Mbrëmje ne ABC

karadaku-samiti-mirela-1280x602.jpg
nev ila20:33 | 11/11/2019

Në studio me Mirela Milorin kanë komentuar iniciativën e Aleksandër Vuçiç, Edi Rama dhe Zoran Zaev për “mini-schengenin ballkanik”, gazetarët: Linda Karadaku, Seladin Xhezairi dhe Idro Seferi.

Gazetari i  Klan Maqedonisë, Seladin Xhezairi, tha se ideja e minischengenit ballkanik në Maqedoninë e Veriut është përshëndetur në të shumtën e rasteve. Sipas Xhezairit, Zaev nuk hezitoi të theksonte se do të ketë një ballkan të ri, të përparuar i cili do të përshpejtojë tentativat për tu bërë pjesë e familjes evropiane. Por gjithashtu zëra kundër ka patur edhe në qarqe jo politike.

Ky samit ballkanik, sipas Xhezairit, e ka lënë një shije të hidhur për sa i përket mungesës së Kosovës. Madje thuhet se mund të përsëritet historia mes Shqipërisë dhe Kosovës, si zhvillimet e pasluftës së dytë botërore.

Ndërsa në Serbi, sipas gazetarit Idro Seferi, është pritur përgjithësisht pozitivisht por gjithashtu ka patur edhe kritika. Analistët në Serbi kanë thënë se ky projekt nuk do të shkojë deri në fund pa praninë e Malit të Zi, Bosnje Hercegovinës por sidomos Kosovës. Sipas Seferit, që kjo iniciativë e 3 liderëve të funksionojë dhe të ketë sukses, duhej me patjetër prania e Kosovës.

Për gazetaren e ABC News, Linda Karadiku kjo iniciativë, për “minischengenin” ballkanik, dukej një përpjeke e sforcuar, në një moment të gabuar.

Djalli qëndron tek detajet” thotë Karadaku. “Dakord nëse do të ketë lëvizje të lirë të njerëzve, por si do të bëhet ajo? A kalohet dot me kartë identiteti nga Shqipëria, në Kosovë dhe në Serbi? Natyrisht që jo“, tha Karadiku.

“Gjithsesi atmosfera në këtë samit për “minischengenin ballkanik” ishte e çuditshme”, tha më tej Karadaku.

“Vuçiç dhe Rama shfaqeshin shpesh herë shumë nervoz. Kjo është një marrëveshje mes 3 njerëzve sepse nuk kemi një marrëveshje brenda vendeve përkatëse, sipas ligjeve apo ratifikimeve, janë gjëra të mëdha që kërkojnë konsensus. Që të ketë rezultat, ky samit duhet të kishte praninë e Kosovës. Mungesa e Kosovës, nuk është çështje procedure dhe as protokolli. Mungesa e Kosovës e hedh në ajër këtë projekt. Ajo që duhet të jetë e qartë në të dy anët e kufirit është që Shqipëria nuk ka kufij me Serbinë por me Kosovën”, komentoi Karadaku.

Sipas Karadakut, të mirat materiale nuk mund të kalojnë në marrëveshje mes 3 njerëzve.

“Kjo bëhet në mënyrë institucionale dhe të shkruar, dhe kjo nuk është rruga e duhur”, tha ajo./abcnews.al

LAJMET-DT-8-NENTOR-ORA-19.mpg_snapshot_07.03-1280x720.jpg
ent ela19:54 | 08/11/2019

Konsulli i nderit i Shqipërisë në Liban Marc Gorayeb ka hedhur dritë mbi operacionin e shpëtimit të Alvinit të vogël nga kampet siriane dhe vështirësitë që kanë hasur.

Në një lidhje të drepërdrejtë me skype në emisionin “Mbrëmje në ABC News” të Mirela Milorit, Gorayeb tregon se situata në Liban ishte e tmerrshme, ndërsa transporti në kufirin Liban- Siri ishte katastrofë.

“Situata në Liban ishte e tmerrshme dhe kishim një lloj revolucioni në vend, të gjitha rrugët ishin të zëna dhe transporti dhe kufiri Liban- Siri ishte një lloj katastrofe.

Kishim momente të komplikuara dhe operacione shumë të komplikuara gjatë situatës, me  ndërprerje rruge, digjeshin goma në rrugë dhe nuk ishte mundur të lëvizje nga një zonë në tjetrën dhe kështu kishte shumë faktorë që luanin rolin e tyre rreth e qark”.

Por Gorayeb thekson se çelësi i këtij suksesi sinkronizimi i të gjithë atyre që u përfshinë në këtë operacion, qën ia dolën të shpëtojnë Alvinin.

“Duke pasur parasysh unitetin e skuadrës ne mundëm me gjithë strukturën dhe sinkronizimin midis kanaleve që u përfshinë ne kishim mundësi ta realizonim këtë dhe të gjithë operacionin.

Ne jemi këtu dhe arritëm ta nxirrnim Alvin Berishën që të takonte babanë  e tij.

Çelësi i këtij sukesei ishte se ishim të bindur që u dorëzuan dokumentet e duhura nga pala tjetër. Në fillim ata nuk mund ta dorëzonin djalin, por pas negociatave me Francesko Rrokon dhe palët ata kërkuan një dokument që Alvin Berisha të na dorëzohej neve.

Pas kësaj unë fola me babain që është në Romë dhe gjatë natës i kërkuam me mbështejen e Ministrit Brendshëm dhe ai foli me amabsadorin e Shqipërisë në Romë dhe i dërguam Afrim Berishës në ambasadën e Shqipërisë në Romë. Nuk i kishim dokumentat e nënshkruara dhe konfirmuam te pala tjetër. Është fotoja ku ai nënshkruan dokumentin. Ne mundëm të dërgonim pasaportën e Afrim Berishës që ky është babai i këtij fëmije dhe ai u kërkoi autoriteteve që ta dorëzonin te kryqi i kuq. Ne mundëm ta shpëtonim jetën e Alvinit dhe të kthenim një faqe”.

Për konsullin shpëtimi i Alvinit është një detyrim si shqiptaro libanez, ndërsa njoftoi se si ai do të shpëtohen edhe të tjerë që kanë mbetur në Siri, por pa dhënë shumë detaje.

”Ky është detyrimi im si shqiptaro-libanez sepse Siria nën juridiksionin e saj nuk ka një konsullatë në Liban dhe ne nuk pranojmë që fëmijët tanë shqiptarë të jetojnë në jetë të tilla.

Diçka të rëndësishme. Është një model operacional e strategjik që Shqipëria e autoritete shqiptare që kishin ekspertizën tani pas shpëtimit të Alvin Berishës, ne do të bëjmë të njëjtin operacion për ata që kanë mbetur, por preferoj ta mbaj diskrete sepse kemi nevojë që të bëjmë veprime dhe jo vetëm të flasim”.

I pyetur se pse nuk ndërhyri ambasadori shqiptar në Turqi për këtë operacion, Gorayeb shprehet se ambasada në Turqi nuk ka juridiksion për të mbuluar Sirinë.

“Nuk e njoh ambasadorin në Turqi, ambasada në Turqi nuk ka juridiksion për të mbuluar Sirinë. Ai nuk mund të ndërhyjë në Siri, është shumë e thjeshtë. Është shumë e vështirë që të njohësh terrenin në Liban e Siri dhe praktika më e mirë që ne përdorim është që unë e njoh terrenin në Liban e Siri dhe kam të gjitha kanalet e duhura për të ndihmuar në këtë rast”.

Gjatë fjalës së tij konsulli falënderoi të gjithë ata që morën pjesë në operacionin e shpëtimit të Alvinit të vogël.

“Dua të mbani në mendje se dua të falënderoja personalisht autoritetet italiane, Interpolin italian, forcat e sigurisë në Liban, shërbimin e sigurisë së shtetit në Liban, forcat e brendshme kryqin e kuq ndërkombëtar dhe gjysmëhënën e kuqe siriane, se ato kanë bërë një sinkronizim të mirë dhe më lejuan që të kishim një komunikim të mirë bashkë”.

Me rrënjë shqiptare nga Shkodra Gorayeb tha se do të mbështesë çdo shqiptar me gjithë fuqitë e tij.

“Jam nga Shkodra nga nëna dhe falë zot kam gjak shqiptar dhe falënderoj çdo shqiptar, vendi ynë është këtu dhe jam këtu për të mbështetur çdo shqiptar me gjithë fuqitë dhe lidhjet tona dhe falënderoj autoritetet shqiptare që më kanë dhënë këtë autorizim për të bërë këtë punë”. /abcnews.al

 

mirela.jpg
in a19:16 | 07/11/2019

Deputetja e PS-së, Klotilda Ferhati e ftuar në “Mbrëmje në ABC” me Mirela Milorin ka komentuar ngërçin në të cilën gjendet Gjykata Kushtetuese. Ligjet e Reformës në Drejtësi janë hartuar pikërisht për të evituar situatat që krijojnë ngërçe: shprehet deputetja e PS.

“Ne kemi dhe një vendimarrje të mëparshme të Gjykatës Kushtetuese, e cila e ka analizuar faktin se fryma e ligjeve të reformës në drejtësi është zhbllokuese”, deklaroi Ferhati. Sipas saj sot jemi në një situatë kur koherenca është ndryshe nga kur është miratuar ligji.

“Shumica e kandidaturave duhet të plotësohen tani dhe nëse Presidenti apo Kuvendi nuk vendosin të emërojnë një nga tre kandidatët e listuar nga Këshilli i Emërimeve në Drejtësi brenda një afati prekluziv prej 30 ditë, kandidati i parë në listë emërohet gjyqtar i Gjykatës Kushtetuese”, shprehet Ferhati.

Në lidhje me punën e Komisionit Hetimor, u shpreh se: Komisioni është duke përmbyllur detyrën e tij që ka afat deri në 8 Dhjetor, dhe në ndërkohë Presidenti në veprimtarinē e tij ka detyrë të respektojë Kushtetutën dhe ligjin.

E pyetur për Reformën Zgjedhore nga pikëpamja teknike, deputetja e PS-së është shprehur se janë realizuar disa mbledhje për të punuar ngushtësisht me ekspertët e Komisionit.

Çështje shumë e rëndësishme është administrimi zgjedhor, ku po punohet që pjesë e saj të jenë individë jo-politikë, tha Ferhati. Deputetja e PS-së e sheh idenë e zgjedhjeve të parakohshme të parealizueshme, “Nuk kemi asnjë arsye për të menduar zgjedhje të parakohshme”, ka thënë Ferhati. /abcnews.al

godole.png
in a16:43 | 06/11/2019

Mbrëmjen e sotme ishte e ftuar në ABC News me Mirela Milorin,  pedagogia Jonila Godole. E pyetur për debatin e shumë përfolur për nderimin e heronjve të Luftës së Dytë Botërore, Godole u shpreh se, fotografitë ka ditë që janë vendosur, duke shkaktuar edhe debate të shumta. Vendosja e portreteve të atyre që nuk kanë marrë pjesë gjatë Luftës së Dytë Botërore nuk e justifikon termin heronj, tha Pedagogia.

“Nëse do të ishin me të vërtet përfaqësues, të ideve, lirisë, që kishin një synim të përbashkët që Shqipëria të çlirohej, nuk do të kishte shkaktuar shumë debat, por në fakt në ato mungojnë emra që vërtet kanë sakrifikuar”, u shpreh Godole.

“Do të ishtë mirë që të kishim paqe me njëri-tjetrin, pasi të kemi sqaruar se kush ështe historia që ne duam të kujtojmë atehërë mund të ulemi dhe ti përcjellim të rinjve atë që vërtet duhet të njohin. Ka një pasaktësi të organizatorëve. Nuk më duket me vend se si i kemi prezantuar martirët. Duhet të kishim gjetur një mënyrë më origjiniale”, tha Godole.

Sipas pedagoges historia duhet të shkruhet me qetësi në mënyrë që ne të shfletojmë saktë historinë e Shqipërisë dhe kjo mund të arrihet vetëm duke ruajtur dokumentat. “Ne nuk ja kemi dalë në tre dedaka të bënim një rishikim të historisë. E vërteta historike është utopike sepse historia nuk është statike, por një dit do të vijë brez i cili do ta zbardhë historinë por qe do të jetë shumë vonë”, tha ndër të tjera Godole./abcnews.al

mirela-paloka-1280x720.jpg
ent ela20:48 | 05/11/2019

I pyetur nga gazetarja Milori se si duron me politikën e qetë përballë Ramës, Paloka thotë se opozita ka zgjedhur këtë rrugë, sepse e kërkojnë ndërkombëtarët dhe Bundestagu, por Rama sipas tij  njeh vetëm dajakun.

Milori: Si duroni ju me politikën e qetë përballë Ramës?

Paloka: Këtu nuk ka qetësi.

Milori: Pse nuk jeni më të ashpër dhe më të fortë përballë kësaj qeverie?

Paloka: Është e vërtetë që Rama njeh vetëm një mënyrë, vetëm dajakun dhe kështu mendojnë të gjithë shqiptarët. Është i njëjti i korruptuar, i lidhur me krimin, bandat, arrogant dhe nuk kam pse ndryshoj mendim, kur nuk ka ndryshuar personazhi.

Fakti që kemi zgjedhur këtë rrugë dhe strategji se na i kërkojnë partnerët tanë dhe ka një zgjidhje që vjen përmes kushteve të Bundestagut.

Sot sikur të bëhen votime, megjithë Ramën aty në momentin që zhvillohen zgjedhje, Rama ikën se këtu do bëhët katastrofë,  nëse do të guxojë të vjedhë e manipulojë zgjedhjet. Ka dy rrugë për opozitën ose të përballet me mënyrat e tij, ose në zgjedhje të lira e të ndershme, por këtë e di dhe ai, se e testoi këtë punë  dhe të hynte në zgjedhje për 45 ditë e pa që nuk fitonte prandaj po zvarritet tani. /abcnews.al

LAJME-ORA-20.mpg_snapshot_03.52-1280x720.jpg
ent ela20:41 | 05/11/2019

“Sikur të votohet sot opozita merr 82 mandate dhe çdo ditë që kalon më shumë groposet Rama”. Kështu është shprehur në studion e Mbrëmje në ABC News të Mirela Milorit nënkryetari i Partisë Demokratike Edi Paloka.

Sipas tij opozita po kërkon përditë realizmin e pikave që janë të përbashkëta me Bundestagun Gjerman, në mënyrë që shqiptarët të votojnë lirisht. Për Palokën zgjedhjet dhe reforma zgjedhore janë zgjidhja e vetme e kësaj situate.

“Opozita është top dhe po kërkon përditë realizimin e pikave që janë të përbashkëta me Bundestagun Gjerman.

Ne e kemi bërë të qartë pozicionin edhe Bundestagu ia ka bërë të qartë, janë 9 kushte dhe në fund zgjedhjet dhe implementimi i reformës zgjedhore, dhe zgjidhja vjen vetëm me largimin e kësaj situatë është ai lidhja direkte .

Ne po tentojmë, kërkojmë që shqiptarët të kenë mundësi të votojnë lirisht, kjo është detyra e parë. se kur do bëhen këto zgjedhje nuk është vetëm përgjegjësi e opozitës.

Të gjithë duhet të thonë fjalën për reformën. I kemi treguar mazhorancës i kemi paraqitur 5 pikat dhe presim që mazhoranca të japë përgjigje për to. Ne kemi bërë propozim në një tryezë të ftuar nga OSBE dhe sot e kësaj dite nuk ka propozim nga pala tjetër. Nuk është zgjidhje ajo që ne e kemi komisionin po deshët hajdeni dhe ju. Është tradita që çdo ndryshim i kodit zgjedhor bëhet me të gjitha palët nëse do ta bëjë me komisionin e Gjiknurit nuk është reformë. Gjiknuri duhet të shkojë në burg se ia kërkon Bundestagu, i thotë fut Gjiknurin në burg, fut Tahirin në burg”. /abcnews.al

 

 

paloka.jpg
ent ela20:25 | 05/11/2019

Ngjarje të paralajmëruar e ka konsideruar numri dy i Partisë Demokratike Edi Paloka, atentatin ndaj makinës së prokurorit Ndoj. Sipas tij kjo është një luftë mes bandave të Rilindjes.

“Të gjitha këto janë ngjarje të paralajmëruara dhe kemi denoncimet dhe kërcënimet e kryeministrit  ndaj këtij prokurori, pastaj ndodh atentati. Rezulton që në makinë ishin persona me precedentë. Kryeministri di që një prokuror është i lidhur me bandën dhe në vend që t’i kërkojë policisë ta arrestojë, e denoncoi vetëm kur u kap drejtori i Kadastrës. Kjo është luftë mes bandash të Rilindjes. Atij që iu bë atentat dhe ai që bëri atenat janë dy grupe bandash që kanë bërë votat për Edi Ramën. Për këtë arsye Rama nuk e denonconte dot më parë, sot bandat i kanë dalë jashtë kontrollit Ramës. E ka ndarë Shqipërinë te këto grupe dhe ata nuk janë ngopur. Dhe sot ka arritur puna që kanë filluar përplasjet”.

Për Palokën, Rama është përgjegjësi i vetëm i situatës kriminale në vend, pasi erdhi në pushtet me bandat dhe ato tashmë kërkojnë shpërblim me pronat. Sipas tij kur pronat mbarojnë, fillon lufta mes bandave dhe në këtë rast Rama e dorëzoi një bandë për një tjetër.

“Kryeministri është përgjegjësi kryesor, bandat e oligarkët sollën Ramën në pushtet, edhe viktima dhe agresori janë ata që sollën Ramën në pushtet i japin Ramës votat dhe si shpërblim duan këto dhe kur pronat mbarojnë atëherë fillon lufta me bandave dhe ndodh ajo që ndodh. Dhe kryeministri në këtë rast dorëzoi një bandë për një bandë tjetër”.

Është gabim thotë Paloka që krahasohet Shqipëria me Kolumbinë, pasi në Kolumbi shteti luftoi kundër mafies, kursë këtu mafia është vetë shteti. /abcnews.al

99-1280x720.jpg
in a20:05 | 05/11/2019

I ftuar në studion e ABC News në drejtimin e Mirela Milori, Besart Kadia ka folur për krijimin e lëvizjes politike “Alternativa”. Kadia ka komentuar vizionin e kësaj lëvizjeje. Duke u shprehur se ka shumë profesionistë që duan të kontriubojnë në Shqipëri, për Kadian kjo lëvizje do të jetë një mundësi shumë e mirë për të sjellë ndryshimin që i duhet vendit.

“Çdo hapësirë publike po vidhet nga njerez kriminele, që nuk po sjellin asnjë ndryshim për vendin. Pra, të rinjtë shqiptarë kanë nevojë për një thirrje të brendshme që ky vend do të ecë përpara dhe të bëhet më mire, tha ndër të tjera Kadia.

“Shoqëria ka nevojë për energjinë që të bëjë alternativën pro ideve të tregut. Nuk kemi pse të fshihemi pas ombrellave të partive të mëdha, por të përpiqemi të sjëllim ndryshimin, ne kemi një shtet që janë njësoj si në  vitet 91, ka ardhur koha që të flasim për qytetarin”,  u shpreh Kadia në studion e abcnews.

“Projektbuxheti 2020”, Besart Kadia i pyetur për projekt buxhetin është shprehur se nuk ka pasur ndonjë vizion të ri për pushtetin lokal. Taksa e biznesit të vogël u hoq dhe nuk ka më të ardhura.

Pyetjes se a janë të mirëmenduara lëvizjet e qeverisë, Kadia i përgjigjet: Kanë gënjyer veten, thanë që do bëjnë buxhetin me të madh historik, por kemi mbivendosje të problemeve qe janë të akumuluara në kohë.

Kadia shprehet pesimit për ekonominë, sipas tij nuk ka asnjë ndryshim: “Asgjë nuk ka ndryshuar, taksat që ka marrë shteti nuk përkthehen në një mirëqenie më të lartë”./abcnews.al

LAJMET-DT-4-NENTOR-ORA-20-00001.mpg_snapshot_07.39-1280x720.jpg
ent ela22:03 | 04/11/2019

“Një prokuror i suksesshëm që hidhet në rrugë nga shefat e tij se preku në tela mafien. Pasi kthehet në detyrë është bërë pjesë e klaneve kriminale. Një njeri i inkriminuar në makinë me të, që duhet të ishte arrestuar”. Janë këto disa nga treguesit e ngjarjes ku iu bë atentat makinës së prokurorit Arjan Ndoj, sipas drejtorit të Informacionit në Klan Plus Mentor Kikia.

“Kjo është histori tipike e kriminalizimit të të gjitha  të strukturave të shtetit, një prokuror i shtetit që nuk ishte rastësisht në makinë  me një person me precedentë penalë, por në shoqëri të konsoliduar prej shumë vitesh, lë të kuptosh se ku ka degraduar sistemi i drejtësisë. Kemi të bëjmë me një precedent penalë, i cili vetëm pasi u plagos u mësua që dhunoi biznesmenin libanez. Policia e dinte, personi ishte denoncuar publikisht me foto e emër  dhe pyetja që ngremë të gjithë është pse nuk është arrestuar?. Pse nuk është ndërhyrë për t’i parandaluar këta njerëz? Prania e prokurorit është një minus për besueshmërinë e sistemit të drejtësisë”.

Sipas tij prokurori më shumë se përgjegjës apo fajtor, është viktimë e këtij sistemi të drejtësisë.

“Ky prokuror për mua nuk mund të konsiderohet si etalon i së keqes, më shumë se përgjegjës apo fajtor do ta quaja viktimë të këtij sistemi. Ky prokuror në kohën e emërimit ka qenë në elitën e magjistarturës, ka qenë shumë i zoti dhe është pushuar nga puna, është hedhur në rrugë se hetoi një çështje ndaj një trafikanti të konvertuar në biznesmen, që më vonë iu sekuestruan dhjetra miliona euro prona e asete. Dhe ky u hodh në rrugë në kushte të rënda ekonomike dhe punoi si avokat duke marrë në mbrojtje një sërë njerëzish që i përkisnin sferës së zezë të botës së krimit dhe në këtë periudhë ka vendosur raporte me njerëz të inkriminuar, pasi fitoi gjyqin për shkarkimin në mënyrë të padrejtë vazhdoi të ishte një prokuror me të tjera lidhje”. abcnews.al

kikia.jpg
ent ela21:05 | 04/11/2019

Rrugëtimi për Shqipërinë i Partisë Demokratike me fokus rininë dhe rikthimin shpresës te shqiptarët është komentuar në studion e Mbrëmje në ABC News të Mirela Milorit me drejtorin e informacionit në Klan Plus Mentor Kikia.

Sipas tij ajo që çedon është se PD kthehet në këtë hulli të të bërit politikë normale, pasi ka qenë në ekstremin e strategjisë dhe pasi Basha ka humbur betejën e forcës me daljen jashtë institucioneve dhe procesin farsë të 30 qershorit.

“PD është në opozitë, detyra është të mendojë për qeverisjen dhe të bindë qytetarët, është duke bërë pikërisht atë që duhet të bëjë një parti opozitare, por këtu ka një keqkuptim apo zhgënjim nga ata që janë mësuar dhe prisnin mënyrën e të bërit protestë agresive.

Të bërit politikë nuk është magji, është të takosh njerëz, të akuzosh, të denoncosh kur ka afera kurruptive dhe vendime që nuk janë në interes të shoqërsië. Ajo që çedon është se PD kthehet në këtë hulli të të bërit politikë normale pasi ka qenë në ekstremin e strategjisë.

Basha ka humbur një betejë shumë të rëndësishme, ka humbur betejën e forcës, se shumë njerëz prisnin që do konkludonte me dorëheqjen e kryeministrit, por shkoi me dy humbje të mëdha me daljen jashtë institucione dhe një proces farsë i 30 qershorit që i ka dhënë kontrollit PS-së”.

Shoqëria shqiptare, shprehet Kikia, ka nevojë realisht për rikthimin e shpresës, por Basha nuk po prezanton asgjë të re. Sipas tij duhet urgjentisht ndryshimi i sistemit dhe heqje e listave të mbyllura.

“Nuk ka asgjë të re në këtë që ndodh nëse do të duhet dhe ajo që ka nevojë shoqëria shqiptare është realisht rikthimi i shpresës, se shumica nuk ikin për bukën e gojës e u duket i pajetueshëm, për shkak të mungesës së rregullit, ligjit, drejtësisë, ku konkuron aftësia dhe puna e ndershme. Duhet parë vajtimi i njerëzve që nuk dua Ramën, por se Shqipëria është një vend i pajetueshëm për një mijë arsye.

Realisht shoqëria shqiptare ka nevojë për rikthimin e shpresës. Duke prezantuar atë që dimë e stërdimë. Ndryshim absolutisht i sistemit dhe heqje e listave të mbyllura se ato kanë prodhuar atë parlament qesharak. Ne kemi kohë që votojmë por nuk zgjedhim, sepse ka një listë që ka bërë kryetari i partisë”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono