Bota

finlande.jpg
ger ta18:51 | 09/12/2019

Një politikane finlandeze është tashmë kryeministrja më e re në botë.

Sanna Marin, ministrja 34-vjeçare e transportit në Finlandë, do të bëhet kryeministrja më e re e vendit menjëherë pasi të betohet të martën.

Të Dielën, Marin fitoi ngushtësisht në mesin e ligjvënësve Social Demokratë, sipas Reuters, dhe zëvendëson kryeministrin në largim Antti Rinne, i cili dha dorëheqjen të martën pasi partneri i koalicionit tha se kishte humbur besimin tek ai për trajtimin e punonjësve.

Kryeministrja e zgjedhur u tha gazetarëve se ajo ka “shumë punë përpara për të rindërtuar besimin”.

“Asnjëherë nuk kam menduar për moshën dhe gjininë time, mendoj për arsyet që kam hyrë në politikë dhe ato gjëra për të cilat kemi fituar besimin e elektoratit”, ka thënë ajo.

Marin u ngrit në radhët e politikës pasi drejtoi këshillin e qytetit të saj të lindjes Tampere kur ishte 27 vjeç.

Marin nuk është liderja  e vetme në botë në të 30-tat, megjithëse, kryeministri ukrainas Oleksiy Honcharuk është 35 vjeç dhe Kryeministrja e  Zelandës së Re Jacinda Ardern është 39./abcnews.al

zelanda-e-re.jpg
ger ta18:32 | 09/12/2019

Autoritetet kanë dhënë detaje të reja nga shpërthimi i vullkanit në Zelandën e Re. Pas shumë orë kërkimesh, nuk raportohet për të mbijetuar të tjerë.

Rreth 50 njerëz mendohet se kanë qenë duke udhëtuar në ishullin e pabanuar, i njohur si “Ishulli i Bardhë”. Të paktën pesë persona kanë humbur jetën.

Turistët u panë duke ecur brenda buzës së kraterit të Ishullit të Bardhë pak çaste para shpërthimit. Policia tha se 23 persona ishin shpëtuar, por paralajmëroi se numri i të vdekurve mund të rritet.

Turistët u panë duke ecur brenda kraterit të vullkanit të ishullit Ëhite Island, momente përpara se të shpërthente.

“Bazuar në informacionin që kemi, ne nuk besojmë se ka të mbijetuar të tjerë në ishull,” thuhet në deklaratën e fundit të policisë.

Ishulli i Bardhë, i quajtur edhe Ëhakaari, është vullkani më aktiv i vendit. Pavarësisht kësaj, ishulli me pronësi private është një destinacion turistik mjaft i frekuentuar./abcnews.al

erdogan33.jpg
in a14:17 | 09/12/2019

Presidenti i Turqisë Rexhep Taip Erdogan i është drejtuar homologut të tij francez Emmanuel Macron me fjalë ironike për sa i përket situatës aktuale në Francë.

“Në Paris janë shfaqur jelekët e verdhë. Jepi, gjej një zgjidhje, bëji të ndalojnë. Pse nuk i ndalon dot” deklaroi Erdogan.

Kreu i shtetit turk e bëri këtë deklaratë gjatë fjalës në samitin e Organizimit të Bashkëpunimit Islamik në Stamboll./abcnews.al

0_PAY-MAJOR-INCIDENT-OVER-SWIMMERS-IN-DIFFICULTY-1.jpg
So Nila13:21 | 09/12/2019

Gruaja  ishte një nga dy notaret që kishin hyrë në ujë këtë mëngjes në brigjet e Ballycastle, në Irlandën Veriore.

Një grua ka vdekur nga hipotermia dhe një tjetër u dërgua në spital duke u trajtuar për hipotermi.

Shërbimet e urgjencës u thirrën në vendngjarje në 8.28 të mëngjesit me një helikopter Coastguard nga Prestwick si dhe Ambulanca Ajrore  dhe ekuipazhet bregdetare, policia, shërbimi i zjarrfikësve dhe personeli i Shërbimit të Ambulancës që nxituan për në vendngjarje.

Le të rikujtojmë se disa qytete të Irlandës janë goditur nga erëra të forta gjatë fundjavës dhe këtë mëngjes ndërsa Stuhia Atiyah ka qënë shumë e fuqishme.

Nisja e trageteve u anulua dhe rreth 10,000 shtëpi mbetën pa energji./abcnews.al

nendetese.jpg
Autor E12:46 | 09/12/2019

Prodhimi botëror i armëve është shtuar. Sipas studimit të Institutit të Stokholmit për Studimet Ndërkombëtare të Paqes”, 100 kompanitë kryesore të armatimit i kanë rritur sërish fitimet.

Edhe viti 2018 ka qenë vit i “mbarë” për 100 kompanitë më të mëdha të armatimit në botë. Fitimet e tyre janë rritur. Në total fitimi i tyre arriti vlerën e 420 miliardë dollarëve, 4,6% më shumë se në vitin 2017. Krahasuar me fitimet e vitit 2002, madje fitimet në sektorin e armatimit në botë kanë pësuar një rritje prej 47%. Ky është konstatimi i “Institutit të Stokholmit për Studimet Ndërkombëtare të Paqes”, SIPRI në studimin e publikuar për fitimet e 100 koncerneve kryesore botërore.

Në vendet e para renditen pesë koncernet më të mëdha amerikane. Edhe ato europiane i kanë rritur fitimet, edhe pse me 0,7%. Ato arritën një xhiro prej 102 miliardë dollarë, kurse fitimet e firmave ruse kanë rënë me 0,4%, gjithsej 36,2 miliardë dollarë.

SHBA në krye

Për herë të parë nga viti 2002 janë sërish pesë koncerne amerikane që kryesojnë grupin e koncerneve më të mëdha të armatimit. Fitimet e tyre zënë 35% të xhiros së 100 koncerneve kryesore në botë. Në vendin e parë qëndron koncerni Lockheed Martin, i cili e rriti fitimin me 5,2% në vitin 2018. Shtimi i fitimit i dedikohet rritjes së shitjeve të avionit luftarak, F-35 për qeverinë amerikane dhe vende të tjera.

Koncerni i dytë më i madh, Boeing me një xhiro prej 29,3 miliardë dollarësh amerikanë i ka rritur fitimet, sipas një dokumenti të administratës shtetërore amerikane “për shkak të një konkurrence strategjike ndërshtetërore”. Në këtë dokument thuhet, se qeveria amerikane i del ballë konkurrencës me sfiduesit e saj, Kinën dhe Rusinë. Qeveria amerikane ka marrë angazhimin në vitin 2017 që ta zgjerojë programin e saj ushtarak.

Britania e Madhe aktor i rëndësishëm

Nga Europa vijnë 27 nga 100 koncernet më të mëdha botërore. Prodhuesi më i madh i armëve në Europën Perëndimore mbetet Britania e Madhe e ndjekur nga Franca. Tek britanikët koncerni më i madh është BAE Systems ka 83.000 punëtorë. Prodhuesit e armëve në Britaninë e Madhe arritën një fitim prej 35,1 miliardë dollarë në vitin 2018, kurse konkurrentët e tyre në Francë kanë arritur vetëm një fitim prej 23,2 miliardë dollarë. Pjesa e koncerneve gjermane në biznesin e armatimit në botë ka rënë në vitin 2018 me 3,8%.

Rusia rikthehet në skenë

Firmat ruse arritën një fitim prej 36,2 miliardë dollarë duke zënë kështu 8,6% të prodhimit botëror të armëve. Nga viti 2009 është rritur pjesëmarrja e firmave ruse në fitimet që sjell biznesi i armëve. “Kjo lidhet me investimet në rritje të Rusisë në prodhimin e armëve, në koordinim me një plan për modernizimin e armatimit në periudhën 2011-2020, si edhe në masë më të vogël në rritjen e eksporteve. Tek lista e 100 koncerneve kryesore botërore të prodhimit të armëve renditen ato nga Izraeli, India, Koreja e Jugut, Turqia, Australia, Kanadaja, Singapori. /DW/

ngj.jpg
in a12:17 | 09/12/2019

Një shpërthim i etheve të kuqe është raportuar nga mjekët pasi qindra fëmijë u infektuan në të gjithë Anglinë vetëm gjatë një javë.

Sëmundja ngjitëse e cila dikur shkaktoi mijëra vdekje në shekullin XIX, tani është në rritje – veçanërisht në mesin e fëmijëve të vegjël.

Infeksioni që shkakton skuqjen tronditëse të lëkurës, kryesisht prek të rinjtë, por nuk është aq serioz sa dikur sepse tani mund të mjekohet me antibiotikë.

Më shumë se 480 raste janë raportuar tani në të gjithë Anglinë dhe Uellsin, shkruan Mirror.

Numri më i madh i rasteve të reja ishte në veri-perëndim (105), Yorkshire dhe Humber (53) dhe East Midlands (59).

Në të gjithë kryeqytetin, 54 raste janë diagnostikuar gjithashtu, me 36 të tjerë në Londrën e jashtme, sipas statistikave zyrtare të shëndetit.

Mjekët shprehen se nuk është e zakonshme të shihet një rritje e kaq e madhe e numrit të rasteve të regjistruara në këtë periudhë të vitit, pasi infeksioni është jashtëzakonisht sezonal, tha një zëdhënës i Shëndetit Publik të Anglisë.

Ethet e kuqe zakonisht janë një sëmundje e butë e cila lehtë mund të mjekohet me antibiotikë por është tepër ngjitëse.

Mjekët gjithashtu rekomandojë pacientët të pushojnë, të pinë shumë lëngje dhe të përdorin tableta antihistamine ose locion kalamine për lehtësimin e simptomave që lidhen me skuqjen.

termet-3.jpg
Autor E12:15 | 09/12/2019

Italia u shkund mbrëmë nga një tërmet i magnitudës 4.5 të shkallës Richter, ndërsa lëkundje të tjera janë ndjerë edhe mëngjesin e sotëm duke risjellë në vëmendjen e banorëve tmerret e 10 viteve më parë në Aquila.

Lëkundjet e tjera kanë patur intensitet më të ulët, ndërsa megjithatë disa shkolla janë mbyllur dhe lëvizjet e trenave janë reduktuar.

Carlo Doglioni, president i Institutit Kombëtar të Gjeofizikës dhe Vullkanologjisë ka shpjeguar për mediat se tërmetet kanë lidhje me tërmetin në Aquila në vitin 2009. Sipas tij, këto janë provë se toka nuk ka gjetur akoma ekuilibrin dhe vazhdon të lëshojë energji.

Ai thotë se tërmeti në Itali nuk ka lidhje të drejtpërdrejtë me tërmetin që shkatërroi Durrësin dhe zona të tjera në Shqipëri duke shkaktuar mbi 50 viktima.

Sipas tij, këto tërmete janë forma të çlirimit të energjisë së akumuluar në vend. Ai shton se nuk ka një lidhje mes rajonit të Shqipërisë dhe qendrës së Italisë. Sipas tij, zona ku po godasin tërmetet në Itali është aktive nga pikëpamja sizmike shumë më përpara se të ndodhte tërmeti që goditi Shqipërinë.

varfe.jpg
in a11:59 | 09/12/2019

Komisioneri për zgjerimin dhe politikën e fqinjësisë, Olvier Varhelyi thotë se BE mund të korrigjoje gabimin e bërë në tetor me Shqipërinë dhe Maqedoninë e Veriut.

“Ky është takimi i parë i ministrave të jashtëm në të cilin marr pjesë në funksionin e komisionerit për zgjerimin dhe politikën e fqinjësisë dhe jam shumë i kënaqur me këtë detyrë. Ne zhvilluam një mëngjes pune me ministrat e jashtëm të Maqedonisë së Veriut dhe Shqipërisë së bashku me ministrat e jashtëm të Bashkimit Europian. Debati ishte shumë inkurajues. Duket se mund të ecim përpara dhe të korrigjojmë gabimin që u bë në tetor. Ne duhet të jemi gati për hapjen e negociatave të anëtarësimit me të dyja vendet në pranverë të vitit të ardhshëm”, u shpreh komisioneri për zgjerimin dhe politikën e fqinjësisë Olvier Varhelyi.

Mëngjesi i punës është organizuar me iniciativën e Greqisë për të dëgjuar dy ministrat Cakaj dhe Dimitrov mbi avancimin e përmbushjes së kritereve të caktuara për hapjen e negociatave të anëtarêsimit me dy vendet.

Maqedonia e Veriut dhe Shqipëria kanë një mbështetje të gjerë prej më shumë se 15 shtetesh anëtare të Bashkimit Europian për hapjen e negociatave të anëtarësimit me Shqipërinë dhe Maqedoninë e Veriut në mars të vitit të ardhshëm.

Por, që një vendim i tillë të bëhet i mundur kërkohet unanimitet i të gjitha shteteve anëtare./abcnews.al

21995854-7771263-image-a-2_1575876624998.jpg
Autor E09:51 | 09/12/2019

Pasojat e ngrohjes globale po ndjehen çdo ditë e më tepër në kontinent.

Dikur, banorët e fshatit Ryrkaypiy në veri-lindjen e largët të Rusisë as që do ta mendonin se do të mund të kishin të bënin me arinjtë polarë, por tani po ndodh.

60 prej tyre rrethuan fshatin sëfundmi duke kërkuar ushqim pasi moti nuk kishte qenë aq i ftohtë sa duhet për të ngrirë detin në mënyrë që ata të mund të gjuanin.

Përballë kësaj situate, forcat e rendit në fshat qëlluan me disa fishekzjarre në drejtim të tyre për t’i trembur.

Në fshat jetojnë rreth 730 banorë, të cilët tani duhet të përballen edhe me rrezikun e arinjve polarë që janë të uritur dhe mund t’i sulmojnë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono