Emisione

banesa-durres.jpg
nev ila12:06 | 03/12/2019

Dritan Varfi, Drejtor i Analizës së Rriskut në Autoritetin e Mbikqyrjes Financiare i cili ka folur në ABC-ja e mëngjesit me gazetarin Enkel Demi për çështjen e sigurimeve.

Por si mund të shpëtohen ata që janë dëmtuar duke pasur parasysh disa mekanizma të sigurimeve?.

Dritan Varfi: Kemi disa shifra AMF ka kërkuar shoqërive të sigurimit që pas tërmetit të shtatorit, që të raportojnë në mënyrë të shpeshtë. Mund të flasim për vlerën, janë 35 mijë kontrata të siguruara për sa i përket dëmeve nga zjarri dhe tërmetet.

Enkel Demi: Sa banesa janë dëmtuar?

Dritan Varfi: Janë rreth 944 na dalin si numër dëmesh në godina në total, nga tërmeti i shtatorit. Ndërsa për tërmetin e nëntorit nuk kemi ende të dhëna.

Enkel Demi: Pjesa dërrmuese e shqiptarëve i kanë blerë shtëpitë me kredi, kjo dihet, që do të thotë se pjesa për sigurimin e banesave është i detyrueshëm sepse duhet të sigurohet kredia apo jo?

Dritan Varfi: Në rastin e blerjes së një apartamenti banese, banka normalisht ,mban soi garanci objektin. Për këtë arsye bankat, sigurojnë kolateralin. Normalisht të gjithë kredimarrësit duhet të jenë të siguruar, nuk e di nëse ka ndonjë përjashtim nëpër banka por nuk mendoj.

Enkel Demi: Njerëzit që janë të dëmtuar në këtë moment, çfarë duhet të bëjnë?

Dritan Varfi: AMF ka nxjerrë dje një njoftim, për hir të informimit të konsumatorit, të publikut dhe mbrojtjes së interesave të tyre. Ky njoftim është për dy kategori:

Ata që kanë siguruar pronën dhe ata që kanë marrë kredi që mund të mos jenë në dijeni. Ata që kanë të siguruar pronat e tyre, mund ti drejtohen direkt në shoqëritë e sigurimit, madje duhet të nxitojnë për ta bërë këtë pasi në kontrata e tyre ka një afat të përcaktuar. Duhet të shohin me vëmendje kontratën e sigurimit sepse aty është i përcaktuar edhe afati se sa kohë kanë në dispozicion për ta kërkuar dëmshpërblimin. Në rastin e kredimarrësit, nëse kredimarrësi nuk disponon policën e sigurimit, mund ti drejtohen direkt bankave, mund ti drejtohet edhe shoqërive të sigurimit, nëse kanë patur dëme nga tërmeti.

Enkel Demi: Në fakt njerëzit në panik e sipër, kanë dalë nga banesat dhe skanë marrë letrat dhe letrat tani mund të jenë në n gërmadha, në këtë rast, një njeri që është me duar në xhepa, kur e di që është siguruar, cfarë bën?

Dritan Varfi: Në raste të tilla, personat paraqiten në në kompani sigurimi, apo edhe në bankat, sepse duhet të disponohen policat e sigurimit si nga bankat dhe nga kompanitë. Në rast se ka ndonjë problem, në lidhje me këtë, mund ti drejtohen edhe Autoritetit të Mbikqyrjes Financiare, në faqen e AMF janë vendosur edhe adresat se ku mund të drejtohen.

Enkel Demi: Në rastin se banesa është dëmtuar pjesërisht, dhe ka të siuguruar vetëm dy banesa dhe të tjerat jo, cfarë ndodh?

Dritan Varfi: Në këtë rast normalisht vetëm këto dy banesa të siguruara do të riparohen nga fondi i sigurimeve ndërsa pjesa e pasiguruar nuk mundet. Kompanitë tona nuk rrezikojnë kolapsin pasi kompanitë tona risigurohen nga kompani të huaja. Kush është i siguruar të shfaqet në kompanitë e sigurimit ndërsa ata që janë të siguruar nëpërmjet kredisë, pra që ka marrë kredi për të blerë banesën, duhet të shkojë pranë bankës, me pas banka flet me kompanitë e sigurimit. Një inspektim që kemi bërë për risigurimet gjatë 6 mujorit të parë, nga kampioni që kemi përzgjedhur përpronën, rreth 90 % e kontratave kanë qenë të risiguruara. Pra në rast dëmi, pothuaj 90 % e vlerës paguhet nga risiguruesi./abcnews.al

 

muceku.jpg
ger ta09:11 | 03/12/2019

Në studion e “Abc-ja e mëngjesit’ me Enkel Demin ishte sot eksperti Ylber Muceku. Mes të tjerash ai foli për zonat më problematike në Shqipëri që preken nga tërmetet.

Siç tha ai territori shqiptar ndahet në disa breza sizmikë që janë aktivë, një ndër ta është edhe ai i bregut Adriatik-Jonian.

Në Shqipëri më të rrezikshme në aspektin e shfaqjes së tërmeteve, territori shqiptar ndahet në disa breza sizmikë që janë aktivë, një ndër ta është edhe ai i bregut Adriatik-Jonian. Nëse i referohemi edhe të shkuarës kanë rënë tërmete të forta mbi 6 Rihter. Durrësi është objekt i goditjeve sizmike. Dimë që edhe nga kronikanët që Durrësi është rrafshuar njëherë.

Pas viteve 90 territori shqiptar nuk ka qenë e administruar edhe Durrësi ka qenë pre. Nëse ne i referohemi gjatë këtyre 30 viteve kemi pasur një zhvillim urban të pamenaxhuar.

Zona perëndimore ka zona që ne i klasifikojmë me truall të dobët në aspektin tekik. Por kjo nuk do të thotë që nuk mund ndë.rtojmë, por duhet të përdorim një metodë tjetër”, tha Muceku.

I pyetur për ndërtesat që u shembën në ish-Kënetë, eksperti shprehet se problemi ka qenë tek themelet, pasi disa prej tyre rezistuan.

Ne i kemi parë me synë që është trualli apo themeli. Trualli aty është i njëjtë, por disa kanë qenë më të zgjuar kanë pyetur. Ata që kanë bërë themele më të thella, ato objekte kanë qendruar. Ato që janë shkatërruar është se themelet e tyre janë shumë të dobëta”, tha ai.

Më tej Demi e pyeti Mucekun për një foto që ka qarkulluar në rrjet ditët e fundit. “Pashë një foto të vitit 1995 të gjirit të Durrësit i gjelbër dhe pashë edhe një të ditëve të sotme. Po ato duken sheshit që janë ndërtuar në vend të pishave në tokë ranore. Në një tokë ranore ti a duhet ta presësh këtë gjë”.

Lidhur me këtë eksperti u përgjigj: “Unë e kam studiuar bregdetin në aspektin gjeotenik. Ka pasur një ligj urbanistik që nuk duhet të ndërtohet në 300 metër. Por për ne studiuesit nuk ka vend që nuk ndërtohet, dua të them që ndërtohet kudo, por në gjithë bregdetin historia ka treguar se në rast të rënies të këtyre tërmetete problemi qendron te themelet. Janë ca tërmete që bien afër dhe godasin godinat e ulëta dhe janë disa tërmete që bien në largësi dhe godasin godinat e larta. Ky tërmet ka dëmtuar më tepër godinat deri në 6-7, por nëse tërmeti do kishte pasur frekuencë të ulët do kishte gditur godinat e ulëta”, tha ai./abcnews.al

sizmiologu.jpg
ger ta08:05 | 02/12/2019

Në një lidhje direkte me “Abc-ja e Mëngjesit” me Enkel Demin, sizimiologu nga Kosova Shemsi Mustafa ka folur për tërmetin që goditi Shqipërinë.

I pyetur mes të tjerash për teoritë që qarkullojnë në masë nëse tërmeti ka lidhje me shiun apo fenomene të tjera natyrore, Mustafa e përjashtoi një lidhje të tillë.

Pjesë nga biseda:

Demi: Dje është shënuar një tërmet me epiqendër në Tuz, kanë lidhje këto?

Mustafa: Të gjithë pasgodtitjet me një perimetër të madh kanë lidhshmërinë me goditjen dhe lëviz një pjesë e tokës.

Demi: Kosova përjashtohet?

Mustafa: Asnjë vend në Ballkan nuk përjashtohet, por disa janë më të rrezikuar.Greqia ka shkallën më të lartë në rajon.

Demi: Më i rrezikshëm tërmeti është në fushë apo në kodër?

Mustafa: Tërmeti është i rrezikshmë në çdo vend. Tërmeti është i rrezikshëm në të gjitha se i ka paramtetrat  vet. Edhe shkëmbi i fortë është i rrezikshëm për disa ndërtesa. Tërmeti i shfrytëzon të gjitha elementët, duhen berë matjet gjeofizike dhe në bazë të tyre duhet të ndërtohet.

Demi: Po këto teritë po ra shi shtohet rreziku i tërmetit?

Mustafa: Absulot, tërmeti është tërmet, nuk ka lidhje as me shiun dhe me asgjë tjetër.

Demi: Njerëzit duhet të shqetësohen?

Mustafa: Njerëzit tani presin nga zyrtarët se si do të veprohet. Në rrethinën e Durrësit dhe një pjesë të Turanës janë duke u bërë analizat janë zyrtarët ata që duhet të tregojnë se nuk ka rrezik./abcnews.al

 

mustafa-nano-1280x748.jpg
ger ta08:44 | 30/11/2019

Tragjedia e provokuar nga tërmeti duket se erdhi për të na vënë në provë”. Kështu shprehet Mustafa Nano në monologun e tij të kësaj jave në “Provokacija”, që vjen vetëm pak ditë pas tërmetit të rëndë që goditi vendin dhe mori dhjetëra jetë.

Teksa thekson se ishte një provë, Nano shton se e kemi kaluar këtë test. Madje vë në dukje se këto ditë nuk ka pasur as vjedhje dhe vrasje, ndërsa tregon më tej se “çfarë pamë nga ky tërmet” përveç tragjedisë së madhe e cila vështirë se do të harrohet.

Tragjedia e provokuar nga tërmeti duket se erdhi për të na vënë në provë, për të na testuar dhe duket se në njëfarë kuptimi ne e kemi kaluar këtë test dhe shenjë për këtë kanë qenë këto ditë të dhembjes dhe hutimit që u bënë edhe ditë të spektaklit të bukur të solidariteti.

As vjedhje dhe vrasje nuk ka pasur gjatë tre ditëve të fundit, shenjë edhe gangot dhe banditët u kapën prej skrupujsh, u dorëzuan para dhembjes dhe solidaritetit kombëtar. Pati edhe njerëz në rrjetet sociale, atje ku mund të flitet duke e mbajtur fytyrën të fshehur, pati edhe njerëz që nxorën mllef dhe vrerë, që mbollën panik që edhe këto ditë e patën mendjen te lojrat politike apo fetare apo ku di unë se çfarë. Pati edhe njerëz që e patën mendjen te shfaqjet dhe pozat para kamerës që vullnetarizmin e shëndërruan në një garë. Që me të bërë një donacion nxitonin t’ja bënin me dije botës.

Pati edhe politikanë që nuk duruan dhe iu kthyen zanatit të vjetër, kacafytjes, gjuhës së urrejtjes. Pati pra edhe të tillë, por në sy ra më së shumti solidariteti, ishte prekës po a sa edhe vetë tragjedia. Duhet shpresuar që kjo tragjedi të na ketë bërë më të mirë. Ky ishte monolog im për sonte”, shprehet Nano./abcnews.al

kopliku-teremti-1280x725.jpg
ger ta08:26 | 30/11/2019

Inxhinieri Bashkim Kopliku në emisionin “Provokacija” të Mustafa Nanos ka treguar sipas tij fajtorët që ndikuan në tragjedinë e madhe të tërmetit.

Kopliku u shpreh se fajtor i gjithë kësaj “jemi ne populli shqiptar”, por edhe drejtësia që ka bërë punën e saj me lejet e ndërtimeve, duke mos lënë pas gjyqtarët për të cilat tha se i janë ankuar banorët këto ditë.

Inxhinieri theksoi se i ka të gjithë emrat e fajtorëve të ruajtura në kompjuterin e tij.

Fajtori i asaj që ndodhi jemi ne populli shqiptar, pikë. Ne popolli shqiptar e kemi bërë kështu punën që të vdesim për fajin tonë, për fajin e shqiptarëve.  Jo çdo shqiptar është fajtor, ka klasifikime të ndryshme. Unë nxjerr fajtorë kryesorë drejtësinë. Edhe ne jemi pjesë e saj. Unë nuk pushoj së qenuri zv.kryeministër i këtij vendi dhe megjithatë kam dështuar, akoma ajo shtëpi është kandidat për tu bërë nga 6 kate në i rrafshuar, dhe shtëpisë time mund t’i ndodhë kjo. Kush do që pas këtij emisioni të bëjë dava me mua i kam të gjithë emrat e fajtorëve të regjistruar dhe janë në kompjuterin tim, por janë edhe në kompjuterin e një tjetri që po më humbi të mbesin.

Ata gjyqtarë që janë me emër dhe mbiemër dhe janë fajtorë. Për ata e kanë me të thënë më kanë thënë banorë dje”, tha Kopliku, teksa shtoi se ka ndikuar edhe cilësia e ndërtimeve.

Po ashtu inxhinieri më herët u shpreh se tërmeti i Shkodrës i vitit 1979 ishte më i fortë se ai i 26 nëntorit, ndërsa hedh poshtë pretendimet se media krijoi panik.

Në rastin konkret paniku nuk është krijuar nga mediat. Mediat për herë të parë, unë që jam kritikues, në këtë rast nuk i kritikoj. Paniku është krijuar nga ngjarjet skandaloze që kanë ndodhur. Një tërmet fare fare i parëndësishëm, është një tendencë kolektive sidomos i fajtorëve për ta bërë të hatashëm gjë që s’ka ndodhur kurrë. Unë e kam jetuar tërmetin e ’79 mund të të them se pasi ula veten në tokë (asokohe) dhe po shihja pallatin, shtyllat e telefonit me gjithë pallatin tim bënin kështu…nuk ka ndodhur kjo punë tani, nuk ka qenë ky tërmet si ai në Shkodër. Nuk dua ta zgjas magnitudën. Por më mirë të fiksojmë se magnituda ka të bëjë me tërmetin aty ku buron dhe intesiteti ose ballët ka të bëjë me efektin që jep ai tërmet në vendin që diskutojmë”, tha ai. /abcnews.al

termetet-historia-1280x800.jpg
nev ila23:38 | 29/11/2019

Tërmeti i 26 nëntorit i gjunjëzoi shqiptarët.

Ata e paguan me gjak, me jetën e fëmijëve dhe të të afërmve, si dhe me dëme të pallogaritshme ekonomike, këtë goditje të natyrës.

Por më e keqja është se toka nën këmbët e tyre vazhdon të lëvizë. Goditjet sizmike nuk kanë të sosur, teksa një pjesë e tyre sërish janë të frikshme.

Por çfarë po ndodh? Përse po lëviz nëntoka e Shqipërisë?

Çfarë thotë shkenca për rrezikun e përsëritjes së tërmeteve shkatërruese?

Tërmetet, në të gjithë botën ndodhin përgjithësisht pranë pikëtakimit të pllakave tektonike, të cilat lëvizin ngadalë, por në mënyrë të vazhdueshme nën ndikimin e nxehtësisë së bërthamës së tokës.

Shqipëria gjendet në kufirin e përplasjës së dy pllakave tektonike, – mikropllakës Adriatike dhe pllakës Euro-aziatike.

Pikërisht fërkimi apo përplasja, e përcaktuar në thellësinë deri në 40 kilometër, e mikropllakës Adriatike, me orogjenin shqiptar, shkakton edhe pothuaj të gjitha tërmetet që ndihen në territorin tonë.

Zona e Durrësit, është zona më aktive sizmike, kjo për shkakun se, jo vetëm që ndodhet në ballë të frontit të kontaktit mes pllakave tektonike, por përbëhet edhe nga formacione sedimentare të paqëndrueshme.

Për rrjedhojë historia flet për një numër të madh tërmetesh shkatërrues.

Pikërisht një historik të plotë të tërmeteve më të mëdhenj të ndodhur në trojet shqiptare, pasojat nga se shkaktohen dhe shkallën e rrezikshmërisë, trajton dokumentari më i ri i ciklit ABC STORY, që do të shfaqet sot në mbrëmje, në orën 22:20, në televizionin ABC NEWS. /abcnews.al

 

 

endri-xhafo-provokacija-1280x708.jpg
nev ila23:21 | 29/11/2019

“Mungesë metodologjie, jo vetëm e qeverisë, por e çdo institucioni shtetëror shqiptar”, e ka quajtur gazetari Endri Xhafo, menaxhimin e situatës dramatike, që la tërmeti i 26 nëntorit.

I ftuar në “Provokacija” me Mustafa Nanon, gazetari tha se, qeveria dhe instancat shtetërore, duhet ta kishin parashikuar që ndoshta do të vinte kjo ditë, dhe se duhet të ishin marrë masa. Kjo pasi të gjithë e dinë se, Shqipëria ndodhet në zonë me sizmologji të lartë, e si e tillë duhet të ishte e parapërgatitur.

Gjatë bisedës së tij Endri Xhafo tha se, menaxhimi i tragjedisë që shkaktoi tërmeti, la për të dëshiruar, e kjo u duk edhe në hezitimin e qeverisë për të shpallur “Gjendjen e Emergjencës”, ligji i të cilës është bërë nga vetë kryeministri, theksoi gazetari.

Pjesë nga biseda:

Mustafa Nano: Kam vënë re një solidaritet mes shqiptarëve që nuk e shoh në rrethana normale…

Endri Xhafo: Ka qenë i jashtëzakonshëm! A nuk është e jashtëzakonshme të shohësh Kosovarët, duke punuar dorë për dorë me Serbët?! Këto janë momente rrënqethëse. Apo të shohësh një person, i vogël në 1999, kur kishte ardhur nga Kosova në Shqipëri. Kishte ardhur përsëri tani, si pjesë e FSK (Forcave Speciale të Kosovës) për të ndihmuar. A ka histori më prekëse se kjo? Si këto gjen plot histori këto ditë, pra ka qenë një solidaritet, jo vetëm mbarëshqiptar, por edhe një solidarizim njerëzor shumë prekës”, tha ndër të tjera Xhafo./abcnews.al

seranaj-1280x720.jpg
in a09:43 | 29/11/2019

Inxhinieri Agim Seranaj theksoi në studion e ABC ja  e Mëngjesit e Enkel Demit se tërmeti i 26 nëntorit ishte shumë pranë maksimumit të projektimit nga inxhinierët për objektet e ndërtimit. Sipas tij parashikimi për ndërtimet në zonën e Durrësit është maksimumi 9 ballë.

“Durrësi është zonë sizmike 9 ballë, ka edhe zona 8 ballë. Ky tërmet ishte pranë tërmetit të projektimit apo parashikimit që do të thotë, nëse vlerësohet 8 ballë i shkallës merkal, që mat dëmtueshmërinë, do të thotë që për një shkallë merakli ose gjysëm shkalle jemi pranë tërmetit të projektimit. varet sipas zonave por maximumi është 9 ballë”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono