Mbrëmje ne ABC

rakipi.jpg
ger ta20:55 | 23/01/2020

“Po të humbë zgjedhjet, a jep dorëheqjen Lulzim Basha?” Me këtë pyeteje iu drejtua nga studion e Abc News gazetari Ylli Rakipi, kryetarit të opozitës.

Sipas tij Basha nuk ka sëfundmi asnjë dalje në media, pasi siç thekson gazetari nuk ka çfarë të thotë.

I ftuar në “Mbrëmje në Abc” me Mirela Milorin, Rakipi tha se opozita politike është shumë e dobët.

Pjesë nga biseda në studio:

Ylli Rakipi: Forcat politike duhet të hapin sistemin. Shqipëria ka njerëz të rinj që ikin studiojnë jashtë dhe nuk kthehen më. Këtu ka një eksod masiv.

Mirela Milori: Cfarë ndodhi që opozita tha “Rama ik”, dhe sot jemi në një tryezë dhe presidenti kërkon që tryeza të shkojë në një nivel më të madh?

Ylli Rakipi: Ka ndodhur një zbythje e kryetarit të opozitës. Ti e ke vënë re që ai nuk del asgjëkundi, vetëm në Facebook. Në Facebook kishte përshëndetur një qytetar, mos ik i thoshte, se ne do bashkohemi dhe të pres në takim.

Mirela Milori: Nuk i kanë munguar ftesat nga gazetërët zotit Basha, shpresoj të japë një intervistë.

Ylli Rakipi: Nuk vjen se s’ka c’të thotë. Opozita duhet të bëjë këtë llogari, ose të bëhet opozitë ose të hapë dyert, të ketë një opozitë tjetër. Po pse ka frikë të ketë opozitë tjetër, mund të dalin 10 parlamentarë të tjerë. Pse duhet ta mbyllësh si në vitin 2008 kur Ilir Meta shkoi dhe donte të jepte jetën.

Mirela Milori: Vërtet beson se mund të ketë një parti tjetër opozitare?  Një pjesë të opozitës i ke në Parlament.

Ylli Rakipi: Opozita po hap procesin brenda vetes.

Mirela Milori: Edhe zoti Patozi ka bërë një parti të tij, me reformën e re zgjedhore, mendon se zoti Patozi mund të marrë të gjithë bazën e partisë?

Ylli Rakipi: Jo, e hap sistemi që të jetë edhe Patozi edhe Topalli, edhe ata që kanë vajtur tani, dhe të ketë një garë në vazhdim. Ky sistem është garë.

Mirela Milori: Kjo reformë që do bëhet, mendoni se do hapë garën?

Ylli Rakipi: Jo, kjo është një reformë që të kthehet Lulzimi atje ku ishte, dhe disa të tjerë, dhe të vazhdojë kjo që situatë që ka qenë dhe Shqipëria të katandiset në këtë gjendje. E ke parë kryeministrin që thotë se eksod ka kudo?!

Mirela Milori: Po është Ballkani Perëndimor i përfshirë nga eksodi.

Ylli Rakipi: Ku ka? Hajde shkojmë në një republikë me 600 mijë njerëz, në Mal të Zi, sa ka?!

Mirela Milori: Ka tjetër qasje, si me turizmin, si me kapitujt, dhe me BE-në, jo se s’ka korrupsion, ka por…

Ylli Rakipi: Ka korrupsion por e ndan vendin me qytetarët e vet Mirela. Gjukanovic nuk është një kampion demokracie, por e pjeston vendin me qytetarët e vet. Të jesh i lirë në demokraci, është të mundesh në fillim ekonomikisht. Jetojnë më mirë edhe serbët. Këtu Shqipëria ndahet me 10 veta. E ke parë ti që ky bërtet kundër oligarkëve, dhe oligarkët marrin më shumë. Po kush po thotë një cerek fjale nga oligarkët?!

Mirela Milori: Megjithatë zgjedhjet…bëri një “vetëvrasje” doli nga sistemi, me këtë reformën që do ketë edhe draftin e saj, arrin deri diku të çmontojë regjimim e Ramës, se nuk ka rrugë tjetër…

Ylli Rakipi: Rama e çmonton atë. Të çmontosh është si të luftosh me Ramën në mënyrë formale, se substancialisht Meta është i fortë, bën veprime të forta, kundërshton ligjet. Por formalisht edhe Meta bëhet ndonjëherë qesharak, merr një shegë dhe thotë ja u poq shega. Këto janë formate të potureve që mban Rama. Ai i mund këta , është aq i zoti se me këto formula këta e merr zvarrë. Pyetja ime është, që ia bëj edhe opozitës, dhe Lulzim Bashës: Nëse humb zgjedhjet e  viti 2021, se mos e hapin këtë idenë do ketë zgjedhje në qershor…

Mirela Milori: Nuk do ketë zgjedhje në qershor a në shtator?

Ylli Rakipi: Edi Rama do shkojë në zgjedhje tani?!

Mirela Milori: Po, edhe fiton prap ndoshta…

Ylli Rakipi: Mund ta bëjë, por ai shkon në zgjedhje, po themi në qershorin e vitit 2021, po fitoi Edi Rama në zgjedhje, jep dorëheqjen Lulzim Basha? Se ai do thotë prap  ky regjim na vodhi, se ai u mësua tani që ia merr pula bukën nga dora. Pyetja ime është Lulzim Basha po i humbi zgjedhjet, jep dorëheqjen?

Mirela Milori: Do e pyesim Lulzim Bashën dhe do kemi një përgjigje.

Ylli Rakipi: Ku do e pyesim, të vjen ai këtu ty? Opozita po të kishte bërë detyrën, regjimi nuk ishte sot. Ai e mbylli detyrën dhe iku në plazh, dhe tani ka filluar procesin e rikthimit.

Mirela Milori: Po Rama…

Ylli Rakipi: Këta kryetarët që ka zgjedhur ky dalin të gjithë në Greqi. Është një lemeri e madhe, është një regjim i plotë, sepse përballë nuk është opozita politike. Ky ka realizuar komplet regjimin.

Mirela Milori: Tani që ngrihen organet e reja të drejtësisë mendoni se do ketë një frymëmarrje tjetër?

Ylli Rakipi: Këto i ka nën kujdestari kryetari i regjimit. Nuk ka regjim, po nuk i ke marrë të gjitha. Të fundit kishte ca copëza mediash. E dëgjuat si tha unë kam 60 gjyqe dhe po humba njërin dorëhiqem. Si mund të thotë  kështu, ai i ka të gjitha.

Mirela Milori: Perspektivë shikon?

Ylli Rakipi: Nuk shikoj me thënë të drejtën, më vjen keq që jemi banorë të këtij vendi dhe kemi rënë në këtë gjendje që është shokuese, vrasëse, dhe më habit akoma, arroganca e kryeministrit, dhe njerëzve të tjerë, për shkak të mungesës së opozitës politike përballë.

/abcnews.al

ylli-rakipi.jpg
ger ta20:18 | 23/01/2020

I ftuar në “Mbrëmje në Abc” me Mirela Milorin, gazetari Ylli Rakipi ka komentuar videon e kryebashkiakut Lefter Alla, duke konsumuar lëndë narkotike.

Rakipi vlerëson punën e gazetarit Artan Hoxha, ndërsa thekson se SPAK nuk mund të niste punën me këtë çështje.

I bën edhe njëfarë nderi qeverisjes padashur se zbulimi i gazetarit është mjaft interesant, por i bën nder se mbulon si të thuash aferat e vërteta, se nuk mund të nisë SPAK punën me një që pi drogë. Ishte si një promovim”, shprehet Rakipi mes të tjerash.

Pjesë nga biseda në studio:

Ndoqën skandalin e  radhës është zoti Alla i përfshirë në një video të publikuar nga gazetari Artan Hoxha që dyshohet se konsumon lëndë narkotike.

Ai duket aty, kryetari i bashkisë, është një kryetar bashkie më shumë që tregon se thithin edhe lëndë narkotike tani. Shqipëria është një vend tani që jo vetem e shesin dhe e kultivojnë por edhe e konsumojnë. Është një punë e mirë e gazetarit, i cili me videon që publikoi, i shtohet radhës që ndoshta do të pritet në ditën në vijim, të kësaj armate që ngriti Edi Rama. Në këtë pikëpamje do të thosha deri këtu jemi ok dhe pastaj vjen ky momenti i SPAK-ut që promovohet me këtë rast, është pak ironike. SPAK e nis me një njeri që ka pirë drogë, kur dihet këtu që drogën e pinë të mëdhenj dhe të vegjël.

Por është në detyrë…

Por këta e pinë, që janë në detyrë. Sa i përket zbulimit ta gazetarit…Për nga rëndësia ky i bën edhe njëfarë nderi qeverisjes padashur se zbulimi i gazetarit është mjaft interesant, por i bën nder se mbulon si të thuash aferat e vërteta, se nuk mund të nisë SPAK punën me një që pi drogë. Ishte si një promovim.

Të paktën e inauguroi Artan Hoxha.

Puna e gazetarit është mjaft e mirë. Por të mbetemi te pjesa tjetër që lë shumë për të dëshiruar ajo që prisnin ameikanët fillon me një kryetar bashkie…

/abcnews.al

 

xhixho.jpg
ger ta19:45 | 22/01/2020

Nënkryetarja e LSI, Erisa Xhixho e ka cilësuar si shokuese videon e kryebashkiakut të Bulqizës, LefterAlla duke konsumuar lëndë narkotike.

Video u publikuar nga gazetari i Abc News Artan Hoxha, ndërsa e ftuar në “Mbremje në Abc” me Mirela Milorin, Xhixho tha se reagimi duhet të jetë i menjëhershëm.

“Ishte një video shokuese shumë e rëndë për oponion se si një zyrtar i zgjedhur në ambiente publike konsumon kokainë. Të mendosh që është i emëruar, çka do të thotë se PS kishte mundësi të zgjidhte këdo dhe ka zgjedhur një person që del në një video ku konsumon lëndë narkotike. Ky person është vendimarrës dhe do të thote që ka marrë vendime edhe nën efektin e lëndëve narkotike.

Reagimi duhet të jetë i menjehershëm. Prokuroria duhet të punojë për zbardhjen. Kushtetuta e shpreh mjaft qartë që kryetarët e qeverive në momentin që shkelin ligjin qeveria mund ti shkarkojë ato.

Shih çfarë modeli u japim ne të rinjve dhe qytetarëve shqiptarë. Si mund të futemi ne garë politike me njerëz të futur e lidhjet e tyre me krimin e organizuar”, u shpreh ajo./abcnews.al

kaso.jpg
ger ta20:39 | 20/01/2020

I ftuar në “Mbrëmje në Abc” me Mirela Milorin, konsulenti ligjor i PD, Ivi Kaso ka komentuar artikullin e gazetës gjermane “Bild” për kreun e demokratëve Lulzim Bashën.

Gazeta shkruante në artikullin që më pas u fshi për lobimin rus. Bild” theksonte se paratë që kishte paguar Basha tek Nick Muzin kanë qenë për të penguar integrimin e Shqipërisë në BE.

Ndërkohë, sipas Kasos, PD nuk është interesuar për këtë artikull, por beson se ndodh që shumë media në botë edhe ato prestigjoze ti fshijnë artikujt pasi është konfirmuar e vërteta.

Pjesë nga intervista:

Taulant Balla ka publikuar artikullin e plotë, është  hequr nga faqja zyrtare e “Bild”. Thuhet që zoti Basha ka bërë lobim dhe ka qenë për mos hapjen e negociatave.

Ky është artikull i Taulant Ballës. Mund të jenë vetëm deklaratat e zotit Balla, të cilat janë të vetmet që shqiptarët kanë dëgjuar, pasi që në vitin 2017 është po ky zotëri ka hedhur akuza të rënda dhe kanë ngelur vetëm të tilla. Në fund me një vendim të gjykatave, pas një zvarritje nga prokuroria ka thënë fjalën e vet. Dhe fjalën që drejtësia ka thënë eshte se nuk ka fakt penal.

E ka Bild këtë artikull. Ne si gazetarë u interesuam, madje abc news dërgoi një email, po ju jeni interesuar si forcë politike?

Besoj se nuk i takon forcës sonë politike. Është një media prestigjoze

Publikoi përgjimet…

Po sigurisht. Artikujt gjenden ende në faqen e Bild. Janë raste të njohura ku shpeshherë mund të publikohen ngjarje që lidhen me media të tjera dhe më pas hiqen ku konfimohen të pavërteta. Unë di që sot nuk ka një artikull. Nuk kam qenë i interesuar të investigoj. Mediat kanë të drejtë, por edhe zoti Balla ti drejtohen Bild.

U ulët në një tryezë të përbashkët, flasim pak për draftet. Gjiknuri tha se depolitizimi i administratës do të jetë një draft i propozuar nga ju. Ku është puna me këtë draft?

Në radhë të parë nuk e kam dëgjuar por më vjen mirë që qendrimi i pjesës tjetër të tryezës…Reforma do të bëhet për shqiptarët më pas Parlamenti do të mbajë qëndrimet e tij. Angazhimi jonë ka qenë konstant. Kemi edhe një qëndrim edhe për depolitizimin e administratës zgjedhore. Kushtet nuk janë të pranueshme në këtë moment për të bërë një depolitizm të plotë dhe të menjëhershëm. Nuk është momenti që depolitizimi të vijë i menjëhershëm. Ne kemi dhënë dy zgjidhe: E para drastike, votim dhe numërim elektronik, do ta reduktonte administratën zgjedhore.

Krimi kibernetik është një tjetër situatë?

Në fazën e  parë kur këto do jenë në sistem me qarqe të mbyllura, do jenë të paaksesueshëm nga jashtë. Garancia që ofrohet nga kompani në botë, kanë ndërtuar sisteme të tilla dhe janë duke bërë zgjedhje me këto sisteme./abcnews.al

777.jpg
ger ta20:54 | 16/01/2020

Damian Gjiknuri nuk e përjashton mundësini e një takimi mes kreut të opozitës Lulzim Bashës dhe kryeministrit Edi Rama.

Teksa sot u mbajt mbledhja e parë e Këshillit Politik në kuadër të Reformës Zgjedhore, Gjiknuri tha se do vijë një moment që do ketë takime edhe në nivele më të larta.

I ftuar në “Mbrëmje në Abc” me Mirela Milorin, Gjiknuri tha se do vijë një momet që palët do ulen, dhe se Basha ka komplekse për çështje të brendshme.

“Kryeministri e ka bërë ftesën kur ra tërmeti, do të thotë që ai e ka shtrirë dorën. Zoti Basha ka krijuar një kompleks për çështje të brendshme. Unë mendoj se një të ardhme natyrshëm që do vijë një moment që palët të ulen. Ky vend është shumë i vogël për tu ndarë, dhe duhet të ketë një dialog në nivel edhe më  të madh”, tha Gjiknuri mes të tjerash.

Ndërsa i pyetur nëse marrëveshja për reformën zgjedhore do të sjellë zgjedhje të parakohshme, Gjiknuri nuk e beson një gjë të tillë.

Pjesë nga intervista në studio:

Ne jemi të hapur për ta parë. Problemi është se cfarë sistemi do zgjedhim. Kështu themi e ka fajin sitemi. Po cfarë sistemi do zgjedhim, se të gjithë mund të ketë një ide për sistem. Po këta kryetarë do hedhin firmat edhe në listat e hapura. Unë jam i tërhequr, mendimi im personal mendoj që koalicionet duhet të hiqen. Partitë të garojnë pa koalicion, të marrin hiset e tyre dhe pastaj të vendoset për koalicion.

Flitet që produkti i kësaj tryeze sot do aplikohet në zgejdhjet më të afërta dhe flitet që do ketë zgjedhje të afërta, apo ky produkt do jetë për zgjedhjet e 2021?

Ne po i bëjmë kodin për zgjedhjet e 2021. Nuk është çështje e kësaj bisede, nuk ka një marrëveshje për zgjedhje të parakohshme. Nëse politika vendos, këtë e zgjedh vetëm mazhoranca. Vetë kryeministri Rama ka thënë zgjedhjet janë në 2021, por na takon ne si mazhorancë që të vendosim kur takojnë zgjedhjet e parakohshme

Unë kam pyetur zotin Vasili, të gjithë si opozitë kanë pranuar të ulen në tryezë me ju, përvec akuzës Rama ik, të largohet gjiknuri, ju vetë si ndiheni?

Unë vetëm jam mësuar me akuza. Nuk është gjë e mirë. Akuza politike ka mbi çdo politikan. Më gjej një që nuk është i akuzuar. Në rastin tim, nuk kam akuzë penale, nëse fjala tërmet përbën vepër penale. Këtu fatkeqësisht ndodhi edhe tërmeti natyror. Mua nuk më bën përshtypje, jam i gatshëm të ndërtoj ura kompromisi. Kam dëshirë të punoj me të gjithë kolegët, pavarësisht akuzave politike.

Ka kundërshtarë dhe skeptikë të kësaj tryeze si zonja Topalli, e kanë me Bashën, mendojnë se është një pakt Rama- Basha…

Shumë aktorë edhe brenda së djathtës duan të kompleksojnë Bashën. Ne mbajmë mend që shumë njerëz kritikuan Ramën për marrëveshjen me Berishën. PD e ngriti shumë stekën, tha fjalën e fundit dhe për këtë arsye pritshmëria ka qenë e lartë. Nga pikëpamja është luftë e brendshme, dhe përdorimi i emrit tim është për të kompleksuar Lulzim Bashën.

Ju keni tënë në fillim se jeni i gatshëm edhe nga pozicioni juaj? Por eni qenë i qetë dhe keni thënë përmes tryezës do kalojë?

Unë i besoj logjikës politike. Janë ulur palë që kanë qenë në luftë me njëri-tjetrin. Unë e bëra atë ofertë, por ata nuk kishin problemin tim, ata nuk njohnin komisionin. Unë isha ai që në këtë periudhë dita të kaloj përtej akuzave. Mua më pëlqen në politikë kompromisi.

Produkti i kësaj tryeze mendoni se do jetë afatgjatë, apo sa për të kaluar krizën?

Nuk mund të parashikoj, e rëndësishme është se po fillon me një hap dialogu. Kemi humbur shumë kohë, duhet ti kthejmë sytë nga e mira publike. Le të fokusohemi te kjo gjë që është shumë e rëndësishme, por mbase kjo do jetë një ogur i mirë.

Mendoni se do ketë një takim Rama-Basha, të këtyre niveleve?

Kryeministri e ka bërë ftesën kur ra tërmeti, do të thotë që ai e ka shtrirë dorën. Zoti Basha ka krijuar një kompleks për çështje të brendshme. Unë mendoj se një të ardhme natyrshëm që do vijë një moment që palët të ulen. Ky vend është shumë i vogël për tu ndarë, dhe duhet të ketë një dialog në nivel edhe më  të madh.

/abcnews.al

 

 

 

gjiknuri-1.jpg
in a20:31 | 16/01/2020

I ftuar në studion e “ABC News” me Mirela Milorin, Bashkëkryetari i Komisionit të Posaçëm, Damian Gjiknuri ka folur për reformën zgjedhore. Gjiknuri vlerësoi marrëveshjen me opozitën duke e cilësuar si një kthesë pozitive të Partisë Demokratike.

“Një pjesë e qëndrimeve të opozitës ka ngritur një kërcënim në lidhje me balancën e zgjedhjeve të lira dhe të ndershme. Shumë nga çështjet që ngre PD nuk kanë të bëjnë me Kodin Zgjedhor. Nuk do të zgjidh problemet e gjithë këtyre viteve, kjo tryezë nuk mund ti zgjidhë të gjitha”, tha Gjiknuri.

Sa i përket çështjeve që kanë të bëjnë me administrimin e zgjedhjeve dhe sistemin zgjedhor  ai u shpreh se është një çështje politike e cila sërish duhet diskutuar.

Më tej Gjiknuri tha se përfshirja e krimit të organizuar në zgjedhje duhet hetuar nga organet hetimore.

“Çfarë mund të bëjë eskperti për përfshirjen e krimit të organizuar, është vepër penale dhe duhet të merren organet hetimore për të goditur krimet”, tha Gjiknuri.

Ndërkohë Gjiknuri theksoi se kërkesat e opozitës janë kërkesa më shumë me karakter politik.

Depolitizimi i administratës

“Këtë iniciativë dua të ia lë opozitës të vijë me një propozim nëse ka një variant më të mirë për depolitizimin. Formulimet në lidhje me administratën zgjedhore të çdo niveli, nëse PD vjen me propozime të saj, ne do ti pranojmë nëse janë përputhje me OSBE/ODIHR”, tha Gjiknuri.

Më tej ai u shpreh se kur ka mungesë dakortësimi i drejtohemi ekspertizës ndërkombëtare./abcnews.al

Screenshot-2020-01-15-at-00.33.08.png
ad min00:35 | 15/01/2020

Ministrja e Shëndetësisë, Ogerta Manastirliu, e ftuar në “Mbrëmje në Abc” me Mirela Milorin, ka folur në lidhje me rikthimin e opozitës jashtëparlamentare në bisedimet për reformën zgjedhore.

Ajo është shprehur se vendimi i opozitës për pjesëmarrje, edhe pse i vonuar, është i mirëpritur duke thënë se opozita këtë ftesë e ka pas mbi tavoline edhe më parë.

“Eshtë një hap pozitiv krijimi i Këshillit politik me prezencën e opozitës jashtëparlamentare që vendosi të behet pjesë, edhe pse kushtet ishin edhe më parë. Në prill ka patur një vendim të Kuvendit për përfshirjen ne dialog të opozitës dhe ne si PS kemi shtrirë dorën për dialog sa i përket reformës zgjedhore. Ishte një vendim i vonuar por i mirëpritur për t’u bërë pjesë në reformën zgjedhore”, është shprehur ministrja e Shëndetësisë, Ogerta Manastirliu.

E pyetur për deklaratën e Petrit Vasilit, i cili deklaroi në studion e Abc News se opozita nuk heq dorë nga kërkesa për rrëzimin e kryeministrit dhe të qeverisë, ministrja Manastriliu ishte prerë teksa tha se “qeverinë nuk e rrëzon dot z. Vasili, por qeveria mandatohet me votë”, duke hedhur poshtë kërkesën e opozitës. /abcnews.al/

572b6ca8-e49d-437a-b61b-5748bce22054.jpg
R D00:10 | 15/01/2020

Ish-deputeti i PD-së, Aleksandër Biberaj, pedagog në fakultetin e Teknologjisë së Informacionit i ftuar në “Provokacija” me Mustafa Nano foli për tendencën në rritje të studentëve për të braktisur vendin, por edhe për klasën politike shqiptare që nuk shkulet prej vitesh.

Biberaj tha se “fakulteti i Teknologjisë së Informacionit ka studentë të shkëlqyer, vijnë me mesatare të mirë nga gjimnazi, ka edhe treg pune pasi disa prej tyre nisin punë që kur janë studentë. Por verej se ka një tendencë të dhimbshme për të ikur nga vendi. Po ikin përditë e më shumë sepse niveli i pagave është i ulët”, tha ai, ndërsa shtoi se ata emigrojnë kryesisht në Gjermani, SHBA, Kanada, Japoni, etj.

Nano: Ju si opozitar e shihni këtë si faj të qeverisë?

Biberaj: Situata është komplekse, por ka rritje vitet e fundit, gjatë këtyre 6 viteve është agravuar. Nuk ka qenë ky trend së paku për studentët e mi.

Çfarë po ndodh me klasën politike shqiptare ka 30 vite që të njëjtët politikanë janë në pozita dominuese?
Biberaj: Kam punuar në një projekt në lindjen e mesme dhe fatkeqësisht verej se politikanët shqiptarë kanë mentalitet turko-arab.

Nano: Persona të caktuar janë në pozita dominuese po harxhojnë kohë, zell e pasion më shumë se para 30 vitesh. Përse e bëjnë?

Biberaj: Një person nuk duhet të qendrojë më shumë se 4-8 vite në një pozicion. Egoja e njeriut për pushtet është pakufi, por duhet të ndryshohet sistemi qe të frenohet egoja e tyre. P.sh në SHBA një President smund të marrë më shumë se dy mandate.

Gjatë bashkëbisedimit ai pranoi se ka patur një moment distancimi nga PD-ja në 2013, por tashmë është rikthyer për të dhënë sërish kontribut partiak.

I pyetur nga Nano se si i duket sot PD-ja ai u përgjigj: “PD është parti e madhe, ka ndodhur një rotacion elitash. Ka një ldiership të ri që nuk janë provuar në ekzekutiv dhe mendoj se kur të jetë PD në qeveri, nuk do ketë kosto nga e kaluara”./ abcnews.al

oki-manastirll.png
R D22:37 | 14/01/2020

Në vendin tonë një person ka humbur jetën nga meningiti. Ky është një rast i konfirmuar zyrtarisht, ndërsa kanë vdekur edhe dy persona të tjerë, që sipas ministres së Shendetësisë po kryhen analizat mjeko-ligjore për të përcaktuar nëse kanë qenë apo jo të prekur nga kjo sëmundje.

E ftuar në “Mbrëmje në Abc” me Mirela Milorin, ministrja e Shëndetësisë, Ogerta Manastirliu foli për herë të parë për shqetësimin e krijuar në opinionin publik për përhapjen e meningitit.

“Ministria e Shëndetësisë, ISHP dhe Infektivi në QSUT janë duke ndjekur situatën, mund të them se nuk ka vend për panik dhe alarm të kot. Duhet të kuptojmë se jemi vend me incidencë (propabilitet) të ulët dhe prevalancë të ulët. Kemi marrë masat për profilaksinë përmes medikamenteve dhe vaksinave të cilat mund ti marrë një rast (person) që ka patur kontakte me personin e sëmurë. Me këtë çështje po merren ekspertët, ndërsa unë dua të garantoj se s’ka vend për panik. Gjatë këtyre ditëve kemi nxjerrë ekspertët për të dhënë informacion edhe për informuar opinionin publik dhe jo për ta dezinformuar atë. Pra, e përsëris se aktualisht në vendin tonë s’ka vend për alarm nga meningiti”, tha ministrja Manastirliu.

E pyetur konkretisht nga Milori, për tre rastet e mortalitetit, ajo u shpreh se kemi dhënë informacion zyrtar përmes ekspertes së ISHP-së Silva Bino.

“Rastet janë.. ne kemi dhënë informacion publik, ka informuar profesoreshë Silva Bino. Njëri është rast i mundshëm ndërsa për rastet e tjera pritet ekspertiza mjeko-ligjore. Masat janë marrë për vaksinimin e kontakteve dhe po minotorohet situata nga ekspertët dhe mjekët e Infektivit sa i përket profilaksisë”, deklaroi Manastirliu.

Ajo u pyet edhe për situatën e gripit, ku theksoi se “ne nuk jemi në epidemi gripi. Qarkullon virusi i gripit, jemi aktualisht në intensitet të ulet, edhe më i ulët krahasuar me një vit më parë. Kemi bërë një hap të mirë për të vaksinuar grupet e riskuara, të moshuarit, gratë shtatëzënë dhe fëmijët 2-5 vjeç. Ka raste të konfirmuar çdo javë, por situata është e qendrueshme”.

/abcnews.al

petro-1280x607.jpg
in a20:02 | 14/01/2020

I ftuar në “Mbrëmje në ABC” me Mirela Milorin, nënkryetari i LSI-së, Petrit Vasili ka folur për marrëveshjen për kryerjen e reformës zgjedhore. Vasili e cilësoi si një kontribut të madh të dhënë nga opozita.

Vasili tha ndër të tjera se Parlamenti është iligjitim, dhe se kapja e shtetit nga ana e mazhorancës ka bërë që vendi të jetë në këtë gjendje.

“Kemi një Parlament ilegjitmim që është në fundin e tij. Fatura politike po rëndon shumë shqiptarët. Negocim të lehtë nuk ka, ngjarjet kanë ecur në një rrugë të tillë që edhe koha na dha të drejtë sepse nuk u imponuam në asnjë rast. Kjo situatë në procesin e integrimit na rëndoi kushtet, filluam të kemi reflektime negative edhe në planin rajonal. Nuk kemi bërë asnjë lëshim me Damian Gjiknurin. Dosja 184 është një sprovë për SPAK, ky është problemi i PS. Kam vendosur kontributin tim që procesi të jetë sa më i mirë”, tha Vasili.

Pyetje: Ka patur takime të mëparshme me përfaqësues të mazhorancës?

Vasili: Ka pasur takime, por jo individuale. Jemi takuar edhe me zotin Gjiknuri edhe zonjën Hajdari.”

Pyeje: Do vazhdoni me kërkesën për rrëzimin e kryeministrit Rama.

Vasili: Është kërkesë e pandryshuar.

Pyetje: Do të ketë zgjedhje të parakohshme këtë vit?

Vasili: Padiskutim që po.

“Nuk bëhet fjalë për zbutje gjakrash, nuk kemi lëvizur asnjë gram, kërkesa për largimin e kryeminsitrit mbetet aty. Reforma Zgjedhore bëhet për ti dhënë zgjidhje krizës politke”, u shpreh Vasili.

Sa i përket reagimit të kryeminstrit Rama për marrëveshjen, Vasili theksoi se ai që ka humbur një vit kohë në dëm të shqitarëve ka qenë Edi Rama.

Ndërkohë i pyetur për reagimin nga Jozefina Topalli e cila u shpreh se kjo ishte një marrëveshje Rama- Basha, nëkryetari i LSI-së tha se njeriu nuk duhet të bjerë në nivele kaq mjerane.

“Zgjidhjet e njëanshme dhe logjika e faktit të kryer nga ana tjetër do të jenë vija të kuqe dhe nuk do të ketë asnjë lloj tolerance. Konsensualiteti dhe gjithëpërfshirja janë dy themelet e çështjes”, tha Vasili. Më tej ai theksoi se vigjilenca politike duhet të jetë më e lartë.

“Është një proces i negociuar prej disa kohësh, shumë parimor i realizuar edhe me ndërhyjen e ndërkombëtarëve, jo një marrveshje dyshe”, tha më tëj Vasili./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono