Bota

9785.jpg
eri Ida15:01 | 26/02/2020

Shefi i Organizatës Botërore të Shëndetësisë Tedros Adhanom Ghebreyesus është shprehur se se rritja e papritur e numrit të të prekurve me koronavirus në Itali, Iran dhe Korenë e Jugut është“thellësisht shqetësuese”, por sipas tij situata është ende nën kontroll për të mos u shndërruar në pandemi.

Ghebreyesus këtë të mërkurë ka deklaruar se infeksione të lidhura me Iranin janë konfirmuar në Bahren, Irak, Kuvajt dhe Oman, ndërsa raste të lidhura me Italinë janë gjetur në Algjeri, Austri, Kroaci, Gjermani, Spanjë dhe Zvicër. Por për herë të parë të martën, numri i rasteve të reja të raportuar zyrtarisht jashtë Kinës që përfshin 37 vende arriti në 427, duke tejkaluar numrin e rasteve të reja të raportuara nga Pekini, gjithësej 411.

“Nuk duhet të jemi tejet të etur për të shpallur pandeminë pa një analizë të kujdesshme e kthjellët të fakteve”, tha kreu i OBSH-së. Ndërkohë me 30 janar OBSH-ja ka shpallur situatën e emergjencës botërore lidhur me shëndetin, niveli më i lartë i alarmit.

“Përdorimi i fjalës pandemi pa kujdes nuk sjell asnjë përfitim të prekshëm, por rrezikon në rritjen e frikës dhe stigmës së panevojshme e të pajustifikuar duke paralizuar sistemet. Mund të sinjalizojë gjithashtu se ne nuk jemi në gjëndje të parandalojmë përhapjen e virusit gjë që nuk është e vërtetë”, shtoi ai.

Drejtori i përgjithshëm i OBSH-së Tedros Adhanom Ghebreyesus tha se një mision i kësaj organizate do të niset drejt Iranit këtë fundjavë./abcnews.al

papa-francesku-1280x726.jpg
nev ila14:28 | 26/02/2020

Është një sinjal pozitiv ai i dhënë nga Papa Francesko gjatë meshës së të mërkurës ku nuk hoqi dorë së përqafuari besimtarët në sheshin San Pietro.

Shumë prej besimatrëve mbanin maska për frikën e koronavirusit, ndërsa Papa Francesko jo, në një ftesë për të mos iu dorëzuar frikës.

Ai u shpreh se po lutej për të sëmurët me koronavirus dhe stafin mjekësor që i kurojnë, por dhe për autoritetet civile dhe të gjithë ata që po ndihmojnë pacientët./abcnews.al

grushti-itali-.jpg
nev ila13:01 | 26/02/2020

Në Itali përhapja e Koronavirusit ka krijuar panik tek qytetarët të cilët janë dyndur nëpër supermarkete duke blerë ushqime për një kohë të gjatë me frikën se do të izolohen për javë të tëra në shtëpi nga ky virus vdekjeprurës.

Në një video të bërë virale në mediat e huaja është parë se dy të rinj rrihen me grushte në mes të supermarketit në një zonë të Italisë ku janë izoluar mbi 50 mijë njerëz.

Shkak që dy të rinjtë janë zënë dhe kanë bërë atë gjest të shëmtuar ka qenë mungesa e ushqimeve brenda supermarketit, dhe secili prej tyre ka dashur të blejë sa më shumë ushqime.

/abcnews.al

koronavirusi-itali-pacientja.jpg
nev ila12:50 | 26/02/2020

Këshilltari Rajonal për Shëndetin në Rajonin e Lazios, Alessio D’Amato, ka njoftuar se shtetasja kineze e shtruar në spitalin ‘Spallanzani’ në Romë që prej fundit të muajit janar, është shëruar.

“Gruaja kineze ishte identifikuar bashkë me burrin e saj të infektuar nga koronavirusi, por tani gjendja e saj është e shkëlqyer. Në gjendje shumë të mirë është edhe burri i saj”,  tha D’Amato.

Presidenti i Lombardisë, Attilio Fontana, konfirmoi sot infeksionin e një vajze katër vjeçare nga Castiglione d’Adda, një komunë e vendosur në zonën e kuqe.

Këshilltari për Mirëqenie Giulio Gallera tha se ka 6 të mitur koronavirusë pozitivë në Lombardi, dy prej të cilëve janë në spital (në San Matteo në Pavia dhe në spitalin Seriate në provincën e Bergamos).

Rastet janë ato të një vajze 4-vjeçare, dy fëmijë 10-vjeçar dhe një djalë 15-vjeçar.

Pastaj është konfrimuar edhe djali 17-vjeçar nga Valdidentro, i cili ndodhet i shtruar në spitalin e Lecco, kushtet e të cilit po përmirësohen gradualisht. Në pëgjithësi gjendja shëndetësore e të miturve paraqitet e mirë dhe stabile./abcnews.al

 

15076223745e34314bd39bf835449713_v4-big.jpg
eri Ida12:43 | 26/02/2020

Koronavirusi është kthyer në një frikë për mbarë botën. Amerika LAtine është vendi i radhës i cili ka konfirmuar një person të prekur nga virusivdekjeprurës.

Deri më tani ishte Kontinenti i vetëm i paprekur nga koronavirusi, ku këtë të mërkurë kanë konfirmuar rastin e parë në në Brazil.

Behet fjale per nje shtetas 61- vjeçar, qe dyshohet se eshte infektuar ne Itali, pasi mesohet se braziliani udhëtonte shpesh drejt rajonit verior të Lombardisë.

letra-1.jpg
in a12:42 | 26/02/2020

Kina u ka kërkuar bankave në vend dhe institucioneve të cilat japin hua, që të dezinfektojnë kartmonedhat si dhe t’i mbajnë në një zonë të thatë për 7 ditë, në kuadër të politikave për të frenuar përhapjen e koronavirusit.

Mediat në vend raportojnë se udhëzimet janë shpërndarë nga autoritetet për bankat.

Ndërkohë bankave u kërkohet të pastrojnë sipërfaqet që preken nga klinetët si dhe bankomatet me dezinfektues

ekonomi.jpg
in a12:35 | 26/02/2020

Përhapja e koronavirusit ka shkaktuar panik në shumë shtete të botës. Italia, një prej vendeve të prekura nga virusi kinez.

Tashmë raportohet se kanë humbur jetën 12 persona. Itali bën thirrje se BE duhet të ofrojë fleksibilitet në objektivat e saj të buxhetit, nëse shpërthimi i koronavirusit në vend në rajonet e industrializuara të veriut do të një ndikim të zgjatur në një ekonomi që tashmë ka hyrë në reçension.

Zëvendës ministrja e Ekonomisë, Laura Castelli në një prononcim për mediat tha se BE duhet të jetë e gatshme të ndihmojë nëse ekonomia italiane pëson një tronditje të fortë nga koronavirusi.

“Kriza shëndetësore tashmë ka bërë që zyrtarët të mbyllin shkollat dhe universitetet në rajonin e prekur, ditët e fundit të karnavalit të Venecias të anullohen dhe shumë punëtorë u thanë të qëndrojnë në shtëpi”, shkruan Financial Times.

“Ka burime që Bashkimi Evropian mund të na japë një raport në lidhje me ngjarjet ekonomike që mund të ulin ndjeshëm GDP. Shpresojmë se nuk do të kemi nevojë, por është një situatë në të cilën BE duhet të veprojë nëse është e nevojshme”, tha Castelli.

koronavirus-3.jpg
Autor E12:31 | 26/02/2020

Është shënuar viktima e 12 në nga koronavirusi në Itali. Bëhet fjalë për një burrë, 70 vjeç nga zona e Emilia Romagna. Mediat italiane raportojnë se burri ka patur probleme të tjera shëndetësorë, ndërsa kjo është vdekja e parë në zonën e Emilia Romagna-s duke zgjeruar kështu hartën koronavirusit në Itali.

Mediat italiane raportojnë se deri më tani numri i të prekurve të konfirmuar ka shkuar në 374.

Ndërkohë, është konfirmuar rastin e parë me koronavirus në Greqi.

Mediat greke raportojnë se bëhet fjalë për një grua 38 vjeçare nga Selaniku që kishte udhëtuar sëfundmi në Itali.

Autoritetet greke bëjnë me dije se gruaja është në gjendje të qendrueshme shëndetësore, ndërsa të afërmit e saj janë futur në karantinë për të mbikëqyrur ecurinë e tyre. /abcnews.al

Capture-45.png
So Nila11:45 | 26/02/2020

Shkencëtarët që po studiojnë koronavirusin janë të pasigurt se temperaturat e ngrohta të pranverës do të ngadalësojnë përhapjen e virusit. Është shumë herët për të kuptuar nëse edhe ky virus do të zbehet me përfundimin e sezonit të gripit.

Familja e koronaviruseve përbëhet nga dymbëdhjetë viruse, por vetëm shtatë prekin njerëzit. Katër shkaktojnë ftohje, ndërsa të tjerët janë të rinj, vdekjeprurës dhe mendohet se janë marrë nga lakuriqët e natës dhe gamilet. Virusi i ri është etiketuar si SARS-CoV-2 dhe sëmundja që shkakton, COVID-19 shkruan National Geographic.

Ideja se vera mund të parandalojë një pandemi ka ngjalluar shpresë tek të gjithë. Viruset që shkaktojnë grip ose ftohje kanë tendencën të zbuten gjatë muajve të ngrohtë. Sidoqoftë, nuk dihet me siguri nëse SARS-CoV-2 do të reagojë në të njëjtën mënyrë. Ata që po studiojnë sëmundjen thonë se studimi është ende në fazat e hershme për të kuptuar në virusi do t’i përgjigjet ngrohjes së motit.

“Shpresoj të ketë sezonalitet, por vështirë të thuhet me siguri,” tha Stuart Weston, studiues në Universitetin e Maryland, ku virusi po studiohet çdo ditë.

Deri më tani janë konfirmuar 80 mijë të infektuar në 34 shtete. Ekspertët thonë se me shumë mundësi, sëmundja do të vijojë të përhapet.

Studiuesit e shpjegojnë përmes disa teorive kohëzgjatjen e sezonit të gripit nga tetori në prill ose mars. Disa mendojnë se është  si pasojë e hapësirave të mbyllura – për të luftuar të ftohtin, njerëzit mbyllen brenda dhe transmetimi nga njeriu në njeri bëhet më i thjeshtë.

Gjithashtu, gjatë dimrit, ajri i thatë i ndihmon viruset të udhëtojnë më gjatë dhe të mos dëmtohen teksa kalojnë nga një njeri te tjetri. Gjithashtu, ajri i thatë than mukozën e hundës që bëhet më pak efektiv në pengimin e viruseve.

Ian Lipkin, drejtor i  Qëndrës për Infeksion në universitetin e Kolumbisë thotë se drita e diellit, që është më e pakët në dimër, ndihmon në shpërbërjen e viruseve mbi sipërfaqje. “Drita ultravioletë shpërbën acidin nukleik. Në një farë mënyre i sterilizon sipërfaqet,” thotë ai.

Çfarë na tregojnë këto të dhëna për koronavirusin?

Edhe pse koronavirusi dhe gripi janë të dy infeksione respiratore, nuk dihet ende mjaftueshëm mbi SARS-CoV-2 për të parashikuar në do të ketë sezonalitet.

Për të marrë më shumë informacion, studiuesit po analizojnë viruse të ngjashme si SARS dhe MERS. SARS, që nisi të shpërhapej në fund të 2002-shit, ka ADN 90% të ngjashme me virusin e tanishëm. Përhapja e SARS nisi në nëntor dhe zgjati deri në korrik. Mund të ketë qenë sezonal, por edhe mund të jetë ndaluar në korrik si rrjedhim i përpjekjeve njerëzore.

MERS nisi të përhapej në shtator të 2012-s në Arabinë Saudite, ku temperaturat janë në përgjithësi të larta. Në dallim nga SARS, MERS nuk u vu kurrë tërësisht nën kontroll dhe raportohen shumë pak raste të reja. Tek MERS nuk vihen re prova të pakundërshtueshme sezonaliteti.

Weston, nga University of Maryland, thotë se laboratori i tyre po punon për krijimin e një vaksine. Sidoqoftë, vaksina mund të jetë gati për përdorim të gjerë pas një viti ose më shumë.

Çfarë vjen pas kësaj?

Sidoqoftë, epidemiologu nga Harvard, Marc Lipsitch është i mendimit se ngrohja e temperaturave nuk do ta ngadalsojë përhapjen e koronavirusit. Raste me COVID-19 janë dokumentuar në gjithë botën dhe nëse virusi është si një virus tipik gripi, do të përkeqësohet në hemisferën jugore, ku vjeshta është në ditët e para.

Sipas Qendrave për Kontrollin e Sëmundjeve (CDC), njerëzit janë më ngjitës kur shfaqin simptoma.

“Ne po shohim vetëm rastet më të rënda,” thotë Weston. “Mund të ketë ndonjë infeksion tjetër që po ndodh dhe nuk është zbuluar ende .”

Për të parandaluar përhapjen e sëmundjes nga ndonjë virus, Organizata Botërore e Shëndetit rekomandon që t’i lajmë  duart  shpesh, të shmangim kontaktin e ngushtë me ata që kanë simptoma si kollitja ose teshtitja, dhe të kërkojmë trajtim nëse jemi sëmurë./abcnews.al

 

 

106408530-1582642338633gettyimages-1198068341.jpeg
So Nila11:05 | 26/02/2020

Sipas institucioneve të shëndetit publik në Amerikë, nëse përhapja e koronavirusit vijon me këto ritme, shumë shpejt do të kemi të bëjmë me një pandemi. Të infektuarit jashtë Kinës shtohen dita ditës, veçanërisht, në Korenë e Jugut, Iran dhe Itali shkruan CNBC

“Rrethanat aktuale globale tregojnë se ka të ngjarë që ky virus të shkaktojë një pandemi,” tha Anne Schuchat, zv / drejtore e CDC.( Qendra për Kontrollin dhe Parandalimin e Sëmundjeve)

Ndërsa COVID-19 nuk është përhapur me shpejtësi deri më tani në SH.B.A., zyrtarët e CDC thanë se njërëzit duhet të përgatiten për një shpërthim eventual edhe këtu.

Korea e Jugut ka më shumë se 1100 të infektuar dhe të paktën 12 të vdekur. Irani ka konfirmuar 95 raste dhe 15 të vdekur. Në Itali, janë prekur të paktën 322 njerëz dhe kanë vdekur 11. Algjeria, Kroacia, Spanja dhe Zvicra kanë raportuar të infektuarit e parë.

Organizata Botërore e Shëndetit është stepur nga klasifikimi i përhapjes së koronavirusit si pandemi, por me këto ritme, kriteret do të plotësohen.

Që të klasifikohet si pandemi, duhet që virusi të shkaktojë sëmundje, të transmetohet nga njëri njeri te tjetri dhe të shpërhapet në gjithë botën. Dy kriteret e para janë plotësuar./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono