Ekonomi

paga-minimale.jpg
Autor E18:03 | 05/11/2019

Prej disa vitesh pagat nuk janë rritur në bllok për nëpunësit publik përveç disa ndërhyrjeve mjaft të segmentuara në sektorë si shëndetësia dhe dhe policia.

Qeveria duket se do të vijojë të mos rrisë pagat edhe në dy vitet e ardhshme, siç parashikohet të paktën në treguesit makro për vitin 2020 dhe 2021.

Në tabelat e projektbuxhetit të vitit 2020 të siguruara nga abcnews.al fondit “për politika të reja pagash” është zero, ç’ka konfirmon se nëpunësit publik do të duhet të menaxhojnë shpenzimet e tyre me të njëjtat paga pavarësisht kostove të përgjithshme të jetesës që rriten nga dita në ditë.

Ndërkohë që nuk rritën pagat, qeveria pritet të paguajë 14.6 miliard lekë nga taksat e shqiptarëve për koncensionet gjatë vitit të ardhshëm.

Sa i përket shpenzimeve, qeveria synon të mbledhë rreth 502 miliard lekë në arkën e shtetit, ndërkohë që shpenzimet parashikohen në rreth 532 miliard lekë me një deficit buxhetor prej 30 miliard lekë. /abcnews.al

aniladenaj.jpg
Autor E16:46 | 04/11/2019

Qeveria ka bërë një rishpërndarje të fondeve në buxhetin e vitit 2019, përmes një akti normativ. Tre ministri si dhe organet e reja të drejtësisë përfitojnë fonde shtesë. Por qeveria nuk sqaron se nga janë hequr fondet që do rishpërndahen. Kjo ishte një pikë debati e ministres Denaj me deputetin Murrizi.

Qeveria ka ndryshuar buxhetin e vitit 2019 duke rishpërndarë fondet mes disa sektorëve përmes një akti normativ.  Më shumë para kalojnë tek pushteti local që përfiton një rritje të shpenzimeve me 4 miliardë lekë,  ministritë e bujqësisë, mbrojtjes dhe rendit. Duke argumentuar këto lëvizje në buxhet, ministrja e Financave Anila Denaj konfirmoi gjithashtu një shtesë fondi edhe për organet e reja të drejtësisë.

Në relacionin që shoqëron aktin normativ listohen sektorët që përfitojnë fonde shtesë, por nuk thuhet se nga ku janë hequr këto fonde, fakt që e përmendi edhe depiteti demokrat Myslim Murrizi

Pavarësisht rakordimeve të bëra, qeveria ka ruajtur të pandryshuar treguesit e të ardhurave dhe shpenzimeve. Por rishikimi me ulje i parashikimit për rritjen ekonomike të vendit nga Banka Botërore për 2019-ën nga 3.8 në 2.9% pati ëvmendjen e deputetëve. Edhe pse pranon vështirësitë, Denaj shprehet optimiste.

Krahas thatësirës, ministrja Denaj pranoi se një factor që ndikoi negativisht në rritjen ekonomike është mbyllja e lojërave të fatit. Ministrja ka renditur konsumin si një ndër faktorët që po ndihmon në rritjen ekonomike, megjithatë në arkën e tatimeve mungojnë 10 milionë dollarë nga TVSH-ja. /abcnews.al

KRONIKE-GROPA-NE-BUXHET.mpg_snapshot_00.30-1280x720.jpg
ent ela16:35 | 04/11/2019

Rritja ekonomike në vend është më e ulët se sa parashikimi i qeverisë. Mos realizimi i të ardhurave, me 10 milionë dollarë mangët vetëm nga mos vjelja e TVSH-së, e ka bërë këshillin e ministrave të korrigjojë buxhetin përmes një akti normativ duke rishpërndarë fondet në sektorët prioritarë, siç janë bashkitë dhe institucionet e drejtësisë. Ministrja e Financave, Anila Denaj nuk tha dot mes saktësi nëse do të ketë ose jo shpërblime fundviti.

Qeveria kërkoi në parlament votat për të korrigjuar buxhetin e këtij viti, pasi rritja ekonomikë në vend, do të jetë më e ulët se sa parashikimi. Sipas Bankës Botërore, duke matur ecurinë financiare në vend, thotë  senga 3.8 % që ishte parashikuar, rritja ekonomikë këtë vit do të jetë  2.9%. Vetëm në arkën e tatimeve mungojnë 10 milionë dollarë nga vjelja e TVSH-së .

Në këto kushte, qeveria ka rishpërndarë fondet, duke mos thënë se kujt ja heq, por duke specifikuar se shtesa do të kenë bashkitë, si dhe institucionet e reja të drejtësisë.

Minstrja e Ekonomisë dhe Financave, nuk ishte në gjendje të pohonte me saktësi, nëse administrata apo pensionistët, do të kenë ose jo shpërblim fundviti.

Krahas thatësirës, ministrja Denaj pranoi se një faktor që ndikoi negativisht në rritjen ekonomike është mbyllja e lojërave të fatit. /abcnews.al

konfindustria.jpg
nev ila11:59 | 03/11/2019

Konfindustria shpreh shqetësimin për ndërprerjen pa asnjë shpjegim publik të nismës ligjore për zbulimin e pronarëve të vërtetë të kompanive të ashtuquajtuara “guacka” të regjistruara në parajsa fiskale, që veprojnë në Shqipëri.

“Nisma ligjore, me ndërhyrjen dhe trysninë e drejtpërdrejtë të agjencive të specializuara të BE, ka filluar të trajtohet në Qeveri dhe deri në komisionet e Kuvendit të Shqipërisë mbi nje vit më parë, por më pas është ndërprerë pa asnjë shpjegim publik.”

Administratori i Pergjithshem Gjergj Buxhuku ne nje njoftim per shtyp thekson se prej rreth tre vitesh Konfindustria ka kerkuar ne menyre te perseritur ndalimin e  kompanive të regjistruara në parajsa fiskale në përfitimin e tenderave publike e koncesioneve dhe berjen publike te emrave te vertete te pronareve te tyre.

“Prania e kompanive të regjistruar në parajsa fiskale është mjaft e përhapur në të gjitha sektorët strategjikë të ekonomisë shqiptare si prodhim, përpunim dhe tregëti të hidrokarbureve, në sistemin financiar, infrastrukturë, mbetje, energji, etj. Pasojat e peshës së madhe dhe në rritje të kompanive “guacka” në ekonomi janë mundësia për korrupsion të përmasave të mëdha, prishja e konkurencës në treg, rritja e rreziqeve financiare për buxhetin e shtetit dhe qytetarëve, pastrim i parave dhe deri te problemet me natyrë të pastër gjeostrategjike dhe sigurisë kombëtare. “

Konfindustria vlerëson se ne 28 vitet e fundit  nga Shqipëria mund të kenë dalë jashtë vendit mbi 30 miliard $ te vendosura në pjesë të madhe në “parajsat fiskale” me pronarë të panjohur.

“Një pjesë e tyre nga trysnia e procesit të vettingut në sistemin e drejtësisë, mund të jenë rifutur në vend, duke sjellë forcimin e fortë dhe të panatyrshëm të monedhës kombëtare Lek ndaj Euro-s dhe Dollarit amerikan me gjithë pasojat e rënda afatgjatë për ekonominë kombëtare.”/abcnews.al

 

BASHKITE-EKONOMISTET-KUNDER-FINANCAVE.mpg_snapshot_00.03-1280x720.jpg
ent ela15:18 | 01/11/2019

Shoqata e Bashkive të Shqipërisë dhe ekspertë të ekonomisë kundërshtojnë vendimin e qeverisë për të caktuar Administrator me qëllim nxjerrjen e bashkive me borxhe nga kriza financiare. Agron Haxhimali dhe Zef Preçi shprehen se vendimi i Ministrisë së Financave dhe Ekonomisë shkel autonominë vendore dhe nuk zgjidh problemin.

Nëse shuma e borxheve të një bashkie është më e lartë se 130% e shpenzimeve vjetore të miratuara dhe kryebashkiaku nuk arrin të rimëkëmbë financiarisht njësinë e qeverisjes vendore, qeveria qendrore do të caktojë një Administrator për të nxjerrë bashkinë nga kriza.

Plani i Ministrisë së Financave dhe Ekonomisë kundërshtohet nga Shoqata e Bashkive të Shqipërisë dhe ekonomistët.

Administratori sipas drejtorit të Shoqatës së Bashkive të Shqipërisë Agron Haxhimali dhe ekspertit të Ekonomisë  Zef Preçi nuk mund të nxjerrë bashkinë nga kriza.

Ministria e Financave dhe Ekonomisë duhet të ndërhyrjë në të tjera drejtime.

Borxhi i bashkive sipas Ministrisë së Financave dhe Ekonomisë arrin vlerën e 6.2 miliardë lekëve. Mbi 1.8 miliardë ose 29% të totalit të detyrimeve i ka Bashkia e Tiranës. Pas kryeqytetit renditet Pogradeci, Kavaja, Vlora e Durrësi. /ABC news Albania 24/7

 

 

 

 

HAJDUTET-SHQIPTARE-1280x720.jpg
Autor E09:06 | 01/11/2019

Shqipëria renditet e gjashta ndër vendet me normën më të lartë të vjedhjeve në Europë. Sipas përllogaritjeve të Monitor dhe të dhënave të publikuara nga INSTAT për numrin e vjedhjeve në vitin 2018, për 100 mijë banorë kishte 88 vjedhje.

Numri i veprave penale vjedhje gjatë 2018-s ishin 2519, ku përfshihen: vepra penale të vjedhjeve të banesave me 1218 vepra penal; vjedhje të automjeteve me 252 vepra penale; vjedhje të bizneseve 592 vepra penale; vjedhje gjatë detyrës me 70 vepra penale dhe tentativat e vjedhjeve me 383 vepra penale.

Ndërsa në Bashkimin Europian numrin më të lartë të vjedhjeve për 100 mijë banorë e mban Belgjika ku sipas të dhënave të Eurostat, janë kryer 167 për çdo 100 mijë banorë. Nëse shkoni në Belgjikë të porosisin kudo të mos ia ndani sytë çantës dhe këtë njoftim e gjen dhe në pjesën më të madhe të hoteleve.

Në vend të dytë renditet Franca ku sipas të dhënave të fundit të vlefshme kishte 150 vjedhje për 100 mijë banorë, ndjekur nga Mbretëria e Bashkuar me 132 vjedhje për 100 mijë banorë dhe Portugalia me 115 vjedhje/100 banorë.

Gjatë periudhës 2011 dhe 2017, vjedhjet e regjistruara në BE ra me 24%,  nga 522 mijë në 396 mijë vjedhje. Në kontrast. Numri i vjedhjeve shënoi rritje me të paktën 4% për periudhën 2008-2017.

Në Bashkimin europian mesatarja e vjedhjeve për 100 mijë banorë përllogaritet të jetë 51 gjatë 2017-s.

Në Gjermani dhe Holandë, numri i vjedhjeve për 100 mijë banorë ishte 47.

Vendi fqinj, Italia ka të njëjtin nivel vjedhjesh me mesataren e BE-së prej 51. Ndërsa në Greqi numri i tyre është më i ulët, ku sipas Eurostat përllogariten jo më shumë se 40 vjedhje për banorë.

Normat më të ulëta janë renditur në Sllovaki dhe Hungari, me një normë prej 9 vjedhjesh për 100 mijë banorë, ndjekur nga Sllovenia me 12 vjedhje/100 mijë banorë, si dhe Qipro dhe Islanda me 14 vjedhje për 100 mijë banorë. /monitor/

riparime.jpg
Autor E14:25 | 31/10/2019

Të gjithë ata që duan të bëjnë punime në shtëpitë e tyre kryesisht private dhe që lidhen me ndërtim shkallësh, rrethime, struktura me materiale të lehta të çmontueshme apo ndryshime fasade do të duhet të presin deri në 20 ditë për të marrë miratimin nga autoritetet përkatëse.

Më herët ky afati ishte vetëm dhjetë ditë por një ndërhyrje e fundit e bërë ne rregulloren për zhvillimin e territorit sanksionon në nenin 24 një shtesë afati.

“Autoriteti përgjegjës vendos, brenda 10 ditëve pune nga data e dorëzimit të aplikimit për leje ndërtimi me procedurë të përshpejtuar, për rastet: a) e punimeve që kanë vëllim të kufizuar ndërtimi ose impakt të ulët në territor, si: i. shkallë; ii. rrethime; iii. struktura me materiale të lehta e të çmontueshme; iv. ndryshime fasade etj. b) kur aplikuesi paguan tarifë aplikimi të barabartë me dhjetëfishin e tarifës së parashikuar për leje ndërtimi” thuhej në rregulloren e vjetër.

Në ndryshimin e ri thuhet se afati kalon në 20 ditë. Teksa shtohet edhe një pikë e re pas pikës një të këtij neni që thekson se procedura e përshpejtuar jepet vetëm në rastet kur ka emergjenca.

“Autoriteti përgjegjës vendos me procedurë të përshpejtuar, brenda 5 (pesë) ditëve pune nga data e paraqitjes së aplikimit në sistemin e-leje, për pajisjen me leje ndërtimi, për ndërtimin, riparimin apo restaurimin e objekteve të dëmtuara, si pasojë e fatkeqësive natyrore dhe emergjencave civile. Përjashtimisht, vetëm për këto raste: a) aplikimet paraqiten për shqyrtim dhe miratim nëpërmjet sistemit elektronik të lejeve nga ana e Institutit të Ndërtimit; b) dokumentacioni i vetëm që duhet të dorëzohet nga aplikuesi është: i. raporti i hartuar nga komisioni apo struktura përkatëse e emergjencave civile, që vërteton shkaktimin e dëmit si pasojë e fatkeqësisë natyrore; ii. projekti teknik/konstruktiv i hartuar nga Instituti i Ndërtimit” thuhet në rregulloren e re.

Një tjetër element që ndryshon është ajo për dokumentacionin që duhet të paraqitet nga ndërtuesit lidhur me marrjen e certifikatës së përdorimit. Referuar disa ndryshimeve ligjore që kërkojnë sigurim 10 vjeçar të apartamenteve të reja rregullorja ka shtuar se mes një liste të gjatë dokumentesh ndërtuesit duhet të paraqesin edhe policën e sigurimit. Monitor

ekspert.jpg
ad min09:08 | 31/10/2019

Së fundi në media qarkullon lajmi se shteti nuk ka para që të paguajë rrogat dhe pensionet. Kjo pasi sipas një verifikimi të KLSH rezultojnë se 1100 ente shtetërore nuk paguajnë sigurimet shoqërore. Për pasojë kjo krijon një gropë të madhe financiare gjë që rrezikon rrogat dhe pensionet.

Që një person të marrë pension sot duhet të paguajnë tre persona. Kur ata nuk paguajnë skema ka qenë me humbje, por bëhet me humbje të papërballueshme. Në një reagim disa ditë më parë, ish-ministri Arben Malaj në një postim në Facebook thoshte se borxhet e papaguara në 2018 për sigurimet shoqërore arrinin në vlerën 110 mln euro.

Vjoldi Danaj, ekspert ekonomie, ishte i ftuar këtë të enjte në “ABC-në e mëngjesit” me Enkel Demin ku theksoi se situata është shqetësuese. Ai deklaroi se disa bashki janë në borxh të thellë me shtetin aq sa nuk kanë para për të paguar pagat e punonjësve të tyre. Për këtë arsye ata nxjerrin punonjwsit për të mbledhur taksat që të mblidhen paratë e mjaftueshme për të paguar rrogat.

Kjo ka ardhur sipas Danajt edhe si pasojë e tenderëve të panevojshëm.

“Unë besoj se ka vend për tu shqetësuar. Për alarm është fjalë e madhe, por për pika shqetësuese ka. Duke qenë se përveç administratës qendrore janë disa bashki që nuk paguajnë sigurimet ose më saktë janë në borxh kaq të thellë edhe me shtetin saqë nuk kanë para që t’u japin edhe punonjësve. Këta bashki i kanë shtyrë me 6 muaj pagesat për punonjësit. Punonjësit nuk kanë marrë edhe rrogat. Kjo ka ardhur si arsye e tenderave të bërë përtej nevojave dhe kjo ka bërë që disa bashki të gjenden buxhet dhe nuk shpërndahen rrogat. Bashkitë çfarë bëjnë? nxjerrin punonjësit për të mbledhur taksat, me qëllim që të mbledhin paratë e nevojshme për të paguar rrogat e tyre”, tha Danaj.

Megjithatë kjo nuk e habit si fenomen ekspertin e ekonomisë. Ajo që e shqetëson është fakti se shteti nuk është në gjendje të paguajë sigurimet shoqërore. Sipas tij mungojnë strukturat shtetërore që të ushtrojnë audite të brendshme tek këto institucione. Në të kundërt do të jetë shumë e afërt dita që do të ndodhemi përpara skenarit kur nuk mund të paguhen pensionet.

“Imagjinoni çfarë mund të ndodhë në sektorë të tjerë. Sektori privat është më i rregullt. Mungojnë struktura shtetërore që të bëjnë audite të brendshme. Nëse është e vërtetë ajo që thuhet në media, nëse është i vërtetë ai lajm që vërtetë nuk kemi para të paguajmë sigurimet e njerëzve është një problem i madh sepse administrata në Shqipëri është punëdhënësi më i madh. Kjo do të thotë që në vitet nuk do jenë shumë të largëta do të jemi vërtetë në atë situatën ku nuk mund të paguhen pensione gjithmonë nëse vërtetohet. Situata është alarmante vërtetë nëse verifikohet”, tha Danaj.

Ndërkohë një ditë më parë reagoi edhe Ministria e Financave sipas të cilës, detyrimet e prapambetura të sigurimeve shoqërore nuk cënojnë në asnjë formë ecurinë e buxhetit të shtetit dhe qëndrueshmërinë e ekonomisë.

Intervista e plotë:

/abcnews.al

ministria-e-financave.jpg
ad min17:38 | 30/10/2019

Ministria e Financave dhe Ekonomisë ka sqaruar se shkak për vonesat e pagesave që shlyhen nga fondet e Sigurimeve Shoqërore janë bërë detyrimet e prapambetura ndër vite të kontributeve shoqërore nga subjekte juridike dhe institucione buxhetore dhe jobuxhetore.

Ministria e Financave thotë se për të kapërcyer këtë situatë ka realizuar një ndryshim në udhëzimin e zbatimit të Buxhetit 2019, përmes të cilit specifikohet se pagesat e sigurimeve shoqërore të institucioneve buxhetore do të kryhen njëkohësisht me pagesën e borderosë, dhe jo pas 20 ditëve, siç ishte në parashikimin e mëparshëm.

Gjithashtu, Ministria e Financave deklaron se Drejtoria e Përgjithshme e Tatimeve dhe Instituti i Sigurimeve Shoqërore po ndjekin intensivisht rakordimin dhe shlyerjen hap pas hapi të detyrimeve të prapambetura nga institucionet publike dhe private.

Për këtë arsye, Drejtoria e Tatimeve në bashkëpunim edhe me Inspektoriatin e Punës do të nisë një aksion për monitorin e deklarimeve të punonjësve dhe të pagave nga subjektet private.

Sipas Ministrisë së Financave, detyrimet e prapambetura të sigurimeve shoqërore nuk cënojnë në asnjë formë ecurinë e buxhetit të shtetit dhe qëndrueshmërinë e ekonomisë./ABC News Albania

borxhi-780x439.jpg
nev ila17:32 | 30/10/2019

Teksa qeveria është përfshirë në një cikël të ri detyrimesh të prapambetura që  rrezikojnë seriozisht shëndetin e arkës së shtetit Ministria e Financave nxori këto ditë një udhëzim të posaçëm në formën e një plani masash për rehabilitimin e borxheve të bashkive që aktualisht sipas dokumentit të financave është 6.2 miliardë lekë. Mbi 1,8 miliardë lekë ose 29 për qind të totalit të detyrimeve i zotëron bashkia e Tiranës.

Sipas këtij plani nëse kryetarët e votuar të njësive te qeverisjes vendore nuk arrijnë të zbatojnë planin e rehabilitimit të propozuar nga Ministria e Financave,  atëherë qeveria qendrore cakton një administrator falimenti që merret me rimëkëmbjen financiare te bashkive

Sipas planit të masave  “Administratori”, është personi i emëruar nga Këshilli i Ministrave për menaxhimin financiar të njësisë së vetëqeverisjes vendore që është në situatën e paaftësisë paguese, e cila krijohet kur njësia e vetëqeverisjes vendore nuk arrin të zbatojë planin e rehabilitimit financiar ose shuma e borxheve afatgjata të NJVQV-së dhe detyrimeve të papaguara ndaj palëve të treta është më e lartë se 130 për qind e shpenzimeve vjetore të miratuara.

Udhëzimi I Ministrisë së financave detyron njësitë e vetëqeverisjes vendore në bashkëpunim me degët përkatëse të thesarit brenda datës 20 të muajit pasardhës, duhet të rakordojnë të dhënat e muajit të mëparshëm mbi të ardhurat sipas llojit dhe detyrimet e prapambetura

Si një masë e nevojshme kontrolli, regjistri i prokurimeve publike në fillim të çdo viti buxhetor si dhe çdo rishikim i tij gjatë vitit, duhet të depozitohet zyrtarisht dhe elektronikisht në degën e thesarit. Në çdo rast, shuma totale e prokurimeve të jetë e barabartë ose më e vogël se fondet e miratuara për vitin buxhetor ose për më shumë se një vit (për kontratat shumëvjeçare të investimeve).

Kur Ministria e Financave dhe Ekonomisë, evidenton që një njësi e vetëqeverisjes vendore ndodhet në një nga rastet e vështirësive financiare njofton menjëherë Kryetarin e njësisë.

Evidentimi i rasteve të ndodhjes së njësisë së vetëqeverisjes vendore në vështirësi financiare mund të bëhet nga auditimi dhe kontrolli i brendshëm, ose/dhe nga auditmi, inspektimi dhe kontrolli i jashtëm i njësisë së vetëqeverisjes vendore.

Për rastet e konstatuara me probleme financiare dhe vështirësi financiare, duhet të njoftohet menjëherë Kryetari i njësisë së vetëqeverisjes vendore, dhe në rastet e vështirësive serioze financiare dhe të paaftësisë paguese njoftohet po ashtu menjëherë Kryetari i njësisë së vetëqeverisjes vendore dhe ky I fundit menjëherë njofton Këshillin e NJVQV-së si dhe Ministrinë e Financave dhe të Ekonomisë.

Ministria e Financave dhe Ekonomisë, brenda muajt pasardhës të çdo katër mujori duhet të përgatis një informacion përmbledhës mbi treguesit e raportit të gjendjes financiare të njësive të vetëqverisjes vendore. Ky raport do të publikohet në faqen zyrare të Ministrisë së Financave dhe Ekonomisë.

Zbatimi i planit të masave për menaxhimin e problemeve financiare vendore i raportohet këshillit çdo muaj. Me këto raporte, këshilli duhet të miratojë veprimet e propozuara, të cilat janë nën diskrecionin e tij (p.sh. rritija e nivelit të të ardhurave, rishikimi i buxhetit, shitja/përdorimi i aseteve etj).

Afati për zbatimin e planit të masave për daljen nga gjendja e problemeve financiare të njësisë së vetëqeverisjes vendore është deri në 12 muaj nga momenti i konstatimit të situatës. 79. Procedurat e menaxhimit të problemeve financiare duhet të ndërpriten kur gjendja e detyrimeve të papaguara bie nën nivelin minimal të kërkuar nga ligji. 80. Raporti i fundit për Këshillin e NJVQV-së, mbi zbatimin e planit të masave duhet të përfshijë të dhënat financiare të cilat vërtetojnë rikthimin në gjendjen normale financiare të njësisë.

Borxhi dhe detyrimet e prapambetura do të klasifikohen sipas llojit, karakteristikave dhe madhësisë. Kreditë, obligacionet dhe garancitë vendore të pretenduara do të ndahen nga detyrimet e tjera financiare. Në detyrimet e tjera financiare, faturat e papaguara ndaj të tretëve të cilat përbëjnë pjesën më të madhe të detyrimeve do të grupohen sipas madhësisë, kohës (vonesës) dhe llojit të furnitorit (kompani apo privat).

Plani i rimëkëmbjes

Përfshirja e planit të rehabilitimit në programin buxhetor afatmesëm të njësësë së vetëqeverisjes vendore Plani i rehabilitimit financiar duhet të zhvillohet brenda kuadrit të Planit Strategjik të Zhvillimit të Njësisë së Vetëqeverisjes Vendore dhe Programit Buxhetor Afatmesëm.

Hapat që do ndiqen në përfshirjen e planit të rehabilitimit në planet vendore të sipërcituara janë të specifikuara në legjislacionin në fuqi. Buxhetimi i planit të rehabilitimit financiar nga njësia e vetëqeverisjes vendore do të mbështetet në procedurat dhe rregullat që përcaktojnë aktet nënligjore për hartimin e programit buxhetor afatmesëm. Për hartimin e planit të rahabilitimit njësia e vetëqeverisjes vendore duhet që të mbajë parasysh që në mënyrë periodike të maten të ardhurat dhe shpenzimet që njësia e vetëqeverisjes vendore realizon.

Përmes këtij verifikimi njësia mban nën kontroll balancën fiskale mujore dhe gjithashtu ajo përcakton ecurinë e zbatimit të planit të rehabilitimit financiar. Përmes monitorimit dhe përfshirjes së planit të rehabilitimit në programin buxhetor afatmesëm njësia e vetëqeverisjes vendore bashkë me raportin e monitorimit të buxhetit, duhet të monitorojë dhe zbatimin e planit të rehabilitimit financiar. Tabela më poshtë paraqet një model për mënyrën e strukturimit të dhënave fiskale aktuale dhe atyre të planifikuara sipas planit të rehabilitimit financiar të miratuar. 33 Gjendja financiare e njësisë së vetëqeverisjes vendore. /Monitor

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono