Ekonomi

ndertim1.jpg
Autor E09:11 | 21/11/2019

Ministria e Financave ka lëshuar një udhëzues me të cilin sqarohen bashkitë në të gjithë vendin se si të vjelin taksën e infrastrukturës dhe ndërtesës në rastet kur objektet nuk kanë përfunduar sipas afateve në lejen e ndërtimit.

Udhëzimi thotë se, për ndërtesat e pajisura me leje ndërtimi, që nuk kanë arritur të përfundojnë brenda afatit të përcaktuar në aktin e miratimi të lejes së ndërtimit, si bazë për llogaritjen e taksës mbi ndërtesën/njësinë pronësore shërben kostoja e parashikuar e ndërtimit, sipas dokumentacionit të depozituar pranë NJVV apo KKT për qëllime të pajisjes me leje ndërtimi.

Në rastin kur ndërtesa përbëhet nga një njësi e vetme pronësore me vetëm një destinacion përdorimi, pavarësisht prej fazës në të cilën ndodhet ndërtimi, si bazë e taksës për të gjithë ndërtesën përdoret kostoja e parashikuar në lejen e ndërtimit.

Mbi këtë bazë më pas aplikohet 30% i shkallës së taksës sipas përdorimit, pra për banim apo veprimtari tregtare.

Në rastet kur ndërtesa e papërfunduar, pavarësisht nga faza në të cilën ndodhet ndërtimit, përbëhet nga më shumë së një njësi pronësore që kanë qëllime të ndryshme përdorimi apo do të transferohen në pronësi të më shumë së një përdoruesi, atëherë si bazë e taksës përsëri shërben kostoja e plotë e ndërtimit të të gjitha njësive.

Shkalla e taksës së aplikueshme mbi këtë bazë takse do të variojë sipas destinacionit të përdorimit të secilës njësi pronësore, pra 30% e shkallës së taksës prej 0,05% mbi koston e secilës njësi pronësore të destinuar për banim dhe 30% e shkallës së taksës prej 0,02% mbi koston e secilës njësi pronësore të destinuar për veprimtari tregtare.

Kur zhvilluesi ka lidhur kontrata për tjetërsimin e pronësisë së ndërtesës së papërfunduar po njësive pronësore që përbëjnë këtë të fundit, si bazë për efekt të llogaritjes së taksës shërbejnë kontratat e shitjes së ndërtesës apo njësive të veçanta pronësore (pra, jo më kostoja e ndërtimit). Vlerat e paraqitura në kontratat për transferimin e pronësisë, në çdo rast i nënshtrohen gjithashtu vlerësimit me çmimin vlerësues, siç detajohet në seksionet pararendëse, dhe si bazë e taksës përdoret vlera më e lartë.

Kur nga verifikimet në terren të ATV konstatohet së ndërtesa apo pjesë të saj janë vënë në përdorim megjithëse ndërtesa nuk ka përfunduar në tërësinë e saj, baza e taksës llogaritet e plotë për pjesën e vënë në përdorim pra jo më me kosto, dhe shkalla e taksës aplikohet e plotë sipas kategorisë së ndërtesës/njësisë pronësore, pra jo më e reduktuar në 30% të shkallës së taksës. Të njëjtat rregulla vlejnë edhe nëse për ndërtesën nuk është dhënë ende leja e shfrytëzimit apo nëse nuk është bërë ende regjistrimi pranë ASHK/ZVRPP.

Bazuar në sa më sipër, taksa paguhet nga zhvilluesi, me përjashtim të rasteve kur ndërtesa apo njësi të veçanta të saj janë vënë në përdorim dhe kur detyrimi për pagesën e taksës i takon përdoruesit. /Monitor

administrata.jpg
ger ta09:10 | 21/11/2019

Të ardhurat e buxhetit të shtetit nuk janë në ditë të mira. Një gjë e tillë është artikuluar së fundmi në media.

Ndërkohë, kjo ka vënë në lëvizje edhe strukturat e shtetit, ku duket se mbledhja e të ardhurave është kthyer në një mision për qeverinë dhe të gjitha strukturat tatimore.

Ministria e Ekonomisë dhe Financave ka dërguar një letër për të gjithë punonjësit e administratës, që deri në datën 16 të muajit nëntor patën afat për të deklaruar se nuk kanë asnjë detyrim të papaguar ndaj arkës së shtetit.

Në letrën që punonjësit kanë marrë kërkohej që të këta të fundit duhet ta deklaronin faktin se nuk rezultojnë debitorë ndaj shtetit në asnjë lloj niveli.

Brenda datës 16.11.2019, të gjithë punonjësit në varësi të strukturave tuaja respektive, të paraqesin një konfirmim të faktit se nuk kanë në ngarkim asnjë detyrim tatimor të papaguar, duke filluar nga detyrimet individuale e deri nga pjesëmarrja si aksione në shoqëri tregtare”, thuhet ndër të tjera në kërkesën e Ministrisë së Financave dhe Ekonomisë.

Të ardhurat në buxhetin e shtetit për periudhën janar-shtator 2019 ishin në shifrën e 343 miliardë lekëve, duke shënuar një rritje prej 4.2 për qind. Mirëpo, kjo rritje nuk ishte e mjaftueshme, pasi në krahasim me planin, në buxhetin e shtetit u mblodhën 8 miliardë lekë më pak.  TVSH-ja për vitin 2019 pati një rënie me 4.4 për qind në krahasim me vitin e shkuar./abcnews.al

 

BUXHETI-PER-KONCESIONET-1-1280x720.jpg
ent ela17:31 | 20/11/2019

14.6 miliardë lekë nga buxheti i shtetit vitin që vjen do të shkojnë për të mbështetur kontratat e Partneritetit Publik Privat. Pagesat për to do të vijojnë për 13 vjet. Ministrja e Financave dhe Ekonomisë Anila Denaj raportoi në komisionin parlamentar për Financat dhe Ekonominë.

Buxheti i shtetit efektin e koncesioneve do ta ndiejë deri në vitin 2032.

Ministrja e Ekonomisë dhe Financave Anila Denaj shpjegoi përpara deputeteve të Komisionit Parlamentar të Ekonomisë dhe Financave se si pagesat  për kontratat e Partneritetit Publik Privat do të shtrihen ndër vite.

Ligji detyron të mos kalojnë 5% të totalit të të ardhurave tatimore parashikuar në vitin paraardhës.

Opozita mendon se mazhoranca po ngarkon me borxh brezat e ardhshëm, ndërsa kjo e fundit thotë se po zhvillon vendin e po rrit shërbimet.

Socialistja Blerina Gjylameti përfitoi nga prania e ministres Denaj për të marrë një përgjigje për shqetësimin e koleges Balluku rreth mungesës së financimit të projekteve në infrastrukturë.

Por çfarë do të ndodhë me kontratën koncesionare të rrugës Milot -Balldren?

Fondet për këtë rrugë sipas ministres Denaj do të lëvrohen edhe nëse do të duhet të ndërpriten të tjera investime.

Vitin e ardhshëm buxheti i shtetit do të mbështesë financiarisht 14 kontrata koncesionare në investime dhe shërbime. Fondi që do të shkojë për to kap vlerën e 14.6 miliardë lekëve. /abcnews.al

DORIAN-TELITI-1-1280x853.jpeg
ent ela16:41 | 20/11/2019

Pas diskutimeve për koncesionet në komisionin e ekonomisë, Partia Demokratike akuzon qeverinë se qeveria interesohet vetëm për koncesionet.

Dorian Teliti tha se buxheti do japë 120 milionë euro në vit për 13 koncesione, por nuk ka asnjë parashikim për rritje pagash. Teliti përsëriti qëndrimin se kur të vijë në pushtet, PD do anullojë çdo tender e koncesion korruptiv.

DEKLARATË DORIAN TELITI, DREJTOR I KABINETIT TË PARTISË DEMOKRATIKE

Parlamenti u tall sot me djersën e shqiptarëve, duke mbrojtur dhe duke votuar në komisionin e ekonomisë buxhetin e vënë në shërbim të koncesioneve korruptive  të disa oligarkëve.

Edhe ky buxhet konfirmon se qeveria nuk ka prioritet qytetarët, por një grusht miqsh e klientësh të Edi Ramës, që po pasurohen duke grabitur paratë e shqiptarëve.

Janë 120 milionë euro që do t’u paguhen financuesve të Edi Ramës përmes koncesioneve që i kanë marrë pa garë, pa transparencë dhe në kundërshtim me interesin publik.

Kjo është qeveria që shikon vetëm interesin e xhepit të vet dhe është qeveria e vetme, të paktën në rajon, që nuk ka asnjë politikë zhvillimore, asnjë politikë lehtësuese për qytetarët dhe ekonominë e vendit.

Qëndrimi i ministres së Financave në komisionin e ekonomisë dhe paraardhësit të saj vetëm sa rikonfirmuan faktin se ata, njësoj si Edi Rama, i shërbejnë disa oligarkëve që pasurohen me paratë e shqiptarëve dhe nuk duan t’ia dinë për shqiptarët e zakonshëm që jetojnë me djersë.

Buxheti i thellimit të varfërimit të shqiptarëve, i falimentimit të bizneseve, i mbijetesës së familjeve, nuk parashikon rritje rrogash për mjeket, infermieret, arsimtaret dhe punonjësit e administratës publike.

Ky buxhet nuk siguroj rritje reale për 650 mijë pensionistë.

Në vend të mbështetjes së qytetarëve, Edi Rama do t’u japë klientëve të vet vetëm në një vit me koncesione 120 milionë euro.

Këto janë një grusht kontratash PPP, te cilat, siç shprehet Banka Europiane për Rindërtim dhe Zhvillim, në raportin e  saj te fundit, janë kontrata të pabazuara në studime fizibiliteti, janë me kosto te larta sociale dhe u janë dhënë pa konkurrencë firmave pa kapacitete të mjaftueshme financiare.

Ndërkohë që qeveria do të paguajë 30 milionë euro me shume sesa viti aktual për këto kontrata PPP, pa e vrarë dhe pa u shqetësuar, qeveria nuk nguron te uli fondet për investimet e nevojshme publike në rruge, ujësjellës kanalizime, arsimin e mesëm profesional dhe të tjera programe te rëndësishme buxhetore.

Kur Partia Demokratike të marrë besimin e shqiptarëve me zgjedhje të lira e të ndershme, çdo koncesion dhe PPP korruptive do të anullohet!

Paratë që u janë vjedhur shqiptarëve do të shkojnë për rimëkëmbjen e ekonomisë së shqiptareve të ndershëm qe e duan Shqipërinë dhe duan ta ndërtojnë të ardhmen e tyre këtu, ne vendin e tyre. /abcnews.al

BERZH-PER-KONCENSIONET-1280x720.jpg
ent ela16:29 | 20/11/2019

Banka Europiane për Rindërtim dhe Zhvillim i tërheq vëmendjen qeverisë për kontratat e Partneritetit Publik-Privat.  Sipas saj konçesionet e mëdha janë të diskutueshme dhe pa një nivel të mjaftueshëm të analizës mes kostove dhe përfitimeve.

Banka Europiane për Rindërtim dhe Zhvillim paralajmëron qeverine shqiptare për kostot që mund t’i vijnë prej kontratave mes Partneritetit Publik-Privat.

Në raportin e Tranzicionit 2019 -2020, BERZH nënvizon se disa prej koncesioneve janë dhënë pa konkurencë.

Të tjera kontrata janë lidhur me kompani me kapacitete të ulëta financiare në raport me madhësinë e projektit.

“PPP-të e mëdha të diskutueshme vazhdojnë të jepen, veçanërisht në sektorin rrugor, për shembull seksionet Milot-Balldren dhe Orikum-Llogara, pa një nivel të mjaftueshëm të analizës kosto-përfitim dhe konkurrencë në procesin e tenderit. Kjo rrit koston e mundshme sociale dhe e ekspozon qeverinë ndaj rreziqeve të zbatimit, duke pasur parasysh gjithashtu mungesën e përgjithshme të të dhënave dhe situatën financiare të ofertuesve të zgjedhur, në raport me shkallën e projekteve të tenderuara”

Kjo nuk është hera e parë që Banka Europiane për Rindërtim dhe Zhvillim tërheq vëmendjen për projektet e Partneritetit Publik-Privat.

Më herët, ndërsa rendiste arsyet e rishikimit të uljes se përformancës ekonomike BERZH theksonte dhe rreziqet  e brendshme që lidhen me detyrimet  nga koncesionet.

Qeveria sipas Bankës Europiane për Rindërtim dhe Zhvillim  duhet të përqendrohet në përmirësimin e standardeve të qeverisjes fiskale dhe publike, përmirësimin e sjelljes së partneriteteve publike-private dhe forcimin e institucioneve dhe sundimit të ligjit.

Ndërkohë Shqipëria duhet të shtojë përpjekjet për të trajtuar informalitetin si një nga pengesat më të rëndësishme për të bërë biznes.

Sipas BERZH mjedisi i biznesit mbetet i vështirë, me Shqipërinë që u rendit në vendin e 82-të nga 190 shtete në raportin e Bankës Botërore Doing Business 2020, 19 vende më poshtë se një vit më parë.

Ndërsa rritja ekonomise u ngadalësua në 2.4% nga viti në vit në gjysmën e parë të 2019, nga 4.1% në 2018, kryesisht rrjedhoje e rënies së prodhimit të energjisë. /abcnews.al

 

SEJKO-ME-FMN-MBULIM.mpg_snapshot_00.18-1280x720.jpg
in a15:09 | 13/11/2019

Ndonëse me një ritëm më të ngadaltë rritja ekonomike në vend ka vijuar trendin rritës. Guvernatori i Bankës së Shqipërisë Gent Sejko e bëri këtë konstatim në një takim me misionin e Fondit Monetar Ndërkombëtar. Kreu i Bankës Qendrore gjatë njoftimit për shtyp ndau me misionin e FMN mendimin se ritmi i rritjes ekonomike do të vijë në përmirësim gjatë dy viteve të ardhshme, ndërsa inflacioni do të kthehet në objektiv.

Ndërkohë Guvernatori vuri në dukje se ambienti i brendshëm financiar shfaqet stimulues dhe kursi i këmbimit shfaqet relativisht i stabilizuar.

Sa i përket sektorit bankar Sejko theksoi se ai paraqitet i qëndrueshëm ndërsa kredia për sektorin privat shënoi një rritje mesatare prej 7.5% në tremujorin e tretë 2019.

Pas takimit me kreun e Bankës Qendrore misioni i FMN-së do të zhvillojë takime me drejtues të lartë pranë Bankës së Shqipërisë dhe Ministrisë së Financave dhe Ekonomisë./abcnews.al

KRONIKE-KRITIKAT-E-AHMETAJ-PER-BUXHETIN.mpg_snapshot_00.03-1280x720.jpg
ent ela14:47 | 13/11/2019

Ish-Ministri i Financave Arben Ahmetaj kritikoi sot buxhetin e vitit të ardhshëm të paraqitur nga qeveria, duke thënë se ai nuk mund të veçohet për asgjë, pasi nuk ka rritje pagash e pensionesh, e as ndërtim rrugësh të reja. Kryetari i Komisionit të Ekonomisë tha se investimet publike janë ulur ndjeshëm dhe se ministria e infrastrukturës duhet të paguajë borxhet që ka.

Tashmë një vit jashtë qeverisë, Arben Ahmetaj, nuk i kursen asnjë kritikë pasardhëses së tij, Anila Denaj. Projektbuxheti 2020 për kryetarin e komisionit të ekonomisë, nuk mund të veçohet për asgjë.

Ahmetaj ngre shqetësimin se qeveria nuk do ta ndihmojë ekonominë përmes punëve publike. Sipas ish ministrit, edhe rrugët në ndërtim, po shtyhen.

Porosi urgjente për qeverinë është shlyerja e borxheve. Ahmetaj tha se për herë të parë, vendet e reja të punës në sektorin jo bujqësor, nuk e kanë kaluar më shumë se 5000 të tilla, duke mos arritur objektivat. /abcnews.al

WhatsApp-Image-2019-11-11-at-3.07.43-PM-768x1024.jpeg
Autor E13:39 | 12/11/2019

Bagazhet e pasagjerëve në fluturimin e së hënës në mesditë të Austrian Airlines janë shoqëruar nga thasët me valutë të huaj të bankave shqiptare, që transportohen drejt Vjenës në “normalitetin e ri” të krijuar nga forcat e shtuara policore në ambientet e aeroportit.

Pas vjedhjes spektakolare të më shumë se 10 milionë euro, nga 4 banka tregtare brenda Aeroportit të Rinasit, Policia e Shtetit filloi shoqërimin e blindave me valutë, ndërkohë që aeroporti patrullohet edhe nga forcat e ushtrisë. Fotot e siguruara nga “Monitor” të hënën e datës 11 nëntor, tregojnë se në avionin e “Austrian” janë ngarkuar thasët me para të disa bankave të shoqëruara nga forcat e sigurisë fizike të kompanive të ndryshme.

Duhet të jenë disa banka që kanë kryer këtë javë transferimin e parave jashtë vendit, si një procedurë normale, ndërkohë që për vjedhjen e muajit prill, disa banka janë dëmshpërblyer nga siguruesit dhe risiguruesit dhe banka të tjera vazhdojnë procedurat në gjykatë mes kompanive të sigurimit dhe bankave të siguruara.

Bankat transportojnë jashtë Shqipërisë një pjesë të parave të lira nga depozituesit (euro, dollarë, paund etj.), të cilat i vendosin në institucionet financiare jashtë vendit, si formë alternative e investimit dhe për këmbime cash valutore. Ky transferim kryhet fizikisht dhe kjo është një marrëdhënie që bankat e zgjidhin me shoqëritë private të sigurisë fizike.

Ngjarja e ndodhur në Rinas, e dyta kur grabiten paratë brenda në aeroport, ka rritur ndjeshëm primet e sigurimit të bankave të nivelit të dytë, ndërkohë edhe kompanitë e risigurimit që veprojnë në Londër, Hanovër, Gjenevë etj., kanë rritur kostot për kompanitë shqiptare të sigurimit të transportit të parave në udhëtim./monitor

SINKRON-BASHA-DURRES-ABCM4T1.mpg_snapshot_00.03-1280x720.jpg
ent ela13:26 | 11/11/2019

Kreu i demokratëve, Lulzim Basha premtoi se të gjithë inspektoriatet që ushtrojnë presione të vazhdueshme ndaj biznesit gjatë qeverisjes së demokratëve do të shkrihen.

Në një takim me biznesin në Durrës, Basha foli për një klime të re biznesi që do të krijohet me biznesin e vogël duke lehtësuar barrën tatimore në mënyrë që edhe bizneseve t’i japin mundësi për rritje të fitimit dhe rishikim të pagave të punonjësve duke e çuar pagën minimale në vlerën 300 euro. /abcnews.al

tu-1280x712.jpg
in a11:33 | 11/11/2019

Kryetari i opozitës Lulzim Basha ka nisur takimin me biznesmenët e Durrësit në kuadrin e turit “Rrugëtim për Shqipërinë”.

Gjatë bashkëbisedimit me qytetarët, lideri i opozitës shprehet se sektori i bizneseve po mbytet nga politikat e gabuara të qeverisë aktuale.

“Kemi klimën më  të keqe të biznesit në Europë, një biznes i çliruar është vizioni për një biznes të suksesshëm. Shqiptarëve u duhet një qeveri që nuk ua bën jetën më të vështirë”, tha Basha.

Duke folur për koncensionet e qeverisë dhe për kasat fiskale, Basha shprehet se bizneset e vogla nuk do të raportojnë në mënyrë periodike tek Ministria e Financave.

“Sektori i biznesit në Shqipëri është në luftë për mbijetesë, rezultat i politikave të dështuara të kësaj qeverie, të cilat kanë goditur si biznesin e vogël, ashtu edhe bizneisn e madh. Po mbyteni nga efektet e rritje së taksave, të rritjes së kostos dhe korrupsionit të kudogjendur, që kanë shkaktuar klimën më të keqe të biznesit në rajon dhe në Europë, sipas matjeve më të fundit të bankës Botërore, por, mbi të gjitha, sipas matjeve më të sakta që janë matjet e biznesit si punëdhënës dhe matjet e punëmarrësve, qytetarëve, që goditen direct nga pamundësia e biznesit për të hapur vende të reja pune apo për të hapur kushte të reja punësimi”, u shpreh Basha.

“Ndaj ne jemi sot këtu për të treguar që PD-ja është për taksa më të ulëta, ne do të punojmë që të rikthejmë suksesin në ekonomi, sektori i biznesit është në luftë për mbijetese. Ju po mbyteni nga efekti i rritjes së taksave, rritjes së kostos dhe korrupsionit të kudogjendur që kanë shkaktuar një klimë biznesi më të keqe në Evropë”, deklaroi Basha./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono