ABC-ja e Mëngjesit

Termeti-ne-durres-dhe-thumane14-640x346-1-1.jpg
nev ila10:56 | 27/01/2020

Gjatë mesnatës së sotme tërmet tjetër është ndjerë në Tiranë. Tërmeti ka patur epiqendër Bubqin dhe ka qenë rreth 3.6 e shkallës rihter.

Për të folur në lidhje me këtë ka folur sizmiologu Rrapo Ormeni në studion e emisionit ABC-ja e mëngjesit me Enkel Demin.

“Ky tërmet ka qenë rreth 3.6 rihter, bëhet fjale për një tërmet të zakonshëm, të cilët janë normalë për vendin tonë”, tha sizmiologu Ormeni.

Enkel Demi: A do të vazhdojnë këto pasgoditeje në Shqipëri?

Rrapo Ormeni: Do të vazhdojnë por janë drejt përfundimit, pasi shpeshtësia e tyre është duke u rralluar, intensiteti i tyre në kohë është rralluar, pothuaj jemi në fund të çlirimit të kësaj energjie nga tërmetet.

Enkel Demi: Tërmeti në turqi ka lidhje me tërmetin në Shqipëri?

Rrapo Ormeni: Nuk ka lidhje sepse ka mekanizëm tjetër, tërmeti në turqi është i një magnitude goxha të madhe. Turëqia është një vend iu cili ka një aktivitet sizmik më të lartë se Shqipëria.

Në Turqi ka patur historikisht tërmete me energji të mëdha me mbi 6.5 i shkallës rihter por edhe 7 i shkallës rihter.

Kjo ka ndoidhur për shkak se në zonën e Turqisë janë dy pllaka tektonike të cilat krijojnë thyerje të cilat janë shkaktare të tërmeteve që ndodhin në Turqi, duke qenë se janë thyerje të mëdhaja clirojnë energji të mëdha.

Por nuk kanë lidhje me tërmetet që ndodhin në Shqipëri./abcnews.al

etjen-emergjencat-1280x652.jpg
nev ila09:17 | 27/01/2020

I ftuar në ABC-ja e mëngjesit me Enkel Demin mëngjesin e sotëm ishte i ftuar zv/ministri i jashtëm Etjen Xhafaj. Zv/ministri foli për procesin e rindërtimit pas tërmetit të 26 nëntorit, cilat faza kanë kaluar dhe në cilat pritet të vijojë puna më tej.

Gjithashtu Xhafaj tha se është përgatitur drafti i dëmeve të konstatuara të cilin do ta paraqesin në konferencën e donatorëve në 17 shkurt.

Po ashtu zv/ministri tha se Turqia nuk është tërhequr nga ndihma e ofruar më parë për ndërtimin e 500 shtëpive edhe pse shteti turk po përballet ditët e fundit me pasojat e një tërmeti shkatërrimtar njëlloj si Shqipëria.

Pjesë nga biseda në studio:

Enkel Demi: Nga Turqia nuk ka kthim pas dhe jeni duke bërë studimin e terrenit, kur nis ndërtimi?

Etjen Xhafaj: Plani është që puna të nisë në fillim të marsit, aktualisht është duke punuar. Është e domosdoshme të përfundohen projektet arkitekturore që të mos kthehemi më tek kontrolli i pakontrolluar i territorit. Po kryhen studime sizmiologjike. Zona e parë nga ku do të nisë ndërtimi është qyteti i Laçit. Aty ku do të fillohet do të ketë zhvillim të gjerë, me godina cilësore dhe me kushtet më të mira.

Enkel Demi: Po përgatitemi për konferencën e 17 shkurtit. Është artikuluar edhe një faturë prej 1 miliard euro, ajo që duhet të dimë është se këto para do jenë para cash apo ju jeni duke paraqitur projekte konkrete donatorëve?

Etjen Xhafaj: Sipas të gjithë metodologjive, jemi në fazën e parë në atë të menaxhimit të çdo emergjence civile me spektër të gjerë dhe me impakt të gjerë territorial që ka të bëjë me menaxhimin e menjëhershëm të zhvendosjes së njerëzve. Muajin e dytë fillohet bëhet vlerësim më i thellë i dëmeve.

Këtu fillon dhe krijohet një faturë financiare se cilat kanë qenë dëmet e konstatuara. Në këtë fazë shihet çfarë mund të bëhet në godinat që kanë patur dëmet. Vlerësimi nuk ka të bëjë vetëm me dëmin infrastrukturor por shihet edhe më gjerë edhe nga zhvendosja demografike.

Është përgatitur drafti i parë i raportit të impaktit të dëmeve, raporti është dokumenti bazë ku do të shkohet në konferencën e donatorëve ku do të flitet me kapituj të veçantë për dëmet e shkaktuara.

Vlerësimi për dëmet nga tërmeti nuk është ende final, përpjekja shtetërore për të mbledhur të gjitha ndihmat  është e vazhdueshme.

Ne kemi parë disa nga takimet e komitetit të rindërtimit për të barazvlerësuar, kontrolluar, koordinuar impaktin e ndihmave në terren për qytetarët, për të pasur mundësi të dalim nga kjo situatë sa më shpejt./abcnews.al

kalaja.jpg
ger ta08:22 | 27/01/2020

Aktivisti Aulon Kalaja ishte i ftuar në “Abc-ja e mëngjesit” me Enkel Demin për të folur për situatën, teksa kanë kaluar 2 muaj pas tërmetit tragjik.

Që në ditët e para të tërmetit të 26 nëntorit, Kalaja dhe aktivistë të tjerë u pozicionuan në fshatin Bubq të Fushë-Krujës një ndër zonat më të prekura nga tërmeti, por fatmirësisht pa humbje jete.

Gjatë gjithë këtyre javëve ata kanë kountribuar në sigurimin e ushqimit për të prekurit. Ndërkohë, që tashmë aktivisti propozon ngritjen e disa shtëpizave përkohësisht për banorët.

“Duhet kaluar nga pjata e gjellës e cila nuk është zgjidhje. Të kalojmë te zgjidhja konkrete që është kjo lloj shtëpize që ne kemi propozuar që të vazhdojnë jetën. Ka kaluar koha e emergjencës, e pjatës së supës, por nuk është zgjidhje”, tha Kalaja.

Po ashtu aktivisti u shpreh se në Bubq është e nevojshme një shkollë, pasi fëmijët janë të detyruar të shkojnë me autobusë në Fushë-Krujë. Siç thekson ai, shkolla do të ndërthohej nga kënëgtarja Bebe Rexha, por kjo e funit nuk u mbështet nga qeveria.

“Duhet një shkollë aty, nxënësit shkojnë me autobuse në Fushë-Krujë. Bebe Rexha e propozoi për të ndërtuar shkollën, por e vetmja gjë, mëkati i saj ishte se nuk bashkoi lekët me qeverinë sepse nuk kishte besim”, tha Kalaja./abcnews.al

kurtio.jpg
in a09:24 | 24/01/2020

Përfaqësuesi Special i presidentit të SHBA-së, Donald Trump, për dialogun Kosovë-Serbi, ambasadori Richard Grenell duket se për vizitën e tij në Kosovë ka zgjedhur të mbajë një qëndrim të distancuar nga media.

Në një lidhje me “ABC e mëngjesit”, analisti Albinot Maloku theksoi se Grenell ka mbajtur një qëndrim të distancuar nga media dhe se  diskutimet ishin të përqëndruara më shumë te çështja ekonomike.

“Edhe nga media u distancua, është përqëndruar më shumë të zhvillimi ekonomik. Grenell si punë kyçe ka çështjen e dialogut mes Kosovës dhe Serbisë. Mësohet se ka pasur diskutime për çështjen e formimit të qeverisë së Kosovës gjë e cila tashmë është shumë e rëndësishme. Kjo tejzgjatje nuk është pritur të ndodhte. Ende nuk ka konkretizim të hapave”, u shpreh Maloku.

Ndërsa sa i përket reagimeve për taksën ai u shpreh se taksa ishte si pasojë e rrethanave. Deri tani nuk ka pasur një qasje racionale. Vendimi i qeverisë Haradinaj ka qenë një lloj pengese për të ndaluar Serbinë në raport me çështjen e Kosovës. Nuk ka pasur deri më tani një qasje të ndryshme, përveç zotit Kurti i cili ka thënë se kjo taksë do të konvertohet.

/abcnews.al

sefo-1280x541.jpg
in a09:00 | 24/01/2020

Pas vizitës në Kosovë përfaqësuesi special i presidentit të SHBA-së, Donald Trump, ambasadori Richard Grenell tashmë ndodhet në Serbi.

Gazetari Idro Seferi në një lidhje me “Abc e mëngjesit” tha se në Beograd Grenell shihet si mbështetës i politikës.

“Ambasadori Granell do të takohet më Vuçiç, dhe pritet që të ketë kërkesë për Serbinë që të ndalojë mosnjohjen e Kosovës. Pritet të shohim si do të jenë porositë konkrete dhe si do të jetë vazhdimi i dialogut. Në Serbi ai shihet si një diplomat për të ekzekutuar kërkesat e Washingtonit dhe jo më për të bërë diplomaci. Deri më tani e vetmja gjë konkrete është marrëveshja e arritur për linjën ajrore Kosovë – Serbi”, raportoi gazetari.

Në Serbi presidenti Donald Trump duket si njëriu më i besueshëm nga administrasta amerikane, egziston një lloj simpatie dhe ka marrë ftesën e Presidetit Vuçiç për të vizituar vendin./abcnews.al

ko.jpg
in a08:40 | 24/01/2020

Najada Çomo, shefe e shërbimit Infektiv në QSUT, e ftuar në emisionin “ABC e Mëngjesit” me Enkel Demin thotë se jemi në situatë ku po shkojmë drejt një epidemie.

Çomo theksoi se gripi është një sëmundje serioze e cila duhet të ketë vëmendjen e popullatës. Ajo u shprehet se ka tre ka komplikacione të mëdha që janë prekja e mushkërive, e trurit dhe prekja e muskujve të zemrës.

“Viruset A dhe B janë me koplikacione më të mëdha, janë më të shpërndarë në vite kohore. Jemi në një situatë që po shkojmë drejt epidemisë, me një fluks pak më të shtuar. Është një grup i madh i popullatës që nuk janë vaksinuar dhe kjo ndikon në shtimin e personave të prekur nga gripi”, tha Çomo.

Më tej ajo u shpreh se ka disa kritere që të shfaqet një epidemi, së pari duhet të jemi në sezon, të kemi dhe një shtrirje të caktuar, ndërsa theksoi se tashmë jemi në kohën që po hyjmë në fluksin e shtuar.

“Mos të frekuentohen vendet me publik të madh dhe me persona që janë të sëmurë. Duhet ti kushtojmë vëmendje kushteve higjeno-sanitare, ushqyerja të jetë në kushte shtëpie”, tha Çomo.

Gjatë bisedës në studio me Enkel Demin, Çomo  u shpreh se shqetësimi për virusin në Kinë është shumë i madh. Prekja më e madhe është pamajftueshmëria e funksionit të mushkërisë.

“Flasim për një epidemi në një vend të largët të cilët kanë marrë masa. Si shtet kanë marrë masa drastike. Sa i takon popullatës kineze që jëton në Shqipëri nuk ka asnjë arsye për të pasur frikë. Për fat të mirë qeveria kineze ka marrë masa të fusë në “karantinë” qytetet që janë të prekura nga koronovirusi. Çështja është se a do të kemi transmetim të virusit nga njeriu te njeriu, dhe atëherë kjo do ta shtonte problematikën. Ne e kemi shumë të pakët mundësinë për tu infektuar nga koronovirusi”, tha ndër të tjera Çomo./abcnews.al

sho.jpg
in a08:03 | 24/01/2020

I ftuar në “ABC e mëngjesit” me Enkel Demin, logopedisti Erges Eskiu ka folur për disa nga problematikat që hasen në orët e mësimit, disa prej të cilave shkaktohen prej fëmijëve të cilët janë të pavëmendshëm ndaj mësimit dhe shpeshherë kthehen edhe në problematikë.

Eskiu theksoi se udhëzimi i Ministrisë së Arsimit duhet ti japë një tjetër rol mësuesit, të zhvilohen sa më shumë trajnime dhe se metodat e mësimdhënies të mos mbeten autodidakte.

“Ka dalë një udhëzim që të mos nxjerrin fëmijët nga klasa, por Ministria e Arsimit duhet ti japë një alternativë edhe mësuesit. Sepse mund të pengohet mbarëvajtja e mësimit. Çfarë duhet të bëjmë për të tërhequr vëmendjen e fëmijës për tu përqëndruar në mësim. Një mësues i mirëinformuar me metoda alternative do ta bënte nxënësin të shkonte më me qejf në shkollë”, u shpreh Eskiu.

Më tej ai tha se nëse një fëmijë do të merrte dështime të njëpasnjëshme, merr disa zhgënjime apo përjashtime nga grupi, fëmija humbet motivin për të shkuar në shkollë, ndaj edhe është e rëndësisme që mësuesi të ketë një alternativë, tha Eskiu. /acbnews.al

blerta-1280x720.jpg
in a10:04 | 23/01/2020

Presidenti i Kosovës, Hashim Thaçi, ka pritur mbrëmjen e djeshme të dërguarin special të presidentit Donald Trump për dialogun mes Kosovës dhe Serbisë, ambasadorin Richard Grenell.

Vizita e tij në Kosovë vjen pas arritjes së një marrëveshje për hapjen e linjës ajrore Prishtinë-Beograd.

Në në lidhje me “ABC e mëngjesit” me Enkel Demin, gazetarja Blerta Dalloshi Berisha raportoi se ambasadori është shprehur se në interes të tij është dialogu mes Kosovës dhe Serbisë.

Gazetarja bën me dije se Vetëvendosje ka deklaruar se është më e rëndësishme cilësia e marrëveshjes se sa afatet kohore. Ka pasur disa thumbime mes SHBA dhe Vetëvendosjes. Kujtojmë që Matthew Palmer, kishte deklaruar se investimet e huaja varen kryesisht nga marrëveshja Prishtinë Beograd, “ndërsa mbetet për tu parë se si do të reagojë sot Albin Kurti dhe ambasadori Richard Grenell”, raportoi gazetarja Blerta Dalloshi Berisha./abcnews.al

trebi-1280x607.jpg
in a09:20 | 23/01/2020

Aktori, Alfred Trebicka i ftuar në “ABC e Mëngjesit” me Enkel Demin ka treguar detaje të veprës “Hedda Gabler”, e cila do të shfaqet në Teatrin Kombëtar Eksperimental. Trebicka tha se ende është duke u punuar dhe pritet që pas pak ditësh të jetë premierë.

Sipas tij një nga shtyllat e veprës është pushteti i individit për të sunduar.

Për aktorin “Hedda Gabler” është vepra më e mirë e shkruar nga Henrik Ibsen.

“Personaliteti i qënies mund të zbërthehet, por nuk mund të gjykohet. “Gabler” nuk është thjesht një dramë pasioni apo dashurie. Ibsen në këtë vepër meret me raportin e qënies me veten dhe me ambientin. Dashuria apo pasionet janë pjesë, por gjëja më kryesore, ëhstë pushteti i individit për të sunduar ndaj të tjerëve”, u shpreh Trebicka.

Ai thotë së e veçanta e këtij projekti qëndron në faktin se nuk është në formatin klasik. “ Në thelb të veprës qëndron qënia njerëzore që është universale”, tha Trebicka.

/abcnews.al

 

maksi.jpg
in a08:52 | 23/01/2020

Studentët e universiteteve pubike shqiptare u janë rikthyer protestave për ta detyruar qeverinë e kryeministrit Rama të përmirësojnë kushtet e mësimit.

Ata kanë folur për “ABC News”, ku edhe janë shprehur se protestat nuk do të ndalen.

“Kemi qënë pak sepse kemi pasur sabotime nga ana e pedagogëve Partiakë apo opozitarë nuk ka pasur, kemi qenë të gjithë për të kërkuar të drejtat tona. Nesë do të kishte partiakë do të kishte udhëheqës”, u shprehën studentët.

Studentët thanë për gazetarin Maksi Rama se pedadogët kanë bërë presione për të mos lejuar zhvillimin e protestës.

Pyetje: Si ka qenë reagimi i studentëve që nuk ishin të pranishëm dhe pedagogëve?

Studentët: Kanë bërë presione, kanë mbyllur dyert që të mos dalin studentët në protestë.

“Deri tani kemi mbledhur 5 mijë firma, synojmë mbledhjen e 20 mijë firmave të cilat do të shkojnë në Parlament. Gjatë këtyre dy javëve do të arrijmë ti mbledhim. Protestat nuk kanë mbaruar pritet që të jenë më shumë”, u shprehën ata.

Pyetje: A ka pasur reagim nga Ministria e Arsimit?

Studentët: Deri tani asnjë institucion ende nuk ka reaguar, qëllimi kryesor është të mbledhim 20 mijë firma dhe ti çojmë në parlament. “Pakti për Universitetit ishte propozim i qeverisë dhe jo i jonë dhe asnjë pikë nuk është plotësuar”, thanë më tej studentët./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono