Emisione

mentor-Kikia.jpg
nev ila19:26 | 22/05/2019

Gazetarja Mirela Milori ka patur të ftuar gazetarin Mentor Kikia. Gazetari ka analizuar lëvizjen e radhës së kryeministrit Rama ku përmes një letre të hapur, ditën e sotme, i është drejtuar Lulzim Bashës për një dialog pa kushte të qeverisë dhe Partisë Demokratike.

Sipas Kikisë, paralajmërimet e Lulzim Bashës duhen marrë seriozisht pasi deri më sot situata ka ardhur duke u agravuar. Për Kikinë, Rama është një politikan i përgjegjshëm i cili po përpiqet të ezaurojë të gjithë rrugët që i dikton ligji për tu ulur në dialog me opozitën. I pyetur nga Mirela Milori, se si e sheh këtë hap të Ramës, Mentor Kikia tha:

Mirela Milori: Nëse do analizojmë letrën e Ramës, ai aty konsideron pengesë apo vështirësi, që palët të ulen për të biseduar çështjen e zgjedhjeve. Si e sheh këtë hap të Ramës?

Mentor Kikia: Gjithsesi, nuk do të ketë një marrëveshje. Basha nuk ka zgjidhje tjetër sepse ai ka hyrë në një rrugë njëkalimshe vetëm me një kusht, të ikë Rama si kryeministër, kjo është barriera e madhe që nuk do të ketë negociata dhe ndaj nuk do të ketë marrëveshje sepse nëse Basha futet në një marrëveshje me Ramën atëherë ai ka falimentuar totalisht, personalisht bashkë me partinë demokratike.

Mirela Milori: Pse e bën rama këtë letër publike?

Mentor Kikia: Rama është politikan i përgjegjshëm dhe pavarësisht se kush i ndërmerr aktet e dhunës sot apo ajo që paralajmërohet në 30 qershor, qeveria nuk mund të thotë që sdi gjë cpo ndodh. Rama ka përgjegjësi politike dhe morale nëse gjërat nuk shkojnë mirë në këtë vend për pasojë është detyra e tij të lëshojë apo tërheqë perin në varësi të situatës politike që për hir të së vërtetës është tmerrësisht e tendosur si asnjëherë. shpresoj që ajo që Rama po bën të mos jetë thjesht një përpjekje edhe për të bindur ndërkombëtarët që ai po i ezauron të gjitha mundësitë.

Opozita nuk është më duke luajtur me bllofe, të gjitha paralajmërimet e saj për intensifikim të dhunës janë bërë realitet dhe paralajmërimet e Bashës duhen marrë seriozisht.

Mirela Milori: Po përgatitet Rama me anë të kësaj letre apo qasje politike që në 30 qershor të jetë i qartë dhe i saktë?

Mentor Kikia: kjo është një luftë sa me molotov në terren aq edhe politikisht në zyra me shkresa dhe fakte. ka një mbështetje ndërkombëtare shumë të madhe, është duke restauruar një pjesë të mirë të kodit penal që parashikon veprimet e dhunshme. Hap tjetër është beteja publike që ai po ezauron i bindur tërësisht që zgjedhjet e 30 qershorit do të mbahen. ai kërkon të jetë i qartë publikisht se ligji është ky dhe ai është i detyruar ta zbatojë, pra po thotë se ai ka ezauruar të gjitha mundësitë për tu ulur në tryezë./abcnews.al

mirela-mentori.jpg
nev ila18:46 | 22/05/2019

Gazetari dhe drejtori i informacionit të Klan Plus, Mentor Kikia, i ftuar ditën e sotme në Mbrëmje ide me Mirela Milorin, ka komentuar deklaratën e fundit të presidentit Ilir Meta gjatë aktivitetit të organizuar rreth sigurisë në ballkan dhe rolit të aktorëve të jashtëm në kohën e tranzicionit euroatlantik, ku sipas Kikisë, Meta është shfaqur tepër nervoz në këto deklarata.

Mirela Milori: Doja një reagim të parë për deklaratën e presidentit Meta

Mentor Kikia:  Në fakt ishte një reagim shumë nervoz duke patur parasysh natyrën e qetë të Metës, mund të konsiderohet habi për këtë qëndrim të tij kaq të fortë që nga koha e miratimit të ligjit për reformën në drejtësi ku sic dihet ka patur një kontestim të vazhdueshëm nga opozita. Meta po përpiqej të identifikonte dy probleme shumë të mëdha.

Mirela Milori: Ditën e sotme Meta ka evidentuar problemet e reforës në drejtësi, a duket sikur sot Meta doli në krahun e opozitës dhe hoqi petkun e presidentit?

Mentor Kikia: Ilir Meta është përpjekur të flasë si president, por të gjithë e dinë që ai është ish kreu i LSI, ka demostruar në shumë veprime që është në anë të opozitës, është përpjekur të mbajë një qëndrim të ftohtë. Por Shqipëria, pa gjykatë kushtetuese dhe pa gjykatë të lartë, nuk është një lajm i ri. Reagimi i zotit Meta, ishte absolutisht i ashpër dhe nuk i referohej faktit se vendi nuk ka gjykatë kushtetuese por konsideronte dështim reformën në tërësi dhe ky është një lajm i keq, parë në mbështetjen që kjo reformë duhet të vazhdojë të marri. Rama është përpjekur të tërheqë Metën për të marrë një pozicion të qartë lidhur me betejën politike mes partisë Socialiste dhe opozitës lidhur me mbajtjen apo mosmbajtjen e zgjedhjeve në 30 qershor, pra nëse do mbajë anën e opozitës por me sa duket Meta nuk ka rënë në këtë lloj provokimi të kryeministrit. nëse do e bënte një deklarim të tillë Meta do të zhvishej edhe më shumë në qëndrimet pro apo kundër qeverisë./abcnews.al

Luan-rama.jpg
nev ila23:06 | 21/05/2019

Mbrëmjen e sotme në Provokacija me gazetarin Mustafa Nano, ka qenë i ftuar N/kryetari i LSI, Luan Rama.

Luan Rama ka folur për shoqërinë shqiptare dhe fenomenet që e karakterizojnë atë por edhe për situatën aktuale politike. Rama ka ndarë opinionin e tij për policinë shqiptare, veprimet e saj në protestat që ka zhvilluar opozita por edhe për deputetët e rinj të parlamentit shqiptar të cilët sipas tij janë të nivelit më mediokër të shoqërisë.

Luan Rama: Ka patur shfaqje publike të policisë së shtetit në tejkalim të kompetencave që i jep ligji. Ka shumë mjete të tjera që ligji i parashikon, që policia duhet ti përdorë deri sa të mbërrijë te agresiviteti i përdorimit të lëndëve neuroparalizuese.

Mustafa Nano: Çfarë qëndrimi keni për këtë situatë, që ka shpeshherë protesta të njerëzve që kanë ndërtuar pa leje dhe reagojnë dhunshëm?

Luan Rama: Mendimi im është se ka një qëndrim me dy standarde të vetë shtetit. Aty ka qytetarë që kanë arritur ti legalizojnë dhe po ashtu ka të tjerë që për arsye subjektive nuk kanë mundur ti legalizojnë shtëpitë mirëpo të dy palët kanë ndërtuar në të njëjtën kohë dhe ndodh që përzgjedhja nga ana e shtetit është selektive ndërkohë shteti ja u ka vjelë taksat njëlloj të dyve. Për mua kjo është shfaqje e papërgjegjshëmrisë së shtetit. Në protesta ka zhvillime të ndryshme, protesta nuk është ballo, ndodh që digjet edhe ndonjë makinë, thyhen edhe dy xhama por e rëndësishme është që të mos cenohet njeri, të mos dëmtohet shëndeti i cilitdo. Ata nuk mund të bëhen fajtorë sot, për një gjë që e ka bërë shteti dje.

Mustafa Nano: Ju keni qenë dakord për deputetët që të djegin mandatet por a keni qenë dakord që edhe pas djegieve të mandateve të adoptohet çdo lloj qëllimi tjetër mos të bojkotohen dhe zgjedhjet lokale?

Luan Rama: Arsyeja e djegies së mandateve lidhet me standardet e zgjedhjeve dhe për sa kohë standardi i zgjedhjeve nuk ka ndryshuar, nga zgjedhjet që prodhuan jo thjesht një qeverisje e dalë nga një rezultat fiktiv. Djegien e mandateve e konsideroj dhe është një veprim “in  extremis” dhe veprimet e tilla asnjëherë unë nuk i quaj të arsyeshme por kjo është një çështje që ha diskutim”.

Mustafa Nano: Këto deputetët që futen tani nga listat tuaja të PD dhe PS për mendimin tim kanë motive korruptive që janë në kuvend, si mendoni?

Luan Rama: Ata kanë bërë një zgjidhje pragmatike për të shfrytëzuar një oportunitet, që të jenë një herë në jetën e tyre deputet, të cilët s’do të jenë më kurrë në jetën e tyre, ka nga ata që janë aty, për të përfituar një pension më të mire se i zakonshmi, ka nga ata që janë atje për një lloj protagonizmi idiot saqë nuk e kontrollojnë dot veten.

Mustafa Nano: I keni futu ju nëpër lista apo jo?

Luan Rama: Ky është një moment përgjegjësie që unë e quaj të moralshme t’ju kërkoj ndjesë qytetarëve për mënyrën se si janë bërë listat, t’ju kërkojë ndjesë qytetarëve për çfarë lloj nivel përfaqësimi ka parlamenti. Ai parlament ka vite që nuk përfaqëson as mesataren e ponderuar të nivelit mediokër të shoqërisë shqiptare madje është më poshtë së kaq./abcnews.al

erjona-rusi-1280x723.jpg
Sej rie21:45 | 21/05/2019

Erjona Rusi e ftuar në “Provokacija”, ka folur për punën që bën, eksperiencat që ka pasur si gazetare dhe të gjitha vështirësitë që ka hasur për t’u rritur në karrierë. Madje ajo është shprehur që femrat në çfarëdolloj profesioni në Shqipëri, e ka shumë të vështirë të ketë një rol drejtues për shkak të mentaliteti patriarkal. Gazetarja ka treguar edhe e një histori familjare, ku për shkak të mentaliteti nënës së saj i vinte zor të pinte kafe me doktorin dhe babai desh i kishte vdekur në spital.

Erjona Rusi: “Duke i qëndruar mentaliteti patriarkal është shumë e lehtë për burrat që të pijë një birrë me pronarin. Askush nuk iu gjykon keq nëse ti do dalësh në orën 10 të darkës dhe të pishë një birrë me pronarin tënd dhe të diskutosh për ecurinë e programit apo për një program të ri. Nëse unë do dal të pijë një birrë me pronarin në orën 10 të darkës mbas punë, si mendon që do gjykohem?”

Mustafa Nano: “Kështu që natyra patriarkale seksiste të penalizon…”

Erjona Rusi: “Absulutisht! Gjithmonë të penalizon, për një gjë kaq idiote. Të besohet që për një birrë me burra im atë desh ka vdekur!! Po ta them me dy fjali. Im atë ishte i sëmurë, ishte në spital dhe ishte në reanimacion. Doktori X priste bakshishin dhe pagesën dhe po e priste nga mamaja ime. Mamaja ime shkon për të bërë pagesën dhe e shikon doktorin me dy tre burra të tjerë në lokalin e spitalit, tek ish-spitali Ushtarak, sepse tani quhet i Traumës. Për shkak se u ndje keq duke qenë grua, tha po gjej një moment tjetër. Sepse një grua sidomos në moshën e prindërve tanë e ka shumë të vështirë të ulet me tre burra dhe tha po e gjej në një moment tjetër. Doktori mendoi se nuk do të behej kurrë ajo pagesë dhe e nxori tim atë nga reanimacioni. Kam qenë në “Klan” në atë kotë dhe punoja në “Klan”, çfarë nuk kam bërë, kë nuk kam marrë në telefon madje edhe ministra dhe isha gati duke e mbytur atë doktorin. Vetëm për një kafe që mamasë time i vinte zor ta pinte me tre burra. E kupton?!”/abcnews.al

paskal-milo-1280x722.jpg
Sej rie21:15 | 21/05/2019

Historiani Paskal Milo i ftuar në “Provokacija” është shpreh se asnjëherë nuk është ndikuar nga politika në studimet mbi historinë. Ai është shprehur se nuk ka pasur qasje pozitive ndaj regjimit, madje ishte larguar nga Tiranë si djali i armikut të popullit, pasi ka qenë i persekutuar.

Mustafa Nano: “Ju përveç prezantimit të fakteve keni në dorë edhe interpretimin. Dhe kur vjen puna tek interpretimi historianët edhe mund të dallohen. Ju përmendët  faktin se një numër o caktuar historianësh shqiptarë marrin një vendim të caktuar nën ndikimin e politikës. Ju gjithashtu keni qenë i përfshirë në politikë, nuk ka pasur një lloj konflikti midis disponimit tuaj akademik dhe atij politik?”

Paskal Milo: “Asnjëherë! Ta them me sinqeritetin më të madh.  Nuk kam bërë koncesionin më të vogël përsa i përket ndikimit të politikës në studimet e mia historike. Në mënyrë absolute! E di pse, qoftë edhe për një arsye që t;i mund ta quash banale, unë në periudhën e komunizmit kam qenë i persekutuar në një farë mase, nuk kam qenë në burg. Por unë jam larguar nga Tirana më motivacioni djali i armikut të popullit. Dhe këtë shumë pak njerëz e dinë sepse unë nuk bëj propagandë për këtë punë. Për 8 vite të tëra nuk më është lejuar të shkruaj. Më është ndaluar të shkruaj. E drejta themelore e një intelektuali. Unë nuk kam pas ndonjë qasje pozitive ndaj regjimit. Pas viteve ’90 se unë pas viteve ’90 u futa në politikë si shumë intelektualë të tjerë isha profesor universiteti u ktheva, se 5 vjet shkova në Fier si dënim dhe kur edha kam ardhur me qasjen super të qendërzuar që të merrem me studime historike pa u influencuar nga politika”./abcnews.al

Mustafa-Nano.jpg
nev ila21:03 | 21/05/2019

Monologu i Mustafa Nanos: Zoti, kur u takua me Moisiun në majë të malit të Sinait, i dha atij, madje të shkruara në dy rrasa guri, dhjetë komandamente, prej të cilave izraelitët duhet të udhëhiqeshin në jetën e tyre. Këtë e dimë tanimë të gjithë.

Ajo që nuk dihet është që ekzistojnë edhe dhjetë komandamente të veçanta për shqiptarët. Janë zbuluar kohët e fundit. Dhe janë komandamente të shkruara në gjuhën shqipe.

Cilat janë ato?

1. Unë jam Zoti. Mos e shani vendin tuaj. Mos i përdorni shprehjet “Ky vend është i mallkuar” apo “Ky vend nuk bëhet”. Kush i përdor do të përfundojë në ferrin e përjetshëm.

2. Bëhuni si gjithë bota e qytetëruar. Qoftë edhe duke e imituar atë. Dhe fillojeni me gjërat më të thjeshta. Nuk thuhet “jo” kështu. “Jo” thuhet kështu.

3. Mblidhuni toskë e mblidhuni gegë/mblidhuni bashkë si kokrrat n’shegë.

4. Mos u krenoni me njerëz me gjak shqiptari që janë bërë të mëdhenj jashtë vendit, apo në shërbim të mbretërive a perandorive të huaja. Janë arritje që nuk ju përkasin.

5. Mos i lejoni të paditurit të përzihen në punë që s’u përkasin. Dhe mbrojini të diturit prej tyre.

6. Hej gra të Shqipërisë (ky komandament është vetëm për gratë, e çuditshme): Trupi juaj është trupi juaj. Mbi të nuk kanë të drejta burrat e familjes. Dhe asnjë burrë tjetër.

7. Mos shikoni kisha e xhamija/feja e shqiptarit është shqiptaria. Dhe meqënëse jemi këtu, e keqja e shqiptarëve nuk është që janë të pafé, por që kanë shumë fé.

8. (Tani është hera e një komandamenti që ka të bëjë vetëm me këtë situatë që po jetojmë: e çuditshme edhe kjo) Mos ua vini veshin atyre që bëjnë thirrje për përplasje civile në datën 30 qershor. Janë më të marrët që ekzistojnë mes jush.

9. Mos e merrni trimërinë për një virtut. Dhe nëse e bëni këtë, mos merrni për trimëri guximin e një horri. Merrni për trimëri guximin e dikujt për të shprehur ca ide të vetat, të cilat ai e di që nuk do të kuptohen prej gjindjes.

10. Dielli lind andej nga perëndon./abcnews.al

Nevila-Nika-1280x714.jpg
nev ila20:44 | 21/05/2019

E ftuar në Mbrëmje ABC me Mirela Milorin, ka qenë historiania Nevila Nika. Nika ka folur për ngjarjen më të fundit të ndodhur në arkivin e shtetit ku një vulë 400 vjeçare ka humbur ose është vjedhur.

Objekti është cilësuar me rëndësi të veçantë historike dhe i përket një fermani të Manastirit të Kamenës, që ndodhet mes Delvinës dhe fshatit Kakodhiq. Sipas Nikës vula është një singjil i dokumentit e cila i përket shekullit të 17-të.

E pyetur nga gazetarja Mirela Milori se si mund të ndodhë një ngjarje e tillë dhe nëse është vjedhur për tu shitur, historiania Nika u përgjigj:

Përkufizimi i arkivit historik është se aty ruhet kujtesa e kombit pra pjesa më e rëndësishme e një kombi. Ne kemi patur fatin të grumbullojmë në arkivin qendror kujtesën e kombit. Shqipëria ka thesare. Kjo është hera e parë që ndodh një ngjarje e tillë në atë institucion. Asnjë dëm nuk ka pësuar arkivi qendror gjatë viteve të vështira të 90’, 91’, 97’. Kur në Berat digjej zyra afër arkivit të qarkut të Beratit, arkivi atje nuk presoi asgjë sepse punonjësit ishin tepër të kujdesshëm. Arkivisti është një profesion shumë i vecantë, do një kulturë të përgjithshme të jashtëzakonshme. Detyra e arkivistit është mbrojtja deri në limite e kësaj pasurie por vlerësimi për arkivistin është shumë i ulët“.

Mirela Milori: A ka vlerë për ti shitur?

Nevila Nika: Po ka, por jo në Shqipëri. Në 50 vjetorin e arkivit doli për herë të parë, ka vlerë të jashtëzakonshme për ne. Në Shqipëri kishte dy të tilla./abcnews.al

milva-ikonomi-1280x723.jpg
Sej rie19:30 | 21/05/2019

Deputetja e PS-së Milva Ikonomi e ftuar në “Mbrëmje ABC”, ka komentuar protestën e thirr nga studentët që do të mbahet nesër. Ajo është shprehur se kjo nuk është një proteste e thirrur nga studentët, por është një protestë e thirrur nga ata të vetëquajtur sipas saj studentë që janë anëtarë të partive opozitare.

“Prononcimi për një protestë vjen nga disa studentë që vetëquhen studentë por që kanë dy qasje: E pra tregon se janë studentë që janë në senat ose në këshillin studentor dhe në fakt në këto dy organe nuk mund të jenë figura që vijnë nga studentë që janë gjithashtu figura që rrjedhin nga partitë politike. Ne kemi disa emra që janë bërë të ditur nga Fakulteti i Shkencave të Natyrës ku janë dy studentë që janë të angazhuar politikisht pranë PD-së , që janë gjithashtu të ulur në senat dhe në Këshillin studentor që kanë një kontradiktë të pastër me atë që kërkon statusi i universitetit.

Nga ana tjetër janë dhe dy studentë për të cilët është bërë verifikimi, ku njëra vjen nga Fakulteti Ekonomik dhe tregon që nuk ka marrë bursën dhe në fakt ajo nuk është fare studente e Fakultetit Ekonomik, por është anëtare e LSI-së. Dhe një student tjetër që tregon se është nga Fakulteti i Histori Filologjisë, i cili në fakt tregon që nuk ka përfituar bursën por në të vërtet nuk është përfitues burse. Këto vijnë si informacione nga bordet e administrimit. Derisa ne marrim këtë informacion tregon se funksionon bordi i administrimit. “Pakti për Universitetin” është jetësuar dhe po merr formën e plotë”, tha Ikonomi./abcnews.al

gerti-carcani.jpg
G. P.11:16 | 21/05/2019

Superliga po shkon drejt fundit për këtë sezon futbollistik. Deri më tani dihet ekipi kampion, por ende nuk është mësuar se cili do shoqërojë Kamzën e përjashtuar në Kategorinë e Parë.

Për këto çështje, por edhe për ringritjen e Vllaznisë dhe Bylisit në Superligë u diskutu në këtë puntatë të emisionit “Pressing”. Të ftuar në studio ishin: Julian Deda, aktor; Ervin Fagu, trajner; Jurgen Zela, gazetar në Klan Plus dhe Eno Skarço, gazetar./abcnews.al

Byro-politike.jpg
nev ila22:20 | 20/05/2019

Deklarata të forta kanë lëshuar përfaqësuesit e biznesit mbrëmjen e sotme në “Byro Politike”. Ata kanë thënë se në rast se situata nuk ndryshon ata do të jenë të detyruar tu imponohen politikës duke mos paguar taksat.

Juli Xhokaxhi ka pyetur Alban Zusin, Drejtorin Ekzekutiv të Industrialistëve Ushqimore se si mendonin se do i imponoheshin politikës duke parë situatën kritike ekonomiko politike në vend, Zusi tha:

Çështja është që nëse kjo krizë politike po agravohet unë bie dakord që kjo krizë i ka rrënjët në keqmanexhimin ekonomik që ka ndodhur në 2 ose 3 vitet e fundit, në janarin e vitit të kaluar filloi rënia e euros, filloi shkatërrimi i eksporteve. Sot ne mundemi të shohim qartësisht që eksportet shqiptare janë thuajse të rrënuara, për herë të parë kemi recension në rënie. Jam dakord se ka nevojë për një ofertë politike që deri më sot nuk e kemi një ofertë me karakter ekonomik. Ne mund të imponohemi duke mos bërë vetëm deklarata por duke u mbledhur dhe duke bërë veprime të forta të karakterit ekonomik, bllokim të tregut, bllokim të pagesës së taksave për një muaj, le të punojë politika më pas, e le ti gjej paratë e saj për të vazhduar lojërat e saj”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono