Karta e studentit, Veliaj: Janë pajisur mbi 10 mijë studentë

15:00 | 12/06/2019

Në Universitetin Politeknik në Tiranë ka një bum aplikimesh për t’u pajisur me kartë studenti. Kryebashkiaku Erion Veliaj dhe ministrja e Infrastrukturës dhe Energjisë Belinda Balluku ndoqën nga afër procesin.

Më shumë se 10 mijë studentë në Tiranë sipas kryebashkiakut Veliaj janë pajisur me kartën e studentit. Rreth 2 mijë prej tyre studiojnë në Universitetin Politeknik. Këtu kryetari i bashkisë Erion Veliaj dhe ministrja Infrastrukturës dhe Energjisë, Belinda Balluku ndoqën procesin.

 “E kemi kaluar shifrën 10 mijë në të gjithë studentët e Tiranës, pra kemi nisur goxha mbarë. Shpresoj që deri në fund të qershorit, por edhe në korrik, kur vazhdon periudha e sezonit, do të kemi mundësi të bëjmë shpërndarjen e të gjitha kartave. Momentalisht kemi rreth 50-60 produkte ose ulje për shërbime publike të bashkisë, të Ministrisë së Kulturës, të enteve të tjera, kryesisht me fokus shërbimet publike për studentët, e thuajse po aq nga kompani private: kryesisht kancelari, dyqane veshjesh, supermarkete, restorante, dhe shërbime të tjera elektronike, që u vijnë në ndihmë studentëve”.

Ministrja e Infrastrukturës dhe Energjisë, Belinda Balluku bëri të ditur se do te ndihmoje ne shtimin e sherbimeve qe karta e studentit ofron me çmim te reduktuar .

“Përmes Ministrisë ne mund ta ndihmojmë këtë proces me subjekte që janë të lidhura me ne, për t’i lehtësuar dhe për të shtuar listën e subjekteve të cilat ofrojnë shërbim për kartën”.

Shpërndarja e kartave të studentëve do të vijojë deri në mbyllje të vitit akademik. /ABC News Albania 24/7



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono