Bota

OBSH-1024x576-1.jpg
R D23:36 | 27/02/2020

Drejtori i Përgjithshëm i OBSH-së Tedros Adhanom tha se bashkësia ndërkombëtare ndodhet “në një pikë vendimtare” sa i takon koronavirusit dhe se “nëse veprohet në mënyrë agresive tani, mund të parandalohet që të tjerë njerëz të sëmuren e të shpëtohen jetë”.

Ndërkohë, zyrtarët e shëndetit publik në të gjithë botën janë përqendruar në marrjen e masave për të ndaluar përhapjen e koronavirusit të ri (COVID-19) që ka infektuar të paktën 82,000 vetë në më shumë se 40 vende, që nga momenti i shfaqjes në Kinë në fund të muajit dhjetor.

Shtetet e Bashkuara dhe Koreja e Jugut kanë pezulluar stërvitjet e përbashkëta ushtarake. Uashingtoni lëshoi një paralajmërim të ri lidhur me udhëtimet duke këshilluar qytetarët amerikanë që të shmangin vizitat në Korenë e Jugut, vend që ka raportuar më shumë raste deri më tani pas Kinës.

Autoritetet në Korenë e Jugut njoftuan të enjten 505 raste të tjera, që e çuan totalin e personave të prekur nga virusi në 1766 vetë. Kryeministri japonez Shinzo Abe bëri thirrje për mbyllje të shkollave për disa javë.

Gjithashtu u bë thirrje që njerëzit të shmangin tubimet e mëdha për anulim të ngjarjeve sportive ose zhvillimit të tyre pa spektatorë, në një përpjekje për të parandaluar përhapjen e virusit. Japonia ka njoftuar rreth 200 raste, pa llogaritur më shumë se 700 të tjera që ndodhen në një anije kruz e futur prej javësh në karantinë në Jokohama.

Presidenti i Francës Emmanuel Macron vizitoi të enjten një spital në Paris, ku këtë javë një person humbi jetën si pasojë e virusit. Ai shprehu mbështetje për punonjësit e kujdesit shëndetësor.

Ndërkohë, Danimarka raportoi rastin e saj të parë me koronavirus, bëhej fjalë për një person që ishte kthyer nga një udhëtim në Itali. Kjo pason rastin e parë të raportuar në Brazil, i pari në Amerikën Latine, që gjithashtu ISHTE një person që kishte vizituar Italinë. /abcnews.al

coronavirus-what-is-self-isolation-and-who-needs-to-do-it-1280x960.jpg
R D18:40 | 27/02/2020

Numri i personave të prekur nga koronavirusi ka mbërritur në 650 pasditen e kësaj të enjte. Tre persona kanë humbur jetën në Lombardi, të gjithë në moshë të thyer, rreth 80-vjeç. Raportimi i fundit është bërë nga kreu i Mbrojtjes Civile në Itali, Angelo Borrelli i cili tha se në total numri i viktimave është 17.

Sakaq Le Marke dhe Pulia janë dy rajonet ku janë regjistruar rastet e reja. Nuk është zbuluar asnjë epiqendër, në një kohë që ministri italian i shëndetësisë Roberto Speranca deklaroi se dy vatrat që fillimisht dukeshin larg njëra tjetrës, më pas rezultuan të lidhura.

Janë shtatë fëmijët e prekur nga virusi, gjashtë në Lombardi dhe një në Veneto por ka dhe lajme të mira si për shembull pacientët e parë të shëruar në vend, ndërsa në Piaçenca një grua e prekur nga virusi ka sjellë në jetë një fëmijë të shëmdetshëm. Prokurori në Lodi ka nisur hetimet për të verifikuar se si është përhapur virusi duke i dhënë dritën jeshile inspektimeve në spitalet e zonës.

Pacientët e shtruar në spitale janë 128 me 36 prej tyre në terapi intensive ndërsa 221 gjenden në izolim në shtëpinë e tyre. /abcnews.al

avionet-2-1.jpg
Autor E17:23 | 27/02/2020

Avioni F 16 Fighting Falcon ka hyrë në shërbim me forcat ajrore të SHBA në 1978 dhe sipas raportimeve të ekspertëve vendas pritet të vazhdojë shërbimin deri në vitet 2050 prej modifikimeve të arritura dhe vështirësisë së gjetjes së një zëvendësimi të përshtatshëm.

Ai vazhdon të prodhohet sot dhe përbën trungun më të madh të flotës së SHBA, duke u zgjeruar me variante të shumta megjithë teknologjinë relativisht primitive.

F-21 është varianti i F-16E i krijuar për avionët e Arabisë Saudite dhe forcat ajrore të Indisë, i prodhuar bashkarisht nga amerikanët Lockheed Martin dhe kompania indiane Tata Advanced Systems. Fakti që F-16 përdoret dhe nga rivali fqinj Pakistani bëri që India të pajisej në fund të viteve 1980-të me gjuajtësit rusë MiG-29, dhe më pas me avionët më modernë e më të rëndë Su-30MKI.

Mitsubishi F-2 është një tjetër variant i bazuar në F-16 Fighting Falcon që ka hyrë në shërbim me forcat ajrore të Japonisë në vitin 2000, pesë vjet pas fluturimit të parë në 1995, kur konsiderohej një dizajn revolucionar me materiale kompozite dhe kapacitete të avancuara të sensorëve.

Materiali i trupit të modelit japonez reduktonte peshën dhe durueshmërinë e tij duke përmirësuar manovrimin. hunda e aviaconit u zgjerua për të nxënë një radar më modern, rezistent ndaj zhurmuesve. Platforma është prodhuar bashkarisht nga Mitsubishi Heavy Industries e Lockheed Martin.

F-16E është krijuar për Emiratet e Bashkuara Arabe i cili integron teknologjitë e gjeneratës së ardhshme në platformën e testuar ajrore të avionit të ndërtuar në 1980, dhe një nga të parët në Lindjen e Mesme me skanim elektronik tokësor dhe teknologji radarësh. Deri para hyrjes në shërbim të F-35, ai ka qenë gjuajtësi më i aftë me një motor.

Ndërsa F-16V është prezantuar në 2012 me qëllimin për të ruajtur linjën klasike të prodhimit të F-16 për SHBA dhe aleatët e saj por me sisteme të reja kundër kërcënimeve moderne. Ata dallohen prej modeleve të tjera nga skanuesit AN/APG-83 dhe sistemet elektronike të luftës – me një trup që mbetet i pandryshuar.

F-16I ‘Soufa’ është varianti i modifikuar që përdoret nga forcat ajrore izraelite me sistemin vendas të sulmit Lavi i cili është mbyllur tashmë prej presionit të SHBA. Modeli konsiderohet si një kompromis mes teknologjisë së programit ekskluziv hebre Lavi që e ka orientuar drejt sulmeve ndaj objektivave në tokë dhe sistemeve të shtuara të armatimit që operohen nga piloti i dytë.

papa-francisco-coronavirus-655x368-1.jpg
R D16:45 | 27/02/2020

Papa Francesku ka anuluar një takim të planifikuar në bazilikën e San Giovanni mëngjesin e sotëm, ndërsa aktivitetet e tjera u zhvilluan normalisht. “Papa nuk do të shkojë në Bazilikën Romake të San Giovanni në Laterano këtë mëngjes. Ka një të ftohtë të lehtë kështu që preferoi të qendrojë në zonat afër Santa Marta. Takimet e tjera zhvillohen rregullisht”, thuhet në njoftimin e Vatikanit, ndërsa nuk përmendet aspak koronavirusi si shkak i anulimit të këtij aktiviteti.

Por disa media kanë shkruar se anulimi vjen një ditë pasi Papa zhvilloi një audiencë të gjerë dhe u lut për të sëmurët me koronavirus, për mjekët dhe infermierët që po bëjnë punë raskapitëse në veri. Sipas tyre Papa u sëmurë pasi u takua me turmën e besimtarëve në Sheshin Shën Pjetër, ku preku dhe puthi në kokë disa prej tyre, duke shprehur solidaritet. Italia është aktualisht në një situatë emergjente, ku koronavirusi ka prekur mbi 500 persona dhe kanë kanë humbur jetën 14 persona. /abcnews.al

 

404935c8-c193-4bcb-bdcd-d2288ba92bfc_16x9_788x442-600x360-1.jpg
ger ta15:55 | 27/02/2020

Zëvendëspresidentja e Iranit është diagnosifikuar me koronavirus. Lajmi është konfirmuar nga transmetuesi publik i shtetit.

Masoumeh Ebteker është në mesin e 254 njerëzve të infektuar me koronavirus në shtetin e Lindjes së Mesme, ku 26 njerëz kanë vdekur nga shpërthimi i këtij virusi.

Ajo njihet ndërkombëtarisht si përkthyese mes pengjeve të marra dhe rrëmbyesve të tyre në vitin 1979 në Teheran, kur u rrethua ambasada amerikane, që njihet si kriza diplomatike e 444 ditëve.

Në Iran janë shtuar 106 raste vetëm gjatë 24 orëve të fundit, ka njoftuar ministri iranian i Shëndetësisë të enjten.  Pas Kinës, ku epidemia, Irani është shteti i dytë në botë me numrin më të madh të të prekurve nga koronavirusi.

 

60b390f5dc9a07a427be187ec0c44b7d.jpg
So Nila14:38 | 27/02/2020

Skocia është kombi i pare në botë që ka miratuar një ligj do të lejojë të gjitha gratë të marin peceta dhe tampona falas.

Quhet Bill Periodik Products dhe është miratuar nga parlamenti me 112 vota pro, 9 kundër dhe një abstenim shkruan Yahoo.

Ligji ka kaluar fazën e parë të procesit parlamentar.

Ndërkohë në Itali Parlamenti ka diskutuar futjen e mundshme të taksës së tamponit, ose një ligj që synon uljen e TVSH-së në peceta sanitare dhe tampona nga 22% në 5%.

Me këtë ligj Skocia bëhet kombi i parë në botë që miraton një ligj që i bën të mundur që pecetat sanitare dhe tamponat të jenë  falas për të gjitha gratë .

Para këtij ligji në fakt, idetë në parlament përfshinin më tepër një ulje të taksës. Prandaj po i afrohemi barazisë gjinore dhe Skocia tashmë është ngjyrë rozë.

Fushata #freeproductperiod e promovuar nga Monica Lennon, autore e ligjit, duket se është shlyer . “ Këto nuk janë produkte luksoze, por produkte thelbësore . Ne jemi duke bërë një ndryshim kulturor, “tha Lennon për Reuters.

Sidoqoftë, në vitin 2018, Skocia kishte porositur shpërndarjen falas të pecetave sanitare dhe tamponeve për studentet femra në shkolla dhe universitete./abcnews.al

mjeku-francez-koronavirusi.jpeg
nev ila13:38 | 27/02/2020

Një mjek francez, Didier Raoult, drejtor i Institut Mesdhetar për Infeksionet në Marsejë ka deklaruar se ky virus mund të shërohet nga një ilaç, që dikur është përdorur për të shëruar malarien.

Sipas tij ai është ilaçi që përmban klorokinë. Ai shpjegon pse klorokina “chloroquine”, një ilaç që përdoret zakonisht kundër malaries, është i lirë dhe i padëmshëm, dhe mund të trajtojë në mënyrë efektive këtë sëmundje.

“Është një ilaç shumë i vjetër. Të rinjtë nuk e njohin atë dhe nuk e dinë se ka qenë një antimalarial. Njerëzit që jetonin në Afrikë si unë, morën çdo ditë klorokinë. Të gjithë njerëzit që shkuan në këto vende të nxehta e morën atë gjatë gjithë qëndrimit të tyre, dhe çdo ditë për dy muaj pas kthimit të tyre.

Ka miliarda njerëz që kanë marrë këtë ilaç. Dhe nuk kushton asgjë: dhjetë cent për tablet. Është një ilaç që është jashtëzakonisht i sigurt dhe më i lirë që mund ta imagjinoni. Pra, ky është një lajm i shkëlqyeshëm! Të gjithë ata që dinë për këto përfitime duhet ta marrin vetë.”, është shprehur ai.

Ai ka shtuar më tej:

“Thashethemet e të gjithëve, nuk më interesojnë. Nuk me intereson. Puna ime ka qenë me sëmundje infektive për dyzet vite me rradhë. Ndihem i detyruar, sepse besoj se tani është e nevojshme, për të komunikuar atë që di, dhe jo opinionet, për hulumtimin në sëmundjen infektive. Pas asaj që bëni me të, unë nuk jam profet. Nuk me intereson. Po mundohem të jem sa më i qartë“, deklaroi ai./abcnews.al

qabe-1280x806.jpg
Autor E10:11 | 27/02/2020

Arabia Saudite ka ndaluar udhëtimin në vendin më të rëndësishëm për besimtarët myslimanë, vetëm disa muaj para pelegrinazhit të përvitshëm të Haxhit.

Kjo masa është ndërrmarrë për ndalimin e përhapjes së koronavirusit, i cili ka prekur deri më tani shumë vende të botës

Vendimi ndalon të huajt të vizitojnë Mekën dhe Qaben, vendi i shenjtë i vizituar nga miliona myslimanë gjatë gjithë vitit dhe sidomos në periudhën e Haxhit.

Arabia Saudite ka marrë masën pasi fqinjët e saj po merren me rastet e tyre të koronavirusit. Bahreini konfirmoi 33 raste që nga e enjtja në mëngjes, ndërsa presidenti i Iranit këmbënguli se nuk kishte plane të menjëhershme për të karantinuar qytetet pasi autoritetet po përpiqen të marrin masa për ndalimin e përhapjes së virusit, nga i cili kanë humbur jetën 19 persona. Ka raste të konfirmuara edhe në Oman, Irak, Kuvajt dhe Emiratet e Bashkuara Arabe.

COVID-19 vazhdon të përhapet në të gjithë globin, rasti i parë u shënua edhe Amerikën Latine ditën e mërkurë.

Italia, e cila po shihet si burim transmetimi të virusit në Europë, vazhdon të shënojë rritje të të prekurve, me më shumë se 450 raste të konfirmuara.

Të mërkurën shteteve të prekura iu bashkuan edhe Greqia, Norvegjia dhe Maqedonia e Veriut, të cilat konfirmuan rastet e tyre të para të prekura brenda kufijve.

Coronavirus-2-1050x551-1.jpg
in a07:42 | 27/02/2020

Koronavirusi vazhdon të marrë jetë njerëzish. Kina raportoi 433 raste të reja dhe 29 viktima duke e çuar 78,497 numrin e të infektuarve dhe 2,744 numrin i personave që kanë humbur jetën.

Në gjithë botën numri i të infektuarve me koronavirus ka shkuar në 81,722 ndërsa numri i viktimave në 2,801.

Nga 29 viktimat e raportuara në Kinë, 26 ishin në provincën Hubei, epiqendrën e shpërthimit të koronavirusit, dhe nga 433 rastet e reja, 409 ishin në po në qytet.

Komisioni Kombëtar i Shëndetit në Kinë tha se gjithsej 32.495 pacientë janë shëruar dhe janë larguar nga spitali.

cd8341ae-1d43-4a32-8651-dc63568bd5a6-1280x720.jpg
R D23:17 | 26/02/2020

Koronavirusi po kthehet në pandemi, duke prekur së fundmi edhe Amerikën Latine. Sot në Brazil u konfirmua personi i parë i prekur, përkatësisht një 61-vjeçar që kishte udhëtuar në Itali. 

Ministri i Shëndetësisë së Brazilit konfirmoi sot se një 61-vjeçar brazilian që mbërriti në Sao Paulo pas një udhëtimi në Itali është rasti i parë i koronavirusit në Brazil.

Ministri Luiz Henrique Mandetta tha se burri mbërriti në Brazil të shtunën pa asnjë simptomë dhe kaloi fundjavën me familjen e tij para se të shfaqte simptoma dhe të shkonte në një klinikë shëndetësore ditën e hënë.

Ai u shtrua në spital dhe rezultoi pozitiv me virusin COVID-19, ku po mbahet i izoluar. 61-vjecari kishte qenë në Itali nga data 9 deri më 21 shkurt.

Mbi dy mijë të vdekur janë regjistruar në Kinë, aty ku është edhe epiqendra, ndërsa koronavirusi është përhapur me shpejtësi në shumë vende të tjera të botës. Italia fqinje numëron mbi 400 të prekur dhe 12 viktima. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono