Mbrëmje ne ABC

spaho.jpg
ger ta20:20 | 09/12/2019

“Një lojë politike të Edi Ramës”. Kështu e ka cilësuar ish-deputeti i PD, Edmond Spaho ftesën publike të kryeministrit për opozitën dhe Lulzim Bashën lidhur me pasojat e tërmetit tragjik.

I ftuar në “Mbrëmje në Abc” me Mirela Milorin, Spaho theksoi se nuk ka arsye të ketë një ftesë dhe se opozita i ka plotësuar kërkesat e saj me mundësitë që ka.

Kjo është një lojë politike e Ramës, nuk ka arsye të ketë një ftesë. Opozita i ka plotësuar të gjithë detyrat e saj. Të gjitha strukturat tona kanë qenë në terren, për ta lehtësuar sadopak dhimbjen. Nga ana tjetër ne jemi përfaqësues i zërit të qytetarëve, kemi detyrë të ngremë zërin për atë që nuk plotësohet nga qeveria. Kemi dhënë edhe propozime se si të kapërcehet kjo situatë. Nga pikëpamja financiare që të heqë koncesionet, fare thjeshtë janë 150 mln eurot. Në një fazë apo në një tjetër ka pranuar se qendrimet tona kanë qenë racionale. Do të marrë goditje të madhe në Durrës nëse do e lëmë gjendjen kështu.  Duhet të përfundojë vlerësimi i godinave. Sot eksperët thanë ee brenda një jave duhet të kemi dokumentin. Pasi të dish nevojat duhet të kesh burimet”, tha Spaho.

Më tej Spaho deklaroi se tërmeti tregoi se nuk kemi shtet, të cilin demokrati e cilëson si prej kartoni.

“Tërmeti tregoi që nuk kemi shtet, por shtet prej kartoni. Tregoi se nuk kemi emergjenca civile. Po të mos ishin të huajtë, ju siguroj se fatura do ishte më e lartë. Me duar, pa pajisje, pavarësisht vullnetit të madh që kishin. Juve ju kujtohen përmbytjet e Shkodrës, është ngritur e gjithë ushtria. Dhe pastaj u kaluan për një periudhë të shkurtër. Emergjenca duhet të kalojë. Ne nuk kishim materiale. Ku është rezerva e shtetit. Jemi shtet pa organizim dhe e tregoi tërmeti. Çdo gjë bëhet sipas ideve që hedh kryeministri”, tha ai./abcnews.al

prito.jpg
in a21:19 | 05/12/2019

I ftuar në “Mbrëmje në ABC” me Mirela Milorin, kreu i Partisë Republikane Fatmir Mediu është shprehur se dialogu politik është shumë i rëndësishëm në këtë situatë në të cilën ndodhet sot vendi, i cili edhe u godit nga një tërmet i fuqishëm duke shkaktuar dëme të mëdha.

“Ka ardhur koha që të ndërtohet një strukturë që ka efekt të shpejtë të ndihmës së parë, duhet një batalion i specializuar për shërbimet e emergjencës”, tha Mediu.

Ndër të tjera Mediu tha se Qeveria duhet të bëjë punën e qeverisë dhe njerëzit e punës duhet të bëjnë punën. Marrin autoritete që nuk i takon punën e specialistit. Kjo situatë ka nevojë për një kuptim të përbashkët, ajo pjesë e shëndoshë e shoqërisë shqiptare duhet të bashkohet, politika duhet të bëjë një hap me mbrapa për ti dhënë mundësi të mirës të ecë përpara.

Nuk jemi në nivelin  duhur, Ministria e Mbrojtjes duhet të bëjë një analizë se si duhet të menaxhojë situata të tilla.

“Samiti i NATO-s ishte i një rëndësie të veçantë, duhet parë si ndërtimi i një strukturë ushtarake që i shërbejnë vendit. Ne si forca politike duhet të japim mbështetjen e duhur”, u shpreh Mediu.

Sa i përket rrjetit 5G që është dhe shumë i diskutuar, sipas tij ka një efekt shumë të rëndësishëm, benefitet sipas Mediut janë rreth 3 trilion dollarë.

Në një kohë kur vendi po përballet më goditjen që mori nga tërmeti Mediu thotë se zgjedhjet e parakohshme duhet të ishin bërë kohë më parë, “jemi në një situatë traume shoqërorë edhe pse zgjedhjet gjithmonë ngjallin shpresë. Ai thekson se nuk do të ndikonin negativisht në një situatë të tillë, por këto zgjedhje nuk mund të bëhen për një moment afatshkurtër./abcnews.al

mediu.jpg
in a20:15 | 05/12/2019

I ftuar në “Mbrëmje në ABC” me Mirela Milorin, kreu i Partisë Republikane Fatmir Mediu e ka vlerësuar shkarkimin e Arben Malajt si të padrejtë, sipas tij është një veprim dashakeq që nuk sjell asgjë të mirë.

“Një lojë e nisur edhe më parë nga Rama i cili realizoi në një rrugë të paligjshme”, tha Mediu.

Mediu u ndal te tërmeti që goditi Shqipërinë ku edhe theksoi se ishte një goditje që do ta rëndojë edhe më shumë krizën me të cilën përballet vendi. Drejtuar politikanëve ai thotë se nuk duhet të bëjnë politikë me këtë situatë sepse njerëzit kanë nevojë për zgjidhje emergjente.

Shërbimet e emergjencave shqiptare në krahasim me ato të huaja kanë shumë dallim sipas tij edhe pse ai thekson se nuk mund të hidhet tej sakrifica a atyre njerëzve për të shpëtuar qytetarët e mbetur në rrënoja.

“Ka ardhur koha që të ndërtohet një strukturë që ka efekt të shpejtë të ndihmës së parë, duhet një batalion i specializuar për shërbimet e emergjencës”, tha Mediu.

Ndër të tjera Mediu tha se qeveria duhet të bëjë punën e qeverisë dhe njerëzit e punës duhet të bëjnë punën. “Marrin autoritete që nuk i takon të bëjnë punën e specialistit. Kjo situatë ka nevojë për një kuptim të përbashkët, ajo pjesë e shëndoshë e shoqërisë shqiptare duhet të bashkohet, politika duhet të bëjë një hap me mbrapa për ti dhënë mundësi të mirës të ecë përpara”, u shpreh Mediu.

/abcnews.al

qytetare.jpg
in a20:03 | 04/12/2019

I ftuar në “Mbrëmja në ABC” me Mirela Milorin eksperti i ekonomisë Selami Xhepa është shprehur se humbjet e ekonomisë pas goditjes nga tërmeti janë shumë më të mëdha sesa shifrat e treguara.

“Eshtë një ngjarje që ka përmasa të mëdha, kemi të bëjmë me një ndryshim të rëndësishëm dhe për shumë familje ndikimi është i jashtëzakoshëm. Bëhet fjalë për një humbje të rëndësishme që ka ndodhur me pasurinë publike dhe private. Sot nuk mund të dimë kostot e vërteta të rindërtimit, specialistët vlerësojnë se kjo është një kosto e lartë, bëhët fjalë për 10 mijë familje dhe shkalla e dëmit është jashtëzakonisht e konsiderueshme”, tha Xhepa.

Më tej ai u ndal te procesi i menaxhimit të post krizës duke theksuar se ka probleme serioze sa i përket zgjidhjes së problemit.

“Procesi i menaxhimit të post krizës po ecën ngadalë mënyra se si po trajtohet tregon se ka probleme serioze. Qasja e zgjidhjes së problemit është krejtësisht e çoroditur.  Për shkak të dimensionit të përmasës së këtij femonemi duhet të kishim një axhendë, që qytetarët ta kenë të qartë mënyare se si po procedohet. Kemi biznese të goditura, biznese të mbyllura që mund të ndikojnë negativisht vitin e ardhshëm”, u shpreh Xhepa.

Ai u ndal edhe te buxheti për vitin 2020 i cili është parë si i vështirë, por tani pas tërmetit ai shprehet se projeksionet duhen rishikuar.  “Kostot pritet të jenë më të forta, ndoshta do të ishtë e domosdodhme rritja e huamarrjes për të sistemuar problemet e rëndësishme”.

Më tej ai shprehet se edhe pse është shumë shpejt për të folur për një faturë të saktë është e patolerueshmë që të mos ketë një strukturë të posaçme të dedikuar rasteve të kësaj natyre. Ndër të tjera ai thotë se nuk ka një sistem që të tregojë se si do të përdoren fondet e mbledhura, mënyra se si do të menaxhohet kriza.

Sa i përket banorëve të cilëve u janë shkatërruar banesat nga tërmeti ai thotë se do të ishte një lehtësim nëse në banesat të cilat aktualisht janë bosh do të strehoheshin këta qytetarë.

“Përdorimi i banesave egzistuese të cilat janë bosh, për ti ardhur në ndihmë banorëve që i janë shkatërruar banesat është një lehtësim sepse të ndërtosh mijëra apartamente të paktën duhen dy vite”, shprehet ai.

Ndërkohë ai thekson se tregu më i madh i banesave në vend është treg privat.

“Në një shoqëri rrisku siç jemi ne, nuk ka një institucion të menxhimit të këtij risku. Ka ardhur koha që kjo të ndryshojë, individi duhet të kujdeset për pronën idividuale”, deklaroi ekonomisti.

Sa i përket kësteve të kredive sipas tij kjo është një çështje që duhet të negociohet mes bankës dhe ndërtuesit.

Prioritare qeveria duhet të ketë një qasje të mirëorganizuar që qytetarët të jenë të sigurt në banesa sespe një pjesë e madhe e tyre janë të rrezikuara, duhet të kemi një qasje finaciare, një strukturë se si do të organizohet menaxhimi i saj sepse publiku ka nevojë për transparencë.

Ndër të tjera ai theksoi se është mirë që të zgjidhet një ekpsert i lartë i besueshëm për të gjitha palët dhe të bëhën tranparente sa fonde po grumbullohen dhe si po menaxhohen./abcnews.al

bylykbashi-1280x863.png
nev ila23:22 | 25/11/2019

I ftuar në studion e Mirela Milorit, Ish-deputeti i PD dhe juristi Oerd Bylykbashi, tha se ligji që kërkon Edi Rama  të aplikojë, është një nga iniciativat më të rrezikshme që një qeveri ka ndërmarrë.

Sipas Bylykbashit krijimi i një ligji të tillë synon të kontrollojë organet e drejtësisë gjithashtu normat e tij bien ndesh me një sërë ligjesh por sidomos me ligjin anti-mafia.

Pjesë nga biseda në studio:

Mirela Milori: Abc News ka siguruar draftin për parandalimin, ndjekjen dhe marrjen e masave ndaj krimit të organizuar, terrorizmit dhe Krimeve të rënda. Si ju duket në pamje të parë një paketë e tillë?

Oerd Bylykbashi: Ata që kanë dy parë mend dhe janë profesionistë janë skandalizuar të gjithë. Është një nga iniciativat më të rrezikshme që mund të propozohet nga një qeveri. Në gjithë këtë katrahurë është një përsëritje e tentativës së Edi Ramës me Saimir Tahirin në krye, që më pas ju e dinin pse iku nga ministër dhe për çfarë u dënua. Saimir Tahiri nën hyqmin e Edi Ramës në vitin 2014 donte të fuste në ligjin e Policisë së shtetit Byronë Kombëtare të Hetimit. Të njëjtën gje po tentojnë të bëjnë edhe me këtë ligj. Kjo paketë shkel të drejtat e njeriut dhe publikon disa ligje të tjera. Një analizë shteruese më e plotë do ta kemi në ditët në vijim. Ne e kemi ligjin anti-mafia që pak a shumë vepron si ky ligj që kërkon të bëjë Edi Rama por me ndryshimin që ligji anti-mafia është në përputhje me Kushtetutën. Lufta kundër terrorizmit duhet të jetë pa ekuivok dhe i ashpër dhe ligji anti-mafia këtë e lejon. Për çfarë duhet një ligj tjetër i cili jo vetëm publikon çfarë kemi deri më sot por i nxjerr edhe nga loja. Shteti ka Kodin Penal, shtetasi ka Kodin e Procedurës Penale, me këtë ligj Kodi Procedurës Penale nuk ekziston më dhe kjo cenon shqiptarët.

Mirela Milori: Duke qenë se krimi ka ngritur kryet, ndoshta një ligj i tillë do të parandalojë krimin, si mendoni?

Oerd Bylykbashi: Kushtetuta nuk është VKM, aty thuhet mun dt kufizosh por deri në një farë kufiri. Pse erdhi kjo situatë kur në krye ishte Edi Rama? Edi Rama i dha mundësinë krimit të fuqizohet. I pari që duhet të jetë subjekt i ligjit anti-mafia duhet të jetë Edi Rama./abcnews.al

 

mirela-me-bylykbashin-1280x606.jpg
nev ila20:28 | 25/11/2019

I ftuar në studio me gazetaren Mirela Milori mbrëmjen e sotme ish-deputeti demokrat dhe juristi, Oerd Bylykbashi sqaroi se ka një pengesë që vështirëson zhvillimin e një referendumi ashtu si e kërkon Presidenti i Republikës.

Sipas Bylykbashit, Kodi Zgjedhor i vitit 2000, u hartua me qëllimin për ti hequr popullit të drejtën e referendumit, dhe se megjithë vullnetin e Partisë Demokratike për ta ndryshuar në 2008, PS refuzoi ndryshimin e Kodit Zgjedhor.

Gjithashtu Bylykbashi tha se nga ana procedurale është gati e pamundur zhvillimi i një referendumi për shkak të kohës së shkurtër.

“Për të zhvilluar referendumin kanë të drejtën ta kërkojnë 50 mijë shtetasve drejtuar presidentit të republikës, Qeveria ose Parlamenti, por gjithmonë është kompetencë e Presidentit të dekretojë datën për referendum.

Për fat të keq në vitin 2000’ mazhoranca socialiste miratoi me 3/5 e votave Kodin Zgjedhor i cili u hartua për të vrarë referendumin.

Ne nuk kemi ligj të veçantë për referendumin.  Ne e kemi të përfshirë në Kodin Zgjedhor. Kodi Zgjdhor i asaj kohe në mënyrë të veçantë rregullonte dhe referendumet. Këto dispozita u ripërsëritën pa ndryshuar asgjë. Në vitin 2008 kodi i 2003 u shfuqizua i tëri.

Partia socialiste në opozitë refuzoi që të rishikoheshin dispozitat për referendumet si një faktor bllokues i të drejtës së referendumit me arsyetimin se nuk kishim kohë etj etj..gjithsesi u la që të mbeteshin në kodin e shfuqizuar të vitit 2003, në mënyrë shumë anomalike, ka një nen në kodin e 2008-ës që mban në fuqi vetëm dispozitat e referendumit të Kodit të 2003-it.

Po çfarë ndodh?

Kushtetuta ja jep, ligji ja merr. Së pari një kërkesë për referendum duhet të paraqitet në periudhën nga 1 Janar deri në 30 nëntor të një viti të caktuar. Pa asnjë shpjegim, po ky ligj thotë se: Nëse procedura për referendumin nuk i ka kaluar të gjithë procedurat brenda datës 15 mars, referendumi shtyhet për vitin pasardhës. Ndaj dhe Edi Rama do ti shfrytëzojë të gjitha këto për tu hequr shqiptarëve të drejtën e referendumit.

Pra është një ligj i ndërtuar për ti vrarë shqiptarëve të drejtën e referendumit. Nga ana procedurale nuk mund të mbahet referendumi. Kodi i vdekur zgjedhor i vitit 2003 mbahet me një fije nga kodi i 2008-ës“, tha Bylykbashi./abcnews.al

 

 

LAJMET-DT-22-NENTOR-ORA-20-00001.mpg_snapshot_02.45-1280x720.jpg
ent ela23:09 | 22/11/2019

I ndodhur në Tiranë për festivalin e tij “48 orëshi”, Robert Alia Dragori zbulon disa detaje rreth këtij festivali në 10 vjetorin e tij. Në studion e Mbrëmje në ABC News me Mirela Milorin Alia shprehet se ky festival vlerën e tij e ka te kreativiteti dhe meritokracia në ndarjen e çmimeve.

“Shorti që hedh në 29 nëntor konsiston në dhënien e një fragmenti, karakteri dhe ti ke idenë tënde që për 2 ditë t’i duhet të finalizosh. Ne u japim shansin të gjithëve për film, pastaj juria zgjedh filmin më të mirë. Ka çmime të mira, ne japim 3 milionë lekë. Thjesht se unë besoj te meritokracia dhe shpërblimi për rezultatin dhe dua ta coj këtë deri ën fund Qendra e kinematografisë që më ka ndihmuar me gjithë vëhstirësitë q ëka desha t’i bëj thirrje që kur flasim për kulturën duhen buxhete, për kulturën serioze dhe i bëj thirrje qeverisë”.

Për Robert Alian ky festival është një sfidë, pasi Shqipëria thotë ai nuk ka pasur asnjëherë politika me orientim drejt një progresi kulturor.

“Është një aventurë e vërtetë, është një sfidë, se të bësh një film për 48 orë teorikisht e vështirë, kurse praktikisht bëhet. Ky festival mbush 10 vjet. Është një betejë, është një sfidë. Dihet që Shqipëria nuk ka pas asnjëherë politika me orientim drejt një progresi kulturor, është një terren i vështirë armiqësor ku duhet të kesh kurajo elefanti për të vazhduar”. /abcnews.al

LAJMET-DT-22-NENTOR-ORA-20.mpg_snapshot_25.49-1280x720.jpg
ent ela21:31 | 22/11/2019

“Ne jemi një popull tradhëtar në gjenezë, ne i këndojmë besës nga mungesa” . Këtë bindje ka artisti Robert Alia Dragoti kur flet për solidarizimin e shqiptarëve për protestat e studentëve dhe banorëve të unazës së re. “Studentët ishin të paqartë, nuk kishin asnjë filozofi, kishin shans historik për ndryshime, revolucion të vërtetë”.

Sipas tij ne jemi popull që shitemi për pak lekë dhe lejuam veten të jetojmë si mjeranë.

“Kam ngarkesë emocionale, e di si jetojnë njerëzit, jemi popull që shitemi për pak e lejuam vetem të jetojmë si mjeranë, jetojmë dhe një javë pa bukë kur e dimë se na sjell 20 mijë lekë, nuk lëvizim. Unë kam lëvizur vetë fillikat nërrugët e Tiranës dhe live nga TV kam hedh mesazhe, ku jam përball me sfida e kosto dhe kur shoh sot që secili ngrihet për hallin e vet nuk i kuptoj këta njerëz dhe që nuk janë solidarë”.

Alia thekson se Astiri është një problem shumë kompleks që tregon marrëdhënien  e politikës me krimin.

“Astiri është një problem shumë kompleks, janë ata që kanë okupuar terren publike që nuk është e drejtë, nga ana tjetër  politika abuzoi për 30 vjet me ta.

Është një marrëdhënie mes krimit e politkëbërjes të gjithë janë në llum. Kështu ka funksionuar politika duke të lejuar ty të shkelësh ligjin dhe i kanë dhënë ushqim krimit”.

E gjitha kjo sipas tij ndodh për shkak të orientimit të gabuar kulturor, duke na çuar edhe në humbjen e atyre vlerave që kishim.

“Shoqëria duke mos pasur një orientim kulturor me buxhet e afatgjata për ta ruajtur e orientuar publikun, për të pasur pasuri shpirtërore, për të mbajtur ca vlera. Ne na ikën këto vlera dhe kemi ardhur këtu dhe na vjen keq kur na thonë që jemi popull pa vlerë, ne duhet ta pranojmë. Kur unë vij dhe them diçka me shqetësim të thellë, une jetoj shumë mirë. Kur e them unë që në jetën time ka një impakt negativ, këta nuk merren me problemin real”.

Të njëjtin qëndrim euroskpetik mban edhe sot sa i takon integrimit në BE, kur thotë se tani nuk ka shanse që Evropa të jetë zgjidhje për ne, pasi, por do të jemi të barabartë me ta kur të kemi identitet kulturor.

“Unë gjithnjë kam qenë euroskeptik, se aty gjërat shkojnë jo mirë, kam vite që e them nuk ka shans që Evropa të jetë zgjidhje për ne, do të jetë kur ne të kemi identitet kulturor, kur jemi të barabartë me ta. Tani nuk ka shans, por unë nuk jam kundër përpjekjeve”. /abcnews.al

roberti-2.jpg
ent ela21:02 | 22/11/2019

Artisti Robert Alia Dragoti ka folur me përbuzje për ata artistë të famshëm dhe politikanë që nuk kanë asnjë lloj sensibilizimi kulturor për atë që ndodh në Shqipëri dhe problematikat në vend. Prej kohësh ai jeton mes Brukselit dhe Tiranës, por i ftuar në studion e Mbrëmje në ABC News të Mirela Milorit, Alia shprehet se në kryeqytetin shqiptar karikohet me problematikë reale për të cilën arti ka nevojë.

“Jeta midis këtyre dy kontrasteve bardhë e zi është ebukur, unë si piktort kam nevojë për realitetin, se Tirana të sjell më këmbë në tokë,  nuk ka asnjë aspekt borgjez. Në Tiranë karikohesh me porblematika reale dhe unë kam nevojë se arti duhet të jetë jo vetëm promotor, por edhe shuplakë e realitetit. Vetëm arti mund të flasë me gjuhën e zemrës”.

Pavarësisht se ai si artist mund të marrë shërbime më të mira në kryeqytetin tonë,  thotë se është i ndërgjegjshëm për atë që ndodh këtu, ndërsa përbuz këdo të famshëm që ka izoluar veten ndaj problemeve, përfshirë edhe politkanët.

“Eksperienca ime personale nuk do ishte tipike me një qytetar të zakonshëm, se unë ndoshta marr shërbim më të mirë, por jam i ndërgjegjshëm për atë që ndodh. Kam sensibilitetin të di se çfarë ndodh me të tjerët nuk e ka izoluar veten si një idiot që s’ka asnjë lloj sensibiliteti kulturor.

Për mua këta janë një kategori e pështirë egoiste, injorantë dhe jashtë kohe, por e kam këtë përbuzje. Politikanët janë e njëta rracë, por po marrin rolin e këtyre. Janë të famshmit e shoubizit, parlameti shqiptar është shoubiz i paparë, seancat i shoh si emisone reality ku ka me të vërtetë humor. Më shokojnë debatet që ndodhin në panelet e tv shqiptare.

Nuk do të thotë kur flet për politkanë ke debat politik, se nuk elaborohet një debat politk. Ne nuk e orientuam shoqërinë me vlera të traditës tonë”.

Alia thekson se edhe vende të tjera mund të jenë të varfër ekonomikisht por kanë një pasuri të adhurueshme shpirtërore që ka interes e gjithë bota, dhe këtu i referohet Kubës, ndërsa Shqipërinë thotë ai e la mbrapa politika e gabuar që ka ç’orientuar njerëzit moralisht.

“Probleme ekonomike kanë dhe vende të tjera që kanë interesin e gjithë botës. Ka shumë prapambetje Kuba, por ka pasuri shpirtërore të adhurueshme. Janë njerëz që këndojnë me shpirt jo me lekë. Nuk e bën varfëria atë gjë. Ne na la mbrapa politika e gabuar, betejat që bëhen. Edhe mediat kanë kontribuar në këtë realitet kaq të dobët sot. Ne këtu bëjmë debate aq imorale, fyerje nga më të rëndat dhe asnjë përgjegjësi  për ato që themi dhe debati politik i ka ç’orientuar njerëzit moralisht dhe fokusin e njerëzve”. /abcnews.al

 

RAKIPI-1280x614.jpg
ent ela09:10 | 22/11/2019

“Kanë filluar të dalin fjalë që mund te jetë Soreca. Nëse kanë një video për Sorecën, që Rilindja i ka dhënë një zv/ministre në përdorim, autoritetet duhet ta nxjerrin dhe ta thonë. Për mua nuk është e rëndësishme nëse është blerë me një dashnore një ambasador i madh këtu, për mua është e rëndësishme pse është një keqbërës ambasadori Soreca”. Kështu shprehet Ylli Rakipi në studion e ABC News, ndërsa i referohet ambasadorëve dhe qëndrimit të ndërkombëtarëve.

Sipas Rakipit, ambasadori Soreca nuk e ka ngritur asnjëherë zërin për çështje që shqetësojnë shqiptarët si kanabisi dhe korrupsioni.

“Një ambasador i cili mendohet se është implikuar. Pse është një keqbërës ambasadori Soreca,? E keni dëgjuar ju të ngrihet e të thotë që Shqipëria është e mbushur me kanabis.

A e ka parë Soreca që Shqipëria ka qenë e mbushur me kanabis, Shqipëria për shkak të krimit, kanabisit është kthyer në vend të rëndësishm të transportit të saj. Këto janë problematikat që opozita politike e cila nuk ekziston duhet t’i ngrerë dhe jo të thotë budallallëqe për ambasadorin”. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono