Skënderbeu fiton gjyqin në KAS/ I kthehet titulli 2015-2016


10:05 | 13/04/2018

Skënderbeu fiton gjyqin e parë sportiv në Zvicër. Këshilli i Arbitrazhit Sportiv i kthen titullin e vitit 2016, hequr nga Komisioni i Etikës në Federatën Shqiptare të Futbollit. Reagimet dhe dyshimet.

Kjo festë mbetet zyrtare.

Kremtimi në maj të 2016-ës rikthehet sërish në fuqi, ashtu siç rikthehet titulli kampion i atij viti, me vendim të formës së prerë të KAS-it në Lozanë.

Skënderbeu fitoi gjyqin e parë të këtij viti, pas ankimimit të bërë për heqjen e Superligës nga ana e Komisionit të Etikës në Federatën Shqiptare të Futbollit.

Asnjë apelim nuk mund të bëhet, ndaj edhe festa në Korçë nuk pa pse të ndërpritet.

Klubi i Skënderbeut reagoi shpejt, por shkurt.

“Fitore, – shkruhej në faqen zyrtare në FB, – KAS ka pranuar kërkesën për të kthyer titullin e sezonit 2015-2016 të hequr nga Komisioni i Etikës! Të duam Skënderbe!”

Mbrojtësi Tefik Osmani ka gjetur një tjetër mënyrë për të festuar, duke postuar një foto të vetën me djalin në krah, dhe I biri sikur I thotë: Babi zgjohu, nuk të kam sjellë bukë lepurushi, por titullin 2015-2016”.

Presidenti Takaj u shpreh për mediat se “fitorja e titullit u arrit me gjak, si mund ta falnim”.

A pritej një vendim i tillë i Këshillit të Arbitrazhit Sportiv në Zvicër?

Për Skënderbeun nuk ka dyshim që po, ndërsa nga Federata besohet se pritej të mbetej në fuqi vendimi, kjo të paktën sepse Komisioni i Etikës është pjesë e saj.

Gjithsesi, burime pranë Federatës, bëjnë me dijë se mënyra e përpilimit të vendimit nga Etika ishte e tillë që dënimi të rrëzohej në KAS.

Skënderbeu tashmë shpreson të fitojë gjyqin e dytë në KAS, atë më të rëndësishmin, për dënimin e dhënë nga UEFA.

Korçarët do të apelojnë përjashtimin 10-vjeçar nga kupat e Europës dhe gjobën prej 1 milionë eurosh, ndërsa janë shprehur optimistë se do të dalin të pafajshëm.

Gjithsesi, në ndryshim nga gjyqi i parë, këtë herë dënimi është përpiluar nga vetë UEFA.

/abcnews.al

 

 


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono