Aktualitet

ruri-kim-ne-ambasade.jpg
ger ta13:30 | 27/01/2020

Ambasadorja e SHBA në Tiranë, Yuri Kim ka mbajtur fjalimin e saj prezantues para selisë diplomatike amerikane.

Ambasadorja u shpreh se SHBA do të jetë gjithnjë në mbështetje të Shqipërisë. Po ashtu Kim shprehu kënaqësinë për të punuar me udhëheqësit e Shqipërisë.

Ndërkaq, në fund, ambasadorja e mbylli fjalën e saj me një mesazh në gjuhën shqipe. “Ne jemi ende me ju, krah për krah”, tha ajo.

Pjesë nga fjalimi i ambasadores:

Jam shumë  e nderuar që ndodhem këtu përpara ndërtesës së ambasadës së SHBA. Kjo ndërtesë e bukur qëndron si testament për forcën e qëndrueshme të marrëdhënive amerikano-shqiptare. Miqësia jonë i ka rrënjët e thella. 100 vjet më parë Presidenti Willson ngriti zërin për Shqipërinë, kur askuh nuk e  bëri.

Presidenti amerikan e përdori fuqinë e SHBA për të mbështetur një Shqipëri të pavarur. Ai priti një përfaqësues shqiptar në New York dhe hapi rrugën që Shqipëria të anëtarësohej në Lidhjen e Kombeve. Pas Luftës së Dytë Botërore, qeveritë tona morën rrugë të ndryshme. Por popujt tanë ishin akoma të lidhur. Ne flisnin me njëri-tjetrin përmes Zërit të Amerikës.

Është një moment për të cilin duhet të ndjehemi krenar dhe me të drejtë. Kemi qendruar krah jush që atëherë duke mbështetur hyrjen tuaj në BE. Sot ne qendrojmë me ju jo vetëm në mështetjen e lirisë, por edhe të së ardhmes së Shqiprisë. E dimë se ka punë të vështira përpara, por e dimë që puna e vështirë është më e lehtë kur ke miq dhe aleatë.

SHBA është e përkushtuar që ta ndihmojnë Shqipërinë të forcojë kandidaturën e saj për në BE. Ne do të vazhdojmë të mbështesim aspiratën e palëkundur të popullit shqiptar për liri dhe drejtësi. Pres me kënaqësi të punoj me udhëheqësit e Shqipërisë, ndërsa ata marrin hapa të vështirë por edhe të nevojshëm.

Jam besimplotë që teksa drejtësia të hedhë rrënjë, më shumë investitorë do të ketë në Shqipëri. SHBA e vlerëson Shqipërinë si një aleate dhe mike.

Unë ju përshëndes në këtë ditë, pavarësisht shiut dua t’ju them: Ne jemi ende me ju krah për krah.

/abcnews.al

 

reneashijak-1280x720.jpg
Autor E13:07 | 27/01/2020

RENEA rrethoi kompleksin “Golden” gjatë orëve të para të mëngjesit të sotëm në Shijak pasi dyshohet se aty mbahej peng 49 vjeçari Jak Prenga që u rrëmbye disa ditë më parë në Kamzë.

Kompleksi i përket vëllezërve Emiljano dhe Altin Hajri, të cilët janë të arrestuar në Itali për trafi lëndësh narkotike.

Abcnews.al ka siguruar pamje të operacionit të RENEA ku duken blindat dhe furgonat që e kanë rrethuar kompleksin.

Burimet bëjnë me dije se deri më tani është ndaluar një person pasi në kompleks është kapur arsenal armësh, ndërsa vijojnë kërkimet për personin e rrëmbyer pasi dyshohet se mbahet në zonë.

Policia dyshon se pengmarrje e tij ndodhi për shkak të prishjes së pazareve të drogës.

cuko.jpg
ger ta12:51 | 27/01/2020

Gjykata Penale e Tiranës ka pushuar çështjen ndaj Arben Çukos, ish deputetit të PS.

Çuko u hetua  fillimisht nga Krimet e Rënda si pjesë e dosjes 399 i dyshuar për korrupsion në periudhën që mbante postin e drejtorit të Burgjeve për trasferimin e një të burgosuri.

Arben Çuko ra në pranga në kuadër të operacionit “VOL-VO4” në 18 tetor të vitit të kaluar dhe akuzohet për kryerjen e veprës penale “Korrupsioni pasiv i funksionarëve të lartë shtetërorë ose i të zgjedhurve vendorë”.

Emri i ti tij doli në përgjimet e grupit Avdylaj. Çuko akuzohej se në kohën kur ka qenë në krye të Drejtorisë së Burgjeve ka miratuar transferimin e të dënuarit Olsi Karagjozi kundrejt ryshfetit 3.000 euro./abcnews.al

 

klp-mbledhje.jpg
ger ta12:46 | 27/01/2020

Këshilli i Lartë i Prokurorisë ka caktuar drejtuesit e përkohshëm të prokurorive në rrethe.

Brahim Dragjoshin, eshte caktuar drejtues i  Prokurorisë pranë Gjykatës së Apelit Shkodër. Në krye Gjykatës së Shkallës së Parë Shkodër KLP ka caktuar Albert Murçajn.

Ndërkohë, drejtues i Prokurorisë pranë Gjykatës së Shkallës së Parë Sarandë është caktuar drejtues te Lorenc Mërkuri. Erion Çela eshte emeruar në pozicionin e Drejtuesit Prokurorisë pranë Gjykatës së Shkallës së Parë Vlorë.

Ndërsa Ludovik Doda në pozicionin e Drejtuesit Prokurorisë pranë Gjykatës së Apelit Durrës. Sakaq, Asllan Bajramaj në pozicionin e Drejtuesit Prokurorisë pranë Gjykatës së Shkallës së Parë Përmet.

Vendimet janë marrë në mbledhjen e sotme të KLP e zhvilluar në në praninë e të gjithë anëtareve.

Vendimet në mbledhje:

  1. Miratimi i projektaktit “Për caktimin e përkohshëm në pozicionin e Drejtuesit të Gjykatës së Shkallës së Parë Shkodër ”.
  2. Miratimi i projektaktit “Për caktimin e përkohshëm në pozicionin e Drejtuesit Prokurorisë pranë Gjykatës së Apelit Shkodër.
  3. Miratimi i projektaktit “Për caktimin e përkohshëm në pozicionin e Drejtuesit Prokurorisë pranë Gjykatës së Shkallës së Parë Sarandë.
  4. Miratimi i projektaktit “Për caktimin e përkohshëm në pozicionin e Drejtuesit Prokurorisë pranë Gjykatës së Shkallës së Parë Vlorë.
  5. Miratimi i projektaktit “Për caktimin e përkohshëm në pozicionin e Drejtuesit Prokurorisë pranë Gjykatës së Apelit Durrës.
  6.  Miratohet me 11 vota projektakti “Për caktimin e përkohshëm te Asllan Bajramaj në pozicionin e Drejtuesit Prokurorisë pranë Gjykatës së Shkallës së Parë Përmet.
  7. Miratohet  projektakti “Për caktimin e përkohshëm në pozicionin e prokurorit Lazër Çardaku në Prokurorinë pranë Gjykatës së Apelit Shkodër.
  8. Miratohet me 11 vota pro projektakti “Për caktimin e përkohshëm te Afredita Ndoi në pozicionin e prokurorit Prokurorisë pranë Gjykatës së Apelit Durrës.
rama-merkel-1.jpg
nev ila12:44 | 27/01/2020

Kryeministri Edi Rama ndodhet në Berlin ku po zhvillon një takim me kancelarin Angela Merkel në për të biseduar me të për Konferencën e Donatorëve. Kryeministri Rama e njoftoi vetë këtë ditën e djeshme në rrjetet sociale.

Siç raporton “Reuters” Rama dhe Merkel kanë zhvilluar bisedën e tyre edhe në lidhje me hapjen e negociatave me Shqipërinë dhe Maqedoninë e Veriut.

Kancelarja gjermane Angela Merkel tha të hënën se ajo do të kërkojë fillimin e bisedimeve të pranimit në Bashkimin Evropian për Shqipërinë dhe Maqedoninë e Veriut në një samit të BE në mars.

“Mbi të gjitha, ne duam të arrijmë një marrëveshje në Këshillin e ardhshëm Evropian në Mars për të filluar negociatat e pranimit me Shqipërinë, dhe gjithashtu me Maqedoninë e Veriut,” u tha ajo gazetarëve në Berlin në një takim me kryeministrin shqiptar Edi Rama.

“Të dy vendet kanë arritur shumë,” tha ajo. “Tani do të punojmë shumë për të arritur rezultatet e dëshiruara në Mars”./abcnews.al

yyyyy.jpg
ger ta12:18 | 27/01/2020

Rudina Hajdari dhe Damian Gjiknuri duket se janë skeptikë për 15 marsin si datën e fundit të shprehur nga opozita për përfundimin e Reformës Zgjedhore.

Në një prononcim për mediat pas takimit të sotëm, Gjiknuri e cilësoi si ambicioze këtë datë, por nga ana tjetër edhe të arritshme.

Në të njëjtën linjë u shpreh edhe Rudina Hajdari. Deputetja tha se 15 marsi është datë shumë ambicioze dhe gati e pamudnur, por sipas saj ekspertët do ulen dhe do bëjnë punën e tyre.

Ka pasur prezencë të OSBE dhe të BE në tryezë. I pranishëm ishte edhe ambasadori i Britanisë, pra ka një angazhim të fortë në lidhje me këtë tryezë. E shikoj datën 15 mars si shumë ambicioze dhe gati e pamundur. Por gjithësesi ekspertët do ulen. Prandaj besoj se kjo është një çështje,një pikënisje e mirë për këtë tryezë. Do ketë nëse e nevojshme edhe ndërhyrje në Kushtetutë, nëse është e nevojshme. Ne do kemi një dryshim të sistemit apo të gjithë Kodit Zgjedhor. Kjo reformë do merret seriozisht dhe do cohet deri në fund. Unë uroj që të kemi konsensus për pikat e nxehta”, tha Hajdari./abcnews.al

Antonov.png
Autor E12:15 | 27/01/2020

Një avion i mbushur me pasagjerë është rrëzuar pak më parë në Afganistanin Lindor.

Siç raporton BBC, avioni ka rënë rrethin Deh Yak të provincës Ghazni, në jug-perëndim të Kabulit.

Raportohet se në avion ndodheshin 83 pasagjerë.

Ende nuk dihet asgjë për fatin e pasagjerëve, pasi autoritetet lokale nuk kanë dhënë asnjë informacion të mëtejshëm.

Ky aksident ajror vjen pak ditë pasi një aeroplan pasagjerësh u qëllua aksidentalisht me raketa në Iran, ku humbën jetën 147 persona. /abcnews.al

yuri-kim-soreca-1280x862.jpg
nev ila12:15 | 27/01/2020

Pasi mori zyrtarisht detyrën, duke i dorëzuar letrat kredenciale presidentit Meta, ambasadorja e re e SHBA-së, Yuri Kim ka takuar ambasadorin e BE-së, Luigi Soreca.

Teksa e ka cilësuar vitin 2020 si kyç për Shqipërinë, Soreca shkruan se është i gatshëm për të bashkëpunuar, specifikisht sa i përket integrimit të vendit në BE.

“Mirë se vini Yuri Kim! Të gatshëm për të filluar punën së bashku për të vazhduar partneritetin themelor BE-SHBA në Shqipëri, në veçanti në kontekstin e procesit të integrimit të vendit në BE. 2020 është një vit i rëndësishëm për perspektivën e Shqipërisë”, shkruan Soreca./abcnews.al

martini.jpg
ger ta12:11 | 27/01/2020

Nisi seanca dëgjimore për  prokurorin Anton Martini. Prokurori përballet për herë të dytë në seancë dëgjimore me vettingun.

Martini u përball me seancën dëgjimore në dhjetor të vitit të kaluar, por KPK shtyu vendimin për Prokurorin.

Në seancën e sotme Martini ka kërkuar rikonfirmimin në detyrë duke u shprehur para trupës gjykuese: “ndërtova raporte bashkëpunimi, u bëra pjesë e grupeve të hetimit kur rastet ishin të rrezikshme, që kishin të bënin me vrasje, shpërthime me lëndë plasëse, kam hetuar gjithashtu edhe fajdet”.

Prokurori Martini është renditur i dyti në listen e KLP si prokurori më i mirë për të qenë në SPAK i vlerësuar për aftesitë profesionale.

Kujtojmë se Anton Martini është prokurori i dosjeve të forta, si banda e Durrësit, banda e Lushnjes dhe së fundmi atentatin ndaj makinës së prokurorit Arjan Ndoj./abcnews.al

renea-2-1280x876.jpg
Autor E11:58 | 27/01/2020

Kanë dalë detajet e para të super operacionit të RENEA-s gjatë mëngjesit të sotëm në Shijak.

Burime bëjnë me dije për Abc News se gjatë operacionit në kompleksin Golden të vëllezërve Hajri në Shijak janë ndaluar dy persona, të cilët akuzohen për një pengmarrje të bujshme gjatë ditëve të fundit në vend.

Mësohet se gjatë operacionit janë gjetur edhe armë zjarri që dyshohet se i përkasin dy personave të ndaluar.

Policia dyshon se në këtë zonë mbahet i fshehur edhe burri i marrë peng.  /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono