Emisione

Sormani-Egbo.jpg
Veronik Istrefaj23:56 | 27/02/2020

Trajneri i mirënjohur shqiptar, Sulejman Starova, ka folur në emisionin Pressing, në ABC News, për dy trajnerët që do të drejtojnë nesër në derbi, Adolfo Sormani dhe Emanuel Egbo.

TRAJNERËT – “Rrallë vjen që gjatë gjithë sezonit, të bëhen trajnerët protagonistë direkt. Ndodh, por shumë rrallë. Trajneri dihet që ka vendin e vet, bëhet protagonist. Është shumë e vështirë për të vërtetuar atë që thashë.

Niveli është i lartë te ne dhe është shumë e vështirë që një trajner, me taktikat e veta, ta fitojë ndeshjen. Por në harkun e kampionatit, ndodh që trajnerët të vendosin një ndeshje. Ndeshja e nesërme është për t’u parë.

Kur humbet një ndeshje, që humbet gjatë harkut të një kampionati, nuk humbet për një ndërrim. Janë aspekte të tjera që ndikojnë. Por ndoshta dhe për ndonjë ndërrim, mund ta humbasësh ndeshjen. Ka një parim në futboll, që nuk ndërrohet një mbrojtës qendre në 10 minutat e fundit, se deri sa të futet tjetri… janë parime. Futbolli ka dhe fat, në shumicën e rasteve vendos individi. Kundër Kukësit, Batha vendosi dhe Tirana e përmbysi takimin”, tha Starova./abcnews.al

 

Sulejman Starova, Pressing
Ermal-Tahiri-Pressing-e1582843520636.jpg
Igli Nikolli23:44 | 27/02/2020

Tema e debateve në emisionin “Pressing” në ABC News ka kaluar te Lorenc Trashi, mungesa e madhe e Partizanit për derbin e nesërm. Ermal Tahiri analizon se pse mungesa e lojtarit të kombëtares ka rëndësi të madhe, teksa ndalet edhe te rikthimi i Malës.

Trashi ka shumë të mirë anën ofensive, del shumë në krahun e majtë. Partizani është mbështetur shumë kohë te ky lojtar dhe ka fituar ndeshjes falë Trashit. Kush merr mesfushën ka shanse të marrë derbin. Të dy derbet kanë përfunduar me gola, edhe nesër do të ketë gola.

Partizani? Sulmi është pika më e dobët, ndërsa Tirana prodhon e shënon. Telushi është golashënuesi më i mirë i ndeshjeve të fundit. Trajneri duhet ta fusë Malën, e përgatiti në ndeshjen e Partizanit B. E njoh si lojtar, është top në anën fizike, pavarësisht se i mungojnë ndeshjet. Do i japë shpejtësi Partizanit, sidomos nga krahët. Është dëm i madh mungesa e Trashit, nuk do lejonte Dokën dhe Cobbinah të dilnin lirshëm përpara“, deklaron Tahiri. /abcnews.al

canaj-1.png
Igli Nikolli23:34 | 27/02/2020

Agim Canaj është futur në analizën taktike. Trajneri vazhdon të flasë për derbin në emisionin “Pressing” në ABC News dhe thekson se kjo përballje do të ketë gola.

Qarkullimi i topit është shumë i rëndësishëm në minutat e para të ndeshjes. Derbet kanë adrenalinë të veçantë, kjo ndikon që lojtarët të dalin ndonjëherë nga detyrat taktike. Tirana është një skuadër që në dy ndeshjet e fundit ka pësuar gol, por ka ditur të kthejë atmosferën negative, duke barazuar dhe kthyer ndeshjen.

Ka një skuadër ofensive dhe të egër para, por lënë hapësira pas dhe mund të goditen. Kanë probleme në krahët e mbrojtjes, aty janë goditur. Do të jetë edhe një lojë trajnerësh. Tirana ishte e vrullshme ndaj Kukësit, dominoi minutat e para, ka luftuar fort për topin e parë.

Partizani ka shfaqur mangësi në sulm, ka lëvizje pozicionesh që nuk kanë gjetur fytyrën e vërtetë në sulm. Cilësia është në skuadër, por mungon ekuilibri mes reparteve. Do të jetë një derbi që, për mendimin tim, do të ketë gola“, deklaron Canaj. /abcnews.al

sport-presing-6-e1582840752411.jpg
Igli Nikolli23:15 | 27/02/2020

Derbi mes Tiranës dhe Partizanit është tema e diskutimeve dhe debateve në emisionin “Pressing” në ABC News. Trajneri shqiptar, Agim Canaj analizon situatën e dy skuadrave, teksa thekson se barazimi shkon në favorin e bardhebluve.

Ka rëndësi përgjegjësia e pikëve. Këto derbe konfirmojnë veten. Nëse Tirana ashtu siç ka luajtur dhe fiton, konfirmohet. Deri tani nuk e konfirmojmë dot. Partizani do të tregojë nesër nëse është me objektiva për titull apo do të dalë forcë e tretë apo e katërt. Partizani nuk është një skuadër e konsoliduar. Barazimi i intereson Tiranës.

Partizani ka një moment historik për këtë kampionat. Nëse fiton afrohet me tre pikë. Fitorja në derbi të jep vetëbesim, garanci shumë të madhe. Kjo i ndodhi edhe Tiranës. Janë elementë që rregullojnë shumë gjëra në klub. Kjo është më e rëndësishmja“, deklaron Canaj. /abcnews.al

Ermal-Tahiri-Pressing-1280x709.jpg
Igli Nikolli23:05 | 27/02/2020

Ermal Tahiri vazhdon analizën e tij në emisionin “Pressing” në ABC News. Ish-futbollisti tregon se çfarë ka rëndësi në një derbi, duke shpjeguar gjithçka me detaje.

Nuk ka rëndësi forma. Derbi fillon nga zemra që kanë lojtarët dhe çfarë do japin në fushë, pa pasur rëndësi pikët. Luajnë tifozët, luajnë dy trajnerët. Jo vetëm Egbo, edhe Sormani po fillon e punon. Në një derbi kanë rëndësi edhe ndërrimet. Psikologjia ka më shumë rëndësi se ana teknike.

Ky derbi është një festë, luftë në formë feste. Po kaloi Tirana nesër Partizanin hedh një hap drejt titullit. Nëse Partizani nuk fiton ndeshjen, nuk ka më shanse për titull. Partizani kampion në fuqi? Fuqia fillon e bie po s’e mbajte lart“, deklaron Tahiri. /abcnews.al

Dasara.jpg
Veronik Istrefaj23:01 | 27/02/2020

Dasara Karaiskaj, moderatore dhe tifoze e Partizanit, është e ftuar në emisionin Pressing, në ABC News. Në fjalën e saj, Karaiskaj u shpreh: “Më ke vënë në pozitë, pasi si Bledin, si Sardin, i dua shumë, kanë talent në punën e tyre. Si më kë vënë kundër tyre.

Egbo ka thënë se është ndeshje si gjithë të tjerat, por në derbi, nuk është një ndeshje si gjithë të tjerat. Është derbi dhe e gjithë tifozeria e pret me padurim. Nuk po merrem me statistika, por me ato që Egbo ka thënë. Mos u gëzoni me një fitore pas 100 vitesh (drejtuar Kokës).

Tirana e mban shumë lart entuziazmin, duke filluar që nga presidenti, e të gjithë me radhë te klubi i Tironës. Presidenti i pari bën gabim që nuk e sheh me administrim dhe objektivitet atë klub. Kështu bën gjithmonë Tirana: Do të fitojmë kampionatin, do të fitojmë kampionatin!

Unë e kam parë Partizanin edhe në momentin më të vështirë, kur ra nga Kategoria. Por Partizani është Partizani, nuk është si Tirana. Partizani ka tifozë në çdo cep të Shqipërisë. Ti Bledian je durrsak dhe me Tiranën, si Anila Basha, nuk e di…

Ne jemi kampionët në fuqi, ju flisni a do e marrim kampionatin apo jo. Të flasim për këtë fuqinë, pastaj për të tjerat. Po humbi Partizani, nuk është fundi i botës. Ohu tani, fjalë…

Nuk e kuptoni ju spotin e Partizanit: Emocionin, lotët, të qarat nga gëzimi i fitimit të titullit kampion sezonin e shkuar”, u shpreh Karaiskaj./abcnews.al

WhatsApp-Image-2020-02-27-at-22.46.40.jpeg
Veronik Istrefaj22:54 | 27/02/2020

Sulejman Starova, trajneri i mirënjohur shqiptar, është si gjithmonë i ftuar në Pressing, në ABC News. Bobi e nisi fjalën e tij me një analizë të shkurtër të derbit të kryeqytetit, Tirana-Partizani: “Derbi ka vëmendje të madhe, të gjithë e shohin, tifozë të dy skuadrave dhe jo vetëm. Derbi i kryeqytetit bën gjithmonë jehonë. Jemi te derbi dhe rëndësia dhe e veçanta është se rritet përgjegjësia te të gjithë, nga presidenca, deri te lojtarët. Tifozët e kanë ditë të veçantë dhe herë pas herë, është dëgjuar shprehja që më mirë fitoj derbin, se kampionatin.

Egbo nuk është i ri në Shqipëri, e di çfarë do të thotë të përballosh derbin e çfarë do të thotë ta humbasësh apo fitosh. Përveç kënaqësisë së madhe që iu jep tifozëve, rrit edhe moralin te skuadra. Ana psikologjike ndikon dhe jehona e fitores në derbi për Tiranën, i shkoi për mbarë. Pastaj se si i gjen ky derbi të dyja skuadrat, unë them se Tirana është mirë moralisht. Po flasim për dy skuadra që kanë motivim për këtë sfidë.

Tani të flasim për derbin dhe çfarë ndodh për derbin. Gara fillon që nga presidenca, të cilët harxhojnë para dhe në kushtet e një rezultati të dobët, e dimë çfarë ndodh. Është garë mes dy tifozerive, kush bën koreografi më të bukur. Është një ngjarje e shënuar mes dy skuadra dhe gjumi nuk të zë natën gjatë gjithë natës. Është një privilegj për ata që luajnë. Në rast se je profesionist, këto lloj emocionesh duhet të vlejnë pozitivisht. Ka rastisur dhe në ndeshje që kanë humbur disa lojtarë , pasi nuk e kanë njohur derbin. Kësaj radhe, e njohin të gjithë derbin. Partizanit i duhen pikët se s’bën, pozitat e Tiranës i dimë. Historia ka treguar se je i pari dhe luan me vendin e shtatë, rezultatit nuk i dihet. Derbi është gjithmonë 50/50”, tha Starova./abcnews.al

 

Tahiri-Canaj-e1582840348874.jpg
Igli Nikolli22:47 | 27/02/2020

Opinionisti dhe ish-futbollisti, Ermal Tahiri dhe trajneri i njohur, Agim Canaj kanë dhënë mendimet e para në lidhje me derbin e kryeqytetit në emisionin “Pressing” në ABC News.

TAHIRI – “Në ndeshjen e fundit që ka fituar Tirana, ka qenë gjashtë pikë poshtë Partizanit. Tani është Tirana me gjashtë pikë më shumë dhe e njëjta gjë mund të ndodhë nesër. Biletat këtë radhë janë shitur më shumë se herët e tjera. Tifozët i kanë dhënë shumë rëndësi kësaj ndeshje”.

CANAJ – “Derbet janë të rëndësishme për momentin se ku ndodhen skuadrat. Ka një fillim dhe një fund, luhet derbi i tretë. Ky është derbi i konfirmimit për Tiranën dhe derbi i revanshit për Partizanin. Nëse Tirana vazhdon me këtë rrugë, do të jetë forca e parë për të fituar titullin. Nëse ndodh e kundërta, do të kemi një garë treshe për fitimin e kampionatit”. /abcnews.al

spiropali-dade.jpg
ger ta20:18 | 27/02/2020

Ministrja e Shtetit për Marrëdhëniet me Parlamentin, Elisa Spiropali e ftuar në “Mbrëmje në Abc” me Mirela Milorin komentoi edhe letrën e 8 socialistëve dhe propozojnë ndryshime në statusin socialist.

Mes tyre është edhe kritikja e kryeministrit Rama, Arta Dade, ish-zv.ministrja Irena Beqiraj dhe figura të tjera. Lidhur me këtë Spiropali u shpreh se personat në fjalë nuk janë delegatë, por  megjithatë nuk përjashton edhe mundësinë e diskutimit në Kongres, nëse ky mocion vjen nga delegatët.

“Me gjithë respektin për Arta Daden, kur një letër përfundon kërkojmë largimin e kryetarit të partisë, më e votuara sot për sot. Ç’të thuash? Nuk janë delegatë, në kongres diskutohen ata që janë delegatë. Ka një statut, po të ishin delegatë ta bënin këtë mocion nga brenda. Tani unë nuk di se cilët janë të gjithë emrat. Ne kemi zhvillimet e Kongresit. Nesër është dita e parë, një takim i madh me gratë. Në ditën e dytë mbahet ai që quhet Kongresi i madh i partisë, konventa. Në ditën e tretë pastaj, takimi me të rinjtë për riformatimin e forumit rinor.

Ne nuk do shikojmë asgjë që është vetëm për konsum mediatik. Ne kemi diskutime për statutin aty, nëse ka delegatë që e mbështesin, në rast se propozohet aty patjetër që do e diskutojmë.

Do të diksutohet me gjithë të tjerat dhe pastaj do të votohen. PS nuk ka konkurente jo vetëm organizmimit por edhe ideve që hidhen”, u shpreh ministrja.

E pyetur nëse do u japin zë emrave simbolikë, si Dade Irena Beqiraj zv.ministre, apo Maqo Lakrori.

Për Irena Beqirajn spiropali tha se nuk di të ketë qenë ndonjëherë anëtare e PS, ndonëse Rama e bëri zv.ministre. “Shumë mirë e bëri për merita të tjera. Nuk e di të jetë në strukturat e PS. Zonja Dade është figurë emblematike e PS, padiskutim dhe ka patjetër meritat dhe vendin e vet. Në rast se këto ide zënë vend në Kongres përmes delegatëve do ta shohim”, tha Spiropali.

 

/abcnews.al

 

 

piro-2.jpg
ger ta19:38 | 27/02/2020

“Nuk më duket se Lulzim Basha po e bën me shpirt mbështetjen  e aksionit të Ilir Metës”. Kështu u shpreh  ministrja e Shtetit për Marrëdhëniet me Parlamentin, në studion e Abc News me Mirela Milorin, teksa komentoi tubimin e 2 marsit të thirrur nga Presidenti Meta.

E pyetur nga gazetarja për pozicionin e Lulzim Bashës në një kohë kur është ulur në tryezë me qeverinë për Reformën Zgjedhore dhe nga ana tjetër mbështet tubimin e Metës, Spiropali tha se Basha ka nisur një kurs të ri opozitar. Sipas saj kryedemokrati është më i arsyeshëm. Ministrja tha se tubimin e 2 marsit e sheh si aksion të izoluar të LSI dhe Metës.

“Është një marrëdhënie skizoide se Lulzim Basha mirë keq ka nisur një kurs të ri opozitar të them të drejtën është i arsyeshëm, edhe për mënyrën si reagon për cështje si koronavirusi, tërmeti, çështje që kanë interes,duket i arsyeshëm, bashkëpunues dhe do të krijojë profilin e një drejtuesi shteti në të ardhmen. Nga ana tjeter ne mendojmë se është nën presionin e jashtëzakonshmë të këtyre heronjve të përhershëm, të Ilir Metës dhe Sali Berishës sepse gjuha e tyre opozitare është krejtësisht ndryshe nga ajo e Lulzim Bashës. Në fakt përçarja më e madhe ekziston në opozitë, por ne nuk kemi ndërmend të ndërhyjmë sepse nuk është puna jonë, le ta gjejnë vetë rrugën. Nuk më duket se Lulzim Basha po e bën me shpirt mbështetjen  e aksionit të Ilir Metës, do ishte absurde të mbështeste një aksion politik që do të fuqizojë Ilir Metën dhe LSI. Unë e shoh si një aksion të izoluar të LSI dhe Metës personalisht”, tha Spiropali. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono