Aktualitet
Postimi i trajnerit të Llapit

dherat.jpeg
Autor E11:37 | 10/12/2019

Shirat e dendur kanë shkaktuar vështirësi në lëvizjen e makinave në aksin Librazhd-Elbasan për shkak të rënies së gurëve në aksin e saj.

Mësohet se sasi të mëdha gurësh dhe dherash kanë rënë në rrugë tek zona e quajtur “Kthesa e Murrashit”.

Për fat të mirë nga rënia e gurëve nuk kanë shkatuar aksidente.

Pas heqjes së disa gurëve qarkullimi është duke u bërë vetëm nga një korsi. /abcnews.al

ilir-meta-konferenca.jpg
R D11:27 | 10/12/2019

Presidenti Ilir Meta do të paraqitet sot në orën 12:00 në Prokurorinë e Tiranës. Burimet thanë se Presidenti Meta do të pyetet lidhur me kallëzimin që ka bërë ndaj kreut të KED-it, Ardian Dvorani.

Meta është thirrur nga Prokuroria e Tiranës për të dhënë sqarime për këtë çështje. Prokurori që po heton çështjen dhe do marrë në pyetje Presidentin është Alket Mersini, raporton gazetarja e Abc News Glidona Daci.

Kujtojmë se Meta paditi afro një muaj më parë kreun e KED pas përplasjes për zgjedhjen e anëtareve të Gjykatës Kushtetuese. Në kallëzimin e bërë nga Presidenca, thuhet se Dvorani ka shpërdoruar detyren dhe ka falsifikuar dokumentet shteterore./abcnews.al

Lexo edhe:“Kushtetuesja”, Meta kallëzon në prokurori kreun e KED, Dvorani: S’kam shkelur Kushtetutën

Screenshot_5-5.png
R D11:15 | 10/12/2019

Një skaf i mbushur me drogë u kap në brigjet italiane të Brindizit. Media italiane shkruan se operacioni për arrestimin e skafistit shqiptar dhe konfiskimi i marijuanes me vlerë 4 milionë euro është shkryer nga Guardia di Finanza. Disa orë pas kësaj ngjarje ka reguar Policia e Shtetit. Në një njoftim për mediat thuhet se “droga u kap në bashkëpunim me policinë shqiptare”.

NJOFTIMI I POLICISE

Strukturat e Guardia di Finanza-s, në bashkëpunim me Policinë Shqiptare kanë realizuar një operacion antidrogë të suksesshëm, në kuadër të të cilit u kapën gjithsej 334 kg drogë (marijuanë), e cila përllogaritet të nxirrte rreth 4 milion euro në tregun e paligjshëm.

Gjatë patrullimit të përbashkët në ujërat shqiptare fillimisht dhe vijimit të patrullimeve nga ana e palës italiane në afërsi të brigjeve të Brindizit, njësitë e Guardia-s kanë pikasur një mjet detar, gomone, e cila ngjallte dyshime për shkak të vendndodhjes. Mjeti lundrues është shoqëruar në port dhe gjatë kontrollit, në një hapësirë të maskuar, janë zbuluar 186 pako të mbështjella, në të cilat ishte fshehur lënda narkotike.

Skafisti, shtetasi shqiptar F. I., 32 vjeç është arrestuar në vendngjarje dhe njëherësh janë kryer procedurat e sekuestrimit të mjetit dhe provave të tjera materiale.

Mjeti lundrues ishte rreth 5 metra i gjatë, me një motor të jashtëm mjaft të fuqishëm.

Operacioni Aero-naval që u zhvillua ditën e djeshme konfirmon efikasitetin e kontrollit detar që ushtrohet nga Guardia di Finanza për të luftuar trafiqet e paligjshme që tentojnë të hyjnë drejt BE-së, sinergjinë me strukturat e Frontex-it, si dhe bashkëpunimin e qëndrueshëm dhe të konsoliduar tashmë me autoritetet e Policisë së Shtetit edhe nëpërmjet zyrave ndërlidhëse në Bari e Durrës. /abcnews.al

PAMJET E OPERACIONIT

Lexo edhe: VIDEO/ Kapet në Brindizi skafi me 4 milionë euro drogë, arrestohet shqiptari

Screenshot_3-5.png
R D11:00 | 10/12/2019

Kryeministri Edi Rama vizitoi sot Qendrën Spitalore Universitare “Nënë Tereza”, për të parë dëmet e shkaktuara nga termeti.

Ai shoqërohej nga ministrja e Shëndetësisë, Ogerta Manastirlliu që i bëri një pasqyrim të gjendjes. Sipas ministres ka patur disa dëme, ku kanë rënë mure në disa shërbime, si tek Kardiologjia, Djegie-Plastika, etj.

Ajo tha se po ndërhyhet në kushtet e emergjences dhe muret e reja po bëhen me gipse. Teksa shihte muret e rëna, Rama u vendos në rolin e ekspertit, duke u shprehur “O Zot, veprimtari inxhinierike armiqësore”.

Gjatë inspektimit të mureve, një nga mjeket që shoqëronin Ramën i tha se ato rregullime që janë prishur tani ishin bërë në kohën kur ministër ishte Petrit Vasili.

“Lëre Tit Vasilin tani, se Tit Vasili është shoku yt, jo i imi”, u përgjigj kryeministri.

Manastirlliu e njohu edhe me gjendjen në rrethe, duke deklaruar se janë dëmtuar plotësisht 5 qendra shëndetësore që janë jashtë përdorimit. Po kështu tha ajo “kemi evakuuar spitalin e Laçit dhe shërbimet i kemi transferuar në Lezhë”./abcnews.al

sali.jpg
in a10:57 | 10/12/2019

Nënkryetari i LSI-së Petrit Vasili në një deklaratë për mediat ka reaguar pas inspektimit të sotëm të kryeministrit Rama në ambientet e QSUT-së.

Ai shprehet se kryeministri duhet t’ja lërë në dorë specialistëve, “kjo është një kohë që nuk mban hi sysh, shqiptarët kërkojnë siguri dhe garanci”, tha Vasili.

“Sot gjithologu i cili vetëm bën inpsektimin me Ministren e Shëndetësisë që nuk ka të bëjë me këtë çështje futet në një godinë e cila nuk duhet të ishte në funksion. Kush i jep sigurinë e kësaj ndërtese. Katër kate vazhdojnë punë, kush e mban përgjegjësinë. E njëjta gjë po ndodh me shkollat në Tiranë. Kjo situatë është situatë skandaloze dhe tregon qartë se këta njerëz nuk mbajnë përgjegjësi kur bëhet fjalë për jetë njërëzish”, tha Vasili./abcnews.al

diavita.jpg
Autor E10:57 | 10/12/2019

Në vijim të përfundimit të transaksionit të kalimit të kuotave të shoqërise Diavita sh.p.k,  kompani e formuar nga partneriteti Evita – Spitali Amerikan për ofrimin e shërbimit të hemodializës në Shqipëri, kompania prestigjioze ndërkombëtare e kujdesit renal Diaverum shprehet e kënaqur me cilësinë dhe standardin Europian të gjetur pranë kësaj kompanie.

Evita dhe Spitali Amerikan, pas shpalljes fitues të koncesionit “Për ofrimin e shërbimit të hemodializës” në 2015-ën, krijuan kompaninë bijë “DiaVita” sh.p.k., e cila ka ndërtuar qendra të Hemodializës pranë vendbanimeve të pacientëve, si dhe ka rekrutuar e trajnuar stafin mjekësor për këtë shërbim. Falë DiaVita, sot marrin shërbim pranë këtyre qendrave mbi 380 pacientë, të cilët përbëjnë rreth 30% të totalit të pacientëve në vend.

Kompania Diaverum zhvilloi disa vizita inspektuese në qendrat e hemodializës Diavita, duke vlerësuar infrastrukturën bashkëkohore, stafin e kualifikuar, profesionalizmin në menaxhimin e situatave dhe përzgjedhjen e produkteve të cilësisë së lartë.

Pas konstatimit të një standarti investimi e cilësie shërbimi të niveleve europiane dhe botërore, gjigandi i kësaj fushe përfundoi
blerjen e kuotave të kompanisë Diavita më 04 Tetor 2019.

Bëhet fjalë për 5 nga 14 qendra hemodialize ekzistuese në total në Shqipëri të cilat do t’i shtohen strukturës ndërkombëtare të Diaverum International AB, i cili sot numëron 11.000 punonjës, 36.000 pacientë dhe mbi 360 klinika dialize në mbarë botën.

Drejtori Ekzekutiv i Diaverum, Dimitris Moulavasilis, u shpreh për këtë bashkëpunim:
“Jam shumë i lumtur të shpall hyrjen tonë në tregun shqiptar. Kjo reflekton strategjinë tonë për tu zgjeruar në tregje të reja dhe për të siguruar përmirësimin e jetesës nëpërmjet shërbimit të kujdesit renal për pacientët të cilët i nënshtrohen dializës kudo në botë.

Ne shpresojmë të implementojmë misionin tonë për përmirësimin e pacientëve shqiptarë, nëpërmjet kujdesit renal dhe shërbimeve të reja, siç është kujdesi parandalues dhe programet edukative.”

Pesë qendrat e dializës, për të cilat u krye transaksioni, janë të lokalizuara në Korçë, Shkodër, Lezhë, Vlorë dhe Elbasan. Në këto qendra, tashmë i ofrohet shërbim rreth 380 pacientëve, nga një staf prej 120 profesionistësh.

“Ndihemi të kënaqur për blerjen e “DiaVita” shpk dhe hyrjen në tregun shqiptar. Shqipëria është një treg atraktiv, ku ne presim të rritemi edhe më shumë në vitet në vijim. Jemi gati të bashkëpunojmë nga afër me stafin profesionist të Diavitës dhe t’i mirëpresim ata në familjen e madhe Diaverum” – shtoi Boris Zjacic, Drejtori i Tregjeve dhe Operacioneve pranë Diaverum.

Diaverum është ndër kompanitë më të mëdha globalisht për përkujdesin renal, me qendër në Suedi dhe prezencë në 20 shtete të ndryshme në botë.

Përgjatë viteve të fundit kjo kompani ka hyrë edhe në tregun e Maqedonisë së Veriut. Vizioni i Diaverum është rritja e kompanisë në të gjithë territorin e rajonit të Ballkanit. /abcnews.al

maksi7.jpg
in a10:42 | 10/12/2019

Në Manëz janë strehuar në çadra familjet e prekura nga tërmeti. Ndërkohë disa familje janë të strehuara në kontenier. Banorët tregojnë se situata është e vështirë. Ata janë zhvendosur nga çadra në kontenier në oborron e shkollës 9-vjeçare në Manëz.

Një nga banorët tregon për gazetarin Maksi Rama se banesa e tij është shpallur e pabanueshme.

“Prej ditësh jemi zhvendosur në këto ambiente, nuk po kërkojmë kushte luksoze por të paktën të na plotësohen ato më emergjente, bashkëshortja është detyruar të flejë në tokë”, shprehet një nga banorët.

Rreth 50 familja të cilat janë strehuar në kontenier nuk kanë marrë ende një përgjigje nëse do bëhet një levizje për të strehuar ne apartamente apo hotele.

Në një kontenier janë strehuar katër familje, ata tregojnë se jetesa bëhet e vështirë sa i përket edhe higjenës.

/abcnews.al

811208.local_.jpg
Autor E10:30 | 10/12/2019

Toka është lëkundur sërish pak minuta më parë me epiqendër Gjirin e Lalzit.

Tërmeti pati një magnitudë 3.4 të shkallës Richter, ndërsa thellësia e matur ishte 24 kilometra.

Toka vijon të lëkundet që prej tërmetit tragjik të 26 nëntorit, i cili shkaktoi 52 të vdekur dhe rreth 1 mijë të lënduar, për të mos llogaritur dëmet materiale që nga të dhënat paraprake duket se janë tepër të mëdha.

dimitrov9.jpg
in a10:26 | 10/12/2019

Në një intervistë për Euronews, Ministri i Jashtëm i Maqedonisë së Veriut, Nikola Dimitrov u shpreh se në një mënyrë ose tjetrën vendi i tij do të hyjë në Bashkimin Europian. Ai u shpreh se më mirë do ishte që Shqipëria dhe Maqedonia e Veriut të anëtarësoheshin së bashku, por nëse s’do ishte e mundur, atëherë më mirë një se asnjë .

Ambiciet e Maqedonisë së Veriut dhe të Shqipërisë për anëtarësimin në Bashkimin Europian u shtypën nga Këshilli Europian në muajin tetor kur një minorancë shtetesh anëtare, së pari Franca, tha jo, duke theksuar se ishte ende shpejt për hapjen e negociatave për anëtarësim. Ka nga ata që dëshirojë që rruga e dy vendeve të ishte e ndarë.

Ministri i Jashtëm i Maqedonisë së Veriut, Nikola Dimitrov, mendon në nivelin e zonës Ballkanike duke thënë se suksesi i një vendi mund të konsiderohet si suksesi i një rajoni të tërë.

“Si fqinj, si fqinj të mirë, ne besojmë se dhe Tirana është në gjendje të fillojë aventurën e saj europiane. Mendoj se anëtarësimi i të dyja vendeve në BE është zgjidhja më e mirë, duhet të punojmë të gjithë duke gjetur një pikë të përbashkët. Por nëse nuk është e mundur atëherë na duhet një dinamikë pozitive, jo negative, dhe anëtarësimi i vetëm një vendi gjithësesi është më mirë se asgjë”, shprehet ai.

Pas refuzimit të madh të muajit tetor, tashmë ka presion ndaj Komisionit të ri Europian.

Nuk është e thënë se strategjia për të vijuar rrugën e vetme, do të ishte një strategji fituese për Maqedoninë e Veriut. Ajo që është e sigurtë është se shumë kryeqytete europiane, dhe vet ish presidenti i komisionit europian Zhan Klod Junker, e konsideruan si gabim refuzimin që iu bë Tiranës dhe Shkupit.

Ministri i jashtëm Dimitrov është takuar tashmë me komisionerin e ri për zgjerimin Olivér Várheli, por kuptohet se rruha është e vështirë. Por Dimitrov shprehet i bindur se nuk ka një alternativë për rajonin. Ai theksoi se vendi i tij në një mënyrë ose tjetrën do të anëtarësohet në Bashkimin Europian, por rruga do të ishte më e lehtë nëse do të kishte mbështetje.

Në pritje të lajmeve të reja nga Brukseli, të dy vendet po punojnë për të përforcuar aleancën rajonale dhe së bashku me Serbinë firmosën një lloj Shengeni Ballkanik, një marrëveshje që favorizon qarkullimin e mallrave dhe njerëzve në tri vendet./abcnews.al

fdce8c7d-0892-45db-8a94-6e4c525f8134-1.jpg
R D10:25 | 10/12/2019

Ka dalë sot para Komisionit të Pavarur të Kualifikimit, prokurori Anton Martini. Ai është i komanduar si prokuror i Krimeve të Rënda, njëherësh edhe kandidat për SPAK-un.

Në fillim të seancës dëgjimore, relatorja e çështjes tha se “ILDKPKI ka dorëzuar raportin me konstatim se deklarimi është i saktë në përputhje me ligjin dhe nuk ka kryer fshehje të pasurisë. Gjithashtu nuk gjendet në situatën e konfliktit të interesit. Po kështu DSIK ka sjellë një raport ku thuhet se ka konstatuar pershtatshmëri për vijimin e detyres”.

Në skedën e pasurisë, Martini ka shënuar një apartment banimi 97 m2 dhe garazh me vlere totale 90mije euro, arredimi 2 milionë lekë. Subjekti ka paguar 85 mije euro dhe ka per te shlyer edhe 5 mije euro nga kredia.
Për këtë apartament ai ka marrë dy kredi për të krijuar këtë pasuri, në vitin 2007 dhe 2016 si dhe kursimet ndër vite.

Anton Martini e ka nisur karrierën në sistemin e drejtësisë në vitin 1999 dhe është emëruar prokuror në Prokurorinë e Krimeve të Rënda në vitin 2004. Në vitin 2015, Martini u transferua në Shkodër nga Këshilli i Prokurorisë së kohës, vendim të cilin ai e kontestoi për parregullsi. Në qershor 2018, Martini u rikthye në Prokurorinë e Krimeve të Rënda.

Prokurori Anton Martini është renditur i dyti nga Këshilli i Lartë i Prokurorisë për të qenë pjesë e Prokurorisë së Posaçme. Për të marrë emërimin në SPAK, atij i duhet të kalojë si barrierë të fundit procesin e vetingut në të dy shkallët./Abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono