Emisione

BYRO-POLITIKE-29-QERSHOR-1280x720.jpg
ent ela10:30 | 30/06/2018

BE dhe kriza e zgjerimit është trajtuar në studion e “Byro Politike” në ABC News nga diplomati Agim Nesho, diplomati Arben Çejku, studiuesi Lisien Bashkurti, politologu Ermal Hasimja dhe ish-këshilltari i Ministrisë së Jashtme, Ralf Gjoni.

Për diplomatin Nesho dy janë krizat ekzistenciale për Europën, kriza  emigracionit dhe eurozona. “Problemt që kanë krijuar rritja  e nacionalizmit e populizmit krijojnë probleme në gjithë unionin”. Ky samit sipas Neshos kishte një rëndësi të veçantë për konsensusin  e vendeve të unionit për emigracionin, si edhe tema të tjera.

Diplomati Arben Çejku theksoi se në rrethanat që ndodhet Bashkimi Evropian ishte një zgjidhje optimale.

Bashkurti tha se BE ka një dekadë që po përballet me një valë krizash që nuk i ka adresuar të gjitha në mënyrë strategjike.

“Kriza ekonomike financiare që nga 2008, ballafaqimi me Pranverën Arabe që përfundoi me stuhi arabe, kriza e lindjes, marrëdhëniet me Rusinë, dhe kriza në Lindjen e Mesme përbëjnë një tërësi rrathësh krizash që kanë goditur Europën në të njëtën kohë. Sado që të përpiqen të zgjidhin njërën, kriza ngelet e hapur”.

Ermal Hasimja, duke folur për përplasjen e Italisë për refugjatët, tha se përplasja këtu është me shume dimensione dhe zgjidhje thuajse të pamundur.

Ish-këshilltari i Ministrisë së Jashtme Ralf Gjoni theksoi se qëndimi i Italisë nuk ndryshon. Sipas tij secili vend anëtar i BE frymëzohet nga qëndrimi i brendshëm politik në fushat respektive të tyre. /abcnews.al

 

 

BYRO-POLITIKE-27-QERSHOR-2018-1280x720.jpg
ent ela10:50 | 28/06/2018

Qershori 2019 do të jetë përcaktuesi kryesor se çfarë do të ndodhë me këtë procesin e hapjes së negociatave me BE-në. Mazhoranca e ka konsideruar sukses, kurse opozita dështim. Për të folur rreth këtij procesi në studion e “Byro Politike” kanë diskutuar Grida Duma, deputete e PD-së, Ervin Bushati deputet i PS-së, Klajda Gjosha deputete e LSI-së, Alfred Peza, gazetar dhe në lidhje direkte zv/ministri për Europën, Gent Cakaj.

Për deputeten demokrate Grida Duma. ky është një kthim mbrapa në një kohë që pritej një PO e sigurtë sipas deklaratave të qeverisë. Sipas Dumës krimi i organizuar dhe droga janë kthyer në një dokument të paprecedentë. “Është e papranueshme strategjia që kemi fituar, pasi jemi të fundit në rajonin ballkanik”.

Deputeti socialist Ervin Bushati deklaroi se Shqipëria ka një rrugë të pakthyeshme drejt BE-së dhe në qershor pritet të hapen negociatat, falë progresit të reformave. Për Bushatin mbetet ende shumë për të bërë dhe qeveria do të vijojë të plotësojë kërkesat.

Depuetetja e LSI-së Klajda Gjosha e konsideron  vendimin një dështim triumfin e paraqitur nga qeveria, Sipas saj ky është një mashtrim i madh që u bëhet shqiptarëve, si politikisht dhe teknikisht. “Vendimi nuk ka të bëjë fare me çeljen e negociatave të Shqipërisë, por do të diskutohet në qershor të 2019. Shqipëria do e këtë të pamundur edhe qershorin e 2019. Ne kemi disa kushte që i janë shtuar vendit tonë që kanë të bëjë me reformën zgjedhore dhe azilkërkuesit”.

Gazetari Alfred Peza citoi presidentin Meta, i cili thotë se ne duhet ta vlerësojmë vendimin e KE dhe Knut Fleckenstein. Në këndvështrimin e tij, Peza thekson se është hapur drita jeshile për çeljen e negociatave në Qershorin 2019 dhe nuk ka kthim prapa.

Zv/ministri për Europën Gent Cakaj në një lidhje direkte në ABC News tha se nuk bëhet fjalë për kushte të reja, por për thellim të reformës. /abcnews.al

PROVOKACIJA-26.06.2018-1280x720.jpg
ent ela12:20 | 27/06/2018

Të ftuar në emisionin e radhës të “Provokacija” nga Mustafa Nano ishin:

Shpëtim Idrizi ka komentuar ndeshjen Serbi-Zvicër, dhe simbolin e shqiponjës të bërë nga dy shqiptarët Xherdan Shaqiri dhe Granit Xhaka. Sipas tij gjesti i shqiponjës është një formë shumë e bukur e të shprehurit të identitetit dhe nuk është e ndaluar.

Idrizi në cilësinë e kreut të PDIU ka ka folur gjithashtu edhe për çështjen çame dhe deklaratat e palës greke, pasi sipas tij nuk ka transparencë nga pala shqiptare. Duke iu referuar deklaratave të palës greke Idrizi tha se nuk është në tryezën e negociatave çështja e shqiptarëve të Çamërisë, ndërsa i bën thirrje ministrit të jashtëm se çështja çame nuk është çështje vullneti, por është detyrim.

Rubens Shima, historian, arti ish-drejtor i GA, ka folur për historinë  eTeatrit Kombëtar. Në një shkrim që i dedikohej debatit të Teatrit Kombëtar, Shima tha se ndërhyri pasi spekulimi mori përmasa të jashtëzakonshme, duke e denigruar godinën e Teatrit.

Teuta Dobi, drejtoresha e gjimnazit “Sami Frashëri”. Ka folur mbi ndikimin që kanë telefonat, në jetën e nxënësve. Sipas saj nxënësit kanë krijuar varësi dhe janë bërë asocialë.

Olsi Jazexhi, Historian. Ka folur për origjinën e Skënderbeut dhe të shqiptarëve.  Sipass tij nuk ka një dokument që vërteton se Skënderbeu ka folur shqip. Ai ka komentuar edhe lajmet e rreme të portaleve në adresë të tij./abcnews.al

 

PRAG-SAMITI-I-28-QERSHORIT-1-1280x720.jpg
ent ela14:18 | 23/06/2018

Samiti i Këshillit të Bashkimit Europian që mbahet në 28 qershor në Bruksel, cilësohet vendimtar për Shqipërinë dhe Maqedoninë, të cilat presin përgjigjen përfundimtare për çeljen ose jo të negociatave për anëtarësim në BE. Disa prej vendeve anëtare kanë ende hezitim për të dhënë një përgjigje pozitive për vendin tonë, ndërkohë që Maqedonia duket një hap më para dhe kjo pas nënshkrimit të marrëveshjes për emrin e ri të Maqedonisë me qeverinë greke. /abcnews.al

WEB-POLITIKA-NE-ABC-NEWS-NEGOCIATAT-ME-KUSHTE-MES-RAMES-E-BASHES-1280x720.jpg
ent ela13:34 | 23/06/2018

Hapja e negociatave të anëtarësimit me Bashkimin Europian, u lidh fort javën politike që lamë pas me aludimet se në këmbim, Shqipëria do pranojë një kamp refugjatësh në territorin e saj. Llogaritë politike të nisura në Europë, u eksportuan në Tiranë, duke ndezur akuzat e opozitës ndaj kryeministrit Rama. Politika në ABC News na sjell dritëhijet e interesave europiane, por edhe atyre të Tiranës zyrtare, në një proces me pritshmëri të larta për shqiptarët. /abcnews.al

mentor-kikiaaa.jpg
G. P.11:13 | 23/06/2018

“Jo” e Holandës dhe debati për emigrantët, ishte kjo tema e diskutuar në Byro Politike, ku të ftuar ishin: Dhurata Çupi, deputete e PD-së; Mentor Kikia, drejtor i Klan Plus; Mimoza Koçiu, gazetare dhe Roland Lamja, analist.

Sipas deputetes Çupi, asnjë shqiptar nuk i gëzohet vendimit të Holandës që kërkon të mos hapen negociatat me Shqipërinë.

Në pjesën tjetër të debatit, Mentor Kikia u shpreh rreth debatit për emigrantët. Sipas tij, në qarqe të ndryshme ndërkombëtare po diskutohet për mundësinë e cakktimit të një kuote për pranimin e emigrantëve në Shqipëri./abcnews.al

evis-kushi.jpg
G. P.12:43 | 21/06/2018

Në Byro Politike u debatua rreth çështjes së Teatrit të ri Kombëtar.

Të ftuar ishin: Evis Kushi, deputete e PS; Klevis Balliu, deputet i PD; Alfred Peza, analist dhe Alfred Lela, analist.

Këtë javë, komisioni i medias u përfshi nga një përplasje fizike dhe verbale, gjatë seancës dëgjimore që ishte parashikuar me ministren e Kulturës, por që mori pjesë edhe kryetari i Bashkisë së Tiranës, Erion Veliaj.

Pikërisht për këtë çështje u diskutua mes të ftuarve në “Byro Politike”./abcnews.al

mustafa-nanoo.jpg
G. P.11:33 | 20/06/2018

Të ftuar në emisionin “Provokacija” nga Mustafa Nano ishin:

Ditmir Bushati. Ministri për Europën dhe Punët e Jashtme foli rreth hapjes së negociatave me Bashkimin Europian. Siç dihet, Këshilli i Europës pritet të mblidhet në fund të Qershorit dhe vendet anëtare do të votojnë pro apo kundër hapjes së negociatave me Shqipërinë dhe Maqedoninë. Bushati u shpreh se beson që BE do t’i japë Shqipërisë mundësinë për hapjen e bisedimeve.

Stela Dhima. Psikologia foli në emision rreth vetëvrasjeve, duke marrë shkas nga rasti i fundit, kur Xhafer Mata pasi vrau 19-vjeçaren Xhuljeta Çuni, disa minuta më vonë vrau edhe veten.

Ylli Rakipi dhe Enkel Demi. Botërori erdhi sëbashku me emisionet e shumta në televizionet shqiptare. Pikërisht për këtë ishin të ftuar dy gazetarët e njohur. Ndër të tjeram,Ylli Rakipi shtoi se e gjitha kjo është e lidhur me atë që bëjnë çdo natë të gjitha emisionet politike gjatë gjithë vitit./abcnews.al

LUFTA-II-SPIUNE-NE-KARABURUN-FOTO-1280x893.jpg
ent ela20:59 | 19/06/2018

Në mesin e vitit 1943 në disa shpella të Karaburunit u instaluan misionet e para amerikane e britanike që kishin për qëllim të ngrinin rrjeta spiunazhi pas linjave të pushtimit gjerman dhe të ndihmonin lëvizjen antifashiste.

Pikërisht instalimi i këtyre celulave amerikane e britanike në këto zona të Vlorës bën që informacioni të kishte rëndësi të dorës së parë dhe rrjetet e spiunazhit lulëzuan.

Palët në lojë ishin të shumta. Gjermanët ishin të interesuar që të kishin informacion për qëllimin e misioneve anglo-amerikane, por në lojën e madhe të spiunazhit ishte edhe xhandarmëria e qeverisë kuislinge të Tiranës, komunistët si dhe ballistët, të cilët në zonën e Vlorës dëshmohet të kenë qenë dominantë.

Pikërisht këtë situatë e tendosur, veprimtarinë e celulave të Aleatëve, ndihmën dhe sakrificën e agjentëve shqiptarë që ata rekrutuan dhe fatet e gjithsecilit sjell ky dokumentar. /abcnews.al

altin-basha.jpg
G. P.08:33 | 19/06/2018

Regjisori i njohur, Altin Basha, ishte i ftuar në Mbrëmje në ABC News, ku foli rreth çështjes së Teatrit Kombëtar.

Kohët e fundit artistët janë përfshirë në një debat me bashkinë e Tiranës në lidhje me prishjen apo jo të godinës së Teatrit Kombëtar.

Javën e kaluar kryebashkiaku Veliaj mbajti një dëgjesë publike me artistët, të cilët shprehen kundër prishjes së Teartrit Kombëtar dhe ndërtimin e saj me PPP.

Sipas Bashës, artistët e kanë kundërshtuar që prej fillimit projektligjin për teatrin. Ai tha se artistët reagojnë siç e ndjenë sipas situatës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono