ABC-ja e Mëngjesit

do.jpg
in a08:07 | 10/12/2019

E ftuar në “ABC e mëngjesit” me Enkel Demin, Mimoza Koçiu shprehet se OSBE ka reaguar vazhdimisht ndaj deklaratave të kryeministrit Rama për projektligjin për mediat. Ajo theksoi se propozimi i parë i ligjeve ishte kontrolli i lajmit nga një përfaqësues i shtetit për të vendosur nëse ishte i paanshëm dhe brenda normave të moralit.

Koçiu gjithashtu thekosi se Shoqata Europiane e Gazetareve ka reaguar për ndaj vendimeve të Ramës, por ende pritet një përgjigje.

Ndërkohë që një ligj për median online që nuk egziston, ajo thekson se se kush e dënon kryeministri që i quan mediat “tualet”. Ka AMA të njëjtën ndjeshmëri ndaj reagimit te kryeministrit, shprehet Koçiu.

“Nuk ka transparencë për ERTV që tek momenti se si prodhohet sinjali i aktiviteteve të kryeministrit. Ka informacione se e prodhon TV publik TVSH, pra taksat e shqiptarëve për transmetuesin publik përdoren për ERTV e kryeministrit, tha Koçiu.

“Sa herë që kryeministri Rama vendoset përpara detyrimit për të dhënë një përgjigje, ka prodhuar gjithmonë narrativën që mediat janë një “kazan”, shprehet ajo./abcnews.al

mite.jpg
in a10:48 | 09/12/2019

E ftuar në “ABC e mëngjesit” me Enkel Demin, doktoresha Otilia Dekovi ka shpjeguar lindjen e fëmijë in vitro. Ajo thekson se është një proces që i vjen në ndihmë çifteve që kanë vështirësi në lindjen e fëmijëve.

Procedura in vitro është një mundësi për çiftet dhe po vazhdon rritjen e saj të suksesit, por janë detajet që bëjnë diferencë pasi trajtimi i bërë si duhet ndihmon në realizmin e procesit.

“Nëse pas një viti marrëdhënie çifti nëse nuk arrin në shtatëzani duhet të kërkojë ndihmën e mjekut”, tha ajo.

Ndër të tjera doktoresha shpjegon se arsyet ende nuk janë plotësisht të qarta se përse çiftet kanë vështirësi në lindjen e fëmijës. Ajo thekson se  40% ndikon faktori mashkull, 40 faktori femër dhe 20 % mbetet ende e  paverifikuar.

“Ka një rritje të numrit të rasteve dhe duhet një stimulim i mirëfilltë për të evidentuar shkaqet, ndoshta edhe mosha e rritur e femrave ndikon”, shprehet ajo.

“Fëmija që lind nëpërmjet procedurave të bashkimit in vitro është një fëmijë bilogjik i çiftit. Sepse është arritur si bashkim i qelizave të tyre dhe ky bashkim është arritur në mënyrë laboratorike. Eshtë thjesht një ndihmë për këta prindër. Duhet të bëhët trajtimi i duhur dhe në momentin e duhur në mënyrë që të lindin një fëmijë të shëndetshëm”, tha Dekovi.

Ndër të tjera ajo thekson se nuk dihen ende përgjigjet se përse ndodh që të mos realizohet fertilizimi in vitro, por një arsye mund të jetë për shkak të moslidhjes së një filli, theksoj se numri i fëmijëve in vitro ka ardhur në rritje, shprehet ajo.

IVF , bashkimi i qelizës femërore të vezës në kushte laboratorike, nuk ka nevojë që të gjitha gratë të stimulohen në të njëjtën mënyrë, shprehet Dekovi./abcnews.al

abc-1.jpg
in a08:32 | 09/12/2019

I ftuar në “ABC e mëngjesit” me Enkel Demin Pedagogu Niko Pojani ka folur për tërmetin që tronditi vendin. Ai shprehet se pavarësisht se tërmeti ishte i fuqishëm duhet të jemi të përgatitur për ti përballuar fatkeqësitë natyrore.

Sipas tij shkaqet e dëmtimeve që ndërtimet kanë pësuar janë të ndryshme. Ndërtesat e dëmtuara lidhen së pari me materialet e ndërtimit, me mënyrën se si është realizuar procesi i ndërtimit të banesave, shprehet ai.

“Amortizimi që pëson çdo objekt me kalimin e kohës është një faktor që ndikon në përkeqësimin e banesave dhe për këtë arsye duhet të rishikohen”, tha ai.

Më tej ai u ndal të përforcimi i godinave duke theksuar se janë bërë abuzime duke shkelur kontrollet e lejeve të ndërtimit.

“Ka teknika që arrijnë ti japin fortësinë e duhur banesave duke i riparuar ato. Duhet të ngremë në një shkallë efektive institucionet e kontrollit. Një projekt duhet të studiohet, të kalojë në institucionin e kontrollit për të mos sjellë dëme të rënda.”, tha Pojani.

Ndërkohë Pojani thekson se është shumë e rëndësishme që ndërtuesit të aplikojnë paketën e eurokodeve, duhet të jenë të detyrueshme në vendin tonë.

“Eurokodet janë një paketë rregullash ndërtimi që në vitet ’90 pati publikimet e para ndërsa në 2010 u finalizua në të gjitha vendet e Bashkimit Europian”, shprehet Pojani.

Ndër të tjera ai thekson se në vendet europiane eurokodet për veprat publike janë të detyruara por edhe për ato private janë në tendecë detyrimi.

Ndër të tjera ai thekson se trendi rënës i magnitudës tregon që e keqja e madhe e tërmetit ka kaluar .

/abcnews.al

haradinaj8.jpg
in a07:57 | 09/12/2019

Kryeministri në detyrë Ramush Haradinaj ka njoftuar se do të kthehen 780 shqiptarë të cilat u vendosën në Kosovë për shkak të tërmetit që goditi vendin.

Gazetarja Blerta Dalloshi Berisha në një lidhje direkte me “ABC e mëngjesit” raporton se kthimi i qytetarëve po bëhet në mënyrë vullnetare. Tashmë çdo mjet është vënë në dispozicion të qytetarëve të cilët duan të kthehen në mënyrë vullnetare, ka njoftuar Haradinaj.

Së bashku më qytetarët që do të rikthehen do të niset edhe një tjetër sasi ndihmash për familjet e prekura nga tërmeti./abcnews.al

arta-dollani.jpg
ger ta10:46 | 06/12/2019

Tërmeti i 26 Nëntorit, ka shkaktuar dëme të mëdha në monumentet e kulturës. Për të folur për këtë situatë ishte sot në “Abc-ja e Mëngjesit” me Enkel Demin, Arta Dollani, drejtore e Institutit të Monumenteve.

Dollani bëri me dije se kanë psuar dëmtime, kalaja e Krujës, ajo e Prezës dhe kulla në Durrës, ndërsa është vënë perimetri i sigurisë.

Objektete dhe monumentet e Kulturës janë të dëmtuara, kulla C në Durrës, janë shkëputur pjesë. Rikuperimi i objekteve të kulturës është i ndryshëm nga ai i banimeve, merr një kohë më të gjatë.

Të sigurojmë objektin që të mos ketë më dëmtime të mëtejshme  dhe më pas të sigurojmë restaurimin. Mënyrat e ndërhyrjes janë të ndryshme.

Amfiteatri në Durrës në pamje të parë nuk duket se ka pësuar gjë, por do presim edhe ekspertë ndërkombëtarë.

Kruja hyn te grupi i vogël i monumenteve që kanë dëmtime. Kulla në kalanë e Krujws, ka probleme ka pasur çarje të mureve, rënie, çarje shumë serioze dhe kemi vendosur një perimetër sigurime. Kulla paraqet dëme shumë serioze këtë duhet ta themi, por nuk është e parikuperushme.

Kalaja e Prezë, tjetër monument që u dëmtua nga ky tërmet. Kupola e kullës u shkëput dhe një pjesë e mureve janë çarë, por paraqet dëme të të vogla. Edhe aty është vendosur një perimetër sigurie”, u shpreh Dollani./abcnews.al

arben-zenelaj.jpg
ger ta08:41 | 06/12/2019

Arben Zenelaj, Drejtor i spitalit të Traumës, ishte sot në studion “Abc-ja e Mëngjesit’ me Enkel Demin, ku diskutuan për situatën e tërmetit të 26 nëntorit.

Spitali i Traumës priti një numër të konsiderueshëm të pacientëve që mbetën të plagosur nga tërmeti i 26 nëntorit. Mes të tjerah Zenelaj u shpreh se brenda një ore stafi i spitalit u dyfishua.

Ndërkohë, i pyetur nga Enkel Demi për rastin e Saimir Grekut i cili doli i gjallë nga rrënojat, por humbi jetën në spital, mjeku tha se kjo vjen nga dëmtimi i indeve.

Pjesë nga biseda në studio:

Kjo është e ndryshme për faktin se i gjithë stafi ishin të përfshirë vetë në këtë ngjarje, ishte një tërmet që na preku të gjithëve. Gatishmëria ka qenë e plotë që në momentin e parë. Brenda një ore stafi i spitalit është dyfishuar.

Ajo që të bën përshtypje, përveç njerëzve që patën trauma të forta kishte një dyndje të madhe njerëzish që ishin të frikësuar dhe ju nuk kthyet asnjë mbrapsh. Ku e gjenit kohën?

E vërtetë është që ajo ju thoni ne jo vetëm që nuk kthyen askënd por ofruam një shërbim maksimal për të gjithë, u krijuan disa urgjenca brenda minutave të para të ngjarjes. Në atë moment u dyfishua numri i shtretërve në urgjencë . Mund t’ju them edhe një detaj që askush nuk e ka konstatuar atë ditë. Ne diferencuam edhe familjarët e pacientëve që ishin më rëndë nga ata që ishin më lehtë. Ata që ishin më rëndë ne i mbajtëm më afër dhe shumë merreshin me qetësimin e familjarëve. Une kam bërë dy dalje publike atë ditë.

Ne ekemi përjetuar shumë keq se e përjetuam me një gëzim të madh nxjerrjen nga rrënoja të Saimir Gregut dhe ai iku shpejt në spital, por humbi jetën. Pse vdes njeriu pasi ia del t’u mbijetojë rrënojave?

Kryesisht pacientët që qendrojnë për një periudhë të gjatë nën pesha të rënda, mund tii rezistojë transportit, por ndryshimin në qeliza janë të parikuperushme, reagojnë indet e buta, nuk mjaftojnë vetëm thyerje, muskujt ligamentet që shkaktojnë dëmtime të tilla që reagojnë te veshkat. Reagojnë duke prodhuar toksina që bllokojnë funksionin e veshkave.

Ju i ndani emergjencat në bazë të ngjyrave, kjo besoj ishte ngjyrë e kuqe, ju bëheni aktivë?

Padiskutim.

Ne raportonim nga sptali dhe kishte edhe informacione nga spitali, ju nuk e bllkuat?

Jo nuk shtë bërë ashjë veprim, sigurisht duhet të ishim të kujdesshëm në dhënien e infmacionit. Duhet të ishim të kujdeshshëm që ata që vinin të ishin të përcaktura nga vinin.

Patët humbje njerëzore?

Patëm dy humbje njerëzore, që në momentet e para i përcaktuam se ishim pothuaj të pamundur për t’ja dalë. Përcaktuam edhe pacientet që mund të transportoheshin dhe ata që nuk do ia dilnin.

Transportimet si bëhen në raste të tilla?

Situatat emergjente bëjnë edhe veprime emergjente. Vërtet që nuk kishin dokumente, por  vinin më pas, e rëndësishme ishte shërbimi shëndetësor ndërmjet tyre.

A ju tha njeri falemenderit në fund të ditës?

Patjetër që na thanë, ka qenë kryemimistri, ministrja. Kemi edhe veprime që duhet t’i përmrësojme. Veç falenderimit ne kemi edhe anën tjetër që e shihim me një ndjenjë tjetër për të përmirësuar punën në të ardhmen./abcnews.al

 

armando-vokshi-enkel-demi-1280x609.jpg
nev ila09:21 | 05/12/2019

I ftuar në studio me gazetarin Enkel Demi në ABC-ja e mëngjesit ka qenë kryetari i shoqatës së arkitektëve Prof. Asoc. Armando Vokshi.

Vokshi foli për nismën më të re që shoqata e arkitektëve i ka bërë propozimet e saj qeverisë për përmirësimin e legjislacionit për ndërtimet. Shoqata e arkitektëve është përfshirë në komitetin e rindërtimit.

“Ka një potpuri ndërtimesh dhe secili nga ata është rast më vete studimi. Tani që flitet i kujt është faji, mendoj që është një hulumtim që duhet bërë nga profesionistët. Shumica e pallateve i rezistoi tërmetit dhe ndaj dua të falënderoj inxhinierët të cilët kanë ndërtuar pallatet që i rezistuan stuhisë së tërmetit, i kanë rezistuar ndërtime të ndërtuara para viteve 90 dhe pas 90-ës. Inxhinierët kanë filluar ti ndajnë dhe ti kategorizojnë në ato të dëmtuara shumë dhe ato më pak dhe në ato që duhen rikuperuar”, tha Vokshi.

Enkel Demi: Ju keni bërë një paketë propozimesh ndaj qeverisë?

Armando Vokshi: Duhet kuptuar që dëmet janë të mëdha. Pasi të mbaroj periudha e emergjencës do të vij një fazë e dytë përsëri tepër e vështirë. Gjithmonë këto fundet e katastrofave dhe luftërave kthehen në një luftë progresive. Ne si shoqatë e arkitektëve, mendojmë që është momenti i duhur, për të ndërhyrë, për të plotësuar boshllëqet, që janë lënë pas dore, si nga pikëpamja ligjore, si nga ajo ndërtimore. Kemi nxjerrë disa pika, që mendojmë se janë shumë të vlefshme. Pasi të kemi parë dëmet, dhe familjet pa shtëpi, atëherë shteti mund të hapë, dhe të krijojë lagje të reja. Ka ardhur koha që ti japim vendin e duhur personave që janë të kualifikuar, të mirëpaguhen. Kur nuk ka fatkeqësi duket sikur janë parazit këta njerëz ndërsa kur ndodhin i vendosim në krye të tavolinës. Në rast se do bëhen lagjet e reja, do të ishte mirë që të organizoheshin konkurse, për tu zgjedhur ideja më e mirë, ku të marrin pjesë të gjithë.

Enkel Demi: Pra kjo që ju propozoni është ta rithemelosh tregun.

Armando Vokshi: Janë disa pika, që ne kemi hedhur në tavolinë, janë të gjitha të negociueshme. Pika të tjera me siguri do dalin rrugës. Deri tani kahja, ka qenë kundrejt fitimit, përfshi dhe arkitektët, dhe pjesa që ka humbur, është pjesa e ndërtimit. Nuk kemi parë se si të ndërtojmë një qytet të qëndrueshëm, dhe të jetueshëm./abcnews.al

raul-gonzales.jpg
ger ta09:53 | 04/12/2019

Në studion e “Abc-ja e mëgjesit” me Enkel Demin, Raul Gonzales, drejtuesi i Zyrës së OBSH-së në Shqipëri u pyet për deklaratën e Kryeministrit i cili u tha banorëve se “nuk ka bërë vaki noj herë që të goditurit nga termeti të strehohen në hotele me 5 yje”. 

“Nuk e kam dëgjuar, por po ta kisha parë do thosha çfarë formimi ka ky njeri?”, tha Gonzales.

Enkel Demi e informoi se këtë shprehje e ka thënë kryeministri…

“Do thoja është e papërshtatshme”, shton Gonzales.

I pyetur nga Enkel Demi për mënyrën e sjelljes së politikanëve në situata të tilla, ai u shpreh se sjellja e politikanëve duhet të jetë korrekte.

Pjesë nga biseda në studio:

Frika nuk duhet të na paralizojë, frika është mëse normale dhe ne duhet ta kalojmë. Cfarë është bërë është shumë e mirë. Kemi parë që ministrja e Shëndetësisë ka siguruar një përgjigje shumë të shpejtë dhe shumë të efektshme. Dëshiroj të theksoj përgjigjen e shpejtë mjekësore. Diçka tjetër që dua të theksoj është mënyra se si ministrja ka mbështetur vazhdimësinë e shërbimeve.

Puna e psikologëve është që të bëjnë njerëzit të kuptojnë se frika është normale. Është normale se personi nuk do të kthehet në shtëpi se ka parë një të carë të madhe, por qeveria ka për dertyrë të cojë ekspertë. Pikërisht qeveria po merret me këtë punë.

Mund të themi se nuk kemi një krizë mjekësore?

A kemi një krizë mjekësore, ministria ka ndërhyrë për të penguar një pezullim të shërbimeve. Spitalet janë të dëmtuaram disa. Ka një mënyrë, është e mundur që të rindërtohet struktura dhe të ms ndërpritet shërbimi. Ne po ndihmojnë ministrinë të riparojë disa ambulanca.

 Si kanë reaguar shqiptarët, ku pas fatkeqësisë, vetëm njëri nga viktimat ka humbur jetën nga infarkti? Nuk kanë pasur probleme të tjera, është një shenjë e mirë?

Është një shenjë e mirë, nuk është kriza e parë që po përjetoj. Ju e patë se si u solidarizuan njerëzit për ushqim, këtu njerëzit kujdesen për të tjerët. Ky solidaritet është shumë i mirë për popullin shqiptar. Nëse shumë kriza që kam kaluar njerëzt përpiqen të shpëtojnë kokën e tyre. Vetëm një person vdiq nga zemra. Këta 51 viktima kanë qenë shkatërrues për familjet që kanë humbur të dashurit. Qeveria ka shmangur edhe një katastrofë më të madhe. Njerëzit që kanë pasur probleme kardiake kanë marrë shërbimin e tyre të mëparshëm. Duhet të shkosh në Thumanë dhe Durrës për të parë dimensionin e kësaj katastrofe. Duhet të punojnë për rindërtimin.

Qeveritarët shkojmë të takojnë të dëmtuarit dhe vëj re që trauma pas tërmetit nuk përllogaritet, këtyre ju thuhet “shko në hotel”, “shko në shtëpi” dhe ata tkurren menjëherë. Nuk duhet të përgatisim edhe pushtetarët para se të takojnë njerëzit?

Patjetër që ne kemi shembuj nga më të ndryshmit. Kemi pasur politikanë të aftë, dhe ka pasur edhe të tjerë që kanë dhënë vetëm urdhra. Por kjo nuk ndodh vetëm në Shqipëri. Ne duhet të kujdesemi që politikanët të kujdesen siç duhet. Kemi parë disa qytete ku njerëzit e kanë tepruar kur kanë folur për personat që kanë humbur jetën. Mirëpo, ne duhet të kemi politikanë të aftë që dinë të menaxhojnë këto kriza./abcnews.al


blerta.jpg
ger ta09:40 | 04/12/2019

Në emisionin “Abc-ja e Mëngjesit’ me Enkel Demin ishte sot në studio Blerta Cara, përfaqësuese e kompanive imobilare.

Për shkak të pasojave të rënda të tërmetit të 26 nëntorit, por edhe panikut të shkaktuar, ajo tha se ka një fluks të madh të kërkesave për banesa me qira. Blerta theksoi se qyetatarët janë të interesuar për kate të ulëta.

Të gjithë klientët janë të predispozuar për kate të ulëta dhe mundësisht të mos kishin banesa të tjera përreth. Vazhdojmë të kemi kërkesa dhe nuk po e mbulojmë dot tregun”, tha ajo.

E pyetur se nëse tani apartamentet e kateve të ulta kanë pësuar rritje të qirasë, ajo tha se deri më tani nuk ka pasur ndryshim të çmimit.

Nuk kemi luhatje, por tani janë edhe ata persona që i kanë apartamentet dhe nuk janë me këmbë në tokë. Momentalisht është shenjë frike. Ndërrimi i stilit të jetetës do të jetë besoj ndryshimi i pallateve. Zgjidhja do të jenë vilat. Jemi edhe ne pak të hallakatuar duke qenë se edhe ata vetë nuk e dinë çfarë kërkojnë. Duan të lënë apartamentet e larta”, tha ajo, teksa shtoi se kërkesat e shumta janë në Tiranë.

“Në Tiranë kemi kërkesa, në Durrës ka shumë pak. Ata kërkojnë pallate që vërtet i kanë rezistuar tërmetit, ose kërkojnë vila. Të paktën personat që unë kam pasur konktakte preferojnë të mos largohen nga qyteti i tyre’, tha Cara, ndërsa shtoi se zonat që preferohen më shumë nga durrsakët për të lëvizur janë ato sa më afër qendrës.

Fokusi është ti afrohen qendrës dhe të largohen nga këto zonat e plazhit’, tha ajo./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono