Bota

xhihadistet-1280x775.jpg
nev ila13:00 | 14/11/2019

Gjermania dhe Holanda premtuan se do të rimarrin terroristët e Isis dhe familjarët e tyre të cilët aktualisht mbahen të burgosur në Turqi. Lajmi u konfirmua nga ministri i brendshëm turk.

Dy ditë më parë qeveria e presidentit turk Erdoan nisi dëbimet e para të luftëtarëve të huaj, që në fazën e parë përfshijnë rreth 20 militantë francezë dhe gjermanë.

Në burgjet turke ndodhen 1.201 xhihadistë të kalifatit, sipas shifrës së konfirmuarnga Erdogan, përvec 287 të tjerëve – pjesa më e madhe të huaj, të cilët janë arrestuar gjatë ofensivës ushtarake turke kundër militantëve kurdë në veri të Sirisë./abcnews.al

Donald-trump.jpg
nev ila12:56 | 14/11/2019

Ka nisur në Shtetet e Bashkuara të Amerikës seanca publike në kuadër të hetimeve për rrëzimin e presidentit Trump nga posti i tij. Kreu i Shtëpisë së Bardhë akuzohet për abuzim me pushtetin.

Shtetet e Bashkuara të Amerikës tashmë përballë ekranit të televizorit për nisjen në kongres të fazës publike të hetimeve që mund të shkaktojnë largimin e Donald Trump nga Shtëpia e Bardhë.

Presidenti amerikan akuzohet për abuzim me pushtetin dhe se i ka bërë presion Ukrainës që të hetojë për rivalët e tij politikë.

Dëshmitarët e parë që do të dëgjohen, në një transmetim të drejtpërdrejtë, para një numri shumë të madh kamerash, janë Uilliam Tejlor – ambassador amerikan në Kiev, dhe Xhorxh Kent, zv/sekretar në departamentin amerikan të shtetit i deleguar në Europë. Në seancën me dyer të mbyllura ata kanë treguan se Trump u përpoq të kushtëzonte ndihmat ushtarake për Kievin dhe vizitën e presidentit Zelenski në Shtëpinë e Bardhë me hetimet kundër Bajden dhe demokratëve.

Komisioni i inteligjencës në kongres, në kontrollin e demokratëve, refuzoi mocionin e republikanëve për të detyruar të dëshmojë në procedurën për rrëzimin e Trump, të burimit i cili shënoi nisjen e hetimev duke denoncuar telefonatëb e Trump me presidentin ukrainas. Mocioni u hodh në votim pas përfundimit të seancës së parë publike të procedurës.

Kreu i shtëpisë së bardhë reagoi ftohtë duke thënë se nuk kishte parë asnjë minutë të kësaj séance false dhe se presidenti Erdoan ishte më i rëndësishëm. Ai shtoi se do të bëjë publike dhe bisedën e parë telefonike me presidentin ukrainas.

Telefonata është kryer në 21 prill ditën e zgjedhjes së Zelenskit dhe tre muaj para telefonatës së famshme./abcnews.al

kro.jpg
in a12:33 | 14/11/2019

Evropa lindore dhe qendrore është përfshirë nga moti i keq. Në Kroaci në disa zona të vendit është shpallur gjendja e jashtëzakonshme. Ndërsa në jug të Austrisë shkollat dhe kopshtet janë mbyllur si pasojë e reshjeve të dëborës

Reshjet e dendura dhe era e fortë që prej disa ditësh kanë krijuar një situatë alarmante përgjatë të gjithë bregut Adriatik të Kroacisë, shkaktuan përmbytje dhe ndërprerje të qarkullimit rrugor dhe të transportit detar. Në disa zona të vendit është shpallur gjendja e jashtëzakonshme. Ndërsa në Austri janë reshjet e dëborës që kanë shkaktuar shumë dëme në jug të vendit.

Me mijëra shtëpi janë pa energji elektrike, ndërsa në pothuajse të gjitha qytetet jugore, shkollat dhe kopshtet janë mbyllur. Autobusët e shkollave nuk arrijnë të qarkullojnë në rrugët e mbuluara nga dëbora. Por gjithashtu janë shënuar rrëshqitje toke dhe përmbytje. Trafiku i automjeteve është i rënduar pasi pjesa më e madhe e shoferëve nuk kanë marrë masat e duhura për të lëvizur në dëbore./abcnews.al

bolivi-1-1280x734.jpg
in a12:24 | 14/11/2019

Situata në Bolivi vazhdon të jetë e tensionuar ku për pasojë një 20 vjeçar ka mbetur i vrarë gjatë përplasjeve mes mbështetësve të ish-presidentit Evo Morales dhe forcave të policisë. Sipas mediave, pas dorëheqjes së Morales të dielën, konfliktet mes grupimeve pro dhe kundër tij janë intensifikuar.

Të mbyllur në shtëpi nga frika e një vale të re dhune, kështu e përshkruajnë situatën mediat në Bolivi, në një kohë që me mijëra protestues kundërshtojnë largimin e ish-presidentit Evo Morales, i cili ka marrë azil politik në Meksikë. Gjenerali Uilliam Kaliman, krye komandanti i ushtrisë deklaroi se kanë nisur operacione të përbashkëta me policinë për të ndaluar grupe vandalësh që po terrorizojnë popullin. Sipas mediave, pas dorëheqjes së Morales të dielën, konfliktet mes grupimeve pro dhe kundër tij janë intensifikuar. Për të mbushur boshllëkun politik nuk mjaftuan deklaratat e zv/ presidentes së senatit Zhanin Anez. 52- vjeçarja, anëtare e partisë konservatore Lëvizja demokratike sociale, mblodhi deputetët për të diskutuar hapat që duhen ndërmarrë pas dorëheqjes së Morales, zëvendësit të tij dhe presidentit të senatit.

Ndërkohë një 20 vjeçar është vrarë me armë zjarri gjatë përplasjeve mes mbështetësve të ish presidentit Evo Morales dhe policis. Mjekët konfirmuan për mediat se 20-vjeçari ishte qëlluar në kokë./abcnews.al

 

 

 

trump-1.jpg
in a11:48 | 14/11/2019

Presidenti amerikan Donald Trump priti në Shtëpinë e Bardhë homologun turk Recep Tayyip Erdogan. Duke e falenderuar për luftën ndaj terrorizmit Trump u shpreh se ishte një fans i madh i tij.

“Unë jam një fans i madh i presidentit”, citohet të ketë thënë Trump për Erdoganin.

“Një mik i vjetër”, Donald Trump përshëndet në këtë mënyrë Erdogan, gjatë një prej vizitave më të diskutueshme në Shtëpinë e Bardhë, aq sa ka zemëruar dhe një pjesë të republikanëve që mbështesin Tramp në këto orë të vështira. Orë në të cilat Trump është në qendër të vëmendjes mediatike për shkak të përpjekjes së demokratëve për ta larguar nga Shtëpia e Bardhë.

“Jam një fans i madh i Erdogan dhe e falenderoj presidentin dhe popullin turk për bashkëpunimin në luftën kundër terrorizmit” u shpreh Trump në konferencën për shtyp. Erdogan nga ana e tij u shpreh se i kishte dorëzuar sërish presidentit amerikan letrën që i kishte dërguar një muaj më parë, për t’i vërtetuar se nuk e kishte hedhur në plehra. Në letër Trump paralajmëronte Erdogan të kishte kujdes gjatë ofensivës së mundshme në veri të Sirisë kundër kurdëve. Presidenti turk theksoi se duhet të bëhet dallimi mes kurdëve dhe terroristëve.

Ndërkohë jashtë, në Pensilvani Avenju, manifestuesit protestonin për rrezikun e një genocidi të kurdëve nga ana e Turqisë, pikërisht falë mbështetjes së administratës amerikane. Më pas gjatë drekës, Trump vendosi në tryezë një ofertë që Erdogan e ka të pamundur ta refuzojë. Një marrëveshje që synon forcimin e marrëdhënieve mes dy vendeve. Marrëveshja tregtare prej 100 miliard dollarësh, pranimi i mundshëm në program i avionëve F-35 dhe premtimi për të mbyllur një sy ndaj shmangies së sanksioneve amerikane ndaj Ankarasë, për të tejkaluar ndalimin për blerjen e sistemit të raketave ruse S-400 nga ana e Turqisë.

Një fakt që do të zemërojë dhe më shumë republikanët në kongresin amerikan, pas votimit të një rezolute kundër ndërhyrjes ushtarake ruse në Siri. Propozimi i Tramp, sipas asaj që publikon Washington Post i është dërguar Erdogan me anë të një letre nga Shtëpia e Bardhë, një javë më parë.

Erdogan nga ana e tij i premtoi Tramp se do të vazhdojë të respektojë armëpushimin në veri të Sirisë, i cili u vendos në 7 tetor pas negociatave të shpejta me delegacionin amerikan të drejtuar nga zv/presidenti amerikan Majk Pens. Turqia gjithashtu, si vend anëtar i NATO-s do të vazhdojë të mbështesë Shtetet e Bashkuara të Amerikës në luftën kundër isis për të parandaluar çdo rikthim të kalifatit në Siri./abcnews.al

rusi-1.jpg
in a11:12 | 14/11/2019

Një student ka qëlluar me armë zjarri në një kolegj në Rusi, duke vrarë dy persona dhe plagosur tre të tjerë.

I armatosur me armë gjahu, studenti hapi zjarr në klasë, duke plagosur seriozisht disa persona, dy prej cilëve nuk i mbijetuan plagëve.

Kur policia mbërriti në vendngjarje, sulmuesi nuk pranoi të dorëzohej dhe vrau veten. Lajmi është konfirmuar nga mediat ruse, ndërkohë në rrjete sociale qarkullojnë dhe pamjet e ngjarjes që janë filmuar nga studentët e tjerë. Sipas policisë, e cituar nga agjencia ruse e lajmeve “Tass”, i riu mund të ketë hapur zjarrin për shkak të një debati që ka pasur me studentët e tjerë./abcnews.al

thumbs_b_c_1c0eeea212ab7b7209d3795eeae68502-770x433.jpg
in a08:48 | 14/11/2019

Pjesa më e madhe e qyteteve bregdetare në Kroaci janë goditur nga moti i keq me erëra të forta dhe reshje shiu. Në pjesën jugore të Adriatikut, uji i detit ka përmbytur bodrumet e Dioklecianit në Split, deri në Rijekë, ku ujërat arritën deri në treg.

Ministria e Brendshme e Kroacisë ka njoftuar se po bëhet monitorimi i situatës në terren për shkak se moti me stuhi ka sjellë dëmet e para në pjesën jugore të Kroacisë.

Deri më tani nuk raportohet për persona të dëmtuar ndërsa dëmet materiale ende nuk janë përcaktuar, raporton MPB-ja e Kroacisë.

Era e fuqishme jugore, me shpejtësi mbi 140 kilometra në orë në afërsi të Dubrovnikut, bëri që uji i detit të përmbytë brigjet e shumë qyteteve bregdetare në Adriatik, raporton Anadolu Agency. Meteorologët thonë se moti do të qetësohet gjatë ditës, por reshjet e shiut me erëra pritet që të jenë sërish në fillim të fundjavës./abcnews.al

trump.jpg-a.jpg
ger ta23:54 | 13/11/2019

Ofensiva e fundit e Turqisë kundër një aleati të rëndësishëm amerikan në Siri nuk e ka ndaluar presidentin Donald Trump të nderojë Presidentin turk Rexhep Tajip Erdogan me një vizitë në Shtëpinë e Bardhë dhe konferencë të përbashkët për shtyp.

“Unë jam një tifoz i madh i presidentit, për t’ju thënë këtë dhe unë e di se armëpushimi, ndonëse i ndërlikuar po ecën përpara,” tha Trump gjatë konferencës së tij të përbashkët për shtyp me Erdogan në  Shtëpinë së Bardhë.

Ndërsa përpara konferencës së tyre për shtyp, Trump falënderoi Erdogan dhe theksoi se ShBA dëshiron të zhvendosë fokusin e saj në kufijtë e vet, jo në kufijtë e të tjerëve.

“Unë dua të falënderoj presidentin për punën që ata kanë bërë”, tha Trump.

Shefi i Shtëpisë së Bardhë shtoi se ai dhe Erdogan kanë qenë “miq shumë të mirë”, pothuajse nga “dita e parë”. Ai përmendi se shumë njerëz të Turqisë po vriten “në zonën për të cilën po flasim” dhe nuk është “një rrugë me një drejtim”./abcnews.al

hillary-clinton-1280x709.jpg
nev ila23:46 | 13/11/2019

Hillari Klinton mund të rikandidojë për presidente e SHBA përballë Donald Trump. Ish kandidatja për presidente e pranoi gjatë një intervsite radiofonike për BBC, pasi siç tha ka marrë kërkesa të shumta për të kandiduar në 2020-ën.

Hillari Klinton duket se po i rikthehet ëndrrës së parealizuar: të bëhet presidente e SHBA. Ndërsa në Kongres ka nisur një hetim i ri ndaj Donald Trump për çështjen e Ukrainës, ish kandidatja për presidente që humbi në zgjedhjet e kaluara përballë Trump nuk duket totalisht e bindur nëse nuk do rikandidojë kundër Trump në zgjedhjet e 2020-ës.

Gjatë një interviste radiofonike për BBC, Hilari Klinton tha se ka kërkesa të shumta që ajo të kandidojë përsëri në emër të demokratëve përballë Trump.

 “Siç them unë, kurrë, kurrë, kurrë mos thuaj kurrë. Jam në trysni të madhe nga shumë shumë njerëz për t’a shqyrtuar këtë ide, por në këtë moment që jam ulur këtu në këtë studio, kjo nuk është absolutisht pjesë e planeve të mia”, u shpreh ish-kandidatja për presidente e SHBA.

72-vjeçarja, ish-Sekretare e Shtetit, të cilën Tramp e mundi me një diferencë të ngushtë në zgjedhjet e 2016-ës, thotë se kushdo që të fitojë në zgjedhjet vitit të ardhshëm, ka një detyrë të rëndësishme, të zhbëjë gabimet e rënda të bëra nga administrata aktuale.

Gara për kandidaturën e demokratëve ka nisur dhe po zhvillohet mes 17 kandidatëve kryesorë, në krye të të cilëve është Joe Biden. Edhe nëse vendos të kandidojë tani, Clinton do ta ketë të vështirë fitoren, pasi disa prej shteteve federale e kanë mbyllur regjistrimin për zgjedhjet paraprake, ku garojnë mes njëri-tjetrit kandidatët e partive të mëdha./abcnews.al

 

kongresi-amerikan-1280x716.jpg
nev ila23:42 | 13/11/2019

Në komisionin e inteligjencës të Kongresit amerikan nisën këtë të mërkurë dëshmitë mbi hetimin ndaj presidentit amerikan Donald Trump për çështjen e Ukrainës. Kjo është përpjekja e re e demokratëve për shkarkimin e presidentit.

Ky i fundit në një mesazh nga shtëpia e bardhë tha se opozitarët po përpiqeshin ta ndalnin pasi ai lufton për amerikanët.

Të mërkurën nisën dëshmitë publike në Komisionin e Inteligjencës në Dhomën e Ulët të Kongresit Amerikan mbi hetimin ndaj presidentit amerikan Donald Trump për cështjen e Ukrainës.

Të parët që dëshmuan ishin Zv/ndihmës Sekretari Amerikan i Shtetit për Europën dhe Euroazinë, George Kent dhe i ngarkuari më punë i Washingtonit në Ukrainë, diplomati i karrierës William Taylor.

Të dy mbështetën dyshimet kryesore mbi të cilat ka nisur hetimi, sipas të cilave presidenti Trump ka shfrytëzuar postin për t’i bërë presion homologut ukrainas, duke zvarritur nënshkrimin e ndihmës ushtarake 400 milionë dollarësh deri në marrjen e garancisë që Zelensky të nxisë hetimet në Ukrainë për rivalin e mundshëm demokrat në presidencialet e ardhshme Joe Biden.

George Kent tha se nuk besonte se Shtetet e Bashkuara mund t’u kërkojnë vendeve të tjera të angazhohen në hetime selektive ndaj kundërshtarëve politikë brenda vendit. Këto veprime sipas tij, minojnë sundimin e ligjit në pavarësisht vendit ku kryen.

Ndërsa William Taylot tha se gjatë Korrikut, u duk qartë se takimi me Presidentin Zelensky u kushtëzua me hetimet për kompaninë Burisma dhe ndërhyrjen e mundshme nga Ukraina në zgjedhjet amerikane të 2016-s. Kjo u bë përmes kanaleve të jashtëligjshme politike, nënvizoi diplomati.

Një telefonatë e 25 korrikut midis Trumpit dhe Zelenskiyt është arsyeja për të cilën Dhoma e Përfaqësuesve nisi hetimin në kuadër të procedurës së shkarkimit të presidentit amerikan. Një informator ende i paidentifikuar, dërgoi ankesë duke thënë se biseda përbënte shkelje nga ana e presidentit amerikan.

Pak kohë më parë, në media qarkulluan lajme se kur ishte Zv/president, Joe Biden kishte ndikuar në shkarkimin e ish-kryeprokurorit ukrainas Viktor Shokin në vitin 2016, për të ndalur hetimin ndaj një kompanie ku ishte punësuar i biri Hunter Biden.

Presidenti Donald Trump e ka quajtur hetimin e ri të nisur ndaj tij , një gjueti shtrigash e përmes një mesazhi nga shtëpia e bardhë, publikuar në twitter-in e tij tha:

“Ata po përpiqen të më ndalin mua. Unë do luftoj për ju! Dhe nuk do i lejoj kurrë ta bëjnë.”/abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono