Bota

donald-trump.jpg
in a12:40 | 25/01/2020

Ndërsa në senatin amerikan vijon procesi për shkarkimin, Donald Trump ka bërë një lëvizje strategjike në prag të zgjedhjeve presidenciale të muajit nëntor për të konsoliduar lidhjen e tij me elektoratin, duke marrë pjesë në marshimin për jetën në Washington. Kreu i Shtëpisë së Bardhë u shpreh se ishte një nder për atë, që të ishte presidenti i parë që merr pjesë në marshimin për jetën, kundër abortit.

Trump u shpreh se fëmijët ende të pa lindur nuk kanë pasur asnjëherë një mbrojtës më të fortë se ai në Shtëpinë e Bardhë. Presidentët amerikanë që në të kaluarën kanë kundërshtuar abortin si Ronald Regan dhe Xhorxh Bush nuk kanë marrë pjesë personalisht në marshim, për të shmangur që figura e tyre të lidhej me manifestuesit që kërkojnë të shpallet i paligjshëm aborti. Ata kanë zgjedhur bisedën telefonike për të ftuar organizatorët e marshimit në Shtëpinë e Bardhë.

Trump i cili në vitin 1999 ishte shprehur në një intervistë, në mbështetje të lirisë së zgjedhjes nga ana e grave, që në fushatën e parë elektorale kishte ndryshuar mendim. Ai tashmë kërkon mbështetjen e aktivistëve konservatorë, dhe e bën publikisht. Gjatë fjalës së tij ai u shpreh se demokratët kanë qëndrime radikale dhe ekstreme.

Ndërkohë në senat akuza e demokratëve përmbylli ekspozimin e çështjes për presionet e mundshme ndaj presidentit ukrainas Zelinski për të hetuar ndaj rivalit demokrat Xho Bajden dhe djalit të tij, si dhe për pengimin në hetimet e kongresit./abcnews.al

e30e241b-koronavirus-kina-1200x675-1.jpg
So Nila10:51 | 25/01/2020

Koronavirusi është një virus vdekjeprurës i cili ka shkaktuar deri më tani 41 viktima dhe mbi 1000 persona janë raportuar të infektuar. Ekziston një frikë e madhe persa i përket përhapjes së virusit në më shumë vende dhe autoritetet paralajmërojnë që njerëzit të bëjnë kujdes të madh.

Abcnews.al ju sjell gjithçka që duhet të dimë për virusin vdekjeprurës përmes 12 pyetjeve dhe përgjigjeve

1.Çfarë është virusi i ri?

Një virus i ri u shfaq në Kinë në dhjetor të 2019 dhe më pas u konfirmua se ishte një koronavirus i ri, që quhet “2019-nCoV”, dhe është anëtar i së njëjtës familje të madhe si virusi i mëparshëm SARS dhe MERS.

2.Çfarë janë koronaviruset?

Ato janë viruse të zakonshme dhe zakonisht shkaktojnë probleme të frymëmarrjes dhe kanë simptoma si të gripit  por disa janë më të rrezikshëm, siç ishin SARS dhe MERS disa vite më parë. Shumica e njerëzve infektohen me koronaviruse më të lehtë të paktën një herë në jetën e tyre, me simptoma të lehta deri në mesatare. Në disa raste, koronaviruset e zakonshëm mund të shkaktojnë infeksione të frymëmarrjes, siç janë pneumonia dhe bronkiti. Ato janë më të zakonshme tek kafshët në të gjithë botën dhe vetëm disa prej tyre janë infektojnë njerëzit. Rrallë herë ndodh që një koronavirus  mund të ndryshoj formë dhe të përhapet nga kafshët tek njerëzit, siç ndodhi me viruset SARS dhe MERS.

3.Cilat janë simptomat e virusit të ri?

Pacientët kanë ethe dhe kollë, dhe disa kanë probleme në frymëmarrje. Simptomat, të cilat janë shumë të ngjashme me SARS, vihen re midis ditës së dytë dhe javës së dytë pas marrjes së virusit.

4.Si diagnostikohet virusi dhe si kurohet?

Autoritetet kineze kanë indentifkuar gjenomin e ri të koronavirusit dhe kanë ndarë informacionin  duke lejuar kështu shkencëtarët nga e gjithë bota të studiojnë virusin. Nuk ka trajtime specifike antivirale për infeksionin, kështu që pacientët marrin ilaçe thjesht për simptomat e tyre dhe shpresohet se ata do të shërohen vete pas një kohe. Pushimi dhe marrja e shumë lëngjeve ndihmojnë në trajtimin e infeksionit. Ende nuk ka vaksinë për koronavirusin , por përpjekja tashmë ka filluar. Kompania farmaceutike amerikane ka njoftuar se është në fazat e hershme të zhvillimit të një terapie antivirale.

5.Nga e ka origjinën virusi?

Organizata Botërore e Shëndetit (OBSH) është ende në kërkim të burimit të virusit. Dyshimet përqendrohen në një treg ushqimi në Wuhan, ku u konfirmuan edhe rastet e para të virsuit. Një analizë gjenetike që krahason virusin e ri me më shumë se 200 koronaviruse dhe që është botuar në revistën mjekësore Journal of  Medicalologyology tregon se koronavirusi i ri ngjan me viruse që infektojnë gjarpërinjtë dhe lakuriqët.

Një mundësi është që “2019-nCoV” të rezultojë nga një kombinim i viruseve të veçantë që infektojnë këto dy lloje të kafshëve. Kjo mund të ketë ndodhur në natyrën ose tregun e Wuhan, ku kafshët kanë qëndruar  pranë njëra-tjetrës.

6.Si u përhap tek njerëzit?

E njëjta analizë gjenetike tregon se virusi me siguri zhvilloi aftësinë për të kaluar nga kafshët tek njerëzit falë një mutacioni specifik në gjenin e një proteine. Nëse virusi do të kalonte nga kafshët atëherë ai do të thithej nga disa njerëz përmes ajrit, siç besojnë disa shkencëtarë.

7.Në cilat vende është përhapur deri më tani?

Përveç Kinës, raste të virusit  janë raportuar edhe në vendet e tjera aziatike (Tajlandë, Japoni, Korenë e Jugut, Vietnam, Singapor), Australi, SHBA dhe Evropë (deri më tani vetëm në Francë).

8.A mund të jetë virusi ngjitës ?

Mënyra kryesore e transmetimit të virusit duket se është nga kafshët te njerëzit. Është shumë herët për të arritur në përfundime nëse virusi kalon nga personi në person, megjithëse besohet se në të vërtetë mund të transmetohet midis njerëzve. Sipas vlerësimeve të përkohshme të OBSH-së, aktualisht numri mesatar i infeksioneve të reja është 1.4 deri në 2.5 pacientë (krahasuar me gripin sezonal mesatarisht 1.3 për gripin sezonal).

9.Si transmetohet tek njerëzit?

Nga ajri me kollitje dhe teshtitje, me prekje (psh prekja e duarve), prekja e sipërfaqeve të ndotura (p.sh. çelësi i derës) dhe më pas prekja e gojës ose hundës, para se të lani duart.

10.Sa vdekjerprurës është?

Deri më tani, përqindja e vdekjeve nga rastet e konfirmuara është e ulët, rreth 4% (d.m.th. katër në çdo 100 pacientë me koronavirus), më pak se SARS dhe MERS. Shumica e viktimave ishin mbi 60 vjeç dhe kishin probleme të tjera shëndetësore para-ekzistuese, por u raportua  edhe vdekja e një personi të ri të shëndetshëm. Prandaj është ende shumë herët të kesh një pamje të qartë të vdekjeve nga koronavirusi i ri. Sipas një shkencëtari, ekziston frika që në të ardhmen mund të bëhet më vdekjeprurëse nëse arrin të përhapet më tej.

11.A mund ta krahasohet me virusin SARS dhe MERS?

Këto dy viruse të mëparshme patën simptoma më të rënda. Në disa pacientë ka shkaktuar edhe vdekje, por në shumicën e pacientëve ka pasur  simptoma më të lehta. SARS, i cili u shfaq në 2003 në jug të Kinës, besohet të ketë kaluar nga lakuriqi. Ky virus  infektoi më shumë se 8,000 njerëz dhe vrau 774, rreth një në dhjetë pacientë. Ndërsa MERS, i cili u shfaq në Arabinë Saudite në vitin 2012 dhe kaloi nga devetë tek njerëzit, ishte edhe më vdekjeprurës, duke vrarë një në tre persona.

12.A mundet që virusi i ri të prekë gjithë popullatën?

Që kjo të ndodhë, janë të nevojshme tre kushte: të infektohen të gjithë njerëzit, të riprodhohet brenda trupit të njeriut dhe të transmetohet lehtësisht nga njeriu në njeri. Deri më tani, të treja këto kushte nuk janë plotësuar./Përgatiti: Sonila Backa-abcnews.al

gruaja-4.jpg
Autor E10:35 | 25/01/2020

Një video dramatike është publikuar në rrjetet sociale, ku një grua në Rusi bie nga pallati, nga një lartësi më shumë se 27 metra dhe më pas ngrihet dhe vijon te ecë në rrugë sikur të mos kishte ndodhur asgjë.

Sipas “Daily Mail”, ngjarja ka ndodhur në Izluchinsk të Rusisë më 22 janar.

27-vjeçarja bie nga kati i nëntë, por për fatin e saj të mirë përfundon në një grumbull bore në fund të pallatit. Më pas, banorët që panë ngjarjen njoftuan menjëherë ambulancën.

Ajo ndodhet e shtruar në spital, jashtë rrezikut për jetën dhe më e çuditshmja, me asnjë frakturë në trup.

200122180833-chinese-cobra-file-restricted-super-tease.jpg
Autor E10:32 | 25/01/2020

Numri i vdekjeve nga një lloj i ri i virusit koronar midis qindra të infektuar në Kinë është rritur nga nëntë në 17, thanë autoritetet kineze.

Bilanci i të prekurve nga virusi u rrit në 571. Autoritetet në qytetin kinez Wuhan, ku u shfaq virusi, pezulluan të gjithë trafikun ajror dhe hekurudhor. 393 persona të tjerë dyshohet se janë infektuar me virus, por kjo ende nuk është konfirmuar, raporton Reuters.

Virusi u përhap nga Kina në disa vende të tjera, dhe pothuajse në të gjithë botën ka futur masa dhe kontrolle shtesë në aeroporte dhe vendkalime kufitare.

CNN shkruan se është zbuluar se burimi i koronës së re të virusit mund të jenë gjarpërinjtë – kobra dhe kraiti kinez.

Gjarpri i njohur si kraiti kinez ose kraiti tajvanez është një specie shumë helmuese e gjarprit që gjendet në pjesën më të madhe të Kinës qendrore dhe jugore dhe Azisë Juglindore. Sëmundja u raportua për herë të parë në qytetin kinez Wuhan në dhjetor 2019 dhe që prej asaj kohe është përhapur me shpejtësi në Kinë, si dhe në vende të tjera, përfshirë Shtetet e Bashkuara.

Studiuesit përdorën analizën e kodit të proteinave dhe e krahasuan atë me kodet proteinike të një virusi të gjetur në kafshë të ndryshme, si zogjtë, gjarpërinjtë, iriqët dhe lakuriqët, dhe zbuluan se kodet korale të proteinave njerëzore që gjenden te njerëzit janë më të ngjashmet me ato që gjenden te gjarpërinjtë.

Gjarpinj të tillë shpesh gjuajnë lakuriq, dhe sipas disa raporteve, këta gjarpinj shiten gjithashtu në një treg lokal të detit në Wuhan, duke rritur mundësinë që virusi mund të ketë kaluar nga lakuriqët, te gjarpërinjtë dhe më pas te njerëzit, duke çuar në përhapjen e virusit, transmeton KosovaPress.

Në fillim, sëmundja dukej se përhapet vetëm nga kafshët te njerëzit, dhe ekspertët arritën në përfundimin se kishte prova të transmetimit “të kufizuar” nga njeriu në njeri, por situata ndryshoi.

Gjithnjë e më shumë raste po shfaqen në mesin e njerëzve që nuk janë ekspozuar ndaj kafshëve të infektuara, me sëmundjen që ndodh si në familjarët ashtu edhe me personelin mjekësor që kujdeset për pacientët e infektuar.

Në mënyrë që të kalojnë nga kafshët te njerëzit, viruset duhet të përshtaten, domethënë, të fitojnë aftësinë për të sulmuar qelizat njerëzore, t’i shpëtojnë sistemit imunitar, të shumohen brenda organizmave dhe të jenë në gjendje të përhapen.

Zhvillimi i vaksinave për koronën e re të virusit do të marrë të paktën një vit, njoftoi të enjten Aleanca Global për Vaksina dhe Imunizim (GAVI).

Drejtori i GAVI, Set Berkeley, tha që ekspertët nuk dinin sa duhet për epidemiologjinë e sëmundjes së re për të qenë në gjendje të vlerësonin si duhet rrezikun në këtë kohë.

“Lajmi i mirë është se shkencëtarët tashmë kanë sekuencuar dhe botuar gjenomin e virusit, i cili ka lejuar disa organizata në botë të fillojnë të punojnë për vaksinën,” tha Berkeley për DPA.

Përveç Kinës, virusi koronë është raportuar në Japoni, Filipine, Korenë e Jugut, Tajvan, Tajlandë, SHBA, Hong Kong dhe Makau./kp

situ.jpg
in a10:20 | 25/01/2020

Numri i të vdekurve në Kinë nga shpërthimi i koronavirusit të ri po vazhdon të rritet. “Numri i viktimave që kanë humbur jetën ka arritur në 41. 39 prej tyre ishin në Provincën Hubei qendrore të Kinës, një në provincën Hebei në veri të Kinës dhe një në Provincën Heilongjiang të veri-lindjes së Kinës,” shkruan agjensia e lajmeve Xinhua.

Ndërkohë Komisioni Kombëtar i Shëndetit në Kinë, bëri me dije se gjithsej ishin 1,287 raste të konfirmuara të pneumonisë të shkaktuara nga koronavirusi i ri (2019-nCoV), 237 prej të cilave ishin në kushte kritike.

Ndërkohë mediat e huaja shkruajnë se, Liang Wudong, një mjek në Spitalin Hubei Xinhua i cili kishte qenë në vijën e parë të betejës për të ndihmuar pacientët e prekur nga virusi, ka humbur jetën. Mësohet se mjeku ishte rreth moshës 62 vjeç./abcnews.al

Capture-138.jpg
So Nila10:10 | 25/01/2020

Kina njoftoi sot se do të zgjerojë karantinën për të ndaluar përhapjen e virusit të ardhur  nga Ohan, duke izoluar kështu 56 milion njerëz, sipas llogaritjeve të Agjencisë Franceze.

Në pesë qytete të tjera në Provincën Hubei (Kina qendrore) u shtuan 13 raste të prekur nga virusi dhe veç kësaj në këto zona është pezulluar transporti publik dhe janë mbyllur  autostradat qëndrore.

Në të njëjtën kohë, autoritetet kineze kanë marrë masa në nivel kombëtar për të zbuluar rastet e mundshme të koronavirusit në trena, autobusë  dhe aeroplanë. Sipas një deklarate nga Komisioni Kombëtar i Shëndetit, do të vendosen pikat e kontrollit dhe të gjithë udhëtarët me simptoma të pneumonisë do të “transportohen menjëherë” në një qendër mjekësore.

Në të njëjtën kohë, Japonia konfirmoi një rast të tretë të koronavirusit. Sipas ministrisë së shëndetit të vendit është një grua e moshës rreth 35 e cila jeton në Ohan dhe mbërriti në Japoni më 18 janar./abcnews.al

Coronavirus_China_Wuhan-866x487-1.jpg
Autor E10:10 | 25/01/2020

Një ekspert në Kinë ka pohuar se koronavirusi vdekjeprurës mund të përhapet nëpërmjet syve.

Koronavirusi vrasës, që po përhapet me shpejtësi, mund të transmetohet edhe përmes syve. Kështu kanë paralajmëruar shkencëtarët.

Eksperti i njohur kinez, Wang Guangfa tha se ai e ka marrë virusin e ngjashëm me SARS për shkak se nuk mbante veshur syzet mbrojtëse.

Daily Mail shkruan se edhe ekspertë të tjerë kanë konfirmuar se egziston mundësia që virusi të hyjë përmes syve.

Po ashtu, ata paralajmërojnë se virusi, që mendohet se përhapet përmes kollës dhe tështimave- mund të lëvizë në trup duke shkuar në sy.

kinez.jpg
in a09:23 | 25/01/2020

Një ekspert në Kinë ka pohuar se koronavirusi vdekjeprurës mund të përhapet nëpërmjet syve.

Koronavirusi vrasës, që po përhapet me shpejtësi, mund të transmetohet edhe përmes syve. Kështu kanë paralajmëruar shkencëtarët.

Eksperti i njohur kinez, Wang Guangfa tha se ai e ka marrë virusin e ngjashëm me SARS për shkak se nuk mbante veshur syzet mbrojtëse.

Daily Mail shkruan se edhe ekspertë të tjerë kanë konfirmuar se egziston mundësia që virusi të hyjë përmes syve.

Po ashtu, ata paralajmërojnë se virusi, që mendohet se përhapet përmes kollës dhe tështimave- mund të lëvizë në trup duke shkuar në sy.

 

gsgsgs.jpg
Autor E09:13 | 25/01/2020

Tërmeti me magnitudë 6.8 të shkallës Richter në Turqinë jug-lindore ka shkaktuar një bilanc tragjik me 22 viktima të konfirmuara, dhjetra nën rrënoja dhe më shumë se 1 000 të lënduar.

Zbardhja e ditës ka shfaqur edhe dimensionin e vërtetë të shkatërrimit duke sjellë në vëmendjen e turqve tërmetin e vitit 1999 nga i cili vdiqën 17 000 persona.

Krahas shkatërrimit në goditjen e parë, tërmeti shkaktoi edhe zjarr në disa godina për shkak të shpërthimit të gazit.  /abcnews.al

View this post on Instagram

Elazığ'ın Maden ilçesinde Richter ölçeğine göre 6.8 büyüklüğündeki depremde yıkılan binanın enkazının altında kalan 6 aylık hamile Pınar Dişli ve oğlu 12 yaşındaki Miraç, 8 dakika arayla yaralı olarak kurtarıldı. Hastaneye kaldırılan yaralılardan Miraç Dişli, kurtarılamadı. Elazığ'da dün saat 20.55'te merkez üssü Sivrice ilse olan 6.8 büyüklüğündeki deprem sırasında Maden ilçesine bağlı Gezin Mahallesi'ndeki 4 katlı Mavi Göl apartmanı yıkıldı. Binada oturan 5 kişi enkaz altında kaldı. AFAD ekipleri, depremzedeleri kurtarmak için çalışma başlattı. Depremin hemen ardından Rabia Göğdemir yaralı kurtarıldı. Saat 00.30 sıralarında ise Maviye Buğdaylı'nın cansız bedenine ulaşıldı. #miraç #elazığ #afad #hamile #kurtarma #deprem #malatya #diyarbakir

A post shared by Enteresan Bilgiler (@enteresanbilgileryt) on

106354446-1579895686858gettyimages-1195290556-1280x852.jpeg
So Nila08:46 | 25/01/2020

Franca ka konstatuar tre rastet e para të të infektuarve me koronavirusin e përhaput ditët e fundit në Kinë.

Ministria Franceze e Shëndetësisë bën me dije se tre rastet e shënuara në Francë shënojnë dhe rastet e para të të infektuarve në Europë.

Njëri pacient është 48 vjeç në jug-perëndim të Bordos, shprehet në deklaratë ministria.Francezi 48 vjeçar kishte udhëtuar në Kinë dhe kishte vizituar Ëuhan-in përpara se të kthehej në Francë me 22 janar. Ai i ka bërë testet mjekësore dhe që pas testeve 48 vjeçari është izoluar në shtëpi dhe nuk ka dalë jashtë.

ndërkohë si pasojë e koronavirusit deri më tani kanë humbur jetën 41 persona në Kinë dhe mbi 1300 të tjerë janë infektuar./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono