Aktualitet

Tryeza-1.jpeg
ger ta18:41 | 20/01/2020

Dy bashkëkryetarët e Komisionit Parlamentar për Reformën Zgjedhore Damian Gjiknuri dhe Rudina Hajdari i janë drejtuar me letër zyrtare ODIHR-it ku kërkojnë nga ana e tyre dërgimin e një eksperti qeë do të punojë sëbashku me ekspertet vendas në hartimin e drafteve përfundimtare në kuader të Reformes Zgjedhore.

Nderkaq, Komisioni mbetet në pritje të caktimit të eksperteve nga opozita jashtëparlamentare që sëbashku me ekspertët e komisionit të fillojnë menjëhere dhe pa humbur kohë punën në zbatim të marrëveshjes së arritur pak dië më parë./abcnews.al

kuvendi-ekonomi.jpg
ger ta18:12 | 20/01/2020

Milva Ekonomi është zgjedhur kryetare e re e Komisionit të Ekonomisë.

Ekonomi do të zëvendësojë në këtë post Arben Ahmetajn, i cili u zgjodh ministër i Shtetit për Rindërtimin, për shkak të pasojave të termetit.

Ky vendim është marrë në mbledhjen e grupit të PS këtë pasdite, ndërsa u zyrtarizua me votat e deputetëve në seancën e sotme plenare, për sesionin e ri parlamentar.

Ndërkaq, ish ministrja e Kulturës Mirela Kumbaro është zgjedhur nënkryetare e Komisionit të Medias dhe Edukimit në vendin që deri më tani e mbante Ekonomi./abcnews.al

 

hajdari.jpg
ger ta17:50 | 20/01/2020

Gjatë fjalës së saj në seancën e parë parlamentare për këtë sesion të ri, Rudina Hajdari ka zbuluar arsyen pse pranoi të ulet në tryezën e marrëveshjes për Reformën Zgjedhore.

Hajdari u shpreh se pranoi të ulet në atë tryezë, pasi sipas saj kjo reformë do u kthejë shqiptarëve besimin tek vota.

Ndërkaq, shtoi se po ashtu nuk do të jenë bllokues të saj, por nuk do lejojnë që kjo tryezë të kthehet në një pazar politik në kurriz të qytetarve.

Dua t’i shpjegj shiptarëve arsyen pse u ula në atë tryezë. Unë u ula në atë tryezë për tu garatuar atyre se Reforma Zgjedhore do të jetë nga ato që do reformojë sistemin që tu jaë shqiptarëve besimin e plotë për votën, që të jenë në gjendje të zgjedhin dhe jo thjeshtë të votojnë. Ne nuk do cedojmë në asnjë lloj pike. Kuptohet që ne nuk do bëhemi bllokues, por nuk do lejojmë që Reforma të bëhet pazari i radhës në kurriz të shqiptarëve. Angazhimi ynë do jetë në funksion të kësaj axhende. Ne do  ju japim një reformë të thellë të Reformës Zgjedhore. Ne kemi nevojë për më shumë mbështetje nga qytetarët. Është e qartë se ne po përjetojmë një krizë të thellë ndaj shtetit. Reforma nuk do jetë pazari i radhës politik midis dy partive. Ndaj dua të theksoj që ne duhet të testojmë çfarë duan qytetarët shqiptarë, duke e testuar ndoshta edhe përmes një referendumi apo cfarëdo forme tjetër. Unë mendoj se shqiptarët duhet të zgjedhin me lista të hapura”, tha Hajdari.

Gjithashtu deputetja falenderoi edhe njëherë opozitën jashtë Parlamentit që pranoi të ulet në tryezë, ndërsa shtoi se Reforma Zgjedhore është e vetmja mënyrë për të nxjerrë vendin nga kriza.

Ne sot duhet të largohemi nga tendenca autoritare dhe nga papërgjegjshmëria që përjetuam vitin e kaluar. Dalja nga kjo krizë duhet të vijë nga reformat e mëdha. Reforma në drejtësi dhe ajo zgjedhore. Gjatë këtyre muajve të fundit angazhimi ynë si deputetë të opozitës ka qenë që ne të hapim debatin e madh për ndryshimin e sistemit. Unë dua ti falenderoj të gjithë edhe opozitën jashtë parlamentare që më në fund pranoi të ulet. Kjo refomë nuk duhet të mbetet si një pazar i radhes. Ne duhet t’u kthejmë shqiptarëve beismin te vota”, u shpreh Hajdari./abcnews.al

MBLEDHJA-E-GRUPIT-PS-1280x720.jpg
nev ila17:33 | 20/01/2020

Pak para nisjes së seancës parlamentare, Partia Socialiste ka mbledhur grupin parlamentar.

Mësohet se gjatë mbledhjes, përvec propozimit të Milva Ikonomit për të zëvendësuar Arben Ahmetajn në postin e kreut të Komisionit të Ekonomisë, dhe mbështetjen për kandidaturën e Artur Metanit, si kreu i ILD, ky grup ka bërë edhe propozimin për kreun e Komisionit të Medias dhe Edukimit.

Sipas mbledhjes së grupit socialist është Mirela Kumbaro, e cila do të duhet të zëvendësojë Milva Ikonomin në pozicionin e kreut të Komisionit të Medias dhe Edukimit./abcnews.al

urbani.jpg
ger ta17:06 | 20/01/2020

Autobusi urban i linjës Kamëz-Tiranë është përfshirë nga flakët pasditen e sotme.

Urbani ka marrë flakën në pjesën e pasme të tij. Ndërkaq, siç shihet nga pamjet e siguruara nga abcnews.al është bllokuar për disa çaste qarkullimi i automjeteve  në njërin sens në “Bulevardin blu” të Kamzës.

spaho.jpg
ger ta16:35 | 20/01/2020

Nisja e sesionit të ri Parlamentar për Partinë Demokratike nuk ka asnjë pritshmëri për aq kohë sa institucioni cilësohet ilegjitim. Nënkryetari i Partisë Demokratike, Edmond Spaho në një intervistë për ABC NEWS sqaron se angazhimi i vetëm për opozitën do të jetë Reforma Zgjedhore.

Në përputhje me marrëveshjen që u nënshkrua pak kohë më parë do të japim kontributin tonë. Është e vetmja çështje në të cilën opozita është e angazhuar në nëntë çështjet që ka vendosur Bundestagu si kushte për të hapur negociatat. Do ta japim këtë kontribut. Më pas duhet që Reforma Zgjedhore të zbatohet, që do të thotë se duhet të ketë zgjedhje të parakohshme të përgjithshme, mundësisht së bashku me ato vendore në të njëjtën ditë”, shprehet Spaho.

Ndonëse janë pjesë e të njëjtën tryeze, demokratët i druhen lojërave politike të maxhorancës dhe paralajmërojnë se nëse do të ketë tentativa për zvarritje opozita do të dalë në rrugë.

Nëse mazhoranca do të fillojë të rihyjë në lojën e zvarritjeve, pasi në fund të 2019 e zvarriti procesin e Reformës Zgjedhore, ne do të shikojmë opsionet tona dhe të jeni të bindur se protestat do të jenë mjeti më i sigurtë për t’ju përgjigjur atyre në përpjekjet që do bëjnë për të zvarritur procesin e përfundimit të Reformës Zgjedhore”, deklaron ai.

Kur drafti i reformës do të jetë përmbyllur, Spaho flet për pritshmëri reale të opozitës për ta çuar vendin në zgjedhje të parakohshme.

Zgjedhjet e parakohshme janë i vetmi mjet për të kapërcyer krizën e thellë dhe e vetmja rrugë do të ishte një qeverisje e re që të marrë përgjegjësitë për të adresuar të gjithë këto probleme. Ne nuk kemi hequr dorë nga kërkesa për një qeveri tranzitore pa Edi Ramën kryeministër”, shprehet Spaho.

Në tryezën e reformës, PD do të paraqesë edhe propozimin që një qeveri kujdestare të jetë ajo që të administrojë vendin përpara çdo procesi zgjedhor.

Deri sa vendi të anëtarësohet në BE, 2-3 muaj përpara zgjedhjeve të krijohet një qeveri kujdestare, e cila t’ju sigurojë palëve asnjëanësinë dhe zgjedhje me kredibilitet”, thotë Spaho.

Krahas angazhimit të saj për Reformën Zgjedhore, Partia Demokratike do të vijojë betejën e saj publike dhe ligjore me denoncimin e kryebashkiakëve socialistë me të kaluar kriminale./abcnews.al

ardian.jpg
Autor E16:24 | 20/01/2020

Endrit Dokle dhe Lulzim Berisha nuk janë të vetmit ish-anëtarë të Bandës së Durrësit që janë liruar nga burgu sëfundmi.

Gjykata e Shkallës së Parë të Fierit ka liruar më datë 22 tetor të vitit të shkuar Sardian Sulejmanin, i cili është dënuar me 25 vite burg në korrik të vitit 2014 me akuzën “Vrasje e mbetur në tentativë” të përsëritur dy herë.

Fillimisht ai tentoi të vriste Lulzim Berishën në gushtr 2005 dhe më pas Avni Gashin në tetor të këtij viti.

Gjyqtari Piro Sota pranoi kërkesën e Sulejmanit për të ndërprerë periudhën e dënimit më datë 22 tetor të vitit të shkuar duke i falur atij 4 vite e 10 muaj e 17 ditë burg.

Gjyqtari i është referuar një raporti të Zyrës Vendore të Shërbimit të Provës në Fier, e cila ka argumentuar me dhjetë pika se Sardian Sulejmani mund të integrohet në shoqëri dhe se nuk është më person me rrezikshmëri të lartë siç shkruhet në vendimin e siguruar nga abcnews.al.

Në këtë raport thuhet se ai ka qenë i ri kur ka kryer krimin duke mos kuptuar rrethanat e ngjarjes, ndërsa ashtu si edhe të tjerë më parë, Sulejmani ka premtuar se do të punësohet dhe se do të jetë një qytetar i mirë pasi të dalë nga qelia.

Gjyqtari ka pranuar gjithashtu faktin se babai i Sardian Sulejmanit jetonte vetëm pasi bashkëshortja dhe djali tjetër i kishin vdekur, rrjedhimisht ai donte shoqëri që mund t’ja jepte djali tjetër, pikërisht Sardiani.

“Gjendja shëndetsore e të atit të të dënuarit nuk është e mirë, pasi ka probleme me zemrën, për të cilën ka qënë disa herë i shtruar në spital dhe merr mjekim. Gjithashtu edhe gjendja emocionale e tij është shumë e rënde për shkak të vdekjes së djalit të madh në vitin 1999 dhe bashkëshortes se tij ne vitin 2016, duke ndikuar edhe në gjendjen e tij shëndetsore ne tëresi dhe ka nevoje per përkujdesje të vazhdueshme si dhe mbeshtetje emocionale nga djali i tij, pasi është e vetmja familje që i ka mbetur”, shkruhet në raport.

Njësia Administrative nr.2 Bashkia Fier, është lëshuar një akt-mirësjellje, ku evidentohet fakti se:“familja e Barjam Sulejmanit, babai i Sardian Sulejmanit, është e përbërë nga dy anëtarë Sardiani dhe Barjami. Babai, Bajrami jeton i vetëm pasi Sardiani i biri, ka vite që ndodhet ne burg. Kjo familje është banore e lagjes Konferenca e Pezës, Njësia Administrative nr.2 Fier dhe gëzojnë respekt në komunitetin ku jetojnë. Nëna e kërkuesit ka vdekur në spitalin e Durrësit në 12 nënëtor 2016, ndërsa vëllai i ka vdekur në vitin 1999”.

Argumentet e Zyrës së Shërbimit të Provës për Sulejmanin

1-Gjatë 1-2 viteve të fundit që ka vuajtur dënimin në IEVP ka shfaqur sjellje korrekte me bashkëvuajtësit si dhe me punonjësit,duke respektuar rregulloren dhe ligjet në fuqi,duke treguar kështu që është arritur qëllimi për edukimin e tij.

2-Nga vërtetimi i gjëndjes gjyqësore figuron se i dënuari Sardian
Sulejmani nuk ka qenë më parë i dënuar.

3-I dënuari nuk rezulton të ketë probleme me përdorimin e alkoolit, apo të lëndëve narkotike, faktor i cili ndikon ne proçesin e riintegrimit të të dënuarit në shoqëri dhe shërben si faktor parandalues në kryerjen e sjelljeve devijante në shoqëri.

4-I dënuari ka paraqitur një premtim për lidhje kontrate pune dhe shprehet se është i motivuar për të punuar dhe për të siguruar të ardhura për familjen.

5-Gjendja shëndetsore e të atit të të dënuarit nuk është e mirë, pasi ka probleme me zemrën, për të cilën ka qënë disa herë i shtruar në spital dhe merr mjekim. Gjithashtu edhe gjendja emocionale e tij është shumë e rënde për shkak të vdekjes së djalit të madh në vitin 1999 dhe bashkëshortes se tij ne vitin 2016, duke ndikuar edhe në gjendjen e tij shëndetsore ne tëresi dhe ka nevoje per përkujdesje të vazhdueshme si dhe mbeshtetje emocionale nga djali i tij, pasi është e vetmja familje që i ka mbetur.

6-Ne kohën e kryerjes se veprës penale i dënuari ka qënë ne një
moshë shumë te re për te kuptuar si duhet pasojat e veprimeve te tij, e shoqeruar kjo edhe nga ndikimi negativ i personave të tjerë si dhe nga humbja e vëllait ne kohen kur i dënuari ishte ende i mitur.

7-Gjatë intervistave me punonjësin e Shërbimit të Provës i dënuari Sardian Sulejmani shprehet thellësisht i penduar për veprën penale që ka konsumuar, është i ndërgjegjësuar për veprën dhe dënon veprimin e tij, ç’ka tregon se ky i dënuar është rehabilituar dhe është i gatshëm për t’u riintegruar në shoqëri.

8-Familja e te denuarit ka kushte te mira banimi, pra ne momentin qe mund te lirohet me kusht, ate e pret nje ambient i pershtatshem per te jetuar, gje e cila ndikon pozitivisht tek ai.

9-I dënuari është tip i qetë dhe i qëndrueshëm emocionalisht.

10-Lidhur me konsultimin e dokumentave dhe materialeve të dosjes së të dënuarit si dhe nga intervista me të, rezulton se i dënuari ka mbështetjen e plotë të familjes dhe të shoqërisë. /abcnews.al

Screenshot_7-2.png
R D16:07 | 20/01/2020

Rrisni mbikqyrjen ndaj infeksioneve të rënda të rrugeve të frymemarrjes! Sugjerimi vjen nga Organizata Boterore e Shëndëtesise dhe i drejtohet të gjitha shteteve pas konfirmimit për shfaqjen e një lloji të ri të koronavirusit të pa identifikuar më parë tek njerëzit. Instituti i Shendetit Publik deklaron se në Shqiperi rreziku është i ulet ndërsa informon qytetaret në faqen zyrtare.

Nderkohe mjeket shpjegojnë është një nga viruset që qarkullon në ajër. “Më kujton historinë e Sarsit, i njëjti grup është, por jo tipikisht i njëjtë. Eshtë nje virus i ri”, thotë mjekja infeksioniste Gjeorgjina Kuli, teksa sqaron se “janë visurse që merren nga ajri që kanë burim jo vetëm njerëzit por edhe kafshët. Shenjat që shfaq janë koll, temperaturë dhe vështirësi në frymëmarrje, që janë vështirë të dallohen klinikisht nga një pneumoni”, tha ajo.

Shenjat e zakonshme perfshijne kolle, veshtiresi ne frymemarrje ne rastet me te renda pneumoni e deri ne humbje jete. Mjekja thotë se duhet të mos qendrojmë gjatë në ambiente të mbyllura, të lajmë shpesh duart dhe masa të tjera të higjienës. “Konsumimi i krudove është gjithashtu risk”, shtoi ajo.

Prej ketij virusi në Kine tre persona kanë humbur jetën ndërsa çdo ditë po shtohet numri i të infektuarve. Koronavirusi mund të transmetohet përmes kontaktit të ngushtë me një person të infektuar. Ndërkohe Kina është partneri i dyte tregtar i Shqipërisë ndërsa shumë familje kineze zhvillojnë jetën mes vendit tonë dhe vendit te tyre./abcnews.al

altin-balliu.jpg
ger ta15:58 | 20/01/2020

Shtyhet sërish gjyqi për vrasjen e Altin Balliut në Korçë.  Burime për abcnews.al bëjnë të ditur se gjyqi është shtyrë për shkak të ngërçit midis prokurorisë dhe gjykatës.

Mbrojtja ka kërkuar aktet e hetimit nga organi i akuzës, por kjo e fundit nuk i paraqet pa vendim gjykate. Seanca e radhës gjyqësore është shtyrë për në datën 3 shkurt.

Kujtojmë se pak ditë më parë gjykata vendosi të kthejë çështjen për rihetim pasi ka konstatuar mangësi në zbardhjen e ngjarjes. Për pasojë kjo solli edhe përplasjen me organin e akuzës.

Vrasja e Altin Balliut në janar të 2019-së, ka përplasur Gjykatën dhe Prokurorinë e Korçës, për shkak të pretendimeve të familjarëve të viktimës dhe autorit të dyshuar.

Përplasja për këtë çështje ka nisur pas akuzës së ngritur nga Prokuroria, ndaj autorit Olger Mustafa. Prokuroria e akuzon Musten për “Vrasje me dashje”, ndërsa familjarët dhe avokati i viktimës pretendojnë se duhet të bëhet klasifikimi i akuzës në “vrasje në rrethana të tjera cilësuese ndaj dy ose më shumë personave, duke vënë në rrezik shumë njerëz”./abcnews.al

 

 

 

 

Screenshot_6-2.png
R D15:48 | 20/01/2020

Një banesë është djegur gjatë natës në fshatin Rusan në Delvinë. Sipas pronarëve, kjo godinë përdorej nga ata për të kaluar natën kur punonin në tokën me ullinj.

Vëllezërit Gjini thanë se në shtëpi kishte orendi, vegla pune dhe prodhime artizanale. Sipas tyre, dëmi i shkaktuar përllogaritet në 8 milion lekë. Jorgo Gjini kërkon nga policia të vërë para drejtësisë autorët, pasi dyshon se zjarri ka qene i qellimshem.

Ndërkohë policia ende nuk ka asnjë të dhënë për autorët, ndërsa nisi hetimet për zbardhjen e ngjarjes.
Dy vite më parë persona të paidentifikuar i vodhën vëllezërve Gjini të gjithë prodhimin e vajit. / abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono