuar mediave në MV

“Siç e kam thënë, zyra ime mbështet vetërregullimin si një mekanizëm i rëndësishëm për të promovuar gazetarinë cilësore dhe forcuar besueshmërinë, dhe ne këmi mbështetur iniciativa të tilla në shumë prej vendeve anëtare të OSBE. Për më tëpër, nënvizoj qëndrimin tim se AMA, si një agjensi rregulluese nuk mund të bëhet zëvendësues i gjyqësorit të pavarur. Megjithatë ne kemi garantuar futjen në ligj të masave që mbështesin mbikqyrjen e gjyqësorit. Kompetencat e trupave rregulluese duhet të jenë në mynyrë strikte të kufizuara me ligj dhe principet e angazhimet ndërkombëtare”.

Por ndryshe nga përfaqësuesi për lirinë e medias Desir, KE ka pranuar për VOA se paketa antishpifje që kaloi më 18 dhjetor në kuvend, nuk pasqyroi rekomandimet e KiE, të porositura pikërisht nga Komisioni, si ekspertizë për dy p.ligjet e paraqitura nga KM Rama.

Një zëdhënës i Komisionit Evropian i tha Zërit të Amerikës se Brukseli “merr shënim” miratimin në parlament të paketës anti-shpifje. Megjithëse ligjit iu bënë ndryshime deri në minutën e fundit dhe qeveria Rama theksoi se ato janë bërë në përputhje të plotë me OSBE-në, zëdhënësi i Komisionit, i tha Zërit të Amerikës se “rekomandimet e ekspertëve të Këshillit të Evropës nuk janë marrë në konsideratë” në variantin përfundimtar.

Edi Rama ka të gjithë kundër, por si zakonisht të vetët në rresht. Këtë ndërhyrje me institucione shtetërore në media, ia kundërshtoi vetëm Ditmir Bushati në mbledhjen me dyer të mbyllura të grupit socialist para seancës plenare. Por ish ministri i jashtëm nuk shkoi dot përtej abstenimit kur erdhi casti i votimit. Zërat kundërshtues të opozitës parlamentare nuk munguan e vetë Km replikoi me ta.

Por retorika e Km arriti të bindte edhe deputetë të opozitës, sidomos ata të njohur për gafat në publik.

Ligji për AMA-n u votua vec socialistëve, edhe nga Tom Doshi dhe Reme Lala e zgjedhur nga PDIU. Votat me mazhorancën i bashkuan dhe 9 deputetë të rinj, mes tyre emra që janë vendosur në qendër të mediave për shkak të gafave të tyre në Kuvend. Votë pro paketës antishpifje ka dhënë dhe Majlinda Halilaj, e cila u bë e njohur gjerësisht për fjalimin e saj mbi koorporatën. Bashkë me të, kanë mbështetur kryeministrin në ligjin e debatuar për median dhe Eugen Bojaxhiu, Edjola Braha, Ramazan Gjuzi, Nimet Musai, Edmond Stojku, Aurora Mara, Selami Jenisheri dhe Elvis Meço.

Impenjimi për atë iniciativë të KM, kishte bërë që të mos i kushtohej vëmendje cështjes më të rëndësishme që diskutohet në fund viti në kuvend, buxhetin dhe paketën fiskale

Ruci: A do flasë njeri për buxhetin?

Vullneti dhe ndikimi absolut i Km u pa edhe tek shkarkimi i Arben Malajt. Ish ministri socialist i financave akuzohet se shprehej në media, duke cënuar funksionin si anëtar i këshillit mbikqyrës i BSH, i votuar nga Kuvendi. Një propozim i KM për pezullimin e tij u finalizua në një votim shkarkimi, edhe pse shkarkimi i një socialisti të vjetër si Arben Malaj nuk pati konsensusin unanim në votë të grupit socialist (efekt votimi) Vetë Malaj nuk u kursye para votimit në vizatimin e ashpër të Edi Ramës me raste konkrete.

A do e ndihmojë vallë fuqia e numrave në kuvend Km, për të zbatuar atë që e quan paketë antishpifje, e që i kundërshtohet nga të gjithë? Koha do ta tregojë, nëse Edi Ramës do i mjaftojnë gjysëm të vërtetat që përcjell si modele të vendeve të BE, për të justifikuar kontrollin e cka quan shpifje të medias, edhe ndaj politikës, përmes institucioneve de fakto politike.

rama-politika.png
R D16:44 | 14/12/2019

Paralajmërimi i kryeministrit Rama për të kaluar në kuvend më 19 dhjetor atë që e quan paketë “antishpifje” për mediat online dhe ato vizive ka sjellë reagimin e shoqatave, por edhe të aktorëve ndërkombëtarë. Politika në Abc News na sjell këtë betejë personale të kryeministrit ndër vite, të cilën e nisi për të heshtuar akuzat e rivalëve politikë, e po tenton ta finalizojë me ndëshkime të mediave nga organe administrative, të zgjedhura nga parlamenti.

Nga Mimoza Koçiu

Pas ditësh anatemim të mediave për pasqyrimin e situatës së pas tërmetit në vend, Kryeministri bëri këtë paralajmërim nga mbledhja e jashtëzakonshme e qeverisë të premten e 6 dhjetorit.

Ky vendim i gjeti të papërgatitur edhe vetë deputetët, sepse paketa ligjore antishpifje e depozitar nga qeveria në kuvend, nuk kishte kaluar ende në komisionet parlamentare, sipas procedurës që parashikon edhe dëgjesa me grupet e interesit.

Në momente delikate politike për të, Edi Rama i është kthyer vazhdimisht medias me paralajmërime për sanksione ligjore, me disa momente kulmore. I pari i takon nëntorit 2015, kur kishin nisur debatet për dekriminalizimin. Parlamenti ishte kthyer në arenë akuzash e përplasjesh e në fokus ishin të zgjedhurit e Ramës me dënime në të kaluarën. Më 11 nëntor, një ditë para seancës plenare, u zbulua një propozim i KM Rama, për të futur në kodin penal dënimin, deri në 3 vjet burg për shpifje.

Të parët reaguan gazetarët dhe shoqatat e tyre, e të drejtave të njeriut, që e lexuan si kërcënim ndaj mediave. Reagimi ishte i fortë dhe mëngjesin e seancës plenare, më 12 nëntor, përmes tre postimeve në tuiter, KM kërkoi ndjesë që ishte keqkuptuar.

Asnjë lidhje me shtypin kriminalizimi i shpifjes! Jo, shpifja duhet te jete veper penale per çdo politikan qe paguhet me taksat e popullit! Eshte koha qe kjo shoqeri te perballet hapur me kulturen e shpifjes! Populli nuk na zgjedh dhe nuk na paguan me taksat e tij per te shpifur! Edhe neni perkates duhet te reflektoje kete qellim, qe e kam shprehur publikisht me kohe. Ndjese qe ka hapur shteg per nje keqkuptim te madh!

Në fakt dekriminalizimi i pjesshëm i shpifjes, si vepër penale kishte ndodhur 3 vite më herët në 1 mars 2012. Një premtim elektoral i Sali Berishës i materializuar në propozim për dekriminalizimin e shpifjes, u mbështet nga socialistët atëherë në opozitë, duke hequr vetëm dënimin me burg, por duke rritur nivelin e gjobës. Mbi 30 nene të propozuara nga qeveria dhe të riformuluara nga opozita u miratuan me konsensus mes demokratëve në pushtet dhe socialistëve në opozitë. Por ajo që mbeti në Kodin Penal, me këmbënguljen e opozitës së kohës, është se shpifja dhe fyerja, akuza me të cilën përballen zakonisht gazetarët, do të trajtohen penalisht.

Një fitore e pjesshme e organizatave e shoqatave të medias të cilat prej 7 vitesh kërkonin heqjen e shpifjes, si vepër penale.

Po kjo vepër, kur kryhet botërisht, në dëm të disa personave ose më shumë se një herë, përbën kundërvajtje penale dhe dënohet me gjobë nga pesëdhjetë mijë gjer në tre milionë lekë.

Ajo që socialistët atëherë në opozitë pranuan, ishte heqja nga Kodi Penal i mbrojtjes ligjore që gëzonin zyrtarët, ndaj shpifjes dhe fyerjes për shkak të detyrës. Kështu PD e PS bashkuan votat në 2012, duke shfuqizuar nenin e fyerjes për shkak të detyrës, nenin e shpifjes për shkak të detyrës, si dhe nenin e shpifjes ndaj presidentit të Republikës. 3 vjet më vonë Edi Rama dukej se ishte penduar që i kishte dhënë mbështetje heqjes së dënimit me burg për veprën e shpifjes.

Mungesa e një specifikimi që përjashtonte gazetarët, ishte në bazë të skepticizmit të organizatave të medias që reaguan fort, duke adresuar shqetësimin e tyre edhe tek homologët ndërkombëtarë e institucionet ndërkombëtare. “Një nen i tillë, në formën e paraqitur nga kryeministri është një kërcënim serioz në punën tonë të përditshme si gazetarë”, thuhej në deklaratën e tyre. Përfaqësuesja e asaj kohe për Lirinë e Medias të OSBE, zyra në Vjenë, u bëri thirrje deputetëve të rrëzonin propozimin e qeverisë, pasi sipas saj institucionet e zyrtarët publikë, nuk duhet të gëzojnë mbrojtje shtesë ndaj kritikave.

Me të gjithë kundër, Rama u detyrua të tërhiqej.

Ai neni nuk u formulua kurrë e as nuk u përmend më. Por një tjetër situatë delikate u paraqit 3 vjet më vonë, kur një vajzë nga fushë Kruja denoncoi për dhunë djalin e deputetit socialist të zonës Rrahman Rraja. Akuzat e opozitës ndaj mazhorancës si e përfshirë në mbrojtjen e djalit të deputetit socialist u ndezën më keq, kur një komisar policie Emiljano Nuhu denoncoi presione politike nga eksponentë të PS, për të mos e cuar më tej cështjen. Eshtë momenti kur Edi Rama përmes një statusi në rrjetet sociale paralajmëron një paketë antishpifje. Paralajmërimi i dt 2 tetor 2018 ka si shënjestër jo vetëm kundërshtarët politikë, por edhe mediat.

“Më vjen mirë që s’jam më i vetmi që them se vajzën e morën peng dhe e kthyen në mish për topat e kazanit politik e mediatik! Më mirë vonë se kurrë. Ndërkohë duhet çmontuar me fakte pjesa tjetër e këtij horrori mendjesh e gojësh të përdala. Dhe shumë shpejt një paketë antishpifje”.

8 ditë më vonë (10 tetor) tashmë Rama e ka qartësuar shënjestrën e tij. Nuk është më opozita, por media, e para ajo online. Përmes Twitterit, KM thotë se vijon diskutimi për paketën antishpifje, me konkludimin se urbanizimi i asaj që quan xhungël online, nis nga legalizimi portaleve. Ndërsa për mediat nis përgatitjen e një pakete ligjore, nuk e ndërmerr një hap të tillë për kundërshtarët politikë. Ata do t’i padisë në Gjykatë për shpifje, si vepër penale. Nuk mund të mungonte edhe paketimi i imazhit, krijimi i asaj që e quan Fondi i Edukimit. Paratë që do fitohen, sipas KM nga paditë për shpifje, do të shërbejnë për të mbështetur kopshtet e shkollat me libra e materiale mësimore.

Ka kaluar një vit, por ende nuk ka një bilanc gjyqesh apo fondesh në përfituara, nga paditë ndaj shumë eksponentëve të PD, e vetë kryetarit Lulzim Basha, apo nëse ka një shumë të mbledhur në fondin e edukimit. Rama nuk u mor më me denoncime të opozitës, por u përqëndrua plotësisht tek media.

Në 17 dhjetor 2018 kishte gati ndryshimet në ligjin për mediat audiovizive dhe në ligjin funksional të Autoritetit të Komunikimeve Elektronike dhe Postare, AKEP. Amendimet parashikonin një rol kontrollues e ndëshkues përmes një institucioni që do ngrihej pranë AMAs, i quajtur Këshilli i Ankesave, si dhe AKEP. Gjobitja deri në mbyllje të medias, bazohet sipas amendamenteve ligjore në shkaqe të gjëra, të cilat përfshijnë gjykimin nëse një lajm i publikuar në një media të caktuar është apo jo “i paanshëm” apo cënon apo jo “moralin publik”. (neni 33.1 dhjetor 2018) Konsultimi me organizatat e mediave, i këtyre projekt ligjeve iu la AMA-s, edhe pse kreu i Bordit Gentian Salaj, tha në atë kohë, se projektligji që prek institucionin e tij është hartuar në fakt jashtë këtij institucioni.

Organizatat e gazetarëve i kundërshtuan që në fillim 2 pligjet, duke iu referuar së pari nenit 22 të kushtetutës, që në pikën 2 thotë se “Liria e shtypit, e radios dhe e televizionit është e garantuar.”

Sidoqoftë ishte presioni i aktorëve ndërkombëtarë, ndaj qeverisë së një vendi që kërkonte hapjen e negociatave të antarësimit me BE, ai që e frenoi KM. Nuk u tërhoq nga ideja, por në mbledhjen e qeverisë së 3 korrikut 2019, miratoi paketën ligjore të rishikuar.

Tashmë në ndryshimet e propozuara është qartësuar, se objekt janë edhe mediat elektronike. “AMA mbikëqyr zbatimin e këtij ligji nga subjektet që ushtrojnë veprimtari në fushën e mediave elektronike dhe, në rast shkeljesh, vendos sanksione.”, thuhet në pikën 3 të nenit 10.

7 ditë më vonë, më 11 korrik përfaqësuesi i OSBE-së për Lirinë e Medias, Harlem Désir, publikoi një analizë ligjore, në vijim të konsultimeve me qeverinë për atë që nëse miratohet, du quhet Ligji për Shërbimet e Medias në Shqipëri. OSBE kritikon kompetencat e shtuara për AMA-n, duke theksuar se ky institucion nuk mund të vihet në rolin e Gjykatës për të gjykuar lajme, e nuk mund të trajtojë njëlloj median online me atë audiovizive.

Tërheqja e rradhës e Kryeministrit nuk zgjati shumë. Pas refuzimit të hapjes së negociatave nga BE në Samitin e 18 Tetorit, ku sërish qeveria u vu në qendër të kritikave, KM iu rikthye sërish asaj që e quan paketë antishpifje. Në nëntor 2 pligjet u përcollën në kuvend, duke sjellë reagimin e organizatave të medias, por edhe interesin e aktorëve ndërkombëtarë, të cilëve qeveria u ishte drejtuar për ekspertizë. Historia e lëvizjeve të këtyre konsulencave zbulohet pikërisht përmes dëgjesave të mbajtura javën politike që lamë pas në komisionet parlamentare. Kështu, në dëgjesën në komsionin përgjegjës, atë të medias me përfaqësues institucionesh e aktorë ndërkombëtarë, u mësua se kishte qenë komisioni i ligjeve, ai që kishte luajtur rol protagonisti. Ky komision i kishte përcjellë p/ligjet AMA-s, sic konfirmoi kreu Gent Salaj në dëgjesën para komisionit të medias. Bordi i AMAs i mbetur me 5 anëtarë nga 7, kishte votuar me shumicë për rrëzimin e p.ligjit, ndërsa vetë Salaj me një anëtar kishin qenë pro…

A mund t’i jepet AMA-s një rol, që zyrtarisht e ka refuzuar? Kryetarit Gent Salaj i ka mbaruar mandati 5 vjecar në 6 Nëntor, njëlloj si anëtarit Gledis Gjepali më 9 tetor, dhe kuvendi përvec tyre, duhet të emërojë edhe dy emra të rinj, pasi vakancat në AMA janë plot 4.
Edhe institucioni tjetër i përfshirë në këtë paketë ligjore, AKEP ka mungesa. Javën politike që lamë pas u mësua se kreu i këtij institucioni Ilir Zela, më 2 Tetor i kishte paraqitur dorëheqjen kuvendit, organit që e kishte zgjedhur dy vite më parë. Në fillim të dhjetorit, Rama i coi Kuvedit propozimin për zëvendësuesin e Zelës. Në krye të AKEP propozohej drejtori i protokollit të Ramës, Tomi Frashëri. E në pritje të miratimit nga Kuvendi, përfaqësuesi i AKEP në dëgjesën në komisionin e medias, shprehu dakordësinë me detyrën që i caktonte ligji i propozuar nga qeveria

Një ditë para kësaj dëgjese, OSBE bënte të ditur se paketa e propozuar, pavarësisht disa ndryshimeve, ende nuk ishte në standardin që garantonte lirinë e medias. Përfaqësuesi për lirinë e medias Harlem Desir publikoi ekspertizën, ku sërish kritikohej roli prej quasi gjykate i AMA-s dhe AKEP.

Qëndrimi u përcoll edhe në dëgjesën në komisionin e medias, përmes përfaqësueses për media të prezencës së osbe në Tiranë, Irina Radu. Interesant është qëndrimi ndryshe i delegacionit të BE në Shqipëri, që duket më praë qasjes së organizatave të medias që e kundërshtojnë prej një viti atë që njihet si paketa antishpifje. Tre muaj më parë, në shtator ambasadori Luigi soreca nënvizonte se parimi që mbështet BE është vetërregullimi i medias.

Komisioni rekomandon qasje që janë më pak të ashpra, bazuar në një qasje të vetërregullimit. Kjo është qasja që Komisioni Evropian propozon në Komunikimin e tij mbi “Trajtimin e dezinformimit në internet “. Ne mendojmë se standardet evropiane dhe ndërkombëtare në fushën e lirisë së shprehjes dhe lirisë së mediave janë thelbësore për zhvillimin e mediave të forta dhe pluraliste, dhe duhet të merren parasysh plotësisht nga autoritetet shqiptare.

Qendrimi pro vetërregullimit, u përsërit nga zv. Shefja e Delegacionit të BE-së Monika Bylaite në seancat dëgjimore në komisionet parlamentare mbi paketën e propozuar nga qeveria.

“Sic është bërë e ditur në komentet tona të mëparshme, madje edhe në deklaratat publike, ne sigurisht kemi dhe ndajmë të njëjtat shqetësime si autoritetet shqiptare në lidhje me cështjen e dezinformimit, megjithatë Komisioni Europian vazhdon të rekomandojë qartë qasje më pak të ashpra dhe të bazuara në qasjen e vetërregullimit”.

Tek vetërregullimi e bazojnë kundërshtinë e tyre edhe organizatat e medias, e të të drejtave të njeriut. 15 organizata u bënë bashkë javën politike që lamë pas, në seancat dëgjimore, duke i kërkuar së pari qeverisë të tërhiqte projektligjet, të mbështetura nga organizatat ndërkombëtare të medias, e më pas edhe parlamentit që t’i rrëzonte. (efekt shkurt) edhe pedagogët e gazetarisë ishin në një linjë në qëndrimin e tyre në komisionin e medias, edhe pse me tensione me deputetë.

Interesant është se janë të të paktën dy institucione të rëndësishme ndërkombëtare që sugjerojnë vetërregullimin e mediave. BE ka financuar një ekspertizë të KiE, që i është vënë në dispozicion komisionit të ligjeve.

“Ne kemi mobilizuar me fonde të BE, ekspertizë tjetër të KiE që ata të ofrojnë opinionin e tyre mbi këtë paketë ligjore që I është vënë në dispozicion komisionit të ligjeve para dy javësh dhe për të gjitha këto arsye I bëjmë thirrje paralamentit edhe njëherë që të përfitoni sa më shumë nga kjo ekspertizë”.

Politika në ABC News e ka siguruar atë opinion, që eksperti ka paraqitur në Komisionin e Ligjeve më 25 nëntor, por që nuk është bërë publik. Duke folur për standardet e KiE, eksperti u ka kujtuar deputetëve nenin 10 të Konventës Europiane të të drejtave të Njeriut, që garanton lirinë e shprehjes, dhe sesi ai nën është lexuar përmes një vendimi të GJEDNJ, që i dha të drejtë një gazetari Rus, që paditi shtetin e tij në vitin 2010. GJEDNJ vlerëson se ndërhyrja e shteteve në ushtrimin e lirisë së shprehjes është e mundur vetëm kur i korrespondon një presioni të nevojshëm social, dhe ajo duhet të jetë e legjitimuar, e justifikuar, nga vendime gjyqësore të mirëarsyetuara.

Në ekspertizë i vihet theksi vetërregullimit, si standarti demokratik.

“Amendimet i fusin mediat online, normalisht jashtë qëllimit të rregullimit të medias audiovizive, brenda sistemit rregullator të medias. Ky propozim është kritikuar në vitin 2018 kur Këshilli i Europës, bëri rishikimin e amendimeve të para të këtij ligji, për shkak të standardit bazë Europian të qasjes ndaj medias së shkruar e shtypit, e me shtrirje tek mediat online e ato audiovizive. Ky standard ka qenë gjithnjë, ai i vetërregullimit nga ky komunitet, përmes Këshillave ose Komisioneve të Mediave”.

Edi Rama nuk u përfshi fare në këtë debat javën politike që lamë pas, edhe pse praktikisht i ka të gjithë kundër. I pyetur nga VOA, drejtori i tij i komunikimit Endri Fuga nuk shfaqi shenja tërheqjeje, por tha se kjo cështje është tashmë është në dorë të parlamentit. (efekt pak sot) Teksa organizatat e medias e të të drejtave të njeriut, po përgatisin edhe protestën si formë reagimi kundër dy projektligjeve mbi mediat, heshtja e Ramës duket enigmatike. Paketa antishpifje është bërë objekt i Komisionit të Helsinkit në SHBA, ku këshilltari i këtij komisioni, ka ngritur pikëpyetje nëse me këto ligje shqipëria do ketë autoritetin për të trajtuar rastet e shkeljes së lirisë së medias, kur të marrë pas pak javësh prezencën e OSBE-së.

Kryeministri i ka votat, e nuk ka pasur ndonjëherë pengesa numerike për zbatimin e vullnetit të tij nga institucioni që në fakt duhet ta kontrollojë, parlamenti. Madje km ka luksin, që edhe të kalojë ligje të personalizara, si propozimet për të ndryshuar ligjet për GJK e sistemin gjyqësor në vend, për të cuar patjetër Arta Vorpsin në Gjykatën kushtetuese në vend të Marsida Xhaferllarit. Një nen i propozuar nga socialistët, do i ligjërojë Vorpsit, betimin para noterit, më 14 nëntor.

Kuvendi e konsideron si të shpallur të emëruar, Arta Vorpsin, pasi renditja e KED, ku ajo figuron e para, është botuar në FZ. Një nen i posacëm me një mekanizëm zhbllokues, edhe për betimin tek presidenti.

Presidenti i Republikës organizon ceremoninë e betimit jo më vonë se 10 ditë nga data e zgjedhjes, emërimit ose shpalljes të emëruar të anëtarit të Gjykatës Kushtetutese. Nëse anëtari i Gjykatës Kushtetuese nuk thirret për të bërë betimin, pas përfundimit të këtij afati, ai kryen betimin në formë të shkruar dhe ia dërgon atë Presidentit të Republikës, organit të emërtesës dhe Gjykatës Kushtetuese.
Pikërisht përplasja për vakancën që i takonte në GJK, mbi të dekretuarën prej tij Marsida Xhaferllari e të shpallurën nga KED Arta Vorpsi, ka përfunduar me një padi nga presidenti për kreun e KED për “Shpërdorim Detyre” dhe “Përvetësim të Titullit” shtetëror. Për herë të parë një president në detyrë ngjiti shkallët e prokurorisë, ku për 60 minuta iu përgjigj pyetjeve të prokurorëve të Tiranës lidhur me padinë ndaj Ardian Dvoranit.

Pak minuta më vonë erdhi publikimi i videos së premtuar me titull si u përdor Ardian Dvorani nga mazhoranca për kapjen e Gjykatës Kushtetuese. Një ditë më pas, edhe Ardian Dvorani u pyet për tre orë në prokurori.

Do jetë organi i akuzës së Tiranës që me vendimin e vet pas mbylljes së hetimit, do përcaktojë nëse Presidenti kishte të drejtë në dekretimin e Xhaferllarit apo KED, që publikoi në FZ listën ku kishte renditur të parën Arta Vorpsin. Socialistët duken në garë me kohën për të kaluar në kuvend ndryshimet në ligjin për GJK, që do orientonin këtë moment, përmes rikthimit të Arta Vorpsit.

Seanca e fundit për këtë sesion parlamentar do jetë më 19 dhjetor, datë kur vetë Rama, i vetëm kundër të gjithëve, ka paralajmëruar miratimin e paketës antishpifje. Pavarësish kundërshtive, KM do e kalojë atë paketë. Politika në abcnews ka siguruar materialin që u është shpërndarë deputetëve me ndryshimet e bëra që sic shihet që në krye të dokumentit, autorë të ndryshimeve janë relatorët e komisionit të ligjeve e të mediave, që i janë referuar opinioneve të ekspertëve vendas e ndërkombëtarë, por jo organizatave të mediave. Deputetëve që do duhet të mbrojnë këto ndryshime u është shpërndarë ky dokument informues, duke u lënë detyrën e ngritjes së kartonëve, për një akt që të paktën 4 vite më parë kishte premtuar me zë e figurë se nuk do ta bënte ndonjëherë. /abcnews.al

edi-rama-parlament.jpg
nev ila17:42 | 07/12/2019

“Ju përgjërohem, sa më pak TV, hiç portale dhe qenefe dixhitale mundësisht, hiç fare dhe ndjesë për gjuhën, po të keqen e qenefit në fakt kur sheh se çfarë ere të rëndë mërzie dhe pasigurie dhe pështjellimi e përzierje krijojnë të ashtuquajturat burime informimi dhe se sa të pakta janë pasqyrimet njerëzore dhe arsyetimet shkencore në panairin mediatik të Shqipërisë, po për fat të keq njësoj edhe të Kosovës”.

Kryeministri Rama përdori këtë gjuhë ndaj mediave, të martën e 3 dhjetorit, teksa po largohej drejt Londrës. Po shkonte për të marrë pjesë në Samitin e NATO-s, ku do kërkonte mbështetje financiare, 1 javë pasi Shqipëria u godit nga një tërmet me magnitudë 6.4 e shkallës Rihter, me 51 viktima. E kishte quajtur pabesi të natyrës, por ishte sjellja ndaj mediave ajo që ngjante e tillë. Përse vallë KM përdori aq shumë energji kundër mediave, në një situatë delikate për vendin?

Të martën e 26 Nëntorit në 3 e 54 minuta të mëngjesit, një tërmet me magnitudë 6.4 i shkallës Rihter goditi Shqipërinë, me epiqendër Durrësin. Goditja e fortë pasonte atë të gati dy muajve më parë, më 21 shtator, në 16 e 04 min të pasdites, me magnitudë 5.6 shkalla Rihter, po me epiqendër Durrësin.

Të parat ishin mediat, që u bënë burimi jetik i informacionit për situatën, teksa njerëzit dolën në rrugë të panikuar. Më pak se 30 minuta pas tërmetit, televizionet informative të parat, hapën studiot dhe nisën ekipet në terren, duke filluar kështu një maratonë informative live, mbi situatën në Tiranë e Durrës.

Rama u shfaq përmes këtij postimi në FB, pesë orë pas tërmetit. Kishte qenë duke telefonuar një pjesë të mirë të homologëve nga vendet fqinjë e në Europë për të kërkuar mbështetje.

Skuadra emergjence pritej të vinin nga vende të ndryshme, të parat nga Kosovë, sipas KM për të shpëtuar të mbijetuar nga rrënojat e pallateve e banesave, të shembura nga tërmeti. Por informacion zyrtar për situatën ende nuk kishte, dhe mediat në terren mbetën te vetmet raportuese në mbi pesë orët e para pas tërmetit.

Të dhënat e para zyrtare erdhën në orën 09.33, nga ministrja e mbrojtjes, pas inspektimeve në dy zonat ku tërmeti kishte shembur pallate e shtëpi, në Durrës e Thumanë.

Olta Xhaçka: Durrësi dhe Thumana janë dy lokalitetet e goditura më rëndë. Me dëme të mëdha materiale e tragjikisht edhe me 7 jetë të humbura, siç konfirmohet deri në këto momente sipas informacioneve paraprake. Në të gjitha këto zona, në të gjitha godinat e shembura vazhdon puna e kërkim – shpëtimit, por siç keni mundur ta ndiqni edhe përmes mediave, janë operacione tejet të vështira, ku duhet punuar ngadalë pasi ekziston një rrezik shumë i madh që godinat të pësojnë shembje ose rrëshqitje të mëtejshme, duke rrezikuar jo vetëm banorët që mund të jenë të bllokuar, por edhe forcat e shpëtimit.

Gati 10 orë pas tërmetit, Km postoi këtë video mesazh, ku fliste për pabesi të natyrës

5 orë më vonë Edi Rama bënte të ditur se qeveria do nënshkruante një marrëveshje me strukturat hoteliere të Durrësit, Kavajës dhe Vlorës, për të mos i lënë njerëzit të kalonin festat e fund-vitit në çadra.

Numri i viktimave të nxjerra nga gërmadhat kishte shkuar 19, e po shtoheshin pikëpyetjet se përse nuk shpallej gjendja e jashtëzakonshme. E parashikonte qartë një ligj i miratuar me propozim të Kryeministrit më 18 korrik 2019, ai për mbrojtjen civile, që synonte garantimin e mbrojtjen e jetës së njerëzve, pronës etj, përmes forcimit të sistemit të mbrojtjes civile. Por Kryeministri e shmangu përgjigjen, i pyetur pasditen e ditës së tërmetit, teksa ndodhej në Durrës.

Kërkimet nën rrënoja vijonin, në Durrës e Thumanë, e ato përcilleshin nga çdo TV e media sociale. Pak pas orës 19.30 të mbrëmjes, edhe Kryeministri postoi një video nga kërkimet në një pallat në Durrës, e më vonë shkoi edhe vetë, duke vlerësuar punën e ekipeve shqiptare, e posaçërisht Trupat speciale të Kosovës, të mirë-pajisur edhe me qen kërkimi nën rrënoja, si dhe ekipet e ardhura nga Greqia, Kroacia, Rumania, Franca, Turqia, Zvicra e Italia.

Të njëjtën mbrëmje të 26 nëntorit, pasi kishte vizituar të lënduarit në spitalin e traumës, Km u përball sërish me pyetjen e gjendjes së jashtëzakonshme.

Rama: Eshtë e çuditshme ta dëgjoj këtë pyetje nga mëngjesi deri në darkë. Çfarë do të thotë? Akti formal i gjendjes së jashtëzakonshme?! Nuk është se sjell më shumë se sa ka sjell sot gjithë ky solidaritet. Nuk do të ndryshojë asgjë. Natyrisht, nesër është dita për të menduar për të gjitha.

Të nesërmen, në 7 e 20 të mëngjesit, Rama thirri mbledhjen e parë të jashtëzakonshme të qeverisë. 27 orë pas tërmetit, kur nr i viktimave kishte shkuar në 31, KM shpalli ditë zie dhe gjendjen e emergjencës për Tiranën e Durrësin.

“Do shpallim gjendjen e jashtëzakonshme bazuar në Kushtetutë. Ashtu si Kushtetuta dhe legjislacioni shtjellojnë, duke nisur nga natyra dhe perimetri i situatës do të jetë gjendje e jashtëzakonshme për dy rajonet e prekura në mënyrë të drejtpërdrejtë, Tiranën dhe Durrësin”.

Në fakt, ç’ka ishte shpallur nuk ishte gjendja e jashtëzakonshme, por gjendja e fatkeqësisë natyrore, e parashikuar si në nenin 174 të kushtetutës, ashtu edhe në ligjin që vetë kishte propozuar 4 muaj më parë (neni 39). Emërtimi ishte i qartë, edhe në VKM që u publikua në FZ, por jo në faqen e KM.

Ndërsa Shqipëria tregoi kapacitete modeste të emergjencave civile, spikati lëvizja e duhur e KM, për të lidhur kontrata me hotelet e Dr, Kavajës e Vlorës në fillim, për të strehuar banorët, shtëpitë e të cilëve u dëmtuan rëndë nga tërmeti.

Në mënyrë sistematike, Edi Rama shfaqej tek këto hotele, duke takuar banorët e mbetur pa strehë, e më tej duke falënderuar ekipet e huaja që punonin nën rrënoja. Gjithçka përcillej përmes televizionit të tij online.

Eshtë momenti kur tashmë Rama nis të shfaqet disa herë në ditë, deri pas mesnate, e me vete ka vetëm ERTV-në e tij. Shfaqet edhe përkrah personazheve të njohur të vullnetarizmit, si Elvis Naçi, apo Arbri i Fundjavës Ndryshe, që kishin iniciuar fushata solidariteti në mbështetje të banorëve të prekur nga tërmeti.

Përmes ERTV shqiptarët panë se si dukej një super-magazinë, ku mblidheshin ndihmat e organizatës Fundjava Ndryshe, edhe pse nuk panë një të tillë shtetërore.

Solidarizimi i menjëhershëm i Kosovës, si në nivel shtetëror ashtu edhe qytetar, dominoi pozitivisht çdo media tradicionale e sociale, në ato orë të para, tejet të vështira. Rama u shfaq në Durrës në krah Zv.Km të Kosovës, biznesmenit të njohur Behgjet Pacolli. E falënderoi për mbështetjen që vazhdonte të vinte nga Kosova, por nuk u shfaq reflektues për heqjen e tarifës në rrugën e Kombit për automjetet dhe ekipet e solidaritetit.

Rama: Kush jep ndihma me zemër mund t’i paguaj edhe 5 euro Tarifa tek rruga është detyrim i të gjithëve dhe ka të bëjë me shërbimin e infrastrukturës, me sigurinë rrugore dhe me shtetin, tani në qoftë se vjen me zemër për të dhënë shumë më tepër se sa ato 5 euro, 5 euro nuk janë një diskriminim ato paguhen në të dy anët e kufirit dhe ne edhe ne Kosovë dhe në Shqipëri…

U provua shumë shpejt jashtë loje me pozicionin e vet, kur Koncesionari bëri të ditur se që ditën e tërmetit më 26 Nëntor, kishte lejuar kalimin pa pagese te të gjithë makinave të Kosovës e Shqipërisë, që janë solidarizuar, apo qe kane sjelle ndihma për te prekurit nga tërmeti. E kështu do vijonte deri në përfundim të situatës emergjente.

Një moment bllofi, që nuk ia lehtësonte marrëdhënien delikate me Kosovën, e reflektuar edhe në perceptimin publik. Në mbrëmje vonë, rreth orës 22.30, përmes një sqarimi të gjatë në FB, mohonte ç’ka kishte pohuar me zë e figurë dhe konfirmonte vendimin, që koncesionari e kishte bërë të ditur orë më herët.

Në siklet e sipër, u kujtonte të gjithëve se si e kishte mbrojtur pavarësinë e KS në Beograd. Mungesa e qetësisë, dukej se i kishte cenuar kreativitetin, pasi një nga lëvruesit më të mirë të gjuhës shqipe, nuk kishte përzgjedhur dot term më të mirë për të prekurit nga tërmeti, sesa epiteti “fatkeqë”.

Nuk po e kapte dot boshllëkun që kishte lënë me mungesën disa orëshe të reagimit publik, prej rënies së tërmetit. E kishte humbur garën me tempizmin e reagimit në atë situatë.

Mediat nuk kishin ndenjur në pritje të qeverisë, por ishin pozicionuar si burim informacioni në kohë reale në pikat e nxehta, Durrës e Thumanë, nga ku realizonin transmetime maratonë live, ndërsa KM, që e përcillte punën e tij, vetëm përmes ERTV, jo gjithnjë arrinte të thyente programacionin e tyre, që pasohej hapjen e studiove, kryesisht për ekspertë.

Përjashtim bënte takimi i mëngjesit, pak pas orës 7, ku televizionet i jepnin gjithë hapësirën e nevojshme, ndërsa aktivitetet pasardhëse, nuk kishin të njëjtin fat, pasi mediat tashmë e kishin shtrirë raportimin përveç Durrësit e Thumanës, edhe në Lezhë e Laç, pasi gjeografia e dëmeve ishte zgjeruar.

Kryeministri shpërtheu ndaj mediave në mbledhjen e dytë të qeverisë, në ditën e pavarësisë më 28 nëntor, duke i akuzuar se po mbillnin panik.

Rama: Iu bëj thirrje të gjithëve duket besuar se i bëjnë nga mungesa e një reflektimi pak të cekët, që të mos na detyrojnë që nga gjendja e jashtëzakonshme, që të marrin masa që t’ju fikim dritën e ekraneve e pasqyrave të tyre.

Paralajmërimin e përsëriti edhe njëherë me shkrim në faqen FB, duke kërcënuar me mbyllje mediat si tradicionale ashtu edhe sociale.

“Paralajmëroj për herë të fundit, portalet e kanalet e informimit, se në kushtet dhe kuadrin ligjor të Gjendjes së Jashtëzakonshme, do të jem i detyruar të ndërhyj, forcërisht, për mbylljen e tyre deri në fund të kësaj faze dramatike, nëse vazhdojnë me publikime rrenash që përhapin panik!”

Këto akuza të forta, të përsëritura e pa nominuar askënd, kishin tiparet e një intimidimi ndaj të gjithëve, e dukej ky ishte synimi. Vijon t’i referohet të drejtave ligjore që i lindin shtetit në kushtet e gjendjes së jashtëzakonshme, edhe pse në fakt vetë nuk ka shpallur një të tillë, por vetëm gjendjen e fatkeqësisë natyrore, të pjesshme, në disa qarqe. Të ishte vallë ai artikulim i Kryeministrit, diçka e menduar, e aspak lapsus?

Rama: Por për atë që nuk e dinë, gjendja e jashtëzakonshme nuk është çështje thjesht financash, por e një sërë masave. Nuk e di nëse janë të gatshëm ata që e predikonin gjendjen e jashtëzakonshme që t’u nënshtrohen këtyre masave. Gjendja e jashtëzakonshme, për një periudhë 30 ditore, ka hapësirat dhe detyrimet për ata që duhet ta qeverisin atë.

A e ka shpallur vallë Edi Rama këtë situatë, për të patur fuqi, që do i njiheshin, vetëm në kushtet e një gjendje së jashtëzakonshme?

Dyshimet u shtuan kur në mbledhjen e katërt të jashtëzakonshme të qeverisë, Edi Rama kritikoi hapur ministrin e brendshëm se nuk kishte marrë masa, për ato që i quajti sulme kibernetike, pasi vlerësoi negativisht emisionet televizive.

Rama: Më vjen shumë keq për rolin absolutisht problematik të mediave në këtë proces. Jo të gjitha, natyrisht. Më vjen shumë keq për klimën acaruese që krijojnë mjediset e debateve mediatike…i kam parë sintezat e këtyre debateve në raportimin që marr dhe jam i mahnitur nga mungesa e mirëkuptimit të disa prej këtyre moderatorëve për nevojën e madhe që ka ky vend, ky popull, për të marrë mesazhe qetësie…Ne nuk mund të bëjmë më shumë  sesa të kërkojmë pak më shumë mirëkuptim, pak më shumë angazhim edhe nga ata. Këto ditë kanë nxjerrë në pah një dobësi të pranueshme në Ministrinë e Brendshme, lidhur me gjithë hallkën e luftës kundër krimit kibernetik. Kapacitetet zero dhe aftësitë për të reaguar ndaj lajmeve të rreme, për të reaguar ndaj shprehjeve të urrejtjes, apo të racizmit madje, për të reaguar ndaj sulmeve kibernetike, zero

Pas kësaj, akuza më e përdorur ishte “për përhapje paniku” që pasohej me ndërhyrjen e policisë. Një aktiviste nga Durrësi u arrestua se ndau në faqen e saj FB një shkrim të italianes L’avvenire, ku thuhej se tërmeti mund të kishte dëmtuar depozitat e ujit në Durrës. Administratori dhe një punonjës i portalit JOQ u proceduan, sipas policisë pasi lejuan publikimin e lajmeve të paverifikuara, ndërsa portali u mbyll pa u publikuar një urdhër a referencë ligjore.

Një përplasje mes aktivistëve të Aleancës për mbrojtjen e Teatrit dhe ministrisë së brendshme, erdhi kur aktivistët publikuan këtë video të xhiruar prej tyre, ku duket një makinë që po shkarkon ndihma në godinën e ministrisë së brendshme.

Një aktiviste që e ndau në FB u tentua të ndalohej, por policia u tërhoq, kur aktivistët e tjerë i dolën në krah dhe e postuan live në FB atë procedurë të policisë së shtetit.

A po zbatohen vallë urdhra të një gjendjeje të jashtëzakonshme, edhe pse zyrtarisht është shpallur gjendja e fatkeqësisë natyrore, edhe ajo, vetëm në një pjesë të vendit?

Dukshëm Kryeministri nuk i duhen zërat kundër në këtë situatë, ku përgjegjësia e shtetit artikulohet krejt dobët. Pasditen e 30 nëntorit përmes një Twitteri, ftoi Lulzim Bashën të ulej në tryezë me të, për të dëgjuar idetë dhe propozimet konkrete për të dëmtuarit nga tërmeti.

Nuk mungoi edhe tirada ndaj strategjisë së zgjedhur nga PD për vetëpërmbajtje, edhe pse politikisht komode për Ramën.

“Për çdo gjë ka një kohë nën këtë qiell; një kohë me lind e një kohë me vdek; një kohë me i mbledh e një kohë me i largu gurët; një kohë me rrëzu e një kohë me ngrit; një kohë me fitu e një kohë me hum; një kohë me u luftu e një kohë me u paqtu..” Kjo është koha me u ftillu”

Lëvizja nuk mori vëmendjen e duhur mediatike, ndërsa u lexua si kosto politike për Bashën, që kujdesshëm e refuzoi.

Mungesa e interesit publik, solli edhe humbjen e interesit të Ramës mbi atë mundësi bashkëpunimi, ndërsa vijonte kontaktet për ndihma me vendet e huaja, pasi fatura financiare vinte në rritje. Basha mblodhi ekspertët, e nxori 3 propozime, por Rama nuk i konsideroi.

Iu rikthye edhe njëherë mediave, me shkak dëmtimet nga pasgoditjet në spitalin e Durrësit.

Një vizitë e Bashës në këtë spital pas atij lajmi, teksa ministrja Manastirliu e shoqëronte, tërhoqi vëmendje të lartë mediatike. Katër ditë më vonë, nga i njëjti spital, anatemonte sërish mediat

Rama: Se janë shumë interesant këta të mediave. Dje ishte njëra thoshte ‘jam këtu në qytetin fantazmë të plazhit, aty fantazmë është në dimër se nuk shkon njeri. Problemi është te struktura, prandaj po sjellim të huajt që të kemi një garanci ne…i lujtën mendsh këta televizionet.

Narrativën se mediat po përhapnin panik, pa nominuar askënd, kryeministri  e mbante gjallë në çdo rast, edhe kur e zgjedhura e tij në krye të Bashkisë Dr, Valbona Sako, dha dorëheqjen në kulmin e situatës së vështirë, me arsye publike, disa deklarata të pamenduara televizive.

Kryeministri e shmangu transparencën për këtë moment, duke kundërsulmuar mediat.

Rama: Mos të merremi me këto histori anësore. Ju jeni heronj në terren, por ata që ju drejtojnë me telefon nga redaksitë dhe të mbledhin në darkë lloj-lloj sharlatanët, pasi njerëzit janë të tmerruar. Një nga gjeneratorët e tmerrit janë ekranet e debateve pa kuptim… i luajtët mëndsh njerëzit. Jo ju që jeni këtu në terren, por përmes ekraneve…

Dozat e nervozizmit dhe humbja e durimit i lexoheshin edhe me të vetët, në transmetimet e ERTV. Një gjest spostimi i Erion Braçes në Lezhë për përparësinë e ecjes…

Ky acarim ndaj Erion Veliajt për përparësinë e fjalës.

Po pusho o Erion pusho…”

Apo edhe ky shpërthim sërish ndaj Kryebashkiakun për një punë të bërë jo mirë.

Rama: Do lyesh shkallën, nesër ti vetë në 4.30 të mëngjesit

Natyrisht që këto sjellje të KM bënin lajm, më shumë se gjestet balancuese që përpiqej të prodhonte, si kjo foto me batutë për Erion Braçen (ha or ti ha se po hyn në ujë).

A po kërkonte vallë Edi Rama protagonizëm absolut në informimin e publikut? Në fakt gara ishte e pabarabartë dhe Rama synonte përparësi në një fushë, që nuk është detyrë e qeverisë. Përballë mediave të shumta, sa në terren e në studio TV, KM e kishte marrë barrën krejt i vetëm, e shfaqej po vetë kudo, veç me ERTV e tij.

Zhgënjimi se nuk po i njiheshin meritat e çoi në vetëlavdërim, si në këtë komunikim me mediat në Durrës.

Rama: Unë i solla ekspertet e huaj për tw kërkuar trupa, unë i mora nw tel miqtë e mi dhe sollën ekspertet….

Nga ana tjetër, informacionet më të rëndësishme për nivelin e kontributeve nga vende të NATO-s, të cilat i sensibilizoi personalisht në samitin e Londrës, apo ato në nivel të BE, çuditërisht zgjedh t’i japë si biseda kafeneje përmes ERTV, me të vetmin person që duket komod, drejtorin e tij të komunikimit Endri Fuga.

Bëri bashkë aktivistë e ekspertë të njohur, për të iniciuar idenë e tij të rindërtimit pas tërmetit të 26 Nëntorit.

I sigurt se ata që kishin impakt të lartë publik, i kishte ulur në tryezën e vet, iu rikthye anatemimit të mediave, të cilat po e transmetonin live, atë që po prodhonte me ERTV-në e tij.

Marin Mema: Media nuk është macja e zezë. Po e kërkojmë fajin tek media. Media nuk është skandaloze, apo të etiketohet me përkufizime të tjera që më duken absurde, siç do sektor tjetër ka problem, por nuk do të thotë që ta anatemojmë. Nuk është për të sjellë zërin e qeverisë, por zërin e qytetarëve.

Edi Rama: .. media është skandaloze… kriminale madje …Kanë ikur njerëz me mijëra nga Tirana, Durrësi… unë e kam mbyll punën me ekranet, por marr raportet, dhe njerëzit thonë unë po iki se ka ardhur fundi i botës.

Pavarësisht se ishte e dukshme, media nuk u mor posaçërisht me kapacitetin reagues e përgatitor të vendit, por ishte i fortë kontrasti me modelin që erdhi nga Kosova. Kryeministri në largim Haradinaj tregoi se si kishte funksionuar shteti 11 vjeçar, sapo kishte mësuar për tërmetin në Shqipëri.

Ministrja e Mbrojtjes, mbeti zëri informues zyrtar për situatën e emergjencës së vendit, në 5 ditët e para pas tërmetit efekt…Vetëm në ditën e 6 u aktivizua qendra operacionale me drejtues ministrin e Bujqësisë Bledi Çuçi e zv ministren e brendshme Rovena Voda, që nisën informimin publik 2 herë në ditë. Edhe kur pranonte denoncimet me figurë të mediave, Edi Rama zgjidhte sërish anatemimin e tyre.

Rama: Po, ka pasur raste abuzimi me ndihmat, se ato që kanë dalë në televizor nuk kanë qenë me aktorë filmash, por ato abuzime – po ju shtoj unë edhe nja 30 të tjera që nuk kanë dalë në televizor, – e dini sa janë në raport me ndihmat që kanë ardhur? As 1% e tyre. ….Një dekurajim, mërzi, një çorodi tek njerëzit, që në televizor kërkonin të shikonin çfarë po ndodh në vendin e tyre, çfarë po ndodh me familjet e tyre, me lagjen e tyre, me të afërmit e të njohurit e tyre dhe shikonin hajdutë xhepash. Sikur ishin hajdutët e xhepave që kishin marrë situatën e territorin në kontroll e jo 5000 njerëz; policë, ushtarë, zjarrfikës, mjekë, infermierë, njerëz të shtetit. Pastaj edhe klithmat për “nuk paska doreza”, “kapele”, “çizme” e histori qensh.

Nuk është hera e parë që Rama në vitin e 7 si Kryeminister, shënjestron mediat. Përpjekjes së dështuar në 2015 për një ligj anti-shpifje, i është rikthyer prej gati dy vjetësh. Ndryshimet ligjore të propozuara nga qeveria, me fokus mediat online, kane nisur të diskutohen në komisionin e ligjeve, pavarësisht kundërshtive të organizatave të medias, e rezervave ndërkombëtare. A po ndërton Rama me anatemimin përgjithësues, një justifikim për ato ndryshime ligjore? E konfirmoi vetë në mbledhjen e të premtes.

Nga ana tjetër, askush nuk e ndal KM, edhe kur përdor një gjuhë të tillë publikisht, në median e tij ERTV.

Duhet pranuar se sensibilizimi ndërkombëtar i dha rezultatet e veta edhe pse ende nuk ka një shifër a faturë për dëmet e 26 nëntorit, BE akordoi si fillim 15 milionë euro e Euro-Komisioneri për emergjencat ishte në Shqipëri për të parë situatën për financimet e mëvonshme.

Pas Samitit të NATO-s në Londër, Presidenti Francez bëri të ditur se do organizonte një konferencë donatorësh në Paris, e të njëjtën gjë do bëjë edhe presidenti Erdogan me një konferencë investitorësh nga vendet islame në vendin e tij.

Tashmë Kryeministri duket i sigurt në mundësinë e financimit të asaj ç’ka ka ideuar për rindërtimin e zonave të dëmtuara nga tërmeti. Ia ka dalë të fitojë në luftën me kohën për të arritur zgjidhjen që synonte, e që pa dyshim që do i shërbejë për të kërkuar një mandat të ardhshëm.

Pas toneve kërcënuese për ndërtuesit, të cilëve u kërkoi të merrnin përsipër godinat e tyre të dëmtuara, e jep vetë edhe informacionin nga hetimet për Durrësin.

Vangjush Dako, ish Kryebashkiaku i Durrësit që ka firmosur për 12 vjet leje ndërtimi, u pa t’i fliste Kryeministrit Rama për dokumente, e të merrte edhe pohimin e tij, teksa po ndaheshin, mbrëmjen e të enjtes në Durrës.

Prej të enjtes së 5 dhjetorit, vendi ka një prokuror të ri të përgjithshëm, Olsian Çelën i zgjedhur me 101 vota pro në kuvend. Që në marrje të detyrës identifikoi si prioritet hetimet mbi tërmetin.

Edi Rama e kapërceu fazën e parë delikate të pas tërmetit të 26 nëntorit. U impenjua si kurrë më parë për të mbajtur fort nën kontroll perceptimin publik. Për ta arritur sulmoi mediat, i mbajti ditë pas dite nën presion duke i kompleksuar e duke shtruar rrugën për një mandat të tretë.

Nuk pati asnjë shqetësim nga opozita, e cila zgjodhi strategjinë e vetëpërmbajtjes, e të spostimit në hije edhe mediatikisht, në respekt të situatës pas tërmetit të 26 Nëntorit./abcnews.al

ILIR-META-23.11.2019.mpg_snapshot_00.54-1280x720.jpg
ent ela16:49 | 23/11/2019

“Ku po shkon Ilir Meta?” Eshtë pyetja të cilës tenton t’i japë një përgjigje këtë javë Politika në ABC News. Përplasja e kreut të shtetit me mazhorancën e ambasadorët është frontale, por Ilir Meta e çoi edhe më tej, duke u bërë thirrje shqiptarëve të marrin fatet e tyre në dorë.

Emocionet personale dominuan ato institucionale, në përplasjen tashmë frontale mes presidentit e mazhorancës. Shkak i dukshëm është konflikti për ngritjen e Gjykatës Kushtetuese. Për herë të parë një President, pasi vizaton një shtet të kapur nga mazhoranca qeverisëse, i bën thirrje popullit për referendum, në mbrojtje të demokracisë. Përkundër këtij qëndrimi të Presidentit, opozita jashtë Kuvendit po e gjen gjuhën me mazhorancën për reformën zgjedhore, që do i hapte rrugë synimit të saj për zgjedhje të parakohshme. Në këtë panoramë, vetë Kryeministri pati kohë edhe për pasionin profesional, artin.

Po çfarë ndodhi javën politike që lamë pas?

Emërimi i dy kandidateve për vakancën e Presidentit në Gjykatën Kushtetuese, solli një përplasje të fortë politike, që në vijë të parë ka institucionet, e kosto edhe ndërkombëtarët.

Ideja për të marrë një opinion profesional nga Komisioni i Venecias për situatën në GJK, si dhe shkarkimi nga KPA i të dekretuarit të parë të presidentit Meta, Besnik Muci, rindezi edhe më tej tensionin politik.

Dy herë brenda pak ditëve Ilir Meta tha se do publikonte një video ku faktohej faktohej sesi kreu i KED Ardian Dvorani, kishte përvetësuar kompetencat kushtetuese Presidentit, duke çuar në shpalljen automatikisht fituese të një gjyqtareje e renditur e para nga KED, Arta Vorpsit. Ndërkaq e dekretuara e tij Marsida Xhaferllari, u njoh si e tillë nga trupa 4 antarëshe e Gjykatës Kushtetuese, që drejtohet nga gjyqtarja më e vjetër, Vitore Tusha, përcaktuese edhe në ndarjen 2 me 2 në vendimin e trupës pro Xhaferllarit. Pikërisht Vitore Tushën shigjetoi javën politike që lamë pas, ish-drejtuesi parlamentar i hartimit të reformës në drejtësi Fatmir Xhafaj.

Në web e Gjykatës znj.Tusha ka botuar listën e anëtarëve të rinj! Pyetja është kë të besojmë, znj.Tusha n/kryetare të KED që ka shpallur znj.Vorpsi fituese apo znj.Tusha gjyqtare, që nuk respekton as vendimin e organit që drejton. Në cilin kuorum të Gjykatës Kushtetuese u bazua kjo vendimmarrje?

Kreu i shtetit e konsideroi presion skandaloz dhe kujtoi videon që po përgatitej si provë. Në pritje, finalizoi padinë penale ndaj Ardian Dvoranit për shpërdorim detyre dhe përvetësim të titullit apo detyrës shtetërore. Kallëzimi 38 faqesh ku thuhet se veprimet e kreut të KED e kapërcejnë kufirin e shkeljes disiplinore, u përcollën me korrierin presidencial në PP, PKR dhe PT.

“Presidenti i Republikës vlerëson ekzistencën e një rreziku real që i akuzuari Ardian Dvorani të kryejë sërish veprime kriminale dhe mafioze në shkelje të ngjashme të Kushtetutës dhe ligjit, që do të ndikonin drejtpërdrejt në mirëfunksionimin e organeve te reja kushtetuese”.

Reagimi i kreut të KED, ishte i gjatë, e po aq emocional sa deklaratat e presidentit.

“Për momentin, parashtroj publikisht se, edhe vetë sjelljet dhe veprimet e mia, qoftë edhe ato të pavërteta por të dëshiruara si të tilla nga kallëzuesi, janë të tilla në natyrë që jo vetëm nuk përbëjnë ndonjë vepër penale, por as edhe ndonjë shkelje tjetër të ligjit. Por akoma më serioze është fakti që vetë ky kallëzim penal, sikurse edhe të gjitha deklarimet e zhurmshme të Presidentit, bazohen në një vlerësim dhe interpretim tërësisht të gabuar dhe aspak profesional të Kushtetutës dhe të ligjit”.

Në fakt një regjistrim kallëzimi penal, do e nxirrte jashtë loje Ardian Dvoranin, por edhe vinte në pikëpyetje funksionimin e KED së ardhshme, që zgjidhet çdo vit me afat një vjeçar. Sipas ligjit Presidenti duhet të hedhë brenda 5 ditëve të para të dhjetorit shortin për KED e re, që drejtohet nga një anëtar i Gjykatës së Lartë i paracaktuar është Ardian Dvorani, anëtar i vetëm i kësaj gjykate, i vetmi që qëndron në detyrë, edhe pse mandati i ka mbaruar prej afro 6 vitesh, konkretisht në shkurt 2014.

Por ulja e Xhaferllarit në karrigen e Gjykatëses Kushtetuese, nuk duket një histori e mbyllur. Interesante ishte javën politike që lamë pas, mënyra se si u hodh në publik ideja për të marrë një opinion nga Komisioni i Venecias nëse vendi në Kushtetuese i takonte Arta Vorpsit të përzgjedhur nga KED apo Marsida Xhaferllarit të dekretuar nga Presidenti. I pari e propozoi ambasadori italian më 15 Nëntor, pikërisht ditën kur kuvendi në një seancë të jashtëzakonshme miratoi një rezolutë, që i kërkonte GJK, të mos njihte dekretin e presidentit për Xhaferllarin.

“Kam parë se ka fatkeqësisht divergjenca në interpretimin e ligjeve për Gjykatën Kushtuese mes institucioneve më të larta në vend, që duhet të bashkëpunojnë në mënyrë të përgjegjshme për gjetjen e një zgjidhjeje jo të imponuar por të pranueshme nga të gjithë. Prandaj uroj që kjo zgjidhje e pranueshme të gjendet. Personalisht mendoj se do ishte e nevojshme, për të ndihmuar arritjen e një vizioni të përbashkët, që t’i kërkohet opinion një organizmi ndërkombëtar kompetent, kam parasysh komisionin e Venecias, që mund të tregojë rrugën e duhur që duhet ndjekur”.

Deklarata e ambasadorit italian kaloi pa vëmendje, madje edhe kur ideja u rimor nga Fatmir Xhafaj, pas publikimit në faqen e GJK të anëtares Marsida Xhaferllari.

“Kur arsyeja mungon, fryma dhe gërma e kushtetutës lexohen keq, duhet reagim. Kryesorja me mekanizma politikë, por edhe me veprime të mirëmenduara ligjore, institucionale dhe gjyqësore. Nëse duhet ka edhe precedentë e ekspertizë ndërkombëtare”.

Por ndryshe nga homologu e bashkëkombasi Cutillo, ambasadori i BE Luiggi Soreca sugjeron që çështja të zgjidhet me dialog të brendshëm.

“U bëjmë thirrje institucioneve, që të lënë mënyrë konfliktet për Gjykatën Kushtetuese dhe të ngrenë një institucion të besueshëm. Dialogu është i domosdoshëm në këtë situatë. Ne u bëjmë të gjitha institucioneve të bëhen bashkë dhe të gjejnë zgjidhje në Kushtetutë. Ne japim asistencë teknike dhe nuk mund të vlerësojmë si është zbatuar Kushtetuta”.

E ndryshe nga ambasadori, disa orë më vonë, zëdhënësja e KE në largim, artikuloi idenë që zgjidhja të vinte nga Komisioni i Venecias.

“Në mungesë të një Gjykate Kushtetuese funksionale që mund të vendosë mbi këtë interpretim të papajtueshëm, rekursi për një mendim të Komisionit të Venecias, duket si një zgjidhje efektive për ta trajtuar këtë situatë, si një çështje me përparësi”.

Sërish ajo ide nuk pati vëmendjen e duhur publike, mes zhurmës së debatit, që protagonist kishte presidentin e Republikës, deri kur u risoll mëngjesin e të mërkurës në një deklaratë zyrtare të ambasadës usa.

“Institucionet gjyqësore shqiptare, kushtetuta dhe ligjet për zbatimin e reformës në drejtësi, duhet të udhëheqin procesin e zgjidhjes së këtyre interpretimeve të debatuara. Në mungesë të një institucioni të përshtatshëm ligjor, i cili mund të vendoste mbi interpretimet e kundërta, Shtetet e Bashkuara mbështesin çuarjen e çështjes në Komisionin e Venecias, si një palë e tretë kompetente dhe e paanshme, për opinionin e tij ligjor. Gjithashtu, nxisim palët kundërshtuese që të respektojnë opinionin ligjor të Komisionit të Venecias. Ecja në këtë drejtim do të ishte tërësisht në përputhje me aspiratat europiane të vendit”.

Ishte momenti kur ideja mori vëmendje, por edhe kundërvënie nga Presidenti i Republikës. Së pari përmes zëdhënësit, duke shigjetuar propozuesin e parë, ambasadorin italian, por edhe të fundit, ambasadën amerikane.

“Garantët e veprimeve të paligjshme dhe mafioze të Dvoranit e kanë marrë mbrëmë përgjigjen zyrtare në një bisedë zyrtare tepër të përgjegjshme të Kryetarit të Shtetit. Tymi i Venecias që hodhi me porosi të Ramës, Ambasadori në ikje i Agaçit pak ditë më parë, është turpi më i fundit i grupit të strukturuar diplomatik në Tiranë, bashkëfajtor për dhunimin sistematik të Reformës në Drejtesi dhe me qëllim kapjen e saj të plotë nga Regjimi monist i Edi Ramës. Mjaft më “Rule of Embassy”. Është koha për “Rule of Laë” si çdo vend demokratik”.

Biseda zyrtare tepër e përgjegjshme, të cilës i referohej zëdhënësi Tedi Blushi, rezultoi të ishte një telefonatë 30 minutëshe me Mattheë Palmer, që u konfirmua si nga ambasada e SHBA në Shqipëri, ashtu edhe nga Presidenca.

Burime për ABC Neës bëjnë me dije se në fokus të bisedimeve mes tyre kanë qenë përplasjet për emërimet në Gjykatën Kushtetuese dhe situata politike në Shqipëri, si dhe betimi para presidentit të 8 prokurorëve të SPAK.

Aktivizimi i instinktit politik tek Ilir Meta, u shoqërua me simbolika luftarake. Ky nderim i gardistit të institucionit, me komentin se ai do ishte ushtari i dytë pas presidentit, në mbrojtje të Republikës

“Hipokritët që po çojnë aktet në Venecia janë hipokritë, sepse duhet të kishin çuar emërimin e Arta Markut me 69 vota. Nuk besoj se keni harruar deklaratën e Xhafës”

A lidhej vallë shpërthimi i Metës, me një tjetër ngjarje të ditës, shkarkimin e të dekretuarit të tij të parë në Kushtetuese, Besnik Muçi?

Besnik Muci, e cilësoi të pavlefshëm procesin dhe vendimin e KPA ndaj tij.

Argumentimi mbrojtës ishin tiradat për institucionet që e kishin konfirmuar.

Në fakt Besnik Muçi spikat për pasionin për të kandiduar për çdo funksion në 2 vitet e fundit. Ai ishte pjesë e garës që u nxit nga ndërkombëtarët për PPP në 2017, ku fituese u shpall Arta Marku. Të ishte vallë ajo gatishmëri e treguar prej tij në 2017, siguria që ambicja profesionale të mos ndalej aty? Kur në shtator 2019 nisi shqyrtimi i ankimimit në shkallën e dytë të vettingut, përveçse anëtar i KLP, Besnik Muçi ishte edhe kandidat si për Gjykatën Kushtetuese, ashtu edhe për SPAK. Më 15 tetor Presidenti e dekreton gjyqtar kushtetues, por 6 ditë më vonë, Besnik Muçi shkarkohet nga shkalla e dytë e vettingut, e Gjykata Kushtetuese mbetet sërish me 4 anëtarë.

“0 surprizë nga vettingu i partisë. Ju e dini që vetting-u i Partisë u shpall para pak ditësh për zotin Muçi. Nuk jam i habitur se ai që ditën e parë që ka hyrë në zyrë ka pasur presione që të bëhej pjesë e puçit për të penguar Marsida Xhaferllarin që u betua si anëtare e Gjykatës Kushtetuese…Nëse doni emra, nuk e keni harruar zotin Xhafaj, i cili publikisht i bëri shantazh Vitore Tushës, e cila jo vetëm kaloi vetting-un, por qëndroi në detyrë me sforco, për të mbajtur hapur dyert e Gjykatës Kushtetuese”.

Të nesërmen Besnik Muçi iu drejtua me një kërkesë kryetares Vitore Tusha, ku i kërkonte të shprehej mbi përfundimin e mandatit të tij në GJK. Deri në një vendim, bënte të ditur Muçi, do të qëndronte në detyrë. Por lëvizjet që pasuan ishin interesante: Presidenti e thirri të dekretuarin e vet dhe i kërkoi të rishikonte vendimin, e të mos qëndronte në detyrë. Pak minuta pas atij takimi, emri i Muçit u hoq nga përbërja e trupës në faqen zyrtare të Gjykatës Kushtetuese, ndërsa Presidenti shpalli vakancën për postin e tij.

A ishte vallë lëshimi i menjëhershëm i Besnik Muçit, pavarësisht anatemimit të vendimit të KPA, një lëvizje tolerance, që të pranohej e zgjedhura tjetër e Presidentit, Marsida Xhaferllari?

Ndryshe nga një vit më parë, Ilir Meta duket i vendosur ta hedhë siç i takon shortin për KED e re, më 5 dhjetor, e të rrisë monitorimin ndaj punës së këtij Këshilli. Nga ana tjetër po kërkon legjitimitet për veprimet e veta, përmes takimeve, të nisura prej ditësh, me aktorë politikë e të shoqërisë civile, duke nisur nga ish presidentët. Dobësia e njohur për Sali Berishën kapërceu protokollin institucional, në pritje e përcjellje. Si ish president e ish Kryeminsitri, Berisha u shfaq sinkron me Presidentin e Republikës.

Njëlloj edhe paraardhësi i Metës, Bujar Nishani.

Bamir Topi e sheh problemin më thellë, tek ndryshimet kushtetuese të 21 prillit 2008, në atë kohë, të dakordësuara mes Berishës e Ramës e të kundërshtuara nga Ilir Meta.

Edhe takimi me opozitën e bashkuar pati simbolika që e tejkaluan protokollin. Lulzim Bashës iu ofrua hyrja nga porta kryesore, që protokolli e parashikon për presidentë, Kryeminstra e ambasadorë, ndërsa aleatët, hynë njëri pas tjetrit nga dera anësore e institucionit. Në njoftimin për shtyp të presidentit spikati mbështetja për qëndrimin e opozitës për zhvillimin e zgjedhjeve të parakohshme të menjëhershme. I dha zë edhe Lulzim Basha.

Duket se Ilir Meta po luan gjithçka për gjithçka, në rastin e Gjykatës Kushtetuese, duke mos kursyer as vetë ambasadorët. Javën politike që lamë pas, shpalli non grata në institucionin që drejton ambasadorin e OSBE Borchard. Në notën verbale që i ishte përcjellë selisë qëndrore të OSBE, prezencës në Tiranë dhe ministrisë së jashtme, si shkak jepej qëndrimi i ambasadorit për dekretin e Presidentit për zgjedhjet e 30 qershorit, si dhe një gjest të dënueshëm me gisht në publik. Kërkesa e presidentit u respektua nga OSBE dhe ambasadori Borchardt nuk e shoqëroi delegacionin e nivelit të lartë të Asamblesë Parlamentare të OSBE-së, në takimin me kreun e shtetit. Por ndryshe nga Presidenca, me gjithë qasjen e ngjashme për Borchard, PD e priti ambasadorin, që shoqëroi të njëjtin delegacion, në takimin me Lulzim Bashën. Në fakt ishte pikërisht ambasadori Borchardt, ai që mundësoi uljen e opozitës politike në tryezën e reformës zgjedhore, bashkë me komisionin e posaçëm parlamentar që bashkëdrejtohet nga Damian Gjiknuri e Rudina Hajdari. Opozita joparlamentare e mori kështu de fakto vendin që i ishte rezervuar në tryezën e reformës zgjedhore. Pas diskutimit 5 orësh me dyer të mbyllura, PS e PD u shfaqën në sinkron për një proces që duket se po u ecën edhe më mirë, nga sa shprehen publikisht.

Nga ana tjetër, duket sikur socialistët po sillen kujdesshëm me Presidentin, duke shmangur konfliktin direkt, që Ilir Meta e ka pikë të fortë. Nuk po nxitojnë më të votojnë shkarkimin e tij, i parashikuar në 8 Dhjetor, ndërsa KM nuk është përfshirë në debatin për Gjykatën Kushtetuese. Mungesa e tij e pati një arsye të dukshme javën politike që lamë pas. Ajo ishte artistike, pasi Muzeu i Artit në Nevada të SHBA, njoftoi për një ekspozitë të Km të Shqipërisë, duke i ftuar që të takonin Edi Ramën, i pranishëm, të enjten e 21 Nëntorit. Prania e Kryeministrit u bë e ditur edhe nga një postim i zv/guvernatores së Nevadës, që e kishte takuar në përgatitjet për hapjen e ekspozitës së tij. Ditën e caktuar, 4 orë para hapjes së ekspozitës, Galeria bënte njoftimin e ri, sipas të cilit Kryeministrit i ishte dashur të largohej për punë urgjente politike. Edi Rama e zbardhi një arsye në Tëitter. U shfaq në kryeqytetin e Arabisë Saudite në Rijad, për të diskutuar siç shkruante mbi ecurinë e përgatitjeve për investime të rëndësishme, ndërsa i kishte dhuruar princit saudit të kurorës librin e fundit për artin e tij, i titulluar “Punë”.

Në Tiranë ndërkohë Taulant Balla njoftonte zgjatjen e afatit të punës së komisionit parlamentar për shkarkimin e Metës, për t’i shtuar hetimit edhe dekretimin e Marsida Xhaferllarit.

A po i jepet vallë mundësi një marrëveshjeje, si ato që kemi konstatuar në të kaluarën? Padyshim që GJK ka një peshë të jashtëzakonshme për çështjet e nxehta në vend. I duhen edhe dy anëtarë për të arritur nr. 6, kur bëhet funksionale për vendimmarrje, që nga zgjedhjet e 30 qershorit, një nga 9 kushtet e Bundestagut, që ose do ta çonte vendin automatikisht vendin në zgjedhje të parakohshme vendore, ose do t’i jepte të drejtë socialistëve që kërkojnë shkarkimin e Metës.

A është vallë lëshimi i të zgjedhurit të tij Besnik Muçi, një sinjal kompromisi i Metës, që të pranohet dekretimi i të zgjedhurës tjetër të tij, Marsida Xhaferllarit? Koha do e tregojë, por duket edhe një sinjal ndaj merakut të lexueshëm, se mos Meta nuk pranon betimin e anëtarëve të SPAK, struktura e posaçme e hetimit, që pritet të zgjidhet javën e ardhshme.

Kreu i KLP, institucionit që i përzgjedh anëtarët më të mirë për SPAK, i shkoi në zyrë Presidentit javën politike që lamë pas, për ta informuar personalisht mbi këtë proces, i cili ka qenë pjesë edhe e telefonatës që zv ndihmës sekretari amerikan Palmer i bëri kreut të shtetit mbrëmjen e të mërkurës.

Një komunikim të kujdesshëm në distancë pati mes DASH dhe presidentit Meta mbrëmjen e të premtes. Zëdhënesi i tha VOA se DASH po e ndjek situatën teksa ishte njohur me deklaratën e Metës “Jo më shtet të ambasadave, por shtet të së drejtës”. Sipas tij qëndrimi i SHBA nuk ka ndyshuar, se respektimi i ligjit është mbi të gjitha, ndërsa përparimi me reformat është jetik për stabilitetin dhe begatinë e Shqipërisë, e antarësimin në BE. Nga ana e tij Presidenti përshëndeti deklaratën, duke konfirmuar vendosmërinë për të bashkëpunuar ngushtë me DASH e SHBA për zbatimin e Reformës në Drejtësi sipas Kushtetutës së miratuar me SHBA e komisionin e Venecias. Kujdeshëm Ilir Meta kujtoi se as qëndrimet e tij nuk kishin ndryshuar, të shprehura zyrtarisht për përfaqësuesit e lartë amerikanë gjatë 5 viteve të fundit, e të përsëritura edhe në bisedën e fundit telefonike me Mattheë Palmer.

Nuk pati një reagim nga Presidenti, ndaj qëndrimit të përcjellë nga zëdhënësja e KE Maja Kocijançiç, që i cilësoi të papranueshme deklaratat e Metës që venë në dyshim integritetin e bashkësisë diplomatike të BE në Tiranë europianë në Tiranë.

Por mbrëmjen e të premtes, Meta president ftoi shqiptarët për një referendum, në mbrojtje të kushtetutës, por pa e përcaktuar se si do orgnizohet, në kushtet kur ligji ia njeh këtë të drejtë parlamentit dhe 50 mijë zgjedhësve, aryeja për të cilën Shqipëria ka njohur vetëm 3 referendume ne tre dekadat e fundit, të tre të iniciuar nga parlamenti.

POLITIKA-NE-ABC-NEWS-KUSH-PO-E-KAP-GJYKATEN-KUSHTETUESE-1280x720.jpg
ent ela16:26 | 16/11/2019

Besimi publik tek Gjykata Kushtetuese u lëkund nga akrobacitë politike me emërimet e kandidatëve për gjykatën më të lartë të vendit. Një përplasje në dukje institucionale, por që nxori në pah ambicjet e njohura për dominim politik në kapërcim të ligjit. Mimoza Koçiu na sjell këtë dinamikë plot dritëhije, të javës politike që lamë pas. Ndjekim Politika në ABC News.

Historia po përsëritet me konfliktin institucional President-Mazhorancë, që rikthehet pas 4 muajsh, njëlloj si në fillim qershorin e 2019, kur Presidenti anulloi datën e zgjedhjeve vendore, e KQZ nuk e konsideroi dekretin, duke u mbështetur në një rezolutë që nxori parlamenti. Katër muaj më vonë, kur procesin e zgjedhjes së anëtarëve të Gjykatës Kushtetuese, dy emra u shpallën fitues për të njëjtin vend, që i takonte kreut të shtetit, një nga Presidenti e një nga KED, mazhoranca po përmes një rezolute, i kërkoi GJK, që të mos njihte dekretin e Ilir Metës për Marsida Xhaferllarin. Për herë të parë një gjyqtar i shpallur kushtetues nga KED, Arta Vorpsi, shkoi të betohej para një noteri, e po për herë të parë presidenti Meta e artikuloi vullnetin për të shpërndarë parlamentin. Mbresues mbeti niveli i energjive të shpenzuara nga aktorët vendimmarrës për këtë cështje.

Po çfarë ndodhi javën politike që lamë pas?

Afro dy vjet pa Gjykatë Kushtetuese, ringritja e saj po shoqërohet me konflikte institucionale. Aktualisht detyrimin kushtetues për të propozuar nga 3 anëtarë, po e përmbushin vetëm presidenti e parlamenti, e jo GJL e cila ende nuk është ngritur. Këtë proces sipas ligjit e rregullon KED, institucioni që administron kandidaturat, që u shkojnë institucioneve që shpallin vakancat. KED bën vlerësimin e përmbushjes së kushteve për kandidim dhe profesionalizmin, si dhe u dërgon institucioneve, në këtë rast Presidentit e Kuvendit, renditjen e kandidatëve të vlerësuar prej tij. Kushtetuta saktëson një rend punë në procesin e përzgjedhjes, të parin presidentin, të dytin parlamentin, e këshu me rradhë deri në shterrimin e vakancave. Të dy institucionet kanë një afat 30 ditor për të zgjedhur, Presidenti e ka detyrim me ligj, kurse Parlamenti, detyrim me Kushtetutë.

Ishte Presidenti i pari që akuzoi kreun e KED Ardian Dvorani se nuk respektoi radhën e institucioneve, duke i imponuar presidentit zgjedhjen e dy kandidatëve njëri pas tjetrit, pa pritur kuvendin, sic e parashikon Kushetuta. E madje këtij të fundit i kishte dërguar kuvendit listën me të njëjtët emra si të Presidentit, por më vonë. Presidenti e kishte zgjedhur anëtarin e vet të parë, Besnik Muçin, e kërkonte që edhe parlamenti të bënte zgjedhjen e tij të parë, në mënyrë që më pas presidenti të zgjidhte kandidatin e dytë e sërish parlamenti pas tij. Me këtë arsyetim Presidenti i kërkoi publikisht KED stopimin e procesit, që do stoponte edhe afatin e tij 30 ditor, deri sa kuvendi të bënte zgjedhjen e vet. Ndërsa presidenti priste kuvendin, ky i fundit caktoi që seanca plenare të bëhej pasi kreut të shtetit t’i skadonte afati. KED publikoi në FZ renditjen e kandidatëve që i kishte çuar presidentit, që me skadimin e afatit 30 ditor, konsideronte automatikisht fituese, kandidaten e renditur të parën, Arta Vorpsin.

Para seancës plenare ku kuvendi do votonte për dy kandidatet e mbetura në listë, Presidenti përmes një mesazhi në FB i kujtonte deputetëve se përzgjedhja e anëtarëve ka një rradhë të përcaktuar dhe Kuvendi duhet të bëje detyrën, ashtu siç përcaktohet në Kushtetutë. Por mesazhi i tij nuk u dëgjua dhe kuvendi i votoi të dy kandidatët e vet, të dy emrat që kishte në listë Elsa Toskën e Fiona Papajorgjin me nga 105 vota pro.

Kryeministri Rama u shfaq vetëm në momentin e votimit, për t’u larguar edhe unë pas tij. (efekt)Ilir Meta u gjend para faktit të kryer, pasi teksa priste radhën e Kuvendit, pa shprehur kundërshtim për të vazhduar përzgjedhjen, zgjedhja e tij ishte bërë automatike, sipas KED. Kundërpërgjigja e Metës ishte shpërfillja e emërimit të Arta Vorpsit dhe dekretimi i Marsida Xhaferllarit, emri i fundit në listën me 4 emra të KED. Në sqarimin para gazetarëve, epiteti mafioz ishte më i përdoruri nga kreu i shtetit, si për kreun e KED ashtu edhe për mazhorancën.

Por Presidenti nuk shpjegon se përse vetë nuk respektoi afatin 30 ditor që i njihte ligji. Njëlloj edhe Ardian Dvorani nuk sqaron se përse ka shmangur këtë radhë kushtetuese të institucioneve për emërimin e gjyqtarëve kushtetues, por flet vetëm për detyrime të institucioneve të tjera.

“KED ka ezauruar të gjitha procedurat e verifikimit, vlerësimit dhe të renditjes së kandidatëve për të gjitha vendet vakante. Cilido autoritet tjetër, përfshirë organet e emërtesës, kanë detyrimin të respektojnë vendimet e KED në këtë proces. Prandaj, ato janë të detyruar t’i përmbahen listave të publikuara përsa i takon renditjes dhe përbërjes së tyre, në këtë rast të dërguara Presidentit dhe Kuvendit”.

Ky është momenti kur nis loja e nervave me kohën. Presidenti bën të ditur se do zhvillojë ceremoni betimi vetëm për gjykatës që i konsideron në përputhje me kushtetutën.

Perceptimi se mos presidenti nuk do bënte ceremonitë e betimit për dy anëtaret e GJK të zgjedhura nga Kuvendi, solli alarmim të mazhorancës, që si zakonisht, mbështetje ka numrat në kuvend

Por për rastin e Arta Vorpsit, nuk përfshihej dot Kuvendi, duke qenë se ajo ishte pjesë e vakancave të kreut të shtetit, që nuk e njihte si zgjedhje.

Zgjidhja ishte edhe më kreative sa ajo e KQZ në qershor 2019. Mëngjesin e të enjtes, gjyqtarja e renditur e para nga KED dhe e shpallur automatikisht fituese për në Gjykatën e Lartë, bëri një betim vullnetar tek një notere, duke anashkaluar si kushtetutën ashtu edhe presidentin. Formula e betimit në deklaratën që e kishte përpiluar vetë Vorpsi, ishte ajo e parashikuar në betimin para presidentit, por një të tillë e me dorën në kushtetutë, nuk kishte patur, të paktën jo para noteres, edhe pse Vorpsi garantonte me firmë për atë akt.

Veprimi i noteres u mbështet edhe nga dhoma kombëtare e noterëve.

Por ç’ka noterja apo kryetarja e dhomës së noterëve nuk thonë është se noteri nuk është një procedues kaq mekanik në punën e tij, pasi ligji u njeh edhe detyrime e përgjegjësi. Ato janë të qarta në ligjin për Noterinë në germën o të nenit 62 të tij

“Noteri refuzon kryerjen e veprimeve ose akteve noteriale në rast se dokumentacioni i paraqitur nga pala kërkuese nuk është i plotë; objekti ose përmbajtja e tyre është në kundërshtim me ligjin dhe parimet e përgjithshme të së drejtës, ose në raste të tjera ku noteri krijon bindjen personale se veprimi ose akti noterial i kërkuar është fiktiv”.

A konsiderohet vallë akt fiktiv mungesa e betimit për të cilën vetë Vorpsi kishte nënshkruar?

Kreu i shtetit e trajtoi me ironi përmes zëdhënësit, ndërsa qeveria u kujdes të përcillte në media se procedura e Vorpsit ishte e rakorduar me partnerët ndërkombëtarë, e në mbështetje të një rekomandimi të Venecias, që i cilëson betimet si akte të thjeshta ceremoniale. I dha zë edhe KM Rama.

Pas pohimeve të Kryeministrit, pikëpyetja është edhe më e fortë: përse vallë qeveria duhet të impenjohej për një vakancë që i takon një institucioni tjetër, në këtë rast Presidenti?

Për një jurist si Ylli Manjani, ish ministër drejtësie, betimi i Arta Vorpsit para një notereje, thyen çdo logjikë normale.

Në të njëjtën linjë u duk edhe nënkryetari i KQZ-së, juristi Denar Biba. I zgjedhur nga socialistët, ai e vlerësonte jo serioze situatën dhe e konsideronte një shfaqje të njëanshme të vullnetit të gjyqtares. Thjesht mund të merret me mend se përse nënkryetari i KQZ nxitoi që ta fshinte atë qëndrim një orë më vonë.

Por pavarësisht rezervave të presidentit dhe opozitës, ndërkombëtarët përshëndetën votimin e dy anëtareve të reja të GJK nga kuvendi. E para ambasada amerikane, sipas të cilës me atë votim Shqipëria shkon përpara në ringritjen e Gjykatës Kushtetuese, një organ jetësor për llogaridhënien dhe ekuilibrat demokratikë. Në të njëjtën linjë edhe BE edhe ambasada Gjermane, ndërsa ngritja e gjykatës kushtetuese është kushti i parë i Bundestagut. Dukshëm ndërkombëtarët po nxisin finalizimin e një procesi që kanë financuar e mbështetur vetë prej vitesh.

Për ish presidentin Sali Berisha, vendit i bëhet dëm kur nxitet shkelja e kushtetutës

Presidenti Meta ishte më i ashpër e foli për diplomatë të korruptuar

Ilir Meta thirri për betim tre anëtare të Gjykatës Kushtetuese, dy të emëruar nga kuvendi e një prej tij. Edhe radha e betimit reflektonte qëndrimin e Metës se kushtetuta impononte një rend mes Presidentit e Kuvendit. Mbrëmjen e të enjtes, bënë betimin me dorën mbi kushtetutë Elsa Toska, Marsida Xhaferllari dhe Fiona Papajorgji, në një ceremoni solemne ku ishin ftuar edhe dy antarët e tjerë të GJK, Vitore Tusha e Besnik Muci, si dhe sekretari i përgjithshëm i kësaj gjykate.

Por edhe mazhoranca po bënte lëvizjen e vet. Thirri në seancë të jashtëzakonshme kuvendin. Synimi: miratimi i një rezolute ku i bëhej thirrje Gjykatës Kushtetuese, njëlloj si në qershor KQZ-së, që të mos njihte dekretin e presidentit për zgjedhjen e Marsida Xhaferllarit. Rezoluta e Kuvendit nuk ka fuqi detyruese mbi një organ të pavarur, por socialistët e bënë lëvizjen e tyre. Seanca kishte tipare formaliteti, pasi nga deputetët pritej thjesht vota e jo mendimi. Kreu i grupit socialist paraqiti rezolutën, kurse KM përdori fare pak nga 70 minutat që i ishin lënë në dispozicion, por pavarësisht epiteteve, mungoi agresiviteti i zakonshëm.

Nuk iu referua procedurës së nisur për shkarkimin e Metës, por si masë reaguese paralajmëroi kufizim me ligj të kompetencave të presidentit.

Ilir Meta e ka të qartë se me numrat që ka në kuvend, Edi Rama mund të bëjë çfarë të dojë, edhe ta kufizojë në kompetenca. Në fakt në më pak se 100 minuta, miratoi lehtësisht një rezolutë kundër Metës, me një shumicë përtej asaj kushtetueses, me 97 vota. Kundërpërgjigja ishte paralajmërimi për një akt drastik: shpërndarjen e parlamentit, edhe pse i mungon ajo kompetencë e qartë.

Deputetët socialistë nuk e lexuan me alarm.

Sytë e të gjithëve tani ishin tek GJK, aty ku mëngjesin e të premtes u paraqit edhe Arta Vorpsi, e betuar tek noterja, edhe Marsida Xhaferllari e dekretuar e betuar tek presidenti. Vorpsi që nuk disponon një dokument emërimi si anëtarët e tjerë të Gjykatës Kushtetuese, u kishte kërkuar anëtarëve, që ta validonin zgjedhjen e saj. Trupa tani katër anëtarëshe, ishte njohur edhe me rezolutën e parlamentit dhe përmes një njoftimi në faqen zyrtare, bënin të ditur se nuk kishin kuorumin e duhur, për të marrë një vendim. Por me fjalinë e fundit, i jepej përgjigje dilemës se mes Vorpsit e Xhaferllarit, kjo e fundit ishte anëtarja e re e GJK, pasi kishte bërë betimin tek presidenti.

“Gjykata Kushtetuese si një institucion i pavarur, duke zbatuar Kushtetutën dhe ligjin e saj organik dhe legjislacionin në fuqi, si dhe praktikat administrative të ndjekura ndër vite, me qëllim sigurimin e kushteve normale për mbarëvajtjen dhe mirëfunksionimin e veprimtarisë së saj, është duke ndërmarrë të gjitha hapat e nevojshme administrative formale për fillimin e detyrës së tri anëtarëve të rinj, pas betimit të tyre para Presidentit të Republikës”.

Të ishte vallë kjo pritshmëri arsyeja shtyrjes nga presidenti të konferencës së tij për media? Ta kishte qetësuar ai vendim kreun e shtetit, që nuk foli më për shpërndarje të parlamentit? A i kishte ndryshuar objektin e asaj, që ishte njoftuar si konferencë e jashtëzakonshme për shtyp, ai qëndrim i GJK? Në daljen e tij Ilir Meta njoftoi se të hënën do depozitonte padi penale për kreun e KED për shpërdorim detyre dhe përvetësim të titullit apo detyrës shtetërore. Energji të pamata që mori procesi i qartë kushtetues i ngritjes së GJK kontrastoi javën politike që lamë pas, me pamjet e përplasjes së banorëve të Unazës së re me policinë, gjatë aksionit të IKMT për prishjen e 38 ndërtimeve. Gaz lotsjellës, lëndime nga dy palët dhe rritja e numrit të procedimeve penale për banorët në protestë prej një viti, kontrastuan me impenjimin e policisë për të negociuar vetëdorëzimin e kujt me vendim gjykate në mungesë, duhej të arrestonin, ish kryebashkiakun e Vorës.

Po aq fort kontrastoi edhe konstatimi zyrtar i FMN që e rendit Shqipërinë të 102 në botë, e ndër të fundit në rajon, sa i perket te ardhurave per fryme me 5.37 dollare.

“Pasqyra ekonomike globale, tetor 2019, tregon se të ardhurat e pritshme për frymë të shqiptarëve për këtë vit janë 5.37 dollarë. Nivel i ngjashëm ky me Irakun, Libanin, Libinë etj. Sai përket të ardhurave më të ulëta ndër shtetet europiane na e kalon Kosova me 4.44 dollarë për frymë e Moldavia që mban vendin e 128. Më të pasurit në rajon janë fqinjët e Malit të Zi. Të ardhurat e tyre për frymë janë 62% më të larta se të shqiptarëve, 8.703 dollarë. Pas tyre renditen serbët me 7.39 dollarë për frymë dhe Maqedonia e Veriut me 6.096 dollarë për frymë.

Situata nuk duket se do përmirësohet, të paktën sipas oponencës që i bën buxhetit të qeverisë për 2020, ish ministri i financave.

Një panoramë edhe më shqetësuese solli javën politike që lamë pas, Istituti i statistikave, sipas të cilit popullsia e Shqipërisë po tkurret me ritme të shpejta. Përveç emigracionit, shtesa natyrore e popullsisë po bie, me rënien e nr të lindjeve. Kështu në 3 mujorin e tretë të këtij viti, shtesa natyrore e popullsisë ra më 17.1%

Interesant është se kjo panoramë nuk nxit asnjë lloj iniciative apo rezolute, edhe pse është periudha e diskutimeve për buxhetin e vitit të ardhshëm. Prej dy javësh tashmë KM shfaqet shumë rrallë në publik, e kryesisht për evente politike. Nga ana tjetër Lulzim Basha po e vijon me takime me bizneset rrugëtimin e tij nëpër shqipëri, me fokus programin ekonomik, por pa saktësuar se mendon se mund të shkojë në zgjedhje për të ardhur më pas në pushtet e zbatuar ato premtime. Sali Berisha që i tërhoqi vëmendjen javën politike që lamë pas, duke kujtuar se reforma zgjedhore është kusht jo vetëm për mazhorancën edhe për opozitën.

Gjithsesi fokusi mbeti tek përplasja e fortë institucionale e politike për anëtarët e rinj të Gjykatës Kushtetuese. A ishin vallë akrobacitë e palëve, ilustrim i matjes së forcave për të patur të zgjedhurit e vet, edhe në gjykatën më të lartë të vendit? Taulant Balla e pati një akuzë direkte për Ilir Metën, në seancën ku deputetët votuan për dy emrat e vetëm, që u ishin vënë përpara.

A janë këto lëvizje përpjekje për të patur kontrollin mbi Gjykatën Kushtetuese përmes të emëruarve? Koha ka treguar se jo pak emra edhe në institucionet e reja të drejtësisë, janë të lidhur me mazhorancën qeverisëse. /abcnews.al

 

ramaaaa.jpg
nev ila22:15 | 09/11/2019

Edi Rama shënoi një rekord personal javën politike që lamë pas me mungesën e gjatë mediatike. Lufta e brendshme mes socialistëve dhe rishfaqja pas ngjarjeve kriminale, e emrave të lidhur me partinë që drejton, u përpoq të kompensohej me një operacion marketingu politik me rastin e Alvin Berishës.

Nga ana tjetër, Lulzim Basha ka rikthyer praktikën e turit të takimeve nëpër Shqipëri, duke lënë pas epokën e protestave. Ndjekim Mimoza Koçiun me Politika në ABC News.

Edi Rama po shënon një rekord personal me mungesën e gjatë mediatike. Përpjekjet për ta kompensuar me eksponentë të tjerë, nuk duken të lehta, teksa lufta e brendshme mes socialistëve po bëhet e dukshme, e nga ana tjetër, emra socialistë lakohen në ngjarje të errëta kriminale, të cilat duket e pamundur t’i mbulojë një operacion PR-i, si ai me kthimin e Alvin Berishës, nga kampi sirian, pranë të atit në Itali.

E nuk mund të mungonte si në situata të ngjashme në të kaluarën, aktivizimi i prokurorisë ndaj Lulzim Bashës, që theu mëdyshjen 4 mujore, dhe ka nisur turin e takimeve me të rinjtë nëpër rrethe.

Po çfarë ndodhi javën politike që lamë pas?

Njëlloj si Shkodra, edhe Vora e humbi kryebashkiakun e zgjedhur për shkak të dekriminalizimit, e këtu socialistët duken në luftë të brendshme. Agim Kajmaku ishte rasti më i ri, që vuri jo pak në siklet Edi Ramën, si zgjedhje e papërshtatshme, një fenomen i përsëritur për kreun e PS, që kur ka marrë postin e kryeministrit.

Para se të shkarkohej nga KQZ, Agim Kajmaku bëri një lëvizje sfiduese ndaj partisë që e kandidoi.

Të ishte vallë i vetëm Agim Kajmaku në këtë sfidë ndaj një njeriu pranë Ramës si Belinda Balluku? Sipas ligjit, në mungesë të kryetarit, kryebashkiaku duhet të mandatojë një nënkryetar për atë detyrë, e Agim Kajmaku, duke e lënë bashkinë me vetëm 1 nënkryetar, e ka vënë kryebashkiakun para zgjedhjes së detyruar të të besuarit e vet.

Socialistët nuk kanë luksin të hezitojnë pa fund, sepse Presidenti i republikës nuk duket gati të shpallë zgjedhje të parakohshme, njëlloj si në rastin e Shkodrës, për shkak se nuk e njeh 30 qershorin.

Sfida e Kajmakut ka tiparet e një përpjekje për ndryshim influencash brenda PS, dhe pas 6 vitesh në pushtet, sheshimi i tyre nuk duket më i lehtë. Madje Lulzim Basha bëri edhe aludime të forta për denoncimet e opozitës për të zgjedhurit socialistë

Basha në Shkodër: Ne nuk kemi ndonjë shkop magjik që i marrim vesh. Vetë socialistët i thonë se ndihen të poshtëruar.

Këto lloj sikletesh politike po përpiqet t’i amortizojë publikisht Taulant Balla. Nr 2 i socialistëve po mban dukshëm në mungesë të Ramës, edhe peshën e partisë. I tillë ishte nisja nga qarku ku është deputet, Elbasani, e turit për zgjedhjet e reja në të gjitha forumet e PS, përveç kryetarit.

Për të dhënë imazhin e unitetit, erdhi angazhimi se socialistët do i jepnin Ramës një mandat të tretë si kryeministri.

Në të njëjtin orar, Lulzim Basha po mbante takimin e dytë të turit të tij me të rinjtë, i nisur po nga Elbasani. Edhe PD, njëlloj si PS ua sjell gati mediave sinjalin e aktiviteteve, e televizionet që transmetuan live, zgjodhën fjalën e Bashës në Korçë, çka nuk i pëlqeu aspak Edi Ramës.

Politikani që ka krijuar një precedent si kryeministri, duke ngritur një TV online për eventet e veta, e që mban emrin e tij, u ankua për censurë.

“Zgjedhjet në PS nuk bëjnë lajm në mediat e zëna me thashetheme, gënjeshtra e të zeza nga vendi e bota, por ato janë një proces me shumë pjesëmarrje, organizatë më organizatë e asamble më asamble, ku Partia Socialiste po ripërtërihet e riorganizohet për sfidën e vitit 2021”.

Por nr. 2 i socialistëve u ndesh publikisht me kundërshti brenda llojit, nga i deleguari i shkarkuar i Shkodrës Ditmir Bushati. Ish ministri i jashtëm kundërshtoi në komisionin e jashtëm projektrezolutën e paraqitur nga Taulant Balla, për shmangien e ndikimin rus në zgjedhje.

Bushati ia lexoi si një lëvizje të dëshpëruar politike dhe krejt të panevojshme kundër Lulzim Bashës.

Ndërhyrja ruse është një temë që socialistët e kanë ushqyer sistematikisht, në momente tensioni politik, që prej denoncimit në Mars 2018, nga revista amerikane Mother Jones, se fondet e përdorura nga Lulzim Basha për lobim në SHBA, kishin prejardhje ruse.

Prokuroria e Tiranës nisi një hetim edhe me kërkesë të Lulzim Bashës, dhe në 13 qershor 2019, e mori të pandehur bashkë me dy zyrtarë të PD, për mos deklarim të parave të paguara për lobimin në SHBA, nga kompani offshore. 4 muaj më vonë, të premten e 8 nëntorit, Prokuroria e Tiranës mbylli hetimet për Lulzim Bashën, duke rrëzuar akuzën e pastrimit të parave, por duke e vënë para përgjegjësisë penale për falsifikim dokumentesh.

Prokuroria e Tiranës ka mbyllur hetimet për atë që njihet si çështja e “Lobimit Rus” në Shtetet e Bashkuara të Amerikës, me të pandehur kryedemokratin Lulzim Basha, ish sekretarin e përgjithshëm Arben Ristani dhe Ilir Dervishin nga departamenti i Financës.

Prokuroria kërkon që të pushohen hetimet për pastrim të parave për 3 zyrtarët e selisë blu, ndërkohë kërkon që të kalojë për gjykim, çështja për falsifikim vulave stampave dhe të formularëve.

Nr 2 i PS Taulant Balla i shfaq i pakënaqur nga konkluzioni i prokurorëve të Tiranës, pasi sipas tij Basha me një sërë akuzash, nuk mund t’ia hedhë vetëm me atë të falsifikimit e duhet të hetohet nga SPAK.

Vetë Lulzim Basha tha se u çmontua 90% e gënjeshtrës ndaj tij, për shkak të presionit të kryeministrit dhe premtoi se pjesa tjetër do çmontohej në Gjykatë, aty ku ai do paraqitet për akuzën për falsifikim dokumentesh.

Basha: E vetmja gjë që mund të them sot është se 90% e gënjeshtrës sot është çmontuar para gjithë shqiptarëve. Prokuroria është detyruar të pranojë gënjeshtrat, të cilat i fabrikoi për shkak të presionit politik të Edi Ramës dhe atë 10%, me të cilën ka çuar dosjen në Gjykatë, do të çmontojmë në gjykatë…me akuzuan për agjentë rus…

Ç’ka ndodh në Shqipëri, duket reflektim i aludimeve, se pas vetos franceze ndaj Shqipërisë e Maqedonisë së Veriut për hapjen e negociatave, në rajon mund të krijohen influenca të aktorë problematike për SHBA e BE, si Rusia, Kina apo Turqia.

Por përtej retorikës politike, ky nuk duket rasti i Shqipërisë, siç konfirmoi përmes përsëritjes së pozicionit të vet, e ngarkuara me punë e ambasadës USA, që shigjetoi mediat për atë që quan synim për të shtrembëruar politikën amerikane ndaj teknologjisë kineze 5G.

“Faktet janë këto: Shtetet e Bashkuara e mbështesin qasjen e matur dhe të përgjegjshme të Shqipërisë për rrjetin 5G. E Ngarkuara me Punë, Leyla Moses-Ones e tha këtë, javën e kaluar në Konferencën “Politika e Sh.B.A. në Ballkanin Perëndimor”: “Shqipëria tashmë po bën gjënë e duhur duke ushtruar vigjilencë në mbrojtje të rrjeteve të saj. Edhe një herë, disa gjëra në Shqipëri thjesht nuk janë për shitje.

Që Shqipëria si gjithnjë respekton qëndrimet amerikane e kishte konfirmuar edhe Taulant Balla.

Balla: Dua ti bashkohem shqetësimi e apelit të SHBA që të gjitha vendet të kujdesshme  kur bëhet fjalë për rrjetet 5G. Jo të gjitha kompanive që ndërtojnë këto rrjete mund t’u besojmë të dhënat tona personale.

Sidoqoftë ka një vëmendje të shtuar të diplomacisë perëndimore në rajonin tonë, me fokus me Maqedoninë e Veriut, e cila ndryshoi emrin si kusht për hapjen e negociatave, e pas vetos Franceze që imponoi vendimin e KE, do shkojë në zgjedhje të parakohshme.

Duhet thënë se ai refuzim në Shqipëri nuk prodhoi asnjë efekt të brendshëm, ndërsa protagonisti, presidenti francez, rikonfirmoi në një intervistë për revistën “The Economist”, se këmbëngulja e tij për të refuzuar dy vendet, kishte qenë për të mos e ndarë Shqipërinë nga Maqedonia e Veriut, duke e thënë qartë, se kështu vendi ynë do poshtërohej, nëse lihej pas.

Shumica e vendeve ishin dakord për hapjen e negociatave me Maqedoninë e Veriut, por gati gjysma ishin kundër hapjes për Shqipërinë. Një gabim fatal.

Mendoni se po fshiheshin pas Francës?

Nuk e mendoj, e di. Pyetini që nesër nëse duan të hapin negociatat me Shqipërinë. Gjysma do ju thonë jo. Ata duan t’i hapin me Maqedoninë e Veriut, është një vend i vogël, ka ndryshuar emrin, ç’ka është me të vërtetë një arritje historike.

Kjo nuk i tremb njerëzit. Realiteti është që nëse nuk i hapim për Shqipërinë, do krijojmë një traumë të tmerrshme në rajon. Komunitetet shqipfolëse janë ngado. Nëse poshtërohet Shqipëria, atëherë destabilizohet rajoni, në mënyrë të vazhdueshme.

Të parët, amerikanët, që përmes të dërguarit të posaçëm për BP Mattheë Palmer, do kujdesen që në Samitin e Zagrebit të majit 2020, të mos përsëritet refuzimi i 17 tetorit në Bruksel për dy vendet. Në të gjitha vizitat në Shkup, Prishtinë e javën e kaluar në Beograd, z. Palmer konfirmoi mbështetjen e SHBA.

Palmer: Pas mos suksesit brenda BE-së që të arrijë një kompromis për hapjen e bisedimeve me Maqedoninë Veriore dhe Shqipërinë për anëtarësimin në Bashkimin Evropian që për mendimin tonë ka qenë një gabim historik, një mesazh i keq për të gjithë rajonin. Amerika dëshiron që Ballkani Perëndimor të ketë një perspektivë evropiane dhe do të bëjmë gjithçka që të ndryshoje ky qëndrim para takimit në Zagreb në muajin maj.

Por ndryshe nga Maqedonia e Veriut, nga Shqipëria ka pritshmëri që të japë rezultate, e z.Palmer nënvizoi rëndësinë e dialogut mes dy palëve, së pari për përmbylljen e reformës zgjedhore, një nga dy kushtet e Bundestagut gjerman.

Palmer Davos: Është e rëndësishme që themelet demokratike të Shqipërisë janë të forta, zgjedhjet të lira….do na pëlqente të shihnim dialog për reformën zgjedhore….

Deklaratat u bënë në Forumin ekonomik të Davosit, aty ku u shfaq edhe kryeministri Rama, në vijim të traditës së mungesës së transparencës për aktivitetin, si kryetar i qeverisë së Shqipërisë. Kreu i ekzekutivit u paraqit me tone viktimizuese.

Rama: Ndihemi si varkë e vetmuar në mes të detit…

Ky qëndrim vinte pas një heshtje disa ditore, edhe për shkak të mungesës mediatike. E kishte nisur javën politike që lamë pas, duke mos u paraqitur në një interpelancë në kuvend, e më pas duke anuluar pa ndonjë shpjegim, dy herë, një mbledhje të parashikuar me strukturat socialiste të Shkodrës.

Njëlloj si një javë më herët, prioriteti i KM dukej tjetërkund. Në kuvend, ku ishte thirrur për interpelancë nga Andi Përmeti, i opozitës së re, nisur nga rasti i Alvin Berishës, për situatën e fëmijëve shqiptarë në kampet siriane, kryeministri  delegoi Elisa Spiropalin.

Neni 96 i rregullores mbi interpelancat, nuk parashikon as refuzim e as delegim të një interpelance, por Gramoz Ruçi nuk e pengoi dhe ministrja për marrëdhëniet me parlamentin tha se qeveria po punonte, por nuk jepte dot detaje.

Në fakt 2 ditë më vonë, u konfirmua zyrtarisht se Alvin Berisha u nxor nga kampi Al Hol. Ndërsa mediat italiane nisën të publikonin detajet e operacionit, ku ishin përfshirë në kampin sirian dy organizatat humanitare, Gjysëmhëna e Kuqe Siriane e Kryqi i Kuq Italian, me mbështetje të forcave speciale të policisë italiane.

Kryeministri Rama postoi një foto të ministrit të tij të brendshëm, në makinë me 11 vjeçarin Alvin Berisha, me sqarimin se Lleshaj, ndodhej prej një jave në kufirin sirian me një ekip special të policisë shqiptare në bashkëpunim me italianët, e po përcillte drejt ambasadës italiane në Bejrut Alvinin për ta kthyer më pas drejt Italisë.

Rama falënderonte kryeministrin Konte, dy organizatat ndërkombëtare, si dhe konsullin e nderit të Shqipërisë në Liban, për rolin e tyre në këtë operacion, si dhe premtimin se fëmijë e gra nga Shqipëria që mbahen në kampin sirian do nxirren si Alvini.

Me kthimin në Romë në orën 7 të mëngjesit të 8 nëntorit, Alvin Berisha, që 5 vite më parë ishte marrë nga e ëma shqiptare, për të përfunduar në Siri, si luftëtare e ISIS, ku më pas humbi jetën, mundi të përqafonte të atin e motrat.

Në aeroportin e “Fiumicinos” detajet e operacionit u përcollën para mediave nga të gjithë protagonistët e operacionit, autoritetet policore italiane, të kryqit të kuq italian e gjysmë hënës së kuqe siriane, e bashkë me ta edhe ministri i brendshëm i Shqipërisë, që nënvizoi rolin e kryemninistrit Rama e Conte në finalizimin me sukses të kthimit të Alvin Berishës pranë familjes.

Një publicitet i tillë padyshim që është i nevojshëm, pasi në Shqipëri, pas atentatit ndaj prokurorit Arian Ndoj, që Rama kishte akuzuar publikisht për lidhje me krimin, u arrestua si i dyshuar Redjan Rraja, një i afërm i deputetit socialist Rrahman Rraja.

I njëjti deputet, një vit më parë jeptë sqarime për të birin, pas një historie dhune ndaj një vajze, këtë herë sqaroi se Redjan Rraja ishte kushëriri i tij i largët, nga i cili distancohej nëse kishte kryer një vepër të tillë.

4 ditë pas atentatit, pikërisht kur u arrestua Redjan Rraja, reagoi edhe kryeministri Rama, pa iu referuar, por duke përgëzuar policinë, e bërë të ditur përgatitjen e një ligji special, që do targetonte edhe prokurorët e gjyqtarët e inkriminuar.

Përshëndes me respekt punën e shkëlqyer të Policisë së Shtetit për zbardhjen e ngjarjes kriminale, ku u implikua edhe prokurori i Durrësit. Brenda muajit Ligji Special kundër personave të dënuar, akuzuar a hetuar brenda/jashtë vendit për krim të organizuar apo krime të rënda dhe masat speciale kundër KÇK-së. Do t’i nxjerrim “ujë të zi” foleve të krimit të organizuar dhe do të reagojmë frontalisht ndaj gjykatësve e prokurorëve të inkriminuar, që duan “të kapin ç’të kapin”, deri ditën kur kanë radhën e spastrimit nga Vetingu”

Nga ana e tij, Lulzim Basha e konsideroi luftë mes bandash për pushtet.

Basha: Fatkeqësisht është në vazhdën e poshtërimit të Partisë Socialiste, në vazhdën e poshtërimit të qytetarëve shqiptarë sepse tregon që kjo është një luftë e pastër mes bandave në pushtet. Është tregues i qartë i nevojës për ndryshim të menjëhershëm, për zgjedhje të parakohshme.

Në fakt Redjan Rraja me profesion stomatolog, nuk ishte i panjohur për policinë.

Për herë të parë emri i Redjan Rrajës do të dilte në skenë në vrasje e Elton Çiços, ngjarje kjo e ndodhur më 1 maj të 2016. Ekzekutimi ndodhi në ambientet e brendshme të lokal “De Niro” afër stadiumit “Selman Stërmasi”.

Rraja u la në burg nga Gjykata pas dyshimeve se kishte fshehur armën me të cilën lëvizte viktima. Redian Rraja me profesion stomatolog tha para gjykatës se ai nuk e kishte fshehur armën e viktimës, por se nxitoi që t’i jepte ndihmën e parë, për shkak edhe të profesionit të përafërt me atë të mjekut.

Mirëpo, pretendimi i tij u hodh poshtë nga prokurori i çështjes, i cili tha se pamjet filmike që dispononte organi i akuzës tregonin se Rraja kishte marrë diçka nga çanta e Elton Çiçës. Gjykata pranoi në këtë mënyrë faktet e Prokurorisë dhe e la në burg “doktorin” me tetë muaj.

Më tej Redian Rraja u përfshi edhe në rastin e Xhisiela Malokut ku u përmend se kishte kërcënuar oficerin e policisë Emiljano Nuhu. Emiljano Nuhu deklaroi atë kohë se ishte kërcënuar që të mos vazhdonte hetimet ndaj rastit të Xhisiela Malokut. Redjani u mor u pandehur por hetimi u mbyll, pasi prokuroria e Krujës kërkoi pushim të çështjes penale.

Kryeministri që mungonte prej ditësh në media, u rishfaq për 30 minuta në një event të platformës për Shqipërinë, pikërisht për t’i mëshuar betejës me ata që i konsideron njerëz të padenjë të drejtësisë.

Rama: Ne do të çojmë në Parlament masa speciale ndaj anëtarëve të KÇK. Herët se vonë do të shihen në praktikë rezultatet e një ofensive frontale që qeveria do të ndërmarrë qoftë ndaj krimit të organizuar, qoftë ndaj KÇK”….

Ndërsa kryeministri njoftoi këtë sipërmarrje të re ndaj gjykatësve e prokurorëve, Lulzim Basha nisi prej javës politike që lamë pas një tur takimesh me të rinj, njëlloj si në 2017, me fokus programin ekonomik të PD. Premtime për bursa, rikthimin e taksës së sheshtë dhe pagë minimale 300 euro, që në vitin e parë të qeverisjes, janë premtimet e Bashës, që vijnë në një periudhë ku financat shqiptare nuk janë në momentin më të mirë.

Ulja e parashikimit të rritjes ekonomike nga Banka Botërore nga 3.8 në 2.9 % solli edhe korrigjimin e buxhetit 2019 përmes një akti normativ. Duke e mbrojtur në kuvend Ministrja Denaj nuk u duk e sigurt nëse do kishte shpërblime këtë fundviti.

Problemet që hasin bizneset, u evidentuan nga ish nënkryetarja e komisionit të ekonomisë, demokratja Jorida Tabaku. Ajo nënvizoi raportin më të fundit i Banka Botërore, bazuar në një sondazh mbi sipërmarrjet në vendet e Evropës Lindore dhe të Azisë Qendrore, që konkludonte se praktika e ryshfeteve është shqetësim për biznesin në Shqipëri.

Por pavarësisht se shfaqen të veçuar, si Edi Rama ashtu edhe Lulzim Basha po e vijojnë punën për reformën zgjedhore, secili me amendamentet e veta. Kështu socialistët paraqitën pjesën e dytë të amendamenteve të ekspertëve të tyre, që parashikon depolitizimin e administratës zgjedhore, një kërkesë e përsëritur e OSBE-ODIHR. Sipas propozimit, KQZ-së 7 antarëshe nuk i mbetet as emri e as forma.

Do jetë me 9 anëtarë dhe e ndarë në tre organe: Komisioneri Shtetëror i Zgjedhjeve në rolin e administratorit, Komisioni Rregullator me 5 anëtarë dhe Komisioni i Ankimimeve dhe Sanksioneve, me 3 anëtarë.

Sakaq, të gjitha nivelet e administratës zgjedhore depolitizohen, për këtë qëllim KQZ krijon bazën e zyrtarëve zgjedhorë të cilët vijnë nga radhët e nëpunësve civile. Nëse një zyrtar zgjedhor shkarkohet për shkelje të ligjit në zgjedhje ai shkarkohet edhe nga puna në administratë.

Pozita dhe opozita parlamentare kishin gjetur dakordësi për këtë propozim të ekspertëve në komisionin e posaçëm të reformës zgjedhore.

Por PD refuzoi këtë propozim përmes Gazment Bardhit.

Administrata publike është e pabesueshme për të administruar një proces zgjedhor me standarde europiane. Raporti i ODIHR-it ka provuar se punonjësit e administratës janë nën presion politik, si dhe është bërë e qartë se ajo është e mbushur me militantë të Partisë Socialiste.

Përgjimet e dosjes 339 në Durrës dhe 184 në Dibër kanë sjellë fakte të pamohueshme se administrata, në kundërshtim me ligjin, është në shërbim të Edi Ramës, në përmbushje të objektivit për të vjedhur zgjedhjet.

Socialistët vijojnë ta mbajnë derën hapur për PD.

Gjiknuri: Presim propozimet e PD-së…është pjesë e këtij komisioni pavarësisht se nuk merr pjesë..

Opozita në tryezën e saj të radhës për amendimet në kodin zgjedhor ishte fokusuar në shmangien e financimeve të dyshimta të fushatave zgjedhore.

Oerd Bylykbashi: Të financohen 100% nga shteti.

Edhe pse veçmas, qartazi si pozita ashtu edhe opozita duken të angazhuar për reformën zgjedhore, për të cilën kryeministri ka thënë se do mbyllet brenda vitit. Zbatimi i saj, kushti i tretë i Bundestagut, do thotë zgjedhje të parakohshme, që tashmë Lulzim Basha i përmend shpesh.

Basha: Do shkojmë në zgjedhje e mjerë kush prek votën e shqiptarëve

Pavarësisht tiradave publike , duket se reforma zgjedhore do jetë ajo që do i ulë Ramën e Bashën në një tryezë, e deri atëherë, beteja për perceptimin publik, që ndikon në matjen e sondazheve të qytetarëve nga secila palë, pritet të intensifikohet./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono