Bota

tet.jpg
in a17:03 | 22/11/2019

Mediet e huaja kanë publikuar pamjet e rënda teksa një avion ‘Boeing Co 777’ i “Philippine Airlines” i nisur drejt Manilas, është përfshirë nga flakët.

Në pamje duket momenti kur njëri krah i avionit shpërthen në flakë, ndërsa thuhet se shkak ka qenë një defekt në një nga motorët. ‘Boeing Co 777’ është detyruar të rikthehet në pistën e Los Angeles. Sipas njërit prej pasagjerëve, katër goditje të forta u dëgjuan në kabinë pas ngritjes më pas motori “shpërtheu dhe u përfshi në flakë”.

Momenti i shpërthimit ka shkaktuar panik të pasagjerët, disa prej të cilëve pasagjerë filluan. Sipas përfaqësuesit të portit të ajrit, motori shpërtheu në flakë për shkak të një mosfunksionimi mekanik. Ndërkohë bëhet e dirat se asnjë nga pasagjerët në fluturim nuk u lëndua dhe se u transferuan në një aeroplan tjetër./abcnews.al

VIDEO

89-2.jpg
in a16:11 | 22/11/2019

Presidenti rus, Vladimir Putin premtoi se Rusia do të perfeksionojë armën misterioze e cila në 8 gusht shkaktoi një shpërthim në një poligon ushtarak në verilindje të Rusisë. Nga shpërthimi mbetën të vrarë dy ushtarë dhe pesë inxhinierë bërthamorë, si dhe u rrit niveli i radioaktivitetit në zonë për një periudhë të shkurtër.

Lajmi është raportuar nga BBC. Presidenti rus e bëri këtë deklaratë gjatë takimit me familjarët e viktimave duke shtuar se është një armë e pakrahasueshme me asgjë tjetër në botë./abcnews.al

56-1280x720.jpg
in a15:08 | 22/11/2019

Më shumë se 100 persona mbetën të vrarë në revolucionin pro Europë në sheshin Maidan, gjashtë vjet më parë. Ukraina përkujton ata që humbën jetën në përpjekje për të shkëputur vendin nga bota ruse.

Protestat e të ashtuquajturit “Revolucion i Dinjitetit” filluan pasi Janukovic, mik i Kremlinit, u tërhoq nga një marrëveshje e parashikuar për të pasur marrëdhënie më të ngushta me Bashkimin Europian. Dhe në fakt u transformua në një revolucion pro Europës.

Janukovic u arratis nga vendi tre muaj pas fillimit të protestave për shkak të përplasjeve mes manifestuesve dhe forcave të rendit, ku humbën jetën më shumë se 100 persona, mes të cilëve dhe 20 policë dhe ushtarë. Ata u vranë në harkun kohor mes 18 dhe 24 shkurtit 2014 në sheshin Maidan. Viktimave të atyre ditëve i kushtohet dhe memoriali i vizituar nga presidenti aktual ukrainas Zelenski.

Në historinë e Ukrainës, revolta e sheshit Maidan përfaqëson ndarjen përfundimtare nga bota ruse, me të cilën vendi ende po përballet, në pritje të një zgjidhjeje politike të konfliktit në Donbas, rajon i Ukrainës lindore në kufi me Rusinë./abcnews.al

brasili-1280x628.jpg
nev ila15:00 | 22/11/2019

Vendimi për të nderuar figurën e diktatorit të Kilit, Pinocet, nga ana e parlamentit të Brazilit, ka shkaktuar indinjatë dhe polemika në vend. Ceremonia solemne do të mbahet në 10 dhjetor, në ditën ndërkombëtare të të drejtave të njeriut.

Parlamenti i Brazilit do bëjë homazhe në 10 dhjetor për diktatorin e Kilit Augusto Pinocet. Deklarata shokuese u bë nga vetë parlamenti, dhe u vendos për datën 10 dhjetor kur festohet dhe dita ndërkombëtare për të drejtat e njeriut.

Ceremonia solemne në kujtim të Pinocet do të mbahet pas kërkesës së deputetit Frederiko D’Avila, i partisë social liberale, parti me të cilën kandidati i ekstremit të djathtë Bolsonaro fitoi zgjedhjet presidenciale në vitin 2018.

“Pinocet” është bërë trendi i tretë më i komentuar në Tuiter, në Brazil, pasi mediat publikuan lajmin. Çështja ka shkaktuar polemika dhe debate mes përdoruesve të platformës sociale.

Presidenti Bolsonaro – i cili ka bërë homazhe dhe për një torturues të diktaturës braziliane, Alberto Brilante Ustra, dhe që miraton regjimin ushtarak Brazilian – në shtator shkaktoi polemika dhe indinjatë me festimin në nder të diktaturës kiliene.

Presidenti aktual i Kilit, Sebastian Pinera, dhe pse është një aleat i Bolsonaro, dënoi deklaratat e homologut Brazilian./abcnews.al

twitterrr-1.jpg
ger ta14:19 | 22/11/2019

Nuk do të ketë më reklama politike në Twittter. Duke nisur nga e premtja, në rrjetin social nuk do të jetë më i mundur publikimi i reklamave me sfond politik. Një zgjedhje “politically correct”, por dhe një vetë rregullim i domosdoshëm për të shmangur manipulimin e platformës Twittter, si i ka ndodhur mediave të tjera sociale.

Drejtori i përgjithshëm i Twitter, Xhek Dorsej u shpreh se do të ishte mirë që politikanët të fitonin besimin e votuesve dhe jo ta blinin atë.

Analistët nga ana tjetër shprehen se mediat sociale kanë nevojë për një rregullim shumë të fortë nga ana e organizmave zyrtarë, njësoj si janë rregulluar gjithnjë mediat tradicionale.

Tuiter është gjiganti i fundit social që kryen një rregullim të brendshëm, pas Google e Facebook, tehemeluesi i të cilit nuk ka ndaluar reklamat politike duke shpjeguar se në një demokraci nuk është e drejtë që kompanitë private të censurojnë politikanët.

Prova e parë që do të mund të vërtetojë nëse ky vendim i Twitter do të funksionojë ose jo, do të jetë ajo e zgjedhjeve të përgjithshme në Mbretërinë e Bashkuar, me dy kandidatë shumë social si Boris Johnson dhe Yeremi Corbin.

Zëdhënësi i shtëpisë së bardhë e komentoi lajmin si një përpjekje e rradhës së majtës për të mos lënë presidentin amerikan Trump që të shprehet./abcnews.al

 

rudinaa.jpg
ger ta13:32 | 22/11/2019

Parlamenti rus miratoi amendamentet kontroverse të ligjit për median, duke lejuar autoritetet ruse të cilësojnë si agjentë të huaj dhe individë të caktuar si gazetarë dhe blogerë.

“Amnesty International” dhe “Reporterët pa kufij” e cilësuan projektin si një hap më shumë drejt kufizimit të mediave të lira dhe të pavarura.

Pro amendamenteve votuan 311 deputetë, ndërsa 4 abstenuan. Ligji i ri duhet të miratohet nga senati dhe më pas të firmoset nga presidenti rus Putin./abcnews.al

daniela-karasko-1280x585.jpg
nev ila12:42 | 22/11/2019

Misteri i vdekjes së Daniela Karasko, me emrin e artit “El Mimo”, ka shkaktuar zemërim në Kili. Hashtagu #Drejtësi për Mimo ka pushtuar rrjetet sociale. Artistja e rrugës, u gjet e varur në një pemë në një park në periferi të Santiagos.

Ajo ishte pjesë aktive e manifestimeve kundër varfërisë që kanë pushtuar vendin që nga 14 tetori. Sipas analizave të policisë shkencore, të bëra publike një muaj pas gjetjes së viktimës. Gruaja ka humbur jetën si pasojë e mbytjes. Por tashmë në vend flitet për një vdekje simbolike.

Herën e fundit që u pa gjallë ajo ndodhej në burg, sipas dëshmitarëve që shkruajnë në rrjetet sociale. Në fillim u fol menjëherë për vetëvrasje, por më pas teza se ajo ishte një vdekje simbol në shenjë paralajmërimi për femrat që marrin pjesë në protesta, mori më shumë mbështetje.

Organizata feminist në vend shprehen se ajo është përdhunuar, torturuar dhe më pas është vrarë. Një grup aktoresh vendase shprehen se ajo është rrëmbyer nga forcat ushtarake në protestën e 19 tetorit.

Analizat e mjekut ligjor dhe deklaratat e prokurorisë kilene thonë se gruaja ka vdekur si pasojë e mbytjes së shkaktuar nga litari që e mbante lidhur në pemën ku u gjet. Autopsia nuk zbuloi dhunë seksuale apo fizike. Instituti kombëtar për të drejtat e njeriut, për momentin nuk ka bërë asnjë ankesë.

Presidenti i Kilit Pinera nga ana e tij pranoi se ka pasur një përdorim të ekzagjeruar force nga ana e policisë, dhe se të drejtat e neriut nuk janë respektuar. Madje kreu i shtetit pranoi se ka pasur dhe abuzime. Por Pinera premtoi se dhuna dhe abuzimet nuk do të mbeten pa ndëshkuar, dhe se drejtësia do të vihet në vend./abcnews.al

biznesmeni-maltez-1280x712.jpg
nev ila12:38 | 22/11/2019

Biznesmeni maltez Jorgen Fenek, i dyshuar si urdhëruesi i vrasjes së gazetares Galicia, është lënë në liri me kusht. Lajmi shkaktoi shumë zemërim dhe polemika kryesisht në rrjetet sociale në Maltë.

Lihet në liri me kusht biznesmeni maltez Jorgen Fenek, i dyshuar se është urdhëruesi i vrasjes së gazetares Dafne Karuana Galicia.

Lajmi është publikuar nga “The Times of Malta”, duke theksuar se biznesmeni do të merret sërish në pyetje. Fenek u arrestua të mërkurën teksa përpiqej të largohej nga ishulli me jahtin e tij, me idenë për të shkuar në Itali ose Greqi.

Lirimi i tij, dhe pse me kusht dhe nën vëzhgimin e policisë, shkaktoi zemërim në rrjetet sociale, me shumë mesazhe të cilat vënë në dyshim vullnetin e qeverisë malteze për të zbardhur ngjarjen.

Ditën e arrestimit të Fenek, selia e qeverisë së Maltës u rrethua nga një zinxhir njerëzor, në një protestë të re për të kërkuar dorëheqjen e kryeministrit Muskat. Ky i fundit konfirmoi se Fenek është i dyshuari kryesor për vrasjen e gazetares./abcnews.al

shoqet.jpg
ger ta11:02 | 22/11/2019

Një 19-vjeçare ka qenë në burg për 16 muaj pasi kafshoi në fytyrë shoqen e saj pas një sherri për ish-të dadhurin e kësaj të fundit në një klub nate.

Danielle Gaffar, 19 vjeç, kreu sulmin e tërbuar ndaj Kyra Strachan, atëherë 18 vjeç, në klubin Aura në Dundee, Skoci më 3 shkurt.

Gjykata e Dundee mësoi se dy vajzat ishin mikesha por ishin grindur për shkak të ish të dashurit të Gaffer.

Gjykatësi tha se Kyra kishte nevojë për operacione plastike si rezultat i sulmit. Gaffar pranoi fajin që e kishte kapur nga flokët shoqen e saj, duke e hedhur në dysheme dhe i ka vendosur brrylin në fyt e më pas e ka kafshuar duke i shkaktuar shpërfytyrim të përhershëm në fytyrë.

Fotografitë e tmerrit të postuara në mediat sociale në atë kohë treguan faqen e Kyra-s pas sulmit./abcnews.al

vajza-2.jpg
Autor E11:00 | 22/11/2019

Zhdukja e një turisteje të re britanike më 1 dhjetor të vitit të shkuar tërhoqi vëmendjen e opinionit publik në mbarë botën.

Teksa ngjarja nisi të merrte mbulim mediatik nga çdo cep i planetit, më 9 dhjetor u zbulua trupi i të ndjerës.

Grace Millane ishte 22 vjeç kur u zhduk në Zelandën e Re.

Tashmë në gjyq është mësuar e vërteta.

Sipas BBC, turistja britanike vdiq gjatë një aktiviteti seksual konsensual.

Një 27-vjeçar i arrestuar për ngjarjen tha se ajo u mbyt gjatë seksit.

Çifti ishte njohur përmes një aplikacioni online. Britanikja, e cila priste të festonte ditëlindjen, ishte e fiksuar pas metodave sadomazokiste të seksit.

Pasi konsumuan alkool për orë të tëra, çifti shkoi në dhomën e tyre të hotelit.

Avokati i të akuzuarit tha se seanca seksuale shkoi gabim. Sipas tij, kjo nuk është vrasje edhe pse klienti i tij e mori trupin në valixhe dhe e groposi në një zonë malore.

Ai shtoi se rastet kur një person vdes nga mbytja gjatë seksit janë të rralla, sidomos kur të angazhuarit nuk kanë shumë eksperiencë.

Gjykata dëgjoi se si vajza kishte marrë disa leksione për mbytjen gjatë seksit dhe i kishte kërkuar atij t’i fuste duart në fyt.

Mendohet se alkooli ka kontribuar në këtë rast.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono