Aktualitet

bombola-e-gazit.jpg
G. P.08:28 | 17/07/2019

Një banesë është përfshirë nga flakët mëngjesin e kësaj të mërkure në fshatin Selenicë të Vlorës. Ngjarja ndodhi rreth orës 5:53 për shkak të shpërthimit të një bombole gazi. Dy persona mbetën të plagosur. Policia ka njoftuar se ata janë  pronarët e shtëpisë, 49-vjeçari R.S dhe bashkëshortja e tij, 42-vjeçarja M.S.

Kjo e fundit ndodhet në gjendje të rëndë shëndetësore dhe është nisur drejt Tiranës për mjekim më të specializuar.

Mësohet se nuk ka persona të tjerë të dëmtuar dhe gjithashtu banesa nuk përbën rrezik nga zjarri për shtëpitë e tjera. Megjithatë grupi hetimor po vijon veprimet e mëtejshme proceduriale për të zbuluar shkaqet e plota të kësaj ngjarje./abcnews.al

4928.jpg
Sej rie23:15 | 16/07/2019

Zgjedhja e Ursula von der Leyen është përshëndetur edhe nga ambasadori i BE-së në Shqipëri, Luixhi Soreka. Përveç se e ka uruar përmes një postimi në Twitter, Soreka ka vlerësuar deklaratën e presidentes së re të Komisionit Evropian se, “besimi ndaj meje është besim për Evropën”.

5034a1fecae641abb989620123b8d3ac_18.jpg
Sej rie23:00 | 16/07/2019

Kryeministri Edi Rama e ka cilësuar një lajm të mirë zgjedhjen e Ursula von der Leyen në krye të Komisionit Evropian. Përmes një postimi në profilin e tij në Fejsbuk, Rama ka vlerësuar në veçanti prirjen europiane të politikanes gjermane. “Lajm i mirë për Europën, por edhe për Shqipërinë që pas votimit të sotëm, në krye të Komisionit Europian do të jetë Ursula von der Leyen, një grua e spikatur dhe një europesite e palëkundur”, është shprehur Rama./ABC News Albania 24/7

fie.jpg
Sej rie22:45 | 16/07/2019

Një aksident ka ndodhur në autostradën Lushnjë- Fier ku një automjet ka përplasur një burrë që lëvizte me biçikletë pranë vendit të quajtur Vajkan në Fier.

“Sot rreth orës 21:35, në aksin rrugor Lushnje –Fier, në vendin e quajtur “Vajkan” një mjet i paidentifikuar ka goditur shtetasin Sh.I, 63 vjeç, banues në Fier, i cili po udhëtonte me biçikletë. Drejtuesi i mjetit pas aksidentit është larguar nga vendngjarja. Grupi hetimor po punon për identifikimin e mjetit dhe zbardhjen e plotë të ngjarjes”, thuhet në njoftimin e policisë./abcnews.al

FNOQ-1280x650.jpg
Sej rie22:30 | 16/07/2019

Ka nsiur rindërtimi i banesave të fshatit Floq, të shkatërruara plotësisht nga tërmeti i para një muaji. Ministrja e Infrastrukturës dhe Energjisë, Belinda Balluku, tha se prioritet është ndërtimi para aardhjes së dimrit, i 124 shtëpive të pabanueshme.

Lutjet e banorëve të Floqit janë dëgjuar. Atyre nuk do t’u duhet të qëndrojë gjatë në ambientet e shkollës së fshatit, pasi tashmë ka nisur procesi i rindërtimit të banesave të tyre.

Këtë të martë ka filluar puna për rindërtimin e banesës së parë të shkatërruar plotësisht nga tërmeti i rënë në muajin qershor, ndërsa këtij procesi pritet t’i nënshtrohen edhe banesat e tjera.

Ministrja e Infrastrukturës dhe Energjisë Belinda Balluku inspektoi punimet në terren, ku tha se prioritet në këtë proces do të ketë ndërtimi i 124 shtëpive të dëmtuara plotësisht. Punimet për to do të fillojë menjëherë në mënyrë që banorët e Floqit të futen në shtëpitë e tyre pa ardhur stina e dimrit.

Në një kohë të shpejtë,pritet të fillojë puna edhe për ndërtimin e shtëpive të dëmtuara nga tërmeti në Qafëzez dhe Vidohovë. Ndërtimi i banesave është bazuar në disa standarde specifike, që përmbushin nevojat e banorëve .

Fondi për riparimin e 40 shtëpive të para është siguruar nga investitorët e Ministrisë së Infrastrukturës dhe Energjisë,ndërsa të gatshme, përveç bashkive të vendit janë treguar edhe bizneset dhe përfaqësitë diplomatike./ABC News Albania 24/7

rama-klosi-1280x634.jpg
ent ela21:30 | 16/07/2019

Sot u lançua sezoni i dytë i Smile Albania nga ministri i turizmit Blendi Klosi, i cili tha  se duhet të mbrojmë turizmin që kemi krijuar. I ftuar ishte dhe kryeministri Rama. Ai u shpreh se duhet të kujdesemi për turistët e huaj.

Për të dytin vit radhazi, ministria e Turizmit dhe Mjedisit lançoi projektin “Smile Albania”. Blendi Klosi pasi foli për efektet pozitive që ky projekt pati në sezonin e parë, tha se në fokus të këtij viti do të jetë mbrojtja dhe promovimi i mëtejshëm i turizmit nëpër botë.

I pranishëm në lançimin e sezonit të dytë të “Smile Albania 2019” ishte edhe kryeministri i vendit, Edi Rama. Sipas tij të gjithë shqiptarët duhet të punojnë për të përmbushur pritshmëritë e turistëve vendas e të huaj.

Kryeministri publikoi edhe të dhënat e një ankete, sipas së cilës, 87 për qind e turistëve të huaj janë të kënqur mme Shqipërinë, ndërsa 93 % e tyre e rekomandojnë Shqipërinë si destinacion të preferuar turistik.

. /ABC News Albania 24/7

 

66704034_505503810193253_1842188138420633600_n.jpg
ent ela20:15 | 16/07/2019

Tirana ka hedhur një hap të rëndësishëm drejt përzgjedhjes si “Kryeqyteti Europian i Rinisë 2022”. Ajo është përzgjedhur mes 5 finalistëve për çmimin “Kryeqyteti Europian i Rinisë 2022”. Ky konkurs është i bazuar në disa kritere të tilla si aktivizimi rinor, shoqërisë civile si dhe transformimit të vazhdueshëm të qytetit.  Përveç Tiranës, katër qytetet e tjera që pretendojnë këtë çmim janë: Poznan (Poloni), Kazan (Rusi), Varazdin (Kroaci) dhe Baia Mare (Rumani).

Finalistët janë përzgjedhur nga një panel i pavarur si Parlamenti Europian, Komiteti i Rajoneve, Kongresi i Autoriteteve Lokale dhe Rajonale të Këshillit të Europës, Komiteti Ekonomik dhe Social Europian, Këshilli i Bashkive dhe Rajoneve Europiane, Këshilli Këshillimor i Rinisë i Këshillit të Europës, Zyra e OSBE-së për Institucionet Demokratike dhe të Drejtat e Njeriut, Schëarzkopf Foundation Young Europe, Iniciativa e Shoqërisë së Hapur për Europën, IDEA Ndërkombëtare, EurActiv, Lëvizja Evropiane Ndërkombëtare, Eurodesk dhe Forumi Europian i Rinisë.  Teksa ka përshëndetur këtë lajm pozitiv për Tiranën, kryebashkiaku Erion Veliaj shprehet: “Shumë krenar që Tirana jonë renditet mes finalistëve për çmimin Kryeqyteti Europian i Rinisë 2022, nën ritmin e aktivizmit rinor, shoqërisë civile vibrante, si dhe transformimit të vazhdueshëm të qytetit! #EYC2022 #tiranactivate2022”.

Në këtë konkurs marrin pjesë qytete atraktive nga kudo nëpër Europë dhe më pas bëhet një përzgjedhje ku shpallen finalistët. Ndërkohë që në faqen zyrtare të YouthForum.org thuhet se shumë qytete europiane, vitet e fundit kanë investuar shumë për të rinjtë, duke i angazhuar ato në aktivitete, për një jetë më mirë dhe më të shëndetshme sociale, si dhe me projekte e transformime në të mirë të së ardhmes së tyre.

Dhe në fakt, Bashkia e Tiranës ka ndërmarrë një sërë nismash në organizimin dhe mbështetjen e aktiviteteve rinore si: Tirana Art Fest, Java Europiane, Ditët e hapura të edukimit të BE, Ditët Rinore të Start Up-eve, Ditët e Rrjetëzimit të të Rinjve dhe Bizneseve etj.

POLICIA-SHQ-702x438.jpg
Sej rie19:00 | 16/07/2019

Policia ka arrestuar 4 persona për veprat penale “Heqja e paligjshme e lirisë”, “Plagosja e lehtë me dashje“ dhe “Përndjekja”. F. M., 35 vjeç dhe S. M., 19 vjeç, banues në Tiranë ishin shpallur në kërkim nga ana e Komisariatit të Policisë Nr. 5 Tiranë, pasi Prokuroria ka caktuar masën e sigurisë ”Arrest në burg”, për veprën penale “Heqja e paligjshme e lirisë” kryer në bashkëpunim.

Ndërsa A. Ll., 24 vjeç, banues ne Tiranë, ishte person me precedent kriminal në fushën e narkotikëve dhe i katërti, shtetasi A. K., ka përndjekur në mënyrë të vazhdueshme ish të dashurën e tij dhe ka ushtruar dhunë fizike ndaj saj për mos u larguar, por kjo shtetase ka bërë kallëzim në Polici.

Njoftimi

Komisariati i Policisë Nr. 2, Tiranë

Gjatë orëve të fundit, kapen dy persona në kërkim për veprën penale “Heqja e paligjshme e lirisë” kryer në bashkëpunim. Gjithashtu arrestohen edhe dy shtetas të tjerë për veprën penale “Plagosja e lehtë me dashje“ dhe “Përndjekja”.

Në vijim të punës për kapjen e personave të shpallur në kërkim, nga shërbimet e Policisë së Komisariatit Nr. 2, u bë e mundur kapja e personave F. M., 35 vjeç dhe S. M., 19 vjeç, banues në Tiranë. Këta shtetas ishin shpallur në kërkim nga ana e Komisariatit të Policisë Nr. 5 Tiranë, pasi Prokuroria pranë Gjykatës së Shkallës së Parë Tiranë, ka dërguar urdhrin për ekzekutimin e vendimito penal të datës 12.03.2019, të Gjykatës së Rrethit Gjyqësor Tiranë, e cila ka caktuar masën e sigurisë ”Arrest në burg”, për veprën penale “Heqja e paligjshme e lirisë” kryer në bashkëpunim. Shtetasit F. M., dhe S. M, iu dorëzuan Komisariatit të Policisë Nr. 5 Tiranë, për veprime të mëtejshme.

Po nga Specialistët për Hetimin e Krimit në Komisariatin e Policisë Nr. 2 Tiranë, u bë arrestimi në flagrancë për veprën penale “Plagosja e lehtë me dashje”, i shtetasit A. Ll., 24 vjeç, banues ne Tiranë, person me precedent kriminal në fushën e narkotikëve. Arrestimi i tij u bë pasi në rrugën “Muhamet Gjollesha” Tiranë, për motive të dobëta ka goditur me sende të forta në kokë dhe trup, shtetasin M. T., 64 vjeç, banues në Tiranë, i cili ndodhet jashtë rrezikut për jetën.

Gjithashtu, nga Specialistët për Hetimin e Krimit në Komisariatin e Policisë Nr. 2 Tiranë, u bë arrestimi në flagrancë i shtetasit A. K, 36 vjeç, banues në Laç.
Arrestimi i tij u bë pasi ky shtetas ishte shpallur në kërkim policor dhe është kapur në rrugën “Myslym Shyri”, nga ana e Seksionit të Krimeve të Komisariatit të Policisë Nr. 2.
Shtetasi A. K., ka përndjekur në mënyrë të vazhdueshme ish të dashurën e tij dhe ka ushtruar dhunë fizike ndaj saj për mos u larguar, por kjo shtetase ka bërë kallëzim në Polici.
Materialet do t’i referohen Prokurorisë Pranë Gjykatës së Shkallës së Parë Tiranë, për veprën penale “Përndjekja”.

mimoza_soeur-4343198.jpg
Sej rie17:30 | 16/07/2019

19-vjeçarja shqiptare në Francë, Mimoza Shabani ka mbaruar shkollën me rezultate të shkëlqyera. Por familja e saj në çdo moment është në rrezik për dëbim, pasi shteti francez i ka mohuar kërkesën e saj për azil.

Adoleshentes shqiptare i janë dashur vetëm 4 vite që të mësonte gjuhën dhe të arrinte rezultate të shkëlqyera në shkollë. Mimoza është shumë krenare për rezultatet e arritura dhe shprehet: “Për mua ishte një sfidë për të treguar se unë mund të bëj diçka si çdo francez tjetër, por në fillim e kisha të  vështirë që të përshtatesha sepse kur kam ardhur në Francë isha vetëm 15-vjeçar. E kisha të vështirë të bëja miq, pasi nuk e kuptoja gjuhën… “

Prindërit e saj, motra dhe vëllai lanë gjithçka pas dhe ikën drejt Francës pasi jeta e tyre ishte në rrezik në Shqipëri.

E ndihmuar nga një shoqatë, familja u vendos në Brest, ku adoleshentja mësoi gjuhën mbylli kolegjin dhe vitin që vjen dëshiron që të vazhdojë studimet për mjekësi.

Por familja shqiptare nuk ka të drejtë qëndrimi në Francë.

Mimoza dhe familja e saj është nën kërcënimin e largimit nga territori francez në çdo kohë: “Ndihem më mirë këtu, ndihem e mbrojtur, kam ndërtuar një jetë të re, nuk dua të kthehem pas”.

“Ajo nuk ka të drejtë për të punuar, nuk ka siguri sociale, ka kontradikta të tmerrshme “, denoncon Marie-Claude Salmon, anëtare ë shoqatës “Digemer”, e cila shoqëron Mimoza.

Javën e ardhshme, shoqata ka lënë një takim në Prefekturën e Finistère, për të kuptuar se cili do jetë vendimi që do marrë për familjen shqiptare./abcnews.al

audi-1280x624.jpg
Sej rie17:15 | 16/07/2019

Gjykata për Krime të Rënda dëgjoi provat shkresore të Prokurorisë, për ngjarjen e Elbasanit të ndodhur në shtator të 2017, ku u përplas makina e Policisë përballë tregut agro-ushqimor.

Prokuroria e Krimeve të Rënda ka sjellë prova të reja në gjykatë lidhur me përplasjen e “Audit” të zi me makinën e ish zv. drejtorit të policisë së Elbasanit, ngjarje kjo e ndodhur në shtator të 2017 në tregun Agro-ushqimor.

Duke iu referuar relatimit të prokurorit, dy provat më të forta të Krimeve të Rënda për identifikimin e autorëve, janë shenjat e gishtave të gjetura në krahun e pasagjerit në “Audin” e zi dhe një cigare puro, ku janë përfituar materiale biologjike që korrespondonin përkatësisht shenjat e gishtave të Enea Bekteshit dhe në cigaren puro është përfituar material biologjik i përputhshëm me atë të Suel Çelës.

Gjatë seancës, anëtarët e trupës gjykuese shikuan  edhe videon, ku dukej momenti i përplasjes se “Audit” me makinën e ish- nëndrejtorit të Policisë së Elbasanit, Gjergji Oshafi. Avokatët e të pandehurve pretenduan se drejtuesi i “Audit”, nuk kishte si qëllim të godiste makinën e policisë, duke përjashtua versionin se ngjarja mund të ishte e qëllimtë. Sipas mbrojtjes, makinat e Gjegj Oshafit, “Volkswagen Golf” u godit në momentin ish-nëndrejtori po lëvizte indietro. 32-vjeçari Suel Çela akuzohet për tentativë vrasje të efektivëve të policisë së Elbasanit, në incidentin e ndodhur në tregun agro-ushqimor të këtij qyteti më 18 shtator të vitit 2017.

Ky i fundit rezulton në kërkim nga policia e Shtetit i akuzuar për disa ngjarje kriminale të pazbardhura të ndodhura në qytetin e Elbasanit disa vite më parë. Ndërkohë seanca e radhës u shty më 22 korrik për të parë edhe dy video të tjera nga trupi gjykues./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono